Gnade/ Liecht und Heyl von
GOTT dem Himmliſchen
Vatter durch CHriſtum
JEſum in dem Heiligen
Geiſt/ allen denen die den
HERRN ſuchen!

WO wir mit Chriſtlichen und
nur etwas erleuchteten augen/
(nach unſers Erloͤſers ver-
mahnung/ die zeichen der zei-
ten und dero beſchaffenheit zu
beurtheilen) den jetzmahligen zuſtand der
geſam̃ten Chriſtenheit anſehen/ ſo moͤchten
wir billich mit Jeremia 9. v. 1. in die klaͤg-
liche wort außbrechen: Ach/ daß wir
waſſers gnug haͤtten in unſern haͤu-
ptern/ und unſere augen thraͤnen-
quellen waͤren/ daß wir tag und
nacht beweinen moͤchten den jam-
mer unſers Volcks. Und hat zu denen
Anoch
[2] noch guͤldenen zeiten/ jener liebe alte Vat-
ter ſprechen moͤgen: Ah in quæ nos tem-
pora reſervaſti Domine; ſo haben wir es
heut zu tag mit ſo viel mehrerm fug nicht
nachzuſprechen/ ſondern/ wie die groͤſte
betruͤbnuß faſt einige wort zu machen nicht
vermag/ nachzuſeuffzen.

Jch wil jetzo nicht reden von dem elend
der Chriſtlichen Kirchen/ in deroſelben
gliedern/ welche unter den unrecht-lehren-
den/ in dem Babyloniſchen gefaͤngnuͤß deß
Antichriſtiſchen Roms; unter der nicht nur
ſo ſchweren Tuͤrckiſchen tyranney/ ſondern
auch theils unglaublicher unwiſſen heit/
theils vielen vermengten irꝛthumen/ ins-
geſampt erſchroͤcklichen aͤrgernuͤſſen in
Griechen- und den Morgen-laͤndern/ und
unter ſo vielen irrigen lehren anderer von
dem Pabſt zwar abgetrettenen/ aber zu der
reinigkeit der lehr nicht gekommenen/ ge-
meinden/ verborgen ligen/ und in hoͤchſter
gefahr mit furcht und zittern ihre ſeligkeit
wuͤrcken muͤſſen: An dero jammer ohne in-
nigliche bewegung von einer gottſeligen
Seele nicht gedacht werden kan.

Sondern wo wir allein bleiben bey un-
ſerer
[3] ſerer Evangeliſchen kirchen/ die das theure
und reine Evangelium/ ſo durch den Seli-
gen Ruͤſtzeug GOttes D. Lutherum
in dem vergangenen Seculo wiederumb
deutlich gezeiget worden/ der aͤuſſerlichen
bekanntnuß nach annim̃t/ und alſo in wel-
cher wir deßwegen die wahre Kirche allein
noch ſichtbar zu ſeyn erkennen müſſen: So
koͤnnen wir doch auch auff dieſelbe die augen
nicht wenden/ daß wir ſie nicht ſo bald auß
betruͤbnuͤß und ſcham wiederumb nieder-
ſchlagen muͤſſen.

Dann ſehen wir das leibliche an/ ſo muͤſ-
ſen wir bekennen/ daß von ziemlicher zeit
her die ſolcher kirchen angehoͤrige Reiche
und Lande/ obwol in unterſchiedlichen
graden und zu unterſchiedenen friſten/ alle
die jenige plagen in peſt/ hunger/ und ſon-
derlich ſtaͤts-wehrenden oder doch offters
wieder erneuerenden kriegen offtmahls er-
fahren haben muͤſſen/ mit welchen nach
der Schrifft der gerechte GOtt ſeinen zorn
zu bezeugen und anzudeuten pfleget. Jch
halte aber gleichwol ſolche truͤbſalen vor
die geringſte/ ja vor eine wolthat/ dardurch
GOTT noch viele der ſeinigen erhalten/
A 2und
[4] und dem ſchaden/ daß derſelbe nicht durch
ſtaͤtes leibliches wolergehen noch verzweif-
felter wuͤrde/ etwas gewehret hat.

Aber wie zwar fleiſchlichen augen un-
kanntbarer/ alſo hingegen iſt unvergleich-
lich ſchwehrer und gefaͤhrlicher das geiſt-
liche elend unſerer armen Kirchen:
Und ſolches vornehmlich auß zweyen ur-
ſachen.

Die eine beſtehet in den verfolgun-
gen/ welche die wahre lehre/ ſonderlich
von dem Antichriſtiſchen Babel/ leyden
muß. Nun iſt es zwar an dem/ daß die
verfolgungen nicht weniger ein herꝛliches
mittel ſind/ dadurch der kirchen wachsthum
offt befoͤrdert wird; Alſo/ daß wir die Chriſt-
liche kirche nimmermehr von der Apoſtelzeit
in beſſerem und vor Gott herꝛlicherm ſtande
antreffen/ als ſie unter den grauſamſten
verfolgungen geſtanden/ wo ihr gold ohn-
auffhoͤrlich in dem ſchmeltz-ofen gelegen/
deſſen flamme keine ſchlacken daran wach-
ſen laſſen/ oder je dieſelbe bald verzehret
hat. Aber wir ſehen zweyerley an den biß-
herigen verfolgungen/ ſo uns dieſelbe be-
truͤbter machet.

Einmahl daß der tenffel/ nachdem er
erkandt/ daß ſeine gewaltthaͤtige und blu-
tige verfolgungen nichts vermocht/ ſon-
dern die leute zu einer obwol ſchrecklichen
doch etwa kuͤrtzern marter ſo freudig gewe-
ſen/ daß ſie ziemlichen theils mehr darzu
geeilet als ſich darvon zuruͤck gezogen/
nunmehr klüger worden iſt/ und eine andere
art der verfolgung angefangen hat/ die der
wahren Religion zugethane mit langwie-
rigen trangſalen/ und ſtaͤts-anhaltenden
einerſeits trohworten/ anderſeits verheiſ-
ſungen und vorſtellungen der welt herꝛlich-
keit/ ſonderlich aber entziehung und ver-
treibung der wahren lehrer/ allgemach/
von der erkannten warheit abzuziehen/ aufs
wenigſte die kinder und nachkoͤmmlinge
wieder zu falſcher Religion zu bringen.
Welche art der verfolgung/ gleichwie ſie
vor altem von dem heydniſchen Kaͤyſer Ju-
liano dem abtruͤnnigen gebraucht worden/
und der kirchen/ obwol weniger blut ver-
goſſen worden/ doch (wie Ruffinus klaͤr-
lich bezeuget) viel gefaͤhrlicher als die vo-
rige grauſamſte geweſen; Alſo/ hat ſie biß
daher der Roͤmiſche Pabſt auch gegen uns
A 3zuge-
[6] zu gebrauchen mehr beliebet/ daß er deßwe-
gen ſolche ins werck zu richten/ die ſeines
ſtuls devotion zugethane haͤupter offters
angefriſchet: Und dardurch wird mehrer
ſchaden zugefuͤget/ als wo feur und ſchwerdt
vor die hand waͤren genommen worden.

Das andere iſt/ ſo auß dem vorigen fol-
get/ da vor deme die verfolgungen allezeit
dieſes gewuͤrcket/ daß die Chriſten ſich ver-
mehret/ und deßwegen das blut der maͤr-
tyrer fuͤr die kraͤfftigſte dunge derſelben ge-
halt en iſt worden/ daß die glaubige/ ſo vor
der welt unten zu ligen geſchienen/ in dem
allen gleichwol weit uͤberwunden/ und einen
ſieg nach dem andern darvon getragen ha-
ben: (Welches nach andern in ſeinem neu-
lich hier getruckten erbaulichen Creutz-
und Gedult-Spiegel/ Herꝛ D.
Chriſtian Korthold/ mein in dem
Herrn Vielgeehrter Freund/ Cap. 14.
auß der Kirchen-hiſtorie klaͤrlich darthut)
daß hingegen durch bißherige verfolgung
das Roͤmiſche Pabſtthum unterſchiedliche
Reiche und Provintzen/ die entweder gantz
die wahrheit der lehr erkandt/ oder doch in
welchen viel ſaamen außgeſtreuet geweſen/
wieder-
[7] wiederumb wuͤrcklich unter ſich gebracht/
daß keine oder wenige bekenner der Evan-
geliſchen Warheit mehr in denſelbigen ſind/
auch etwa durch der noch uͤbrigen allmaͤh-
lige abſterbung jenes weit er zu ſeinem zweck
zu gelangen vorſiehet/ und alſo den aͤuſſer-
lichen begriff der wahren kirchen immer en-
ger einſpannet/ ſeine graͤntzen aber weiter
außbreitet.

Daher wir uͤber ſolchen ungluͤcklichen
Succeſs der leydenden verfolgungen viel-
mehr/ als uͤber dieſelbe ſelbſten/ zu klagen
und uns zu betruͤben haben. Nicht anders
als dorten Joſua thaͤt/ weil ſein vorher
ſieghafftes heer von denen zu Ai einen ob
zwar geringen ſtreich erlitten: Sodann
die Jſraeliter/ da die vor Benjamin zwey-
mahl hatten flihen muͤſſen/ und ſolche dar-
auß abnahmen/ daß umb begangener ſuͤnde
willen der HERR von ihnen muͤſte ge-
wichen ſeyn/ und Jhn daher mit demuͤthi-
ger buſſe wiederumb ſuchten. Joſ. 7/ 5. 6. ſeq.
Richt. 20/ 21. 22. 23. 25. 26. Wie dann
ſolche macht/ welche GOtt dem gegentheil
verhaͤnget/ uns ein gewiſſes zeugnuͤß iſt/
daß unſere kirche ſaͤmptlich nicht in dem
A 4ſtande
[8] ſtande ſtehe/ wie ſie ſtehen ſolte/ und ſich alſo
ſehr viel golds befinde/ welches von auſſen
gleiſſet/ aber in dem ſchmeltzen die probe
nicht haltet.

Die andere und vornehmſte urſach deß
jammers unſerer kirchen iſt/ daß in der-
ſelben ſelbſten (außgenommen/ daß uns
GOtt noch nach ſeiner uͤberſchwenglichen
güte ſein wort und Heil. Sacramenten ge-
laſſen hat) es faſt an allen orten manglet.
Wo iſt ein ſtand/ den wir ruͤhmen koͤnten/
alſo zu ſtehen/ wie die Chriſtliche regeln er-
fordern?

Sehen wir den weltlichen ſtand an/
und in demſelben die jenige/ welche nach
Goͤttlicher von dem N. Teſtament gethanen
verheiſſung Eſa. 49/ 23. pfleger und
ſaͤugammen der kirchen ſolten ſeyn:
Ach/ wie wenig ſind unter denſelben/ welche
ſich erinnern/ daß ihnen GOtt ihre ſcepter
und regiments-ſtaͤbe darzu gegeben/ umb
ſich ihres gewalts zu ſeines Reichs befoͤr-
derung zugebrauchen? ſondern leben nicht
die allermeiſte/ was groſſe Herren anlangt/
in den jenigen ſuͤnden/ allen welt-wolluͤſten/
welche das hof-lebẽmeiſtens mit ſich fuͤhret/
und
[9] und faſt als ohnzertrennlich darvon geach-
tet werden; Andere magiſtraten in ſuchung
eigenen nutzens; daß man auß ſolchem
leben mit ſeufftzen abnehmen muß/ daß we-
nig unter denſelben nur wiſſen/ was das
Chriſtenthumb ſeye/ geſchweige/ daß ſie
ſelbſt ſolches an ſich haben und uͤben ſolten?
Wieviel ſind deren/ welche ſich umb das
geiſtliche durchauß nicht bekuͤmmern/ ſon-
dern mit jenem Gallion darvon halten/
es gehe ſie nichts an als das zeitliche?
Auch unter denen/ die ſich noch der erſten
tafel annehmen wollen/ und ſich umb die
kirche wol zu verdienen gedencken/ wieviel
ſind wiederum der jenigen/ die es nicht alles
nur auff das jenige ziehen/ daß die herge-
brachte reine Religion moͤge erhalten/ und
vor eintrag der falſchen verwahret wer-
den/ damit es gleichwol noch lange nicht
außgemachet iſt. Ja/ von wie vielen iſt
zu ſorgen/ daß ihr noch zeigender eiffer vor
unſere Religion/ vielmehr darvor als eine
faction, auß abſicht eines politiſchen in-
tereſſe, als auß liebe der Warheit her-
ruͤhre? Wie undanckbar werden ihrer
viele der groſſen guͤte GOttes/ welche ſie
A 5deß
[10] deß harten jochs der Paͤbſtiſchen Cleriſey/
welches vor etlichen hundert jahren die da-
mals gelebte/ auch gekroͤnte haͤupter/ gnug-
ſam erfahren/ befreyet/ und was ſie ſeyen/
ihnen gezeiget hat? Daß ſie hingegen jetzo
ihre gewalt/ ſo zu befoͤrderung nicht aber
unterdruckung der kirchen gegeben/ durch
eine unverantwortliche Cæſaropapiam
mißbrauchen/ und damit/ wo etwa einige
von GOTT geruͤhrte diener der kirchen et-
was gutes zu ſtifften meynen/ ſolches muht-
willig hindern. Alſo das zu bejammern iſt/
daß in einigen orten denen gemeinden beſ-
ſer gerathen/ welche unter anderer obrigkeit
lebende/ in anderen etwa vieles leiden muͤſ-
ſen/ aber doch in der uͤbung deſſen/ ſo zu der
erbauung dient/ nicht eben gantz gehindert
werden/ als den jenigen/ welche die obrig-
keit von ihrer Religion/ aber von dero-
ſelben mehr hindernuͤß als foͤrdernuͤß ha-
ben.

Wie es nun in dem weltlichen ſtande
betruͤbt gnug außſiehet. Ach/ ſo moͤgen
wir Prediger in dem geiſtlichen ſtande nicht
laͤugnen/ daß auch dieſer ſtand gantz ver-
derbet ſeye/ und alſo von unſern beyden
obern
[11] obern ſtaͤnden/ die meiſte verderbnuͤß unter
die gemeinde außbreche. Jener alte Kir-
chen-vatter hat vor dem alſo zu ſchlieſſen
befohlen: Quemadmodum videns ar-
borem foliis pallentibus, marcidam,
intelligis, quod aliquam culpam habeat
circa radicem: ita cum videris populum
indiſciplinatum, ſine dubio cognoſce,
quod ſacerdotium ejus non eſt ſanctum.
Gleichwie wo du einen baum ſi-
heſt/ deſſen blaͤtter bleich ſind/
und er verdirbet/ du darauß ſchlieſ-
ſeſt/ es muͤſſe ein mangel an der
wurtzel ſeyn: Alſo wo du ſiheſt/
daß das volck ohne zucht iſt/ ſo
ſchlieſſe ohnezweiffel/ daß es man-
gele an einer heiligen prieſter-
ſchafft. Jch erkenne gern unſers Goͤtt-
lichen beruffs heiligkeit; So weiß ich auch/
daß GOTT in unſerm orden die ſeinige
uͤbrig behalten/ die das werck deß HErꝛn
mit eiffer meynen. Jch bin auch nicht deß
gemuͤths/ mit einem Elia Prætorio auff
die extrema zu gehen/ und kind und bad
zuſammen außzuſchůtten. Sondern der
allſehende Hertzenkuͤndiger ſihet/ mit was
A 6betruͤb-
[12] betruͤbnuß meiner ſeelen ich offt hieran ge-
dencke/ und jetzo dieſes ſchreibe: Daß ich
gleichwol nicht anders ſagen kan/ als daß
wir prediger in unſerm ſtande ſo viele re-
formation beduͤrffen/ als immer einiger
ſtande beduͤrffen mag. Wie gemeiniglich
GOTT/ ſo offt er eine reformation, zum
exempel in dem Alten Teſtament durch die
gottſelige koͤnige/ vorgehabt/ ſolche an dem
geiſtlichen ſtand hat laſſen anfangen. Jch
nehme mich auch nicht auß der zahl der
jenigen/ welche in unſerm ſtand bißher deß
ruhms manglen/ den wir vor Gott und der
kirchen haben ſolten/ ſondern ſehe mehr und
mehr/ woran es mir auch ſelbſt mangele/
bereit auch von andern fernere eriñerungen
bruͤderlich anzunehmen. Ja/ es betruͤbt
mich nichts mehr/ als daß ich faſt nicht ſehe/
wie in ſolcher greulicher verderbnuß unſer
einer ſein gewiſſen retten moͤge.

Wir muͤſſen ja bekennen/ daß nicht nur
in unſerm ſtande hin und wieder leute ge-
funden werden/ die gleichwol auch von
offentlichen aͤrgernuſſen nicht frey ſind/ ſon-
dern/ daß etwa der jenigen viel weniger
ſind/ als das erſte anſehen zeigen ſolte/
welche
[13] welche das wahre Chriſtenthum (ſo je nicht
bloß dahin in enthaltung von aͤuſſerlichen
laſtern und einem aͤuſſerlichen moral gu-
ten leben beſtehet) recht verſtehen und
uͤben: Sondern es blicket auch bey vielen/
deren leben/ wo es mit gemeinen und von
der welt mode eingenommenen augen an-
geſehen wird/ unt adelhafftig ſcheint/ gleich-
wol der welt-geiſt in fleiſchesluſt/ augenluſt/
und hoffaͤrtigem leben/ ob ſchon etwas ſub-
tiler/ jedoch alſo herauſſer/ das ſich erkennen
laͤſſt/ man habe noch das erſte practiſche
principium deß Chriſtenthums/ die ver-
laͤugnung ſein ſelbſt/ niemals mit ernſt
vorgenommen.

Man ſehe auff die art der ſuchenden be-
foͤrderungen/ aͤnderungen/ lehr/ und aller-
hand verrichtungen; aber mit ſo liebreichen
als auch mit dem liecht deß geiſtes erleuch-
teten augen. Was gilts/ ob man nicht
von vielen/ von denen man gern auß
Chriſtlicher liebe beſſer urtheilen wolte/
endlich doch dergleichen finden werde/ was
ſolcheſelbſt nicht ſehen/ wie tieff ſie noch in
der alten geburt ſtecken/ und die rechte kenn-
zeichen der wiedergeburt in nichts thaͤtlich
A 7haben?
[14] haben? So moͤchte Paulus noch an vielen
ortenklagen Phil. 2/ 21. Sie ſuchen alle
das ihre/ nicht das Chriſti Jeſu iſt.

Nun gibt ſolches nicht nur groſſes aͤrger-
nuß/ wo es erkannt wird. Ja/ das groͤſte
aͤrgernuͤß iſt ſchon vorhanden/ da es nicht
erkannt wird/ und die leut (die allezeit/
nach der unart unſer natur/ lieber nach
exempeln als der lehr urtheilen) in die ge-
dancken kommen/ das ſeye ſchon das rechte
Chriſtenthum/ ſo ſie an ihren predigern
ſehen/ und doͤrfften ſie nit weiter gedencken.
Sondern das allerbetruͤblichſte iſt/ daß
von ſolchen vielen Predigern ihr leben und
der mangel der glaubens fruͤchten anzeiget/
daß es ihnen ſelbſt an dem glauben mange-
le: Und das jenige/ ſo ſie vor glauben hal-
ten/ auch auß welchem ſie lehren/ durchauß
nicht der rechte/ auß deß Heiligen Geiſtes
erleuchtung/ zeugnuß und verſieglung auß
Goͤttlichem wort erweckte/ glaube/ ſondern
eine menſchliche einbildung ſeye. Da ſie
auß der ſchrifft/ aber allein dero buchſtaben/
ohne wuͤrckung deß Heiligen Geiſtes auß
menſchlichem fleiß/ wie andere in andern
ſtudiis dardurch etwas erlernen/ die rechte
lehr
[15] lehr zwar gefaſt/ ſolcher auch beypflichten/
und ſie andern vorzutragen wiſſen/ aber von
dem wahren himmeliſchen liecht und leben
deß glaubens gantz entfernet ſind.

Worauß ich zwar dieſes nicht folgern
wil/ ob moͤchte durch ſolche leute und dero
dienſt allerdings nichts gutes gewuͤrcket/
oder bey jemanden der wahre glaube und
wahre bekehrung zuwegen gebracht wer-
den: indem das wort ſeine Goͤttliche krafft
nicht von der perſon deſſen der es vortraͤgt/
empfaͤnget/ ſondern in ſich ſelbſt hat: Und
Paulus deßwegen ſich auch freuet/ Phil. 1.
v. 15. 16. 18. Obwol Chriſtus von etlichen
umb haß und haders willen gepre-
diget werde/ von welchen wir alſo nicht
vermuthenkoͤnnen/ daß ſie liebreiche wie-
dergebohrne kinder Gottes geweſen: Wo
er aber auch ſich nicht zu freuen urſach ge-
habt haͤtte/ wann/ benebens/ daß ſolche leut
ſich ſelbſt in ihrer predigt verſůndiget/ auch
niemanden daher nutzen gehabt haͤtte.
Aber gleichwol wird mir ein verſtaͤndiger
Chriſt nicht in abred ſeyn koͤnnen/ daß der-
gleichen leute/ die ſelbſt den wahren Goͤtt-
lichen glauben nicht haben/ ihr ampt/ umb
den-
[16] denſelben durch das wort bey den zuhoͤrern
zu erwecken/ nicht dermaſſen zu thun ver-
moͤgen/ wie es ſich gehoͤrete/ ſondern nechſt
dem/ daß ſie zu erhoͤrlichem gebet/ dardurch
ein gottſeliger prediger vielen ſegen erlan-
get/ untuͤchtig ſind/ die geziemende weißheit
nicht haben koͤnnen/ welche von dem jenigen
erfordert wird/ welcher andere mit allem
erforderenden nachdruck lehren und auff
den weg deß Heils fůhren ſolte. Wie dann
mir kein zweiffel iſt/ daß wir bald eine gantz
andere kirche haben wuͤrden/ wo wir lehrer
derſelben groͤſten theils die jenige waͤren/
daß wir mit Paulo ohnerroͤthet unſern ge-
meinden zuruffen doͤrfften: 1. Cor. 11. v. 1.
Seyd meine nachfolger gleich wie
ich Chriſti.

Hingegen finden wir der jenigen eine
nicht geringe zahl/ die ſelbſt nicht vonnoͤthen
zu ſeyn halten/ was wiederumb der Apoſtel
Epheſ. 4. v. 21. ſeinen Epheſern/ als laͤngft
gelernet/ vorhaͤlt/ daß in JESU ein
rechtſchaffen weſen ſeye: Und alſo/
daß die gemeine art ſelig zu werden/ wie
der groͤſte hauffe ſich einbildet/ Goͤttlicher
ordnung nicht gemaͤß ſeye. Wo dann
der
[17] der Prediger ſelbſt nicht anders darvor haͤlt/
wie wil er dann die zuhoͤrer ſoweit bringen
als es noͤthig iſt?

Jch erſchrecke und ſchaͤme mich faſt/ ſo
offt ich daran gedencke/ daß die lehre von
der ernſtlichen innerlichen gottſeligkeit et-
lichen ſo gar verborgen oder unbekandt
ſolle ſeyn/ daß/ wer dieſelbe mit eiffer trei-
bet/ kaum bey einigen den verdacht eines
heimlichen Papiſten/ Weigelianers oder
Quaͤckers vermeiden kan. Der S. und
der reinigkeit der lehr wegen bekandte
D. Balthaſar Meißner hat zu ſeiner Zeit
geklagt: Daß man kaum mehr deß
Weigelianiſmiund neuen Sectirer
lehre unverdaͤchtig bleiben koͤnne/
wann wir mit billichem eiffer die
gottſeligkeittreiben/ und was ge-
lehret wird in die uͤbung zu brin-
gen ſtaͤts anmahnen. Welches auch
neulich beklagt/ mein vielgeliebter Schwa-
ger Herꝛ D. Johann Ludwig Hart-
mann/ in ſeinem Paſtoral. Evangel.
(welches nuͤtzliche werck ich bald zuſammen
gedrucket zu werden ſonderlich verlange)
diſput. 3. und die jenige verſe/ welche dem
ſo
[19[18]] ſo Hochverdienten Sel. D. Johann
Gerharden/ ein dergleichen ver-
laͤumbderiſcher verdacht außgedruckt/ bey-
ſetzet:

Wie koͤnnte faſt groͤſſer elend und verderb-
nuͤß ſeyn/ als daß eines verdachts und boͤſer
nachrede urſach ſolle darinnen geſucht wer-
den/ was ſeines billichen lobs werth iſt?
das heiſſet je: Sie reiſſen den grund
umb/ was ſolte der gerechte auß-
richten?

So ſind auch ſonſten der jenigen viel/
die den ſchaden Joſephs in vielen dingen
nicht verſtehen: ſondern wo wir nur eben
von
[19] von den widerſachern falſcher Religion
keine noht haͤtten/ und aͤuſſerlicher friede
waͤre/ meyneten/ die kirche ſtuͤnde in dem
gluͤckſeligſten ſtande; ſehen alſo deroſelben
gefaͤhrliche wunden durchauß nicht: wie
ſollen ſie dann ſolche verbinden oder hey-
len?

Daher kommets/ da die controverſien
zwar freylich auch mit zu der Theologi
gehoͤren/ und wir nicht nur wiſſen ſollen
was wahr iſt/ demſelben zu folgen/ ſondern
auch was falſch iſt/ demſelben zu begegnen/
aber ſie doch weder das einige noch vor-
nehmſte ſind; daß ihrer nicht wenige faſt
alles allein auff die controverſien ſetzen:
und meynen/ es ſeye der ſachen ſtattlich ge-
rathen/ wo wir nur wiſſen/ wie Papiſten/
Reformirten/ Wiedertaͤuffern/ ꝛc. auff
ihre irꝛthume zu antworten ſeye. Es gehe
nachmahl mit den fruͤchten der jenigen ar-
ticul/ welche wir etwa auch noch mit ihnen
gemein haben/ und mit denen von allen
erkennenden lebens-regeln wie es wolle.
Es klagte der alte und erfahrne Kirchen-
lehrer Gregorius Nazianzenus (Epiſt. 21.
oder
[20] oder nach der Griechiſchen edition Ep. 1.)
ſehr bedaͤchtlich zu ſeiner zeit uͤber ſolche
ſtreitſucht/ (welche klage der S. D. Chri-
ſtoph Scheibler in ſeiner ſchoͤnen und merck-
wuͤrdigen Vorrede uͤber das Manuale ad
Theol. pract. ſo vor das nūtzliche werck
ſeiner aurifodinæ auch vorgeſetzet iſt/ nicht
unbillich auff unſere zeiten ziehet) Omnes
uno hoc nomine pii ſumus, quia alii alios
impietatis condemnamus. Das iſt:
Wir ſind alle allein darinnen gott-
ſelige leut/ daß wir einer den andern
als gottloſe verdammen.Malos \&
bonos non vitæ ſed diſſidii vel concordis
doctrinæ ſigno notamus:Wer gut
oder boͤſe ſeye/ urtheilen wir nicht
nach dem leben/ ſondern nach dem
ſie in der lehr mit uns einig oder
nicht eins ſind. Jtem: Quod non-
nulli ſunt qui de levibus rebus, nec quic-
quam utilitatis habentibus, digladian-
tur, ſociosque mali quoscunque poſſunt
admodum ſtultè temereque adſciſcunt,
hisque omnibus deinde fides prætexi-
tur, atque illuſtre hoc nomen privatis
illorum contentionibus diſſidiisque
con-
[21]convellitur.Daß etliche ſeynd/ wel-
che unter ſich ſtreiten/ uͤber geringe
und unnuͤtze dinge/ und ſuchen
ihnen dann thoͤrlich und vermeſſen
anhaͤngere/ ſo viel ſie ihrer zu wege
bringen koͤnnen/ und ſchuͤtzen dann
vor/ als waͤre es umb den glauben
zu thun: So wird ſolcher vortreff-
liche name durch ihre eigene ſtreit
und gezaͤnck zerruͤttet. Wer erkennt
aber nicht/ da er auff den augenſchein
gehet/ wo der liebe Vatter ſolte auff ſtehen/
daß er eben zu ſolcher klage wuͤrde guug-
ſam urſach finden? So bedoͤrffte es wol/
daß deß der kirchen beſtens ſo hochverſtaͤn-
digen D. Dav. Chytræi oration (de ſtu-
dio Theologiæ non rixis diſputationum
ſed exercitiis pietatis potius colendo,
wie man das Theologiſche Studium
nicht ſo wol in zanckſuͤchtigen diſputatio-
nen/ als uͤbung der gottſeligkeit ſuchen
ſolte) gleichſam jaͤhrlich etliche mahl al-
len ſtudioſis vorgeleſen wuͤrde. Wohin
auch zielet der Sel. Roſtockiſche Theolo-
gusD. Johann Affelmann/ wann
er (nach dem zeugnuͤß ſeines getreuen
diſci-
[22]diſcipuls deß Sel. Henr. Varenii Chriſt.
Rett. Joh. Arnds Wahres Chriſtenthum
p. 2. p. 149.) die Studioſos Theologiæ
alſo in einem programmate angeſprochen.
Maledictos pronunciare non dubita-
mus, qui ſerio ſinceræ pietatis ſtudio
\& accuratiore interioris hominis cul-
tura poſthabita apicem Theologiæ in
diſputando conſtitutum cenſent, adeo-
que linguam Deo, animam dant Dia-
bolo, ut Bernhardus loquitur Serm. 24.
ſup. Cant. pag. 565. Novimus enim
Christum eſſe conjunctè non disjun-
ctive, viam, veritatem, vitam. Joh. 14, 6.
viam ratione vitæ, quæ ſerio ſtudio eſt
imitanda; veritatem ratione doctrinæ,
quæ fideli corde eſt apprehendenda;
vitam ratione meriti, quod vera fide
amplectendum.Wir zweifflen nicht/
dieſelbige verflucht zu halten/ die
alle rechtſchaffene eifferige uͤbung
der wahren gottſeligkeit/ und deß
innwendigen menſchen hindan-
ſetzen/ und dieTheologiamoder das
fuͤrnehmſte darinnen auffsdiſputi-
ren ſetzen/ und alſo GOTT nur die
zunge/
[23]zunge/ dem teuffel aber die ſeele er-
geben/ wie Bernhardus redet.
Dann wie wir wiſſen/ daß Chri-
ſtus/ zugleich und nicht von ein-
ander geſcheiden/ ſey der weg/ die
warheit und das leben. Der weg
iſt er wegen ſeines heiligen lebens/
worinnen wir mit hoͤchſtem fleiß
ihm muͤſſen folgen; die wahrheit
wegen ſeiner lehr/ die mit glaubi-
gem hertzen iſt anzunehmen. Das
leben nach ſeinem verdienſt/ wel-
ches mit wahrem glauben iſt zu er-
greiffen. Ach/ wuͤrde hieran fleiſſiger ge-
dacht/ wieviel beſſer ſolte es ſtehen?

Aber wir koͤnnen je nicht in abrede ſeyn/
ob wir wol durch GOttes gnade/ die reine
lehr auß GOttes wort noch uͤbrig haben/
daß gleichwol hin und wieder allgemach
in die Theologi viel fremb des/ unnuͤtzes
und mehr nach der welt weißheit ſchmecken-
des eingefuͤhret werde. Worinnen mehr
gefahr ſtecket als man gedencken moͤchte.
Es ſollen uns billich im ſinn ligen/ die wort
deß hocherleuchten Lutheri. Tom. 2.
Altenb. pag. 160. b. an die von Erffurth:
Hůtet
[24]Hůtet euch/ Satan hat es im ſinn/
daß er euch mit dem unnoͤthigen
auffhalte/ und das noͤthige damit
hindere/ und wann er ein handbreit
zu euch einbricht/ wil er hernach
den gantzen coͤrper mit ſecten voll
unnuͤtzer fragen einfuͤhren/ wie er
bißher in den hohen-ſchulen durch
die Philoſophia gethan hat. Alſo
hoͤren wir/ wie nicht geringer ſchade ſeye/
wo man auſſer und uͤber die ſchrifft wil klug
und witzig ſeyn: Und doch wird es an
exempeln nicht mangeln.

Man vergleiche unſers theuren Lutheri
ſchrifften/ wo derſelbe mit erklaͤrung Goͤtt-
lichen Worts umbgehet/ oder die Chriſtliche
glaubens-articul handelt/ ſodann vieler
anderer zu und gleich nach ſeiner zeit ge-
lebter Theologorum noch vor augen li-
gende wercke/ hingegen einen groſſen theil
der heut herauß-kommenden. Man wird
wahrhafftig finden/ wann man es redlich
herauß bekennen wil/ daß ſo viel geiſtreiche
krafft/ und in hoͤchſter einfalt vorgetragene
weißheit in jenen angetroffen und darauß
gefuͤhlet wird/ ſo laͤhr ſind faſt dieſe gegen
jenen/
[25] jenen/ und findet ſich an den neuern etwa ein
mehrer apparat von menſchlicher praͤchti-
ger erudition, und verkunſteltes weſen/ ja
auch fuͤrwitzige ſubtilitaͤten in dingē/ wo wir
nicht uͤber die ſchrifft weiſe ſeyn ſolten. Und
weiß ich nit ob unſer Sel. Herꝛ Lutherus/
wo er wieder auffſtehen ſolte/ nicht auch an
unſern Academien offters ein und anders
ſtraffen wuͤrde/ was er mit eiffer zu ſeiner zeit
den damahligen verweißlichen vorgeruͤckt.

Es iſt zwar dieſe klage nicht neu. Der
ſtattliche mann D. David Chytræus, wel-
cher vor vielen andern die maͤngel der kirchē
eingeſehen/ und wegen ſeiner vortrefflichen
erfahrung uñ Chriſtlicher klugheit von Koͤ-
nig und Fuͤrſten zu anordnung kirchen und
ſchulen mehrmahl erfordert worden/ klagte
ſchon dergleichen in dem vergangnen Secu-
lo in einem ſchreiben an Hier. Mencelium
(in Epiſt. pag. 348.)Wolte GOTT/
ſpricht er/ wir gewehneten unſere und
unſerer zuhoͤrer gemuͤhter/ mit
forcht deß HErꝛn/ buß und bekeh-
rung/ ſchrecken gegen den zorn und
gericht GOttes uͤber dieſuͤnde/ zur
uͤbung der wahren gottſeligkeit/
Bgerech-
[26]gerechtigkeit und liebe Gottes und
unſers nechſten/ vielmehr als diſpu-
tirlichen zanckſachen/ dardurch nur
angezeiget wird/ daß die bey vorigē
zeiten geweſene Sophiſterey nicht
weggenom̃en/ ſondern nur auffan-
derefragen und ſtrittigkeiten um̃ge-
wechslet oder veraͤndert ſeye. Wie-
derumb an einem andern an Joh. Judicem.
Es ſchmertzet mich/ nachdem die
Theologiakaum auß der finſternuͤß
der Paͤbſtiſchen Sophiſterey her-
fuͤr gekommen/ daß ſie allzuſehr auf
eine neue ſophiſterey unnuͤtzer und
vorwitziger fragen zuruͤck ſchlaͤgt/
da doch die Chriſtliche Religion
nicht eben in wiſſenſchafft und ſpi-
tzigkeit der vorwitzigen fragen/ ſo
zu dieſer zeit allzuviel erneuert wer-
den/ ſondern darinnen beſtehet/
daß wir den wahren GOtt und un-
ſern Erloͤſer JEſum Chriſtum auß
ſeinem wort recht erkeñen/ inniglich
foͤrchten/ und auß wahrem glauben
lieb haben/ Jhn anruffen/ Jhm in
Creutz und gantzem leben gehorſam
ſeyn/
[27]ſeyn/ auch andere leute von hertzen
lieben/ denen mildiglich helffen/
in aller gefaͤhrlichkeit in unſerm le-
ben/ ja auch im todt ſelbſten mit
veſtem vertrauen auffdie in Chriſto
uns erworbene gnade ruhen/ und er-
warten/ daß wir mit Gott ewiglich
leben moͤgen.

Wie ſehnlich klaget auch der Wolver-
diente Sel. D. Nic. Selneccerus, in der
Vorred uͤber die Pſalmen/ da er ſagt: Man
finde allewege mehr buͤcher/ die voll
diſputirens und zanckens und ſchel-
tens/ und laͤſterens/ und voll ſtreit-
tiger haͤndel ſind/ die doch zu nichts
als zu dēſchulgezaͤnck allein dienen/
dann daß man feine lehr und troſt-
buͤcher finden und kauffen koͤnnte/
die fein ſchlecht und recht das wort
Gottes außlegeten/ und rechte reine
lehre fuͤhreten? Noch ſoll es alles
koͤſtlich ding ſeyn/ beſſer als kein
heiligthum/ ſo es doch gemeiniglich
vollprivat affectund heimlicher rach-
gierigkeit und verwirrung der war-
heit ſtecket. Man thue hinweg
B 2men-
[28]menſchen gedancken/ die bloß ohne
GOttes Wort und Heiligen Geiſt
gehen/ und thue davon unnoͤchiges
gezaͤnck und diſputiren/ und eigene
rachgierigkeit/ ehrgeitz und laͤſtern/
ſo wird man gewißlich jetziger zeit
wenig guter buͤcher finden/ die jetzt
geſchrieben werden. Womit einſtim̃t
auch weyland M.Duͤnckel Coburgiſcher
Superintendens in einer vorrede uͤber Lu-
theri buͤchlein/ da er auch den ſchaden dabey
bemercket/ der darvon entſtehet: Daruͤber
wird die rechteTheologia practica,
das iſt die lehre von glauben/ liebe
und hoffnung/ hindan geſetzt/ und
wird dadurch wiederum eineTheo-
logia ſpinoſa,eine ſtachlichte/ dor-
nichte lehr auff die bahn gebracht/
welche hertzen und ſeelen ritzet und
kratzet/ wie vor den zeiten Lutheri
auch geweſen.

Aber wie hertzlich dieſes nun alle dieſe
und andere wolmeinen de lehrer beklagt und
beſſerung gewuͤnſchet/ ſo iſt doch faſt nichts
damit außgerichtet worden/ ſondern gibts
der augenſchein/ daß ſolche unart etwa mehr
zu-
[29] zu-als abgenommen: Wie zu anfang die-
ſes Seculi der tieffſinnige Sel. D. Johan.
Valent. Andreæ in vielen ſcriptis ſo wol
ſehnlich beklagt/ als dergleichen leute ziem-
lich empfindlich offters angeſtochen hat.
Aber ſurdis fabulæ!

Alſo lernen wir vieles/ ſo wir offters wuͤn-
ſchen ſolten/ nicht gelernet zu haben: Jndeſ-
ſen wird das jenige verſaͤumet/ daran uns
mehr/ ja alles gelegen iſt/ wie wir oben auß
Lutheri worten gehoͤret. Ach/ wie erfahren
ſolches ſo manche Chriſtliche Theologi, wo
ſie durch GOttes gnade erſtlich in ein ampt
kommen/ daß ihnen etwa ihr lebetag ein
groſſes theil der dinge/ worauff ſie ihre ſaure
arbeit und ſchwehre koſten gewandt/ nichts
nutzen: Hingegen wie ſie faſt erſt auffs neue
anfangen müſſen/ das mehr nohtwendige
zu ſtudiren/ ſo ſie wuͤnſcheten vorhin erkañt
zu haben/ und darzu mit fleiß und weißlich
gefuͤhret ſeyn worden? Es mangelt auch
ſelbſt zu unſern zeiten nicht an ſolchen maͤn-
nern/ die es mit der kirchen Gottes wol mey-
nen/ und dieſen fehler beobachten: und habe
ich nit ohne ſondere bewegung (ſo zur freu-
de/ als folgends/ weil die frucht unterbliebē/
B 3trau-
[30] traurigkeit) geleſen/ was der Chriſtliche
Wirtenbergiſche Theologus Herꝛ D. Bal-
thaſarRaith/ mein in der that erkannter
und in dem Herrn geehrter goͤnner/ in der
laudatione funebri deß beruͤhmten ſeligen
Herꝛn D. Zelleri, 1669. zu Tuͤbingen gehal-
ten/ gedencket: Wie noch erſt vor wenig
jahren der umb die Saͤchſiſche kirche wol-
verdiente Theologus D. Weller Sel. als
derſelbige auff dem Reichstag zu Regen-
ſpurg war/ mit jenem perſoͤnlich um̃zugehen
verlangt/ umb weiter unter einander hand-
lung zu pflegen/ wie doch die Scholaſtiſche
Theologia, ſo Lutherus zur fordern thuͤr
hinauß getrleben/ aber von andern zu der
hindern wieder eingelaſſen werden wolte/
auffs neue von der Evangeliſchen Kirchen
außgeſchaft/ und die rechte Bibliſche Theo-
logi wiederumb herfuͤr gebracht wuͤrde
(D. D. Weller Comes Electoris ſui ad
comitia noviſſima Ratisponæ habita,
flagrantiſſimo deſiderio Zellerum no-
ſtrum, cui amicisſimus erat, expetiit, ut
de Theologia Scholaſtica, quæ eliminata
per anticam à Luthero, per poſticam
Zeloſis Theologis reduci videbatur, ac
revocanda Theologia Biblica ſerio cum
eo age-
[31]eo ageret) Ach ſolte GOtt ſolcher tapfferer
Theologorum damahlige Conſilia ge-
ſegnet haben/ oder noch kuͤnfftig/ welche
eben dergleichen verlangen/ ſegnen/ ſo wuͤr-
de es wol eine der groͤſſeſten gutthaten ſeyn/
wovor wir ſeiner himmeliſchen guͤte zu dan-
cken haͤtten.

