MARTINI OPITII
Buch von der Deutſchen Poeterey.
Das 1. Capitel.
Vorrede.

WJewol ich mir von der Deutſchen Poeterey/
auff erſuchung vornemer Leute/ vnd dann zue beßerer
fortpflantzung vnſerer ſprachen/ etwas auff zue ſetzen
vorgenommen; bin ich doch ſolcher gedancken keines weges/
das ich vermeine/ man koͤnne iemanden durch gewiſſe regeln
vnd geſetze zu einem Poeten machen. Es iſt auch die Poeterey
eher getrieben worden/ als man je von derſelben art/ ampte
vnd zuegehoͤr/ geſchrieben: vnd haben die Gelehrten/ was ſie
in den Poeten (welcher ſchrifften auß einem Goͤttlichen antrie-
be vnd von natur herkommen/ wie Plato hin vnd wieder hier-
von redet) auffgemereket/ nachmals durch richtige verfaſſungen
zueſammen geſchloſſen/ vnd aus vieler tugenden eine kunſt ge-
macht. Bey den Griechen hat es Ariſtoteles vornemlich ge-
than; bey den Lateinern Horatius; vnd zue vnſerer Voreltern
zeiten Vida vnnd Scaliger ſo außfuͤhrlich/ das weiter etwas
darbey zue thun vergebens iſt. Derentwegen ich nur etwas/ ſo
ich in gemeine von aller Poeterey zue erinnern von noͤthen zue
ſein erachte/ hiervor ſetzen wil/ nachmals das was vnſere
deutſche Sprache vornemlich angehet/ etwas vmbſtendtlicher
fuͤr augen ſtellen.

Das II. Capitel.
Worzue die Poeterey/ vnd wann ſie
erfunden worden.

DJe Poeterey iſt anfanges nichts anders ge-
weſen als eine verborgene Theologie/ vnd vnterricht
von Goͤttlichen ſachen. Dann weil die erſte vnd rawe
BWelt
[] Welt groͤber vnd vngeſchlachter war/ als das ſie hette die leh-
ren von weißheit vnd himmliſchen dingen recht faſſen vnd ver-
ſtehen koͤnnen/ ſo haben weiſe Maͤnner/ was ſie zue erbawung
der Gottesfurcht/ gutter ſitten vnd wandels erfunden/ in rei-
me vnd fabein/ welche ſonderlich der gemeine poͤfel zue hoͤren
geneiget iſt/ verſtecken vnd verbergen muſſen. Denn das man
jederzeit bey allen Volckern vor gewiß geglaubet habe/ es ſey
ein einiger vnd ewiger GOtt/ von dem alle dinge erſchaffen
worden vnd erhalten werden/ haben andere/ die ich hier nicht
mag außſchreiben/ genungſam erwieſen. Weil aber GOtt
ein vnbegreiffliches weſen vnnd vber menſchtiche vernunfft iſt/
haben ſie vorgegeben/ die ſchoͤnen Coͤrper vber vns/ Sonne/
Monde vnd Sternen/ item allerley gutte Geiſter des Himmels
wehren Gottes Soͤhne vnnd Mitgeſellen/ welche wir Men-
ſchen vieler groſſen wolthaten halber billich ehren ſolten. Sol-
ches inhalts werden vieleichte die Buͤcher des Zoroaſters/ den
Man fuͤr einen der elteſten Lehrer der goͤttlichen vnd menſchli-
chen wiſſenſchafft helt/ geweſen ſein/ welcher/ wie Hermip-
pus bey dem Plinius im erſten Capitel des 30. Buches bezeu-
get/ zwantzig mal hundert tauſendt Verß von der Philoſophie
hinterlaſſen hat. Jtem was Linus/ wie Diogenes Laertius er-
wehnet/ von erſchaffung der Welt/ dem lauffe der Sonnen
vnd des Monden/ vnd von erzeugung der Fruͤchte vorgegeben
hat. Deſſen werckes anfang ſoll geweſen ſein:

Neben dieſem haben Eumolpus/ Muſeus/ Orpheus/ Ho-
merus/ Heſiodus vnnd andere/ als die erſten Vaͤter der Weiß-
heit/ wie ſie Plato nennet/ vnd aller gutten ordnung/ die baͤw-
riſchen
[] riſchen vnd faſt viehiſchen Menſchen zue einem hoͤfflichern vnd
beſſern leben angewieſen. Dann inn dem ſie ſo viel herrliche
Spruͤche erzehleten/ vnd die worte in gewiſſe reimen vnd maß
verbunden/ ſo das ſie weder zue weit außſchritten/ noch zue we-
nig in ſich hatten/ ſondern wie eine gleiche Wage im reden hiel-
ten/ vnd viel ſachen vorbrachten/ welche einen ſchein ſonder-
licher propheceiungen vnd geheimniſſe von ſich gaben/ vermei-
neten die einfaͤltigen leute/ es muͤſte etwas goͤttliches in jhnen
ſtecken/ vnd lieſſen ſich durch die anmutigkeit der ſchoͤnen getich-
te zue aller tugend vnnd guttem wandel anfuͤhren. Hat alſo
Strabo vrſache/ den Eratoſihenes luͤgen zue heiſſen/ welcher/
wie viel vnwiſſende leute heutiges tagen auch thun/ gemeinet/ es
begehre kein Poete durch vnterrichtung/ ſondern alle bloß durch
ergetzung ſich angeneine zue machen Hergegen/ ſpricht er
Strabo im erſten Buche/ haben die alten geſagt/ die
Poeterey ſey die erſte Philoſophie/ eine erzieherinn
des lebens von jugend auff/ welche die art der ſitten/
der bewegungen des gemuͤtes vnd alles thuns vnd
laſſens lehre. Ja die vnſrigen (er verſtehet die Stoiſchen)
haben darvor gehalten/ das ein weiſer alleine ein
Poete ſey. Vnd dieſer vrſachen wegen werden in
den Griechiſchen ſtaͤdten die Knaben zuefoͤderſt in
der Poeſie vnterwieſen: nicht nur vmb der bloſſen
erluͤſtigung willen/ ſondern damit ſie die ſittſamkeit
erlernen. Jngleichem ſtimmet auch Strabo mit dem Lactan-
tius vnd andern in dieſem ein/ es ſeyen die Poeten viel aͤlter
als die Philoſophen/ vnd fuͤr weiſe leute gehalten worden/ ehe
man von dem namen der Weißheit gewuſt hat: vnnd hetten
nachmals Cadinus/ Pherecydes/ vnd Hecatéus der Poeten leh-
re zwar ſonſten behalten/ aber die abmeſſung der woͤrter vnd
B ijverſe
[] Verſe auffgeloͤſet: biß die folgenden nach vnd nach etwas dar-
von enzogen/ vnd die redneriſche weiſe/ gleichſam als von ei-
nem hohen Stande/ in die gemeine art vnd forme herab gefuͤh-
ret haben. Solches koͤnnen wir auch aus dem abnehmen/ das
je aͤlter ein Scribent iſt/ je naͤher er den Poeten zue kommen
ſcheinet. Wie denn Caſaubonus ſaget/ das ſo offte er des Hero-
dotus ſeine Hiſtorien leſe/ es jhn beduͤncke/ als wehre es Home-
rus ſelber.

Das III. Capitel.
Von etlichen ſachen die den Poeten vorgeworffen
werden; vnd derſelben entſchuldigung.

