Das Erſte Capitel.

DIe Welt hatte Rom noch nicht
angebetet/ vnd das Meer war der Ti-
ber noch nicht gehorſamb/ als eines
Tages an dem Strande Siciliens/
da der Fluß Gelas ſich in die See außgeuſt/ ein
frembdes Schiff anlaͤndete/ auß welchem ein edeler
Juͤngling/ von anſehlicher Geſtalt/ an den Port ſtie-
ge. Seine Leute trugen/ mit huͤlffe der Schiffer/ die
Ruͤſtung vnd Waffen auß/ vnd lieſſen die Pferdte
Aan
[2]Joh. Barclayens Argenis/
an einem Gurtte vmb den Leib herunter an das
fer. Er/ als welcher der Vnbequemigkeit deß ſch
fens nicht gewohnet war/ hatte ſich in den Sandt g
ſtrecket/ vnd verſuchte/ ob er das Hauptwehe/ ſo jhn
die ſtethe bewegung deß Waſſers verurſacht hatt
durch den Schlaff vertreiben moͤchte; als ſich vnve
hofft ein hefftiges Geſchrey erhube/ vnd jhme im e
ſten Schlaff mit einem verdrießlichen Traume b
ſchwerlich war; biß es naͤher vnd naͤher kam/ daß
mit Schrecken vom Schlaff aufffuhre. Es w
nicht ferꝛn von dannen ein Wald/ da zwar die groſſe
Baͤume nicht vbrig dicke/ aber doch weit außgebre
tet ſtunden/ vnter denen die Huͤgel/ Geſtruͤtticht vn
finſtern Stauden/ den Ort zum rauben nicht vnb
quem machten. Auß denſelben kompt ploͤtzlich he
fuͤr eine Fraw/ zwar von ſchoͤnem Geſichte/ welch
aber jhre Augen mit den Thraͤnen verſtellet hatte
vnd wegen der außgebreiteten Haare/ ſo jhr wie de
nen welche zu Grabe gehen/ vmb den Kopff flogen
ſcheußlich anzuſehen war. Sie triebe das Pferd auf
dem ſie ſaſſe mit Schlaͤgen fort/ weil es ſo ſehr nich
lauffen kondte als ſie wolte/ vnd heulete nicht ander
als die raſenden Phrygier oder Thebaner. Der jun
ge Menſch/ ohn daß er von Natur barmhertzig/ vn
gegen dem Frawenzimmer Ehꝛerboͤtig war/ lieſſe ſich
diß jaͤmmerliche klagen ſehr bewegen; hielte es auch
fuͤr ein ſonderliche Anzeigung/ daß jhm dergleiche
bey ſeinem erſten Eingang in Siellien zu Geſicht
kaͤme. Die Fraw ſo bald man ſie verſtehen kundte
Herꝛ
[3]Das Erſte Buch.
Herꝛ/ jhr ſeyet wer jhr wollet/ fienge ſie an/ im Fall
euch Tugend lieb iſt/ ſo befreyet Sicilien/ welches in
der Perſon deß adelichſten Ritters ſo darinnen woh-
net/ von ehrloſen Moͤrdern beſtritten wirdt. Das fuͤr
Augen ſtehende Vbel laͤſſet mich nicht viel bittens
machen/ vnd es iſt keine geringe Clage/ die ich fuͤr den
Poliarchus anbringe/ welchen ein hauffen trotziger
Raͤuber/ nicht weit von hier/ vnverſehens vmbringet
hat. Als ich auß dem Getuͤmmel entronnen bin/ hab
ich euch zu guter Stunden angetroffen: Vielleicht
euch eben ſo wol zu loͤblichem Ruhm/ als jhme zu ſei-
ner Rettung. Machet auch/ bitte ich/ durch ewer er-
ſuchen oder befehlen/ daß beyweſende ewere Leute ſich
zu dieſem guten Wercke ingleichem gebrauchen.
Wie die Fraw ſolche Rede mit keichen vnd ſeufftzen
herauß geſtoſſen/ ſahe er ſich nach ſeinem Helm vnd
Degen vmb/ vnd in dem jhme das Pferdt zugefuͤhret
ward/ Meine Fraw/ ſagte er/ ich bin gleich jetzt erſt in
Sicilien angelaͤndet; darumb wollet jhr es nicht vbel
vermercken/ daß mir/ als einem vnbekandten/ der Na-
me Poliarchus frembde iſt. Ich halte mich aber
nichts deſto weniger dem Gluͤcke hoch verbunden zu
ſeyn/ wo es mir zulaͤſſet/ daß ſo einē ſtattlichen Man-
ne/ wie jhr ſaget/ durch meine Ankunfft moͤge Hand-
reichung gethan werdē. Mit dieſen Worten ſchwan-
ge er ſich auff das Roß/ vnd begehrte/ ſie wolte jhm
den Weg zeigen. Er war nicht mehr als von zweyen
Dienern begleitet; von welchen der eine jhm auch ge-
waffnet folgte/ der ander verbliebe an dem Vfer/ jhre
A ijSachen
[4]Joh. Barclayens Argenis/
Sachen zuverwahren/ welche bey ſolcher Eyl nicht
vermochten gepackt zu werden.

Als ſie an den Wald kommen waren/ deſſen Ein-
gang ſich in etzliche Scheidwege trannte/ vermochte
die Fraw ſich nicht zubeſinnen/ wo man den Poliar-
chus finden ſolte/ vnd fienge auffs new ein jaͤmmerli-
ches Weheklagen an. Der frembde Juͤngling er-
ſchrack fuͤr ſolchem heulen/ vnd zweiffelte/ ob er wei-
ter rucken/ oder ſtillhalten ſolte; als gehling der Wald
von Geſchrey vnd gethoͤne der Waffen vnd Pferdte
widerſchallete; ſo daß er umſtehende Gefahr wol ab-
nemmen kundte. Dann es kamen drey gewaffnete
mit verhangenem Zuͤgel vnd bloſſen Degen; derer
Geſichte wol zuverſtehen gab/ daß ſie etwas groſſes
entweder begangen hetten/ oder fuͤrchten muͤßten.
Er/ welcher ſich einer Liſt beſorgete/ vnd (wie es zuge-
ſchehen pfleget/ daß man in vnverſehenen Faͤllen ſich
mehr befahret/ als von noͤthen iſt/) der Frawen nicht
gar wol trawete/ fragte ſie/ ob dieſes die jenige weren/
wider die er ſtreitten ſolte: faſſete auch zugleich die
Stange ſeiner Lantzen/ mit der er trefflich wol vmb-
zugehen wußte/ vnd rannte denen die ſich herzu nahe-
ten entgegen/ damit ſie jhn nicht vberficlen/ ehe er ſich
gerochen hette. Aber dieſe waren geſchickter zuflie-
hen als zu fechten/ vnd eyleten durch vnterſchiedliche
Wege/ jhrem Vberwinder zuentkommen: weil Po-
liarchus/ fuͤr welchen die Fraw ſo groſſe Sorge ge-
tragen/ dieſen fluͤchtigen allein nacheilete/ vnd dem
letzten/ als er jhn erholet/ einen ſolchen Streich ver-
ſatzte/
[5]Das Erſte Buch.
ſatzte/ daß er jhm Kopff/ Hals vnd Bruſt/ biß auff
den Leib/ voneinander ſpaltete. Als dieſer lag/ vnd er
den andern zu hitzig nachfolgete/ ſpringt das Pferdt
ohngefehr in eine Grube/ vnd wirfft ſeinen Herꝛn/ im
fallen/ zwar gehlinge/ aber ohne Schaden/ in das
Graß. Alsbald ſpringt die Fraw/ ſo den Poliarchus
erkandt hatte/ jhm zuhelffen/ vom Roſſe. Aber er/ dem
weder der Fall/ noch die zwo Wunden/ ſo er empfan-
gen hatte/ verhinderlich waren/ kam/ ohn entfallung
deß Degens/ ſtracks auff die Beine: Vnd als er von
der Timocleen (ſo hieß die Fraw) verſtanden/ wie ſie
dieſen frembden Juͤngling angetroffen/ vnd wie er/
jhm Beyſtandt zuleiſten/ ſo freundlich verſprochen/
wandte er ſich auff jhn zu/ jhm fuͤr ſolche ſeine Gut-
that danck zuſagen. Aber er war ſchon vom Pferdte
abgeſtiegen/ vnd ſagte am erſten zum Poliarchus:
Wann die Goͤtter gewollt hetten/ edler Ritter/ daß
mir ewere Staͤrcke vnd Mannheit zuvor wiſſendt
were geweſen/ ſo hette ich nicht vnangeklagt gelaſſen
die Zaͤhren dieſer Frawen/ welche mich gezwungen
hat/ euch an jetzo vmb Verzeihung zubitten/ daß ich
euch/ ſo einem wehrhafften Manne/ zu huͤlffe habe
kommen woͤllen. Ich verwunderte mich nicht ſo ſehr
(wiewol es auch viel iſt) daß jhr drey gewaffnete in
die Flucht gejaget hettet; wann ich nicht auß der
Staͤrcke/ mit der jhr dem letzten abgelohnet/ erkennen
muͤßte/ wie ſie alle ſo billiche Vrſache ſich zufuͤrch-
ten/ vnd auß dem Staube zumachen/ gehabt haben.
Poliarchus bedanckte ſich mit groſſer Hoͤffligkeit/
A iijdaß
[6]Joh. Barclayens Argenis/
daß er/ jhme beyzuſpringen/ geeylet hette/ vnd ſagte/
daß dieſe Flucht nicht ſo ſehr ſeiner Tugendt vnd
Staͤrcke/ als der Raͤuber Faulheit zuzuſchreiben
were.

Zwiſchen ſolcher Rede vmbſtengen ſie einander/
vnd waren/ nach ſo freundlicher Begruͤſſung/ in Ge-
dancken/ nicht allein was/ ſondern auch mit wem ſie
beyderſeits redeten. Es ſtallte jhm einer deß andern
Geſtalt fuͤr Augen/ vnd ſtunden als beſtuͤrtzt vbeꝛ ſol-
cher jhrer Beſchawung. Der eine ſahe in dem an-
dern mit Verwunderung an/ das/ woruͤber ſich der
ander in dieſem nicht minder verwunderte: die Ju-
gend/ das freye Geſichte/ die Tracht/ vnd die ſonder-
liche Lebhafftigkeit/ welche auß jhren Augen leuchte-
te. Sie waren in einem Alter/ vnd auß vnterſchiede-
nen Geſichtern blickete einerley Mayeſtaͤt vnd Anſe-
hen. Es war einem Wunder gleiche/ daß ſich die
Staͤrcke mit ſolcher Schoͤnheit vereiniget hette. Ti-
moclee preiſete das Gluͤck nicht weniger/ von wel-
chem durch diß ſeltzame Abendthewr/ ein ſo vollkom-
menes Paar zuſammen gefuͤget worden. Sie that
auch ein Geluͤbd/ daß ſie/ wann es mit jhrem Willen
were/ eine Tafel/ darauff beyder Bildnuͤß ſtuͤnde/ in
der Eryeiniſchen Venus Tempel auffhencken wol-
te. Wiewol ſie aber/ vieler Zufaͤlle halben/ jhren Vor-
ſatz nachmals verſchieben mußte/ hat ſie ſich doch
endlich deſſen Geluͤbdes entlediget/ vnd dieſe Verß
vnter benannte Tafel ſetzen laſſen:

Poliarchus/ als er wider zu ſich ſelbſt kommen/ vnd
die Schoͤnheit deß Frembden nach gnuͤgen betrach-
tet hatte/ ſahe er die Timoclee an/ als eine/ mit der er
wol bekandt ware/ vnd lachte jhꝛes erſchrockenen blei-
chen Geſichtes; fuͤrnaͤmlich aber/ daß jhr die Haare
auff die Seiten vnd hinderſich zerſtrewet vnd ver-
worꝛen hiengen. Er fragte ſie auch ſchertzweiſe/ ob ſie
von den Satyren were angegriffen worden? Timo-
clee laͤchelte vnd ſagte: Mein Poliarchus/ glaubet
nicht/ daß ich ſie auß Verzweifflung ſo loß geriſſen
habe. Als ich vber ewerer Gefahr erſchrocken mich
durch die Flucht zuretten eilete/ haben mich die Eſte
bey der Scheitel auffgehalten/ vnd mir das Haar ſo
außgeflochten. In dem ſie alſo Sprache halten/
koͤmpt deß Poliarchus freygelaſſener Diener mit
zweyen der Timocleen Knechten durch die kruͤmme
der Wege/ nit weit von den Herꝛen/ auß dem Wald.
Es mangelte nur allein an der Timocleen Magd;
welche ſie aber auch von ferꝛnen auff das Pferdt/ ſo
ſchew war worden/ vnd ſich nicht von jhr regieren
ließ/ vergebens ſchlagen vnd ſchreyen ſahen. Wie ſie
A iiijjhr
[8]Joh Barclayens Argenis/
jhr nun mit Luſt lang genug zugeſchawet/ lieffen ſie
hinzu/ vnd hulffen der Armen zu rechte. Vnter deſ-
ſen fragte der Frembde den Poliarchus/ wie er doch
in ſolche Gefahr gerahten/ vnd was dieſes fuͤr Leute
geweſen weren? Ob etwan Feindſchafft oder begier
zum rauben dieſen Leckern den Muth/ ſolcher That
ſich zuvnterfangen/ gemacht hette? Die Fraw aber
fiele in die Rede/ vnd ſagte: Es wil der Nothdurfft
ſeyn/ daß jhr beyde außruhet/ weil der eine von der
See/ der ander vom Kampffe kompt. Mein Gut iſt
nicht weit von hier; daſelbſten wird euch ſchon beſſer
ſeyn/ vnd werdet deß Leibes abzuwarten/ vnd euch zu
vnterꝛeden Gelegenheit genugſam finden. Sie lieſſen
ſich zu ſolcher Anerboͤttung nicht lange vermahnen/
namen auch den Diener/ welcher die Sachen an dem
Vfer in Verwahrung gehabt/ mit ſich/ vnd mach-
ten ſich auff die Straſſe.

Die zween junge Herꝛen hatten allbereit gute
Freundſchafft zuſammen gemacht/ vnd Poliarchus
berichtete den Frembden/ wie jhm/ als er mit dem Ta-
ge/ auß dem Koͤniglichen Laͤger ſeiner Geſchaͤffte
halben auff Agrigent reiſen woͤllen/ dieſe ſtattliche
Fraw/ ſo man bey Hoffe wol kennete/ vnd jetzo von
deß Koͤnigs Tochter kaͤme/ vnterweges auffgeſtoſ-
ſen. Wie ferꝛner jhre Diener durch ein vbeles Verſe-
hen/ deß Wegs verfehlet vnd in den Wald gerathen
weren. Wie auch Timoclee allein mit einer Alten
Dienerin/ eben die Straſſe/ welche er/ jnne gehalten
hette/ als von der Seiten her fuͤnff Raͤuber/ mit jhren
Pferden
[9]Das Erſte Buch.
Pferden jhn allein angerannt. Vnd wie dieſe Fraw/
auß eygener Forcht/ vnd Schew jhres Roſſes/ ſich
fortgemacht/ vnd durch gluͤckſelige Verirrung/ ſo
einen hoͤfflichen Edelmann hette angetroffen. Im
vbrigen/ ſagte er/ hat das gute Gluͤck vnd die Leicht-
fertigkeit der Raͤuber gemacht/ daß jhr erſter An-
grieff an mich/ gantz leer iſt abgegangen/ vnd hatte
der erſte an dem Schaͤffelin genug/ mit welchem
ich jhm das Leben abfertigte. Nachmals als ſie alle
beyſammen hielten/ hatt mir der eine den rechten
Schenckel/ vnd der andere die Seiten etwas mit
dem Degen beruͤhret: Von welchen ich den einen/
meinen Schmertzen zu rechen/ ſtracks auffgeopf-
fert/ dem andern aber den Kopff beſchaͤdiget habe.
Worauff ſie vber jhrem vngluͤck hafften beginnen
erſchrocken/ vnd ſaͤmptlich außgeriſſen ſindt: ſo/
daß ich zweifele/ welches ſchaͤndlicher ſey geweſen/
jhr Anfall/ oder jhre Flucht. Als ich jhnen auch
nachgeſetzt/ habe ich deß einen Geſchwindigkeit alſo
angehalten/ daß er fuͤr ewerem Geſichte den Lohn/
der jhm gebuͤhrete/ empfangen hat. Sonſt habt jhr
geſehen/ wie mir die vbrigen zween/ wegen deß Falls
meines Pferdes/ entwuͤſchet ſindt. Ich kan nicht
wiſſen noch muhtmaſſen wer ſie ſeyn muͤſſen; es we-
ren dann Raͤuber auß deß Lycogenes Laͤger/ die mich
entweder außgeſpuͤret/ oder ſonſten denen/ ſo
durch den Waldt reyſen/ auffge-
wartet haben.

Das II. Capitel.

INdem Poliarchus ſolches erzehlete/ kamen
ſie in der Frawen Gute an/ welches nicht
weit von Phthinthia an dem Fluſſe Himera
auff der einen Seiten benanntes Waſſer/ auff der
andern dicke Stauden vnd gleichſam einander
vmbfangende Baͤume vmbringeten. Das Hauß
ſo von Ziegeln vnd in die Laͤnge gebawet war/ lag
deß Waſſers vnd der Felder halben/ vberauß luſtig:
hierzu kam der Waldt/ vnd etliche nahe Huͤgel/ wel-
che die Gelegenheit deß Orts noch anmuhtiger
machten. Der Leute vnd deß Geſindes war viel/
vnd verhielten ſich ehrbar vnd keuſch/ nach den Sit-
ten der Frawen/ welche jhren Mann ſchon vor etli-
chen Jahren verlohren/ vnd durch gutes Geruͤchte
die Hoheit jhres Standes vermehret hatte. Dieſe
machte damals dem Geſpraͤche jrer Gaͤſte ein En-
de/ vnd hate freundlich/ die Armut der geringen Be-
hauſung nicht zu verſchinehen. Sie giengen in das
Hauß/
[11]Das Erſte Buch.
Hauß/ da dann die Hoͤffligkeit der Wirthin/ vnd
der ſpaͤte Abendt ſie bewegte/ daſelbſt das Abendmal
zu nemen/ vnd vber Nacht zu bleiben. In dem nun
das Geſinde zu Tiſche anrichtete/ wuſche Poliar-
chus ſeine Wunden mit gewaͤſſertem Eſſige/ damit
ſie ſich nicht mit Geſchwulſt entzuͤndeten; hernach
beſtrieche er ſie mit Oele/ in welches wilde Rauthen
Bluͤte vermiſchet war; in Meinung daß es ſicherer
ſey ſo gemeine vnd vngekauffte Mittel zu ergreif-
fen/ als ſich auff die Artzneyen derſelben Leute zu
verlaſſen/ die offtermals die Schmertzen mit vnnoͤ-
tigem Saͤumnuͤß erlaͤngern/ vnd vnter deſſen die
vnbillichſte Belohnung hinweg nemen. Als das eſ-
ſen fertig war/ ſatzten ſie ſich zu Tiſche; vnd wie eine
Rede die andere gab/ vnterſtunde ſich Timoclee von
dem frembden zu fragen/ wie er hieſſe/ von wannen
er were/ vnd auß was fuͤr einem Anſchlag oder Fall/
er in dieſer Inſel angelaͤndet hette? Er ſagte/ daß er
der Nation ein Africaner were; ſeinen Namen vnd
Geſchlechte belangend/ ſo were der jenigen/ ſo Ge-
walt vber jhn hetten/ Meinung/ daß er ſolches/ biß
auff die Zuruͤckkunfft verſchweigen/ vnd ſich in deſ-
ſen Archombrotus nennen ſolte; Er were auch von
dem Winde wider ſeinen Willen/ in Sicilien nicht
verſchlagen worden: ſondern hette jhm dieſe Reiſe
dahin zuthun fuͤrgenommen/ ſich mit Geſellſchafft
mannhaffter Leute/ welche dem Geſchrey nach/ bey
dieſem Koͤnige ſich befinden ſolten/ zu ergetzen. Es
kame dem Poliarchus vnd der Timocleen nichts
wunderli-
[12]Joh. Barclayens Argenis/
wunderlichers fuͤr/ als daß er/ der Geburt auß Afri-
ca/ ſo ſchoͤne weiß von Geſichte war. Er hatte keine
auffgelauffene vberhangende Lippen nicht; ſo ſtun-
den jhm auch die Augen nicht tieff in die Stirne ge-
bogen. Es ware vber diß auch eine Anzeigung eines
hertzhafftigen Gemuͤhtes/ daß er ſich die Liebe der
Tugendt/ ſo weit auſſer ſeinem Lande ziehen laſſen.
Er ingleichen fragte nach der Mahlzeit den Poli-
archus auff rechte Trew/ wannher doch die Raͤu-
bereyen in Sicilien ſo gemeine im ſchwange gien-
gen? Wer dieſer Lycogenes ſey/ auß deſſen Laͤger er
zuuor gemuttmaſſet/ daß die Raͤuber/ ſo jhn ange-
fallen/ kommen weren? was es mit dem Koͤnigreiche
fuͤr einen Zuſtandt/ vnd was fuͤr Kriege es darinnen
hette? Poliarchus/ weil ſie allein waren (dann ſie
hatten ſich zu Ruhe/ vnd beyde in ein Kammer be-
geben) hube an jhm alſo zu ſagen: Es hat viel Tu-
genden/ Archombrotus/ die zu Laſtern werden: vnd
was mehr iſt/ ſo kan man offtmals ſpuͤren/ daß ei-
nerley Art deß Gemuͤhtes/ wie es die Zeit mit ſich
bringt/ bald fuͤr eine Tugend/ bald fuͤr ein Laſter ge-
halten wird. Meleander/ wie ich vermeine/ daß jhr
wiſſet/ iſt ſeinem Vatter vnd Vorfahren in Beſi-
tzung deß Koͤnigsreichs Sicilien nachgefolget/ ein
Mann eines ſehr gelinden vnd glimpfflichen Ge-
muͤhts; der aber weder auff jetziger Zeit Boßheit/
noch auff die Sitten der Menſchen ſonderlich Ach-
tung gibet/ vnd anderen alſo glaubet/ wie jhn ſeine
Tugendt verſichert/ daß man jhm auch glauben
vnd
[13]Das Erſte Buch.
vnd trawen ſolle. Vnd ich bin der Gedancken/ daß
jhm ſeine groſſe Gluͤckſeligkeit geſchadet habe.
Dann/ als er Anfangs ſeiner Regierung alles in
friedlichem Weſen befunden hat/ hat er ſeine Be-
gierden vnverholen außgelaſſen; die zwar wol er-
traͤglich geweſen/ vnd vielen Fuͤrſten gemeine ſindt/
dennoch aber ſeine gar zu groſſe Guͤte ſo weit an
den Tag gegeben haben/ als ob er dem Vnrecht/ ſo
jhm ſelber angethan wuͤrde/ mit Ernſt nicht begeg-
nen koͤnte: In dem er nemlich dem Waydwerck/
mehr als ſich geziemet/ nachgehangen/ vnd indeſſel-
ben vnterſchiedene Art das Jahr eyngetheilet hat:
Item daß er allerhand Leute/ ohn Vnterſcheidt/ in
ſeine Freundſchafft gezogen/ vnd jhnen viel mehr
auß ſonderlicher Zuneygung/ als auß bedachtſa-
men Rathe groſſe Ehr angethan: daß er gar zu frey-
gebig geweſen; die Geſchaͤffte geflohen/ vnd ſie ge-
meiniglich denen anvertrawet hat/ die jhn am we-
nigſten mit Trewen gemeinet. Ich wolte wuͤn-
ſchen/ gechrter Gaſt/ daß man dieſes verſchweigen
doͤrffte. Aber es iſt doch beſſer/ daß jhr mit Warheit
von allem berichtet werdet/ als daß jhr es durch das
gemeine Geſchrey/ welches falſch vnd ertichtet iſt/
erſt erfahren ſollet. Dann die Feinde gehen weiter/
vnd machen das Vbel groͤſſer als es iſt. Vnd dann-
her entſpringt dem frommen Koͤnige alles Vnheil;
fuͤrnemlich aber auß Neide vnd Ehrgeitze deß Lyco-
genes/ der auff alle ſeine Fehler ein Auge hat. Die-
ſer/ weil er von dem Stamme der alten Koͤnige her-
ruͤhret/
[14]Joh. Barclay Argenis/
ruͤhret/ ſo iſt er mit der andern Stelle niemals zu
frieden geweſen; ein Mann von Rhat vnd That/
vnd der jhm bey dem Volcke ſonderliche Gunſt zu
machen weiß: im vbrigen darff er an Grawſam-
keit/ Meineyde vnd Hoffartbey aller Gelegenheit/
keinem auff der Welt zuvor geben. Er hat ſich nicht
viel muͤhen doͤrffen den Meleander/ ſo einen auff-
richtigen Fuͤrſten/ vnter dem Scheine der Freund-
ſchafft/ zu betriegen. Dann in dem der Koͤnig/ nach
beygelegten Sorgen ſein Gemuͤhte ruͤhig ergetzen
wil/ ſo erfuͤllet dieſer den Hof mit Leuten ſeines An-
hangs/ theilet die fuͤrnembſten Aempter/ als er Fug
vnd Recht darzu hette/ vnter ſeine Freundſchafft
auß/ ſo daß hernach niemand in dem Koͤnigreiche
bliebe/ der jhm nicht verbunden were. Letzlich brin-
get jhn ſeine Thorheit vnd Ehrgeitz ſo weit/ daß er
faſt offentlich wider den Koͤnig die Waffen ergreif-
fet. Meleander wurde deſſen ſehr langſam gewahr/
vnd als der Krieg ſich ſchon zu regen begundte/ fien-
ge er erſt an nachzudencken wer er were/ vnd zu was
Ende er Kron vnd Scepter angenommen habe. Er
iſt ein Koͤnig/ der keinem er ſey wer er wolle/ an Mu-
the vnd Hertzhafftigkeit nachgibet/ auch von ſol-
chem Verſtande/ daß er nicht anders hat koͤnnen
vmbgangen werden/ als durch den Vberfluß ſeiner
Guͤttigkeit. Ich kan euch nicht gnugſam erzehlen/
wie ſtattlich er ſeine Weißheit/ vnd Staͤrcke an den
Tag gegeben/ ſeyt er durch anderer Leute Laſter
nach ſeinen Tugenden zugreiffen gezwungen iſt
worden.
[15]Dar Erſte Buch.
worden. Doch wiewol jhm deß Lycogenes boͤſer
Anſchlag gnugſam bekannt war/ ſo wolte er doch
eine Zeitlang ſeines Rechtens ſich gegen jhm nicht
gebrauchen/ der Meynung/ daß es gar gnug were/
wann er ſeines Feindes Rathſchlaͤgen zuvor kaͤme/
vnd jhm ſeine Kraͤfften beſchnitte. Er hat auch
offtmals gehoffet/ oder zum wenigſten begeret/ von
dieſem vndanckbaren Menſchen eine Rewe ſol-
ches Verbrechens zu erzwingen: Lycogenes aber/
dem es vnleydlich zu ſeyn ſchiene/ daß jemand ſeyn
ſolte/ der jhn wider zu Gnaden nehmen koͤnte/ vnter-
ſtande ſich offentlich vbel von jhm zu reden. Vnd
was jhn noch behertzter machte/ war dieſes/ daß der
Koͤnig ſeine einige Tochter in Erbſchafft deß Koͤ-
nigreiches zu ſetzen geſonnen war. Wolt jhr es
glauben/ mein Archombrotus? Der boͤſe Menſch
hat ſich doͤrffen vnterfangen ſie zu rauben/ vnd mit
Gewalt zu heyrathen. Es ligt an dem Außgange
deß Waſſers Albe ein Schloß/ da der Koͤnig ſeine
Tochter verwahret hielt; Dahin ſchickte er heim-
lich etliche Soldaten/ welche jhm die Princeſſin
ſampt dem Koͤnige/ ſo ohngefehr in dieſer Feſtung
vber Nacht lage/ zufuͤhren ſolten. Meleander hat
geglaubt/ es ſey durch Schutz der Mineruen dieſe
Hinterliſt zu ruͤck gegangen: Dann die Rauber
auff friſcher That betretten/ vnd vmbgebracht ſind
worden. Darumb hat er zur Danckbarkeit der
Goͤttin ſo viel Ehr angethan/ als er erdencken moͤ-
gen. Dann er ließ eine Muͤntze pregen/ auff welcher
eine
[16]Joh. Barclayens Argenis/
eine Eule ſtandt: vnd wann er opffert/ oder auff
Bancketen ſich erluſtigen wil/ ſo ſetzt er keinen an-
dern Krantz als von Oelzweigen auff. Was auch
noch hoͤher zu achten iſt/ ſo hat er ſeiner Tochter/
biß ſie verheyrathet werde/ dem Heyligthumb der
Goͤttin fuͤrzuſtehen befohlen. Ihr werdet ſie auff
allen Feſttagen in heyliger Tracht vnter den Prie-
ſtern vnd geiſtlichen Jungfrawen der Goͤttin ge-
woͤhnliche Feyerung begehen ſehen. Dennoch hat
dieſe groſſe Froͤmmigkeit den Krieg nicht geſtillet.
Dann auff dieſes deß Lycogenes Verbrechen/ wel-
ches ſich mit keiner Entſchuldigung verdecken laͤſt/
iſt zwar nicht eine gehlinge/ aber doch eine groſſe
vnd mit reiffem Rathe erwogene Empoͤrung er-
folget. Er wandte zu Behelligung ſeiner Waffen
eyn/ die Beſchuͤtzung beydes deß gemeinen Weſens/
vnd dann ſeiner Perſon ſelber: klagte bald/ wie jhn
der Koͤnig ohne Schuld vnd Vrſach einer Verraͤ-
therey geziehen/ vnd hinrichten zu laſſen gemeynet
were: bald fienge er an/ daß er das Vnrecht/ ſo den
Vnterthanen geſchehe/ laͤnger nicht anſchawen
koͤnte/ vnd mit offentlichem Kriege der jenigen Ty-
ranney widerſtehen muͤſte/ die Meleandern auff ſo
grawſame Rathſchlaͤge leitteten. Er hatte viel ſei-
ner Creaturen vnd andere ſo jhm anhiengen. Oleo-
demus/ Eriſthenes/ Menocritus/ welche vber die
fuͤrnembſten Prouintzen geſetzt waren/ ſtimmeten
mit jhm vber eyn. Viel auß lauter Leichtfertigkeit
wider den Meleander: Es begaben ſich auch viel
auff
[17]Das Erſte Buch.
auff der Rebellen Seite/ in Meinung Lycogenes
thete alles zum beſten/ vnd hette ſich wider die Vn-
gerechtigkeit der Tyranney zur Wehre geſtellet.
Derentwegen ward er auffgeblaſſen/ begab ſich zu
Felde/ vnd begerete eine Schlacht zu lieffern. Der
Koͤnig/ ſo auch viel Volckes auff dem Fuſſe hatte/
ſchlug es nicht ab. Es iſt heute der funffzehende
Tag/ daß wir nicht weitvon hier auff den Geloi-
ſchen Feldern ein Treffen gethan haben/ Die
Schlacht war ſtrenge/ in dem jene nicht weniger
mannhafftig fuͤr jhr Verbrechen/ als wir fuͤr allge-
meine Wolfarth ſtritten. Letzlich wie die Nacht
herbey kam/ neygete ſich der Sieg auff deß Koͤniges
Seiten/ vnd Lycogenes/ der ſein Volck in ſolcher
Vnordnung ſahe/ ließ zum Abzuge blaſen; damit
die Flucht einen Schein deß Krieges Gehorſams
von ſich geben ſolte. Meleander war auch ſelber
nicht geſonnen/ dem zerſtreweten Feinde weiter nach
zu ſetzen; entweder daß er deß Blutes ſeiner Vnter-
thanen verſchonete/ vnd ſich vergnuͤgete an erhalte-
nem Siege; oder daß er ſich fuͤr der Nacht vnd aller-
ley hinterliſt befaͤhrete. Es kan auch ſein/ weil ſeine
fuͤrnemeſte Leute dem Lycogenes nit abguͤnſtig wa-
ren/ daß er Beyſorge trug/ ſie moͤchten ſich auff ſei-
ne Seiten wenden/ wann er jhn biß auff das euſſer-
ſte verfolgen wolte. Dann Lycogenes hat noch nicht
alle die jhm anhangen zu Vollbringung ſeines boͤ-
ſen Fuͤrhabens gezogen/ vnd es ſind derſelben nicht
in geringer Anzahl vmb den Koͤnig/ die bey einem
BTheil
[18]Joh. Barclayens Argenis/
Theil die Waffen haben/ vnd bey dem andern das
Gemuͤhte. So iſt dem Meleander ſonſten auch al-
les zu entgegen: Die Raͤthe ſagen jhre Meynung
nicht trewlich: man traͤgt die Anſchlaͤge den Fein-
den zu/ vnd iſt ſich nicht weniger bey Hofe als auſ-
ſer demſelbigen fuͤrzuſehen. Derentwegen ob er
gleich eben das Feld/ welches der Feind bey wehren-
der Schlacht innen hielte/ erhalten hat/ ſo wil er
doch nichts deſto weniger Frieden machen nach dem
Rathe welchen man jhm hatt eyngeſchwaͤtzet. Er
hat ſeinem Siege auch ſelber nicht trawen koͤnnen/
vnd liget noch jmmer zu/ als ob der Krieg ſich nichts
zu ſtoſſen/ zu Felde. Nach heimlicher Vnterhand-
lung beyderſeits/ worden vom Lycogenes Geſanten
zum Koͤnige abgefertiget. Ihr Fuͤrgeben war/ Vr-
laub zu bitten die Todten zu begraben: in der War-
heit aber geingē ſie darauff/ wie ſie eines Bundnuͤſ-
ſes vnd Friedens erwehnen moͤchten: welches dann
ſo angenehm war/ daß die abgeſandten/ in Mey-
nung als der Koͤnig ſich fuͤr jhrem Theile fuͤrchtete/
dem Siegesherꝛen auch Bedingungen vnd Geſetze
des Friedens fuͤrſchreiben duͤrfften. Mich betref-
fendt/ ſo bin ich der Gedancken/ daß Meleandern
der Friede/ er geſchehe auff was Weiſe er wolle/ ge-
falle/ damit wann er vollzogen iſt/ die jenigen ſo ſich
dem Lycogenes anhaͤngig gemacht/ zerſtrewet wer-
den/ vnd ſich nicht ſo leichte widerumb verbinden
moͤgen. Alſo wird man Zeit gnug haben auff newe
Mittel zu ſinnen/ wie ſie ſelber entweder an einan-
der zu
[19]Das Erſte Buch.
der zu hetzen/ oder nach Verleſchung deß Auffſtan-
des bey dem Volcke verhaßt zu machen/ vnd durch
jhre eygene Boßheit zu ſtuͤrtzen ſind; oder auch/ wie
ſie jhrer vnruͤhigen Empoͤrung ſatt werden/ vnd
ſich von ſolchem Auffruhr dem Koͤnige zu vnter-
thaͤnigem Gehorſam eynſtellen moͤgen. Ich fuͤr
meine Perſon hab nicht fuͤr thuelich befunden/ daß
man mit ſo hoffertigen Leuten/ vnd die ſich an der
Majeſtet deß Koͤniges vergriffen haben/ einigen
Friede eyngehen ſolte. Aber ich fuͤrchtete/ daß ich
nicht/ wann mich der Koͤnig/ wie er pfleget/ zu Ra-
the einer ſo wichtigen Sache erforderte/ meiner Ju-
gendt vnd Geſchlechte vieler Mißgoͤnner Neyde
auff den Halß ziehen moͤchte. Dann ich bin ſo wol
frembde als jhr ſeyt/ Archombrotus/ vnd bin auß
keiner andern Vrſache dem Meleander zu gezogen/
als daß ſein Vngluͤck ein Exempel iſt/ fuͤr dem alle
Voͤlcker ein Abſchew tragen ſolten. Dann ſie nim-
mermehr ohne Krieg ſeyn werden/ wanns frey wird
ſtehen ſich wider die Gebrechen ſeines Fuͤrſten auff-
zulehnen/ vnd ſeiner Guͤte mißzubrauchen. Bey
wehrender ſolcher Friedenshandlung/ mit der ich
gar nicht zu frieden bin/ habe ich mir Anlaß ge-
nommen nach Agrigent zu reyſen. Ich trage ſon-
derliche Luſt zu guter Ruͤſtung vnd Waffen: nun
werden ſolche nirgends beſſer gefunden/ als wel-
che daſelbſt ein frembder Meiſter von
Lipara zu ſchmieden pfle-
get.