Weil einmahl dieſer mangel mehr ſcha-
den thut/ als ihnen die meiſten einbilden.
Jndem die gemuͤeher gewehnet werden an
dergleichen ding/ wovor laͤngſten S. Pau-
lus ſeinen Timotheum gewarnet/ und befih-
let ihm zu lehren/ daß ſie nicht acht
haͤtten auff die fabeln/ und der ge-
ſchlechte-regiſter/ die kein ende ha-
ben/ und bringen fragen auff/ mehr
dañ beſſerung zu GOtt im glauben;
da doch die hauptſumma deß ge-
botts iſt liebe von reinem hertzen/
und von gutem gewiſſen/ und von
ungefaͤrbtem glauben/ welcher ha-
ben etliche gefehlet/ und ſind umb-
gewandt zu unnůtzem geſchwaͤtz:
Wollen der ſchrifft meiſter ſeyn/ und
verſtehen nicht/ was ſie ſagen oder
was ſie ſetzen. 1. Timoth. 1/ 4. 5. 6. 7.
B 4Wieder-
[32] Wiederumb cap. 6/ 3. 4. 5. ſagt er: So je-
mand anders lehret/ und bleibet nit
bey den worten unſers HErꝛn Jeſu
Chriſti (ſolche ſind aber lauter einfalt/ und
nit menſchliche ſpitzfindigkeit/ ſondern Goͤtt-
liche weißheit) und bey der lehr von der
gottſeligkeit (hier laſſt uns den zweck un-
ſer er Studiorum wahrnehmẽ?) der iſt ver-
duͤſtert und (da er der gelehrteſte meiſter
in Jſrael/ der alles wiſſe/ zu ſeyn ihm ſelbſt
einbildet/ uñ darvor geruͤhmet wird) weißt
nichts/ ſondern iſt ſeuchtig in fragen
und wort-kriegen/ auß welchen ent-
ſpringet neid/ hader/ laͤſterung/ boͤſe
argwohn/ ſchul-gezaͤncke/ ſolcher
leute diezuruͤttete ſinne haben/ und
der wahrheit beraubet ſind/ die da
meynen/ gottſeligkeit ſeye ein ge-
werbe. So hat er auch ſeine Coloſſer 2/ 8.
treulich gewarnet: Sehet zu/ daß euch
niemand beraube durch die Philo-
ſophia und loſe veꝛfůhrung nach der
menſchenlehre und nach der welt ſa-
tzungen und nicht nach Chriſto. Wo
dann ein gemuͤht angefuͤllet iſt mit einer ſol-
chẽ Theologi, die zwar das fundament deß
glau-
[33] glaubens auß der Schrifft behalten/ aber ſo
viel holtz/ heu und ſtoppeln menſchlichen fuͤr-
witzes darauff gebauet hat/ daß man jenes
gold kaum mehr ſehen kan/ ſo wird es uͤber
alle maſſen ſchwer/ wo es weiter die rechte
einfalt Chriſti und ſeiner lehr faſſen und be-
lieben ſoll: Jndem es den geſchmack an an-
dere unſerer vernunfft anmuͤthigere dinge
gewehnet/ daß ihm nach mahls jenes gantz
abgeſchmackt vorkommt. Und ein ſolches
wiſſen (ſo ohne die liebe bleibet) blaͤhet
auff. 1. Corinth. 8/ 1. Es laͤſſet den men-
ſchen in ſeiner eigenen liebe/ ja heget und
ſtaͤrcket dieſelbe mehr und mehr. Dann wie
dergleichen der Schrifft unbekante ſubtili-
taͤten gewoͤhnlich bey den jenigen/ die ſie erſt
vorgebracht/ auß einer begierde hergekom-
men/ ihre ſcharffſinnigkeit/ und wie weit ſie
es andern zuvor thaͤten/ vor den tag zu legẽ/
und ihnen einen groſſen namen/ darvon ſie
etwa auch in der welt nutzen haben moͤgen/
zuwege zu bringen/ alſo ſind ſie an ſich ſelbſt
der art/ daß ſie bey den jenigen die damit
umbgehen ebenfals ehrſucht und andere ei-
nem wahren Chriſten unziemliche affecten
vielmehr als wahre gottesfurcht erregen.
B 5Es
[34] Es fangen die leute an/ wo ſie in ſolchen din-
gen ſich geuͤbet/ ob ſie ſchon von dem einig
nothwendigen/ daß ihnen viel zu gering
ſcheinet/ nichts oder ja wol wenig verſtehen/
groſſe einbildungen zu bekom̃en/ die ſie als-
dann in die kirche Chriſti bringen: Da kan
man dann ſchwerlich laſſen/ zu marckt zu
tragen/ worinn man ihm am beſten geſaͤllet/
und treibet gemeiniglich das jenige allein/
darvon die ihres heils begierige zuhoͤrer we-
nig erbauung finden; und wo ſolche leut den
gantzen zweck den ſie vorgeſetzt erlangt ha-
ben/ beſtehets darinnen/ daß ſie unter den
zuhoͤrern die jenige/ ſo fertigern verſtands
ſind/ dahin bringen/ daß ſie eine ziemliche
wiſſenſchafft der Religions-ſtreittigkeiten
bekommen/ und mit andern zu diſputiren
ihre vornehmſte ehre achten: Allerſeits aber
lehrer und zuhoͤrer in den gedancken ſtehen
bleiben: Das einige nohtwendige ſeye/ die
behauptung und freybehaltung der wahren
lehre/ daß ſie nicht mit irꝛthumen umbge-
ſtoſſen werde: ob ſie wol mit menſchlichem
fuͤrwitz ſehr verdunckelt wird.

Ach wie kan man alsdann ſo gar nicht
S. Paulo nachſprechen/ wann derſelbe
1, Corinth. 2. v. 4. ſich darauff beruffet:
Meine
[35]Mein woꝛt und meine predigt war
nit in vernuͤnfftigen reden menſch-
licher weißheit/ ſondern in bewei-
ſung deß geiſtes und derkrafft/ auff
daß euer glaub beſtehe nicht auff
menſchen weißheit/ ſondern auff
GOttes krafft. Ja/ wir ſolten wol
ſagen moͤgen: Der ſo hocherleuchte Apoſtel/
wo er jetzo zu uns kaͤme/ ſolte wol ſelbſt vieles
nicht verſtehen/ ſo zuweilen ſolche luͤſterende
Ingenia, an heiligen ſtaͤtten vorbringen:
Das macht/ er hatte ſeine weißheit nit von
menſchen kunſt/ ſondern der erleuchtung
deß Geiſtes/ die als himmel und erde von
einander ſind. Und ſo wenig dieſe von jener
begriffen werden kan/ ſo wenig ſind die mit
dieſer angefuͤllte ſeelen bequem ſich zu jenen
krafftloſen phant aſien herab zu laſſen.

Da es nun alſo in den ſtaͤnden gehet/ wel-
che den dritten ſtand/ und in demſelben die
meiſte/ ſolten regieren und zu der wahren
gottſeligkeit fuͤhren/ mag nun leicht erra-
then werden/ wie es dañ in demſelben gehet;
Nehmlich wie es abermahl vor augen ligt/
daß man der regeln Chriſti keine in offenem
ſchwang ſihet.

Unſer liebe Heyland hat uns vorlaͤngſt
das merckmahl gegeben/ Johan. 13. v. 35.
Daran wird jederman erkeñen/ daß
ihr meine Juͤnger ſeyd/ ſo ihr liebe
unter einander habt. Hie wird die lie-
be zum kennzeichen gemacht/ und zwar eine
ſolche liebe/ die ſich offentlich hervor thue/
und nicht bloß in dem vorwandt einer in
dem hertzen habenden aber unfruchtbahren
liebe/ 1. Johan. 3. v. 18. beſtehe. Urtheilen
wir nun nach dieſem keñzeichen: wie ſchwehr
wird es unter einem groſſen hauffen vorge-
gebener/ nur eine geringe anzahl recht wah-
rer Juͤnger Chriſti zu finden? und gleich-
wol trieget deß Herrn wort nicht/ ſondern
wird wahr bleiben nun und in Ewigkeit.

Man ſehe doch das gemeine leben an/
auch derer unter den unſeren ſo genannten
Lutheriſchen (die aber auch ſolches namens
nit werth ſind/ als die die lehre deß theuren
Lutheri von dem lebendigen glauben nit
erkennen) finden wir nicht ſchwehre aͤrger-
nuͤß/ ja ſolche aͤrgernuͤſſen/ die voͤllig in
offenem ſchwange gehen? Jch wil nicht ſa-
gen von dergleichen laſtern/ die auch in der
welt unrecht zu ſeyn erkannt werden:
Dann
[37] Dann derſelbigen aͤrgernuͤß thut endlich ſo
viel ſchaden nicht. Aber viel ſchwerer iſt
das jenige/ welches herkommt von ſuͤnden/
die man nicht mehr vor ſuͤnden erkennet/
oder je dero ſchwehre nicht achtet. Wir
muͤſſen bekennen/ daß die Trunckenheit
unter die zahl gehoͤre/ welche nicht nur an
hohen und geringen orten bey geiſt- und
weltlichem ſtande regieret/ ſondern auch ihre
vertheidiger findet/ welche ob ſie wol beken-
nen/ daß der jenige/ welcher gar ein hand-
werck drauß machen wolte/ ſich damit ver-
ſuͤndigte/ dannoch immer darvor halten
wollen/ daß bey gelegenheit einem guten
freund zu gefallen/ da es eben nicht zu offt
geſchehe/ einen rauſch zu trincken/ keine/
oder eine kaum deß andens wuͤrdige ſuͤnde
ſeye. Daher wird ſolche niemahl bußfertig
erkannt; dann ſolte ſie erkannt werden/ ſo
muß einmahl der haß gegen ſie gefaſſet ſeyn/
nun und nimmermehr dieſelbe jemand zu
gefallen zu begehen. Wem kommt aber
bey dem gemeinen hauffen dieſes nicht gantz
frembd und ungereimt vor/ daß er auch
dieſe ſuͤnde ein vor alle mahl verſchweren
muͤſſe/ ſolle er ein kind GOttes ſeyn?
B 7Viel-
[38] Vielmehr gedencken ſolche leute/ die jenige/
welche wider ſolche ſuͤnde eiffern/ muͤſſen
ſonſt ſeltzame leute/ oder auß andern urſa-
chen dieſer ergoͤtzlichkeit ſeind ſeyn/ als/ daß
ſie dero lehre in dieſem punct vor Goͤttlich
ſolten erkennen; und gleichwol iſt ſie Goͤtt-
lich. Maſſen S. Paulus 1. Cor. 6/ 10. die
trunckenbolden unter keine (vor GOTT)
ehrlichere geſellſchafft ſetzet/ als zu den hu-
rern/ ehebrechern/ weich lingen/ kna-
benſchaͤndern/ dieben/ geitzigen/
laͤſterern/ raubern: Die alle uͤberhaupt
vom reich GOttes von ihm außgeſchloſſen
werden.

Und gilt hie nicht/ die diſtinction vorzu-
ſuchen/ daß ein unterſcheid ſeye unter einem/
welcher es eben alle tage thut/ und ſeine freu-
de ſelbſt darinnen ſuchet/ und anderen die es
ſeltener nach ereignender gelegenheit ande-
ren zu gefallen thaͤten: gleich ob waͤren nicht
dieſe/ ſondern jene nur gemeynet: dann zu-
geſchweigen/ daß die nichtigkeit dieſes ein-
wurffs auch anderwertlich auß der Schrifft
darzuthun iſt/ ſo wolte ich nur ſolcheleute
fragen/ ob ſie nur derer jenigen leute leben
vor verdammlich halten/ welche alle tag
hure-
[39] hureten/ ehebrechen/ knabenſch aͤndeten/ ſteh-
len/ raubeten/ ꝛc. oder ob ſie nicht glauben/
daß auch deß jahrs einmal/ geſchweige dann
jeglichen monat einmal/ ſolches zu thun zu-
viel ſeye/ und wo ſie nicht ſolche ſuͤnde aller-
dings mit eifferigem voꝛſatz ablegeten/ ſolche
laſterhaffte unbußfertige leute der ſeligkeit
fehl gehen? Wie ich mich nun/ daß dieſes
letztere von allen werde erkannt werden/ ſo
nur etwas von Goͤttlicher erkantnuß haben/
verſehe: Wie kom̃ts dann/ daß wir allein
von dieſer ſuͤnde ſo gering achten/ und ſie
kaum anders als auß dero oͤfftern begehung
ſtraffbar erkennen wolten? Dann was ha-
ben wir mehr zu deroſelben vertheidigung/
als die alte der Teutſchen und Nordlaͤnder
hergebrachte und von einigem dero tempe-
rament befoͤrderte gewonheit? Meynen wir
aber/ daß ſolche GOttes wort auffhebe? Ge-
wiß ſolches vermag ſie ſo wenig zu ſchuͤtzen/
als Pauli außſpruch an die Corinther mit
beſtand haͤtte dieſes moͤgen entgegen gehal-
ten werden/ daß bey den Griechen ſolche
gewonheit auch eingeriſſen geweſen. Ja/
ſo wenig wir andern Voͤlckern/ die etwa zu
unzucht/ diebſtal/ und dergleichen mehr
moͤch-
[40] moͤchten geneigt ſeyn/ geſtehen/ daß deß-
wegen ſolche ihre laſter geringer zu achten;
ſo wenig werden ſie uns in unſerer truncken-
heit laſſen entſchuldiget ſeyn/ und noch ſo
vielweniger wird der gerechte GOTT ihm
von uns einen ſtrich durch ſein Geſetz ma-
chen laſſen.

Wann dann nun einige mit dieſem ar-
gument auffgezogen kommen/ daß die trun-
ckenheit nicht muͤſſe ſo ſchwere ſuͤnde ſeyn/
well in dem gegenſatz die wahre Chriſten
unter uns gar zu dūñe moͤchten geſaͤet ſeyn.
So laſſe ich vielmehr dieſe folge gelten/ und
ſchlieſſe noch weiter/ daß ſolche ſuͤnde ſo viel
gefaͤhrlicher/ ſo vielmehr ſie uͤberhand ge-
nommen und von wenigen erkannt wird.
Alſo/ daß man ſich auch mit jenen zu So-
dom/ derſelben ruͤhmet/ oder ſie je ſchmü-
cket/ oder fuͤr ein Peccatillum geachtet ha-
ben wil.

Man ſehe ferner an/ die allgem eine ge-
wonheit der Rechts proceſſen/ und bekenne/
wo man ſie recht unterſucht/ ob es nit etwas
ſeltzames ſeye/ daß einige darvon ohnver letzt
der Chriſtlichen liebe und in dero ſchrancken
von einiger ſeite gefuͤhret werden. Da doch
zwar
[41] zwar nicht unrecht iſt/ ſich der Goͤttlichen
huͤlffe in der Obrigkeit zu bedienen/ und ſie
gerichtlich zu ſuchen/ aber auch in ſolchem
geſuch gegen den nechſten alles geuͤbet wer-
den ſolle/ was wir von andern uns zu ge-
ſchehen verlangen. Daß ein ſolches ins
gemein nicht geſchiehet/ ſondern die meiſte
rechtende der obrigkeitlichen huͤlffe nicht an-
ders gebrauchen/ als zu einem Jnſtrument
ihrer rachgier/ unbillichkeit/ und unziem-
licher begierden/ iſt abermahl eine ſuͤnde/
welche nicht darvor gehalten/ und dahero
auch in der Buß daran faſt nicht gedacht
wird.

Siehet man auff Handlungen/ Hand-
wercke und andere arten deß lebens/ damit
von jeglichem ſeine nothdurft geſuchet wird/
ſo wird in ſolchen ſo gar nicht alles nach den
regeln Chriſti eingerichtet/ daß vielmehr
nicht wenig offentliche verordnungen und
auctoriſirte gebraͤuche in denſelben ihnen
ſchnurſtracks entgegen ſind. Wo gedencket
leicht jemand/ daß er in allen denſelbẽ ſeines
GOttes ehr und deß nechſten beſtes/ ſo wol
muͤſſe die abſicht ſolcher ſeiner verrichtungen
in ſeinem ſtande ſeyn laſſen/ als ſeine eigene
erhal-
[42] erhaltung und erwerbung ſeiner nothdurft/
darauff man faſt allein ſiehet? Daher ge-
ſchiehets/ daß man es auch nicht vor ſuͤnde
achtet/ wo man ſolche vortheile gebrauchet/
die in der welt keinen boͤſen namen nach ſich
ziehen/ ſondern wol vor klugheit und vor-
ſichtigkeit geruͤhmet werden/ ob ſie gleich
dem neben-menſchen neben uns ſehr be-
ſchwerlich ſind/ ja ihn gar unterdrucken und
außſaugen. Die auch die beſte Chriſten
ſeyn wollen/ machen ihnen wol hieruͤber
kein gewiſſen: So gar hat die leidige ge-
wonheit die regeln unſers Chriſtenthums
verdunckelt/ daß uns vor ungereimt vor-
kommen wil/ wo man in gewiſſen ſtuͤcken
treibet/ was in dem allgemeinen ſatz von
allen geſtanden wird/ wir ſolten den
nechſten lieben als uns ſelbſt: Ob
wol die krafft ſolcher wort wenig erwogen
wird.

Wer gedencket wol/ ob ſchon die gemein-
ſchafft unter den Chriſten/ welche in der
erſten Hieroſoly mit aniſchen kirchẽ geweſen/
nicht gebotten; daß gleichwol eine andere
gemeinſchaft der guͤter gantz nohtwen-
dig ſey? daß weil ich erkennen muß/ ich habe
nichts
[43] nichts eigens/ ſondern es ſeye alles meines
GOttes eigen/ Jch aber allein ein daruͤber
beſtellter haußhalter/ mir durchauß nicht
frey ſtehe/ das meinige vor mich zu behalten/
wann und als lang ich wil/ ſondern wo ich
ſehe/ daß zu ehren deß haußvatters und mei-
ner mit knechte noth durfft/ das meinige an-
zuwenden die liebe erfordert/ daß ich als dañ
kein bedencken habe/ ſobald daſſelbige darzu-
geben/ als ein gemeinſchafftliches gut/ wel-
ches der neben-menſch von mir zwar mit
weltlichem Recht nicht erfordern/ ich aber
ohne verletzung deß Goͤttlichen Rechts der
liebe/ dafern ihm anders nit nach nothdurfft
geholffen werden kan/ ihm das ſonſt vor
mein haltende nicht vorenthalten darff.
Sind das nicht faſt frembde lehren/ wo
man darvon redet? und iſt doch die noͤthig-
ſte folge der Chriſtlichen Liebe/ und in der
erſten Kirchen durch und durch geweſen;
daß alſo weder die gantze Gemeinſchafft/
da niemand nichts eigenes haͤtte/ die gele-
genheit der Tugend und Chriſtlichen Liebe
auffhebte/ noch das weltliche Eigenthum
ein hindernuͤß der bruͤderlichen Liebe
wuͤrde.

Daher bey den erſten Chriſten die reiche
nit andern vortheil hatten/ als weil ſie auch
reich ſeyn muſten in guten wercken/ 1. Tim.
6/ 18. daß ſie die ſorge und muͤhe haͤtten/ das
jenige zu verwalten/ welches ſie all augen-
blick dahin anzuwenden bereit warẽ/ worin-
nen ſie ihre liebe gegen GOtt und den nech-
ſten bezeugen koͤnnten/ und ſie deſſen noth-
durfft ſahen: Die arme aber hatten keine
andere beſchwerde (wo auch dieſes vor be-
ſchwerde zu achten;) Als/ daß ſie nicht auß
eigener hand/ ſondern ihrer bruͤder handrei-
chung lebeten: Und bedorffte unter den bruͤ-
dern keines bettlens: Welches ſie gewiß
ihnen ſo unanſtaͤndig gehalten haͤtten/ es zu
dergleichen kommen zu laſſen/ als GOTT
in dem Alten Teſtament in ſeiner wolver-
faſten policey der Juden es nicht geſtatten
wolte/ Deut. 15/ 4. Jetzo aber iſt es dahin
gekommen/ daß nicht nur allein das bettlen/
ſo doch als ein mittel/ foͤrdernuͤß und deck-
mantel vieler grauſamen ſuͤnden/ eine be-
ſchwerde der recht nohtduͤrfftigen/ und auch
zu Chriſtlicher mildigkeit geneigter perſonẽ/
ein ſchaͤdlicher mißſtand deß gemeinen we-
ſens/ uñ gar ein ſchandfleck unſers Chriſten-
thums
[45] thums angeſehen werden ſolte/ gantz gemein
iſt: ſondern die meiſte gedencken faſt ſchwer-
lich an andere pflicht/ dem nothduͤrfftigen
nechſten guts zu thun/ als ein und andere
mahl einem bettler mit unwillen einigen
heller darzuwerffen: Aber ferne iſt von ihnẽ/
daß ſie erkeñen ſolten/ daß ſie auch zu ſolchen
liebesthaten verbunden/ da ſie die anßgaben
mercklich in ihrer nahrung ſpuͤreten. Und
da die im Alten Teſtament auß Goͤttlicher
verordnung mehr als den zehenden (dann
derſelbigen waren etliche artẽ/ wie auß dem
Geſetz zu ſehen) zu unterhalt deß Predig-
ampts Gottesdienſt/ und der Armen zuruͤck
legen und anwenden muſten/ ſo gedencken
wir nit/ daß die uns von Chriſto reichlicher
erzeigte wolthaten als jene gehabt/ uns ver-
binden/ daß ſo die nothdurfft deß nechſten
ſolches erfordert wir bereit ſollen ſeyn/ nicht
weniger/ ſondern noch mehr und alles was
wir haben/ dahin anzuwenden. Daß ein
ſolches nicht geſchiehet/ und der auch mei-
ſtens der gutthaͤtigkeit ſich befleiſſenden leute
mildigkeit/ faſt niemal weiter gehet/ als auß
dem uͤberfluß/ Marc. 12/ 44. mitzutheilen/
iſt eine ziemliche anzeigung/ daß wir ſo fern
von
[46] von uͤbung der recht ernſtlichen bruder-
liebe ſeyen/ daß wir auch kaum glauben wol-
len/ was ſie erfordert.

Es iſt hier der ort nicht/ alles auß zu-
fuͤhren; Auß dieſen exempeln aber erhellet
gnugſam/ daß ſolche ſuͤnde unter uns im
ſchwang gehen/ die gleichwol nicht vor ſuͤn-
den (welcherley/ daß ſie dannoch ſeyen/ die
gegenhaltung unſerer pflicht/ wie ſie in der
Schrifft beſchrieben wird/ anzeiget) gehal-
ten werden/ und deren aͤrgernuͤß deſtomehr
ſchadet.

Darbey bleibet es auch nicht/ ſondern
ſehen wir an die art GOTT zudienen/ wie
ſie in deß groſſen hauffens gedancken iſt/
ſo iſt ſie nicht gemaͤß unſerer heylſamen
Lehr/ wie ſo herꝛlich dargethan der Selige
D. Paulus Tarnovius in ſeiner Oration
de novo Evangelio, auß welcher zu er-
kennen/ wie gruͤndlich der eifferige Mann
das jenige/ wo es mangele/ eingeſehen/ ſie
auch deßwegen wuͤrdig waͤre/ in aller haͤn-
den allezeit zu ſeyn.

Wir erkennen gern/ daß wir einig und al-
lein durch den glauben ſelig werden muͤſſen/
und daß die wercke oder gottſeliger wandel
weder
[47] weder viel noch wenig zu der ſeligkeit thun/
ſondern ſolche allein als eine frucht deß glau
bens zu der danckbarkeit gehoͤren/ darzu wir
GOTT verbunden ſind/ da Er bereits un-
ſerm glauben die gerechtigkeit und ſeligkeit
geſchencket hat: Und ſeye fern von uns/
von dieſer Lehr nur einen fingers-breit zu
weichen/ da wir lieber das leben und die
gantze welt ſolten fahren/ als das geringſte
von derſelben zuruͤcke laſſen. Alſo erkennen
wir auch gern die krafft deß Goͤttlichen ge-
predigten Worts/ wie daſſelbe eine krafft
GOttes ſeye/ ſelig zu machen alle die daran
glauben/ Rom. 1. Alſo/ daß wir nit nur umb
deß befehls willen Goͤttliches Wort fleiſſig
zu hoͤren verbunden ſind/ ſondern auch deß-
wegen/ weil ſolches die Goͤttliche hand iſt/
welche die gnade anbeut und uͤberreicht dem
glauben/ den das wort ſelbſt durch deß Hei-
ligen Geiſtes gnade erweckt. So weiß ich
auch die Tauff und dero krafft nicht hoch
gnug zu preiſen/ und glaube/ daß ſie das ei-
gentliche bad der wiedergeburt und erneue-
rung deß H. Geiſtes ſeye. Tit. 3. Oder wie un-
ſer Lutherus in dem Catechiſmo ſaget: daß
ſie wuͤrcke vergebung der ſuͤnden/
erloͤſe
[48]erloͤſe vom todt und teuffel/ und gebe
(nit nur verſpreche) die ewige ſeligkeit.
Nicht weniger erkenne ich gern die herꝛliche
krafft der/ nicht nur geiſtlichen/ ſondern auch
ſacramentlichen muͤndlichen/ nieſ-
ſung deß Leibes und Blutes deß
HERRN in dem H. Abendmahl;
Daß ich umb ſolcher willen den Reformir-
ten von hertzen widerſpreche/ wann dieſelbe
mit verneinung/ daß wir ſolchepfand unſe-
rer Erloͤſung/ in mit und unter dem Brodt
und Wein empfangen/ auch die krafft deſ-
ſelben ſchwaͤchen/ und keine andere dariñen
eꝛkennen/ als welche auch auſſer dem H. Sa-
crament bey der geiſtlichen nieſſung befind-
lich. Wie ich nun unſerer Kirchen-lehr von
allen dieſen ſtuͤcken mit hertz und mund fuͤh-
re/ und daher Lutheri Schrifften mir ſo
viel angenehmer ſind/ in welchen wir mehr
hiervon als irgend einem Autore finden:
Alſo kan ich doch nicht in abred ſeyn/ daß ich
finde/ wie daß wider unſere Lehr und der kir-
chen bekanntnuß bey dem groſſen hauffen/
ſo gleichwol auch mit Evangeliſch heiſſen/
gar andere gedancken und einbildungen von
der ſache gemacht werden.

Wieviel ſind der jenigen/ welche ein ſo
gar offenbahr unchriſtliches leben fuͤhren/
daß ſie ſelbſt nicht in abrede ſeyn koͤnnen/ es
gehe in allen ſtuͤcken von der regel ab/ ohne
vorſatz auch hinkuͤnfftig anders zu leben/
die gleichwol bey allem deme ihnen eine veſte
zuverſicht einbilden/ daß ſie ohneracht deſſen
ſelig werden wollen? Fraget man/ worauff
ſich daſſelbe gruͤnde/ ſo wird es ſich finden/
ſie auch ſelbſt bekennen/ daß ſie ſich darauff
verlaſſen/ weil wir ja nicht doͤrfften auß un-
ſerm leben ſelig werden/ ſo glaubten ſie ja
an Chriſtum/ und ſetzten all ihr vertrauen
auff denſelbigen/ daher koͤnne es nicht fehlen/
ſie wuͤrden gewiß auß ſolchem glauben ſelig/
halten deßwegen die fleiſchliche einbildung
eines glaubens (dann je der Goͤttliche glaube
nicht ohne den Heiligen Geiſt/ dieſer aber
bey vorſetzlichen und herꝛſchenden ſuͤnden
nicht ſeyn kan) vor den glauben/ der da ſelig
mache/ welches ein ſo ſchrecklicher betrug
deß teuffels iſt/ als irgend ein irꝛthum ge-
weſen oder ſeyn mag/ einem ſolchen hirn-
geſpaͤnſt eines ſichern menſchen die ſeligkeit
zu zuſchreiben. Ach/ wie redet unſer theure
Lutherus ſo gar anders von dem glauben:
CWo
[50] Wo er in der Vorrede uͤber die Epiſtel an
die Roͤmer ſpricht: Glaube iſt nicht
der menſchliche wahn und traum/
den etliche fuͤr glauben halten:Und
wann ſie ſehen daß keine beſſerung
deß lebens und gute wercke folgen/
und doch vom glauben viel hoͤren
und reden koͤnnen/ fallen ſie dann
in den irꝛthum/ und ſprechen/ der
glaube ſey nicht gnug/ man můſſe
werck thun/ ſoll man fromm und
ſelig werden. Das macht/ wann
ſie das Evangelium hoͤren/ ſo fallen
ſie dahin/ und machen ihnen auß
eigenen kraͤfften einen gedancken im
hertzen/ der ſpricht/ ich glaube/
das halten ſie dann fuͤr einen rech-
ten glauben/ aber wie es ein menſch-
liches gedicht und gedancken iſt/
den deß hertzengrund nimmer erfaͤh-
ret/ alſo thut er auch nichts/ und fol-
get keine beſſerung hernach. Aber
der glaube iſt ein Goͤttlich werck in
uns/ das uns wandlet und neu ge-
bieret auß GOtt/ Joh. 1/ 13. und toͤd-
tet den alten Adam: Machet uns
gantz
[51]gantz andere menſchen von hertzen/
muth/ ſinn und allen kraͤfften/ und
bringet den Heiligen Geiſt mit ſich.
O es iſt ein lebendig/ ſchaͤfftig/ thaͤ-
tig ding umb den glauben/ daß un-
muͤglich iſt/ daß er nicht ohne unter-
laß ſolte gutes wuͤrcken. Er fraget
auch nicht/ ob gute werck zu thun
ſind/ ſondern ehe man fraget/ hat er
ſie gethan/ und iſt immer im thun.
M. f. w. Andere ort fuͤhren wir nicht an/
wo er eben auff dergleichen ſchlage redet.
Sonderlich leſe man in der Kirchenpoſt.
Sommer-Feſt.fol. 65. a. Wo er den
Goͤttlichen und menſchlichen glauben recht
nachtruͤcklich beſchreibet/ und bey de gegen
einander haͤlt. Alſo iſt es einmahl an dem/
daß bey allen denen/ die in herꝛſchenden ſuͤn-
den leben/ und alſo deß Heiligen Geiſtes/
daher auch deß rechten glaubens/ nicht faͤhig
ſind/ kein anderer glaube ſeyn kan/ als ein
dergleichen menſchlicher wahn: Wie groß
iſt aber jener zahl?

Gleich wie nun die vergebene einbildung
deß glaubens als deß von unſer ſeiten einigen
mittels der Seligkeit groſſen ſchaden thut/
C 2alſo
[52] alſo von ſeiten der goͤttlichen mittel deß worts
und Sacramenten kom̃t eine andere ſchaͤnd-
liche einbildung deß Operis operati darzu/
die nicht weniger der Kirchen ſchaͤdlich iſt/
und viele menſchen zur verdamnuͤß fuͤhret/
auch die andere falſche einbildung deß wah-
ren glaubens ſtaͤrcket. Jn dem wir nicht
laͤugnen koͤnnen/ ſondern durch die taͤgliche
erfahrung deſſen überzeuget werden/ daß der
jenigen nicht wenig ſind/ die da meynen/
ihr gantz Chriſtenthum ſtehe darinnen/ und
alsdann haͤtten ſie dem Gottesdienſt uͤbrig
gnug gethan/ wo ſie eben getaufft waͤren/
Goͤttliches wort in predigten hoͤrten/ beich-
teten/ die Abſolution empfingen und zu dem
H. Abendmahl giengen: Es ſeye nun das
hertz bey ſolchem dienſt wie es wolle/ die fruͤch-
ten folgen nicht oder wie ſie moͤgen/ auffs
aͤuſſerſte wo ſie nur darbey ein ſolch leben
fuͤhreten/ darinn eben die Obrigkeit nichts
ſtraffbares finde. Oder wie der theure
Johann Arnd/ ſolcher leute einbildung
beſchreibet Wahren Chriſtenth. 2/ 4. Jch
bin ein Chriſt getaufft/ habe Gottes
Wort rein/ hoͤre daſſelbe/ brauche
das H. Sacrament deß Abendmals/
ich
[53]ich glaube und bekenne auch alle
Articul deß Chriſtlichen glaubens/
darumb kan mirs nicht mangelen:
Mein thun muß GOTT gefallen/
und ich muß ſelig werden. So
ſchleuſt jetzo alle welt/ und haͤlts
auch darvor/ darinnen beſtehe die
gerechtigkeit. Man ſehe an ſolchem ort
auch die Antwort.

Aber damit kehren ſolche blinde leute Got-
tes heilige Intention gantz umb. Dein Gott
hat dir freylich die Tauff gegeben/ daß du
nur einmahl getaufft werden darffſt. Aber
er hat mit dir den bund gemacht/ welcher auff
ſeiner ſeiten ein gnaden-bund/ von der deini-
gen aber ein bund deß glaubens und guten
gewiſſens iſt: Solches muß nun dein leben-
lang waͤren. Und getroͤſteſt du dich vergeb-
lich deiner Tauff/ und der darinn zugeſagten
gnade der ſeligkeit/ wo du auff deiner ſeiten
nicht auch in dem bund deß glaubens und
guten gewiſſens bleibeſt. Oder da du ab-
getretten/ wiederumb durch hertzliche buſſe
zurück kehreſt. Alſo muß deine Tauff/ ſoll
ſie dir nutz ſeyn/ in ſtaͤtiger uͤbung deß gantzen
lebens bleiben.

Wiederumb du hoͤreſt Goͤttliches Wort.
Jſt recht gethan: Aber es iſt nicht gnug/
daß dein ohr es hoͤret; laͤſſeſt du ſolches auch
innerlich in dein hertz dringen/ und ſolche
himmeliſche ſpeiſe daſelbſt verdauet werden/
damit du ſafft und krafft darvon empfangeſt/
oder gehet es zu einem ohr ein zum andern
auß: Jſt jenes/ ſo gilt dirs freylich/ was
der Herr ſagt: Luc. 11/ 28. Selig ſind
die GOttes Wort hoͤren und be-
wahren: Jſt aber dieſes letztere/ ſo mag
das werck/ daß du es gehoͤret haſt/ dich nicht
ſelig machen/ wol aber deine verdamnuͤß ver-
groͤſſern/ daß du die empfangene gnade nicht
beſſer angewendet. Nun aber/ ach wie viel
ſind der jenigen/ welche ſelbſt nicht einmahl
ſagen doͤrffen/ daß ſie GOttes Wort bey ſich
laſſen frucht bringen/ und dannoch meynen/
daß ſie ihrer meynung nach GOTT ſolchen
gehorſam und dienſt geleiſtet/ ſolle ſie ſelig
machen.

So gehets auch mit der Beicht und
H. Abſolution/ die wir freylich vor ein
kraͤfftiges mittel deß Evangeliſchen Troſts
und vergebung der ſuͤnden halten: Aber ſie
iſt ſolches keinen andern als den Glaubigen.
War-
[55] Warumb troͤſten ſich dann ihro ſo viele/ bey
denen nicht das geringſte von dem oben be-
ſchriebenen wahren glauben ſich findet/ beich-
ten und laſſen ſich abſolviren bey aller fort-
waͤhrender unbußfertigkeit: Und ſoll doch
ihre Beicht und Abſolution/ ihrer meynung
nach/ weil ſie jene gethan/ dieſe geſprochen
empfangen/ ihnen nuͤtzlich ſeyn? Welches
gleichermaſſen bey dem H. Abendmahl
geſchiehet: Da der leute uͤber die maſſen
viel ſind/ die nur gedencken/ daß ſie das heilige
Werck moͤgen verrichten/ und ob ſie es offt
verrichtet haben. Aber ob ſie auch das geiſt-
liche leben dardurch bey ſich laſſen geſtaͤrcket
werden/ ob ſie mit hertzen/ mund und nach-
folge den Todt deß Herrn verkuͤndigen/
ob der Herr bey ihnen wuͤrcke und herꝛſche/
oder ob ſie den alten Adam noch auff ſeinem
Thron laſſen/ wird kaum daran gedacht.
Das heiſſt ja recht unvermerckter weiß den
ſchaͤdlichen irꝛthum deß Operis operati, ſo
wir an den Papiſten ſtraffen/ einigerley maſ-
ſen wieder einfuͤhren.

Nun iſt hieran unſerer Kirchen Lehr nicht
ſchuldig/ welche ſolchen einbildungen eifferig
widerſpricht/ ſondern das iſt der menſchen
C 4boß-
[56] boßheit/ und deß teuffels liſt/ welcher bey
jenen die Goͤttliche mittel der ſeligkeit/ ſuchet
zu gelegenheit mehrer ſicherheit/ und alſo
ſchwerer verdamnuͤß zu machen. Nebens
dem das nicht zu laͤugnen ſtehet/ daß unter-
ſchiedliche Prediger mit mehrerem fleiß ſol-
cher ſicherheit und falſchen einbildungen
widerſprechen und den leuten die augen oͤff-
nen ſolten: Wodurch mehrere noch auß dem
ſchlaff erweckt und auß dem verderben geriſ-
ſen werden moͤchten.

Nun in ſolchem zuſtand ſehen wir leider
mit betruͤbten augen an/ die aͤuſſerliche geſtalt
der Evangeliſchen obwol wahren und in der
Lehr reinen unſerer Kirchen.

