Dem Hochwolgebornen Herrn/
Herrn Hanſen Vlrichen/ Schaff-
Gotſch genant/ des Heiligen Roͤmiſchen
Reiches Semper-Freyen/ von vnd auff Kinaſt/ Greif-
fenſtein vnd Kemnitz/ Frey Herrn auff Trachenberg/ Herrn zur
Praußnitz vnd Schmiedeberg/ auff Gierßdorff/ Hertwigswalde
vnd Rauſchke; Roͤm. Kayſ. auch zue Hungarn vnd Boͤhaimb
Koͤn. Maͤy. Cammerern/ Kriegesrhate/ vnd Obriſten/
meinem Gnaͤdigen Herren.

HOchwolgeborner Herr/ Gnaͤdiger Herr vndt
Obriſter; Die Deutſche ſprache/ von welcher etzliche jhare
her hoffnung geweſen/ daß ſie/ ſonderlich durch vermittelung Poͤe-
tiſcher ſchrifften/ des eingemengten weſens der außlaͤnder ehiſt
moͤchte befreyet/ vnd in jhre alte ziehr vnd reinigkeit wiederumb
eingeſetzt werden/ hatt zu jhrem vngluͤcke gleich eine ſolche zeit an-
getroffen/ da nicht die gewalt der waffen/ die auff landt vndt leute
vndt nicht auff beſtreitung der wißenſchafft angeſehen/ ſondern die
menſchen aller tugendt dermaßen gehaͤßig ſindt/ daß guete gemuͤ-
ter/ ſo hierbey das jhrige zue thun ſich vnterwunden/ nichts anders
als einen theils verachtung/ andern theils mißgunſt darvon getra-
gen haben Dieſem ſchreibet man zu tunckel/ jenem gar zue deutſch:
welche bedencken moͤchten/ daß der/ den die warheit in die augen
ſticht/ ſeynes wandels vnd lebens wegen jhm nicht muße wol be-
wußt ſein; die andern aber/ ſich nicht vber die vnverſtaͤndtligkeit
derer die ſchreiben/ ſondern vber den vnverſtandt beklagen ſolten/
daß ſie nichts gelernet haben. Mitt denen/ welche fůr geben/ man
A ijkoͤnne
[4] koͤnne gleichwol der frembden woͤrter/ bey hofe vndt anderer gele-
genheit/ in ſatzſchrifften/ vnterredungen vndt auffwarten/ uͤbel ent-
beren/ wil ich es faſt darumb halten/ daß ſich zue beſorgen/ ſolte
man die Welſchen vndt Frantzoͤſiſchen ſachen alle außmuſtern/ ſo
wuͤrden beydes jhre hochgefaͤhrliche reiſen zue lande vndt ſee/ die
zue erlernung der ſprachen fuͤrnemlich gerichtet geweſen/ den groͤſ-
ſeſten theil jhres nutzens nicht erlangen/ vndt dann jhr anſehen/
daß nemlich auff einwerffung ſolcher hoͤffligkeiten nicht wenig be-
ruhet/ vmb ein merckliches geſchmaͤlert werden.

Etzliche vernichten die Poeterey gar miteinander: die als leute
von keiner vernunfft/ auch keiner antwort wuͤrdig ſindt. Etzliche/
vndt dieſe die kluͤgeſten/ geſtehen zwar/ daß hierdurch die ſprache
mercklich verbeßert/ die beredtſamkeit in ſchwang gebracht/ vndt
viel guetes herfuͤr geſucht werde ſagen aber/ es geſchehe doch nicht
ohn verletzung der alten einfalt/ vndt deutſchen fromen ſitten:
weil in dieſer art buͤchern gleichwol nicht wenig zue finden ſey/ daß
aͤrgerniß zue vermeiden wol koͤndte nachbleiben. Wie nun frey-
lich zue wuͤndtſchen were/ daß edele gemůter jhre ſtattliche beſchaf-
fenheiten lieber an ſonſt etwas/ als eine vndt andere außſchrei-
tung verwenden vndt anlegen wolten ſo mußen wir doch auch ge-
ſtehen/ daß eben in ſolchen weltlichen ſchrifften (der heiligen lobge-
ſaͤnge/ der buͤcher von Kriegesthaten vndt friedenskuͤnſten/ der
gluͤckwůndtſchungen/ der troſtgetichte/ der naturbeſchreibungen/
vndt was dergleichen iſt/ zue geſchweigen) viel herrliche exempel/
lehren vndt vnterweiſungen herfuͤr leuchten/ vmb derer willen
man wol ein auge zuedrucken/ vndt einen ſolchen dornſtrauch/ an-
geſehen daß er viel liebliche roſen tregt/ vnaußgerottet laßen kan.
Dieſes buch/ Gnaͤdiger Herr/ wie es dem erſten anſehen nach auch
mitt einer vberbleibung der jugendt bekleidet zue ſein ſcheinet; alſo
wirdt
[5] wirdt es in der that viel ein anders erweiſen/ wann es jhm zuevor
durch erwehnung einer liebe/ die ich fuͤglicher mir/ wiewol ſie mir
niemals in den ſinn iſt kommen/ als einem andern antichten wol-
len/ die liebe des leſers (weil man ie heutiges tages der eitelkeit ſo
gern augen vndt hertze goͤnnet) wirdt erbuhlet haben. Der jnnhalt
beruhet kuͤrtzlich darauff: Es befinden ſich bey anbrechen der mor-
genroͤthe drey gelehrte Poeten/ von denen der eine dem Hochfuͤrſt-
lichen Hauſe Lignitz vndt Briegk nicht weniger als ich verbunden/
vndt E. Gn. wol bekandt iſt/ nebenſt mir/ der ich mehr den namen
als das verdienſt habe/ vmb die luſtigen berge/ waͤlder vndt wieſen
ſo E. Gn. gehoͤrig ſindt/ reden vnter geſtalt der hirten (wie vorzei-
ten Theocritus/ Virgilius/ Nemeſianus/ Calpurnius/ heutiges
tages Sannazar/ Balthaſar Caſtilion/ Laurentz Gambara/ Rit-
ter Sidney/ Der von Vrfe vndt andere/ gethan haben) von tu-
gendt/ von reiſen vndt dergleichen ſo lange/ biß ſie vnter dem Rie-
ſengefilde vndt Flintzberge an der luſtigen bach des Zackens auff
die werthe Nimfe Hercinie treffen/ welche jhnen in den hoͤlen vnd
kluͤfften der erden die vrſpruͤnge der fluͤße hieſiger gegendt/ jhre
vndt jhrer ſchweſtern gemaͤcher vndt luſtige grotten hoͤfflich zeiget/
fuͤr allen dingen aber E. Gn. vndt derſelbten hochrhuͤmlichen Vor-
fahren thaten vndt gedaͤchtniß entwirfft vnd zeiget. Hierauff ſie
nach enturlaubung ſich ſelbiger orten weiter vmbſehen/ vndt nechſt
anderem verlauffe/ auch betrachtung des Warmen Brunnens/
welchen E. Gn. newlicher zeit durch jhren artlichen baw noch an-
genemer gemacht hatt/ mitt dem tage vndt abſchiede der Sonnen
jhre vnterredung beſchließen. Wie ich die erfindung an ſeinem ort/
vndt dem vrtheile des Leſers anheimgeſtellet ſein laße; alſo wirdt
ſie doch zum wenigſten anderen/ denen beßere gaben vndt mehr
zeit als mir verlihen ſindt/ hoffentlich anlaß reichē/ vnſere ſprache/
A iijdarinnen
[6] darinnen ſich vormals keiner dergleichen zue erdencken/ bemuͤhet
hatt/ auch mit dieſer nicht weniger nutzbaren als luſtigen art ſchrif-
ten mehr vndt mehr zue bereichern E. Gn. belangendt/ Gnaͤdiger
Herr/ halte ich mich wol verſichert/ wie von Deroſelbten eine ge-
raume zeit her ich allen gnaͤdigen willen vndt wolmeinen geſpuͤret;
alſo werde E. Gn. auch meiner Hereinien vorwitze verzeihen/ vndt
hieſige Schrifft/ ſo zue E Gn. wolverdientem lobe vndt vnſterb-
ligkeit angeſehen iſt/ Ihrer gnaͤdigen augen wuͤrdigen/ ſolche auch
zum wenigſten ein geringes pfandt vndt anzeigung ſein laßen/ daß/
Gnaͤdiger Herr/ ich jederzeit ſey vndt verbleibe

E. Gn.

gehorſamber Diener
Martin Opitz.

Martin Opitzen Schaͤfferey
von der Nimfen Hercinie.

ES lieget dißeits dem Sudetiſchen gefilde/ wel-
ches Boͤhaimb von Schleſien trennet/ vnter dem anmuti-
gen Rieſenberge ein thal/ deßen weitſchweiffiger vmbkreiß einem
halben zirckel gleichet/ vndt mitt vielen hohen warten/ ſchoͤnen
baͤchen/ doͤrffern/ maierhoͤfen vndt ſchaͤffereyen erfuͤllet iſt. Du
koͤndteſt es einen wohnplatz aller frewden/ eine froͤliche einſamkeit/
ein luſthauß der Nimfen vndt Feldtgoͤtter/ ein meiſterſtuͤcke der
Natur nennen. Daſelbſt befandt ich mich/ nach dem ich die zeit
zue vertreiben/ vndt meinen gedancken deſto freyer nach zue hen-
gen/ vor zweyen tagen von einem andern orte/ welcher eben mitt
dieſem gebirge graͤntzet/ vndt des außgeſtandenen vbels wegen
bey jtzo ſchwebenden jaͤmmerlichen kriegen/ nicht vnbekandt iſt/
entwiechen war.

Mitt einem worte: Es war zue ende des Weinmonats/ als die hir-
ten im felde ein fewer zue machen/ vndt der ackersmann/ welcher
nun vber winter außgeſeet/ ſeinen rock herfuͤr zue ſuchen begundte.
Ich war vorige nacht auß muͤdigkeit beydes von ſorgen vndt dem
wege ſo harte entſchlaffen/ daß ich nicht erwachte/ biß die muter
der geſtirne die Nacht verruckt war/ vndt die ſchoͤne Morgenroͤthe
anfieng ſich vndt zuegleich alles mitt jhr zue zeigen.

Vndt kanſt du dennoch/ fieng ich wieder mich ſelbſt an/ der-
maßen
[8] maßen auff guetes vertrawen ruhen/ nach dem du zu gehorſamben
dem jenigen/ dem du freylich das beſte theil deiner wolfarth zue-
dancken haſt/ der dich ſingen leßt was du wilt/ von derſelbten ge-
wiechen biſt/ ohn welche dich keine froͤligkeit ergetzte/ vndt mitt
welcher dich kein vnfall betruͤbete? Oder/ ſchlaͤffeſt du darumb/ da-
mit ſie dir/ weil du jhrer gegenwart nicht genießen kanſt/ zum min-
ſten durch die wolthaten eines trawmes koͤnne gezeiget werden?
Vnter dieſer rede ſprang ich auff/ vnd gruͤßete die lieblichen ſtra-
len der Sonnen/ welche von den ſpitzen der berge herab blincketen/
vndt mich gleichſam zue troͤſten ſchienen; woruͤber ich dann in mei-
nung mir ſelber ein hertze zue machen/ auff dieſe worte gerhiete:

Aber/ ſagte ich weiter/ was beſchuldige ich mein Verhengniß?
fliehe ich nicht auß eigener wahl fuͤr jhr/ vndt fuͤr mir ſelbſt? Wo-
ferren du mir meine augen/ ſo durch die deinigen geraubet
ſindt/ wiedergiebeſt/ verhoffe ich/ mein Liecht/ dich zue ſehen/ ehe
noch das auge der welt die Sonne in das herzueruͤckende jhar ſe-
hen wirdt.
[9] hen wirdt. Was fuͤr ein Verhengniß aber wil ich kurtz hernach an-
klagen? was fuͤr eine huͤlle werde ich finden/ zue bedeckung deßen
verbrechens/ daß ich mein Vaterlandt mitt ſo weit entlegenen
Provinzen vertauſchen/ die meinigen ſampt dem groͤßeren theile
meines hertzens hinter laßen/ vndt mich in ein freywilliges elendt
verjagen wil? Es iſt eine boͤſe gewohnheit/ das wir menſchen ge-
meiniglich auff das gluͤck ſchelten/ welches wir vns doch auff dem
eigenen amboß vnſerer boßheit geſchmiedet haben: oder wollen
die zeitfuͤr gerichte laden/ die/ wann ſie ie was boͤſes begehen kan/
nichts aͤrgers thut/ alß daß ſie ſich vns ſo reichlich vndt milte ver-
leihet. Armer ſchaͤffer! Wilt du lieben/ warumb bleibſt du nicht wo
du wirſt geliebet? Oder gedenckeſt du der liebe zue entfliehen/ ſo
entfleuch erſtlich deiner eigenen perſon/ vndt laß das gemuͤte zue
lieben daheimbe; wo du anders nicht einen krancken mitt dir fuͤh-
ren/ vndt ſeine ſiecheit durch die bewegung mehr erwecken wilt.
Soll dir ie die freyheit/ welche dir von kindtheit an gefallen/ zue
theile werden/ ſo ſey nicht allein anderswo/ ſondern auch anders/
vndt ſegele mitt gebundenen augen vndt verſtopfften ohren zue der
gedult dem hafen des kummers/ welche dich ſampt jhrer muter der
zeit in gewuͤndtſchte ſicherheit ſetzen kan.