AVß oberzehlten ſachen iſt zue ſehen/ wie gar
vnverſtendig die jenigen handeln/ welche aus der Poete-
rey nicht weiß ich was fuͤr ein geringes weſen machen/
vnd wo nicht gar verwerffen/ doch nicht ſonderlich achten; auch
wol vorgeben/ man wiſſe einen Poeten in offentlichen aͤmptern
wenig oder nichts zue gebrauchen; weil er ſich in dieſer angene-
men thorheit vnd ruhigen wolluſt ſo verteuffe/ das er die andern
kuͤnſte vnd wiſſenſchafften/ von welchen man rechten nutz vnd
ehren ſchoͤpffen kan/ gemeiniglich hindan ſetze. Ja wenn ſie ei-
nen gar veraͤchtlich halten wollen/ ſo nennen ſie ihn einen Poe-
ten: wie dann Eraſmo Roterodamo von groben leuten ge-
ſchahe. Welcher aber zur antwort gab: Er ſchaͤtzte ſich deſſen
lobes viel zue vnwuͤrdig; denn auch nur ein mittelmaͤſſiger Poe-
te hoͤher zue halten ſey als zehen Philoſophaſtri. Sie wiſſen
ferner viel von jhren luͤgen/ aͤrgerlichen ſchrifften vnd leben zue
ſagen/ vnd vermeinen/ es ſey keiner ein gutter Poete/ er muſſe
dann zu gleich ein boͤſer Menſch ſein. Welches allerſeits vnge-
gruͤndetes vrtheil ich kaum einer antwort wuͤrdig achte; vnnd
jhnen alleine fuͤr das erſte zue bedeneken gebe/ wer Solon/ Py-
thagoras/ Socrates/ Cicero vnd andere geweſen/ die ſich doch
des
[] des Poetennamens nie geſchaͤmet haben. Jch koͤndte auch ſon-
ſten viel vortreffliche leute erzehlen/ die anff dieſe kunſt (wo ich
ſie eine kunſt nennen ſoll) jhren hoͤchſten fleiß gewendet haben/
vnd dennoch dem gemeinen nutze mit vnſterblichem lobe vorge-
gangen ſind. So iſt auch ferner nichts naͤrriſcher/ als wann
ſie meinen/ die Poeterey beſtehe bloß in ihr ſelber; die doch alle
andere kuͤnſte vnd wiſſenſchafften in ſich helt. Apuleius nen-
net den Homerus einen viel wiſſenden vnnd aller dinge erfahre-
nen Menſchen; Tertullianus von der Seele: einen Vater der
freyen kuͤnſte. Plato/ welcher im Tragedien ſchreiben ſo weit
kommen/ das er auch andern kampff anbitten doͤrffen/ hat ver-
miſchet/ wie Proclus von jhm ſaget/ [...]
[...], die Pythagoriſche vnnd Socratiſche ei-
genſchafft/ hat die Geometrie vom Theodorus Cyreneus/ die
wiſſenſchafft des Geſtirnes von den Egyptiſchen Prieſtern er-
lernet/ vnd iſt aller dinge kuͤndig geweſen. So hat man vnſere
Muſen zue mahlen pflegen/ als ſie mitt zueſammen gehenckten
huͤnden in einem reyen tantzten/ jhnen auch den namen [...]/
gleichſam als [...]/ gegeben/ das gemeine bandt vnd ver-
wandſchafft aller kuͤnſte hierdurch an zue deuten. Wann auch
die verſe nur bloſſe worte ſindt/ (wiewol das ſo wenig moͤglich
iſt/ als das der Coͤrper ohne die Seele beſtehen koͤnne) was iſt es
denn das Eratoſthenes ein getichte von beſchreibung der Welt/
ſo Hermus geheiſſen/ das Parmenides vnnd Empedoeles von
natur der dinge/ das Seruilius vnd Heliodorus/ derer Gale-
nus erwehnet/ von der aͤrtzney geſchrieben haben? Oder/ wer
kan leugnen/ das nicht Virgilius ein gutter Ackersman/ Lucre-
tius ein vornemer naturkuͤndiger/ Mareilius ein Aſtronomus/
Lucanus ein Hiſtorienſchreiber/ Oppianus ein Jaͤgermeiſter/
vnd einer vnd der andere der Philoſophie obriſten ſein/ da ſie
doch nichts als Poeten ſein. Es ſey denn das wir glauben wol-
len/ Theocritus habe Schaffe getrieben/ vnd Heſiodus ſey hin-
B iijter
[] ter dem Pfluge gegangen. Doch muß ich gleichwol bekennen/
das auch an verachtung der Poeterey die jenigen nicht wenig
ſchuldt tragen/ welche ohn allen danck Poeten ſein wollen/ vnd
noch eines theils zum vberfluß/ ebener maſſen wie Julius Ceſar
ſeine kahle glitze/ ſie jhre vnwiſſenheit vnter dem Lorbeerkrantze
verdecken. Gewißlich wenn ich nachdencke/ was von der zeit
an/ ſeit die Griechiſche vnd Roͤmiſche ſprachen wieder ſind her-
vor geſucht worden/ vor hauffen Poeten ſind herauß kommen/
muß ich mich verwundern/ wie ſonderlich wir Deutſchen ſo lan-
ge gedult koͤnnen tragen/ vnd das edele Papir mit jhren vnge
reimten reimen beflecken. Die worte vnd Syllaben in gewiſ-
ſe geſetze zue dringen/ vnd verſe zue ſchreiben/ iſt das allerwenig-
ſie was in einem Poeten zue ſuchen iſt. Er muß [...],
von ſinnreichen einfaͤllen vnd erfindungen ſein/ muß ein groſſes
vnverzagtes gemuͤte haben/ muß hohe ſachen bey ſich erdencken
koͤnnen/ ſoll anders ſeine rede eine art kriegen/ vnd von der er-
den empor ſteigen. Ferner ſo ſchaden auch dem gueten nahmen
der Poeten nicht wenig die jenigen/ welche mit jhrem vngeſtuͤ-
men erſuchen auff alles was ſie thun vñ vorhaben verſe fodern.
Es wird kein buch/ keine hochzeit/ kein begraͤbnuͤß ohn vns ge-
macht; vnd gleichſam als niemand koͤndte alleine ſterben/ ge-
hen vnſere gedichte zuegleich mit jhnen vnter. Mann wil vns
auff allen Schuͤſſeln vnd kannen haben/ wir ſtehen an waͤnden
vnd ſteinen/ vnd wann einer ein Hauß ich weiß nicht wie an ſich
gebracht hat/ ſo ſollen wir es mit vnſern Verſen wieder redlich
machen. Dieſer begehret ein Lied auff eines andern Weib/ je-
nem hat von des nachbaren Magdt getrewmet/ einen andern
hat die vermeinte Bulſchafft ein mal freundtlich angelacht/ o-
der/ wie dieſer Leute gebrauch iſt/ viel mehr außgelacht; ja deß
naͤrriſchen anſuchens iſt kein ende. Muſſen wir alſo entweder
durch abſchlagen ihre feindſchafft erwarten/ oder durch will-
fahren den wuͤrden der Poeſie einen mercklichen abbruch thun.
Denn
[] Denn ein Poete kan nicht ſchreiben wenn er wil/ ſondern wenn
er kan/ vnd jhn die regung des Geiſtes welchen Ovidius vnnd
andere vom Himmel her zue kommen rermeinen/ treibet. Die-
ſe vnbeſonnene Leute aber laſſen vns weder die rechte zeit noch
gelegenheit: wie ſich denn Politianus in einer epiſtel hefftig dar-
uͤber beſchwaͤret/ vnd Ronſardt/ wie Muretus meldet/ hat
pflegen zue ſagen/ er empfinde nicht ſo groſſe luſt wann er ſeine
eigene Liebe beſchriebe/ als er groſſen verdruß einpfinde/ wann
er anderer jhre liebe beſchreiben muſte Wiewol etliche/ ge-
meiniglich aber die ſchlimmeſten/ ſich ſelber hierzue antragen/
vnd den leuten jhre traͤwme faſt einzwingen. Dieſe meinet ſon-
derlich Ariſtokeles/ Eth. ad Nic. lib. 9. c. 7. da er ſaget/ das
ſie ihre getichte vber die maße lieb haben/ vnd ſo hertzlich gegen
jhnen geneiget ſein: wie die eltern gegen den kindern. Vnd Ci-
cero 5. Tus c. ſpricht auch faſt auff dieſen ſchlag: In hoc cnim
genere neſcio quo pacto magis quam in aliis fuum cuique
pulchrum eſt. adhuc neminem cognoui Poetam, \& mihi
fuit cum Aquinio a micitia, qui ſibi non optimus videre-
tur. Das ferner die Poeten mit der warheit nicht allzeit vber-
einſtimmen/ iſt zum theil oben deßenthalben Vrſache erzehlet
worden/ vnd ſoll man auch wiſſen/ das die gantze Poeterey im
nachaͤffen der Natur beſtehe/ vnd die dinge nicht ſo ſehr beſchrei-
be wie ſie ſein/ als wie ſie etwan ſein koͤndten oder ſolten. Es
ſehen aber die menſchen nicht alleine die ſachen gerne/ welche
an ſich ſelber eine ergetzung haben; als ſchoͤne Wieſen/ Berge/
Felde/ fluͤße/ ziehrlich Weibesvolck vnd dergleichen: ſondern
ſie hoͤren auch die dinge mit luſt erzehlen/ welche ſie doch zue ſe-
hen nicht begehren; als wie Hercules ſeine Kinder ermordet/
wie Dido ſich ſelber entleibet/ wie die Staͤdte in den brand ge-
ſteckt werden/ wie die peſt gantze Laͤnder durchwuͤtet/ vnd was
ſonſten mehr bey den Pocten zue finden iſt. Dienet alſo dieſes
alles zue vberredung vnd vnterricht auch ergetzung der Leute;
welches
[] welches der Poeterey vornemſter zwetk iſt. Die nahmen der
Heidniſchen Goͤtter betreffendt/ derer ſich die ſtattlichſten
Chriſtlichen Poeten ohne verletzung jhrer religion jederzeit ge-
brauchet haben/ angeſehen das hierunter gemeiniglich die All-
macht Gottes/ welcher die erſten menſchen nach den ſonderlich-
en wirckungen ſeiner vnbegreifflichen Maieſtet vnterſchiedene
namen gegeben/ als das ſie/ wie Marimus Tyrius meldet/
durch Minerven die vorſichtigkeit/ durch den Apollo die Son-
ne/ durch den Neptunus die Lufft welche die Erde vnnd Meeꝛ
durchſtreichet; zuezeiten aber vorneme Leute/ die wie Cicero im
andern buche von den Geſetzen ſaget/ vmb jhres vordienſtes
willen in den Himmel ber uffen ſein/ zue zeiten was anders an-
gedeutet wird/ iſt allbereit hin vnd wieder ſo viel bericht darvon
geſchehen/ das es weiterer außfuͤhrung hoffentlich nicht wird
von noͤthen ſein. Was auch der Poeten Leben angehet/ (da-
mit ich mich nicht zue lange auffhalte) iſt es nicht ohn/ das
freylich etliche von ihnen etwas auß der art ſchlagen/ vnd denẽ/
die in anderer Leute maͤngeln falcken/ in jhren eigenen Maul-
woͤrffe ſein/ anlaß geben jhnen vbel nach zue reden. Die Vr-
ſache kan wol zum theile ſein/ das jhre Poetiſche gemuͤter vn-
terweilen etwas ſicherer vnd freyer ſein/ als es eine vnd andere
zeit leidet/ vnd nach des volckes Vrtheil nicht viel fragen.
Zum theile thut auch der wein etwas; ſonderlich bey denen/
welchen Horatius beſſer gefellt da er ſchreibet:

Als| Pindarus/ der ſtracks im anfange ſeiner buͤcherſaget:
[...][] [...], Das Waſſer iſt das beſte das man
findt. Mit welchem es Alceus/ Ariſtophanes/ Alcman/
Ennius vnd andere nicht gehalten hetten; auch Eſchilus nicht/
dem Sophocles vorgeworffen/ der wein hette ſeine Tragedien
gemacht/ nicht er. Vnd zum theile thut auch zue dem etwas
nachleßigen wandel mancher Poeten nicht wenig die gemein-
ſchafft etlicher alten/ die jhre reine ſprache mit garſtigen epicu-
riſchen ſchrifften beſudelt/ vnd ſich an jhrer eigenen ſchande er-
luſtiget haben. Mit denen wir aber vmbgehen mußen wie die
bienen/ welche ihr honig auß den geſunden blumen ſaugen/
vnd die gifftigen Kraͤuter ſtehen laſſen. Doch wie ehrliche/
auffrichtige/ keuſche gemuͤter (welche von den auch keuſchen
Muſen erfodert werden) derer die jhre geſchickligkeit mit vblen
ſitten vertunckeln nicht entgelten koͤnnen/ ſo ſind auch nicht alle
Poeten die von Liebesſachen ſchreiben zue meiden; denn viel
vnter jhnen ſo zuͤchtig reden/ das ſie ein jegliches ehrbares fraw-
enzimmer vngeſchewet leſen moͤchte. Man kan jhnen auch
deßentwegen wol jhre einbildungen laſſen/ vnd ein wenig vber-
ſehen/ weil die liebe gleichſam der wetzſtein iſt an dem ſie jhren
ſubtilen Verſtand ſcherffen/ vnd niemals mehr ſinnreiche ge-
dancken vnd einfaͤlle haben/ als wann ſie von jhrer Buhlſchaff-
ten Himliſchen ſchoͤne/ jugend/ freundligkeit/ haß vnnd gunſt
reden. Wie dann hiervon der Frantzoͤſiſchen Pocten Adler
Peter Ronſardt ein artiges Sonnet geſchrieben/ welches ich
nebenſt meiner vberſetzung (wiewol dieſelbe dem terte nicht ge-
nawe zueſaget) hierbey an zue ziehen nicht vnterlaſſen kan:

Welchen namen wenn die Pceten nicht zue gewarten hetten/
wuͤrden viel derſelben durch die boßheit der Leute/ die ſie mehr
auß neide alß billicher vrſache verfolgen/ von jhrem leblichen
vorſatze zueruͤcke gehalten vnd abgeſchreckt werden. Es wirt
aber bey jhnen nicht ſtehen/ vnd ich bin der troͤſtlichen hoffnung/
es werde nicht alleine die Lateiniſche Poeſie/ welcher ſeit der
vertriebenen langwierigen barbarey viel große maͤnner auff
geholffen/ vngeacht dieſer truͤbſeligen zeiten vnd hoͤchſter ver-
achtung gelehrter Leute/ bey jhrem werth erhalten werden;
ſondern auch die Deutſche/ zue welcher ich nach meinem armen
vermoͤgen allbereit die fahne auffgeſteckt/ von ſtattlichen ge-
muͤtern allſo außgevbet werden/ das vnſer Vaterland Franck-
reich vnd Jtalien wenig wird bevor doͤrffen geben.

Das IIII. Capitel.
Von der Deutſchen Poeterey.