Uber ſolches nun aͤrgern ſich zum forderi-
ſten die Juͤden/ ſo unter uns wohnen/ und
werden in dem unglauben geſtaͤrcket/ ja den
namen deß Herrn zu laͤſtern bewogen: als
die da nicht koͤnnen glauben/ muͤglich ſeyn/
daß wir CHriſtum vor einen wahren GOtt
halten/ deſſen Gebotten wir ſo gar nicht fol-
geten/ oder es muͤſſe unſer JEſus ein boͤſer
menſch geweſen ſeyn/ wo ſie Jhn und ſeine
Lehr auß unſerm leben urtheilen: Alſo/ daß
wir nicht koͤnnen in abrede ſeyn/ daß dieſes
der
[57] der bißherigen verſtockung der Juͤden/ und
hindernuͤß dero bekehrung eine groſſe urſach
geweſen/ das aͤrgernuß ſo die arme leute von
uns nehmen. Welches wie andere/ alſo
mit recht nachtruͤcklichen worten beſeufftzet
der Hochberuͤhmte Straßburgiſche/ nach-
mahl aber Roſtockiſche Profeſſor D. Joh.
Georg. Dorſcheus Sel. Wann er in ei-
nem zu Herꝛn L. Jacob Helwigs uͤber die
Materi deß Apoſtoliſchen geheimnuſſes/
Rom. 11/ 25. 26. haltenden Diſp. inaugur.
gemachten Programmate alſo redet: Sicut
olim Judæi quantum in ipſis fuit prohi-
buerunt annuntiari gentibus Evangelium,
ita Chriſtiani ſcandalis nocentiſſimis, velut
impietate, hypocriſi, injuſtitia, fraudi-
bus, immunditia, horrendis flagitiis
aliis, ſchiſmatibus, odiis, diſſidiis, bellis
immanibus ac truculentis, \& quod caput
eſt rupto eheu ac lacerato ſanctiſſimæ
ἀδελφότϰ [...]ς vinculo \& ſuam ipſorum
ſalutem abjiciunt, \& Judæorum alio-
rumque infidelium, quam procurare ac
promovere debebant, impediunt. Iſta
verò, quæ cum fide ſalvifica ſtare ne-
quaquam poſſunt, quando inter nos
C 5quam
[58]quam maxime dominatur, quis corru-
ptiſſimum, periculoſiſſimum \& tantum
non deſperatum Eccleſiarum noſtrarum
ſtatum non acerbe deploret? Quis dies
noſtros dubitet eſſe dies extremos, \& in
iis ϰαιϱȣ̀ς χαλεπȣ̀ς? quis non plerosque
eorum, qui Chriſti nomen profitentur,
cenſui incredulorum ſeveritate Dei ab
olea reſecandorum includat? quid nam-
que diſſoluti \& impii Chriſtianorum,
pietatem licet ſimulantium, virtutem ta-
men ejus negantium, \& accedente abuſu
divinæ longanimitatis atque χϱηςότη [...]ς
iram velut theſaurum ſibi coacervantium
mores hodie aliud ſunt, quam nefandæ
incredulitatis teſtes atque præcones pu-
blici.Wie vor dieſem die Juden/
ſoviel an ihnen war/ verwehret/
das den Heyden das Evangelium
nicht verkuͤndiget wuͤrde/ alſo thun
die Chriſten nicht anders mit ih-
ren ſchaͤdligſten aͤrgernuͤſſen/ gott-
loſigkeit/ heucheley/ nngerech-
tigkeit/ triegerey/ unreinigkeit/ an-
dern erſchrecklichen laſtern/ ſpal-
tungen/ haß/ ſtreiten/ grauſamen
und
[59]und erſchrecklichen kriegen/ ſonder-
lich aber welches das hauptwerck
iſt/ in dem ſie leider das band der
heiligſten bruͤderſchafft zuriſſen/ als
daß ſie ſo wol ihr eigen heil weg-
werffen/ als auch die ſeligkeit der
Jůden und anderer Unglaubigen/
welche ſie befoͤrdern und zu wege
bringen ſolten/ verhindern. Wann
dann aber ſolche dinge/ die mit dem
ſeligmachenden glauben durch auß
nicht ſtehen koͤnnen/ unter uns am
ſtaͤrckeſten herꝛſchen/ wer ſolte dann
nicht den verderbteſten/ gefaͤhrlich-
ſten und faſt verzweiffelten zuſtand
unſerer kirchen bitterlich beweinen?
Wer ſolte zweifflen/ daß nicht un-
ſere tage von den letzten und recht
ſchwere zeiten ſeyen? Wer ſolte nicht
die meiſte unter den jenigen/ ſo Chri-
ſti Namen bekennen/ unter die zahl
ſetzen der jenigen/ die umb ihres un-
glaubens willen durch GOttes
ſtrenges gericht ſollen außgehauen
werden? dann was iſt das gottloſe
und verruchte leben der Chriſten/
C 6die
[60]die ſich der gottſeligkeit aͤuſſerlich
annehmen/ aber dero krafft verlaͤug-
nen/ und durch mißbrauch der goͤtt-
lichen langmuht und guͤtigkeit ih-
nen den zorn als einen ſchatz zuſam-
men ſammlen/ heut zu tag anders/
als ein zeuge/ ſo ſie offentlich deß
boßhafftigen unglaubens uͤberzeu-
get/ und als ſolche außruffet.

Nechſt denen aͤrgern ſich auch an uns aller-
hand irꝛglaubige/ vornemlich aber die gegen
uns ſeindſelige Papiſten machen deß pra-
lens daruͤber kein ende: gleich als waͤre die-
ſes die frucht der lehre deß Evangelii und
Reformation Lutheri. Wie dann ihre vor-
wuͤrffe in offentlichen Schrifften an dem
tage ligen/ und obwol ſolche einwuͤrffe von
gottſeligen lehrern laͤngſtens beantwortet
worden (wie noch erſt kůrtzlich/ mein in dem
Herrn vielgeliebter Freund und Bruder
Herꝛ D. Wilh. Zeſchius, in ſeinem 2. Theil
der vertheidigung wider P. Sevenſtern. c. 5.
art. 2. p. 940. den widerſachern den mund
geſtopffet) unterlaſſen ſie gleichwol nicht/ ſol-
ches immer zu widerholen/ und mit ſolchem
vorgeben/ die ſchwache unter uns irꝛ zu ma-
chen/
[61] chen/ die ihrige aber in dem eckel vor unſerer
Religion zu ſtaͤrcken.

Nechſt denen ſind viel andere/ auch einige
gute gemuͤther/ die herauß auff die gedan-
cken gekommen: Wir ſteckten noch ſo wol
in Babel/ als die Roͤmiſche kirche/ und
koͤnnten alſo deß außgangs uns nicht ruͤh-
men.

Sonderlich aber iſt es allein GOtt bekañt/
mit was wehemuht gottſelige hertzen/ ſolches
betruͤbliche weſen anſehen/ und mit wie viel
tauſend ſeufftzen und thraͤnen ſie den ſchaden
Joſephs bejammern/ daß ſie der gleichen mit
augen ſchauen/ und doch keine nahe huͤlffe
abſehen/ ſondern/ daß es faſt immer aͤrger
werden wolle/ bemercken muͤſſen: Wie offt
entlehnen ſie dem lieben David ſeine wort?
Pſal. 119/ 53. Jch bin entbrannt uͤber
die gottloſe/ die dein geſetz verlaſſen.
v. 136. Meine augen flieſſen mit waſ-
ſer/ daß man dein geſetz nicht haͤlt.
v. 139. Jch habe mich ſchier zu todte
geeiffert/ daß meine widerſacher
deine wort vergeſſen. v. 158. Jch ſehe
die veraͤchter und thut mir wehe/
daß ſie dein wort nicht halten/
C 7und
[62] und dergleichen. Es ſchmertzet ſie ſo viel-
mehr dergleichen greuel zu ſehen/ als hertz-
licher ſie ihren GOtt lieben/ und warumb ſie
taͤglich beten/ ſeines Namens heiligung/ ſei-
nes Reichs erweiterung und vollbringung
ſeines willens/ befoͤrdert ſehen moͤchten. Es
jammert ſie ſo vieler ſeelen/ die ſie in ſolcher
gefahr wiſſen. Es wird thnen ſelbſten ſchwer
unter ſolchen aͤrgernuͤſſen ſich von der welt
unbefleckt zu halten/ und ſorgen/ ob nicht
etwa ſie/ oder ja die ihrige/ noch durch ſolchen
ſtrom deß boͤſen endlich mit hingeriſſen und
verfuͤhret werden moͤchten. Da kan etwa
der in dem aͤuſſerlichen ruhige wolſtand/ wo
ſie GOTT damit geſegnet/ ſie nicht ſo ſehr
freuen/ als ſolch allgemeiner jammer ihnen
betruͤblich zu hertzen gehet. Und waͤre nicht
die ſtarcke hand GOttes die ſie erhielte/ und
ſie bey ihnen ſelbſt verſicherte/ ob ſie die allge-
meine beſſerung nicht erleben wuͤrden/ ſo ſol-
ten ſie doch mit jenem Baruch/ Jerem. 45/ 5.
Jhre ſeele zur beute darvon bringen/
ſo würden ſie allerdings in ihrem betruͤbnuͤß
verſincken.

Hingegen iſt dieſes recht die vornehmſte
hinderung/ daß vile gute gemuͤther/ die unter
andeꝛn
[63] andern irꝛglaubigen gemeinden ſonderlich
aber der Roͤmiſchen kirchen noch befindlich
ſind/ und dieſen greuel ziemlicher maſſen
erkennen/ (ſo gar/ daß in der aͤuſſerlichen
Roͤmiſchen kirchen/ welches unglaublich
ſolte ſcheinen/ einige ſich befinden/ die wahr-
hafftig den Pabſt und ſeinen ſtuhl vor den
von GOTT verkuͤndigten Antichriſt erken-
nen/ und zuweilen ihres hertzens-grund
in wehemuͤthigen klagen blicken laſſen) ſich
nicht/ gleichwie ſonſten geſchehen wuͤrde/
zu uns verfuͤgen. Dann ob ſie wol/ jene
bey ihnen ein und andere irꝛthume/ dieſe
ſowol irꝛthume als auch andere greuel
ſehen/ und daher willig waͤren/ wo ſie eine
rechte offenbahre gemeinde Chriſti ſehen/
ſich deroſelben mit freuden einzuverleiben/
ſo kommen ſie gleichwol endlich auff die
gedancken/ es muͤſſe keine reine kirche mehr
anff der welt ſeyn/ ſondern die kinder GOt-
tes noch gefangen in Babel ligen/ daher
mit gedult der Goͤttlichen erloͤſung erwar-
ten/ und in ſolcher Babyloniſchen knecht-
ſchafft ſo viel ſie noch koͤnnten mit furcht und
zittern/ und enthaltung der groͤbſten greuel/
der uͤbrigen aber beſeufftzung/ GOtt dienen.
Auſſer
[64] Auſſer dieſem ſehen ſie kein ander mittel/ und
leben alſo in ſteter unruhe und angſt ihres
hertzens. Dann/ weil ſie unſere Kirche nicht
anders anſehen/ als wie ſie in die augen
faͤllet/ indeme ihrer vielen unſere lehr nicht
bekannt/ und die/ welchen ſie bekannt iſt/
die lehre wornach das leben ſich nicht richtet
vor einen bloſſen vorwand halten/ und das
Reich GOttes nicht in worten/ ſondern in
der krafft beſtehend erkennen wolten/ ſo hal-
ten ſie dieſelbe ſo wenig vor die wahre kirche
als die ihrige/ ſondern alles vor ein Baby-
loniſches miſchmaſch/ da kein theil dem an-
dern viel herauß zu geben habe/ und es daher
nicht werth ſeye/ von einer zu der andern zu
gehen.

Nun iſt es zwar an dem/ daß wir ſolche
leute nicht entſchuldigen koͤnnen/ indem ſie
die Lehr unſerer Kirchen zu faſſen gelegenheit
gnug finden/ und wo ſie dann mit GOttes
wort einſtimmig/ die ihrige aber dargegen
ſtreitend/ antreffen wuͤrden/ in ihrem ge-
wiſſen verbunden waͤren/ daß ſie dann zu
der auffs wenigſte in der Lehr reinen kirchen/
bey dero ſie ſich alſo/ krafft Goͤttlichen ver-
ſpruchs/ Eſa. 55. verſichern koͤnnen/ daß auch
wahre
[65] wahre fromme kinder GOttes anzutreffen
ſind/ ſich zugeſellten/ wo ſie mit der bekannt-
nuß keinem irꝛthum beypflichten oder der-
gleichen zu thun/ in dem Gottesdienſt aber
keiner abgoͤtterey oder anderer dergleichen
ſuͤnden mit theilhafftig zu machen/ getrungen
wuͤrden/ und alſo ob ſie wol viele aͤrgernuß
vor ſich ſehen muͤſſen/ dannoch ſich rein be-
halten koͤnten.

Dann es iſt gleichwol an dem/ daß uns
damit zuviel geſchiehet/ wo man auß ange-
zogenen aͤrgernuͤſſen unſere kirche mit zu
Babel ziehen wil. Was die geiſtliche
Babel ſeye/ haben wir von niemand anders
als dem Heiligen Geiſt zu lernen. Nun
hat derſelbe Offenbahr. 18/ 5. 9. 18. durch
Johannis feder ſie alſo beſchrieben/ daß
man ſie mit halb geſchloſſenen augen doch
noch finden ſolte: Daß es nichts anders
ſeyn kan/ als Rom/ die groſſe ſtatt/ die
das Reich hatte ůber die Koͤnige auff erden/
und zwar mit ihrem geiſtlichen regiment/
da ſie nachdem ſie das weltliche regiment
uͤber den erdenkreiß verlohren/ ſolches in dem
geiſtlichen wieder ſuchet. Uber dieſes haben
wir nicht macht/ das geiſtliche Babel nach
eige-
[66] eigenem gutbefinden auſſer der Schrifft an-
leitung zu erkennen: So kan demnach keine
gemeinde zu Babel gehoͤren/ welche die
Babel und dero Regiment off entlich ver-
wirfft/ und ihr in dem geringſten nichts zu
willen iſt/ noch ſich von derſelben regieren
laͤſſet: Ob ſie ſchon ſonſten maͤngel und et-
was von denen in Babel angenommenen
boͤſen ſitten an ſich haben moͤchte. Wir koͤn-
nen einmahl GOtt nicht gnugſam danck vor
ſolche wolthat ſagen/ daß Er uns durch
das ſelige Reformations werck (wie dorten
die Juͤden durch Cyri edict unter dem
Hohenprieſter Joſua und Fuͤrſten Seru-
babel) auß der Roͤmiſchen Babyloniſchen
gefaͤngnuͤß auß gefuͤhret/ und in die ſelige
freyheit geſetzet hat. Wie es aber bey den
alten Juden/ ſo iſt es faſt mit uns auch er-
gangen. Es waren die Juden zwar wieder
gekommen/ ſie hatten ſtatt und land innen/
man finge an zu bauen/ auch wurde in dem
andern jahr der grund deß hauſes deß Herꝛn
gelegt. Aber es gab widerwaͤrtige/ die ihnen
im weg ſtunden/ auch von dem Koͤnig Ar-
thaſaſtha einen widerigen befehl erlangten/
daß das Werck gar unterbleiben muſte/
biß
[67] biß in das zweyte Jahr Darii: darzu kam
auch die groſſe nachlaͤſſigkeit der Juͤden/ die
damit zu frieden waren/ daß ſie auß Babel
erloͤſet/ etlicher maſſen wiederumb ihren
Gott esdienſt haben koͤnten/ waren nicht eif-
ferig denſelben in den rechten ſtand zu brin-
gen/ ſondern genoſſen ihres zeitlichen frie-
dens und ruh: Daß der Herr ihnen auch
durch Haggai zuruffen laͤſſt: Cap. 1/ 2. 4.
Weil ſie geſagt: Die zeit iſt noch nicht
da/ daß man deß HErꝛn hauß baue:
Aber eure zeit iſt da/ daß ihr in getaͤf-
felten haͤuſern wohnet/ und diß hauß
muß wuͤſte ſtehen. Da waren die Juͤ-
den zwar auß der gefaͤngnuͤß/ aber ihr zuſtand
in geiſt- und weltlichem war noch gar nicht/
wie er ſeyn ſolte/ und die in Babel ihnen an-
gewehnte geringhaltung deß Hauſes deß
HErꝛn klebte ihnen ſtarck an/ daß vielleicht
in dem geiſtlichen es nicht gar viel beſſer ge-
ſtanden/ als in der gefaͤngnuͤß. Biß end-
lich durch ernſtliches zuſprechen Haggai und
Zachariaͤ der Propheten/ unter der auffſicht
Serubabels und Joſua der Tempel vol-
lendet wurde. Und gleichwol war damit/
noch nicht alles gethan was geſchehen ſolte/
noch
[68] noch wieder auffgerichtet/ was der Koͤnig
von Babel vor dieſem verſtoͤret. Sondern
es kam auch Eſra der Schrifftgelehrte/ und
eine gute zeit nach ihm Nehemia/ ſo zu be-
ſtellung deß kirchenweſens/ wieder auffrich-
tung der mauren der Stadt/ und verfaſſung
deß regiments vieles thaten. Wie hiervon
die beyde buͤcher Eſraͤ und Nehemiaͤ zu leſen.
Da ſich vieles antreffen laͤſſt/ welches ſich
auff heutige zeit ſchicket. So wenig dann
nun auß deme/ weil eine lange zeit das Juͤ-
diſche weſen in Jeruſalem nicht in dem ſtand
war/ wie es ſeyn ſolte/ haͤtte geſchloſſen wer-
den moͤgen/ daß ſie dann noch in der Baby-
loniſchen gefaͤngnuß waͤren/ ſo wenig folger
jetzt eben dieſes/ wann wir von denen gegen
die Goͤttliche wolthat undanckbaren/ we-
gen deß mangelhafften unſers zuſtandes/
wiederumb gen Babel wollen verwieſen
werden.

Aber gleichwie dann den Juden nicht
ſolte gnug ſeyn/ auß Babel außgegangen
zu ſeyn/ ſondern ſie ſolten trachten/ auch das
Hauß deß Herrn und die ſchoͤne ſeine
Gottesdienſt wieder auffzurichten/ alſo ſol-
ten wir eben ſowol dabey nicht ſtehen bleiben/
daß
[69] daß wir wiſſen/ wir ſeyen auß Babel gegan-
gen/ ſondern wir muͤſſen einmahl ſorgfaͤl-
tig ſeyn/ die noch befindliche maͤngel zu beſ-
ſern.

Und eben dahin zielen gottſeliger hertzen
klagen/ wo ſie unſern elenden zuſtand beſeuff-
zen/ nehmlich damit wir uns unter einander
ermunteren/ und das werck deß Herrn
immer ernſtlich er getrieben werde/ als etwa
biß dahin geſchehen. Wie dann eben da-
mit auch einiger leute einrede zu beantwortẽ/
welche darvor halten/ wir ſolten ſolche fehler
und ſchande unſerer Kirche nicht auffdecken/
daß die widerſacher deroſelben nicht gewahr
wuͤrden/ ſondern ſie verborgen blieben.
Nemlich/ daß gleichwie unverantwortlich
es waͤre/ wo jemand ſolche gebrechen/ nur ſich
damit zu kützeln/ der welt vor augen legete;
Wo freylich einen Cham oder Canaan/ der
ſeines Vatters Noah bloͤſſe mit wolgefallen
und ſpott anſiehet/ der fluch treffen wird:
Alſo gehen die klagen gottſeliger gemuͤther/
wie der Hertzen kuͤndiger ſelbſt ſihet/ auß gar
einer andern abſicht oder trieb/ nehmlich auß
inniglicher liebe und eiffer vor GOttes Ehre/
daß wir beſeufftzen was wider dieſe ſtreitet/
und
[70] und verlangen tragen/ ob ein und andere be-
wogen werden moͤchten/ ſich der ſache ernſt-
licher anzunehmen. Es iſt ja eine liebe wo
ich gefaͤhrliche ſchaͤden auffdecke/ umb ſie de-
nen zu zeigen/ die ſie heylen ſollen.

So decken wir auch nichts auff/ was nicht
leider ohne das vor augen liget/ und wollen
der heimlichern gebrechen dieſes und jenes
nicht gedencken. Was aber jene die wider-
ſacher betrifft/ iſt vergebens vor ihnen ſie
bedecken zu wollen. Meynen wir/ man
ſolte ſie geheime halten wegen der widerſa-
cher/ ach/ ſo muͤſſen wir uns ſehr ſchmeichlen/
wo wir gedencken/ als ſehen ſie dieſelbe nicht
viel ſchaͤrpffer als wir ſelbſten. Der feind
hat luchs-augen; und ſihet manches/ was
der andere an ſich ſelbſten nicht wahrnimmt/
daher wo wir/ was jene vorlaͤngſt angeſehen/
auch zu verhelen gedencken/ gewinnen wir
damit nichts/ als daß uns nachmal allen ins
geſampt mit mehreꝛm ſug ſolches aufgeruckt
werde/ ob wir noch etlicher maſſen es verthei-
digen wolten Da hingegen/ wo man die feh-
ler erkeñet/ und ſein hertzlich mißfallen daran
bezeuget/ ſo viel kundbarer wird/ daß die gan-
tze Kirche gleichwol nicht daran ſchuld habe.
Ja/
[71] Ja/ da gegentheil ſolche gebrechen gar auff
eine andere art anſtehet/ als flieſſen ſie nehm-
lich auß der Religion ſelbſten/ und ſeye auch
das gantze hertz vergifft ſo koͤnnen wir andeꝛs
nicht weiſen/ wie der ſchade gleichwol allein
in den gliedern und aͤuſſerlichem ſtecke/ wir
zeigen dann denſelben ohne verhalten. So
haben auch gegentheil/ ſonderlich die Roͤmi-
ſche kirche/ unſerer bekennenden aͤuſſerlichen
gebrechen/ ſich zu ihrem vortheil nicht zu miß-
brauchen. Als dero (zugeſch weigen was von
den Unſerigen deroſelben vor greuel und
haupt-gebrechen vor der gantzen welt unter
augen gelegt) auch ſo alte als neue redliche
leute und diſcret-geſiñete/ geiſtlich und welt-
liche/ auß deren eigenen kindern/ dergleichen
vorgehalten und taͤglich vorhalten/ was ſie
nit laͤugnen kan/ und noch vielmehr daruͤber
zu erroͤthẽ/ daher ſie vor ihrer thuͤr den unrath
weg zu kehren hat/ ehe ſie/ das bey andern nit
alles rein/ zu ihrem ruhm ziehe. Ja/ wir moͤ-
gen der Roͤmiſchẽ kirchen einen groſſen theil
der fehler/ die ſich bey uns noch finden/ mit
gutem recht heimweiſen/ daß ſie von ihro er-
erbet/ uñ auff dergleichen oder andere uñ noch
viel groͤbere art bey ihnen im ſchwang gehen.

Unterdeſſen ſoll uns ſowol GOttes Ehr
als liebe der Kirchen ſolche zu beſſern/ from-
mer hertzen verlangen zu erfuͤllen/ und den
irrenden die pforte zu der erkant nuͤß der war-
heit weiter zu eroͤffnen/ dahin treiben/ daß
wir doch ſorgfaͤltigſeyen/ alle dieſe gebrechen
fleiſſiger zu erwegen/ und da ſie die wider-
ſacher/ ohne unſer zeigen von ſelbſten alles
gnugſam ſehen/ nicht allein die augen zu zu-
ſchlieſſen zu eigenem ſchaden. Einmahl wer
hierinnen deß Herrn iſt/ der muß auch ſo
gut er kan/ die hand mit anlegen/ als in einer
all gemeinen ſach.

Sehen wir die heilige Schrifft an/ ſo ha-
ben wir nicht zu zweifflen/ daß GOTT noch
einigen beſſern zuſtand ſeiner Kirchen hier
auff Erden verſprochen habe. Wir haben
1. die herꝛliche weiſſagung S. Pauli und
von ihm geoffenbahretes geheimnuͤß/ Rom.
11/ 25. 26. Wie/ nach dem die fuͤlle der Hey-
den eingegangen/ gantz Jſrael ſolle ſelig wer-
den. Daß alſo/ wo eben nicht das gantze/
gleichwol ein merckliches groſſes theil/ der
biß daher noch ſo verſtockt geweſenen Ju-
den zu dem HERRN bekehret
werden ſollen. Wohin auch/ wo ſie recht
unter-
[73] unter ſuchet werden/ viele ort der Propheten
in dem Alten Teſtament/ Hoſ. 3/ 4. 5. ꝛc. zielen
werden. Wie dann nechſt den alten Kirchen-
vaͤttern/ auch faſt die vornehmſte unſerer
Kirchenlehrer dieſes geheimnuͤß auß gedach-
tem Apoſtoliſchem ort bekannt haben. Ob-
wol wir nicht bergen/ daß nebens unſerem
ſonſt werthen Præceptore D. Luthero
unterſchiedliche der Unſerigen/ auch vorneh-
me Doctores, dergleichen von Paulo ge-
meynt zu ſeyn/ wie der Buchſtabe gleichwol
lautet/ in zweiffel haben ziehen wollen/ und
darvor halten/ es ſeye ſolche verheiſſung ſchon
allerdings in den von der Apoſtel-zeiten biß
daher bekehrten Juden zur gnuͤge erfüllet.
Wie wir nun eins theils zwar uns dieſen
nicht mit weitlaͤufftigem widerſprechen viel
widerſetzen wollen/ noch ſolche meynung
mit mehrerem ſtraffen (wol wiſſende/ daß ehe
die propheceyung erfuͤllet/ es leicht geſchehen
koͤnne/ daß auch erleuchtete leute deß rechten
verſtands einer weiſſagung fehlen moͤgen:)
Als koͤnnen wir doch andern theils von dem
Buchſtaben/ mit deme die gantze abſicht deß
Pauliniſchen Contexts lieblich einſtim-
met/ uns auch nicht abtreiben laſſen/
Dhoffen
[74] hoffen auch nicht/ daß uns jemand ſolches
verargen koͤnne.

Nechſtdeme/ haben wir auch noch einen
groͤſſern falle deß Paͤbſtlichen Roms
zu erwarten. Dann ob zwar ihm ein merck-
licher ſtoß von unſerm S. Herꝛn Luthero
gegeben worden/ ſo iſt doch deſſelben geiſtliche
gewalt noch viel zu groß/ als daß wir ſagen
ſolten/ daß die weiſſagung Offenbahr. c. 18.
und cap. 19. gantz erfuͤllet ſeye/ wo man be-
trachtet/ mit was nachtruͤcklichen worten an
ſolchem ort dieſelbe von dem Heiligen Geiſt
beſchrieben wird.

Erfolgen nun dieſe beyde ſtuͤcke/ ſo ſihe ich
nicht/ wie gezweiffelt werden koͤnne/ daß
nicht die geſamte wahre kirche werde in einen
viel ſeligern und herꝛlichern ſtande geſetzt
werden/ als ſie iſt. Dann wo die Juden
ſollen bekehret werden/ ſo muß entweder be-
reits die wahre Kirche in heiligerem ſtande
ſtehen/ als ſie jetzund iſt/ daß deroſelben heili-
ger wandel zugleich ein mittel jener bekeh-
rung werde/ auffs wenigſte damit die hin-
dernuß derſelben/ ſo wie wir oben geſehen in
bißherigen aͤrgernuͤſſen mit beſtanden/ weg-
geraͤumet ſeye: Oder/ wo ſie ſonſten von Gott
durch
[75] durch ſeine krafft/ auff uns jetzo noch vorzu-
ſehen unmuͤgliche art/ werden bekehret wer-
den/ iſt wiederumb nicht zugedencken/ daß nit
das exempel eines ſolchen neubekehrtẽ volcks
(bey dem ohne zweiffel eben der eiffer ſich zei-
gen wird/ wie bey den erſten auß den Heyden
bekehreten Chriſten zuſehen geweſen/) eine
meꝛckliche aͤnderung uñ beſſerung bey unſereꝛ
Kirchen nach ſich ziehen ſolte. Vielmehr iſt
zu hoffen/ daß mit heiligem eiffer gleichſam
in die wette die geſam̃te auß Juden und Hey-
den verſamlete Kirche in einem glauben und
deſſen reichen frůchten GOtt dienen/ und
ſich an einander erbauen werde.

Wozu vieles thun mag/ wo danebenſt nit
nur das aͤrgernuͤß deß Antichriſtiſchen Roms
abgethan/ ſondern auch die jenige/ welche jetzt
in demſelben unter der ſchweren tyranney
leben/ und/ ohne daß ſie ſich anders wohin zu-
wenden wuͤſten/ denen welche vor Luthero
geweſen gleich maͤſſig/ nach der erloͤſung ſehn-
lich ſeufftzen (deren es hin und wieder ſon-
derlich in Cloͤſtern einige gibet/) ihrer bande
befreyet mit freuden zu der freyheit deß Ev-
angelii/ da ſolches ihnen in die augen heller
leuchten wird/ gefuͤhret werden ſollen.

Wann denn nun ſolches uns von GOtt
verheiſſen iſt/ ſo muß nohtwendig auch deſſen
erfuͤllung zu ſeiner zeit folgen/ in dem nicht
ein wort deß Herrn auff die erden fallen/
noch ohne erfuͤllung bleiben ſolle. Jn dem
wir aber ſolche erfuͤllung hoffen/ ſo wil nicht
gnug ſeyn/ derſelben bloß dahin zu warten/
und mit jenen/ die Salomo narren heiſſet/
uͤber dem wuͤnſchen zu ſterben/ ſondern es
liget uns allen ob/ daß wir ſo viel eins theils
zu bekehrung der Juden und geiſtlicher
ſchwaͤchung deß Pabſthums/ oder andern
theils zu beſſerung unſerer kirchen gethan
werden mag/ zu werck zu richten nicht ſaͤu-
mig ſeyen: Und ob wir wol vor augen ſehen
ſolten/ daß nicht eben der gantze und voͤllige
zweck erhalten werden koͤnnte/ auffs wenigſte
ſo vieles thun als muͤglich iſt.

Es iſt zwar kein zweiffel/ daß auch ohne
uns/ wir moͤgen uns darzuſchicken/ wie wir
wollen/ Goͤttlicher rath wird zu werck ge-
richtet/ und das in der Schrifft geoffenbarte
erfuͤllet werden. Aber wir ſollen gedencken/
was dorten Mardochai ſeiner Baaſen Eſther
ſagen laͤſſet: cap. 4/ 14. Wo du wirſt zu
dieſer zeit ſchweigen/ ſo wird eine
hůlffe
[77]huͤlffe und errettung auß einem an-
dern ort den Juden entſtehen/ und
du und deines Vatters hauß werdet
umbkommen: Daß auch ſolches uns
gelte: Wo wir/ welchen GOTT durch den
dienſt Lutheri das helle Liecht deß Evan-
gelii wiederumb geſchencket/ ſaͤumig ſind/
hierinnen das jenige zu thun/ was unſers
amptes iſt/ ſo werde GOTT anderwertlich
huͤlffe ſchaffen/ und ſeine Ehre retten: Aber
beſorglich mit ſchwerer ſtraff/ uͤber unſere
ſaumſeligkeit/ die wir ohne das mit groſſer
undanckbarkeit tauſendmahl verſchuldet ha-
ben/ daß GOtt ſolches liecht von uns nehme/
und damit zu andern gehe. Jch kan nicht
wol unterlaſſen hieher zu ſetzen eine ſehnliche
klage/ deß vortrefflichen und vor vielen an-
dern der wolfahrt der kirchen verſtaͤndigen
Theologi Eraſmi Sarcerii in ſeinem Buch
von mittel und wegen die rechte und wahre
Religion zu befoͤrdern und zu erhalten.
f. 344. a. f. b.Wo GOttes Wort
faͤllet/ da faͤllet zugleich die gantze
rechte und wahre Religion. Wo
die faͤllt/ da kan und mag niemand
ſelig werden/ nun wil man unſere
D 3ſuͤn-
[78]ſuͤnden/ unſer ruchloß/ gottloß/
ſchand/ ſicher und buben leben/ ja fre-
vel und muhtwillen mit der Juden
und unſerer Vorfahren miſſethaten
vergleichen/ ſo achte ich/ wir werden
nicht weit von einander ſeyn.Und iſt
das meine endliche meynung/ daß es
nit můglich ſey/ nach unſerm urtheil
und gerichte/ daß die rechte und
wahre Religion bey unſerem teufeli-
ſchen Epicuriſchen uñ Sardanapa-
liſchen leben/ beſtehen koͤñe. Jſt aber
das nit ein jammer/ daß wir blinden
und verſtockten Teutſchen/ die rechte
wahre Religion/ mit unſerm unver-
ſtand/ unordentlichem leben verjagē
ſollen? So iſt auch keines auffhoͤren/
niemand gedencket ſich zu beſſern.
Noch waͤre ſuͤndigen menſchlich/
aber das iſt der teuffel gar/ daß man
nit wil leyden/ daß man ſuͤnde ſtraf-
fen ſoll.Und iſt noch ein groſſe hoff-
nung/ wo man ſundiget/ und dañoch
die ſtraff daruͤber leiden kan. Darauß
ich nun ſchlieſſen muß/ es ſeye mit der
rechten und wahren Religion am
beſten geweſen. Jch fuͤrchte leider/
daß
[79]daß dz Evangelium noch gepredigt
werde/ geſchicht mehr zum zeugnuͤß/
dann zur beſſerung Wie dann auch
Chriſtus geſagt/ Matt. 25. und dz Ev-
angelium wird in den letzten tagen
(dann von dieſen zeiten redet er) ge-
prediget werden zum zeugnuͤß/ und
ſol es auch noch dahin gelangen/ wie
Chriſtus weiter geweiſſaget (wann
der Sohn deß menſchē kom̃en wird/
ob er auch einen glauben auff Erden
wird finden) ſo muß es alſo zugehen/
und muß niemand keiner zucht und
diſciplin achten/ wie dann (Gott er-
barm) geſchicht/ daß ein jeder uns ar-
me Prediger lehren und ſchreyen laͤſt/
thut buß und bekehret euch/ und thut
doch gleichwol ein jeder/ was er wil.
Die Obrigkeit thut nichts zur Diſci-
plin/ dieUnterthanen wollen ihr
nicht. Etliche treue Prediger wollẽ
ſie gerne auffrichten/ und iſt ihnen
in einem ſolchen zuruͤtten und ruch-
loſen leben nicht moͤglich. Noch
muͤſſen ſie das beſte thun/ und dar-
umb die ſache nicht verlohren geben.
D 4Es
[80]Es helffe dann an wem es wolle.
Nun wie uns die rechte und wahre
Religion angelegen iſt/ alſo dencken
wir auch auff mittel und wege die-
ſelbe zu behalten. Jch weiß keinen
rath/ und ob ich ihn gleich wůſte/
ſo folget niemand/ ich muß fuͤr mei-
nen Augen ſehen/ und vielleicht
auch noch erleben/ (daß ich doch
nicht begehre) daß die liebe Reli-
gion muß auß ungnaden GOttes
von wegen unſerer ſuͤnden und miſ-
ſethat/ wieder dahin und zu boden
gehen/ wie ſie auß GOttes gnaden
zu uns kommen iſt. Hat der liebe Mann
ſchon vor mehr als hundert Jahren dieſes
ſorgen muͤſſen/ ſo haben wir/ bey denen es
nichts gebeſſert/ es nicht weniger zu beſorgen/
weil der zorn immer mehr und mehr gehaͤuf-
fet worden: Und moͤchte wol anderer bekeh-
rung mit unſerer verlaſſung geſchehẽ. Daher
haben wir hohe urſach/ nicht ſicher zu ſeyn/
ſondern auff uns ſelbſt acht zu geben/ und
nichts zu verſaͤumen/ damit es doch mit un-
ſerer kirchen in andern und beſſern ſtande ge-
bracht werden moͤchte.

Und darff hier niemand gedencken/ wir
intendirten und ſuchten zuviel; Wir lebten
ja nicht in republica Platonica, und ſeye es
nit muͤglich/ alles in ſolcher vollkommenheit
und nach der regel zu haben/ daher die boͤſe
beſchaffenheit der zeit mehr mit erbarmung
zu tragen als mit unwillen zu beklagen ſeye:
Wo man die vollkommenheit ſuchen wolle/
muͤſſe man auß dieſem leben/ in jenes gehen/
da wuͤrde man allein etwas vollkommenes
antreffen/ ehe aber nichts zu hoffen haben.
Denen/ welche alſo einwenden/ antworte ich.
Einmahl zwar/ daß die vollkommenheit zu
ſuchen ſo gar nicht verbotten/ daß wir auch
darzu angetrieben werden. Und wie waͤre
zu wůnſchen/ daß wir ſie erlangen moͤchten?
Aber andern theils geſtehe ich gern/ daß wir
es hier in dieſem leben darzu nicht bringen
werden/ ſondern je weiter ein frommer Chriſt
kommet/ je mehr wird er noch ſehen/ ihm zu
manglen: und alſo/ daß er von der einbil dung
der vollkommenheit/ nie weiter wird ent-
fernet ſeyn/ als wo er ſich derſelben am mei-
ſten befleiſſet: Gleichwie wir ſehen/ daß ge-
meiniglich die jenige/ die in ihren Studiis
am weiteſten gekommen/ ſich vielweniger
D 5vor
[82] vor gelehrt achten werden/ als andere die erſt
ein halb jahr in die buͤcher haben zu ſehen an-
gefangen. Jndem jene je laͤnger je mehr er-
keñen/ was zu der wahren erudition gehoͤre/
ſo ſie vorhin noch nicht alſo verſtanden. Alſo
auch dorten waͤre viel eher von einigen anfan-
genden zu ſorgen/ daß ſie ſich vollkommen zu
ſeyn achten moͤchten/ als von den jenigen/ die
ſchon ziemlich nach derſelben ſich bearbeitet.
Jndeſſen ob wirs wol freylich nimmermehr
in dieſem leben werden zu dem jenigen grad
der vollkommenheit bringen/ daß nichts mehr
darzu gethan werden koͤnnte oder ſolte/ ſo ſind
wir gleichwol verbunden zu einigem grad
der vollkommenheit zu gelangen. Und wie
von jeglichen Chriſten es gilt/ wo Paulus
ſagt: 2. Cor. 13/ 11. Zuletzt lieben Bruͤ-
der/ freuet euch/ ſeyd vollkommen/
und v. 9. daſſelbige wuͤnſchẽ wir auch/
nemlich eure vollkommenheit. Col. 1.
v. 28. Wir verkuͤndigen und vermah-
nen alle menſchen/ und lehren alle
menſchen/ mit aller weißheit/ auff
daß wir darſtellen einen jeglichen
menſchen vollkommen in CHriſto
JEſu: 2. Tim. 3/ 17. Daß ein menſch
Gottes
[83]GOttes ſey vollkommen/ zu allem
guten werck geſchickt. Phil. 3/ 15. Wie
viel nun unſer vollkommen ſind/ die
laſſet uns alſo geſinnet ſeyn (obwol
Paulus von einem hoͤhern und hier unmuͤg-
lichen grad vorher verſ. 12. ſagt: nicht/ daß
ichs ergrieffen habe oder vollkom̃en
ſeye) alſo moͤgen wir auch ſagen/ daß es der
gantzen Kirchen gelte/ daß ſie mehr und mehr
vollkommen werde/ und von allen ſowol als
jeglichen wahr werden ſolte/ was wiederum-
Paulus ſpricht: Eph. 4/ 13. Daß wir alle
hin an kommen/ zu einerley glauben
und erkañtnuͤß deß Sohns Gottes/
und ein vollkommen mann werden/
der da ſey in dem maß deß vollkom-
menen alters Chriſti.

Wir ziehen aber ſolche vollkommenheit/
die wir von der Kirchen verlangen/ nit dahin/
daß kein einiger Heuchler mehr unter derſel-
ben ſeye/ wol wiſſend/ daß der weitzen-acker
niemal ſo rein angetroffen werde/ daß nit ei-
nig unkraut auf demſelben ſich findt ſondern
dahin/ daß gleichwol dieſelbe von offenbaren
aͤrgernuͤſſen frey/ und kein darmit behaff-
teter ohne gebuͤhrende andung und endlich
D 6auß-
[84] außſchlieſſung darinnen gelaſſen/ die wahre
Glieder derſelben aber mit vielen Fruͤchten
reichlich erfůllet werden. Alſo/ daß das un-
kraut nicht mehr den weitzen bedecke und un-
ſcheinbar mache/ wie leider jetzo geſchie-
het/ ſondern von demſelben bedeckt werde/
daß man ſolches nicht ſonderlich wahr-
nehme.