Mitt ſolchen vndt dergleichen gedancken ſchlug ich mich eine
lange weile/ biß ich in dem hin vndt wieder gehen nahe bey einem
klaren quelle/ das mitt anmutigem rauſchen vndt murmeln von
einer klippen herab fiel/ zue einer glatten vndt hohen tannen kam/
die mir dann bequem zue ſein ſchiene/ ein gedaͤchtnuͤß meiner ſor-
gen zue verwahren. Schnitte ich alſo auff jhre rinde nachfol-
gendts

Ich ſchnitzte noch uͤber dem letzten worte/ als mir ein lieblich-
es gethoͤne vnterſchiedener querpfeiffen vndt wolklingender muſic
zue ohren kam. Wiewol ich mich nun beſorgete/ daß durch ſolche
ankunfft anderer mir meine einſamkeit/ bey der ich mir jetziger be-
ſchaffenheit nach nicht ließ uͤbel ſein/ moͤchte abgeſtrickt werden: ſo
zwang mich doch die begiehr die jenigen zue erkennen/ welche der
ſchoͤnen einſtimmung wegen entweder der Muſen ſoͤhne/ oder
auch die Muſen ſelbſt zue ſein ſchienen/ daß ich jhrer/ weil ſie ſon-
derlich gerichts auff mich zue giengen/ erwartete. Wie ein ploͤtz-
liehes vndt großes liecht die augen fuͤr ſeinem ſchimmern nicht ſe-
hen leßt/ alſo blendete vndt verwirrete mir die vnverhoffte doch ge-
wuͤndtſchte gegenwart der berhuͤmbten hirten/ vndt meiner vor
dieſem liebſten mitgeſellen/ Nuͤßlers/ Buchners vndt Venators/
hertze vndt ſinnen. Seidt jhr es/ ſagte ich; oder muß auch ewer
ſchaten mein faſterliegendes gemuͤte auff zue richten an dieſen
ort kommen/ dahin ich nicht allein von allen menſchen/ ſondern
auch
[11] auch von allen geſchaͤfften entwiechen bin? Ja/ wir ſindt es/ hub
Venator an/ vndt ich fůr meine perſon/ habe endtlich zue wercke
gerichtet/ was ich dir laͤngſt gedrewet; auch vnſerem Buchner/ wie-
wol er kuͤmmerlich einen gefunden/ dem er ſeine herde indeßen ver-
trawen koͤnnen/ dennoch anlaß gegeben/ dich vndt deinen Nuͤßler/
der ſich dir zue gefallen auch mitt vns hieherwerts erhaben hatt
heim zue ſuchen.

Hieruͤber empfingen wir einander ſaͤmptlich. Vndt du Bru-
der/ fieng ich wieder Buchnern an/ biſt mir ein angenemer gaſt in
dieſen orten. Ich zweiffele nicht/ ſagte er; aber du mir ein fluͤchti-
ger wirth. Jetzt habe ich erfahren/ daß der jenige niergendt ſey/ der
allenthalben iſt. Es hatt ſeinen ort/ ſagte Nuͤßler/ daß du dem/ der
es ſo gnaͤdig mitt dir meinet/ folge zue leiſten/ von den gruͤnen wie-
ſen vndt fruchtbaren feldern vnſerer Hauptſtadt dahin gewiechen
biſt/ wo wir dich ehegeſtern geſucht/ vndt von dannen wir der trifft
nach hieherwerts gegangen ſindt. Welche notwendigkeit aber le-
get dir auff/ die zeit dermaßen abſonderlich zue verſchließen/ vndt
in ſolcher einſamkeit herumb zue wandern? Du weißeſt wol/ gab
ich zur antwort/ daß ein menſch der gedancken hatt/ niemals we-
niger allein iſt/ als wann er allein iſt. Vnd was ſindt es fuͤr gedan-
cken? ſprach Venator: ſolten ſie wol an jener tannen ſtehen? (dann
ſie hatten mir von ferren zuegeſehen.) Wie gern ich ſie auff was
anders leiten wollen/ traten ſie dennoch hinan/ vndt laſen. Zwey
wiederwertige dinge/ ſagte eben er Venator; lieben/ vndt reiſen.
Ich habe freylich gehoͤret/ daß du deinem Vaterlande auff etzliche
monat guete nacht geben/ vndt in dem koͤnigreiche darauß ich new-
lich abgereiſet bin/ die ziehr der ſtaͤdte/ die ſchule der leutſeligkeit/
die muter der gueten ſitten auff der inſel der Seyne begruͤßen wilt.
Es wirdt dich aber der ſtrenge dienſt/ in dem du dich befindeſt/
B ijnicht
[12] nicht weit kommen laßen. Der jenige gab ich zur antwort/ dem ich
getre wlich auff zue warten verbunden bin/ iſt ſo gar mitt mir zue
frieden/ daß er mir nicht allein dieſen ſpatzierweg zue erlauben/ ſon-
dern auch allen gnaͤdigen vorſchub zu thun auß gewoͤhnlicher leut-
ſeligkeit vndt liebe gegen mir verheißen hatt. Hieran iſt kein zweif-
fel/ ſagte er; wann ich aber dem bawme gegenuͤber glauben ſoll/ ſo
ſteckeſt du in einer ſolchen dienſtbarkeit/ welche dir dem beduͤncken
nach ſo angenem iſt/ daß du jhr deine freyheit/ wie hoch du ſie/
vndt billich von jugendt an gehalten haſt/ willig auffopfferſt. Ich
lachte/ vndt Die warheit zue bekennen/ gab ich zur antwort/ du
koͤmpſt faſt auff die meinung meines nechſten liedes. Ey laß es vns
doch auch hoͤren/ ſprach er; gefelt vns der innhalt nicht/ ſo ergetzen
vns doch die worte. Vieleicht auch dieſe ſchwerlich/ ſagte ich; dann
ſie nicht wenig von der einfalt an ſich haben/ welche ſie loben. So
iſt es auch jetzundt nicht zeit zue ſingen/ weil vns Gott vndt das ge-
neigte Glůck erſt zueſammen fůgen. Doch dein weiteres guetach-
ten herauß zue locken/ ſoll mich die muͤhe nicht rewen. Sang ich
derowegen/ ſo guet ich es gelernet/ folgender maßen:

Der liebe dienſtbar ſein/ hub Venator an/ heißet die liebe zum
herren haben: dann welcher dienet/ muß einen herren haben dem
er dienet. Iſt jhm nicht alſo? Ja ſagte ich. Ein herr redte er weiter/
iſt der jenige/ der das was er wil/ oder nicht wil/ zue thun oder zue
laßen macht hatt. Wirdt dich nun die liebe zue halten begehren/
die mehr einem tyrannen als einem herren aͤhnlich ſiehet/ weil ſie
nicht allein den leib/ ſondern auch das freye theil des menſchen das
gemuͤte zum ſclaven macht/ ſo ſchawe du/ wie es vmb deinen vor-
ſatz ſtehen wirdt. Gehe aber in dich/ vndt bedencke/ ob du mehr vr-
ſache haſt/ dieſem vnbarmhertzigen herren zue dienen; oder mehr
vermoͤgen/ jhn ſelbſt dienſtbar zue machen. Wann die liebe der-
gleichen beſchaffenheit an ſich hette/ wie wir vns einbilden/ vndt
nicht vnter jhrem ſcheinbaren glantze ein greifflicher betrug ſteckte/
B iijſo koͤn-
[14] ſo koͤndten wir ſie fuͤr einen regenten paßiren laßen; angeſehen/
daß ſie uͤber alle furcht vndt notwendigkeit ſitzen/ vndt jhre frey-
heit vnbeleidigt wißen wil. Sie verwundert ſich uͤber kein reich-
thumb/ ſie fuͤrchtet keinen koͤnig/ ſchewet kein gerichte/ vndt pfle-
get keinen todt zue fliehen. Sie leßt ſich durch kein fewer/ kein waß-
ſer/ keinen degen/ kein thier noch menſchen/ keine hoffnung des
gluͤckes/ noch verluſt der wolfarth von jhrem vorſatze bringen.
Was andere meiden das verachtet ſie; vndt was andern ſchwer
fuͤrkompt/ das macht ſie jhr leichte. Sie ſchwimmet durch die teuf-
fe der fluͤße/ ſe gelt im vngewitter/ vndt klettert uͤber alle berge. Sie
hatt alles in jhrer gewalt/ vndt macht jhr alle gewalt vnterwuͤrf-
fig. Ein herrliches weſen/ wann diß alles auß einem muthe der tu-
gendt/ vndt nicht auß verwegenheit/ offtmals auch auß verzweiffe-
lung/ herrhuͤrete; wann jhre endturſache mitt den vmbſtaͤnden uͤ-
berein ſtimmete/ ja wann ſie nicht eben die jenige were/ daruͤber ſo
viel hirtengetichte ſchreyen/ welche auff allen ſchawplaͤtzen gezei-
get/ vndt in allen fabeln verklaget wirdt; voll wuͤtens/ voll vnge-
dult/ voll weinens vndt jammers iſt. Worzue wirdt ſie dann dar-
zue verurſacht? Durch die ſchoͤnheit; wirft du ſagen. Wo[l] es iſt
natuͤrlich/ daß ein menſch ſich an natuͤrlichen ſachen erluſtige Ich
zweiffele aber ſehr/ ob es mitt einer ſolchen ſchoͤnheit/ die von
denen welche mitt der rechten Schoͤnheit vnbekandt ſindt
dermaßen geprieſen wirdt/ nicht eben bewandt ſey wie mitt
den Egyptiſchen tempeln vorzeiten; die zwar an ſich ſelber koſt-
bar vndt praͤchtig erbawt geweſen: hetteſt du aber einen gott da-
rinnen geſucht/ ſo wuͤrdeſt du an ſiat ſeiner etwan einen bock/ einen
affen/ oder eine katze gefunden haben. Wilt du ſehen was ſchoͤn-
heit iſt/ ſo mußt du die augen der vernunfft zue rhate nemen/ vndt
jhr die vnbaͤndige begiehr der liebe/ wie das pferdt dem zaume/ den
bogen dem ſchuͤtzen/ das ſchiff dem ſtewerruder/ das werckzeug end-
[15] lich dem meiſter vnterwuͤrffig machen. Dann wie die vernunfft
ohn die liebe vnvollkommen iſt alſo iſt die liebe faſt vnbeſonnen/
wann ſie der vernunfft nicht gehorchet. Dieſer gehorſa[me] man
iſt nichts anders als der vernunfft vndt liebe vermaͤhlung/ die kue-
gleich vndt mitteinander hitzig vnd in einem rennen auff die ſchoͤn-
heit zue eilen. Welcher nun dieſelbte in dem leibe/ in den vmb-
ſchweiffenden augen/ gebleichten haaren/ gemahlten wangen/
vndt was dem anhengig iſt/ ſuchen wil/ der findet eußerlich eine
ſchnoͤde vergengligkeit/ ein zerbrechliches guet/ einen ſtuͤndtlichen
raub/ einen piltz der zuegleich leuchtet vndt vergehet; inwendig a-
ber offtmals wanckelmuth/ betrug/ vndt wie etwan vnſere Poͤeten
am beſten hiervon zue reden wißen. Von denen ich gleichwol ei-
nen/ doßen name aber nicht verhanden iſt/ kaum loben kan/ der ein
wenig zue ſehr vber die ſchnur haͤwet/ vnd gar ſagen darff:

Andere ſprechen:

welche worte ich ſie dann verfechten laße. Wiewol auch eine ſtol-
tze abgefuͤhrte Dame/ (dann alſo nennen ſievnſere auffwarter)
die niergendt ſchoͤner iſt als in jhrem eigenen ſpiegel/ offtmals mit
gleicher muͤntze bezahlt wirdt/ als in welcher kundtſchafft ſich ein-
heimbiſche vndt frembde zue ſpielen pflegen/ nicht liebe zue ſuchen/
welche bey einem vnbeſtendigen weibe nur uͤbel angeleget iſt/ ſon-
dern ſich mitt jhrem anmutigen geſpreche vndt buhleriſchen ſitten
zue erlůſtigen. Dieſe aber wie klug ſie auch iſt/ mercket doch nicht/
daß jhr
[16] daß jhr ſolche hoͤffligkeit mehr der ergetzung/ als liebe wegen er-
zeigt werde. Darumb wie ſie durch jhr taͤgliches auffnemen vndt
taͤgliches verſtoßen andere ſchertzet/ alſo wirdt ſie von andern wie-
der geſchertzt. Ein mal iſt es gewiß/ daß eine ſolche liebe gemeinig-
lich eine arbeit des muͤßigganges/ eine hoffnung der vnbedachtſam-
keit/ vndt darumb eine beherrſcherinn eines knechtiſchen hertzens
iſt/ weil dieſe fluͤchtige ſchoͤnheit mehrmals mitt ſo vielem auffwar-
ten/ flehen/ weinen vndt fußfallen/ dergleichen zue thun ein edeles
gemuͤte in reiffes bedencken nimpt/ wil bedienet werden. Soll a-
ber je die liebe recht antreffen/ ſo muß ſie die vernunfft zum gefehr-
ten haben/ muß den eußerlichen ſinnen/ ſonderlich aber den augen/
welche als zwey vnachtſame thuͤrhuͤter zum offtern allerhandt fal-
ſche meinungen zue dem gemuͤte einlaßen/ den muth brechen/ vndt
durch vrtheil vndt verſtandt von der außwendigen ſchoͤnheit zue
der inwendigen/ welche durch dieſe angenemer gemacht wirdt/
dringen koͤnnen. Wie die blumen ſo an ſich ſelber ſchoͤne ſindt/
dennoch anmutiger zue ſein ſcheinen/ wann ſie vnter einem klaren
waßer herfuͤr leuchten: alſo iſt die bluͤte des gemuͤtes/ wann ſie mitt
einem ſchoͤnen leibe vmbhuͤllet iſt. So ſoll nun die ſchoͤnheit des
leibes nichts anders ſein als ein fůrfechter der bluͤte der tugendt/
vndt als ein heroldt einer groͤßeren ſchoͤnheit weder ſie nicht iſt: als
wie der glantz/ welcher ſich dieſen morgen von hieſigem gefilde
blicken ließ/ ein vorbote der guͤldenen Sonnen war. Wie ferner
Pythagoras die Sonne fuͤr einen gott/ Anaxagoras fuͤr einen
ſtein anſahe; alſo wirdt die ſchoͤnheit anders von den begierden/
anders von der vernunfft angeſehen/ welche auch von dieſer jnner-
lichen ſchoͤnheit allgemach zue der jenigen ſteigen lernet/ die dem
was allenthalben iſt ſeine ſchoͤnheit verliehen hatt. Alß dann wie-
derfehret vns wie etwan menſchen/ welche jhre gantze lebenszeit in
einer
[17] einer finſteren hoͤlen zuegebracht/ vndt an ſtat des liechtes nur ei-
nen ſchatten der coͤrper vndt dinge die bey vns auff erden ſindt er-
kieſet/ dieſelbten auch fuͤr die rechten vndt warhafftigen gehalten
haben. Dann wie es vermuthlich iſt/ wann ſie auß dem tunckelen
an das klare lietht kommen ſolten/ daß ſie nicht allein alles was ſie
zuevor geſehen/ ſondern auch ſich ſelbſt als betrogene leute verach-
ten wuͤrden: alſo auch vnſere gemůter/ wann ſie der vergenglichen
ſchoͤnheit entronnen/ vndt durch die ſchoͤnheit der tugendt einen
weg zue der goͤttlichen gefunden haben/ ſo fangen ſie jhren eitelen
wahn vndt vorige thorheit von hertzen an zue verdammen. Wie
nun ein menſch in einem bilde die kunſt/ vndt nicht das bildt/ in ei-
ner pflantze die frucht/ vndt nicht die pflantze/ liebet: alſo mußen
wir in einem ſchoͤnen frawenzimmer nicht die geſtalt/ ſondern/ wo
ſie verhanden iſt/ die ſchoͤnheit des gemuͤtes/ vndt in dem gemuͤte
die ſchoͤnheit deßen von dem ſie hergerhuͤret/ erheben vndt hoch-
halten. Vndt hergegen/ wie wir den vrſprung aller ſchoͤnheit uͤber
alles zue ehren ſchuldig ſindt/ alſo ſollen wir ſeinenthalben auch die
ſchoͤnheit des gemuͤtes/ vndt dieſer wegen die ſchoͤnheit des leibes
lieben; weil ſie ſich nicht weniger zueweilen darinnen blicken leßt/
als die edelſten fluͤße/ die wann ſie ſich in das meer außgießen/
den vorigen ſuͤßen geſchmack vndt lautere farbe in dem geſaltzenen
waßer dennoch nicht baldt verlieren. Das uͤbrige/ was von eite-
len gedancken geſucht wirdt/ iſt nicht eine liebe/ ſondern eine begier:
dann die liebe ſiehet auff die ſchoͤnheit/ die begier auff die wolluſt/
welche wann ſie herr/ vndt die vernunfft knecht iſt/ ſo mußt du jhr
folgen/ ſie befehle was ſie wolle. Kanſt du aber der wolluſt ie nicht
entberen/ ſo wiße daß keine groͤßere als ein befiendiges gemuͤte iſt/
das mitt einem gueten gewißen begleitet wirdt. Daßelbige leßt
ſich keine liebe/ keine falſche luſt/ keine betruͤbende froͤligkeit/ keine
Cfurchte
[18] furchte noch hoffnung vonſeinem ehrlichen vorſatze dringen. Was
wilt du doch der jenigen dienen/ welther du zue gebieten haſt? welche
du mitt dem zaume der vernunfft anhalten/ mitt der ſchaͤrffe einer
freyen entſchließung als eine leibeigene magdt von dir verſtoßen
kanſt? Die frucht der ſchoͤnheit/ die im gemuͤte beſtehet/ die nicht
zuegleich mitt den zaͤhnen wurmſtichig/ mitt den haaren greiß/ mitt
der ſtirnen geruntzelt/ mitt den wangen bleich/ mitt den augen
trieffendt vndt tunckel wirdt/ die mitt der zeit gewalt nichts zue
thun hatt/ dieſelbte wirdt dich uͤber landt vnd ſee/ durch waßer vndt
waffen/ in gluͤck vndt wiederwertigkeit begleiten. Iſt dir aber vn-
moͤglich der jenigen liebe zue hinterlaßen/ die vieleicht in deinen
augen ſchoͤner iſt/ als in anderer leute/ vndt die wir drey auch nur
nicht zue kennen begehren; ſo kanſt du bey glauben ſicherer hier
bleiben; dann eine ſolche luſt wird nur uͤbel ſein fort zue bringen.

Eine ſtattliche rede/ mein Bruder/ ſagte ich/ vndt die leicht-
lich zue erkennen giebt/ in was fůr einer ſchulen/ bey was du fuͤr ei-
nem manne (der allein exempels genung iſt/ daß ein weißer
mann dem gluͤcke die wage halten/ vndt dem vngeſtirne der zeiten
gebieten kan) an den trechtigen feldern des Reines/ wo die Elle
vndt Breuſche von jhm verſchluckt werden/ vorwiechener zeit ge-
lebet haſt deiner eigenen geſchickligkeit/ welcher Apollo vndt der
himmel nichts verſaget/ zue geſchweigen es leßt ſich aber derglei-
chen viel behertzter reden/ als in das werck richten. Doch verhoffe
ich eine ſolche maͤßigkeit in der liebe zue treffen/ daß ſie mich an
meinem fuͤrhaben dennoch nicht verhindern ſoll. Wer ſeinem la-
ſter/ gab Venator zur antwort/ eine maße ſucht/ iſt eben als wolle
er glauben/ einer der ſich von jenem gaͤhen felſen ſtůrtzete/ koͤnne
ſich wann es jhm geliebte im herab fallen beſinnen vndt wieder-
halten. Dann wie diß zue thun vnmoͤglich; alſo kan ein verwirrtes
vndt
[19] vndt erhitztes gemuͤte ſich weder hinterziehen/ noch an dem orte
wo es wil verbleiben. Es weiß auch derjenige/ welcher allbereit lie-
bet/ ſo wenig mitt was maße er heben ſoll; als wenig einer/ dem
man die augen außgeßochen hatt/ weiß wo er hin ſoll gehen.

Ich muß jhn gleichwol nicht gar huͤlffloß laßen/ fieng Nuͤß-
ler an/ vndt bilde mir gaͤntzlich ein/ daß er jhm auff der Poeten art/
welche/ der Natur nichts nach zue geben/ offtmals ſachen erden-
cken/ die nie geweſen ſindt/ noch ſein werden/ eine liebe mache/ die
er nie in denn ſinn gebracht/ vndt zum theile anderer leute buhl-
ſchafften/ eitelkeiten vndt můßige vnrhue durch ſeine ertichtete fuͤr-
bilden/ zum theile die einſamkeit/ darinnener ſich dieſer zeit befin-
det/ lieber mitt dieſem/ als mitt nichts thun erleichtern wolle.
Steckt aber auch etwas von dem anmutigen uͤbel bey jhm/ das
vnſeren ſtandes leuten nicht vngemein iſt/ ſo ſchaͤtze ich jhn freilich
weniger gluͤckſelig als die jenige/ welcher er mitt ſeiner Poeterey
ein vnſterbliches lob vndt geruͤchte vervrſachen wirdt; wiewol das
Frawenzimmer dergleichen offtmals entweder nicht verſiehet/ o-
der vnſere getichte lieber als vns hatt. Ich hoffe aber gaͤntzlich/
das reiſen/ darzue mir bißher niemals der wille/ ſondern das gluͤck
vndt die vmbſtaͤnde meiner gantzen wolfahrt gemangelt haben/
werde jhm in kůrtzen was anders an die handt geben.

Vndt ob ich wol/ liebſter mittgeſelle/ ſagte er zue mir/ deine
abweſenheit kaum mitt gedultigem hertzen werde ertragen koͤn-
nen/ ſo finde ich doch nicht/ wann ich meine ergetzligkeit deinem
fromen nachſetzen wil/ was ich dir aller beſchaffenheit nach beß-
ſers rhaten/ oder auch wuͤndtſchen ſolle. Wie ein waßer das nie-
mals gereget wirdt/ endtlich anfengt zue faulen vndt ſtincken: alſo
werden auch vnſere gemuͤter durch vbermaͤßige rhue traͤge vndt
verdroßen gemacht; welche weil ſie etwas himmliſches ſindt/ ſo
C ijſollen
[20] ſollen ſie auch billich dem himmel/ der ohn vnterlaß in bewegung
iſt/ nachfolgen. Vndt wann du dieſen großen menſchen die welt
anſieheſt/ was leßt darinnen vngereiſet? Die Sonne vmbwan-
dert den erdenkreiß alle tage: der Monde/ vndt der gantze poͤfel des
geſtirnes/ haben jhre wanderſchafft/ troͤſten durch jhr liebliches an-
blicken die vmbſchweiffenden/ vndt zeigen den jrrenden haͤuſern
den ſchiffen wo ſie hin ſollen. Haſt du nie geſehen/ wie die ſee von
jhrem vfer zue rechter zeit hinweg geflohen/ vndt auff gewiße ſtun-
de allzeit iſt zueruͤck gekehret? Die vierfuͤßigen thiere lauffen von
einer wildtniß in die andere; die fiſche ſteigen auß der ſee in die
flůße; die voͤgel/ welche jetzundt hauffen weiſe in jhr winterquartir
geflogen ſindt/ werden mitt dem anbrechenden fruͤlinge wieder hie-
her vndt zue felde kommen. Ja die gantze Natur giebt vns anlaß
zum reiſen/ vndt wil vns gleichſam zeigen/ daß wir auff ein vater-
landt gedencken ſollen/ welches nicht krieget noch bekrieget wirdt/
vndt die ſtete herbrige aller fromen wandersleute iſt. Zwar wir pfle
gen von Natur das jenige landt zue lieben/ deßen athem wir erſt-
lich geſchoͤpfft/ das wir zum erſten getreten/ dem wir vnſere kindt-
heit vndt aufferziehung zue dancken haben/ vndt darinnen vns
lufft/ waßer/ flůße/ aͤcker vndt alle gelegenheit am beſten bekandt
ſindt wir reiſen aber darumb/ daß wir jhm nach vnſerer zueruͤck-
kunfft/ vndt erlernung frembder voͤlcker ſprachen vndt ſitten/ deſto
rhuͤmlicher ſein moͤgen/ vndt mitt dem was wir auff gemerckt zue
ſtaten kommen. Dann mitt dieſem bedinge/ mein Bruder/ wirſt
du hinweg gelaßen/ daß du/ wann der außgang dem vorſatze uͤber-
ein ſtimmet/ vns deiner uͤber die zeit nicht entberen laßeſt. Ander-
werts den fuß ein zue ſetzen/ verurſacht ein ſtetes verlangen nach
den ſeinigen/ vndt gemeiniglich einen neidt bey denen/ wohin wir
vnſeren zueſtandt gepflantzt haben. Wiewol auch nicht ohn vrſach:
dann
[21] Dann durch befoͤderung frembder bleiben die einheimiſchen da-
hinden ſtehen; vndt wann ſolches nicht maͤßig geſchiehet/ muß
endtlich mißvertrawen/ vnrhue/ auch wol gar verenderung des
allgemeinen weſens darauß erwachſen: welches die alten Roͤmer
wol wußten/ vndt heutiges tages die klugen fiſcher in der Adria-
tiſchen ſee zimlich in acht nemen. Zur Peſtzeit/ wann die todten-
graͤber in ein hauß gehen/ ſo kan man leicht gedencken/ daß je-
mandt darinnen geſtorben ſey: alſo zeiget die einnemung der auß-
laͤnder (welches aber allein von der uͤberhaͤufften menge zue ver-
ſtehen iſt) daß nur der gemeine nutz in letzten zuͤgen liegt.