Das III. Capitel.

ARchombrotus hatte deß Poliarchus Geſpraͤ-
chen begierig zugehoͤret/ Vnd als er Melean-
ders Theil recht geſprochen/ auch wider die
Auffruͤhriſchen hefftig geredet hatte; Aber deß Koͤ-
niges Tochter/ ſagte er/ welche jhm dieſer Rauber
zuentfuͤhren vermeinet hatt/ in was fuͤr einem Alter
iſt ſie/ wann ich ſo viel fragen mag? Ich habe war-
lich in Africa zum offtern ſagen hoͤren/ daß ſie eine
von den ſchoͤneſten vnd tugendhafftigſten Fuͤrſtin
ſey/ die jetzt leben/ vnd Argenis heiſſen ſoll. Vber die-
ſen Worten fangen dem Poliarchus die Augen et-
was zitternde anzulauffen: redte auch nicht ſo friſch
vnd behertzt/ als zuvor/ vnd antwortete kuͤrtzlich/ ſie
moͤchte nahe bey zwantzig Jahren ſeyn. Archom-
brotus ward jnnen/ daß ſich Poliarchus ſo gehlinge
veraͤnderte/ vnd kriegete ein hefftiges Verlangen zu
erforſchen/ was fuͤr ein Vngewitter ſein Geſichte v-
berſchwemmet hette. Derenthalben/ damit er ſehen
B iijmoͤchte/
[22]Joh. Barclayens Argenis/
moͤchte/ ob dieſe Bewegung auß dem erwehnen der
Princeſſin/ oder einem andern heimlichen Anliegen
kaͤme/ hub er widerumb an vom Lycogenes/ vnd dem
Frieden der damals vnterhanden war/ zureden. Als
er nun ſpuͤrete/ daß Poliarchus nicht mehr ſo Ernſt
von Geſichte außſehe/ vnd zu ſich ſelber kommen
were/ brachte er das Geſpraͤch wider auff die Arge-
nis/ vnd fragte eigentlichen nach jhrer Geſtalt vnd
jhrem Thun vnd Laſſen. Aber er war auch gegen
dieſem Donner nichts beſtaͤndiger als gegen dem
vorigen/ vnd antwortete ſeine zitternde Sprache zu
bergen auffs kuͤrtzeſte jhm moͤglich war. Wie nach-
mals Archombrotus zuwiſſen begehrte/ was der
Koͤnig fuͤr ſtattliche Freunde hette/ vnd auff welchen
die Regierung deß gemeinen Weſens beruhete; Es
hat mit Sicilien/ gab er zur Antwort/ keinen ſo vbe-
len Zuſtandt/ daß man nicht etliche noch finden moͤ-
ge/ die jhres Anſehens/ vñ deß Koͤnigs Freundſchafft
wuͤrdig ſeynd. Vnter welchen Cleobulus der fuͤr-
nembſte iſt/ ſehr weiſe vnd vernuͤnfftig im Rathge-
ben: ingleichem Eurimedes vnd Arſidas ſtattliche
Obriſten/ vnd die nicht wenigern Verſtandt als
Hertze haben. Vber dieſe ſeynd zween Außlaͤnder/
deſſen Prieſterſtands welcher Purpurfarbe traͤget/
die Sicilien mit Trewen beygethan ſind/ Iburꝛa-
nes vnd Dunalbius/ die ſich jetzo hoͤchlich bemuͤhet
haben/ daß der Koͤnig mit dem Lycogenes nicht wi-
der ſeine Hohheit Friden eingehen moͤchte. Ich wol-
te noch andere erzehlen/ die ſich kein Vngluͤck von der
Beſtaͤn-
[23]Das Erſte Buch.
Beſtaͤndigkeit gegen dem Koͤnige haben abwenden
laſſen. Aber wann jhr euch ein wenig bey Hofe wer-
det auffgehalten haben/ ſo werdet jhr ſie durch das
Geruͤchte vnd jhre Tugend von den andern leicht-
lich vnterſcheiden lernen.

Es gieng ſchon zimblich ſpatt in die Nacht/ vnd
die Ruhe war jhnen auch Muͤdigkeit halben von noͤ-
then; derentwegen hielten ſie nach geſegnen mit dem
reden jnne. Nichtsdeſtoweniger lieſſen doch die Sor-
gen zwiſchen dem wachen vnd ſchlaffen die Gemuͤ-
ther nicht ruhen. Archombrotus ſtalte jhm die Ge-
fahr fuͤr Augen/ von welcher er kurtz zuvor gehoͤret
hatte; vnd war jhm nichts mehr zuwider/ als daß es
ſich zu einem Frieden anſehen lieſſe. Dann wie wuͤr-
de er nun Mittel haben ſich in der Schlacht zube-
finden? bey welcher Gelegenheit/ vnd mit was fuͤr
Waffen koͤndte er dem Meleander ſeinen Muth vñ
Staͤrcke bezeugen? So betrachtete er auch mit La-
chen ſtillſchwergend/ daß Poliarchus/ der ſo fertig
were zu ſtreitten/ vnd allerley Gluͤck zuverſuchen/ ein
ſolch ſchrecken empfunden von dem bloſſen Namen
einer Jungfrawen. Dann er vermeinte/ daß er auſ-
ſer ſeiner Tugendt vnd Dapfferkeit nichts hette/ da-
durch er jhm entweder Gluͤcks oder Stands wegen
auff ſolche Heyrath doͤrffte rechnung machen. Im
Fall nun/ ſagte er bey ſich ſelber/ dieſe privat Perſon
eine Lieb auff die Argenis eines Koͤnigs Techter
werffen darff/ wer wil zweiffeln/ daß Amor vns das
Gedaͤchtnuß aller Gefahr vnd Vngluͤcks außden
B iiijSinnen
[24]Joh. Barclayens Argenis/
Sinnen reiſſe? daß die Liebhaber ſich ſchwerer Sa-
chen vnterfangen/ vnd die geringſten groß ſindt ſo
bald ſie geliebet werden? Hergegen machten dem Po-
liarchus/ der ſeltzame Anſchlaͤge fuͤr ſich hatte/ die
Forcht vnd Hoffnung allerley widerwaͤrtige Ge-
dancken. Endlich vberfiel ſie der Schlaff alle beyde:
als ſich in deſſen gemach vnd gemach von dem hin
vnd wider lauffen der Leute ein Getuͤmmel durch
das gantze Hauß erꝛegte: ſtracks hernach kamen et-
liche Diener fuͤr die Kammer/ die meldeten/ daß jhre
Fraw/ die Timoclee/ bald wuͤrde bey jhnen ſeyn. Sie
ſtunden erſchrocken auff/ vnd waren von dem erſten
Schlaffe etwas verdroſſen; als ſie aber ſich recht be-
ſinnen kundten/ legten ſie die Kleider nur vberhin an/
vnd giengen Timocleen entgegen. Sie/ nach Ent-
ſchuldigung/ daß ſie jnen/ welche ohne diß muͤde we-
ren/ Vnruhe machte/ ſagte: Ihr Herꝛen/ es iſt was
wichtiges vorhanden; vnd das darumb deſto mehr
zu fuͤrchten iſt/ weil man wegen der Nacht nicht wiſ-
ſen kan was es ſeyn mag. Man ſihet auff allen Huͤ-
geln der Felder ein liechtes Fewer auffgerichtet/ wel-
ches niemals zu geſchehen pfleget als auff Befehl
deß Koͤniges/ vnd wann allgemeiner Wolfart hal-
ben geſchwinden vleiß anzukehren von noͤthen iſt.
Als ſie dieſes geſagt/ fuͤhrte ſie beyde zu oͤberſte auff
das Hauß welches nicht zugeſpizet war/ ſondern
mit Bley alſo gedecket/ daß man auff der Flaͤche
deß Daches ſich zur Wolluſt vmbſchawen kondte.
Es war gantz nicht gewoͤlcket am Himmel/ vnd
der
[25]Das Erſte Buch.
der Mondt/ welcher offtmahls mit ſeinem Liechte
verhindert daß man den Glantz deß Fewers nicht ſe-
hen kan/ ſchiene damals nicht: ſo das ſie bey heller
Nacht von gemeldtem Altane die Fewer/ welche al-
lenthalben von den Huͤgeln leuchteten/ gar wol ſe-
hen moͤchten. Sie hatten ſich aber nicht lange vmb-
geſchauwt/ als ſich von den Leuten ſo vmb ſelbige ge-
gend vnd in benachbarter Stadt wohneten ein Tu-
mult vnd Geſchrey erhub: welches wegen ſtille der
Nacht jhnen ſchrecklicher als ſonſt zu Ohren kam.
Die zwene Gaͤſte befohlen/ daß man die Thore zum
Hauſe vleiſſig verwahren ſolte/ damit nicht et-
wan Raͤuber bey wehrendem Gelauͤffe jhre Gele-
genheit einzufallen erſehen moͤchten. Timoclee aber
ſagte/ man koͤnte nicht ſo bald erfahren/ was es doch
ſey das durch ſolche offentliche Zeichen angedeutet
wurde. Phthinthia lege nicht weit von dannen:
vnnd wan es ſie fuͤr gut befindeten/ ſo wolte ſie einen
jhrer Diener dahin ſenden/ der deſſentwegen nach-
fragen ſolte. Sie lieſſen es ihnen gefallen/ giengen
an das Thor/ vnnd ſchickten ein Geſinde fort mit
Befehl/ von dieſem Schrecken rechten Bericht ein-
zuziehen/ vnnd eilendts Antwort zu ſagen waß es
anlangendt ſey. Vnter deſſen ſpatzirten ſie beſtuͤrtzt
auff den Saal/ machten ein Fewer auff/ vnd als
die Fraw bey jhnen in der Mitten ſaß/ Fragten ſie/
was dieſes fuͤr ein Gebrauch in Sicilien were/ vnnd
worzu die Nacht Fewr dieneten. Dann/ ſagete Po-
liarchus/ es iſt vber ein Jahr daß ich nun in Sici-
B vlien
[26]Joh. Barclayens Argenis/
lien bin/ vnd habe dergleichen zuvor doch niemahls
geſehen. Habt ihr nicht achtung drauff gegeben/
ſagte Timoclee/ daß auff der Spitzen eines jeglichen
Huͤgels Stangen auffgerichtet ſind in der Lenge ei-
nes Maſtbaumes/ auff welchē zu oberſte gleichſam
ein Keficht mit Eiſernen Schienen beſchlagen iſt?
Poliarchus ſagt: Ja/ er hett es geſehen. Diſe gemei-
ne Baͤwme ſprach ſie/ ſind zu dem Ende dahin ge-
ſetzt/ daß man Fewer darauff legen kan/ vnd dem
Volck auß Befehl des Koͤniges zu wiſſen thun/
weſſen ſie ſich in Eyll verhalten ſollen. Solches nen-
net man Poſt- oder Lauff-Fewer. Die ſo ſie zum er-
ſten ſehen/ zuͤnden auch auff ihren Huͤgeln die Leuch-
ten ſtracks an/ vnnd von dieſen werden die ſo wei-
ter wohnen in gleichem gewarnet/ biß dieſe Flam-
me mit vnglaublicher Geſchwindigkeit die gantze
Inſel durchlauffen hat. In deſſen ſtellet ſich das
Volck in die Ruͤſtung/ bereittet zu verꝛichten was
jhm anbefohlen wird. Zugleiche leſt der Koͤnig in
der nechſten Stadt kundt thun was ſeine Meinung
ſey: von dannen reitten die Buͤrger mit friſchen
Pferden auff die benachbarten Staͤdte/ welche es
den Andern weiter vnnd weiter mit Ebenmeſſiger
Willfaͤrigkeit anmelden. So daß durch dieſe vleiſ-
ſige Vorꝛichtung gantz Sicilien nach bloſſem
wincken deß Koͤniges in einem Augenblick auff den
Beinen iſt. Man pfleget aber ſolches Fewer oh-
ne groſſe erhebliche Vrſachen nicht anzuzuͤnden:
vnnd habe ich es nicht mehr dann einmahl geſehen/
als
[27]Das Erſte Buch.
als man auff dieſe Weiſe etzliche Moͤrder ſuchte/
welche ſich an deß Koͤniges Perſon vergreiffen
wollen. Helffen die Goͤtter/ daß ſie nicht zu dieſem
mal einer mehr trawrigen Vrſache/ vnd ſchon voll-
brachter That halben moͤgen angezuͤndet worden
ſein. Poliarchus kundte dieſe Vrſache noch nicht
billichen/ vnnd ſagte lachende: Meine Fraw/ ich ver-
meinete jhr wuͤrdet dieſe Gewonheit noch herbrin-
gen von den alten Ceremonien der Kertzen/ welche
Ceres/ als ſie jhre Tochter verlohren bey dem
Dampffe ewers Berges Ema angezuͤndet ſoll ha-
ben. Was hat aber dieſer Tumult fuͤr Nutz hinder
ſich? oder was hilfft es den Fuͤrſten/ wann er ſein Ge-
ſchaͤffte lieber bey Furchte der Nacht/ als am Tage
durch ſeine Leute verꝛichtet? Dieſer Gebrauch/ ant-
worttete die Fraw/ iſt nieht ſo vergeben als ihr wol
meinet/ mein Poliarchus: ſonderlich wañ man ſich
beſorget/ daß nicht eine feindtliche Schiffsmacht
heimlich in der Inſel abſtoſſen moͤge. Dann die Be-
fehlichshaber vber die Porte/ wann ſie durch ſolche
fackeln gewarnet werden/ beſchlieſſen die Einfahr-
ten mit Ketten/ vnd halten die Stewerknechte bey
den Rudern in aller Bereitſchafft/ da es ja von noͤ-
then thete/ die ſchiffer auff den Feindt zufuͤhren. So
bleibet auch ein jeglicher vom Volcke bey ſeiner
Fahn vnnd Obriſten/ daß der Feindt/ wan er ſchon
mit Liſt außgeſtiegen were/ die Inſel doch ohne wi-
derſtandt nicht vberfallen koͤnne. Es iſt auch noch
eine Vrſache dieſer Fewer: wann nemblich ein V-
belthaͤ-
[28]Joh. Barclayens Argenis/
belthaͤter/ deſſen Straffe zum Exempel dienen ſoll/
entweder aus Sicilien entrinnen/ oder durch behelff
der Berge vnnd Zuthun der Seinen ſich verhoͤlen
will. Dann in fall dieſe Fewer ſchon einmahl ange-
ſtecket ſindt/ ſo iſt keinem erlaubet fortzuſegeln: vnd
der/ welcher den Schuldigen herberget vnd hauſet/
macht ſich den Geſetzen nach gleichen Verbrechens
vnd Straffe theilhafftig. Von ſolchen der Timo-
cleen Reden kamen ſie auff andere/ vnd hatten aller-
ley Gedancken/ was doch dieſer Aufflauff bedeuten
moͤchte. Poliarchus befahrete ſich alles Boͤſen: weil
er wuſte/ wie beym Lycogenes keine trewe Ader/ vnd
Meleander leichtlich zubetriegen were; angeſehen
ſonderlich/ daß die meiſten ſeiner Leute nicht auff-
richtig mit jhm vmbgiengen: vnd dann auch/ daß
jhm ſein groſſes Gemuͤte denen nicht lieſſe Vntrew
zumeſſen/ fuͤr welchen er doch ſich vorzuſehen billich
Vrſach hette.

Das IV. Capitel.

IN dem ſie alſo jhr Geſpraͤche von dem Einhei-
miſchen
[29]Das Erſte Buch.
miſchen Kriege hielten/ wird angemeldet/ Timo-
cleen Diener ſey zu ruͤck kommen. Stracks vmb-
ringten ſie jhn/ vnd kundten der Zeittung kaum er-
warten. Weil er aber vor Schrecken gleichſam zit-
terte/ durfften ſie jhn nicht fragen. Er war auch der
Meynung/ daß er in Beyweſen der Herꝛen die Ant-
wort nicht ſagen doͤrffte/ ruffte Timocleen beyſeite/
vnd als er geſaget was es belangendt were/ ward die
Fraw gantz vnd gar beſtuͤrtzt/ vnd er ſtandt/ als we-
re er verſtarret: Zu letzt nam jhn Timoclee/ (wie ſie
dann auff eine Eyle Raht zu finden ſehr fertig war)
bey der Handt/ vnd fuͤhrte jhn/ daß er mit dem an-
dern Geſinde nicht zur Rede kaͤme/ in jhre Kam-
mer; gab auch den Gaͤſten ein Zeichen/ daß ſie fol-
gen ſolten; ſchloß nachmals gantz bebende die Thuͤr
zu/ vnd befahl dem Knechte zu vermelden alles was
er gehoͤrt hette. Da hub er an: Ich war kaum recht
in die Statt kommen/ als mir viel Leute entgegen
lieffen/ wie es bey Auffruhr her zugehen pfleget/
vnd ſelber nicht wußten wo ſie hin giengen. Es
ſtunden Laternen fuͤr allen Thuͤren/ vnd das Volck/
ſo in hauffen abgetheilet war/ kundte vor Schre-
cken kaum ſtehen. Wie ich zu den foͤderſten kam ſo
vernam ich daß ſie ſagten/ Poliarchus/ welcher der
beleydigten Majeſtaͤt ſchuldig erklaͤret were/ wuͤrde
ſetzund geſucht daß man jhn vmbbraͤchte; vnd jhn
zu finden hette man dieſe Poſtfewer anzuͤnden laſ-
ſen. Ich fuͤrchtete aber/ ſie moͤchten deß Nahmens
rren/ vnd fragte fleiſſig/ wer dieſer Poliarchus we-
re/ vnd
[30]Joh. Barclayens Argenis/
re/ vnd was er verſchuldet hette? Sie ſtunden aber
alle auff einer Rede/ es were Poliarchus/ der fremb-
de Herꝛ/ welcher vber ein Jahr lang in Sicilien ſei-
ner Tapfferkeit vnd Freundſchafft halben die der
Koͤnig mit jhm gepflogen ſo berhuͤmbt geweſen.
Was er aber verſchuldet hette/ koͤnten ſie eygent-
lich nicht ſagen: aber ſie wuͤſten/ daß er vom Koͤni-
ge ſelber verdammet were/ vnd jetzt in allen Win-
ckeln geſucht wuͤrde. Von dieſem hauffen gieng ich
wider zu einem andern/ da verſtandt ich eben die-
ſes; vnd weil kein Menſch mit Widerſprechen ſol-
ches Geſchrey vngewiß machte/ habe ich das was
nun ein mal klar iſt nicht verſchweigen ſollen.

Archombrotus vnd Timoclee/ wie ſie es ver-
ſtanden/ ſahen den Poliarchus an. Er aber ward
bleich/ zitterte vnd bebete; nicht zwar wie die ſo jh-
nen vbel bewuſt ſind/ ſondern auß Vngedult der
Gefahr/ vnd ſeines groſſen Muthes halben/ dem
Schmach zu leyden vnertraͤglich war. Er fragte
den Diener zu vnterſchiedlichen malen/ ob jhm ey-
gentlich alſo/ vnd die Fraw/ ob der Knecht auch
recht bey Sinnen were? Vber dieſem war es als ob
er Witz vnd Verſtandt verliere. Hernach ſchwiege
er zimlich lange; damit er nicht auß groſſer Vnge-
dult deß Gemuͤhtes etwas wider das Gluͤck oder
den Koͤnig redte/ das ſeiner Perſon vbel anſtuͤnde.
Aber der Sachen Wichtigkeit/ vnd daß er nicht
wuſte ob auch in dem Hauſe da er war lange zu tra-
wen were/ lieſſen jhn nicht viel Zeit zu raſten. Der-
entwegen
[31]Das Erſte Buch.
entwegen hub er Augen vnd Haͤnde gegen Him-
mel; vnd/ jhr Goͤtter Siciliens/ ſagte er/ vnd ſo viel
ewerer mehr vber vns ſind/ die jhr recht vnd Billich-
keit erhaltet; jhr geheyligten Geiſter/ vnd jhr maͤchti-
gen Haußbeſchirmer deß Meleanders/ die jhr mich
frembden gewuͤrdiget habet zu einem Gaſte auff-
zunehmen/ ich beſchwere vnnd bitte euch/ wo ich
wider den Koͤnig vnnd die Staͤnde Siciliens et-
was verbrochen: wo ich mit Huͤlffe/ Rath oder
That das Recht der bewirtung beleidiget: oder auff
einigerley Wege die Schmach ſolcher offentlichen
Nachtrachtung verdienet habe/ daß jhr mich in
die Haͤnde meiner Feinde wollet fallen/ vnd mir
den grawſamſten vnd ſchmaͤlichſten Todt anthun
laſſen den man jmmer erdencken mag. Habe ich a-
ber im widrigem Fall dieſem Koͤnigreiche zum be-
ſten gethan alles was menſchlich vnd moͤglich ge-
weſen/ vnd mir diß ſpoͤttliche Vbel zu Vnrecht an-
gethan wird/ ſo thut mir zum wenigſten ſo viel gu-
tes/ jhr Goͤtter/ daß ich nach meiner Rechtfertigung
gegen dem Koͤnige vnd dem Volcke mich ſicher auß
dieſer Inſel wegk machen/ vnd keinen boͤſen/ noch
meinem Stande vngebuͤrlichen Nachklang bey hie-
ſiger Nation hinterlaſſen moͤge. Euch betreffendt/
geehrte Fraw/ ſo begere ich euch nebenſt mir in keine
Gefahr zuſetzen/ ſondern ich wil/ noch dieſe Nacht/
mich auff freyes Feld begeben/ damit ewer Hauß võ
meinẽ Vngluͤck vnangeſtecket bleibe. Vnter deſſen
brante Archõbrotus fuͤr zorne; vñ die freundſchafft
welche
[32]Joh. Barclayens Argenis/
welche in einẽ Tage auffgerichtet worden/ war ſol-
cher Kraͤfften/ daß er ſich antrug jhm biß auff das
euſſerſte Beyſtandt zuleiſten. Man hette auß dem
Geſichte/ auß der Entruͤſtung/ vnd auß den Wor-
ten die ſie beyde herauß ſtieſſen nicht koͤnnen vnter-
ſcheiden/ welchen die Sache am meiſten betroffen;
außgenommen daß Archombrotus ſeinen Grimm
viel hefftiger außließ. Die Fraw aber/ gleichſam als
glaubte ſie deß Dieners Zeitung nicht/ gab fuͤr/ ſie
wolte ſtracks andere außſchicken/ die gewiſſeren Be-
richt eynziehen wuͤrden. Doch befahl ſie dẽ Knechte
in der Kammer zu warten/ vnd fuͤhrte die Gaͤſte von
jhm hinweg in ein anders Gemach/ daſelbſt Raht
zuhalten wie den Sachen zu thun were.

Das V. Capitel.

ALs ſie hineyn kommen/ vermochte ſie jhr
Seufftzen vnd weynen wegen deß Poliarchu
Vngluͤcks nicht zulaſſen. Dann wie ſie nich
zweyfeite an ſeiner Vnſchuld/ alſo zweyfelte ſi
gleichwol
[33]Das Erſte Buch.
gleichwol auch nicht an deß Koͤniges Zorne: weil
der Diener/ welcher ſehr verſchlagen war/ ſich nicht
wuͤrde vnter ſtanden haben etwas zu berichten/ von
dem er nicht gewiſſen Grundt eyngezogen. Ihre
Perſon belangendt/ ſo vbergab ſie dem Poliarchus
jhr Hauß/ Haab vnd Gut/ vnd ſtuͤnde jhm zu ſei-
ner Rettung frey darmit zu thun vnd zu laſſen. A-
ber/ ſagt ſie/ was wuͤrde dieſes Hauß/ oder ewere Ge-
ſellſchafft/ Herꝛ Archombrotus/ wider den Koͤnig
dienſtlich ſeyn? Wir werden bald außgeruͤſtete Sol-
daten hier haben/ vnd ſteht das Hauß offen/ ſo wird
es verrahten; machen wir es zu/ ſo wird man es vns
gar auff den Halß werffen. Dann daß bey ſo vielem
Geſinde als wir haben gar keine Vntrew vorlauf-
fen ſolle/ vnd daß niemand von den Knechten/ wann
jhr allhier gedencket verborgen zu bleiben/ vnſere
Heimligkeit verꝛahten werde/ iſt nicht zu hoffen.
Wiſſet jhr aber/ was mir in der gehlingen Furchte
iſt eyngefallen? Die ſo diß Hauß gebawet haben/
haben vnter der Erden einen heimlichen Gang gra-
ben laſſen/ welchen jetziger Zeit kein Menſch weiß
als ich. Er iſt in drey Wege abgetheilet/ vnd hat
auch drey Außgaͤnge/ durch welche man in vnter-
ſchiedene oͤrter deß Feldes kommen kan. Daſelbſten
koͤnnet jhr gantz ſicher verbleiben/ vnd aller Gefahr
entgehen. Stellet euch nur/ als jhr wegen deß boͤſen
Geſchreyes erſchrocken weret/ vnd von mir wegk
ſchiedet/ damit wir beyde vns nichts befuͤrchten
doͤrffen; ſo wird der verhaſte Tumult euch als den
Cſchuldi-
[34]Joh. Barclayens Argenis/
ſchuͤldigen/ vnd mich als die auffnehmerin nicht
vberfallen koͤnnen. Wann jhr auß meinem Hauſe
kommet/ wird euch die Reye der Baͤume von mei-
nem Thore gegen dem Fluſſe Himera zu biß dahin
fuͤhren/ wo nicht weit von dem Vfer deß Waſſers
ein heimlicher Eyngang in obgemeldete Hoͤle iſt.
Ich wil hinder meiner Leute Vorwiſſen durch die
verborgenen Schluͤpffloͤcher deß Hauſes biß eben
zu der Gegendt deß Fluſſes mit einer Fackel kom-
men/ vnd euch in die Hoͤle leyten: da wir euch dann/
mit Beyſtandt der Goͤtter/ ſo lange auff halten wol-
len/ biß die Vnſinnigkeit deſſen Gewitters fuͤruͤber
iſt. Es iſt nicht von noͤthen geweſen/ daß ich dieſe
Heimlichkeit fuͤr dem Archombrotus hette bergen
wollen; weil ſeine tapffere Natur es wol vnoffenba-
ret wird laſſen. Aber es wil nur ſeyn/ daß der Diener
welchen jhr bey euch habet nichts hiervon erfahre;
weil er deß Fuͤrchtens moͤchte muͤde/ vnd der Ver-
geltung begierig werden/ vnd alſo ſeine Trew gegen
euch veraͤndern. Poliarchus wuſte nicht/ wie er der
Timocleen gnugſam dancken ſolte/ vnd ließ jhm
den Rhatſchlag auff dieſe Nacht gefallen. Dann er
wolte in der Hoͤle nicht laͤnger verborgen ligen/ als
biß er verſtuͤnde was fuͤr Wahnſinnigkeit Sicilien
wider jhn anhetzte. Den Diener aber hette er jeder-
zeit ſo trew befunden/ daß er jhm ſeine jnnerlichſte
Geheimnuͤſſe nicht moͤchte vnvertrawet laſſen. So
were er auch bey jetzigem Vnweſen ſeiner fuͤr allen
Dingen benoͤttiget. Vom Archombrotus duͤrffe er
nicht
[35]Das Erſte Buch.
nicht bitten ſolches ſein Fuͤrhaben heimlich zu hal-
ten/ vnd er were eines groͤſſern Vngluͤckes als das
jhn jetzt betreffe wuͤrdig/ wann er an ſeiner Auffrich-
tigkeit zweiffeln wolte. Mit dieſen Reden giengen
ſie auß der Kammer; darauff der behertzte Poliar-
chus ſeine gantze Außruͤſtung/ als ob er in die
Schlacht ſolte/ anlegte/ vnd ſich auff der Timo-
cleen Thuͤr zu machte. Woruͤber dann alle im gan-
tzen Hauſe beſtuͤrtzt worden/ vnd je einer den andern
heimlich fragte/ was die ploͤtzliche Veraͤnderung be-
deutete: welchen er mit kurtzen Worten ſagte/ daß
die auffgerichteten Fewer jhm gielten/ vnd er in
groſſer Gefahr ſtuͤnde. Derentwegen wolte er flie-
hen/ damit ſie jhn nicht entweder ſelber verꝛathen
muͤſten/ oder nebenſt jhm ſich in gleiches Verderben
ſtuͤrtzen. Nam er derentwegen zum Schein als er
weit von dannen zu reyſen gedaͤchte vom Archom-
brotus vnd Timocleen Abſchied/ ſaß zu Pferde/
vnd machte ſich mit ſeinem Diener auff den Weg
welchen die Fraw jhm hatte angedeutet.