Wolte man auch dieſes vor unmuͤglich
halten/ ſo fuͤhre ich deſſen ein Exempel an/
die erſte Chriſtliche Kirche/ darauß erweiß-
lich/ was deroſelben muͤglich geweſen/ ſeye
nicht bloſſer dings unmuͤglich. Es bezeu-
gen aber die Kirchen-hiſtorien/ daß die erſte
Chriſtliche Kirche in ſolchem ſeligen ſtande
geſtanden/ daß man die Chriſten ins gemein
an ihrem gottſeligen leben gekannt/ und von
andern leuten unterſchieden habe: Dann
ſo ſpricht Tertullianus: Quid enim inſigne
præferimus, niſi primam ſapientiam, qua
frivola humanæ mentis opera non adora-
mus; abſtinontiam qua ab alieno tempe-
ramus [...]udicitiam quam nec oculis con-
temnimus: Miſericordiam qua ſuper
indigentes flectimur: ipſam veritatem,
qua offendimus: ipſam libertatem, pro
qua
[85]qua mori novimus. Qui vult intelligere,
quid ſint Chriſtiani, iſtis indicibus utatur
neceſſe eſt.Was iſts/ daß wir vor
andern zum kennzeichen an uns ſehen
laſſen: Als die hoͤchſte weißheit/ in-
dem wir eitele wercke deß menſch-
lichen hertzens nit anbeten wollen:
Die vergnuͤgſamkeit/ da wir andern
nach dem ihrigen nicht trachten: Die
zucht die wir auch nicht gern mit den
augen verletzen: Die barmhertzig-
keit/ damit wir uns zu den duͤrfftigen
wenden: Die warheit ſelbſt/ die an-
dere nit leiden moͤgen: Die freyheit/
vor welche wir auch gern ſterben.
Wer wiſſen wil/ was Chriſten ſeyn/
der muß ſie an ſolchen merckmahlen
kennen. Wiewol ſtunde es es damahl! Ja/
ach wie herꝛlich war es/ wann der liebe alte
Ignatius, epiſt. ad Epheſ. ſagen konte/ daß/
welche ſich zu Chriſto bekannten/
nicht nur auß dem was ſie ſagten/
ſondern auch was ſie ſagten/
ſondern auch was ſie thaͤten/ erkañt
wuͤrden/ ( [...].) Wie ſtattlich
lautet es/ wann Euſebius. L. 4. H. E. c. 7.
ſagen
[86] ſagen kan/ es ſeye zwar/ ſonderlich durch der
ketzer boͤſes leben/ die Chriſtliche Kirche bey
den Heyden in boͤſen ruff gekommen: Aber
[...]Es ſeye die allgemeine Kirche/
ſo allein die wahre und allezeit einer-
ley art und ſinnes iſt/ ſtaͤtig gewach-
ſen/ uñ habe zugenom̃en/ daß ſie mit
erbarkeit/ redlichkeit/ freymuͤtigkeit/
zucht und reinigkeit deß Goͤttlichen
lebens uñ weißheit allen ſo Griechen
als Barbarẽ unter augen geleuchtet.
Wie groſſe ehre wars/ daß erneñter Tertull.
c. 4. ad Scap. und alſo gegen einen feind und
Landpfleger ſich nicht ſcheuet im namen der
geſampten Kirchen zu ruͤhmen. Depoſitum
non abnegamus, matrimoniũ nullius adul-
teramus, pupillos pie tractamus, indigen-
tibus refrigeramus, nulli malum pro malo
reddimus.Das vertraute verlaͤugnen
wir nit/ niemand verletzen wir ſeine
ehe/
[87]ehe/ mit den Waiſen gehẽ wir gotts-
fuͤrchtig umb/ die mangelleiden er-
laben wir/ niemand vergelten wir
boͤſes mit boͤſem. Alſo gedencket auch Ju-
ſtinus apol. 2. daß einige bekehret wordẽ ſind/
durch die redlich- und gerechtigkeit der Chri-
ſten in handlungen. Wie ein ſchoͤnes lob war
es von den Chriſtlichen Weibsperſonen/ wo
Tatianus contra gentes, als er den Heyden
die Hurerey vorgeworffen/ ſagen darf: [...].
Dann alle
weibsperſonen bey uns ſind zuͤchtig.
So ruͤhmet Origenes,daß die lehre Jeſu
habe bey allen gewuͤrcket eine wun-
derwuͤrdige ſanfftmuht/ erbarkeit/
freundlichkeit/ guͤtigkeit/ verſoͤnlich-
keit/ die nit wegẽ der ſorge diſes lebẽs
und anderer menſchlichen notturfft/
ſondern von hertzen die Predigt von
GOtt/ Chriſto und dem kůnfftigen
gericht auffgenommen haben. Daher
ſie auch ſo ſorgfaͤltig vorher der jenigen/ wel-
che ſich zu ihnen begaben/ leben examinir-
ten und auff die probe ſetzten/ nicht ehe ſie in
die Kirche auffnehmende/ biß ſie ſahen/ daß
ſie ihr leben wuͤrdiglich nach dem beruff/
darzu
[88] darzu ſie beruffen worden/ fuͤhren wuͤrden.
Wie eben ſolcher Orig. 8. contr. Celſ. be-
zeuget. War dann jemand/ der einig aͤrger-
nuͤß begienge/ ſo wurde mit ſolchem ernſt
gegen denſelben verfahren/ daß man ſich
verwundern muß/ wie zu ſolcher zeit/ da die
Chriſten die Obrigkeit nicht auff ihrer ſeit
hatten/ muͤglich geweſen/ eine ſolche ſtrenge
zucht und diſciplin unter ſich zu erhalten:
Da wurden die begangene fehler von den
Kirchenaͤltiſten/ deren verſamlung der Bi-
ſchoff regierte/ vorgenommen/ erwogen und
gerichtet/ auch die verbrecher nach befinden
der ſachen von der Gemeinde außgeſchloſſen/
auch nicht anders als nach gnugſamer ver-
ſicherung der beſſerung wieder auffgenom-
men. Damit die Kirche zeugete/ wie gar
ſie ihrer Glieder ſuͤnde nicht billigte/ andere
von dergleichen ſuͤnden abſchreckte/ und die
gefallene beſſerte. Daher erkannten ſie auch
keine andere vor ihre Mitbruͤder als die alſo
lebeten. Alſo ſagt Juſtinus: Welche man
antrifft/ nicht alſo lebende/ wie er gelehret/
das iſt ein klares zeugnuͤß/ daß ſie keine
Chriſten ſeyen/ ob ſie wol Chriſti Lehre mit
der [z]unge bekenneten: von denen ſpricht er
auch
[89] auch außtruͤcklich an die Kaͤyſere/ ſie bittende/
ſie wolten doch ſelbſt die jenige/ welche ein
ihres Meiſters Gebotten nicht gemaͤſſes le-
ben fuͤhreten/ und ſich nur Chriſten nennen
lieſſen/ zu ſtraffe ziehen. Daher Plinius der
Heyde in ſeiner bekannten Epiſtel (Lib. 10.
Epiſt. 97.) an den Kaͤyſer Trajanum ſelbſt
bekennet/ daß ob er wol einige zu erfahrung
der warheit foltern laſſen/ er doch nicht er-
fahren koͤnnen/ daß ſie einiger laſter/ auſſer
ihrer von den Roͤmern verworffenen Reli-
gion/ ſich ſchuldig machten. Welche be-
kanntnuͤß eines offentlichen feindes und
darzu Richters von nicht weniger wichtigkeit
iſt. Lieſet man die abſonderliche Exempel
der herꝛlichen tugenden/ die an ein und an-
dern hervor geleuchtet/ ſo kan man nicht an-
ders als hertzlich dardurch bewogen werden.
Was war es vor eine hertzliche Liebe zu
GOTT/ da ſie zum zeugnuͤß derſelben zu
den grauſamſten martern mehr eileten/ als
ſich dieſelbe ſchrecken lieſſen/ wo es an die
bekanntnuͤß ihres liebſten Heylandes gieng?
Wie bruͤnſtig war die liebe unter ihnen ſelbſt/
da ſie ſich nicht nur unter einander mit dem
lieben namen Bruͤder und Schweſtern nen-
neten/
[90] neten/ ſondern auch recht bruͤderlich unter
ſich lebeten/ daß auch einer vor den andern
zu ſterben/ wo es noht ſeye/ ſtaͤtig bereit war.
Von welcher Materi und den abſonder-
lichen tugenden der erſten Chriſten/ wo je-
mand verlangen hat/ einige zeugnuͤſſen der
alten zu ſehẽ/ wuͤſte ich denſelben faſt nirgend
beſſer hinzuweiſen/ als in meines Hochge-
ehrten Præceptoris deß Sel. D. Ioh. Conradi
Dannhaueri Chriſteid. Act. 1. opt. dram.
Theatr. 1. Phæn. 4. ſodann meines ſehr-
werthen Freundes/ und zu Straßburg vor-
weilen geweſenen ſo Com̃ilitonis als nach-
mals Collegæ Herꝛn D. Baltaſar. Bebelii,
antiq. Eccleſ. trium à N. Chr. ſeculorum,
in jeglichem Seculo an ſeinem ort/ wo ſolche
tugenden mit fleiß erzehlet.

Wie nun der zuſtand der Chriſtlichen kir-
chen ſolcher zeit/ unſer kaltes und laues we-
ſen gantz zu ſchanden machet/ alſo zeiget er
gleichwol/ es ſeye das jenige ſo wir ſuchen
nicht unmuͤglich/ wie ihrer viel ihnen die ein-
bildung machẽ: Daher ſeye es unſere ſchuld/
daß dergleichen Lob ſo ferne von uns iſt.
Dann es iſt ja eben der H. Geiſt/ welcher vor
dem in ſolchẽ erſten Chriſten alles gewuͤrcket/
der
[91] der uns von GOtt geſchencket iſt/ und heut
zu tag weder unvermoͤglicher noch ſaͤumiger
iſt/ das werck der Heiligung in uns zu ver-
richten. So muß es allein die urſach ſeyn/
daß wir ihm ſolches nicht laſſen/ ſondern ihn
ſelbſten hindern: Deßwegen dann je nicht
vergebens hiervon gehandelt wird/ wie doch
die ſache in beſſern ſtand gebracht werden
moͤchte.

Nun erkenne ich gern meine wenigkeit/
und daß ich mich weder vermeſſen koͤnne/
noch ſolches einbilden wolle/ daß ich vor an-
dern dienern Gottes/ wie dem gemeinen uͤbel
zu helffen waͤre/ ſonderbaren verſtand habe:
Sondern ich finde taͤglich in mir/ woran
mirs ſelbſten manglet. Daher ich von grund
der Seelen wünſche/ daß wie auch ein und
andere gethan/ begabtere und mit mehrerm
liecht/ verſtand und erfahrung außgeruͤſtete
Maͤnner dieſe Materi mit fernerm eiffer vor
ſich nehmen/ der ſache in der furcht deß
Herrn nachdencken/ und wie ſie etwa
zu rathen noͤthig finden/ der geſampten
Chriſtlichen Evangeliſchen Kirch vorle-
gen/ ſodann auff mittel und wege bedacht
ſeyn moͤgen/ wie durch Goͤttliche Gnade
heil-
[92] heilſame rathſchlaͤge/ die etwa gefunden wor-
den/ heilſamlich zu werck gerichtet wuͤrden.
Jndem ſonſten alle berathſchlagung ein ver-
gebenes thun iſt.

Wann aber in der ſache/ die uns alle an-
gehet/ allen Chriſten/ vornehmlich aber allen
die der HERR an einigen orten ſeiner
Kirchen zu waͤchtern geſetzet hat/ obliget/
auff den jemahligen zuſtand der Kirchen zu
ſehen/ und wie ihm zu helffen bedacht zu ſeyn:
Sonderlich weil die Kirche ein ſolcher Leib iſt/
der aller orten einerley natur hat/ und deß-
wegen wo nicht mit einerley kranckheiten je-
derzeit behafftet/ dannoch derer gefahr ſtaͤtig
unterworffen iſt: Und deßwegen wer das
jenige/ was ihm bey ſeiner Gemeinde zu beſ-
ſerung derſelben dienſam/ fleiſſig unterſucht
und erkannt hat/ ziemlicher maſſen auch er-
kennen wird/ wie anderwertlich mit weniger
beobachtung der etwa verſchiedenen umb-
ſtaͤnde/ andern Gemeinden ebener maſſen
zu helffen ſeye: Zu jenem aber ohn-diſputir-
lich jeder Prediger geſetzt iſt: Als erkuͤhne
Jch mich auch/ nachdem ich bißher nach dem
vermoͤgen das GOtt verliehen acht gegeben/
wie der mir und meinen geliebten Ampts-
Bruͤ-
[93] Bruͤdern anvertrauten hieſigen Kirchen
maͤngel gebeſſert/ und ſie mehr erbauet wer-
den moͤchte/ das jenige/ was Jch in gott-
ſeliger nachdenckung/ nach anleitung der
Schrifft nuͤtzlich und noͤthig erachtet/ hier
auch zu papier zu bringen: Ob etwa andern
erleuchtetern und hierinnen vermoͤglichern/
aufs wenigſte moͤchte anlaß gegeben werden/
auch ihres orts dem wichtigen Werck weiter
nach zudencken/ und woran es dieſen vor-
ſchlaͤgen manglen ſolte/ zu erſetzen: Oder/
wo dieſelbe nicht thunlich befunden wuͤrden/
beſſere vor die hand zu geben: Wie Jch dann
willig bin/ jedem auch einfaͤltigſten/ der mir
in meinen Ampts-verrichtungen und allem
andern/ ſo zu der erbauung gehoͤret/ etwas
beſſers und vortraͤglichers zeigen wird/ zu
weichen/ und beſſern berichts wegen danck
zu ſagen. Dann/ es iſt ja alles ſolches nicht
unſere/ ſondern GOttes Sache/ ſo ſtehet
dieſem frey durch auch vor der welt unſchein-
bare oder verachtete Mittel-perſonen der-
gleichen dinge vorzutragen/ die Er zu ſegnen
beſchloſſen hat.

Jn dieſem vertrauen/ und williger unter-
werffung gegen andere der Kirchen beſtens
kündi-
[94] kuͤndigeren/ ſo giengen meine unvorgreiff-
liche gedancken in dieſer ſach dahin. Daß
unſerer geſampten Kirche (eben ſo verhaͤlt
ſichs mit jeglichem theil derſelben) unter an-
dern/ (dann ich nicht alle mittel hier anfuͤhre/
zum exempel die aufrichtung der Kirchen-
zucht/ welche gleichwol von der hoͤchſten
wichtigkeit/ aber von dem theuren und eiffe-
rigen TheologoJoh. Sauberto Sel.
in ſeinem nie gnug geprieſenen Zucht-
Buͤchlein zur gnuͤge gehandelt iſt: Jtem
die aufferziehung der Jugend und derglei-
chen) auff folgende weiſe vermittels Goͤtt-
licher Gnade geholffen/ und ſie in einen
wiederumb herꝛlichern ſtand geſetzt werden
moͤchte.

1. Daß man dahin bedacht waͤre/ das
Wort GOttes reichlicher unter uns
zu bringen. Wir wiſſen/ daß wir von
natur nichts guts an uns haben/ ſondern
ſoll etwas an uns ſeyn/ ſo muß es von GOtt
in uns gewůrcket werden/ und darzu iſt
das Wort das kraͤfftige mittel/ indem der
glaube auß dem Evangelio entzuͤndet wer-
den muß/ das Geſetz aber die regel giebet
der guten wercke/ und viel herꝛlichen antrieb
den-
[95] denſelben nachzujagen. Je reichlicher alſo
das Wort unter uns wohnen wird/ je mehr
werden wir glaubens und deſſen fruͤchte zu-
wegen bringen. Nun ſolte es zwar ſcheinen/
daß das Wort GOtt es reichlich gnug unter
uns wohnete/ indem an unterſchiedlichen or-
ten (und zwar auch in hieſiger Statt) taͤglich/
anderswo gleichwol zum oͤfftern/ von der
Cātzel gepredigt wird. Wo wir aber der ſache
reifflich nachdencken/ werden wir auch in
dieſem ſtuͤck vieles finden/ das noch weiter
noͤthig ſeye. Jch verwerffe die haltende Pre-
digten durchauß nit/ da auß einem gewiſſen
vorgelegten Text und deſſen erklaͤrung die
Chriſtliche Gemeinde unterrichtet werde/
als der ich ſelbſt dergleichen vortrage und ver-
richte. Aber ich finde nicht/ daß dieſes gnug
ſey. 1. Wiſſen wir/ daß alle Schrifft von
GOtt eingegeben/ ſeye nutz zur lehr/ zur ſtraff/
zur beſſerung/ zur zuͤchtigung in der gerech-
tigkeit. 2. Tim. 3. Daher auch alle Schrifft
ohne außnahm der Gemeinde bekannt ſolte
ſeyn/ wollen wir anders allen den noͤthigen
nutzen erhalten. Nun wo man endlich alle
die Text/ die in vielen jahren nach einander in
einem ort der gemeinde vorgetragen werden/
zuſam-
[96] zuſammen nimmet/ ſo wird es noch gar ein
geringer theil/ der uns vorgelegten Schrifft
ſeyn: Das uͤbrige hoͤret die Gemeinde gar
nicht/ oder nur wie ein und andere Spruͤche
oder ſonſten allegata darauß in den Predig-
ten angezogen werden/ ohne daß ſie die gantze
folge/ darinnen gleichwol ein groſſes ſtecket/
vernehmen koͤnnte. 2. Haben auch die leute
wenig gelegen heit den verſtand der Schrifft
anders/ als nach den Texten die ihnen etwa
außgelegt werden zu faſſen/ weniger aber ſich
recht darinnen ſoviel zu uͤben/ als die er-
bauung erforderte: Jndem das einige leſen
zu hauß/ ſo an ſich ſelbſt herꝛlich und loͤblich/
doch noch nicht bey allen gnug thun mag.

Dahero noch zu gedencken ſtehet/ ob nicht
der Kirchen wol gerathen waͤre/ wann ne-
bens den gewoͤhnlichen Predigten uͤber die
verordnete Text noch auff andere weiß die
leute weiter in die Schrifft gefůhret wuͤrden:
1. Mit fleiſſiger leſung der H. Schrift
ſelbſt/ ſonderlich aber deß N. Teſtaments.
Das iſt je nicht ſchwer/ daß jeglicher Hauß-
vatter ſeine Bibel oder auffs wenigſte das
Neue Teſtament bey handen habe/ und taͤg-
lich etwas in ſolchem leſe/ oder wo er je deß
leſens
[97] leſens unerfahren/ ihm von andern leſen laſ-
ſe. Wie noͤthig und nuͤtzlich ſolches allen
Chriſten in allen ſtaͤnden ſeye/ hat ſtattlich
und kraͤfftig in dem vergangenen Seculo
dargethan Andreas Hyperius, deſſen zwey
Buͤcher von ſolcher Materi/ bald darnach
G. Nigrinus verdeutſchet/ nachdem aber
das Wercklein faſt unbekandt worden/ neu-
lich Herꝛ D. Elias Veyel/ mein wertheſter
vor deme geweſener Commilito zu Straß-
burg und in Chriſto geliebter Bruder/ durch
nochmahlige aufflage den leuten wiederum
bekannt gemacht.

Nechſtdeme/ daß alſo die leute zu der privat
Lection angetrieben wuͤrden/ waͤre rathſam.
2. Wo man es einfuͤhren koͤnnte/ daß zu ge-
wiſſen zeiten in offentlicher Gemeinde die
Bibliſche buͤcher nach einander ohne weitere
erklaͤrung/ es waͤre dann ſache/ daß man kur-
tze Summarien darzu thun wolte/ verleſen
wuͤrden/ zu aller/ vornemlich aber der jenigē/
erbauung/ welche gar nicht oder nicht bequem
und wol leſen koͤnnten/ oder auch die Bibel
nicht zu eigen haͤtten.

3. Solte auch (welches zu anderer reiff-
lichem nachdencken ſetze) vielleicht nicht un-
Edienlich
[98] dienlich ſeyn/ wo wir wiederumb die alte
Apoſtoliſche art der Kirchen-verſamlungen
in den gang braͤchten: Da neben unſeren ge-
woͤhnlichen Predigten/ auch andere verſam-
lungen gehalten wuͤrden/ auff die art wie
Paulus 1. Corinth. 14. dieſelbe beſchreibet/
wo nicht einer allein aufftrette zu lehren/
(welches zu andernmahlen bleibet) ſondern
auch andere/ welche mit gaben und erkannt-
nuͤß begnadet ſind/ jedoch ohne unordnung
und zancken/ mit darzu reden/ und ihre gott-
ſelige gedancken ůber die vorgelegte Mate-
rien vortragen/ die uͤbrige aber daruͤber
richten moͤchten. Welches etwa nicht un-
fuͤglich folgender art geſchehe: Wo zu ge-
wiſſen zeiten unterſchiedliche auß dem Pre-
digampt (nehmlich an orten da ſolches auß
mehrern beſtehet) oder doch unter dirigi-
rung deß Predigers andere mehrere auß
der Gemeinde/ welche von GOtt mit ziem-
licher erkanntnuͤß begabet/ oder in derſelben
zu zunehmen begierig ſind/ zuſammen kaͤ-
men/ die Heilige Schrifft vor ſich nehmen/
darauß offentlich leſen/ und uͤber jegliche
ſtelle derſelben von dem einfaͤltigen verſtand/
und was in jeglichem zu allerhand unſer
erbau-
[99] erbauung dienlich waͤre/ bruͤderlich ſich un-
terredeten: Wo ſowol jeglichem/ welcher
die ſach nicht gnugſam verſtuͤnde/ ſeine
Dubia vorzutragen und dero erleuterung
zu begehren/ als denen jenigen die nun-
mehr weiter gekommen/ ſampt den Pre-
digern/ ihren verſtand/ den ſie bey jedem
ort haͤtten/ beyzubringen erlaubt; was jegli-
cher vorgebracht/ wie es der meynung deß
Heiligen Geiſtes in der Schrifft gemaͤß ſeye/
von den uͤbrigen/ ſonderlich den beruffenen
Lehrern/ examiniret, und die gantze ver-
ſamblung erbauet wuͤrde. Es muͤſte aber
alles in rechter abſicht auff GOttes Ehr
und den geiſtlichen wachsthum/ daher auch
in den ſchrancken die derſelben gemaͤß waͤren
eingerichtet/ und hingegen/ wo ſich fuͤr-
witz/ zanckſucht/ geſuch eigener ehre und
was dergleichen iſt/ einſchleichen wolte/ ver-
huͤtet/ und ſorgfaͤltig/ ſonderlich von denen
Predigern/ als die das Directorium darbey
behalten/ abgeſchnitten werden. Hierauß
waͤre nicht geringer nutzen zu hoffen. Es
lerneten die Prediger ſelbſt ihre Zuhoͤrer/
und deroſelben ſchwachheit oder zunahm
in der Lehr der Gottſeligkeit kennen/
E 2auch
[100] auch wuͤrde ein zu beyder beſten viel dienen-
des vertrauen zwiſchen ihnen geſtifftet; ſo-
dann haͤtten die zuhoͤrer eine ſtattliche gele-
genheit/ ihren fleiß ůber das Goͤttliche Wort
zu uͤben/ und ſich darzu auffzumuntern/
ihre habende ſcrupel/ umb derer willen ſie
nit eben jedesmal den Prediger zu beſprechen
das hertz nehmen/ demſelben beſcheidenlich
vorzutragen/ und dero entſcheid anzuhoͤren/
und in weniger zeit ſowol vor ſich ſelbſt zu
wachſen/ als auch tuͤchtiger zu werden/ in ih-
rer Hauß-kirche/ Kinder und Geſinde beſſer
zu unterrichten. Da in ermangelung der-
gleichen uͤbungen die Predigten/ wo einer
allein in ſtaͤts-flieſſender rede ſeinen vortrag
thut/ nicht eben allemahl/ ſo recht und genuͤg-
lich gefaſt werden/ weil keine zeit dazwiſchen
iſt/ der ſache nachzudencken/ oder wo man
einem nachdencket/ indeſſen ſo viel von der
folge entgehet/ (welches aber bey dergleichen
unterredung nicht geſchiehet) ſodann die
privat- und hauß-Lection/ wo man niemand
darbey hat/ der etlicher maſſen den verſtand
und abſicht jeglichen orts mit zeigen hilfft/
dem leſenden nicht alles was er gern ver-
ſtehen moͤchte zur gnuͤge erlaͤutern kan.
Hin-
[101] Hingegen wuͤrde was an beeden manglete/
durch dergleichen uͤbungen erſetzet/ und we-
der dem Predig-ampt noch den Zuhoͤrern
groſſe arbeit gemacht: Ein ziemliches aber
gethan zu erfuͤllung der vermahnung Pauli/
da er ſagt: Col. 3/ 16. Laſſet das Wort
Chriſti unter euch reichlich wohnen/
in aller weißheit. Lehret und ver-
mahnet euch ſelbſt/ mit Pſalmen und
Lobgeſaͤngen/ und geiſtlichen lieb-
lichen Liedern. Welche auch bey der-
gleichen verſamblungen zum Lobe GOttes
und aufmunterung gebraucht werden moͤch-
ten.

Einmahl iſt gewiß/ daß die fleiſſige hand-
lung deß Goͤttlichen Worts (die nicht nur
bloß in anhoͤrung der Predigten beſtehet/
ſondern auch leſen/ betrachten/ darvon unter-
reden/ Pſalm. 1/ 2. in ſich faſſet) das vor-
nehmſte mittel etwas zu beſſern ſeyn muß/
es geſchehe nun durch dergleichen oder von
andern fuͤglicher zeigende anſtalten. Dann
daſſelbe bleibet der Saame/ auß deme alles
gute bey uns herwachſen muß: Und werden
wir die leute zu einem eiffer bringen/ darin-
nen fleiſſig zu ſeyn/ und in ſolchem Buch
E 3deß
[102] deß Lebens ihre freude zu ſuchen/ ſo wird das
geiſtliche Leben bey ihnen herꝛlich geſtaͤrcket/
und ſie zu gantz andern leuten werden.

Und was hat doch unſer Sel. Luthe-
rus eifferiger geſucht/ als die leute zu der
fleiſſigen leſung der Schrifft anzureitzen.
Alſo gar/ daß er auch faſt bedenckens ge-
tragen/ ſeine Buͤcher außgehen zu laſſen/
damit nicht dardurch die leute zu leſung der
Schrifft ſelbſt traͤger moͤchten gemacht wer-
den. Seine wort lauten: Tom. 1. Altenb.
fol. 6. a.Gern haͤtte ichs geſehen/
daß meine Bůcher alleſampt waͤ-
ren dahinden blieben und untergan-
gen/ und iſt unter andern urſachen
eine/ daß mir grauet fuͤr dem exem-
pel/ dann ich wol ſehe/ was nutz es
in der Kirchen geſchafft iſt/ da man
hat auſſer und neben der H. Schrifft
angefangen/ viel Buͤcher und groſſe
Bibliothecken zu ſamlen/ ſonder-
lich ohn allen unterſcheid allerley
Vaͤtter/Conciliaund Lehre auff-
zuraffen. Damit nicht allein die
edle zeit und ſtudiren in der Schrifft
verſaumet/ ſondern auch die reine
erkant-
[103]erkañtnuͤß goͤttlichen worts endlich
verlohren iſt. Auch iſt das unſer mey-
nung geweſt/ da wir die Biblia ſelbſt
zu verdeutſchen anfiengen/ daß wir
hofften/ es ſolte deß ſchreibens weni-
ger/ und deß ſtudirens und leſens in
der Schrifft mehr werden: dañ auch
alles ander ſchreiben in und zu der
ſchrifft weiſen ſoll: dann ſo gut wer-
dens wederConcilia,Vaͤtter noch wir
machen/ wañs aufs hoͤheſt und beſte
gerathen kan/ als die H. Schrifft/ die
GOtt ſelbſt gemacht hat. Wer mei-
ne Buͤcher in dieſer zeit ja haben wil-
der laſſe ſie ihm bey leib nicht ſeyn ein
hindernuͤß die Schrifft ſelbſt zu ſtu-
diren/ u.ſ.w. Dergleichen auch anderwert-
lich bey ihm zu finden.

Wie nun eines der vornehmſten boͤſen
ſtuͤcke in dem Pabſthum geweſt/ dardurch
die Paͤbſtliche Stats ration ſich befeſtiget/ die
leute in unwiſſenheit/ und alſo einen voͤlli-
gen gewalt uͤber ihre gewiſſen zu behalten/
daß ſie ſie von leſung der Heiligen Schrifft
abgehalten/ und noch nach vermoͤgen
abhalten; hingegen wie ein groſſes theil
E 4deß
[104] deß zwecks der theuren Reformation gewe-
ſen/ die leute zu dem Wort GOttes/ ſo faſt
unter die banck verſtecket gelegen/ wiederum
zu bringen/ auch ſolches das kraͤfftigſte mittel
geweſen/ dadurch GOtt ſein werck geſegnet/
alſo wird auch eben dieſes das vornehmſte
mittel ſeyn/ da die Kirche wieder bedarff in
beſſern ſtand zu kommen/ daß der eckel der
Schrifft/ ſo bey vielen iſt/ oder die nachlaͤſſig-
keit in derſelben zu ſtudiren/ abgethan/ und
hingegen hertzlicher eiffer zu derſelben er-
wecket werde.

Neben dem wuͤrde unſer offt-erwehnte
D. Lutherus noch ein anders/ zwar mit
dem vorigen genau vereinbartes/ mittel vor-
ſchlagen/ welches jetzo das 2. ſeyn ſoll/ die
auffrichtung und fleiſſige ůbung
deß Geiſtlichen Prieſterthums. Nie-
mand wird ſeyn/ der etwas fleiſſig in Lu-
theri Schrifften geleſen/ der nicht beobach-
tet haben ſolte/ mit was ernſt der ſelige Mañ
ſolches Geiſtliche Prieſterthum/ da nicht nur
der Prediger/ ſondern alle Chriſten von ih-
rem Erloͤſer zu Prieſtern gemacht/ mit dem
Heiligen Geiſt geſalbet/ und zu geiſtlichen
prieſterlichen verrichtungen gewiedmet ſind/
getrie-
[105] getrieben habe. Dann je Petrus 1/ 2/ 9. nicht
mit den Predigern allein redet/ wo er ſagt:
Jhr aber ſeyd das außerwehlte Ge-
ſchlecht/ das Koͤnigliche Prieſter-
thum/ das heilige Volck/ das Volck
deß Eigenthums/ daß ihr verkuͤn-
digen ſolt die tugend deß/ der euch
beruffen hat von der finſternůß zu
ſeinem wunderbaren liecht. Wer auß-
fuͤhrlich ſolches unſers Lehrers meynung
hiervon/ und was die prieſterliche aͤmpter
ſey en/ vernehmen und leſen wil/ der leſe
ſeine Schrifft an die Boͤhmen/ wie man
die Diener der Kirchen waͤhlen und
einſetzen ſoll/ ſo befindlich T. 2. Altenb.
vornehmlich vom Bl. 501. u. folg. da wird
er ſehen wie ſtattlich erwieſen ſeye/ daß allen
Chriſten ins geſampt ohne unterſcheid alle
geiſtliche aͤmpter zu ſtehen/ ob wol deren or-
dentliche und offentliche verrichtung denen
dazu beſtellten Dienern anbefohlen iſt/ unter-
deſſen im fall der noht ſie auch von andern
verrichtet werden moͤgen: Sonderlich aber
diejenige/ welche nit zu den offentlichen ver-
richtungen gehoͤren/ immerfort zu hauß und
in dem gemeinen leben von allen getrieben
werden ſollen.

Ja/ gleichwie dieſes eine ſonderbare liſt
deß leidigen teuffels geweſen/ daß derſelbe
in dem Pabſthum es dahin gebracht/ daß
alle ſolche geiſtliche aͤmpter allein der Cle-
riſey (die ihnen auch daher hochmuͤthiger
weiſe allein den namen der geiſtlichen/
ſo allen Chriſten in der that gemein iſt/
zugemeſſen) heimgewieſen/ und die uͤbrige
Chriſten darvon außgeſchloſſen hat/ gleich
ob gehoͤrte denſelben nicht zu/ in dem Wort
deß Herrn fleiſſig zu ſtudiren/ vielweniger
andere neben ſich zu unterrichten/ zu ver-
mahnen/ zu ſtraffen/ zu troͤſten/ und das
jenige privatim zu thun/ was zu dem Kirchẽ-
dienſt offentlich gehoͤret/ ſondern es waͤren
ſolches lauter dinge/ die an ihrem Ampt
allein hiengen. Womit ſie erſtlich die ſo
genannte Leyen zu dem jenigen/ was ſie
billich mit angehen ſolte/ traͤg gemacht/ dar-
auß eine ſchreckliche unwiſſenheit und auß
derſelben wildes weſen entſtanden; Hin-
gegen mochten die ſo genandte geiſtliche
thun was ſie wolten/ da ihnen niemand in
die karte ſehen oder die geringſte einrede thun
dorffte. Dahero dieſes angemaſte Mono-
polium deß geiſtlichen ſtandes/ nechſt oben
ange-
[107] angedeuteter abhaltung von der Schrifft
in dem Pabſtthumb eines der vornehmſten
mittel iſt/ damit das Paͤbſtliche Rom ſeine
gewalt uͤber die arme Chriſten beſteiffet hat/
und wo es noch platz hat/ bißher erhaͤlt.
So konnte demſelben nicht weher geſchehen/
als daß in dem gegentheil von Luthero
gezeiget wuͤrde/ wie zu den geiſtlichen aͤm-
ptern/ (obwol nicht deroſelben offentlicher
verwaltung/ darzu die verordnung der in
gleichem recht ſtehender gemeinde gehoͤret)
alle Chriſten beruffen/ und nicht nur be-
fugt/ ſondern wollen ſie anders Chriſten
ſeyn/ verbunden ſeyen/ ſich derſelben anzu-
nehmen. Daß nehmlich jeglicher Chriſt
nicht nur ſelbſt/ ſich und was an ihm iſt/
gebet/ danckſagung/ gute werck/ allmoſen/ ꝛc.
zu opffern/ ſondern in dem Wort deß
Herrn emſig zu ſtudiren/ andere/ abſon-
derlich ſeine haußgenoſſen/ nach der gnade
die ihm gegeben iſt/ zu lehren/ zu ſtraffen/
zu ermahnen/ zu bekehren/ zu erbauen/
ihr leben zu beobachten/ vor alle zu beten/
und vor ihre ſeligkeit nach muͤglichkeit
zu ſorgen gehalten ſeye. Wo dieſes den
leuten erſtlich gewieſen/ ſo wird darmit
E 6jeglicher
[108] jeglicher ſo vielmehr acht auff ſich geben/ und
deß jenigen ſich befleiſſen/ was zu ſeiner und
deß nebenmenſchen erbauung gehoͤrig. Da-
hingegen dieſes alle ſicherheit und traͤgheit
macht/ wo ſolche Lehr nicht bekannt und ge-
trieben wird/ daß niemand gedencket/ daß
ihn dergleichen angehe/ ſondern jeglicher
bildet ſich ein/ gleich wie er zu ſeinem Ampt/
Handel/ Handwerck und dergleichen beruf-
fen/ darzu der Pfarrer nicht beruffen iſt/
und ſolche nicht treibet/ ſo ſeye hingegen der
Pfarrer zu den geiſtlichen verrichtungen/ der
handlung deß Goͤttlichen Worts/ beten/ ſtu-
diren/ lehren/ vermahnen/ troͤſten/ ſtraffen/
und ſ. f. dermaſſen allein beruffen/ daß ande-
re ſich nichts darumb zu bekuͤmmern haͤtten/
ja wol dem Pfarrer in ſein Ampt griffen/ wo
ſie einigerley maſſen damit umbgiengen: ge-
ſchweige dann/ daß ſie auch ſelbſt auff den
Pfarrer mit achtung geben/ und wo er ſaͤu-
mig iſt ihn ſelbſt bruͤderlich vermahnen/ ins
geſampt aber in allem dieſem ihm an die hand
gehen ſolten. Dann ſo gar wird durch den
ordentlichen gebrauch dieſes Prieſterthums
dem Predig-ampt kein eintrag gethan/ daß
vielmehr dieſes eine der vornehmſten urſachẽ
iſt/
[109] iſt/ warumb das Predigampt nicht alles das/
was billich ſeyn ſolte/ auß- und zu werck rich-
ten kan/ weil es ohne die huͤlffe deß gemeinen
Prieſterthums zu ſchwach/ und ein Mann
nicht gnug iſt/ bey ſo vielen/ als etwa einem
gemeiniglich in ſeiner Seelen ſorg anver-
trauet werden/ das jenige außzurichten/
was zu der erbauung noͤthig iſt. Wo aber
die Prieſter ihr ampt thun/ da hat der Pre-
diger als ihr Director und aͤlteſter Bru-
der eine ſtattliche huͤlffe in ſeinem Ampt und
deſſen ſo offentlich-als abſonderlichen ver-
richtungen/ und wird ihm die laſt nicht zu
ſchwehr.

Weßwegen hieran auch weiter zu geden-
cken waͤre/ wie nicht nur ſolche Materi/ die
faſt nach Lutheri zeiten nicht ſo vielmehr ge-
trieben worden/ den leuten bekañter gemacht
(darzu Herꝛn Joh. Vielitz/ gottſelige
Predigten hiervon ſehr dienlich) ſondern
auch erwogen wuͤrde/ wie die ſache in beſſere
uͤbung gebracht werden moͤchte: wozu auch
der vorige vorſchlag einer einfuͤhrenden uͤ-
bung zu leſung und verſtand der Schrifft
nicht wenigs thun moͤchte. Meines wenigen
orts halte ich mich gantz verſichert/ wo nur
E 7in
[110] in jeglicher Gemeinde unterſchiedliche zu
dieſen beyden ſtuͤcken/ fleiſſiger handlung
Goͤttlichen Worts und ihrer prieſterlichen
Pflichten/ gleichwie in andern ſtuͤcken
alſo vornehmlich in der bruͤderlichen ver-
mahnung und beſtraffung (die faſt gantz
unter uns verloſchen/ aber billich ernſt-
lich getrieben/ und von den Predigern die
jenige/ ſo deßwegen etwa leyden muͤſſen/
nach vermoͤgen geſchuͤtzet werden ſolten)
gebracht werden moͤchten/ ſo wuͤrde ein
groſſes gethan und gewonnen ſeyn/ daß
nachmahl immer mehr und mehrere gewon-
nen/ und endlich die Kirche mercklich gebeſ-
ſert wuͤrde.

Zu dieſen ſtuͤcken gehoͤret auch 3. daß man
den leuten wol einbilde/ und ſie bald dahin
gewehne/ zu glauben/ daß es mit dem wiſſen
in dem Chriſtenthum durchauß nicht gnug
ſeye/ ſondern es vielmehr in der praxi be-
ſtehe: Sonderlich aber unſer lieber Hey-
land zum oͤfftern uns die Liebe als das
rechte kennzeichen ſeiner Juͤnger anbefoh-
len habe/ Johan. 14/ 34. 35. cap. 15/ 12.
1. Johan. 3/ 10. 18. cap. 4/ 7. 8. 11. 12. 13. 21.
Daher auch der liebe Johannes in ſeinem
hohen
[111] hohen alter (nach dem zeugnuͤß Hieronymi
in Epiſt. ad Gal. L. 3. c. 6.) nichts mehr faſt
pflegen zu ſagen zu ſeinen Juͤngern/ als
Kindlein liebet euch unter einander;
ſo gar/ daß ſeine Juͤnger und Zuhoͤrer end-
lich verdroſſen worden/ immer einerley zu
hoͤren/ und ihn gefragt/ warumb er allezeit
ihnen einerley vorſpreche/ aber zur antwort
bekommen/ weil es der befehl deß
HErꝛn iſt/ und ſo der geſchiehet iſts
genug. Freylich beſtehet eines glaubigen
und durch den glauben ſeligen menſchen
gantzes leben und erfuͤllung der Goͤttlichen
Gebotte in der Liebe.

Deß wegen wann wir eine inbruͤnſtige Lie-
be unter unſern Chriſten erſtlich gegen ein-
ander/ nachmal gegen alle menſchen (welche
beyde/ bruͤderliche und gemeine Liebe/
muͤſſen auff einander folgen/ 2. Pet. 1/ 7.)
erwecken/ und in die übung bringen koͤn-
nen/ ſo iſt faſt alles was wir verlangen auß-
gerichtet. Dann darinnen beſtehen alle
Gebott/ Rom. 13/ 9. Waͤre demnach nicht
nur den leuten fleiſſig hiervon zu ſagen/ die
vortreflichkeit der liebe deß nechſten/ und hin-
gegen die groſſe gefaͤhrlichkeit und ſchaden
der
[112] der entgegen-ſtehenden eigenen liebe nach-
truͤcklich vor augen zu ſtellen (welche Materi
ſonderlich von dem geiſtreichen Johann
Arndten/ Wahren Chriſtenth. 4/ 2. von
dem 22. Capitel und in den folgenden ſchoͤn
außgefuͤhret worden) ſondern auch ſie an
deroſelben zu uͤben: daß man ſie gewehne/
nicht leicht eine gelegenheit auß der acht zu
laſſen/ worinnen ſie dem nechſten eine liebes-
that erweiſen koͤnnten/ und doch in verrich-
tung derſelben allemahl das hertz fleiſſig zu
forſchen/ ob auch daſſelbe auß wahrer liebe
gewuͤrcket/ oder andere abſichten darbey ge-
habt: Wo ſie beleidigt worden/ daß ſie da
ſonderlich auf ſich acht geben/ nicht nur allein
ſich aller rache zu enthalten/ ſondern gar auch
ehe etwan ihres ſonſt noch habenden rech-
tens/ und der verfolgung deſſelben nachzu-
laſſen/ da ſie ſorgten/ ihr hertz moͤchte ſie be-
triegen/ und etwas von feindſeligen affecten
mit einmiſchen: Ja/ mit fleiß gelegenheit
ſuchen/ dem feinde gutes zu thun/ nur dar-
mit dem ſonſten zur rache geneigten Adam
in ſolcher zaͤhmung wehe geſchehe/ hin-
gegen die Liebe tieffer in das hertz getrucket
werde.

Darzu/ wie auch ins geſampt zu dem
wachsthum in dem Chriſtenthum/ dienlich
ſeyn mag/ wo die jenige/ ſo ihnen nunmehr
eifferig vorgeſetzt/ in den wegen deß Herrn
einher zu gehen/ in vertraulicher freundſchaft
ſtehen mit ihrem Beicht-vatter/ oder auch
einem andern verſtaͤndigen erleuchteten
Chriſten/ und denſelben immer rechenſchafft
geben/ wie ſie leben/ wo ſie gelegenheit ge-
habt/ die Chriſtliche Liebe zu uͤben/ wie ſie
ſich derſelben gebrauchet/ oder ſie verabſaͤu-
met. Umb allemahl von denſelben rath und
unterricht zu haben/ nachdem ſie/ woran
es noch manglet/ erforſchet/ wie ſie die ſache
anzugehen haben: Mit der Reſolution,
ſolchem rath allemahl zu folgen/ es waͤre
dann ſache/ daß ihnen etwas deutlich wider
Goͤttlichen Willen zugemuthet wuͤrde. Wo
es auch ſcheinet ein zweiffel zu ſeyn/ ob ſie
diß oder jenes ihrem Naͤchſten ſchuldig
ſeyen zu lieb zu thun/ oder nicht/ daß ſie alle-
mahl lieber dahin gehen/ es zu thun/ als zu
unterlaſſen.