VOn dieſer Deutſchen Poeterey nun zue reden/
ſollen wir nicht vermeinen/ das vnſer Land vnter ſo ei-
ner rawen vnd vngeſchlachten Lufft liege/ das es nicht
eben der gleichen zue der Poeſie tuͤchtige ingenia koͤnne tragen/
als jergendt ein anderer ort vnter der Sonnen. Wein vnnd
fruͤchte pfleget man zue Loben von dem orte da ſie herkommen
ſein; nicht die gemuͤter der menſchen. Der weiſe Anacharſis
iſt in den Scitiſchen wuͤſten gebohren worden. Die Vornem-
ſten Griechen ſind in Egypten/ Jndien vnd Franckreich gerei-
ſet/ die weißheit zue erlernen. Vnd/ vber diß das wir ſo viel
Vorneme Poeten/ ſo heutiges tages bey vns erzogen worden/
vnter augen koͤnnen ſtellen/ erwehnet Tacitus von den Deut-
ſchen in dem buche das er von jhnen geſchrieben/ das ob wol
weder Mann noch Weib vnter jhnen zue ſeiner zeit den freyen
kuͤnſten ob zue liegen pflegeten/ faßeten ſie doch alles was ſie im
C ijgedaͤcht-
[] gedaͤchtniß behalten wolten in gewiſſe reimen vñ getichte. Wie
er denn in einem andern orte ſaget/ das ſie viel von des Armi-
nius ſeinen thaten zue fingen pflegeten. Welches ſie vieleichte
den Frantzoſen nachgethan haben/ bey denen/ wie Strabo
im fuͤnfften buche anzeiget/ Dreyerley Leute waren/ die
man in ſonderlichen ehren hielt:Bardi, Vatesvnnd
Druiden. Die Barden ſungen Lobgetichte vnnd
waren Poeten; DieVatesopfferten vnd betrachte-
ten die Natur aller dinge; Die Druiden pflegten
vber die Natuͤrliche Wiſſenſchafft auch von gueten
ſitten zue vnterrichten. Welches auch Marcellinus im
fuͤnfften buche bekrefftiget: Die Barden/ ſaget er/ haben
beruͤmbter maͤnner ritterliche thaten mit heroiſchen
Verſen beſchrieben/ vnd mit fuͤßen melodien zue der
leyer geſungen. Vnd Lucanus im erſtenjbuche des buͤrger-
lichen Krieges:

Das ich der meinung bin/ die Deutſchen haben eben dieſes
im gebrauche gehabt/ beſtetiget mich/ vber das was Tacitus
meldet/ auch der alten Cimbrer oder Daͤnen ebenmaͤßiger ge-
brauch/ die von jhren Helden ſchoͤne vnd geiſtreiche Lieder er-
eichtet haben/ deren nicht wenig von alten jahren her in Denne-
marck noch verhanden ſind/ vnd von vielen geſungen werden.
So iſt auch Hiarnes bey jhnen einig vnnd alleine deßentwegen
zum Koͤnigreiche kommen/ weil er dem vorigen Koͤnige zue
ehren ein ſolch grabgetichte gemacht/ das vor allen andern den
preiß behalten.

Vnd vber diß/ ſind doch eines vngenannten Freyherrens
von Wengen/ Juncker Winßbeckens/ Reinmars vou Zwe-
ter/ der ein Pfaͤltziſcher vom Adel vnd bey Keyſer Friedrichen
dem erſten vnd Heinrichen dem ſechſten auffgewartet hatt/
Marners auch eines Edelmannes/ Meiſter Sigeherrens/ vnd
anderer ſachen noch verhanden/ die manchen ſtattliehen Latei-
niſchen Poeten an erfindung vnd ziehr der reden beſchaͤmen.
Jch wil nur auß dem Walter von der Vogelweide/ Keyſer
Philipſes geheimen rahte/ den Goldaſt anzeucht/ einen einigen
ort ſetzen; darauß leichtlich wird zue ſehen ſein/ wie hoch ſich
ſelbige vorneme Maͤnner/ vngeachtet jhrer adelichen ankunfft
vnd ſtandes/ der Poeterey angemaßet:

Das nun von langer zeit her dergleichen zue vben in ver-
geſſen geſtellt iſt worden/ iſt leichtlicher zue beklagen/ als die
vrſache hiervon zue geben. Wiewol auch bey den Jtalienern
erſt Petrarcha die Poeterey in ſeiner Mutterſprache getrieben
hat/ vnnd nicht ſehr vnlengſt Ronſardus; von deme geſaget
wird/ das er/ damit er ſein Frantzoͤſiſches deſto beſſer außwuͤr-
gen koͤndte/ mit der Griechen ſchrifften gantzer zwoͤlff jahr ſich
vberworffen hate; als von welchen die Poeterey jhre meiſte
Kunſt/ art vnd liebligkeit bekommen. Vnd muß ich nur bey
hieſiger gelegenheit ohne ſchew dieſes errinnern/ das ich es fuͤr
eine verlorene arbeit halte/ un fall ſich jemand an vnſere deut-
ſche Pceterey machen wolte/ der/ nebenſt dem das er ein Poete
von natur ſein muß/ in den griechiſchen vñ Lateiniſchen buͤchern
nicht wol durchtrieben iſt/ vnd von jhnen den rechten grieff er-
lernet hat; das auch alle die lehren/ welche ſonſten zue der Poe-
ſie erfodert werden/ vnd ich jetzund kuͤrtzlich beruͤhren wil/ bey
jhm nichts verfangen koͤnnen.

Das V. Capitel.

Von der zuegehoͤr der Deutſchen Poeſie/
vnd erſtlich von der invention oder erfindung/
vnd Diſpoſition oder abtheilung der dinge von
denen wir ſchreiben wollen.

JEil die Poeſie/ wie auch die Rednerkunſt/
in dinge vnd worte abgetheilet wird; als wollen wir
erſtlich von erfindung vnd eintheilung der dinge/ nach-
mals von der zuebereitung vnd ziehr der worte/ vnnd endtlich
vom maße der ſylben/ Verſe/ reimen/ vnnd vnterſchiedener
art der carminum vnd getichte reden.

Die erfindung der dinge iſt nichts anders als eine ſinnreiche
faßung aller ſachen die wir vns einbilden koͤnnen/ der Himliſch-
en vnd jrrdiſchen/ die Leben haben vnd nicht haben/ welche ein
Poete jhm zue beſchreiben vnd herfuͤr zue bringen vornimpt:
darvon in ſeiner Jdea Scaliger außfuͤrlich berichtet. An dieſer
erfindung henget ſiracks die abtheilung/ welche beſtehet in einer
fuͤglichen vnd artigen ordnung der erfundenen ſachen. Hier
mußen wir vns beſinnen/ in was fuͤr einem genere carminis
vnd art der getichte (weil ein jegliches ſeine beſondere zuegehoͤr
hat) wir zue ſchreiben willens ſein.

Ein Heroiſch getichte (das gemeiniglich weitleufftig iſt/
vnd von hohem weſen redet) ſoll man ſtracks von ſeinem inn-
halte vnd der Propoſition anheben; wie Virgilius in den buͤch-
ern vom Ackerbawe thut:

Vnd ich (wiewol ich mich ſchaͤme/ das ich in mangel ande-
rer
[] rer deueſchen exempel mich meiner eigenen gebrauchen ſoll/ weil
mir meine wenigkeit vnd vnvermoͤgen wol bewuſt iſt) in dem
erſten buche der noch vnaußgemachten Troſtgetichte in Wie-
derwertigkeit des Krieges:

Nachmals haben die heiden jhre Goͤtter angeruffen/ das ſie
jhnen zue vollbringung des werckes beyſtehen wollen: denen wir
Chriſten nicht allein folgen/ ſondern auch an froͤmigkeit billich
ſollen vberlegen ſein. Virgilius ſpricht weiter an gedachtẽ orte:

Vnd ich:

Wiewol etliche auch ſtracks zue erſte die anruffung ſetzen.
Als Lucretius:

Vnd Wilhelm von Salluſt in ſeiner andern woche:

Doch iſt/ wie hier zue ſehen/ in der anruffung allzeit die
propoſition zuegleich begrieffen. Auff dieſes folget gemeinig-
lich die dedication; wie Virgilius ſeine Georgica dem Keiſer
Auguſtus zuegeſchrieben. Jtem die vrſache/ warumb man
eben dieſes werck vor ſich genommen: wie im dritten buche vom
Ackerbawe zue ſehen:

vnd wie folget. Dem ich in den
Troſtgetichten auch habe nachkommen wollen:

Das getichte vnd die erzehlung ſelber belangend/ nimpt ſie
es nicht ſo genawe wie die Hiſtorien/ die ſich an die zeit vnd alle
vmbſtende nothwendig binden mußen/ vnnd wiederholet auch
nicht/ wie Horatius erwehnet/ den Troianiſchen krieg von der
Helenen vnd jhrer bruͤder geburt an: leſt viel außen was ſich
nicht hin ſchicken wil/ vnd ſetzct viel das zwar hingehoͤret/ aber
newe vnd vnverhoffet iſt/ vntermenget allerley fabeln/ hiſtori-
en/ Kriegeskuͤnſte/ ſchlachten/ rahtſchlaͤge/ ſturm/ wetter/
vnd was ſonſten zue erweckung der verwunderung in den gemuͤ-
tern von noͤthen iſt; alles mit ſolcher ordnung/ als wann ſich
eines auff das andere ſelber allſo gebe/ vnnd vngeſucht in das
buch keme. Gleichwol aber ſoll man ſich in dieſer freyheit zue
tichten vorſehen/ das man nicht der zeiten vergeße/ vnd in jh-
rer warheit irre. Wiewol es Virgilius/ da er vorgegeben/
Eneas vnd Dido hetten zue einer zeit gelebet/ da doch Dido
hundert jahr zuevor geweſen/ dem Keyſer vnd Roͤmiſchen vol-
cke/ durch welches die ſtadt Carthago bezwungen worden/ zue
liebe gethan/ damitt er gleichſam von den boͤſen fluͤchen der Di-
do einen anfang der feindſchafft zwiſchen dieſen zweyen maͤchti-
gen voͤlckern machte. Ob aber bey vns Deutſchen ſo bald je-
mand kommen moͤchte/ der ſich eines volkommenen Heroiſchẽ
werckes vnterſtehen werde/ ſtehe ich ſehr im zweifel/ vnnd bin
nur der gedanckẽ/ es ſey leichtlicher zue wuͤndſchẽ als zue hoffen.

Die Tragedie iſt an der maieſtet dem Heroiſchen getichte ge-
meße/ ohne das ſie ſelten leidet/ das man geringen ſtandes per-
ſonen vnd ſchlechte ſachen einfuͤhre: weil ſie nur von Koͤniglich-
em willen/ Todtſchlaͤgen/ verzweiffelungen/ Kinder- vnd Vaͤ-
termoͤrden/ brande/ blutſchanden/ kriege vnd auffruhr/ kla-
D ijgen/
[] gen/ heulen/ ſeuffzen vnd dergleichen handelt. Von derer zu-
gehoͤr ſchreibet vornemlich Ariſtoteles/ vnd etwas weitleuffti-
ger Daniel Heinſius; die man leſen kan.