Von dir wil ich mir nicht einbilden/ daß du dich eines vndt
anderes truͤbes woͤlcklein vnſers Vaterlandes vertreiben laßeſt;
dann du ja auß der aſchen in das fewer/ vndt an die jenigen orte
gedenckeſt/ wohin das freßende wuͤten der waffen/ vndt die rache
der geſuchten beleidigung/ ſich auß hieſigen winckeln erſt recht zue
wenden/ vndt alles auff eine merckliche verenderung angeſehen
zue ſein ſcheinet. Ich mache mir viel mehr rechnung/ daß die lie-
be der deinigen/ vndt die rhue welche dir bißher ſo gnaͤdig iſt ver-
liehen worden/ deinen fuß offtermals zueruͤcke ziehen/ vndt dei-
ner entſchließung dieſes vndt jenes in den weg wollen werffen.
Wie nun freylich ein freundt ein lebendiger ſchatz iſt/ der lange ge-
ſucht/ kaum gefunden/ vndt ſchwerlich verwahret wirdt: ſo iſt
doch die vngefaͤrbte liebe an keinen ort gebunden/ vndt jhre ab-
weſenheit wirdt zum theil durch das gedaͤchtniß voriger geſell-
ſchafft/ zum theil durch ſchreiben/ welches die rechten fußſtapffen
vndt kennezeichen trewer gemuͤter ſindt/ nicht wenig ertraͤglicher
gemacht. So weiß ich auch nicht/ wie gar zue ſiete gemeinſchafft
vns gemeiniglich zart/ vndt auch deßen uͤberdruͤßig macht/ was
C iijim
[22] im leben das beſte iſt. Zue geſchweigen/ was du auch an jenem
orte entweder allbereit fuͤr groſſe berhuͤmbte leute zu freunden haſt/
oder doch bekommen wirſt: welche nur zue ſehen ich fuͤr ein theil
meiner gluͤckſeligkeit ſchaͤtzen wolte. Iſt ferner etwas dergleichen/
weßen dich Venator beſchuldiget/ vndt liebeſt der ſchoͤnheit we-
gen/ ſo wirdt auch ſolches verlangen eher verſchwinden als du jetzt
vermeinen magſt. Eines fuchsſchwaͤntzers freundtſchafft beſteht
nicht lange/ weil die heucheley vndt anmaßung der falſchen war-
heit durch die zeit verzehret wirdt: wer nun der ſchoͤnheit oder ziehr
wegen liebet/ der giebet nur einen ſchmarotzer bey dem welchen er
liebet/ vndt ſindt alſo ſeine guete worte auff kein ewiges angeſe-
hen. So mußt du auch wißen/ ob du wieder geliebet wirſt/ oder
nicht: dann ich wil nicht hoffen/ daß du auß der jenigen zahl ſey-
eſt/ welche ſich ſelbſt einer gegenliebe bereden wo ſie nirgendt iſt/
vndt wie jener ſindt/ der jhm in ſeiner froͤlichen bloͤdigkeit einbil-
dete/ alle ſchiffe die auß Indien ſegelten weren ſeine; gieng an den
port/ frewete ſich uͤber jhrer gueten ankunfft/ hieß außladen/ vnd
was der narrheit mehr war: auch uͤber diß mit ſeinem bruder zůrn-
te/ daß er jhm durch die aͤrtzte von ſolcher reichen thorheit abhelf-
fen laſſen/ vndt jhn ſeiner beſten luſt beraubet hette.

So biſt du in aller zeiten hiſtorien vndt exempeln dermaßen
durchtrieben/ daß du wol weißeſt/ wie das frawenzimmer nicht
allein offtmals die wangen/ ſondern auch die worte zue faͤrben
pfleget/ vndt daß kein waßer geſchwinder eintrucknet als weiber-
threnen. Wie ich dir ferner mitt trawrigen augen nachſchawe/ ſo
bin ich der hoffnung/ der wahren welche du zue holen außzeuchſt/
die kein Zoͤllner anhalten/ kein ſeerauber verſencken/ kein fewer
verzehren kan/ ehiſt durch dich zue genießen. Du biſt in dem alter/
da die beſten reiſegeſellen wahl vndt vrtheil mitt dir ziehen/ vndt
wirſt
[23] wirſt nicht nach art etlicher jungen leute/ an ſiat der tugendt eine
nichtige wißenſchafft/ einen leichten ſchatten der hoͤffligkeit vndt
gueter uͤbungen ertappen; weßen die außlaͤnder/ welchen man jh-
re leichtfertigkeit/ laſter vndt gauckeley thewer genung bezahlen
muß/ in die fauſt hinein lachen. Von welcher jungen purß new-
lich einer ſagte; ſie kaͤmen jhm fuͤr/ wie wann man etwan eine
wandt anſiehet/ vndt auß tunckelen ſtriechen vndt zuͤgen vermei-
net/ als ob koͤpffe von thieren/ waßer vndt waͤlder daran ſtuͤnden/
da doch nichts dergleichen verhanden were: dann alle gebrechen
mußten in jhren augen eine tugendt ſein/ alſo daß ſie eine hofferti-
gen Spanier anders nicht als ehrbahr/ einen vnverſchaͤmten
Welſchen freundtlich/ einen leichtſinnigen Frantzoſen behertzt/
einen ſpringeriſchen Engellaͤnder hurtig/ vndt einen verſoffenen
Deutſchen luſtig vnd vertraͤwlich zue nennen pflegeten. Du haſt
die ſitten der hoͤfe/ da ſo viel much vndt ſchmincke verkaufft wirdt/
zimlich erfahren; vndt wirſt wißen/ daß wie daſelbſt/ alſo auch
auff reiſen eine ſparſame Zunge/ vndt ein verſchloßenes hertz hoch
von noͤthen ſindt. Letzlich wann dich der fahrmann des leibes das
gemuͤte/ durch ſo viel feſtungen/ ſtaͤdte vndt Laͤnder fuͤhren wirdt/
wann du augen vndt ſinnen zum genuͤgen fuͤllen/ vndt die muͤdig-
keit des weges mitt ergetzung/ dieſe mitt jener vermengen wirſt/
ſo ſchawe zue/ daß du die ſegel deines lebens nach dem leitſterne
der vnvergaͤngligkeit allzeit wendeſt/ vndt die weltlichen dinge al-
ſo anſeheſt/ daß du betrachteſt/ es beherrſche ſie keiner nicht beßer/
als der jenige welcher ſie verachten kan.

Aber/ ſagte Nuͤßler/ was halten wir vnſere gaͤſte mitt ande-
ren reden auff/ weil jhnen vieleicht lieber wore/ in dieſen plaͤtzen
vndt gefilden ſich vmb zue ſchawen? Sie ließen es jhnen belieben/
ſatzten ſich zuvor etwas vnter den ſchatten der hohen baͤwme/ vndt
erzehl-
[24] erzehlten von dieſem vndt jenem/ was es theils in eines jeglichen
ſeinem vaterlande/ theils mitt jhrem eigenen zueſtande fuͤr beſchaf-
fenheit hette. Als ſie nachmals vermeinten weiter zue gehen/ vndt
die gelegenheit ſelbiger orte zue beſichtigen/ kamen ſie ohn gefehr
an eine ſchoͤne bach/ die mitt jhrem ſilberglaͤntzenden waßer die au-
gen/ vndt mitt dem lieblichen geraͤuſche ohren vnd ſinnen ergetzete.
Ein edeles fluͤßlein/ fieng Venator an/ vndt weil die berge dermaſ-
ſen nahe ſindt/ ſo muß es nicht weit hiervon entſpringen. Laßt
vns/ ſagte Buchner/ ein wenig daran hinauff ſpatzieren. Wir wa-
ren faſt an den wurtzeln des ſchneegebirges/ als wir einer Nimfe/
die an einer friſchen grotte oder hoͤle auff den lincken arm gelehnet
lag/ gewahr worden/ welche mitt einem ſubtilen durch ſcheinen-
den ſchleyer bekleidet war/ die haare/ ſo mitt einem gruͤnen krantze
geziehret/ auff eine frembde art auffgebunden hatte/ vnd vnter der
rechten handt ein geſchirr von dem weißeſten marmor hielte/ dar-
auß das quell des baͤchleins geronnen kam. Wiewol wir nun uͤber
dem ploͤtzlichen anſchawen nicht allein erſchracken/ ſondern auch
im zweiffel ſtunden/ ob wir ſtehen ſolten oder lauffen/ fieng doch
die ſchoͤneſte creatur/ oder viel mehr goͤttinn/ mitt anmutiger ſtim-
me alſo an zue ſingen:

Wir ſtunden verwundert vnd beſtuͤrtzt/ weren auch auß ſchre-
cken zueruͤck gelauffen/ wann ſie mich nicht mit hoͤfflicher demut
bey der handt genommen/ vndt die andern zue folgen vermahnet
hette. Als wir in die hoͤle hinein kamen/ ſahen wir nichts fuͤr vns
als ein lauteres waßer/ das ſich gegen jhr wie ein berg aufflehne-
te/ vnd wir alſo trucken hindurch giengen. Von dannen befunden
wir vns in einer faſt kůhlen grotte/ auß welcher nicht allein dieſes
waßer ſaͤmptlich gefloßen kam/ ſondern auch andere ſtroͤme durch
verborgene gaͤnge vndt adern der felſen hinauß drungen. Diß iſt/
ſagte ſie/ die ſpringkammer der flůße/ darvon ſo viel felder be-
feuchtet/ ſo viel flecken vndt ſtaͤdte verſorget werden. Dieſe kleine-
re bach (darauff ſie dann mit jhren ſchneeweißen fingern zeigete)
iſt auch ein theil des Zackens an dem jhr hieher gegangen ſeidt/
vndt wirdt nicht ferren von dem gebirge mitt dem andern vermen-
get. Hier zur ſeiten ſehet jhr den vrſprung desfiſchreichē klaren Bo-
bers/ der jhm in einem ſchattichten walde ſein thor geſucht hatt/ da-
rauß er ſich durch berg vndt thal zwinget vndt windet/ vndt/ nach
dem er bey Hirſchberg den Zacken in ſich geſchluckt/ auch etzliche
ſtaͤdte/ darunter/ ſagte ſie zue mir/ dein nicht allein dir ſondern
auch vns Nimfen liebes/ aber erſchoͤpfftes Vaterlandt iſt/ be-
gruͤßet hatt/ endtlich an dem ende des landes Schleſien ſeinen
ſtrom vndt namen der Oder/ dem haupte vndt regentinn der
Schleſiſchen flůße/ zuegleich einantwortet. Wie dann die goldt-
Dfůhrende
[26] fůhrende wilde Katzbach/ derer brunnen nechſt darbey herauß
quillet/ nicht weit von Parchwitz dergleichen thut. Stracks ober-
halb dieſer krieget der durchbrechende Queiß/ da zur ſeiten die
hochfallende Aupe/ vndt/ wo jhr den glatten kieß ſehet/ die Iſer
jhren vrſprung; welcher wir zwar wenig waßer/ dennoch aber ſo
viel andere reiche gaben verliehen/ daß ſie den mangel des gewaͤſ-
ſers darmit wol erſetzen kan. Ich hette aus beg[i]ehr faſt angefan-
gen zue fragen: ſie aber/ die es mir am geſichte anſahe; dieſer
große ſtrom/ ſprach ſie/ der gerichts fuͤr euch mitt ſolchem ſtru-
deln vndt prauſen herauff ſteiget/ iſt die Elbe/ ſo von jhrer ge-
burtsſtat den hohen Alben die wir uͤber vns haben den namen be-
kommen hatt.