Die augenſcheinliche Gefahr/ vnd der Spott
fluͤchtig zu werden kraͤnckte den jungen Herꝛen hef-
tig. Bin ich nicht wahnſinnig/ ſagte er/ Gelanor
(diß war deß Dieners Nahmen) daß ich mein leben
zu eines andern Gewalt habe außgeſetzt? Was iſts
von noͤthen/ daß ich vnbekanter Weiſe mich vnter
dieſer Nation herumb blewe/ ohne das Außſehen
welcher meiner Hoheit gemaͤſſe iſt? Was deuten die
Fabeln anders an/ welche tichten daß Lycaon ſeinem
C ijGaſte
[36]Joh. Barclayens Argenis/
Gaſte dem Jupiter nach der Gurgel greiffe/ als daß
Fuͤrſten die vnvorſehener Weiſe hingerichtet wer-
den/ in dem ſie ſich frembden vertrawen/ jr Vngluͤck
nicht ſo ſehr boͤſen Leuten/ als jrer eygenen Thorheit
zuſchreiben doͤrffen? Ich habe mir vnrecht zu thun
fug gelaſſen. Wolan/ Gelanor/ ich verdiene es was
ich jetzt ertrage. Wie er diß redet/ faͤllt jhm die Vr-
ſache eyn/ welche jhn in Sicilien auffhielte; da er
dann ſich beduͤncken ließ/ er hette ein groſſes ver-
brochen/ daß er ſich vber entſtandene Widerwaͤr-
tigkeit beklagete/ angeſehen die Gluͤckſeligkeit ei-
ner ſolchen Hoffnung/ derer wegen er alldar lebete.
Gelanor/ ſo auß trewhertziger Furchte der Gefahr
ſeines Herꝛen gantz betruͤbet war/ meynete in ſeinem
Sinne/ Poliarchus ſolte ohn laͤngere Vmb-
ſchweiffe ſein Geſchlechte vnd Standt entdecken.
Dann wann er ſagen wuͤrde wer er ſey/ vnd ſich ſei-
ner Hoheit nach halten/ wuͤrde Meleander gutwil-
lig ſich deß ſch[aͤr]pfferen Verfahrens wegen ent-
ſchuͤldigen/ vnd die Feinde jhn vmb Verzeyhung
bitten. Ihr verſtehet es nicht/ ſagte Poliarchus.
Nach dem mir das vnrecht ſchon angethan iſt/ ſo
wil hoͤchlich von noͤthen ſeyn daß ich mich nit mel-
de. Dann es duͤrffte geſchehen/ daß ſie in Betrach-
tung meiner Wuͤrden noch mehr entbrennen moͤch-
ten/ vnd bedencken/ ich koͤnte nach der Beleydigung
nur einmal fort gelaſſen werden/ aber allzeit deß
Vnrechts gedencken. Gelanor redete nichts darwi-
der/ als dem ſolche Meynung zu hoch war; ruffte
aber
[37]Das Erſte Buch.
aber bey ſich ſelbſt alle Sternen ſo damals ſchienen
jhm vnd ſeinem Herꝛen vmb Huͤlffe vnd Rath an.

Timoclee/ in deſſen/ nach dem ſie Thuͤr vnd
Thor fleiſſig geſperꝛet/ befahl jhren Leuten ſaͤmpt-
lich ſich zu Rhu zu legen mit Fuͤrgeben/ ſie moͤchte
dieſe Nacht von dem Geſchrey weiter nichts hoͤren;
auff den Tag koͤnte man gewiſſern Vnterricht eyn-
ziehen. Hernach gieng ſiedurch alle Kammern jres
Volckes/ als ob ſie deß Hauſes halben Beyſorge
truͤge; in Warheit aber geſchahe es/ damit nicht et-
wan ein fuͤrwitziger kaͤme zu erfahren was ſie in ge-
heim thun wolte. Als ſie ſahe/ daß maͤnniglich
ſchlaffen war/ vnd ſich nichts mehr zu fuͤrchten we-
re/ gieng ſie mit dem Archombrotus in einen kleinen
Keller/ darinnen der kuͤnſtliche Bawmeiſter den
heimlichen Eingang zu der Hoͤlen verborgen hatte.
Der Ort war mit Ziegeln gepflaſtert/ deren En-
de mit Naͤgeln zuſammen gefuͤget waren/ zweene
außgenommen ſo vnverbunden blieben; daß man
ſie/ wann es von noͤthen thete/ von der Ordnung de-
ſto leichter außheben moͤchte. Vber dieſen ſtandt ei-
ne lange Tafel/ damit niemand drauff tretten koͤn-
te/ vnd wann man etwan daruͤber gieng/ weil ſie mit
den andern nicht verfaſſet waren/ jhnen alſo Ge-
walt thete/ daß die Heimligkeit verꝛathen wuͤrde.
Timoclee ließ jhrer wenig hineyn gehen; kam auch
ſelber nicht offt dahin. Zu dieſem mal aber hub ſie
die Ziegeln wegk/ vnd oͤffnete den Eingang zu der
Hoͤle vnd Staffeln ſo vnter das Hauß leyteten:
C iijbald
[38]Joh. Barclayens Argenis/
bald ſchlug ſie auß einem Kieſelſteine Fewer/ fieng
es mit einem Schwefel/ vnd zuͤndete die Fackel
an welche ſie zu dieſem Ende mit ſich genommens
gieng alſo mit dem Liechte voran. Archombrotus
folgete mit bloſſem Degen in der Fauſt/ zu ſeiner
vnd der Frawen beſſerer Sicherung. Es waren
bey zwantzig Staffeln hinunter in die vntergrabene
Grufft/ welche nach einer zimlichen Laͤnge ſich bey
vnterſchiedenen Huͤgeln endete/ daß man/ wann
gleich ein Feind ein Loch eyngenommen/ dennoch
andere Mittel zu entfliehen hatte. Das Erdreich
war zu dieſem Wercke ſehr bequem: dann es war ſo
feſte/ daß/ ob ſchon an einem Orte gegraben ward/
das Stuͤcke/ ſo ſtehen ſolte bleiben/ nicht hernach
fiel: hergegen war es auch den Arbeitern nicht ſtren-
ge zu hawen/ weil es weder Steine hatte die den
Streich auff hielten/ noch Sand der allzeit wieche
vnd jhren Fleiß zu nichte machte. Dieſer Gang war
einer groſſen Laͤnge/ vnd durchauß gewoͤlbet: vnd
wiewol die Aecker vnd das Gebaͤw deß Hauſes v-
ber jhm lagen/ ſo war er doch von ſo vielen Jahren
her nichts verfallen. Fornen zu hatten ſie ein kleines
Stuͤcke mit Kalck beworffen/ daß man etwas dar-
auff mahlen vnd ſchreiben koͤnte laſſen. Aber die
Faͤule vnd Feuchtigkeit der eyngeſchloſſenen Lufft
hatte die Gemaͤlde gar zu ſchanden gemacht: gleich-
wol kundte man noch ein Altar vnd einen Men-
ſchen der gleichſam Weyrauch darauff legte/ er-
kieſen. Archombrotus hette es fleiſſiger vberſehen;
Die
[39]Das Erſte Buch.
Die groſſe Sorge aber fuͤr den Poliarchus ließ
ſich ſein Gemuͤhte in ſolcher Betrachtung nicht
auffhalten.

Das VI. Capitel.

IM Gehen berichtete Timoclee den Archom-
brotus auff ſeine Frage/ ob zwar Poliar-
chus ein frembder ſey/ ſo were er dem Koͤni-
ge doch fuͤr allen in gantz Sicilien lieb geweſen;
vnd hetten jhm gute Leute diß nicht mißgoͤnnet.
Aber ich weiß nicht/ ſagte ſie/ was fuͤr ein ſonderli-
ches Verhaͤngnuß ſich heutiges Tages denen die
bey Koͤnigen in Gnaden ſind widerſetzet. Es iſt
wahr/ antwortete Archombrotus: hat dieſes boͤſe
Geſtirne nicht jnnerhalb kurtzer Zeit viel Hoͤfe
mit ſeiner ſchaͤdlichẽ Wirckung angeſteckt? Gleich-
wol/ ſagte Timoclee/ die Vrſach daß andere ge-
ſtuͤrtzt ſind worden/ iſt entweder von jhnen kommen/
oder von jhren Herꝛen. Aber was hat dieſen/
der ſelber ſo tugendhafftig iſt/ vnd bey einem ſo
frommen vnd weiſen Koͤnige lebet/ fuͤr ein Fall
geruͤhret? Wollet jhr zum Exempel anziehen die
C iiijzwey
[40]Joh. Barclayens Argenis/
zwey Ehelcute auß Lydien/ welche nicht vnlaͤngſt
in der frembde jhre gar zu vnmaͤſſige Gluͤck ſelig-
keit zur Straffe gebracht hat? in dem zwar er an
der Schwelle deß koͤniglichen Hauſes in ſeinem
Blute gelegen/ vnd ſie auß dem Gefaͤngnuͤſſe da-
rumb gefuͤhret ward/ daß jhr von dem Hencker jhr
Recht gethan wuͤrde? Dieſes weiß ein jeder. A-
ber was kan man in ſelbiger Tragedien mit dem
Poliarchus vergleichen? Es mangelte jenen
nichts zum Koͤnigreiche als der Nahme vnd die
Krone; vnd war jhnen zu verſchmaͤhlich/ daß ſie
den eyngebornen deß Landes ſolte gleiche ge-
hen: Da doch nicht eine einige Tugend in jh-
nen geweſen/ warumb ſie ſo hohe Eynbildung
ſchoͤpffen moͤgen. Die blinden zwey Leute dorff-
ten ſich auch vnterſtehen deſſelben bluͤende Ju-
gend vnter die Fuͤſſe zu tretten/ der jhnen bey jh-
ren Guͤtern hette Schutz halten koͤnnen/ vnd ſie
hernachmals als er nur anfieng ſich ſeiner Macht
zu gebrauchen endlich außgerottet hat. Poliar-
chus aber hat den koͤniglichen Schatz nicht beruͤh-
ret; hat ſeine Kraͤfften weder mit Beſatzung noch
Feſtungen geſtaͤrcket. Ja es ſchiene/ als ſolche
ſeine Tugendt Sicilien nicht anders erleuchtete/
als die Sonne den Erdboden. Dieſe meineydi-
ge Lydier hielten ſich viel anders: wie auch ſonſt ein
par Eheleute auß Phrygien/ mit denen das
Gluͤck eben ein ſolch Spiel anfieng. Das wer-
den dieſe ſeyn/ hub Archombrotus darauff an/ die
newlich
[41]Das Erſte Buch.
newlich auß dem Koͤniglichen Hofe/ an welchem ſie
alles zuthun vermochten/ in den Galgen kommen
weren Zauberey wegen; wann nicht der Koͤnig an
ſeine alte Liebe gedacht/ vnd jhnen auß Gnaden das
Gefaͤngniß verehret hette. Es iſt nicht anderſt/ ſag-
te Timoclee/ jhr wiſſet wie jhr Verbrechen auß der
weiſe geweſen. Er zwar hat jhm ſeinen vorigen Zu-
ſtandt auß der Acht gelaſſen/ vnd es jhm fuͤr ſpoͤtt-
lich gehalten/ daß er von vielen geliebt wuͤrde, ſie aber
hat ſich an die Verbitterung der Leute/ vmb daß
ſie der erſten Heyrath ſich entbrochen hette/ nicht ge-
kehret: alſo daß von beyden die groſſe Juno iſt er zoͤr-
net worden/ vnd ſie nicht ſo nachdencklich geweſen
ſind/ daß die Goͤttinnen auch jhren Donner haben.

Fraw/ ſagte Archombrotus/ man wuͤrde noch
mehr beſtuͤrtzt werden/ wann nicht die Gewonheit
dergleichen Spiel zuſchen die Verwunderung ge-
mindert hette. Schawet deß Aquilius/ ſchawet deß
Hippophilus Hoff an. Was hat es die groͤſſeſten
Haupter nach dem Lauffe jhrer vbermaͤſſigen Ge-
walt geholffen/ daß ſie auff die hoͤchſtẽ Wuͤrden deß
Geiſtlichen Standes als auff eine freye ſtaͤtte ſind
zugeeylet? So viel/ daß jhre ſterbende Hoheit deſto
ſcheinbarer begraben wuͤrde. Aber das hieſſe gleich-
wol die Fuͤrſten aller Gewalt berauben/ wann ſie nit
Macht hetten jhre Freundſchafft zuverwechſeln wie
ſie wolten. Meine Fraw/ verſtatten wir doch dieſes
Recht gemeinen Leuten. Iſt es ſo beſchaffen/ ſagte
Timoclee herwider/ ſo werdet jhr in ſolcher Flucht
C vdeß
[42]Joh. Barclayens Argenis/
deß Gluͤckes entweder die Fuͤrſten/ oder jhre Freun
de ſo in Vngnade kommen/ ſchwerlich entſchuldi-
gen. Dann ſolche Koͤnige/ mag ich anders die War-
heit reden/ bey welchen allzeit etliche gar zuviel ver-
moͤgen/ fallen durch eine veraͤnderliche Wolluſt zu
lieben jetzt auff dieſes/ jetzt auff jenes. Sie fangen jh-
re Gunſt mit einem Zufall an/ vnd enden ſie mit ei-
nem Eckel: ſie erfriſchen jhr Gemuͤthe durch new
Freundſchafft/ wann ſie der alten Gewonheit ſat
haben. Es gehet mit etzlichen auß jhnen zu wie mi
gewiſſen Krancken/ daß ſie von einer groſſen Hitze
in haͤrtere Kaͤlte fallen/ vnd jhre Liebe mit Feind-
ſchafft beſchlieſſen. Sie ſind jhrer Begierden Ge-
fangene/ in dem ſie zu vnmaͤſſig begnadigen/ vnd
zu grauſam haſſen. Etwas glimpfflicher ſind dieſe/
welche an dem begnuͤget ſind/ daß ſie/ in dem ſie newe
Freunde annemmen/ die Alten zwar nicht achten/
aber doch auch nicht beleydigen: vnd dannoch erfuͤl-
len ſie jhre Hoͤffe mit Widerwillen/ Ehrgeitze vnd
Gezaͤncke. Endlich lieben zwar laͤnger/ aber nicht ſi-
cherer vnd trewer die jenigen/ die an jhnen wol befin-
den/ daß ſie wenig Erfahrung vnd Nachdenckens
haben jhre Sachen fortzuſtellen/ vnd demſelbigen
alles anvertrawen/ welchen ſie fuͤr den geſchickteſten
halten/ auch jhm nicht weniger ſich ſelbſt als jhre
geſchaͤffte vntergeben: welches offtmals einen traw-
rigen Außſchlag gewinnet. Dann Herꝛen die ſich
ſelber nicht zuregieren wiſſen/ koͤnnen ſchwerlich ei-
nen außleſen der ſie regieren ſolle. Im vbrigen/ ſo lie-
ben
[43]Das Erſte Buch.
ben ſie dieſen hernach nicht allein/ ſondeꝛn ſchmiegen
vnd biegen ſich fuͤr jhm/ vnd erſchrecken wann er jh-
nen einredet; ſo lange biß er auß Vergeßligkeit daß
er nur ein geliehenes Regiment habe/ ſich zu tyran-
niſiren vnterfaͤnget; oder biß der/ von dem ſolch An-
ſehen herruͤhret/ auß ſchwachheit deß Verſtandes
der ſeine Freyheit nicht gebrauchen kan/ ſich an-
faͤngt vber einem andern zuverwundern. Ich zwei-
fele nicht/ Mein Herꝛ/ jhr werdet meiner lachen/ daß
ich als ein Weib ſolche Wort gegen euch außſtoſſe:
aber glaubt es/ daß hieſiger Lande ſtethes Vngluͤcke
dieſen Inhalt zureden/ ſo gemeine gemacht hat/ daß
ein Frawenzimmer jetzundt gar weißlich darvon vr-
theilen kan. Darauff ſagte Archombrotus/ als der
auff der Fuͤrſten ſeiten war/ alſo: Ich geſtehe es/ Koͤ-
nige fehlen offt im vnterdrucken der Freunde: aber
wie vielmal geben die ſo in Gnaden ſind dem Gluͤck
ſelber Vrſach von jhnen zufliehen; welches ſie nicht
ſo bald verlaſſen wuͤrde/ wann ſie beſcheidener damit
vmbgiengen? Etzliche auß jhnen/ die auff jhres Her-
ren Natur nicht Achtung geben/ vnterlaſſen das je-
nige zuuͤben/ welches ſie in Gnaden gebracht hat: o-
der vberfallen vnd daͤmpffen mit einer Vngeſtuͤm-
migkeit jhre newe Gunſt/ die noch bey den Herꝛen
nicht eingewurtzelt iſt; wie die menge der Speiſen
den Magen erſtoͤcket/ der noch nicht zu kraͤfften iſt
kommen. Andere haben ſich geſtuͤrtzt/ daß ſie zu vn-
erſaͤttig geweſen ſind/ ob ſie gleich die Gunſt deß
Gluͤckes gleichſamb vberſchwemmet hat. Dann
wann
[44]Joh. Barclayens Argenis/
wann ſie jnnen werden/ daß jhr Herꝛ zu Anreitzung
einer newen Freundſchafft ſich neiget/ ziehen ſie jhr
mit beyden Haͤnden zuruͤck/ vnd halten jhm ein die
verheiſſung der beharꝛlichen Liebe gegen jhnen. Daß
alſo die jenige/ welche ſich ſolcher Gnaden entbre-
chen koͤnnen/ vnd mit groſſem Anſehen zu Ruhe b
geben/ lieber woͤllen fortgeſtoſſen ſeyn/ als ſelber Vr-
laub nemmen. Was ſol ich von der Thorheit ſa-
gen/ wann ſolche Gluͤckſeligkeit leichten Gemuͤtern
auff ſtehet? Ihr wiſſet wie Phaeton ſich deß Wa-
gens/ vnd Jearus der Fluͤgel gebrauchet haben: vnd
dannoch ſchelten wir nicht auff Jupitern/ noch auff
die Sonne/ von welchen ſie ſeynd geſtrafft worden.
Aber/ wandte Timoclee ein/ es gerathe wie es woͤlle/
daß dieſe Perſonen entweder ſich erhalten oder ſtuͤr-
tzen/ vnd wider in den Zuſtandt gerahten/ in dem ſie
vorhingeweſen ſind; ſo ſehet nur was den Koͤnigen/
derer Verderb oder Wolfahrt gemeiniglich einen je-
dern angeht/ auß ſolcher vbermaſſe der blinden Lie-
be entſpringet. Von mir zuſagen/ ich bin bey Hofe
erzogen wordẽ/ vnd hab von erfahrnen Leuten nichts
oͤffterer gehoͤret/ als daß ein Fuͤrſt/ vnd der ſein Land
zu regieren nicht verdroſſen iſt/ keinem ſo weit ein-
raͤumen ſol/ daß er ſich einem Theil anhaͤngig ma-
che/ vnd wider das andere einlaſſe. Dann wann die
jenigen/ welche durch Koͤnigliche Gnade zum hoͤch-
ſten geſtiegen ſind/ wegen vbriger Macht geneydet/
vnd doch von jhrem Herꝛn alſo geſchuͤtzet werden/
daß man jhnen ohne ſeine Beleydigung nicht ſcha-
den
[45]Das Erſte Buch.
den kan/ ſo erheben ſich allerley Spaltungen mit
groͤſſerer Freyheit; man taſtet den Koͤnig ſelber mit
Worten an/ vnd er muß vnter dem Namen eines
andern deſtoaͤrger herhalten/ je mehr die/ welche ſich
diß zuthun vnterſtehen/ der Meinung ſeynd/ daß er
wegen Schwachheit vbermaͤſſiger Liebe das vn-
recht ſo jhme geſchicht/ wenig fuͤhle. Aber in betrach-
tung der Vnwiſſenheit der Menſchẽ iſt nichts mehr
zubeklagen/ als daß Koͤnige vermeinen/ ſie werden
jhrer groſſen Beſchenckung halben trewlicher gelie-
bet; da vielmehr/ wo zuvor in denen welche ſie alſo
erheben/ eine auffrichtige Freundſchafft geweſen iſt/
dieſelbe durch vnbedachtſame Freygebigkeit wider
wirdt außgeleſchet. Dann ſolange ſolche der Koͤnige
Freunde ein behaͤgliches aber doch maͤſſiges Gluͤck
empfinden/ vnd gleichſam wie das ſchwache Epp-
hew eines Bawmes bedoͤrffen an dem ſie auffſtei-
gen; ſo lange ſindt ſie ſorgfeltig jhren herꝛen zuerhal-
ten: entweder darumb weil ſie von jhm hangen: oder
zum wenigſten/ weil ſie von ſeinem Vntergange
keinen Nutzen zugewarten haben Wann jhr Stam̃
aber ſchon ſo ſtarck gewachſen iſt/ daß ſie durch
eigene Groͤſſe ſtandhafftig koͤnnen bleiben/ ſo ent-
ziehen ſie jhre Aeſte gemach vnd gemach von dem
Baume an den ſie ſich gelehnet haben; damit wann
er fiele/ es jhnen ohne ſchaden were. Sie trennen jhr
Thun von deß Fuͤrſten Wolfarth ſo baldt ſie moͤ-
gen: vnd die Freundtſchafft welche ſie jhm ſchuͤldig
ſindt erweiſen ſie jhnen ſelber. Dann ſie wiſſen gar
wol/
[46]Joh. Barclayens Argenis/
wol/ daß der Fuͤrſt/ wann er dermal eins von ſolcher
vnbeſonnenen begnadigen erlediget wuͤrde/ ein Ab-
ſchew fuͤr dergleichen ſeinen Fehlern bekommen/ vn
der Gewalt welche er gemacht hette ſelber nicht tra
wen moͤchte. Sie bedencken auch/ es muͤſſe gleich
ſam ſo ſeyn/ daß/ wann der Koͤnig einen erhebet/ de
ander falle. Derentwegen fangen ſie ſtracks an ſic
fuͤr jhm zuhuͤten/ vnd kommen der kuͤnfftigen Ver
aͤnderung mit gegenwaͤrtiger Liſt zuvor; wende
alſo die Sachen ſo ſie in den Haͤnden haben/ nich
dahin/ wo deß Koͤniges Anſehen vnnd der gemein
Nutz geſtaͤrcket wuͤrde/ ſondern auff die ſeitte wo ſi
jhr Gluͤck verſichern/ vnd den Koͤnig verꝛahten koͤn-
nen. Poliarchus bezeuget gleichwol/ daß man z
weilen Tugendt antreffen moͤge/ welche durch ſol-
che Wolfahrt nicht verterbet wirdt: dann er hat ſei-
ne Trew niemals vorendert/ vnd bey ſolchem Gluͤck
ſich erhoben; ſo daß ich ſeiner jetzigen Gefahr keine
andere Vrſache zumeſſen kan/ als daß jhm
auß ſonderlichem Verhaͤngnuͤß derglei-
chen begegnet.

Das VII. Capitel.

IN deſſen hatten ſie den Weg vberſtrebet/ vnd
Timoclee zeigete dem Archombrotus den
Schunt der Hoͤlen der gar leichtlich auffzu-
machen were. Einwerts faſſeten zween eiſerne Rigel
den Stein/ der fuͤr dem Außgange lag/ welche ſo fe-
ſte in die Erden eingedrungen waren/ daß ſie keiner
Gewalt ſo von auſſen geſchehen moͤchte/ nachge-
ben kundten. Innwendig aber vermochte man ſie
quer vber aus den zweyen Gruben/ welche ſie alſo
widerhielten daß ſie von der Laſt deß Außganges ſo
an ihnen ruhete nicht weichen durfften/ ohne muͤhe
zubriugen. Als ſie derentwegen außgehaben/ vnd der
Stein beſeite geruͤcket war/ daß Archombrotus
die Hoͤle auffmachte/ ſo gieng Timoclee hinauß/
vnd ſchwange die Fackel jhrem verlaſſen mit dem
Poliarchus nach; leſchte aber das Fewer baldt auß/
daß es nicht/ wann es zulange brennete/ andern/ als
ſie begehrte/ zu Geſichte kommen/ vnd allerley Arg-
wohn
[48]Joh. Barclayens Argenis/
wohn vervrſachen moͤchte. Er/ ſo deß Wegs nich
vorfehlet hatte/ ſtandt am Waſſer/ vnd warttet
auff diß Zeichen; nach welchem er ſtracks zu de
Frawen kame. Sie zweifelten aber lange/ was ſi
mit ihren Pferden machen ſolten; biß Gelanor an
fieng: Gehet in die Hoͤle/ vnd haltet Rhat miteinan
der; in deſſen moͤgen ſie/ biß ihr euch derenthalben be
redet habt/ an den Erlen gebunden bleiben die we
auſſer dem ſiege an dem Fluſſe ſtehen. In dem ſi
hinunter ſteigen/ vnd noch voller Furchte nich
wiſſen weſſen ſie ſich verhalten ſollen/ hatte Gelano
die Pferde ſchon angeknuͤpffet/ vnd kam zur Hoͤlen
in welche ſie jhn lieſſen. Hernach lehneten ſie de
Stein wider den Eingang/ legten die Riegel fuͤr
vnd huben an ſich zu berhatſchlagen. Poliarchu
ſahe es fuͤr gut an/ daß man ſeinen Diener fortlaſſe
ſolte/ der alles außkunſchaffete/ was man jhm fuͤ
Schuldt gebe/ wie der Koͤnig auff ſolche new
Grawſamkeit gerhiete/ vnd ob ſeine Freunde i
wehrender Widerwertigkeit jhn noch auffrichtig
meineten. Diß iſt nicht boͤſe erdacht/ ſagte Timo
clee/ wann man nicht wiſte/ daß er von den Leuten zu
allererſte gefraget wuͤrde werden/ in welchem Ortt
jhr verborgen leget. An ſeiner Trewe zweifele ic
gar nicht; aber wann er ewern Feinden in die Haͤnd
gerhiete/ ſo moͤchten ſie wol mit martern die War
heit auß jhm erzwingen. Gelanor hub auß Vnwil
len an/ daß in Sachen ſeines Herꝛen Wolfart be
treffendt keine Pein noch Quaal etwas auß jhn
bringe
[49]Das Erſte Buch.
bringen wuͤrde. So hette er jhm auch ſchon außge-
ſonnen/ wie er die Widerſacher ſolte herumbfuͤhren.
Er wolte fortreitten/ als ob er gantz beſtuͤrtzt vnd
verwirꝛet were/ vnd wann ein vnbekandter odeꝛ ver-
daͤchtiger nach dem Poliarchus fragte/ ſo wolte er/
jhm deſtoeher zu glauben/ mit trawriger Stimme
antworten: Er ſey nicht mehr auff der Welt. So
were es auch nicht gaͤntzlich erlogen/ weil er vnter der
Erden ſteckte/ da jhn die Sonne nicht beſchiene. Be-
gehrten ſie zuwiſſen wie er geſtorben ſey/ ſo wolte er
fuͤrſchwatzen/ daß er im Waſſer Himera vom Pfer-
de gefallen were. Dann als er auß Erſchreckniß deß
Koͤnigs Befehls halben in der Flucht durch den
Fluß ſetzen wollen/ hette er deß Furtes verfehlet/ vnd
were/ als das Pferdt vnter jhm wegkommen/ der
ſchweren Ruͤſtung halben vntergeſchoſſen vnd erſof-
fen. (Dieſer Betrug war auch beſſer zubehelligen/
weil gleich damahls der Himera vber Gewonheit
hoch angelauffen.) Ferner/ ſagte er/ wil ich ſprechẽ/
daß mir vnmoͤglich geweſen jhme beyzuſpringen/
weil jhn der Strom bald in das Meer geriſſen het-
te. Durch dieſe Fabel wird das Geſchrey von ewe-
rem Todte allenthalben außgebreittet werden; wel-
ches vns dann wol zuſtatten mag kommen. Dann
es wird die Feinde erſaͤttigen/ vnd ein Mitleiden er-
wecken bey denen/ welche die Tugendt zu loben pfle-
gen/ wann ſie nicht mehr vorhanden iſt. Hernach
koͤnnet jhr viel freyer ſeyn; man wird auff die Ha-
fen vnd Schiffe nicht ſo ſcharpffe Achtung geben
Dwie
[50]Joh. Barclayens Argenis/
wie jetzt: vnd wann man auffhoͤren wirdt die Nach-
frage zuhalten/ welche ewerntwegen angeſtellt wor-
den/ ſo werdet jhr leichtlich entweder verborgen blei-
ben/ oder fliehen koͤnnen. Wir vermoͤgen vnſere Luͤ-
gen nicht beſſer zubeſtaͤttigen/ als durch eine ſolche
Aꝛt deß Todes/ durch welche gar nichts von euch
vbrig bleibt/ ſo wil ich auch ewer Roß frey lauffen
laſſen wohin es wil/ gleichſamb als jhm ewer Todt
ſolche Freyheit gegeben hette.

Sie lobten Gelanors Verſchlagenheit ſaͤmpt-
lich; Poliarchus befahl jhm nur dieſes noch/ wann
jhm Arſidas auffſtieſſe/ welchem er vnter allen Si-
ciliern am meiſten trawete/ ſo moͤchte er jhm den
gantzen Zuſtandt kuͤhnlich offenbahren/ vnd jhn in
ſeinem Namen bitten/ daß er jhn in dieſem vnver-
ſchuldeten Vngluͤck zu beſuchen nicht vnterlieſſe.
Oder im fall es vnmoͤglich were/ daß er jhm doch im
Vertrawen zuwiſſen machen wolte/ weſſen er ſich
zuverhalten hette. Archombrotus vermeinete auch/
daß er nach vollbrachtem Befehl ſo eylends zu der
Hoͤlen nicht zuruͤck kehren ſolte/ weil man jhn doch
wann er anklopffete ſo eigentlich nicht vernehmen
koͤndte/ vnd der Ort/ da jemandt fuͤrbey gienge/ ver-
daͤchtig moͤchte werden. Sondern er ſolte an der
Timocleen Thor kommen/ vnd eben gegen jhren
Leuten wie gegen den andern ſich ſolches Fundes
gebrauchen/ vnd ſeines Herꝛen Todt mit Seufftzen
beklagen:
[51]Das Erſte Buch.
beklagen: darmit er alſo durch Timocleen Huͤlffe
verborgener weiſe zum Poliarchus koͤndte. Sie wa-
ren ferꝛner bekuͤmmert/ was man mit ſeinen fahren-
den Guͤtern vnd Dienern thun ſolte. Dann er hatte
ein Hauß mit ſolchem Vorꝛathe/ welches der Gna-
den vnd Freundſchafft die er bey dem Koͤnig hatte
nicht vngemaͤſſe war. Aber er trawete auch ſeinen
eigenen Leuten nicht. Auß ſeinem Lande war der
einige Gelanor; das ander waren Außlaͤnder/ vnd
jhm mehrentheils vnbekandt. Nach ſeinem Gute
fragte er nicht viel/ vnd pflegte vnter ſeinen Klei-
dern Edelgeſteine hohen Werths/ vnd etwas von
Golde zufuͤhren/ damit jhm das Vngluͤck abwe-
ſendt nicht alles hinweg raffen koͤndte. Derentwe-
gen befahl er dem Gelanor nichts zu verꝛuͤcken/
wann ſchon Meleander ſeine als einer verurtheile-
ten Perſon Guͤter zu ſich nemme/ oder es ſein Ge-
ſinde vnd Knechte wegraubeten: vnd ſolte er ſich
nur fuͤr dem Einfall eines Hauſes das zerſtoͤret
wuͤrde huͤten. Mit dieſem Vnterꝛicht lieſſen ſie
jhn fortziehen. Archombrotus ſelber vnd Timo-
clee durfften ſich nicht viel laͤnger bey dem Poli-
archus verweilen. Dann es war ſich zuhuͤten/
daß die Knechte nicht moͤchten fruͤh auffſtehen/ vnd
ohngefehr vleiſſiger weren/ als man damals gerne
geſehen hette. Solten ſie nun der Frawen Huͤlffe ge-
gen dem Poliarchus jnnen werden/ ſo moͤchte es
nicht wol ablauffen. Baten ſie jhn derhalben/ daß
D ijer ſich
[52]Joh. Barclayens Argenis/
er ſich mit der Tugendt troͤſten wolte/ welche kein
Creutz verſchulden kan/ noch vntenliegen/ wann es
jhr ohn Verdienſt angethan wird. Sie weren erboͤ-
tig/ ſo offte ſie koͤndten jhn zubeſuchen. Reichten jh-
me alſo ein Kuͤſſen/ darauff er ruhen moͤchte/ vnd et-
liche Kertzen/ deren Timoclee in zimblicher Menge
mit ſich genommen; namen alſo jhren Weg vnter
der Erden auff das Bette zu. Wie dem Poliarchus
zu muthe geweſen/ was fuͤr Zorn vnd Klagen er in
der Einſamkeit außgeſehuͤttet/ iſt dannher zuermeſ-
ſen/ daß er nicht ſo ſehr bekuͤmmert war zu leben/ als
mit Ehren zuſterben/ vnd wußte daß der jenigen Le-
ben welche er hoͤher als ſich ſelbſten hielte/ an dem ſei-
nigen hienge.

Das VIII. Capitel.

