Der andere Theil/
aber iſt/
Von der Regierung vnnd Verfaſſung eines
Lands vnd Fuͤrſtenthumbs/ in geiſt- vnd
weltlichem Stande.
Hierin befinden ſich nachfolgende Capitel.

Der dritte Theil/
Von eines Lands-Herrn eigenen Guͤtern
vnd Einkuͤnfften/ Vorzuͤgen vnd Regalien/ dardurch er
neben Fuͤrſtlicher vnd Herrlicher præeminentz, vnd Hoheit/ die Mittel
zu ſeiner Fuͤrſtl. vnd Standes gebuͤhrlicher Vnterhaltung vnnd er-
getzligkeit erlanget/ vnd wie er darauß ſein Cammer vnd
Haußweſen fuͤhret vnd beſtellet.

Cap. I.
Von dem Nahmen/ Vrſprung vnd Gelegen-
heit eines Fuͤrſtenthums vnd Lands.

DEr Nahme eines Fuͤrſtenthumbs pflegt mehrentheils zu entſtehen/1.
Woher der
Name der
Fuͤrſtenthuͤ
mer zu ent-
ſtehẽ pflege
entweder von dem Nahmen der Nation oder des Volcks/ oder von
der Reſidentz-Stadt oder Schloß/ oder auch einem alten Stam-
hauß des Geſchlechts/ durch welches ſolches Land beherrſchet wird/
oder vor Zeiten beherrſchet worden/ vnd dergleichen Euſſerlichen Vmbſtaͤn-
den mehr.

Der Vrſprung derſelben iſt bey dieſem Vorhaben nicht allzu weit vnd2.
Woher der
Vrſprung
einer lands
Herrſchaft
zu beſchrei-
ben.
auß den aͤlteſten Hiſtorien/ ſondern dahero grundlich zu holen/ durch was Gele-
genheit ein Fuͤrſtenthum oder Herrſchafft in den Stand/ groͤſſe vnd zu gehoͤrung
der Laͤnder/ wie es ſich jetzo befindet; Vnd an die ietzo regierende Herrſchafft
gerahten ſeye/ ob es noch in ſeinem alten Weſen/ wie etwan vor vielen Jahren
durch Keyſerliche Belehnungen/ oder andere Wege von den Vorfahren/ die
Herrſchafft erlanget worden/ beſtehe/ oder ob es durch Theilung/ vnd Erbfaͤllen/
newe Handlungen vnd Vergleiche/ erweitert oder vermindert ſey.

Bey der Gelegenheit oder Situation iſt nicht allein kuͤrtzlich anzuzeigen/3.
Wie die
Gelegen-
heit eines
Lands zu
beſchreiben
wie es in Teutſchland vnd in welcher namhafften Gegend vnd Kreyß deſſelben
es liege/ wie hoch der Polus oder Nord Stern allda ſtehe/ vnd wie es mit der Tag
vnd Nachts Laͤnge daſelbſt bewand ſeye/ davon in den Cosmographien vnd
Land-Karten Nachricht zu finden/ ſondern auch wie es begraͤntzet ſey/ wie die
Fuͤrſtenthumer vnd Benachbarten Landherrſchafften heiſſen/ daran es allent-
halben ſtoͤſſet/ vnd mit welchen Oertern des Fuͤrſtenthumbs ſolche an graͤntzung
geſchehe.

Hirzu iſt nun eine Außfuͤhrliche/ gruͤndliche Landtaffel/ in dem ſich auff4.
Von Ver-
faſſung ei-
die gedruͤckte vnd Gemeine gantz nicht zu verlaſſen ſtehet/ vnd ſolche mehren-
A ijtheils
[4]Teutſchen Fuͤrſten-Stats
ner Gene-
ral Land
Carte des
Fuͤrſten-
thumbs.theils mangelhafft/ falſch vnd Jrrig oderie gar zu General vnd alſo darinn viel
nothwendige Orten außgelaſſen ſind/ ſehr nothwendig/ vnd kan auß folgendem
Bericht von der Special vnd ſonderbarn Beſchreibunge der Aempter vnd Theille
deß Lands leicht abgeſehen werden/ wie die General Tafel des Fuͤrſtenthumbs
einzurichten ſeye/ maſſen/ dann auch die Special Marckung/ mit was fuͤr fluͤſ-
ſen/ Steinen vnd andern graͤntz Zeichen das Land an die fremde graͤntzet/ Auß
der Beſchreibung deſſelben Orts oder Ampts welches an der Grantze liegt/ auff
zu ſuchen iſt/ vnd der weitlaͤufftigkeit halben in die Ceneral Catta zu ſetzen/ ſich
nicht fuͤget.

Jn dieſer Land-Carta ſind auch nicht zu vergeſſen vnd in dieſem Capitel
mit zu vermelden die vornemſten Gebirge/ Waͤlder/ Ebenen vnd Gefilde/ Stroͤ-
men/ Fluͤſſe/ groſſe See/ vnd dergleichen merckwuͤrdige Dinge mehr welche im
Lande ſich befinden/ vnd ſonſt in deſſelben Geographiſche Beſchreibung gehoͤrẽ.

Cap II
Von denen ab- vnd Eintheilungen auch zu
gehoͤrigen Stuͤcken eines Landes.

DJe meiſten/ ſonderlich aber die groſſen Lande vnd Fuͤrſtenthuͤmer pfle-
gen ihre ſonderbahre Eintheilungen zu haben/ Theils nach der natuͤr-
lichen Gelegenheit derſelben wie ſie etwan durch Gebirge/ Waͤlder
oder Fluͤſſe vnterſchieden ſeyn/ dahero man einen Theil des Landes den
Obern/ den andern den Vntern oder diß vnd jenſeyt des Stroms nennet/
auß welcher Situation vnd ſonderung offters in denen Theilungen der Laͤnder
die Portiones oder Erbtheile ihre Verlaſſung haben/ oder ſonſt die alſo gleich-
ſam von Natur gemachte Theile mit abſonderlichen Regierungen vnd Bedien-
ten verſehen werden.

Oder es werden auch die Landſchafften in gewiſſe Creyſſe vnterſchieden/
deren Jeder einen beſondern Nahmen vnd verfaſſung/ oder wem zum Exempel
ein Fuͤrſtenthum von etlichen Graff vnd Herrſchafften zu ſammen gewachſen/
bleiben oͤffters ſolche Herrſchafften auch bey ihrem alten Nahmen vnd vorigen
Graͤntzen.

Gemeiniglich aber vnd nach Vhraltem teutſchem Gebrauch ſind die Teut-
ſchen Fuͤrſtenthumer in gewiſſe Aempter ab- vnd Eingetheilet/ alſo daß et-
liche
[5]Erſter Theil.
liche Staͤdte/ Doͤrffer vnd Flecken entweder wie ſie mit einander ererbt oder er-dero zuge-
hoͤrungen.
handelt/ oder ſonſt nach der Gegend vnd bequemligkeit zuſammen geſchlagen
vnnd einem Beampten zu verwalten anvertrawet werden. Da bey aber dieſe
vnterſchied zu mercken/ daß vnter ſolchen Aemptern zwar eigentlich die jenigen
Orter begrieffen ſind/ welche dem Lands Herrn ohne Mittel zu ſtehen vnd dar-
uͤber Er die alleinige Oberſte vnd nieder Botmaͤſſigkeit hat: Jm Fall aber/
wie in gar vielen Fuͤrſtenthumen in Teutſchland gebraͤuchlich/ auch vnter dem
Landsherrn vnd deſſen Hoheit andere Staͤnde/ von Prælaten, Graffen/ Herꝛn/
Ritterſchafften/ vnd Staͤdten begrieffen ſind/ die Jhre Vnterthanen/ vnd dar-
uͤber Gericht vnd Gebot haben/ pflegt man deroſelben Herrſchafften/ Schloͤſſer/
Staͤdte/ vñ Doͤrffer nit mit vnter die Aempter zu rechnẽ; Die Aempter vñ Herr-4.
Herrſchaf-
ften vnd
gerichte im
Lande.
ſchafften aber werden bißweilen wiederumb in abſonderliche Gerichte/ Volg-
teyen/ vnd vnter Aempter eingetheilet/ Jn einem ieden Ampt oder Herrſchafft
fallen nun folgende merckliche vnd namhaffte Stuͤcke vor/ alß Staͤdte/ Schloͤſ-
ſer/ Flecken/ Dorff ſchafften/ Weiler/ oder kleine Doͤrffer ohne Kirchen/ eintzele
Hoͤffe/ namhaffte Berge/ Waͤlder/ Fluͤſſe/ groſſe See.

Ob nun wol ein Jedes Ampt vnd Herrſchaft ſeine eigne auß fuͤhrliche Be-
ſchreibung billich haben ſoll/ ſo kan doch auß derſelben zu der General
Landsbeſchreibunge folgende bequemliche Tabell gezogen
werden;

Cap III.
Von der Arthafftigkeit/ vnd Fruchtbarkeit
des Lands.

DJe Fruchtbarkeit eines Landes ergiebt ſich auß der Beſchaffenheit des1.
Võ fruche
barkeit der
Laͤnder in
gemein.
Erdreichs vnnd der Witterung des Himmels/ gleich wie nun das
gantze Teutſchland dißfals mittelmaͤſſiger vnd guter Beſchaffenheit
iſt/ alſo ſind auch alle deſſen Laͤnder in gemein von Gott alſo geſegnet/
daß darinn allerhand Mittel zur menſchlichen Nahrung wol auff zu bringen/
gleich wol iſt auch deroſelben vnterſchied nicht zu verleugnen/ Jn dem bald die-2.
Vnterſchid
liche Be-
ſchaffenheit
der Lands
art.
ſes zum Ackerbaw/ jenes zum Weinwachs/ eines zur Viehezucht/ ein anders
zur Schiffart vnd Handlung beſſer vnnd bequemer gelegen iſt/ es iſt [faſt ke]in
Land vnd Fuͤrſtenthum welches nicht in einem Ampt vnd Bezi[rck anders als]
in dem andern geartet were/ dannenhero iſt nothwendig vnnd[kan auß denen]
Special Beſchreibungen der Aempter/ hieher kuͤrtzlich vnd Summa[riſch zum Be-]3.
Sonderba
re Stuͤcke/
welche in
der Be-
ſchreibung
der Frucht-
barkeit des
richt angemerckt werden/ ſo wol was ins gemein im gantzen Lande am me[iſt]en
zu wachſen vnd zu gerahten pflegt/ alß auch was von menſchlichen Lebens vnd
Narungs mitteln/ alß allerley Getreydig/ Wein/ Viehe/ Wildpret/ Fiſchwerck/
Ho[l]tzung/ an dieſem oder jenem Ort Landes am beſten oder haͤuffigſten zu ha-
ben vnd hingegen wo es mangelt vnd von andern Orten erholet werden muß/
BJn glei-
[10]Teutſchen Fuͤrſten Stats
Lands zu
mercken.Jngleichen was ſchaͤdliches ſich darinnen befindet: So auch das Land ſon-
derbare Gewaͤchſe vnd natuͤrliche Gaben hat/ damit es Handthierung treibt/
oder was ſich fuͤr Berg-Arten vnd mineralien Saltzwercke vnd dergleichen da-
riñ ereignen/ das alles kan vnd muß in dieſem Capitel mit angeſuͤhret werden.

Cap. IV.
Von denen Leuten/ vnd Jnwohnern des
Lands vnd deroſelben Eigenſchafften.

VOn der Ankunfft/ Art vnd [Z]uneigungen/ Tugenden vnd Laſtern der
Jnwohneren des Landes/ pflegt viel bey Alten vnd newen Scribenten
gedacht zu werden/ welches gleichwol offters ohne Grund/ auff vnge-
wiſſe Muthmaſſungen geſtellt/ vnd etwan von dem Exempel etlicher
allzugeſchwinde auff gantze Nation vnd Voͤlcker gezogen iſt.

Darumb in dieſem Capitel der jenige/ welcher ſeines Vaterlands Jn-
wohner nutzlich Beſchreiben will/ ſich mit ſolchen zweiffelhafftigen Dingen
nicht auff zu halten hat/ vnd bezeuget die Erfahrung/ daß an allen Orten gute
vnd boͤſe/ geſchickte vnd vngeſchickte/ fleiſſige vnd faule/ Kriegeriſche vnd verza-
gete/ Liſtige vnd einfaͤltige Leute durch einander gefunden werden/ ſo iſt auch in
einem kleinẽ Bezirck-Landes der vnterſchied abzunehmẽ daß in erlichẽ Gegendẽ
deſſelben mehr oder weniger von ietzt bemelter Beſchaffenheit anzutreffen ſeyn/
welches nicht ſo wol der natuͤrlichẽ Art der Leute alß etwa Jhrer Aufferziehung
vnd Nahrung zu zu ſchreiben. Findet ſich aber in einem Land durch langwie-
rige Auffmerckung/ daß die Jnwohner deſſelben mehrentheils zu dieſer oder je-
ner Geſchickligkeit Kunſt vnd Tugend oder im Gegentheil zu einem Laſter vnd
Mangel fuͤr andern geneigt ſind ſo iſt ſolches in Obacht zu nehmẽ gar fuͤrtraͤg-
[lich wie dann a]uch keinem verborgen ſein ſoll/ welcher Religion oder Glauben
[Bekandtnuͤſſe ]die Jnwohner des Lands zugethan ſeyn.

[Nothwen]dig aber iſt zu wiſſen der vnterſchied der Leute im Lande nach Gele-
[genheit Jhres] Standes da iſt nun/ nach gemeinem Gebrauch Teutſchen Lan-
des bekandt/ wie faſt aller Orten nechſt den Hohen Standes Perſonen vnnd
Lands Obrigkeiten dieſe dreyerley vnterſchiedene Staͤnde zu finden/ daß etliche/
Edelleute/ etliche Buͤrger/ etliche Bauren ſeyn/ Jn etlichen Landen vnd Fuͤr-
ſtenehumen haben die hohe Fuͤrſtl. Obrigkeiten auch Prælaten, Graffen vnd
Herrn
[11]Erſter Theil
Herrn vnter ſich/ in etlichen hingegen ſind nicht allein dieſe/ ſondern auch die
Edelleute von der Lands Fuͤrſtl. Hoheit/ vngeachtet ſie mitten im Lande woh-
nen/ befreyet: Derowegen muß allhie mit vnterſchied verfahren werden/ vnd
wofern nun der Landsherr voͤllige Bottmaͤſſigkeit uͤber alles was im Lande won-
hafft/ beguͤtert oder geſeſſen iſt/ von Alters her zu uͤben hat/ ſo iſt auch von noͤten/
daß Er alle ſeine Vnterthanen ohne an ſehen des Stands wiſſe vnd kenne/ da-
hero denn vmbſtaͤndliche Beſchreibungen/ was fuͤr Prælaten, Graffen/ Herrn
vnd Ritterſtands Perſonen im Lande iedes mahl ſeyn/ wie ſie Geſchlechts vnd
Nahmens wegen heiſſen/ vnd wo ſie wohnen/ verfaſſet werden; Wo bey denn
zu mercken/ daß ſo viel die Prælaten betrifft/ zum Theil vnd in denen Landen/ da
voͤllige Landſaͤſſerey iſt/ darunter verſtanden werden die Dom- vnd andere Capi-
tel der Stifft vnd Collegial Kirchen/ Abte vnd Proͤbſte der Cloͤſter/ welche3.
Etwas ei-
gentlichere
anzeige ſol-
ches vnter-
ſchieds.
Landguͤter vnd Herrſchafften haben/ vnd die Commenthum der Ritterorden/
auch wol die Biſchoffe ſelbſt/ wegen der Land vnd Herrſchafften/ welche vnter
der Lands Fuͤrſtl. Odrigkeit vnnd nicht ohne Mittel vnter dem Relch gelegen.
Jn denen Fuͤrſtenthumen aber/ wo die Lands-Obrigkeiten der Augſpurgiſchen
Confeßion oder der Reformirten Religion zu gethan ſind/ pflegen zwar etli-
cher Orten auch noch dergleichen Prælaten der andern Religion gefunden zu
werden/ ins gemein aber ſind ſolche Cloͤſter vnd Stiffter zu Aemptern der Lands-
Fuͤrſten gemacht/ oder Schulen darinnen auffgericht/ vnd eine Gelehrte Per-
ſon vnter dem Nahmen eines Abts oder Priorn dem ſelben Ort geſetzet; Deß-
gleichen werden auch die Collegia der Profeſſoren auff Hohen Schulen/ die
zu mahl im Lande mit Guͤtern vnd Herrſchafften begabt ſind/ vnter dem Nah-
men der Prælaten verſtanden/ vnd vor Landſtaͤnde gehalten/ die Grafen vnd
Herrn/ ob ſie gleich ſonſt Jhren Stand von dem Roͤmiſchen Keyſer erlangt/
oder auch anderswo/ Graff- vnd Herrſchafften haben/ daruͤber Sie keinen
Landsherrn ſondern allein das Reich zum Obern erkennen/ werden doch alß-
dann auch fuͤr Landsſtaͤnde vnd Vnterthanen der Teutſchen Fuͤrſten geachtet/
wenn ſie Herrſchafften beſitzen welche von Alters her/ der Hohen Lands-Obrig-
keit des Ores vnterworffen geweſen vnd noch ſind/ es moͤgen nun dieſelben zu
gleich von dem Landsherrn zu Lehen ruͤhren oder nicht.

Vnter denen von Adel iſt an denen Orten wo Sie der Lands Fuͤrſtlichen
Obrigkeit Vnterthaͤnig/ vnd nicht zur befreyten Reichs Ritterſchafft gehoͤrig
ſind/ der Vnterſcheid/ daß etliche/ vnd gemeiniglich die jenige/ welche zu Jhren
Guͤtern eigne Vnterthanen/ vnd daruͤber Gerichtliche hohe vnd nieder Bott-
maͤſſigkeit haben/ fuͤr eigentliche Staͤnde des Landes oder Cantzeley Saſſen/
welche dem Lands-Fuͤrſten allein ohne Mittel vnterworffen: Andere aber/
die zu mahlin den Dorffſchafften vnd Staͤdten der Lands-Herrſchafft geſeſſen
vnd beguͤtert ſind/ wenn Sie nicht durch Befreyung/ oder alt Herkommen den
B ijerſten
[12]Teutſchen Fuͤrſten-Stats
erſten gleich zu achten Ampts-Saſſen/ das iſt/ ſolche ſind die zu forderſt an des
Landsherrn Beampten oder auch die Prælaten vnd Graffen im Lande mit Ge-
bot vnd Gehorſam gewieſen/ vnd entweder nicht/ oder doch auff eine andere
Weiſe vnter die Lands-Staͤnde gerechnet zu werden pflegen/ vnd hindert hieran
nichts/ ob ſonſt Jhre Ritter Guͤter vom Landsherrn vnd deſſen Cantzeley oder
von den Aemptern deſſelben/ oder von andern Lands-Staͤnden/ oder auch von
außwertigen Fuͤrſten vnd HErrn zu Lehen gehen.

Bey dem Buͤrgerſtand iſt in acht zu nehmen/ daß die Staͤdt ſo nicht vn-
ter dem Roͤm. Keyſer vnd dem Reich ohne Mittel/ ſondern vnter denen Teut-
ſchen Fuͤrſten vnd Herrn gelegen/ Theils durch Jhre eigene von Jhnen ſelbſt
erwehlte/ vom Landsherrn aber beſtaͤtigte Raͤhte vnd Burgermeiſter/ in der
Anzahl vnnd Abwechſelung wie es iedes Orts gebraͤuchlich/ regieret werden/
auch woll alle Gerichtbarkeit ſolchen Stadt Raͤthen vnd Obrigkeiten zu kom-
men/ theils aber erwehlen ſie zwar auch ſolche Rathsperſonen/ wird ihnen aber/
weil ſie die voͤllige Gerichtbarkeit nicht haben/ von der Lands-Obrigkeit ein
Stadt-Voigt/ Stadt Schultes/ oder Richter/ oder doch ein Beampter des
nechſtẽ Fuͤrſtlichẽ Ampts fuͤrgeſetzet/ vñ zu geordnet/ thels habẽ ein bloſſes Recht
einen Rath zu Wehlen/ dieſer aber nur etliche wenige geringe faͤlle zu entſchei-
den/ vnd wird das uͤbrige alles durch des Landsherꝛn Beampte verrichtet: Nach
vnterſchied des herkommens/ haͤlt man bißweilen die erſte/ bißweilen/ auch die
andere/ vnd diedritte Art/ ſolcher Statte vnd Jhre Obrigkeiten/ fuͤr Staͤnde
oder vnmittelbare Vnterthanen des Landsherrn oder fuͤr Amptſaſſen: Hin-
gegen findet man auch in Teutſchland groſſe vnd maͤchtige Staͤdte/ welche dem
Reich nicht ohne Mittel vnterworffen/ vnd doch auch denen Fuͤrſten vnd Her-
ren des Lands darinnen ſie gelegen vnd wol vor Alters dieſelben vor Jhre Ober-
herrn/ den noch nicht/ oder doch nur auff gewiſſe maſſt Vnterthan ſein wollen/
daruͤber etlicher Orten gewiſſe Vertrage auffgerichtet/ wofern ihre Rathe vnd
Stadt-Obrigkeiten von dem Landsherrn ſich regieren oder einreden laſſen:
Etlicher Ortrn beſtehet dieſes noch im Streit/ vnd vngewißheit/ vnd ſuchet ie-
des Theil ſein Vornehmen gegen das ander zu behaupten: Man findet
auch in etlichen Fuͤrſtenthumen bloſſe Dorffſchafften deren Schulteſſen/
Vorſteher vnnd Gemeinden dennoch nicht/ vnter denen Beampten des
Landsherrn/ ſondern vnter dem ſelben vnd deſſen Cantzeley ohne Mittel ſein wol-
len auch wol auff Landtage/ neben den ietzt erzehlten vornemſten Perſonen vnd
Staͤnden eines Landes mit erfodert werden dahero in Beſchreibung eines Fuͤr-
ſtenthums dieſe vnd andere mehr vnterſchiedliche Vmbſtaͤnde bey Betrachtung
der Leute vnd Perſonen im Lande wol in acht genommen werden muͤſſen.

Sonſten vnd ſo viel die Buͤrger vnd Bauren abſonderlich betrifft/ kan
man nicht allein die Anzahl der Mannſchafften/ wie ſie ſich ie zu weilen/ zu gu-
ten vnd
[13]Erſter Theil.
ten vnd boͤſen Zeiten befunden/ auß der Anzahl der Fewerſtaͤdten/ der Muſter-
rollen vnd der Seelen Regieſtern/ welche die Pfarrherrn halten/ gleicher geſtalt
auffmercken/ ſondern es iſt auch ferner nutzlich zu wiſſen/ was fuͤr Handwercker
oder Handelsleute/ Kuͤnſtler/ vnd dergleichen Leute die nicht bloſſe/ von ihren
Guͤtern ſich nehrende Haußwirthe/ Ackerleute/ vnd Tagloͤhner ſind/ in ieder
Stadt vnd Ampt zu finden vnnd anzutreffen/ daruͤber man eine Tabell nach
Weiſe der obigen gar leicht ich entwerffen kan.

Von der abſonderlichen qualitet der Lehenſchafft/ damit dem Lands-
herrn nicht alleine ſeine Vnterthanen/ ſondern wol außwertige oder befreyete
Verwand/ kan gleicher Geſtalt eine deſignation vnter dieſes Capitel mit bey-
gefuͤget werden: Wie wol davon gehoͤrigen Orten abſonderlicher Bericht ge-
ſchiehit/ dafern auch in einem Leibeigne/ oder auch Juͤden gefunden werden/ iſt
n[i]cht vndienlich derſelben Anzahl vnnd Ort des auffenthalts in einem R[e]giſte
oder Tabell mit bey zu fuͤgen:

So iſt auch hiebey endlich nicht zu vergeſſen/ die Hoͤheſte Perſon im Lan-3.
Von Per-
ſoͤnlichen
vnd ſonder
baren Ei-
genſchafftẽ
des Lands
Herrn.
de/ nemlich der Lands Herr ſelbſt welcher bey dieſem erſten Theil zum wenigſten
ſo weit zu Betrachten/ wie ſein Nahme/ Geſchlecht vnd Ehren Titul ſey/ wie
Alt er ſein muͤſſe/ wann er zur Regierung treten ſoll/ ob er ſein Land allein vom
R[e]i[ch] oder Roͤmiſchen Keyſer/ oder auch von andern Staͤnden zu Lehen tragen/
o[b] ſolches allzeit an eine Mañs-Perſon oder auch an das Weibliche-Geſchlecht
gedeyen koͤnnen/ Ob er Bruͤder oder Vaͤtter habe/ in deren Nahmen er zu
gleich regiere/ oder ob ſie ſolches alle zu gleich thun/ oder ob dieſelbe gantz davon
außgeſchloſſen/ ob er Gemahlin vnd Fuͤrſtl Kinder habe/ Ob er das Land erb-
lich oder alß ein Geiſtlicher Fuͤrſt durch Wahl des Capitels oder auch nur Ver-
waltungs weiſe/ als ein Vormund habe/ vnd ob ſolche Vormundſchafft we-
gen naher Anverwandſchafft Rechtswegen verordnet/ oder Jhm in Teſtament
auffgetragen oder von der Roͤm. Keyſerl. Mayſt. anbefohlen/ Jtem/ Ob die
Vormundſchaffts Regierung Jhme allein vbergeben/ oder ob Jhme andere
zu geordnet vnd Er zu gleich/ oder auff gewiſſe maſſe an etliche Raͤthe oder Land-
ſtaͤnde gewieſen ſey/ vnnd was dergleichen Perſoͤnliche vnd ſonderbare Vmb-
ſtaͤnde mehr ſeyn:

Hierzu kan auch gefuͤgt werden eine Verzeichnuͤß oder Tabell aller Herr-4.
Von Ver-
zeichnůß
der Herr-
ſchaffts vñ
Regiemẽts-
Dienern.
ſchaffts Bedienten im Lande/ ſo wol auch bey Kirchen vnd Schulen/ wie dero
aller Ampt vnnd Verrichtung auß folgendem erſcheinen wird/ denn ob ſie
wol nicht eigentlich Vnterthanen des Lands/ ſondern vielmehr gleichſam als
Werckzeuge ſind dardurch die erblichen Vnterthanen [r]egieret werden/ ſo
B iijſind
[14]Teutſchen Fuͤrſten-Stats Erſter Theil
ſind ſie doch der Bottmaͤſſigkeit des Landsherrn ieder nach ſeiner Maß mit vn-
ter worffen/ vnd dienet dero nahmentliche Beſchreibung zu Ergantzung dieſes
erſten Theils/ welcher/ wenn er auff dieſe vnd dergleichen nutzliche Weiſe ein
gerichtet iſt/ zu Vorbereitung vnd Grund der folgenden Vnterrichtung
nuͤtzlich zu gebrauchen/ darinnen dieſe allhier erzehlte Stuͤcke
offters fuͤrkommen/ vnd nach Jhren vmbſtaͤn-
den betrachtet werden.

Cap. I.
Von der Lands Fuͤrſtl. Regierung/ Hoheit/
vnd Bottmaͤſſigkeit ins gemein.

DEmnach in dem vorgehendem Erſten Theil oder viel-
mehr deſſen Entwurff Anleytung gegeben worden/ welcher
Geſtalt man ſich ſo wohl des Lands/ von deſſen Stadt man
berichte/ ſeyn will/ alß auch der darinn befindlichen Leute
nach deren nothwendigſten Vmbſtaͤnden erkundigen koͤnne.
So
[16]Teutſchen Fuͤrſten-Stats
So ſchreyten wir nunmehr zu dem Hauptwerck ſelbſten/ da wir dann zu erſt am
noͤtigſtẽ befinden/ zu mel[d]en. Was deñ die Lands-Regierung ſey/ vñ wor[i]ñen ſie
1.
Daß die
Lands Re
gierung kei-
ne eigẽ wil-
lige Herr-
ſchafft ſey.beſtehe. Wir wiſſen/ GOtt Lob/ in Teutſchen Landen von keiner ſolchen
Macht/ welche von einem einigen Menſchen im Lande/ der ſich fuͤr den Oberſtẽ
hielte/ und die meiſte Gewalt mit oder ohne Recht haͤtte/ ube die andern alle/ zu
ſeinem Nutz vnd Vottheil/ nach ſeinem willen vnd belieben allein gefuͤhret/ vnd
außgeuͤbet wuͤrte/ wie etwan ein Herr uͤber ſeine Leib eigene Knechte vnd Maͤgde
zu gebieten pflegt/ vnd Jhnen bald dieſes bald jenes/ was Jhm in ſeinem Hauſe
Nutzen bringet/ oder wor zu er beliebung traͤgt/ anſchafft.

Sondern es iſt die Lands Fuͤrſtl. Regierung in denen Teut-
ſchen Fuͤrſtenthumen vnd Landen/ wie faſt in einer Jeden rechtmaͤſſig
vnd wolbeſt[e]lten Policey/ nichts anders/ als die Oberſte vnd hoͤch-
ſte Bottmaͤſſigkeit des Ordentlich regierenden Lands-Fuͤrſten
oder Herrn weiche von Jhme uͤber die Staͤnde vnd Vntertha-
nen des Fuͤrſtenthums auch uͤber das Land ſelbſt vnd deſſen zu
gehoͤrige Sachen vnd behauptung des gemeinen Nutzens vnd
woll Weſens/ in Geiſt- vnd weltlichen Stande/ vnd zu Er-
theilung des Rechtens/ gebraucht verfuͤhret wird.

Jn dem wir aber dieſe Oberſte Bottmaͤ[ßig]keit der Perſon des Lands-
herrn allein zu ſchreiben/ vnnd ſie dannenhero Landes Fuͤrſtlich oder Lands
herrlich nennen/ So ſetzen wir dardurch beſeyts alle andere Perſonen in einem
Lande die wir vorhero im Erſten Theil beſchrieben haben/ ob gleich dieſelbe auch
mit gewiſſer Herrligkeit vnnd Bottmaͤſſigkeit entweder von dem Landsherrn
ſelbſt vnd deſſen Vorfahren/ oder auch von andern fremden vnd außwaͤrdi-
ſchen Obrigkeiten belehnet vnd begabet ſind/ alß ferne nemlich dieſelben nach
herkommen der Lande nicht nur bloſſe Lehen Leute oder im Lande bezircket/ ſon-
dern zu gleich Landſaͤſſig vnd Vnterthanen ſind/ Sintemahl ſolchen falls we-
der einem oder andern in ſonderheit/ wie maͤchtig vnd Reich er auch were/ noch
denen ſelben mit einander/ dergleichen Oberſte Herrſchafft vnd Regierung im
Lande zu kommet/ ſondern ſie ſind gegen den Landsherrn ins geſamt vnd inſon-
derheit fuͤr Vnterthanen zu achten/ dieſes gruͤndet ſich nun nechſt dem Vhral-
4.
Woher ſol
ches kom̃e.ten herkommen auch in den meiſten Orten darinnen/ Daß (1.) dem Landsher-
ren in den Keyſerlichen Lehen-Brieffen oder Confirmation der Regalien ver-
liehen vnd gegeben werden/ Fuͤrſtenthum/ Graff[ſ]chafften/ Herrſchaf-
ften/ Schloͤſſer/ Staͤdte/ Doͤrffer/ Lande/ Leute/ Mañſchafftẽ/
Lehenſchafften/ Geiſt- vnd weltliche/ Oberſt vnnd Niederſte
Gerichte/ Regalien/ Zoͤlle/ Geleyte/ Muͤntze/ Berckwercke/
Wildpann/ Fiſchereyen/ Renthẽgefallene nutzungen/ mit allen
vnd ieglichen Obrigkeiten Ehren/ Wuͤrden Freyheiten/ Herr-
ligkeiten
[17]Anderer Theil.
ligkeiten vnd allen zu gehoͤrungen/ (in welchen ſonderlich die Woͤrter/
Fuͤrſtenthum/ Land vnd Leute alle vnnd iegliche Obrigkeit/
Oberſte vnd Niederſte Gerichte/ Regalien Herrligkeiten/ Eh-
ren vnd Wuͤrden/ zu mercken ſind/ welche keiner andern Perſon im Lande
koͤnnen zu geeignet werden/ (2.) erkennen ſolche Hoheit vnd Lands Fuͤrſtl. Re-
gierung die andern Staͤnde vnd Vnterthanen des Landes/ hohe vnd niedrige
ſelbſt/ in dem Sie dem Lands-Fuͤrſten nach altem Schuldigem herkommen
wenn er in die Regierung tritt/ oder wann ſie im Lande ihr Eigenthum zu ver-
walten antreten/ mit einem leiblichem Eyde die Vnterthaͤnigkeit der Erbhuldi-
gung/ ſchweren. Vnter andern auch gemeiniglich mit dieſen oder dergleichen
Worten/ daß Sie ihme wollen getrewe/ Holt gehorſam vnd gegen-
wertig ſeyn/ vnd daß Sie alles thun vnd laſſen wollen/ was ge-
trewen Vnterthanen von GOttes vnnd Rechtswegen gegen
Jhrem Erbherrn vnnd Lands-Fuͤrſten zu thun vnnd zu laſſen
wolan ſtehet vnd gebuͤhret/ Dahin gegen ein bloſſer Lehenmann Rechts-
wegen nicht den Gehorſam ſondern nur die Trewe vnd Gewertigkeit zu Lehen-
Dienſten zu ſchweren pfleget/ oder doch weiter nicht verbunden iſt.

Man verſtehet vnd mercket auch dieſe Hoheit vnnd Bottmaͤſſigkeit uͤber5.
Worauß
dieſe voͤlli-
ge Land
Obrigkeit
in gemein/
zu erkeñen.
das gantze Land vnd alle deſſen Staͤnde in denen Orten/ wo dieſelbe alle Land-
ſaͤſſig ſind/ ſonderlich darauß/ daß der Lands-Fuͤrſt nicht allein einem Buͤrger
oder Banren oder einen Herrn oder Edelmann abſonderlich/ ſondern allen ins
geſamt mit folgenden oder dergleichen Worten befiehlet. Wir gebieten
allen vnſernPrælaten,Graffen/ Herrn/ denen von der Ritter-
ſchafft/ Burgemeiſtern/ Richtern vnd Raͤthen der Staͤdte/ ꝛc.
Schulteiſſen/ Dorffs Vorſteherrn/ ꝛc. Vnd ins gemein allen vn-
ſern Vnterthanen wes Standes oder Wuͤrden die ſeyn. Wenn
aber der Adel vnd hoͤhere Staͤnde ihre Befreyung/ von der Lands Fuͤrſtlichen
Obrigkeit haben/ ſo werden auch dieſelben in ſolchen Außſchreiben nicht genen-
net/ So pflegt auch kein Landſtand heute zu Tage/ ob gleich ſolches vor Al-
ters nicht vngewoͤhnlich vnd etwa mehr ein Zeichen der Demut alß der Hoheit
geweſen/ den Titul/ von Gottes Gnaden bey ſeinen Nahmen zu ſetzen/ oder
wenn er gleich Graͤffliches Standes iſt/ ſich wenn er mit ſeinem Lands-Fuͤrſten
redet/ oder Jhme ſchreibet/ Wir/ heiſſen/ wie der Lands-Fuͤrſt von ſich zu ſchrei-
ben pflegt/ vnnd damit ſeinen hoͤchſten nach Gottes Willen habend[en Regie]-
ments Stand/ vnd Vorzug vor ſeinen Vnterthanen uͤbligen gebrau[ch na]ch
erzeiget. Andere ſonderbare vnterſchiede vnd vorbehaͤltene S[tuͤ]cke vnd[an]zei-
gungen/ die wir an gehoͤrigen Ort verſparen vnd allhie von der Lands-Fuͤrſtl.
Hoheit ins gemein reden/ zu ſchweigen.

Es beſtehet aber wie gedacht die Lands Fuͤrſtliche Regierung in Erhal-
tung vnd Behauptung gemeines Nutzes vnnd Wolſtandes in
Geiſt- vnd weltlichen Sachen.

Der letzte Zweck zwar aller menſchlichen Handlungen vnd Thaten ſoll
ſein die Ehre Gottes/ darzu das menſchliche Geſchlecht fuͤrnemlich erſchaffen/
inſonderheit aber gebuͤhret denen hohen Obrigkeiten/ welche Gottes Stadthal
ter auff Erden ſeynd/ da hin zu ſehen/ daß Jhres hoͤchſten Himmliſchen Ober-
herrn Ehre in allen Dingen geſuchet werde/ weil aber eben durch Trewe vnnd
fleiſſige Außrichtung Jhres Ampts vnd Beruffs/ wie derſelbe Goͤttlichem
Wort vnd dem natuͤrlichen vnd Land uͤblichen Rechten gemaͤß iſt/ vnd zu Geiſt-
vnd leiblicher Wolfahrt ziehlet/ GOtt dem HErrn ſelbſt gehorſam Ehr vnd
Dienſt geleyſtet wird/ ſo kan auch auß der Beſchreibung dieſer Jhrer obliegen-
den Lands-Fuͤrſtlichen Regierung der letzte Zweck von ſich ſelbſt erſcheinen.

Jns gemein begreifft die Regierung wie gedacht Geiſt- vnnd weltliche Sa-
chen/ der Geiſtlichen zwar/ haben ſich die Landsherrn vorige Zeiten wenig oder
nits annehmen doͤrffen ſondern dieſelbe ſind Hauptſachlich der Geiſtligkeit vnd
Cleriſey/ nit allein mit Lehren vñ Predigẽ auch Reichung der Sacramenta/ wel-
ches eigentlich denen Kirchen-Dienern zu ſtehet/ ſondern auch mit der Oberſten
Auff ſicht auf Kirchen vnd Schulen vnd was davon anhangig iſt/ gefuͤhret vnd
beſtellet werden/ Nach dem aber der vor hundert vnd etlichen Jahren wie be-
kant/ Ein groſſer Theil Teutſchen-Lands ſich zu der Evangeliſchen Religion
in Augſpurgiſcher Confeßion begrieffen/ gewendet/ vnnd das Ampt oder die
Gewalt der Bifchoffe dißfals gemaͤſſiget worden/ haben damals die Fuͤrſten
vnd Staͤnde dieſer Confeßion vnd nunmehr Jhre nachfolger die Regierung
in geiſtlichen Sachen/ ſo weit ſolche einer Chriſtlichen Obrigkeit zu kommt/ vnd
wie nicht zu verleugnen in dem erſten vnnd beſten Zeiten der Chriſtlichen Kir-
chen/ von Chriſtlichen Keyſern vnd Koͤnigen auch gebraucht werden/ wieder
vber ſich genommen/ von der wir hernach/ wenn erſt von dem weltlichen Regie-
ment alß dem bekanteſten wird ſein gehandelt worden/ auch weitern Vnterricht
hoͤren werden.

Jn weltlichen Regiements-Sachen aber erweiſet ſich die Lands-Fuͤrſt-
liche Hoheit/ vnd daher entſpringende Regierung zu dem obigen Zweck des ge-
meinen Nutzens vnd Wolſtandes in nachfolgenden alſo vm̃ beſſerer Verſtand-
[nuͤß willen] geſetzten Vier Haupt-Puncten.

[Alß ]Erſtlich laͤſt ein Landsherr Jhme angelegen ſeyn/ vnd iſt es auch
[zu forderſt] beſuͤgt/ den Stand den Jhme GOtt verliehen/ die dazu gehoͤrige
Ehre vnd Macht/ vnd alles daß jenige was Jhme dazu dienet/ vnd Mittel giebt/
in ſeinem gebuͤhrlichen Weſen/ vor vnordnung Abgang vnd verletzung zu er-
halten/ damit er das Anſehen vnd die Kraͤffte habe/ den Heylſamen Zweck in
allen
[19]Anderer Theil.
allen Staͤnden zu erreichen/ vnd ſeine Regierung uͤber Land vnd Leute nutzbar-
lich ſpuͤren vnnd wuͤrcken zu laſſen.

Fuͤrs andere hat er Macht gute Geſetze vñ Ordnungen im Lande auff-
zurichten/ dadurch Gerechtigkeit/ Friede/ vnd Ruhe/ vnd das Vermoͤgen des
Lands vnnd der Leute in ſchwang gebracht/ erhalten/ das boͤſe geſtrafft vnd das
gute geſchuͤtzet werde.