Wie wir vns nun uͤber den ſeltzamen dingen der Natur ver-
wunderten/ vndt den vnerſchoͤpfften lauff der gewaͤßer beſtuͤrtzt in
augenſchein genommen/ auch von wegen des großen gethoͤnes
vndt rauſchens der auffſpringenden fluten faſt das gehoͤr verloh-
ren hatten/ gieng ſie durch ein weißes thor/ welches vns von mar-
morſtein zue ſein beduͤnckte/ fůr vns her/ vndt; Beſchawet nun/
ſagte ſie/ das ort/ welches fuͤr mannes augen zwar ſonſt verſchloſ-
ſen iſt. In dieſem Erdengemache pflege ich ſampt meinen ſchwe-
ſtern der Thalien/ Arethuſen/ Cydippen/ Opis vndt den andern
die zeit zue vertreiben. Dieſe anmutige hoͤle war nach art der al-
ten tempel zirckelrundt/ vndt in zimlicher hoͤhe. Ringes vmbher
ſtunden gefrorene criſtallen ſaͤulen/ welche von der gruͤnen bewach-
ſenen erden biß an die decke reichten/ vndt mitt jhrem durchſichti-
gen glantze das gantze zimmer erleuchteten. Mitten innen ſaßen
die Nimfen/ alle bluͤende vndt jung von antlitz/ auff gruͤnen tep-
pichen in einem kreiße vmbher/ ſponnen/ ſtickten vndt neheten an
der ſubtileſten leinwadt/ hatten allerhandt liebliche geſpreche/ vndt
erwehnte
[27] erwehnete gleich damals eine/ wie die ſtoltze weberinn Arachne der
Minerven kampff angeboten; weil aber jhre arbeit der himmli-
ſchen nicht zuegeſagt/ ſich ſelbſt erhenckt habe/ vndt nachmals in
eine ſpinne verwandelt worden ſey: daß ſie nunmehr als ein bey-
ſpiel der vermeßenheit fuͤr den augen aller welt wircken vndt weben
muße. Wer ſeine hoffart an den vnſterblichen außlaßen wil/ fieng
eine braͤunlichte an/ ſo Lycorias ſein ſolte (vnſere begleiterian a-
ber hieße Hereinie) dem bekoͤmpt es ja allzeit uͤbel; vndt erzehlte
wie der naͤrriſche Midas mitt ſeiner blockpfeiffen den Apollo auß-
gefodert/ vndt endtlich nicht allein nicht den danck/ ſondern auch
gar eſelsohren davon bekommen habe: welches er zwar/ gemei-
nem gebrauche der menſchen nach/ verbergen wollen/ ſolches
auch ſeinem diener zue offenbahren verboten habe. Dieſer aber/
dem gaͤntzlich zue ſchweigen vnmoͤglich geweſen/ were zue einem
ſchilffichten orte gegangen/ hette ſeine heimligkeit den rhoren ver-
trawet/ die/ wann der windt daran geſchlagen/ nachmals alle
zue ſchreyen angefangen: Midas hatt eſelsohren. Sie
lachten/ vndt; Es moͤgen wol rhore ſein/ fieng eine andere an/
darmit gelehrte leute ſchreiben/ vndt die jenigen fuͤr der gantzen
welt zue ſchanden machen/ welche mitt jhrem vnbeſonnenen vr-
theile von hurtigen vndt gelehrten gemuͤtern wol zue erkennen ge-
ben/ daß ſie Midas gleichen ſindt.

Nicht weit von jhnen lagen etzliche lauten/ geigen vndt
andere muſicaliſche inſtrumente; auch koͤcher vndt pfeile/ die ſie/
wann ſie nebenſt den Waldtgoͤtinnen vndt Bergnimfen ſich mitt
dem geſaͤgdte ergetzen/ zue gebrauchen pflegen. An der wandt wa-
ren vnterſchiedene hiſtorien mitt kleinen muſcheln vndt kleinen
ſteinlein/ vndt zwar ſo kuͤnſtlich/ eingelegt/ daß wir hinzu giengen/
D ijvndt
[28] vndt es mehr fuͤr eines Apellens werck als fuͤr ſonſt etwas anſa-
hen. Vnter andern ſtundt die geſchichte/ wie der Jupiter/ welchen
ſein Vater Saturn freßen wollen/ dem aber die Muter Rhea ei-
nen ſtein in die windeln gewickelt/ vndt zue verſchlucken gegeben
habe/ von jhren der Nimfen ſchweſtern ſey erhalten/ vndt durch
einen adler bedienet worden. Baldt darneben/ wie andere auß jh-
nen den Bacchus bey Niſa in Aſien erzogen/ welche Jupiter
nachmals zur danckbarkeit hinauff genommen/ vndt zue den Hya-
den/ dem ſchoͤnen geſtirne/ das vns gemeiniglich regen ankuͤndi-
get/ gemacht habe. An einem andern orte/ wie die Nimfen Erato/
Pemfredo vndt Dino dem Perſeus flůgel vndt taſche (welche
jhm gleichwol von den mahlern der himmliſchen bilder abgeſtrickt
wirdt) geliehen/ durch derer hůlffe er der Meduſen das haupt ab-
geſchlagen/ vndt endtlich die Andromeden/ der ſtoltzen Caßiopeen
tochter/ von dem grawſamen meerwunder erloͤſet. Ferner wie die
Syrinx/ als ſie fůr dem Pan geflohen/ in die pfeiffe ſo Mercurius
nachmals gebraucht; wie andere Flußnimfen von dem erzuͤrnten
Achelous in die Echinadiſchen inſeln verwandelt worden; vndt
was allhier zue erzehlen nicht gelegenheit iſt.

Kompt weiter/ ſagte Hereinie/ vndt beſchawet die wohnung
Thetis der vnſterblichen muter der Nimfen/ wann ſie durch die
verborgenen gaͤnge des erdtreichs mitt jhren ſeeroßen hieher zue
fahren/ vndt vns zue beſuchen pfleget. Wir giengen in begleitung
aller anderen Najaden/ denen die gelben haare vmb den zarten
halß vndt bruͤſte/ vndt die duͤnnegewebten maͤntel vmb jhre bloße
leiber flogen/ durch eine aͤrtzinne pforte/ vndt kamen in einen koͤſt-
lichen ſaal von großer laͤnge vndt breite. Der boden war an ſich
ſelbſt criſtallinn/ vndt mitt allerhandt ſchlangen/ fiſchen vndt meer
wundern von anderer art berhůmbten ſteinen dermaßen eingefuͤ-
get
[29] get/ daß wir im erſten anſchawen faſt nicht trawen vndt aufftre-
ten wolten; deßen dann die Nimfen mitt einem ſuͤßen anblicke
ſaͤmptlich lachten. An der gewoͤlbeten decke/ die mitt blawen lazur-
ſteinen uͤber vnd ůber belegt war/ vnd durch welche auß zweyen run-
den criſtalliñen fenſtern der anmutige tag den gantzẽ platz von oben
her beleuchtete/ ſchiene nicht weniger von eben dieſer koͤſtlichen ar-
beit das gefluͤgel als in den wolcken herumb ſchweben/ vndt man-
gelte/ vnſers beduͤnckens/ nichts als die ſtimme. Auff beyden ſeiten
ſtunden in gleicher zahl vndt abtheilung ſeßel von agſteine/ deren
einer vmb den andern roth oder gelbe war. Hinten/ wie auch ge-
gen der foͤderthůr zue/ waren zwey verguͤldete altare/ auff deren ei-
nem dem großen Ocean/ auff dem andern der Thetis geopffert
wardt. Nicht weit von einem jeglichen ſprungen auß zweien wei-
ten ſilbernen becken oder ſchalen/ ſo ingleichen von ſilbernen Si-
renen gehalten worden/ ſehr anmutige quelle/ die eine blancke me-
talline kugel in die hoͤhe trieben/ vndt darmit ſpieleten; auch gleich
wieder herab fielen/ vndt von ſich ſelbſt verſchluckt vndt ſtets wie-
derumb auffgeſtoßen worden. In der mitten war eine lange tafel
von polirtem ſteine/ an welche Thetis mitt jhnen ſpeiſe vndt tranck
zue nemen pfleget.

Ihr hirten/ fieng Hereinie an/ wir wißen was der himmel
vndt die Muſen euch verliehen/ vndt mitt was fuͤr begiehr der wiſ-
ſenſchafft jhr behafftet ſeidt. So laßet euch nun/ indeßen das mei-
ne Schweſtern den Vnſterblichen jhren dienſt erzeigen/ vnd jhr
gebůrliches opffer fuͤrtragen/ von mir zeigen/ was die gemelde vnd
ſchrifften an den waͤnden allhier in ſich halten. Wißet/ ſagte ſie
ferner/ daß alles was jhr biß anher geſehen vndt noch ſehen wer-
det/ in heimiſche außbeute/ in dieſen gruͤnden geſeiffet/ in dieſen
waͤßern gewaſchen/ hier gefunden vndt gearbeitet ſey. Der weiße
D iijchalce-
[30] chalcedonier/ der ſchwartze criſtall/ der violbraune amethiſt/ der
blawe ſaffir/ der ſtriemichte jaſpis/ die tunckelrothen granaten/ der
fleiſchfarbene carniol/ der rothgelbe gifftfeindt der hyacinth/ der
gelbichte beryll/ der vielfaͤrbichte achat/ der gelbe topazier/ welchen
jhr in der handt jenes adlers (vndt zeigte einen adler an der de-
cken darauff Ganymedes ſaß) als einen plitz fuͤnckeln ſehet/ der
helle demant/ ſindt alle hier zue hauſe. Dieſe perlen/ dieſes ſilber/
diß goldt iſt in floͤtzen vndt quaͤrtzen/ flaͤmmicht vndt koͤrnicht in
hieſigen reichen gefilden vndt gegenden an zue treffen; des zinnes/
kupffers/ eiſens glaſes vndt allen deßen was die magdt des hoͤch-
ſten Gottes vndt die guͤtige muter der menſchen die Natur ſonſt
gebiehret/ zue geſchweigen. Hiermit fuhrte ſie vns erſtlich wiede-
rumb der pforten zue/ daruͤber folgende reime ſtunden:

Nechſt dieſen Verſen/ die in eine ſchwartze ſteinerne platten
gehawen waren/ folgeten auff der einen ſeiten viel hiſtorien vndt
bilder von erſchaffung der welt; von der guͤldenen/ ſilbernen/ irr-
denen vndt letzlich eiſernen zeit; von dem himmelſtuͤrmeriſchen Gi-
ganten; der uͤberſchwemmung des erdtbodens; alles in der ordnung
wie es Heſiodus/ Apollodorus/ Hyginus vndt andere/ ſonderlich
der ſinnreicheſte vnter allen Poeten in ſeinen verwandelungsbuͤch-
ern
[31] ern (darumb es allhier zue wiederholen vnnoͤtig iſt) verzeichnet
haben. Auff der andern ſeiten ſtundt erſtlich eine landttafel/ darin-
nen vnterſchiedene berge/ ſchloͤßer/ flůße vndt felder zue ſehen wa-
ren. Dieſes/ ſagte ſie/ iſt die gelegenheit hieſiger orte/ deren groͤße-
ſtes theil von langer zeit her die edelen Schaffgotſchen/ weßen ge-
ſchlechtes verlauff jhr in folgenden gemelden vndt ſchrifften biß
auff jetzigen werthen helden vernemen ſollet/ beherrſchen Ihr vhr-
altes gebluͤte/ jhre tugendt/ jhre loͤbliche thaten/ vndt ſonderlich die
ſtille rhue/ welcher wir vnter jhnen als gleichſam ſchutzgoͤttern biß-
anhero genoßen/ hatt verdienet/ jhnen bey vns allhier diß gedaͤcht-
niß auff zue richten. Damit ich aber euch/ als denen ſo zue nach-
ſuchung der alten zeiten ſonderlich luſt tragen/ etwas außfuͤhrung
thue/ ſo wißet daß wie hieſiges hohe riſengefilde/ hieſiger flintzberg
vndt ſchneegebirge anfaͤnglich von natůrlichen erburſprůnglichen
deutſchen/ den Mareomannen/ Marſingern vndt dergleichen be-
wohnt/ alſo auch von jhnen zueweilen der Hartz oder Hereini-
ſche waldt/ darvon ich heiße/ zueweilen das Sudeten oder Sud-
oͤden gebirge ſey genennt worden: biß die Sarmatiſchen Win-
den (nicht die Wandaliſchen Voͤlcker) jhre Viſtul oder Weixel
uͤberſchritten/ vndt ſich dieſer vndt anderer lande bemaͤchtigt ha-
ben. Daß aber dennoch allzeit etwas von Deutſchen uͤbrig ver-
blieben ſey/ koͤnnet jhr dannenher von euch ſelbſt ſchließen/ daß der
name Boͤmen/ welcher allbereit vor anderthalb tauſendt jharen
vndt viel zeiten vor der Winden einfall berhůmbt geweſen/ noch
heutiges tages nicht verloſchen iſt; wie dann auch ein theil dieſer
berge die Alpe oder Elbe vndt dergleichen/ bey jhren altern woͤr-
tern biß anjetzo verblieben ſindt. Hetten ewere Deutſchen mit ſol-
chem fleiße denckwůrdige große thaten auffſchreiben/ als verrich-
ten koͤnnen/ oder die blutigen kriege fuͤr etzlichen hundert jharen
mitt
[32] mitt den leuten nicht auch zuegleich das gedaͤchtniß derſelbten vndt
alle geſchickligkeit außgerottet/ ſo koͤndte der edelen Schoffe (dann
alſo worden ſie vormals genennet) werther name/ vndt die tapf-
ferkeit welche ſie zue beſchuͤtzung des vaterlandes angewendet/ euch
mehr vor augen geſtellet werden: bey vns haben wir jhren rhum
allein von der zeit auffgemercket/ ſeidt vnſere baͤche vnter jhrem
ſchirme ruhig gefloßen/ vndt ſie beſitzer der orte/ die zum theile
hier entworffen ſtehen/ geweſen ſindt.