Hierzu haben wir 4. auch dieſes zu ſetzen/
daß wir genau acht auff uns geben ſollen/
wie man wegen der Religions-ſtrittig-
keiten/
[114]keiten/ und gegen die jenige/ welche aller-
dings un- oder falſch-glaubige ſind/ ſich
zu verhalten habe/ nehmlich/ daß wir
zum foͤrderiſten dahin uns befleiſſen ſol-
len/ wie wir uns ſelbſt und die unſerige/
auch uͤbrige glaubens-bruͤder/ in der er-
kannten wahrheit bekraͤfftigen/ ſtaͤrcken/
und hingegen vor aller verfuͤhrung mit groſ-
ſer ſorgfalt verwahren. Hiernechſt aber
auch unſerer pflicht gegen die irrende uns
erinnern.

Solchen ſind wir nun ſchuldig 1. eiffe-
riges gebet/ daß ſie der grund guͤtige GOtt
auch mit dem Liecht/ damit Er uns begnadet
habe/ gleichfals erleuchten/ und zu der reinen
warheit fuͤhren/ ihnen alle gelegenheit darzu
geben/ ihre hertzen darzu bereiten/ oder doch
endlich mit hintertreibung der gefaͤhrlich
ſonſt habenden irꝛthuͤmer das jenige wenige/
ſo ſie noch von wahrer erkanntnuͤß deß heils
in Chriſto uͤbrig haben/ alſo kraͤfftig ſeyn laſ-
ſen wolle/ daß ſie noch zuletzt als ein brand
auß dem feuer errettet werden moͤgen. Als
welches die krafft iſt/ der drey erſten Bitten/
daß GOTT ſeinen Namen auch an ihnen
geheiliget/ ſein Reich zu ihnen gebracht/ und
ſeinen
[115] ſeinen gnaͤdigen willen/ an und in ihnen voll-
bracht werden laſſen wolle.

Zum 2. haben wir ihnen mit gutem exem-
pel vorzugehen/ und uns auffs eifferigſte zu
huͤten/ daß wir ſie in nichts aͤrgern: als wo-
mit wir ſonſten ihnen boͤſe einbildungen von
unſer wahren Lehre und daher ihre bekehrung
ſchwerer machen.

Zum 3. ſolle es auch ſeyn/ wo uns GOtt
die darzu dienliche gaben gegeben/ und wir
gelegenheit gefunden zu haben hoffen/ ſie zu
gewinnen/ daß wir auch gern das unſerige
thun: mit beſcheidener und nachdruͤcklicher
vorſtellung unſerer wahrheit die wir beken-
nen/ zeigende wie ſo gar dieſelbe in der ein-
falt der Lehr Chriſti gegrůndet ſeye: So-
dann auch ſo kraͤfftiger als ſittſamer re-
monſtration ihrer irꝛthume/ wie dieſelbe
wider Goͤttliches Wort ſtreiten/ und was
vor gefahr ſolche nach ſich ziehen: Alles
aber auff die art/ daß ſolche leute mit denen
man handelt ſelbſt ſehen koͤnnen/ daß man
alles thue auß hertzlicher Liebe gegen ſie/ ohne
fleiſchliche und unziemliche affecten, und wo
man je in einiger hefftigkeit uͤbernommen
wuͤrde/ daß ſolches allein auß reinem eiffer
vor
[116] vor die Goͤttliche Ehre geſchehe. Sonder-
lich aber hat man ſich vor ſcheltworten und
perſonal anzuͤglichkeiten zu huͤten/ welche
ſo bald alles/ was man gutes zu bauen ge-
meynet/ nieder reiſſen. Sehen wir/ daß wir
dardurch haben angefangen etwas zu ge-
winnen/ ſo hat man ſo viel fleiſſiger das an-
gefangene/ etwa auch mit anderer beyhuͤlffe/
fortzuſetzen: Sihet man aber/ das andere
von ihren gefaſten meynungen alſo einge-
nommen/ daß ob man wol ſonſten ein ge-
muͤht bey ihnen ſihet/ ſo ſeinem GOtt gern
dienen wolte/ aber dißmahl noch das vorhal-
tende nicht begreiffen kan/ ſo hat man ſolche
leute dahin zu vermahnen/ daß ſie auffs we-
nigſte die von uns angehoͤrte warheit nicht
laͤſtern noch uͤbel darvon reden/ der ſache in
der furcht deß Herrn und mit hertzlichem
gebet ferner nachdencken/ und in deſſen ih-
rem GOTT nach den jenigen practiſchen
Principiis und Lebens-regeln/ die die meiſte/
ſo den Chriſtlichen namen tragen/ noch unter
ſich ziemlicher maſſen gemein haben/ eifferig
dienen und in der wahrheit zu zunehmen
trachten ſollen.

Darzu und ins gemein gegen alle un-
glaubige
[117] glaubige oder irrende ſolle 4. kommen/ die
uͤbung hertzlicher liebe/ daß wir zwar ihnen
zu ihrem un- und irꝛglauben oder deſſen ſo
uͤbung als fortpflantzung nichts zu willen
werden/ vielmehr mit eiffer uns demſelben
widerſetzen/ aber in andern dingen/ welche
zu menſchlichem leben gehoͤren/ zeigen/ daß
wir ſie vor unſere naͤchſten (wie der Sama-
riter als deß Juden naͤchſter von CHriſto/
Luc. 10. vorgeſtellet wird) ja auch auß recht
der allgemeinen ſchoͤpffung und gegen alle
ſich erſtreckenden Goͤttliche Liebe (obſchon
nicht der wiedergeburt) bruͤder erkennen/
und alſo auch mit ſolchem hertzen gegen ſie
geſinnet ſeyen/ wie wir den befehl haben/
alle als uns ſelbſt zu lieben. Und iſt dieſes
ein ſo fleiſchlicher/ als an bekehrung ſolcher
leute ſchaͤdlicher/ eiffer/ da man einigem un-
glaubigen oder irrenden ſeiner Religion we-
gen ſchimpff oder leid anthut: Da doch der
rechtmaͤſſige haß der Religion/ die der perſon
ſchuldige liebe weder auffheben noch ſchwaͤ-
chen ſolle.

Wie dann/ wo wir von der vereinigung
der unter den Chriſten befindlichen meiſten
Religionen einige hoffnung haben ſolten/
viel-
[118] vielleicht dieſes der nechſte und von GOTT
geſegneteſte weg ſeyn moͤchte/ daß wirs nicht
bloß alles/ bey denen nunmehr mit ſo viel
fleiſch- als geiſtlichem eiffer erfuͤlleten ge-
muͤthern/ welche beſchaffenheit die Diſpu-
tationen fruchtloß machet/ auff das diſpu-
tiren ſetzeten. Es iſt zwar an dem/ daß die
vertheidigung der reinen warheit/ und alſo
auch das diſputiren/ ſo ein theil derſelben iſt/
muß in der Kirchen ſo wol erhalten werden/
als andere zu der erbauung verordnete ver-
richtungen: Und ſtehet uns Chriſtus/ die
Apoſtel und dero Nachfolger zum geheiligten
Exempel vor augen/ die auch diſputiret/ das
iſt die gegentheilige irꝛthume kraͤfftig wider-
leget/ und die warheit beſchuͤtzet. Hingegen
wuͤrde der jenige die Chriſtliche Kirche in die
groͤſte gefahr ſtuͤrtzen/ der dieſen nohtwen-
digen gebrauch deß geiſtlichen Schwerdts/
deß Goͤttlichen Worts/ ſo fern es gegen die
irrigen lehren gebraucht werden ſolle/ weg-
nehmen und verwerffen wolte. Aber Jch
bleibe nichts deſtoweniger bey dem von un-
ſerm Sel. Arndten ſtattlich erwieſenen ſatz.
Wahren Chriſtenthum. 1/ 39. Daß die
lauterkeit der Lehre und deß Goͤtt-
lichen
[119]lichen Worts nicht allein mit diſpu-
tiren und vielen Buͤchern erhalten
werde/ ſondern auch mit wahrer buſ-
ſe und heiligem leben. Zu deſſen erkant-
nüß auch die vorige zwey Capitel gehoͤrin:
Wer Chriſto mit glauben/ heiligem
leben und ſtaͤtiger buſſe nicht folget/
der kan von der blindheit ſeines her-
tzens nicht erloͤſet werden/ ſondern
muß in der ewigen finſternuͤß blei-
ben: Kan auch Chriſtum nicht recht
erkennen/ noch gemeinſchafft und
theil an ihm haben. Und: das un-
chriſtliche leben iſt eine urſach fal-
ſcher/ verfůhriſcher lehr/ verſtockung
und verblendung.

Alſo achte ich 1. daß nicht alles diſpu-
tiren nůtzlich und gut/ ſondern es heiſſet
zuweilen von einigem/ wie unſer Sel. Lu-
therus geſprochen: Neque enim do-
cendo ſed diſputando amittitur veritas.
Hoc enim malum diſputationes ſecum
afferunt, quod animi quaſi profanantur
\& rixis occupati quæ præcipua ſunt ne-
gligunt. Das iſt: Nicht durch leh-
ren/ ſondern durch viel diſputiren
wird
[120]wird die warheit verlohren. Dann
diß boͤſe bringen dieDiſputationesmit
ſich/ daß die gemuͤther dardurch
verdorben werden/ und wann ſie mit
dem gezaͤnck zu thun haben/ verſau-
men ſie daruͤber/ was ſie fuͤrnemlich
treiben ſolten/ und was das vor-
nehmſte iſt. Ach wie offt ſind die Diſpu-
tanten ſelbſt leute ohne geiſt und glauben/
mit fleiſchlicher weißheit/ obwol auß der
Schrifft (dann auch alle wiſſenſchafft/ die
wir auß eigenen natuͤrlichen kraͤfften/ und
bloß menſchlichem fleiß/ ohne das liecht
deß Heiligen Geiſtes/ auß der Schrifft faſſen/
iſt eine fleiſchliche weißheit/ oder wir muͤſten
ſagen/ daß die vernunft der Goͤttlichen weiß-
heit faͤhig ſeye?) erfuͤllet/ allerdings aber
von GOtt nicht gelehrt? Was iſt dann
von ſolchen zu hoffen? Wie offt bringt man
frembd feuer in das Heiligthum deß HErꝛn/
das iſt eine frembde abſicht/ nicht auff Gottes
ſondern eigene ehre? Daruͤber aber ſolche
Opffer GOtt nicht gefallen/ ſondern ſeinen
fluch herzu ziehen/ und mit ſolchem diſputi-
ren nichts außgerichtet wird. Wie offt iſt
die behauptung deſſen/ was man einmahl
geſetzet/
[121] geſetzet/ der ruhm eines ſubtilen verſtandes
und ſcharpff ſinnigkeit und die uͤberwindung
deß gegeners/ ſie moͤge geſchehen auff was
weiſe ſie wolle/ vielmehr die regel/ nach wel-
cher man gehet/ als die unterſuchung und
erhaltung der warheit? Dardurch etwa der
widerſacher alſo geaͤrgert wird/ daß ob er
wol nicht zu antworten vermag/ die erkannte
art/ wie man gegen ihn gegangen/ die ge-
ſpuͤrte fleiſchliche affecten, eingenommene
ſcheltwort und dergleichen dinge/ ſo nur nach
dem menſchen ſchmaͤcken/ alle ſeine ſonſt ver-
hoffte bekehrung hindern. Solte man vie-
les bißheriges diſputiren recht examiniren/
ſo wuͤrde man bald dieſen bald jenen mangel
finden/ und iſt wol zu glauben/ daß auch ſol-
ches die urſach/ daß nicht alles was man
verlangt/ dardurch erhalten/ vielen aber da-
mit das diſputiren dermaſſen zuwider wor-
den/ daß ſie gar einen unziemlichen haß da-
gegen gefaſſet/ und nunmehr dem diſputiren
beymeſſen wollen/ was deſſen mißbrauchs
ſchuld iſt.

Gleichwie aber nicht alles diſputiren loͤb-
lich und nuͤtzlich/ alſo iſt auch 2. das rechte
diſputiren nicht das einige mittel/
Fder
[122]der erhaltung der warheit/ ſondern
erfordert andere neben ſich. Ja wo
man vor hat/ es allein darbey bleiben zu laſ-
ſen/ was der einige und voͤllige zweck deß
diſputirens an ſich ſelbſt iſt/ und wo es am
beſten angeſtellet erhalten werden moͤchte/
nehmlich die rettung der wahren Lehr von
den falſchen meynungen/ und dero wider-
legung/ daß der menſchliche verſtand erken-
ne/ dieſer lehrſatz ſeye Goͤttlichem wort wie
es laute gemaͤß/ jene entgegen (wie es bey
denſelben faſt geſchiehet/ welche etwa kaum
weiter gedencken/ als das ſie viele Lutheriſche
machen moͤchten/ nicht aber ferner ihnen laſ-
ſen angelegen ſeyn/ wie ſie auch bey ſolcher
bekanntnuͤß wahre kern-Chriſten wuͤrden/
und daher die wahre bekanntnuͤß gleichſam
als eine faction, die nur geſtaͤrckt moͤge
werden/ nicht aber als einen eingang zu
dem weg/ worauff man GOTT kuͤnfftig
eifferig dienen wolle/ anſehen) ſo wil GOtt
auch hierzu ſeinen ſegen nicht geben/ noch
dieſes allemahl erhalten laſſen werden.
Sondern ſoll GOttes Ehre recht befoͤrdert
werden/ ſo muß dieſes noch weiter dahin
gerichtet werden/ daß der gegentheil dadurch
bekeh-
[123] bekehret koͤnnte werden/ und daß man auch
die gerettete Wahrheit wolle zu ſchuldiger
danckbarkeit und heiligem gehorſam gegen
GOTT anwenden. Nun iſt ſolche con-
victio intellectus oder uͤberzeugung der
warheit bey weitem noch nit der glaube/ ſon-
dern zu dieſem gehoͤret ein mehrers/ da alſo
der vorſatz ſeyn muß/ ſo wol auch ſolches
uͤbrige/ damit der irrende moͤchte bekehret
werden/ hinzu zu thun/ als auch was ihn
daran hinderte wegzuraͤumen: Vor allem
aber die begierde/ nachmahlen in uns und
allen andern das jenige/ was wir erkennen
werden/ zu weiterer Ehre GOttes anzuwen-
den/ und ihm in ſolchem Liecht auch zu dienen.
Wohin die herꝛliche Spruͤche CHriſti ge-
hoͤren. Joh. 7/ 17. So jemand wil deß
(nemlich deß Vatters der Jhn geſandt hat)
willen thun/ der wird innen werden/
ob dieſe Lehre von GOtt ſey/ oder
ob ich von mir ſelbſt rede. Alſo/ daß un-
ſer Heyland von keinem andern ſagt/ daß
derſelbe recht in ſeiner Seelen Goͤttlich ver-
ſiegelt ſeye von der Goͤttlichen Wahrheit
ſeiner Lehr/ es ſey dann auch der Wille
da/ den Willen deß Vatters zu thun/
F 2und
[124] und alſo es nicht bey dem einigen wiſſen
bleiben zu laſſen. Wiederumb Joh. 8/ 31. 32.
So ihr bleiben werdet an meiner
rede/ ſo ſeyd ihr meine rechte Juͤnger/
und werdet die wahrheit erkennen/
und die wahrheit wird euch frey ma-
chen. Und 14/ 21. Wer meine gebott
hat und haͤlt ſie/ der iſts der mich
liebet/ wer mich aber liebet/ der wird
von meinem Vatter geliebet wer-
den/ und Jch werde ihn lieben/ und
mich ihm offenbahren.

Auß welchem allen erhellet/ daß ſo wol
bey uns ſelbſt die wahrheit zu erhalten/ als
auch den noch irrenden ſie beyzubringen/ daß
diſputiren nicht gnug ſeye/ ſondern die heilige
Liebe GOttes vonnoͤthen iſt. Ach/ wo wir
Evangeliſche uns auff das eifferigſte lieſſen
angelegen ſeyn/ GOTT die fruͤchten ſeiner
wahrheit in hertzlicher liebe zu bringen/ und
alſo einen unſerm beruff wuͤrdigen wandel
zu fuͤhren/ und ſolches in kanntlicher unge-
faͤrbter liebe gegen unſerm naͤchſten/ auch
die irꝛglaubige/ zu erzeigen/ mit uͤbung oben
angeregter pflichten: Sodann die noch ir-
rende auch dahin trachteten (darzu wir ſie
ſelbſt
[125] ſelbſt zu weiſen) daß ſie/ wo ſie noch die von
uns bekennende wahrheit nicht begreiffen
koͤnnten/ auffs wenigſte anfangen wolten/
GOTT nach dem maß der erkañtnuͤß/ was
ſie etwa noch auß der Chriſtlichen Lehr uͤbrig
haben/ eifferig zu dienen/ in Liebe GOttes
und deß naͤchſten: So iſt kein zweiffel nicht/
daß GOTT nicht wuͤrde ſo wol uns in der
warheit immer weiter zunehmen laſſen/ als
auch die freude geben/ andere/ deren irꝛthum
wir jetzt beklagen/ bald in einem glauben
neben uns zu ſehen. Dann ſein Wort hat
einmahl die krafft/ wo ſie nicht entweder von
denen die ſolches fuͤhren/ oder bey denen es
gefuͤhret wird/ boß hafftig gehindert wird/
die hertzen zu bekehren: So thut auch der
heilige wandel ſelbſt zu der bekehrung vieles.
Welches uns Petrus lehret. 1/ 3/ 1. 2.

Wie aber der Prediger ampt in allen die-
ſen dingen/ die der Kirchen beſſerung betref-
fen/ das allermeiſte thun muß/ daher gleich-
wie die maͤngel an ihnẽ groſſen ſchaden thun/
alſo ſo vielmehr daran gelegen iſt/ daß man
ſolche leute habe/ die zum allerfoͤrderiſten
ſelbſt wahre Chriſten ſeyen/ und dann die
Goͤttliche weißheit haben/ auch andere auff
F 3den
[126] den weg deß Herrn vorſichtig zu fuͤhren;
ſo wuͤrde dann ein groſſes zu der Kirchen beſ-
ſerung thun/ ja gantz noͤthig ſeyn/ daß man
keine andere als ſolche leute die darzu tuͤch-
tig waͤren beruffete/ und ins geſampt in dem
beruffswerck auff nichts anders als die Ehre
GOttes (hindangeſetzt aller fleiſchlichen ab-
ſichten/ auff gunſt/ freundſchafft/ geſchenck/
und dergleichen unziemliche dinge) einig
und allein abzweckte. Wie dann die in dem
beruffs-werck begehende fehler eine nicht
der geringſten urſachen ſind/ der bey der Kir-
chen befindlichen maͤngel/ ſo wir aber dißmal
nicht außfuͤhren.

Solle man aber dergleichen tuͤchtige Per-
ſonen zu dem Kirchendienſt beruffen/ ſo muß
man auch ſolche haben/ und daher in den
Schulen und auff Univerſitaͤten erziehen.
Ach GOTT gebe gnaͤdiglich/ daß alles
hierzu gehoͤriges auff Univerſitaͤten fleiſſig
von den Profeſſoribus Theologiæ beob-
achtet werde/ und ſie darvor ſorgen helffen/
wie daß nicht nur von dem eifferigen Joh.
Matth. Meyffarten Seligen/ ſon-
dern auch vor und nach ihm von ſo vielen
andern gottſeligen hertzen wehemuͤthig be-
klagtes
[127] klagtes und meiſtens bey aller Facultaͤten
Studioſis uͤbliche unchriſtliche Academiſche
leben mit nachtruͤcklichen mitlen abgeſchafft/
und gebeſſert wuͤrde: daß die Academien/
wie es billich ſeyn ſolte/ auch recht als
Pflantzgaͤrten der Kirche in allen Staͤnden
und Werckſtaͤtte deß Heiligen Geiſtes/
nicht aber deß welt-geiſtes/ ja ehrgeitz-ſauff-
balge-zanck-teuffels zu ſeyn an dem aͤuſſer-
lichen leben der Studioſorum erkannt moͤch-
ten werden.

Gleich wie nun hier die Herren Profeſſo-
res mit ihrem Exempel ſelbſt ein groſſes thun
koͤnnen/ (ja ohne ſolches ſchwerlich die rech-
te beſſerung zu hoffen) wo ſie ſich darſtellen
als ſolche leute/ die der welt abgeſtorben/
in nichts ihre eigene ehre/ gewinn oder wol-
luſt/ ſondern in allem all ein ihres Gottes ehre
und der anvertrauten heil ſuchten/ und nach
ſolchem zweck alle ihre Studia, Buͤcher-
ſchreiben/ Lectionen, Collegia, Diſpu-
tationen und Verrichtungen einrichteten:
damit alſo Studioſi ein lebendiges muſter
haͤtten/ nachdem ſie allerdings ihr leben zu
reguliren. Weil wir je ſo geartet ſind/ daß
Exempel bey uns ſoviel als die Lehre ſelbſt/
F 4zu-
[128] zuweilen auch noch mehr außrichten. Greg.
Nazianz. ſagt in Epit. Baſil. Oratio Baſilii
erat tonitru, quia vita ejus fulgur. Baſilii
rede und lehr war (an der krafft) als
ein donner/ weil ſein leben als ein
blitz war. Daher ſie auch an ihren tiſchen
guter diſeiplin uñ keinem muthwillen wegen
deß gewinnes platz zu geben haben: uͤber tiſch
ſollen billich erbauliche geſpraͤch von ihnen
gehalten/ unziemliche aber/ ſonderlich wor-
innen Goͤttliches Wort/ Spruͤche/ Geſaͤng-
for mulen und andere dergleichen Worte in
verkehrtem verſtand zu boͤſem mißbrauchet
werden (wordurch mehr boͤſes geſchiehet/
als man dencken moͤchte/ ja offt gott ſeligen
gemuͤthern in ihrer andacht auff ihr leben-
lang/ ſo offt ſie an ſolche wort kommen/ ein
anſtoß geſetzet wird) abgewendet/ auch wol
mit ernſt beſtrafft/ nicht aber mit wolgefallen
angehoͤret werden.

Nechſtdeme ſo ſolle billich ohn unterlaß
den Studioſis eingebildet werden/ daß nicht
weniger an gottſeligem leben als ihrem fleiß
und ſtudiren gelegen/ ja dieſes ohne jenes
nichts wuͤrdig ſeye. Deß alten Juſtini
bekannte rede/ ſoll allezeit uns in den ge-
dancken
[129] dancken ſeyn. Res noſtræ religionis non
in verbis ſed in factis conſiſtunt. Unſere
Religion ſtehet nicht in worten ſondern in
thaten. Als welches er von S. Paulo
gelernet/ das Reich GOttes beſtehe
nicht in worten/ ſondern in krafft.
1. Corinth. 4/ 20. Es waͤre ihnen ſtaͤtig zu
remonſtriren/ wo es im menſchlichen leben
heiſſe: Qui proficit in literis \& deficit in
moribus, plus deficit quam proficit, wer
an geſchicklichkeit wachſe und nicht an guten
ſitten/ der lerne mehr hinder ſich als vor ſich:
So gelte es vielmehr in dem geiſtlichen/ wo
einmal/ weil Theologia ein habitus practi-
cus iſt/ alles zu der praxi deß glaubens und
lebens gerichtet werden muß. Weswegen
hingegen der Chriſtliche und umb die Straß-
burgiſche Kirche ſo wol verdiente Selige
D.Johann Schmidt/ mein in Chriſto
geliebter Vatter/ dieſes (Libell. Repud.
Conc. 2. pag. 37.) nennt: Ein groſſes
und ſchroͤcklichesidolumoder goͤtzen/
daß man auff Hohen-Schulen und
Univerſitaͤten/ wann man auch gar
fleiſſig ſeyn wil/ gar ſehr neben dem
rechten zweck hinſchieſſet/ der da
F 5ſeye/
[130]ſeye/ daß GOtt geehret werde/ oder
etwas deutlicher/ daß die wahre/
unverfaͤlſchte Chriſtliche Religion/
die hertzliche uͤbung der Gottſelig-
keit und Chriſtliche tugend deſto-
beſſer gepflantzet/ getrieben und in
die gemuͤhter eingetruckt werde. Wo
auch ſeine ůbrige wort werth ſind geleſen zu
werden. Da er es zuletzt einen greuel der
verwůſtung nennet.

Der ſeiner vornehmlich zu rettung der
wahren Lehr außgegebener Schrifften we-
gen berühmte Theologus Herꝛ D. Abra-
ham Calovius, mein inſonders hochge-
ehrter goͤnner/ ziehet (Pædia Theol. 1. 2.
pag. 57.) die urſachen kurtz zuſammen/
welcher wegen ein Studioſus Theologiæ
ſich eines gottſeligen lebens befleiſſigen
muͤſſe; So zu Teutſch alſo lauten moͤgen:
1. Weil der Apoſtel ſeinen Timo-
theum alſo unterrichtet. 2. Tim. 2/ 24.
1. Tim. 1/ 18. 19. Cap. 3. v. 2. Cap. 4. v. 7. 12.
Tit. 1. verſ. 17. 2. Der Heilige Geiſt
der wahre und einige Lehrmeiſter
nit wohnet in einem hertzen der ſuͤn-
den unterthan.Joh. 16, 13. 1. Joh. 2, 27.
Die
[131]Die welt kan den Geiſt der Wahr-
heit nicht empfangen.Johan. 14, 17.
3. EinStudioſus Theologiægehetumb
mit der Goͤttlichen Weißheit/ die
nicht fleiſchlich/ ſondern geiſtlich
und heilig iſt.Jac. 3, 15. deren anfang
iſt die forcht deß HErꝛn.Pſal. 111, 9.
Proverb. 1, 7. 9. 10. 4. DieTheologi
ſtehet nicht in bloſſer wiſſenſchafft/
ſondern deß hertzensaffectund in
der uͤbung. (Wie wir erſt auß Juſtino
gehoͤret.) 5. Selig iſt (ſprachen die
alte) wer die Schrifft in wercke
kehret. Wiſſet ihr dieſes/ ſagt Chri-
ſtus/Johan. 13, 17. Selig ſeyd ihr
ſo ihrs thut. Sollen alſo CHri-
ſti Juͤnger die Schrifft alſo for-
ſchen/ daß ſie ſie zur uͤbung brin-
gen/ und thun was ſie wiſſen.
6. Hingegen kommt die Weißheit
nicht in eine boßhafftige Seele/
und wohnet nicht in einem leibe
der ſuͤnden unterthan. Weißheit
Cap. 1. v. 4. Wer alſo den ſuͤnden
nachhaͤnget/ kan keine Woh-
nung deß Heiligen Geiſtes werden.
F 67. Wie
[132]7. Wie die Leviten/ ehe ſie in die
Huͤtten deß Stiffts eingiengen/ vor-
hin ſich waſchen muſten/ 2. Moſ. 30/ 18.
1. Koͤnig. 7/ 23. 2. Chron. 4/ 2. Alſo
ſollen ſich auch der heiligung und
reinigung deß lebens die jenige be-
fleiſſigen/ die einmahl in der Huͤtte
deß HERRN auß-und eingehen
wollen. Ach wolte GOTT/ dieſe Wort
ſtůnden aller orten vor und in allen Audi-
toriis, und in jegliches Studioſi ſtudier-
ſtüblein ihm ſtaͤtig vor augen/ ja in ſeinem
hertzen/ ſo wuͤrden wir bald eine andere
Kirche haben.

Jch kan nicht unterlaſſen/ auch hieher
zu ſetzen die Wort deß lieben und gottſeligen
Theologi D. Joh. Gerhard Harm. Evang.
cap. 176. pag. 1333. b. Qui dilectione
Chriſti deſtituti ſunt, qui negligunt pie-
tatis ſtudium, non aſſequuntur pleniorem
Chriſti cognitionem ac abundantiorem
Spiritus S. donationem: ac proinde ad
veram, vivam, practicam \& ſalutarem re-
rum divinarum notitiam conſequen-
dam nonſufficit ſcripturæ lectio \& ſcru-
tatio, ſed oportet ut etiam accedat Chriſti
dile-
[133]dilectio, hoc eſt fuga peccatorum contra
conſcientiam, quibus Spiritui S. obex
ponitur, \& ſerium pietatis ſtudium.
Pſalm. 25, 14. 111, 10. Prov. 1, 7. 9. 10.
Sir. 1, 16. Johan. 7, 17. Epheſ. 3, 18.
Die da die wahre Liebe Chriſti nicht
haben/ und die uͤbung der gottſe-
ligkeit unterlaſſen/ erlangen nicht
die voͤlligere erkanntnuͤß CHriſti/
und reichlichere ſchenckung deß Hei-
ligen Geiſtes:Und daher die wahre/
lebendige/ thaͤtliche und heilſame
erkanntnuͤß Goͤttlicher dinge zu er-
langen iſt nicht gnug die Schrifft
leſen und forſchen/ ſondern es iſt
vonnoͤthen/ daß auch die Liebe
Chriſti darzu komme/ das iſt/ daß
man ſich huͤte vorſuͤnden wider das
gewiſſen/ damit dem Heiligen Geiſt
ein riegel vorgeſchoben wird/ und
ſich der gottſeligkeit ernſtlich be-
fleiſſe.

Gewißlich wo einmahl dieſer grund bey
den Studioſis Theologiæ gelegt waͤre/ daß
ſie nur glaubten/ ſie muͤßten bereits der welt
abſterben/ in ihren erſten ſtudier-jahren/
F 7und
[134] und ein leben fuͤhren/ als ſolche die dermahl
eins Fuͤrbilde der Heerde werden ſollen:
Und das ſeye nicht nur eine zierde/ ſondern
ein gantz nothwendiges werck/ ohne welches
ſie zwar Studioſi einer ſo zu reden Philoſo-
phiæ de rebus ſacris, nicht aber Studioſi
Theologiæ, die da in dem Liecht deß Hei-
ligen Geiſtes allein erlernet wird/ ſeyn und
gehalten werden: Dahingegen viel darvor
halten/ es ſtehe zwar fein an einem Stu-
dioſo Theologiæ, daß er auch wol lebe/
aber es ſeye eben nicht ſo noͤhtig/ wo er nur
fleiſſig ſtudire und ein gelehrter mann werde/
ob er ſchon in aller ſolcher zeit ſich von dem
welt-geiſt regieren laſſe/ und mit andern in
aller welt-luſt mitmache/ ſo habe es nicht
hoch auff ſich/ und ſeye zeit gnug/ wo er ein-
mahl ein Prediger werde/ und alsdann das
leben aͤndere; gerade als waͤre ſolches alle-
mahl in unſerm vermoͤgen/ und hinge nicht
die feſt eingetruckte welt-liebe alsdann
den leuten gemeiniglich in dem gantzen le-
ben an: Daher ſolche boͤſe meynung uns
ſo groſſen ſchaden thut. Wo ſage ich/ die-
ſes alles erſtlich den Studioſis Theologiæ
bey dem anfang ihres Studii Theologici
vorge-
[135] vorgehalten und inculciret würde/ ſo hoffte
Jch/ ſolte es nachmahl die gantze zeit ihres
Studii ja deß lebens/ viel fruͤchte nach ſich
ziehen.

Darzu waͤre ſonderlich dienſam/ daß
Herren Profeſſores auff der ihnen anver-
trauten Studioſorum leben ſo wol als auff
die Studia acht geben/ und denen die es be-
doͤrffen deßwegen offt zuſprechen/ auch gegen
die jenige/ welche zwar ſtattlich ſtudiren/
aber auch ſtattlich ſchwermen/ ſauffen/ prach-
tiren/ ihren ehrgeitz in den Studiis und
anderem hervor laſſen/ und in ſumma zei-
gen/ ſie leben nach der welt/ nicht nach
CHriſto/ ſich alſo anſtellen/ daß ſie ſehen
muͤſſen/ ſie ſeyen deßwegen bey den Præ-
ceptoribus veracht/ und helffen ſie ihre
ſtattliche Ingenia und gute Studia nichts/
ſondern man ſehe ſie als leute an/ die ſo
viel ſchaͤdlicher einmahl ſeyn wuͤrden/ als
mehr gaben ſie empfangen: Hingegen/ daß
jene gegen andere/ welche ob ſie in Studiis
den vorigen nicht gleich ſind/ jedoch ein recht
gottſelig leben fuͤhren/ offentlich und ab-
ſonderlich zeigen/ wie lieb ſie ihnen ſeyen/
und den andern weit vorgezogen werden.
Ja
[136] Ja auch/ daß man dieſe allemahl jenen in
der befoͤrderung vorziehe/ oder vielmehr ſie
allein befoͤrdere/ die andern aber alſo lang
von aller hoffnung der befoͤrderung auß-
ſchlieſſe/ biß ſie ſich gantz geaͤndert/ wie auch
in der that es billich ſo ſeyn ſolle. Dann
gewiß iſt/ ein obwol mit wenigern gaben
gezierter menſch/ der aber GOTT hertzlich
liebet/ wird mit ſeinem geringern Talento
und Studiis der Gemeinde GOttes mehr
nutzen/ als ein doppel-doctor ‒ maͤſſiger
vanitaͤtiſcher welt-narꝛ/ ſo zwar voller kunſt
ſteckte/ aber von GOTT nicht gelehrt iſt.
Dann jenes arbeit iſt geſegnet/ und er hat
den Heiligen Geiſt bey ſich/ dieſer aber allein
ein in der that fleiſchliches wiſſen/ damit er ſo
leicht mehr ſchaden als nutzen kan.

Es moͤchte auch etwa nicht uͤbel ſeyn/ wo
alle Studioſi von jeglicher Univerſitaͤt zeug-
nuͤſſen mitbringen muͤſten/ nicht aber nur
allein der geſchicklichkeit und fleiſſes/ ſon-
dern auch gottſeligen lebens: Hingegen/
daß dann ſolche zeugnuͤſſen mit groſſem be-
dacht gegeben/ nimmermehr aber einem
nicht wolverdienten ertheilet wuͤrden. Die-
ſe mittel moͤchten wol zu wegen bringen/
daß
[137] daß Studioſi Theologiæ ſehen/ wie noͤhtig
ihnen das ſeye/ woran offt die wenigſte ge-
dencken.

Nechſtdeme ſo haͤtten dann die Herren
Profeſſores nach ihrer eigenen Dexteritaͤt
wol zu beobachten/ welche Studia etwa
jeglichem der Studioſorum, nach beſchaf-
fenheit dero Ingenii, Vatterlands/ hoffen-
der Promotion, und dergleichen/ nuͤtzlich
und noͤhtig ſind. Wo zwar freylich mit
einigen die Controverſiæ mit mehrerm eif-
fer ex profeſſo getrieben werden ſollen und
muͤſſen; maſſen der Kirchen noͤhtig iſt/ daß
ſie allezeit auch gnugſam außgeruͤſtet ſeye
mit leuten/ die den feinden der wahrheit
den kopff bieten/ und nicht zulaſſen/ daß
jeglicher Goliath ungeſcheut dem zeug Jſrael
hohn ſpreche/ ſondern/ daß man auch einige
David habe/ die hervor tretten und den-
ſelben begegnen doͤrffen. Solte ſich gele-
genheit finden/ daß der von dem vortreff-
lichen Theologo D. Nicolao Hunnio
Seligen in ſeiner Conſultation gethaner
vorſchlag in das werck gerichtet wuͤrde/ ſo
waͤre ſolcher ſach etlicher maſſen geholffen.
Bey andern bedarff es nicht eben ſo ſehr/
daß
[138] daß dieſes ihr eigenes haupt-ſtudium ſeye/
jedoch muͤſſen ſie ſich gleichwol auch alſo
ruͤſten/ daß ſie bey begebender gelegenheit
vermoͤgen den Widerſachern das maul zu
ſtopffen/ und ihre Gemeinden dermahl eins
vor irꝛthum zu verwahren. Wo wir ſon-
derlich zu wuͤnſchen haben/ daß die jenige/
in dero Vatterland etwa Juͤden wohnen/
umb an ſolchen ihr ampt zu thun/ auch in
denen Controverſien, die wir mit denſelben
haben fleiſſiger geuͤbet wuͤrden: ins geſampt
aber zu verlangen ſtehet/ welches etliche
vortreffliche Theologi offt gewuͤnſchet/
daß Diſputationes auff Academien auch
in Teutſcher Sprach gehalten wůrden/ da-
mit die Studioſi ſich der hierzu dienſamen
terminorũ gebrauchen lerneten/ da ſonſt ih-
nen in dem ampt ſchwer wird/ wo ſie auff der
Cantzel etwas von einer Controvers ge-
dencken/ und die ſache deutſch der Gemeinde
vortragen ſollen/ worinnen ſie ſich niemahl
geuͤbet haben. Hingegen nebens denen/
welchen die Controverſiæ fleiſſiger zu tra-
ctiren ſtehen/ ſind wiederumb andere/
welchen gnug ſeyn wůrde/ wo ſie ihre Theſin
gruͤndlich verſtehen/ und von der Antitheſi
allein
[139] allein ſo viel wiſſen/ daß ſie vor irꝛthumb ge-
ſichert ſeyen/ und ihren Zuhoͤrern einmahl
dieſes zeigen koͤnnen/ was wahr oder nicht
wahr: Wo es aber auff ſchwerere dinge
kommt/ ſich anderer huͤlff und rath bedienen
moͤgen.

Jn allem dieſem verſtehet ein angehen-
der Studioſus eben nicht ſo wol/ was ihm
noͤthig oder nicht iſt/ er habe dann einen
treuen handleiter. Jn ermangelung deſ-
ſen aber geſchiehet/ was der auch zu dem
rechten zweck abſehende D. Chriſtoph
Scheibler Seliger/ in ſeiner oben an-
gezogenen Vorrede/ deß Man. ad Theol.
Pract. klaget: Daß/ wo etwa einige die
gantze zeit ihrerStudienmit ſtreit-
ſachen zugebracht/ daß dann deren
eines folgenmuͤſſe/ daß er entweder
ein ungeſchickter Prediger ſeyn můſ-
ſe/ wie gelehrt er auch in ſolchen
ſtreit-ſachen waͤre/ oder muͤſte
von neuem und auff eine andere art
erſtTheologiamſtudiren/ und dar-
innen einIncipientwerden/ wie
ſolches die taͤgliche erfahrung be-
zeuge.