Drittens/ gehoͤret auch dem Lands-Fuͤrſten/ die hoͤchſte Gerichtbarkeit
im Lande nemlich zwiſchen ſeinen Vnterthanen/ welche ſtreitig ſind/ das recht zu
verordnen/ vnnd ſonſten einem ieden nach Befindung der Sache vnd ſeines
Verdienſts die Gebuͤhr wiederfahren zu laſſen.

Vierdens/ wird auch erfodert/ die Verordnung/ anſtellung vnd Ge-
brauch der jenigen Mittel/ wordurch die vorigen Stuͤcke wieder vngehorſame
Vaterthanen oder außwertige Feinde vnd Gewalt uͤbende koͤnnen auff bedoͤrf-
fenden Fall außgerichtet vnd gehandhabt werden.

Cap. II.
Von der Maſſe der Lands-Fuͤrſtlichen Ho-
heit in Anſehung Keyſ. Majeſt. vnd des Reichs.

DAmit aber auß dem vorhergehenden Capitel nicht die Meinung ge-
ſchoͤpfft werde/ alß ob eine Teutſche Lands Herrſchafft ſo gar frey vnd
ohne Eingeziel vnd Maſſe ihre Hoheit zu gebrauchen haͤtte. So haben1.
Von des
Reichs
Hoheit uͤ-
ber die Teut
wir vns zu erinnern wie im Erſten Theil/ ſchon kuͤrtzlich gemeldet wor-
den/ daß wir von ſolchen Landen reden/ die im Roͤmiſchen Reich Teutſcher
Nation liegen/ auch von ſolchen Herrn vnd Staͤnden die von der Keyſ. Mayſt.
C ijalß
[20]Teutſchen Fuͤrſten-Stats
ſchen Fuͤr-
ſtenthůmeralß dem hoͤchſten Oberhaupt im Reich mit ihren Landen vnnd Herrſchafften/
oder doch mit denen Regalien deroſelben beliehen werden.

Darauß folget nun das Sie auch vnter dem Keyſer vnd dem Reich ſeyn/
vnd mit Empfahung ihrer Regalien das Reich/ wie in R. A.de Anno 1500.
tit.Der Teutſch Orden/ geredet wird erkennen: Alſo daß dannen hero
ein Teutſcher Fuͤrſt oder Landsherr nicht allein in ſeinem Gewiſſen gegen Gott
den Allmaͤchtigen ſeine Regierung vnd Handelung zu verantworten hat/ ſon-
dern er iſt auch ſchuldig vnd mehrentheils mit Eydes-Pflichten verbunden ei-
nem ordentlichem Erwehlten regierenden Roͤmiſchen Keyſer vnnd dem Reich
gebuͤhrlichen Reſpect vnd gehorſam zu leyſten. Vnd dem jenigen/ was Keyſ.
Mayſt. vnd die Chur-Fuͤrſten/ Fuͤrſten vnd Staͤnde des Reichs allem herkom-
men nach geordnet vnd geſchloſſen haben/ vnd noch ſchlieſſen werden fuͤr ſich
vnd in ſeiner Lands-Regierung in acht zu nehmen/ es were dann daß er eines
andern durch gewiſſe Privilegien, Freyheiten vnd bedingungen befugt were.

Solche Schuldigkeit vnd Maſſe der Lands-Fuͤrſtl. Hoheit/ deſto beſſer
zu verſtehen/ wollen wir dieſelbe nach denen vorhero im 1. Capitel geſetzten vier
Haupt Puncten der Lands-Fuͤrſtl. Regierung betrachten vnd erklaͤren.

Bey dem erſten/ nemlich der Erhaltung ſeines Fuͤrſtlichen Stands/ Ehr/
Macht vnd Hoheit/ iſt erſchuldig zu forderſt den Reſpect, Ehr vnd Hoheit des
Teutſchen Reichs vnd der Keyſ. Mayſt. vor Augen zu haben/ nicht allein (1.)
mit euſſerlichen Worten vnd Titul/ daß er nemlich den Roͤmiſchen Keyſer ſei-
nen Allergnaͤdigſten Herrn nennet/ vnd Jhme den Titul Jhrer Keyſ. Mayſt.
giebt/ ſich aber einen Vnterthaͤnigſten oder allen Vnterthaͤnigſten gehorſam-
ſten Fuͤrſten des Reichs heiſſet/ vnd nicht wie gegen andere/ ſich von Gottes
Gnaden/ vnd Wir/ ſondern nur/ Jch/ ſchreibet/ vnd was dergleichen gebuͤr-
liche Ceremonien vnd Hoͤffligkeiten mehr ſind.

Sondern er iſt auch (2.) mit ſeinen Pflichten dahin gewieſen/ daß Er ſich
vnd ſein Land vnd Leute bey dem Roͤmiſchen Reich vnd vnter deſſelben hoͤchſten
Bottmaͤſſigkeit erhalte/ vnd weder ſich ſelbſt davon außziehe/ vnd eine mehrere
Freyheit/ alß ſich von Alters her vnd Rechtswegen gebuͤhrt/ mit Gewalt oder
Vortheil ſuche noch wenigers aber einem andern Fuͤrſten im Reich/ oder gar
einem frembden ſich vnterwerffe.

(3.) Da das Roͤmiſche Reich von euſſerlichen Feinden oder innerlichen
Auffruͤhren angefallen vnd beleydigt wuͤrde/ iſt er Schuldig auff erfordern der
Keyſ. Mayſt. vnd des Reichs oder der jenigen die dazu durch einhelligẽ Schluß
vnd Satzung verord[net] ſind/ mit etlicher oder mit aller Macht ſeiner Land vnd
Leute/ oder an deſſen Stadt mit einem gewiſſen Gelt/ oder Reichsſtewer vor die
Freyheit vnnd Beſchuͤtzung des Vatterlands ſich darzu ſtellen vnnd huͤlffe zu
leyſten.

4. Ob wol andere hohe Potentaten die keinen Oberherrn in der Welt ha-
ben/ an Chriſtliche Tugenden/ Zucht vnd Erbarkeit/ auch das jenige was an-
dern Leuten ins gemein recht oder vnrecht iſt/ oder mit einem Wort an Goͤtt-
liche natuͤrliche vnd aller Voͤlcker recht auch gebunden ſind/ ſo kan man doch in
den wenigſten Faͤllen/ wenn ſie da wieder handeln in dieſer Welt ſich an ihnen
erholen/ ſondern wer zu mahl ſchwach/ oder Jhr Vnterthan iſt/ der muß Jhre
Faͤhler vnd gewalt Thaten mehrentheils dem Gerechten GOtt zu ſeiner Zeit zu
richten heim ſtellen/ Ein Fuͤrſt aber des Reichs iſt ſchuldig vnd verbunden dem
jenigen den er beleydiget vnd vnrecht thut/ vnd wieder Recht vnd ſeine Freyheit
vnd Privilegia, die er etwan rechtmaͤſſig erlanget hat/ beſchweret/ auff deſſen
Klage nach Gelegenheit vnd vnterſchied der Falle/ auch des herkom̃ens/ vor des
Reichs hohen Gerichtẽ/ oder in andere Wege wie es diß fals die Reichs. Satzun-
gen vermoͤgen zu antwortten/ vnd was Jhm daſelbſt entlich zu oder aberkennet
wird/ zu ihun vnd zu laſſen/ Alſo daß ſie ſolcher geſtalt die Teutſchen Lands-
Herrn nicht allein an oben gemeldete ſondern auch die im Roͤm Reich uͤbliche
ſonderbare Rechte vnd gebraͤuche gewieſen ſeynd/ vnd darnach Gerechtfertiget
werden/ Doch haben dißfals die Fuͤrſten vnd Herrn vor andern geringen Per-
ſonen einen Vorzug/ daß Sie auff gewiſſe weiſe vnnd an gewiſſen Orten nem-
lich nach Vnterſchied der Sachen vor einem andern Fuͤrſten des Reichs/
den ſie zu einem außtraͤglichen Richter erwehlet oder vor Jhren eigenen
Raͤthen/ oder am Keyſerlichen Hoffe/ oder Kammer-Gericht in Klage ge-
nommen werden/ auch gegen andere Klagen/ damit Jhre angelegenheiten
zu erhaltung Jhres Reſpects vnd Stats deſto wichtiger vnd zur gnuͤge betrach-
tet vnd Sie nicht vbereylt werden/ wie ſolches auß des H. Reichs Kammer-
Gerichts Ordnung vnd anderen vom Zuſtand vnd verfaſſung des Roͤmiſchen
Reichs außgegangen Buͤchern weitlaͤufftig zu befinden.

Bey dem andern Punct da wir geſaget/ daß der Lands-Fuͤrſt Macht habe3.
Wie wegẽ
der Reichs
Satzungen
die Lands-
Fuͤrſtliche
Ordnungẽ
zu maͤſſigen
ſind.
Geſetze vñ Ordnung zu machen/ hat er wegen des Reichs uͤber Jhn ſchwebenden
Bottmaͤſſigkeit dahin zu ſehen/ daß ſolche Ordnungen vnd Geſetze nit wieder
die jenigen Geſetze vnnd Ordnungen/ welche dem gantzen Teutſchlande durch
Keyſ. Mayſt. vnd die ſaͤmptlichen Staͤnde vorgeſchrieben/ ſondern viel mehr
denſelben gemaͤß vnd nachfolgig ſeyn/ Es were denn daß Er dieſelbe auff ſeiner
Lande Zuſtand vmbſtaͤndlicher vnd genawer einrichten wolte/ oder es were eine
Sache in den Reichs-Ordnungen nicht beruͤhret/ ſondern im Mittel gelaſſen/
oder betraͤffe eine zweiffel hafftige Rechts frage/ die einer Erklaͤrung bedoͤrffte/
oder es were das Gegenſpiel durch lange gewonheiten oder Begnadigung des
Keyſers vnd des Reichs in ſeinem Fuͤrſtenthum vnd Land iederzeit gebraͤuch-
lich geweſen.

Ja er iſt (2) ſchuldig die Ordnungen vnd Geſetze des Reichs/ welche auff
gebuͤhrliche Weiſe vnd mit gemeinen Schluß der Staͤnde gemacht worden/ in
ſeinem Fuͤrſtenthum vnd Landen zu publiciren, auch daß denſelben nach gelebet
werde/ Verſchaffung zu thun/ vnd die uͤbertreter zu ſtraffen/ Sintemal auch et-
lichen Reichs-Satzungen eine gewiſſe Straffe/ wieder die Obrigkeiten die de-
nenſelben nach zu kommen ſaͤumig ſind/ Einverleibt/ welche ſolchen Falls von
dem hoͤchſten Reichs-Gericht der Keyſerl. Cammer pflegen eingefordert zu
werden.

Bey dem dritten Punct/ nemlich der Gerichtbarkeit/ koͤnnen vnd moͤgen
in vielen Landen/ des Reichs die jenige welche mit denen Außſpruͤchen vnd Vr-
theilen der Lands Fuͤrſten vnd Jhrer Cantzeleyen vnd Hoff-Gerichte ſich nicht
begnuͤgen wollen/ ſondern vermeinen daß Sie dadurch wieder Recht beſchwert
werden/ in gewiſſer Zeit an das Keyſ. Cammer Gericht ſich beruffen/ vnd da-
ſelbſt die Sache noch einſten erkennen laſſen/ Etliche Fuͤrſten vnd Staͤnde aber
ſind entweder biß auff eine gewiſſe hohe Summ/ deren die Sache wuͤrdig iſt/
oder alſo gaͤntzlich durch Keyſ[.]Privilegia vnd Altes herkommen befreyet/ daß
von Jhren Vrtheilen vnnd beſcheiden zu appelliren niemand zu gelaſſen iſt/
gleich wol aber ſind ſie hingehen deſto mehr ſchuldig Gericht vnd Gerechtigkeit
den anruffenden/ zu ertheilen/ vnd die ſtreitigen Sachen ihrer Vnterthanen
zu verhoͤren/ damit nicht im Fall ſie allzuſehr verzuͤglich weren/ oder das Recht
gar verſagten/ ſie deßhalben verantwortung oder Abforderung ſolcher Sachen
an hoͤhere Oerter gewarten moͤchten.

Zum vierdten/ Ob wol wie vnten mit mehrem erklaͤrt werden ſoll/ zu
Handhabung ſeiner Hoheit vnd Vollſtr[e]ckung ſe[in]es Obrigkeitlichen Vorha-
bens/ der Lands-Fuͤrſt ein vnnd anderezwangs Mittel auch gar eine Krieges
verfaſſung im Lande zu gebrauchen vnd auffzurichten hat/ ſo iſt doch ſolches in
Anſehung Keyſ. Mayſt. vnd des Reichs alſo gemaͤſſiget/ daß er wieder dieſelbe
ſolche ſeine Macht vnd Gewalt nicht wenden/ oder auch einen andern Fuͤrſten
vnd Stand des Reichs damit anfallen vnd beleidigen darff/ wie er den auch ſei-
ne Beſchwerungen die er wieder einen andern ſeines gleichen oder die Nachbarn
hat/ welche gleich vnd Recht ley den koͤnnen nicht mit Heerszug vnd gewalt/ ſon-
dern wie im Reich herkoͤmmlich/ mit ordentlichem Rechte zu ſuchen/ vnnd alſo
den Landfrieden im Reich ſo viel an Jhm iſt/ vnd er nicht mit Gewal von ei-
nem andern angetaſtet wird/ zu halten ſchuldig iſt/ wie in Beſchreibung
dieſes Puncts gehoͤriger Orten mit mehren Erleuterung
geſchehen ſoll.

Cap III
Von der Maſſe der Lands Fuͤrſtl. Hoheit
oder Regierung/ welche durch Verordnung der Vorfah-
ren oder gewiſſe Vertraͤge/ vnd altes Herkommen wegen anderer
hohen Perſonen/ Fuͤrſten vnd Staͤnde/ mit denen ein
Landsherr befreundet oder benachtbart iſt/
verurſachet wird.

BEy denen Teutſchen weltlichen Fuͤrſtenthumern vnd Landen iſt dieſer1.
Von dem
recht des
Erſtgebor-
nen in den
Teutſchen
Fuͤrſten-
thumern.
mercklicher vnterſchied wol in acht zu nehmen/ daß bey vielen/ wenn der
Landsherr etliche Soͤhne vnd Erben verlaͤßt/ dennoch keine Theilung
vorgehet/ noch die Regierung der Laͤnder in geſamt behalten wird/ ſon-
dern allezeit dem Erſtgebornen allein zukommt/ dergeſtalt/ daß er ſeine
Bruͤder vnd deren nachkommen entweder ein bloſſes Gelt zu jaͤhrlichem vnter-
halt/ oder etwas an Aemptern vnd Herrſchafften zu Nutzen eingiebt/ vnd ſie
alſo vom Lande abtheilt vnd abfindet ſich aber alle Lands Fuͤrſtl. Hoheit daruͤber
vorbehaͤlt/ oder doch nur etliche wenig Stuͤcke/ welche die Regierung an ſich
ſelbſt nicht an gehen/ noch beeintraͤchtigen ihnen verſtattet/ Alß denn inſonder-
heit bey den Chur-Fuͤrſtenthumern vnd denen dazu eigentlich gehoͤrigen Lan-
den durch die Reichs-Satzungen es alſo verordnet/ in andern aber durch her-
kommen oder gewiſſe Pacta vnd Privilegia alſo gebraͤuchlich iſt.

Jn etlichen Fuͤrſtenthumen Land vnd Herrſchafften aber pflegt der Erſt-2.
Von der
Theilung
derſelben.
geborne kein Vortheil wegen der Erſtgeburt zu haben/ kan auch die Lande wie-
der ſei
[24]Teutſchen Fuͤrſten-Stats
der ſeiner Bruͤder willen nicht beyſammen behalten/ ſondern iſt zu theilen ſchul-
dig/ oder es wird die Regierung des Lands ins geſamt mit einander
durch gemeinen Schluß vnd Willen/ vnd durch geſante Diener in ſamtlicher
Herren vnd eines ieden inſonderheit Nahmen gefuͤhret/ oder da gleich etwan
dem Eltiſten nebenſt dem Vorſitz/ die direction der Iuſtitz, vnd anderer taͤgli-
chen gemeinen Sachen in der Herrn Bruͤder Nahmen gegoͤnnet wuͤrde/ doch
alle wichtige/ Regiements vnd Statsſachen von allen zu gleich vorgenommen
vnd angeordnet werde.

Nichts weniger aber pflegen offters die Jungen Herrn Bruͤder mit dem
Eltiſten ſich alſo freundlich zu vergleichen/ oder es hat es auch wol Jhr Herr
Vatter vnd Vorfahr am Regiement alſo geordnet/ daß das Land nicht alle-
zeit wieder getheilet werde/ ſonderlich wenn es nicht gar groß vnd weitlaͤufftig iſt/
vnnd nicht ein ieder Herr ein eignes im Reich benahmtes Fuͤrſtenthum oder ſo
viel daß einem ſolchen were gleich zu ſchaͤtzen geweſen/ zu ſeinem Antheil bekom-
men kan/ vnd bey ſolchem Zuſtande pflegt man dem Eltiſten Herrn die Re-
gierung in ſeinem vnd der Herrn Bruͤder Namen zu fuͤhren auff
gewiſſe maſſe vnd Weiſe nachzulaſſen/ einmahl weiter vnd mehr alß das ander
mahl/ wie es die Vmbſtaͤnde der Zeit/ auch das Alter vnd die Gelegenheit der
andern Herrn erfordert/ mehrentheils aber wird es alſo gemaͤſſiget/ daß der El-
tiſte Herr eine direction, das iſt die erſte Vmbfrage in der Berathſchlagung/
vñ auf die geſchloſſene Sachen die Anſtalt oder Execution hat/ doch allenthal-
ben ſeiner Herrn Bruͤder Nahmen mit gedencken: Vnd in wichtigen Dingen/
ohne der andern HErrn wiſſen vnd Willen nichts vor nehmen doͤrffe/ darneben
Jhm zur Ergaͤtzung ſeiner Muͤhe waltung vñ Verlag etlicher gemeiner Koſten/
ein gewiſſes auß den geſamten einkom̃en zu vorauß gefolget/ das vbrige aber
gleich eingetheilt werde/ aller maſſen ſolches auß den Vertraͤgen/ Erbſtatuten
vnd herkommen iedes Lands vmbſtaͤndlich abzunehmen vnnd darauß die Art
vnd Form des Regiements eigentlich zu ſchlieſſen.

Auff eine andere aber geringere Weiſe wird auch die Lands Herrn Regie-
rung gemaͤſſiget wenn auch nach beſchehener Theilung in gewiſſe Fuͤrſtenthu-
mer vnd Lande etliche Stuͤcke außgeſetzt vnd ins gemein behalten werden/ in
welchen hernach kein Theil haber allein vnd fuͤr ſich etwas anordnen darff/ ſon-
dern es iſt der Elteſte ſchuldig die andern deßwegen vmb Rath zu fragen/ vnd
nach der Meinung der ſie ſich mit einander zu vergleichen haben/ in der Sache
in alle der andern Nahmen wenn es ihme alſo eingeranmet/ zu verfahren oder
es werden die Anordnungen in allen ſolchen geſamten Sachen wie ſie einmuͤtig
von allen beſchloſſen auch von einem ieden Herrn inſonderheit vnd nahmentlich
gehtan/ vnd beſtehen ſolche außgeſetzte geſamte Dinge zum Theil auff einen ge-
wiſſen Antheil vnd Lande/ die man nicht fuͤglich hat theilen koͤnnen/ Zum Theil
aber
[25]Anderer Theil.
aber in etlichen ſonderbaren Regalien vnd Gerechtigkeiten/ alß zum Exempel
in Bergwercken/ Muͤntze/Vniverſitaͤten/ Beſchreibung der
Landſtaͤnde/ Stelle vnd Stimm auff Reichstaͤgen vnd derglei-
chen mehr.

Andere maͤſſigungen vnd vermiſchungen entſtehen daher/ daß an man-5.
Von der
Gemein-
ſchafft der
Anerb-
ſchafft.
chem Ort ein gewiſſer Benachbarter Fuͤrſt oder andere Obrigkeit die dem Lands
Herrn nicht vntirworffen/ auch eben ſo viel alß der Landsherr oder doch etliche
Rechte vnd Gerechtigkeiten hat/ dahero ein Herr in demſelbigen Ort/ weiter
nicht verfahren darff/ alß wie es das alte Herkommen oder die auffgerichteten
Vertraͤge in ſolchen Gemeinſchaffts-Orten oder Gewerbſchafften/
wie ſie genennet werden/ außweiſen.

Weil auch die meiſten Fuͤrſtenthumer Land vnnd Herrſchafft dem Heil.6.
Von dem
Recht/ der
Lehens-
Herrn vnd
Agnaten.
Reich/ oder an deſſen Stat einem andern Stand Lehenbar ſind/ daß daran
nicht allein der Lehensherr ſeinem heimfall/ ſondern auch die Vaͤttern vñ Agna-
ten die von dem ienigem der ſolches Lehen am erſten empfangen/ herſtammen/
oder mit dem Beſitzer in geſamter Hand vnnd mit Belehnſchafft ſtehen/ ihre
Erbfolgung haben/ ſo folget darauß/ daß ein Landsherr auch ſo weit gebunden
iſt/ daß er ohne wiſſen vnd einwilligung ſeiner mit belehenten Bruͤdern vnd Vaͤt-
tern vnd dann des Lehenherrn/ ſolche ſeine Lande/ oder einen anſehnlichen Theil
davon oder die Lands Fuͤrſtliche Regalien Gerechtſam vnd Herrligkeiten/ nicht
verkauff en verſchencken/ im letzten Willen auf andere alß den es Rechtswegen
gebuͤhrt verordnen/ auch mit beſtande nicht verpfaͤnden/ wiederloͤßlich einraͤu-
men oder dergleichen mehr thun kan/ was die gebraͤuchliche Lehenrechte verbieten
wie wol uͤber dieſem Punct vieler Orten ſonderbare Vertraͤge vnd Erbeinungen
verfaſſet ſind/ auch ſonſt bey ſo anſehlicher Land vnd Leuten wegen ein vnd an-
dern Amt/ guts vnnd nutzung derſelben durch die Landsherrn ohngeachtet der
Lehenbarkeit viel freyer alß etwa bey geringer Ritter Lehen vnd Guͤtern
verfahren. Vnd ſolches vieler Vmſtaͤnde halben ſo genaw
nicht geſucht wird.

Cap. IV
Von der Maſſe der Lands-Fuͤrſtl. Hoheit
vnd Regierung/ welche auß etlichen Rechten/ vnd
Befůgnuͤſſen der Staͤnde vnd Vnterthanen des
Lands- vnd Fuͤrſtenthums herkommt.

AVß dem was wir oben von der Macht des Landsherrn in gemein erin-
nert/ daß ſie nicht geartet ſey/ wie eine eigenwillige Herrſchafft eines
Haußwirts vber ſein Geſinde/ iſt leicht zu ermeſſen/ daß die Vntertha-
nen im Lande mit Sclaven vnnd mit Leib vnd Gut ſo bloß hin ihrem
Herrn eigenthumlich ergeben ſeyen/ ſondern daß ſie regieret vnd in Gehorſam
gehalten werden/ wie Freygeborne/ vnd vnter einem rechtmaͤſſigen Regiement
zu ihrer Leibs vnd Seelen Wolfart verſamlete Leute von einer Chriſtlichen vnd
an Goͤttliche natuͤrliche vnd des Reichs Rechte angewieſenen Obrigkeit/ von
Rechts wegen regiert vnnd in acht genommen werden ſollen/ allermaſſen von de-
nen vornehmſten Stuͤcken einer loͤblichen Regierungs-Form nach gelegenheit
der
[27]Anderer Theil.
der Teutſchen Fuͤrſtenthumer in folgenden Capiteln mit mehrern gehan-
delt wird.

Vber diß aber vnd inſonderheit ſind auch etliche gewiſſe Hauptſachen/ die2.
Sonderba
re Rechte
vnd befuͤg-
nuͤſſe der
Vntertha-
nen.
der Landsherr in ſeiner Regierung gegen alle ſeine Vnterthanen nicht allein wie
in vorgemeldeten gemeinen Stuͤcken gewiſſens halben vnd bey der verantwor-
tung/ die einſten der hoͤchſte Gott von Jhme fordern wird/ ſondern auch euſſerli-
cher verbindlicher ſchuldigkeit wegen/ in acht nehmen muß/ entweder daß Er
oder ſeine Vorfahren es alſo verſprochen vnd zu geſagt/ oder Jhme in allgemet-
nen Teutſchen Rechten vnd Satzungen/ auff dieſe maſſe aufferlegt/ oder dem
alten Herkommen alſo gemaͤß iſt.

Das vornehmſte dieſer Stuͤcke iſt zu achten/ die Erhaltung derRe-3.
Erſtlich in
Religions-
Sachen.
ligion, wie ſolche im Lande uͤblich vnd gebraͤuchlich iſt/ denn nach nun mehri-
gen Reichs Satzungen ſind die meiſten Teutſchen Fuͤrſtenthumer vnnd Herr-
ſchafften/ vnd dero iedes mahl Regierende Obrigkeiten verbunden/ die Vnter-
thanen wieder ihre Chriſtliche vnd in Religion Frieden zu gelaſſene Glaubens-
Bekantnuͤß vnd offentliche oder ſonſt hergebrachte Vbung derſelben nicht zu be-
ſchweren/ ſondern ſie vielmehr gebuͤhrlich dabey zu ſchuͤtzen/ wie hievon vnten
im 11. Capitel deutlicher Bericht geſchehen wird.

Fuͤrs andere pflegen die Vnterthanen des Lands/ fuͤr ein beſonder Be-4.
Zum an-
dern wegen
Adminiſtra
tion der Iu-
ſtitz.
fuͤgnuͤß zu begehren/ vnd iſt auch alſo in Reichs-Satzungen verſehen/ daß der
Landsherr uͤber Gericht vnd Gerechtigkeit im Lande halten vnd dahin
Trachten ſolle daß einem ieden auff ſeine klage Verhoͤr/ vnd Beſcheid/ vnd auf
daß jenige was er im Recht erhaͤlt/ gebuͤhrliche huͤlffe an Orten vnd Gerichts
ſtellen/ wie von alters Herkommen/ wie derfahre/ auch ohn verhoͤrter vnd vner-
kanter Dinge/ niemand Verdampt oder geſtrafft werde/ denn im Fall die Lands-
herrn diß falls keine rechte Anſtalt machen/ die Leute recht- vnd huͤlffloß laſſen/
oder ohne einige Form des Gerichts/ nach eigenem Sinn verfahren wolten haͤt-
ten ſich die Staͤnde vnd Vnterthanen des Lands deſſen mit Fug zu beſchweren/
auch in beharrlicher verſagung vnd vnordnung bey der hohen Reichs Obrig-
keit/ vmb vermittelung ſich zu beklagen.

Fuͤrs dritte ſind die Vnterthanen der Teutſchen Lands Herrſchafften bey5.
Drittens
wegẽ ihrer
Hab vnd
Gůter.
ihren Hab vnd Guͤtern dergeſtalt berechtiget/ daß der Landsherr nicht macht
hat/ dieſelbe Jhnen/ wie etwan in etlichen Tyranniſchen/ oder ſonſt eigen maͤchti-
gen harten Herrſchafften geſchehen mag/ gantz oder zum Theil ſeines gefallens
zu nehmen/ oder mit andern Renten/ Zinſſen/ vnd Reichungen alß die von al-
ters her oder auß newen rechtmaͤſſigen Vrſachen darauff gebracht ſind/ zu be-
ſchweren/ vnnd alſo dieſelben nach ſeinem gut duͤncken zu Schaͤtzen vnnd zu
belegen; Wuͤrde aber im gantzen Reich/ oder in dem Kreiß/ darein das
Fuͤrſtenthum oder Land gehoͤret/ eine Anlage gemacht/ oder auff des Landsherꝛn
D ijanſin-
[28]Teutſchen Fuͤrſten-Stats
anſinnen auß bewẽgenden Vrſachen von den Staͤnden des Lands et-
was gewilliget/ alß denn iſt der Landsherr befugt/ ſolches von den Vnter-
thanen einzubringen/ wie hievon part. 3. cap. 3. lit.von der Lands Stewr-
barkeit/ Vnterricht erfolgen ſoll.

Weren denn/ vierdtens/ zwiſchen Lands Herrſchafften vnd ihren Staͤn-
den vnd Vnterthanen/ ſonderbare Vertraͤge/ vnd abſchiede auffgerichtet/ vnd
darinnen diß vnd jenes denenſelben verſprochen vnd zu geſagt/ wie den hin vnd
wieder dergleichen Exempel zu finden vnd gemeiniglich bey der Erbhuldigung
der Vnterthanen/ ſolche verſprechungen wiederholet vnnd bekraͤfftiget werden/
So haͤtte es dabey dergeſtalt auch ſein bewenden/ daß ohne ein willigung vnd
nachlaß der Landſtaͤnde/ wieder vnd uͤber ſolche Vertraͤge der Landsherr ſeine
Macht nicht gebrauchen koͤnte.

Fielen aber bey ſolchen Befuͤgnuͤſſen vnd vorbehaltnuͤſſen der Vntertha-
nẽ ſolche Vmbſtaͤnde vor/ daß nach gelegenheit der Zeiten vñ laͤufftẽ ein anders
alß von alters Herkommen/ zu ergreiffen ſeyn wolte/ als denn offters mit Steu-
ren vnd Anlagen zu geſchehen pfleget/ da gebuͤhrt ſich/ daß der Landsherr ſeine
Landſtaͤnde/ deren wir zu Eingang dieſes Wercks parte 1. gedacht/ daruͤber ver-
nehmen/ vnd mit Jhrer einwilligung handeln/ damit Sie wiedrigen Falls ſein
vornehmen nicht wiederſprechen vnnd etwa in ſchwere Mißhelligkeiten/ vnnd
Rechtfertigungen mit Jhme gerathen.

Vber dieſe Haupt-Puncten aber ſind nach andere viel/ darinn ein Landes-
herr/ wo nicht auß Schuldigkeit/ doch auß Loͤblicher vnd guter gewonheit/ ſeine
Landſtaͤnde ebenmaͤſſig zu Rath fraget/ vnd Jhre Vnterthaͤnige trewe Mei-
nung/ vnd Erinnerung anhoͤret/ auch wenn er gleich nicht eben dran gebun-
den/ dennoch von denſelben nicht leichtlich abweichet/ ſondern da ſie dazu mahl
auff gute vernuͤnfftige Vrſachen gegruͤndet/ ſolchen gerne folget/ vnd geſchiehet
dieſes mehrentheils in denen Sachen/ welche zu Erhaltung vnd Ret-
tung deß Lands-Fuͤrſtl. hohen Stands/ vnd zu gehoͤrigerRe-
galien, wieder beſorgende ſchaͤdliche eingrieffe/ wofern anderſt ſolche Dinge
verzug leyden vnd nicht gar heimlich zu Handeln ſeyn/ oder zu guter Ord-
nung vnd verbeſſerung im Lande/ der ſich manniglich zu gebrauchen habe/
oder zu ſonderbarer bequemlicher Handhabung deſſen/ was ſchon
loͤblich geordnet iſt/ vorgenommen werden. Wie denn ſolche Exempel der
Berathſchlagungen/ welche die Landsherrn mit Jhren Staͤnden vnd Vnter-
thanen diß falls gehalten in Fuͤrſtl. vnd Graͤffl. Archivis vnd Cantzeleyen/ auß
denen Landtags Acten hin vnd wieder erſcheinen.

Demnach aber ſolche Berathſchlagungen auff Landtaͤgen zu geſchehen
pflegen/ So iſt von derſelben Beſchreibung vnd Proceſſ folgendes zu wiſſen/ der
Landsherr/ beſchreibet Mittels eines verſchloſſenen Befehls auff einen gewiſſen
vnd
[29]Anderer Theil.
vnd nicht zu enge angeſetzten Tag/ an einen bequemen Ort ſeines Landes/ meh-
rentheils aber zu ſeiner Hoffſtadt/ alle Staͤnde des Lands/ die wir im Erſten
Theil oben benahmet/ verſihet ſie daſelbſt nebenſt Jhren Dienern vnd Pferden/
die ein Jeder nach ſeinem Stand vnd altem Herkommen mit ſich bringet/ mit
Futter vnd Mahl/ oder laͤſſet ihnen davor ein gewiſſes zur Außloͤſung reichen.
Wann ſie erſchienen/ wird gemeiniglich vor dem Anfang der handlung der
Gottesdienſt verrichtet/ vnd GOtt der Allmaͤchtige vmb gutes gedeyen ange-10.
Von der
Landtags
Propoſition.
ruffen/ nach demſelben loͤßt der Landsherr in einem Sahl oder vnverſchloſſenen
Gemach/ durch ſeinen Cantzler oder vornehmſten Rath (er wolte es denn ſelbſt
mit wenigen gedencken/ vnd die weiter Außfuͤhrung hernach durch jetzt bemelte
Perſon thun laſſen/) denen ſamtlichen Staͤnden die Vrſachen/ worumb ſie zu
ſammen erfodert ſind/ auch die Puneten worinn ihr Bedencken vnd Rath be-
gehret wird/ muͤndlich anzeigen/ auch darauff Schrifftlich dem Oberſten auß
den Landſtaͤnden/ ſo bald vberantworten/ vnd ferner begehren/ daß ſich die
Staͤnden zu ſammen verfuͤgen/ die ptoponirte Puncten wol erwegen vnd dar-
auff mit Vnterthaͤniger trewer Eroͤffnung ihres Gutdunckens ſich vernehmen
ſollen. Dieſelbe Erklaͤren ſich durch Jhre Landsſchaffts Syndicum oder red-
ner/ (etlicher Orten werden ſie auch Landſchaffts Cantzler genennet) oder ei-
nen ihres Mittels/ oder auch den Land Marſchalck/ welches in etlichen Orten
eine erbliche Dignitet, eines Adelichen oder hoͤhern Geſchlechts iſt/ nechſt vorher-
gehender Danckſagung fuͤr die zu ſammen Beſchreibung vnnd Erforderung
ihres Raths/ dahin/ daß Sie denen proponirten Puncten nachdencken vnnd
ihre Vnterthaͤnige Erklaͤrung daruͤber entdecken wolten/ bitten vm̃ Aberitt vnd
einen Ort der Zuſammenkunfft/ Darauff werden ſie in ſondere Gemaͤcher ge-11.
Von or-
denelichere
Berath-
ſchlagung
uͤber die Pri-
poſition.
wieſen/ alß in Fuͤrſtenthumern vnd Landen/ wo vollige Landſaſſerey iſt die Præ-
laten in eines/ die Graffen vnd Herren in eines/ die von der Ritter-
ſchafft in ein anders/ vnd die Staͤdte auch in ein anders/ oder nach Ge-
legenheit bleibt es bey zwey oder drey Claſſen, nach dem der Ritter- oder Herren/
vnd Prælaten Stand von der Lands-Fuͤrſtl Hoheit eximite iſt oder nicht. Bey
einer iedweden Samlung fragt der obenanſitzende/ oder wer es nach altem Her-
kommen befugt iſt/ die Staͤnde umb Jhre Meinung/ vnd vergleichen ſich eines
gewiſſen Schluſſes denſelben Communiciretiedere Claſſ mit der andern/ biß
ſie einer einhelligen Meinung ſich vereinbahret/ oder da es nicht ſeyn koͤnte/ wer-
den eines ieden ſaͤmtlichen Stands meinung oder ſchluͤſſe/ auffgezeichnet/ vnd
da nechſt eine Schriffliche antwort an den Lands-Fuͤrſten verfaſſet/ vnnd
deſſen Cantzler vnd Raͤthen/ oder wen Er dazu verordnet/ vnnd wie es ge-
braͤuchlich iſt/ durch etliche de putirte anß den Staͤnden eingehaͤndiget.

Jſt nun der Landsherr mit ſolcher Erklaͤrung/ nach dem dieſelbe reifflich12.
Von Land
tagsſchluß
gegen die Propoſitions Puncten uͤberiegt vnd nach Jhren Motiven betrachtet
D iijwerden/
[30]Teutſchen Fuͤrſten-Stats
werden/ zu frieden/ So laßt er ihnen ſolches Anzeigen/ vnd wird darauff in ſei-
ner Cantzley ein Schrifftlicher-Abſchied/ was gehandelt vnd geſchloſſen wor-
den/ verfaſſen/ vnd in beyſeyn des Herrn vnd ſaͤmptlicher Staͤnde/ oͤffentlich
abgeleſen/ mit dem Lands herrlichen Siegel vnd Vnterſchrifft bekraͤfftiget/ vnd
ſo wol in des Herrn Cantzeley/ alß in denen Brieff verwahrungen der Landſtaͤn-
de/ ſo viel Claßen derſelben ſeyn/ etlich mahl bey gelegt/ fuͤr einen Schluß vnd
Geſetz des Landes gehalten/ in offenen außſchreiben vnd Patenten verkuͤndet/
vnnd die Landſtaͤnde mit gnaͤdigen Danck vnnd erbieten wieder nach Hauß
gelaſſen.

Wuͤrden aber die Staͤnde in Jhrer erſten antwort auff die proponirten
Puncten/ zweiffelhaffte oder gar abſchlaͤgige vnd wiedrige Meinungen fuͤhren.
So wird ihnen darauff wo ihre angezogene Vrſachen nicht erheblich ſcheinen/
eine gegen Erklaͤrung oder Replica im Nahmen des Landsherrn Schrifftlich
zu geſtellet/ darauff ſie anderweie in einer ferneren Antwort oder duplic ſich ver-
nehmen laſſen muͤſſen vnd geraͤthet oft in wichtigen vnd verdrießlichen Sachen
dahin/ daß wol noch mehr Schrifften gewechſelt werden/ ehe man eines Schluſ-
ſes einig werden kan/ doch pflegt man vmb weitlaͤufftigkeit zu verhuͤten/ nicht
gerne in weitere Schrifften ſich einzulaſſen/ ſondern durch muͤndliche Confe-
rentz zwiſchen des Landsherrn Raͤthen vnnd allen oder etlichen von den Land-
ſtaͤnden/ die Sachen darumb man vnterſchiedlicher Meinung iſt/ gegen einan-
der fuͤrzubringen/ biß entweder noch der Propoſition des Landsherren/ oder ie
in andere nuͤtzliche Wege nach dem Rath der Staͤnde/ oder der meiſten auß ih-
nen/ eine Reſolution gefaſſet wird/ darinnen denn der Landsherr deſto behutſa-
mer verfaͤhret/ weil ſolche Landtags ſchluͤſſe nicht nur die beſchriebene Staͤnde
vnd ihre Hinterſaſſen/ ſondern auch ſeine vnmittelbare Vnterthanen
Aempter/ welche woll den groͤſſern Theil des Lands mit machen/ zu gleich an-
geht/ vnd er dißfalls fuͤr dieſelben mit ſorgen vnd handeln muß.

Bey ſolchen Zuſammenkunfften pflegen die Landſtaͤnde auch fuͤrbringen
zu laſſen/ weſſen ſie ſich etwan bey dem Landsherren/ wegen ſeiner Regierung/
oder ſonſt wegen ein vnd anderen Mißbrauchs/ der von ſeinen Beampten vnd
Dienern im Lande fuͤrgenommen werden wolte/ zu beſchweren haͤtten.