Hieruͤber trat ſie fort/ vndt; Dieſer/ ſagte ſie/ welchen jhr in
gantzem kuͤriß ſtehen ſehet/ iſt der frey werthe heldt Gothardt/ o-
der/ wie damals den alten zue reden beliebet hatt/ Gotſche Schoff/
der ſeinen kindeskindern mitt dem groͤßeren lobe vndt auffnemen
auch ſeinen namen/ deßen ſie ſich ſaͤmptlich rhůmen/ uͤbergeben
hatt. Wir wißen nicht anders/ als daß ſein vater Vlrich Schoff
geheißen/ vndt faſt fuͤr dreyhundert jharen Burggraff zue Kinſ-
berg geweſen ſey. Edele Nimfe/ fieng ich an/ wann ein menſch ei-
ne goͤttin zue fragen macht hatt/ warumb daß ſeine rechte fauſt
gleichſam blutig abgebildet iſt? Vor Erfurt/ gab ſie zur antwort/
hielte er ſich bey gelegenheit eines außfalles ſo wol/ das jhn der
Feldherr/ keyſer Carl der vierdte/ alßbaldt fuͤr ſich fodern ließ/ jhm
ſeine wolverdiente gnade perſoͤnlich an zue tragen/ vndt die handt
zue bieten. Er aber/ der vom wuͤrgen der feinde erſt zuruͤck gekehret/
hatt die blutigen finger an ſeine blancke ruͤſtung gewiſcht/ vndt al-
ſo den Keyſer mitt dieſer werthen fauſt geehret; welcher jhn dann
zum ritter geſchlagen/ vndt das hochadliche wapen mit vier rothen
ſtriechen deßentwegen geziehret hatt/ daß ſeine nachkommenen
nicht allein wißen moͤchten/ wie jhr adel/ der vor alter von treffli-
chen thaten hergerhuͤret/ ingleichen von trefflichen thaten ver-
mehrt worden ſey: ſondern auch durch dieſes zeichen als einen leb-
hafftigen
[33] hafftigen zunder zue dergleichen ſolten angeregt/ vndt auffgemun-
tert werden. Wannenher aber iſt der gruͤne bawm in eben dieſem
wapen? fragte ich. Der ſieghaffte Bolco/ ſagte ſie/ Hertzog zur
Schweidnitz vndt Jawer/ deßen bruders tochter Carl der vierdte
zur ehe hatte/ liebte jetzt erwehnten Gothardt Schoff ſeinen waf-
fentraͤger des loͤblichen verhaltens vndt vieler hohen lugenden we-
gen dermaßen/ daß er jhm hieſigen rieſenberg/ die traͤchtige Iſer
ſampt angraͤntzenden boͤhaimbiſchen walde/ das birgguet Schmie-
deberg neben aller zuegehoͤr/ wie auch das feſte ſchloß oder berg-
hauß Kinaſt/ auß fuͤrſtlicher miltigkeit zue erbeigen uͤbergab vndt
verehrete; darumb dann der Kieferbawm oder Kinaſt zue dem vhr-
alten wapen iſt gezogen worden. Mitt Friedeberg aber/ das jhr in
der tafel gegen dem gebirge zue am Queiße liegen ſehet/ wie auch
mitt der ſtadt Greiffenberg/ welche der himmliſchen weberinn Mi-
nerven dermaßen lieb iſt/ vndt der feſtung oder dem berghauſe
Greiffenſtein/ ſo hertzog Boleſlaus der Heiligen Hedwigen Soh-
nes Sohn erbawet/ hatt jhn vorbemeldeter Keyſer beſchencket;
daß alſo die beſitzung hieſiger orte ein lauteres verdienſt der tu-
gendt iſt.

Allerſchoͤneſte Nimfe/ ſagte Nuͤßler/ wir mußen gleichwol
die reime darbey vngeleſen nicht laßen. Sie ſtellete es vns an-
heim/ vndt gab ſo viel zueverſtehen/ ſie weren darumb eingehaw-
en. Ritters Gotſchen uͤberſchifft war dieſe:

Vnter dem wapen neben ſeiner tafel:

Nachfolgende drey/ redte Hercinie ferner/ ſindt ritter Got-
hardts Soͤhne. Der erſte zur rechten handt eben des namens;
deßen drey Soͤhne/ Vlrich/ Gotſche vndt Hans/ welcher faſt
fuͤr anderthalb hundert jharen geſtorben/ gleich vnter jhm ſindt.
Der dritte/ ſo zur lincken/ Henrich oder Hentze Schoff auff Kem-
nitz/ deßen zwey Soͤhne/ Henrich vndt Peter/ auch vnter jhm
ſtehen. Der andere/ in der mitten/ iſt Hans Schoffgotſche auff
Kinaſt/ den wir in ſeinen nachkommenen noch anietzo bluͤhen vnd
wachſen ſehen. Die ſechſe/ wie jhr ſie ordentlich nacheinander
allhier geſetzt findet/ ſindt ſeine Soͤhne. Der aͤltere iſt Chriſtoff/
den ein anderer edelmann wenig adeſich vnverſehens erſchoſſen
hatt. Der andere Ernſt des namens/ welcher darumb ein zue-
ſammen gerolltes ſchreiben in der fauſt hatt/ weil er der Fuͤrſten-
thuͤmber Schweidnitz vndt Jawer Cantzler geweſen; wie dann
ſolche Cantzelley nebenſt dem ampte des Hoffrichters zur Schweid
nitz/ von etzlichen hundert jharen an den Herren Schaffgotſchen
eigenthuͤmblich hatt zuegehoͤrt. Der dritte iſt Jeronymus der
bloͤdtſinnige. Der vierdte Antonius. Er ſiehet ſchwartz auß;
ſagte einer von vns. Man hatt jhn auch/ gab Hercinie zur ant-
wort/ wie er ſich dann ſelbſt/ den Reppelgotſchen geheißen/ iſt
ein ſtatlicher mann/ vndt mitt einer gebornen Freyinn von
Schumburg vermaͤhlt geweſen. Der fuͤnffte Caſpar. Der letz-
te Vlrich/ ein ſtreitbarer mann/ der mitt ſeiner ſtrengen fauſt die
ritterſchafft auff der Buntzliſchen heiden gewonnen; wie auff ſei-
nem ſchwerdte/ das noch verhanden/ zu leſen iſt. Doch beſagt es
auch die uͤberſchrifft:

Wie nun Chriſtoff/ Jeronymus vndt Ernſt leibeserben nicht
gelaßen; alſo ſehet jhr vnter einem ieglichen der andern jhre Soͤh-
ne. Des Antons ſindt Fridrich/ Ernſt/ Vlrich/ Ritter Anton/
welcher mitt einer ketten vmb die armen abgebildet/ weil er von
den Saracenen gefangen/ an den pflug geſpannet vndt ſehr uͤbel
gehalten worden/ wie wol er endtlich in ſeinem Vaterlande ver-
ſchieden; Ritter Hans Kayſerljcher Rhat vnd Caͤmmerer/ vndt
Bernardt auff Rurlach; deren kindeskinder theils noch bey leben.
Vber dem Anton waren dieſe worte eingegraben:

Caſpar/ redete Hereinie weiter/ wie jhr ſehet/ hatt fuͤnff Soͤh-
ne hinterlaßen: Watzlawen/ der jhm durch reiſen vndt geſchicklig-
keit großes anſehen gemacht/ Hanſen/ Chriſtoffen/ Caſparn
(deßen einiger Sohn Adam/ Freyherr auff Trachenberg vndt
Praußnitz/ wiewol er zwey gem[a]hlinn/ deren die letzte eine Graͤf-
finn war/ gehabt/ ohn erben geſtorben iſt) vndt Balthaſern/ der
vier Soͤhne erzeuget: wie dann der letzte ritterliche heldt Vlrich/
der faſt vierzig jhar uͤber die Fuͤrſtenthuͤmber Schweidtnitz vndt
Jawer Hauptmann geweſen/ vndt in die neunzig jhar alt worden/
Wolffen vndt Hanſen erzeuget/ deßen Wolffens Sohnes Sohn
Vlrich oder Vdalrich (vielmehr Adelreich) zu ſeiner Vorfah-
ren thaten auch die liebe der weißheit gebracht/ vndt einen artli-
E ijchen
[36] chen Poeten gegeben hatt; wie er ſelbſt von ſich redendt allhier ein-
gefuͤhrt wirdt:

Obberhuͤrte vier des Herrn Balthaſars Soͤhne/ Freyher-
ren/ ſindt der zur rechten Herr Balthaſar auff Langenaw/ der zur
lincken handt Herr Caſpar zue Trachenberg/ der neben dieſem
Herr Watzlaw auff Bernßdorff/ vndt der in der mitten oben an
der in krieges vndt friedens tugenden erfahrene Herr/ Herr
Chriſtoff/ vnter deßen Sohne/ dem Hoch wolgebornen Herrn/
Herrn Hanſen Vlrichen/ dem freyen vnverzagten helden/ dieſes
vorgebirge/ dieſe waͤlder vndt brunnen/ vndt wir Nimfen ſolcher
thue/ ſolchen friedens genießen/ daß wir die angraͤntzenden fewer
der blutigen Bellonen/ dieſes klaͤgliche getuͤmel der waffen biß an-
hero zwar von ferren angeſchawet haben vndt gehoͤret/ aber
(welches zue einer gueten ſtunden geredet ſey) nie erfahren
duͤrffen.

Hierauff ſchwiege die leutſelige Hercinie etwas ſtille; ich aber
laſe die reimen/ ſo bey Herren Chriſtoffen ſeliger gedaͤchtniß ver-
zeichnet waren:

In deßen fragen die andern wegen der ſachen die nach jhm
ſtunden. Hier zue nechſie/ fieng ſie an/ iſt ſeine tapffere/ hoffverſtaͤn
dige gemahlinn/ des vhralten geſchlechtes der Freyherren von
Promnitz/ welcher vnſterbligkeit vndt verdienſt eine groͤßere zeit
bedoͤrffen/
[37] bedoͤrffen/ als daß ſie allhier koͤnnen erzehlt werden. Sehet aber
jhre uͤberſchrifft.

Von jetzigem erſt gemeldeten regenten/ ſagte die Nimfe/ koͤn-
net jhr den inhalt folgen der tafeln weitleufftig vernemen. Seine
hohe beſchaffen heiten/ ſein verſtandt in anſchlaͤgen/ ſein muth im
ſtreiten/ ſeine ritterliche thaten verdienten zwar von allen edelen
gemuͤtern ſinnreicher Poeten in das regiſter der ewigkeit eingetra-
gen zue werden/ er aber/ als ein vollkommener Heldt/ iſt auch mitt
ſolcher demut begabet/ daß er nicht gern von jhm rhuͤmen leßt/ was
doch die that vndt warheit ſelber redet. Was jhr aber allhier ſehet/
haben die Parcen/ Clotho/ Lacheſis vndt Atropos/ als ſie jhm auff
befehl des himmels die faden des lebens geſponnen/ ein helliglich
geſungen/ vndt mitt buchſiaben von demant dem roſte der zeit zue-
gegen in dleſen ſchwartzen criſtall verſetzt. Wir verwunderten vns
nicht ſo ſehr uͤber der menge der edelen geſteine/ als uͤber der fuͤr-
trefflichen arbeit/ welche von ſolcher kuͤnſt vndt ſchoͤnheit war/ das
wir wol abnemen kundten/ menſchen haͤnde wuͤrden dergleichen
nach zue thun ſich vmbſunſt bemuͤhet haben. Das getichte aber
vndt weißagung der Parcen waren von worte zue worte
dieſe:

Wir hatten vns an der ſchoͤnen tafel die angen/ an der weißa-
gung aber/ welche wir nun mehrentheilserfuͤllet zue ſein wußten/
auch das hertze erquickt/ vnd wuͤnſchten dem Helden ſolche erſproͤß-
liche wolfarth/ wie jhm allhier zue ende angekuͤndigt wuͤrde. Die
andern Nunfen hatten ſich vnter dem leſen alle hinauß verlohren/
Hercinie aber; Ihr hirten/ ſagte ſie/ ſo viel iſt menſchlichen augen
allhier zue beſichtigen erlaubet/ vndt jhr werdet mitt meiner vndt
meiner ſchweſtern anjetzo erzeigten gunſt vergnuͤget ſein. Alſo
fuhrte ſie vns durch ein anderes thor in eine newe hoͤle/ die zue wei-
len ſo enge war daß wir faſt nach der ſeiten durch gehen mußten/
zueweilen aber viel thaͤler vndt berge in ſich zue halten ſchiene.
Nach dem wir eine guete weile alſo gegangen waren/ kamen wir
an einen faſt heißen ort/ voll ſchweffelichten dampffes/ zue deßen
beyden ſeiten ein knallen vndt prauſen gleichſam eines auffkochen-
den waßers/ vndt ich wußte nicht was fuͤr ein gethoͤne gehoͤret
wardt. Vns war nicht aller maßen wol bey der ſache; Ich habe/
fieng aber die Nimfe an/ euch nicht ohn vrſach an dieſes ort gefuͤh-
ret. Wißet daß Sicilien nicht allein Cyclopen/ vndt Theßalien
Titanen getragen hatt; es liegen allhier zweene maͤchtige Gigan-
ten/ welche ſich eben wie jene an dem himmel zue vergreiffen vnter
ſtan-
[45] ſtanden/ vndt von den goͤttern vnter dieſe kluͤfften ſindt verſtoßen
worden. Sie haben den geſchmack des ſchwefels noch anjetzo nicht
verlohren/ vndt riechen nach dem plitze vndt donner/ darmit ſie
Jupiter hatt herab geſtuͤrtzt. Auß jhren rachen lauffen ſtarcke vndt
hitzige ſtroͤme/ die dennoch auß gnaͤdiger verordnung der Vnſterb-
lichen zum beſten der menſchen gereichen/ vndt nicht weit von hier
mitt zweyen heilſamen quellen in dem gebiete jetztgemeldeten Hel-
dens entſpringen mußen. Es ſolte mir auch vnſchwer ſein/ euch zue
jhren vngehewren coͤrpern zue fuͤhren/ wann ewere bloͤde augen
vndt ohren das ſcheutzliche anſchawen vndt bruͤllen vertragen koͤn-
ten. Lernet aber gleichwol/ daß die jenigen die ſich den himmel an
zue taſten vermeßen/ von dem himmel verſtoßen/ vndt von der er-
den verſchlungen werden.