Bey allen aber insgeſampt waͤre ſorg-
faͤltig acht zu geben/ daß auch in den Con-
troverſiis ſelbſt maß gehalten/ die unnoͤtige
lieber abzuſchneiden/ als zu excoliren/ ge-
zeiget/ und die gantze Theologia wieder
zu der Apoſtoliſchen einfalt gebracht wer-
den moͤchte. Worzu die Profeſſores ſtatt-
lich helffen koͤnnen/ wo ſie theils ſelbſt ihre
gantze Studia und Schrifften darnach ein-
richten/ als auch der luͤſterenden Ingenio-
rum fuͤrwitz mit fleiß hintertreiben/ und ei-
nen widerwillen dargegen fort und fort
weiſen. Es moͤchte auch nuͤtzlich ſeyn/ daß
die einfaͤltige Buͤchlein/ die Teutſche
Theologi, ſodann Tauleri Schrifften/
auß welchen gleichwol/ nechſt der Schrifft/
unſer theure Lutherus worden/ was er
geweſen iſt/ in die haͤnde der Studioſorum
mehr gebracht/ und dero gebrauch ihnen
recommendiret wuͤrde. Jſt der rath Luth.
ſelbſt/ welcher alſo ſchreibet von dem mann
GOttes Taulero (wie er ihn anderswo
nennet) in der 23. Epiſt. an Spalatinum:
So du luſt haſt die alte reineTheo-
logiamin Teutſcher Sprach zuleſen/
ſo kanſt du dir die PredigtenJohan.
Tau-
[141]Taulerideß Prediger Moͤnchs ſchaf-
fen. Dann ich weder in Lateiniſcher
noch Teutſcher Sprach dieTheolo-
giamreiner und heilſamer gefunden/
die alſo mit dem Evangelio uͤber-
einſtimmete. Und in der 17. Epiſt. Jch
bitte dich noch einmahl/ glaube mir
doch in dem fall/ und folge mir/
und kauffe dir das BuchTauleri,
darzu ich dich auch zuvor vermah-
net habe/ wo du es nur bekommen
kanſt. Wie du es dann leicht be-
kommen wirſt. Dann das iſt ein
Buch/ darinnen du finden wirſt
ſolche kunſt der reinen heylſamen
Lehr/ dargegen jetzt alle kunſt ei-
ſern und irꝛdiſch iſt/ es ſey gleich in
Griechiſcher oder Lateiniſcher oder
Hebraͤiſcher Sprach. Anderswo ſagt
er. Jch habe mehr der reinen Goͤtt-
lichen lehr darinnen gefunden/ dann
in allen Bůchern der Schul-lehrer
auff allenUniverſitaͤten gefunden
habe/ oder darinnen gefunden wer-
den mag. Von der TeutſchenTheo-
logia, ſo er auch Taulero zuſchreibet/ aber
juͤnger
[142] juͤnger iſt/ und ſo Jch vor eine ſonderbare
Ehre hieſiger Statt achte/ in unſerem
Franckfurt geſchrieben ſolle ſeyn) gibt er
dieſes urtheil. Jch muß meinen alten
narren ruͤhmen/ und ſage/ daß mir
nach der Bibel undS. Auguſtinonicht
ein Buch fuͤrkommen iſt/ dar auß ich
mehr gelernet habe und wil/ was
GOTT/ CHriſtus/ Menſch und
alle dinge ſeyn/ als eben das Buͤch-
lein. Daher auch ſolche Buͤchlein von
unſerm lieben Arndio der Chriſtlichen er-
bauung zum beſten auffs neue herauß ge-
geben/ und mit Vorrede gezieret worden.
Wir auch ihm ſolches vielmehr zu lob an-
zuziehen/ als ihn deß wegen zu ſtraffen haben/
daß der theure Mann in ſeinem Wahren
Chriſtenthumb ſich Tauleri offt gebraucht/
und ihn geruͤhmet hat. Zu den beyden iſt
auch zu ſetzen Thomæ à KempisNach-
folgung Chriſti. Welche daher zum
gemeinen nutzen/ der die praxin der Gottſe-
ligkeit in ſeinen Schrifften auch loͤblich trei-
bende D. Johann Olearius/ mein in-
ſonders hochgeehrter Goͤnner/ noch erſt vor
einigen Jahren auffs neue aufflegen laſſen/
und
[143] und eine anleitung beygefuͤget. Wohin wir
auch ziehen moͤchten unter den alten ein fei-
nes gottſeliges Scriptum eines unbekand-
ten Autoris, unter dem Titul Religionis
Chriſtianæ deformationis à priſtino de-
core \& deſolationis cauſæ quæ, \& quo
pacto Chriſtianus quiſque poſſit ad ſui
conditoris reformari imaginem \& ami-
citiam, welches zu den opuſculis Ephræmi
Syri angetruckt iſt/ und andere dergleichen
viele der alten Scripta. Kein zweiffel iſt/
ſolche Bůchlein/ denen/ was auß der finſter-
nuͤß ihrer zeit ihnen noch anklebet/ leicht zu
gut gehalten werden kan und ſoll/ auch daſ-
ſelbige einen verſtaͤndigen Leſer nicht irren
wird/ würden bey den Studioſis vielmehr
gutes außrichten/ und ihnen einen geſchmack
der wahren Gottſeligkeit geben/ wo ſie ihnen
fleiſſiger in den haͤnden waͤren/ als etwa
andere offtmahls mit unnuͤtzen Subtili-
taͤten erfuͤllete Scripta, die nur dem ehr-
geitz deß alten Adams vieles und bequem-
liches futter geben. Es wuͤrde verhoffent-
lich bey vielen durch ſolche mittel erfuͤllet
werden/ was mehr-gedachter Chytræus
ſo hertzlich verlanget: Ut pie credendo
\& ſan-
[144]\& ſancte vivendo \& Deum \& proximum
diligendo potius, quam ſubtiliter \& argu-
te diſputando, nos Chriſtianos \& Theo-
logos eſſe oſtendamus:Daß man ſich
Chriſten undTheologoszu ſeyn be-
zeugte/ vielmehr durch gottſelig
glauben/ heilig leben/ Gott und den
naͤchſten lieben/ als durch ſcharpff
und ſpitzfindig diſputiren.

Weilen aber eben der urſachen wegen/
daß die Theologia ein habitus practicus
iſt/ und nicht in bloſſer wiſſenſchafft be-
ſtehet/ nicht gnug iſt das bloſſe ſtudiren/
und anderſeits das bloſſe profitiren und
informiren. So waͤre dahin zugedencken/
wie allerhand uͤbungen angeſtellet werden
moͤchten/ in denen auch das gemuͤht zu den
jenigen dingen/ die zu der praxi und eigenen
erbauung gehoͤren/ gewehnet und darinn
geuͤbet wuͤrde. Dahero nicht allein wuͤn-
ſchete/ daß in gewiſſen Collegiis ſolche Ma-
terien fleiſſig/ ſonderlich auß den Lebens-
regeln/ die wir von unſerm liebſten Heyland
und von ſeinen Apoſteln aufgezeichnet haben/
gehandlet/ und den Studioſis eingeſchaͤrpffet:
ſondern ihnẽ auch an die hand gegebẽ wuͤrde/
wie
[145] wie ſie gottſelige betrachtungen anſtellen/ wie
ſie in pruͤffung ihrer ſelbſt ſich beſſer erken-
nen/ wie ſie den luͤſten deß fleiſches wider-
ſtreben/ wie ſie ihre begierden zaͤhmen/ der
welt allerdings abſterben (nach S. Auguſtini
Regel de Doct. Chriſt. cap. 7. in tantum
vident homines, in quantum moriuntur
huic ſeculo, in quantum autem huic vi-
vunt, non vident.So viel ſehen die
Menſchen als ſie dieſer welt abſter-
ben/ ſofern ſie aber derſelben leben/
ſehen ſie nichts/) wie ſie ihren wachs-
thum in dem guten oder wo es ihnen noch
mangele/ forſchen moͤchten/ und alſo das
jenige ſelbſt zu thun/ was ſie dermahl eins
andere lehren ſolten. Dann einmahl das
bloſſe ſtudiren mags nicht thun: Unſer liebe
Lutherus hat alſo darvon gehalten.
Tom. 2. Jen. lat. f. 57. uͤber den 5. Pſalm:
Vivendo, imo moriendo \& damnando
fit Theologus, non intelligendo, legendo
aut ſpeculando: Oder wie es gegeben wird
Tom. 2. Altenb. f. 601. a.ein rechter
Theologuswird nicht durch verſte-
hen/ oder leſen/ oder tieffſinnen/ ſon-
dern durch leben/ ja durch ſterben
und verdamnuͤß.

Wie aber ſolche uͤbungen anzuſtellẽ/ ſetze ich
zu gottſeliger und verſtaͤndiger Profeſſorum
eignem befinden. Solte ich erlaubnuͤß haben
einen vorſchlag zu thun/ ſo wuͤrde ich folgen-
des vor dienlich achten: Daß ein frommer
Theologus die ſache anfangs mit nicht gar
vielen/ aber ſolchen unter der zahl ſeiner Au-
ditorum, anfienge/ bey denen er bereits eine
hertzliche begierde/ rechtſchaffene Chriſten
zu ſeyn/ bemerckte/ und alſo mit ihnen das
N. Teſtament vornehme zu tractiren/ daß ſie
ohngeſucht einiges/ ſo zu der Erudition ge-
hoͤrt/ allein darauff acht geben/ was zu ihrer
erbauung dienſam: Und zwar/ daß ſie ſelbſten
die erlaubnuͤß haben/ jeglicher jedesmahl zu
ſagen/ was ihm von jeglichem verſicul deuch-
tet/ und wie er denſelben zu eignem und ande-
rer gebrauch anzuwenden finde/ da der Pro-
feſſor als Director was wol beobachtet/
mehr bekraͤfftigen/ wann er aber von dem
rechten zweck ſie abzuweichen ſihet/ denſelben
freundlich und klaͤrlich auß dem Text zeigen/
und in was gelegenheit dieſe oder jene Regel
in die uͤbung zu bringẽ/ weiſen wuͤrde. Dabey
dann ſolche vertraͤulichkeit und freundſchafft
unter den Commilitonibus geſtifftet wer-
den moͤchte/ daß ſie nicht nur allein einander
zu
[147] zu uͤbung deſſen/ was ſie hoͤreten/ vermahne-
ten/ ſondern jeglicher bey ſich forſcheten/ wo
ſie ſolche Regeln bißher moͤchten nicht beob-
achtet haben/ und nachmal ſo bald trachteten/
ſolche ins werck zu ſetzen/ auch ſich unter ein-
ander beredeten/ auff einander zu ſehen/ wie je
ein und anderer ſich darzu ſchicken wuͤrde/ mit
darzu gehoͤriger bruͤderlicher erinnerung: Ja
wol einander ſelbſt und ihrem Profeſſori re-
chenſchaft zu geben/ wie ſie in dieſer oder jener
gelegenheit ſich den vorgegeben Regeln
gemaͤß bezeuget: da dann in ſolcher vertrau-
licher Conferenz, wo jede ſache/ was ſie an-
gehet (dann ſie ſich gleich zu gewehnen/ von
andern nicht vermeſſenlich zu urtheilen/ oder
einen frembden knecht zurichten) nach Got-
tes Wort examiniret wird/ ſich bald zeiget/
wie weit man proficiret/ und wo noch vor-
nehmlich zu helffen ſeye. Es wuͤrde aber
der Profeſſor keine andere Meiſterſchafft
uͤber das ihm anvertrauende gewiſſen arro-
giren/ als daß er als ein geuͤbterer ihnen auß
unſers einigen Meiſters Wort/ das jenige
zeigte/ was er von jeglichem fall halte/ und
je mehr und mehr/ als ſie ſelbſt geuͤbet wer-
den/ mit ihnẽ collegialiter von allem ſchloͤſſe.
G 2Wo
[148] Wo ſolches eine weil mit hertzlicher und eif-
feriger anruffung Gottes continuiret wuͤr-
de/ auch ſonderlich jeder/ vornehmlich wo er
zu dem H. Abendmahl ſich ſchicken wolte/
den zuſtand ſeines gewiſſens dem geſampten
Collegio vorſtellete/ und allemahl deſſen
rath folgete/ wolte Jch nicht zweiffeln/ es ſol-
ten in kurtzer zeit herꝛliche Profectus in der
Gottſeligkeit folgen: ſo dann wo es einmahl
recht angefangen/ immer mehrere mit nutzen
darzu gezogen/ und endlich ſolche leute auß
ihnen werden koͤnnen/ welche rechtſchaffene
Chriſten wuͤrden/ ehe ſie in das Ampt tret-
ten/ da ſie andere darzu machen ſollen/ und
alſo die ſich eher befleiſſen zu thun als
zu lehren: So die rechte art iſt der wah-
ren Lehrer in der Schul unſers Heylandes/
wie ſolches mein hochwerther Freund und in
dem Herrn geliebteſter Bruder/ welcher
den ſchaden Joſeph ihm wol inniglich zu her-
tzen zeucht/ Herꝛ Gottlieb Spitzel/ in
ſeiner Veteri Academia Jeſu Chriſti,
mit ſo lieben und wuͤrdigen Exemplis vor-
ſtellet. Deſſen pius literati hominis ſe-
ceſſus ſeu à profanæ doctrinæ vanitate
ad ſinceram pietatem manuductio, auch
ein
[149] ein uͤber allemaſſen nuͤtzliches werck/ ſehr vie-
len vorſchub und liecht zu dem vorhaben/
gottſelige Theologos zu machen/ geben kan/
auch von denen zu dem rechten zweck ſich
ſchickenden Studioſis allen billich geleſen
werden kan.

Neben dieſem zu ihrem eigenen Chriſten-
thum dienlichen Exercitiis, ſolte auch wol
nuͤtzlich ſeyn/ wo ihnen von ihren Præcepto-
ribus gelegenheit gemacht wuͤrde/ zu einigen
voruͤbungen der dinge/ damit ſie in ihrem
ampt dermahl eins umbzugehen haben wer-
den: Zuweilen einige unwiſſende zu unter-
richten krancke zu troͤſten/ und dergleichen;
Vornehmlich aber in den Predigten ſich alſo
zu uͤben/ daß ihnen bald gezeigt werde/ wie ſie
alles in ſolchen Predigten zu der erbauung
einzurichten. Wie Jch dann jetzo noch die-
ſes vor das 6. mittel anhaͤnge/ wodurch der
Chriſtlichen Kirchen zu beſſerem ſtand ge-
holffen werden moͤchte/ wo nehmlich die
Predigten auch alſo von allen eingerich-
tet wuͤrden/ daß der zweck deroſelben/ nehm-
lich glaube und deſſen fruͤchten/ bey den zu-
hoͤrern beſtmuͤglichſt befoͤrdert werden. Es
iſt zwar freylich an dem/ daß wenig Ort
G 3unſe-
[150] unſerer Religion ſeyn werden/ da mangel
ſolte ſeyn/ daß nicht gnug Predigten gehal-
ten wuͤrden. Aber viel gottſelige gemuͤther
finden gleichwol nicht wenig mangel an vie-
len Predigten. Jndem es ſolche Prediger
gibt/ welche oͤffters ihre meiſte Predigen mit
dergleichen dingen zubringen/ damit ſie ſich
vor gelehrte leute darſtellen/ obs wol die Zu-
hoͤrer nicht verſtehen: Da muͤſſen offt viele
frembde Sprachen herbey/ da etwa nicht ein
einiger in der Kirchen ein wort darvon weiß:
Wie manche tragen wol etwa mehr ſorge
davor/ daß ja das Exordium ſich recht ſchicke/
und die zuſammenfuͤgung artig; daß die
Diſpoſition kunſtreich und etwa verborgen
gnug; daß alle Theile recht nach der Rede-
kunſt abgemeſſen und außgeziert ſeyen/ als
wie ſie ſolche Materien wehleten und durch
GOttes Gnade außfůhreten/ darvon der
Zuhoͤrer im leben und ſterben nutzen haben
mag. So ſolle es nun nicht ſeyn/ ſondern
weil die Cantzel nicht derjenige Ort iſt/ da
man ſeine kunſt mit pracht ſehen laſſen/ ſon-
dern das Wort deß Herrn einfaͤltig/ aber
gewaltig predigen/ und dieſes das Goͤttliche
mittel ſeyn ſolte/ die leute ſelig zu machen/
ſo
[151] ſo ſolte billich alles auch nach dieſem zweck ge-
richtet werden. Und hat ſich darinnen der
Prediger vielmehr nach ſeinen zuhoͤrern/ weil
ſie nach ihm nicht koͤnnen/ zu richten: Allezeit
aber mehr auff die einfaͤltige/ ſo den meiſten
theil machen/ als auff etliche wenige gelehrte/
wo ſich dergleichen antreffen laſſen/ zu ſehen.

Gleich wie nun der Catechiſmus die erſte
rudimenta deß Chriſtenthums in ſich faſſet/
und alle auß demſelben zu erſt ihren glauben
gelernet/ ſo ſolle nicht nur derſelbe/ vielmehr
dem verſtand als worten nach/ immer fleiſ-
ſiger in Kinder-lehren/ auch wo man die alte
darbey haben kan/ ſowol bey denſelben/ ge-
trieben/ und ein Prediger daruͤber nicht muͤde
werden: ſondern hat der Prediger gelegen-
heit/ ſo thut er auch wol in den Predigten das
jenige immer den leuten wieder vorzulegen/
was ſie einmahl geleꝛnet/ und ſich ſelbſt deſſen
nicht zu ſchaͤmen.

Was ein und andere anmerckungen ſon-
ſten ſind/ die bey den Predigten zu beobachtẽ/
uͤbergehe hier gern. Das vornehmſte aber
achte Jch dieſes zu ſeyn/ weil ja unſer gantzes
Chriſtenthum beſtehet in dem innern oder
neuen menſchen/ deſſen Seele der Glaube
G 4und
[152] und ſeine wuͤrckungen die fruͤchten deß le-
bens ſind: Daß dann die Predigten ins-
geſampt dahin gerichtet ſolten werden.
Eins theils zwar die theure Wolthaten Got-
tes/ wie ſie auff den innern menſchen zielen/
alſo vorzutragen/ daß daher der glaube und
in demſelben ſolcher innere menſch immer
mehr und mehr geſtaͤrcket werde: Anderen
theils aber die werck alſo zu treiben/ daß wir
bey leibe nicht zu frieden ſeyen/ die leute allein
zu unterlaſſung der aͤuſſerlichen laſter und
uͤbung der aͤuſſerlichen tugenden zu treiben/
und alſo gleichſam nur mit dem aͤuſſerlichen
menſchen es zu thun zu haben/ das die Heyd-
niſche Ethic auch thun kan: Sondern/ daß
wir den grund recht in dem hertzen legen;
zeigen/ es ſeye lauter heucheley/ was nicht
auß dieſem grunde gehet/ und daher die leute
gewehnen/ erſtlich an ſolchem innerlichen
zu arbeiten/ die Liebe GOttes und deß Naͤch-
ſten bey ſich durch gehoͤrige mittel zu erwe-
cken/ und nachmahl auß ſolchem erſt zu wuͤr-
cken. Daher auch ſolle man fleiſſig treiben/
wie alle Goͤttliche Mittel deß Worts und
Sacramenten/ es mit ſolchem innerlichen
Menſchen zu thun haben/ und es ja nicht
gnug
[135[153]] gnug ſeye/ daß wir das Wort mit dem aͤuſ-
ſerlichen ohr hoͤren/ ſondern wie wirs auch
in das hertz dringen muͤſſen laſſen/ daß wir
daſelbſt den Heiligen Geiſt reden hoͤren/ das
iſt/ ſeine verſiegelung und krafft deß Worts
mit lebendiger bewegung und troſt fuͤhlen:
Alſo/ daß es nicht gnug ſeye/ getaufft ſeyn/
ſondern/ daß unſer innerlicher menſch/ dar-
innen wir CHriſtum vermittels deſſelben
angezogen/ ihn auch muͤſſe anbehalten/ und
deſſen zeugnuͤß an dem aͤuſſerlichen leben
zeigen: Daß es nicht gnug ſeye/ aͤuſſerlich
das Heil. Abendmahl empfangen zu haben/
ſondern/ daß auch unſer innerlicher menſch
durch ſolche ſelige Speiſe muͤſſe wahrhafftig
genehret werden: Daß es nicht gnug ſeye/
aͤuſſerlich mit dem munde zu beten/ ſondern/
daß das rechte und vornehmſte gebet in un-
ſerm innerlichen menſchen geſchehe/ und ſich
entweder in die wort erſt außlaſſe/ oder aber
wol gar in der Seele bleibe/ und doch daſelbſt
GOTT finde und antreffe: Daß es nicht
gnug ſeye/ GOtt ſeinen Dienſt in dem aͤuſ-
ſerlichen Tempel zu leiſten/ ſondern/ daß un-
ſer innerliche menſch den vornehmſten dienſt
GOtt in ſeinem eigenen Tempel/ er ſeye jetzt
G 5in
[154] in dem aͤuſſerlichen oder nicht/ leiſten muͤſſe;
und was dergleichen iſt. Darauff/ weil
darinnen die rechte krafft deß gantzen Chri-
ſtenthums ſtehet/ ſind billich ins gemein
die Predigten zu richten. Und wuͤrde ge-
wißlich/ wo ſolches geſchehe/ vielmehr
erbauung als auff dieſe weiſe bey vielen
geſchiehet erfolgen. Ein herꝛliches Exem-
pel deſſen haben wir an gegenwaͤrtiger deß
Sel. theuren und geiſtreichen Lehrers wei-
land Herꝛn Johann Arndten Poſtill.
Gleichwie ſolcher vortrefflicher Lehrer und
Nachfolger Lutheri, den er auch ſo gar
in denen allermeiſten etwa von einigen
uͤbel-verſtandenen/ und daher mißdeuteten/
Redens-arten zum vorgaͤnger hat/ in ſeinen
uͤbrigen geiſtreichen Schrifften alles auff
den rechten kern den innern menſchen ge-
richtet/ alſo gehet auch dieſe hiermit auffs
neue der Chriſtlichen Kirchen vor augen
legende gantze Poſtill auff ſolchen haupt-
zweck. Dahero gleichwie in ſeinem leben
ſeine Zuhoͤrer deſſen herꝛlich erbauet wor-
den/ ſo haben auch bißher die krafft ſolches
Methodi und gottſeliger Arbeit/ viel tau-
ſend fromme Seelen kraͤfftig empfunden/
GOtt
[165[155]] GOTT vor ſolche theure gaben demuͤhtig
danck geſagt/ und deß lieben Autoris ge-
daͤchtnuͤß in dem ſegen deſtomehr erhalten.
Es hat ſolchen nutzen dieſes herꝛlichen
Buchs unter andern auch bezeuget/ die
mehrmahlige aufflage deſſelben/ ſo doch
allemahl abgegangen/ und immer mehr
und mehr geſucht worden. Darmit ge-
zeiget/ es ſey dieſe Arbeit nicht der jenigen
art/ wie ſo viel andere/ die mit ihrem Au-
tore ſo bald ſterben/ oder nicht laͤnger an-
genehm ſind/ als ſie ihrer neulichkeit we-
gen von deroſelben begierigen leuten ge-
braucht werden. Es bedarff aber weder
der Autor ſelbſt noch dieſe gegenwaͤrtige/
auch andere ſeine Arbeiten meines ruhms/
und bin Jch der jenige nicht/ durch deſſen
zeugnuͤß ſein preiß vermehret werden moͤch-
te/ der ich mirs vielmehr vor eine ehr und
nutzen halte/ unter ſeinen Diſcipulis ihn
zu ehren: Jedoch bin Jch gewiß/ wo nach
dieſer art alle unſere Lehr/ Schrifften
und Predigten eingerichtet wuͤrden/ ſo
wuͤrde es gewißlich ſo vieler Klagen nicht
bedoͤrffen/ wie wir billich jetzo offters fuͤhren
muͤſſen.

Jch uͤberlaſſe aber lieber jedes Leſers eige-
nem erfahren und fuͤhlen/ was Jch ſonſten/
wo Jch es thun ſolte/ von dieſem Werck zu
ruͤhmen haͤtte/ und kehre mich allein darzu/
dem Chriſtlichen Leſer hiermit anzudeuten/
was eigentlich in dieſer neuen Edition, zu
nuͤtzlichem gebrauch gethan worden. Dar-
von derſelbe folgendes zu mercken hat.
I. Daß man die vorige Merianiſche Edi-
tion, nach deren eigentlich der nachdruck
geſchehen/ mit andern conferiret/ dero-
ſelben uͤberſehen und die fehler/ wie ſich dann
hin und wieder gefunden/ darauß gebeſſert/
auch was drinn gemanglet erſetzet. Daher
hier auch behalten und befindlich/ was in den
vorigen Editionen mit vertirung der ange-
zogenen Lateiniſchen allegaten/ ergaͤntznng
der kurtz angedeuteten Spruͤche und Texte ꝛc.
gebeſſert/ auch in der Merianiſchen Vorrede
angedeutet worden. II. Weil die Paſſions-
Predigten an unterſchiedlichen orten ge-
ſtanden/ als ſind ſie zuſammen geſetzt wor-
den/ ſo man dem Leſer angenehmer zu ſeyn
hoffet: Welches auch mit andern in dem
Appendice befindlichen Predigten geſche-
hen/ ſo zu ihren Feſten oder ſtellen/ wo ſichs
fuͤglich
[157] fuͤglich geſchicket/ eingeruͤckt worden. Wie
das Regiſter der Predigten auß gegenhal-
tung deß vorigen zeigen wird. III. Jſt der
Druck alſo eingerichtet/ daß obwol dieſe
Edition reichlicher/ und hingegen an leß-
lichkeit der Buchſtaben nichts abgehet/
gleichwol in dem Papier es umb ein merck-
liches/ umb in einem bund zu haben/ einge-
zogen. IV. So ſind (welches in der vori-
gen Merianiſchen Edition zwar verſprochẽ/
aber nicht geleiſtet worden) nicht nur denen
angezogenen Capiteln der Schrifft auch die
verſiculi beygeſetzt/ ſondern faſt unzehlige/
deren ſtelle nicht benennet geweſen/ welche
der Sel. Autor gemeynet/ außgetrucket und
citiret worden/ zu groſſem behuff deß leſers.
V. Weil wir gewuͤnſchet/ nachdem bey der
geiſtreichen Arbeit dieſes lieben Manns/
uͤber die Pſalmen/ auch ſeine Catechi-
ſmus-Erklaͤrung angehaͤnget worden:
Hingegen ſein Wahres Chriſtenthum/
ſodann ſeine Opuſcula,Lehr-und Troſt-
Bůchlein/ Lehre von der Vereini-
gung mit Chriſto/ und Repetitio Apo-
logetica, oder Widerholung undVer-
antwortung der Lehre von dem
G 7Wah-
[158]Wahren Chriſtenthum/ zuſammen/
noch erſt neulich auffgeleget worden: Sein
Paradieß-Gaͤrtlein aber aller Orten
offt angetroffen wird/ daß dann/ wo noch
etwas von ſolchem herꝛlichen Mann befind-
lich/ ſo ſich in ſolchen Wercken nicht antref-
fen lieſſe/ dieſem mit einverleibet/ und alſo
alle uͤbrige Broſamen erhalten wuͤrden; als
hat ſich nach fleiſſiger unterſuchung nichts
anders finden wollen/ als einige ſo Huldi-
gung als Landtags-Predigten/ ſo-
dann ſein ſo genanntes Informatorium Bi-
blicum, welche aber auß ſolcher urſach
(obwol dieſes letztere von einigen nicht ſeine/
ſondern eines ſeiner Liebhaber arbeit zu ſeyn/
geachtet wird) auch hier den uͤbrigen bey-
geſetzt worden.

6. Weil bey jeglichem Buch ein wolge-
machtes Regiſter nit nur eine herꝛliche zier de
(daß jener ſeinen guten Freund/ einen vor-
nehmen Theologum, deſſen Buͤcher mit
keinen oder ſchlechten Regiſtern verſehen
geweſen/ erinnerte/ ſie gemahneten ihn an
eine ſonſt gezierte Jungfrau/ dero aber ein
Krantz auffzuſetzen vergeſſen worden) ſon-
dern dem Leſer/ eine ſonderliche huͤlffe iſt/
das
[159] das geleſene auff den bedoͤrffens fall wieder
zu finden/ und alles zu beſſerm nutzen anzu-
wenden/ alſo ſind auch gegenwaͤrtiger Edi-
tion 3. Regiſter/ als nehmlich der Predig-
ten/ der Spruͤche der Schrifft/ und dann
der denckwuͤrdigen Materien mit angefuͤget/
und alſo was noch in allen Editionen ge-
manglet/ an dieſer gegenwaͤrtiger ergaͤntzet
worden. Wie nun dieſes alles mit fleiß
beobachtet/ und daran keine muͤhe und koſten
geſparet worden/ alſo zweiffle Jch nicht/ daß
der Chriſtliche Leſer an gegenwaͤrtiger Edi-
tion ein ſattſames vergnuͤgen haben/ und ſich
in gebrauch derſelben durch GOttes Gnade
herꝛlich erbauen werde koͤnnen. Wie Jch
dann auch zu deſſelben nachricht mehrers
nicht hinzu thun/ ſondern wie obangeregt
ſeiner eigenen erfahrung/ was er vor behuff
in dieſem Buch dieſes mahl finden werde/
lieber uͤberlaſſen wil.

Darbey Jch ihn aber treulich ermahne/
wo er je zuweilen in dieſem und andern deß
theuren Mannes Wercken einiges von Red-
arten oder Lehren finden ſolte/ welche dem
erſten anſehen nach ihm frembd vorkom-
men moͤchten/ er wolle ſich in dem urtheil
nicht
[160] nicht uͤbereilen/ ſondern dem rechten verſtand
derſelben mit hertzlichem gebet reifflich nach-
ſinnen: Da Jch nicht zweiffele/ er werde
ſelbſt finden/ daß alles der H. Schrifft und
der darinnen uns vorgeſchriebenen Lehr-art
allerdings gemaͤß/ von aller falſchen lehr
entfernet: Hingegen zu rechtſchaffener er-
bauung deß wahren/ nicht in eitelem ruhm
der nur in den Lehrſaͤtzen beſtehenden ortho-
doxiæ, ſondern mit lebendiger erkanntnuͤß
erfuͤlleten Chriſtenthums/ und wohin daſ-
ſelbe abzwecket/ deß innern menſchen/ gerich-
tet ſeye? Worzu Jch einem fleiſſigen Leſer/
deß nicht nur Wahren Chriſtenthums/ ſon-
dern auch anderer Arndiſcher Buͤcher/ die
deß damit umb die wahre gottſeligkeit wol-
verdienten Sel. Henrici Varenii rettung
deß Wahren Chriſtenthums (welches Buch
auch neu wieder auffgelegt und gemeiner zu
werden/ oder umb nit das anſehen zu haben/
daß die alte ſtrittigkeiten wieder hervor ge-
ſucht wuͤrden/ die erklaͤrungen ſelbſten ſo zu
ſeinem ſchutz und rechten verſtand gehoͤren/
von einem der ſachen gnug verſtaͤndigen zu-
ſammen gezogen und publicirt zu werden
wuͤnſche) zu nuͤtzlichem gebrauch nicht gnug
recom-
[161] recommendiren kan: als worinnen er ſehen
wuͤrde/ wie viel nachtruͤckliches und erbau-
liches in denen/ von andern mißverſtande-
nen ſtellen/ wo ſie recht unterſuchet werden/
ſtecke.

Jch ruffe letzlichen den grund-guͤtigen
GOtt und geber alles guten inbruͤnſtig an/
gleichwie er viel guten ſaamen ſeines worts/
durch dieſen ſeinen treuen knecht/ den er nun-
mehr lang in ſeine freude eingefuͤhret/ wei-
land außſtreuen laſſen/ auch viele Koͤrnlein
davon biß daher in gottſeligen hertzen zu nit
geringer frucht kraͤfftig geſegnet hat (darvor
ihm ewiger danck geſaget ſeye) alſo wolle Er
noch ferner ſegen geben/ zu ſeiner noch vor
augen ligender/ und auch in dieſer Edition
zu weiterm gebrauch eingerichteten Arbeit;
daß viele hertzen/ die mit andacht und einfalt
ihre erbauung Sonntags nechſt der heiligen
Schrifft in dieſen Predigten ſuchen werden/
ſie auch reichlich darinnen finden/ und Jhme
wiederumb darvor ihre fruͤchten deß dan-
ckens bringen moͤgen. Ja/ daß auch viele
Lehrer ſelbſt angefriſchet werden/ mit ſolcher
einfalt und nachtruͤcklichkeit den kern deß
Chriſtenthums in ihren Predigten nach
dieſem
[162] dieſem Model zu treiben: Jnsgeſampt aber/
daß dieſes auch ein mittel ſeyn moͤge einiger
fernern beſſerung deß oben ſo hertzlich be-
klagten elenden zuſtandes unſer Kirchen/
alles zu ſein deß groſſen GOttes ſelbſt Ehre/
und welche auf dieſelbe zwecket/ ſeines Reichs
befoͤrderung umb JESU CHriſti willen.
AMEN.

Philipp Jacob Spener/D.
Prediger und deß Miniſt. Sen.
daſelbſt.

Erfordertes Bedencken/
Auff
Hn. Philipp Jacob Speners/
der H. SchrifftDoct. und Senioris
zu Franckfurt/ Teutſche Vorrede zu deß
Seligen Arndii Poſtill: Eines Evan-
geliſchen Theologi und Superin-
tendenten.

Gnade/ Liecht/ und Barmhertzig-
keit ſeye von GOtt dem Vatter
durch den H. Geiſt in allen kraͤff-
tig/ die da gottſelig in JESU
CHriſto leben wollen!

GOttliebender Leſer: Als
Jch eben in meiner Bibliſchen
Arbeit begriffen/ das ſiebende
Capitel Michaͤ/ eines zur wah-
ren gottſeligkeit eifferigen trei-
bers/ leſen ſolte/ wurde mir die Teutſche Vor-
rede uͤber deß Seligen Arndii neu-auffge-
legte Poſtill/ von Herꝛn D. Philipp Ja-
cob Spenern herauß gegeben/ durch einen
ſeiner
[164] ſeiner guten Freund uͤberſchicket/ mit beyge-
fügtem Bittſchreiben/ meine in der furcht
deß Herren daruͤber fuͤhrende gedancken
zu eroͤffnen. Nun hatte Jch/ dem lieben
GOTT ſey danck/ damahl ſo viel ruh von
andern wichtigen Ampts-angelegenheiten/
daß Jch gleichfort ſelbe vor mich nehmen
und durchleſen kunte; Da Jch dann nicht
melden wil/ mit was hertzlicher Seelen-
vergnuͤgung wahrgenommen/ daß noch ei-
nige Michas in der Welt/ welche der beſten
Glaubens-fruͤchen ſuchen/ aber wie ei-
ner der im Weinberg nachlieſet/ derſelben
wenig/ ach! wenig finden; Und daher GOtt
und den Vatter unſers Herren JEſu
CHriſti gebeten/ daß Er alle ſeinem geiſt-
lichen Sion noͤthige Maͤnner mit Seel und
Leibes-kraͤfften ferner außruͤſten/ und denen/
welchen dieſe und folgende zu dem Preiß
GOttes/ und aufnehmen ſeiner Chriſtlichen
Kirchen woleingerichtete arbeiten zu handen
kommen/ den Geiſt der weißheit und der
offenbahrung zu ſein ſelbſt erkanntnuͤß
und erleuchtete augen ihres verſtaͤndnuͤß
geben wolle/ daß ſie erkennen moͤgen/ welches
da ſey das geheimnuͤß ſeines willens/
und
[165] und der uͤberſchwengliche Reichthum ſeiner
Gnad/ nach welcher Er uns geſchaffen hat
in Chriſto JEſu zu guten Wercken/ daß wir
darinnen wandlen ſollen.

Jch ſahe gleich anfangs/ pag. 8. daß der
liebe Mann die in dem obrigkeitlichen
Stand beſeufftzet/ und vieler Gewaltigen
fuͤhrendes Leben tadelt/ welches ſie doch
als Pfleger und Saͤugammen der Kirchen
zu GOttes Ehr/ ſeines Reichs erweiterung/
uñ denen Unterthanen zum Exempel/ Chriſt-
eifferig gebrauchen ſolten; Da dann der
erfahrung gemaͤß/ daß die wenigſte umb den
Herren gebührend eiffern/ und die allein
ſeligmachende Evangeliſche Lehr anders als
auß einem politiſchen Intereſſe verthaͤtigen/
oder zu deß geiſtlichen Standes und dero in
GOtt wol eingerichteter Rathſchlaͤge befoͤr-
derung ihres von dem Hoͤchſten ihnen gegeb-
nen Rechts ſich gebrauchen/ deß Lebens und
ſchlechten Chriſtenthums zu geſchweigen.
Wer von GOtt jemals zum Nathan irgend
einem Fuͤrſtlichen David vorgeſtellet wor-
den/ und den Fuͤrſten-ſtand und Staat mit
erleuchteten Augen angeſehen/ wird deſſen
mehrers zu beſeufftzen/ als denen armen
Unter-
[166] Unterthanen zum aͤrgernuͤß mit Worten
anzufuͤhren haben; Wie aber dem ſuͤnd-
lichen Leben und verderblichem Weſen be-
hertzte Prediger/ der am Hof/ durch unauff-
hoͤrliches bitten/ warnen/ vermahnen/ ſtraf-
fen/ und endlich das ſo noͤthige bannen/
andere auſſerwerts durch dergleichen hei-
liger handlungen rühmliche verthaͤdigung/
und verwerffung ungoͤttlichen Beruffs/
falls ein Elias ſolte verſtoſſen werden/
leicht koͤnnten wehren/ als ſehe Jch faſt
nicht wie andertheils/ der faſt uͤberall ein-
reiſſenden Cæſaro-Papiæ in Glaubens/
Religions/ und Kirchen-Sachen/ welche
nach deß heiligen Lutheri zeugnuͤß zu der
Evangeliſchen Kirchen aͤuſſerſtem verderben
außſchlagen wird/ zu ſteuren ſeye. Seine
Worte lauten alſo: Wo die Fuͤrſten
ſolches (das geiſt-und weltliche Re-
giment) in einander mengen wollen/ wie
ſie dann jetztthun/ ſo helffuns GOtt
gnaͤdiglich/ daß wir nicht lange le-
ben/ auff daß wir ſolch Ungluͤck nicht
ſehen: dann muß alles in der Chriſt-
lichen Religion zu truͤmmern fallen/
wie unter dem Pabſthum geſchehen
iſt/
[167]iſt/ da die Biſchoff zu weltlichen
Fuͤrſten worden: Es waͤre dann/ daß
tieffſinnige Athanaſii in der Furcht deß
Herren mit einander hand anlegten/
und nach deß wichtigen Wercks allge-
meiner uͤberlegung/ daß zu aͤndern ſich
Chriſt-vernuͤnfftig entſchlieſſen wolten/
was GOTT ſo hoch verbotten/ und ſeiner
Kirchen aͤuſſerſter ſchad iſt. Haͤtte man
vor etlichen Jahren mehr Goͤttlicher als
fleiſchlichen Affecten verſpuͤren laſſen/
und die in Vorſchlag gekommene Verſam-
lung und Unterhaltung gruͤndlich gelaͤhrter
und hertzlich gottſeliger Theologorum, an
einem gewiſſen Ort mit gutem Rath und
behertztem Trieb/ bey deß Heiligen Roͤmi-
ſchen Reichs und andern Evangeliſchen
Staͤnden urgiren wollen/ waͤre etwa wie
vielen andern verwirreten Dingen/ alſo
auch dieſer Sachen abgeholffen worden;
Und haͤtte man widriger ſeits keines boͤ-
ſen zu befahren gehabt/ wann in der
Gottſeligkeit lang geuͤbte/ und in allen
Faͤllen wolgepruͤffte/ darbey aber gruͤnd-
lich gelaͤhrte Leute waͤren beruffen wor-
den.

Darauff folget pag. 10. die beſchrei-
bung deß geiſtlichen Standes/ von wel-
chen auch Micha gantz nachdencklich ſaget:
Wann der Tag ihrer Heimſuchung kom-
men ſolte/ ſie nicht wiſſen wuͤrden wo auß/
ſo wenig ſind der Frommen unter thnen/ ſo
duͤnn geſaͤet die Gerechten. Es iſt ja nicht
zu laͤugnen/ Freund und Feinde wiſſens/
daß Leute unter den Predigern geſunden
werden/ welche in offentlichen aͤrgernuͤſſen
leben/ wann ihr verteuffelter geld- und ehr-
geitz/ auch in den allerheiligſten Dingen:
Als da ſind Vocationen/ Translationen/
Ampts-verrichtungen/ da faſt allein auff
mehreres Einkommen/ ruhigern Ort/ groͤſ-
ſere Ehr geſehen/ GOttes verherꝛlichung
aber/ der Kirchen beſtes/ und die ſo wichtige
Selbs-verleugnung/ ſo gar nicht reiff-
lich gnug erwogen wird/ nachlaͤſſige Hauß-
zucht/ unnuͤtze Geſpraͤch/ traͤge Ampts-
verrichtungen/ uͤppiges Leben/ weiche Klei-
dung/ heimlicher Neidt/ ſchaͤndliche Miß-
gunſt/ falſcher Argwohn/ unverſchuldete
Verfolgung eines den Zuhoͤrern lieben und
annehmlichen Severiani, ſo gar ſehr hervor
blicken/ daß ich der groben Laſter nit gedencke;
Da
[169] Da ſolte nun ein weiſer Salomo dergleichen
Abjathar krafft ſeines obrigkeitlichen Am̃ts/
vermahnen/ warnen/ ſtraffen: Oder/ welches
mehr verfangen würde/ Profeſſores und
Prediger ſolches Geiſtes kinder auß freund-
ſchafft/ oder zeitlichen Nutzens halben/ nicht
recommendiren/ weniger der Kirche Got-
tes auffdringen laſſen/ ſondern gedencken/
daß die Seelen/ ſo durch ſolche verlohren
werden/ von ihnen zu ihrer ſchweren verdam-
nuͤß werden gefordert werden.