Die Comedie beſtehet in ſchlechtem weſen vnnd perſonen:
redet von hochzeiten/ gaſtgeboten/ ſpielen/ betrug vnd ſchalck-
heit der knechte/ ruhmraͤtigen Landtsknechten/ buhlerſachen/
leichtfertigkeit der jugend/ geitze des alters/ kupplerey vnd ſol-
chen ſachen/ die taͤglich vnter gemeinen Leuten vorlauffen Ha-
ben derowegen die/ welche heutiges tages Comedien geſchrie-
ben/ weit geirret/ die Keyſer vnd Potentaten eingefuͤhret weil
ſolches den regeln der Comedien ſchnurſtracks zuewieder laufft.

Zue einer Satyra gehoͤren zwey dinge: die lehre von gueten
ſitten vnd ehrbaren wandel/ vnd hoͤffliche reden vndſchertzwor-
te. Jhr vornemſtes aber vnd gleichſam als die ſeele iſt/ die har-
te verweiſung der laſter vnd anmahnung zue der tugend: welch-
es zue vollbringen ſie mit allerley ſtachligen vnd ſpitzfindigen re-
den/ wie mit ſcharffen pfeilen/ vmb ſich ſcheußt. Vnd haben
alle Satyriſche ſcribenten zum gebrauche/ das ſie vngeſchewet
ſich vor feinde aller laſter angeben/ vnd jhrer beſten freunde ja
jhrer ſelbſt auch nicht verſchonen/ damit ſie nur andere beſtechẽ
moͤgen: wie es denn alle drey Horatius/ Juuenalis vnnd Per-
ſius meiſterlich an den tag gegeben.

Das Epigramma ſetze ich darumb zue der Satyra/ weil die
Satyra ein lang Epigramma/ vnd das Epigramma eine kurt-
ze Satyra iſt: denn die kurtze iſt ſeine eigenſchafft/ vnd die ſpitz-
findigkeit gleichſam ſeine ſeele vñ geſtallt; die ſonderlich an dem
ende erſcheinet/ das allezeit anders als wir verhoffet hetten ge-
fallen ſoll: in welchem auch die ſpitzfindigkeit vornemlich beſte-
het. Wiewol aber das Epigramma aller ſachen vnnd woͤrter
faͤhig iſt/ ſoll es doch lieber in Veneriſchem weſen/ vberſchriff-
ten der begraͤbniße vnd gebaͤwe/ Lobe vornemer Maͤnner vnd
Frawen/ kurtzweiligen ſchertzreden vnnd anderem/ es ſey was
es
[] es wolle/ beſtehen/ als in ſpoͤttlicher hoͤnerey vnd auffruck an-
derer leute laſter vnd gebrechen. Denn es iſt eine anzeigung ei-
nes vnverſchaͤmten ſicheren gemuͤtes/ einen jetwedern/ wie vn-
vernuͤnfftige thiere thun/ ohne vnterſcheidt anlauffen.

Die Eclogen oder Hirtenlieder reden von ſchaffen/ geißen/
ſeewerck/ erndten/ erdgewaͤchſen/ fiſchereyen vnnd anderem
feldweſen; vnd pflegen alles worvon ſie reden/ als von Liebe/
heyrathen/ abſterben/ buhlſchafften/ feſttagen vnnd ſonſten
auff jhre baͤwriſche vnd einfaͤltige art vor zue bringen.

Jn den Elegien hatt man erſtlich nur trawrige ſachen/ nach-
mals auch buhlergeſchaͤffte/ klagen der verliebten/ wuͤndſchung
des todes/ brieffe/ verlangen nach den abweſenden/ erzehlung
ſeines eigenen Lebens vnnd dergleichen geſchrieben; wie dann
die meiſter derſelben/ Ouidius/ Propertius/ Tibullus/ San-
nazar/ Secundus/ Lotichius vnd andere außweiſen.

Das ich der Echo oder des Wiederruffes zue ende der woͤr-
ter gedencke/ thue ich erſtlich dem Douſa zue ehren/ welcher
mit etlichen ſolchen getichten gemacht hat/ das wir etwas dar-
von halten; wiewol das ſo Secnndus geſchrieben (wie alle an-
dere ſeine ſachen) auch ſehr artlich iſt: darnach aber/ weil ich
ſehe/ das ſie bey den Frantzoſen gleichfalls im gebrauche ſein;
bey denen man ſich erſehen kan. So ſind jhrer auch zwey in
meinen deutſchen Poematis/ die vnlengſt zue Straßburg auß
gegangen/ zue finden. Welchen buches halben/ das zum theil
vor etlichen jahren von mir ſelber’/ zum theil in meinem abwe-
ſen von andern vngeordnet vnd vnvberſehen zueſammen gele-
ſen iſt worden/ ich alle die bitte denen es zue geſichte kommen iſt/
ſie wollen die vielfaͤltigen maͤngel vnd irrungen ſo darinnen ſich
befinden/ beydes meiner jugend/ (angeſehen das viel darunter
iſt/ welches ich/ da ich noch faſt ein knabe geweſen/ geſchrieben
habe) vnnd dann denen zuerechnen/ die auß keiner boͤſen mei-
nung meinen gueten namen dadurch zue erweitern bedacht ge-
D iijweſen
[] weſen ſein. Jch verheiße hiermitt/ eheſtes alle das jenige/ was
ich von dergleichen ſachen bey handen habe/ in gewiße buͤcher
ab zue theilen/ vnd zue rettung meines geruͤchtes/ welches we-
gen voriger vbereileten edition ſich mercklich verletzt befindet/
durch offentlichen druck jederman gemeine zue machen.

Hymni oder Lobgeſaͤnge waren vorzeiten/ die ſie jhren Goͤt-
tern vor dem altare zue ſingen pflagen/ vnd wir vnſerem GOtt
ſingen ſollen. Dergleichen iſt der lobgeſang den Heinſius vn-
ſerem erloͤſer/ vnd der den ich auff die Chriſtnacht geſchrieben
habe. Wiewol ſie auch zuezeiten was anders loben; wie bey
dem Ronſard iſt der Hymnus der Gerechtigkeit/ Der Geiſter/
des Himmels/ der Sternen/ der Philoſophie/ der vier Jah-
reszeiten/ des Goldes/ ꝛc.

Sylven oder waͤlder ſind nicht allein nur ſolche carmina/
die auß geſchwinder anregung vnnd hitze ohne arbeit von der
hand weg gemacht werden/ von denen Quintilianus im dritten
Capitel des zehenden buches ſaget: Diuerſum eſt huic corum
vitium, qui primùm diſcurrere per materiam ſtylo quàm
velociſsimo volunt, \& ſequentes calorem atque impe-
tum ex tempore ſcribunt: Hoc ſyluam vocant; vnd wie
an den ſchoͤnen ſyluis die Statius geſchrieben zue ſehen iſt/ wel-
che er in der Epiſtel fuͤr dem erſten buche nennet libellos qui ſu-
bito calore \& quadam feſtinandi voluptate ipſi fluxerant:
ſondern/ wie jhr name ſelber anzeiget/ der vom gleichniß eines
Waldes/ in dem vieler art vnd ſorten Baͤwme zue finden ſindt/
genommen iſt/ ſie begreiffen auch allerley geiſtliche vnnd welt-
liche getichte/ als da ſind Hochzeit- vnd Geburtlieder/ Gluͤck-
wuͤndtſchungen nach außgeſtandener kranckheit/ item auff reiſẽ/
oder auff die zueruͤckkunfft von denſelben/ vnd dergleichen.

Die Lyrica oder getichte die man zur Muſic ſonderlich ge-
brauchen kan/ erfodern zuefoͤderſt ein freyes luſtiges gemuͤte/
vnd wollen mit ſchoͤnen ſpruͤchen vnnd lehren haͤuffig geziehret
ſein:
[] ſein: wieder der andern Carminum gebrauch/ da man ſonderli-
che maſſe wegen der ſententze halten muß; damit nicht der gan-
tze Coͤrper vnſerer rede nur lauter augen zue haben ſcheine/ weil
er auch der andern glieder nicht entberen kan. Jhren inhalt be-
treffendt/ ſaget Horatius:

Er wil ſo viel zue verſtehen geben/ das ſie alles was in ein
kurtz getichte kan gebracht werden beſchreiben koͤnnen; buhle-
rey/ taͤntze/ banckte/ ſchoͤne Menſcher/ Gaͤrte/ Weinberge/ lob
der maͤſſigkeit/ nichtigkeit des todes/ ꝛc. Sonderlich aber ver-
mahnung zue der froͤligkeit: welchen inhalts ich meiner Oden
eine/ zue beſchlieſſung dieſes Cavitels/ ſetzen wil:

Das VI. Capitel.
Von der zuebereitung vnd ziehr
der worte.

NAch dem wir von den dingen gehandelt ha-
ben/ folgen jetzund die worte; wie es der natur auch ge-
meße iſt. Denn es muß ein Menſch jhm erſtlich etwas
in ſeinem gemuͤte faſſen/ hernach das was er gefaſt hat außreden.
Die worte beſtehen in dreyerley; inn der elegantz oder ziehrlig-
keit/ in der compoſition oder zueſammenſetzung/ vnd in der
dignitet vnd anſehen.

Die ziehrligkeit erfodert das die worte reine vnd deutlich ſein.
Damit wir aber reine reden moͤgen/ ſollen wir vns befleiſſen de-
me welches wir Hochdeutſch nennen beſten vermoͤgens nach zue
kommen/ vnd nicht derer oͤrter ſprache/ wo fallſch geredet wird/
in vnſere ſchrifften vermiſchen: als da ſind/ es geſchach/ fuͤr/
es geſchahe/ er ſach/ fuͤr/ er ſahe; ſie han/ fuͤr ſie haben
vnd anderes mehr: welches dem reine auch bißweilen außhelf-
fen ſol; als:

So ſtehet es auch zum hefftigſten vnſauber/ wenn allerley
Lateiniſche/ Frantzoͤſiſche/ Spaniſche vnnd Welſche woͤrter in
den tert vnſerer rede geflickt werden; als wenn ich wolte ſagen:

Wie ſeltzam dieſes nun klinget/ ſo iſt nichts deſto weniger die
thorheit innerhalb kurtzen Jharen ſo eingerieſſen/ das ein jeder/
Eder
[] der nur drey oder vier außlaͤndiſche woͤrter/ die er zum offtern
nicht verſtehet/ erwuſcht hat/ bey aller gelegenheit ſich bemuͤhet
dieſelben herauß zue werffen/ Da doch die Lateiner eine ſolche
abſchew ver dergleichen getragen/ das in jhren verſen auch faſt
kein griechiſch wort geſunden wird/ das zwar gantz griechiſch
iſt. Dann Juuenalis ſetzet inn einem orte [...], eben
dieſelben auß zue lachen/ die ſich in jhren buhlereyen mit griech-
iſchen woͤrtern behelffen: in dem andern orte aber thut er es da-
rumb/ das er die ſchaͤndliche ſuͤnde/ daran Chriſten auch nicht
gedencken ſollen/ lateiniſch auß zueſprechen abſchew treget: wie-
wol er ſonſten kein blat fuͤr das maul nimpt. Was aber die no-
mina propria oder eigentlichen namen der Goͤtter/ Maͤnner
vnd Weiber vnd dergleichen betrifft/ duͤrffen wir nach art der La
teiner vnd Griechen jhre caſus nicht in acht nemen/ ſondern
ſollen ſie ſo viel moͤglich auff vnſere endung bringen. Als/ ich
mag kuͤnlich nach der Deutſchen gebrauche ſagen:

vnd nicht/ des Jouis. Jtem/ der Venus pfeile/ nicht
veneris. Wie es denn auch die Roͤmer mit den griechiſchen
woͤrtern machen. Die Frantzoſen gleichfals. Bartaß in ſeinem
Buche/ dem er den titel die Herrligkeit gegeben:

Jtem die Hollender. Als Heinſius:

Doch koͤnnen wir anfanges/ weil es in vieler ohren noch et-
was harte lautet/ etliche lateiniſche endungen noch gebrauchen/
biß wir in die gewonheit kommen ſind. Als wenn ich der Erin-
nen/ die Stobeus anzeucht/ verß geben wolte.

mag ich wol ſetzen:

O Rom/ des Martis kind/ ſey ſehr gegruͤßt von
mir den im fall ich ſpreche/ O Rom/ du kind des Mars/
moͤchte es vielen zue anfange ſeltzam vorkommen.