Als wir nun vnter wehrendem geſpreche gleichſam bergan ge-
gangen waren/ kamen wir an den außgang einer hoͤle/ darein der
tag ſeine ſtralen mitt vollem ſcheine fallen ließ; Hereinie aber ver-
ſchwandt ehe wir es gewar worden/ vndt kam vns weiter nicht zue
geſichte. Wir wendeten vns gegen der grotten/ vndt ehrten die
Nimfe vndt den ort/ darinnen wir ſo merckliche vndt wunderbare
ſachen geſehen vndt erfahren. Ob vns auch zwar die gelegenheit
des gefildes da wie herauß gegangen etwas ſeltzam fuͤrkam/ ſo kun-
ten wir doch aller beſchaffenheit nach faſt erkennen/ daß wir eben
an der andern ſeiten des berges/ wo wir zuevor hinein gelaßen wor-
den/ ſein mußten/ ſtiegen alſo gemach vndt gemach gegen der ſpitz-
en zue. Wir waren noch zimlich ferren von der hoͤhe/ als ſich bey ſo
lieblichem wetter dennoch ein duͤnner ſchnee ſehen ließ/ der aber
auff der erden alſobaldt zue tawe vndt waßer wardt. Weiter hin-
auff war es gantz heiter vndt ſtille; da wir dann nachfolgendes ge-
luͤbde in einen lindenbawm eingeſchnitten funden:

Dieſer/ fieng Nuͤßler an/ hatt ſich auch bereden laßen/ es ſey
ein Ruͤbezal allhier/ wie jhn die jenigen nennen/ die jhn nie geſe-
hen haben. Wir ſindt eben auff dem rechten orte/ gab ich zur ant-
wort/ da er ſein ſoll/ vndt nicht iſt. Ich habe gleichwol vernom-
men/ jhr Schleſier/ ſagte Venator/ es ſolle nicht gar richtig bey
euch ſein. Freylich nicht/ fieng ich an; dann es liegt einer hier o-
ben begraben der nicht mehr lebet. Ich weiß wol/ redte Buchner
darzwiſchen/ daß jhr alle drey dem hauffen zuegethan ſeidt der
nichts uͤbrigs glaubet: was aber durch lange erfahrung beſtetigt
iſt/ vndt die augen ſelbſt ſehen/ das kan das hertze ja glauben.
Mitt einem ſtinckenden aaße/ ſagt Nuͤßler/ iſt wol ſonſt wenig an
zue fangen. Darwieder bin ich auch nicht/ ſpricht Buchner; wie-
wol manches ehe verdirbet als ein anders. Ich habe viel mal ge-
hoͤret/ wann einen der donner erſchlagen hatt/ daß ſein coͤrper
nicht verfaulen; vndt wann einem mitt giffte vergeben iſt/ daß das
hertze vnvertorben bleiben ſoll. Ein menſch der maͤßig gelebet hat/
wirdt nicht ſo baldt verweſen/ als einer ſo durch ſchwelgen vndt
vollbretigkeit ſeinen leib zue einer pfuͤtzen gemacht hatt/ da alle
feuchtigkeit vndt fluͤße hinein geronnen. Habt jhr nie geſehen/
daß den todten die haare vndt naͤgel gewachſen ſindt/ ſonderlich
den jenigen die Jupiter abwaͤſcht/ Apollo ſalbet vndt trucknet.
Welchen/ fragt Venator? Den gehangenen/ meine ich/ ſpricht
Buchner/
[47] Buchner/ denen die geiſter ploͤtzlich vmbzwenget vndt zuegeknuͤpfft
werden. Hiervon nun kan man mehrentheils natuͤrliche vrſachen
geben: daß aber der menſchen ſeelen ſich in geſtalt der verbliche-
nen leiber ſehen laßen/ iſt dermaßen klar/ daß es keiner laugnen
kan/ der gleich noch weniger als jhr glaubet. Doch wollen wir
den birgmann Ruͤbezal in dieſe zahl nicht ſetzen: dann angeſehen
daß er durch zauberey geruffen wirdt/ ſo muß er weder eine frome/
noch eine verdammte ſeele ſein; weil ſie beyde biß zue ſeiner zeit vn-
ter der handt des Gottes aller goͤtter ſindt/ der ſich mitt beſchwe-
rungen nicht zwingen leßt. So muß es dann der teuffel ſein/ fang
ich an. Recht ſo; ſagt Buchner: er iſts leibhafftig; wiewol nicht
alles baldt der teuffel iſt/ worfuͤr man ſich ſonderlich bey nachte
zue entſetzen pfleget. Natuͤrlich ſindt die flammen oder irrwiſche
vmb die geſuͤmpffe; natuͤrlich die duͤnſte/ ſo offtmals in der hoͤhe
wie menſchen/ wie thiere vndt andere ſachen herumb wandern;
natuͤrlich in den leibern/ ſonderlich gewißen frawenzimmers/ das
ſeltzame kurren/ ziſchen/ krehen/ bellen/ das nach geſtalt der ſa-
chen vndt gaͤnge von der durchdringenden lufft alſo geartet wirdt/
vndt vnerfahrenen aͤrtzten eine naſe zue drehen pflegt; vndt was
dergleichen mehr iſt.

Wo bleiben dann die ſaͤuffer/ ſagt Venator/ die ſo vngewiſ-
ſer augen/ vnſtetigen ganges/ vndt ſeltzamer einbildungen ſindt?
Wann ſie den kopff fallen laßen/ ſo koͤmpt es jhnen bißweilen fuͤr
ſie verſincken; vndt wann die ſtube ein radt mitt jhnen macht/ ſo
legen ſie ſich nieder/ vndt erwiſchen mitt beyden haͤnden den bo-
den: baldt erhebt ſich ein ſturm in jhren ohren/ daß ſie meinen ſie
ſindt zur ſee/ vndt ſchawen wie weit es noch zue lande iſt; ſpringen
wol uͤber jhren eigenen ſchatten/ vndt ſehen jhn fuͤr einen graben/
eine katze fuͤr einen loͤwen an; in ſumma/ ſchlaffen wachende/ vndt
fechten
[48] fechten ſchlaffende; ſchreyen nach pflaſtern/ vndt wollen ſich ver-
binden laßen.

Auff dieſe weiſe wirdt mancher bezaubert/ ſagt Buchner: a-
ber ohn ſchertz/ jhr bruͤder/ von andern geſpenſten redet die gantze
welt/ vndt von dieſem viel leute die hierumb wohnen; die jhn zue
weilen in form eines ſchoͤnen roßes/ einer kroͤten/ eines rabens/
einer nachteule/ eines bergmaͤnnlins/ eines moͤnches vndt derglei-
chen geſehen haben. Eines moͤnches? ſagt Venator. Warumb
nicht/ giebt Buchner zur antwort? Pflegt ſich nicht der teuffel in
einen engel des liechts zue verkehren/ vndt haſt du nie gehoͤrt/ daß
er dem heiligen Martin in geſtalt des Heilandes der welt erſchie-
nen ſey? Muß er dann eben/ ſpricht Nuͤßler/ vmb dieſe felſen vnd
tunckele hoͤlen ſeinen wohnplatz haben? Er iſt/ antwortet Buch-
ner/ ein Vater der trawrigkeit/ vndt bezeuget ſolches mitt den
einoͤden trawrigen oͤrtern/ da er zue niſten pfleget. Vieleicht wil
er jhm hierdurch ein groͤßer anſehen machen/ fange ich an/ weil
jhm nicht vnwißendt/ daß der ſo uͤber vns iſt an den ſtillen
vndt einfaltigen orten mitt einfaltigem hertzen vndt ruhi-
gem gewißen von allen zeiten her hatt wollen geehret ſein. Sol-
ches begehrten die vngoͤttlichen goͤtter/ Ruͤbezales gleichen/ daß
man jhnen nicht weniger erzeigen ſolte; wie dann die alten nicht ſo
ſehr helffenbeinerne vndt guͤldene bilder/ als dicke puͤſche vndt das
geheime ſtillſchweigen darinnen angebetet/ ja waͤlder/ wieſen vndt
ſee geheiliget/ vndt ſie mitt namen der goͤtter genennt haben. Die
Dacier auch berge/ hebt Buchner an. Freylich/ ſage ich/ berge/
vndt die jenigen ſo einen ſchein der goͤttligkeit zue erlangen ſich da-
rein verborgen/ als Zamolxes vndt andere. Ich meinte/ ſagt
Venator/ du wuͤrdeſt vns dergleichen in deinen weitleufftigen be-
richten von den Daciern außfuͤhrlich machen. Zwar ich weiß
nicht/
[49] nicht/ ob es mir wie jenen bergen gehen moͤchte/ gebe ich zur ant-
wort/ die nach langem geberen eine mauß zur welt brachten: wie
ich mich aber anietzo mitt meinem zueſtande vndt der zeit gelegen-
heit genungſam geſchuͤtzt zue ſein befinde/ ſo hoffe ich/ ſoll ich le-
ben/ ich wil erweiſen/ daß ein hirte mehr als weiden/ vndt ein
Poet mehr als luͤgen kan.

Vnter wehrendem reden/ als wir zwiſchen der trennung zwey-
er huͤgel/ dahin wir vns durch hecken vndt geſtaͤude mehr einen
weg gemacht/ als gefunden hatten/ gerichts eingiengen/ erblick-
ten wir hinter den birckenbaͤwmen vnd eichen eine gruͤne wieſe/ auff
welcher von einem andern orte her ein altes weib/ mitt grawem
haupte/ zitterndem gange/ krummen ruͤcken vndt einem korbe da-
rauff/ faſt gekrochen kam. Wir winckten einander/ vndt legten
vns vnvermerckt in die ſtraͤuche nieder/ zue erfahren was die redli-
che muter guetes machen wuͤrde. Sie war faſt in die mitten an
einen ſcheideweg zweyer engen ſiege kommen/ da ließ ſie jhre ge-
flickte ſchauben fallen/ ſtriech die haͤgeren armen auff/ vndt fieng
mitt klingender ſtimme alſo an zue ruffen:

Der glantz des himmels die Sonne/ welche/ wie wir auß vn-
ſerem ſchatten abnemen kundten/ den tag biß uͤber die helffte ge-
bracht hatte/ ſchiene fuͤr ſchrecken zue erbleichen/ kein gefluͤgel
hoͤrte man ſingen/ es regte ſich nichts als das zittern der baͤwme/
vndt wir ſelber zweiffelten welches ſicherer were/ zue lauffen oder
zue bleiben. Sie zohe den lincken ſchuch auß/ nam ein tuch uͤber
den kopff/ kehrte ſich zwey mal gegen morgen/ vndt zwey mal ge-
gen Niedergang/ grub mitt einer ſichel ein loch in die erden/ vndt
machte darauff einen zirckel vmb ſich her/ murmelte auch eine gu-
te weile eines vndt anders was wir nicht verſtehen kundten. Hier-
nach brachte ſie auß jhrem korbe allerhandt kraͤuter/ welche ſie
vermutlich bey vollem mondenſcheine vndt fuͤr auffgange der
Sonnen/ auch ſonſt zue gewißen jhareszeiten mitt der lincken
handt eingeleſen hatte/ mengete etzliche ſteinlein/ wie auch gebei-
ne von den todten darzue/ vndt rhuͤrete mitt einer ruten alles durch
ein-
[51] einander. Alſo legte ſie es auff wacholterholtz vndt eiſenkraut/
darbey vngebrauchter ſchwefel vndt weyrauch war/ zuͤndete es
auff/ vndt wie der loh in die hoͤhe ſchlug/ redete ſie folgende worte:

Ferner knuͤpffte ſie einen haarlocken vmb drey federn von vn-
gleicher farben/ vndt ſprach:

Auff diß ſpruͤtzete ſie drey mal in jhre ſchoß/ nam ein bildlein
von jungfrawenwachſe in die handt/ beraucherte daßelbte/ bandt
jhm drey woͤllene faden von dreyerley farben vmb den halß/ vndt
ſagte:

Vnter ſolcher rede ſtach ſie mitt einer langen nadel drey mal
hinein/ vndt fieng an:

warff es hieruͤber in das ſewer mitt dieſem worte:

Nach dem nun alles nieder gebrennet war/ grieff ſie auff die
erden/ warff die aſche drey mal uͤber den kopff/ ſahe nicht hinter
ſich/ vndt hub wie erſtlich mitt verbrochenen worten an zue mur-
meln. Sie hatte jhre ſchreckliche beſchwerungen in dem maule
herumb zue werffen nicht recht angefangen/ als ſich ein maͤchtiges
G ijwetter/
[52] wetter/ ſchloß/ hagel vndt krachen erregete.

vndt was mich das ſchrecken noch jetzo nicht erzehlen leßt. Ich/
wie ich zuevor am letzten mich niederlegen/ vndt dieſer vierdten
Furie zuehoͤren wollen; alſo war ich der erſte ſo von dannen vndt
auff die nechſte ſtraße zue lieff. Die andern kamen hernach geren-
net/ vndt hatten mitt dem athem auch faſt die ſprache verlohren/
wolten den blaͤttern der eſpen ſo vmbher ſtunden am zittern nichts
bevor geben. Eine ſeltzame ſache: es ſtundt der huͤgel/ auff dem
wir vns damals befunden/ ſo ferren nicht von dem vorigen orte/
dennoch blickte vns die Sonne mitt ſo einem gnaͤdigen auge an/
vndt das graß vmbher war dermaßen trucken/ daß wir leicht ver-
ſtehen kundten/ wie der teuffel nicht allenthalben zue gebieten hatt;
vndt alſo in dem gruͤnen ein wenig rhue zue nemen veranlaßt wor-
den.