GElanor/ als er Poliarchus Pferd loß gebũ-
den/ vnd es mit der Spißruten geſchmiſſen/
Feldt einzulauffen wohin es koͤndte/ ſetzte er
ſich auff das ſeine/ vnd machte ſich auff den Weg
welchen er jhm fuͤrgenommen. Als er nicht weit von
dem
[53]Das Erſte Buch.
dem Walde war/ in dem Poliarchus den andern
Tag zuvor geſtritten hatte/ ſahe er drey Saͤnfften
bringen/ mit vielen Reiſigen begleitet/ vnd nach jh-
nen auch ein zimbliche Anzahl zu fuſſe. Ihn verlan-
gete zuwiſſen was diß fuͤr ein Auffzug ſey/ vnd als er
herzu kam wardt er innen/ daß es Todten-ſaͤnfften
vñ Trawer Leute waren. Er erſchrack daß jhm der-
gleichen ſtracks zu anfange begegnete/ vnd fragte
von eynem auß dem hinterſten Hauffen/ was fuͤr ein
Begraͤbnuß gehalten wuͤrde. Dieſer antworttete/
ſie ſolten die Leichen der Geſandten auffheben/
welche Poliarchus fuͤr zweyen Tagen wieder das
Recht der Voͤlcker entleibet hette. Gelanor wardt
beſtuͤrtzt/ vnd bekuͤmmerte ſich bey ſich ſelbſt wann-
her doch ſolche Verleumbdung keme/ vnd was fuͤr
Schelmſtuͤck darhinter ſteckten: darmit er aber ei-
gentliche Gewißheit hette/ ritte er mit den Leuthen
fort/ biß er den Coͤrper deſſen/ den Poliarchus als er
geflohen fornen am Walde vmbgebracht/ ſiehet
mit weheklagen vnd weinen in die Saͤnffte legen.
Da war erſchon vorgewiſſert/ daß die Raͤuber wel-
che den Poliarchus ehegeſtern angetaſtet/ eben die
Geſanden ſeyn muͤſten/ welche Lycogenes zum Me-
leander abgefertiget. Aber warumb/ redte er wieder
ſich ſelbſten/ hat man mit der Rache ſo geeilet? war-
umb iſt Poliarchus nicht fuͤrgefordert worden? ſte-
het es dann Abgeſandten frey die Leute auff der
Straſſen anzugreiffen? ſtelt dañ der Koͤnig Fremb-
den ehe glauben zu als ſeinen eigenen Leuten? Es
D iijgebuͤh-
[54]Joh. Barclayens Argenis/
gebuͤhrete ſich vielmehr daß man dem Vberwinder
Verehrungen wegen ſeiner Staͤrcke/ vnd den Ge-
ſandten ſo vber einer ſo vbelen That vmbkommen/
den Galgen an ſtatt deß Begraͤbniß geben ſolte.

Wie er in dieſer billichen Betrachtung war/ vber-
lieff jhn ein ſolcher Zorn/ daß jhm Farbe vnd Spra-
che vergieng/ vnd er ſich nur muſte von dem Spe-
etakel weg machen/ weil er ſo hefftig daruͤber ergrim-
met war. Derentwegen verfluchte er die Feinde/ vnd
gab dem Pferdt die Sporen den nechſten Weg wo
der Koͤnig war/ zu. Als er zimblich weit in den Tag
zu der andern ſeitten deß Walds hinnauß geritten/
kam jhm viel Volcks entgegen: dann es war die groſ-
ſe Straſſe/ vnd damals auch darumb weniger le-
dig/ weil der Koͤnig ſein Laͤger nicht ferꝛn darvon
hatte. Vnter andern begegnete jhm Timonides/ der
Fuͤrnaͤmbſten einer an dem Koͤniglichen Hofe/ wel-
cher in aͤngſten war wegen deß Poliarchus Vn-
gluͤck/ vnd allenthalben herumb jrꝛete zuerforſchen
wo er blieben were. Dieſer als er den Gelanor er-
kandte/ Ihr kompt eben zurechte/ rufft er. Wo iſt a-
ber Poliarchus in dem Tumult? Er Gelanor war
ſeines Fuͤrſatzes jnndenck/ ſchlug die Augen nider/
thaͤte auch als er den Timonides kaum kundte an-
ſchen/ vnd ſagte: Poliarchus iſt hin. Da war der
Jammer vnd die Liebe beym Timonides ſtaͤrcker/
als die fuͤr Augen ſchwebende Gefahr. Er bliebe
gantz verſtarꝛet/ wie einer der etwas ſagen wil; nach-
mals hub er mit tieffen Seufftzen an: O den vn-
gluͤck-
[55]Das Erſte Buch.
gluͤckſeligen Meleander/ vnnd Sicilien mit jhm!
Mit dieſen Worten wandte er den Zuͤgel. Welches
dem Gelanor ein ſonderliches Hertz machte/ als er
ſahe/ daß der erdichtete Todt ſeines Herꝛn ſolch tre-
wes Verlangen vnd vnverborgenes Mitleiden er-
weckte. Timonides war nicht weit/ da kehrte er ſich
wider auff jhn zu/ vnd fragte: Wie iſt doch der ſtatt-
liche Mann vmbkommen? iſt es lange? vnd wer ſind
ſie die jhn entleibt haben? Auß Furchte/ ſagte Ge-
lanor/ wegen deß Koͤniglichen Befehls hat er bey
finſterer Nacht durch den Fluß Himera ſetzen woͤl-
len; aber das Waſſer/ ſo wegen vielen Regens ge-
ſtiegen iſt/ hat jhn/ wie ſehr er ſich gewehret/ vmb-
geriſſen/ vnd/ ſo viel ich bey dem ſcheine der Ster-
nen abnemmen koͤnnen/ mit ſich in das nechſte Meer
geſchwemmet. Timonides ſchrey widerumb klaͤg-
lich/ vnd eilete bald auff den Koͤnig zu/ daß er
den groſſen Verluſt anmeldete. Als er ſo wuͤte-
te/ koͤmpt jhm Arſidas entgegen/ welchem einig
vnd allein die heimblichen Anſchlaͤge zuvertra-
wen Poliarchus dem Gelanor erlaubt hatte.
Dieſem erzehlet Timonides auff ein Eyl die jaͤm-
merliche Zeitung; vnd als er fragte/ wo Gelanor
were/ zeigte er jhn daß er gleich von ferꝛen kaͤ-
me/ vnd jagte das Pferdt mit vollem rennen auff
das Koͤnigliche Laͤger zu. Arſidas eylete zum Ge-
lanor/ gruͤſte jhn mit wenigen Worten/ vnd frag-
te nach ſeinem Herꝛen. Er ſagte/ er hette ge-
heime Sachen mit jhme zu reden; derentwegen
D iiijwere
[56]Joh. Barclayens Argenis/
were es an offener Straſſen nicht rahtſam. Arſidas
ſolte ſich ein wenig auff die ſeitte begeben/ er wolte
jhm/ wann er niemanden ſehe/ bald folgen. Arſidas
gehorchte jhm/ vnd ſchoͤpffte jetzund gute hoffnung/
weil Gelanor den Tod deß Poliarchus ſo gar nicht
geklagt hette.

Sie kamen in einem entlegenen Thal nicht weit
von dannen zu einander/ da fienge Gelanor erſtlich
an: Herꝛ Arſidas/ Poliarchus lebt; aber er begehrt
daß es niemandt wiſſe auſſer euch. Er liegt in ei-
nem heimlichen Gange vnter Timocleen Hauſe/
welcher Frawen er ſich anvertrawet hat. Ich bin
aber von jhm zu euch geſchickt worden/ daß jhr
mich berichtet/ was dieſes Vngewitters Vrſach
ſey/ vnd daß ich euch auch ſelber/ wann jhr jhn in ſei-
nem Vnfall nicht verſchmaͤhen wollet/ zu jhm hin
geleitet. Arſidas ſagte/ er ſchewe keine Gefahr nicht:
Gelanor ſolte jhn nur zu der Hoͤle fuͤhren/ vnd jhm
den Poliarchus zeigen/ welchen zu ſchen er verlan-
gen truͤge. Man muß aber/ antwortete Gelanor/
der Timocleen Diener zubetriegen kuͤnſtlich vmb-
gehen/ damit ſie nicht jnnen werdẽ/ daß Poliarchus
daſelbſtverhaͤlet liege/ vnd eines ſo fuͤrnemmen Her-
rens Leben in Gewalt geringer Leute gerahte. Ich
wil voran/ vnd ſeinen Todt mit eben ſolchem klagen
beweinen/ wie ich gegen dem Timonides thaͤte; jhr
werdet ingleichem ſchon alle mit denen jhr zu reden
kompt auff dieſe Art herumb zufuͤhren wiſſen. Alſo
wird Poliarchus deß Lebens ſich nicht zu beſorgen
haben/
[57]Das Erſte Buch.
haben/ wann man jhn fuͤr todt wirdt halten. Auff
den Mittag koͤnnet jhr bey Timocleen einkehren/
gleichſam als jhr im fuͤruͤber reiſen wegen der Hitze
etwas woltet außruhen. Es wirdt auch niemandt
keinen Argwohn darauff werffen/ wañ jhr ſchon bey
der Frawen einſprechet; weil jhr von langer Zeit her
miteinander bekandt ſeidt. Diß muß jch euch auch
andeuten: Ihr werdet einen iungen Edelman da an-
treffen/ welcher vorgeſtern erſt in Sicilien iſt ange-
langet/ vnd auß Africa koͤmpt/ wo er gerade zubeken-
net. Er wird euch in allem ein genuͤgen thun/ wann
jhr ſeine ritterliche Geſtalt vnd loͤblichen Verſtandt
erkennen werdet. Dieſer iſt deß Poliarchus ver-
trawter Freundt/ welchem er auß der Kundtſchafft
die ſie in einem eintzigen Tage zuſammen gemacht
haben/ biß auff das euſerſte beyſtehet. Fuͤr dieſem
duͤrfftet weder jhr noch mein Herꝛ euch keines Ar-
gen beſorgen.

Alß ſie dermaſſen ſich vnterꝛedet/ reiſeten ſie von
einander. Gelanor zwar den nechſten Weg auff
Timocleen zu/ Arſidas aber/ der lenger Zeit hat-
te/ die groſſe Straſſe nur Schritt fuͤr Schritt. A-
ber Timonides/ der ſich betriegen laſſen/ trug die
Tragoedie weiter vnd weiter. Dann welchen Be-
kandten er nur antraff/ ſagte er daß Poliarchus
todt were. So daß dieſes Geſchrey vielen zu
Ohren kam/ die es mit vnterſchiedenẽ Gemuͤte/ aber
doch ſaͤmptlich mit groſſer Bewegung/ auffnahmẽ.
D vMe-
[58]Joh. Barclayens Argenis/
Meleander hatte jhm fuͤrgenommen nach Magel-
lavber den Fluß Hypſa zureiſen/ dahin ſeine Toch-
ter Argenis auff ſein Geheiß von Siracuſe kom-
men war. Die Soldaten/ die ſchon zum fortzuge
auffgeboten waren/ packten jhre Sachen zuſam-
men; vnd der Koͤnig gieng vnter deſſen/ biß die be-
queme Stundefort zu ziehen kaͤme/ auff den Feldern
nahe dem Walle ſpatzieren. Er war mitten vnter
den Fuͤrnehmſten des Hofes/ vnd wuſte wol daß in
Beſchoͤnung der Trew vnd Auffwartung viel
Feinde vmb jhn her giengen: da kam gleich Timo-
nides zuruͤck ins Laͤger/ vnd berichtete die Freunde
was er von des Poliarchus Tode vernommen. Ehe
er das Wortt außgeredet/ koͤmpt das Geſchrey
ſtracks vnter die Soldaten. Vnd ſie glaubten es
auch leichtlich. Zu letzt vnterſiehet ſich Timonides
fuͤr den Koͤnig ſelber zugehen/ vnd redet jhn vor Leide
vnd wehmut alſo an: Herꝛ/ wir haben dem Lycoge-
nes viel zu dancken: Poliarchus iſt dahin. Vber die-
ſen Worten verſtumte der Koͤnig gantz vnd gar/ vnd
wuſte er nicht wohin er ſein Hertze leucken ſolte. Der
Vnfall vnd Verluſt deß jungen Herꝛens erſchre-
ckte vnd bekuͤmmerte jhn deſtomehr/ weil jhm als
dem Vervrſacher ſolches Todes die gantze Schuld
auff dem Halſe bleiben wuͤrde. Er vermochte ſich
auch in die Lenge des Weinens kaum zu enthalten/
vnd ſtalte ſeinem Gemuͤte ſchmertzlich fuͤr/ den vbe-
len Zuſtandt der ſeinem Reiche hinfort zuhienge.
Er duͤrffte aber zu dieſem mal ſo offenbarlich ſeine
Trawrig-
[59]Das Erſte Buch.
Trawrigkeit nicht entdecken/ weil etzliche von deß
Lycogenes Freunden zu gegen waren/ die auff ſein
Geſichte/ auff die Augen vnd alle Worte Achtung
gaben. Derhalben bezwang er ſich ſelber/ daß er we-
der ein Zeichen der Frewde/ noch des Leides von ſich
gab/ vnd fragte nur wie er were vmbkommen; gieng
darauff in das Gezelte/ in denen gewiſſen Gedan-
cken/ daß deß Poliarchus Vntergang keiner gerne
hoͤrete/ der nicht auch wolte/ daß der Koͤnig zugleich
mit jhm außgerottet were. Viel von den Soldaten
kundten auß Schew fuͤr dem Koͤnige ſich kaum be-
zwingen/ daß ſie nicht offentlich weineten. Die Be-
ſtendigkeitt derſelben/ welche von den Fuͤrnembſten
dem gemeinen Weſen mit Trewen beygethan wa-
ren/ vermoͤchten jhre Seufftzer nicht anzuhalten/
vnd beklagten dieſen Verluſt vngeſchewet. Alle jhre
vertrewliche Reden waren von dem vbelen Zuſtande
vnd der Truͤbſeligkeit jhrer Zeiten. Dieſe vnterſchie-
de der Koͤnig mit groſſen vleiß bey ſich ſelbſt von den
andern/ als welche er fuͤr wuͤrdig hielte/ denen er ſich
vertrawen moͤchte. Doch ſchaͤmete er ſich auch ſie
anzuſchawen/ in Meinung daß ſie jhm nicht
zum beſten wolten; als den ſie eine Vr-
ſach an Poliarchus Todt zuſeyn
meineten.

Das IX. Capitel.

IN dem man ſich ruͤſtete auß dem Laͤger auff-
zubrechen/ war die Zeitung ſchon vnter das
Volck/ vnd biß nach Magella hinauß kom-
men. Argenis ſaß ohngefehr in jhrem Gemache
mitten vnter dem Frawen Zimmer/ nicht zwar in
ſolchem Schmuck wie zu Friedens Zeiten/ der aber
doch einer koͤniglichen Tochter nicht vngemaͤſſe
war. Seleniſſe/ ſo der Argenis Waͤrterin geweſen/
wuſte vmb alle jhre Heimligkeiten/ vnd flochte da-
mals jhr Haar/ als eine von den Kammermaͤgden
auß dem Vorhofe kam/ vnd Poliarchus Tod ver-
meldete. Argenis wurde es erſtlich nicht jnnen/ weil
ſie ſich mit der Seleniſſe in tieffes Geſpraͤche eyn-
gelaſſen von den auffgeſteckten Fewern bey Nacht/
vnd den Feinden des Poliarchus. Seleniſſe zwar
hatte es wol gehoͤret/ welcher jhr Gemuͤte hiervon
ſehr verwirꝛet/ vnd alles im Leibe geruͤhret ward.
Sie winckte heimlich mit dem Haͤupte vnd den
Augen/ vnd warnete alſo die Dienerinnen/ daß ſie
darvon ſtille ſchwiegen. Aber das Gemurmel hatte
ſchon das gantze Zimmer erfuͤllet/ vnd Argenis/ ſo
ploͤtzlich
[61]Das Erſte Buch.
ploͤtzlich erſchrocken/ auch noch nicht eygentlich
wuſte/ worvon jhre Jungfrawen ſpracheten/ fragte
was da were/ vnd welchen Vnfall ſie einander eyn-
blieſen. Selemſſe fiel eylends in die Rede/ vnd ſage-
te/ eine von den Maͤgden hette den Spiegel/ welchen
jhr der Koͤnig an jhrem Geburtstage verehret/ fal-
len laſſen/ vnd ſie hielten es auß Furchte jres Zornes
ſo geheim. Aber ſie/ welche ohn diß Beyſorge trag/
wolte ſich nit vberꝛeden laſſen/ ſondern ſtund ploͤtz-
lich auff/ vnd ergrieff die nechſte von den Jungfra-
wen bey dem Arme/ ſahe ſie mit brennenden Augen
an/ vnd ſagte: Werdet jhr euch vnterfangen mir mit
liegen vmb zu gehen/ ſo ſeyt verſichert/ daß jhr mir
vnter Augen nimmermehr nicht weiter kommen
ſollet. Sagt her/ hat man etwan boͤſe Zeitung von
dem Koͤnige? Die Jungfraw zu Ablehnung ſo
ſchrecklicher Meynung/ vnd gleichſam als ſie jhr
Troſt zuſprechen wolte/ fienge an: Nein/ gnedigſtes
Fraͤwlein; wir hoͤren nichts vom Koͤnige/ als was
wir gerne hoͤren ſollen: man iſt ſeiner mit vollem
Siege vnd guter Geſundheit gewaͤrtig. Es iſt nur
etwas geringes zwiſchen dieſe Frewde kommen/ der
Todt deß Poliarchus. Die Schamhafftigkeit hat
nie an der Argenis Perſon ſo beſtaͤndig ſich erwieſen
als eben zu dieſem mal. Sie ruffte jhren Geiſt der ſie
verlaſſen wolte behertzt zu ruͤcke/ vnd war in einem
Augenblick entſchloſſen zu ſterben/ vnd zu leben.
Damit ſie auch dem anweſenden Frawen Zimmer
allen Verdacht außrieſſe; Ich zweiffele nicht/ ſagte
ſie
[62]Joh. Barclayens Argenis/
ſie/ daß die Goͤtter den Koͤnig nicht in Obacht hal-
ten/ vnd dieſem Kriege den Außſchlag welchen man
von jhrer Gerechtigkeit erwarten ſoll geben werden.
Vom Poliarchus wolte ſie nichts erwehnen/ auß
Furchte/ daß jhr nicht vber ſeinem bloſſen Nahmen
die Worte auff der Zungen verſtarreten/ weil die
vielfaͤltigen Seufftzer ſie ohn diß kaum reden lieſ-
ſen. Vnd als ſie laͤnger ſich zu halten nit vermochte/
machte ſie ſich in jhr abgeſondertes Gemach/ als ob
ſie was nohtwendiges zu ſchaffen hette/ vnd ſchloß
hinter ſich zu/ damit niemand zu jhr kaͤme/ in dem
ſie das euſſerſie zu thun entſonnen war. Sele-
niſſe aber/ welche ſolche Wahnſinnigkeit wol mer-
ckete/ folgete jhr als Hoffemeiſterin/ die es gute
Macht hette/ auff dem Fuſſe nach/ hielt die Thuͤr
feſte wider/ damit das Schloß nicht eynfallen koͤn-
te/ vnd gieng vnter dem Scheine jhr auffzuwarten
hineyn.

Als nachmals zugeſchloſſen war/ vnd Argenis
ſich zu beklagen Fug hatte/ hub ſie an die Threnen
zu vergieſſen/ rauffte jhr Haar auß/ vnd warff den
Schmuck auff die Erden. Es ſtundt ein kleines
Bette võ Elffenbein allda/ bedeckt mit einẽ Schar-
lachen Teppich/ in welchem ſie bey Tage zu ruhen
pflag. In dieſes warff ſie ſich nach aller Laͤnge. Se-
leniſſe ſagte auch vnter deſſen kein Wort/ ſondern
wartete biß die erſte Bach der Zehren verfloſſen we-
re. Als ſie aber ſahe/ wie ſie bald mit gedaͤmpfften
Seufftzern ſich quelete/ vnd mit zuſammẽ geſchloſ-
ſenen
[63]Das Erſte Buch.
ſenen Haͤnden die Armen vnd Augen ſehr jaͤmmer-
lich gen Himmel hub/ bald wuͤtende vnd mit vmb-
ſchweiffendem Geſichte wider ſich ſelber murmelte/
auch mit einem geſpitzten Grieffel/ welchen ſie zu
jhrer Arbeit gebrauchete/ auff die Gurgel zu fuhr/
lieff ſie jhr eyn/ vnd hielt den faſt moͤrderiſchen Arm
mit jhren zitterenden Haͤnden wider/ vnd bemuͤhete
ſich ſolche Vnſinnigkeit zu beklagen; weil die viel-
faltigen Seufftzer die Sprache auffhielten. Dieſe
zwey armſelige waren ſehr lange in ſolchem Zuſtan-
de/ biß keines von jhnen der Haͤnde weiter maͤchtig
kundte werden: in dem die eine ſich hinzu richten/ die
andere ſolches abzuwehren ſich bemuͤhete. Sie blie-
ben beyde vnbeweget/ vnd ſahen nur einander mit
ſteten Augen an: fuͤrnemlich hatte Argenis das
Haupt auf die Schultern geleget/ ſchawete mit of-
fenem Munde die Seleniſſe an/ vnd ſagte: Ihr be-
muͤhet euch vergebens. Macht was jhr wollet/ ich
muß ſterben. Ihr habt mich biß hieher recht vnter-
wieſen/ beſtaͤndig/ angedencklich vnd getrew zu
ſeyn: Warumb leytet jhr mich jetzund auff was an-
ders? Wird es nicht beyde mir vnd euch ein groſſer
Troſt ſeyn/ daß ich meine Keuſchheit vnverletzt mit
mir in das Grab nehme? Vermeynet jhr daß ich
den Poliarchus vberleben koͤnne/ der mich fuͤr den
Haͤnden deß Lycogenes bewahret hat? Ich wil
jhm nun mein Leben ſchencken/ welches weniger
iſt als meine Ehre die er mir erhalten/ vnd ſeine
Wolthat die er mir erwieſen hatt. Ich bin es/
Seleniſſe/
[64]Joh. Barclayens Argenis/
Seleniſſe/ wo jhr es nicht wiſſet/ die ich den Poliar-
chus entleibet: Dieſe Schuldt kan ich anders nicht
abwaſchen als mit meinem Blute. Was hette er in
Sicilien ſeyn doͤrffen/ were Argenis nicht? Mit die-
ſen Worten benam jhr die Vnmaͤſſigkeit der
Schmertzen Sprache vnd Athem. Das Eyſen fiel
jhr auß der Handt/ vnd ſie auff Seleniſſen/ welche
kaum ſo maͤchtig war ſie zu erhalten.

Sie Seleniſſe war nicht allein der Argenis/ ſon-
dern auch jhrer eygenen Gefahr halben bekuͤmmert/
vnd verſuchte alle Mittel/ welche doch bey jhr we-
nig erſprießlich waren. Zuweilen weynete ſie mit
jhr/ in Meynung wann ſie jhren zehren den freyen
Lauff lieſſe/ ſo wuͤrden ſie ſich deſto geſchwinder
enden: vnd zuweilen nam ſie ſich deß ernſtes an/ als
einer Hoffmeiſterin geziemen wolte. Sie ſtalte jhr
auch jhren Vatter fuͤr Augen/ welcher zu dem daß
er wegen groſſen Auffſtands ohne diß betruͤbet we-
re mit dem euſſerſten Vngluͤck wuͤrde beleget wer-
den/ wann ſie noch darzu ſolte ſterben. Dann ſie ſey
gleichſam als das rote vnd durch Goͤttliches Ver-
haͤngnuͤß gewachſene Haar/ welches wann ſie
als Scylla/ die ſich in den Minois verliebet/ auß-
reiſſen wuͤrde/ ſo muſten Tochter vnd Vatter in
gleiches Vngluͤck gerahten. Vermeynete ſie auch
wol/ daß die Welt/ ſo ohne diß arggedaͤncklich vnd
von ſich ſelber boͤſe/ wuͤrde zu bereden ſeyn/ daß ſo ei-
ne ſtarcke Liebe vnd vnverletzte Keuſchheit beyſam-
men gewohnet hetten? Aber ſie predigte einem Tau-
ben: De-
[65]Das Erſte Buch.
ben: Derowegen weil jene raſete/ ſo raſete dieſe her-
gegen: Sie gedaͤchte ſo eine ſchmaͤhliche Tragedie
nicht zu ſchawen; vnd wann ſie nicht zuſagte jhres
Lebens zu ſchonen/ ſo wolte ſie nach Huͤlffe ruffen.
Darauff thete ſie gleichſam als gienge ſie auff die
Thuͤr zu/ da Argenis ſie hinten bey dem Rocke er-
grieffe/ vnd ſie auff ſich in die Armen rieſſe. Meine
Mutter/ hub ſie an/ warumb wollet jhr nicht/ daß
ich mir von ſo groſſem Schmertzen abhelffe? glau-
bet jhr/ daß Poliarchus gelebet hette/ wann ich erſt-
lich geſtorben were? Nein/ jhr koͤnt mich nicht be-
triegen/ Seleniſſe. Ich weiß wol was jhr von mir
haben wollet/ vnd was jhr mich gelehret habet von
Wiegen an. Ihr werdet die erſte ſeyn/ die es loben
wird/ wann ich das mit meiner Handt vollbracht
werde haben/ was jhr mir zu vollbringen an jetzo
verwehret. Im Fall etwas von vns vbrig iſt nach
dem Tode/ ſo liebet Poliarchus mich noch jetzundt.
Ich wil gluͤckſelig gehen meinen Braͤutigam zu
ſuchen/ vnd vnſere keuſche Geiſter ſollen ohn allen
Neyd einander vmbfangẽ. Letzlich wo vnſer Thun
gantz vntergehet/ vnd das Grab alles eynſchleuſſet
was an vns iſt/ ſo werde ich nebenſt dem Leben zu-
gleich auch die Furcht hinlegen (ich erſchrecke nur
vor dem Gedaͤchtnuß deſſen) daß ich deß Poliar-
chus Moͤrder nicht ehren doͤrffe. Ihr wiſſet auß
weſſen Befehl die Fewer geſtern auffgeſteckt ſind
worden. Zweyffelt jr/ daß dieſes an Poliarchus To-
de nicht Vrſache ſey? Es iſt aber mein Vatter: vnd
Ees iſt
[66]Joh. Barclayens Argenis/
es iſt eine groſſe Suͤnde Eltern nicht lieben. Durch
dieſes Mittel werde ich die Zuneygungen gegen
dem Poliarchus vnd dem Vatter eyntheilen koͤn-
nen/ daß ich/ nach Ablegung deß Lebens/ welches ich
allen beyden zu dancken habe/ keinen von jhnen zu
lieben oder zu haſſen weiter fug werde haben.

Seleniſſe hergegen fuhrte jhr zu Gemuͤhte die
Schmach deß Todes welchen die Liebe vervrſach-
te/ vnd zu letzte/ gleichſam als hette ſie es auß himli-
ſcher Eyngebung/ Aber/ fieng ſie an/ warumb be-
weynen wir den Tod deß Poliarchus/ als ob es auſ-
ſer allem Zweiffel ſey? tragẽ wir ſo gewiſſe Schmer-
tzen wegen deß vngewiſſen Geruͤchts? Wiſſet jhr nit
was die Fabeln von deß Pyramus Irꝛung melden/
vns zu lehren/ daß man nit bald vber dem erſten Ge-
ſchrey verzweiffeln ſol? Was koͤnnet jhr wiſſen/ ob
jhr nicht eben durch ewren deß Poliarchus Todt
vervrſachet/ wie jener durch ſeine Vnvorſichtigkeit
Thisben zum Sterben gebracht hat? Man ſagt
Poliarchus ſey todt. Aber was kan das gemeine
Volck nicht erdencken? Wer hat die Leiche/ wer hat
den Degen geſehen der mit ſeinem Blute genetzt iſt
worden? Es kan wol ſeyn/ daß er ſicher vnd frey ſei-
ner Feinde lachet/ der durch eben die Wunde welche
jhr euch machet den Geiſt auffgeben wuͤrde. Schi-
cket auß/ gewiſſeren Berichteyn zu nehmen/ vnd le-
bet zum minſten nur darumb/ daß jhr jhn nicht
vmbbringet wo er noch am Leben iſt. Hierauff rich-
tete Argenis mit einem trawrigen Lachen ſich etwas
auff/
[67]Das Erſte Buch.
auff/ vnd ſagte: welche vergebene Hoffnung iſt es/
mit der jhr meine letzte Schmertzen auffhaltet? Ich
vnd jhr glauben nicht was jhr ſaget. Aber ich wil
diß deß Poliarchus oder viel mehr der Goͤtter we-
gen thun/ daß ich nicht glauben wil/ dieſe That ſey
ſo ohngefehr verbracht worden; mit Bedingung/
daß/ wann ſein Abſchiedt klar wird am Tage ſeyn/
jhr mich nicht weiter hindert meinem Betruͤbnuß
vnd Leben zugleich abzuhelffen. Seleniſſe erfrewte
ſich vber dieſem Anfange/ auß Erfahrung/ daß die
erſten Bewegungen eines hohen Schmertzens den
trawrigſten Vorſatz an die Hand geben; aber wann
ſie einen Verzug ertragen/ von ſich ſelbſten ver-
ſchwinden. Vermahnete ſie derowegen die Argenis/
mit einem Schwure zu bekraͤfftigen/ vnd bey allen
Goͤttern vnd Goͤttinnen/ vber alles aber bey dem
abgeleibeten Geiſte deß Poliarchus/ zu bethewren/
daß ſie in zweyen Tagen/ ſie hoͤrete auch von jhm
was es jmmer ſeyn moͤchte/ Hand an ſich nicht le-
gen wolte. Als die Princeſſin hiereyn willigte/ vnd
die Worte deß Eydes welche jr Seleniſſe fuͤrſprach
nachſagete/ beredete ſie die alte/ daß ſie jhr Haar wi-
derumb zu rechte machen ließ/ damit niemand
deß Schmertzens/ welcher ſo heimlich
muſte gehalten ſeyn/ innen
wuͤrde.

Das X. Capitel.

OB gleich der Argenis Geſtalt fuͤrtrefflich
war/ wurde ſie doch von jhrer Hertzhafftig-
keit vberwunden. Dann ſie zaͤhmete jhre
Seuffzer/ vnd nam ſich in einem Augenblicke deß
Geſichtes an/ welches ſie vor jhrem Schmertzen
hatte: außgenommen daß jhr die Augen roth wa-
ren/ welche ſie hierumb mit kaltem Waſſer wuſche.

Sie machte ſich damals munter/ vnd lernete ſich
froͤlicher ſtellen als ſie war/ da eine von jhren Diene-
rinnen an die Thuͤr klopffete/ vnd anzeygete daß der
Koͤnig allbereit im Eyngange deß Schloſſes were.
Argenis gieng eylends/ gleichſam ſie was anders ge-
than hette/ wider in jhr Zimmer/ auch mit einem lu-
ſtigern Antlitz als der gemeine Zuſtand erforderte:
Damit entweder jhr Leydt auſſer Argwohn bliebe/
oder alle jhre Worte vnd Geberden zwiſchen dem
Streite der angenom̃enen Weiſe vnd deß Schmer-
tzens eine gewiſſe Maſſe hielten. Als ſie an die Leib-
trabanten kommen/ ſo nicht ferꝛen von da ſtunden/
gieng ſie mitten durch den Hoff dem Thore zu. Der
Koͤnig war nicht weit/ welcher ſie auffhub als ſie
fuͤr
[69]Das Erſte Buch.
fuͤr jhn niderfiele/ vnd die Hand kuͤſſete; vnd ſie ein
wenig auff die Wangen ſchlug/ mit angehenckter
Frage/ ob ſie noch allezeit wol auff geweſen: jr auch
eynhielte wie ſie ſo bleich vnd von Furchte deß Krie-
ges grewlicher worden were. Sie gab zur Antwort:
es hette ſolches jhr Ampt erfodert/ die Goͤtter zu bit-
ten/ vnd in Sorgen zu ſeyn fuͤr jhren Vatter vnd
Koͤnig der zu Felde gelegen. Nam jr auch hierdurch
Anlaß zu weynen/ vnd vergoß die Threnen/ welche
ſie ſchon in Bereytſchafft hatte. Der Koͤnig ver-
mahnete ſie/ vnbekuͤmmert zu ſeyn: Die Goͤtter het-
ten jhrem Bitten ein Gnuͤgen gethan/ vnd weil die
Sachen in gutem Zuſtande weren/ ſolte ſie nun im
Gluͤck jhre Schoͤnheit widernehmen/ die ſie in Vn-
gluͤck hette weg geleget. Das Volck hatte ſich rings
vmbher außgebreytet/ mit Ehrerbietung wie gegen
Meleanders greiſſem Alter/ alſo auch gegẽder Zier-
ligkeit vnd Tugend der Argenis; welche jre Blicke/
Anzeygungen vnd alle Bewegung mit ſolcher Ge-
ſchickligkeit anzuſtellen wuſte/ daß beydes das volck
von jhrer Freundligkeit eyngenommen/ jhr mit froͤ-
licher Stimme zu ſchreye/ vnd ein jedweder von den
Herꝛen darvor hielte/ ſie hette jhn ſonderlich angeſe-
hen/ vnd ein Auge jhrer Gunſt auff jhn geworffen.