Noch mehr aber iſt zu beklagen die unver-
antwortliche Unwiſſenheit derer/ ſo in der
Kirchen dem Predigampt warten/ in denen
Dingen ſo das Wahre Chriſtenthum be-
treffen/ als welche von nichts mehrers/ als
einem moral-guten aͤuſſerlichen Wandel
wiſſen/ und denſelben nicht eben ſo gar ſtreng/
oder wie ſie reden/ ſchulfuͤchſiſch/ wollen
gehalten haben: Die aber ſo von genauer
JEſus-Folge reden/ gantz verlachen/
oder ſtoltzer ſcheinheiligkeit beſchuldigen/
und die Predigten von der innern/ wahren
Gottſeligkeit/ einer Singularitaͤt/ Neuerung
und Ketzerey beſchuldigen. Aber hier ſchelte
Jch nicht ſo wol die Pfarrer/ derer etliche es
Hgern
[170] gern beſſer machen wuͤrden/ wo ſie es geler-
net haͤtten/ oder darzu anleitung haben
moͤchten/ ſondern derer ſtraffbahre nach-
laͤſſigkeit/ welche ſo auff hohen als niedern
Schulen ſich mit unnuͤtzen ſachen bemuͤ-
het/ und umbs Lohn die arme Jugend mit
Subtilitaͤten auff gehalten/ das einig noͤthige
aber die anleitung zum Wahren Chriſten-
thumb verſaͤumet haben. O welche eine
ſchwere verantwortung wird dermahl eins
folgen/ und ſo viel ſchwehrer als we-
niger ſolches vor eine Suͤnde gehalten
wird.

Wahr iſt es zwar/ daß Controverſen
freylich mit zu der Theologie gehoͤren/ wie
pag. 19. wol geſchrieben ſtehet/ und waͤre gut/
wann der armen Jugend der rechte vor-
theil/ wie dann wahrhafftig in Studio
Theologico und was deme anhaͤngig/
nicht wenig vortheils iſt/ gewieſen wuͤrde/
wie ſie ſo in ſelectu der guten Buͤcher/ als
noͤthigen leſens bald zum zweck kommen/
und die ſo auch geringern vermoͤgens ſich
habilitiren moͤchten; Daher Jch ſelbe ſo gar
nicht vor unnoͤthig halte/ daß Jch auch
jederman rathe/ und in die Welt ſchreibe/
nicht
[171] nicht anders die wahre gottſeligkeit zu ſuchen/
als auß der erſtrittenen Glaubens wahrheit.
Wann die Theſis mit den herꝛlichſten ſpruͤ-
chen in den Hauptſprachen gruͤndlich bewie-
ſen/ und reifflich gegen der widerſacher Lehr-
ſaͤtze erwogen iſt/ alsdann kan ſoviel ſicherer
die Gottſeligkeit daher deducirt, und dem
einwurff ſo viel beſtaͤndiger begegnet wer-
den/ ob haͤtte man ſich deß Weigelianiſmi
bey dieſer glaubens-uͤbung zu beſorgen. Läſſt
mich GOtt leben/ hoffe Jch durch ſeine krafft
ein Specimen, gottsgelahrter Theologo-
rum prophetiſchem Geiſt bald zu unterwerf-
fen/ wie die uͤbung der Gottſeligkeit nach al-
len unſern Glaubens Theſibus moͤge frucht-
barlich angeſtellet werden.

So verwerffe Jch auch ferner die Buͤcher
nicht/ in welchen unſerer Glaubens-regul
gemaͤß viel gutes diſputiret/ und der Wider-
ſacher mund verſtopffet wird: Dieſes aber
tadelte Jch/ daß durch ſo viel neue Schriff-
ten/ und unnoͤthige Diſputationes, daß
was unſere Vorfahren viel nachdenckli-
cher/ viel gruͤndlicher geſchrieben/ der ver-
geſſenheit gewidmet/ wol gar verlaͤſtert/
und der Jugend/ ſo etwa ſolche Buͤcher
H 2auß
[172] auß ihrer Sel. Eltern Bibliotecken ererbet/
neue Unkoſten/ mehrere Weitlaͤufftigkeiten
verurſachet werden. Wieviel beſſer haben
es gemacht/ die ſonſtboͤſe Socinianer/ wann
ſie ihrer ſcharpff ſinnigen Leute Streit-
Schrifften/ Bibliſche Außlegungen/ zur
Hiſtori dienende Sendſchreiben/ Gewiſſens-
faͤlle/ in eine Bibliotheck zuſam̃en gedruckt/
und alſo Zeit/ Geld/ und anders den Jhri-
gen geſparet haben. Ach/ daß man auch in
unſerer Kirch ſich entſchlieſſete/ ein Corpus
doctrinæ wider alle Secten zuſammen zu
tragen/ der vornehmſten Leute außfuͤhrung
unſerer Glaubens-Artickel der Nachwelt
zu enthalten/ uͤber jegliche Theologiſche Ma-
teri/ Bibliſches Buch/ deß beſten Mannes
Arbeit mit Scharpffſinnigkeit zu wehlen:
So wuͤrde kuͤnfftig mehr Zeit uns uͤbrig
ſeyn/ die Jugend im Wahren Chriſten-
thum zu unterrichten/ als leider! man biß-
her hat haben koͤnnen/ da man ſich bemuͤhet/
anderer Leute Schrifften kuͤnſtlich außzu-
ſchreiben/ und nichts neues hinzu thut/ als ei-
nen neuen Namen/ neue verſetzung der Ma-
terien/ neue verdunckelung deſſen ſo in klu-
ger einfalt und gutem Lateiniſchen Stylo
vor-
[173] vormahls geſchrieben worden. Solte dann
ein Widerchriſt ſich finden/ welcher etwas
ſo bißher nicht beantwortet worden/ her-
vor braͤchte/ oder einige Materien verlan-
get wuͤrden/ ſo gar noch nicht außgearbei-
tet ſind/ moͤchten die ſubtilſte und in GOtt
gelahrteſte Ingenia darzu gebrauchet/ und
wie im Pabſtthum geſchiehet/ dieſen was
andere in der gantzen Evangeliſchen Kirchen
darzu dienliches haben/ ohne eigene ehr/ oder
boßhafftige vorenthaltung/ zugeſchicket wer-
den; So bekaͤme die Kirch endlich den ruhm
von denen die drauſſen ſind/ daß ſie gruͤnd-
lich gelaͤhrte Leute haͤtte/ und von den Wi-
derſachern nicht entlehnete und außſchrei-
ben muͤſte/ was ſie zu ihrer widerlegung/
oder anderer Sachen außfuͤhrung noͤhtig
hat/ ihr ſelbſt wuͤrde in allen Stuͤcken ſo
viel kraͤfftiger geholffen/ als mehr durch
unſere faſt ungegruͤndete Wiſſenſchafft
und aͤrgerliches Weſen ſie zur neige/ leider!
kommet.

So muͤſten auch Drittens die neue
Schrifften ſo eingerichtet werden/ daß ja
nichts fleiſchliches mit eingemiſchet/ wenigeꝛ
der Widerſacher mit ſtachelichten Reden/
H 3ſchimpff-
[174] ſchimpfflichen Namen und andern Satans
wercken zum zorn und rachgierigkeit gerei-
tzet wuͤrde: ſintemahl die erfahrung bezeuget/
daß wie gut auch ſonſt die ſach iſt/ und von
ihnen nicht kan beantwortet werden/ das
hertze dannoch umb der geſpuͤrten fleiſchlichen
Affecten willen nim̃ermehr gewonnen oder
bekehret wird. Nun aber geſchiehets nicht
nur denen/ ſo drauſſen ſind/ von den unſe-
rigen/ ſondern man ſcheuet ſich nicht denen
Evangeliſchen ſelbſt/ wann ſie etwa von ei-
nem fehl uͤbereilet werden/ Ehr und glimpff
ſo bald abzuſchneiden/ und wo je einer ſeine
gantze Lebens-zeit einmahl einen menſch-
lichen fehltritt begangen/ ſolchen der gan-
tzen Welt vorzuſtellen/ daß ja Noaͤſchaam
fein recht entbloͤſet/ und der feind gewahr
werde/ welche glieder an dem Haupt Chriſto
breſthafft geweſen: Da doch die Liebe deß
Naͤchſten fehl mit fleiß decken/ nach Got-
tes willen alles zum beſten wenden/ und
uns immer das zu gemuͤht fuͤhren ſolte:
Wir haben alle ſchuld auff uns.
O waͤre ſolches beobachtet/ und dem
ſchwach-glaubigen mit ſanfftmuht offt-
mahls auffgeholffen worden/ wie viel
wuͤr-
[175] wuͤrden der Seckten heutiges Tages weni-
ger in unſerer Kirchen ſeyn/ als leider!
wir uns von dem feindſeligen Pabſtthum
taͤglich vorruͤcken muͤſſen laſſen? Darumb
Jch dann umb GOttes willen bitte/ daß wo
ja kuͤnfftig einer der unſerigen in Glaubens-
ſachen irren/ oder in denen Dingen ſo
der Analogiæ nicht zuwider ſeyn/ nicht
eben deinen geſchwornen worten nachge-
leben/ auch wol durch GOttes gnad und
erleuchtung in einigen Dingen anderer
meynung mit den unſerigen ſeyn moͤchte/
man doch nicht gleich offentlich ihn ver-
kaͤtzere/ ſondern in der ſtille bruͤderlich er-
mahne/ und in der Liebe eines beſſern be-
richte; Jch hoffe zu GOTT/ daß ſolcher
geſtalt nicht nur dem aͤrgernuͤß von un-
ſerer trennung taͤglich mehr geſteuret/
ſondern auch der ſchwach-glaͤubige auff
dieſe weiſe werde gebeſſert/ und alſo un-
ſer armes Zion in allen ſtuͤcken erweitert
werden.

Diß iſt noch ein fehler pag. 25. ſeq. wol
bemercket worden/ daß man die liebe Ju-
gend nicht nach deß Heiligen Geiſtes lehrart
in der Bibliſchen Theologie unterrichtet/
H 4ſon-
[176] ſondern zu ſcholaſtiſchen Subtilitaͤten ge-
wehnet/ und durch die Philoſophie mehr
verfuͤhret/ als zu der Goͤttlichen erkanntnuͤß
bringet. Jch verwerffe die Weltweißheit
und dero vortrag ſo gar nicht/ daß Jch noch
kuͤrtzlich denen Schulen dieſer Landen vor-
geſchrieben/ wie man ſolche Werckzeuge zu
ſchaͤrpffung der Sinnen gewiſſenhafft ge-
brauchen moͤge: daß aber nicht unermaͤßlich
viel unnoͤthiges/ nichts werthes/ ja ſchaͤd-
liches darinn enthalten/ welches redliche
Leute außmuſtern ſolten/ wird niemand
laͤugnen koͤnnen; Man ſehe unſere Schul-
Buͤcher mit ſo unpaſſionirten als erleuchte-
ten Augen an/ ſo wird ſichs finden/ wieviel
deß uͤberfluͤſſigen Dings darinn enthalten/
damit die edle Zeit verderbet/ die ſtudierende
Jugend von dem mehrnoͤthigen abgefuͤhrt/
und von den Kluͤgeſten dieſer Welt noch
darzu verlachet wird/ als welchen die in un-
ſern Schulen uͤbliche Lehr-art ſo gar nicht
der alten Weißheit gemaͤß/ ſondern faſt aller-
dings bodenloſe vorkommet. Ob nicht durch
die leibliche Exercitia, Tantzens/ Fechtens/
Spielens und dergleichen/ ſo auff Univerſi-
taͤten mit groſſer ſorgfalt unterhalten werdẽ/
die
[177] die liebe Jugend in dem Wachsthum zum
guten auch bißher gehemmet/ und durch der-
gleichen uͤbungen/ von denen S. Paulus
ſchreibet/ daß ſie wenig nutz/ der Welt ſich
gleich zu ſtellen/ dem Frauenzimmer baß zu
gefallen/ und die unwiederbringliche Zeit
zu verlieren veranlaſſet worden/ laß ich die
urtheilen/ welche gottſeliger Leute Schrifften
von noͤthiger Schul-reformation geleſen
haben. Daß Jch auch der uͤbrigen ſuͤnden
ſo auff Univerſitaͤten gedultet werden/ jetzt
nicht gedencke/ darvon kuͤnfftig beſſere gele-
genheit ſich finden mag in meinem Beden-
cken: Warumb nach ſo vielen Colloquiis,
getruckten Streit-ſchrifften/ Academiſchen
Unterricht/ ꝛc. dannoch die Evangeliſche
Religion nicht befoͤrdert worden/ ſondern
taͤglich mehr zur Neige kommet? Einige
moͤchten endlich wuͤnſchen/ daß/ wann
etwas neues zu ſchreiben waͤre/ man ſeiner
doch auch hierinn ſchonen/ und die Buͤcher
nicht mit der Jugend groſſem Schaden/
umbs Geldt denen Buchführern verkauf-
fen wolle. Man glaubet nicht/ wie uͤbel
in die ferne von dergleichen/ ſonſt guten Leu-
ten geredet wird/ und wie ſich der Satan
H 5zu ih-
[178] zu ihrer verunglimpffung dieſes ſtuͤckleins
bedienet.

Wann nun in denen Staͤnden ſo viel
zu beſſern die die meiſten ſolten regieren/
und zu der wahren Gottſeligkeit fuͤhren/
als iſt freylich leicht zu erachten/ wie es
dann in dem dritten und Hauß-ſtand be-
ſtellet ſeyn muͤſſe? Nehmlich wie pag. 35.
geklagt wird/ daß man der Reglen Chriſti
keine in offenem ſchwang und uͤbung
ſiehet. Und heiſſet es wol mit Micha/ der
beſte unter ihnen iſt wie ein Dorn/ und
der redlichſte wie ein Hecke. So offt Jch
die erſte Epiſtel Johannis leſe/ geſtehe ich
mit ſeufftzen/ daß mir die Haar gen berge
ſtehen/ wann Jch nach derſelben ſchlieſ-
ſen muß/ daß unter ſo viel tauſend Luthe-
ranern die wenigſte CHriſti Juͤnger ſeyn/
weil die erforderte Frucht-bringende
Hertzens-Lieb gegen den Naͤchſten ſo
gar nicht nach GOttes willen geübet wird:
Und haͤtte Jch das vertrauen zu GOTT
nicht/ daß viel derſelben auff ihrem ſiech-
und Todtes-bett erleuchtet und bekehret
wuͤrden/ ſolte mich in wahrheit die ſchwer-
muth leicht unterdruͤcken. Von vielen
ſagt
[179] ſage Jch/ nicht von allen ohne unterſcheid/
welche ihre Buß biß auff die letzt faſt ſpa-
ren/ und dann erſt beichten und das heilige
Abendmahl empfangen wollen. Dann wie
es mir gantz zweiffelhafft vorkommet/ ob
GOTT alsdann ſonderlich wuͤrcken/ und
ihnen den rechten Glauben/ welches Mittel
ſie lebenslang ſo gering geachtet/ ſo gleich
geben werde: Auch die erfahrung bezeuget/
daß der kurtze zuſpruch deß Predigers wenig
außrichtet/ und die Buſſe nicht etwa auß
einigen Thraͤnen/ welche offt mehr zeugen
deß Schmertzens oder ungedultigen Ley-
dens/ auch wol der Todtes-furcht als deß
wahren mit dem vorſatz/ wo man nach Got-
tes willen wieder auffſtehen ſolte/ in recht-
ſchaffener Gerechtigkeit/ Unſchuld und Hei-
ligkeit zu leben/ verbundenen Glaubens ſind:
Als kan Jch dieſer Leute aͤuſſerlichen Beicht
und gebrauch deß heiligen Abendmahls
keine natuͤrliche wuͤrckung gleich der Artze-
ney zuſchreiben/ ſondern fuͤrchte/ daß viele
in ihren Leich-Predigten zwar ſelig geprie-
ſen werden/ der ewigen Himmels-freud aber
durch ihr bloſſes Opus operatum nicht
wuͤrcklich genieſſen.

Dahero wol noͤthig waͤre/ daß gottſelige
Theologi, dieſe gute Arbeit uͤbernehmen/
und denen unberichteten Predigern durch
Schriften gelegenheit geben/ mit ihren rohen
Zuhoͤrern auf dem todbett/ ſo GOtt die gna-
den-zeit friſtet/ und verſtand laͤſſet/ nach den
Regeln deß Wahren Chriſtenthums umb-
zugehen/ und zu gruͤndlicher Erkanntnuͤß
ihres verderbten weſens ſie zu fuͤhren. Alle
unſere Gebet-buͤchlein ſind zu wenig hierzu!
und in ſolchen koͤnte man dann derer ſuͤnden/
welche faſt nicht mehr vor ſuͤnden gehalten
werden wollen/ nachdruͤcklich gedencken:
Unter welche dann gehoͤren:

1. Die bey Hoͤfen und auch ſonſt ihres
aͤuſſerlichen wandels und vortrefflicher ge-
ſchicklichkeit halben hoch-beliebten Staats-
leuten auff Geſandſchafften/ Viſiten/ Gaſt-
mahlen/ ꝛc. hergebrachte Raͤuſche/ (da der
Menſche die maaß der Natur uͤberſchreitet/
und mehr trinckt als die erlaubte ſaͤttigkeit
oder ergoͤtzlichkeit/ das beywohnende gewiſ-
ſen/ und der innerliche zeuge/ der wider das
fleiſch ſtreitende Geiſt/ erlauben/ es ſey gleich
der vorſatz zu ſauffen da geweſt oder nicht/
es ſey mit willen geſchehen oder nicht/)
welcher
[181] welcher offtere wiederholung mir ſo viel er-
ſchroͤcklicher vorkommen/ als mehrmahlen
man in dem heiligen Beichtſtuhl dieſer boͤſen
gewonheit abzuſterben außdrůckentlich Gott
gelobet/ und ſolchen Bund doch nicht gehal-
ten/ ſondern der Welt zu gefallen ūbertretten
hat. Dahero Gottsgelahrte Prediger mit
nachtruck zu erinnern/ ihre Seligkeit auch
in dieſem ſtůck mit furcht und zittern zu wuͤr-
cken/ und zu ſagen/ daß die auch vernuͤnfftige
Trunckenheit/ wie man excipiren wil/ darzu
gewohnliche anmuthungen/ zwangs-bedro-
hungen/ in allen wegen der Seelen toͤdtlich/
und der Heydniſchen erbarkeit zum theil ent-
gegen ſind: krafft deren Ahaſverus beyſeinen
Hof-mahlzeiten einem jeglichen frey gelaſſen
zu trincken/ was und wieviel er begehret hat.

II. Die Rechts-proceß/ welche ſo viel
ſuͤndliches mit ſich fuͤhren/ daß fꝛomme Chri-
ſten faſt ſcheu tragen/ Obrigkeitlichen Ge-
richts ſich zu bedienen/ ja wol lieber das un-
recht erdulden/ als dem Naͤchſten zum boͤ-
ſen zufaͤlliger weiſe/ und daher erwachſen-
der Seelen-beſchwerung/ anlaß geben wol-
len. Dieweil aber der Perſonen ſo bey
Gericht zu thun haben unterſchiedlich ſeyn/
H 7als
[182] als ſind auch der ſubtilen griff ſo viel/ daß ich
meines orts ſie nicht alle zu erzehlen weiß/
noch zu wiſſen begehre. Bey dem Richter iſt
hoͤchſt ſtraffbar/ wann derſelbe die gerechtig-
keit der ſach/ oder das Factum oder die Umb-
ſtaͤnd derſelben ſelbſt/ nicht recht verſtanden/
oder mit ſchweren gedancken deß unruhigen
gewiſſens beladen/ nicht faſſen kan; kommet
dann die gehſtuͤtzigkeit darzu/ ſo iſt es umb ſo-
viel deſto aͤrger/ am alleraͤrgſten/ wann der
fehler nicht wil erkannt/ ſondern nach der
Meder und Perſer Recht/ welches unveraͤn-
dert bleiben muſte/ exequirt werden.

Mancher erkennt die Unſchuld deß beklag-
ten/ fuͤrchtet ſich aber mehr vor menſchen als
vor GOTT/ laͤſſet gunſt vor recht gehen/
oder tritt auch mit vorgefaſſter meynung
auff den Richtſtuhl/ verdammt die eine
Parthey ehe er ſie gehoͤrt; Alles dem klaren
verbott deß hoͤchſten Geſetz-gebers zuwider/
zu ſeiner ſchweren verdamnuͤß.

Nichts neues iſt 3. daß ſich Richter mit
Geld ſchmieren/ und die augen verblenden
laſſen/ damithin das gute boͤß/ und boͤß
gut heiſſen/ auß finſternuͤß liecht/ und auß
liecht finſternůß machen/ den gottloſen recht
ſprechen
[183] ſprechen umb geſchencks willen/ und das
Recht der gerechten von ihnen nehmen/ dar-
uͤber Eſaias ſchon zu ſeiner zeit geklagt/ und
das weh daruͤber geruffen.

Ein groſſer und faſt unvermerckter feh-
ler iſt es/ 4. wann der obere Richter alles
allein außrichten wil/ und zu der Unter-
Richter nicht geringer beſchimpffung/ und
daher folgender Seelen-betruͤbnuͤß/ auch
geringe ſachen zu ſich ziehet/ und damit wie
Jethro kluͤglich wahrgenommen/ ſich und
dem Volck ſchadet. GOTT leget je wei-
len in einfaͤltige doch redliche Leute und die
Jhn fuͤrchten/ auch von Moſis Geiſt und
gaben etwas/ das außzurichten/ was Er ih-
nen durch ordentlichen beruff vertrauet und
befohlen hat.

Nicht weniger iſt es ſuͤnde/ wann der
Richter bloß nach denen eingeſchickten Actis
und Probatis urtheilt/ und manchmahl in
ſeinem gewiſſen findet/ daß ſich es nicht ſo
verhaͤlt: wie viel beſſer thun die jenige/ welche/
ſo ſie anſtehen/ die ſach ihrer hoͤchſten Obrig-
keit zuweiſen/ und darbey als zeugen oder
raͤth ſich gebrauchen laſſen/ damit ja in kei-
nem ſtuͤck verſtoſſen werde.

Manchmahl geſchiehets/ daß auß ver-
druß auff die ſach zu inquiriren/ oder weit-
laͤufftige Relation anzuhoͤren/ oder der Leute
Affection zu gewinnen/ auch wol auß furcht/
der Richter die Partheyen zu vergleichen
ſuchet/ da doch GOTT ſo nachdencklich
gebotten/ dem Frommen recht zu ſchaffen/
und das boͤſe zu verdammen.

Einige Richter vertretten auch zugleich
partes advocati, obwol verborgen/ und zie-
hen ſich nicht zu hertzen/ was dann menſch-
liches mit unterlauffe/ und welche ſtraffe auff
dieſe und andere ihre ſuͤnde folgen. Es muͤſ-
ſen alle grundfeſte deß Landes fallen/ wann
die Goͤtter unrecht richten/ ſagt David im
82. Pſalm/ welches erſchroͤcklich!

Fuͤr Gericht haben auch Advocaten zu
thun: Hilff lieber GOTT/ wieviel uner-
kannter ſuͤnden gehen da im ſchwang. Suͤn-
de iſts da! wann ſich Leute advocirens an-
nehmen/ die es nicht verſtehen/ oder erlernet
haben/ dardurch der arme Naͤchſte vernach-
theilet/ in koſten/ ſchaden/ und anders hertze-
leid geſtuͤrtzet wird. Suͤnde iſt es/ wann
ein Advocat ſeiner Parthey klag/ irrig/
dunckel/ unverſtaͤndlich/ ohne Urſachen/
ohne
[185] ohne rechtmaͤſſig Concluſion und Petition
anſtellet/ uñ alſo gerichtlich produciren laͤſſe
Suͤnde iſt es/ wann ein Advocat in termino
præfixo, auß geitz oder fahrlaͤſſigkeit nicht ge-
faſſt/ und alſo die Urſach iſt/ daß vergebliche
auffzuͤg und Dilationes, zur verlaͤngerung
der ſachen geſucht werden. Suͤnde iſt es/
wann ein Advocat in den Producten ehr-
ruͤhriger/ ſchmaͤhlicher und zu der ſach un-
dienlicher worte ſich gebrauchet/ und dar-
mit zu groͤſſerer weitlaͤufftigkeit urſach gibt.
Suͤnde iſt es/ wann ein Advocat de quota
litis paciſcirt, oder ſonſt mit ſeinem Cliente
unrechtmaͤſſige Conventiones macht/ oder
denſelben mit uͤbermaͤſſigen Subarrhation
und Taxation beſchweret. Suͤnde iſt es/
wann Advocaten/ welchen beſchloſſene ſa-
chen zu referiren uͤber geben worden/ was ſie
fuͤr Exceß und uͤbertrettungen in Actis be-
finden/ unter ihrem referiren nicht anden/
und den Richtern anzeigen/ wol gar bekañt-
lich boͤſe Haͤndel coloriren/ und wider wiſſen
und Gewiſſen unterſtehen gut zu machen/
und alſo dem Recht eine waͤchſerne naaß
andraͤhen/ das edle Corpus Juris per acci-
dens zu einem Brief machen/ nach welchem
wie
[186] wie dort bey dem Propheten Zacharia ſtehet/
alle dieb fromm geſprochen werden? Damit
gegen die uͤbertretter gebuͤhrende ſtraffen nit
moͤgen vorgenommen werden.

Die Procuratores belangend/ lauffet
nicht weniger unrechts mit ein/ als bey de-
nen Advocaten; Daß/ wann die bey den
Teutſchen nach der Varianiſchen Victori,
wider dergleichen gefuͤhrte Execution noch
heut zu tag uͤblich waͤre/ manchem das
handwerck erleiden ſolte. Wem ſeine
Seel und ſeligkeit lieb iſt/ der ermeſſe doch
obs recht ſey/ wann ein Procurator dem an-
dern ſeine Parthey abpracticirt/ wider die
Parthey/ die ihme ſache entdecket/ hernach
ſich brauchen laͤſſt/ wol beyden Partheyen
dienet/ oder das jenige/ ſo er von dem grund
und heimlichkeit ſeiner Parthey erlernet/
dem Gegentheil oder deſſen verwandten of-
fenbahret?

Wer ſiehet nicht/ daß unrecht und ſtraff-
bar ſey/ wann ein Procurator ſich von dem
andern ohne vollkommene Information der
ſachen ſubſtituiren laͤſſt/ oder unformliche
mangelhaffte klagen gerichtlich fuͤrbringet/
und nicht dem Advocaten wieder zu hauß
ſchicket/
[187] ſchicket/ auch wol ſeine eigene Producta in-
correct und unlaͤßlich oder auch injurios
und ſchmaͤhaft ſind? Gebrauchet er ſich dann
in fuͤrtraͤgen und Receſſen ſchimpffwort/
und ſonſt unnuͤtzer reden/ ſtumpffiret jemand
ſchrifftlich oder muͤndlich/ ſo wird die ſach ſo-
viel boͤſer/ die ſtraff deſto ſchwerer.

Nicht weniger unrecht iſt es/ wann ein
Procurator ohne rechtmaͤſſige uꝛſachen/ auff-
zuͤg und verlaͤngerung ſuchet/ oder ad peti-
tiones prorogationum, und zu unnothduͤrf-
tiger Summiſſion urſach gibet/ auß faulheit
ſein Protocoll nicht beſichtiget/ ungereimb-
te und voriger Handlung widerwaͤrtige
Receß haͤlt. Und wie endlich nichts ge-
meiners/ als/ daß ſie ſich mit der richterlichen
Tax nicht begnuͤgen laſſen/ ſondern entweder
de quota litis paciſciren/ oder ſonſt unge-
buͤhrliche und beſchwehrliche Conventiones
machen: Als wird GOttes ſcharpffes rach-
Aug ſo viel genauer alles obſerviren/ und
die heimliche bubenſtuͤck und vortheil ſucht
an dem Tag offenbaren/ da alles appelliren/
repliciren/ und excipiren mit dem hoͤlliſchen
Feuer wird beantwortet werden. Ver-
flucht ſey/ wer das Recht deß frembdlingen/
deß
[188] deß Waͤiſen und der Wittwen beuget/ und
alles Volck ſoll ſagen/ Amen: Stehet
Deut. 27/ 19.

Die Partheyen ſelbſt/ Klaͤger und Be-
klagte folgen ſo gar dem Befehl unſers
JESU nicht/ und deſſen vorgeſchriebener
Liebes-Regel/ daß/ wann man was unrecht
iſt andet/ ſie es wol hoͤniſch verlachen und
vor albere einfalt halten doͤrffen. Freylich
gebrauchen die meiſte rechtende der obrig-
keitlichen Huͤlffe nicht anders als zu einem
Jnſtrument ihrer Rachgier/ Unbillichkeit/
und unziemlicher Begierden/ da doch dem
Beleidigten nicht mehr erlaubet/ als ein
ferneren Schaden/ wo er ſo viel werth iſt/
abzuwenden und zu verhuͤten; Hingegen
gebotten/ ſeinen feind inbruͤnſtig zu lieben/
ihme alles guts zu thun/ und vor ihn GOtt
zu bitten/ daß Er ihm die Suͤnde verzeihen
und ihn bekehren wolle. Jch ſage nach-
dencklich/ ſo der ſchade ſo viel werth iſt:
Dann/ daß man umb ein einiges ſchmaͤh-
wort oder unbeſonnene Rede den Naͤchſten
gleich vor Gericht fordert/ oder zugefūgten
geringen ſchadens wegen/ ſo offt dem Be-
leidiger ſelbſt leid thut/ Jnjurien-proceß an-
fanget/
[189] fanget/ iſt wahrhafftig unverantwortlich:
und thut die Obrigkeit ſo ſolche muthwillige
Klaͤger anhoͤret nicht recht/ weil dardurch
die Unterthanen gegen einander entruͤſtet
und verbittert/ in ihren aͤmptern und hand-
thierungen mercklich verhindert/ und mit
recht fertigen in groſſen Unkoſten und viel
Ungemach geſtuͤrtzet werden; Da ſie doch
ſolche unter ſich ſelbſt haͤtten moͤgen beylegen/
oder durch vermittelung ehrlicher Leute/ auch
wol ihres Seelſorgers/ deme ohne das das
Wort der verſoͤhnung gebuͤhret/ koͤnnen ver-
glichen werden.

Der Klaͤger bedencke ſich doch kuͤnfftig/
ehe er vor Gericht gehet/ ob ſein Sach der
wichtigkeit/ daß er klaget/ und erwege/ daß er
auch unrechtes zu erdulden von dem Her-
ren JESU angewieſen ſeyn; Der Ant-
worter entſchlieſſe ſich hingegen auch/ ob er
ſich ins Recht einlaſſen oder weichen wolle:
Gedencke aber allezeit/ daß die bruͤderliche
Verſoͤhnung dem Hoͤchſten angenehmer ſey/
als ſtrenges Recht; Nimmermehr aber ap-
pellire er/ ſeinen Gegentheil der Sachen muͤd
zu machen/ oder abzumattẽ/ oder in hoffnung
zu einem ihme vortheilhafftigen Vertrag
zukom-
[190] zukommen/ ſintemahl ſolches GOTT nicht
wird ungeſtraffet laſſen.

Auch iſt es ein gemeiner fehler/ daß die
eine Parthey/ wo ſie vor der Obrigkeit nichts
hoffet außzurichten/ oder unrecht iſt ver-
dammet worden/ ſich ſelbſt zu raͤchen ſuchet/
oder es dem Naͤchſten nachhaͤlt/ und ſiehet
wie ſie ihm ſo viel gefaͤhrlicher beykommen/
und zu ſeiner zeit es ihm rechtſchaffen vergel-
ten koͤnne; Die es am beſten machen wollen/
befehlen die ſache GOTT dem gerechten
Richter/ nicht/ daß Er ihre feinde etwa be-
kehre/ und ihnen das boͤſe vergebe/ ſondern
mit ewigem feuer raͤche/ und vergelte was
ſie ihm unrechts gethan/ ſo abermahl ſuͤnde/
und deinem taͤglichen gebet zuwider: Ver-
gib uns unſer ſchuld/ als wir vergebẽ
unſern ſchuldigern; O wer die krafft
dieſer Bitt recht erwegete/ dem wird die luſt
zu hadern vergehen.

III. Die heilige Handlungsart/ von denen
leuten Sirach wol geſagt hat/ daß Suͤnde
zwiſchen Kaͤuffer und Verkaͤuffer ſteckt/ wie
der Nagel in der Wand/ zwiſchen zween
Steinen. Daher Jch lang gewuͤnſchet/ daß
dieſen Menſchen/ welche ſo gar ſchwehrlich
ſich
[191] ſich vor unrecht huͤten koͤnnen/ ein wol-
eingerichtetes Chriſten-Model durch den
Druck bekannt gemacht wuͤrde/ damit doch
die bedrohete Zerſtoͤrung ihres Hauſes
moͤge abgewendet/ und der erworbene Se-
gen biß auffs dritte und vierdte Glied ge-
bracht werden. Es wird pag. 42. deß all-
gemeinen ſatzes gedacht/ den Naͤchſten
zu lieben als ſich ſelbſt/ welchen Kauffleute
in ihrem Handel und Wandel behertzigen
ſollen. Jſt wol geredet. Wie aber die
krafft deſſelben von den wenigſten erwo-
gen/ auch nicht allen verſtanden wird/
als waͤre gut geweſen/ wann dieſelbe gleich
daſelbſt erklaͤret/ und allen gezeiget waͤre
worden/ wie fern ſich die abſicht eige-
ner Erhaltung/ und Erwerbung
der Nothhdurfft erſtrecke? Und wie
ſie neben der Liebe deß Naͤchſten beſtehen
moͤge.

Jch gebe meine unmaß gebliche Gedan-
cken daruͤber. Der Menſch iſt von GOtt
zur arbeit geſetzet/ im Schweiß ſeines An-
geſichts ſein Brodt zu ſuchen. Arbeit und
muͤhe iſt das jenige/ durch welches derſelbe
ſeine nahrung ſuchen und erwerben mag.
Dieſe
[192] Dieſe Regul iſt all gemein/ ſoll nun ein Kauf-
mann/ welcher nicht ſtudieret/ kein Hand-
werck erlernet/ und ſich nur bloß auff die ſo
noͤthige als von GOTT erlaubte Hand-
lung geleget/ mit den Seinigen leben/ muß
man ihme goͤnnen/ was wir alle ſuchen/
durch ſeine muͤhe und fleiß die noͤthige Le-
bens-mittel.

Jſt alſo hier der grund aller Handlung
die belohnung ſeiner muͤhe/ arbeit/
und fleiſſes/ zumahlen ohne das der Hei-
lige Geiſt ſagt/ daß ein jeglicher Arbeiter
ſeines Lohns werth iſt. Dieſe muͤhe/ arbeit/
fleiß/ und wie es weiter namen haben moͤch-
te/ muß nun alſofort nach denen noͤthigen
mit einfallenden Umbſtaͤnden erwogen/ und
ſo eingerichtet werden/ daß ſie in den ſchran-
cken der von GOtt ſo hoch gebottenen ver-
gnuͤglichkeit bleibe/ und allein zur nothdurfft
diene.

Darzu ſetze Jch nun 2. das zur Handlung
noͤthige Capital/ welches das Objectum
iſt menſchlicher arbeit/ und in alleweg zu
erhalten/ wo anders der Menſch ſich und
die ſeinige verſorgen und nicht muͤſſig
gehen ſoll.

3. Jſt der allgemeinen Liebes-Regul
nicht zuwider/ daß man die von der Obrigkeit
in anſehung der Handlung auffgelegte Zin-
ſe/ Zoll/ und Schoß/ und was dem anhaͤn-
gig/ wieder fordere: Auch 4. alle nohtwen-
dige Unkoſten auffzeichne/ und das Reſultat
der außgab beyſetze. Hat der Kauffmann
Diener zur Handlung noͤthig/ mag 5. dero
Koſt und Sold mit eingerechnet werden/
auch der Hauß-zinß/ welcher uͤber die ſonſt
zum gemeinen Unterhalt noͤthige bewoh-
nung muß bezahlet werden. Dieſes alles
Capital/ Sold der bemůhung/ herꝛſchafft-
liche Aufflagen/ noͤthige Unkoſten in eine
Summ zuſammen gezogen/ werden die Re-
gul geben/ wie hoch Ehl/ Maß/ Gewicht
im verkauff zu ſchaͤtzen/ ſonderlich aber die
uͤbliche ſo genannte Wechſel vorzuſchieſſen
ſeyen?

Bey dem einkauff waͤre gleich in acht
zu nehmen was vor Waaren an ſich zu er-
handlen. Da Jch dann anfangs rathe/ ſolche
ſich angelegen ſeyn zu laſſen/ welche zu der
Menſchen nothduͤrfftigen Nahrung und
Kleidung dienen/ zum Pracht/ Hoffart
und uͤppigem Leben keine anlaß geben;
JUnd
[194] Und nehme Jch hier ſo gar nichts auß/ daß
auch die Fruͤchten in Handel und Wandel
koͤnnen gezogen werden/ uͤber welchen einige
ſich die gedancken machen/ ſie moͤchten der
Leute fluch auff ſich laden/ wann ſie ſelbe zur
kauffmañſchafft ziehen; Aber nit der frucht-
handel/ ſondern der zum uͤberſatz gerichtete
vorenthalt ziehet den fluch nach/ wann man
Salomons Wort recht verſtehen wil.

Wie man aber nicht alles an einem Ort
findet/ ſondern reyſen noͤhtig ſind/ als haͤtte
2. der Chriſtliche Kauffmañ dahin zu ſehen/
daß er ſeine Unkoſten durch uͤbermaͤſſiges
Eſſen und Trincken/ verbottenes Spielen/
verdammliches Huren/ und langſame Con-
duit nicht vergroͤſſere/ ſondern denen Chriſt-
lichen Reglen gemaͤß/ alles kluͤglich und ruͤ-
ſtig dirigire.

Ein ſchoͤner und zu deß Naͤchſten beſten
gedeylicher Vortheil ſind die bey Kauffleu-
ten bekannte Commiſſiones, da man zu
erſparung vieler Unkoſten/ durch redliche
Leute kauffen und verkauffen laͤſſt/ was nicht
eben allezeit der Kauffmann ſelbſt beſtel-
len kan/ und vor die Proviſion oder Be-
muͤhung nach Gelegenheit der Waaren
vom
[295[195]] vom hundert zwey/ ein/ auch wol nur ½ gibt/
und hinwieder gleiches nimmet: Wann nur
dahin geſehen wird/ daß auch bey denen/
welchen man ſich vertrauet/ aller betrug un-
terlaſſen/ und gewiſſenhafft was jeglichem
vertrauet außgerichtet wird. Ein Com-
miſſions-Betrug iſt/ wann man erſtlich
nicht nach den beſten Waaren ſihet/ ſondern
deß ſeinigen/ zum Exempel/ Weins/ ꝛc. loß
zu werden/ gleich ſchlimmes kauffet/ oder
mit dem guten vermiſchet. 2. Wann hazard
an die hand kommet/ daß ich bey denen kauff-
manns-formulen bleibe/ und man in wol-
feilern Preiß als Current iſt/ die Waaren
zwar einkauffet/ dem Principalen aber den
Current-Preiß in Rechnung bringet.
3. Wann gleich nach dem einkauff ein un-
verſehener auffſchlag kommet/ ſelben ihme
und nicht dem Principalen zuwachſen laͤſſt.
Jm verkauffen wird betruͤglich gehandelt/
wann einem Gut in Commiſſion hinterlegt
wird/ und ſelbiges im Current-Preiß/ bald
aber oder uͤber lang ein auffſchlag drein kom-
met/ er dann ſeinem Principaln ſchreibet/ das
Gut ſey verkaufft/ da ers doch vor ſich behaͤlt/
und den beſten Nutzen neben der Proviſion
vor ſich ziehet/ und dann nicht an Tag gibet
J 2was
[196] was er Species empfangen/ ſondern geringe
Muͤntze liffert/ und was der Vortheil mehr
ſind/ die mir nicht alle bekannt/ und daher
wieder zu meinem Chriſtlichen Kauffmann
mich wende.

Bey deſſen einkauff der Waaren er
ferner beobachten muß/ daß er nicht verle-
gene/ verdorbene/ ꝛc. Waaren in geringem
Preiß erkauffe/ und vor gute dem Naͤchſten
auffbuͤrde/ ſondern wie wir uns alle das
beſte wůnſchen/ ſo muͤſſe es auch dem neben-
Chriſten zu verlaſſen erkaufft werden. So
es nun Kauffmanns Gut iſt/ ſo iſt in wahr-
heit unverantwortlich/ wann man es dem
ſo es feil bietet/ umb ein geringes abſchwatzet/
wider beſſeres wiſſen und gewiſſen verach-
tet/ und nicht in dem Preiß bezahlet/ als
es von dir ſelbſt werth erachtet wird.
Endlich iſt bey denen Kauffleuten auch in
uͤbung/ daß ſie von groſſen Herren und
Reichs-Staͤnden gemuͤntztes Geld umb
harte Sorten erkauffen/ da dann in warheit
gar genau in acht zu nehmen/ daß ja der
Naͤchſte in Schrot/ Gewicht/ falſchem Zu-
ſatz damit nicht betrogen/ weniger denen
Staͤnden ſelbſt zur verfaͤlſchung anlaß
gegeben
[197] gegeben werde. Findet der Kauffmann in
der prob/ ohne welche er ja keine Muͤntz an
ſich erhandlen wolle/ dieſelbe nach deß Reichs
ſchrot/ und der Gerechtigkeit nicht eingerich-
tet/ ſo iſt er in ſeinem Gewiſſen verbunden
ſelbe zu verwerffen/ damit er zu der diebi-
ſchen Kuͤpperey nicht mit wuͤrcke/ und vielen
tauſenden/ zwar mehrentheils Armen/ un-
recht geſchehe.