Die diphthongi oder deppeltlautenden Buchſtaben/ weil
ſie bey vns nicht vblich/ duͤrffen nur mit demſelblautenden buch-
ſtaben geſchrieben werden/ deſſen thon ſie haben; als
Enéas/ Eſchylus/ Mecenas ꝛc.

Newe woͤrter/ welches gemeiniglich epitheta, derer wir
bald gedencken werden/ vnd von andern woͤrtern zueſammen ge-
ſetzt ſindt/ zue erdencken/ iſt Poeten nicht allein erlaubet/ ſondern
macht auch den getichten/ wenn es maͤſſig geſchiehet/ eine ſon-
derliche anmutigkeit. Als wenn ich die nacht oder die Muſic ei-
ne arbeittroͤſterinn/ eine kummerwenderinn/ die Bellona mit
einem dreyfachen worte kriegs-blut-duͤrſtig/ vnd ſo fertan nen-
ne. Jtem den Nortwind einen wolckentreiber/ einen felſſen ſtuͤr-
mer vnd meerauffreitzer: wie jhn Ronſardt (denn die Frantzo-
ſen echſt den Griechen hierinnen meiſter ſindt) im 202. Son-
net ſeines andern buches der Buhlerſachen heiſſet:

Welches auß dem Ouidio genommen iſt.

Solches ſtehet auch an ſeinem orte bey den Lateinern nicht
vbel; als da Catullus ſaget in ſeinem vberauß ſchoͤnen getichte
vom Atys:

Vbi cerua ſyluicultrix, vbi aper ncmoriuagus Vnd Pr-
blius Syrus von dem ſtorche:

Jn welchen erfindungen Joſeph Scaliger zue vnſerer zeit
meines beduͤnckens alle andere/ auch die alten ſelber/ vbertroffẽ.

Darbey aber vns Deutſchen diß zue mereken iſt/ das das
nomen verbale, als treiber/ ſtuͤrmer/ auffreitzer/ ꝛc. allzeit/
wie bey den Lateinern/ muß hinten gefetzt werden; wieder der
Frantzoſẽ gebꝛauch/ derer ſprache es nicht anders mit ſich bringt.
So Heinſins in dem Lobgetichte des Weingottes/ welches er
auch zum theil von dem Ronſardt entlehnet:

Vnd nach meiner vordolmetſchung:

Wie denn auch ſonſten die epitheta bey vns gar ein vbel
außſehen haben/ wenn ſie hinter jhr ſubſtantiuum geſetzet
werden/ als: Das muͤndlein roht/ der Weltkreiß
rund/ die haͤnde fein; fuͤr; das rothe muͤndlein/ der
runde
[]runde Weltkreiß/ die feinen haͤnde/ ꝛc. wiewol bey vn-
ſern reimenmachern nichts gemeiner iſt.

So bringen auch die Frantzoſen newe Verba herfuͤr/ wel-
che/ wenn ſie mit beſcheidenheit geſetzet werden/ nicht vnartig
ſind. Als Ronſardt brauthet in einer Elegie an die Caßandra/
das wort Petrarquiser, das iſt/ wie Petrartha buhleriſche re-
den brauchen:

Vnd ich habe es jhm mit einem anderen worte nachgethan/
da ich die Leyer anrede:

Jch darff aber darumb nicht bald auß dem Frantzoͤſiſchen ſa-
gen: approchiren, marchiren; oder auß dem Lateine: dubi-
tiren, ſeruiren; gaudiren, wie zwar die zne thun pflegen/ die
eher jhre Mutterſprache verterben/ als das ſie nicht wollen ſe-
hen laßen/ das ſie auch was frembdes gelernet haben.

Wie nun wegen reinligkeit der reden frembde woͤrter vnnd
dergleichen mußen vermieden werden; ſo muß man auch der
deutligkeit halben ſich fuͤr alle dem huͤten/ was vnſere worte tun-
ckel vnd vnverſtendtlich macht. Als wann ich ſagen wollte:
Das weib das thier ergrieff. Hier were zue zweiffeln/
ob das weib vom thiere/ oder das thier vom weibe were ergrief-
fen worden: welches die Griechen eine [...] nennen.

Der [...] da etwas vbriges geſaget wird/ verſtellet
auch die rede zue weilen nicht wenig. Als wann ich ſpreche:
Ein ſchwartzes Kind das nicht war weiß;
weil es ſich wol ohne diß verſtehet So wie Panſa ſagete: Das
Kind were von der Mutter zehen monat im leibe getragen wor-
den: fragete Cicero: ob andere weiber die kin der im rocke truͤgẽ.
Doch hilfft bißweilen das was vbrig hinzue geſetzet wird auch zu
E iijauff
[] auffmutzung der rede. So ſaget Virgilius:

zue mehrer beſtetigung deßen das er erzehlet.

Die [...] oder verkehrung der worte ſtehet bey vns
ſehr garſtig/ als: Den ſieg die Venus kriegt; fuͤr Die
Venus kriegt den ſieg. Jtem: Sich ſelig dieſer ſchaͤtz-
en mag; fuͤr: Dieſer mag ſich ſelig ſchaͤtzen. Vnnd ſe
offte dergleichen gefunden wird/ iſt es eine gewiße anzeigung/
das die worte in den verß gezwungen vnd gedrungen ſein.

Auff die außleſung der worte/ ſagen wir nun billich auch von
jhrer zueſammenſetzung; wie wir nemlich die buchſtaben/ ſylla-
ben vnd woͤrter aneinander fuͤgen ſollen.

Weil ein buchſtabe einen andern klang von ſich giebet als der
andere/ ſoll man ſehen/ das man dieſe zum offteren gebrauche/
die ſich zue der ſache welche wir fuͤr vns haben am beſten ſchickẽ.
Als wie Virgilius von dem berge Etna redet/ brauchet er alles
harte vnd gleichſam knallende buchſtaben:

Heinſius ſaget:

So/ weil das L vnd R fließende buchſtaben ſein kan ich wir
ſie
[] ſie in beſchreibung der baͤche vnd waͤßer wol nuͤtze machen/ als:
Der klare brunnen quilt mitt lieblichem gerauſche ꝛc.

Wie nun bißweilen eine ſolche zueſammenſtoßung der buch-
ſtaben recht vnd guet iſt; ſoll man ſie doch ſonſien mitt einander
ſo wißen zue vermengen/ das nicht die rede dadurch garzue raw
oder zue unde werde. Eben dieſes iſt es auch/ wann eine ſyllabe
oder wort zue offte wiederholet wird, als Die die dir dieſe
dinge ſagen.

Jtem/ Es ſiehet nicht wol auß/ wenn ein Verß in lauter
eynſylbigen woͤrtern beſtehet. Deßen exempel Ronſard giebet:

Wiewol wir deutſchen/ wegen der menge der einſylbigen
woͤrter die wir haben/ es zuezeiten kaum vermeiden koͤnnen.

Hergegen ſollen die verß/ ſonderlich die Maſculini (wie wir
ſie im folgenden Capitel nennen werden) ſich nicht mit viel ſyl-
bigen woͤrtern enden.

Dann die verß gar zue grob vnd harte dadurch gemacht
werden.

Das anſehen vnd die dignitet der Poetiſchen rede anlangt/
beſtehet dieſelbe in den tropis vnnd fchematibus, wenn wir
nemblich ein wort von ſeiner eigentlichen bedeutung auff einan-
dere ziehen. Dieſer figuren abtheilung/ eigenſchafft vnd zuege-
hoͤr allhier zue beſchreiben/ achte ich darumb vnvonnoͤthen/ weil
wir im deutſchen hiervon mehr nicht als was die Lateiner zue
mercken haben/ vnd alſo genungſamen vnterricht hiervon ne-
ben den exempeln aus Scaligers vnnd anderer gelehrten leute
buͤchern nemen koͤnnen. Deſſen wil ich nur erinnern/ das fuͤr
allen dingen noͤtig ſey/ hoͤchſte moͤgligkeit zue verſuchen/ wie
man die epitheta; an denen bißher bey vns groſſer mangel ge-
weſen/
[] weſen/ ſonderlich von den Griechen vnd Lateiniſchen abſtehen/
vnd vns zue nutze machen moͤgen: Dann ſie den Poetiſchen ſa-
chen einen ſolchen glantz geben/ das Steſichorus fuͤr den anmu-
tigſten Poeten iſt gehalten worden/ weil er deſſelbigen zum fuͤg-
lichſten ſich gebraucht hat

Sie muſſen aber ſo gemachtwerden/ das ſie entweder die
dinge von denen wir reden von andern vnterſcheiden; als da der
Poet ſpricht: nigra hirundo,die ſchwartze Schwalbe/
oder ſie vermehren/ als: frigida bello Dextera,eine handt
die im kriege nicht viel außrichtet.

Sie muſſen auch warhafftig ſein/ vnd etwas nicht anders
beſchreiben als es iſt Zum erempel: florida Hybla; weil viel
Blumen darauff wachſen ſollen: Parnasia laurus, æſtuoſa
Calabria, vnd dergleichen Strabo rhuͤmet den Homerus/ das
er die eigenſchafft eines/ etwedern dinges ſehr genaw in acht ge-
nommen/ vnd jhm vnfehiber ſein gehoͤriges epitheton allzeit
gegeben habe. Die Poeten/ denen mehr freyheit als den Ora-
toren eingeraͤumet iſt/ koͤnnen auch wol den ſchnee weiß/ vnnd
den wein feuchte nennen: wie Ariſtoteles im dritten buche der
Rhetoric/ vnnd Quintilianus im ſechſten Capitel des achten
buches ſaget. Wiewol Virgilius nicht ohne vrſache ſetzet:

Denn in dem er ſpricht/ das man in den Mitternaͤ[ch]tiſchen
Laͤndern den gefrorenen Wein/ der doch von natur ſonſt naß
iſt/ mit aͤxten zuehawen muß/ macht er das man deſto mehr der
vngewoͤhnlichen kaͤlte nachdenckt.

Letzlich haben wir in vnſerer ſprache dieſes auch zue mercken/
das wir nicht vier oder fuͤnff epitheta zu einem worte ſetzen/
wie die Jtaliener thun/ die wol ſagen duͤrffen:

Denn ſolches bloß zue außfuͤllung des verſes dienet.