Der Koͤnig/ welchen eine groſſe Menge derer die
jn anzuſprechenkamẽ vmbringetẽ/ verweilete ſich et-
was im Hofe/ in dem ein Brunnẽ war ſehr edel bey-
des d’ guͤtigkeit deß waſſers/ vñ dann auch der kuͤnſt-
lichen bilder wegen/ ſo man ſagte dz Dedalus ſeinem
E iijWirthe
[70]Joh. Barclayens Argenis/
Wirthe Coccalus daſelbſten gehawen hette. Das
Waſſer ſprang gleiche in die Hoͤhe/ nachmals zer-
theilete es ſich in vnterſchiedliche Roͤhre/ vnd geſtal-
ten/ vnd wann es herab in das weitſchweiffige Be-
cken fiel/ brauſete es ſiedende empor/ vñ ſahe der See
an Farben gleiche. Vnter andern war Galatee als
mitten in den Wellen/ beweynete den Tod deß Acis
der am Vfer lag/ vnd gleichſam ob er anfienge in ei-
nen Fluß verwandelt zu werden/ auß dem Munde
vnd Wunden zween Stroͤme ſchieſſen ließ. Vmb
dẽ Randt deß Waſſers war das Bildnuß deß graw-
ſamen Cyclops/ der Galateen zu wolte/ die aber fuͤr
jhm/ als welche zu Steine worden/ wol ſicher war.

Argenis fuhrte jhr durch diß Anſchawen jhren
Schaden zu Gemuͤt/ vnd erluſtigte ſich/ in dem der
Koͤnig Gehoͤr gab/ mit jrem einſamen Schmertzen.
Sie war jr Galatee/ welche noch einen beſſern Acis
beweinete. Wer aber mag Polyfemus ſeyn? wiewol
ſie den Lycogenes darzu beſtimmete/ dennoch kam jr
auch wider allen Danck jres Vattern Schuld eyn.

Sie waren biß an den Saal gegangen/ vnd die
fuͤrnemeſten/ welche den Koͤnig zu begruͤſſen kamen/
traten ab/ ſo das niemand faſt als die gewoͤhnlichen
Kammerdiener beym Meleander verbliebẽ Es war
dem Koͤnige lieb/ vñ gieng auch von dieſen wenigen
beſonders mit der Argenis: Meine Tochter/ ſagte
er/ ewer Alter vñ ewer Geſchlechte befreyten euch der
rathſchlaͤge allgemeinẽ weſens/ wañ euch die vnter-
weiſung vnd dz hohe gemuͤte der wichtigſtẽ ſachẽ nit
faͤhig
[71]Das Erſte Buch.
faͤhig machten: ſo daß/ ob jr gleich nur ein Weibsbild
ſeyd/ die Wolfart Siciliens dannoch auff euch beru-
het/ vñ jr darzu erſehen ſeyd die Maͤñer zubeherſchen.
Gewehnet euch bey meinen Lebszeiten an ſolche ſor-
gen/ ohne die das Koͤnigliche Anſehen nicht mag er-
halten werden/ vnd lernet verſchwiegen ſeyn/ welches
an einem Regentẽ das fuͤrnemſte iſt. Wir ſtehen ſehr
vbel/ Argenis/ wann wir das vnrecht nicht alſo ver-
tragen koͤnnen/ gleichſam als es vns gar nit angehe:
dann im Fall wir der Laſt welche vns jetzt drucket/
nicht nachgeben woͤllen/ ſo fuͤrchte ich wir werdẽ vn-
ter jhr zerbrechen. Euch iſt wiſſend/ daß Lycogenes
ſich gegen mir auffgelehnet/ daß viel Staͤtte jm an-
haͤngig worden; dieſe aber ſind vns noch viel ſchaͤdli-
cher/ die alſo zuſagen/ in vnſern Gliedern wohnen/
alle Rahtſchlaͤge verwachen/ vnd mein dermaſſen
warnemmen/ als ob ich mehr jhr Gefangner dañ jhr
Koͤnig were. Auß der ſchlacht/ ſo wir newlich gehal-
tẽ/ ſchiene Lycogenes zu erkennen was ich koͤndte. Er
war vberwunden/ vnd wann jhm die Nacht nicht
guͤnſtig geweſen/ ſo hette jhm keine Feſtung helffen
koͤnnen/ daß er den Meinigen nicht were in die Haͤn-
de gerahten. Aber viel von meinen fuͤrnaͤmſten Leu-
ten/ die in groſſer Anzahl vmb mich waren/ vnd in
meinem Rath die hoͤchſte Stim̃en gehabt/ vermoch-
ten jhr Gemuͤth bey ſolchem Zuſtandt laͤnger nicht
zu bergen/ gaben fuͤr/ man muͤßte Frieden einge-
hen: der beſte theil deß Volcks ſtuͤnde mit dem Ly-
cogenes in Buͤndnuß: die jenigen weren Moͤrder/
E iiijwelche
[72]Joh. Barclayens Argenis/
welche Raht hielten/ ob es beſſer ſey ſolche bey Leben
zuerhalten/ oder auß verzweifflung auff die euſſerſte
Nothwehr zutreiben. Sie durfften auch fuͤr den Ly-
cogenes reden; er were in einer Schlacht/ nicht aber
im gantzen Krieg vberwunden worden. Ferꝛner/ wañ
es ſchon moͤglich jhn gantz vnd gar zuſtuͤrtzen/ ſo ſey
es doch nicht rahtſam. Mit was fuͤr einem Aug ſol-
ten die Sicilier wol anſehen den jenigen/ welcher ſie
einer ſolchen Perſon beraubet hette/ die jhnen fuͤr al-
len Lieb geweſen? Sie wuͤrdẽ viel halsſtarꝛiger ſtreit-
ten fuͤr ſeine Rache nach dem Todt/ als fuͤr ſeine
Ehre beym Leben. Derentwegen ſolte ich die Zeit er-
greiffen/ in dem ich als der Vberwinder meine Vn-
derthanen mit Eingehung deß Friedens mir verbin-
den koͤndte. Ich verhalte es euch nicht/ Argenis/ daß
ich mich vber ſolchen Reden mehr entſetzet habe/ als
vber den fliegenden Fahnen deß Lycogenes im freyen
Felde. Ich ſahe daß meine Hohheit verꝛathen wuͤr-
de/ vnd ich mich noch aͤrgerer Gefahr außſetzen muͤ-
ſte/ wann ich nicht mit vleiſſe wolte betrogen werden.
Es iſt fuͤrnaͤmlich in Betrachtung ewerer geſche-
hen/ meine Tochter/ daß ich lieber mein Koͤnigreich
bey Friede/ er ſey auch wie er woͤlle/ erhalten/ als mit
harter Vertheydigung meiner Mayeſtaͤt euch ent-
erbet habe. Sie haben auch nur nicht erwarten woͤl-
len/ biß ich/ als Koͤnig vnd Vberwinder/ jhnen billi-
che Bedingungen deß Verbuͤndnuͤſſes fuͤrſchriebe:
ſondern mir gewiſſe Artickel deß Lycogenes einge-
haͤndiget/ von welchen nachfolgende die fuͤrnemb-
ſten:
[73]Das Erſte Buch.
ſten: Der Koͤnig Meleander ſolte Sicilien mit voͤl-
liger Gewalt beſitzen: Lycogenes in voriger Freund-
ſchafft bey jhm verbleiben/ wie auch die verwaltung
vber das Meer vnd Syracuſiſche Landſchafft be-
halten: auch zum Vnterpfandt vnd Verſicherung
die Staͤdte Erbeſte vnd Heraclee mit jhren Beſatz-
ungen jnnhaben. Weiter machten ſie mich verbuͤnd-
lich deß angethanen Vnrechtes in einigem Wege
ferꝛner nicht zugedencken/ noch etwas von dem/ was
bey wehrendem Tumult fuͤrgelauffen/ zurechen.

Wie es meiner Hohheit nun zwar nicht gezieme-
te/ Argenis/ in ſo vnbilliche Vorſchlaͤge zuwilligen/
alſo wolte es auch mein Zuſtandt anders nicht ley-
den. Als ich derentwegen mich nicht genugſam ent-
ſchlieſſen kunde/ thaten Ibburanes vnd Dunalbius
jhren moͤglichſten vleiß/ damit nichts fuͤrgenommen
wuͤrde/ das meinen Wuͤrden zuentgegen lieffe. Die
hohe Stelle aber/ welche ſie vnter den Geiſtlichen
hatten/ machte daß man ſie fuͤr tuͤchtig hielt/ welche
den Frieden behandeln huͤlffen: dann es jhres Ampts
zuſeyn ſchiene/ daß ſie die gewaffneten zur Eintraͤch-
tigkeit anmahnten/ vnd weil jhnen/ angeſehen daß ſie
Außlaͤndiſche Leute/ auch gleichſamb nur als Vn-
terhaͤndler darzwiſchen kaͤmen/ mehr Glauben koͤn-
te zugeſtellt werden. Sie waren damals zu Paler-
mo/ vnd als ſie meine Schrei/ den/ welche ich mit ver-
bluͤmten Worten geſetzt/ empfangen/ haben ſie mein
Begehren leichtlich verſtanden. Derentwegen ſeynd
ſie bald zu mir/ bald zum Lycogenes kommen/ vnd
E vhaben
[74]Joh. Barclayens Argenis/
haben vns gleichſamb wider vnſern Willen zu dem
jenigen beredet/ was ein jeder am meiſten ſuchte. Ha-
be ich alſo in die Artickel/ welche Lycogenes eingege-
ben/ gewilliget/ auſſer dem daß ich die Beſatzung zu
Erbeſſe vnd Heraclee nicht ſtaͤrcker als von zweyen
Companeyen zugelaſſen/ vnd mich ſonderlich fuͤr-
geſehen/ damit er nicht vnter dem Schein der Be-
ſatzung gantze Regimenter daſelbſt hielte/ welche er
bey gelegener Zeit wider mich fuͤhren koͤndte/ vnd daß
meine Guͤtigkeit/ in dem ich in alles vmb was der
Feind anſuchet/ ſo bald willige/ fuͤr keine Furcht an-
gezogen wuͤrde. Dieſes ließ ich dem Lycogenes durch
die Geſandten zuentbieten/ vnd hieſſe ſie/ wann jhm
ſolche Erklaͤrung annehmlich were/ auff den andern
Tag widerkommen. Es war an jhnen kein Saͤum-
nuß; aber als ſie auff dem Ruͤckwege hieherwarts
geweſen/ iſt jhnen ein trawriger Fall begegnet. Sie
ſindt dem Poliarchus auffgeſtoſſen. Argenis ver-
ſtarꝛete vber deſſen Erwehnung/ vnd damit ſie die
veraͤnderung deß Geſichtes deſtobeſſer verdecken
moͤchte/ fieng ſie mit fleiß ſo hefftig an zuhuſten/ daß
ſie dadurch das Schrecken vnd die Roͤthe welche jhr
hernach auffſtieß/ leichtlich bergen/ vnd auffs newe
Athem ſchoͤpffen kundte.

Meleander nachdem er zimblich lang verwartete
biß ſie wider zu ſich ſelbſt kommen; Es hat ſich/ ſag-
te er/ durch ein groſſes Vbel begeben/ daß Poliar-
chus deß Lycogenes Geſandten angegriffen. Man
weiß nit ob es auß Fuͤrſatz/ oder auß Irꝛung geſche-
hen.
[75]Das Erſte Buch.
hen. Er hat aber ſeines Degens nicht geſchonet/ vnd
drey von jhnen nidergemacht. Zwene ſeynd jhrer vb-
rig bliebẽ/ die auß der Flucht ſchnaubende vnd erhitzt
zu mir geflohen ſind. Dieſe erfuͤlleten mit jhꝛem Ge-
ſchrey alles/ beklagten den vnbillichen Todt jhrer
Mitgeſellen/ vnd berufften ſich auff das ſicher Ge-
leit/ welches ich jhnen verheiſſen ſo ſehr/ daß ſie mir
faſt ſelber die Schuld geben wolten. Ich fordert mei-
ne fuͤrnemſte Leut auff das Feld zuſammen/ vnd er-
theilte jhnen Gehoͤr. Da waren ſie nicht allein die je-
nigen/ welche mich in Vnglimpff brachten. Viel der
Meinigen ſtunden jhnen bey/ vnd huben an ſich zu-
beklagen. Beſonders gieng jhr ſchreyen dahin/ man
ſolte den Poliarchus zu gebuͤrlicher Straffe ziehen/
damit nicht jederman darfuͤr hielte/ als were er von
mir angeſtifftet worden/ daß er die/ welchen ich alle
Sicherheit verſprochen/ antaſten ſolte. Zum Exem-
pel aber ſey die geringſte Straff ſolchen verbrechens
der Todt. Vnd dieſes brachten ſie alſo vor/ daß jhre
Wort mehr einem Befehl als einem Rath aͤhnlich
ſahen. Aber die groſſe Trew/ welche ich vom Poliar-
chus empfunden/ hielt mich zuruͤck: angeſehẽ daß ich
jhm durch vorgelauffne ſchlacht den Sieg fuͤrnaͤm-
lich zudanckẽ gehabt. So ließ mich auch ſein bekan-
te Tugend den Argwohn auff jhn nicht werffen/ daß
er ſo einer vnruͤhmlichẽ That ſich vnterwundẽ. Ge-
wiß Cleobulus/ Eurimedes vnd andere die im Rath
noch auffrichtig waren/ kundten es durchauß nicht
glauben. Giengen ſie derowegen darauff/ man ſolte
den
[76]Joh. Barclayens Argenis/
den Beklagten hoͤren/ vnd ſeiner Entſchuldigung/
welches jhm zweifels ohne leichtlich wuͤrde zuthun
ſeyn/ erwarten. Verhieſſe ich alſo etzliche an jhn ab-
zuordnen/ die jhn ſeine Sach außzufuͤhren erfordern
ſolten. Dann es ſey wider Gebrauch vnd Billigkeit/
im Fall man jhn vnangehoͤret ſeine Rechtfertigung
verurtheilete. Als ſie diß verſtunden/ entbrandten ſie
noch viel hefftiger; mit Einhalten/ wann ich die Ra-
che laͤnger auffzoͤge/ ſo were es ſoviel/ als ich den Po-
liarchus der Straffe gaͤntzlich erlieſſe. Dann ſolte
man wol glauben/ daß er/ nach einer ſo boͤſen That/
anders wuͤrde zuruͤck kommen als mit Gewalt vnd
Widerwillen? Ja wo man es nicht verwehrete/ ſo
moͤchte er auß der Inſel entweichen/ vnd ſich in ſei-
nem Vatterland ruͤhmen/ wie vngenoſſen es jhme
außgangen/ daß er Sicilien ſo veraͤchtlich gehalten.
Als ſie nun mit Vngeſtuͤmmigkeit ſo beſtaͤndig bey
mir anhielten/ fragte ich/ was doch hierbey zuthun
were. Dann Poliarchus ſey abweſendt; vnd gegen ei-
nem Abweſenden wuͤrde alle Straff vergeblich an-
geſtellet. Sie waren einhellig der Meinung/ man
ſolte ſeiner Flucht zuvorkommen; welches leicht zu-
thun ſey/ wann ich dem gantzen Land durch Nacht-
Fewer lieſſe Zeichen geben. Dann ſo wuͤrde er bey
Verwachung der Hafen in Bewahrung bleiben/
vnd andern Frembden ein Exempel ſeyn/ daß die
Verbrechen/ in welchem Ort man ſie begehet/ auch
gerochen werden koͤnden. Ich war der Gedancken/
daß es dem Poliarchus zum beſten gereichete/ wann
ich
[77]Das Erſte Buch.
ich in jhr Begehren willigte; damit ich ſie nicht/
wann ſie eine Fehlbitte thaͤten/ etwan bewegete ſich
eigenmaͤchtig an jhm zu rechen. Im fall aber Po-
liarchus vnvorletzet fuͤrgeſtellet wuͤrde/ ſo koͤnte viel
darzwiſchen kommen jhrem Wuͤten zu entgehen.
Derentwegen hat man folgende Nacht die Fewer
auff den Warten deß Poliarchus halben angeſteckt.
Mein beſter Troſt aber in dieſem Vngluͤck iſt gewe-
ſen/ daß die gemeine Soldaten ſolche ſeine Gefahr
mit Vnwillen vernommen. In dem ich nun alles
guten gewaͤrtig war/ kompt Timonides auff den
Morgen mit trawriger Zeitung zu mir/ vnd ver-
meldet/ daß Poliarchus todt ſey. Argenis kundte jh-
rem Schmertzen laͤnger nit gebieten/ ſondern wardt
durch einen tieffen Seufftzer vberwunden/ fiel erſt-
lich auff die Knie/ vnd ſanck hernach/ gleichſam als
verſchiedte ſie/ gaͤntzlich darnider. Meleander hub
an zuſchreyen/ vnd als die nechſtbeyweſenden herzu
gelauffen/ wurde ſie von dem Frawenzimmer auff
das Betth gelegt. Sie begoſſen jhr Antlitz mit fri-
ſchem Waſſer/ vnd riſſen jhr die Kleider auff/ ſo daß
durch jhr Athemholen der ſchweiß vertrieben wardt.
Meleander fragte Seleniſſen/ was es fuͤr eine Art
von Kranckheit were? wie lang ſie darmit behafftet
geweſen? er hette vnter jhrer beyden Geſpraͤche wol
geſpuͤret/ daß ſie nicht muͤſte wol auff ſeyn/ weil die
Augen ſo vnſtete vmbgeſchweiffet/ vnd hin vnd wi-
der gelauffen; die Stirne auch etzlich mal die Farb
veraͤndert hette. Seleniſſe verbarg es artlich/ vnd
gab
[78]Joh. Barclayens Argenis/
gab fuͤr ſie hette in zweyen Tagen nicht geſſen/ vnd
muthmaſſete daß jhr ein kleines Feber zuhienge. Sie
wuͤſte aber auß Erfahrung/ daß ſolche Ohnmacht
vnd Geſchwinden mit der Argenis nit lang wehre-
te/ vnd daß es keine Anzeigung einer groſſen Kranck-
heit ſey.

Weil dieſes ſich alſo zutraͤget/ werden dem Koͤni-
ge vom Lycogenes Schreiben eingeantwortet/ in
welchen er jhn verſtendigte/ daß er in kuͤrtzen wolte
bey jhm ſeyn/ damit ſie in dem Tempel der Pallas
(in welchem deß Koͤniges hoͤchſte Andacht beſtun-
de) den Frieden mit einem Eydſchwur bekraͤfftigten.
Wann es dem Koͤnige beliebete/ ſo wolte er ſich fol-
genden Tages einſtellen. Der Koͤnig ließ jhm ant-
wortten/ er empfinde es in aller Freundtſchafft/ vnd
were ſeiner auff morgen gewertig. Nach Abfertti-
gung deß Bottens berufft er den Eurimedes/ einen
Mann von gutem Hertzen vnd Gluͤcke. Dann in
der Jugendt hat er ſein Landt mit dem Oelzweige
gezieret/ weil er in dem Olympiſchen Wette lauffen
Meiſter geweſen/ vnd auch mit dem Eppichkrantze/
da er in dem Iſthmiſchen Kaͤmpffen obgeſieget.
Nachmals als er nebenſt wenigen beym Koͤnige in
ſonderbahre Gnade kommen/ iſt er Obriſter vber die
Leibguardir worden/ vnd hat allezeit die Verwal-
tung deſſelbigen Schloſſes oder Statt gehabt in
welcher der Koͤnig geweſen/ auch bey wehrendem
Kriege ſeine Trew jederzeit vnverfaͤlſchet erwieſen.
Dieſem gab der Koͤnig zuvorſtehen/ ſein Wille ſey
daß
[79]Das Erſte Buch.
daß dieſe Nacht vleiſſig Schiltwache gehalten/ vnd
dieſelbige Rotten auff welche man ſich vngeſchewet
verlaſſen moͤchte auffgefuͤhret/ vnd geduppelt wuͤr-
den. Sonderlich muſte man wol Achtung haben/
daß Lycogenes mit ſeiner Ankunfft keinen Auffruhr
anhuͤbe/ weil er nicht ſo ſehr auß Zuvorſicht wegen
deß getroffenen Friedens/ als daß er ſeinem Anhan-
ge vertrawete/ nach Hofe kaͤme. Nachgethaner An-
ordnung/ als ſich Argenis etwas beſſer befande/ nam
er die Abendtmahlzeit in jhrem Zimmer/ ſeinen von
Sorgen ermuͤdeten Geiſt ein wenig zueꝛquicken; wie
er dann ein Leutſeliger froͤlicher Fuͤrſt war. Das vb-
rige von der Nacht gab er ſeiner Ruhe/ ſo viel jh-
me zwar ſein Kuͤmmernuͤß zuließ. Der Argenis
Schmertzen aber leitete ſie vnter deſſen auff allerley
frembde vnd ſchreckliche Anſchlaͤge.

Das XI. Capitel.

POliarchus hatte gleichsfals keine beſſere Nacht
wegen Ruhes vnd ſicherheit/ weil in Timocleen
hauß ſõderlich ein newe Empoͤrũg ſich erꝛegte. Dañ
als Gelanor vom Arſidas wegkommen/ iſt er auff
Timo-
[80]Joh. Barclayens Argenis/
Timocleen gerade zugezogen: da er dann bey jhren
Dienern ſeines Herꝛen Todt liſtig beklaget hat. Ti-
moclee halff die Comediẽ artlich vollfuͤhrẽ/ vnd frag-
te vor jhren Leutẽ was Poliarchus fuͤr ein Ende ge-
habt. Er aber log bey jhr deſtofreyer/ weil jhr alles be-
kand war. Zu dieſem wuſte auch Archombrotus mit
ertichteter Trawrigkeit ſein Geſichte vnnd Stim-
me wol zuveraͤndern. In deſſen kam Arſidas; wel-
chem Timoclee/ wie ſie ſeiner Ankunfft berichtet
worden/ biß an das Thor entgegen gieng. Vnd als
er ſich entſchuͤldiget/ daß er in Zuverſicht alter
Kundſchafft jhr zu zuſprechen auſſer dem Wege ge-
reiſet were/ die Fraw ſich auch bedancket/ vnd es fuͤr
eine ſonderliche Freundtſchafft angezogen/ giengen
ſie in das Hauß/ vnd gaben ſich in Archombrotus
Geſellſchafft/ welchen Arſidas/ als einen Fremb-
den/ erſtlich begruͤſſete. Es war Zeit das Mittags-
mahl zunehmen/ mit deſſen Koſtbarkeit die Sicilier
andere Griechen vbertraffen. Als dieſes verbracht/
vnd das Geſinde zum Eſſen gieng/ ſo das Timoclee
Archombrotus vnd Arſidas allein vorblieben; Ich
weiß/ Arſidas/ (fieng ſie an) daß jhr guten Dienſt
zu leiſten hieher kommen ſeynd/ vnd den Poliar-
chus/ wiewol er in Vngluͤck ſtecket/ ſuchet vnd liebet.
Er iſt alhier/ wie euch Gelanor ſonder Zweiffel be-
richtet hat. Ich frage an jetzo nicht was fuͤr Vr-
ſachen jhn in ſolche Noth ſetzen/ vnd hoffe ſolches
von euch zuvernehmen in ſeiner Gegenwart. Die
Goͤtter/ ſagte Arſidas/ woͤllen vns die Gnade ver-
leihen
[81]Das Erſte Buch.
leihen alles in geheimb zuhalten: im vbrigen wirdt
das was wir anjetzt verborgener Weiſe angeben
allen Zeiten nachmals offenbar werden. Aber der
Zuſtandt eweres Hauſes iſt in Vngewißheit.
Wirdt es Glauben halten/ vnd wann es die Sicher-
heit wirdt zulaſſen/ dieſes werthe Pfandt welches
jhme anvertrawet iſt der gantzen Welte vnvorletzet
wiedergeben/ ſo wirdt es der Lateiner Landt/ darinnen
Saturnus verborgen gelegen/ an Ruhm bey den
Nachkommenen vbertreffen. Wo hergegen dieſer
Ortt vnter der Erden auff das Grab des Poliar-
chus deutet/ ſo wird er befleckt ſeyn/ vñ die offentliche
Schmach wirdt in dieſer Hoͤlen vnd Hellengrufft
alles das finden/ was man in Sicilien von den Fu-
rien erzehlet.

Es war ſchon eine Fackel beyhanden/ welche als
ſie angezuͤndet/ gienge Timoclee darmit fuͤr jhnen
her auff den Poliarthus zu. Nach dem ſie nun nicht
lange gegangen waren/ ſehen ſie jhn von dem Kuͤſ-
ſen auffſtehen/ weil jhn das Liecht welches ſie brach-
ten erweckt hatte. So bald er Arſiden erblickt/ vnd
die andern gegruͤſſet/ fiel er jhm vmb den Halß: Lobte
nachmals hoͤchlich ſolche Trewe Freundtſchafft/
vnd fragte ob er den verbrochnen vnd zum Tode
verdammten Poliarchus auch kennete. Sehet jhr/
fieng er weiter an/ dieſe Fraw? Wo es eine Schande
iſt mich zu verbergen/ ſo kan ſie ſich nicht entſchul-
digẽ; wañ aber dieſe Entweichung zuerhaltung mei-
nes Hauptes dienet/ ſo habe ich jhr mein Leben zu
Fdancken
[82]Joh. Barclayens Argenis/
dancken. Sie hat mich bezwungen/ in ſolchem Vn-
gewitter mich bey jhr jnnen zuhalten. Aber ſagt mir/
Arſidas/ was fuͤr Vbelthat hab ich begangen/ daß
ich gantz Sicilien ſo verhaßt bin? Iſt der Koͤnig nit
mehr Meleander? iſt er ein Cercyon oder Buſiris
worden? oder habt jhr andern Sicilier das Bildnuß
der Tauriſchen Dianen/ vnd verſoͤhnet dieſer Goͤt-
tin grimmigkeit mit dem Blut ewerer Gaͤſte? Wor-
auff Arſidas nach weitlaͤufftiger Beklagung deß
Meleanders Zuſtands/ jhm zuverſtehen gab/ was
fuͤr Auffruhr deß Lycogenes Geſandten in dem Koͤ-
niglichen Laͤger erꝛegt hetten/ vnd nebenſt jhnen etli-
che vntrewe Raͤthe deß Koͤniges. Daß der Koͤnig/
von ſolchem Vngluͤck vberwundẽ/ weil ſich die Sa-
che zu einem Auffſtand angelaſſen/ vnd geſagt wor-
den/ Poliarchus wolte auß der Inſel fliehen/ der of-
fentlichen Fewer wegen letztlich hette einwilligen
muͤſſen. Poliarchus hoͤrete dem Arſidas nicht ohne
Entruͤſtung zu/ vnd wolte jhm gantz zitternde auß
Vngedult allzeit in die Rede fallen. So bald er nun
auffgehoͤrt/ kriegte er Timocleen bey der Hand: Ich
ruffe euch/ ſagt er/ zu Zeugen an/ (dann obwol die
Goͤtter allenthalben zugegen ſind/ jedoch ſtraffen ſie
nicht ſtracks die ſo zu Vnrecht bey jhnen ſchweren/
noch helffen denen alsbald die ſie zu rechte anruffen)
euch/ ſage ich/ nem̃e ich zu Zeugen. Ihr ſeyd bey dem
Verlauff geweſen. Ihr habt mich geſehen ſtreitten.
Hab ich jhnen fuͤrgewartet? hab ich jemandt geſucht
mit dem ich ſchlagen wolte? hab ich ſie angefallẽ als
ſie
[83]Das Erſte Buch.
ſie auff vns kom̃en ſind? Sie haben mich angerennt
ehe ich mich beſorget. Muſte ich derentwegẽ mir das
Leben von jhnen nehmen laſſen/ oder/ da ich obſiegte/
gantz Sicilien wider mich in den Harniſch bringẽ?
Worauß kan man mutmaſſen/ daß ich ſie mit fleiß
angetaſtet? Ich war alleine; ich hatt eine Fraw bey
mir/ welche mir zu ſtreitt wenig helffen mochte. Ihr
Geſind vnd mein Diener waren/ in Meinung man
hett ſich in dieſem Wald nichts zubefahren/ ſo weit
vorhergereiſet/ daß auch kein Geſchrey von vnſerm
kaͤmpffen jnen zu Ohren kommen. Woran hat aber
das boͤſe Gluͤck den Koͤnig geleitet/ die jenigẽ/ ſo von
ſeinẽ Rebellen vñ an beleidigung deꝛ Majeſtaͤt ſchul-
digen Leutẽ zu jhm abgeordnet wordẽ/ gleichſam als
rechtmaͤſſige Geſanden zu ehren/ auch das Blut der
ſeinigen der Feinde boͤſer Begier auffzuopffern/ vnd
ſeine Ehr jrem vnzimlichen Anſuchẽ nach zu ſetzen?

Sein Schmertzen vñ Gewiſſen trieben jhn noch
mehr zu ſagen/ als jhn Arſidas verſicherte/ daß er bey
allen Leuten in gutem Geruͤchte were/ vnd die gantze
Welt/ ohne allein die ſo Lycogenes beſtochen/ ſagen
mußte/ es ſey dieſes ein ſolche That/ ſo wenig jh-
res gleichen habe/ daß ein einiger Reiſender/ vnd der
zum ſtreitten nichts außgeruͤſtet/ ſo vielen Raͤubern
ſiegende auß den Haͤnden kommen: vnd daß die
Soldaten ſie hefftig außlachten/ in dem ſie klag-
ten/ daß jhrer Fuͤnffe oder mehr von einem allein
geſchlagen worden. Aber wir haben jetzt von et-
was anders zu reden/ Poliarchus. Sicilien/ wie
F ijes
[84]Joh. Barclayens Argenis/
es heutiges Tags damit beſchaffen/ iſt ewerer Tu-
gend nicht werth. Entaͤuſert euch eine zeitlang dar-
von/ vnd machet daß der Koͤnig nicht gezwungen
werde/ euch entweder mit jhm vnd dem Reich nach-
theiliger Gerechtigkeit zuſchuͤtzen/ oder den Feinden
mit ſeiner hoͤchſten Schande zuuͤberlaſſen. Er hat
euch bißher noch ſo beleydiget/ daß er kan entſchuldi-
get werden. Dann die Straffe deß Todſchlags zu
leyden/ oder denſelbigen rechtmaͤſſiger weiſe vnd per-
ſoͤnlich entſchuldigen iſt dermaſſen braͤuchlich/ daß
man ſagt/ als Mars den Halirrhothius erwuͤrget/
hab er ſeine Sache im Areopagus ſelber außgefuͤh-
ret. Wañ jhr nun wegen Geleits vnd billicher Ver-
hoͤr geſichert weret/ ſo riethe ich/ daß jhr euch ewerm
Gegentheil geſtellen woltet; dann es iſt bißher wei-
ters nichts geſchloſſen worden/ als daß jhr ſoltet fuͤr-
kommen; vnd jhr habt ſo gute Sach/ daß euch auch
die vngerechteſten Leut recht geben muͤſſen. Aber der
Haß vnd Grimm ewerer Feinde wuͤrde deß Auß-
ſpruchs nicht erwarten/ vnd das Werck mit Liſt oder
Gewalt treiben. Ich kan es ohn Schrecken kaum
ſagen: Mein Poliarchus/ machet euch auß dem
Staub/ vnd gebt zu/ daß dieſe Inſel nicht gar muͤſſe
verflucht ſeyn. Poliarchus ſagte/ da es jhm moͤglich
were/ ſo wolt er weichen: vnd daß dieſes vndanckba-
re Land nach ſolcher Gutthat jhm weniger nicht er-
weiſen koͤndte/ als wann es jhm einen ſichern Abzug
geſtattete. Auff den Koͤnig/ wiewol er jhm vbel loh-
nete/ were er darumb deſtoweniger zoꝛnig/ daß er ſpuͤ-
rete/
[85]Das Erſte Buch.
rete/ wie jhn das Vngluͤck ſelber mit Ergetzung ſei-
ner Feinde zum genuͤgen ſtraffete.

Das XII. Capitel.