Als wir nun beydes von dem verlauffe ietziger ſchrecklichen
kuͤnſte/ vndt ſonſten dieſem vndt jenem vnterredung hielten/ gefiel
vns die landtart gegenuͤber liegenden Koͤnigreiches ſonderlich/ als
deßen ebene von dem gemach vndt gemach auffſteigenden gebirge
gleich wie von einem krantze vmbgeben iſt/ vndt daß außſehen eines
kuͤnſtlichen ſchawplatzes hatt/ darinnen etwan die alten jhre ſpiele
zue zeigen gewohnt geweſen. Hieruͤber dann meine drey mitgeſel-
len/ in erwegung ietziger betruͤbter laͤufften/ auff folgendes hirten-
liedt oder geſpreche geriehten.

Diß hirtengetichte ermunterte mich/ nicht gar leer auß zue
gehen: damit ich aber nicht auß meiner alten gewohnheit ſchritte/
fieng ich alſo an zue ſingen:

Hiernach ſtunden wir auff/ vndt wanderten allgemach durch
die gefilde vndt wieſen dißeits vndt nach mitternacht zue/ wo wir
erſtlich hieſiger orte einander angetroffen. Im herunter ſteigen
ſahen wir zwilchen den felſen vndt huͤgeln drey tieffe thaͤler/ darin-
nen
[57] nen der ſchnee/ welcher niemals ab zue gehen pflegt/ vns dermaſ-
ſen in die augen glaͤntzte/ daß wir gleichſam darvon geblendet wur-
den. Wir gerhieten auch an einem heckichten vndt wuͤſten orte
zue einein ſee/ deßen ſchwartzes vndt finſteres waßer/ darinnen
weder fiſch noch gefluͤgel geſpuͤret wardt/ vns faſt ein grauſen ver-
urſachte. Kurtz darauff giengen wir durch ein luſtiges puͤſchlein/
deßen gelegenheit/ wegen der naͤhe noch eines andern kleineren
ſees/ der gruͤnen baͤwme/ berg ab rauſchenden baͤche/ vndt ſon-
derlichen anmutigkeit eine herbrige der Waldtnimfen/ eine rhue
der hirten/ eine gelehrte entweichung der Poeten/ ein ſpatzierplatz
der liebhabenden gemuͤter zue ſein ſchiene: wie wir dann an den
ſtaͤmmen der hohen baͤwme vnterſchiedene gedancken vndt tichtun-
gen ſinnreicher geiſter eingeſchnitten funden. Wir kundten vns
mitt leſen kaum ſaͤttigen/ vndt zwar ſchiene ſich nichts beßer zue
reimen als die vngereimte folgende

Sie andern drey lobten das

Die vnterſchrifft war: Der vnwuͤrdig Gekroͤnte zue ehren dem
Nutzbaren. Daher wir abnemen kundten/ daß es auff perſonen
auß dem edelen mittel der vnſterblichen Fruchtbringenden Geſell-
ſchafft gemeinet were. Ob wir nun gleich des kletterns vndt ſtei-
gens halben faſt muͤde waren/ ſchaͤtzten wir doch den gang von die-
ſer luſt wol bezahlt zue ſein; namen vns aber fuͤr/ nunmehr ohn
vmbſchweiff gerichts ein zue gehen/ vndt den tag mitt beſichtigung
des warmen brunnens/ deßen vrſprung vns von der holdtſeligen
Hercinie erzehlt wurden/ zue beſchließen. Vnter weges hielten
wir allerhandt geſpreche/ von der miltreichen verſehung vndt guͤte
Gottes/ deßen gnaͤdigſte außtheilung ein landt mitt dieſer/ das
andere mitt jener eigenſchafft vndt guͤte begabet hatt.

ſagte Nuͤßler. Sonderlich/ fleng Buchner an/ hatt ſich die
magdt des Hoͤchſten/ die guͤtige natur/ an der ſee/ den fluͤßen vnd
quellen außgelaßen/ vndt ihr beſtes meiſterſtuͤck erwieſen. Das
meer iſt ein ſtetswehrender gefaͤhrte des Mondens/ waͤchſt mitt
jhm auff/ vndt wirdt auch mitt jhm alt: des waßers gaben aber
ſindt ſo vielfaͤltig/ daß es vom Thales das ſtaͤrckſte element/ aller
H ijdinge
[60] dinge vrſprung/ eine geſeelete welt/ die voller geiſter ſey/ iſt ge-
nennt worden. In Beotien ſollen zwey fluͤße ſein/ deren einer al-
le ſchaffe ſo darauß trincken ſchwartz/ der andere weiß macht. In
der ſtadt Garamant ſoll der brunnen Dubris des tages zehen mal
eißkalt/ vndt des nachts zehen mal ſiedendt heiß ſein. In der La-
rinenſiſchen gegendt ſindt zwey brunnen nahe beyſammen/ von
denen der eine alles in ſich ſchluckt/ der andere alles außwirfft.
Welcher auß dem Clitoriſchen brunnen trincket/ ſoll auch den
wein nur nicht riechen koͤnnen. In Teno iſt ein quell/ deßen waſ-
ſer ſich vnter keinen wein mengen leßt; vndt ich moͤchte leiden/ daß
alle waͤßer dieſer art weren.

Man ſagt von einem brunnen in vnſerm Deutſchlande/ daß
wann iemandt eine henne hinein ſteckt die er mitt guetem titul be-
kommen/ ſo ſollen jhr die federn ſtracks gebruͤhet werden vndt ab-
gehen; hatt er ſie aber geſtolen/ ſo bleibe ſie wie ſie zuevor gewe-
len. Vnſere reiſeleute auß Italien wißen von den zweyen brun-
nen zue ſagen/ in deren einem ein hundt ſtracks ſterben/ in dem an-
dern baldt wiederumb lebendig werden ſoll. In Schottlandt ſoll
ſich ein waßer in ſtein verwandeln. Das habe ich/ fieng ich an/
im Zips an etlichen brunnen mitt meinen augen geſehen. Doch
iſt mir noch ſeltzamer fuͤrkommen die pfuͤtze oder das ſee bey Thor-
da in Siebenbuͤrgen/ welches/ ob es zwar von vnglaublicher tief-
fe iſt/ dennoch keinen menſchen vnterſincken leßt/ er kan ſchwim-
men oder nicht.

Dieſes ſindt kunſtwaͤßer/ ſagte Nuͤßler/ derer eigenſchafften
auch jhrer natuͤrlichen vrſachen ſonder zweiffel nicht mangeln/
wiewol ſie bey einem leichter zue ergruͤnden ſindt als bey dem an-
dern; aber dennoch kommen ſie der fabel des elendes dem menſchen
alſo nicht zue ſtaten wie andere/ denen die Goͤttinn Higia vndt die
heil-
[61] heilſamen Nimfen eine ſolche krafft vndt art eingepflantzet/ wel-
che nutzbarkeit vndt fromen bringt. Auß denen auch iſt das liebli-
che augenquell bey Cicerons Mayerguete ſo Academie geheißen/
darvon ſein frey gelaßener Laurea Tullius faſt deßen innhalts ge-
ſchrieben:

Zur Schmelnitz/ fieng ich an/ etzliche meilen von Caſchaw
wirdt das eiſen durch ein quell inner halb wenig ſtunden in ſchlich/
vndt dieſer in kupffer verwandelt. Aber wir haben faſt gewonnen;
redte ich weiter. Schawet das feſte ſchloß zur rechten handt auff
dem hohen berge iſt vorgemeldeter Kinaſt; dort hinein zur lincken
liegt die Kemnitz/ welche Ihr Gn. Herr Obriſter Schaffgotſch
mitt einem herrlichen hauſe vndt luſtigen gebaͤwden nicht wenig
geziehret hatt. Gleich fuͤr vns iſt der Warme brunnen/ den wir
vns zue beſuchen fuͤrgenommen. Ihr koͤnnet auß der luſtigen ge-
legenheit des ortes/ wo nicht ferren ſo fruchtbare berge vndt huͤ-
gel ringes herumb/ da zue nechſt der Zacken/ hier die gruͤnen wie-
ſen ſich anmutig zeigen/ leichtlich abſehen/ daß die natur diß heil-
ſame waßer in ſo ein koͤſtliches landt/ als einen fuͤrnemen ſtein in
H iijeinen
[62] einen guͤldenen ring/ habe verſetzen wollen. Von ſeiner art vndt
eigenſchafft laße ich die jenigen reden/ denen der geneigte Phebus
die geſchickligkeit ſolcher dinge verliehen hatt: es komme auch gleich
dieſe waͤrme entweder von einem verborgenen kalckſteine/ oder
von dem durchdringenden zwange der winde/ oder von beſtralung
der Sonnen vndt des geſtirnes/ oder von der ſchnellen fortſchieſ-
ſung vndt gaͤhem abfall/ oder von dem heimlichen fewer des erdt-
reichs daruͤber das waßer lauffen muß/ oder von andern vrſachen
her; ſo geben doch die kraͤfftigen vndt heilſamen wirckungen/ daß
es der geſundtheit des menſchen (welcher wegen auch ſo viel blu-
men vndt kraͤuter wachſen mußen/ da wir jhr doch mitt einem ei-
nigen gewaͤchſe am meiſten ſchaden) fuͤrnemlich zum beſten ge-
ſchehe. Taug diß waßer wol zue trincken/ ſagte Venator. Des
erdtbeches/ ſaltzes vndt ſchwefels halben den es fuͤhret/ iſt der ge-
ſchmack etwas wiederwertig/ gab ich zur antwort/ auch den au-
gen nicht allermaßen dienſtlich. Die jenigen aber/ welche ſich et-
wan an vnreinen weibesbildern verbrennt haben/ wil es gar nicht
leiden: vndt melancholiſchen oder choleriſchen leuten bringt es
mehr ſchaden als fromen.

Du biſt/ fieng Buchner zue mir an/ dieſer orten nicht vnbe-
kandt. Freylich nicht/ ſagte ich; ich habe mich vor etzlichen jharen
bey einer hochanſehlichen geſellſchafft zwey monat vber allhier
zimlich wol befunden/ vndt nicht allein das leben des ſtattlichen
krieges heldens Seyfriedens von Promnitz/ darvon Venator ein
vrtheil zue fellen pfleget deßen meine wißenſchafft nicht wuͤrdig iſt/
ſondern auch vnterſchiedene getichte/ mehrentheils aber in dem
waͤldichinn an dem vfer dortoben/ das nechſt dem ſiege iſt/ auffge-
ſetzt: daß ich alſo erfahren/ wie auch vnſere Muſen bey den zarten
Najaden nicht vnangenem ſindt.

Vnter wehrendem geſpreche kamen wir durch daß dorff
an den brunnen von dem wir reden; betrachteten die newe art des
bawes/ der ſeiner runde vndt anderer weiſe halben einem heidn i-
ſchen tempel nicht vngleich ſahe/ inwendig aber mitt gemaͤchern
vndt ſtuben alſo eingetheilet war/ daß jhrer mehr zue ſein ſchienen/
weder faſt der raum des ortes ſolte leiden koͤnnen. Mitten innen
nun war das berhuͤmbte quell ſelbſt/ daß im auffſchießen viel kleine
blaſen empor warff/ an der farbe aber helle/ durchſcheinendt vndt
auff art eines weißen ſaffirs etwas blaͤwlicht an zue ſchawen war.
Nach dem wir vns nun genungſam erſehen/ vndt an dem wunder-
wercke der natur augen vndt gemuͤte geſaͤttigt hatten/ ehreten wir
des gluͤckſeligen quelles halben die einheimiſchen Nimfen vnde
waßergoͤttinnen dieſes ortes/ des ſchoͤnen bawes wegen aber den
Hochwolgebornen vndt werthen Helden Hanſen Vlrichen von
Schaffgotſch; zue deßen billichem lobe wir folgenden innhalts ta-
feln an die eußere wandt des edelen bawes auff zue hencken/ bey vn-
ſerem abſchiede/ welchen die nunmehr anbrechende Nacht verur-
ſachte/ ſaͤmptlich gelobeten.