Dieſes ſey nun von der allgemeinen zuegehoͤr der Poetiſchen re-
de: weil aber die dinge von denen wir ſchreiben vnter ſchieden
ſind/ als gehoͤret ſich auch zue einem jeglichen ein eigener vnnd
von den andern vnterſchiedener Character oder merckzeichen
der worte. Denn wie ein anderer habit einem koͤnige/ ein an-
derer einer priuatperſon gebuͤhret/ vnd ein Kriegesman ſo/ ein
Bawer anders/ ein Kauffmann wieder anders hergehen ſoll:
ſo muß man auch nicht von allen dingen auff einerley weiſe re-
den; ſondern zue niedrigen ſachen ſchlechte/ zue hohen anſehli-
che/ zue mittelmaͤſſigen auch maͤſſige vnd weder zue groſſe noch
zue gemeine worte brauchen.

Jn den niedrigen Poetiſchen ſachen werden ſchlechte vnnd
gemeine leute eingefuͤhret; wie in Comedien vnd Hirtengeſpre-
chen Darumb tichtet man jhnen auch einfaltige vnnd ſchlechte
reden an/ die jhnen gemaͤſſe ſein: So Tityrus bey dem Poe-
ten/ wenn er ſeines Gottes erwehnet/ redet er nicht von ſeinem
plitze vnd donner/ ſondern

Wie Theocritus ſonſten inn dem paß wol jederman vberle-
gen/ ſo weiß ich doch nicht wie ſein Aites mir ſonderlich beha-
get: inmaſſen ich denn auch halte/ das Heinſius gleichfals groſ-
ſen gefallen daran treget/ der dieſes Jdyllion Lateiniſch vnnd
Hollendiſch gegeben. Weil ich jhm aber im deutſchen nachge-
folget/ vnd den niedrigen Character/ von dem wir jetzo reden/
nicht beſſer vorzueſtellen weiß/ wil ich meine uͤberſetzung hierne-
ben fuͤgen.

Hergegen in wichtigen ſachen/ da von Goͤttern/ Helden/ Koͤ-
nigen/ Fuͤrſten/ Staͤdten vnd dergleichen gehandelt wird/ muß
man anſehliche/ volle vnd hefftige reden vorbringen/ vnd ein
ding nicht nur bloß nennen/ ſondern mit praͤchtigen hohen wor-
ten vmbſchreiben. Virgilius ſagt nicht: die oder luce ſequen-
ti; ſondern:

Die mittele oder gleiche art zue reden iſt/ welche zwar mit ih-
rer ziehr vber die niedrige ſteiget/ vnd dennoch zue der hohen an
pracht vnd groſſen worten noch nicht gelanget Jn dieſer geſtalt
hat Catullus ſeine Argonautica geſchrieben; welche wegen jh-
rer vnvergleichlichen ſchoͤnheit allen der Poeſie liebhabern be-
kandt ſein/ oder ja ſein ſollen. Bißhiehcr auch dieſes: nun iſt
noch vbrig das wir von den reimen vnd vnterſchiedenen art der
getichte reden.

Das VII. Capitel.
Von den reimen/ jhren woͤrtern vnd
arten der getichte.

EJn reim iſt eine vber einſtimmung des lautes
der ſyllaben vnd woͤrter zue ende zweyer oder mehrer ver-
ſe/ welche wir nach der art die wir vns fuͤrgeſchrieben ha-
ben zueſammen ſetzen. Damit aber die ſyllben vnd worte in die
reimen recht gebracht werden/ ſind nachfolgende lehren in acht
zue nemen:

Erſtlich/ weil offte ein Buchſtabe eines doppelten lautes iſt/
ſoll man ſehen/ das er in ſchlieſſung der reimen nicht vermenget
werd.
[] werde. Zum exempel: Das ein dem worte ehren wird wie ein
griechiſch ɛ/ in dem worte nehren wie ein η außgeſprochen:
kan ich alſo mit dieſen zweyen keinen reim ſchlieſſen. Jtem/
wenn ich des Herren von Pybrac Epigramma wolte geben:

Hier/ weil das e im lehret wie ɛ/ das im beſcheret wie η
geleſen wird/ kan ich vor beſcheret das wort verehret ſetzen.
So ſchicken ſich auch nicht zuſammen entgegen vnd pflegen;
verkehren vnd hoͤren: weil das ὄ von vnns als ein ɛ/ vnnd
mitlere ſylbe im verkehren wie mit einem η geleſen wirdt. So
kan ich auch iſt vnd biſt wegen des vngleichen lautes gegen ei-
nander nicht ſtellen.

Das e/ wann es vor einem andern ſelblautenden Buchſta-
ben zue ende des wortes vorher gehet/ es ſey in waſſerley verſen
es wolte/ wird nicht geſchrieben vnd außgeſprochen/ ſondern an
ſeine ſtatt ein ſolches zeichen darfuͤr geſetzt. Zum exempel wil ich
nachfolgendes Sonnet ſetzen/ weil dieſe außenlaßung zue ſechs
malen darinnen wiederholet wird:

Hiervon werden außgeſchloſſen/ wie auch Ernſt Schwabe
in ſeinem Buͤchlein erinnert/ die eigenen namen/ als: Hele-
ne/ Euphroſine; darnach alle einſylbige woͤrter/ als:
Schnee/ See/ wie/ die/ ꝛc.

Zue ende der reimen/ wann ein Vocalis den folgenden
verß
[] verß anhebet/ kan man das e ſehen laſſen oder weg thun. Ste-
hen bleibt es.

Weg gethan aber wird es:

Wann auff das e ein Conſonans oder mitlautender Buch-
ſtabe folget/ ſoll es nicht auſſen gelaſſen werden: ob ſchon nie-
mandt bißher nicht geweſen iſt/ der in dieſem nicht verſtoſſen.
Jch kan nicht recht ſagen:

Weil es die Waͤlle vnd jhre Graben ſein ſoll. Auch nicht
wie Melißus:

fuͤr/ Rote roͤßlein.

Gleichfals nicht:

fuͤr: Meine.

Es ſoll auch das e zueweilen nicht auß der mitten der woͤrter
gezogen werden; weil durch die zueſammenziehung der ſylben
die verſe wiederwertig vnd vnangeneme zue leſen ſein. Als/
wann ich ſchriebe:

Welchem die reime nicht beſſer als ſo von ſtatten gehen/
mag/
[] mag es kuͤnlich bleiben laſſen: Denn er nur die vnſchnldigen
woͤrter/ den Leſer vnd ſich ſelbſt darzue martert vnnd quelet.
Wiewol es nicht ſo gemeinet iſt/ das man das e niemals auſſen-
laſſen moͤge: Weil es in Cancelleyen (welche die rechten leh-
rerinn der reinen ſprache ſind) vnd ſonſten vblich/ auch im auß-
reden nicht verhinderlich iſt. Vnnd kan ich wol ſagen/ vom
fuͤr von dem/ zum fuͤr zue dem/ vnd dergleichen. So iſt es
auch mit den verbis. Als.

Hier/ ob gleich die woͤrter trincket/ pfleget/ wollet/
inn eine ſylbe gezogen ſind/ geſchiehet jhnen doch keine ge-
walt. Hieſige verß aber ſindt in Griechiſchen bey dem Ana-
creon:

Welche oden ich ſonſt auch in ein diſtichion gebracht; weil
ich zue den lateiniſchen Ancareonten weder luſt nochgluͤck habe.

Stehet das h zue anfange eines wortes/ ſo kan das e wol ge-
duldet werden; als:

Oder auch auſſen bieiben; als:

Ferner ſoll auch das e denen woͤrtern zue welchen es nicht ge-
hoͤret vnangehencket bleiben; als in caſu nominatiuo:

Vnd:

Vber diß/ die letzte ſylbe in den maͤnnlichen/ vnd letzten zwe
inn den weiblichen reimen (wie wir ſie bald abtheilen werden)
ſollen nicht an allen Buchſtaben gleiche ſein; als/ in einem weib-
lichen reime:

Es iſt falſch; weil die letzten zwo ſylben gantz eines ſindt:
kan aber ſo recht gemacht werden:

Wiewol es die Frantzoſen ſo genaw nicht nemen. Dann in
Gnach-
[] nachfolgender Echo/ welche vom tantze redet/ alle verß gleiche
fallen:

Gleichfals begehet man einen fehler/ wann in dem rythmo
fœ minino die letzte ſylbe des einen verſes ein t/ des andern ein
d hat, weil t harte vnd d gelinde außgeſprochen wird. Als im 23
Pſalme:

So auch/ wann das eine u einſelblautender/ das andere ein
doppeltlaudender Buchſtabe iſt/ vnd faſt wie ein i außgeſpro-
chen wird Als im 42. Pſalme:

Dann in dem worte fuͤnden iſt das u ein diphthongus.

Vnd letzlich wird der reim auch falſch/ wann in dem einen
verſe das letzte wort einen doppelten conſonanrem; vnnd das
in dem andern einen einfachen hat; als: wann der eine verß ſich
auff das wort harren; das andere auff das wort verwahren/
oder der eine auff raſen/ der andereauff gleicher maſſen
endete Denn es eine andere gelegenheit mit der Frantzoͤſiſchen
ſprache hatt/ da zwar zweene conſonantes geſchrieben/ aber
gemeiniglich nur einer außgeſprochen wird.

Das wir nun weiter fortfahren/ ſo iſt erſtlich ein jeglicher
verß/ wie ſie die Frantzoſen auch abtheilen/ (denn der Jtalie-
ner zarte reimen alleine auf die weibliche endung außgehen) ent-
weder ein fœmininus, welcher zue ende abſchieſſig iſt/ vnd den
accent in der letzten ſylben ohne eine hat/ Als:

Oder maſculinus, das iſt/ maͤnnlicher verß/ da der then
auff der letzten ſylben in die hoͤhe ſteiget; als:

Nachmals iſt auch ein jeder verß entweder ein iambicus o-
der trochaicus; nicht zwar das wir auff art der griechen vnnd
lateiner eine gewiſſe groͤſſe der ſylben koͤnnen inn acht nemen;
ſondern das wir aus den accenten vnnd dem thone erkennen/
welche ſylbe hoch vnnd welche niedrig geſetzt ſoll werden. Ein
Jambus iſt dieſer:

Der folgende ein Troeheus:

Dann in dem erſten verſe die erſte ſylbe niedrig/ die andere
hoch/ die dritte niedrig/ die vierde hoch/ vnd ſo fortan/ in dem
anderen verſe die erſte ſylbe hoch/ die andere ntedrig/ die dritte
hoch/ ꝛc. außgeſprochen werden. Wiewol nun meines wiſſens
noch niemand/ ich auch vor derzeit ſelber nicht/ dieſes genawe
in acht genommen/ ſcheinet es doch ſo hoch von noͤthen zue ſein/
als hoch von noͤthen iſt/ das die Lateiner noch den quantirati-
bus oder groͤſſen der ſylben jhre verſe richten vñ reguliren. Deñ
es gar einen uͤbelen klang hat:

Venus die hat Juno nicht vermocht zue obſie-
gen; weil Venus vnd Juno Jambiſche/ vermocht ein
Trochéiſch wort ſein ſell: obſiegen aber/ weil die erſte ſylbe
hoch/ die andern zwo niedrig ſein/ hat eben den thon welchen
bey den lateinern der dactylus hat/ der ſich zueweilen (denn er
gleichwol auch kan geduldet werden/ wenn er mit vnterſcheide
geſatzt wird) in vnſere ſprache/ wann man dem geſetze der reimen
keine gewalt thun wil/ ſo wenig zwingen leßt/ als caſtitas, pul-
chtitudo vnd dergleiehen in die lateiniſchen vnd hexametros
vnnd pentametros zue bringen ſind. Wiewol die Frantzoſen
vnd andere/ in den eigentlichen namen ſonderlich/ die accente ſo
genawe nicht in acht nemen wie ich dann auch auff art des Ron-
ſardts in einer Ode geſchrieben:

Doch/ wie ich dieſes nur luſt halben gethan/ ſo bin ich der ge-
dancken/ man ſolle den lateiniſchen accenten ſo viel moͤglich
nachkommen.