Dieſelbigen gravamina hoͤret der Landsherr an/ vnd wenn ſich befindet/
daß ſie nicht etwa ein vnd andere Perſon auß der Landsſchafft inſonderheit an-
gienge/ die dadurch vielleicht ihren Vortheil vnnd daß jenige ſuchten/ was ſie
ſonſt Ordentlich nicht erlangen koͤnte/ ſondern daß es eine gemeine Klage/
die entweder das gantze Land/ oder etliche vornehme Staͤnde deſſel-
ben/ oder zwar nur einen oder wenige/ aber mit befuͤrchtetenConſe-
quentzvnd einfolge auff andere/ betreffen thue/ So wird er ſich entweder
ſo bald/ nach dem die angefuͤhrte Beſchwerungen gegruͤndet iſt/ zu billig maͤſſt-
gem ein-
[31]Anderer Theil.
gem einſehen vnd Abſtellung des Mißbrauchs erklaͤren/ oder es auff weitere Er-
kuͤndigung ſtellen oder allenfalls auch neben ſeinen Raͤthen etliche auß dem Mit-
tel der Landſchafft/ welche ſie ſelbſt auß den Verſtaͤndigſten vnd ohnparteyiſchen
vorzuſchlagen haben deputiren vnd Ordnen/ welche in ſolchen gravaminibus
oder Beſchwerungen/ die jenigen welche es angeht/ es ſeyn nun Staͤnde des
Lands/ oder Herrſchafftliche Beampte/ fuͤrfordern/ der Sachen Beſchaffen-
heit erforſchen/ vñ ein billigmaͤſſigs Mittel vnd abſchied treffen ſollen/ Was aber
Parteyen vnd Privat-Sachen ſind/ die weiſet man fuͤr die ordentliche Gerich-
te/ vnd befihlet denenſelbẽ in der Sache nach gebraͤuchlicher vnd rechtlicher Wei-
ſe zu verfahren.

Wann aber dem Landsherrn ſolche Sachen fuͤrfallen/ dazu er zwar15.
Vom Auß
ſchus auff
der Land-
ſchafft vnd
deſſen Be-
ſchreibung.
eben nicht auß altem Herkommen vnnd ſchuldigkeit die Landſtaͤnde zu Rathe
fragen muß/ gleichwol aber auch nicht gerne ohne deren vnbewuſt handelt/ oder
die Sache beſtehet auff bloſſer Anordnung/ gehet aber die Vnterthanen ins ge-
mein an/ oder wird von einem thunlichen Mittel geredet/ wie das jenige/ was
auff Landtagen beſchloſſen am fuͤglichſten ins Werck zu ſtellen ſey/ So pflegt
der Landsherr nicht alle Landſtaͤnde/ ins gemein/ ſondern zu Verhuͤtung der ko-
ſten/ vnd gewinnung der Zeit/ offters auch vmb beſſerer geheimhaltung willen/
Einen Außſchus auß denſelben zu ſammen zu beſchreiben/ Solcher Außſchus
oder benennung etlicher Perſonen bald in Engerer bald in groͤſſerer Anzal/
wird mehrentheils auß allen Staͤnden oder Claſſen der Landſchafft/ auff einem
allgemeinen Landtag beſchloſſen/ vnd zu Werck geſtellet/ damit der Landsherr
wiſſe/ welche er in obigen faͤllen zu Erfordern habe.

Es geſchieht auch woll daß nach Gelegenheit der Laͤufften vnd Zeiten/ ein
ſolcher Außſchus von den ſaͤmptlichen Landſtaͤnden/ in denen Sachen bevoll-
maͤchtiget wird/ die ſonſt fuͤr die voͤllige Landſchafft gehoͤreten/ weſſen denn der
Landsherr auff dieſe Heimſtellung mit denen vom Außſchus einig wird/
das iſt eben ſo viel Kraͤfftig/ alß wenn es auff einem ordentlichen Landtag ge-
ſchehen were.

Wir wollen hiebey auch nicht vergeſſen/ daß die Geiſtliche Fuͤrſtenthumer
in Teutſchland deren Haͤupter durch das Dom- vnd Stiffts-Capitel erwehlet
werden/ nicht wenig vnd Verbindung wegen ſolcher Capitel in ihrer Regierung
erlangen deßwegẽgemeiniglich ſonderbare Capitulationes bey der Wahl
mit Jhnen auffgerichtet werden/ auch die beſchrieben Paͤbſt-
liche Rechte hierinn etlicher maſſen Nach-
richt geben.

Cap. V.
Von derAdminiſtrationvnnd Verwaltung
des weltlichen Regiements nach vorher geſetzter
Maſſe/ wie ſolche dem Landsherrn obliege/ vnd Er
dazu Raͤthe vnd Diener habe.

WElcher geſtalt die Lands Fuͤrſtliche Regierung in weltlichen Sachen
in vier Haupt-Puncten beſtehe/ vnd wie ſolche wegen vnterſchiedli-
cher Betrachtungen gemaͤſſiget vnd vmbſchraͤncket ſey/ haben wir
in den vorher gehenden Capiteln zu vernehmen gehabt/ darauff nun-
mehr zu berichten faͤllet/ wie dann ſolch Regierung in allen Jhren Puncten
gefuͤhrt werde.

Hievon iſt in dieſem Capitel ins gemein ſo viel anzuzeigen/ Einmahl/
daß der Landherr das Hauptwerck ſeiner Regierung/ am allermeiſten durch
ſeine ſelbſt Perſon zu Verwalten habe/ Worzu Jhn dann nicht allein
die Goͤttliche Ordnung/ Krafft deren er im Stand der Obrigkeit lebt/ ſondern
auch das Loͤbliche herkommen/ Recht vnd Befugnuͤß ſeiner Land vnd Leute vnd
des gantzen Teutſchlands verbindet/ Alßfern er nicht nothwendiger Weiſe we-
gen anders wo auch habender Land vnd Leute/ hoher expedition in Krieges vnd
Reichs Sachen/ vnd dergleichen/ auff eine Zeitlang oder Ordentlich abweſent
ſeyn muß/ welchen Falls er dennoch durch einen anſehnlichen Stadthalter vnd
deme zu geordnete Raͤthe dem Lande vorſtehen laſt/ auch wol je zu Zeiten
ſich
[33]Anderer Theil.
ſich ſelbſt dahin verfuͤget/ denn es bezeugen die Geſchichte der Lobwuͤrdigſten
Teutſchen Regenten wie ſich dieſelbe von Alters her alſo dapffer/ Gewiſſenhaft/
Trew/ vnd empſſig in Jhrem hohen Beruff des Obrigkeitlichen Ampts erwie-
ſen/ daß die Vnterthanen vermercken vnnd verſpuͤren koͤnnen/ wie Jhr ange-
borner natuͤrlicher Erbherr/ nicht nur den bloſſen Nahmen vnd Titul ſondern
auch die Verrichtung vnd Laſt des Regiements auf ſich habe.

Hingegen geben die Exempel anderer Lande/ daß im Fall die Landesherrn
ſich Jhrer Regierung nicht ſelſt vnterziehen ſondern andern vnnoͤtigen Sachen
obliegen/ vnd alles an die Diener laſſen/ oder gar zu lang auſſer Lands ſich auff-
halten/ durch ſolche verſaumnuͤß Jhres Beruffs allerhand vnordnung/ Vn-
gerechtigkeit vnd groſſes verderben/ Jhre Land/ vnd Leute betroffen/ offt auch die
Vnterthanen auffruͤhriſch werden vnd nach einem andern vnd beſſern Regie-
ment verlanget.

Es erweiſet ſich aber dieſe Perſoͤnliche bemuͤhung/ oder eigentliche Amts-2.
Worinn
die Perſoͤn-
liche bemuͤ-
hung des
Lands-
herrn be-
ſtehe.
Verrichtung vornehmlich hierinnen/ daß der Lands Fuͤrſt einmahl ins ge-
mein zu forderſt dahin trachtet/ die eigentliche Beſchaffenheit ſeines
Landes vmbſtaͤndiglich zu wiſſen vnd ſich bekane zu machen/ das ge-
ſchehe nun durch eine außfuͤhrliche Beſchreibung alles deſſen was im Land/ an
Grund vnd Boden/ Staͤdten vnd Doͤrffern/ Leute/ Vnterthanen vnd Dienern
Gerichten vnd Gerechtigkeiten/ Jhme oder ſeinen Landſtaͤnden zu ſtehet/ oder
daß er durch lange Erfahrung vnd Augenſchein dieſer Dinge kuͤndig ſey/ vnd
alſo wiſſe/ wie weit vnd woruͤber ſich ſeine Macht vnd Regierung erſtrecke/ vnd
was er darinn gegen das Reich/ ſeine gefreunde vnd die Vnterthanen ſelbſt/ we-
gen gemeiner Satzungen/ vertraͤge/ vnd andere Befugnuͤß/ wie wir bißhero
in dem nechſt vorgehendem Capitel angefuͤhrt/ Maſſe halten muͤſſe.

So dann auch vnd inſonderheit nach Anleitung oben geſetzter vier Pun-3.
Erſtlich
wegẽ ſeines
Stats.
cten/ 1. Daß er Warnimmet/ fleiſſig nachdencket/ oder ſich offters durch ſeine
Raͤthe vnd Diener vortragen vnd berichten laſſet/ was etwan im Lande oder
auſſerhalb deſſelben vorgehen/ dardurch er an ſeiner Fuͤrſtlichen Regierung be-
eintrachtiget vnd an ſeiner Hoheit/ vnd alſo folglich an rechtmaͤſſiger Vbung
ſeines Obrigkeitlichen Ampts Nachtheil vnd Hinderung zu gewarten h[aͤtte.]

(2.) Daß er nichts weniger fuͤr ſich ſelſt/ wenn er des Zuſtands ſeines4.
Zum an-
dern wegen
guter Ord-
nung im
Lande.
Lands wol berichtet iſt/ auch taͤglich oder oͤffters erfaͤhrt/ wie es darinn in allen
Staͤnden wol oder uͤbel zu gehet/ mit Eyfer vnnd trewer Vorſorge beflieſſen iſt/
gute Ordnung vñ Anſtalt zu machen das vbel abzuſchaffen vnd den Wolſtand
vnd beſſers auffnehmen allenthalben zu fordern/ zu dem Ende er die gute Geſetze
vnd Ordnung der Vorfahren vnd die er ſelbſt auffgerichtet in gutem Gedaͤcht-
nuͤß erhaͤlt/ die daruͤber einlangende Berichte zu hoͤren ſich nicht verdrieſſen/
Eoffters
[34]Teutſchen Fuͤrſten-Stats
offters daruͤber Bericht einziehen/ die Vberfahrer ſtraffen/ vnd die Handha-
bung derſelben auffs beſte foͤrdern laͤſt.

(3.) Ob wol zu recht vnnd Gerichts-Sachen gewiſſe Perſonen erfordert
werden/ die in ſolcher weitlaͤufftigen Wiſſenſchafft mit fleiß geuͤbet vnd erfahren
ſind/ vnd ein Lands-Fuͤrſt mit Anhoͤrung aller Rechts Sachen vnd entſchei-
dung ſchwerer Rechts fragen ſich nicht zu beladen hat/ So hat er doch hierinn
auch nicht geringe Muͤhe/ daß er nicht alliin auch nachdencket vnd fleiſſig erfor-
ſchet/ ob auch in allen Gerichten das Recht ohnparteyiſch vnd mit Verſtande
ertheilet/ auch die Leute mit Beſcheid vnd rechtmaͤſſiger verordnung gefoͤrdere
werden/ ſondern/ daß er auch die wichtigſten Sachen/ die vor ſeiner Cantzeley
hangen/ oder auch andere/ darinn er von iemands angelauffen vnnd erſucht
wird/ ſonderlich was die Armen betrifft/ ſich ſelbſt Vortragen laͤſt/ darauff
nach gepflogenem Rath einen billigen Schluß faſſet/ vnd demſelbigen nachzu-
kommen anbefihlet.

(4.) Weil auch ſein Reſpect vnnd Hoheit ſich endlich am meiſten darin-
nen erweiſet/ daß er denen jenigen/ welche ſich vngehorſam erzeigen/ oder die
Jhme vnd ſeinem Lande feindlich zu wieder ſeyn/ mit rechtmaͤſſigen Mitteln wie-
derſtehen vnd zu Handhabung vnd Schutz ſeiner vnd der Seinigen durch euſ-
ſerliche Macht ſchreyten kan/ ſo laſt ſich auch der Landsherr nicht verdrieſſen zu
ſolchem Ende befehl zu ertheilen/ auff gute anordnung zu gedencken/ Bericht
einzuholen/ die Vnterthanen in Krieges Verfaſſung zu nehmen/ auch in euſſer-
ſten faͤllen bey Krieges/ Zeiten/ denſelben in eigner Perſon vorzuſtehen.

Dann ob es wol an dem iſt/ daß ein hoher Regent nicht ſelbſt in allen vor-
her erzehlten Stuͤcken die Hand anlegt/ vnd alles ſelbſt verrichte/ ſondern zu dem
Ende Raͤthe vnd Diener hat/ vnd beſoldet/ deren einer in dieſem der ander in ei-
nem andern Stuͤcke arbeiten muß/ So hat er doch vber alles die ober-
ſte auffſicht/ durch fleiſſiges nachfragen/ nach dencken auffgute
Ordnung vnd anſtalten/ erforſchung verſtaͤndiger Rathſchla-
ge/ vnd ſchleunige Werckſtellung deſſen was er ſchluͤſſig wird/
zu verfuͤhren.

Darzu dañ in Warheit eine groſſe Wiſſenſchafft/ Erfahrung/ Auffrich-
[tigkeit ]vnd Großmuͤtigkeit ſampt vielen andern Tugenden vnnd qualiteten er-
[heiſche]t werden/ davon in dem Wort Gottes vnd den Buͤchern der Politiſchen
[S]cribenten ein außfuͤhrlicher Bericht zu finden/ wie auch eine bequemliche Art
vnd abfaſſung geſchehen kan/ daß ein Herr alles deſſen was in ſeine hohe Ver-
richtung laufft einen kurtzen Außzug zu einer ſtaͤten Erinnerung vnnd Nach-
richt vor Augen habe/ vnd Jhme alſo bey ſo groſſer Maͤnge der Sachen doch
leichtlich nichts entfalle.

Auß dieſem iſt nun Vnſchwer abzunehmen/ daß der Landes-Fuͤrſt/ zu7.
Daß ein
Lands-
herr Die-
ner haben
muͤſſe.
der Verrichtung eines ieden Stuͤcks der Regierung gewiſſer Raͤthe vnd Die-
ner nicht entbehren koͤnne/ allermaſſen dieſelbe in allẽ Laͤndern vnd Fuͤrſtenthu-
mern von der Lands-Herrſchafft nach erforderung der nothurfft beſtelt werden/
von welchen nunmehr vnnd was in Jhre Ampts-Verrichtung laufft nach der
Ordnung anſuͤhrung zu thun iſt/ vnnd ſtehet hierinn nicht eine geringe Muͤhe
vnd Vorſichtigkeit deß Landsherrn/ daß er nemlich in Erwehlung vnd Beſtel-
lung ſolcher Diener vom hoͤchſten zum niedrigſten woll antreffe/ vnd ob Er woll
hierinn ſeinen Freyen Willen hat/ dennoch mit gutem Rath vnnd Reiffer be-
dachtſamkeit verfahre/ Sintemahl an getrewen/ verſtaͤndigen vnd fleiſſigen
Dienern in einem Regiement ein groſſes gelegen.

Es ſind aber etliche gemeine Stuͤcke die in Beſtallung aller Diener/8.
Etliche ge-
meine Stuͤ
cke die in
annemung
der Diener
zu beobach-
ten.
welche zumahl zu Regiements Sachen noͤtig ſind/ mit groſſem Nutz pflegen
beobachtet zu werden.

Alß (1.) nehmen die Landsherrn nicht leichtlich andere Diener an/ alß die
der Religion, welche im Lande in Vbung iſt zu gethan ſind/ vnd alſo wegen
wiedriger Glaubens-Bekaͤntnuͤß kein Mißtrawen/ weder bey dem Herren noch
bey dem Lande gegen ſich erwecken/ etlicher Orten iſt der Diener Pflicht mit ein-
verleibt/ daß/ da ſie auch von der im Land hergebrachten Glaubens-Bekant-1.
nuͤs wolten abweichen/ Sie ſchuldig ſeyn ſolten/ ſolches dem Lands-Fuͤrſten
oder dem jenigen/ den er Jhnen vorgeſetzt/ zu eroͤffnen/ vnd ob er Sie ferner in
Dienſten leyden wolte oder nicht verordnung zu gewarten.

(2.) Werden vnd ſollen keine befoͤrdert werden/ die nicht zu dem Ampt2.
dazu man ſie gebrauchen will geſchickt vnd tauglich genung erſcheinen/ vnnd
nicht nur alſo von Jhren Freunden vnd Goͤnnern vorgeſchlagen vnnd gelobt/
ſondern auch durch Erforſchung anderer der Sachen verſtaͤndiger vnd trewer
Diener/ im Werck befunden werden/ auch Ehrliches Nahmens vnd Herkom-
mens vnd mit keiner wiſſentlichen Schandthat vnnd vbeln Leutmuth befleckt/
ſondern erbars Lebens vnd Wandels ſind.

(3.) Wo man ſolche Perſonen haben kan/ die im Lande geborn/ gezogen3.
oder mit ihren meiſten Vermoͤgen darinn geſeſſen ſind/ pflegt man dieſelben/
wenn ſie ſonſt geſchickt ſind/ vor Fremden vnd Außlaͤndiſchen zu gebrauchen/
weil vermuthlich die Landkinder vnd ingeſeſſene mit mehrer Lieb vnd zu neigung
alß andere im Lande dienen.

(4.) Ein iedweder wird vmb mehrer vnd beſſerer verſicherung willen mit4.
einem Coͤrperlichen Eyd zu GOtt dem Allmaͤchtigen zu ſchweren belegt/ daß
Er dem Landsherrn/ Trew/ Hold/ gehorſam vñ gewertig/ auch in ſeinem Dienſt
trewfleiſſig vnd verſchwiegen ſeyn wolle.

(5.) Bey annehmung vnd erhaltung eines Dieners wird auch dahin ge-
ſehen/ daß er ſich mit einer Leydlichen vnd gewoͤhnlichen Beſoldung/ begnuͤgen
laͤſt/ damit durch groſſe koſtbare vnd vngewoͤhnliche Beſoldung andere nicht zu
Neyd erwecket/ noch die Fuͤrſtl. einkunfften zu ſehr beſchweret werden.

(6.) Zu einem Ampt vnd Dienſt Verrichtung werden die jenigen nicht
mit Nutz angenommen/ welche in einem oder andern Stuͤck ſo in ihr Ampts
Verrichtung laufft/ ein eigenes Intereſſe, Jhrer Guͤter oder anderer Gerecht-
ſamen wegen/ die ſie im Lande haben moͤgen/ zu ſuchen oder zu bedencken haͤtten/
damit ſie nicht durch Anlaß des Ampts Jhrer Herrſchafft zu ſchaden vnnd zu
ihrem Nutz handeln oder ie in ſolchen Sachen kaltſinnig vnd ohne genugſame
Eyffer ſich finden laſſen.

(7.) Nimmt man ſonderlich zu etwas hohen Dienſten/ nicht gern ſolche
Perſonen/ die einer andern Herrſchafft mit der man etwa ſtreitig oder Benacht-
bart iſt/ mit Pflichten verwand/ oder vnter derſelben beguͤtert ſind.

(8.) Weil die Dienſt-Verrichtung beym Regiement nicht einerley ſon-
dern mancherley/ vnd eine der andern nach geordnet vnd vntergeben iſt/ oder et-
liche Perſonen alß Collegen neben einander beſtallt werden muͤſſen/ So wird
iedweder Diener zu gehoͤrigem Reſpect gegen die/ welche Jhm nechſt dem Lands
Herrn vorgeſetzt ſind/ vnd zu guter Vertraͤglichkeit mit ſeinen zu geordneten an-
gewieſen/ auch wol ehe vnd zu vor einer angenommen wird/ die jenige/ vnter oder
neben welche er kommen ſoll zu vorhero ſeiner Perſon halben vnd ob ſie dabey
etwas zu bedencken haben/ vernommen/ damit in guter Eintraͤgtigkeit vnd ge-
ſampter fleiß die Aempter verrichtet werden/ zu welchem Ende auch woll den
Collegen vnd einandern zu vnd nachgeordneten eingebunden wird/ daß Sie ein
ander ſelbſt/ bey verſpuͤrten maͤngeln Chriſtlich vnd Freundlich zu dem was ſich
gebuͤhrt vnd ihr Dienſt erfordert ermahnen/ endlich aber wenn keine Beſſerung
zu hoffen/ es anderweit den vorgeſetzten oder dem Landsherrn ſelbſt anzeigen.

Die Aempter vnd Dienſte aber dadurch der Landsherr Seine weltliche
Regierung beſtellt/ ſind zum Theil zu allen obigen Stuͤcken der Regierung
ins gemein verordnet/ etliche aber betreffen nur etliche gewiſſe
Puncten deroſelben/ wie nun mehr fol-
gen ſoll.

Cap. VI.
Von beſtellung einer Rathſtuben oder der
Cantzler vnd Raͤthe vnd der Cantzeley.

DJe Vornehmſten vnd zu allen Puncten der Lands Regierung beſtel-
te Diener/ ſind die Regierungs Raͤthe/ vnter welchen Namen wir all-
hier ins gemein die jenigen meinen/ welche ſo woll zu Stats alß Juſtitz
Sachen verordnet werden vnnd darunter an den meiſten Orten der
Cantzler der vornemſte iſt.

Der Nahme eines Cantzlers iſt auß Welſchen Lande/ vor etlich hun-1.
Von dem
Nahmen/
vnd Stand
der Cantz-
ler vnd
Raͤthe.
dert Jahren in Teutſchland auffkommen/ vnd anfaͤnglich nur von der Koͤnige
vnd Keyſers Oberſten bedienten zu Regiements vnd Iuſtitz Sachen/ welche
denen andern dazu Beſtelten vorgeſetzet waren/ vnnd uͤber die Cancellen oder
Gittere vnd verwahrung der Gerichts-Stellen vnd geheymen Schreibereyen/
die Auff ſicht haͤtten/ gebraucht/ auch ſolches Ampt mehrentheils geiſtlichen
Perſonen/ Biſchoffen vnnd Abten vertrawet worden/ vnnd wird man bey de-
nen Teutſchen Fuͤrſtenthumern ehe man nach vnd nach die Lands Regierung
beſſer gefaſſet vnnd ſonderlich die Keyſerlichen Lateiniſchen. Rechte in Teutſch-
land in vollenſchwang kommen/ dieſen Namen nicht/ die Verrichtung aber ſo
E iijferne
[38]Teutſchen Fuͤrſten-Stats
ferne finden daß zum Theil zu der Zeit ſolche durch die vornehmſte Hoffbediente
vnd Raͤthe auß der Landſchafft/ zum Theil aber durch Gelehrte/ die Sie ihre
Oberſte Notarien oder Schreiber genennet/ verrichtet worden.

Der Nahme vnd Ampt aber eines Raths/ oder wie ſie die Alten genent/
Rathgebers vnd heimlichen iſt in Teutſchland lange Zeit gebraͤuchlich
geweſen/ vnd haben deroſelben die Regenten bey ſo weitlaͤufftiger vnnd ſchwerer
Verrichtung Jhres Ampts nicht entbehren koͤnnen/ ſonderlich nach dem die
Kriegeriſche Zeiten vnd eigenwilliges Verfahren in Teutſchland durch die
Reichs-Geſetze vnd Verordnung des Lands-Friedens auffgehoben/ vnd alſo
denen Fuͤrſten vnd Herrn Ruhe vnd Zeit gegeben worden die Regierung Jhrer
Laͤnder beſſer zu beſtellen.

Wir reden aber allhier von ſolchen Raͤthen/ die man ſonſt wuͤrckliche Re-
gierungs Hoff- vndIuſtitienRaͤthe nennet/ vnd zu der Regierung des
Lands in der Rathſtuben vnd Cantzeley gebrauchet/ vnter welchen der Obriſte
der Cantzler iſt. Denn auſſer vnd neben dieſen pflegen die Fuͤrſten auch etliche
vornehmen oder vertrawten Perſonen/ von Adel/ vnd Gelehrten/ Ehren wegen
vnd zu Bezeugung Jhrer gnaͤdigen Affection, den Titul eines Raths zu geben/
etliche auch nicht zu ſteter Verrichtung/ ſondern nur von Hauß auß/ daß ſie auff
Erfordern in dieſem oder jenem geſchaͤffte dienen muͤſſen/ anzunehmen.

Weil deñ nun Cantzler vnd Raͤthe ſolche Perſonen vnd Diener des Lands
Fuͤrſten ſind/ welche Er in verfuͤhrung ſeines Regiements zu Rathe fraget/ vnd
die vornehmſten geſchaͤffte ſonderlich aber die Oberſte auffſicht in Regiements-
Sachen durchs gantze Land/ vnd die Ertheilung der hoͤchſten Iuſtitz vnd Ge-
richtbarkeit/ durch ſie verrichten laſt/ So iſt leichtlich zu ermeſſen/ daß dieſelben
von guten Eigenſchafften/ Verſtand vnd Tugend ſeyn muͤſſen/ ſollen ſie an-
ders Jhrem Herren vnd dem Lande mit nutze rathen/ dienen vnnd vorſtehen
koͤnnen.

Darumb pflegt auch der Landsherr in beſtellung vnd annehmung derſel-
ben groſſer behutſamkeit zu gebrauchen vnd nicht allein auff die in vorigem Ca-
pitel gemeldete gemeine Stuͤcken/ ſondern uͤber dieſes auch dahin zu ſehen/ daß
Sie genugſam Gelehrte vnd nechſt erforderter Wiſſenſchafft in
der ChriſtlichenReligion,der Politiſchen Welt Weißheit vnnd
der Stuͤcke die zu einem wolbeſtelten Regiement gehoͤren/ So
dann des gemeinen Keyſerlichen vnd der Landuͤblichen Rechten
der Satzungen vnd Beſchaffenheit des Roͤmiſchen Reichs vnd
deſſen hoͤchſter Gerichte/ wol vnterwieſen vnd erfahren/ auch
des Lands vnd deſſen Ordnung vnd gewonheit/ vnd der ange-
legenheit Jhres Herren entweder bereits wiſſent/ oder doch ihrer
geſchickligkeit nach leichtlich zu informiren ſeyn.

(2.) Jhrem Stand vnd Herkommen nach/ werden entweder geborne
Edelleute/ oder ſolche Perſonen die Jhrer geſchickligkeit vnd Wiſſenſchafft
halben auff den Hohen-Schulen mit einem Ehren-Titul vnndGradu
wie mans nennt eines Doctorn oder Licentiaten gewuͤrdiget werden/ oder doch
denenſelben gleich zu Schaͤtzen/ zu Raͤthen beſtellet.

(3.) Ob wol allen Menſchen alle Gaben nicht verliehen ſind/ ſo befleiſſigt
ſich doch ein Landsherr dahin/ daß neben ſolchen nothwendigen Stuͤcken alle
oder etliche ſeine Raͤthe auch ſonſt gute qualiteten, alß Wiſſenſchafft der
ſprachen/ Beredtſamkeit/ hoͤffliche Sitten/ Erfahrung vnnd
Kundſchafft anderer Laͤnder vnd dergleichen haben moͤgen/ da-
mit man ſich deroſelben in vnnd auſſerhalb Landes deſto fuͤglicher gebrauchen
koͤnne.

(4.) So auch einem ieden Menſchen ſonderlich der einem andern vnnd
hoͤhern zu gemeinem Wolſtand dienen will/ die Tugend der Gottesfurcht/ De-
muth/ Friedfertigkeit/ Sanfftmuth/ Keuſchheit/ Maͤſſigkeit vnd Erbarkeit/
Hoͤffligkeit/ Auffrichtigkeit/ Redligkeit/ Vermeidung des Geitzes/ Warhafftig
keit/ Verſchwiegenheit vnd Genugſamkeit/ noͤthig vnd anſtandig ſind/ So
vielmehr vnd trefflicher werden ſie an denen Perſonen der Cantzler vnd Raͤthe/
wegen des hohen Ampts darein ſie der Lands-Fuͤrſt ſetzet darinne ſie auch Got-
tes Ehre vnd des Landes Wolfart foͤrdern/ das recht maͤnniglich ohnparteyiſch
ertheilen vnd das uͤbel im Lande abſchaffen ſollen/ vnumbgaͤnglich erheiſchet
vnd erfordert/ wie Sie denn auch gemeiniglich in Jhren Beſtallungen dahin an-
gewieſen vnd verpflichtet werden.

Jhre Verrichtung an ſich ſelbſt iſt in gleicher geſtalt in Jhrer Beſtal-3.
Die Ver-
richtung
der Raͤthe:
in ſechs
Puncten.
lung/ auch woll in gewiſſen Cantzeley Ordnungen zu finden/ vnd laufft
in Summa dahin auß/ Daß ſie dem Landsherrn in allen Sachen die Lands-
Regierung betreffende/ entweder vnd zwar Ordentlich auff ſein Befehl vnnd
erforderung oder auch vor ſich wann ſie ihre Pflicht vnd Gewiſſen dazu antrei-
bet/ So denn auch in allen Rechts Sachen die vorden Landsherrn kommen/
Jhren trewen Rath wie in einem vnd andern Stuͤck zu verfahren/ was zu thun
oder zu laſſen/ wie dieſe oder jene Sache zu entſcheiden ſey/ vnd frey vnd Gewiſ-
ſenhafft eroͤffnen vnd dazu mit Fleiß vnv Verſtand bedient ſeyn ſollen.

Darzu denn erfordert wird/ Erſtlich daß ſie ihrem beſten Verſtande nach/
ins gemein zwar die Furcht Gottes/ Erbarkeit vnd Trew/ vor Augen haben/ ſo
denn nach Gelegenheit iedwedere Sache darauff ſehen vnd Jhr Gemuͤts Mei-
nung vnd Rathſchlag darauff Fundiren/ was Vertraͤge/ Teſtamentẽ, Begna-
digung/ Privilegia, Conſtitutionen vnnd Ordnungen des Landsherrn
vnd deſſen Vorfahren/ loͤbliche hergebrachte Gewonheiten/ oder in Mangel de-
roſelben die Landuͤbliche vnd endlich die gemeine Reichs Rechte vnd Satzungen
mit ſich
[40]Teutſchen Fuͤrſten-Stats
mit ſich bringen vnd wie in ſolcher Sache den Erſten Punct der Lands Regie-
rung betreffende der gemeine Nutz vnd Wolfart/ der Land vnd Leute vielmehr
alß der Privat-Vortheil vnd eigner Wille/ vnd in Iuſtitz-Sachen/ was recht-
maͤſſig iſt/ ohne Gunſt oder Freundſchafft gegen die Parteyen/ beobachtet
werde.

Vors andere bringt auch Jhr Dienſt mit ſich/ daß ſie in ſolchen Regie-
rungs-Sachen die Nachrichte vnnd Schrifften oder Acten, wie die in den
Fuͤrſtl. Archiven vnd Brieff Gewelben verwahrt oder taͤglich bey der Cantzeley
einkommen vnd geſamlet werden fleiſſig Leſen/ erwegen darauß verſtaͤndiglich
vnd trewlich Referiren oder vorbringen/ was darinn enthalten ſey/ vnd wovon
die frage vorfalle.

Drittens daß ſie daruͤber ihre Meinung vnd Vota deutlich/ kuͤrtzlich vnd
eigentlich/ ſo viel GOTT Verſtand vnd Gnade verliehen/ fuͤr bringen vnnd
eroͤffnen.

Vierdtens daß ſie auch das jenige was beſchloſſen iſt/ entweder nach dem
es wichtig/ ſelbſt Schrifftlich in Reiner Teutſcher Sprache zierlich vnd nach
Gewonheit oder Stylo der Cantzeley abfaſſen/ oder den Jnhalt/ wie es von den
Secretarien auffgeſetzet werden ſoll/ in ein ſonderliche Regiſtratur dictiren vnd
auffzeichnen laſſen.

Fuͤnfftens ſo ſtreitige Partheyen oder andere/ mit denen der Landsherr re-
den oder ſie auff Jhr begehren hoͤren laſſen will/ fuͤr die Rathſtuben beſchieden
werden/ gebuͤhrt einem Rath die Anzeige vnd Eroͤffnung muͤndlich mit Glimpf
vnd Verſtande zu thun/ worauff ſi[ch] der vorbeſchiedene herauß laſſen ſoll/ oder
worinn man Jhn hoͤren wolle/ nichts weniger das fuͤrbringen in die Raths-
Buͤcher oder Protocoll zu ſchreiben vnnd einzuzeichnen/ auch auff gemachten
Schluß den Beſcheid oder Antwort muͤndlich zu eroͤffnen oder daß es in
Schrifften geſchehen ſoll anzudeuten.

Sechſtens/ fielen aber Sachen vor/ darinn der Landsherr durch einen
Rath auch auſſerhalb der Rathſtuben entweder im Land mit ſeinen Vntertha-
nen vnd Staͤnden oder mit ſeinen Dienern oder Fremden ankommende Ge-
ſandten etwas wolte reden handeln vnnd vornehmen laſſen/ oder er wolte Jhn
auch anders wohin an andere Fuͤrſten Herren oder Perſonen mit denen man zu
thun hat/ alß einen Geſandten oder abgeordneten ſchicken/ So iſt der Rath
Schuldig ſich dazu in Ehrlichen vnverkleinerlichen Werbungen/ vnnd hand-
lungen gebrauchen zu laſſen/ vnd das jenige Mund vnd Schrifflich vorzubrin-
gen was Jhm entweder muͤndlich/ oder in Schrifftlichen Inſtiuctionen an-
befohlen iſt/ auch was er verrichtet/ trewlich vnnd fleiſſig ſeinem Herrn zu
referiren.

Damit aber dieſe Jhre Ampts Verrichtung deſto ſchleuniger/ auch or-
dentlicher vnd bequemlicher von ſtatten gehe/ Jſt dabey ferner auß loͤblicher Ge-
wonheit wolbeſtalter Polliceyen zu mercken.

(1.) Daß der Regierungs oder Hoffraͤthe zu beſſerer Verrichtung vnd4.
Etliche vñ
ſtaͤnde bey
dem Ampt
der Raͤthe/
alß erſtlich
die Anzahl
Außtheilung der Sachen/ auch mehr gute Rathſchlaͤge vnd Gedancken zu
haben eine gnugſame Anzahl nach Gelegenheit des Lands vnnd fuͤrfallen der
Verrichtung ſeyn muͤſſen.

(2.) Daß darunter einer zu einem Præſidenten, vnd Directorn mehren-
theils vnter dem Nahmen vnd Titul eines Cantzlers/ verordnet iſt/ welcher fuͤr
den andern den Vorzug vnd Reſpect hat/ Eine Sache in Abweſen vnnd an5.
Zum an-
dern die Di-
roction
durch das
Ampt des
Cantzlers.
Statt des Landes-Fuͤrſten oder die jenige welche der Herr ſelbſt nicht zu Propo-
niren pflegt zu Berathſchlagung in die Vmbfrage zu bringen/ der Raͤthe mei-
nung daruͤber zu begehren den Schluß nach den mehrern Stim̃en zu machen/
denſelben zu ſeiner Abfaſſung in die Cantzeley anzubefehlen.

Alſo auch bey verhoͤren vnd Vorbeſchieden den Vortrag zu thun vnd Ant-
wort zu geben/ dem Lands-Fuͤrſten einen Schlus der ſaͤmptlichen Raͤthe zu Re-
feriren, alles was in der Cantzeley auffgeſetzet wird/ zu forderſt zu durch ſehen/
zu verbeſſern auch wenn es ins Reine geſchrieben/ was nicht gar wichtige Sa-
chen ſind vnd von Landes-Fuͤrſten ſelſt vnterſchrieben werden/ im Nahmen
deſſelben oder der Reglerung vnd Cantzeley zu vnterſchreiben/ auch daß es mit
dem Fuͤrſtlichen Wapen vnd Secret, bedruͤcket werde/ anzuordnen/ maſſen er
denn vber ſolch Siegel die Inſpection vnd Verwahrung hat/ Jngleichen hat er
vor andern auff die Bedienten der Cantzeley gute auffſicht zu haben/ vorgehende
Maͤngel ihn anzuzeigen vnd abzuſchaffen.

(3.) Vnter den andern Raͤthen/ wird vmb Verhuͤtung Streits vñ Con-6.
Drittens
die Ord-
nung vnd
Vorgang
vnter den
Raͤthen.
fuſion, die Ordnung gehalten/ daß ein iedweder den Stand vnd Ehrenſtelle
nimmt nach der Zeit/ wie er zu einem Rath angenommen werde/ Es wolte dann
der Landes-Fuͤrſt auß bewegenden Vrſachen ein anders Verordenen vnd nach
ſolcher Ordnung legen ſie auch Jhre Vota vnd Relationen ab/ dirigirt auch in
Abweſen des Cantzlers vnd veriritt deſſen Stell der Aelteſte oder erſte nach Jhm
in der Raths-Ordnung/ doch wenn der Raͤthe einer etwas ordentlich fuͤr ſich
vorbringt/ vnd raferirt, wird Er mit ſeiner Meinung zu erſt gehoͤrt/ vnd wieder
dergleichen gute Ordnung pflegt nicht gehandelt noch von einem dem ander[n]
zur Vngebuͤhr ins Wort gefallen vnd vorgegrieffen/ viel weniger er wegen [ſei-]
ner Meinung verdrießlich auff gezogen oder verachtet zu werden/ Sondern wird
zu des Herrn oder der mehrern Stimmen Außſchlag geſtalt/ welche Meinung
zu ergreiffen ſey. Bey anſehnlichen groſſen Lands Fuͤrſtlichen Regierungen
wird zwar dieſe Ordnung auch/ aber dabey dieſes [V]bung gehalten/ daß
zwey Baͤncke oder Reihen der Raͤthe ſind/ auff de[ren] erſten die Adels oder
Fhoͤhern
[42]Teutſchen Fuͤrſten-Stats
hoͤhern Standes-Perſonen auff der andern die Gelehrte vnnd Graduirten
ſitzen.

(4.) Damit ein iedweder Rath in ſeinen Votis deſto Freyer vnd Gewiſ-
ſen haffter ſeye/ auch die andern nicht hieran hindere/ So pflegt man nicht gern
zu leyden/ daß Einer in eines andern Herrn Neben-Beſtallung ſich einlaſſe/
viel weniger einer oder andern Partey ſonderbaren Vorſpruch vnd Sollicitatur
auff ſich nehme/ gebuͤhrt ſich auch/ daß er in Sachen/ die Jhn oder ſeine nahe
Freunde betreffen/ abtrete vnd ſich Votirens vnd Anordens enthalte/ ins ge-
mein auch in keiner Sache/ die vor der Regierung anhaͤngig oder dahin gehoͤrig
iſt/ denen Intereſſenten ſeinen Rath ertheile.

Der Zeit halben iſt es wegen vieler Regiements-Geſchaͤffte gebraͤuchlich/
noͤtig/ vnd alſo geordnet/ daß die Cantzler vnd Raͤthe offters vnd mehrentheils
taͤglich in der Rathſtuben zu ſammen kommen/ vnd Jhrer Verrichtung ab-
warten/ auch ohne Erlaubnuͤs des Landsherrn vnd Anzeige ins Collegium,
nicht verreiſen noch auſſen bleiben/ doch ſind Sonn vnd Feſttage wie auch zu
ihren Privat-Geſchaͤfften vñ in etwas zu ruhen etlicher Orten die Nachmittags
ſtunden alle Tage/ anderswo wochentlich zween oder drey Nachmittage auß-
geſetzet.

Jngleichen damit die Sachen der Lands Regierung abſonderlich/ vnd
die Gerichtbarkeit betreffende ein ander nicht hemmen vnnd auffhalten/ Sind
an den meiſten Orten gewiſſe Tage geſetzt/ auff welchen vorbeſchiede vnnd Ge-
richts-Haͤndel an zu Ordnen/ oder die Sachen welche die Wochen uͤber ſich ge-
haͤufft vnd in zwiſchen von den Raͤthen abſonderlich geleſen oder vorgenommen
worden/ in Beyſeyn aller Raͤthe vorzutragen vnd zu ſchlieſſen.