NAchmals berahtſchlagtẽ ſie ſich miteinan-
der/ durch was Mittel Poliarchus am ſi-
cherſten auß Sicilien kommen moͤchte; vnd
befunden fuͤr gut/ daß er Bawerskleider anlegte. Ar-
ſidas hatte in der Brutier Lande geheuratet/ vnd
kundte nach Meſſine zu ſeinem Schweher ohn al-
len Verdacht ſenden. Der verhieſſe/ er wolte den
Poliarchus auff eines ſeiner Schiffe ſetzen/ vnd in
Italien vberſetzen laſſen. Vber dieſes ſagte Timo-
clee/ ſie hette etwas mit dem ſie durch einen artlichen
Betrug ſein Geſicht veraͤndern koͤndte. Es iſt vor
dieſem/ ſprach ſie/ vmb Palermo ein Rauber gewe-
ſen/ der lange Zeit durch ſeine kuͤnſtliche Liſt iſt vner-
griffen blieben: dann er hat drey Geſichter gehabt/
wie die Alten in jhren Fabeln vom Geryon erzehlen.
Nach dieſen Worten hielte ſie ſtille/ vnd hub ein we-
nig an zulachen/ ſo viel zwar gegenwaͤrtiges Leyd zu-
F iijgab.
[86]Joh. Barclayens Argenis/
gab. Dieſer Mann/ redte ſie weiter/ war in ſeinen
beſten Jahren/ rotbaͤrticht vnd kleine. Er trug aber
allzeit heimlich zweyerley Haar bey ſich an dem auch
zweene Baͤrte hiengen/ der eine zotticht vnd Graw
wie alte Maͤnner haben; der ander Schwartz vnd
nach art umger Leute gemacht. Dieſe Larven wa-
ren ſo kuͤnſtlich/ daß kein Menſch der angenomme-
nen Geſtalt innen werden/ noch das falſche Andtlitz
erkennen moͤgen. Derentwegen ließ er ſich baldt alt/
baldt iung/ baldt wie er an ſich ſelber war ſchawen; ſo
daß ſolche Geſtalt jhn nicht allein lange Zeit vor
der Straffe/ ſondern auch dem Argwohn verſicher-
te. Dann in fall er in anſehen eines Juͤnglinges ge-
raubet/ erſchiene er denen die jhn ſuchten als ein Al-
ter; vnd betrog die Leute wiederumb als ein Juͤng-
ling/ wann er vnter den greiſen Haaren geſuͤndiget
hatte. Mein Vatter war gleich damals Verwal-
ter ſelbiger Provintz/ welcher auß Vberdruß der
Schelmſtuͤcke deß boßhafftigen Cameleons jhn
endlich gefangen nehmen/ vnd auffhencken ließ/ wie
er verdienet hatte. In verwunderung gleichwol deß
kuͤnſtlichen Betrugs/ welcher der Natur ſo nahe
kam/ ließ er die Haare bey ſich in Verwahrung be-
halten. Gefellt es euch nun/ ſo wil ich ſie holen/ vnd
wir woͤllen ſie dem Poliarchus anverſuchen.

Sie erwartete nicht biß ſie es gut hieſſen; ſondern
lieff auß der Hoͤle/ vnd brachte geſchwind dieſe zwey
Vorbildungen der Jugendt vnd deß Alters. Als ſie
dem Poliarchus eines angemacht/ welcher vnwillig
war
[87]Das Erſte Buch.
war daß er ſich zu Rettung ſeiner eines frembden
vnd Schelmens Antlitzes gebrauchen mußte/ ſahe
er dermaſſen anderſt auß/ daß auch Argenis ſelber
dardurch hette koͤnnen betrogen werden. Sie rufften
die Goͤtter an/ zu ſolcher bequemen Liſt Gluͤck zu
geben/ vnd bathen jhn jnnſtaͤndig/ daß er jhrer ſich
nicht entbrechen wolte. Timoclee verhieſſe auch fol-
gende Nacht jhm bequeme Kleider zu bringen: dann
es were gut/ daß Poliarchus in vnbekandter Tracht
in der Hoͤle verbliebe/ damit er/ wann ja jemandt
nachzuſuchen ohngefehr dahin kaͤme/ ſicher vnd vn-
beſorgt erkandt zuwerden auff das Feldt entrinnen
koͤndte. Als ſie gleich von jhm Abſchiedt nemmen
wolten/ ruffte Poliarchus dem Arſidas auff die
ſeitte/ nebenſt Entſchuldigung gegen dem Archom-
brotus vnd Timocleen/ daß er abſonderlich mit jhm
redete. Sein Heimligkeit aber war/ daß dieſer als
ſein treweſter Freundt vmb ſeine vnd der Argenis
Liebe wußte. Derentwegen vermahnete er jhn/ zu
der Argenis auff das geſchwindeſte als moͤglich/ zu
gehen; weil er mehr fuͤr die Princeſſin als fuͤr ſich
ſelber in Sorgen ſtuͤnde. Dann jhm wolbewußt wa-
re/ daß ſie vnmenſchlichen Schmertzen ſeines Vn-
gluͤcks wegen ertruͤge. Was muͤſte ſie abeꝛ wol thun/
wann jhr Zeittung von ſeinem Todt zukaͤme? Es
moͤchteſich wol begeben/ daß ſie durch falſchheit ei-
nes ſo klaͤglichen Geruͤchtes auff den ſchwerſten vnd
euſſerſten Rahtſchlag geriethe. Arſidas ſolte ja zu
jhr gehen/ vnd ſie in jhrem Betruͤbnuͤß troͤſten;
F iiijdarmit
[88]Joh. Barclayens Argenis/
darmit ſie nicht jhn/ der noch lebte/ beklagte als einen
Todten. Wuͤrden jhm die Goͤtter verleihen ſicher
hinweg zukommen/ ſo wolte er in dem Italianiſchen
Vfer jhres Befehls erwarten: oder wann es jhr Be-
gehr were/ auch jetzundt noch/ mit was gefaͤhrlicher
Liſt es jmmer geſchehen muͤſte/ zu jhr kommen. Die
Zeit ließ jhm nit zu mehr Wort zumachen/ vnd an-
dere Sachen wolt er dem Arſidas nicht anvertrawẽ/
welcher ſeine Dienſte weitlaͤufftig anerbote: angeſe-
hen aber daß es gegen der Nacht gieng/ ließ er ſeine
Reiſe/ auff Anſuchẽ der Timoclee/ vnd daß es Poli-
archus auch fuͤr gut hielte/ biß auff morgen verblei-
ben. Nach dem Nachteſſen woltẽ ſie wider zum Po-
liarchus gehen/ mit den Kleidern/ welche die Fraw
jhm zugeſagt. In deſſen aß er etwas von den Spei-
ſen/ ſo jhm Timoclee gebracht hatte; vnd/ damit jhm
Arſidas die Empfindung deß Vbels etwas moͤchte
außreden/ ſchertzte er ein wenig/ vnd hub an: Was
kraͤncket euch/ jhr behertzter Held/ da dieſe Hoͤle vnd
frembde Tracht euch fuͤr ewern Feinden wol verſi-
chert? Ihr ſeyd alleine/ vnd fliehet vor vielen: da doch
die Goͤtter/ als der einige Typheus ſie verfolget/ die
Flucht zugeben ſich nicht geſchaͤmet haben; vnd ſie
weren auch vielleicht ſchweꝛlich entrunnen/ wann ſie
Egypten nicht vnter ſcheutzlicher Geſtalt der Thie-
re jhres Schreckens entlediget vnd verborgen hette.
Schawet nur mit was fuͤr Kuͤnheit ewer Freund der
Nicopompus in mittẽ jrer Forcht an ſtatt deß Goͤtt-
lichen Geſichts jnen frembde Rachẽ vnd Schnaͤbel
angetich-
[89]Das Erſte Buch.
angetichtet hat. Hernach gab er jhm ein Buch voll
allerley Poetiſchen Getichte; vnd als er gieng/ zeich-
nete er jhm mit dem Nagel die Verß welche er leſen
ſolte.

Das XIII. Capitel.

IN deſſen ſpatzireten Archombrotus vnd Ar-
ſidas bey heimlicher Veſper in der Timocle-
en Garten auff vnd nider/ vnd gerhieten in
mancherley Reden. Vnter andern lieſſen ſie ſich
durch gegebenen Anlaß vom Poliarchus/ in ein
Geſpraͤche von denen eyn/ die mit ſonderlicher Na-
tur vnd ſchoͤnen Tugenden begabet ſindt; wie dieſe
Kleinoter ſo ſelten bey den Menſchen zu finden/
vnd wie offte ſie von denen/ ſo zur Dienſtbarkeit ge-
boren ſind verachtet werden/ mehrentheils aber vber
freye Gemuͤhter herꝛſchen. Vnter ſolchen Worten
kam den Arſidas eine ſolche Liebe der Tugendt vnd
Eckel deß gegenwaͤrtigen Zuſtandes an/ daß er mit
einer Bewegung erwieſe/ ſtattliche Leute koͤnten
ohne Suͤnden vnd Gefahr nicht geringe gehalten
werden: ja es were auch die ſchaͤdlichſte Art der Vn-
freundlichkeit/ wann man jhnen nicht Ehr anthete/
F vvnd
[90]Joh. Barclayens Argenis/
vnd ſie fuͤr das gemeine Weſen zu arbeiten mit Be-
lohnungen auffmuntere. Zu vnſerer Zeit/ ſagte er/
hat das Gluͤck ſo eine verkehrte Gewohnheit bey
vielen Voͤlckern auffgebracht/ daß es ein Zeichen
eines fuͤr trefllichen Gemuͤhtes iſt/ wann einer an
koͤniglichen Hoͤfen nicht lebet/ oder ja daran verach-
tet wird. So beliebet es den furchtſamen oder bar-
bariſchen Laſtern gluͤckhaffter Leute die Tugend
gantz zu entbloͤſſen; gleichſam als dieſelbe ſie groͤſſer
weide machen/ wann ſie die armſeligen oder verach-
teten mit Fuͤſſen tretten. Archombrotus/ entweder
daß er deß Arſidas Weißheit beſſer herfuͤr locken et-
was mehres zu lernen/ oder daß er der Koͤnige Sa-
che vertretten wolte/ gab zur Antwort/ Seine Per-
ſon betreffendt/ ſo truͤge er/ wann er deß Poliar-
chus Faͤlle nachdaͤchte/ eine Abſchew fuͤr der vn-
maͤſſigen Freyheit deß Gluͤckes. Im vbrigen aber
ſey es kein Wunder/ wann es ſich zu weilen begebe/
daß Koͤnige/ welche mit ſo vielen Geſchaͤfften vnd
Vnkoſten beladen weren/ Leuten die es doch verdie-
neten keine Gnade erzeygeten. Dann es wuͤrde auch
nicht ſonderlich erſprießlich ſeyn/ wann andere von
fuͤrnehmen Gemuͤtern gedaͤmpfft/ vnd die Gaben
der Natur durch allgemeines Gelt nur muͤſten auß-
gewogen vnd kundbar gemacht werden. Ja daß
offtermals ſolche ſchoͤne Sinnen/ vber denen wir
vns dermaſſen verwundern/ Koͤnigen nicht ſon-
derlich nutzeten/ vnd zu Geſchaͤfften wenig zu ge-
brauchen weren; als wir auch an etlichen Fruͤchten
zwar
[91]Das Erſte Buch.
zwar vnſere Luſt ſehen/ nachmals aber/ wann wir ſie
zu eſſen begeren/ vnſeren Hunger mit einem vnan-
genehnien vnd ſchaͤdlichen Saffte betriegen. Arſi-
das wolte nit bald darauff antworten/ vnd begnuͤg-
te ſich mit Laͤcheln anzuzeygen/ daß er dieſes fuͤr ei-
ne geringe Entſchuldigung einer ſolchen vngluͤck-
ſeligen Verſehung hielte: biß er auß deß Archom-
brotus Geſichte verſtunde (dann er ſahe jhn inſten-
dig an) daß er wolte widerleget ſeyn. Saget jhr
mir/ ſprach er/ von den Sorgen welche die Koͤnige
bey jhren Geſchaͤfften haben? Gleichſam als die
fuͤrnembſte vnter denſelben nicht ſeyn ſolte/ wie ſie
Leute bey ſich haben moͤchten/ welche in groſſer An-
zahl jetziger Zeit nicht zu finden ſind; zu Wider-
legung der Laterne deſſen/ der vor Zeiten auff ei-
nem vollen Marckte nur einen ſol geſucht ha-
ben. Aber ſpricht man/ die gemeine Kammer wuͤr-
de ſolche Vnkoſten nicht ertragen. O der fuͤr-
ſichtigen Hertzen! Daß man alſo nicht ſolle mehr
verſchwenden mit Vogelbeitzen; mit einem Stall
voll Pferden/ welche ſpringen vnd tantzen wie im
Heerzuge der Sybariter; vnd daß man ehe den
Verluſt der Zahl erſetzen ſolle/ wann ein wil-
der Eber einen Jagthund erhawen hat. Sie wol-
len man ſolle nichts erſparen an denen Sachen die
ſie nicht ſo ſehr dem Koͤnige zum Nutzen oder Luſt/
als zum Scheine der Hoheit zu dienen vermeynen.
Sie halten es fuͤr rhatſam ſo viel Geldes durch zu
jagen/ vnd ſo viel Muͤſſiggaͤnger mit allgemeinen
Außgaben
[92]Joh. Barclayens Argenis/
Außgaben zu erhalten. Es iſt ferner auch ſchwer ei-
ne Wahl vnter groſſen Gemuͤtern anzuſtellen. Hier
koͤmpt jhnen erſt die Sparſamkeit eyn; hier mangelt
es jhnen am Gelde; oder viel mehr an klugen Sin-
nen/ mein Archombrotus. Dann geſetzt/ daß dem
Koͤnige jhre Gemeinſchafft nicht lieb iſt: legen wir
nichts in vnſern Schatz als was vns von angebor-
ner Luſt angenem iſt/ vnd nicht auch die Sachen
welche es von ſich ſelber werth ſind? So ſindt die
Koͤnige mit jhrer Wohnung auch in keine ſolche
Enge geſpannet/ daß ſie nicht dergleichen Leute/
wann ſie von jhrem Geſpraͤche einen Eckel oder
Furchte empfinden/ alſo haben koͤnnen gleichſam
ob ſie dieſelben nicht hetten/ vnd als einen verborge-
nen Vorꝛaht behalten. Ihr habt euch auch wegen
der Menge nicht zu beklagen/ Archombrotus. Su-
chet nach wie fleiſſig jhr wollet/ jhrer werden wenig
zu finden ſeyn. Welcherechnet jhr dann wol vnter
dieſe Zahl/ gab er zur Antwort? Wann wir/ ſagte
Arſidas/ die Sache etwas weitſchweiffiger/ vnd
auſſer dem Fall deß Poliarchus betrachten/ ſo be-
gere ich keine von den gemeinen Kuͤnſten vnd Ge-
ſchickligkeiten. Wann einer ein guter Bereyter/ der
andere ein guter Fechter iſt: Wann dieſe jnen durch
jr Mahlen oder Singen einen Namen gemacht ha-
ben: jener wol weiß Haußbaͤwe an zugeben/ oder die
Brunnen in kuͤnſtliche Bilder zu leyten/ vñ was fuͤr
andere Kuͤnſte mehr jrem eygenen Werthe oder dem
gemeinen Wahn nach viel gelten: Dieſe mag man
meinent-
[93]Das Erſte Buch.
meinenthalben kauffen/ vnd zwar wie thewer ſie ſich
ſelber bieten/ wann man ſie naͤher nicht bekommen
kan. Eine ſo ſtattliche Belohnung wird beydes dem
Kuͤnſtler/ vnd dem der jhn beſoldet ruͤhmlich ſeyn.
Aber ich wil noch edelere Gemuͤter haben/ vnd derer
man/ wie ich ſagte/ wenig findet. Warumb fragen
wir nicht wie thewer die Kunſte deß Friedens vnd
deß Krieges ſind/ welche den andern an Hoheit fuͤr-
gehen? Ich meine die Leute ſo jhrer Tapfferkeit mit
der Fauſt oder Geſchickligkeit halben/ welche man
auß den Buͤchern ſchoͤpffet bekandt ſindt. Ich rede
auch nicht von denen/ welche auß Verwegenheit
die Waffen ergreiffen/ oder nur vberhin gelehrt
ſind; weil ſie ſolche Vergeltung nicht verdienen:
ſondern von ſolchen Hauptleuten/ derer kriegiſche
Hitze mit Vernunfft oder gluͤckhafftem Fortgan-
ge begabet iſt/ vnd die fuͤr anderen in gutem Be-
ruffe ſind/ welcher in Krieges Sachen durch einen
Schein die Warheit vnfehlbar groͤſſer machet.
Von den gelehrten aber gehen die ſo es verdienen an
Hoheit andern ſo weit fuͤr/ daß nur die jenigen wel-
che gantz vnerfahren ſind nicht kennen dieſe ſeltza-
men Liechter/ derer Anzahl in der gantzen Welt offt-
mals geringer iſt/ als jhrer Muſen. Etliche von jh-
nen ſind gezieret mit buͤrgerlicher Weißheit; weil a-
ber der gemeine Nutz ſich deſſen Geſchenckes der
Goͤtter nicht zu gebrauchen weiß/ veralten ſie bey
jhrer Hauß Angelegenheit/ vnd werden durch keine
Nutzung noch Geſchaͤffte außgepoliret. Die an-
deren
[66[94]]Joh. Barclayens Argenis/
deren belangend/ ſo bloß nur zu den Buͤchern gebo-
ren ſind/ wann jemand nicht wiſſen wildas Ver-
moͤgen/ welches ſie vber die ſo jetzt leben vnd noch le-
ben ſollen haben/ wann ſie auß Zorn oder Gunſt
den Menſchen das Geruͤchte außtheilen/ vnd wann
ſie jhre Liebhaber mit allerley Wahn vnd Secten
eynnemen/ der iſt werth daß er es mit ſeinem Scha-
den erfahre.

Wir ſind ſolcher Natur Archombrotus/ daß ein
jeglicher zu etwas geneygt iſt. Wir verwundern
vns aber vber dieſelben welche in dem jenigen das
wir hoch halten andere vbertreffen. Bildet euch
nun eyn als die fuͤrtrefflichſten in den Kuͤnſten/ in
Wiſſenſchafft vnd Waffen (dann dieſes ſind faſt
die Sachen welche der Menſchen Gemuͤter lieben)
in eines Fuͤrſten Hoffe zuſammen kommen we-
ren/ gleich wie alle Sternen in einem Himmel.
Was wird hernach durch die gantze Welt fuͤr
eine Rede darvon ſeyn? Wer wird von jhm nicht
wiſſen? oder wer iſt der/ ſo jhn nicht mit einer
Andacht als einen heyligen Ort ehren wird/ weil
der Gott derſelben Andacht welche jhm ange-
nehm iſt daran wohnet? den Fuͤrſten ſelber belan-
gendt/ wie reichlich wird jhm ſolche Gnade belohnet
werden? wie wird er auſſer dem gemeinen Zu-
ſtande der Sterblichkeit ſchreyten? wie viel gewiſſer
als durch liebliches Geraͤucher/ vnd dem Adler ſo
auß dem Holtz ſtoſſe ſeines Leichbegaͤngnuͤſſes flie-
gen mochte/ wird er noch lebendig vnd geſund ſich
vnter
[95]Das Erſte Buch.
vnter die Zahl der Goͤtter rechnen ſehen? Er wird
triumphiren mit froͤlichem Anſchreyen aller Leute.
Dieſes werden die Siegeszeichen ſeyn vnd der rei-
che Raub der Voͤlcker/ deren Blumen er ſaͤmptlich
gleichſam als in einen Krantz zuſammen wird gele-
ſen haben.

Es were zu wuͤnſchen was jr ſaget/ gab Archom-
brotus [z]ur Antwort/ wañ die Menge der Geſchaͤff-
ten vnd vnterſchiedene Angelegenheiten derer die
bey Koͤnigen in Freundſchafft ſind eine Hoffnung
darzu machten. So ſtehen in gleichen dieſe fuͤrneh-
me Leute/ von denen jhr ſaget/ nicht alle zu kauffe.
Es ſind auch allbereit jhrer viel bey Hoffe in Gna-
den wie billich iſt vnd jhr wuͤnſchet: ſo daß die an-
dern/ welche ſich ſolcher Wolfart nicht zu erfrewen
haben/ mehr vber das Gluͤck als vber die Koͤnige
ſchreyẽ moͤgen. Darauff fieng Arſidas an: Ich ha-
be niemals geglaubet/ daß dieſe vnſere edele betrach-
tung koͤnne mit vollkommener Gluͤckſeligkeit ins
Werck gerichtet werden. Aber wie die Weißheit
ſonſten gleichwol zu ſtatten koͤmpt/ ob ſie ſchon in
Verꝛichtung der Sachen ſo genawe nit in acht ge-
nommen/ als im Gemuͤte außgeſonnen wird: alſo
wird es auch dißfals ſehr erſprießlich ſeyn/ ſo viel
die Gelegenheit vnd Geſchaͤffte zulaſſen/ wann
man dieſen kuͤrtzeren Weg der Nutzbarkeit gehen
wird/ daß man durch Wolthaten wo nicht alle/
doch viel von dieſen Leuten/ an den Hoff ziehe.
Dann daß jhr eynwenden moͤchtet/ es man-
gele
[96]Joh. Barclayens Argenis/
gele koͤniglichen Hoͤfen nicht an ſtattlichen Gemuͤ-
tern/ bin ich gaͤntzlich nicht darwider: aber ich bitte
hoͤret mich/ Archombrotus. Es iſt ein mitteler Or-
den oder Art der Gemuͤter/ welche zwar verſchla-
gen vnd zu weltlichen Geſchaͤfften tuͤchtig gnug
ſind/ die hohe Staffel aber von welcher wir reden
nicht erꝛeichen. Dieſer Leute nun/ die Warheit zu
ſagen/ iſt nicht ſo gar wenig: vnd ich wil nicht ver-
neinen daß dieſelben offtmals in Hoͤfe kommen/
vnd wann ſie befoͤdert ſind/ mit den angenommenen
Stralen jreꝛ Wuͤrden dermaſſen glaͤntzen/ daß man
ſie die vollkommeneſten Geſchoͤpffe der Natur zu
ſeyn vermeynet; wie geringe Steine durch die Kunſt
vnd Verſetzung in das Goldt einen ſolchen Glantz
bekommen/ als ob ſie von den beſten weren. Fleiſſig
ſeyn/ nicht vnbedachtſam reden/ der Arbeit gewoh-
nen/ ein Bildnuͤß der Weißheit an ſich nehmen/
willig ſeyn/ die Gebrechen vnd Maͤngel ſeiner Na-
tur verbergen/ dieſe Sachen erfordern keinen Men-
ſchen der in allem vollkommen iſt/ vnd wegen derſel-
ben werden nichts deſto weniger berhuͤmte Hoffe-
leute offtmals einig vnd allein hoch gehalten. So
daß es entweder fuͤr eine Tugendt gerechnet wird/
wann man der Laſter frey iſt/ oder daß nur eine klei-
ne Bach der Tugendt ſich in das Meer eines gu-
ten Lobes ergeuſſet: in dem die Vbung vnd Erfah-
rung/ welche dieſe Leute in weltlichen Geſchaͤfften
haben/ von vielen fuͤr eine ſo ſtattliche Natur vnd
Eygenſchafft deß Gemuͤtes verkennet wird. Vnd
dieſe
[97]Das Erſte Buch.
dieſe zwar wil ich jhres Ruhmes nicht berauben. Es
iſt viel/ auch nur ſolcher Natur geboren ſeyn/ vnd
dieſelbe dermaſſen durch Vnterweiſung haben ſter-
cken koͤnnen. Aber ſie ſind die jenige noch nicht/ von
denen wir reden.

Vber dieſe derwegen/ wie jhr ſagetet/ weiß ich
daß es Leute hat von der erſten vnd hoͤchſten Guͤte
deß Gemuͤtes welche Fuͤrſtlichen Perſonen auff-
warten/ vnd zu Geſchaͤfften gebrauchet werden.
Dann auch Poliarchus bey Hofe lebete; So zwei-
fele ich in gleichen nicht/ euch/ einen ſo ſtattlichen
jungen Menſchen vnter dieſe Zierden der Natur zu
zehlen. Bey Meleandern ſind gleichsfalls Cleobu-
lus vnd Eurimedes: denen an Fuͤrtrefflichkeit nichts
kan vorgezogen werden. Doch mag ich derentwe-
gen koͤnigliche Hoͤfe fuͤr gerecht vnd gluͤckſelig nicht
rechnen/ wann ſie von der geringen Anzahl außbuͤn-
diger Leute ſo gar wenige zu ſich erfordern. Man
wird jhrer mehr finden die entweder verachtet/ oder
was noch aͤrger iſt/ beleydiget werden: welches
macht/ daß ich mich nicht vnbillich beklage. Die
Schuld aber iſt zu weilen der Koͤnige/ wann ſie kei-
ne Wahrnung annehmen wollen/ vnd wann ſie die
Tugend fuͤrchten: Zuweilen iſt ſie derer/ welche
vmb die Koͤnige leben; im Fall ſie jhre Natur barba-
riſch/ oder die Gluͤckſeligkeit vnachtſam/ oder auch
jhr Wolſtandt hoffertig gemacht hatt: nebenſt dem/
daß viel ſo ſonſten hoch am Brete ſind vermeynen/
es moͤchte jhnen etwas entgehen/ wann jemand auf-
Gſer jh-
[98]Joh. Barclayens Argenis/
ſer jhnen vnd den jhrigen mit milter Begnadi-
gung von Hofe kaͤme. Alſo laſſen ſie die tugend-
hafftigen hindan ſtehen/ vnd richten das Gemuͤte
deß Fuͤrſten der offtmals nicht weiß was er thut/
nach jhrem guttachten. Sie wuͤrden aber viel ein
anders thun/ wann ſie jhren Herꝛen auffrichtig lie-
beten/ oder vielmehr/ wann ſie jhnen ſelber vernuͤnff-
tig nicht vbel wolten: Dann was iſt ruͤhmlicher/ als
jhm ſolche Leute ſo zur Zier der Zeit geboren ſind
mit allgemeinen Außgaben verpflichtet machen:
weil ſie in Zweyfel ſtehen werden/ ob ſie mehr dem
Koͤnige/ oder denen durch welcher Befoͤderung ſie
zu ſolcher Wolthat gelanget ſind/ zu dancken ha-
ben? Gewiß ich kan die Blindheit der jenigen vn-
außgelachet nicht laſſen/ die ſich nicht befleiſſen
durch Vermittelung der Wiſſenſchafft daſſelbige
Lob zu erlangen/ welches laͤnger wehret dann jhre
Wolluſt vnd Reichthumb/ vnd nicht ſol gegeben
werden als denen die es begierig ſuchen. Dann wie
mir dieſe gelehrten nicht gefallen/ welche mit Gelde
erkauffet werden/ die jenigen zu erheben ſo es nicht
verdienen; Alſo halte ich dieſe fuͤr weiſe vnd billich/
die ſich enteuſſern mit oͤffentlichem Ruhme zu eh-
ren eine auffgeblaſene hoffertige Tugendt/ vnd die
nicht erkennen wil/ was jhr durch die Gunſt der
Wiſſenſchafft fuͤr Gutthat erwieſen werde.

Wann aber ſolcher Bienen Honig jemanden ja
nicht angenehm iſt/ ſo ſolman zum wenigſten jhre
Stachel durch Vnrecht oder Verachtung nicht
reitzen.
[99]Das Erſte Buch.
reitzen. Dann wie offte hatt ein einiger in Waffen
oder Wiſſenſchafft erfahrener Menſch die jhm zu
Hauſe angethane Gewalt offentlich gerochen? wie
offte hat ein einiger geſieget/ ein einiger zu Abfal-
lung dieſer vnd jener Part Vrſache gegeben? Viel
Voͤlcker ſindt ſolchen Hauptern gleichſam als
Opffer geſchlachtet worden. Wollen die Goͤtter/
daß auch Sicilien nicht erfahren muͤſſe wie Poli-
archus zuͤrne. Er wartete dem Koͤnige gutwillig
auff: ſo daß er darumb deſto mehr beleydiget iſt wor-
den/ daß wir ſeine Tugendt nicht allein nicht ſu-
chen/ ſondern auch nicht ertragen koͤnnen. Ich weiß
warlich nicht/ wie Meleander ſich wird entſchuͤldi-
gen moͤgen gegen etlichen ſeiner fuͤrnehmen verſtaͤn-
digen Leuten/ ſonderlich dem Ibburanes/ der wie
die Rede gehet/ heute angelangen wird: Dann weil
er ein frembder vnd in groſſem Anſehen/ auch ſon-
derlicher Vertraͤwligkeit iſt/ ſo wird er dieſen
Fall bey dem Koͤnige deſto freyer vnd
vngeſchewet tadeln vnd ankla-
gen koͤnnen.

Das XIV. Capitel.

OB gleich Archombrotus an dieſer deß Arſi-
das Rede ein Gefallen trug/ doch thete es
jhm wehe/ daß ſolches Geſpraͤche ſo lange
wehrete; weil er lieber von jhm erfahren wollen/ was
die Sicilier fuͤr Sitten hetten/ vnd was fuͤr Vbun-
gen an jhrem Hofe am meiſten im ſchwange gien-
gen. Dann er erinnerte ſich/ daß er vom Poliarchus
die jenigen daran nennen gehoͤret/ welche jhrer Tu-
gend vnd Laſter halben in Beruff weren; von derer
einem vnd dem andern wolte er Bericht eynziehen.
Derowegen ſo bald Arſidas den Ibburanes ge-
nant/ nam er die Gelegenheit in acht/ vnd/ wer iſt
aber/ ſagte er/ dieſer Mann? was hat er fuͤr Tugend
an ſich/ welche jhn bey euch ſo angenem macht? Er
iſt/ antwortete Arſidas/ ein Lydier von Nation/ vnd
vns anders nicht beygethan als mit Freundſchafft/
welche die Leutſeligkeit Meleanders mit groſſer
Fuͤrſorge erhalten hatt: im vbrigen verdienet er/ daß
jhn alle Voͤlcker zu jhrem Eynwohner zu haben
wuͤnſchen ſolten. Seines Standes nach iſt er auß
G iijeinem
[102]Joh. Barclayens Argenis/
einem vhralten edelen Lydiſchen Geſchlechte: ſonſt
lebendigen Geiſtes vñ reiffen Verſtandes/ bey wich-
tigen Geſchaͤfften erzogen/ voll Wiſſenſchafft vnd
Fleiſſes: als auch groſſes Reichthumb darzu kom-
men/ welchs alle Wuͤrden zieren koͤnnen/ hat er bald
in der Jugend angefangen heyligen Geſchaͤfften ob
zuligen. Doch iſt er etwas laͤngſamer in den geiſtli-
chen hohen Orden getretten als ſeine Freunde zwar
gehoffet hetten; weil jhrer viel gemeynet/ daß er den-
ſelben noch in der erſten Bluͤte deß Alters annehmen
wuͤrde. Es iſt jm aber ruͤhmlich geweſen/ ſolche Ho-
heit zuvor verdienen als erlangen. Nachmals hatt
er ſich im Recht ſitzen/ Abſendungen/ Verwaltung
der Prouintzen/ vnd anderen Geſchaͤfften alſo ver-
halten/ daß man darvon nicht erſt fragen darff. Er
hat nit weniger Ehr eyngeleget wegẽ ſeiner Barm-
hertzigkeit vnd Sanfftmuth/ als wegen der Gerech-
tigkeit. Vnd wiewol er ſich dermaſſen ſtattlich ge-
halten/ auch gegen duͤrfftigen Leuten ſehr freyge-
big geweſen/ daß er in groſſe Schmaͤlerung deß
ſeinigen gerahten/ ſo iſt er doch von ſolcher Red-
ligkeit/ daß er dem gemeinen Weſen nichts entzo-
gen/ noch ſich in Gerichts Sachen beſiechen laſſen
(welche Laſter jetzundt ſo gemein ſind/ daß man ſich
vber dem verwundern muß der von jhnen frey iſt.)
So hat er auch nie wollen eynwilligen/ daß jhn
die Koͤnige (welches andere ſuchen) jhnen durch Ge-
ſchencke verbuͤndlich machten. Sein Gemuͤte iſt zu
gleich anmuhtig vnd herbe/ nach dem er Tugend o-
der La-
[103]Das Erſte Buch.
der Laſter antrifft. Die Muſen aber/ weil ſie jhn ge-
liebet haben/ verachtet er bey ſeinem hohen Gluͤck
ſo gar nicht/ daß er auch offtermals vertrewliches
Vernehmen mit jhnen hatt/ vnd mit einer ſonderli-
chen Geſchickligkeit hernach erzehlet/ was ſie jhn
vnterrichtet haben. Derentwegen kommen die jeni-
gen/ welche der anſehliche vnd vnbefleckte Lorber-
krantz vber die gemeinen Geſchaͤffte der Menſchen
erhaben hat zu jhm als zu jhrem Apollo. Damit
jhm aber die Goͤtter nichts verſageten/ als haben ſie
ſeine nechſte Blutsverwandten durch eben ſolche
Gaben vnd Sitten in die Anmutigkeit der Liebe
mit jhm verbunden/ ſo das diß das gantze Ge-
ſchlechte einem Tempel aͤhnlich ſiehet/ vnd die Vor-
fahren nicht ohne ſonderliches Eyngeben die Bie-
nen in jhr Waffen geſetzet zu haben ſcheinen; denen
es nach Verſchuldung oder der Zeit Gelegenheit
weder am Stachel noch an Suͤſſigkeit gebreche.
Er iſt im vbrigen dieſe drey gantzer Tage beym Ly-
cogenes geweſen/ mit jhm wegen Bedingung deß
Friedens zuhandeln; vnd wird heute nach verrich-
teter Angelegenheit vom Koͤnige erwartet.