Vnter den Jambiſchen verſen ſind die zue foͤderſte zue ſe-
tzen/ welche man Alexandriniſche/ von jhrem erſten erfinder/ der
ein Jtaliener ſoll geweſen ſein/ zue nennen pfleget/ vnd werden
an ſtatt der Griechen vnd Roͤmer heroiſchen verſe gebraucht:
Ob gleich Ronſardt die Vers communs der gemeinen verſe/
von denen wir ſtracks ſagen werden/ hierzue tuͤchtiger zue ſein
vermeinet; weil die Alexandriniſchen wegen jhrer weitleufftig-
keit der vngebundenen vnnd freyen rede zue ſehr aͤhnlich ſindt/
wann ſie nicht jhren mann finden/ der ſie mit lebendigen farben
herauß zue ſtreichen weiß. Weil aber dieſes einem Poeten zue-
ſtehet/ vñ die vber welcher vermoͤgen es iſt nicht gezwungen ſind
ſich
[] ſich darmit zue aͤrgern/ vnſere ſprache auch ohne diß in ſolche
enge der woͤrter wie die Frantzoͤſiſche nicht kan gebracht wer-
den/ muſſen vnd koͤnnen wir ſie an ſtatt der heroiſchen verſe gar
wol behalten: inmaſſen dann auch die Niederlaͤnder zue thun
pflegen.

Der weibliche verß hat dreyzehen/ der maͤnnliche zwoͤlff ſyl-
ben; wie der ia mbus trimcter. Es muß aber allezeit die ſechſte
ſylbe eine cæſur oder abſchritt haben/ vnd maſculinæ rermi-
nationis, das iſt/ entweder ein einſylbig wort ſein/ oder den ac-
cent in der letzten ſylben haben; wie auch ein vornemer Mann/
der des Herren von Bartas Wochen in vnſere ſprache vberſetzt
hat/ erinnert Zum exempel ſey diejes:

Hier ſind die erſten zweene verß weibliche/ die andern zweene
maͤnnliche: Denn mann dem weiblichen in dieſem genere car-
minis gemeiniglich die oberſtelle leßt; wiewol auch etliche von
den maͤnnlichen anfangen.

Bey dieſer gelegenheit iſt zue erinnern/ das die cæſur der
ſechſten ſyllben/ ſich weder mit dem ende jhres eigenen verſes/
noch des vorgehenden oder nachfolgenden reimen ſoll; oder kuͤrtz-
lich; es ſol kein reim gemacht weꝛdẽ/ als da wo er hin gehoͤret: als:

Dann ſolches ſtehet eben ſo vbel als die reimen der lateini-
G iijſchen
[] ſchen verſe; deren exempel zwar bey den gutten Autoren wenig
zue finden/ der Moͤnche buͤcher aber vor etzlich hundert Jahren
alle voll ſindt geweſen.

So iſt es auch nicht von noͤthen/ das der periodus oder ſen-
tentz allzeit mit dem verſe oder der ſtrophe ſich ende: ja es ſtehet
zierlich/ wañ er zum wenigſten biß zue des anderu/ dritten/ vierd-
ten verſes/ auch des erſten in der folgenden ſtrophe cæſúr behal-
ten wird. Zumexempel:

Jtem:

Die reimen deren werbliche verß eilff ſylben/ vnd die maͤnn-
lichen zehen haben/ neñen die Frantzoſen vers communs oder
gemeine verle/ weil ſie bey jhnen ſehr im brauche ſind. Wie a-
ber die Alexandriniſchen verſe auff der ſechſten ſylben/ ſo haben
dieſe auff der vierdten jhren abſchrit Als:

Weil die Sonnet vnnd Quatrains oder vierverſichten cpi-
gram-
[]grammata faſt allezeit mit Alexandriniſchen oder gemeinen
verſen geſchrieben werden/ (denn ſich die andern faſt darzue
nicht ſchicken) als wil ich derſelben gleich hier erwehnen.

Wann her das Sonnet bey den Frantzoſen ſeinen namen
habe/ wie es denn auch die Jtaliener ſo nennen/ weiß ich anders
nichts zue ſagen/ als dieweil Sonner klingen oder wiederſchal-
len/ vnd ſonnette eine klingel oder ſchelle heiſt/ diß getichte viel-
leicht von wegen ſeiner hin vnd wieder geſchrenckten reime/ die
faſt einen andern laut als die gemeinen von ſich geben/ alſo ſey
getauffet worden. Vnd beſtetigen mich in dieſer meinung etz-
liche Hollaͤnder/ die dergleichen carmina auff jhre ſprache kline-
getichte heiſſen: welches wort auch bey vnns kan auffgebracht
werden; wiewol es mir nicht gefallen wil.

Ein jeglich Sonnet aber hat viertzehen verſe/ vnd gehen der
erſte/ vierdte/ fuͤnffte vnd achte auff eine endung des reimens
auß; der andere/ dritte/ ſechſte vnd ſiebende auch auff eine. Es
gilt aber gleiche/ ob die erſten viergenandten weibliche termi-
nation haben/ vnd die andern viere maͤnnliche: oder hergegen.
Die letzten ſechs verſe aber moͤgen ſich zwar ſchrencken wie ſie
wollen; doch iſt am braͤuchlichſten/ das der neunde vnd zehende
einen reim machen/ der eilffte vnd viertzehende auch einen/ vnd
der zwoͤlffte vnd dreyzehende wieder einen. Zum exempel mag
dieſes ſein/ welches ich heute im ſpatzieren gehen/ durch gegebe-
nen anlaß/ ertichtet.

Oder/ im fall dieſes jemanden angenemer ſein moͤchte, Wel-
ches zum theil von dem Ronſardt entlehnet iſt:

Jtem diß/ von gemeinen verſen.

Vnd letzlich eines/ in welchem die letzten ſechs verſe einer
vmb den andern geſchrencket iſt:

Quatrains oder quatrini, wie auß dem namen zue ſehen/
ſind wierverßichte getichte oder epigrammata; derer hat der
Herr von Pybrac hundert vnd ſechs vnd zwantzig im Frantzoͤ-
ſiſchen geſchrieben; von welchen ich nur dieſes ſetzen wil:

Hier reimen ſich der erſte vnd letzte verß ſo weiblich ſind zue-
ſammen/ vnd die mitleren zwey maͤnnlichen |deßgleichen zue-
ſammen. Wiewol man auch einen vmb den andern ſchrencken
mag/ oder lauter maͤnnliche oder weiblich ſetzen:

Als:

Welch e pigram ma im lateiniſchen bey dem Grudio, ſon-
ſten einem boͤſen Poeten/ wiewol er eines gueten Poetens bru-
der iſt/ gefunden wird.

Die andern verſe mag ein jeder mit ſieben/ acht/ fuͤnff/ ſechs/
auch vier vnd drey ſylben/ vnd entweder die maͤnnlichen oder
die weiblichen lenger machen nach ſeinem gefallen.

Die reimen der erſten ſtrophe ſind auch zue ſchrencken auff
vielerley art/ die folgenden ſtrophen aber muſſen wegen der
Muſic/ die ſich zue dieſen generibus carminum am beſten ſchi-
cken/ auff die erſte ſehen. Ein exempel einer Trocheiſehen Ode
oder Liedes iſt in dem fuͤnfften Capitel zue finden. Wir ich der-
halben einen Jambiſchen geſang hieher ſehreiben.

Zue zeiten werden aber beydes Jambiſche vnd Trocheiſche ver-
ſe durch einander gemenget. Auch kan man Alexandriniſche o-
der gemeine vor vnd vnter die kieinen ſetzen. Als:

Die Saphiſchen geſaͤnge belangendt/ bin ich des Ronſardts
meinung/ das ſie/ in vnſeren ſprachen ſonderlich/ nimmermehr
koͤnnen angeneme ſein/ wann ſie nchit mit lebendigen ſtimmen
vnd
[] vnd in muſicaliſche inftrumente eingeſungen werden/ welche
das leben vnd die Scele der Poeterey ſind. Dann ohne zweif-
fel/ wann Sappho hat dieſe verſe gantz verzucket/ mit vneige-
ftochtenen fliegenden haaren vnnd lieblichem anblicke der ver-
buhleten augen/ in jhre Cither/ oder was es geweſen iſt/ geſun-
gen/ hat ſie jhnen mehr anmutigkeit gegeben/ als alle trompeten
vnd paucken den mannhafftigen vnnd kuͤhnen verſen/ die jhr
Landtsmann Alcéus/ als er ein Kriegesoberſter geweſen/ er-
tichtet hat. Zum exempel gleichwol wil ich zwey Strophen des
Ronſardts herſchreiben: Dann ich dergleichen me vor mich ge-
nommen.

Eine ander ſolche Ode hebet er alſo an:

Jn den Pindariſchen Oden/ im fall es jemanden ſich daran
zue machen geliebet/ iſt die [...] frey/ vnd mag ich ſo viel verſe
vnd reimen darzue nemen als ich wil/ ſie auch nach meinem ge-
ſallẽ eintheilẽ vñ ſchrencken: [...] aber muß auff die [...]
ſehen/ vnd keine andere ordnung der reimen machen: [...] iſt
wieder vngebunden. Wan wir dann mehr ſtrophen tichten wol-
ten/
[] ten/ muſſen wir den erſten in allem nachfolgen: wiewol die Ge-
lehrten; vnd denen Pindarus bekandt iſt/ es ohne diß wiſſen/ vnd
die anderndie es aus jhm nicht wiſſen/ werden es auß dieſem be-
richte ſchwerlich wiſſen lernen. Jch vor meine perſon/ bin new-
lich vorwitzig geweſen/ vnd habe mich vnterwinden duͤrffen auff
Bernhardt Wilhelm Nuͤßlers/ meines gelehrteſten freundes/
vnd ſtatlichen Poetens/ es ſey in vnſerer oder lateiniſcher ſpra-
che/ hochzeit eine dergleichen Oden vnd eine andere auff abſter-
ben eines vornemen vom adel zue ſchreiben; mit welchen ich/ ob
ſie ſchon auff der eile weg gemacht ſindt/ dieſes Capittl beſchliſ-
ſen wil.

Das VIII. Capitel.
Beſchluß dieſes buches.