Zum ſechſten/ nach dem der Geſchaͤffte in einer Lands-Regierung ſehr
mancherley ſind vnd etliche den Stat oder die Erhaltung der Fuͤrſtl. Hoheit an
ſich ſelbſt/ Etliche die Vnterthanen des Landes vñ Jhre angelegenheiten betref-
fen/ So pflegen in groſſen Fuͤrſtenthumern dieſe Sachen geſondert/ vnd zu de-
nen jenigen welche Jhrer wichtigkeit nach in den erſten/ andern vnnd dritten
Punct der Regierungs-Geſchaͤffte lauffen/ beſondere Raͤthe/ welche man Ge-
heime nennt/ beſtelt zu werden/ darinne wiederumb ein gewiſſer Director,
Stadthalter/ Præſident oder Cantzler verordnet/ welche mit den gemeinen Land
[vnd]Iuſtitz-Sachen nichts zu thun/ ſondern allein in ietzt gedachten vornemſten
[Re]gierungs Puncten/ die wir hiernechſt erklaͤren werden/ Jhre Rathſchlaͤge
[zu ]faſſen haben/ Jn mittelmaͤſſigen Fuͤrſtenthumen vnd Landen aber/ pflegt
man zwar die Raͤthe alle in einer Wuͤrde vnd zu beyderley alß nemlich ſo wol zu
Stats alß Iuſtitz Sachen zu beſtellen/ doch damit keine Verwirrung der Haͤn-
del vorgehe vnd eines das ander hemme/ ſo werden entweder auß dem Mittel
der Raͤthe etliche abſonderlich zu ſolchen Sachen alß zu gleich Geheime oder
Stats
[43]Anderer Theil.
Stats Raͤthe beſtellt/ oder es pflegt der Landsherr nach ſeinem Belieben zu
gewiſſer Zeit ſolche Dinge fuͤr zu nehmen/ vnd etliche der Raͤthe nach Belie-
bung vnd die er zu derſelben Sache am tauglichſten achtet/ oder bey der Hand
hat/ zu brauchen/ vnd die vbrigen bey den Iuſtitz Sachenzu laſſen.

(7.) Weil viel Sachen vorlauffen die zum Theil die weltliche Regierung/10.
Zum Sie-
benden die
Communi-
cation mit
andern Col-
legiis.
theils aber das Geiſtliche Kirchen vnd Schulweſen/ theils auch des Lands-
herrn Einkunfften vnd alſo genante Cammer-Sachen betreffen/ ſo iſt ſolchen
Falls gewoͤnlich/ daß die Regierungs-Raͤthe entweder die Bedienten in den an-
dern beyden Stuͤcken/ welche hierunten auch beſchrieben werden ſollen/ zu ſich
ziehen/ vnd ihr Gutduͤncken auch vernehmen/ oder einen ihres Mittels zu den-
ſelben ordnen/ damit deſto gruͤndlicher vnd mit genugſamen Bericht alles ge-
handelt werde.

(8.) Entlich weil ſich bißweilen bey der Regierung die Geſchaͤffte vber-11.
Erleichte-
rung der
Rathſtu-
ben durch
Commiſſio-
nes.
hauffen/ oder doch ſolche Sachen fuͤrfallen/ die durch Augenſchein/ muͤndlich
vnterredung/ vnd guͤtliche Fuͤrſchlaͤge leichter zu verrichten ſcheinen/ oder ſo ge-
ring ſind/ daß man damit eine gantze Samlung der Raͤthe nit zu bemuͤhen hat/
ſo werden in ſolchen Regiements auch ſonderlich in Gerichts-Sachen entweder
vom Landesherrn/ oder deſſen Regierung/ Commißionen vnnd Befehle/ an
einen oder den andern Rath/ Beampten oder andern Diener oder Stand im
Lande ertheilet/ auch gewiſſe Puncten vnd Inſtructiones fuͤrgeſchrieben/ daß
ſolche Commiſſarien entweder das jenige/ was ſonſt die Regierungs-Raͤthe
ſelbſt thun ſollen voͤllig außrichten vnd Verordnen oder doch daruͤber nothduͤrf-
ftige Erkundigung vnd Vorbereitung anſtellen vnd den Verlauff dem Lands-
herrn zur fernern Verordnung berichten ſollen.

Denen Cantzler vnnd Raͤthen ſind nun nachgeordnet die Bedienten der12.
Beſtellung
der Cantze-
ley.
Cantzeley/ nemlich die Secretarien, Regiſtratorn vnd Cantzeliſten. Der Secre-
tarien Ampt iſt/ daß Sie daß jenige was in der Rathſtuben geſchloſſen vnd Jh-
nen daſelbſt anbefohlen oder in der Schrifftlichen Regiſtratur der Rathſchluͤſſe
Jhnen vbergeben wird/ in gebuͤhrlicher Form vnd gewoͤnlichem Stylo oder rede13.
Ampt vnd
vnterſchied
liche Be-
ſtellung der
Secretarien.
vnd ſchreib-Art der Cantzeley vnd des Hoffs/ zu Papyr bringen vnnd Concipi-
ren, es ſeyn nun Befehle/ Außſchreiben/ Reſolutiones auff einkommende Sup-
plicationen, Beſcheide/ Abſchiede/ Inſtructionen, memorialen, oder Schrei-
ben vnd Brieff wechſelungen/ Jngleichen haben ſie in der Rathſtuben das Pro-
tocoll oder niederſchreibung deſſen was die Parteyen vnd andere vorbringen/
zu fuͤhren/ vnd ſonſten muͤndliche andeutungen vnd Vortraͤge auff ſich zu neh-
men die Jhnen in der Rathſtuben auffgetragen werden/ An etlichen Orten pfle-
gen ſie auch die Schluͤſſe der Raͤthe/ dem Landsherrn allein zu referiten, wel-
ches aber anders wo nicht geſchieht/ ſondern vielmehr fuͤr einen Mißbrauch ge-
halten wird. Nach dem aber der Geſchaͤffte mancherley ſind/ ſo werden auch
F ijbey
[44]Teutſchen Fuͤrſten-Stats
bey denen Cantzeleyen die Verrichtungen vnter den Secretarien vnterſchiedlich
befunden/ denn wo beſondere geheime Raͤthe ſind/ da werden auch geheime Se-
cretarien vnnd Cantzeliſten gehalten/ ſind aber ſolche Sachen gleich in einer
Rathſtuben zu ſammen geſchlagen/ ſo iſt ein gewiſſer Cammer oder Geheimer
Secretarius zu den Stats oder Reichs oder Kriegs-Sachen/ ein ande-
rer zu den Lehen oder Adels-Sachen/ ein ander zu den Gerichts-
Sachen/ vnd nach Gelegenheit des Landes/ einer zu den Sachen dieſes oder
jenes Creyſes vnd bezircks im Lande der andere zu andern beſtelt.

Die Regiſtratoren vnd Actuarii werden zu dem Ende gehalten/ daß ſie
in der Cantzeley die Acten vnd Schrifften/ wie ſie die Secretarien ſamlen vnnd
ordnen/ zu ſammen bringen an gehoͤrige Ort legen/ zeichnen/ einhefften vnnd
foliiren laſſen/ auch nach Gelegenheit den Jnhalt derſelben Summariſch dar-
auff ſchreiben/ in der Rathſtuben aber die Summ der ein kommenden Suppli-
cationen vnd Schrifften/ wie ſie die Raͤthe dictiren oder es Jhnen ſelbſt her-
auß zu ziehen anbefehlen/ ſo wol auch das Decret oder den Schluß darauff in
gewiſſe Verzeichnuͤß vnd Regiſtratur bringen/ etlicher Orten gebuͤhrt Jhnen
auch den Tax der Cantzeley gebuͤrend anzuſetzen/ oder es iſt dazu in groſſen Can-
tzeleyen ein eigener Taxator verordnet.

Darneben beſtellt man auch einen Archivarium, oder Vorſteher des
Brieffs-gewelbs/ darinn die Original, Vrkunde allerhand Sachen zu Lands-
Regierung gehoͤrig/ wie auch der Parteyen geſchloſſene vnnd abgeurtheilete
Sachen in Schrifften verwahret/ vnd in richtiger Ordnung gehalten werden
muͤſſen/ damit man dieſelbe auff beduͤrffenden Fall bald finden/ vnd ſich ſaitſa-
men Berichts darauß erholen koͤnne/ hierbey liegt dem Archivario ob/ eine rich-
tige Regiſtratur daruͤber zu halten/ was man bedarff auff Befehl herauß zu ge-
ben/ wieder abzufodern/ vnnd an gehoͤrigen Ort zu legen/ die Schrifften ſelbſt/
daß ſie nicht Schadhafftig werden/ in acht zu nehmen/ wo noͤtig dieſelbe Copi-
ren zu laſſen/ außwendig/ auff die Acten den Titul oder Rubric zu bringen vnd
darnechſt die Stuͤcke/ ſo darinn befindlich/ Summariſch zu verzeichnen.

Cantzeliſten ſind beſtellet die Schriffliche Auffſaͤtze der Raͤthe vnd Secre-
tatien ins Reine zierlich vnd Recht vmbzuſchreiben/ gebuͤhrliche Titul Eingang
vnd Schluß/ darzu ſie eine ſonderliche Nachricht vnd Titulatur Buch bey der
Cantzeley haben/ dazu zu bringen/ die Concepta wieder an ihren Ort zu uͤberge-
ben/ in Recht haͤngigen Sachen der Parteyen vnd ihrer Advocaten anbrin-
gen/ wie ſie es etlicher Orten muͤndlich in die Feder Dictiren, nach zu ſchreiben/
vnd was ſonſt mehr Jhnen mit ſchreiben Copiren vnd dergleichen obliegt/ zu
verrichten/ Der Erſte vnter denenſelben hat gemeiniglich uͤber diß das Ampt
17.
Deß Bo-
thenmei-
ſters.eines Bothenmeiſters/ in dem er alle Brieff/ Schreiben vnd Befehle der Herr-
ſchafft auß der Cantzeley ins Reich vnd ins Land entweder durch eigene vnnd
verpflich-
[45]Anderer Theil.
verpflichtete Cantzeley Bothen/ die deßwegen Wartgeld vñ gewiſſen Lohn haben/
oder ſonſt andere gewiſſe Gelegenheit/ vnd denen ordentlichen Poſten beſtellen/
wie wohin vnd wann Sie gelchickt worden auffzeichnen/ in gleichen von denen
die bey der Cantzley ankommen/ die Brieffe auffnehmen/ die Zeit der Præſen-
tation darauff ſchreiben/ vnd in die Rathſtuben/ oder dem Landsherrn ſelbſt/
wenn ſie von vornehmen Orten kommen/ oder zu ſeinen eigenen Haͤnden hal-
ten/ angeben muß.

Endlich wird auch ein oder mehr Cantzley Diener denen Raͤthen vnnd18.
Vnd der
Cantzley
Diener.
Cantzeley Verwandten bey der Rathſtuben vnd Cantzeley mit einer vnd andern
Auffwartung/ Anſchaffung vnd verrichtung ihres Befehls an die Hand zu ge-
hen/ die Gemaͤcher heitzen/ ſaubern/ auff vnd zu ſchlieſſen zu laſſen/ beſtellet/ vber
welchen allen man ſich in den Cantzley Ordnungen weitlaͤufftig erſehen kan.

Cap. VII.
Von dem erſten Haupt-Punct der Regie-
rung/ welcher beſtehet in Erhaltung der Lands-Fuͤrſt-
lichen vnd herrlichen Macht vnd Hoheit an ſich ſelb-
ſten. Jn welchen vnd auff was weiſe ſolche der Lands-
Fuͤrſt vor ſich vnd durch ſeine Raͤthe beobachten vnnd
fuͤhren laſſe

DEn erſten Punct der Landes Regierung haben wir oben alſo beſchrie-
ben/ wie er darinne beſtehe/ daß der von GOtt verliehene Stand die
dazu gehoͤrige Ehr vnd Macht/ vnd alles daß jenige/ was darzu dienet
vnd Mittel giebt/ in ſeinem gebuͤhrlichen Weſen/ vor Vnordnung/
Abgang vnd verletzung/ zu erhalten/ damit der Landes-Fuͤrſt daß anſehen vnd
die Kraͤffte habe den Heylſamen Zweck in allen Staͤnden zu erreichen vnd ſeine
Regierung vber Land vnd Leute nutzbarlich ſpuͤren vnd mercken zu laſſen.

Dieſes nun Stuͤck weiſe vnnd zwar alſo wie es ſich in den meiſten Teut-1. Einthei-
lung dieſes.
Capitels.
ſchen Fuͤrſtenthumen vnd Landen/ vnſerm ietzo vorgenommen Zwecke/ nach be-
findet/ zu erklaͤren muͤſſen wir vnſer Abſehen richten/ Einmahl auff die
ſonderbahre Dinge/ darinnen die Erhaltung der Landes-Fuͤrſtlichen Macht
vnd Hoheit beſtehet/ oder auch im Gegenſpiel/ dadurch ſie angegrieffen vnd ver-
mindert wuͤrde; So dann auch auff etliche Arten vnd Weiſen/ die bey Ver-
richtung vñ Behauptung ſolcher Stuͤcke uͤber die Gemeine Erinnerungen/ die
wir in vorhergehenden Titul angezogen vom Landes-Fuͤrſten vnnd deſſen Raͤ-
then in Acht genommen werden.

Daß Erſte Theil dieſes Capitels/ nemlich die Special Stuͤcke/ wo-2. Erſte:
Theil nem-
lich die er-
zehlung der
Stuͤcke dar
inne die
Stats er-
haltung be-
ſtehet.
3. Alß erſt-
lich die Er-
haltung der
reinen Reli-
gion.
rinnen die Behauptung des Erſten Puncts in Regiement beſtehe/ belangend.
So iſt Anfangs/ nach dem vns an der Seelen Wolfart mehr/ alß an Erhal-
tung des ſterblichen Leibes gelegen/ allhier zu erinnern/ daß auch dem Lands-
herrn/ alß weltlichen Regenten/ vnd alſo nach Jhm ſeinem Cantzler vnd Raͤ-
then zu foͤderſt obliege/ darauff neben denen zu den Geiſtlichen Sachen verord-
neten/ bedacht zu ſeyn/ wie die ChriſtlicheReligion mit Predigen des Goͤtt-
lichen Worts vnd Adminiſtration der H. Sacramenten im Lande lauter vnd
vnverfaͤlſcht erhalten/ geſchuͤtzet vnd gehandhabet/ vnnd darwieder weder im
Hauptwerck/ noch auch in euſſerlichen Kirchen-gebraͤuchen vnd Ordnungen
ohne ſonderbahre erhebliche Vrſach nichts geendert werde. Vnnd wird ein
Chriſtlicher Regent ſich gewiß verſichern/ daß an Beobachtung dieſes notwen-
digen Puncts vñ Erhaltung des thewren Kleinods des Goͤttlichen Worts alle
ſeine beſtaͤndige Wolfart vnnd rechte Gluͤckſeeligkeit auch in zeitlichem Regie-
ment hange vnnd herflieſſe/ ohne dieſes hoͤchſte Gut auch alle andere zeitliche
Macht vnd Hoheit vergeblich vnd nichtig ſey: Weil wir aber vom Geiſtlichen
Regiement abſonderlich hiernechſt handeln werden/ ſo laͤſſet man auch weitere
Außfuͤhrung dieſes Stuͤcks dahin verſchoben ſeyn.

Nach dieſem wird zu erſt erheiſchet vnd dahin geſehen/ daß die Landes-
Fuͤrſtliche Hoheit vnd Oberbottmaͤſſigkeit an ſich ſelbſt vnd ins gemein vnver-
ſehrt erhalten vnd im Lande befeſtiget werde:

Erſtlich zwar gegen die Vnterthanen. 1. Zu foͤderſt in dem
daß niemand darinn gelitten vnd haͤußlich ſich nieder zu laſſen geduldet werde/
welcher nicht den Herrn des Landes fuͤr ſeine hoͤchſte Landes Obrigkeit erkenne/
vnd zu dem Ende den Vnterthaͤnigen gehorſam mit einem leiblichen Eyde der
Erbhnldigung ſchweren/ welches denn nicht allein bey Antretung vnd ver-
5.
Einmahl
gegen die
Vntertha-
nẽ in 3. Pun
cten.enderung des Regiements/ ſondern auch alßdenn geſchehen vnd angeordnet
werden muß/ wenn ſich newe Vnterthanen in Staͤdten vnd Aemptern nieder-
laſſen/ oder auß der Vnmuͤndigkeit zu thren Voigtbahren vnd eigenen Gewerb
gelangen oder die Perſonen von Staͤnden der Grafen Herꝛn vnd Ritterſchaft
ihre Lehn zu erſt empfangen/ oderſonſt ihr Weſen im Lande anſtellen/ ſintemahl
hiervon keiner/ auch in denen Landen der Proteſtirenden Fuͤrſten die Geiſtlichen
Perſonen nicht auß genommen/ vnd werden die Burger von der Stadt Obrig-
keiten/ die Baursieute von den Beampten/ vnnd die Staͤnde deß Landes oder
Cantzleyſaſſen durch die Cantzler vnd Raͤthe pflichtbar gemacht: Die Vnter-
thanen oder hinterſaſſen der Landſtaͤnde aber/ ob Sie gleich ihrem Erbherrn zu
foͤderſt Gehorſam ſchweren oder zu ſagen werden/ dennoch Kraft des Eydes/ den
gedacht er Jhr Erb: oder Gerichtsherr dem Landes-Fuͤrſtẽ thut/ vnd daß in ihrer
Huldigung der Landsherr allezeit Rechtswegen vorauß verſtanden vnd außge-
nommen iſt/ dem Landes-Fuͤrſten gleicher geſtalt verbunden/ alles nach dem her-
kommen vnnd in vnterſchiedlichen Fuͤrſtenthumen deßwegen abgelaſenen ſon-
derbahren Ordnungen vnd Eydes Formulen. 2. Daß auch ins gemein vber
dieſer Pflichtbarkeit gehalten/ vnd niemand verſtattet werde/ Schrifftlich oder
Muͤndlich/ oder mit der That ſelbſten dieſer Oberſten Bottmaͤſſigkeit zu wieder-
ſprechen/ ſich da wieder zu ſetzen/ vnd ſich vor frey oder einer andern Obrigkeit
unterworffen zu halten/ ſondern daß dergleichen Beginnen mit ernſtlichen vor-
haltungen vnd ab Warnungen/ dann auch mit Straffen/ vnd andern wuͤrckli-
eben Anordnungen vnnd Forttreibung der Landes-Fuͤrſtl. Hoheit entgegen ge-
gangen/ oder etwan der Vngehorſame ſo viel zu wege braͤchte/ daß daruͤber vor
den hohen Reichs Gerichten ein Streit vnd Klage entdecket wuͤrde/ ſolche Sa-
che/ wie ſichs auffs beſte vnd Vorſichtigſte gebuͤhret/ in Acht genommen vnd die
Notturfft deß Landes-Fuͤrſten hierinn Behauptet werde. 3. Daß von iedem
Stande vnd Vnterthanen des Landes/ dem Lands-Fuͤrſten oder Herrn ſein
gebuͤhrlicher Titul in Reden vnd Schreiben gegeben/ daß anreden auff vorge-
hende Anſuchung mit entbloͤſtem Haupt vnd ſtehend/ auch ſonſt mit gebuͤhrlicher
Ehr[-]erzeigung in Worten vnd Wercken vorgehe/ vnnd hiewieder/ es geſchehe
denn auß Einfalt vnnd verſehen/ Vorſetzlich nichts verſtattet/ ſondern uͤber
Reſpect
[49]Anderer Theil.
Reſpect vnnd Bezeigung der Hoheit gehalten/ auch hingegen denen Staͤnden
vnd Vnterthanen ſolche Titul vnd andere Erweiſung wiederfahre/ die durch
das alte herkommen behauptet/ vnnd der unterſcheid zwiſchen Obrigkeit vnd
Vnterthanen in acht genommen werde/ wie denn von dem Stylo, ſonderlich im
ſchreiben vnnd reden bey denen Rathſtuben vnnd Cantzeleyen der Fuͤrſten vnd
Herrn dißfals nottuͤrfftige Nachricht vorhanden/ oder wo ſie nicht iſt/ auffzu-
zeichnen noͤtig faͤllet.

Gegen außwertige wird ins gemein die Hoheit des Landes-Fuͤrſten
auch behauptet.

I. Jn dem er ſich laͤſſet angelegen ſeyn die Graͤntzen des Landes/6.
Gegen auß
wertige ins
gemein/ ein
mahl mit
Erhaltung
der Graͤn-
tzen.
wie erſie von Alters her gefunden/ oder durch Vertraͤge mit denen Benachtbar-
ten geteydigt vnd eingerichtet/ zu erhalten/ Jn dem er Jaͤhrlich durch die Be-
ampte die Graͤntze bereiten vnd beziehen/ auch auf der Benachtbarten thun vnd
laſſen bey den Graͤntzen gute achtung geben/ vnd daruͤber allenthalben ſchrifft-
liche Nachricht vnd Vrkunde auffrichten laͤſſet/ darwieder niemand verſtattet/
daß er ſeine frembde Bottmaͤſſigkeit uͤber die Graͤntzen erſtrecke/ Land vnd Leute
darauß/ vnd zu ſeinem Gehorſam ziehen oder ſonſt vber die Graͤntze mit ſeiner
Macht ruͤcken moͤge: Solte aber ſolches heimlich geſchehen/ wird es alſobald
in Schrifften oder Muͤndlich durch abgeſchickte Wiederſprochen/ vnd Abſtel-
lung des wiedrigen Beginnens begehret/ do es nichts verfinge auf friſcher That
mit ziemender Macht darwieder gehandelt/ da man ſich aber darzu zu Schwach
befinden oder groͤſſere Vngelegenheit vnd Verderben der Leute daher befahrete/
ſo wird entweder die Sache an gehoͤrigen Orten/ nach dem der gegen Part be-
ſchaffen iſt/ Klagbar gemacht/ oder zur guͤtlichen Vergleichung Anlaß genom-
men/ bey welcher ſo woll auff das Jeni[g]e/ warumb man ſtreitig iſt/ welches offt
ein geringes außtraͤgt/ alß auch auff die Ehr vnd Reſpect des Landesherrn geſe-
hen wird/ daß ſolche darbey nicht hindangeſetzt/ vnd wieder klare Vertraͤge oder
Freveler ſchimpfflicher Weiſe ohne alle Vrſache vnd Zweyffelhafftigkeit gehan-
delt werde. Wens zum Vergleich kommet/ werden die darzu geordnete fleiſſig
vnterrichtet/ wie ſie eigentlich handeln ſollen/ inſonderheit daß die Graͤntzen
des Lands vnd davon anhaͤngige Hoheit auffs deutlichſte gezogen/ von andern
Particular Merckungen/ dadurch etwan bloſſer Gerichts Zwang/ Zoll/ Trifft/
Jagt oder Eigenthumb bedeutet wird/ wol vnterſchieden/ auch waͤhrhafften
Stuͤcken alß beſtaͤndigen kundbaren Fluͤſſen/ Bergen/ Rainen/ S[teinen v]nd
nicht mit vergaͤnglichen Graͤben/ Baͤumen vnd dergleichen abgezeichnet/ vnd
vber dem allen deutliche Vertraͤge vnd Vergleiche auffgerichtet/ auch ſo dann
derſelben zu folge Jaͤhrlich nach ſolchen Graͤntzẽ geſehen/ vnd wo daran Scha-
den vnd Gebrechen vorfielen mit zuziehung der Nachtbaren beſſerung vorge-
nommen werde.

II. Solte ſich dann ein Außwuͤrdiſcher oder Benachbarter Potentat un-
terfangen dem Lands-Fuͤrſten ſeine Macht vnnd Hoheit vber ſeine Vntertha-
nen/ oder einen Theil derſelben offentlich anzufechten entweder durch Klagen
oder mit Gewalt/ So iſt hoͤerinn durch fleiſſige Vorſorge des Landsherrn vnd
ſeiner Raͤthe nach zu dencken/ wie in dem erſten Fall mit Grunde an gehoͤrigen
Orten zu antworten/ Jm andern aber vnd bey vorgenommener Gewaltthat/
wie derſelben entweder durch Klage/ oder mit zu gelaſſener Gegenwehr zu wie-
derſtehen/ vnd die jenigen Mittel zu brauchen/ welche in dem vierdten Punct der
Regierungs Geſchaͤffte hierunten beſchrieben werden ſollen.

III. So aber ein Stuck des Landes ſchon vorlangen Jahren in frem-
de Gewalt kommen were/ dazu man gleichwol Recht vnd Fug haͤtte/ ſo gebuͤh-
ret dem Landsherrn nach muͤglichſtem Fleiß vnd durch geziemende Wege wie-
der darnach zu Trachten/ vnd deßwegen guten Rathſchluß zur Guͤte oder recht-
liche Außuͤbung zu faſſen.

Nach dem auch manches Land vnnd Fuͤrſtenthum an etlichen Orten die
Landes Fuͤrſtliche vnd Obrigkeitliche Hoheit nicht allein/ ſondern mit andern
9.
Erhaltung
der Hoheit
gegen die/
mit welchẽ
man in Ge-
meinſchafft
ſitzet.Fuͤrſten oder Staͤnden vnnd befreyten gemein hat: So wird ſolche auff die-
Weiſe ſonderlich in acht genommen. 1. Daß man im Fall gewiſſe Vertraͤge
etwa bey denen Erbtheilungen oder ſonſt hieruͤber auffgerichtet ſind/ vber den-
ſelben feſtiglich haͤlt/ vnd daß nach Jhren vom rechten Verſtande vnd Jnhalt
von vnd mit dem andern Fuͤrſtl. Theil habern gehandelt werde/ fleiſſig zu ſihet.
2. Sonſt aber vnd ins Gemein dahin bedacht iſt/ daß die Landes Fuͤrſtl. Ge-
rechtſame an ſolchem gemeinen Orte nicht verabſaͤumet/ oder in des anderen
Nahmen allein gefuͤhret/ oder 3. Jn denſelben etwas ungewoͤnlichs vnd wiedri-
ges Einſeytig vorgenommen/ ſondern 4. alles mit dem Mitlandes Herrn zu
vorhero Communicirt, deſſen Meinung auch angehoͤret/ oder durch Jhn/
wenn das Directorium oder die erſte Anſtalt vnd umbfrage an Jhm/ oder der
andere Intereſſent etwas verzoͤglich iſt/ von dem andern begehret/ vnd alſo daß
Jenige/ was man ſich vergleichet/ oder wie es in gewoͤnlichen geſampten Sa-
chen die meiſten gehalten haben wollen/ zu Werck geſtellet. 5. auch wo geſampte
Diener dazu beſtellet ſeynd/ dieſelbe mit ihrer Pflicht vnd Verantwortung ihrer
Ampts Verrichtung an alle Herren gewieſen werden.

Das were alſo von der Erhaltung der Lands-Fuͤrſtl. Hoheit ins gemein
zu[mercken:] Weil wir aber oben gemeldet/ daß dieſelbe in unterſchiedlichen
R[eſpecten] vnd Betrachtungen/ Theils gegen das Reich/ Theils auch gegen an-
dere Staͤnde/ Theils auch gegen die Vnterthanen ihre Maſſe vnd Einrichtung
habe/ So erfodert des Landsherrn vnd ſeiner Raͤthe Ampt vnd Pflicht in Er-
haltung deß Stats oder Hoheit des Landsherrn/ auch auff die Beobachtung
ſolcher obangefuͤhrten Stuͤcke zu gedencken/ vnd darinn weder zu wenig noch zu
viel
[51]Anderer Theil.
viel zu thun/ ſondern die Form vnd Art deß Regiements in ſeinem gebuͤhrlichenHoheit/
welche obẽ
in dem 2.
3. 4. Capitel
beſchrieben
werden/
Alß 1.
Gegen
Keyſerl.
Mayſt. vñ
das Reich.
rechtmaͤſſigen Weſen zu erhalten/ Alß Erſtlich gegen Keyſ. Mayſt. vnd
das Reich haͤlt man ſich in des Lands Fuͤrſten Geheimer Rathſtuben gefaſſet/
vnd weiß. 1. Wie man dem Roͤmiſchen Keyſer in Schreiben vnd auch im re-
den vnd auffwarten/ da der Landsherr in Perſon vor ihrer Mayſt. erſcheinen
ſolte/ den ſchuldigen Reſpect erweiſen ſoll/ aller maſſen da von gewiſſe Nachricht
auß dem Exempel der Vorfahren vnd vnſerer Zeiten in Schrifften zu finden.
2. So offt ſich enderung der Keyſerl. Perſon oder auch bey dem Landsherrn zu
nuͤge/ gebuͤhret ſich daß umb die gewoͤnliche Belehnung mit dem Fuͤrſtenthumb
vnd Annehmung der Pflicht oder Reichshuldigung angeſucht werde/ deßwe-
gen bey der Cantzley die Art vnd Weiſe/ wie ſolches nach altem Herkommen/
geſchehen muͤſſe/ was fuͤr Perſonen vnd Koſten darzu gehoͤren/ zu finden. 3. Die
Keyſerliche Befehle vnd Anordnungen an den Landsherrn werden nicht allein
angenommen vnd geleſen ſondern auch in ſchuldigſter Gebuͤhr erwogen/ vnnd
nach dem Sie den Reichsſchluſſen vnd herkommen Gemaͤß/ durch Fuͤrſtl. Auß-
ſchreiben ins Land publiciret. 4. Gebuͤhret dem Landsherrn vnd deſſen Raͤthen
zu wiſſen/ wie viel an Geld vnd Volck in gemeinen Reichsnoͤthen oder gewillig-
ten Anlagen das Land dem Roͤmiſchen Keyſer vnd dem Reich gebe vnd Co[n]-
tribuire, auch wie vnd was Maſſe es außgeſchrieben vnnd eingenommen wer-
den ſoll/ zu verordnen. 5. So der Landsherr von einem andern verklagt wird/
haͤtt er zu bedencken/ wie er nach Gelegenheit der Sache/ vnd Außweiſung der
Reichs Conſtitutionen, ſich einzulaſſen/ vñ ſeine Notturfft vor zu bringẽ habe/
alſo auch im Gegentheil/ wo er wieder iemands eine Sache haͤtte/ die fuͤr des
Reichs außtraͤge oder hoͤchſte Gerichte gehoͤret/ wo vnd wie er dieſelbige Anhaͤn-
gig machen wollen/ damit weder in der Sache ſelbſt/ noch in der Art vnd Weiſe
ſolche zu fuͤhren/ oder im Proceſſ, verſtoſſen werde/ zu ſolchem Ende wird erfo-
dert/ daß der Landsherr am Keyſerl. Hoff vnd am Keyſ. Cammer-Gericht ſei-
ne beſteite Agenten, Procuratores vnd Advocaten halte/ denenſelben gewiſſe
Inſtruction auch Beſoldung gebe. Jngleichen 6. Zu unterhaltung Keyſerl.
Cammer-Gerichts Jaͤhrlich ein gewiſſes/ ſo Jhme in der Reichs-Ordnung zu
getheilet/ beyſchieſſen/ auch was daſelbſt vnd am Keyſ. Hoff vor Gebuͤhren vnd
Sportulen erheiſcht werden/ gehoͤriger Maſſen abtragen laſſe/ Gleichwie aber
der Landsherr vor ſich vnd durch ſeine Raͤthe dem Jenigen nachkommen muß/
worzu Jhn die Schuldigkeit gegen Keyſerl. Mayſt vnd das Reich verbindes/
alſo pflegt er auch/ vnd iſt Jhm nicht weniger zu Erhaltung ſeiner Hoheit vnnd
Stats angelegen dahin zu ſehen/ daß Jhme auch ſeine Lands-Fůrſtl.
Regierung/ Freyheiten vndPrivilegiendißfals vngeſchmaͤlert
bleiben/ in deme er nicht zu giebet/ ſondern da gegen ſeine Notturfft gebuͤhr-
lich anzufuͤhren bedacht iſt/ wann 1. Jhme in ſeiner Regierung/ Landes Ord-
G ijnung
[52]Teutſchen Fuͤrſten-Stats
nung vnnd Ertheilung der Iuſtitz, eine andere Maſſe vnnd Ordnung ſuͤrge-
ſchrieben werden wolte/ alß welche den Reichs-Satzungen vnnd herkommen
Gemaͤß iſt. 2. Wann man Jhme ſeine Vnterthanen von ſeinen Gehorſam/
Gerichtbarkeit vnd Obrigkeits zwang abfodern vnnd zur Vngebuͤhr ſchaͤtzen
wolte. 3. Wann Jhme in Religions vnd andern Sachen ſolche Dinge anbe-
fohlen vnd zu gemuthet wuͤrden/ welche den Reichs-Satzungen zu wieder we-
ren. 4. Wann Jhme vñ ſeinen Vnterthanen Stewer vnd Schatzungen/ wel-
che nicht im Reich gewilligt worden/ oder mehr alß Jhme zu kaͤhme/ aufferlegt
vnd angeheiſcht wuͤrden. 5. Wann Jhme ein ander Stand im Reich/ oder
ein frembder Potentat zum Oberherrn in etlichen oder allen Sachen wolte auf-
getrungen werden. 6. Wann Jhme die Gerichtsſtellen da Fuͤrſten vnd Herꝛn
ihre Sachen klagen vnd verantworten/ wolten verſperret/ vnnd Er oder ſeine
Vnterthanen an andere Orte gezogen/ vnd an auß Vbung des Rechtens ver-
kurtzt vnd vbereylt werden. 7. Wann Jhme an ſeinem Reichs-Fuͤrſten Stan-
de/ Ehr/ Herrligkeit/ Vorzug vñ Wuͤrden Abbruch vnd beſchimpffung wolte zu
gezogen werdẽ/ Jn ſolchen vnd dergleichẽ Faͤllẽ iſt gute Behutſamkeit vnd weiſer
Rath von noͤthen/ wie ſolchen Beſchwerden/ wann ſie zu mahl auß uͤbelen Be-
richt oder Vngeſtuͤmmen anhalten eines Gegentheils/ oder in unruhigen Zei-
ten vnd Zerruͤttung deß gantzen Reichs von hoͤhern Orten herruͤhren/ mit ge-
ziemender verantwortung/ Remonſtration, Schrifftlich oder durch Geſand-
ſchafften/ durch Rath vnd Handlung anderervertrawter Chur vnd Fuͤrſten/
ſonderlich der nechſten angewandten/ durch Beſchwerungen auff Reichstaͤgen/
vnd andere nach Erzeigung der Faͤlle zu laͤſſige Mittel unverletztes Gewiſſens
vnd ſonder groſſe Gefahr Land vnd Leute/ abzuhelffen ſey? Jngleichen wie
gegen andere Staͤnde des Reichs oder fremde/ ſo ſich dieſelbe etlicher dergleichen
Dinge vnterſtuͤnden in vnd auſſerhalb Reichs/ in gute oder mit zu gelaſſener
Wehr zu verfahren.

Zum andern wegen der Maſſe/ die dem Landsherrn auß Vertraͤ-
gen/ Pacten vnd Teſtamenten, gegen ſeine Gebruͤdere/ Freunde vnd Ver-
wandten oblieget/ vnd in 3. Capitel beſchrieben worden/ fallen zu Behaͤuptung
des erſten Regiements-Puncts vnterſchiedliche Stuͤcke im Rathſchlagen vor/
Alß 1. Daß ſolche Vertraͤge/ Erbpacta vnd Teſtamenta, darauß die Thei-
lung vnd Regierung der Lande herkommet/ fuͤr die Richtſchnur vnd Norm/ in
denen Puncten/ davon Sie melden/ geachtet/ nicht liederlich/ ſondern daruͤber
ſteiff vnnd feſt gehalten. 2. Wiederden Grund vnd Hauptbegrieff derſelben
keine newe Vergleiche eingefuͤhret. 3. Bey vorfallenden Jrrungen vber derſel-
ben Verſtand ein guͤtlicher vnd ſchleuniger Außtrag entweder wie er ſchon ver-
glichen iſt/ vorgenommen/ oder ein newer bedacht vnnd auffgerichtet werde.
4. Jm fall newe Vertraͤge vor giengen/ daß dennoch/ wie Gedacht das Funda-
ment
[53]Anderer Theil.
mont der alten Vertraͤge vnd der Lands Verfaſſung/ alß nach Vnterſchied des-
herkommens/ das Primogenitur Recht/ oder im Gegentheil die gleiche Wuͤrde
zur Landes-Regierung ohne Anſehung der Primogenitur, behauptet/ im
vbrigen aber alles aufs deutlichſte/ ohn umbſchraͤnckt vnd ohne zweyffelhafftige
Clauſuln abgefaſſet/ von denen Herren/ die es angehet/ ſelbſt vollzogen/ wol ver-
waret/ auch nach Gelegenheit von der Keyſ. Mayſt. zu bekraͤfftigen gebeten vnd
verſchafft werden. 5. Was ſonſt wegen vorbehaltener gemeiner Stuͤcke auß
ſolchen Vertraͤgen oben im andern vnd 3. Capitel angezeigt worden/ deſſen Art
vnd Weiſe/ wie es zu behaupten/ iſt in vorhergehenden Punct bey der Lands-
Fuͤrſtl. Hoheit ins Gemein angefuͤhrt/ vnd auff ſolche Maſſe wird auch in an-
dern Gemeinen vorbehaltenen Particular Stuͤcken/ auch Rechtfertigung vnnd
Anwartungen/ die nicht eben Directò die Lands Fuͤrſtl. Hoheit betreffen/ ver-
fahren. 6. Weil auch auß ſolchen Vertraͤgen vnd Theilungen die Mitbelehn-
ſchafften vnd anwartungen ein vnd andern Landes oder Herrſchafft den Lands-
herren zu zu kom̃en pflegen/ oder hinwider ſeine Freunde dergleichen Rechte an-
ſeinem Lande haben/ So erfodert die Notturfft/ daß ſo wol der Lands Fuͤrſt.
1. Auff die Faͤlle der andern Fuͤrſtenthumer fleiſſige Obſicht habe/ vnd nach de-
ren Begebenheit ſein Recht vnd Belehnung am Keyſ. Hoffe/ vnnd wo ſichs
ſonſt gebuͤhret/ zu ſuchen nicht verſaͤume/ auch die Lehnbrieffe vnd andere Vr-
kunden daruͤber in guter Verwahrung habe. 2. Alß auch in Verpfaͤndung vnd
Vereuſſerung ſolcher vornehmẽ Stuͤcke nit ſonder rechtmaͤſſige tringende Vr-
ſache willige. 3. Hinwieder auch an ſeinem Land vnd Fuͤrſtenthum das Recht
ſeiner Verwandten erhaltẽ helffe/ vnd ſich da durch ihre gute Freundſchafft vnd
Aſſiſtentz deſtomehr verſichere/ wie hievon oben auch ſchon Andeutung ge-
ſchehen.

Wie der Lands-Fuͤrſt ſeine Hoheit ins gemein im gantzen Lande vnd vber12.
Gegen die
Vntertha-
nen.
alle deſſen Jnwohnere uͤben vnd Behaupten ſoll/ iſt ſchon angezeigt/ weil wir
aber etliche Freyheiten vnd Befugnuſſe/ deren ſich die Vnterthanen zu gebrau-
chen haben/ vnnd darwieder nicht beſchweret werden doͤrffen im 4. Capitel be-
ſchrieben/ So erfodert auch das Landes Obrigkeitliche Ampt/ vnd laͤufft in
die Verrichtung ſeiner Raͤthe/ daß Sie ſolches Recht der Landſchafft
auch fuͤr Augen haben/ die Sachen die hohe Landes Regierung betreffend/ dar-
innen die Land Staͤnde entweder nothwendig oder umb beſſerer Werckſtellung
willen zu beſchreiben vnd zu Rath zu ziehen ſind/ nicht fuͤr ſich alleine angreiffen/
ſondern auff die Anſtellung eines Landtags vnd gebuͤhrliche Propoſition vnnd
Handlung mit denẽ Staͤnden gedencken/ Maſſen ſolches außfuͤhrlich in oben-
gemelten Capitel zu finden/ vnd thun hierinn die Landsherrn offters vnd lieber
ein vbrigs/ daß Sie nemlich die Land-Staͤnde zu Rathe fragen/ alß daß Sie
vor ſich ſelbſt verfahren/ ob Sie gleich deſſen befugt vnnd berechtigt ſind/ denn
G iijdurch
[54]Teutſchen Fuͤrſten Stats
durch ſolche Berathſchlagung vnd Landtagsſchluſſe gewinnen ſie die Gemuͤter/
der Vnterthanen/ geben Jhnen ihr gutes Vorhaben vnnd die dazu bewegende
Vrſachen deſto deutlicher zu vernehmen/ vnd verbinden dieſelbe zu deſto willi-
gern Gehorſam/ kan jhnen auch deſto weniger verargt werdẽ/ weñ ſie uͤber ſolchẽ
Schluſſen eyfferig halten/ vñ die uͤberfahrer deſto ſchaͤrffer anſehen/ iedoch muß
dabey auch eine Maſſe gehalten/ vnnd nicht daß Jenige erſt in weitlaͤufftige
Vberlegung gebracht vnd Ruchtbar gemacht werden/ was einer geſchwinden
Eylſamen vnd unvermerckten Anordnung bedarff/ oder eine Kleinmuͤtigkeit
vnd Mißtrawen anzeigte/ wenn man erſt in ſolchen faͤllen Rath vnd Einwilli-
gung begehren wolte/ darinn die Vernunfft vnd die Rechte deß Landes ſchon
klare Maſſe geben.