Sie hatten jhre Reden der Liebligkeit deß
Geſpraͤches halben biß in die Nacht vollzogen/
vnd worden nun zum Abendeſſen/ welches die
Fraw ſehr koͤſtlich angerichtet/ gefodert/ da ſie
dann vnter der Malzeit jhre Sorgen mit Froͤ-
ligkeit (in dem ſie verhoffeten/ daß Poliarchus
ohn [allen] Schaden koͤnne fortgefuͤret werden)
G iiijder-
[104]Joh. Barclayens Argenis/
dermafſen linderten/ als ob jhnen von keinem Vn-
gluͤck etwas bewuſt were. Man war aber kaum
im beſten Eſſen/ da ein groſſer hauffen Baw-
ren mit hefftigem Vngeſtuͤm ſich fuͤr dem Tho-
re hoͤren ließ. Der Waͤchter bate die wuͤtenden
Leute/ welche mit Gewalt wolten eyngelaſſen wer-
den/ daß er ſolches zuvor der Frawen moͤchte
anzeygen. Sie aber huben trutziglich an/ daß ſie
mit Macht zu verfahren Fug vnd Recht hetten.
Mit dieſen Worten lieffen ſie die Thuͤr zu ſtuͤ-
cken/ vnd drungen vnbedachtſam hineyn: huben
auch jhr Gewehr/ welches ein jedweder ſo gut er
es hatte oder jhm in Eyl fuͤrkommen/ ergrieffen/
hoffertiger Weiſe empor. Keiner war aber ge-
waffnet wie er ſolte. Als ſie in die Tafelſtube ge-
riſſen/ erbleichete Timoclee fuͤr Schrecken. Ar-
chombrotus vnd Arſidas ſtehen eylends auff/ ne-
men die Degen von jhren Dienern/ ziehen auß/
vnd waren bereytet/ da jhnen ja von den wahn-
witzigen Leuten Gewalt angethan wuͤrde/ vn-
gerochen nicht zu ſterben. Der Vrſprung ſol-
ches allgemeinen Auffſtandes war dieſer. Als ein
Weib auß benachbartem Staͤttlein/ ſo denſelbi-
gen Tag in Timocleen Hauſe geweſen/ den Ge-
lanor/ der in jhren Augen frembde war/ geſehen/
vnd nach jhm gefraget/ hat ſie gehoͤret daß es Po-
liarchus ſein Diener were. Es traff gleich das
Feſt der Goͤttin Ceres/ vnd waren viel Bawers-
leute von nechſt gelegenen Doͤrffern in ſelbiges
Staͤtt-
[105]Das Erſte Buch.
Staͤtlein ſo Phtinthia hieſſe zuſammen gelauffen.
Dahin als voriges Weib widerkommen/ vnd in der
muͤſſigen Leute Verſamblung gerahten/ erzehlte ſie
nur ohngefehr/ ſie hette deß Poliarchus Diener ge-
ſehen. Stracks fieng einer drauff an/ wie wann Po-
liarchus ſelber allda verhalten wuͤrde? Hierzu kam
ein anderer/ ſo in verwegenen Rahtſchlaͤgen hitzig
war/ ſagte mit ſtoltzen Worten/ man ſolte nicht vn-
terlaſſen von einer ſo wichtigen Sach weiter Nach-
frage zuhalten. Dann es wuͤrde der gantzen Statt
nachtheilig ſeyn/ wann Poliarchus in derſelbigen
Graͤntz were verborgen gelegen. Vnd dieſer Mei-
nung waren ſchon jhrer viel/ als ſie/ durch ferꝛnere
außbreitung deß Geruͤchtes/ das ein ding jmmer
groͤſſer macht dann es an ſich ſelber iſt/ angereitzt
worden das Weſen/ von welchem ſie nun nicht mehr
zweiffelten/ beſſer zutreiben vnd fuͤr gewiß außga-
ben/ Timoclee hette den Poliarchus auff- vnd ange-
nommen: derentwegen ſolte man jhn von da herfuͤr
ziehen/ vnd zu Gerichte bringen. Was von ſeinem
Tode außgegeben worden/ verhalt ſich weit anders.
Sie achteten vnd wußten auch nicht/ auß was fuͤr
Anzeigungen vnd von wem ſie ſolches erfahren.
Vnd/ wann die Goͤtter es nicht verhindert hetten/
ſo were deß wuͤtenden Hauffens Muthmaſſung nit
vergeblich geweſen. So pflegt offtermals die Ver-
wegenheit vnd das blinde Gluͤck beſſer einzurahten
als der fleiß/ welcher bey der Vngewißheit deß Ver-
ſtands gemeiniglich jrꝛet/ vnd vergeblich arbeitet.

Die Menge hatte einander hitzig gemacht/ vnd
den Marckt mit einer gehlingen Vereinigung er-
fuͤllet/ dem jenigen der am kuͤhneſten were bereitet zu
folgen. Vnd als einer ſchrey/ man muͤßte ſich nicht
ſaͤumen/ ſo reiſſen ſie alle fort/ bringen was ein jegli-
cher fuͤr Waffen erwiſchen kundte/ lauffen der Ti-
mocleen Thor auff/ vnd meinen ſie hetten den Po-
liarchus ſchon in den Haͤnden. Dann er war kei-
nem von jhnen bekandt; ſie hoͤreten nur daß er jung
were/ rechter laͤnge/ anmutig von Geſichte; welches
alles dann auch dem Archombrotus zuſagte/ vnd
jhn verꝛiethe nebenſt der Frembden Tracht/ die noch
verdaͤchtiger war. Dann jhre Meinung gieng da-
hin/ weil Poliarchus ein Außlaͤnder/ ſo were ſie jhm
auch gemeſſe. Aus ſolcher Anzeigung ſchrien ſie jhn
an/ vnd were er villeichte wegen eines andern Be-
ſchuldigung hingerichtet worden/ wann ſie jhn nicht
lieber hetten lebendig fangen wollen. Als er ſich auch
mit zornigem Geſichte zur Wehr zuſtellen gedach-
te/ trate der Anfuͤhrer dieſer Bawren naͤher zu dem
Tiſche der zwiſchen jhm vnd den Gaͤſten ſtundt/
vnd ſagte: Poliarchus/ jetzt begehet jhr zum andern
mal eine Vbelthatt/ der jhr fuͤrs erſte deß Koͤniges
Vngnade verdienet habet/ an jetzundt aber auch
wider vns/ die wir allgemeinem Auffgebotte nach
leben/ den Degen zucket. Legt die Waffen beſeite/
vnd gebet euch gefangen. Timoclee ſoleben wie jhr
geſtraffet werden/ welche euch ſolange hat friſten
duͤrffen. Wie dieſer außgeredet/ fiengen ſie alle an zu
ſchweren/
[107]Das Erſte Buch.
ſchweren/ vnd rufften einhellig/ man ſolte fortma-
chen. Archombrotus/ wiewol er Griechiſch kund-
te/ vernam doch auß der Bawren Sprache nichts/
als daß man jhn gefaͤnglich zunemmen begehrte.
Er hatte in bevorſtehender Gefahr nicht Zeit ſich
zuverwundern/ oder zu fragen was er verſchuldet
hette. Allein er war auß Hitze der Jugendt geſon-
nen ſich zu wehren/ vnd zu ſterben. Aber Arſidas/
der in Sicilien geboren/ vnd der Dorffſprache kuͤn-
dig war/ lieff jhm ein/ vnd ſagte: Haltet jnne/ Ar-
chombrotus; ich bitt/ haltet jnne. Was verſuchet
jhr ewere Staͤrcke in einem ſo vngleichen vnd vn-
noͤtigen Streitte? Sollen die euch vberwinden/
die nicht werth ſind von euch vberwunden zu wer-
den? woͤller jhr entweder ewern Todt oder Sieg
mit einem ſo veraͤchtlichen Fechten beflecken? Es
gehen ja dieſe Betrohungen nicht auff euch: dann
ſie ſuchen den Poliarchus. Darauff kehrte er ſich
zu demſelben den das Volck zu ſeinem Haupte
auffgeworffen/ vnd ſagte jhm auß trewer War-
nung/ daß ſich die Sache mit ſolchem Sturm
nicht thun lieſſe. Warumb wolte doch dieſer
Hauffen ſo grimmig verfahren/ ehe jhm wiſſendt
were/ ob er vnnd der Koͤnig verachtet worden?
Gabe auch darneben gute Wort; naͤmblich er
zweifelte nicht/ daß alles bey jhme/ mit dem er
Spraach hielte/ ſtuͤnde. Wann jhme beliebe-
te ſie nur ein wenig ruhig zu ſeyn zu ver-
mahnen/
[108]Joh. Barclayens Argenis/
mahnen/ ſo wolten ſie alle willig vnd gerne gehor-
chen. Der Bawr ließ ſich durch ſolche Ehr/ welcher
er nicht gewohnet war/ beſaͤnfftigen/ vnd ruffte mehꝛ
einem Buͤttel als einem Oberſten aͤhnlich/ ſie ſollen
ſtille ſeyn.

Die wuͤtende Leute hoͤrten mit murꝛen auff/ als
Arſidas anfieng zufragen/ auß was fuͤr Vrſachen
ein ſolch menge Volcks zur Wehr gegriffen? dar-
auff jhr Fuͤhrer antwortete/ ſie weren kommen den
Poliarchus anzufaſſen. Darauff bethewerte Arſi-
das hoch/ Poliarchus ſey nicht zugegen/ were auch
nicht mehr zufinden/ ſo viel jhm bewußt. Sie ſolten
jhre Gemuͤhter befriedigen; welche zwar gehorſam-
lich/ aber doch auch gar zu blindt vnd vngeſtuͤmm
deß Koͤnigs Gebott nachſetzten. Fragte ingleichem/
ob dann keiner von jhnen den Poliarchus kennete?
es weren ja Stirne/ Mund vnd Augen dieſes Ga-
ſtes dem den ſie ſuchten gantz nicht aͤhnlich. Die ſitt-
ſammeſten von den groben Leuten verhoͤhnten ſolche
Rede; die andern ergrimmeten ſich auffs newe/ vnd
ſchryen/ man muͤßte dieſen Feindt deß Koͤnigs auff
Stuͤcken reiſſen. Letztlich wurden ſie kaum wider ge-
ſtillet/ nachdem Arſidas lang gewincket/ daß ſie jhn
hoͤren moͤchten: Darauff er eben dieſen jhren Fuͤhrer
anſahe/ vnd ſagte: Schawet zu/ daß jhr nicht zu der
Vbelthat der erſte ſeydt. Es laufft wider Recht vnd
Ehrligkeit/ im fall man ſich an dieſem Außlaͤnder
vergreiffet. Wann jhr aber ja ſo ſehr beflieſſen ſeydt/
durch Vnrecht an einem Vnſchuldigen ewer Trew
zuer-
[109]Das Erſte Buch.
zuerweiſen/ ſo nemmet jhn derentwegen in ewere
Verwahrung/ mit dem Bedinge/ daß jhr jhn mit
Haͤnden vnd Fuͤſſen vnangefaͤſſelt laſſet. Sobaͤldt
der Tag angebrochen koͤnnet jhr jhn zum Koͤnige
fuͤhren: die der Sachen kuͤndig ſindt/ werden hieruͤ-
ber Vrtheil ſprechen/ vnd zweiffelt nicht/ er wird vn-
geſtrafft nicht bleiben/ hat ers anders verdienet. Die
Fraw belangendt/ kan dieſelbe mit Nottwendiger
Wache/ damit ſie nicht entfliehe/ ſo lange allhier
verwahret bleiben/ biß jhre Vnſchuldt an den Tag
wirdt kommen. Ihr/ der jhr ſo viel Macht habet/
haltet die Leute darzu/ daß ſie an dieſem Hauſe keine
Gewaldt veruͤben; wann jhr anders dem Koͤnige
trew/ vnd verſtendig ſeidt. In dem ſie Rathſchlag
hielten/ lieſſe ſich Archombrotus den Arſidas nicht
mehr bendigen/ vnd wolte nicht einwilligen ſich zu
ergeben. Dann was hette es fuͤr ein Anſehen/ daß er
den Vnſinnigen Bawren gehorchen ſolte? was fuͤr
Verſicherung koͤndte er haben bey der wuͤtenden
Menge/ welche/ wann ſie zu toben anfehet/ ohne
Widerꝛede alles thut was jhr gefaͤllig iſt? Aber Ti-
moclee fiele fuͤr jhm auff die Knie/ vnd erweichte mit
vielen Seufftzen ſein hohes Gemuͤte. Arſidas auff
dem andern Theil zeigte jhm durch Augenſcheinli-
che Vrſachen/ das einige Mittel ſich zuerhalten we-
re/ daß er ſich zum Koͤnige fuͤhren lieſſe. Dann war-
umb wolte er lieber ſterben? was fuͤr Begnuͤgung
hette er an ſeinem Todte/ da er in einem ſo vnbeſon-
nenen Tumult (welches die Goͤtter nicht wolten zu-
laſſen)
[110]Joh. Barclayens Argenis/
laſſen) vnbillicher weiſe auffgerieben wurde:

Nach dem dieſe Sache eine zeitlang vnter jhnen
gehandelt worden/ fienge die Auffruhr an ſtille zu
werden/ wie ein Vngewitter das ſich legete. Dann
beydes folgete Archombrotus deß Arſidas ſeiner
Warnung/ vnd der Poͤfel wardt ingleichem beſaͤnf-
tiget/ nicht allein/ daß man jhn nicht verachtet het-
te/ ſondern auch daß er meinete er hette vberwunden.
Hierauff vnterhielte Timoclee dieſe Eintracht mit
einer wircklichen Freygebigkeit/ ließ deß beſten alten
Weins bringen/ vnnd trug den Bawern die fuͤlle
fuͤr. Sie theileten ſich vntereinander auß/ vnd hiel-
ten vmbzechig Schildtwache. In deß Archombro-
tus Schlaffgemache lagen Achte vmb ſein Bette
auff dem Stro: ſo viel auch an der Timocleen Kam-
merthuͤr/ darinnen ſie ruhete. Die andern gaben
entweder in der Taffelſtube/ oder an dem Hofethore
gute Auffacht/ es were dann daß ſie auß Truncken-
heit entſchlieffen: welches ſo offte widerfuhre/ daß
jhre Gefangene ſie leichtlich zu betriegen fug ge-
habt/ da ſie jhnen mit Betrug oder Schaden begeg-
nen wollen. Aber wann Archombrotus die Flucht
gegeben hette/ ſo were es vber Timocleen hinauß
gegangen: weil alle darfuͤr hetten gehalten/
daß Poliarchus jhnen entrieſſen
were.

Das XV. Capitel.

ARſidas aber bliebe von jhnen vnverwachet/
weil ſie wußten daß er weder Poliarchꝛis/ noch
Herꝛ deß Hauſes were. Dieſer gienge/ auff
Berathſchlagung mit der Timocleen in die Kam-
mer darinnen der Eingang zum Poliarchus war
ſchlaffen. Verꝛiegelte nach mals die Thuͤr/ ſtiege in
die Hoͤle/ vnd trug die Kleider mit ſich welche die
Fraw zu veraͤnderung deß Poliarchus zugerichtet.
Dieſer ſo bald er den Arſidas alleine kommen ſahe/
machte er jhm Gedancken eines Vbels/ vnd fragte/
wo Archombrotus vnd Timoclee verbliebẽ. Arſidas
erzehlte das wuͤten der Bawern/ vñ deß Archombro-
tus Gefahr dem Poliarchus/ welcher auß Forcht
zu einem jeglichen Wort zitterte/ biß er hoͤrete/ daß er
noch friſch vnd wol auff were. Nachmals legte er
das Kleid ſo jhm Timoclee geſchickt/ an/ vñ bate den
Arſidas hoch vnd ſehr/ daß er bey fruͤheſtem Tage
ſich zu der Argenis vnfehlbar auffmachen/ vnd mit
Befehl der Princeſſin/ ſo bald er Abſchiedt von jhr
genom-
[112]Joh. Barclayens Argenis/
genommen/ wieder zuruͤck in die Hoͤle kehren wolte.

Sie hatten ein gutes theil der Nacht mit ſolcher
Vnterꝛedung verſchloſſen als Arſidas wieder in ſein
Schlaffgemach kam nur ein wenig zuruhen/ Aber
die rauhen Stimmen/ vnd der Trunckenen Ge-
ſchnarche erweckten jhn alßbald wider/ ſo das er ohn
alle Hoffnung zuſchlaffen/ mit Lachen auff die e-
lenden Soldaten ſchelten/ vnd die fuͤrnembſten von
jhnen erwecken muſte/ mit Anzeigung daß er nach
Hofe muͤſte/ vnd ſie jhm wann es jhnen gefiele/ mit
dem Archombrotus folgen moͤchten. Es waren drey
Meilen biß dahin/ nach welcher Reiſe er in das Koͤ-
nigliche Hauß einkehrete/ als noch jhrer wenig von
der Argenis Leuten vom Bette auffwaren. Sie Ar-
genis hatte die gantze Nacht wegen ſteter Kuͤmmer-
nuß der Gedancken keinen Schlaff in jhre Augen
gebracht; nicht ohne Furcht vnd Schrecken der Se-
leniſſa/ welche jndenck deß wuͤtens darinnen ſie vori-
gen Tag geweſen/ allezeit bebete/ wann ſich nur et-
was rhuͤrete/ vnd zum offterſten mit aͤnſtiglicher
Fuͤrſorge auffſtundt zuſehen/ wie es vmb ſie ſtuͤnde/
vnd was ſie fuͤrhette. Sie war noch in ſolcher Ver-
richtung/ als Arſidas die Diener auffweckte/ vnd
begehrete hienein zu der Seleniſſen. Sie meldeten es
den Kammermaͤgden an/ von welchen die eine/ ſo es
Macht hatte/ der Argenis Gemach/ darinnen Sele-
niſſen Bette ſtundt/ eroͤffnete/ vnd ſagte daß Arſidas
da were/ vnd begehrete mit der Frawen zu reden.
Weil er ſo fruͤe kam/ daman ſonſten einander nicht
zu beſu-
[113]Das Erſte Buch.
zu beſuchen pfleget/ vnd ſie auch wuſte/ wie lieb Ar-
ſidas dem Poliarchus geweſen/ ſo kundte ſie jhr
leichtlich einbilden/ er wuͤrde newe Zeitung von den
Sachen welcher wegen ſie in Kummer waren/
bringen. Im fall ſelbige aber boͤſe were/ ſo muͤſte es
Argenis nicht erfahren. Darumb befahl ſie/ daß
man den Arſidas in das nechſte Zimmer weiſen ſolte/
vnd gieng zu jhm dahin nur in jhrem Schlaffman-
tel. Alß ſie nun daſelbſt allein waren/ fienge ſie zum
erſten an: Ich weiß/ daß jhr vns etwas vom Po-
liarchus zu ſagen kommen ſeidt. Derowegen ſaget
nur ſtracks/ bringt jhr vns das Leben/ oder ſollen wir
ſterben mit jhm? Arſidas kundte die alte nicht len-
ger im zweiffel ſtehen laſſen/ ſondern ſagte jhr/ Po-
liarchus were wolauff/ vnd er ſey von jhm zu der
Argenis geſchickt worden. Seleniſſe gantz verwir-
ret von Frewden reiſſet den Arſidas ſo ſehr ſie kan in
der Argenis Kammer/ vnd als ſie bey das niedrige
Bette gekniet/ fienge ſie ohn alle Vmbſtaͤnde an/ vñ
ſagte: Princeſſin/ Poliarchus lebet/ vnd iſt friſch
vnd geſundt. Hier iſt Arſidas der euch verſichern kan
wegen ſo froͤlicher Zeitung. Argenis empfandt faſt
nichts mehr nach vergieſſung aller jhrer Threnen/
vñ gleich als Seleniſſe kam hatte ſie jhres Schmer-
tzens vergeſſen/ vnd lag gantz verſtarꝛet; als ſie auß
Vberfallung ſo eines vnvorſehenen Troſtes faſt
in groͤſſere Gefahr durch die vnuerhoffte Frewde/
als zuvor durch den Schmertzen gerhiete. Nach dem
ſie aber zum Athem kommen/ bate ſie den Arſidas
Hzureden/
[114]Joh. Barclayens Argenis/
zureden/ ſaß im Bette auff/ vnd ſchawete jhn begie-
rig an; welcher jhr vom Poliarchus einen Gruß
brachte/ der aus der Feinde haͤnden entflohen were/
vnd in einem ſicheren Winckel verborgen lege. Sie
ſprang vor Froͤligkeit auff/ doch nichts deſtowent-
ger alſo/ daß ſie der Furchte nicht gaͤntzlich entledi-
get den Arſidas zu ſchweren bezwang/ die Sache
verhielte ſich nicht anders als wie er ſagete. Hierauff
vorſicherte er ſie/ wann es jhr Begehr were/ ſo wuͤrde
Poliarchus ſelber zu jhr kommen: er hette ſein Ge-
ſichte mit frembdem Barte vnd Haare verborgen/
vnd ein Kleidt angezogen wie die aͤrmeſten Leute pfle-
gen. Er vergaß auch nicht zu erzehlen von dem wuͤ-
ten der Bawren/ welche jhn geſtrige Malzeit verſtoͤ-
ret; was fuͤr Gewaldt ſie gebrauchet: wie ſie ſich zu
frieden gegeben/ vnd einen jungen Edelman/ ſehr an-
muttiger Natur des Poliarchus treweſten Freund/
welchen ſie fuͤr den Poliarchus ſelber hielten/ nach
Hofe fuͤhren wuͤrden. Argenis lies ſich nicht begnuͤ-
gen ſolches nur einmahl zuhoͤren; doch hieſſe ſie den
Arſidas den Koͤnig zubegruͤſſen gehen/ vnd jhm die
Ankunfft der Bawren vermelden/ aus furchte/ dem
Archombrotus moͤchte etwas boͤſes angethan wer-
den: nach dieſer Vorꝛichtung koͤndte er wider zu
jhr kommen. In deſſen wolte ſie bey jhr nachſin-
nen/ wo Poliarchus ſich hin begeben/ vnd was er
thun ſolte.

Arſidas war kaum von der Argenis hinweg
gegangen/
[115]Das Erſte Buch.
gegangen/ als die Bawren fuͤr der Statt anlange-
ten/ vnd den Archombrotus/ der von jhnen auff allen
ſeiten vmbringet war/ daher fuͤhreten. Die Wacht
fragte was ſie wolten/ vnd braͤchten. Darauff ſie zur
Antwort gaben: Sie hetten den Poliarchus gefan-
gen/ vnd wolten jhn dem Koͤnig liefern. Derentwe-
gen als man ſie eingelaſſen/ giengen ſie auff das
Schloß zu/ deſſen Thore noch vneroͤffnet waren.
Eurimedes fragt ſie wer ſie weren/ vnd was ſie ſuch-
ten? Sie gaben eben vorige Antwort/ daß ſie kaͤmen
den Poliarchus dem Koͤnig zuvbergeben. Als Euri-
medes ſolches hoͤrete/ erfrewete er ſich hoͤchlich daß
Poliarchus noch lebte: doch gleichwol waꝛ eꝛ in aͤng-
ſten ſeines Freunds Gefahr halben/ vnd begehrte den
Poliarchus zu ſehen. Sie zeigten alle mit Fingern
auff jhren Archombrotus. Der Verwalter aber ließ
ſich diß vnbekandte Antlitz nicht lange auff halten/
wandte das Geſicht weg/ vnd ſagte/ dieſer were es
nicht von dem ſie ſagten: befahl darauff/ ſie ſolten die
Gewehr niderlegen/ auß Forchte daß ſie nicht vom
Lycogenes angeſtifftet vnd außgeſchicket worden.
Fuͤrnaͤmlich aber ſahe er den Archombrotus an/
Vnd/ mein junger Menſch/ ſagt er/ was iſt das fuͤr
eine Comedie? warumb gebt jhr euch fuͤr den Poli-
archus auß? Er antwortete/ daß er ſolches niemals
gethan hette/ vnd were wider ſeinen Willen von
dieſen Leuten nach Hoffe gefuͤhret worden. Er
hoffete/ dieſer der Bawren Irꝛthumb wuͤrde jh-
me nicht verfaͤnglich ſeyn. In dem ſie alſo reden/
H ijkompt
[116]Joh. Barclayens Argenis/
kompt gleich Arſidas da zu/ vnd fordert ſie auff Be-
fehl deß Koͤnigs alle in den Vorhoff. Daſelbſt ſagte
Cleobulus/ der obriſte im Rath/ im Namen deß Koͤ-
nigs wider die Leut/ welche nun erfuhren/ daß ſie ge-
jrꝛet: Ihre Mayeſtaͤt wolte jhrer angewendten Tre-
we in Gnaden hinfort jndenck ſeyn: vnd ſie ſolten
auch nachmals bey aller Gelegenheit dieſen jhren
Muth vnd Haͤnde/ Gott vnd dem Koͤnige allein zu
dienen/ gebrauchen. Nachmals fuͤhꝛte er/ wie jhm be-
fohlen worden/ den Archombrotus fuͤr den Koͤnig:
welcher nach gebuͤrlicher Ehrerbietung gegen Koͤ-
niglicher Majeſtaͤt alſo zu redẽ anfieng: Herꝛ/ Woͤl-
len die Goͤtter/ daß es kein boͤß Zeichen moͤge ſeyn/
daß ich als ein Verbrecher zum erſten euch vnter
Augen gefuͤhret werde. Mein hoͤchſtes Verlangen
iſt geweſen/ an eweren Hoff zukommen. Derentwe-
gen auch hab ich mein Vatterlandt verlaſſen/ vnd
mich nach Sicilien/ welches ich wegen ewers Regi-
ments fuͤr das gluͤckſeligſte Land ſchaͤtze/ gewendet.
Im vbrigen/ ob ich zwar hette wuͤnſchen moͤgen an-
ders als auff dieſe weiß vnd mit ſolchen Leuten mich
bey ewerer Majeſtaͤt anzutragen/ jedoch halte ich
dafuͤr/ daß es nicht ohn ſonderliche Fuͤrſehung der
Goͤtter geſchehen ſey. Kein Menſch/ ſo viel ich ver-
ſtehe/ iſt mehr euch zu trewen Dienſten ergeben/ auch
beruͤhmbter in Kriegsſachen geweſen/ als Poliar-
chus. Warumb ſolte ich mich dann nicht gluͤckſelig
ſchaͤtzen/ daß ich fuͤr wuͤrdig gehalten worden/ den
man an ſtatt ſeiner ergriffe? So gewiß als ich jhme
an
[117]Das Erſte Buch.
an geſchickligkeit der Waffen weiche/ ſo gewiß wil
ich Fleiß ankehren/ daß er mich doch an Trewe ge-
gen euch nicht ſol vbertroffen haben. Daß ich aber
deß Poliarchus erwehne/ geſchicht auß keiner Wi-
derſpaͤnſtigkeit. Ich weiß daß er angeklagt iſt wor-
den: doch weil er noch nicht verdammet iſt/ als ver-
hoffe ich/ daß man jhn gegen euch loben/ vnd ſein
Gedaͤchtnuß ſchuͤtzen mag. Geliebet euch ſonſten
meiner Hand vnd Waffen zugebrauchen/ ſo ſolt jhr
erkennen/ daß ich mein Leben geringer wil achten als
ewern Befehl.

In dem Archombrotus dieſes vnd anders mehr
redete/ ſahe jhn Meleander mit begierigen Augen
jnnſtaͤndig an. Seine Jugend/ ſeine Schoͤnheit/
ſein glimpffliches Antlitz/ vnd weder zu ernſthaffter
noch leichtſinniger Glimpff vermehreten die Luſt
jhm zu zu hoͤren. Nachdem er auch außgeredet/ be-
danckte ſich der Koͤnig fuͤrs erſte/ daß er in ſein Land
kommen; vnd wolte er jhm durch alle Gnade herge-
gen zuerkennen geben/ daß jhm fuͤr andern dieſel-
ben am liebſten weren/ die von jhrem freyen Willen
auß freinbden Orten ein ſolche Tugendt in Sici-
lien braͤchten/ dergleichen daſſelbe nicht verdienete/
auch nicht truͤge. Zugleich reichete er dem jungen
Herꝛn die Hand/ welcher ſie mit Vnterlegung der
ſeinigen nam/ vnd ſo tieff zur Erden gebogen kuͤſſe-
te als jhm moͤglich war. Darauff vmbfieng jhn
der Koͤnig; weil er ſich was groſſes zu jhm verſahe:
er aber/ als er von ſeinem Lande vnd Ankunfft ge-
H iijfraget
[118]Joh. Barclayens Argenis/
fraget ward/ gab nichts anders zur Antwoꝛt/ als daß
er auß Africa buͤrtig. Welches dann groͤſſere Be-
gierde beym Meleander erweckete/ zu wiſſen wer er
ſeyn muͤßte: doch kundte er weiter nichts von jhme
erzwingen/ weil er ſich nicht gedacht zu offenbaren.
Nur als man etwas hefftiger auß jhm forſchete/
wannher das gute Vernehmen zwiſchen jhm vnd
dem Poliarchus kaͤme/ ob ſie Landsleute/ oder Ver-
wandten/ oder nur ſonſt gute Freunde weren? ſagte
er nach der laͤnge vngeſchewet alles was er wußte;
der Timocleen heimliche Grufft außgenommen.

Das XVI. Capitel.

ALs ſie nachmals vnter dem Geſpraͤche von
dem Aufflauffe der Bawren zu rede kamen/
muthmaſſete der Koͤnig ſelber/ daß ohne das
Geſicht vnd Alter deß Archombrotus/ ſeine frembde
Tracht auch zu dieſem Irꝛthumb nicht wenig ge-
holffen; vnd daß die vnverſtaͤndigen Leut vermeinet/
weil Poliarchus ein Außlaͤnder/ ſo muͤßte er auch
außlaͤn-
[119]Das Erſte Buch.
außlaͤndiſche Kleyder tragen. Darauff ſagte Ar-
chombrotus: Ich wil es nicht mehr darzu kommen
laſſen/ daß die Tracht meines Landes mich in Ge-
fahr bringen moͤge: ſondern wil einen Mantel auff
Griechiſche Art vmbnemmen/ vnd mich in allen de-
nen Sitten gleichmaͤſſig halten/ von denen ich leh-
ren deß Gemuͤts allhier zu ſchoͤpffen geſonnen bin.
Nein/ ſagte der Koͤnig/ haltet ſo lang darmit jnne/
biß euch vnſer Thun beſſer gefallen/ vnd die gewon-
heit euch vnſer vbermaͤſſige Kleydung gemeiner ge-
macht haben wirdt. Wir kommen euch an jetzo
gantz frembd fuͤr/ vnd jhꝛ haltet ewer gewonheit/ wel-
che ich die aͤlteſte zuſeyn vermeine/ fuͤr die beſte: weil
ich die Fuͤrbildung ewers Volcks noch nicht gaͤntz-
lich auß dem Hertzen gelaſſen. Wann jhr aber euch
vnſern Gebrauch vollkoͤmmlich werdet eingebildet
haben/ ſo werdet jhr euch vber ewerm Vnterſchei-
de verwundern/ vnd jhn nicht laͤnger erleyden koͤn-
nen. Ich weiß mich zuerinnern/ daß ich/ als ich in
meiner Jugendt in Africa kam/ die jenigen auß-
zulachen pflag/ welche ſich anders als wir tru-
gen. Hernach wie mir dieſe durch Gewonheit an-
genehm worden/ vnd wider in Sicilien kam/ ſo ver-
nichtete ich mit nicht geringerem Eckel die Tracht
meines Landes: biß ich ſie durch Gedult ſie zu ſehen
auffs new lieb gewonnen. Dann es iſt kein vnbil-
licher Ding/ als das jenige ſtracks verdammen
was wir ſelber nicht thun/ oder nicht geſchen
H iiijhaben/
[120]Joh. Barclayens Argenis/
haben/ wann es fuͤrnaͤmblich bey gantzen Voͤlckern
gebraͤuchlich iſt. Dann weil wir durch vermittelung
der Zeit daran gewohnen/ ſo erſcheinet/ daß es vns
zuvorhin nit ſo ſehr ſeiner Schuld/ als vnſerer Vn-
wiſſenheit halben Mißfallen gebracht habe. Vber
diß muß man gedencken/ daß ein jeglich Volck ſich
ſolcher Tracht vnd Sitten gebrauche/ welche dem
Ort worinnen es wohnet/ am beſten fuͤgen; wie es
euch dann auch die Natur dieſes Lands lehren wird/
wo jhr eine zeitlang darinnen koͤnnet Gedult haben.
Derentwegen woͤllet jhr euch an ewerm/ oder einem
Außlaͤndiſchen Volck nichts als Tugend oder La-
ſter ſonderlich bewegen laſſen. Jedoch wuͤndſche ich/
daß euch alles nach ewern Sitten vnd Gebrauche
allhie bey vns ergehen moͤge.