Das ſetze Jch noch hierbey/ weilen Kauff-
lent jeweilen nach dem einkauff in ungluͤck
ſo zu Waſſer als Land gerathen/ ob ſie den
ſchaden an dieſen Waaren erlitten auff
andere ſchlagen koͤnne? Und antworte in
einer gegen-frag; Ob ſein Neben-Chriſt
der keinen Handel treibet/ ſondern etwa ein
Gelaͤhrter oder Ackersmann iſt/ wann er in
verluſt Hauß und Guͤter kommet/ mit gu-
tem gewiſſen fordern koͤnne/ daß der Kauff-
mann ihme ſeine Schrifften/ oder Fruͤchten
theurer bezahle/ und den verluſt Hauß und
Guͤter darauff ſchlage? Du ſageſt nein.
Was du nun wilt/ das dir nicht geſchehe/
das ſolt du andern auch nicht thun. So
ſind ja Kauffleute auch Chriſten/ nun bringt
ja der Chriſten-ſtand nicht lauter Gewinn
J 3mit
[198] mit ſich/ eitel freud und uͤberfluß/ ſondern
auch verluſt/ truͤbſal/ und mangel/ warumb
wolte dann ein Kauffmann ſeinem GOtt zu
ehren nicht auch/ was andere/ erdulden/ und
den naͤchſten mit frem̃dem Creutz zu beſchwe-
ren ſuchen? Die unbefugte eigennuͤtzige vor-
und alleinkauff ſind auch dem gemeinen we-
ſen nit nur hoͤchſtſchaͤdlich/ ſondern der Goͤtt-
lichen Liebes-Regel gantz zu wider.

Bey dem einkauff iſt wiederumb ein
unterſcheid zu machen unter denen Waaren/
welche zur nahrung und nothdurfft dienen/
und welche zur uͤppigkeit und pracht koͤnnen
mißbrauchet werden/ auff dieſe muͤſte man
proportionaliter allezeit den obgemelten
außtheiler groͤſſer machen/ uñ mehr ſchlagen/
als auff die ſo zur Nahrung und Kleidungs-
notturfft dienen. Da dañ denen Chriſtlichen
Kauffleuten zuſtuͤnde/ jederman ſelbſt zu ra-
then/ was ſich nach ihres Standes-gebuͤhr
und vermoͤgen am beſten ſchickte/ und ihnen
nuͤtzlich waͤre. 2. Erfordert die Chriſtliche
klugheit die jenige Waaren/ ſo etwa leicht
verligen/ oder verderben moͤchten/ in beſſerm
Preiß zu verkauffen/ als andere ſo laͤnger
dauren moͤgen: darmit weder Kauffern noch
Verkauffern muhtwilliger ſchade zugefuͤget
werde.
[199] werde. 3. Muͤſten keine Waaren auf theuꝛung
gehalten/ ſondern nach deß Naͤchſten erfor-
derter nothdurfft jederzeit in dem Preiß ver-
laſſen werden/ als droben in der Tax - ord-
nung angefuͤhret worden: ſonſt hier gilt was
Salomon ſagt/ Prov. 16. Wer Korn/
unter welchem wort alle andere zur noth-
durfft gehoͤrige ſachen verſtanden werden/
auff haͤlt/ dem fluchen die leute.

4. Haͤtte man ſich ja vorzuſehen vor fal-
ſcher Muͤntz/ umbſchlag und einmiſchung
deß boͤſen Gelds/ Maaß/ Gewicht/ und Ehl/
welche alle dem HErꝛn ein Greuel/ Prov. 11.
Dahin auch zu ziehen/ daß man mit auffluͤck-
len deß Saltzes/ ꝛc. Luc. 6/ 38. ſtehet: das maß
ſoll gerůttelt und geſchuͤttelt ſeyn/ außdoͤh-
nung deß Leinwads/ ꝛc. verkleiſterung und
verbergung deß ſchadhafften/ verkleiſterung
und anſtreichung deß verlegenen/ betriegliche
verlegung deß beſten oben/ deß ſchlimmeſten
mitten oder untẽ/ verdunckelte gewoͤlb/ falſch-
gefaͤrbte Tuͤcher und Seidenwaaren nicht zu
erkennen/ auch wol befeuchtung der Waaren
daß ſie ſchwer werden/ und andern fuͤndlein
den Kauffer nit betriege/ und durch uͤbertret-
tung Goͤttlichen Gebotts/ Prov. 23. ſeine
ſchwere ungnad auff ſich lade.

5. Sollen die Waaren keines wegs ver-
faͤlſchet/ vermiſchet/ ſondern ſo gut als im-
mer moͤglich ihrer Natur nach verkauffet
werden. Und dann ſollen Chriſtliche Kauff-
leute denen nothduͤrfftigen das nichtswerthe
nicht einſchwaͤtzen/ mit vielem verſchweren
vor gut verkauffen/ auch nicht mit Luͤgen
und ſchweren vorhalten/ ob koſtete es ſie
ſo und ſoviel/ darunter ſie es nicht laſſen
koͤnnten; Welches/ wie gemein es iſt bey
Kauffleuten/ ſo groſſe ſuͤnde iſt es auch/
welche doch von den wenigſten ihre gantze
Lebens - zeit bereuet worden. Wer Schaͤtze
ſamlet mit Luͤgen/ der wird fehlen/ und fallen
unter die ſo ſeinen todt ſuchen/ ſagt Salomo
Prov. 20. 6. Jſt wider alle Chriſtliche
billichkeit/ von denen nicht gleich bezahlten
Waaren dem nothduͤrfftigen Kaͤuffer zinß
abzufordern/ weilen was allen Menſchen
gebotten/ ja auch Kauffleute thun/ und denen
nothduͤrfftigen umbſonſt leyhen ſollen/ auch
ohne das der obbenannte erlaubte gewinn
ſchon in Waaren ſtecket: Hab gedult mit
deinen Naͤchſten in der noth/ und thue das
Allmoſen darzu/ daß du ihm zeit laſſeſt/ er-
mahnet Sirach im 29. Capitel.

Wie aber an GOttes Segen alles ge-
legen/ als hat ſich der Kauffmann darumb
ſonderlich zu bemuͤhen. Gottſeligkeit halte
Jch vor das vornehmſte ſtuͤck/ das den Ge-
winn nach ſich ziehet; Da ingegen in dem
einkommen deß gottloſen eitel verderben iſt/
nach Salomons lehr/ Prov. 15. Daher Jch
Kauffleuten hertzlich rathe/ fleiſſig zu beten/
vor alles gute deß Herren jederzeit mit
geiſtlichen lieblichen Liedern zu dancken/ vor
ſchweren ſuͤnden ſich zu huͤten/ ihrem Hauß
wol vorzuſtehen/ ſonderlich aber denen Ar-
men und Nothleidenden gutes zu thun;
Und wie das gebet der Gerechten viel ver-
mag/ als ſollen ſie ſich ſonderlich angelegen
ſeyn laſſen gerechte Prediger/ fromme
Studioſos, und etwa betraͤngte Chriſten/
ſelben wo nicht alles umbſonſt doch ohne
eintzigen Gewinn was zu ihrer Nothdurfft
dienet/ zu uͤberlaſſen/ welches in ihrer Hand-
lung handgreiflichen Segen bringen wird.
Thue den Frommen gutes/ ſo wird dirs
reich vergolten/ wo nicht von ihnen/
ſo geſchiehet es gewißlich vom Herren/
bezeuget und rathet Sirach/ Capitel 12.
verſ. 2.

Die 2. Tugend eines Kauffmanns/ der
GOttes Segen erhalten wil/ iſt die Ver-
gnuͤglichkeit. Bemuͤhe dich nicht reich
zu werden/ und laß ab von deinem fuͤndlein/
ſagt Salomo/ Prov. 23. Mancher laͤſſts ihm
ſauer werden/ und eilet zum Reichthum/ und
hindert ſich nur ſelbſt damit/ dargegen thut
mancher gemach der wol Huͤlffe beduͤrffte/
iſt darzu ſchwach und arm/ den ſihet GOtt an
mit Gnaden/ und hilfft ihm auß dem elend/
und bringet ihn zu ehren/ daß ſich ſein viel
verwundern. Lieſe bey dem Sirach im 11.
Capitel.

3. Kluge vorſichtigkeit. Wer im
Sommer ſamlet der iſt klug/ ſagt Salomo/
Prov. 14. GOTT kan wol leiden/ daß man
Zeit/ Ort/ und Gelegenheit beobachtet/ wol-
feil einzukauffen/ wañ es nur in ſeiner furcht
geſchiehet/ und nach der Liebes - regul zu deß
Naͤchſten beſten gedeyet; Auch mag man das
ſeinige zu rath halten/ doch/ daß man darvon
ſich ſelbſt auch gutes thue. Sir. 14.

4. Fleiß und Embſigkeit. Einem
laͤſſigen geraͤth ſein Handel nicht/ aber ein
fleiſſiger wird reich werden. Prov. 20. Nur/
daß man ſich huͤte/ daß ja umb deß Handels
und
[203] und wandels willen/ der ſo hochgebottene
Sonntag nicht entheiliget werde/ auff wel-
chen fall der Herr allen Segen zu entziehen
bedrohet hat.

5. Demuht/ daß man ſich deß Goͤtt-
lichen Segens nicht uͤberhebe/ den Neben-
Chriſten verachte/ oder den Reichthumb
zu Augen - und Fleiſches - luſt/ auch hof-
faͤrtigem Leben gebrauche/ welcher Hoch-
muht die beruͤhmteſte Kauffleute zu Tyro
und Sidon geſtuͤrtzet/ deren Straff -
Exempel dir zur warnung ſtehen/ Ezech. 27.
Capitel.

Daher Jch auch 6. nicht rathe/ daß Kauff-
leute/ wann ſie geſegnet/ auß ihrem Beruff
gehen/ und ſich adlen oder in Herren - ſtand
erheben laſſen/ wol aber ſich zur ruhe begeben
koͤnnen/ nach Sirachs Lehr/ Cap. 31. Der
iſt reich der da arbeitet/ und ſamlet Geld/ und
hoͤret auff/ und geneuſt ſein auch.

Zu der Handlung ziehe Jch etlicher maſ-
ſen die Wirthſchafften/ bey denen ſo viel
ſuͤnden ſich finden/ daß Jch bedencken tra-
ge/ bey dieſen gottloſen zeiten einem From-
men zu rathen/ Wirthſchafft zu treiben;
Dann indem er einmal der frembder Laſter/
J 6Suͤnd
[204] Suͤnd und nntugenden/ wann er gleich ſein
von GOtt ihm anbeſohlenes prieſterliches
Ampt beobachten ſolte/ nicht allezeit aͤndern
kan/ ſondern allerhand unzuͤchtige Reden/
fluchen/ ſchweren/ raſſeln/ und viel anders
hoͤren muß/ und die zarte Jugend der Gaͤſte
allerhand ſeltzame auffzuͤge mit wincken/
deuten/ ſpielen/ huren/ ꝛc. ſiehet; So kan
nichts anders als aͤrgernuͤß darauff folgen.
Daher Jch wuͤnſchen wolte/ daß zur zierde
unſerer Evangeliſchen und nachfolg der al-
ten Chriſtlichen Kirchen/ die ſo hoch beliebte
und gelobte Gaſt - freundlichkeit unter uns
allen wieder eingefuͤhrt moͤchte werden/ da
von jeglichem fromme frembde mit - Chri-
ſten oder Glaubens - genoſſen ruͤhmlich auf-
genommen/ mit nothduͤrfftiger Speiß und
Tranck verſehen/ und mit gebuͤhrlicher Ruhe
erquicket wuͤrden.

Wie aber noch zur zeit ſchlechte Hoff-
nung derſelben ſich blicken laͤſſet/ und zu
fortführung Handel und Wandels in der
Welt/ die Wirthſchafften fortgefuͤhret muͤſ-
ſen werden/ ſo werden Chriſtliche Wirth
ermahnet/ auch in dieſem ſtuͤck ihre Se-
ligkeit mit furcht und zittern zu wuͤrcken/
daß
[205] daß ſie die Gaͤſte ja nicht uͤberſetzen oder
ſchinden/ ſondern auff die außlagen nur das
ſchlagen/ was die angewendete Muͤhe der
Haußgenoſſen erfordert/ wie dann die arbeit
und bemuͤhung/ daß einige Mittel ſind/
darvon GOtt denen Staͤnden ins gemein
deß Lebens Unterhalt und Segen verord-
net hat.

So iſt der Wirth 2. in ſeinem Gewiſſen
verbunden/ denen Gaͤſten ihre Suͤnden/
muhtwill/ ꝛc. beſcheidentlich vorzuhalten/
und ſie zum guten zu ermahnen/ auch auff
den verweigerungs-fall ihnen das Loſament
und Tiſch auffzukuͤndigen: Und wie 3. faſt
Landbraͤuchlich werden wil auff die heilige
Sonntage in Wirths - haͤuſern zu ſpielen
und zu ſauffen/ waͤre mein rath/ dieſem boͤ-
ſen ſo zu ſteuren/ daß der Wirth von Gottes
wegen denen Gaͤſten die unfug vorhielte/
und wo ſie darauff ſich von ſelbſt nicht aͤnder-
ten/ keinem einheimiſchen etwas in geſell-
ſchafft/ Frembdlingen aber nur was zur
bloſſen Nohtdurfft dienet/ reichete. Wie
dann 4. ohne dem denen Gaͤſten nicht mehr
ſolte vorgeſetzet werden zu jeden zeiten/ als
was Standes - gebuͤhr jeglicher zu ſeiner
J 7Nah-
[206] Nahrung bedoͤrfftig/ und iſt das unverant-
wortlich/ wann umb deß nutzens oder ab-
gangs willen denen leuten mehr Weins ge-
geben wird/ als die Natur ertragen kan: Da
bey erfolgten todsfaͤllen/ dergleichen wir in-
nerhalb wenig zeit dieſer Orten drey gehabt/
die Blutſchulden auff den Wirth und ſeine
Kinder kommen biß ins dritte und vierdte
Glied. Deut. 22, 8.

5. Jſt die denen Kauffleuten ins gemein
gegebene warnung hier zu wiederholen/
daß man die Speiß und Tranck ihrer natur
nach/ ſo gut und friſch als ſie GOTT ge-
ſchaffen und zur geſundheit dienen/ dem
Neben-Chriſten vorſetze und zu genieſſen
aufftrage/ nicht aber verfaͤlſche/ vermiſche/
oder ſonſt unkraͤfftig mache; 6. Jſt es in
Wirthshaͤuſern gar gemein/ daß man den
Gaͤſten mehr auffrechnet als ſie verzehrt
haben/ auch wird jeweil gar etwas dem
Frembdling entwendet/ dem Vieh das
ſchon verrechnete futter entzogen/ ꝛc. Sind
lauter Diebs - griff/ welche GOTT nicht
ungeſtrafft wird laſſen. 7. Sehe Jch ſo
gar ungern/ daß ſie in ihren außgehenck-
ten Schilden die Namen der Heiligen
Drey-
[207] Dreyfaltigkeit/ Heiligen Geiſtes/ En-
gel/ Kirch/ ꝛc. fuͤhren/ auß welchen deß
Wirths profanes gemuͤht leicht zu erken-
nen iſt.

Bey denen Handwercks - leuten
gehen nicht weniger Suͤnden im ſchwang/
welche unter dem unchriſtlichen Namen
Handwercks - vortheil/ gleichſam von nie-
mand wahrgenommen/ weniger beſtraffet/
am wenigſten von Meiſter und Geſellen
bereuet werden: Wie aber deren eine faſt
unzehlbahre menge/ als muͤſte Jch gantze
Buͤcher ſchreiben/ wann einem jeglichen
ſeine Griff zu gemuͤth fuͤhren/ und was
hingegen Chriſtlich waͤre/ anzeigen ſolte:
Daher Jch es nur bey denen general Reg-
len/ ſo ſich auff die meiſte ſchicken werden/
wann man der ſach in der furcht deß Her-
ren nur etwas weniges/ zu ſeiner noͤthi-
gen Buß - uͤbung/ nachdencken wil/ bewen-
den laſſe.

Allen Handwercks - leuten ins gemein iſt
erlaubet/ im ſchweiß ihres Angeſichts mit der
Hand - arbeit ihr Brodt zu ſuchen/ und das
zu gewinnen was zur Chriſt - vergnuͤglicher
Hauß-
[208] Haußhaltung noͤthig iſt; Dahero ein jegli-
cher nach gelegenheit ſeiner muͤhe ſich ſelbſt
den Taglohn gewiſſenhafft ſetzen/ und ſelben
auff die Waaren ſchlagen mag; Demnach
auch 2. einige Handwercker groſſe anlag
erfordern/ præſupponire Jch allezeit/ daß
man ſelbe mit allen uͤbrigen zu deß Hand-
wercks fortgang noͤthigen Unkoſten wieder
einziehe/ doch dieſelbe ſo moderire/ daß die
Reglen der bloſſen nohtwendigkeit nicht
uͤberſchritten werden. Wie aber 3. ohne
gruͤndliche wiſſenſchafft nichts rechts auß-
gefuͤhrt kan werden/ als iſt vor allen dingen
noͤthig/ daß man die Eltern erinnere/ ihre
Kinder dahin anzuhalten/ daß ſie ja was
ſie lebenslang treiben wollen grůndlich er-
lernen/ und den verſtand folgends in Muͤſ-
ſiggang nit erroſten laſſen/ auch in Handwer-
cken ſonderlich deren vortheil hafftige wiſſen-
ſchafft dem neben - menſchen groſſen nutzen
bringen kan; Und waͤre hier ſehr nuͤtzlich/
daß man gleich ſo bald das Kind ſeine Ge-
müths - neigung den Eltern eroͤffnet/
oder ſie ſelbſt darauff gute acht gegeben/ ſich
nach denen beſten Meiſtern umbſehe/ bey
denen man die Lehr - und Wanders - Zeit
uͤber
[209] uͤber alles erforſchen und mit fleiß erlernen
moͤchte.

Chriſtliche Lehr - meiſter haͤtten 4. gleich
mit der Kunſt ihren Jungen beyzubringen/
daß ſie ja der Diebs - grieff/ welcher man in
Handwercken hin und wieder gewohnet iſt/
keinen verüben/ das iſt/ die Materialien/
Gold/ Silber/ Zinn/ oder was einen verbor-
genen zuſatz leyden mag/ nicht vermiſchen/
falſches verbrandtes oder verlegenes vor
gutes vtrkauffen/ das mangelhaffte verklei-
ſtern/ geſtuͤckeltes anſtreichen/ weniger von
deß Naͤchſten ihnen zu treuen haͤnden befoh-
lenen Gut etwas entwenden/ noch das ge-
ſtolene umb geringes Geld erkauffen und
verarbeiten/ oder durch ihre Hand - arbeit
denen Dieben huͤlffliche befoͤrderung thun/
ſo auch ſonſt das Lohn nicht offt veraͤndern/
die Leute lang auffhalten und uͤberſetzen/ die
arbeit unfleiſſig und liederlich verfertigen/ ꝛc.
welches lauter Dinge ſind/ dardurch die
Handwercker in ſchand/ ſchimpff/ und Got-
tes ungnad/ der neben-menſch aber in ſcha-
den geſetzet werden.

Ein groſſer fehler iſt auch ſonſt bey denen
Handwerckern/ daß ſie 5. ſo gar neidiſch
und
[210] und miß guͤnſtig gegen einander ſind/ die von
GOtt ihnen gegoͤnnete Kunſt-handwercks-
vortheil dem Naͤchſten entziehen/ wol ehe ſich
toͤdten lieſſen als dieſelbe offenbahrten; So
goͤnnet auch keiner dem andern ſein auff-
kommen/ ſondern wil alles in allem ſeyn/ den
zuſchlag allein haben/ und bedencken ſo gar
nicht/ was Johannes ſaget: daß Chriſten/
ſo durch das Blut JEſu Chriſti von ihren
ſuͤnden wollen gereiniget werden/ gemein-
ſchafft unter einander haben ſollen.

6. Jſt nichts gemeiners bey denen Hand-
wercks - leuten/ als/ daß ſie den lieben und
zur heiligung deß Gemuͤths/ Seele/ Geiſtes
abſonderlich verordneten Sonntag mit ihrer
arbeit entheiligen/ oder doch die verfertigte
hin und wieder tragen/ verhandlen/ mit den
Leuten abrechnen/ geld einnehmen/ und was
der ſuͤndlichen Dinge mehr ſind: Da doch
GOTT gebotten/ daß ſie von ihrem Thun
ſollen laſſen ab/ daß Er ſein werck in ihnen
hab. Noch ferner iſt den Handwercksleuten
nicht zugeſtatten/ daß ſie ſich mit einander
vereinigen/ die gemachte aꝛbeit nit naͤher oder
weniger zu verkauffen und außzufertigen/ als
nach ihrer eigenen unterredung und belieben/
als
[211] als wordurch ſchaͤdlicher auffſchlag und ſtei-
gerung verhuͤtet wird: Jtem/ daß einer dem
andern die Kunden abpracticire.

Von Acker-und Bauersleuten waͤre auch
zu reden/ wo wir nicht die weitlaͤufftigkeit
ſcheueten: Jedoch ſoll billich dieſe von vielen
unerkannte ſuͤnde nicht ohngeandet gelaſſen
werden/ wo ſie unredlich mit ihren Lehen-
Herren theilen/ Guͤlten und Zinß nicht nach
der Proportion deß einkommens abſtatten/
ſondern allerhand unziemliche unmerckſame
vortheil brauchen.

Endlich wird pag. 42. in dem gemeinen Le-
ben noch verlanget die nohtwendige Guͤter
gemeinſchafft/ krafft deren ein jeglicher
Chriſt verpflichtet iſt/ zur Ehre deß himme-
liſchen Hauß-Vatters und ſeiner Mitknecht
nothdurfft/ das ſeinige/ als ein gemeinſchaft-
liches Gut darzu geben/ ſo offt es die Liebe
und nothdurfft erfordert. Wird wol recht
daſelbſt eine frembde Lehr genennet/ wel-
che den meiſten gantz laͤcherlich vorkommen
wird/ ſo bißdaher dem Nothdürfftigen nicht
auders geholffen/ als daß ſie ihm ein und an-
dersmal einen Heller/ oder ſtuͤcklein Brods/
auch wol mit unwillen zu zeitẽ dargeworffen/
oder doch die außgabẽ nur auß dem überfluß/
nicht
[212] nicht aber/ daß ſie es in ihrer nahrung merck-
lich geſpuͤret/ hergenommen haben; Und iſt
dannoch die noͤthigſte folge der Chriſtlichen
Liebe/ und in der Erſten Kirchen durch und
durch geweſen.

Nicht zwar die muhtwillige Bettler da-
mit zu verpflegen; Dann Jch es vor eine
groſſe ſuͤnde halte/ daß junge Kinder/ er-
wachſene Leute/ ſtarcke Geſellen und Maͤgd/
aͤuſſerlich gebrechlich ſcheinende/ unſer All-
moſen bekommen/ und dardurch von der in
GOttes Wort ſo hoch befohlenen arbeit/
damit ſie ſich gleich andern Menſchen erneh-
ren ſollen/ abgefuͤhrt/ zum muͤſſiggang und
daher entſpringenden vielen ſuͤnden veran-
laſſet werden; Sondern da ſolten ſolche
Leute/ wie anderswo loͤblich geſchiehet/ in
gewiſſe Haͤuſer auffgenommen/ junge Kna-
ben zu Handwercken/ und guten Kuͤnſten
angefuͤhrt/ die Maͤgdlein angewieſen wer-
den/ daß ſie mit Woll und Flachs umb-
giengen/ ihre Haͤnde nach dem Rocken
ſtrecken/ und mit den Fingern die Spindel
faſſen lernen/ Decken machen/ Guͤrtel ſti-
cken/ und dergleichen Werck uͤben/ dar-
von Tugendſame Weiber lob bekommen/
und
[213] und gerūhmet werden/ welches dann auch
dieſen nutzen nach ſich ziehen wuͤrde/ daß
Kinder und Geſind irriger Religion durch
die ſolchen Haͤuſern vorgeſetzte/ oder deß
orts gottſelige leute/ zu unſerer allein - ſelig-
machenden Religion bekehret/ im Chriſten-
thum unterrichtet/ und auff ſolche weiſe
die Kirch herꝛlich koͤnnte erweitert werden.
Gebrechliche und alters halben unvermoͤg-
liche Leute ſind Chriſten zu unterhalten/
auch denen/ ſo durch Ungluͤck in abgang
ihres Handels und Wandels/ folglich der
nahrung kommen/ auffzuhelffen ſchuldig/
und iſt es freylich ein groſſer ſchandfleck
unſerer Chriſtlichen Kirchen/ daß dergleichen
unter uns herumb gehen muͤſſen/ und auff
vieles winſeln und bitten an manchem Ort
kaum das taͤgliche Brodt erbettelen moͤgen;
Andere auß ermangelung der Liebes - tha-
ten/ in keine ſolche noth zu gerathen/ faſt zur
ſuͤnden in ihrem Handel und Wandel ge-
zwungen werden.

Da ſolten nun Chriſtliche Obrigkeiten/
und Vorſteher/ nach dem Exempel Amaſis
Koͤnigs in Egypten/ (welcher alle Jahr ſei-
nen Unterthanen und Beyſaſſen in Staͤtten/
Doͤrf-
[214] Doͤrffern/ und Fleckẽ/ vor ihrer ordentlichen
Obrigkeit auff einen gewiſſen Tag zu erſchei-
nen Befehl ertheilt/ ihnen rechenſchafft zu
geben/ ob und womit ſie ſich ernehren und
außbringen koͤnnen) ſich die benamen und
anmelden laſſen/ welche unter ihnen noth-
duͤrfftig ſind: Daß nachgehends unter denen
Glaubigen eine ſolche ſammlung geſchehen
moͤchte/ welche zu erziehung/ auffnehmen/
und außhelffung armer Waͤiſen und Wit-
tiben/ Nothleidender und Betrangten er-
klecklich waͤre/ und das waͤre dann eine art
der alten Guͤter gemeinſchafft unter uns/
nach dem Exempel der Kirchen in Mace-
donia und Achaja, darvon Rom. 15, 26.
Corinthus und Galatia, 1. Cor. 16, 1. welche
auß der bruͤderlichen Lieb flieſſe: krafft deren
die Armen kein andere beſchwerde/ als daß
ſie nicht auß eigenen Mittlen/ ſondern ihrer
Bruͤder Handreichung lebeten/ und die
Reiche dieſen Nutzen haͤtten/ daß ſie nach
ihrer Chriſten - Pflicht die arme Haußge-
noſſen ihres himmeliſchen Vatters verſor-
geten/ mit dem uͤberfluͤſſigen Reichthum das
Gewiſſen nicht beſchwerten/ und einen ſchatz
im Himmel ſich ſamleten/ deſſen ſie ſich ge-
troͤſten koͤnnten in Ewigkeit.

Wie aber dieſes uñ unermeßlich mehr guts
bißher von uns/ die wir Chriſten heiſſen/ und
nach Lutheri Nam gantz lauter ſeyn ſolten
in der wahrheit unterlaſſen; Hingegen ſo viel
ſchwehre ſuͤnden und gottloſes weſen in al-
len Staͤnden veruͤbet wird/ als erhellet ſon-
nenklar wahr zu ſeyn/ was pag. 49. nach-
dencklich erwieſen wird/ daß der Glaub/
welchen der groſſe Hauff auff der zungen
fuͤhrt/ gar nit der ſeligmachende Glaub/ ſon-
dern ein ſchrecklicher betrug deß teuffels ſey/
und mehr Menſchen zur verdamnuͤß fuͤhre/
als jemahl ſeit Chriſti zeiten eine Kaͤtzeriſche
lehr gethan. Wir wiſſen/ mag Jch wol mit
Paulo ſagen/ daß die Lehr recht iſt/ das aber
iſt unrecht und verdam̃lich/ daß man derſel-
ben ſo gar nicht recht brauchet. Dann/ wann
der Glaub/ welchen der H. Geiſt in der Tauff
in dem Menſchen anzuͤndet/ ein ſolch goͤttlich
werck iſt/ das uns wandelt und neugebieret/
den alten Adam toͤdtet/ und gantz ein andern
Menſchen von hertzen/ muht/ ſinn und allen
kraͤfften machet/ daß er ſeine gantze lebenszeit
dem teuffel und allem ſeinem weſen abſaget;
Wann der Glaub/ welchen das H. Abend-
mahl in uns mehret/ ſo thaͤtig iſt/ daß er
das
[216] das gedaͤchtnuͤß der Communicanten auff
die erbauliche betrachtung deß Leydens un-
ſers JEſu von allem boͤſen und ſuͤndlichen
Luͤſten abfuͤhret: Wann der Glaub welchen
das gepredigte GOttes Wort ſtaͤrcket/ die
krafft hat/ daß ein Menſch GOttes dardurch
vollkommen kan werden/ zu allen guten
Wercken geſchickt/ und die Predigt von
GOttes Guͤte zur Buſſe leitet/ die Lehr von
JEſus Tod und Leyden die ſuͤnde toͤdten
ſoll ſampt den luͤſten und begierden/ die ver-
kuͤndigung der heylſamen Gnade GOttes/
von außgieſſung deß Heiligen Geiſtes uns
zuͤchtiget/ daß wir ſollen verlaͤugnen das
ungoͤttliche Weſen und die weltliche Luͤſten/
und zuͤchtig/ gerecht/ und gottſelig leben/
ſo muͤſſen ja die der Lehr nicht recht brauchen/
die den ſeligmachenden glauben nicht ha-
ben/ welche in ſuͤnden wider gewiſſen le-
ben/ auch nicht einmahl den vorſatz haben/
dieſelbe ernſtlich abzuſtellen/ und deß armen/
ſanfftmuͤhtigen/ demuͤhtigen/ und gedultigen
Lebens unſers JESU ſich zu befleiſſigen.
Wann das ein Zeichen ſeyn ſoll/ daß der
Geiſt der JEſum von den Todten auffer-
wecket hat in dem Menſchen wohne/ ſo deſ-
ſelben
[217] ſelben ſterblicher Leib lebendig gemacht wird/
daß er nicht nach dem Fleiſch mehr wandele/
ſondern gantz geiſtlich geſinnet/ der Gerech-
tigkeit JEſu CHriſti ſich befleiſſige/ in kind-
lichem vertrauen beſtaͤndig bete/ dieſer zeit
Leyden mit hertzlicher freud und gedult er-
trage/ nach dem Himmel einig und allein
verlange/ und in allem dem Ebenbild deß
Sohnes GOttes gleich zu werden ſich be-
ſtrebe/ auch nimmermehr ſich von der Liebe
JESU etwas trennen laſſe; Wie es dann
ein gewiſſes Zeichen iſt/ nach den theuer und
werthen Worten Pauli in dem guͤldenen
achten Capitel an die Roͤmer: O wie wenig
werden dann unter dem ſo groſſen hauffen
der genannten Chriſten den Geiſt GOttes
in ihnen wohnend haben? Weil ſie ſo gar ein
unchriſtliches leben fuͤhren/ welches in allen
ſtuͤcken von der Regul abgehet.

Nun haͤtten dieſe Leute von GOttes ſei-
ten nach ſeiner hertzlichen Barmhertzigkeit
noch mittel ſolchen wahren und ſeligma-
chenden Glauben zu erlangen: Sein heili-
ges Wort wird ja noch mit groſſen Schaa-
ren der Evangeliſten geprediget/ ob wol Jch
nicht in abred bin/ daß deren nicht wenig
Kein
[218] ein gantz falſches Evangelium fuͤhren/ und
und die Leute dardurch nur ſicher machen/
nicht aber zur taͤglichen ertoͤdtung deß al-
ten Menſchen anfuͤhren/ ſondern ſolche Lehr
eine laſt nennen/ welche weder wir/ noch un-
ſere Vaͤtter haͤtten tragen koͤnnen; Dan-
noch ſind viel andere/ welche allen Rath
GOttes zur Menſchen ſeligkeit offenbaren/
und ſolche heimliche und verborgene weiß-
heit verkuͤndigen/ welche GOTT verordnet
hat vor der Welt zu ſeiner Herꝛlichkeit.
So flieſſet auch noch der Goͤttliche Blut-
born im heiligen Abendmahl/ krafft deſſen
die Suͤnder von ihren miſſethaten gerei-
niget/ und zu einem geiſtlichen Leben koͤn-
nen erneuert werden. Aber/ es ſey GOtt
geklagt in Ewigkeit! da muͤſſen fromme
Hertzen mit tieffeſtem Seelen - ſchmertz
wahrnehmen/ wie die meiſte laut deß
pag. 52. ſich einbilden/ ihr gantz Chriſten-
thumb ſtehe darinn/ und alsdann haͤtten
ſie dem Gottes-Dienſt uͤbrig genug gethan/
wo ſie nur getaufft ſind/ Predigt hoͤren/
beichten/ zu dem heiligen Abendmahl gehen/
und ein ſolch Leben fuͤhren/ darinn eben
die Obrigkeit nichts ſtraffbahres finde;
Und
[218[219]] Und durch ſolche ſchaͤndliche einbildung deß
verdam̃lichen Operis operati nicht erleuch-
tet oder bekehret werden. So machten es
vormahls die Juden/ welche ſich bloß auff
den aͤuſſerlichen Gottes-Dienſt verlieſſen/
endlich aber von dem gerechten GOTT mit
gaͤntzlicher entziehung ſeiner Gnaden/ und
grauſamer verſtockung ſind geſtraffet wor-
den. Ach! dieſe GOttes ſtraff fuͤrchte Jch
auch/ ihr liebe Lutheraner/ daß der Herr
ſein heiliges Wort uns entziehen/ und ne-
ben dem Brod auch einen Hunger nach ſei-
ner ſo reinen Lehr/ ſo troͤſtlichem Evangelio
ſchicken/ und ſeinen Leuchter anderswo-
hin transferiren werde; Darzu muß Jhn
endlich bewegen/ nicht nur unſer laulich-
ter Gottes-Dienſt und heilloſes Weſen
an ſich ſelbſt/ ſondern auch das groſſe und
erſchroͤckliche aͤrgernuͤß/ welches ſo vielen
die umb und unter uns wohnen gegeben
wird.

Wol wird pag. 56. geſagt/ daß uͤber
dieſe aͤuſſerliche geſtalt der Evangeli-
ſchen ſich zuvorderſt die Juden aͤrgern/
und nicht glauben koͤnnen/ daß wir CHri-
ſtum vor einen wahren GOTT halten/
K 2deſſen
[220] deſſen Gebotten wir ſo gar nicht folgen/ oder
es muͤſſe unſer JESUS ein ſo frommer
Menſch nicht geweſen ſeyn/ als Jhn die Apo-
ſtel ruͤhmen/ wo ſie Jhn auß unſerer nach-
folgurtheilen ſollen/ daher ſie ſich ſo vielwe-
niger zu dem Drey-Einigen GOtt bekehren.
Auch erfahre Jch gnugſam/ daß viel der Pa-
piſten unſers nicht feinen ruhms/ ihre boͤſe
lehr zu beſchoͤnen/ ſich meiſterlich gebrauchē:
Ob gleich andere auß ihnen geſtehen/ daß ein
boͤſes leben die Lehr nicht verdaͤchtig machen
ſoll/ wol wiſſende/ daß bey ihnen viel er-
ſchroͤcklichere laſter als unter uns vorgehen/
welche ſie mit ſeufftzen zwar beklagen/ aber
nicht ſehen wie denſelben zu ſteuren ſey? Diß
geſchiehet in ermangelung goͤttlichen liechts/
welches auch die beſte gemuͤther/ ſo in der aͤuſ-
ſerlichen Roͤmiſchen Kirchen ſind/ und den
Pabſt mit ſeinem ſtuhl vor Antichriſtiſch hal-
ten/ nicht haben/ weilen ſie das liebe GOttes
Wort/ das einige mittel den dunckelen ort
deß menſchlichen hertzens zu erleuchten/
nicht zu dem end gebrauchen/ in der Lehr an-
deꝛs und beſſer gegruͤndet zu werden/ oder den
innerſten grund deß hertzens ſo zu aͤndern/
daß auch keine ſuͤndliche begierde und luͤſte
mehr
[221] mehr aufſteigen/ ſondern nur eine aͤuſſerliche
Moral-Zucht und Erbarkeit den ihrigen
beyzubringen/ ſelbe leſen. Ein Menſch/ deme
es hertzlich ernſt iſt/ zu einer rechten offenbah-
ren Gemeinde CHriſti ſich zu begeben/ der
muß zuvorderſt die Lehr/ in welcher er auffer-
zogen und unterrichtet iſt/ in zweiffel ziehen/
und ſich in GOttes Namen entſchlieſſen/
ſie auff die prob Goͤttlichen Worts zu ſetzen.
Diß ſein vorhaben trage er ſeinem JESU
vor in hertzlichem Gebet/ und erſuche Jhn
umb ſeines Heiligen Geiſtes erleuchtung mit
anhaltenden ſeufftzen: Nehme darauff die
Goͤttliche Bibel vor ſich/ iſt es moͤglich/ daß er
der Grund ſprachen habhafft werden kan/ und
ſie verſtehet/ bediene er ſich der ſelben ſonder-
lich/ als darinn mehr krafft und Geiſtes wuͤr-
ckung/ dann in denen Dolmetſchungen; Wo
nicht/ wird GOtt in dieſe ſo viel ſegens legen/
daß er darinn finden wird/ was zu ſeiner er-
leuchtung noͤthig iſt. Vom N. Teſtament
rathe Jch den anfang zu machen/ und daꝛauß
in ein abſonderlich es Manual zu tragen/ was
Glaubens-ſachen und Lebens-reglen ſind.
Jn dieſem wird GOTT den Schluͤſſel deß
erkanntnuͤß zeigen/ wie man die Schrifften
K 3Alten
[222] Alten Teſtaments zu ſeinem nutzen folgends
leſen mag. Dieſen zuſammen getragenen/
und durch wiederholte leſung und erbetene
mehrere erleuchtung vermehreten Schatz/
halte man dann gegen die Symboliſche
Buͤcher aller Religionen: Welcher Lehr
und bekanntnuͤß dem lieben GOttes Wort
am nechſten/ und im aͤuſſerlichen Gottes-
Dienſt von der Abgoͤtterey/ in Cerimonien
von aberglauben/ im Kirchen-Regiment
von der Tyranney am ferneſten/ die er-
wehle er dann. Jn ſolcher Bibliſchen le-
ſung wird GOttes-finger der Heilige Geiſt
zeigen/ wie die wahre Kirche nicht ohne
aͤrgernuͤß ſeyn kan/ ſondern unter dem
Weitzen Unkraut zu allen zeiten/ auch in
der Jſraelitiſchen Kirch/ unſers JESU
geſellſchafft/ denen Apoſtoliſchen Gemein-
den ſich geſunden habe/ und er daher die
noch heutiges Tages betaurliche laſter eines
oder andern theils/ ſich mit dem Haupt dem
Herren JESU und ſeinem geheiligtem
Leib zu vereinigen nicht abhalten ſoll laſ-
ſen; Auch wird die aͤuſſerliche geringe
geſtalt und armuht einer oder andern Ge-
meinde ihn ſo vielweniger abwenden/ als
mehr
[223] mehr er in Goͤttlicher Schrifft finden wird/
wie das Reich GOttes nicht in aͤuſſerlichem
gepraͤng/ weltlicher Herꝛſchafft/ groſſem ver-
moͤgen/ ſondern in der krafft deß Geiſtes be-
ſtehe/ welche ſich bey der demuht/ gedult und
hunger am maͤchtigſten aͤuſſert. So lang
man ſich dahin nicht entſchlieſſet/ und auff
ſolche weiſe nach deß Heiligen Geiſtes ſodeut-
lichem befehl auß Babel gehet/ kan Jch
dergleichen leute nicht entſchuldigen vor
GOttes Gericht/ ja nicht einmahl glauben/
daß ihre klagen von hertzen gehen.