Nach dem auch einem Landsherrn Krafft ſeiner hohen Landes Obrig-
keit/ auch Keyſerl. Belehnung vnd alten Herkommens ſonderbahre Vorzuge
vnd præeminentien zu kommen/ die Theils zu ſeinem Reſpect vnd Ehrenſtan-
de dienen/ Theils auch Jhme Einkunffte vnd Mittel zu ſeiner vnd des Regie-
ments Vnterhaltung bringen/ von welchen in dem drittẽ Theil dieſes Berichts
gehandelt werden ſoll/ So ſind zwar darzu/ wie wir daſelbſt hoͤren werden/ ge-
wiſſe bediente vnd Beampte verordnet/ Gleichwol aber liegt dem Landsherrn
vnd ſeinem Geheimen Rathe ob/ uͤber dieſelben Regalien eine Oberſte auff ſicht
zu fuͤhren vnd nicht zu geſtatten/ daß ſich ein Stand oder Vnterthan des Lan-
des ohne ſonderbahres Recht vnd Verguͤnſtigung deß Herrn oder ſeiner Vor-
fahren derſelben ſelbſt gegen andere anmaſſe/ oder ſich davon nach Gelegenheit/
außziehe vnd frey mache/ Sondern wieder ſolches beginnen muſtẽ Anordnun-
gen gemacht/ oder dem/ welche auff deß Lands Fuͤrſten Befehl nicht pariren
ſondern Klage anfangen wolte/ der Gebuͤhr nach begegnet werden/ ins Gemein
gehoͤret hieher die Beobachtung aller Gerechtſame in Regalien, welche die
Aempter des Landsherrn wieder die Staͤnde des Lands oder ſonderliche Vnter-
thanen/ oder dieſe hinwieder gegen die Aempter prætendiren, daß nemlich ſol-
che Grundlich erwogen vnd in gute oder gebuͤhrliche wege Rechtens auffgeho-
ben/ vnd unnoͤtiger Streit/ Jrrung vnd daher entſprieſſende Spildung der Zeit
vnd Koſtens ſampt verbitterung der Gemuͤter abgeſchnitten vnnd vermieden
werde.

Wann auch ein Benachtbarter oder hoͤherer nicht die gantze Landes-Fuͤrſtl.
Hoheit/ ſondern nur ein deroſelben ſonſt ordentlich anhaͤngend Regal oder
præeminentz Stuck dem Landsherrn ſtreitig machte/ vnd Jhn darinnen wie-
der das herkommen beunruhigte/ ſo werden die Wege gebrauchet vnnd Rath-
ſam erwogen/ welche kurtzvorher im 2. vnd 3. Haupt-Punct dieſes Capitels
angezeigt worden.

Treffen auch gleich etliche Regalien, Gerechtigkeiten/ oder andere Stuͤ-14.
Zum-fuͤnf-
ften in Er-
haltung
der Acci-
dental Stuͤ-
cke die ein
Herr auch
auſſerhalb
Landes
hatt/ an Re-
galien vnd
Hoheit an.
cke an Land vnd Leuten/ geſampte Belehnungen/ Anwartungen/ Rechtferti-
gungen/ Bundsgenoſſenſchafften/ vnd dergleichen nicht eigentlich des Lands-
herrn Fuͤrſtenthumb oder Lande an/ gehoͤren aber gleichwol ſonſt dem Lands-
herrn gantz oder zum Theil zu/ wie den ſolcher Exempel viel ſind/ daß die Teut-
ſchen Fuͤrſten vnd Herrn auſſerhalb ihrer Erb-Lande vnterſchiedliche Angtle-
genheiten/ Herrligkeiten vnd Einkunffte oder doch Anwartungen vnnd Erb-
ſchaffts Rechte haben: So gehoͤret doch auch zu dem erſten Punct der Lands.
Regierung/ daß der Herr vnd ſeinr Raͤthe auch an dieſen Hoheiten vnnd Ge-
rechtſamen ihre Sorgfalt vnd Fleiß anwenden vnd dahin ſehen/ daß ſolche
Jhnen nicht ſchwer gemacht/ verderbet oder entzogen werden/ Sondern daß er
deren allen in gebuͤhrender Vbung bleibe oder die deßwegen habende Rechtfer-
tigung außuͤbe/ den Verlag dazu verordne/ Diener darzu beſtelle/ vnd was ſich
ſonſt hierin gebuͤhren will/ in acht nehme/ Sintemahl ſolche Vorzuge/ Herr-
ligkeiten Mittel vnd Regalien, die der Herr anderſtwo haͤtt ſeinen Reſpect vnd
hohen Stand im Lande deſtomehr befaͤſtigen vnd zieren.

Endlich/ obwol die Einkunffte des Landsherrn an Gelde vnnd andern15.
Zum ſech-
ſten in Er-
haltung
ſeiner Ein-
kunffte.
Mitteln ebener geſtalt ihre ſonderliche Verwaltung haben/ davon der dritte
Theil dieſes Berichts verfaſſet iſt: So liegt doch an rechter Anſtalt vnnd
Behauptung der Fuͤrſtl. Cammernutzung ſehr viel/ vnd greiffen die
darinn entſtehende Maͤngel vnd Vaordnungen endlich auch die Krafft der Re-
gierung ſelbſten an/ darumb gehoͤret auch dieſes in Reiffe vnd geheime Berath-
ſchlagung bey dem erſten Punct des Regiementes/ wie nemlich die Fuͤrſtl. Ein-
kunffte ohne Beſchwerde der Vnterthanen vnd anderer auffs beſte zu erhalten
vnd zu vermehren/ auch newe Nutzbarkeiten zu erheben/ wie die Beſchwerung
der Fuͤrſtl. Cammer/ alß Schuldenlaſt/ Pfandſchafften vnd Verſchreibungen
mit Nutz vnd Billigkeit davon zu bringen/ unnoͤtiger Auffgang einzuziehen/
hingegen wie etwan ein Vorrath/ den GOtt beſcheret/ wol vnd ſicher anzuwen-
den/ was der Landsherr an andern zu fodern hat/ wol einzubringen/ wie Guͤter
vnd Stuͤcke des Lands/ die man nur Pfandweiſe hatt/ in Erblichkeit durch
rechtliche vnd thunliche Mittel zu verwandeln oder loß zu werden/ vnnd der-
gleichen.

Bißhero haben wir die Landes Fuͤrſtliche Hoheit vnd Macht/ in welchen16.
Von Er-
haltung der
Regierung
durch Con-
ſervation
der Perſon:
deß Lands
Stuͤcken ſie erhalten vnnd bedacht werden muſte ſampt ihren Wirckungen vnd
Anhaͤngen/ abſonderlich vnd fuͤr ſich ſelbſt erwogen/ vnd kein Hauptſachliches
abſehen auf die Perſon des Landsherrn gehabt/ in dem dieſe ſterblich iſt/ vnd ſich
offters endert/ Jene aber/ alſo in menſchliche Sachen zu reden/ ihre beſtaͤndige-
ſtaͤte Form vnd Art hatt.

Weil aber die Hoheit vnnd Macht der hoͤchſten Perſon des Landes oder
dem Landesherrn/ der ie zu Zeit regieret/ ſo gar Anhaͤngig vnd nachfolgig iſt/
daß ohne dieſelbe er fuͤr keinen Landesherrn geachtet werden kan/ auch das Heyl
vnnd die Wolfahrt deß Lands hinwiederumb nicht wenig an der Perſon des
Herrn ſo fern gebunden/ daß deſſen Todt vnd Abwechſelung oder uͤbele Be-
ſchaffenheit ohne groſſe Gefahr vnnd zerruͤttung des Regiements ſelten zu ge-
ſchehen pfleget/ So dienet auch zu dem erſten Punct der Regierung/ zu Erhal-
tung des Stats vnd Regiements im Lande alles das/ was zu Erhaltung/
Ehr/ auffnehmen vnd Erſprießligkeit des Landsherrn Perſon
vnd der Seinigen erfordert wird/ vnd gehoͤret alſo dieſe Betrachtung
vnd Sorgfalt gleicher geſtalt in die Werckſtat einer wolbeſtelten Rathſtuben/
oder in vertraͤwliche Einrahtung eines vnnd andern trewen vnnd fuͤrſichtigen
Raths vnd Dieners.

Nun ſind zwar etliche Perſoͤnliche Eigenſchafften an einem Landsherrn
faſt unverenderlich vnd nothwendig/ deren wir im erſten Theil Cap. 4. gedacht/
wir ſind aber allhier gemeinet die jenigen Summariſch anzuzeigen/ welche ſich
nach der Gelegenheit vnd Wilkuͤhr der Perſonen zu endern/ vnd entweder fuͤr
Tugenden vnd anſtaͤndige Dinge/ oder fuͤr das Gegentheil geachtet zu werden
pflegen.

Wann die Perſon des Landes-Fuͤrſten ſo wol an Leibs vnnd Gemuͤths
Gaben dermaſſen verſehen iſt/ daß er ſich ſelbſt in allen nothwendigen Dingen
rathen vnd helffen kan/ hat man Gott hoͤchlich dafuͤr zu dancken vnd ein Land
ſich an einen ſolchen Regenten trefflich zu erfrewen/ Nach dem aber dieſelben
auch Menſchen ſind/ vnd dahero an Leibes-Geſundheit vnd Kraͤfften/ ſo wol
auch am Verſtande vnd Tugenden zu weilen mangel leyden/ So erfodert die
Noth/ daß ſie in ſolchen Stuͤcken guten Raht nicht verſchmaͤhen/ vnd dahero
entweder fuͤr ſich ſelbſt darauff dencken/ oder die Jenigen/ die Jhnen hierinn
bey raͤthig ſeyn/ gerne hoͤren; Zu welchem Ende denn die Vernuͤnfftige Be-
rathſchlagung ſolcher Angelegenheiten mit vertrawten Raͤthen gantz noth-
wendig.

Bey der Betrachtung dieſes Puncts ereignet ſich nun weitlaͤufftiger An-
laß von denen Leibs vnd Gemuͤts Beſchaffenheiten eines loͤblichen Regenten
zu reden; Demnach aber davon in den Politiſchen Buͤchern ins gemein or-
dentliche Außfuͤhrung zu finden/ thun wir uns Hauptſachlich dahin beziehen/
vnd wollen allhier/ nur von den Tugenden oder Gaben des Leibs vnd Gemuͤts/
die einem Regenten in ſeinem Ampt zu Behauptung ſeines Stands vnd Anſe-
hens nothwendig vnd wol Anſtaͤndig ſeyn/ kuͤrtzlich/ vnd alß ferne ſie ſich auff
die Gelegenheit der Teutſchen Fuͤrſtenthumer vnd ietzige Zeiten deutlich appli-
ciren
[57]Anderer Theil.
ciren laſſen/ etwas anfuͤhrẽ: Jns gemein dabey andeutende/ daß alle Chriſtliche
Tugenden/ wie die einem ieden Chriſten in den Heiligen Zehen Geboten fuͤrge-
ſchrieben/ auch ſonſt in der Sitten Lehre Erklaͤrt werden/ von ſich ſelbſt vnd vor-
auß verſtanden vnnd einem Regenten Recommendirt ſeyn ſollen/ alldieweil
et ein Menſch vnd ein Chriſt; Vnd alſo gleichmaͤſſiger Schuldigkeit diß fals
wie andere vnterworffen iſt/ ja umb ſo viel deſto mehr/ weil er in einem hohen
Stande lebt/ vnd mit ſeinem Exempel/ thun/ vnd Leben das gantze Land entwe-
der beſſern oder aͤrgern kan.

Von den Tugenden des Verſtands/ welche ſonſt von den Gelehr-17.
Von den
Tugenden
des Ver-
ſtands an
einem
Lands-
herrn/ vnd
wie ſie zu
erlangen.
ten unterſchieden/ ins Gemein aber vnter den Namen der Weißheit/ Klug-
heit vnd Kunſt begrieffen werden/ den Anfang zu machen/ So wird nie-
mand zweiffeln/ daß ſolche im Regenten Stande zum allernoͤtigſten ſeyn/ deß-
wegen auch der Koͤnig Salomon zu ſeiner Koͤniglichen Regierung nichts hoͤ-
hers vnd beſſers alß die Weißheit von dem Allmaͤchtigen GOTT zu bitten ge-
wuſt; Ob gleich nun die Teutſchen Fuͤrſtenthume eben keine Koͤnigreiche ſind/
darinn groſſe weit gelegene Landſchafften/ vielerley Sprachen vnd Nationen/
mancherley Sitten vnnd Arten der Voͤlcker/ wiederſpenſtige Vnterthanen/
maͤchtige feindſelige Nachbarn/ vnd andere ſo gar ſchwere wichtige Vmbſtaͤn-
de/ wie bey den groſſen Reichen der Welt ſonſt zu ſeyn pflegen/ anzutreffen/ ſo iſt
doch dazu ein groſſer Verſtand vnd ſtattliche Vorſichtigkeit vnd Klugheit eben
ſo wol noͤhtig/ ſoll anders dem Lande im Geiſt- vnd weltlichem Stande wol fuͤr-
geſtanden vnd der gemeine Nutz befoͤrdert werden; Sintemahl auch eine klei-
ne vnd ſchwache Policey/ davor doch die meiſten Teutſchen Fuͤrſtenthume nicht
zu halten/ mit deſto groͤſſerm Verſtand will gefuͤhret vnnd erhalten ſeyn/ kan
auch dadurch zu groſſen Ehren vnd auffnehmen gedeyhen; Da hingegen auch
die groͤſte Gewalt vnd Macht ohne Verſtand keine Wuͤrckung hatt: Jrren
demnach die Jenigen weit/ vnd ſind ſchaͤdliche Rathgeber/ welche nicht dafuͤr
halten/ daß ein Fuͤrſt/ der zum Regiement geborn iſt/ groſſen Verſtand/ Wiſ-
ſenſchafft vnd Vorſichtigkeit haben muſte/ ſondern wol beſſer ſey/ daß er nur
etlicher maſſen ſich koͤnne berichten laſſen/ vnd etwa andere euſſerliche Eigen-
ſchafften mit Leibes vbungen vnd dergleichen an ſich habe/ Jm uͤbrigen aber
verſtaͤndige Raͤthe halte/ wie denn ſolche verkehrte Meinung zu nicht geringen
der Land vnd Leute/ vnd Beſchimpffung hoher Standes Perſonen/ an denen
man heut zu Tage einen etwas hohen Verſtand/ vnnd Wiſſenſchafft ihres
Ampts faſt fuͤr ein Wunder haͤlt/ gereichen thut/ vnd dem Exempel der Alten
dapffern Teutſchen Helden/ welche/ nach ihrer Zeit vnd Gelegenheit/ Jhr Ampt
ſelbſt mit Vernunfft vnd eyffer gefuͤhret/ vnd ſich deſſen nicht geſchaͤmet/ gar
nicht gemaͤß iſt. Es erlangen aber Fuͤrſten vnd Herrn die Tugend der
Weißheit/ verſtandes vnd Geſchickligkeit nechſt der Gnaden Gottes/ der dar-
Humb
[58]Teutſchen Fuͤrſten-Stats
umb angeruffen ſeyn will/ einmahl vnd ordentlicher Weile durch ihre gute
Aufferziehung vnd fleiſſige Vnterweiſung in den Stuͤcken/ welche einem
Chriſtlichen Regenten zu wiſſen von noͤthen ſind/ ſo wol in Religion alß weltli-
chen Sachen/ weil aber ſolche Information zu Zeit ihrer Jugend/ vnd wann
Sie noch nicht im Regiement ſeyn/ vorgehen muß/ ſo iſt auch davon an einem
andern Ort außfuͤhrlich vnd beſſer/ auch vnten in dieſem Capitel etlicher Maſ-
ſen vnd Summariſch zu handeln.

Ferner wiewol mit groͤſſer Muͤhe/ wenn die Aufferziehung nicht vorher-
gehet/ erlangen Sie auch Weißhei[t] vnd Verſtand durch Erfahrung/
wenn ſie entweder vor Antretung der Regierung in Reiſen vñ Auffhaltung an
groſſer Herren/ oder ihrer eigenen Eitern vnd Befreunden Hoͤffen auff Regie-
ments Sachen vnd Welthaͤndel fleiſſige acht geben/ oder auch nach etlicher
Jahre ſelbſt gefuͤhrter Regierung/ ſich unter Hand im Verſtand vnd Klug-
heit erbawen/ Ja dem ſie die vorfallende Sachen wol Betrachten/ nach ihren
Vrſachen vnd Wuͤrckungen erwogen/ ſich deren mit Fleiß errinnern/ vnd von
einer uff die andere mit gutem unterſchied ſchlieſſen lernen.

Wohnet nun einem Herrn der Verſtand ſeiner Ampts-Verrichtung vñ
anderer noͤtiger wol anſtaͤndiger Dinge bey/ So erfodert ſeiner vnnd ſeiner
Raͤthe ſchuldigkeit/ daß ſolcher bey Jhme mit fleiß erhalten/ geuͤbet vnd vermeh-
ret/ vnd alſo nach Vernunfft vnd Verſtand/ vnd nicht nach Affecten vnd eyl-
ſamen Wanckelmuͤtigen Einfallen/ in allen Dingen verfahren/ auch ſolche Ga-
be des Verſtands bey dem Regenten nicht/ wie von Vntrewen boͤſen Dienern
zu ihren ſelbſt Eigennutzen vnd erlangung ungebuͤhrlicher Gewalt vnd Hoheit
geſchicht/ verdunckeit/ verhindert/ auff andere ungebuͤhrliche vergebliche Dinge
abgeleytet/ vnd auſſer Vbung gebracht werde: Es kan aber ſolche Vbung vnd
Erhaltung auch vermehrung des Verſtands nicht beſſer geſchehen/ alß wenn
der Landsherr in ſeiner Beruffs-Arbeit fleiſſig iſt/ vnd andere unnoͤtige Dinge/
fuͤrwitzige Wiſſenſchafften/ vergebliche thoͤrichte Kuͤnſte/ muͤſſiggang/ vnd dañ
auch die Wolluͤſte vnd ſchaͤndliche Laſter/ dadurch der Verſtand verderbet/ vnd
der Menſch thumm unbedacht/ Viehiſch vnd frevelhafft wird/ mit hoͤchſtem
Fleiß vermeidet/ oder da er alß ein Menſch hierin faͤhlete/ ſich von trewen Die-
[nern] mit Beſcheidenheit gerne errinnern vnnd zu ſeinem Ampte anweiſen
laͤſſet.

Ein ander Hauptmittel aber iſt die Tugend des Verſtandes bey den Re-
genten zu uͤben vnnd zu erhalten/ nemlich die Annehmung guter Rath-
ſchlaͤge: Denn darumb hat ein Herr vnd Regent Raͤthe vnd Diener/ daß
er ſich durch dieſelbe in wichtigen Dingen/ die Jhme ſchwer vnd bedencklich fal-
len/ berichten/ vnnd ſeinen Verſtand dadurch gleichſam erwecken vnd erleuch-
ten laſſe. Denn es iſt die Regiements Arbeit ſo groß vnnd wichtig/ daß von
allen
[59]Anderer Theil.
allen vernuͤnfftigen Leuten ieder Zeit dafuͤr gehalten worden/ es ſey kein Regent
vnd Fuͤrſt ſo hochbegabet/ Weiſe vnd Verſtaͤndig/ daß er anderer Leute Rath
entbehren koͤnne/ vnd gleich wie es ſchaͤndlich ſtehet/ wenn ein Herr ohne Ver-
ſtand vnd Klugheit dahin gehet/ alles an ſeine Diener laͤſſet/ vnnd den bloſſen
Nahmen vnd Titul eines Regenten behaͤlt/ alſo iſt es auch ſehr ſchaͤdlich vnnd
gewinnet ſchlechten Außgang/ wenn ein Regent ohne Raht verſtaͤndiger Leute
nach eigenen Kopff handelt/ oder die Rathſchlaͤge zwar hoͤret/ aber ſeine gedan-
cken fuͤr die beſten allezeit haͤlt/ vnd ſich ſchaͤmet/ einem andern/ ob er gleich beſſe-
re vnd vernuͤnfftigere Vorſchlaͤge thut zu folgen.

Darumb iſt es eine groſſe Tugend/ vnd nechſt der erſten/ nemlich der ſelbſt
eigenen Weißheit/ Klugheit vnd Erfahrung an einem Regenten die vornemſte:
Wann Er in allen wichtigen Sachen/ deren er ſich unterfaͤn-
get/ daran ſeiner vnd der ſeinigen Ehre/ Nutz vnd Wolſtand
vnd dann die Wolfahrt des Landes vnd deſſen zugehoͤrungen/
oder auch eines vnnd andern Vnterthanen Leib/ Ehr vnnd Gut
gelegen/ reifflichen vernuͤnfftigen Rath von ſeinen darzu beſtel-
ten vornemſten Dienern/ Geiſt- oder weltlichen/ oder nach Ge-
legenheit den Landſtaͤnden/ vnd nicht etwa von geringen Hoͤf-
lingen vnd Ohren-blaͤſſern/ in guter geheim/ zu rechter Zeit/
wenn der Sache noch zu rathen iſt/ mit Gedult vnd ohne Ver-
druß/ wens gleich wieder ſeine vorgefaſte Meinung were/ in gu-
ter Auffmerckung vnd mit Verſtande/ anhoͤret vnd einnimmet/
auch dem Jenigen folget/ was er in der Furcht Gottes/ Erbar-
keit vnd Gerechtigkeit am beſten gegrůndet vnnd am bequem-
ſten Außzurichten zu ſeyn erachtet/ auch dabey ſich Standhaft
vnd ohn enderlich erzeiget/ Wie denn auff ſolche Maſſe vnnd bey loͤbli-
cher Intention, Gottesfurcht/ vnd fleiſſige Gebet eines ſolchen Regenten der
goͤttliche Segen nicht auſſen bleibet/ ſondern der Allmaͤchtige GOTT/ welcher
der Fuͤrſten vnd Koͤnige Hertzen in ſeinen Haͤnden hatt/ dennoch ſeinen Ver-
ſtand/ wenn er gleich ſonſt nicht ſo fuͤrtreffliche Gaben haͤtte/ zu dem guten vnnd
beſten Wege zu leyten vnd zu fuͤhren pfleget.

Auß der Tugend der Weißheit vnd des Verſtandes flieſſen auch her die
Wiſſenſchafften zu Reden vnd zu Schreiben. Ob es nun wol ſcheinet/
daß zu mahl nach Gelegenheit unſerer Teutſchen Fuͤrſtenthumer hierinn keine
ſonderbare durch gehende Vortreffligkeit an einem Regenten võ hoher Not erfo-
dert werde/ denn ſie ſolches beederley mehrentheils durch andere Verrichten
laſſen/ So ſind doch ſolche Eigenſchafften auff gewiſſe Maſſe noͤttig vnd unent-
behrlich/ vnd iſt dahero die Aufferziehung eines Herrn dahin auch zu richten/
wie an ſeinem Ort gehoͤrt werden ſoll/ dem es aber hieran gemangelt/ vnd ſoll
H ijgleich-
[60]Teutſchen Fuͤrſten Stats
gleichwol Noth halben etwas foͤrmlichs Reden/ zum Exempel/ einen wichtigen
Vortrag ſeinen Raͤthen oder andern thun/ einem frembden Potentaten oder
der Keyſ. Mayſt. ſelbſt/ oder dero Abgeſandten etwas muͤndlich zu vernehmen
geben/ alſo auch in vertrawten Sachen ſelbſt etwas ſchreiben/ der muß ſich fuͤr-
war hierzu auch uͤben/ vnd allenfals durch ſeine Raͤthe berichten laſſen/ damit
hierin zu ſeinem Deſpect oder Schaden nicht verſtoſſen oder doch ſeine Mei-
nung nicht eingenommen werde.

Vnter die Gaben des Verſtands vnnd zwar die Jenige ſo man Kuͤnſte
nennet/ die zum Theil im nachdencken/ zum Theil aber auch im Handgrieff
vnd einem euſſerlichen Werck beſtehen/ wird [an] einem Regenten vnd Teutſchen
Fuͤrſten auch die Krieges-Kunſt erfodert/ ſampt dem was deroſelben in
allen Stuͤcken anhaͤngig iſt; Denn ob gleich das Roͤmiſche Reich durch ge-
wiſſe Satzungen zu Friede vnd Ruhe eingerichtet/ vnd ein Teutſcher Fuͤrſt vor
ſich ordentlicher Weiſe ein friedſamer Regent ſeyn ſolte/ ſo vervrſachen doch die
innerliche Vnruhen/ denen unſer Vaterland durch Gottesſtraffe vnd ſeine ei-
gene Maͤngel vielfaͤltig Vnterworffen/ ſo wol auch daß dadurch ein Landsherr
dem gantzen Vaterland wieder einen außwuͤrdigen Feinde dienen kan/ daß ein
Teutſcher Fuͤrſt der Kriegeriſchen Wiſſenſchafft vnd Vbung nicht unerfahren
ſeyn ſolle/ nur daß er ſich mit Gebrauch derſelben/ wie in andern ſeinen Thun/
in den Schrancken der Gebuͤhr vnd der Reichs-Satzungen/ Creyß-Verfaſ-
ſungen vnd Kriegs-Ordnungen halte; Jn der Kriegs-Kunſt an ſich ſelbſt
aber kan vnnd mag er ſich zu mahl in der Jugend durch ſelbſt eigene zu laͤſſige
Vbung/ bekant machen oder Verſtaͤndiger Leute Raͤth gebrauchen vnnd in ſei-
nen Landen zu dieſem Ende allerhand nutzliche Ordnungen vnd Verfaſſungen
18.
Von den
Tugenden
des Ge-
muͤts die an
einem Re-
genten zu
loben/ alß
da iſt Erſt
lich die
Gottes-
furcht.anſtellen.

Vnter denen Tugenden des Gemuͤts oder der Sitten iſt die Gottes-
furcht/ Gottſeeligkeit/ oder Chriſtliche froͤmmigkeit/ das Funda-
ment vnd der Begrieff der andern allen/ vnd darf ſolche/ weil ſie auß dem Wort
Gottes vnd andern nutzbarlichen Buͤchern gnugſam bekant/ allhier nicht be-
ſchrieben werden/ daß Sie aber auch einem Regenten ſeines Ampts wegen noͤt-
tig vnd nutzlich ſey/ hatt niemand alß etliche Gottloſe vnnd verruͤchte Leute ge-
zweiffelt welche einen Gottesfuͤrchtigen Herrn fuͤr Aberglaͤubiſch/ Kleinmuͤ-
tig/ vnd einen ſolchen der ſich ſelbſt in Vermehrung ſeiner Macht vnd Hoheit
wiedrig were/ laͤſterlich außruffen/ vnd Jhn hingegen im Hertzen/ ſicher vnnd
Gewiſſen loß/ oder doch nur mit Worten vnd euſſerlichen Schein from vnnd
Gottesfuͤrchtig/ aber falſch vnd Heuchleriſch machen wollen/ ſoll er anders/ wie
ſie Boßhafftiglich ſagen/ bey ſeiner Hoheit vnnd Macht bleiben vnd auffkom-
men: Wie denn wegen ſolches Gottloſen fuͤrgebens der Machiavellus noch
immerfort verfluchet wird/ ungeachtet er leyder viel aͤrgere vnnd ſchaͤdlichere
Nach-
[61]Anderer Theil.
Nachfolgere hin vnd wieder verlaſſen/ wir ſetzen deme entgegen vnd allhier zu ei-
nem unwieder treiblichen Fundament, daß die Gottesfurcht/ vnd Chriſtliche
Froͤmmigkeit/ wie zu allen Dingen/ alſo auch zum Regiement ſelbſten/ einem
Regenten vnd Landsherrn nothwendig vnd nutzlich ſey/ vnd er dahero ſolche in
allen ſeinen Regierungs Wercken/ ſo wol alß in ſeinem Leben vnd Wandelſolle
rechtſchaffen ſpuͤren vnnd mercken laſſen/ wie denn dieſes auß Gottes Wort
Ja auch etlicher Maſſe auß Heydniſchen Scribenten ſo klar/ daß es keiner Auß-
fuͤhrung bedarff/ vnnd folget dahero die gewiſſe Erfahrung/ daß einen Herrn
vnd Regenten nichts ſo ſehr alß die Gottesfurcht in ſeinem Wolſtande erhalten
denn es ſonſt auch nicht wol muͤglich were/ vnd durch keine Gewalt oder Gunſt
mit Beſtande behauptet werden koͤnte/ daß ein einiger Menſch vor andern ſo
maͤchtig ſeyn/ vnd in ſolchem Reſpect vnd ſeiner Hoheit bleiben koͤnte/ wo nicht
Gottes Allmacht vnd Gnade vber Jhn ſchwebete/ deren ſich aber nur die Got-
tesfuͤrchtigen zu ihrem Troſt vnnd mit Nutze zu getroͤſten haben; Hingegen
wenn Gottes Gnade vnd Segen von einem Herrn welchen/ ſo iſt auch alle deſ-
ſen Macht/ anſehen vnd Hoheit dahin vnnd vergeblich/ alſo daß wann Jhn
GOtt verlaͤſſet/ er auch von allen Menſchen vnd allen zeitlichen Dingen ver-
laſſen/ bloß vnd Huͤlffloß geſtellet wird/ So kan vnd ſoll auch unſere Teutſche
Regenten nicht unbillich zur Gottſeeligkeit bewegen nicht allein daß Sie Fůr-
ſten vnnd Staͤnde eines Chriſtlichen weltberůhmten Reichs
ſind/ darinnen zu iederzeit ſo viel Satzungen vnd Ordnungen wieder Ruchlo-
ſigkeit vnd Gottloſes Weſen auffgerichtet worden/ alß das Jhnen auch/ vnd
ſonderlich denen die der EvangeliſchenReligionzu gethan ſind/
die Vorſorge vnd Verpflegung in Geiſtlichen vnnd Kirchen-Sachen mit ob-
lieget/ darinne Sie nimmermehr etwas nutzliches ſchaffen wuͤrden/ wo Sie
ſelbſt mit boͤſem Leben vnd Vnchriſtlichen Wandel die Gemeinde GOttes in
Jhrem Lande aͤrgern.

Nechſt dieſem iſt die Gerechtigkeit auch eine ſolche Haupt-Tugend/19.
Von der
Tugend
der Gerech-
tigkeit.
welche im weitem Verſtande alle die andere in ſich begreifft; Jn dem ſie erfo-
dert/ Erbar vnd Gerecht für ſich ſelbſt zu Leben einem Jeden die
Gebuͤhr wiederfahren zu laſſen/ vnd niemanden zu beleydigen;
Wie weit nun die Gerechtigkeit gegen andere zu uͤben/ einem Regenten zu kom-
met/ das iſt deutlich zu vernehmen auß dem Jenigen/ was wir bereits oben von
unterſchiedlichen Stuͤcken/ die er gegen hoͤhere/ gegen ſeines gleichen/ vnd gegen
ſeine Vnterthanen/ bey der Art deß Regiements in acht zu nehmen hat/ ange-
fuͤhrt/ vnnd hiernechſt im 9. Capitel von Adminiſtration der Iuſtitz außfuͤhr-
lich berichten werden: Allhier bleiben wir in der Betrachtung der Gerechtig-
keit/ alß ferne Sie eine Tugend des Gemuͤts iſt/ welche ein Landsherr bey ſich er-
halten/ auch daß es deſto beſſer geſchehe/ Seine Raͤthe auch dahin arbeiten ſol-
H iijlen:
[62]Teutſchen Fuͤrſten-Stats
len: Nemlich/ daß er von Hertzen der Gerechtigkeit ergeben ſey/
welches umb deß willen ſo viel noͤtiger/ alldieweil ein Regent ſo viel Mittel vnnd
Macht hatt wieder die Gerechtigkeit zu handeln/ denn daß mancher einem an-
dern nicht Vnrecht thut/ iſt oͤffters nicht ſeiner Tugend/ ſondern der Vrſache zu
zu ſchreiben/ daß er nicht maͤchtig gnug iſt ſein Vnrechtes fuͤrhaben zu behau-
pten; Derowegen erfordern wir daß Hertz vnd Gemuͤte des Regenten ſelbſt
zum Sitz dieſer vortrefflichen Tugend der Gerechtigkeit; Der geſtalt daß er ſich
ſelbſt nach Recht vnd Billigkeit weiſen vnd gewinnen laſſe/ vnd nach der guͤlde-
nen Regel des HErrn Chriſti/ kein ander Recht begehre/ oder anders mit den
Leuten vmbgehe/ alß er ſich ſelbſt gethan haben wolte: Es iſt recht vnd loͤblich/
daß ein Regent ein guter vnd rechtmaͤſſiger Richter zwiſchen ſeinen Vntertha-
nen ſeye/ die etwa miteinander zu ſtreiten haben/ aber Ja ſo nothwendig vnnd
noch loͤblicher iſt es/ wenn Er ſeine eigene hand ungen/ Vorhaben vnd Begin-
nen nach der Richtſchnur des Rechts vnd der Billigkeit ſelbſt uͤberleget/ oder
ſonderlich/ da Jhn eine Sache angienge/ vnd er dazu oder davon ſonderbahre
Gemuͤts-neygung befuͤnde/ daß ſolche Erwegung durch verſtaͤndige Raͤthe ge-
ſchehe/ wol leyden vnd denſelben folgen mag: Vnd were ja ſchaͤndlich/ wenn
der Regent iederman das Recht wiederfahren lieſſe/ vor ſich ſelbſt aber mit Ge-
walt/ nach eigener Luſt vnd Begierde/ oder ſeinen Freunden oder Dienern zur
Freundſchafft vnd gefallen/ oder auß Zorn vnd Rachgier/ unbetrachtet was
Erbar vnd Wolſtaͤndig vnd was des andern Recht vnd Befugnuͤs were/ ver-
fahren wolten. Von dieſer Tugend eines Fuͤrſten/ vnd was Sie darzu bewegen
ſoll findet man ins Gemein auß Gottes Wort vnd denen Schrifften Weltwei-
ſer Leute nachricht gnugſam/ nach Gelegenheit aber der Teutſchen Fuͤrſtenthu-
mer ſind etliche Vmbſtaͤnde/ welche den Landsherrn zur Gerechtigkeit inſon-
derheit Anreitzen vnd treiben ſollen mercklich Einmahl/ daß bey Einnehmung
der Erbhuldigung in den meiſten Orten/ der Landsherr/ Vhralten herkommen
nach/ gegen die Vnterthanen ſich Fuͤrſtlich vnd traͤfftiglich erklaͤrt/ nicht allein
daß er Sie bey gleich vnd recht unter einander ſchuͤtzen/ ſondern auch/ daß er
fuͤr ſich ſelbſt den Geſetzen vnd Rechten gemaͤß handeln/ vnnd ſich denenſelben
vnterwerffen wolle; Wie denn abſonderlich in Sachen da wegen der Fuͤrſtl:
Cammer Guͤter/ Gerechtigkeiten/ vnd Aempter etwas im Lande fuͤrgehet/ vnd
darwieder von Jemand zu klagen oder beſchwerlich anzufuͤhren were/ durch
mancherley Ordnungen vnnd Abſchiede der Laͤnder verſehen iſt/ wie ſolche Jr-
rungen rechtlich zwiſchen den Landsherrn vnnd ſeinen Staͤnden zu entſcheiden.
Zum andern haben wir oben ſchon angezeigt/ daß ein Teutſcher Fuͤrſt vnd Re-
gent vor denen Reichs-Gerichten auff ein oder ander Weiſe endlich ſtehen/ vnd
dem Jenigen/ der wieder Jhn klagt/ antworten laſſen vnd des Beſcheids gewar-
ten muͤſten/ wolte es nun gleich ein Herr darauff wagen/ vnd die ſchwere Suͤnde
fuͤr
[63]Anderer Theil.
fuͤr GOtt nicht achten/ daß er in ſeinem Thun vngerecht ſich erzeigte/ So
gienge doch ſolches auch fuͤr der Welt vnnd des Reichs hohen Obrigkeit nicht
an/ ſondern er muſte leyden/ daß Jhm ſolches vnrechtmaͤſſiges fuͤrnehmen vnd
gewaltſame Beſchwerung zu groſſen Schimpff vnnd Schaden eingelegt wuͤr-
de vnd da gleich wieder etliche Schwache/ geringe/ verzagte vnd arme Vnter-
thanen des Landes oder frembde unvermoͤgende Perſonen ein vnd anders vn-
rechtes vortheilhafftiges Beginnen/ wie leyder am manchen Orte geſchiehet/
durchgetrieben wird/ auch ungeklagt vnd ungeanthet hingienge/ So werde er
doch einſten an einem vnnd andern antreffen/ der das Recht gegen Jhme mit
beſtande fuͤrnehme vñ hinauß fuͤhren. Zum drittẽ ſo [l]eydet auch die Beſchaf-
fenheit/ Gegelegenheit vnd Vermoͤgen des Landes an den meiſten Orten es nit
anders/ vnd wuͤrde ein Herr zwiſchen ſo vielen Nachbarn von unterſchiedlicher
Religion vnd groͤſſerer Macht uͤbel ſitzen/ vnd in groſſer Gefahr ſtehen/ wo er
nicht in ſeinem Fuͤrnehmen die Erbarkeit vnnd die Satzungen deß Vaterlan-
des fuͤr Augen/ vnd alſo ſeine Handlungen mit gutem Grunde vnd gewiſſen zu
behaupten hatte/ ſondern Gewaltſam/ Muthwillig vnd zueigenen Nutze geba-
ren wolte.