SO viel iſt es/ was ich von vnſerer Poeſie auff-
ſetzen wollen. Wiewol ich keinen zweiffel trage/ es ſey
noch allerſeits eines vnd das andere zue erinnern/ wel-
ches nicht weniger notwendig ſeyn mag/ als etwas von denen
ſachen/ derer ich erwehne. Es kan auch wol ſein/ das mir in
dem eilen (denn ich vor fuͤnff tagen/ wie meine freunde wiſſen/
die feder erſt angeſetzt habe) diß vnd jenes mag einkommen ſein/
das entweder gar außengelaſſen/ oder ja im minſten verbeßert
ſollte werden. Jch hoffe aber/ es wird mir der guethertzige Le-
ſer/ in betrachtung der kurtzen zeit ſo ich hierbey verſchloßen/ et-
was vberſehen/ vnd bedencken/ Rom ſey nicht auff einen tag
gebawet worden. Was noch vbrig iſt/ wil ich entweder inkuͤnff-
tig ſelbſt gruͤndtlicher verfuͤhren/ oder denen laſſen/ die mir an
liebe gegen vnſere ſprache gleiche/ vnd an geſchickligkeit vberle-
gen ſein. Von denſelben zue lernen bin ich ſo begierig/ als ich
willig geweſen bin/ andere/ die auch dieſes nicht gewuſt haben/
zue vnterrichten. Welche meine geringſchaͤtzige arbeit bey ſtat-
lichen auffgeweckten gemuͤtern/ wo nicht mehr/ doch ſo viel
verfangen wird/ das ſie gleichſam als durch einen ſporen hier-
mit auffgemuntert/ vnſerer Mutterſprache die hand bietten/
vnd jhrer Poeſie den glantz/ welchen ſie lengeſt hette kriegen ſol-
len/ geben werden. Welches aber alsdenn vollkoͤmlich geſche-
hen kan/ wenn zue dem was hiebevor in dieſem buche erzehlet iſt
worden/ die vornemlich jhren fleiß werden anlegen/ welche von
natur ſelber hterzue geartet ſein/ vnnd von ſich ſagen koͤnnen
was Ovidius:

Wo dieſe natuͤrliche regung iſt/ welche Plato einen Goͤttli-
then
[] then furor nennet/ zum vnterſcheide des aberwitzes oder bloͤdig-
keit/ duͤrffen weder erfindung noch worte geſucht werden; vnnd
wie alles mit luft vnd anmutigkeit geſchrieben wird/ ſo wird es
auch nachmals von jederman mit dergleichen luſt vnd anmutig-
keit geleſen. An den andern wollen wir zwar den willen vnd die
demuͤhung loben/ der nachkommenen gunſt aber koͤnnen wir jh-
nen nicht verheißen.

Wiewol wir die vbung vnd den fleiß nicht verwerffen: daß
im fall dieſelbigen mit der natur vereintget werden/ muß etwas
folgen das boͤſe maͤuler leichtlicher tadeln koͤñen als nachmachẽ.

Eine guete art der vbung aber iſt/ das wir vns zueweilen auß
den Griechiſchen vnd Lateiniſchen Poeten etwas zue vberſetzen
vornemen: dadurch denn die eigenſchafft vnd glantz der woͤrter/
die menge der ſiguren/ vnd das vermoͤgen auch dergleichen zue
erfinden zue wege gebracht wird. Auff dieſe weiſe ſind die Roͤ-
mer mit den Griechen/ vnd die newen ſeribenten mit den alten
verfahren: ſo das ſich Virgilius ſelber nieht geſchaͤmet/ gantze
plaͤtze auß andern zue entlehnen; wie ſonderlich Macrobius im
fuͤnfften vnd ſechſten buche beweiſet. Wir ſollen vns auch an
vnſerem eigenen fleiße nicht genuͤgen laßen, ſondern/ weil viel
augen mehr ſehen als eines/ vber die ſachen welche wir an das
liecht zue bringen vermeinen/ beruͤhmbter maͤnner vrtheil erge-
hen laßen. Welches inngleichen die Roͤmer ſo wol verſtanden/
vnd in acht genommen/ das ſie nicht leichtlich etwas offentlich
anßkommen laßen/ das nicht zuevor von einem vnd dem andern
geſchaͤtzet vnd durchgezogen worden. Ja/ wie man keinen rin-
ger oder fechter in offentlichen ſchawplatze aufffuͤhrete/ er muß-
te vorher ſeinen namen geben/ vnd eine probe thun welches ſie
[...] vnnd [...]. einſchreiben vnnd appro-
biren hieſſen: ſo gaben auch die/ welche in der zahl der Poeten
wolten gerechnet werden/ jhre getichte anderen Poeten zue vber-
ſehen/ vnd erkuͤndigten ſich daruͤber jhrer meinung: dieſes war
Kjhre
[] jhre [...] vnnd [...]; wie Cafaubonus vber den Pet-
ſium erinnert/ vnd auß einer alten Jnſeription zur ſehen iſt:

Plinius der Juͤngere/ welcher vber alle ſeine ſuͤchen gelehr-
ter freunde guet achten erfodert/ ſaget in der 17 Epiſtel des 7.
Buches/ das jhn dieſe gewohnheit gar nicht rewe. Denn er be-
daͤchte/ welch ein groſſes es ſey/ durch der lente haͤnde gehen/
vnd koͤnne jhm nicht einbilden/ das man daſſelbe nicht ſolle mit
vielen vnd zum offtern vberſehen/ was man begehret/ das es al-
len vnd immer gefallen ſolle. Welches denn der groͤſſeſte lohn
iſt/ den die Poeten zue gewarten haben; das ſie nemlich inn koͤ-
niglichen vnnd fuͤrſtlichen Zimmern platz finden/ von groſſen
vnd verſtaͤndigen Maͤnnern getragen/ von ſchoͤnen leuten (denn
ſie auch des Frawenzimmer zue leſen vnd offte in goldt zue bin-
den pfleget) geliebet/ in die bibliothecken einverleibet/ offentlich
verkauffet vnd von jederman gerhuͤmet werden. Hierzue koͤmpt
die hoffnung vieler kuͤnfftigen zeiten/ in welchen ſie fort fuͤr fort
gruͤnen/ vnd ein ewiges gedaͤchtniß in den hertzen der nachkom-
menen verlaſſen. Dieſe gluͤckſeligkeit erwecket bey auffrichtigen
gemuͤttern ſolche wolluſt/ das Demoſthenes ſagete/ es ſey jhm
nichts angenemers/ als wenn auch nur zwey weiblein welche
waſſer truͤgen (wie zue Athen braͤuchlich war) einer den andern
einblieſſe: Das iſt Demoſthenes. Welcher ob er zwar als der
vornemeſte redener in hohen ehren gehalten worden/ iſt doch der
rhum nicht geringer denn Homerus erlanget. Vnd wie der Au-
tor des geſpreches von den Oratoren ſaget/ des Euripidis
oder
[] oder Sophoclis berhuͤmbter nameiſt ſo weit erſchol-
len als des Lyſiæ oder Hyperidis; vnd viel begehren
weniger den rhum des Ciceronis alß Virgilii. Es iſt
auch kein buch des Aſinii oder Meſſallæ ſo beſchrie-
en/ als des Ouidii Medea, oder Varii ſein Thyeſtes.
Vnd/ redet er weiter/ ich ſchewe mich nicht den zueſtand
der Poeten vnd jhr gluͤckhafftes weſen mit dem vn-
ruhigen vnd ſorglichen leben der Redner zue verglei-
chen. Ob zwar dieſe durch ſtreitſachen vnnd gefahr
zue dem Buͤrgermeiſter ampte ſind erhoben worden;
ſo wil ich doch lieber Virgilii ſichere vnnd geheime
einſamkeit/ in welcher es jhm weder an gnade bey
dem Keyſer Auguſto/ noch an kundſchafft bey dem
Roͤmiſchen volcke gemangelt hat.

Nebenſt dieſer hoheit des gueten namens/ iſt auch die vnver-
gleichliche ergetzung/ welche wir bey vns ſelbſt empfinden/ wenn
wir der Poeterey halben ſo viel buͤcher vnnd ſchrifften durchſu-
chen: wenn wir die meinungen der weiſen erfuͤndigen/ vnſer
gemuͤte wieder die zuefaͤlle dieſes lebens außhaͤrten/ vnd alle
kuͤnſte vnnd wiſſenſchafften durchwandern? So war ich dieſes
fuͤr meine groͤſſeſte frewde vnd luſt auff der Welt halte/ ſo war
wuͤndſche ich/ das die die in anſehung jhres reichthumbs vnnd
vermeineter vberfluͤſſigkeit aller notdurfft jhren ſtand weit vber
den vnſerigen erheben/ die genuͤge vnd rhue/ welche wir ſchoͤpf-
fen auß dem geheimen geſpreche vnd gemeinſchafft der groſſen
hohen Seelen/ die von ſo viel hundert ja tauſendt Jharen her
mit vns reden/ empfinden ſolten; ich weiß/ ſie wuͤrden beken-
nen/ das es weit beſſer ſey/ viel wiſſen vnd wenig beſitzen/ als
alles beſetzen vnd nichts wiſſen Vber dieſer vnglaublichen er-
getzung haben jhrer viel hunger vnd durſt erlitten/ jhr gantze
vermoͤ-
[] vermoͤgen auffgeſetzt/ vnd faſt jhrer ſelbſt vergeſſen. Zoroaſter/
welcher/ wie oben erwehnet/ alle ſeine gedancken Poetiſch auff-
geſetzt/ ſoll zwantzig Jhar in hoͤchſter einſamkeit zuegebracht
haben/ damit er in erforſchung der dinge nicht geirret wuͤrde.
Vnd da alle andere wolluͤſtenvus vnter den haͤnden zuegehen/
auch offtermals nichts von ſich vbrig laſſen als bloſſe rewe vnd
eckel; ſo begleitet vns dieſe vnſere durch alle ſtaffeln des alters/
iſt eine ziehr im wolſtande/ vnd in wiederwertigkeit ein ſicherer
hafen. Derentwegen wolle vns ja nicmandt verargen/ das wir
die zeit/ welche viel durch Freſſereyen/ Bretſpiel/ vnnuͤtze ge-
ſchwaͤtze/ verleumbdung ehrlicher leute/ vnd ſondeꝛlich die luſtige
vberrechnung des vermoͤgens hinbringen/ mit anmutigkeit vn-
ſers ſtudierens/ vnd denen ſachen verſchlieſſen/ welche die armen
offte haben/ vnd die reichen nicht erkauffen koͤnnen. Wir fol-
gen dem/ an welches vns Gott vnd die natur leitet/ vnd auß die-
ſer zueverſicht hoffen wir/ es weꝛde vns an vornemer leute gunſt
vnd liebe/ welche wir/ nebenſt dem gemuͤte vnſerem Vaterlan-
de zue dienen/ einig hierdurch ſuchen/ nicht mangeln. Den ver-
aͤchtern aber dieſer goͤttlichen wiſſenſchafft/ damit ſie nicht gantz
leer außgehen/ wollen wir inn den Tragedien ſo wir kuͤnfftig
ſchreiben moͤchten die Perſonen derer geben/ welche in dem
Chore nach erzehlung trawriger ſachen weinen vnd
heulen muſſen: da ſie ſich denn vber jhren vn-
verſtand vnd grobheit nach der len-
ge beklagen moͤgen.