Die dritte Haupt Tugend eines Regenten iſt die Guͤtigkeit/ Gnade20.
Von der
Guͤtigkeit
oder Mil-
dig keit.
oder Mildigkeit/ mit welcher er Gott dem HErrn/ alß der hoͤchſten Obrig-
keit/ nochahmen/ vñ ſich alſo gegen die geringern/ Gnaͤdig/ Milde/ Freund
lich vnd Leutſeelig erweiſen ſoll: Jnſonderheit aber iſt man es in Teutſch-
land vnd deſſen Fuͤrſtenthumen vnd Landen nicht gewohnet/ daß die Landes-
herren ſich auff die Art etlicher Barbariſchen Koͤnige vnd Potentaten nicht ſe-
hen/ nicht anſprechen/ noch zu etwas erbitten noch erweichen laſſen; Sondern
man ſihet/ daß die loͤbliche Regenten ihre Vnterthanen/ hohe vnd niedern/ nicht
allein durch ihre Raͤthe vnd Diener/ ſondern auch wol nach Gelegenheit in ei-
gener Perſon anreden nach Beſchaffenheit ihres Standes gruͤſſen vnnd die
Hand geben/ ihr Anliegen hoͤren/ ihre vnterthaͤnige Schrifften annehmen/ auf
Beſcheid vertroͤſten/ die vornemſten zu ſich an ihre Tafeln zur ſpeiſung vnnd
Geſpraͤche ziehen/ bey Jhnen hinwiederumb zu weilen bey Ehren Gelagen er-
ſcheinen/ So dann auch in ihren bitten vnd Anlagen gnaͤdiglicherhoͤren/ vnnd
Jhnen in einem vnd andern zu willen ſeyn/ in Anſehung ihres vnvermoͤgens
vnd zu geſtandenen Schadens ihre Herrſchafftliche gefaͤlle maͤſſigen/ oder auff
eine Zeit erloͤſen/ auch die Straffen/ welche nicht zu vermeiden/ auff ihr Ver-
moͤgen vnd mit Gelindigkeit/ zur Beſſerung vñ nichtzum Verderben anſetzen/
vnd ſonderlich was auff ſolche Weiſe an Geldeinkommet/ nicht eben zu einem
Schatz vnd Reichthum ſamlen/ ſondern hinwieder zu milden Sachen auff an-
dere arme Vnterthanen/ oder Belonung trewer Diener anwenden/ viel Be-
leydigung aber vmb verhoffter Beſſerung vnd auß Mildigkeit verzeihen oder
uͤber-
[64]Teutſchen Fuͤrſten-Stats
uͤberſehen; Vnd daß thun Sie nicht allein auß ſolcher hertzlicher Guͤtigkeit/
welche groſſen Fuͤrſtl. Gemuͤtern faſt angeborn vnd ihr rechtes Zeichen iſt/ ſon-
dern auch nach dem Exempel der lobſeeligen Vorfahren/ welche dieſe Tu-
gend nicht allein an ſich gehabt/ ſondern auch deren viele in ihren Teſtamenten
vnd letzten Vermahnungen zum fleiſſigſten den Nachkommen Recommendi-
ret, Ja ſie thun auch dieſes zu ihrem groſſen Nutz/ denn die Erfahrung
bezeugt/ daß ſtrenge unfreundliche Regenten/ von denen ſich niemand oder we-
nige eines gnaͤdigen Worts/ geſchweige anderer Gutthaten vnd Mildigkeiten
verſehen/ viel dapffere Leute vnd Diener von ſich treiben/ die Vnterthanen auß
dem Lande verjagen/ oder doch von Jhnen wiederumb keinen guten Willen vnd
zuneygunge/ daran doch einem Herrn ſeine Vergnuͤgung vñ Scherheit gelegen
iſt/ verſpuͤren/ auch ſich bey den Nachbarn verhaſſet machen/ doch wird hierbey
auch die rechte Maſſe gehalten daß die Gelindigkeit nicht gar zu groß
ſey/ vnd dadurch das Anſehen des Regentens/ oder die Zucht vnd ſchuldige
Gebuͤhr der Vnterthanen verringert werde/ welches geſchicht/ wenn ſich der
Landes Fuͤrſt gar zu gemein/ zu mahl mit unverſtaͤndigen liederlichen/ oder mit
hoffaͤrtigen/ Ehrgeitzigen Leuten machen/ mit Jhnen ohne Reſpect umbgehen/
allzu viel umb vnd unter Jhnen ſeyn/ grobe Fehler nicht ſtraffen/ alles uͤberſehen/
unverſchaͤmtes begehren nicht abſchlagen/ vnd alſo ſeine Fuͤrſtliche Hoheit vnnd
Ampt nicht gnugſam brauchen wolte.

Die vierdte Haupt-Tugend ſetzen wir allhier die Beſcheidenheit/ das
iſt eine rechte Mittelſtraſſe vnd wol gemaͤſſigte Bezeigung des Landes Fuͤrſten/
welche auß vermiſchung vnnd rechten Gebrauch anderer Tugenden/ alß der
Großmuͤtigkeit/ Großthaͤtigkeit/ Dapfferkeit/ Anſehnligkeit
oderMagnificentz,Freygebigkeit vnnd denn der Demuth vnnd
Freundligkeit entſtehet.

Die Beſcheidenheit zwar iſt eine ſolche Tugend/ die auch dem groͤſſeſten
Monarchen vnd maͤchtigſten Koͤnige in der Welt wol anſtaͤndig iſt/ vnd beſte-
het darinn/ daß ein Regent von ſich ſelbſt vnnd ſeiner Macht
vnd Hoheit Vernuͤnfftig vnd Beſcheidentlich Vrtheilt vnd ſich
darinnen Maͤſſig vnd Recht bezeiget; Vnd ſchlieſſen wir damit nicht
auß/ daß ein Regent ſoll ſeyn Großmůtig/ in dem er einen dapffern Muth/
unverzagtes Hertz/ hohe Anſchlaͤge vnd Fuͤrſtliche Gedancken hat/ vnd ſich von
Wiederwertigkeit/ vnd Vngluͤck nicht ſo bald uͤberwinden vnd einſchrecken laͤſ-
ſet/ ſondern beſtaͤndig vnd unverendert bleibt. Großthaͤtig/ Anſehlig vnd
Freygebig/ daß er/ zum Exempel/ ſtattliche Gebeude verfuͤhret/ anſehnlichen
Hoff haͤlt/ ſich Fuͤrſtlich vnd Herrlich kleidet/ reiche Præſenten und verehrun-
gen Außtheilet/ groſſe Stifftungen zu Geiſt- vnd weltlichen Sachen auffrich-
tet/ Seine Anſchlaͤge ſtattlich hinnauß fuͤhret/ vnd ſo fort an/ Sintemahl dieſes
vnd
[65]Anderer Theil.
vnd dergleichen niemand anders alß groſſen Herren vnnd Regenten gebuͤhret/
kan es auch ſonſt niemand thun vnnd erwecken Jhnen ſolche Dinge hohes An-
ſehen vnd Herrligkeit.

Allein erfodern wir hingegen auch die Beſcheidenheit vnd geziemende De-
mut/ vnd wollen dabey außgeſchloſſen haben/ Stoltz vnd Hoffart/ vber-
fluͤſſigen Pracht/ unnoͤtige koſtbare Geldſpildung/ Rühmſuͤch-
tige vergebliche Anſchlaͤge/ Verſchwendung vñ Verminderung
der Landes Einkunfften Frevel vnd Vnbeſonnenheit/ vnd was
Vnheil mehr auß allzuhoher Einbildung herkommet; Daß wir
es aber abſonderlich auff die Teutſche Fuͤrſtenthumer vnnd dergleichen mittel-
maͤſſige Regimenter appliciren, So iſt die Tugend der Beſcheidenheit vmb ſo
viel deſto noͤtiger/ weil die Regenten deſſelben/ wie wir in vorgehenden berich-
tet ſind/ auff mancherley Wege ſich zu bedencken vnd uͤber ſich/ auff ſich/ neben
ſich vnd unter ſich bey Verfuͤhrung ihres Stats zu ſehen haben; Das Fun-
dament dieſer Tugend iſt die hertzliche Erkaͤntnus ſeiner ſelbſt/ oder
die Demut/ daß nemlich der Landsherr weiß vnd erkennet/ daß er gleichwol
wie andere ein ſterblicher Suͤndiger Menſch/ vnter GOtt/ Ja auch einer hohen
weltlichen Obrigkeit ſeye/ auch ſein Vermoͤgen vnd Macht nicht unendlich/
ſondern auff gewiſſe Maſſe gebunden/ auff einen gewiſſen Bezirck Landes/ vnd
auff ein Mittelmaͤſſige vnd erſchoͤpffliche Einkunfft gegruͤndet ſey: Wo dieſer
Grund recht gelegt iſt/ ſo wird ſich die Tugend der Beſcheidenheit von ſich ſelbſt
finden/ vnd ſpuͤren laſſen/ daß er nemlich nicht mehr von ſich haͤlt/ redet/ ſchrei-
bet/ vnd von andern geredet/ vnd geruͤhmet haben will/ alß der bekante Stand
mit ſich bringet/ er wird keine hoͤhere Titul/ mehrere ungebraͤuchliche Auffwar-
tung/ groͤſſere Anzahl oder hoͤhere Diener/ koſtbarere Gebeude/ Speiſung/ Klei-
dung vnd dergleichen gebrauchen vnnd begehren/ keine groͤſſere Begnadigun-
gen vnd Schenckungẽ thun/ wichtigere vnd hoͤhere Anſchlaͤge vnd newe Anſtal-
ten fuͤrnehmen/ alß ſein Stand nach guter vnd alter Gewonheit des Reichs vñ
Landes vnd die Gelegenheit ſeines ordentlichen Einkommens vnd Vermoͤgens
erfordert vnd mit ſich bringet: Denn wo er hierinnen unter dem falſchen Schein
einer Großmuͤtigkeit/ Dapfferkeit/ Fuͤrſtlichen Standes Hoheit Magnificen[tz]
vnd Anſehnligkeit/ aber eigentlich davon zu reden auß Hochmuth/ Vnbeſon-
nenheit/ Ehrgeitz/ nachahmung vnd Eyffer gegen andere hoͤhere oder niedrigere/
eyteler Hochhaltung vnd Einfuͤhrung des frembden vnd Außwuͤrdiſchen/ vnd
anderer Thorheit anders verfaͤhrt/ Seinen Stat noch vorhergeſetzte Stuͤcke
allzuhoch erſtreckt/ oder weitlaͤufftige ſeltzame Anſchlaͤge vornimmet/ vnd nicht
zuvor ſich ſelbſt/ vnd die Maſſe ſeines Vermuͤgens/ die Nutzbarkeit des Vorha-
bens/ die Gebuͤhr des Standes/ vnnd dergleichen noͤtige Vmbſtaͤnde wol er-
wegt/ oder durch ſeine Raͤthe betrachten vnd ſich rathen laͤſt/ wird er damit nechſt
Jdem
[66]Teutſchen Fuͤrſten-Stats
dem er ſich an GOtt verſuͤndigt/ andere hohe Potentaten vnnd Nachbarn zu
Neyd vnd Eyffer/ ſeine Diener vnd Vnterthanen aber zu Vnwillen vnd Haß
bewegen/ Sein Einkommen erſchoͤpffen/ ſich in Schulden ſtecken/ oder die al-
ten Beſchwerungen behalten/ zu noͤtigen Außgaben die Mittel verlieren/ dar
nechſt auff newe Auffſaͤtze vnd vortheilhaffte Grieffe dencken/ in ſeinen Vnrath-
ſamen Vorhaben deñoch wol zu ruͤck bleiben/ vnd an Stat verhofften Ruhms/
Ehre vnd Hoheit/ nichts alß Schimpff vnd groſſen Schaden/ auch ſchwaͤ-
chung ſeiner Macht vnd Wuͤrde davon bringen.

Dieſe bißhero beſchriebene vier Tugenden erſtrecken vnnd erweiſen ſich
nun nit allein im gemeinen Leben vnd Wandel/ ſondern vornem[l]ich auch in al-
len Regiements-geſchaͤfften des Landesherrn/ vnd kan er damit zweyerley ſeiner
Perſon gantz unentbehrliche Stuͤcke erlangen/ Nemlich/ die Gunſt vnnd
Trewen willen ſeiner Vnterthanen/ vnd denn ein Anſehen vnnd
Ehrerbietung/ ſo wol von denſelben/ alß ſeinen Nachbarn/ auch ſo gar den
Feinden ſelbſt.

Dieſer Haupt Geſellſchafft der Tugenden folgen auch die andere/ welche
ſonſt in den Buͤchern der Sitten Lehrer weitlaͤufftig beſchrieben werden/ alß die
Maͤſſigkeit in Eſſen vnd Trincken/ welche einem Regenten ſo viel noͤtiger/
alldieweil er ſeiner Geſundheit bey ſchwerer Ampts-Verrichtung wol warzu-
nehmen/ vnd ſich ſonderlich fuͤr dem ſchaͤndlichen Laſter Vollſauffens vnnd
Schwelgerey/ dadurch Er nicht nur ſich ſelbſt vnd etwa etliche wenig Leute/ wie
ein Jeder gemeiner Mann/ ſondern dem gantzen Lande ſchaden thut/ in dem Er
ſich zu Zorn vnnd Vnbedachtſamkeit dadurch bewegen leſt/ ſein hochnoͤtiges
Ampt verſaͤumet/ vnd allen Vntetthanen boͤſes Exempel giebt.

Die Keuſchheit iſt an einem Regenten uͤber die gemeine Chriſtenſchul
digkeit deßwegen zu lieben/ damit er mit deſto beſſerm Gewiſſen die Laſter/ ſo wie-
der die Keuſchheit ſtreiten/ im Lande abſchaffen vnd Straffen/ auch ſich ſelbſt
fuͤr Gefahr vnnd groſſen Haß ſeiner Vnterthanen verwahre/ vnnd gute Ge-
ſundheit vnd Zuſtand des Leibs vnd Gemuͤts erhalte/ denn die Exempel geben/
daß durch Vnkeuſchheit vnnd ſonderlich Vnzuͤchtiges gewaltſames Begin-
nen der Oberherren/ manches Land in Aufruhr/ oder mancher dapfferer Mann
[vnd] Vnterthanen zu einer ſchweren That wieder die Regenten bewogen wer-
den/ vnd er dadurch umb ſeine Hoheit/ Ja garumb ſein Leben kommen.

Die Warheit vnd Aufrichtigkeit im reden vnd allemthun/
die Verſchwiegenheit/ Vermeidung aller Falſchheit vñ Heuche-
ley/ inſonderheit aber die faſthaltung deſſen was verſprochen/
oder verſchrieben/ oder von den Vorfahren auff die Erben verbindlich
gebracht worden/ iſt eine ſo noͤtige Fuͤrſtl. Tugend/ daß auch ein Jedweder da-
fuͤr halt/ es ſey nichts vngereimters vnd ſchaͤndlichers/ alß wenn man einem
Fuͤrſten
[67]Anderer Theil.
Fuͤrſten oder Herrn/ ſolte das Gegenſpiel/ die Vnwarheit/ Waſchhafftigkeit/
vnd die Brechung der Zuſage/ vnd Fuͤrſtlicher Brieff vnd Siegel/ mit beſtande
zumeſſen koͤnte/ es were auch ſolches/ Jhnen zum hoͤchſten ſchimpfflich/ vnnd
wuͤrde er dadurch ein groſſes Mißtrawen vnd Verachtung bey maͤnniglich ge-
gen ſich erwecken/ vnnd da es in wichtigen Dingen geſchehe/ groſſen Streit/ vnd
Feindſchafft/ Ja Krieg vnd Verderben vber ſich laden.

Die Hoͤffligkeit/ ſonderlich aber die rechte Art mit Jederman
nach Standes Gebuͤhr umb zu gehen/ ſich Ehrerbietig gegen hoͤhere/
freundlich gegen ſeines gleichen/ Milde vnd Guͤnſtig gegen andere vornehme
Leute/ leutſeelig vnd gnaͤdig gegen Diener vnd untergebene mit Worten vnnd
Geberden ſich zu erweiſen/ iſt gleicher geſtalt eine eigene Fuͤrſtliche Tugend vnd
qualitet, der ſich alle loͤbliche Regenten befleiſſigen vnnd ſolche fuͤr Jhr beſtes
Meiſterſtuͤcke halten/ die Gemuͤter der Leute an ſich zu ziehen/ vnd alſo Gunſt
vnd Anſehen/ zu erwecken.

Die gemeine Freygebigkeit vnd Gutthaͤtigkeit gegën Arme/
gegen wolverdiente vnd betraͤngte Perſonen/ auch gegen gute Freunde vnnd
Goͤnnere/ iſt zum Theil oben unter der Tugend der Clementz gemeinet/ vnnd
wann ſie zu rechter Zeit gegen Leute/ da es angelegt/ mit froͤlichem Muthe/ vnd
ohne verdrießliche Auffruͤckung vnnd zurechnung/ auch nach Gelegenheit der
Einkunfften vnd der Beſchaffenheit des bittens geſchicht/ wird dadurch dem
Herrn groſſe Liebe vnd Danckbarkeit erwecket/ wie davon in mehr angezogenen
Sittenlehren weitere Außfuͤhrung zu finden/ hingegen iſt es uͤber die Maſſe
ſchaͤndlich/ wann die Regenten geitzig ſeyn/ alles zuſammẽ ſparen vnd ſcharren/
weder Jhnen ſelbſt noch den Jhrigen die Gebuͤhr wiederfahren laſſen/ vnd nie-
mand zu willen ſeyn wollen/ das geſchehe nun durch Vngerechte/ gewaltthaͤtige
Mittel/ vnd weitere unordentliche Außbreitung ihres Vermoͤgens/ oder auch
ohne dieſelbe/ wenn Sie das/ was Jhnen ſonſt gebuͤhret/ nicht zu noͤtigen Sa-
chen vnd zu ihren Reſpect vnd Ehrenſtand anwenden/ noch davon etwas zur
Ehre Gottes/ Erfrewung vnd Erquickung armer/ vnd anderer Perſonen die es
verdienen/ anlegen/ ſich niemands Erbarmen/ ſondern nur das vergaͤngliche
Geld ſamlen/ vnd ſich damit ſehr Gluͤckſeelig ſchaͤtzen/ oder da ſie Ja etwas ge-
ben wollen/ Jhnen doch damit allzulang nachlauffen vnd wieder willen/ gezwun-
gen/ vnd gleichſam Schande halben geben/ daſſelbe hoch rechnen/ ꝛc. Vnd was
dergleichen Laſter eines geitzigen vnd neydiſchen Menſchen mehr ſind/ welche
einem Regenten viel weniger alß anderen anſtehen/ alldieweil er ſo viel mehr
Mittel vnd Wege hat gutes zu thun/ auch ſolch Einkommen vnd Vorzug nicht
eben zu ſeinen bloſſen eigenen Nutz/ ſondern zu Troſt vnd Frewde vieler Leute/
nach dem Exempel des guͤtigſten Gottes/ deſſen ſtelle er vertrit/ anlegen ſolte:
Auff der andern Seyten iſt es auch ſehr ſchaͤndlich vnnd uͤbelanſtaͤndig/ wann
J ijdie
[68]Teutſchen Fuͤrſten-Stats
die Landsherren im geben vnnd ſchencken allzu frey vnnd unbedachtſam ſeyn/
entweder wenn ſie ihre Regalia vnd ſonderbare Fuͤrſtl. Vorzuͤge verſchlaudern/
oder unverdienten liederlichẽ Leuten/ die ſich wol mit einem geringern behuͤlffen/
oder nichts Wuͤrdig ſind/ oder in trunckener Weiſe/ da ſie es hernach rewet/
vnd durch allerhand Vorwand das verſprechen wieder zu ruͤck gezogen werden
muß/ oder zu der Zeit/ wenn Sie etwa viel noͤtigere vnd ſchuldige Außgabẽ haͤt-
ten/ vnd ſolche daruͤber ins ſtecken bringẽ/ ihre Freygebigkeit oder vielmehr Ver-
ſchwendung wollen ſpuͤren laſſen/ noch aͤrger aber iſt es/ wann Sie nicht von
den Jhrigen oder ihrem Vberſchuß/ ſondern mit frembden Gut/ oder auff das
Vermoͤgen vnd ſauren Schweiß ihrer armen Vnterthanen die Schenckung
thun/ welches geſchicht mit Anweiſung groſſer Geldſtraffen/ die einem andern
zu gefallen ſo hoch vnd ohne Erlaß geſteigert werden. Jtem mit newen Anla-
gen/ ſonderbahrer Freyheiten vnd Privilegien, die mancher zum Verfang/ vnd
Verderben anderer ſeines Gleichen außbitten/ vnnd in andere beſchwerliche
Wege mehr.

Nach dem auch zu Vbung der Tugenden die Gaben deß Leibs er-
fodert werden/ So erheiſchet die Gebuͤhr/ daß auch ein groſſer Herr auff ſeinen
Leib/ deſſen Kraͤffte/ vnd Erquickung gute Sorgfalt anwende.

Vnd zwar weil Staͤrcke vnd Hurtigkeit des Leibs nechſt der natuͤrli-
chen Art deſſelben/ guten Theils der Aufferziehung vnd uͤbung in der Jugend
zu zu ſchreiben/ ſo iſt auch dieſes ein nothwendiger Punct bey Aufferziehung
Junger Herrſchafft/ daß Sie zu erlangung ſolcher qualiteten des Leibs vnnd
Erhaltung guter Geſundheit in rechter diæt oder Ordnung der Speiſe/ der Ar-
beit/ der Ruhe/ der Ergetzungen/ vnnd nutzliche uͤbungen in Acht genommen
vnd unterwieſen werden.

Ein Regent aber der in fleiſſiger Verrichtung ſeines Ampts begrieffen iſt/
vnd dadurch die Kraͤffte ſeines Leibs angreiffet vnnd ſchwaͤchet/ hat mit Fleiß
dahin zu ſehen/ auch ſeine Raͤthe darauff trewliche Errinnerung/ wo es noͤtig
were/ zu thun/ daß er ſeine Leibsgeſundheit mit der Huͤlffe Gottes/ vnd ſo viel in
menſchlichen Vermuͤgen ſtehet/ erhalte/ vnd die Kraͤffte deſſelben erſetze: Sol-
24.
Von den
Mitteln
die zu Er-
haltung
der Geſund
heit noͤtig.ches geſchicht. 1. Durch ein ordentliches maͤſſiges Leben/ vnd gute
diæt ins Gemein/ wie ſolche der Vernunfft vnnd Conſtitution deß Herren/
auch guter Gewonheit gemaͤß iſt/ vnd im Nothfall die Aertzte/ vnd inſonderheit
des Landsherren beſtelle vnd vereydete Leib Medici, denen die Leibsgelegenheit
ihres Herrn bekant iſt/ darinn weiter rathen koͤnnen/ zu ſolchem Ende pflegen
hohe Perſonen gelehrte Gewiſſenhaffte vnd trewe Aertzte/ auch fleiſſige vñ trewe
Diener die mit ihren Speis vnd Tranck/ Kleidungen vnd andern Leibwartun-
gen umbgehen/ zu beſtellen. 2. Durch vernuͤnfftige Außtheilung der
Arbeit/ der Ruhe vnd Erquick. Stunden: Es iſt zwar ein Regent mit vielen
vnd
[69]Anderer Theil.
vnd vnterſchiedlichen Sachen bemuͤhet/ dieſelbe erzeigen ſich auch nicht alle in
ſtaͤter Ordnung vnd auff einerley Weiſe/ ſondern fallen einmahl haͤuffiger/ eyl-
ſamer vnd ungewoͤnlicher vor alß das andere mahl/ alſo daß er eben dißfals kei-
ne ſo gar gnawe Zeit vnd Maſſe ſeiner Arbeit halten kan/ Ordentlich aber vnd
gemeiniglich iſt er nach Gelegenheit des Lands billich dahin bedacht/ daß er ge-
wiſſe Tage zu dieſer/ andere zu einer andern Verrichtung/ auch die Stunden des
Tages alſo eintheile/ daß Jhme zu noͤtigen Dingen die Zeit nicht ermangele/
vnd dennoch auch zu ſeiner Ergetzung vnd Ruhe etwas uͤbrig bleibe/ welches er
denn wol vnd fuͤglich wird thun koͤnnen/ wenn er eigentlich betrachtet vnd vnter-
ſcheidet/ was das Ampt eines Regenten/ oder die verrichtung eines Dieners
erfodert/ alſo ſich mit vnnoͤtiger Muͤhe nicht beladen/ ſeine Kraͤffte damit ver-
derbe/ das noͤtigſte Hindanſetze/ vnd einanders/ ſo wol warten koͤnte/ vorziehe;
Daher gebrauchen etliche loͤbliche Regenten diß Mittel einer feinen bequehmen
Schrifftlichen Abfaſſung vnd Begrieff aller Dinge/ worinn ihre meiſte Ver-
richtung vnd Arbeit beſtehet/ welche nach allen Vmbſtaͤnden der Zeit/ der Oer-
ter oder der Diener/ die dazu gebraucht werden/ Verfaſſet ſind/ wie oben auch
angedeutet worden. 3. Jnſonderheit aber hatt er ſich wol in Achtzu nehmen/ vñ
ſeine trewe Raͤthe ſollen ſo viel muͤglich davor ſeyn/ daß er mit ſtarcken
Gemůts-Bewegungen alß da ſind ſonderlich der Zorn/ ſchre-
cken vnd groſſer Trawrigkeit nicht uͤberfallen werde/ welches denn
unter andern auff ſolche Weiſe vermieden wird/ daß der Regent nicht ſelbſt vnd
in eigener Perſon mit verdrießlichen Sachen vnnd zumahl da nur mit unbe-
ſcheidenen vnd groben Leuten zu handeln iſt/ ſich bemuͤhen/ ſondern daſſelbige
lieber durch ſeine Diener thun laſſe/ daß Jhnen auch wiederwertige Zufaͤlle mit
guten Glimpff vnd Vorbereitung vnd nicht ploͤtzlich von haͤfftig vorgebracht/
auch [wenn] er alß ein Menſch ſich in Zorn oder Eyffer bewegt/ vnd ſeinen Die-
nern auß Vnter haͤniger trewer Liebe vnd Reſpect, ſo viel Gewiſſens vnd Ehre
halben muͤglich/ Jhme nach gegeben/ ſeiner hohen Perſon vnd ſchweren Ampts
geſchonet/ vnd weiter Vngluͤck verhuͤtet/ auch da gleich einem Diener etwa in
der Eyl zu viel geſchehe die Verantwortung oder Erinnerung lieber zur andern
Zeit auß geſetzt werde/ vñ was dergleichen Behutſamkeiten mehr ſind/ die Herꝛn
vnd Bediente hierinn gebrauchen koͤnnen. 4. Endlich hat auch ein Regent zu25.
Von Er-
getzligkeit
deß Lands
herrn.
gelaſſene vnd anſtaͤndige Ergetzligkeiten zu gebrauchen/ alß da
ſind nach unſerer Teutſchen Landes Art vnd gewonheit: Spatzieren gehẽ/ Reitẽ
vnd Fahrẽ/ in der Reyterey vnd Ritterſpielen ſich uͤben/ im Ballhauſe vnd mit
Ballonen ſpielen/ Jagt vnd Weydwerck gebrauchen/ Fiſchereyen vor nehmen/
Fuͤrſtl. Gaſtmahle vnd Banquet zu weilen halten/ vnd ſich mit ſeinen vornem-
ſten Dienern dabey beſprachen vnnd ergetzen/ andere Fuͤrſten vnd Herren beſu-
chen/ oder auch bey Ehrlichen Außrichtungen ſeiner Landſtaͤnde oder Diener
J iijſich
[70]Teutſchen Fuͤrſten-Stats
ſich finden laſſen bey kuͤnſtlichen Auffzuͤgen/ Daͤntzen/ Balleten, Comœdien,
Muſic, Fewerwerck/ Buͤchſen vnd Armbruſt ſchieſſen/ in Mahlerey/ Garten-
werck/ vnd andern dergleichen Dingen ſich erluſtigen; Bey welchen allen aber
gute Maſſe vnd Vorſichtigkeit in Acht zu nehmen/ daß ein Regent durch ſolche
Ergetzligkeiten ſich nicht zu ſehr einnehmen laſſe/ denſelben meiſten Theils ob-
liege/ vnd ſeine nothwendige Regierungs-Arbeit damit verſaͤume. 2. die Koſten
darzu vnd zumahl bey Truͤbſeligen Zeiten vnd bey vberhaͤufften andern noͤtigen
Auffwendungen nicht uͤbermaͤſſig machen/ ſondern bedencken wie viel er ohne
ſonderbahren Abgang der notturfft/ vnnd zu Ehren vnd Luſt entrathen koͤnne/
auch ſeine Leibesgeſundheit dabey beobachte/ vnd allzu ſtarcke Bewegung vnd
Abbrechung an gebuͤhrlicher Ruhe damit vermeide/ Niemanden der zu einem
vnd andern nicht Luſt hatt/ dazu noͤtige/ Jhn darumb anfeinde vnd verachte/
oder die Leute/ welche in ſolchen Stuͤcken etwa eine ſonderbahre Hurtigkeit ha-
ben/ vber die Gebuͤhr Ehre/ vorziehe vnd begnadige/ dadurch andere vnd nutzli-
chere Diener betruͤbe vnd verdroſſen mache/ Endlich auch ſolcher Luſt/ welche
ſeiner Perſon vnd Reſpect nicht wol anſtehet/ oder damit er ſich verſuͤndigt/ ſich
gaͤntzlich enthalte; Denn es ſtehet zum Exempel/ einen Regenten vbel an/
wenn er ſelbſt in Mummerey vnd Comœdien ſich gebrauchen/ vor andern Leu-
ten Muſiciren oder ſolche Leibesuͤbung/ die einer gemeinen Handthierung ſich
vergleichen/ oder Laͤppiſch vnd veraͤchtlich ſeyn/ obliegen wolte/ Suͤndl[i]che kurtz-
weilen aber ſind/ einem gewinnſuͤchtigen Carten vnd Wuͤrffelſpiel/ nachhaͤn-
gen/ an Armen naͤrriſchen Menſchen Spott vnd Ergetzung ſuchen/ auch wol
Schwachſinnige Perſonen gar umb ihren Verſtand bringen/ ſchandbahre
Zoten vnd Poſſen anhoͤren/ ſchaͤdliche vnd Frevelhaffte gefaͤhrliche Dinge vor-
nehmen laſſen/ dadurch die Diener vnd Vnterthanen in Gefahr-Leibs vnnd
ihre Geſundheit kommen/ dazu auch gehoͤret der in Teutſchland leyder nicht un-
gewoͤnliche Mißbrauch der Jagten/ wenn die Herren darauß ein Handwerck
machen/ ihre meiſte Zeit damit zu bringen/ vnd zu dem Ende die Vnterthanen
mit ſtaͤten Jagtfrohnen von ihrer Nahrung abhalten oder auch in gefaͤhrlichen
Jagten derſelben Todt oder Verletzung liederlich verurſachen.

Bißhero haben wir einen Landsherrn/ wie er zu Erhaltung ſeines Regie-
ments ſich fuͤr ſeine Perſon in ſeiner gantzen Regierung bey Verſtand/ Tu-
gend vnd Leibes Kraͤfften erhalten/ auch daß ſeine Raͤthe ihre Anſchlaͤge zu die-
ſem Zweck richten ſollen/ ins gemein betrachtet/ hierbey iſt noch uͤbrig/ daß wir
auch unſer beſonders Abſehen auff ſeine Heyrath oder Gemahlin
auffſeine Fuͤrſtl. Kinder/ denn auff ſeine Freunde/ vnd endlich
auffſeine Diener wenden/ vnd anzeigen wie ein Herr ſich in dieſen vier-
ley Betrachtungen auch Klug/ Fuͤrſichtig vnd Tugendhafft erweiſe/ darauß
denn
[71]Anderer Theil.
denn erſcheinen wird/ was trewer Raͤthe vnd Diener Pflicht vnd Schuldigkeit
auch in ſolchen Stuͤcken erfordere.

I. Wegen der Heyrath/ iſt kein zweiffel nach dem der Landsherr die vor-26.
Von eines
Regenten
Fuͤrſichtig-
keit vnd
Ampt in
Anſehung
ſeiner Hey-
rath.
nemſte Perſon des gantzen Landes iſt/ vnd maͤnniglich auff ſein Thun vnnd Le-
ben die Augen wiefft/ groſſe Herren auch mehrentheils vielen boͤſſen nach reden
manchmal ohn ihr verſchulden/ auß Neyd des boͤſen Feindes vnd ſeiner Werck-
zeuge/ unterworffen/ daß alle gute Vorſichtigkeiten vnd Errinnerungen/ die
ſonſt bey vorhabender Heyrath vnnd im Eheſtande ſelbſt Vernuͤnfftigen vnnd
Chriſtlichen Leuten gegeben werden/ ſo viel mehr vnd nothwendig bey verheyra-
thung Fuͤrſtlicher vnd dergleichen hoher Perſonen/ vnd zu ihrem Eheſtande in
acht zu nehmen ſeyn: Alß/ daß Heyrathen mit dem Gebet vnnd Chriſtlichem
guten Vorſatz angefangen/ auff Tugend vnd Froͤmmigkeit/ gute geſtalt/ rech-
tes Alter/ Ehrliches Geſchlecht geſehen: Jm Eheſtande ſelbſt/ rechte Trewe/
beſtaͤndige Liebe/ gedult in Creutz vnd Schwachheiten/ nothwendige Verſor-
gung des Ehegatten vnd dergleichen in acht genommen werden; Weßwegen
man in andern Geiſtlichen vnd weltlichen Buͤchern nachricht findet; Allhier
aber wollen wir nur etliche Vmbſtaͤnde/ die ein Regent nach Gelegenheit des
Vaterlandes in ſolchem Stuͤck in acht zu nehmen/ pflegt/ erinnern.

1. Nach alten herkommen des Teutſchlandes verheyrathen ſich die Teut
ſchen Fuͤrſten vnnd vornehme Reichs Graffen an keine andere Perſon/
alß welche auß Fuͤrſtl. Graͤfflichen oder denenſelbengleich geachteten
Gelchlecht/ welches zu mahl im Reich bekant/ vnd etwa auch dem Lands Fuͤr-
ſten der da Heyrathet nicht unterworffen oder Landſaͤſſig were/ gebohren iſt/ vnd
ſind Exempel anzuziehen/ daß im Fall es eine Fuͤrſtliche vnd hohe Perſon hie-
rinn anders gehalten/ vnnd an eines gemeinen von Adel oder Buͤrgerlichen
Stands Perſon ſich vermaͤhlet/ es Jhnen nicht allein zu boͤſer Nachrede gerei-
chet/ ſondern auch denen alſo erzielten Kindern ihr Stand vñ Recht zur Landes
Regierung ſehr beſchnitten/ auch wol aberkant/ oder Sie mit geringen Guͤtern
abgewieſen worden.

2. Pflegen ſie alß denn gemeiniglich vnnd mit groͤſſern Reſpect vnnd be-
quemligkeit zu Heyrathen wenn Sie zur Landes-Regierung wůrck-
lich getreten/ es weren denn andere ſonderbahre wichtige Vrſachen/ alß da
ſind der befuͤrchtende Abgang deß Geſchlechts/ oder eine bevorſtehende ſtattliche
Gelegenheit zu Heyrathen/ vnd dergleichen/ daß alſo ein Herr auch zuvor vñ bey
Lebzeiten ſeiner Eltern/ oder derer die das Regiement haͤtten/ ſich in Eheſtand
begebe.

3. Erwehlen ſie auch gerne eine Gleichheit des Standes/ in dem
daß Sie nicht leichtlich an einen ſolchen Ort ſich machen/ da das Vermoͤgen
vnd Anſehen der Eltern vnd der Perſon gar weit groͤſſer/ oder im Gegentheil
viel
[72]Teutſchen Fuͤrſten-Stats
viel geringer were; Denn auß Jenem vberladen ſich die Herren mit vielen
vergeblichen Vnkoſten/ vnd im andern Fall haben Sie auch nicht wenig unge-
legenheit.

4. Jſt es muͤglich/ ſo nehmen Sie eine ſolche Gemahlin/ die
JhrerReligion iſt/ ſo wol des Ehelichen Vertrawens/ alß auch Land vnnd
Leute vnd ihrer Kinder halben/ welche wiedrigen Falls offt deßwegen in Ge-
fahr/ oder im Argwon vnd zerruͤttung kommen/ daher auch in manchen Fuͤrſt-
lichen vnd hoͤhern Hauſe durch Teſtamenta der Vorfahren ſolcher Punct be-
ſonders Recommendirt vnd aufferlegt iſt.

5. Wenn ſonſt vorhergeſetzte Stuͤcke/ vnd dann die gemeine Vmbſtaͤn-
de der Perſon halben ſich wol befinden/ Sind unſere Teutſche Fuͤrſten vnd Lan-
desherren eben nit ſo ſehr auf das Vermoͤgen oder Reichthumb der
Gemahlin bedacht/ ſintemahl in den meiſten Fuͤrſtl. vnd Graͤffl. Haͤuſern
in Teutſchland die Toͤchter nur mit einem gewiſſen vnd bekanten Stuͤck Gelds
auß geſtattet vnd von der Succeſſion des Landes damit abgewieſen werden/ da-
bey leſt es der Heyrathende Herr billich bewenden/ vnd macht ſich daruͤber keins
keine weitere Anſchlaͤge/ wenn es nicht vngefehr vnd auß ſchickung Gottes ſich
zu truͤge/ daß er mit guten Vergnuͤgen an einen ſolchen Ort geriethe/ da die Erb-
ſchafft der Land vnd Leute auff die Gemahlin fiele/ oder ſonſt ein zufaͤlliges an-
derweitiges Vermoͤgen dabey zu hoffen/ welches denn zu einem ſonderbahren
auffnemen des Lands/ wenn die andern Eigenſchafften einer loͤblichen Gemah-
lin auch dabey ſind/ manchmahl gedeyhen kan.

6. Dabey pflegen ſie auch in der Verſorgung oder gegen Ver-
maͤchtnus/ welche denen Fuͤrſtlichen vnd Graͤfflichen Gemahlin vor vollen-
ziehung des Beylagers mit guten Rath vnnd Vorbetrachtung auffgerichtet
werdẽ/ ſich nach der Gelegenheit des Einbringens der Gemahlin vnd dem Ver-
moͤgen des Landes zu richten/ ſolche Leibgedinge oder Einkunffte/ die einer Ge-
mahlin nach zu tragenden Tode eines Herrn; Vnnd ſolche Außgaben oder
Handgelder/ die ſie in waͤhrenden Eheſtande Jaͤhrlich haben ſoll/ zu verord-
nen/ daß damit das Land nicht zu ſehr beſchweret/ vnd den Nachkommen zu viel
an Intraden entzogen/ oder ſonſt andere Vngelegenheit darauß verurſacht
werde.

7. Jn waͤhrenden Eheſtande werden ſolche Fuͤrſtl. Gemahlinnen
mit gnugſamer Auffwartung/ vnd was die euſſerliche Ceremonien belanget/
auff dit Weiſe/ wie der Landsherr ſelbſt/ geehrt vnnd vnterhalten. Wie unten
im Capitel von der Hoffſtadt wird zu vernehmen ſeyn/ einige Bottmaͤſſigkeit
oder mit Regierung deroſelbẽ oder eine abgeſonderte Hoffſtadt aber iſt ungewoͤn-
lich/ auch dem Landsherrn zum Theil ſchimpfflich/ vnd in viel Wege ſchaͤdlich/
doch pflegen denſelben wol Cammer/ Guͤter vnd Haußhaltungs-Sachen zu
Ergetz-
[73]Anderer Theil.
Ergetzligkeit nach Beliebung/ ſo die Fuͤrſtliche Eheleute darzu haben/ unterge-
ben zu werden. Alles was nun zu Erhaltung gluͤckſeliger Ehe vnd gebuͤhrli-
chen Standes einer Gemahlin des Landsherrn kan bedacht/ vnd was dißfalls
fuͤr Vngelegenheit/ Vbelſtand vnd Aergernus kan abgewendet werden/ das
gereichet dem Herrn ſelbſt mit zur Ehre/ Frewd vnd Vergnuͤgung/ vnd iſt alſo
nicht ein gering Stuͤck/ welches er fuͤr ſich vnd mit Vertrawten vernuͤnfftigen
Raͤthen zu erwegen vnd wol zu verordnen hat.

II.Was die Fuͤrſtl. Kinder eines Landsherren betrifft/27.
Von des
Lands-
herrn Ampt
in Anſe-
hung ſeiner
Kinder.
wiederholen wir die offtmalige Errinnerungen/ daß die gemeine Schuldigkeit
Chriſtlicher Eltern gegen ihre Kinder ſolchen hohen Standes-Perſonen noch
viel haͤrter obliege/ alldieweil ſolche Kinder/ ſonderlich was die Soͤhne belanget/
nicht nur vmb der Eltern/ oder Jhrer ſelbſt/ ſondern umb ſo vieler andern Leute/
des gantzen Reichs/ des hohen Geſchlechts/ vnd der ſaͤmptlichen Vnterthanen
willen wol in Acht genommen werden muͤſſen/ zu mahl die Anreitzung vnd An-
leytung zum boͤſen in hohen Stande/ vnd bey vielen Mitteln vnd Vermoͤgen
viel groͤſſer alß bey gemeinen Leuten/ dieſe auch einer Obrigkeit vnnd genauen
Obſicht/ auch im Alter unterworffen ſind/ da hingegen ſolche hohe Perſonen zu
ihrem freyhen Willen mehrentheils gerathen/ vnd alſo durch Gottes Beyſtand
ſich ſelbſt allein regieren vnnd maͤſſigen muͤſſen.

Das vornemſte aber nun/ daß ein Landsherr bey ſeinen Kindern/ Jungen
Herrn/ Soͤhnen vnd Fraͤwlein/ Toͤchtern/ vber die Gemeine Chriſten vnd El-
tern Pflicht thun kan/ iſt. 1. Die Aufferziehung zum Fuͤrſtlichen vnd
hohen Stande vnd Tugenden.

2. Die gebůhrende fernere Verſorgung/ wenn ſie Aufferzo-
gen ſind/ denn weil dergleichen Standes Perſonen menſchlicher Weiſe die
gewiſſe Hoffnung haben in was fuͤr Stand vnd Ampt ihre liebe Kinder einſten
leben werden/ welches andere Leute von den Jhrigen nicht leichtlich vnd eigent-
lich wiſſen koͤnnen/ ſo were ja Thoͤrlich gehandelt/ wenn man dieſelben in andern
Tugenden/ Wiſſenſchafften vnd qualiteten erziehen wolte/ alß die Jhnen in
ihrem Ampt vnd Beruff/ den man vor Augen ſihet/ noͤtig vnd wol anſtaͤndig er-
meſſen werden: Dahero Jrren vnd verſuͤndigen ſich die Fuͤrſten vnd Landes
Regenten weit vnd groͤblich/ wenn Sie Jhre Junge Herren wild vnnd [frech]
nach eigenen Willen auffwachſen/ oderzu etlichen zwar nicht verwerfflichen
Sachen/ alß zu. Jagen/ Reiten/ Kriegsuͤbung/ einer oder andern frembden
Sprache/ allein/ aber zu dem noͤtigſten vnd dem Hauptwerck der Regierung
nit ziehen noch anweiſen laſſen. Wie vnd welcher Geſtalt aber die rechte Erzie-
hung geſchehen ſollen/ davon hatt ein Landsherr reiffen Rath zu pflegen/ ſeines
Lands Gelegenheit/ vnd die Beſchaffenheit vnd fehigkeit ſeiner Kinder vnd ver-
hofften Landes Succeſſorn wol fuͤr Augen zu haben/ Sie mit verſtaͤndigen Tu-
Kgend-
[74]Teutſchen Fuͤrſten-Stats
gendhafften Dienern/ Hoffmeiſtern/ Præceptorn vnd Auffſehern zu verſehen/
gegen alle gleiche Liebe vnd Vorſorge zu erweiſen/ vnd alſo keines dem andern
zur Vngebuͤhr vorzuziehen/ vnd die Wurtzel des Neyds unter ſie zu Pflantzen/
dieſelben/ da ihrer zu mahl wenig oder nur einiges were/ deß wegen nicht in Ei-
genwilligkeit zu verzaͤrtelen/ zum oͤfftern nach ihrem Thun vnd Weſen zu fra-
gen/ vnd Jhnen ſelbſt mit gutem Exempel vorzugehen; Von dieſem Punct
koͤnte auß fuͤhrlicher geredet werden/ weil er aber eine ſonderliche Tractation er-
fordert/ auch davon bey Fuͤrſtlichen Hoffſtaͤtten/ viel weitlaͤufftige Ordnungen/
Rathſchlaͤge vnd Verfaſſungen auffgerichtet ſind/ wollen wir dißmahl nur die
Hauptſtuͤcke ſolcher Aufferziehung Summariſch andeuten/ worinn nemlich
Fuͤrſtliche vnd Graͤffliche Kinder Vnterwieſen und worzu Sie ſollen gehalten
werden.

• Alle Fuͤrſtliche vnd dergleichen Kinder ins gemein Herren
  vnd Fraͤwlein werden mit Nutz vnd nothwendig un-
  terwieſen.
• 1. Jn der Chriſtlichen SeeligmachendenReligion; Wie ſie nach
  GOttes Wort recht glauben vnd Chriſtlich leben ſollen: Jngleichen wie ſie
  ſich fuͤr falſcher Lehr zu huͤten/ vnd gegen die Liſtige ſchein grunde vnnd Anfech-
  tung falſcher Lehrer auß Gottes Wort zu verwahren.
• 2. Jn allen Chriſtlichen Tugenden nach den H. Zehen Geboten/
  vnnd der Sittenlehr/ darzu ſie von Jugend auff augefuͤhret/ daruͤber von Jh-
  ren Eltern vnd andern voegeſetzten faͤſtiglich gehalten/ vnnd die vorgehende
  Maͤngel vnd darwieder ſtreitende Laſter/ ſonderlich wozu ein Jedes am meiſten
  geneigt were/ errinnert/ geſtrafft vnd abgeſchafft werden muſten.
• 3. Sonderlich aber in denen Jenigen Tugenden/ welche hohen
  Stands Perſonen/ wenn Sie gleich auch nicht Regieren/ dennoch wol anſte-
  hen/ vnd ihnen Ehr vnd Ruhm bringen/ alß da ſind; Beſcheidenheit/ Fuͤrſich-
  tigkeit/ Freundligkeit/ Demuth/ Warheit/ Maͤſſigkeit/ Hoͤffligkeit/ ꝛc.
• 4. Jn den gemein nothwendigen Stuͤcken des Leſens/ Schrei-
  bens vnd Rechnens/ denn es ein groſſer Vbelſtand/ wenn hierin vornehme Leute
  [g]ar ungeuͤbt ſeyn.
• Dieſe vorgehende 4. Stuͤcke achtet man billich fuͤr unentbehrlich
  vnd hoͤchſt nothwendig/ folgende aber dienen den Jungen Her-
  ren zu beſſerem Grund deſſen/ was Sie in ihren Regenten Standeinſten
  lernen ſollen/ denen Fuͤrſtl Fraͤwlein aber zu Erweckung ihres Verſtands vnd
  ſonderbahrer wol Anſtaͤndigkeit vnd Nutzbarkeit/ ſonderlich weil ſichs zu tragen
  kan/ daß ein Fuͤrſtl. vnd Graͤffliche Weibes Perſon/ wie anderswo gedacht/ in
  Vormundſchafft ihrer Kinder zu einer Lands-Regierung gelangen kan/ oder
  auch gewiſſen Aemptern vnd Herrſchafften/ die Jhnen zum Leibgeding einge-
  reumet
  [75]Anderer Theil.
  reumet werden/ verſtehen muͤſſen. Dahero koͤnnen in der Jugend in Teutſcher
  Sprache/ wo nicht ein Fraͤwlein auß ſonderbahrer Beliebung der Fuͤrſtlichen
  Eltern oder ihrer ſelbſt zur Lateiniſchen Luſt haͤtte/ folgende Stuͤcke auch
  gelehret werden.
• 5. Eine deutliche gemeine Erklaͤrung von den Welt-ge-
  ſchoͤpffen Gottes/ in der Natur/ dadurch des Menſchen Verſtand in den
  Dingen/ damit er taͤglich umbgehet/ erleuchtet/ Aberglauben verhůtet/ ſeine Ge-
  ſundheit befoͤrdert/ vnd ſein Gemuͤtzum Lobe Gottes/ auch zu Beluſtigung vnd
  rechten Brauch iedes natuͤrlichen Dinges ermuntert wird.
• 6. Die Wiſſenſchafft vnd Beſchreibung des Landes vnd
  deſſen Gelegenheit/ darinnen Sie gebohren ſind/ der Vnterſcheid zwiſchen Ob-
  tigkeit vnd Vnterthanen/ die Hiſtorien vñ Geſchlechte ihrer Vorfahren/ auch
  wol des Teutſchen Reichs/ dadurch kommen ſie zu guter Fuͤrſichtigkeit in ihrem
  Thun vnd Leben/ zu gebuͤhrlichen Reſpect gegen andere Perſonen vnd zu Tu-
  gend vnd Ehr mercklich erbawet werden.
• 7. Die Beſchaffenheit eines vernůnfftigen Haußhalts/ wie
  man daß Jenige/ was GOtt zu iedem Stande vnd ſonderlich den Jhrigen be-
  ſcheret/ wol gebrauchen/ Nutzen/ vnd erhalten koͤnne.
• 8. Die Art vnd gebůhrliche Weiſe foͤrmlich vnnd zur Notturfft
  in allerhand fuͤrfallenden Begebenheiten mit andern Perſonen/ ſonderlich de-
  nen damit Sie umbgehen/ zu reden/ auch Brieffe zu ſchreiben.
• Bey Fürſtl. vnd Graͤffl. Jungen Herren aber/ welche zur
  Regierung erzogen werden/ wird nun abſonderlich
  erfodert.
• 1. Die Vnterweiſung in Lateiniſcher Sprache zum wenig-
  ſten ſo weit/ daß Sie ſolche wol verſtehen vnd zur Notturfft ihre Gemuͤts mei-
  nung darinn entdecken koͤnnen/ denn ſolche Sprache iſt Jhnen/ wegen ſtattli-
  cher Buͤcher die darinn geſchrieben/ vieler Handlung/ die im Reich mit fremden
  Nationen fuͤrgehen/ auff vor fallenden Reiſen an frembde Orte/ vnnd in der
  Regierung ſelbſt/ wenn ſie im Geiſtlichẽ Regiement von Religions vnd Schul-
  ſachen; Vnd im weltlichen von Gerichts vnd Rechtsfaͤllen hoͤren vnd Infor-
  miret werden ſollen/ unentbehrlich.
• 2. Die Vnterrichtung in ſolchen Tugenden vnd Sitten/ wel-
  che fuͤr andern zum Regenten Stande noͤtig ſeyn/ vnd wir Theils oben beſchrie-
  ben haben.
• 3. Die grundliche Vnterweiſung in der Beſchaffenheit vnd Re-
  gierungs Zuſtande ihres vaͤterlichen Fuͤrſtenthumbs oder
  Lands.

• 4. Eine nottuͤrfftige Vnterrichtung von den Zuſtand des Roͤmi-
  ſchen Reichs/ deſſen Haupt vnd Gliedern/ Satzungen vnd herkommen.
• 5. Eine zum wenigſten Summariſche Vnterweiſung deſſen/
  was recht vnd billich iſt auß Goͤttlichen natuͤrlichen vnd Landrechten.
• 5. Eine Vnterrichtung von Kriegs vnnd darzu gehoͤrigen
  Sachen.
• Vber dieſes nach Gelegenheit der faͤhigkeit vnd Natur ei-
  nes Jungen Herrn.
• 7. Auß den Mathematiſchen Wiſſenſchafften/ was zum
  Feldmeſſen/ Baukunſt/ Veſtungsbaw vnd dergleichen/ auch zu vortheilhaffti-
  ger mechanic vnd Handgrieffen gehoͤret.
• 8. Eine Wiſſenſchafft der Welt- vnd Reichsgeſchichte von
  Anfang biß zu unſern Zeiten; ſampt der Geographi vnd Chronologi.
• 9. Eine gemeine Politiſche Vnterweiſung von allerhand Or-
  ten der Regiementer/ vnd wie ſolchen vorgeſtanden werden muͤſſe.
• 10. Eine etwas genawere Anweiſung zur Beredtſamkeit vnd rechter Art
  zu ſchreiben.
• 11. Erlernung anderer Sprachen/ deren wir Wolſtandes vnd umb
  der Benachtbarten willen gebrauchen/ alß der Frantzoͤſiſchen/ Jealianiſchen/
  Spaniſchen/ ꝛc.
• 12. Eine etwas gründlichere Vnterweiſung in natuͤrlichen
  Wiſſenſchafften.
• 13. Eine Vnterrichtung auß der Kunſt/ dieLogicgenant/
  wie man in allen Sachen auff die Vmbſtaͤnde ſehen/ vnd eins auß dem andern
  ſchlieſſen lerne.

Wolte man auch einen Jungen Herrn nach befindung ſeiner zuneygung
zu mehren Philoſophiſchen Wiſſenſchafften oder andern Sprachen anfuͤhren/
koͤnte Jhnen zwar ſolches nicht Schaden/ vnd Jhn gelehrt/ auch Anſehnlich
vnd beliebt machen aber es wird dabey dahin geſehen/ daß dadurch das noth-
wendige nicht verabſaͤumet/ auch der Geſundheit vnd Gemuͤts der Perſon ge-
ſchonet/ vnd er dadurch nicht zu einem einſamen Leben vnd ſtaͤten Buͤcherleſen
von ſeiner Beruffs-Arbeit abgeleytet werde/ welches eben ſo wol ſchaͤdlich vnd
unverantworlich were.

Nechſt dieſen Dingen/ wodurch Tugenden deß Verſtandes vnd Gemuͤts
gepflantzet werden/ ſind Fuͤrſtl. Eltern auch auff die Leibes Gelegenheit ihrer
Fuͤrſtl. Kinder bedacht/ daß auch in ſolchen Stuͤcken ſie. 1. Zu anſtaͤndigen
uͤbungen. 2. Jngeziemender Ergetzligkeit gehalten werden.

Die Leibesůbungen der Jungen Herren beſtehen in allerhand Hur-29.
Von Lei-
bes uͤbungẽ
Junger
Herrſchaf-
ften.
tigkeiten vnd Exercitien, welche anderswo in beſondern Buͤchern beſchrieben
ſind/ alß Tantzen/ Reiten/ Rennen/ Fechten; So wol auch in zierlichen Geber-
den/ die Jhnen nach Standes gelegenheit anſtehen/ vnnd durch ſolche Dinge
Jhnen ein Anſehn vnd Beliebung machen/ Jhre hoͤffligkeit damit uͤben/ auch
wol in Kriegsfaͤllen ſich deren gebrauchen koͤnnen; man kan auch hieher ziehen
etliche Kuͤnſte/ welche ſonſt unter die Wiſſenſchafften gerechnet werden/ alß
etwas von der Muſic doch gemeine vnnd der Geſundheit ſchaͤdliche Art derſel-
ben/ alß da ſind welche mit Starcken blaſſen verrichtet werden/ außgenommen:
So dann auch etwas von der Mahlerey/ vnd Kunſt zu reiſen/ davon ſie Luſt
vñ Nutz bey Vorhabenden Gebenden/ vnd deren Zierrathen/ auch ſonſt zu aller-
hand feinen Inventionen haben koͤnnen.

Die Ergetzligkeit beſtehet in allerhand zu laͤſſigen vnd maͤſſigen Spie-
len nach unterſcheid des Alters/ alß Ballen/ Ballonen ſchlagen/ mit Kugeln
werffen/ Schacht vnd andern Kunſtreichen ſpielen ohne Gewinn vnd Eyffer
vornehmen/ mit allerley Geſchoß/ wenns ohne Gefahr geſchehen kan/ ſich erlu-
ſtigen/ mit der Jaͤgerey vnnd Weydwerck umbgehen/ Beitzen/ Fiſchen mit
einer Reiſe an andere ſchoͤne Oerter/ mit Converſation bey ihren Freunden
vnnd Verwandten/ oder auch geringern Standes wol gezogenen Juͤnglin-
gen/ vnd was des Dinges mehr iſt/ Jedoch das es ohne verſaͤumung der noͤtig-
ſten Vnterrichtung in vorhergeſetzten Stuͤcken/ vnd mit gebuͤhrender umbwech-
ſelung geſchehen/ ein Junger Herr auch ſich nicht gar zu viel daran verliebe/
ſonderlich auch ſeine Leibes Conſtitution daruͤber beobachtet/ vnnd unmaͤſſige
Bewegung verhuͤtet werde.

Die Fuͤrſtl. vnd Graͤffliche Fraͤwlein werden auch nutzlich vnd
wol angehalten/ zu feinẽ Geberden/ zierlichẽ Daͤntzen/ zu allerhand Frawenzim-
mers Arbeit mit kuͤnſtlichen Nehen vnd Stuͤcken/ mit abreiſen/ ſo dann mit zu
richtung etlicher guten Confecturen; vnd Artzneyen/ gebrandten Waſſers/ ſon-
derbahren Speiſen vnd dergleichen/ was ſolchen Stands Perſonen anſtaͤndig/
vnd zu Jhren Fuͤrſtl. Eltern/ oder in kuͤnfftigen Eheſtande Jhrer Herren vnd
Gemahl Beliebung gereichen kan:

Jhre Ergetzligkeiten werden angeſtellet in zulaͤſſigen/ Kunſtreichen/ unaͤr-
gerlichen Spielen/ ſpatzierfahren zu Jagten vnd Fiſchereyen: Anhoͤrung der
Muſic, oder daß Sie ſelbſt etwas davon lernen/ Jn der Jugend auch bey
Herrn vnd Fraͤwlein/ daß ſie ſelbſt bey artigen Auffzuͤgen vnd Comœdien unter
der Anweiſung vnd Auffſicht ihrer vorgeſetzten ſich brauchen laſſen; Oder da
ſte erwachſen/ dergleichen anſchawen/ vnd ſich damit beluſtigen.

II.Die anderweite fernere Verſorgung/ nach dem die Fuͤrſtl.30.
Von Ver-
ſorgung
der Jungen:
vnd dergleichen Kinder etwas erwachſen/ vnd in denen nothwendigen Stuͤcken/
K iijdie wir
[78]Teutſchen Fuͤrſten-Stats
Herrſchaf-
ften/ wann
ſie erwach-
ſen ſind.die wir vorhero beylaͤufftig Angezeigt/ angewieſen werden/ welches nach Vn-
terſchied ihrer Art vnd faͤhigkeit gegen das 16 oder 18. Jahr bey Jungen Her-
ren zu geſchehen pflegt/ erachten wir darinn zu beſtehen/ daß Sie alß denn zu
einer Erfahrung der Sachen/ die Jhnen noͤtig/ nutzlich oder wol anſtaͤndig/
nach Gelegenheit entweder zu einer vnd anderer fuͤrnehmen Verrich-
tung bey den Regiements-Geſchaͤfften gezogen/ oder anfremde
Hoͤffe vnd Laͤnder oder hohe Schulen/ doch mit guter Behurſamkeit
gebuͤhrlicher Inſtruction vñ trewen Dienern/ oder in rechtmaͤſſige Kriege
fuͤr das Vaterland/ oder eine bekante redliche Sache/ gefuͤhret werden/ darzu
denn auff einen gebuͤhrenden Verlag vnd nothwendige bedienung zu geden-
cken iſt.

Es pflegen auch wol die Regierenden Herren/ wenn ſie in ein hohes Alter
kommen vnd erwachſene Soͤhne haben/ die wol erzogen vnd Tugendhafft ſind/
vnd ſich ſonderlich gegen ihre Eltern in rechtſchaffener trewer Liebe finden laſſen/
ein gewiſſes Stuͤck Landes oder etliche Einkuͤnffte/ oder wie man Exempel hat/
eine gantze Regierung abzutreten/ doch daß Jhr Nahme vnd Reſpect dabey
betrachtet vnd biß in die Grube erhalten werde.

Eine Haupt-Vorſorge aber des Landsherrn fuͤr Jhre Fuͤrſtl. Kin-
der oder nechſte Erben beſtehet darinn/ daß ſie Jhnen auffs muͤglichſte ihre Alt
vaͤterliche Lande Fuͤrſtenthume oder Herrſchafften erhalten/ dieſelbe nicht mit
Schulden vnd andern Vnrath beſchweren/ Kriege/ ſchwere Rechtfertigungen/
oder groſſe Feindſchafft/ oder uͤbele Anordnung in dieſem oder jenem Stuͤck/
Boͤſe/ Vntrewe/ hochmuͤtige vnd eigennutzige Diener/ vnd was mehr Jhnen
zu ſchaden dienen kan/ verlaſſen/ vnnd aufferben/ ſondern vielmehr wie ſie Jh-
nen ins kuͤnfftige ein friedfertiges vnnd wol geordnetes Regiement nach ihrem
Tode einraͤumen moͤgen/ in Jhrer Regierung ſtets bedacht ſeyn/ auch durch be-
dachtſame/ Chriſtliche Teſtament vnnd letzte Geſchaͤffte/ guten Rath vnd Er-
rinnerung mittheilen/ was ſie etwan Zeit Jhres Regiements nutzlichs oder
ſchaͤdlichs in acht genommen welches die Nachfolger auch brauchen oder mei-
den koͤnten/ oder was Sie auch zu rechter Einigkeit vnd billichmaͤſſiger Ver-
theilung vnter den Fuͤrſtl. Succeſſoren dienlich zu ſeyn erachten/ ſo weit es ſich
nach der Landes gelegenheit/ alten Vertraͤgen vnd herkommen thun laͤſſet/ an-
ſchaffen vnd verordnen/ damit einem Jeden ſein Stand vñ außkom̃en erhalten
auch Anlaß gegeben werde/ etwas nutzlichs zu des Landes beſten mit verrichten
zu helffen.

Hierzu gehoͤret auch eine Vorſorge fuͤr eine Chriſtliche Fuͤrſtliche
vnd anſtaͤndige Heyrath/ daß die Regenten in dieſem Stuͤck fuͤr ihre
Kinder ins geſampt Sorgfaͤltig/ vnd Jhnen darzu bey rechtem Alter vnd be-
vorſtehender guten Gelegenheit befoͤrderlich ſeyn/ hingegen da Sie ſehen/ daß
dißfals
[79]Anderer Theil.
dißfals zur Vngebuͤhr/ Vnzeit vnd mit Schaden verfahren werden wolte/ ſol-
ches muͤglichſt abwenden: Jnſonderheit aber die Fuͤrſtl. vnd dergleichen Fraͤw-
lein betreffende/ pflegen die Eltern nicht weniger dahin zu ſehen/ daß ſo wol bey
ihren Leben/ alß auch nach ihren toͤdtlichen Hintrit von ihren Herren Soͤhnen
an gehoͤriger Auffwartung/ Kleidung/ Schmuck vnd Vnterhaltung/ wenn
ſie zu Jahren kommen denen Fraͤwlein die Gebuͤhr verſchaffet/ auch ſie nach
Goͤttlicher ſchickung zu guter Heyrath an Chriſt- vnd Fuͤrſtl. oder hohe vnd ge-
maͤſſe Stands Perſonen/ bey welchen gleiche Religion, Tugend/ Ehr vnd ge-
buͤhrliches Außkommen zu finden/ nicht gehindert/ ſondern vielmehr dazu befoͤ-
dert werden; Vnd Jhnen die gebuͤhrende Außſtattung auß den Fuͤrſtl. ein-
kommen/ oder der Landſtaͤnde Fraͤwleins Stewer/ wie es das Herkommen
erfodert/ wiederfahren/ Sie hingegen durch gewoͤnlichen Verzicht von fernern
Zuſpruch auff die Erbſchafft des Landes abgewieſen/ auch hinwiederumb durch
Rath ihrer Eltern oder Herren Bruͤder mit gebuͤhrenden gegen Vermaͤchtnus
verſehen werde; Verheyrathete ſich aber eine ſolche Fuͤrſtliche vnd dergleichen
Tochter nicht/ So wird Jhr nichts deſto weniger bey der Hoffſtaͤt Jhrer Fuͤrſtl.
Eltern oder Herren Bruͤder die gebuͤhrende Fuͤrſtl. Vnterhaltung Zeit ihres
Lebens verſchaffet. Vor der Reformation der Religion iſt bey Fuͤrſtl. Haͤu-
ſern gebraͤuchlich geweſen von den Jungen Herren vnd Fraͤwlein/ ſo viel alß
muͤglich/ vnnd man zur Lands-Regierung entrathen/ oder nicht wol ver-
heyrathen koͤnnen/ auff Geiſtliche Stiffter vnnd Cloͤſter/ theils ohne ihren
Willen zu bringen/ vñ Sie mit Geluͤbden zu einem Leben auſſer der Ehe zu ver-
binden/ dagegen Sie an ſolchen Orten theils groſſe/ oder doch nottuͤrfftige Ein-
kunfften ohne Beſchwerung des Landes darauß Sie gebohren/ gefunden/ wel-
ches denn noch heute zu Tage in Teutſchland/ vornemlich bey den Roͤmiſch Ca-
tholiſchen/ zum Theil auch noch vff etlich wenig Reformirten Stifftern/ darzu
man durch wol der darinn ſchon ſitzen den Perſonen/ welche man Capitularen
nennet/ oder durch Verordnung der Landes-Fuͤrſten gelanget/ alſo gehalten
wird. Wie nun das erſte Mittel von denen Jenigen/ die einer andern Reli-
gion ſind/ mit guten Gew[i]ſſen nicht ergrieffen werden kan/ alſo iſt auch diß
letztre mit den Reformirten Stifftern heute zu Tage ſehr eingeſchraͤncket haben
auch Landes Herren dahin zu ſehen/ daß ſie hierinn mit Behutſamkeit verfah-
ren/ vnd die Jhrige/ bey ſolchen Faͤllen alſo verſorgen/ daß dadurch nicht etwa
andern/ die mehr dazu berechtiget/ oder deren Ehe bedoͤrffen unterdruͤcket/ vnd
Hindangeſetzet/ oder auch Jhren Kindern wieder ihre Zuneygung vnd Gelegen-
heit etwas auffgebuͤrdet oder Jhnen auch Anlaß zu muͤſſigen vnnd aͤrgerlichen
freyhen Leben gegeben werden.

III.Nach der dritten Betrachtung eines Regenten/ gegen31.
Von eines
Lands-
herrn Ver-
Seine Freunde/ erfodert deſſen Angelegenheit vnd die Beſchaffenheit des
Teut-
[80]Teutſchen Fuͤrſten-Stats
haltung ge-
gen Freun-
de vñ Nach
barn.Teutſchen Reichs/ welches auß ſo vielen Fuͤrſten vnd Staͤnden beſtehet/ daß ein
Landsherr ſich bemuͤhe nicht allein mit Seinen Bluts vnnd Stamsbefreun-
den/ ſondern auch mit andern vornehmen Staͤnden vnd ſonderlich den Be-
nachtbarten in guter Freundſchafft vnd vernehmen zu ſtehen/ doch werden hier-
in gewiſſe unterſchiede gehalten/ denn mit etlichen/ alß den Blutsfreunden/
nahen Nachbarn vnd Religions-Verwandten gehet ein Landesherr anderſt
umb/ alß mit weit entlegenen vnd anderer Religion zu gethanen/ denn die
Freundſchafft vnd Vertrawen hat ſeine gewiſſe Maſſe vnd Gradus.

Die gemeine Bezeigungen gegen alle Bekandte vnd Freun-
de beſtehen darinn/ daß Jhnen der Landes Fuͤrſt freundliche Gruͤſſe/ vnd
zu Entbietungen bey Gelegenheit/ da ſeine Diener oder andere Bekandte
vornehme Leute von ihnen zu jenen Reiſen/ wiederfahren vnd ſich umb ihren
Zuſtand befragen laſſe/ dergleichen auch hinwiederumb von Jhnen mit hoͤffli-
chen Danck annimpt. 2. Daß er Jhnen auf die Neue Jahrstage Gluͤck-
wünſchungs Schreiben ſchicket. 3. Daß er im Fall ſie durchs Land reiſen/
vnd ſonderlich da ſie es Jhme zu wiſſen thun/ ſie freundlich empfahen/ in
ſeine Hoffſtatt laden/ oder ſonſt Bewirten/ vnd alß deñ Jhnen die Oberſtelle
vnd alle Ehr vñ Vorzug/ wie es der Gebrauch vñ Hoffſittẽ erfodern wiederfahrẽ
laͤſſet. 4. Jhre Geſandten/ die ſie zu ihme ſchicken/ gerne annimpt/ vertrewlich
hoͤrt/ Jhnen alle Ehr/ nach der Art/ wie ſie geſandt ſeyn/ vnnd es des Herrn
Creditiv Schreiben erfodert/ vnd ſonderlich wenn Sie an ihrer Stadt die Ge-
ſandten Ordnen/ oder Jhnen ſo viel alß ſich ſelbſt zu getrawet haben wollen/ er-
zeigen leſt. 5. Jhre andere vornehme Diener die etwa ſonſt Reiſen/ oder
nur etwas wenigs vnd nicht alß Geſandte anzubringen haben/ zu ſich erfodert/
mit Jhnen von ihres Herrn Zuſtand ſich hoͤfflich beſpracht/ dieſelbe auch nach
Gelegenheit zu Hoffe zeucht/ oder Koſtfrey haͤlt. 6. So ſie etwas zu ihrer Hoff-
ſtatt gehoͤrig durchs Land fuͤhren laſſen/ vnd daruͤber gebuͤhrenden Schein er-
theilen wird/ wird ihnen ſolches Zoll freypaßiret, vnd ſonſt ihnen vnd den Jh-
rigen/ auch denen die ſie Recommendiren, gute Foͤrderung vnd Vorſchub ge-
than.

Jſt aber die Verwandſchafft vnnd Vertrawligkeit etwas
groͤſſer/ So pfleget der Landsherr alle ſeine frewdige vnnd leydige zufaͤlle
Schrifftlich ihnen zu Notificiren alß in frewden Faͤllen die Geburt oder
verheyrathung Fuͤrſtlicher Kinder/ antreꝛung einer Regierung/ gluͤckliche Erb-
vertheilung vnd andere wichtige Vertraͤge: Jn Leyd/ das Abſterben ſeiner
nahen Angehoͤrigen/ oder ſonſt einen groſſen Schaden der ihnen vnd ſeinem Lan-
de bevorſtunde. Solche Notificationes bekommet er nun wiederumb von ſei-
nen Freunden/ vnd nimpt dieſelbe gerne an/ antwortet darauff vnnd gratulirt
ihnen in frewden/ oder condolirt in Leydes faͤllen/ wie denn bey Fuͤrſtl. Cantze-
leyen
[81]Anderer Theil.
leyen die Art/ wie ſolches vnd an wem es geſchicht/ mit Fleiß auffgezeichnet zu
finden. 2. Pfleget er dieſelbe auf begehren auch Perſoͤnlich bey etlichen vorher-
geſetzten Begebenheiten zu beſuchen oder ſeine Geſandten darzu zu ſchicken/
auch daß es Jhnen hinwieder von denſelben geſchehe/ zu bitten/ er nimmet auch
wol ſonſt Anlaß auſſer ſolchen Faͤllen zu vertrawlicher Converſarion vnd Vn-
terredung zu ihnen zu Reiſen/ ſich mit ihnen bey der Hoffſtatt/ oder auf der Jagt
mit Fuͤrſtl. vnd gebuͤhrlichen uͤbungen vnnd freundlicher Annehmung deſſen/
was ihnen zu Ehren wiederfaͤhrt/ zu ergetzen/ vnd daß desgleichen von Jenen
hinwiederumb bey ihnen geſchehe/ zu begehren vnd zu veranlaſſen. 3. Eine an-
zeige guter Freundſchafft vnd Vertrawens iſt auch dieſes/ wenn Fuͤrſtl. Perſo-
nen einander bey den Fuͤrſtl. Kindern die Gott beſcheret/ zu Gefattern bit-
ten/ vnd durch ſolches Chriſtliches Werck bezeugen/ daß ſie das Jenige/ was
einem Chriſtlichen Tauffbathen zu thun gebuͤhret/ gegen ihre liebe Fuͤrſtl. Kin-
der ſich bey einer ſolchen Perſon verſehen. 4. Das vornemſte aber einer Ver-
trawten Freundſchafft iſt/ wenn ein Landsherr mit dem andern ſeine Ange-
legenheiten in ſchweren Regierungs-Reichs-vñ Lands Sachẽ
offenhertzig/ theilhafftig machet/ trewen Rath daruͤber begehret/ auch
hinwiederumb mittheilet/ ihme auch mit allerhand Mitteln/ nach der Sachen
Beſchaffenheit/ dazu dienet vnd befoͤrderlich iſt/ alß mit Vorſchuß an Geld/ zu
ſchickung Kriegs Volcks/ Munition, Vorrat/ an Lebens-Mitteln/ Schickung
verſtaͤndiger Leute/ vorbitten bey hoher Reichs-Obrigkeit/ Vnterhandlung bey
einem dritten/ mit deme man in verwirreten Sachen ſtehet/ getrewer Vmbtre-
tung in geſampten Anliegen/ vnnd desgleichen/ was trewe vnd wolgemeinte
Freunde gegen einnader zu erweiſen pflegen.

Bey dieſen Freundſchafften ins gemein nimmet ein Lands-Fuͤrſt vnd deſ-
ſen trewe verſtaͤndige Raͤthe fleiſſig in acht. 1. Daß auch die erſt angefuͤhrten
vnd gemeinen Hoͤffligkeiten gegen die Jenigen/ mit denen man ſolche
lang gepflogen oder die dazu von newen freundlichen Anlaß geben/ niemals
unterlaſſen werden/ denn dadurch achten ſich dieſelben Perſonen beſchimpfft/
vnd wird ohne gnugſame Vrſache Mißgunſt erwecket. 2. Daß er auch gegen
die/ mit welchen er ſolche Kundſchafft noch nicht hat/ mitReſpect ſich verhal-
te/ vnd entweder da ſie hoͤher vnd maͤchtiger/ oder doch gleich/ vnd ihres Ruhms
vnd Fuͤrſtl. verhaltens wegen Ehre vnd Liebe wuͤrdig/ auch ſich gegen Jhnen nie
unfreundlich erwieſen/ Jhnen damit zu vor kommet/ was aber geringere ſeyn/
oder ſonſt alſo Beſchaffen daß man ſich ihrer Freundſchafft nicht ſonders zu
wuͤnſchen haͤtte/ dieſelbe den Anfang vnd Anlaß machen leſt. 3. Jn derCon-
verſation, die er mit Jhnen ſelbſt/ oder ihren Abgeſandten vnd Dienern haͤlt/
braucht er gute Vorſichtigkeit/ daß er Jhnen mit gehoͤrigem Titul vnnd
anderer Bezeigung hoͤfflich vnd nach Gebuͤhr begegnet/ in ſeiner Nachfrage
Lnicht
[82]Teutſchen Fuͤrſten-Stats
nicht zu Fuͤrwitzig vñ eigentlich/ in Entdeckung ſeiner Gemuͤts-Meinung nicht
zu ſchnell vnd vertrawlich ſich erweiſet/ auch alßdenn vnd ſonſt bey maͤnniglich/
da es außgebreitet werden koͤnte/ deroſelben nie anders alß mit Ehren vnd zum
wenigſten ohne hoͤniſche vnd ſchimpffliche Reden gedencket: Denn wo in ſol-
chen Vmbſtaͤnden verſtoſſen wird/ pflegt die Freundſchafft nicht zu beſtehen/
ſondern nur Haß vnd Wiederwillen/ davon man einſten unvermuthete Vnge-
legenheit hat/ zu entſpringen. 4. Darneben thut Er auch darauffſehen/
vnd ſich Erkundigen/ wie hingegen Jhme vnd den Seinigen von
ſolchen Freunden vnd Bekandten begegnet werde/ vnd da etwas
vorgienge/ ſo zu ſeinen Schimpff hinnauß lieffe/ leſt er ſolches nach Gelegenheit
vnnd vnterſchied der Sache der Gebuͤhr nach errinnern/ oder giebt es ſonſt
hoͤfflich vnd bey guten Anlaß hinwieder zu erkennen/ daß er ſeiner Hoheit vñ Re-
ſpects, welch[e]n [e]in Regent in keinerley Wege verwarloſen muß/ auch Einge-
denck ſey. 5. Jn dem letztenGrad der Vertrawligkeit vnnd Freundſchafft
wird die groͤſte Behutſamkeit gebrauchet/ daß ein Landes-Fuͤrſt den Je-
nigen/ mit welchen er alle ſeine vornemſte Angelegenheiten Communiciret,
oder ihme in den Seinigen rathen will/ wol betrachtet/ ob er Chriſtenthums vnd
Tugendhalben eines ſonderbahren Vertrawens wuͤrdig/ ob er auch verſtaͤn-
dige/ verſchwiegene vnd trewe Raͤthe vñ Diener habe/ ob er auch Rath vñ Mittel
von darzu gewarten; Denn die Erfahrung vnd Vernunfft bezeugt/ daß mit
Hochmuͤtigen/ Eigennutzigen/ Vngerechten vnd in verwirten Handeln ſchwe-
bende Regenten wenig außzurichten/ vnd von ihrer Freundſchafft nur ſchaden
zu gewarten/ Jnſonderheit aber wird dahin geſehen/ daß mit dem Rath vnd
Huͤlffe/ die man einen nahen oder vertrawten Freunde thut/ niemand wieder
Recht angegrieffen vnd beleydigt/ auch des Reichs-Satzungen vnd hoheit in
Acht genommen werden/ zu welchem Ende ſehr vortraͤglich daß ſich die Lands-
herren Verbuͤndnuͤſſen mit andern Staͤnden/ da durch Sie gehalten weren ſich
jener in allen Angelegenheiten anzunehmen auffs muͤglichſte huͤten vnd euſſern;
Denn ob gleich darin die Reichs-Satzung außgenommen werden/ ſo geſchicht
es doch durch Mißdeutung vnd ungeſtuͤmmes Anhalten/ daß mancher Fuͤrſt
vnd Herr daruͤber zu wett gehet/ vnd wegen ſeiner Bundsgenoſſen ſich vnd ſein
Land in Vngluͤck ſtuͤrtzet. 6. Ob gleich auch ein Regent keinen ſolchen Freund
findet/ mit dem erin voͤlligen Vertrawen ſtuͤnde/ ſo erheiſchet es doch manch-
mahl [di]e Noth vnd Beſchaffenheit der Sache/ daß er in etlichen Dingen einem
andern Eroͤffnung thun/ Rath vñ Huͤlffe begehrn; Vnd hinwieder-
umb dergleichen von ſich verſpuͤren laſſen muß ſolchen Falls wird bedachtſam-
lich erwogen/ mit was Gelegenheit/ wie weit vnd auff welche dienliche Maſſe
ſolches geſchehen koͤnne/ vnd ſonderlich das keinem nichts wieder Gebuͤhr/ Ver-
nunfft vnd Hoͤffligkeit angemuthet/ vnd alſo zu dergleichen von ſich zu begehren
nicht
[83]Anderer Theil.
nicht Anlaß gegeben werde/ nichts weniger daßman zu foͤderſt mit denen in Ver-
nehmen vnd Correſpondentz vber einer Sachen ſtehe/ welche diß fals einerley
Hauptmeinung vnnd gleichmaͤſſige Vrſachen zur Wolfahrt haben/ in dieſem
oder jenem Dinge/ alſo wie verhofft wird/ ſich zu erzeigen/ denn wegen der unter-
ſchiedenen Religionen, mancherley Intereſſen vnd Vorhaben/ Befreundung
vnd Verwandnuß/ Rechtfertigung vnd Streitigkeiten fuͤhren die Fuͤrſten vnd
Staͤnde des Reichs gar vnterſchiedliche Anſchlaͤge vnd abſehen/ welche man
beylaͤufftig wiſſen/ vnd fuͤr Augen haben muß/ wo mit denſelben in wichtigen
Sachen gehandelt werden ſoll. 7. Endlich/ weil an der Nachbarn vnd
anſtoſſender Potentaten Freundſchafft oder Feindſchaft viel gelegen/ So erwei-
ſet ſich darinn eines Landes-Fuͤrſten Verſtand vnd Tugend nicht wenig/ wenn
er durch Obenbeſchriebene vnd andere Wege ihre Gewogenheit vnd gutes Ver-
nehmen zu erhalten oder in fuͤrfallenden Streitigkeitẽ ſich mit ihnen nach Recht
vnd Billigkeit zu vergleichen trachtet/ inſonderheit aber da Er etwas vermercket/
was ihren Landen Schaden oder auch Nutzen bringen/ vnd alſo endlich das
Seinige auch mit betreffen koͤnte/ hat er nicht zu unterlaſſen Jhnen darinn/ ſo
viel nur muͤglich vnd es zu Danck angenommen werden will/ Beyraͤthig zu
ſeyn/ oder auch nach Befuͤgnus der Sachen trewliche Errinnerung/ Nachricht
vnd Warnung zu ertheilen/ zu dem Ende wird erfodert/ daß man des Zuſtands
der Nachbarn ſich mit guter Beſcheidenheit iederzeit informirt halte/ vnd alſo
auff den gemeinen Nutzen vnd Schaden/ welchen Nachbarn von vnd mit ein-
ander haben koͤnnen/ deſto beſſer vnnd mit Grunde zu gedencken gefaſt ſeyn
moͤge;

IV.Was denn endlich vnd zum vierdten die Vorſichtig-32.
Von der
loͤblichen
Bezeigung
eines Lãds
herrn gegẽ
ſeine Die-
ner.
keit vnd Tugend eines Regenten/ die er ſonderlich gegenſeine
Diener verſpuͤren laͤſſet/ anreicht/ da haben wir ſchon oben angefuͤhrt/ vnd
wird noch ferner in Fortgang dieſes Wercks erſcheinen/ was er ins gemein vnd
denn bey Jedwedern Ampt vnd Dienſt fuͤr Eigenſchafften an den Dienern ſu-
chet/ vnd was er Jedem zu Verrichtung ſeines Ampts inſonderheit aufferleget.
Allhier aber ſind noch etliche andere Errinnerungen uͤbrig/ die von einem loͤbli-
chen Regenten gegen ſeine Diener in acht genommen werden/ vnnd von der
Tugend vnd Weißheit deſſelben herruͤhren.

1. Daß auch bey Annehmung vornehmer Diener/ der Landsherr ſich
nicht ůbereylet/ vnd einem andern zu gefallen/ oder auß geſchwinden Ein-
fal ohne gnugſame Erkundigung/ vnd Vorbetrachtung dieſem oderjenem Be-
foͤderung zu einem Dienſt zuſage oder leyſte/ ſondern ſich nicht reuen laſſe/ auch
ſolches Vorhaben trewen Raͤthen vnd Dienern zu eroͤffnen/ vnd ihre Gemuͤts-
Meinung daruͤber zu begehren/ ſich auch alßdenn nach Befindung mit ver-
nuͤnfftiger Reſolution herauß zu laſſen/ denn wo hierinn zu Eylſam auß Anſe-
L ijhung
[84]Teutſchen Fuͤrſten-Stats
hung ein oder ander Euſſerlichen qualitet, ungeſtuͤmmen Anhaltens vnnd be-
weglicher Recommendation verfahren wird/ pflegt ſolche Dienſt-Beſtellung
offters uͤbel zu gerathen/ vnnd zu Schimpff vnd Vngelegenheit hinnauß zu
ſchlagen.

2. Sonderlich aber iſt ſolche Erwegung noͤtig/ wann etwa der Lands-
herr ein newes ſonderbahres Ampt vnd Dienſt-Verrichtung/ welches
vorher der Orten nicht gebraͤuchlich geweſen/ anordnen/ oder newe Ehren-Titul
vnd Vorzuͤge einem Diener ertheilen will/ denn ſolches iſt vielen Neyd vnnd
Nachrede unterworffen/ vnd daher entweder gar zu vnterlaſſen/ vnd bey alten
Tituln vnnd herkommen zu beharren/ oder doch mit reiffer Betrachtung aller
Vmbſtaͤnde die Anſtalt zu thun.

3. Die gebuͤrliche vñ vernuͤnfftige Erweiſung eines Herrn gegẽ ſeine Diener
beſtehet ſonderlich in deme/ daß er einem Jeden in dem Ampt/ daß er ihme
anvertrawt/ nach Maſſe vnd Jnhalt ſeiner Inſtruction vnd Beſtellung/ er-
haͤlt vnd ſchuͤtzt/ vnnd Jhn darinnen nicht betruͤben noch beſchimpffen/ viel we-
niger geringere oder ſeine vntergebene das Jenige verrichten/ vnd ihnen die Ehre
vñ Vorthel davon leſt/ was den andern und vorgeſetzten gebuͤhret; Einen Jeden
auch mit ſeinen Vnterthaͤnigen Errinnerungen vnd Berichten/ auch da ihme
etwas wiedriges Schuld gegeben wuͤrde/ mit geziemender Verantwortung vor
ſich oder andern Dienern/ den er es befihlet/ zu laͤſt/ vnd ehe ſolches geſchicht/
vnd er ſchuldig befunden wird/ keinen Groll vnd Haß auff ihn wirfft/ viel weni-
ger auff geringes verſehen/ ſtracks abſchafft oder Praſtet/ ſondern die Art einer
Chriſtlichen vnnd gnaͤdigung Vermahnung vorhergebraucht; Seine Be-
ſoldung/ wie ſie ihme zu geſagt iſt/ zu rechter Zeit reichen vnd ihn damit nicht auf-
halten oder bevortheilen leſt/ damit er ſeine Dienſte mit Frewden vnd ziemlicher
Ergetzung verrichte/ vnd ſo viel weniger Anlaß zu untrew vnnd Ergreiffung un-
gebuͤhrlicher Mittel habe; ſonderbahre fleiſſige Dienſte vnd Trewe/ auch auſſer-
halb der Beſoldung/ nach Gelegenheit der Vmbſtaͤnde begnadiget/ im Alter
vnd Schwachheit/ ſo Dienern zu mahl bey wehrenden Dienſte zu ſtehet/ nicht
verſtoͤſt/ ſondern zum wenigſten mit etwas Vnterhalt/ wenn er zu mahl Arm
vnd beduͤrfftig iſt/ verſorget/ auch trewer Diener Kinder vnd Erben/ welche ſich
ſonſt wol halten fuͤr andern ſich befohlen ſeyn leſt/ Es pflegen auch loͤbliche vnd
Tugendhaffte Herren da ſie zu Jahren kommen vnd Jhres Lebens Ende vermu-
then/ ihren Nach folgern die Alte vnd von ihnen beſtelte Diener in gutem zu be-
fehlen/ daß ſie ſolche ohne erhebliche Vrſache nicht aͤndern vnd abſetzen ſollen/
hingegen auch/ da ſie ſonderbahre Maͤngel an einem vnd andern/ oder eine ge-
wiſſe Art/ wie ſie dieſen oder einen andern wol gebrauchen koͤnten/ auß Erfah-
rung erkandt haben/ ihnen gleicher geſtalt zu ihrer Nachricht vnd Vorſichtig-
keit zu eroͤffnen. Auff dieſe vnnd dergleichen Weiſe vervrſacht ein Herr ſeine
Diener
[85]Anderer Theil.
Diener zu deſto mehrer Trew vnd Fleiß/ kan ſie mit deſto beſſerem Nachdruck zu-
ihren fleiſſigen Ampts-Verrichtungen antreiben/ vnd reitzet auch andere Ehr-
liche vnd dapffere Leute ſich deſto ehr vnnd lieber zu ſeinen Dienſten gebrauchen
zu laſſen.

4. Ein ſonderbahres Kunſtſtuͤcke aber eines Herrn beſtehet darinn/ daß
er ſeine Diener ſonderlich die vornemſten an ihren Gemuͤt vnd Gaben/ ſo
wol auch an ihren Fehler vnd Maͤngel wol kennet/ vnd ſich nit einbildet daß
erlauter untadelhafftige vollkommene Leute/ die nach ſeiner guten Intention
vnd willen ſich gaͤntzlich ſchickten/ vnd alle erfoderte Eigenſchafften uͤberfluͤſſig
an ſich fuͤhreten/ haben/ die andere aber meiden vnd gering halten wolte/ denn
in dieſer menſchlichen Schwachheit muͤſſen die Leute alſo genommen vnnd ge-
braucht werden/ wie man ſie nach fleiſſiger Nachfrage vnd angewandter Sorg-
falt auffs beſte vnd leydlichſte haben kan/ darumb wenn ein Herr ſeiner Diener
vnd dero guter vnd boͤſer Eigenſchafften (darunter man iedoch keine vorſetzliche
Laſter vnd ungeſchickligkeit in ihrem Ampt/ ſondern Schwachheiten vnnd
menſchliche Maͤngel verſtehet) wol Kuͤndig iſt/ ſo weiß er ſie auch mit Nutz zu
gebrauchen/ vnd ihren Fehlern mit Manier zu begegnen/ ſolche bey ihnen durch
gute Errinnerung vnd andere Fuͤrſichtigkeiten abzuſtellen/ oder doch ihre gute
Gaben alſo anzuwenden/ daß durch die Fehler den gemeinen Weſen in ihrem
Dienſt kein Schade geſchehe.

Auß dieſem Grunde wird auch dieſes herflieſſen/ daß ein Herr alle ſeine
Diener nach unterſcheid ihres Standes vnd Verrichtung mit gleicher Gnade
vnd wol Meinung liebet vnd achtet/ eines ieden Dienſte erkennet/ auch Jedwe-
den bey ſeiner Verrichtung bleiben leſt/ vnnd ſich nicht an einen oder etliche we-
nige dergeſtalt haͤnget/ daß dieſelbe allein alles wol Thun/ in allen Stuͤcken bey
ihm gelten/ vnd durchdringen/ vnd alle andere Diener unter ſich/ vnd ihr gluͤck/
Gnade oder Straͤffe in ihren Haͤnden haben/ dadurch endlich andere Ehrliche
Leute vertrieben werden/ vnd ein Herr ſelbſt an Statt daß er der hoͤchſte vnnd
Oberſte ſein ſolte/ in die Haͤnde vnd Bottmaͤſſigkeit ſeines alſo zu ſehr erhoben-
vnd einig geliebten Dieners dergeſtalt gerathen thut/ daß er ohne deſſen Wil-
len nichts vermag/ vnd unter ſeinen Namen alles was ein ſolcher Liebling will/
gut- vnd boͤſes/ vorgehen laſſen muß/ welches fuͤr war ein groſſer Fehler vnnd
merckliches Vngluͤck fuͤr Regenten iſt/ die ſich oͤffters nicht allein durch vorneh-
me vnd geſchickte Perſonen/ ſondern auch wol durch geringe/ nichtswuͤrdige
Leute alſo bethoͤren vnd beſitzen laſſen;

5. Endlich thut ſich auch ein Herr darinn ins gemein vorſehen/ daß er auff
alle ſeine Diener vnd deren Verrichtung Thun vnd Leben ein wachendes
Auge hat/ nicht zu viel Trawet/ vnd alles durch Sie wol außgerichtet haͤlt/
ſondern vielmehr durch fleiſſiges Nachforſchen vnnd willige Anhoͤrung deſſen/
L iijwas
[86]Teutſchen Fuͤrſten-Stats
was dißfals geklagt wird/ Jhrer Handlungen ſich erkundigt/ Sie daruͤber zur
Rede ſetzet/ ſonderlich zu Anfang durch andere ihnen zu ſprechen leſt vnd letzlich
nach klarer Befindung/ die Schalckheit vnd Boßheit/ ohne anſehen der Perſo-
nen/ ob es gleich ſeine liebe vnd nutzliche Diener weren/ nach Außweiſung der
Rechte/ ſtraffet/ vnd alſo Gottloſe ungerechte boͤſe Leute/ daran keine Beſſerung
hilfft noch angewand iſt/ von ſich thut/ dadurch er denn frembden Suͤnden vnd
Schwerer verantwortung loß wird/ vnd bey den Vnterthanen vnd andern Die-
nern ſeine Gerechtigkeit vnd Fuͤrſtliches anſehn zu erkennen giebt.

Dieſes weren nun die vornemſten Dinge darinnen der Erſte Punet der
Landes Regierung beſtehet/ damit ſich der Landes Fuͤrſt vnd ſeine Raͤthe zu be-
muͤhen haben/ wie wir Eingangs dieſes Capitels gemeldet.

Nun iſt noch uͤbrig zu beſchreiben die ſonderbahre Art vnd Weiſe/ die bey
Berathſchlagung vnnd Verrichtung dieſer Dinge uͤber die gemeine Errinne-
rungen/ welche in vorhergehenden Capitel zu finden/ in acht genommen wird.

1. Weil dieſe Sachen des Landesherrn Hoheit/ Sicherheit/ Ehre/ Ver-
moͤgen/ vnd nachfolgend alles das gute/ was er an ſeinen Land vñ Leuten/ durch
Gottes Gnade thun vnd erweiſen kan/ auch ſeine ſelbſt hohe Perſon vnd die
liebſten Seinigen/ auch ſeine Freunde vnd ſeine trewe Diener antreffen/ vnd ſehr
viel nach ſich ziehen/ So pflegt vnd ſoll auch billich ein Landeherr in dieſen Pun-
cten ſeinen Verſtand/ nachdencken vnnd Sorgfalt ſelbſt zu ge-
brauchen/ vnd ſolche nicht vornemlich auf ſeine Diener ſtellen/ oder erwarten/
was ihme etwa dieſelbe hierinn fuͤr ſich Vorſchlagen werden/ ſondern er iſt hier-
auff zu foͤderſt/ vnd mit guten Nachſinnen/ weil es ihn ſelbſt an meiſten beruͤhrt/
bemuͤhet/ bringt alſo wol vnerrinnert ſolche Dinge in Berathſchlagung/ woh-
net denſelben ſo viel muͤglich ſelbſt bey/ hoͤret eines Jeden Meinung mit Ver-
nunfft vnd erweget die Vmbſtaͤnde ſo gut er kan/ vnd goͤttliche Allmacht dar-
in Gnade verleyhet.

2. Jn groſſen Fuͤrſtenthumen/ wo man der Raͤthe vnd geſchickten Leute
viel beſolden vnd haben kan/ werden zu dieſen vnd etlichen andern Sachen/ die
zum Theil oben Summariſch angedeutet/ vnd hierunten gehoͤriger Orten noch
ferner auß gefuͤhrt werden/ wie ſchon erwehnt ſonderbahre Geheime Raͤthe/
die fuͤr andern der Reichs vnd Lands-Sachen vnd des Fuͤrſtlichen Hoffweſens
wol erfahren/ beſtellet; Jn etlichen Orten aber zielet der Landsherr mit Anneh-
mung aller ſeiner Raͤthe dahin/ daß ſie ihme ſo wol in dieſen/ alß in den Iuſtitz
Sachen beyraͤthig ſeyn koͤnnen/ damit aber ſolchen Falls die Arbeit bey der Re-
girung zertheilt/ auch in geheimen Sachen nit alles ſo bald in die Verſamlung
ſo vieler Perſonen gebracht werde; So brauchet man ſich hierinn einer gewiſ-
ſen Außtheilung der Zeit vnnd der Perſonen/ alſo/ daß ſolche Sachen nach
Gele-
[87]Anderer Theil
Gelegenheit vnd Wichtigkeit entweder mit etlichen oder mit allen Raͤthen com-
municirt werden;

3. Ob wol die Verſchwiegenheit allen Raͤthen vnd Cantzeley bedien-
ten ihren ſchweren Pflichten nach oblieget/ der Landsherr auch ſelbſt ſich in ſei-
nen Vorhaben verſchwiegen vnd heimlich haͤlt/ ſo iſt es doch in dieſen Puncten
noch viel noͤtiger/ alß in den andern gemeinen Land vnd Iuſtitz Sachen/ denn
in dieſen Faͤllen offt durch unbeſonnene Außbreitung mancher vernuͤnfftiger
Rathſchlag zu nichte oder ſonſt Schimpff vnd Vngluͤck verurſacht wird/ dar-
umb gehoͤren auch hierzu vertrawte/ geheime Secretari; Denen die Regiſtra-
tur, Verfaſſung vnd Verwarung der Briefflichen Nachrichte/ Schreiben vnd
Vrkunden hierinn auffgetragen wird.

4. Die vornemſten vnd geheimeſten Schrifften/ die inſolchen Sa-
chen abzufaſſen ſind/ werden gemeiniglich durch Vertrawte vnd hierzu ſonder-
lich geſchickte Raͤthe auffgeſetzet/ in gefaͤhrlichen Zeiten an Statt der Buchſta-
ben Ziffern vnd dergleichen verborgene Schrifften gebraucht/ was im Nahmen
des Lands-Fuͤrſten außgehet/ von ihme ſelbſt Vnterſchrieben/ anch wol ver-
trawte Handbriefflein võ ihme ſelbſt verfaſſet/ mit Ringpieſchafften oder Gehei-
men Siegel/ welches nit zu taͤglichen Cantzeley Gebrauch gehoͤret/ bekraͤfftiget/
es were denn daß Giimpffs oder andern wichtigen Vrſachen halben etliche Sa-
chen im Nahmen der Raͤthe oder der Cantzeley außzulaſſen gut befunden
wuͤrde.

5. Weil auch zu ſolchen Sachen offt ſchnelle Entſchlieſſung gefaſſet wer-
den muͤſſen/ vnd man dazu nicht lange Friſten vnd gute weile/ wie in andern
Dingẽ hat auch an gruͤndlicher vnd beſtaͤndiger Nachricht/ wie es in einem vnd
andern bey den Vorfahren gehalten/ vnd was ſonſt in ſolchen hin vnd her vor-
genommen worden/ ein groſſes gelegen/ ſo wird den Raͤthen võ dem Landsheꝛrn
dieſes unter andern mit Nutz eingebunden/ daß ſie in ſolchen Sachen auß den
Acten ſich unter der Hand/ vnd ob ſie gleich noch nicht in wuͤrckliche Berath-
ſchlagung vnd Streit kommen/ nicht allein wolInformiren, vnd ſolche fleiſ-
ſig Leſen/ ſondern auch/ daß nach wichtigkeit derſelben bey Zeit vnd wenn man
von andern Geſchaͤfften Ruhe hat gruͤndlicheRelationes, Bedencken/
vnd Rathſchlaͤge daruͤber auffgeſetzet/ vnd zu kuͤnfftigem Gebrauch beygelegt
werden.

6. Es ſeynd auch etliche dieſer Puncten alſo bewandt/ daß ſie durch
Schrifften nicht/ ſondern durch Perſoͤnliche Reiſen des Landsherrn oder
durch Schickung eines ordentlichen Abgeſandten/ oder vertrawten Die-
ners oder Beſtellung eines geſchickten Agenten vnd Sollicitanten, oder durch
interpoſition eines andern Potentaten, oder ſonſt eines anſehnlichen Man-
nes außgerichtet vnnd behauptet/ auch mit Freunden vnd Nachbarn/ oder mit
Staͤnden
[88]Teutſchen Fuͤrſten-Stats
Staͤnden des Reichs darauß vorher Correſpondentz gepflogen/ auch wol Be-
gnadigungen vnd Schenckungen darauff gewand werden muͤſſen/ welches in
andern gemeinen Lands- vnd Iuſtitz Sachen nicht leichtlich von noͤthen/ dar-
umb auch auff die Art vnd Weiſe des rechten fuͤrbringens vnd Fruchtbarlichen
Angrieffs/ bey Berathſchlagung derſelben vornemlich geſehen wird.

Cap. VIII.
Von dem andern Haupt-Punct der Regie-
rung/ welcher beſtehet in Aufrichtung guter Ordnung
vnd Geſaͤtze fuͤr die Wolfahrt vnd gemeinen Nutz deß
Vaterlandes.

DAmit wir nun mehr zu dem andern Haupt-Punct der Regie-
ments-Geſchaͤffte ſchreyten/ welcher beſtehet in Auffrichtung gu-
ter Geſetze vnnd Ordnungen/ dadurch Gerechtigkeit
Friede vnd Ruhe ſampt dem Vermoͤgen deß Lands vnd
der Leute in Schwang gebracht/ erhalten vnnd alſo das Boͤſe
vnd Schaͤdliche abgeſchaft/ vnd das gute vnd Loͤbliche gehand
habt werde. Da haben wir auß vorhergehenden kuͤrtzlich zu wiederholen/1. Wie der
Landsherꝛ
macht ha-
be/ Ord-
nungen vñ
Geſetze auf
zurichten.
daß die Macht vnd Befugnuß ſolcher Ordnungen auffzurichten allein ei-
nem Landsherrn vnd Regenten zu komme/ vnd Jhnen auch obliege/
ſolches nach beſten Verſtande vnd wiſſen zu thun/ Allermaſſen ſolches im 1. vnd
5. Capitel angezeigt worden. Wie er auch bey Auffrichtung ſolcher Ordnung/
die Hoheit vnd Satzungen des Reichs fuͤr Augen haben vnd ſich darnach ach-
ten/ wie er Seine Mit Regenten oder Theilhabere darzu ziehen/ vnd ſich mit
Jhnen daruͤber vergleichen/ wie er ſeine Landſtaͤnde in wichtigen newen Anſtal-
ten/ oder die mit ihren Willen muͤſten geordnet werden/ zu Rath fragen thue/
das alles iſt in vorhergehenden Capiteln/ Cap. 2. 3. 4. zur Notturfft berichtet/
auch zu wiſſen/ daß ſolcher Punct die Auffrichtung vnd Beſſerung einer Lands-
oder Policey Ordnung belangende/ nebenſt den Dingen/ die wir vorher Be-
ſchrieben/ von dem Lands-Fuͤrſten ſelbſt mit ſeinen Geheimen Raͤthen/ oder die
er an derſelben Statt gebrauchet Berathſchlaget werde.

Allhier iſt nun ferner abſonderlich Anzufuͤhren/ wohin doch ſolche Ord-2. Der
Haupt-
zweck aller
Ordnungẽ
nungen in weltlichen Sachen gerichtet zu werden pflegen/ oder was Sie be-
treffen/ ins Gemein zwar iſt gedacht/ daß dadurch/ Gerechtigkeit/ Fried
vnd Auffnehmen oder Wolfahrt deß Lands vnd der Leute geſucht werde.

Nun beſtehet aber die Gerechtigkeit/ wie Bekandt iſt/ auff dieſen dreyen
Haupt-Reguln/ Nemlich/ daß ein Jedweder Erbar vñ Zuͤchtig lebe/
einem Jeden daß Jenige/ was ihme gebuͤhret gebe/ vnd wieder-
fahren laſſe/ vnd niemand beleydige.

Der Friede/ oder die innerliche Ruhe des Landes vnd Sicherheit vor
den Feinden flieſſet her auß der Gerechtigkeit/ vnd die wird hinwiederumb durch
Fried vnd Ruhe befoͤrdert/ alſo/ daß dieſe beede Stuͤcke freylich nach der Lehre
des Koͤnigs Davids einander Kuͤſſen/ vnd eines ohne das andere nicht wol be-
ſtehet/ Endlich das Auffnehmen vnd die Wolfahrt gruͤnden ſich zwar
vornemlich in den zwey vorhergehenden Gaben Gottes/ erweiſen ſich aber auch
abſonderlich in guter Nahrung vnd Vermehrung der Leute vnd ihres Vermoͤ-
gens/ Handels vnd Wandels/ der Haupt-Zweck deſſen allen iſt die Hey-
ſame erhaltung der Policey/ oder gantzen Regiements in ſeiner Ehre/ Krafft
vnd Hoheit/ vnd das letzte Ziel iſt die Ehre Gottes/ wie wir anderſtwo auch
vermeldet.

Nach dieſem Abſehen vnd auff dieſen Grund/ nicht aber auff Eigennutz/
vnbillichen Vortheil oder ſonderbahren Perſonen zu gefallen werden nun auch
die Geſetze vnd Ordnungen eins Lands vnd Fuͤrſtenthumbs billich eingerichtet
vnd darinnen die Perſonen/ vnd was denſelben Anhaͤngig/ vnd die Sa-
chen oder Guͤter bewegliche vnd unbewegliche/ auch Gerechtſame vnd
Befugnuͤſſe der Vnterthanen des Landes beobachtet vnnd in guter Maſſe er-
halten: Denn ſolche Lands/ oder Policey Ordnungen gehen eigentlich auff
die Einwohner vnd Vnterthanen des Lands/ oder doch auff die Guͤter/ die im
Lande gelegen ſind/ vnd die Gerechtſame/ die darinnen geuͤbet vnd gebrauchet
werden.

Was aber den Landsherrn ſelbſt/ deſſen hohe Gerechtſame vnd Obrigkeit
vnd alſo den Erſten Punct der Regierung betrifft/ davon wird in ſolcher Poli-
cey Ordnung vornemlich nichts/ alß ſo fern es den Vnterthanẽ zu ihrer Nach-
richt vnd Achtung zu wiſſen von noͤthen enthalten. Welche Stuͤcke wir in kurtz
vorhergehenden 7. Capitel betrachtet. Jngleichen wird auch darinn von ei-
nem vnd andern Lands Fuͤrſtlichen Regal- vnd anderer Gerechtigkeit/ wie ſich
die Vnterthanen dargegen verhalten ſollen/ Verordnung gethan/ davon unten
mit mehrerm.

Was aber die Vnterthanen/ oder/ wie gedacht/ Jhre Perſonen vnd Sa-
chen anbelangt/ darunter iſt das Erſte/ ein Erbarvnd zuͤchtiges
Leben/ vnd Wandel: Es iſt zwar ſonſten zueinem weltlichen Regiement
daß Abſehen der Geſetze mehr auff die andern beeden Puncten der Gerechtigkeit
vnd Abſchaffung der groben Verbrechen dadurch andere Leute an Jhren Per-
ſonen oder Guͤtern beleydigt werden/ alß etwa auff die innerliche Pflantzung
der
[91]Anderer Theil.
der Tugenden des Gemuͤts/ die einen Jeden abſonderlich angehen/ gerichtet/
vnd wird die Vnterweiſung vnd Anfuͤhrung zu guten Sitten vnnd Tugenden
nicht ſo leicht durch euſſerlichen Zwang vnd Bottmaͤſſigkeit erhalten/ ſondern
will eine flete Annehmung vnd Vbung erfordern/ welche bey den Heydniſchen
Alten Voͤlckern der Griechen vnnd Lateiner durch mancherley Vnterrichtung
der Gelehrten Philoſophen vnd Poeten geſucht werden; Aber zu einer Chriſt-
lichen Policey kan vnd muß die Obrigkeit hierin auch weiter gehen/ vnd nicht
allein ihre Ordnung auff die groben Euſſerlichen Mißhandlungen/ welche wie-
der die menſchliche Geſellſchafft/ Einigkeit vnd Friede der Vnterthanen gantz
offenbarlich ſtreiten/ ſondern auch etwas weiters/ auff Pflantzung Ehr vnd
Tugend in den Gemuͤtern vnd gemeinen Leben vnnd Wandel richten/ weil aber
nicht alle ungebuͤhrliche Thaten vnnd Beginnen der Menſchen/ der groſſen
Schwachheit nach/ die vns anklebt/ alſo balden mit weltlicher gewiſſer Straffe
zu belegen/ ſondern gar viel auff eines Jeden Verantwortung in ſeinem Ge-
wiſſen vnd fuͤr GOtt dem hoͤchſten geſtellet werden muß/ So werden auch die
allermeiſten Tugenden vnd Laſter/ welche ſonderlich einen Jeden vor ſich ange-
hen/ vnd nicht zu Nutz oder Schaden des Nechſten alſobald gereichen/ mehr
durch fleiſſige Ermahnung vnd bewegliche Vnterweiſung/ alß durch Art eines
weltlichen Geſetzes vnnd darauff geſetzter Straffe den Vnterthanen eingebun-
den/ alſo daß dieſes erſte Haupt-Geſetz der Gerechtigkeit/ eines Erbarn/ vnd
kurtz zu ſagen/ Chriſtlichen Wandels vornemlich in die Kirchẽ Diſciplin, auch
die Aufferziehung der Jugend zu Hauſe vnd in den Schulen/ davon wir her-
nach Reden wollen/ alß in daß weltliche laufft: Gleichwol aber ſind auch etliche
Stuͤcke/ die vornemlich eines ieden Gemuͤt vnd Perſon betreffen/ Nachfolgig
aber auch ſeinen mit Vnterthanen zu Aergernuß vnd Schaden gereichen koͤn-
nen/ in den Landes-Ordnungen bedacht/ alß da iſt/ eine gebuͤhrliche Euſſerliche
Feyer der Sonn vnd Feſttage/ ein nuͤchtern vnd maͤſſiges Leben vnd Vermei-
dung des ſchaͤndlichen Vollſauffens/ dadurch die Leute ihre eigene Leiber unge-
ſund machen/ vnd ihre Gemuͤter zu vielen Laſtern vnd uͤbeles vornehmen gegen
andere reitzen/ vnnd was zu dem Ende von gewiſſer Zeit des Tages/ da man mit
Zechen vnd Schencken auffhoͤren muß/ geordnet. Ferner ein rechtmaͤſſiger
Beruff vnnd Handthierung vnd Vermeidung des Muͤſſiggangs; Durch
welche die Verderbung Leibs vnd Gemuͤts/ eine Verſchwendung der Guͤter/
vnd endlich eine Belaͤſtigung anderer Leute erfolget/ zu welchem Zweck auch die
Anordnung eines Zuchthauſes fuͤr dergleichẽ unartige Perſonen/ zu Beſſerung
ihres Lebens vnd beruhigung anderer Leute ein vortrefflich Mittel iſt: Die Er-
haltung einer gebuͤhrlichen Ordnung vnnd Vorzugs zwiſchen den Staͤnden
vnd Vnterthanen des Lands nach ihren Ehrenſtande vnd Ampt bey allen Be-
gebenheiten vnnd Zuſammenkunfften/ ſo wol auch in Kleidung vnd andern
M ijeuſſer-
[92]Teutſchen Fuͤrſten-Stats
euſſerlichen Dingen/ darauf zum Theil in der Policey vñ Gaſtungs Ordnung/
Theils in der Kleider-Ordnung geſehen wird/ damit es alſo auch dißfals im
Lande Ehrlich vnd Ordentlich hergehe/ vnd zerruͤttung/ Mißverſtand vnd aͤrger-
nuß verhuͤtet werde; Vnd was etwan dergleichen mehr ſeyn kan/ welches
die Tugend vnd auch die Ehre vnd Stand einer ieden Perſon der Vnterthanen
betrifft.

Nach dem andern vnd dritten Haupt-Punct der Gerech-
tigkeit/ nemlich/ daß ein Jeder dem andern die Gebuͤhr erſtatte vnd keiner den
andern Beleydige/ gehen nun die Geſetze vnd Ordnungen des Landes auff alle
der Vnterthanen Eigenſchafften/ Handthierung/ thun vnd laſſen/ alß fern
ſolches einen andern vnd dritten angehet/ vnd beſtehet hierinn vornemlich die
Gerechtigkeit oder Billigkeit/ welche durch die Geſetze geſucht wird/ vnd
zwar was die Gebuͤhr/ gleiches Recht vnd Billigkeit erfordern/
in allen Handel vnd Wandel/ die zwiſchen etlichen Perſonen/ es ſey umb was
es wolle/ fuͤrgehẽ was auch einem Jeden allein von ſeiner Perſon vñ mit ſeinem
Vermoͤgen zu thun oder vorzunehmen zu komme/ wie ferne er damit nach un-
terſchied Standes vnnd Alters fuͤr ſich oder unter der Hand ſeiner Eltern vnnd
Vormuͤnden zu gebahren habe/ bey ſeinem Leben/ oder mit Verordnung nach
ſeinem Tode/ wie es mit Erbſchafften eine Bewandnuß vnd rechmaͤſſige Be-
ſchaffenheit habe/ was fuͤr Mißhandlungen verbothen ſeyn/ wie vnd an wem
Sie geſtrafft werden/ auch wie alle dieſe Dinge recht vorgenommen/ wenn ſie
Streitig werden/ gebuͤhrlich geklagt/ gehoͤriger Orten entſchieden/ vnd alſo das
Recht ertheilet werde; Davon geben die loͤbliche Gewonheiten/ abſon-
derliche Stadtrechte vnd willkühre/ Landůbliche/ ſo wol auch
die Rechte des gantzen Roͤmiſchen-Reichs außfuͤhrliche nach-
weiſung/ vnd wird ſich darauff in den meiſten Lands Ordnungen/ ins gemein
bezogen/ vnd nach unterſcheid der Faͤlle die Norm vnd Richtſchnur/ wornach
die Gerechtigkeit vnd Billigkeit in iedweder Sacht ermeſſen werden ſolle/ deut-
lich gezeiget; Weil aber die Wiſſenſchafft ſolches Rechtens ſchwer/ wichtig
vnd weitlaͤufftig iſt ſo werden auch deßwegen die Gerichte/ da die Vnterthanen
in ſolchen Faͤllen des Rechtens gewarten/ vnnd ſich weiſen laſſen muͤſſen/ mit
Fleiß beſtellet/ auch zu dem Ende Advocaten oder Fuͤrſprecher/ ſonderlich den
Einfaͤltigen zum beſten gehalten/ vnd von den fuͤrnemſten Stuͤcken/ wie es in
Gerichten herzugehen pflegt/ in der Lands-Ordnung/ auch andern Außſchrei-
ben abſonderliche Verſehung gethan/ welche Puncte wir aber in das nach fol-
gende Capitel zu weiter Außfuͤhrung verſparen; Von andern Dingen aber/
die ſonſt in den Rechten vnd denen davon geſchriebenen Buͤchern mit mehrern
zu finden/ werden gleichwol auch etliche in denen Landes-Satzungen abſonder-
lich beruͤhret/ entweder daß es vmb dieſelbe im Lande eine ſonderbahre Beſchaß-
ſenheit
[93]Anderer Theil.
ſenheit hat/ oder daß groſſe Mißbraͤuche darwieder eingeriſſen/ die man Nach-
druͤcklich abſchafft/ oder daß ſie den gemeinen Nutz ſonderbahr angehen/ vnd ſie
alſo maͤnniglich wiſſen vnd ſich daran ſtets Errinnern muß/ auß ſolchen Vrſa-
chen werden nun alle die groͤbſten Laſter vnd Verbrechen wieder Goͤttliche/ na-
tuͤrliche vnd Landrechte/ in den Lands Ordnungen nahmentlich verbothen/ vnd
die Straffen/ die Rechtswegen darauff verordnet/ ſind/ dabey vermeldet/ da-
mit ſich niemand der Vnwiſſenheit zu entſchuldigen habe/ Es werden auch ſol-
che verbothe mehr geſchaͤrfft vnd ſtraͤcklicher exequirt, wenn die Mißhandlun-
gen im Lande gemein werden/ vnd die Straffen der gemeinen Rechte die Leute
nicht gnugſam abſchrecken; Vnd beſtehet in abſchaffung ſolcher Laſter vnd
Miſſethaten durch heylſame Ordnung ein groſſes Stuͤck der Obrigkeitlichen
Pflicht/ denn eben vmb des Willen/ daß man fuͤr denen boͤſen vnd ſchaͤdlichen
Leuten ſeinen Leib/ Ehr vnd Gut ſicher haͤtte/ haben ſich Anfaͤnglich durch Goͤtt-
liche ſchickung ſo viel Tauſendt Leute unter den Schutz einer oder wenig Perſo-
nen begeben/ vnnd denſelben ſo viel Macht/ Vorzug/ vnnd Gewalt einge-
raumet.

Auffdie Gůter der Vnterthannen wird uͤber daß/ was wir bald von
ihrer Nahrung vnnd Vermoͤgen aufuͤhren werden/ auff etliche ſonderbahre
Punete die im Lande gar gemein ſind/ abſonderliche Verordnung gethan/ Alß/
zum Exempel: Nach dem die Buͤrger vnd ſonderlich das Baursvolck wegen
ihrer Guͤter mit vnterſchiedlichen Beſchwerden von Alters her beladen/ alß mit
Erbzinſen Guͤlten/ Frohnen/ Dienſten/ Hauptrechten/ Leibeigenſchafften/ Ze-
henden/ Abzuggeld ꝛc. Deßwegen oͤffters zwiſchen den Aemptern des Lands-
Fuͤrſten/ oder denen Staͤnden vnd andern Perſonen des Landes/ welchen ſol-
che Rechte gebuͤhren/ viel Jrrung vorfaͤlt/ So geſchicht deßwegen auch vmb
verhuͤtung unnoͤtigen Streits/ oder doch zu deſſelben richtiger Entſcheidung in
den Landes-Ordnungen außfuͤhrliche Verſehung: Darumb auch in den mei-
ſten Oerten geordnet/ daß allerhand Contract vnd Handlung/ die ſolcher vnd
anderer unbeweglichen Guͤter wegen vorgehen/ mit vorwiſſen der Obrigkeit ge-
ſchehen/ vnd die Brieffe daruͤber in den Aemptern vnd Gerichten auffgerichtet
werden muͤſſen; Vnd wird daruͤber mit Nutz gehalten/ daß keiner kein Gut ver-
handeln/ vereuſſern/ oder vertauſchen darff mit dem Gedinge/ daß er die darauff
hafftende Beſchwerden vnd Schuldigkeiten davon bringen/ auff ſeiner Perſon
behalten/ oder anders wohin weltzen wolte/ ſondern er muß es dißfals bey dem
alten Herkommen bleiben laſſen;

Wegen der Felder/ Wieſen/ Hoͤltzer/ vnd anderer liegenden Grunde wird
zum Exempel verordnet/ daß ſie an aller Orten richtig verſteinet vnd verreinet/
auch daruͤber eine nottuͤrfftige Beſchreibung vnd Flurbuch gehalten/ alle Jahr
auch die Graͤntzen/ oder Flur der Felder umbgangen werden/ vmb einen Jeden
M iijbey den
[94]Teutſchen Fuͤrſten-Stats
bey den Seinigen deſto beſſer zu erhalten/ vnd daß Verwechſeln abpfluͤgen/ vnd
andere Vervortheilung bey ſolchen Guͤtern deſto kraͤfftiger zu vorkommen.

Wegen der Wohnungen vnd Gebewden der Vnterthanen/ geſchicht
nicht allein ins gemein die Vorſorge/ daß allerhand tuͤchtige Materialien an
Holtz/ Stein/ Kalck/ Ziegel vnd dergleichen/ ſonderlich bey den Staͤdten/ umb
ein leydlichs im Vorrath ſey/ ſondern es werden auch wol ſonderbahre Baw-
Ordnungen auff gerichtet/ vnd darinnen die Leute dahin gehalten/ daß ſie bey
ihren Gebewden auff die Waͤrhafftigkeit/ Wolſtand vnd Geſundheit/ ſehen
muͤſſen. Jngleichen weil durch Verwarloſung vnd Vngluͤck groſſer Schade
mit Fewers-Brunſten in Staͤdten/ Schloͤſſern/ Doͤrffern/ auch Felden vnd
Walden geſchehen kan/ wird deßwegen eine ſonderbahre Fewer-Ordnung auß-
gefertigt/ wie man ſich fuͤr Veranlaſſung ſolches Schadens auff vielerley
Wegehůten/ gute Bereitſchafft zu Vorkommung deſſelben halten/ auch wie
man in entſtehender Brunſt zu huͤlffe kommen ſoll.

Der innerliche Fried vnd Ruhe zwiſchen den Vnterthanen des
Landes wird in den Lands-Ordnungen vnd Geſetzen auch bedacht/ vnd an ſich
ſelbſt gefoͤdert.

1. Durch gute Verordnung der Gerichtbarkeiten/ vnd Ge-
brauch heylſamer Geſetze/ daß dieſelbe im rechten Schwang behauptet/ die un-
ter Obrigkeit vnd Beampten in allen Staͤnden wol verordnet/ oder da ſie Erb-
lich ſind/ in guter Beſchaffenheit erhalten/ vnd alſo maͤnniglich zu dem/ was er
Rechtswegen befugt nach Gebuͤhr vnnd foͤderlich verholffen werde/ welcher
Punct von uns abſonderlich hiernechſt betrachtet werden ſoll/ denn es iſt kein
groͤſſerer Anlaß zu Vnwillen/ Aufftuhr/ vnd Krieg in groſſen vnd kleinen Re-
giementern/ alß die uͤbele Beſchaffenheit der Geſetze vnd Gerichtsſtellen/ ſinte-
mahl die Erfahrung bezeugt/ daß endlich die Jenigen/ welche ihr Recht mit
huͤlffe der Obrigkeit nicht erlangen koͤnnen/ ſolches mit der That ſuchen/ vnd
Auffruhr vnd Krieg erwecken.

2. Durch ernſtliche Verbietung aller ſelbthaͤtligkeit vnd Ge-
waltsuͤbung im Lande/ ſonderlich aber Vngehorſams gegen die Obrigkeiten/
Schlaͤgerey/ Außforderungen/ Bevehdungen/ Droͤhungen/ vnd andern Tro-
tzes vnd Muthwillens.

3. Durch gute Verfaſſung vnd Bereitſchafft der Perſonen vnd
anderer Dinge/ dadurch auff beduͤrffenden Fall den unruhigen wiederſpenſti-
gen Vnterthanen begegnet werden kan/ davon in der Lands-Satzungen viel
verordnung geſchehen/ von vns aber in dem 10. Capitel dieſes Theils mit meh-
rern erklaͤrt werden ſoll/ dahin wir denn auch verſparen wollen/ was zu Schutz
vnd Sicherheit fuͤr außwuͤrdiſche Feinde dienet/ vnd gebraucht wird/ Wiewol
auch dieſe bißhero erzehlte drey Stuͤcke/ wenn nemlich. 1. Ein Landsherr
die
[95]Anderer Theil.
die Gerechtigkeit in ſeinem Lande vnd gegen Freunde liebt vnd
hegt/ vnd alſo niemand Beleydigt vnd Benachtheiligt. 2. Keine
ſelbthaͤtligkeit/ ſo lange er des Rechtens genieſſen kan/ vornim-
met/ noch den Seinigen geſtattet/ vnd 3. in guter Ruͤſtung ſi-
tzet/ ihm nach Gottes Willen den Frieden vnd Ruhe ſeines Lan-
des wol erwerben vnd erhalten koͤnnen.