In dem Meleander dieſes redt/ vnd nach alter
Leute Gebrauch ſeine Weltweißheit ſehen laͤßt/ hatt
Arſidas Gelegenheit zu der Argenis wider vmbzu-
kehren/ da er den Archombrotus lobte/ daß er bey ſei-
ner erſten Ankunfft zu dem Koͤnige deß Poliarchus
in allen Ehren erwehnet. Aber in dem die Princeſ-
ſin vnd jhre Waͤrterin von dieſer deß newen Gaſtes
Beſtaͤndigkeit mit groſſer Begier hoͤreten/ kompt
gehlinge ein Geſchrey in dem Zimmer auß/ Poliar-
chus ſey in Verhafftung/ vnd wuͤrde zum Koͤnig
gefuͤhrt. Argenis erſchrack hieruͤber nichts/ in Mei-
nung/ weil man nicht wuͤßte wie es zugienge/ ſo red-
te man vom Archombrotus. Sie hub laͤchlende das
Haupt empor/ vnd deutete an ſie ſolten vnbeſorget
ſeyn;
[121]Das Erſte Buch.
ſeyn; es were ſonſt einer als Poliarchus. Eine von
den Jungfrawen ſagte hergegen/ daß diß was man
jetzt erſt ankuͤndigte weit ein anders were/ als ſie
zwar glaubete. Sie hetten alle miteinander gute
Wiſſenſchafft/ daß der junge Außlaͤnder den die
Bawren gebracht Poliarchus nit were. Aber man
erfuͤhre jetzundt durch gewiſſere Zeitung/ Poliar-
chus ſey auß einer hoͤle/ darinnen er mit veraͤnderter
Kleydung gelegen von anderen Bawren herfuͤr ge-
zogen worden/ die jhn dann jetzt zum Koͤnige fuͤh-
reten. Argenis erſchrocken von dieſem Donner-
ſchlage/ ſtund doch nicht mehr in zittern vnd forchte
als Arſidas oder Seleniſſe. Vnd zwar dieſe ſagte
kein Wort darzu. Arſidas aber neigete ſich zu der
Argenis Ohre; vnd/ die boßheit deß Gluͤcks/ ſagte
er/ hat all vnſere Kuͤnſte vbertroffen. Es iſt vmb jhn
geſchehen/ gnaͤdigſte Princeſſin/ wo jhr euch ſeiner
nicht offentlich annemmet. Nachdem ich von der
Hoͤle/ vnd der verwechſelten Tracht gehoͤrt habe/ ſo
zweiffele ich nicht/ daß dieſer Vnfall nicht ſolle war
ſeyn. Aber Argenis/ gleich ob ſie in dem euſſerſten
Vbel welches ſie reitzete behertzter wuͤrde/ fieng an:
Wie man mir ſagte daß Poliarchus todt were/ kam
es mir fuͤr/ daß ich ſo wenig Troſt als Hoffnung
finden koͤndte. Ich kundte nichts anders als klagen
wegen eines ſo klaͤglichen Zuſtandes. Jetzundt aber
nun er noch leben kan/ vnd man ſich zufoͤrchten hat
daß er nicht ſterbe/ ſo wil ich nicht glauben daß ich
H vgenug-
[122]Joh. Barclayens Argenis/
genugſam fuͤr jhn außgeſtanden habe/ es ſey dann
daß er durch meinen vleiß ſein Leben behalte/ oder
daß ich ſo wol ſterbe als er. Ich wil hin zu meinem
Vatter. Es were eine Vbelthat ſolte ich ſtille
ſchweigen. Er muͤſſe erfahren/ wie hoch er dem Po-
liarchus verbunden ſey. Wollen vnß ja die Goͤtter
vertilgen/ ſo werde ich zum minſten diß Begnuͤgnen
empfinden/ daß ich alles das was bey mir von Tu-
gendt iſt herfuͤr geſucht habe ſolchem Vntergang
zu entrinnen. Seleniſſe erſchrack vber dieſem ver-
wegenen Rathſchlage/ vnd beſorgete ſich fuͤr dem
Zorn deß Koͤnigs/ wann jhm Argenis das jenige
was ſie ſo lang in geheim gehalten/ entdeckè ſolte. Es
war aber kein Mittel ſolchs jhr zu widerꝛahten: man
muͤßte es nur auff die Wage ſetzen. Dann Argenis
war ſchon vnter wegs zum Meleander/ welcher
erſtlich ſo vnverſehens wenig auß jhrem Frawen-
Zimmer/ bald aber ſie auch ſelber nachfolgete.

Der Koͤnig gieng ohngefehr damals im Gar-
ten ſpatzieren/ ſelbeſt bekuͤmmert wegen deß Poliar-
chus/ von welchem die gemeine Rede war/ daß er in
Verhafftung kommen. Dem armen bekuͤmmer-
ten Alten ließ das Gluͤck wenig ruhe. Was ſolte
er ſagen/ oder thun? Es war jhme alles zuwi-
der; alle Sachen lieſſen ſich zu newem Hertzenleyde
an. Es waren faſt zwey Tage/ daß er jhn als ei-
nen Todten dermaſſen bey ſich beweinet hatte/
daß er vermeinete/ er hette darmit ein genuͤgen
gethan/
[123]Das Erſte Buch.
gethan/ vnd den Fehler ſeinentwegen außgele-
ſehet. Jetzt warff das Verhaͤngnuß dieſen Zweif-
fel auff das newe auff/ ob es beſſer were ſich an
dem Juͤnglinge vergreiffen/ oder durch eine vn-
ſichere Billichkeit den getroffenen Frieden in Si-
eilien zerreiſſen. Die aͤrgſten Feinde deß Poliar-
chus waren ſchon in groſſer Menge beyſam-
men/ vnd ſagten zu jhm/ daß bey Lebe Zeiten deſ-
ſen Juͤnglings nichts beſtaͤndiges in Sicilien zu
hoffen were Archombrotus war zur Stelle/ wel-
cher nicht weniger ob dem Koͤnige als dem Po-
liarchus ein Mitleyden trug/ vnd begierig war
auß den vnterſchiedenen Meynungen auffzumer-
cken/ welche Poliarchus zu Freunden hette o-
der nicht. Iburranes war kurtz zuvor ankom-
men/ vnd ſuchte nebenſt dem Dunalbius/ der in
ebenmaͤſſiger geiſtlicher Wuͤrden als er/ vnd da-
mals bey Hoffe war/ wie er Mittel finden moͤch-
te den Poliarchus zu ſchuͤtzen: als vnverſehens/
wie jederman abwieche/ Argenis zu dem Koͤ-
nige kam/ die jhren Schmertzen mit ſolcher Ver-
ſtaͤndigkeit zu ruͤcke hielte/ daß ſie nichts anzubrin-
gen bedacht war/ biß es Zeit vnd Noht erfoderte.
Welches ſie viel ſicherer machte war dieſes/ daß ſie
jhr fuͤrgenommen zu ſterben/ wann jhr Vorſatz
zu ruͤck gienge. Sie warff jhre Augen rings
vmbher auff die Feinde deß Poliarchus/ vnd
ward durch ſolchen Eyfer noch hefftiger entzuͤndet.
Es
[124]Joh. Barclayens Argenis/
Es war auch kein Menſch verhanden/ der mittel-
maͤſſiger Weiſe dem Poliarchus wol oder vbel
wolte.

In dem ſie aber ſaͤmptlich/ wegen der Vnge-
wißheit deſſen das ſich begeben ſolte/ im Zweiffel ſo
ſtille ſtunden/ als ob es jhnen befohlen worden/ kam
Eurimedes/ vnd fuͤhrte den Heraleon bey der
Handt. Dieſer Menſch war wegen Bloͤdigkeit der
Sinnen bey Hoffe ſehr bekandt. Hier ſagte er/ iſt
der Poliarchus/ den die Bawren auß der Flucht zu
ruͤck gebracht haben. Da fiele Heraleon auff die
Knie/ vnd bate mit auffgehabenen Haͤnden vmb
Gnade. Der Koͤnig ward etwas luſtiger/ vnd frag-
te was er verbrochen. Nichts/ ſagte er/ als daß ich
Poliarchus bin. Sie huben alle an zu lachen. Der
Koͤnig aber fragte vom Eurimedes/ ob ſolches auß
Schertze oder Ernſte ſich zutruͤge. Herꝛ/ ſagte Eu-
rimedes/ als ich am Thore deß Schloſſes ſtund/
wie jhr mir anbefohlen/ den Poliarchus/ wann er
gebracht wuͤrde/ anzunehmen/ ſahe ich eine groſſe
Menge von Bawersleuten kommen die den Hera-
leon vmbringeten. Der vnter jhnen der Obriſte zu
ſeyn ſchiene/ fieng an/ wie er an ſeinem Fleiſſe vnd
Trew nichts erwinden laſſen/ biß Poliarchus be-
kommen/ vnd in gute Verwahrung gebracht wor-
den ſey. Heraleon aber war Poliarchus. Ich ver-
biſſe das Lachen/ vnd fragte/ was fuͤr ein Gluͤck jhn
in jhre Haͤnde gebracht? Die fuͤrnembſten vnter
vns/ ſagte er/ welche es geoffenbaret/ ſind deß Mor-
gens
[125]Das Erſte Buch.
gens auff die Arbeit gegangen; vnd haben ſich ver-
wundert/ als ſie geſehen/ daß einer ſein Pferdt vber
quer Feldt getrieben/ vnd auff einen verwachſenen
Berg reyten wollen. Erſtlich haben ſie jhm den
Weg gezeiget/ nachmals auß Verdacht nachgeſe-
tzet. Dann er/ gleichſam als ob er fuͤr allen fliehe/ ſo
bald einer auff jhn kommen/ das Roß gewendet hat/
vnd als es wegen deß ſtetten herumb rennens weiter
Athem zu holen nicht vermocht/ iſt er abgeſtiegen/
vnd hat ſich in eine Hoͤle/ die er in der Naͤhe gefun-
den/ verborgen. Es waren vnſerer viel beyſammen
zu zu ſchawen/ vnd ſtiegen mit hellem hauffen hin-
unter. Als wir jhn mit ſeinem groſſen Schrecken
vnd Geſchrey herauff gezogen/ vnd jhn fragten/
wer er were/ vnd warumb er ſich verberge/ bekandte
er freywillig; er ſey Poliarchus. Er war zimlich v-
bel bekleydet zu einem ſo fuͤrnehmen Herꝛen; aber
wir haben leichtlich geglaubet/ daß er deſto beſſer zu
fliehen ſich alſo außgemacht hette. Darauff haben
wir jhn/ wie ſehr er ſich gewey gert/ gebunden/ vnd zu
dem Koͤnige/ wie jhr ſehet/ zu ruck gefuͤhret. Als der
Bawer ſeine Worte vollendet/ habe ich jhre Trew
gelobet/ vnd ſie widerumb an jhre Arbeit gelaſſen.
Vbergebe ich derwegen/ Gnaͤdigſter Koͤnig/ euch
dieſen Menſchen/ mit welchem jhr nach Gefallen
thun koͤnnet. Als Eurimedes dieſes ſagete/ ver-
mochte ſich auch der trawrigſte deß Lachens nicht
zu enthalten: Dann ſie wuſten/ daß Heraleon in ſei-
ner Bloͤdſinnigkeit ſo weit gerathen/ daß er jhm
eynbildete er were Poliarchus.

Das XVII Capitel.

ALs Archombrotus/ der nichts von dieſer Co-
medie verſtandt/ die ſo jhm am nechſten wa-
ren fragte/ was diß zu bedeuten hette/ ruffte
jhn Meleander zu ſich/ vnd erzehlete jhm vom He-
raleon folgender maſſen: Was in dieſem Men-
ſchen am meiſten zu verwundern iſt/ Archombro-
tus/ iſt diß/ daß jhm in anderen Sachen an Ver-
nunfft nichts mangelt. Er ſtehet ſeinem Haußwe-
ſen wol fuͤr/ weiß das ſeine zu verꝛichten/ iſt we-
der in Worten noch Geſchaͤfften naͤrꝛiſch/ außge-
nommen wann man vom Poliarchus anfaͤngt
zu reden: Da jhn dann ſeine Thorheit dermaſſen
vberlaͤufft/ gleichſam als er raſete: ſpricht/ er
heiſſe Poliarchus/ jhm gehoͤre die Ehre welche deſ-
ſen Nahmen gegeben wird/ vnd wuͤrde vnbilli-
cher Weiſe einem andern angethan. Es ſind vber
ſechs Monat/ daß ſein Gemuͤhte von ſolcher Ein-
bildung verirꝛet iſt. Vielleicht hat er geglaubet/
die Fewer/ ſo deß Poliarchus wegen auff geſteckt
worden/ giengen auff jhn/ vnd iſt erſchrocken außge-
riſſen; Deſſentwegen die Bawren/ die von ſeiner
Geſtalt vnd Wahnſinnigkeit nicht gewuſt/ jhn an
deſſen ſtatt/ welchen er ſich zu ſeyn geſaget/ vnver-
ſchuldet
[127]Das Erſte Buch.
ſchuldet vbel gehalten haben. Aber ich bitte/ hoͤret
jhn doch/ kompt her/ Poliarchus/ ſaget mir/ war-
umb ſeyd jhr geflohen? Gnaͤdigſter Koͤnig/ gab er
zur Antwort/ warumb habt jhr mich zu flichen ge-
zwungen? Es iſt niemand von denen die ich kenne
vnd nicht kenne/ der mir nicht gerathen hat mich zu
bergen. Ich habe geglaͤubet/ daß ich vnter dieſem
alten Kleyde welches ich angeleget am beſten koͤn-
ne verdeckt bleiben. Wolten die Goͤtter/ ich were
die Zeit meines Lebens Poliarchus nie gewe-
ſen.

Meleander wandte ſich auff die andere Seite
zu lachen/ ward aber bald durch ein gehlinges Er-
barmen vber die Natur der Menſchen beweget/
vnd bedachte/ wie dieſelben/ vngerechnet das man-
cherley Vnrecht deß Gluͤckes vnd den Leib der zu ſo
vieler Schwachheit zu ſchwach iſt/ an jhrem fuͤrne-
meſten Theile dem Gemuͤhte von mannigfaltigen
Vbeln angegriffen wuͤrden. Deß Koͤniges Artzt/
mit Nahmen Philippus/ war anweſende. Die-
ſer als er ein wenig gefraget ward/ hub er an die
Vnordnung deß Gehirnes mit praͤchtigen Wor-
ten zu beſchreiben/ welche zwar allezeit das Gemuͤ-
te am hoͤchſten nicht beruͤhrete/ ſondern nur ein
Theil deſſelben mit der Thorheit er fuͤllete/ wie dann
an dem Heraleon zu ſpuͤren were. Es ſind/ ſag-
te er/ in ſolchen Leuten weitlaͤufftige Faͤcher deß
Gehirnes/ die wegen jhrer Zartheit gar beque-
me ſind die Eynbildung der Sachen/ welche wir
eine
[128]Joh. Barclayens Argenis/
eine Fantaſey nennen/ anzunehmen: dieſelbe Fanta-
ſey/ wann ſie in dem ſubtilen Weſen/ das ein Ding
zu welchem es gewendet wird ſeiner Leichte wegen
ohne Muͤhe annimbt/ ein mal cyngedrucket wird/
ſo kan man ſie hernach darumb deſto ſehwerlicher
außrotten/ weil ſie dem der hiermit behafftet iſt/
durch eine ſonderbare Anmuhtigkeit gefallen/ vnd
vber diß das Gemuͤte gleichſam anſtreichen/ wel-
ches andere Farben nicht annchmen kan/ als durch
gewaltige Geſtalten vngleicher Sachen. Derent-
wegen trifft es ſich ſelten/ daß ſolche Gemuͤhter in
Ruhe ſind/ weil ſie allezeit wegen der Vielfaltigkeit
der Gedancken von denen ſie angefallen werden
entweder vnmaͤſſig trawrig oder froͤlich ſindt.
Wann nun ſolche Leute auff eine Begierde oder
Zuſchlagung deß Gemuͤtes jhr Hertze fuͤrnemlich
zu neygen/ an dieſelbe dencken ſie allezeit/ vnd behal-
ten ſie mit einem angenemen Fleiſſe fuͤr den Augen
jhrer Sinnen; es ſey entweder Hoffart/ oder Be-
gier reich zu werden/ oder vngedultige Luſt ſich zu
rechen/ vnd was die vnruhigen Begierden vns ſon-
ſten eynzubilden pflegen. Wann nun Menſchen
von ſich ſelbſt zu ſolchen Sachen geneygt ſind/ ſo
werden ſie/ im Fall eine ſtarcke Gewalt ſie anfaͤllet/
gar leichtlich verwirꝛet/ daß ſie zu letzte ſich das zu
ſeyn ſchaͤtzen was ſie gerne ſeyn wollen/ vnd jhnen
dieſe Eynbildung in jhrem nunmehr gezahmeten
vnd angewehneten Gemuͤte nicht mehr fuͤrſtellen
als ein Ding das zu wuͤliſchen iſt/ ſondern als et-
was
[129]Das Erſte Buch.
was das ſie albereit haben vnd beſitzen. Dieſe groſſe
Gewaldt aber kompt entweder daher/ daß die Ge-
wonheit ſolches zu glauben mehr waͤchſet/ vnd taͤg-
lich groͤſſeren Nachdruck vberkompt/ oder entſprin-
get auß einem vnvorſehn Anfall/ der hefftig vñ geh-
ling vnter Augen koͤmpt/ vnd die ſchon angereitzeten
Gemuͤter gleichſam als mit einem Schwindel er-
fuͤllet. Aber/ moͤchtet jhr zu mir ſagen/ warumb
werden dieſe krancke Gemuͤter von einem ſolchen
Vngewitter nicht gaͤntzlich verkehret? Das geſchie-
het jnen mehrmals; bißweilen aber iſt es nur an dem/
daß die bloſſe Beſchawung deſſelben Dinges/ wel-
ches ſolchen Leutẽ zu hefftig im Sinne gelegen/ jrꝛet.
Dann wie die Glieder ſo von ſich ſelber ſchwach
ſind/ zum off[t]ern die ſchaͤrffe der herabflieſſenden
Feuchtigkeitten alſo an ſich ziehen/ daß in den vbri-
gen geſunden Theilen nichts boͤſes mehr vbrig blei-
bet; So auch dieſer Heraleon/ vnd andere die ſeinen
luſtigen Bloͤdigkeit geſellen geben/ nach dem das La-
ſter jhrer Sinnen auff einer Luſt alleine beruhet/ dar-
durch ſie etwas vbriges begehren muſten/ ſo ſehen ſie
andere Sachen mit groͤſſerer Beſtaͤndigkeit vnd faſt
ohn alle Bewegung an/ erkennen ſie/ vnd leben
Menſchlicher weiſe gemaͤß: daß ſich viel verwun-
dern/ daß ein ſolche Vernunfft die Thorheit nicht
verzehrt/ oder daß dieſe jene nicht verdunckelt. Ihr
koͤndtet auch diß ſagen/ hub Meleander darzu an/
daß kein Menſch von dieſer Art der Narꝛheit befreyt
verblieben. Dann wer iſt es/ der jhm in ſeinem Kopff
Jnicht
[130]Joh. Barclayens Argenis/
nicht etwas gefaͤhrlichers oder thoͤrichters einbildet/
als daß er Poliarchus ſey? Einer ſagt es ſey kein
Gott nicht/ der ander macht Goͤtter auß allem: je-
ner meinet es ſey nichts koͤſtlichers als Wolluſt; vnd
widerumb einer helt darfuͤr/ die Verbrechen bleiben
von den Goͤttern vngeſtraffet; kuͤrtzlich/ jhrer ſeynd
wenig die den Heraleon nicht vbertreffen/ außge-
nommen daß jhre Thorheit heimlicher/ oder der
Meynung deß Poͤfels bequemer iſt: ſeynd aber dar-
umb deſtomehr zubeweinen/ daß ſie jhrer Narꝛ-
heit nicht loß werden woͤllen/ dieſer aber nicht
kan.

In deſſen kniete Heraleon allezeit/ in Meinung
der Koͤnig were vber jhn ergrim̃et/ vnd berahtſchlag-
te ſich ſeines Vrtheils halben. Etliche zeigten auch
dem Koͤnige/ wie ohne Vrſache der arme Menſch
zitterte vnd bebete/ vnd damit jhr Spiel deſtolaͤnger
wehren moͤchte/ ſtellten ſie ſich eines Theils gleich
als ob ſie eine Fuͤrbitt thaͤten/ damit jhm die Straf-
fe moͤchte erlaſſen werden; andere aber ſchrien/ man
muͤßte dem Rechte ſeinen Lauff laſſen. Meleander
aber erſchrack vber dem Gedaͤchtnuͤß deß Poliar-
chus/ vnd machte jhm Gewiſſen/ wann er durch die-
ſe vnbilliche Comedie deſſelben Namen Schimpff
anthun ſelte/ an deſſen Todt er ſich ſchuldig zuſeyn
vermeinete. Derentwegen befahl er/ man ſolte den
Heraleon frey vnd ſicher gehen laſſen/ mit Fuͤrge-
ben/ es were durch dieſe Ergetzung vnd Affenwerck
Zeit genug verlohren worden. Vber diß ſagte man
auch
[131]Das Erſte Buch.
auch daß Lycogenes kaͤme; darumb ſtundt er eine
weil in Gedancken/ mit was fuͤr Geſichte vnd Re-
den er jhn annehmen ſolte; biß er letztlich in ſein Zim-
mer gieng/ vnd/ als er ſich mit der einen Hand auff
den nechſten Stul gelehnet/ gegen der Argenis mit
fleiſſe ſich in ein Geſpraͤch einließ. Lycogenes war
mit wenigen Leuten/ vnd/ zu bezeugung ſeiner Zu-
verſicht/ vngeruͤſtet in Magella ankommen: nicht
zwar daß er jhm ſo wol bewußt war/ ſondern daß er
wegen deß Koͤnigs Glimpffs/ vnd wegen derer die
vmb den Koͤnig waren groſſer Freundſchafft willen
genugſamb trawete. Er hatt auch nur auff der Poſt
dahin gelangen woͤllen/ zu vermeidung der vnbeque-
migkeit ſo eines groſſen Geleits/ oder dem damals
vngelegenen Neyd zu entgehen. Etliche von deß Koͤ-
nigs fuͤrnemmen Leuten/ vnd vnter andern Timo-
nides/ waren von dem Meleander abgefertiget/ jhme
gleichſamb auß eigener Bewegnuͤß entgegen zu ge-
hen/ welche den trutzigen Menſchen von dem Thor
deß Schloſſes biß zu dem Koͤniglichen Zimmer be-
gleiteten.

Er tratt hinein mit einem hurtigen anſehen/ wel-
ches durch ſein ſicheres Vertrawen gemehret ward.
So bald er den Meleander ſampt der Argenis erſa-
he/ ließ er ſich zur Erden nieder wie braͤuchlich iſt:
Hernachmals tratt er ein wenig naͤher/ vnd gruͤſſe-
te ſie mit widererholeter tieffer Ehrerbietung. Me-
leander gab jhm auch damahls noch kein Zeichen
als ob er jhn empfienge/ vnd ſahe nach der ſeiten auff
J ijdie
[132]Joh. Barclayens Argenis/
die Argenis gleichſamb als er mit jhr zureden hette.
Als aber Lycogenes ſich noch etliche Schritt genaͤ-
hert/ ſahe jhn der Koͤnig geſchwind mit weiten Au-
gen an/ vnd reichte jhm/ als er jhm nach den Knien
greiffen wolte/ die rechte Hand/ vnd ſagt/ er were jhm
ein willkommener Gaſt/ nebenſt andern Worten die
man zu bezeugung der Freundſchafft nicht pflegt
auſſen zulaſſen. Lycogenes gab zwiſchen demuͤtiger
pflichtſchuldiger Rede ſehr kuͤnſtlich achtung/ daß
er mit behaltung ſeines hohen Geiſtes bey dem Koͤ-
nige ſich nicht geringer macht/ vnd den partheyiſchẽ
Gemuͤtern/ die in groſſer Anzahl vorhanden waren/
hiermit anzeigte/ daß er auch nachmals Krieg erwe-
cken kundte/ da es jhm gefiele. Er entſchuldigte ſich
mit wenig Worten; mit Einwendung/ daß er auß
Noth die Waffen zuergreiffen gezwungen/ vnd von
ſeinen Feinden/ zu erhaltung deß Lebens/ were gerei-
tzet worden. Ihn ſonſten belangend/ ſo hette er weder
deß Verbuͤndnuſſes/ noch deß freyen Geleits erſt er-
warten woͤllen/ wann er ſich nicht eben derſelbigen
ſeiner Feinde halben bey dem Koͤnig verſichern muͤſ-
ſen. Meleander antwortete/ man wolte nicht allein
hinfort allen Haß/ ſondern auch das Gedaͤchtnuͤß
deſſelbigen beyſeite legen; vnd auff kuͤnfftigen Tag
ſolten die Goͤtter in der Pallas Tempel ſolcher jhrer
Verſoͤhnung Zeugen ſeyn. Hiernach fiengen ſie von
vnterſchiedenen Sachen an zu reden/ vnd beflieſſen
ſich beyde mit gewoͤhnlicher Hoffeliſt eine ſonderli-
che Frewd vnd Liebe fuͤrzugeben.

Eurimedes hatte auff Meleanders Befehl den
Lycogenes vnd ſeine fuͤrnembſte Leute zum Mittag-
mahl gebetten/ nebenſt etlichen andern ſeinen auff-
richtigen Freunden/ vnter denen auch Dunalbius
war/ welcher/ wiewol er ein Außlaͤnder/ doch keinem
in Sicilien an Lieb vnd Trew gegen dem Koͤnig be-
vor gab. Erwar der obriſte im Dienſte der Goͤtter/
auß denen Prieſtern die in Scharlach gehen/ vñ die-
ſes Anſehen hatte er mit groſſem Reichthumb ſeines
Gemuͤts gezieret. Ein fuͤrſichtiger Herꝛ/ vnd der al-
ler hohen Geſchaͤffte faͤhig war; wußte wol Freund-
ſchafft zumachen/ vñ dieſelbe ehrlich zuhalten/ gieng
auch mit auffrichtigen Leuten offenbarlich vnd oh-
ne Betrug vmb. Vnter ſolcheꝛ gluͤckſeligkeit der Na-
tur leuchtete ſeine Geſchickligkeit im ſtudieren/ vnd
die gemeinſchafft aller Muſen fuͤr/ von welchen die
Tugenden ſo zu Verꝛichtungen vnd Geſchaͤfften
jhm eingepflantzet waren/ keine außſchloſſen. Wel-
ches jhm aber thewer ankommen/ in dem das Gluck
ſeiner Gewonheit nach in dem ſtattlichẽ Manne die
Liebe der Tugent vnnd Fleiß im ſtudieren zum off-
tern gerochen. Dann er hatt fuͤr dieſem einen Vet-
tern gehabt den Koͤnig der opfferung; welcher/ als
wan verhoffet daß er die ſeinigen nach Verdienſt er-
heben ſolte/ ſo geſchwinde durch ein Feber hingeriſ-
ſen iſt worden/ das die Fewer der Frewden bey ſeiner
Erwchlung die Fackeln ſeines Begrebnuͤſſes noch
ſchawen koͤnnen. Alß dieſer nun ſolcher Hoffnung
beraubet/ vnd mit newer Gefahr Geſandtens weiſe
J iijin
[134]Joh. Barclayens Argenis/
in die Frembde verſchicket worden/ hat es wenig ge-
mangelt/ daß jhn das Vngluͤck der Zeit nicht hin-
geraffet/ weil ſelbige Nation mit ſo vnvorſehenem
Auffſtande entbrandt iſt/ daß es in einem dergleichẽ
wuͤtendem Vngewitter ſchwer geweſen entweder
den Getrannten gefallen/ oder bey Gewaffneten
vnd die mit jhren Sachen zu thun hatten ſich Ra-
thes zu erholen/ welchen ſie ſelbeſt ergrieffen hetten/
da ſie klug geweſen. Er iſt aber behertzt dem Porte
zugeſchiffet. Damals aber war er gleich zu gutem
Gluck in Sicilien wie dieſes gehandelt wardt/ vnd
kam dem Koͤnige ſeines trewen Rathes vñ Freund-
ſchafft halben/ wol zu nutze. Einer ſeiner beſten
Freunde war Nicopompus/ welchen Eurimedes
ingleichem zu dieſem Gaſtegebote erbetten.

Das XVIII. Capitel.

ALs vnter der Malzeit viel luſtige Sachen fuͤr-
lieffen/ vnd man bey Gelegenheit deß Methes
von den Bienen redte/ hub ein junger Edel-
man/ deß Lycogenes Nifftel/ mit Namen Anaxi-
mander/ entweder ſeines Vattern Bruder zugefal-
len/ welchen er der Koͤniglichen Gewalt feind zuſeyn
wußte/ oder daß er ſeine Erfahrung in der Welt-
weißheit
[135]Das Erſte Buch.
weißheit an den Tag gebe/ anzulaͤugnen was man
von den Bienen ſagt/ daß ſie einen Koͤnig haben ſol-
ten: Es were nur eine Ertichtung der Altẽ/ die leicht-
lich geglaubet/ vnd ſich auch vberꝛeden laſſen/ daß die
Schwanen ſingen/ vnd die Loͤwen als furchtſamb
b. ſchuldigt/ gleichſam ob ſie fuͤꝛ dem Hanengeſchrey
ſich in die Flucht zumachen pflegten. Zu dieſem ſatz-
te er noch andere dergleichen Sachen/ welches das
vnerkuͤndigte Anſehen der Vorfahren fuͤr warhaff-
tig außgegeben. Im vbrigen ſo litten alle andere
Thier keinen Koͤnig noch ſonſten Gewalt vber ſich;
ſondern ſie folgten von Natur jhrer eigenen Freyheit.
Als er ſolches geſagt/ fiengen die Gaͤſte dieſe gemei-
ne Frag an: Welchs vnter den Menſchen die billich-
ſte Art zu regieren were? Anaximander hatt kein
Bedencken deß Volcks ſeine/ oder der Fuͤrnembſten
vnter demſelben andern fuͤr zuſetzen. Dann warumb
ſolte alles bey dem belieben eines einigen Menſchens
ſtehen/ welcher im Fall er mit Laſtern behafftet keine
Forcht noch Schand koͤndte zuruͤck halten/ der mit
Tyranney vñ boͤſem Exempel dem gemeinẽ Zuſtan-
de tieffe Wunden zuſchlagen pflegte/ vnd endlich deß
Vatterlands vnd der Inwohner ſich alſo gebrauch-
te/ gleichſamb als die Natur nur bloß ſeinetwegen
dieſes alles herfuͤr gebracht hette? wie viel williger
auch gibt das Volck ſeine Gefaͤlle vnd Ge-
ſchoß in den gemeinen Kaſten/ wann ſelbiges Geldt
durch vieler Rath vnd Trew hernachmals alſo
J iiijange-
[136]Joh. Barclayens Argenis/
angelegt wird/ daß ein jegliche Privatperſon es noch
fuͤr das ſeinige halten kan: als wann es nach eines
Fuͤrſtens Gefallen vnter die ſo bey jhm in Gnaden/
deſſen auch offtmals nicht werth ſindt/ mit vnvor-
ſichtiger vnd vngerechter Freygebigkeit veꝛſchwen-
det wirdt? Ich geſchweige/ daß jhrer mehr hernach
ſich dem gemeinen Nutzen wol fuͤrzuſtehen befleiſ-
ſen/ jhren natuͤrlichen Verſtand außuͤben/ das Krie-
gesweſen oder die Beredſamkeit gruͤndlicher erler-
nen/ vnd jhren Mitwohnern in allem genug thun
werden/ wann ſie ſehen werden/ daß durch jhre vber-
ſtimmung die Tugend nicht vnbelohnet bleibe/ vnd
nur die ſo es verdienen zu den hoͤchſten Wuͤrden deß
gemeinen Nutzens gelangen/ vielmehr als wann die-
ſelben von einem einigen Hauſe auß Ehrgeitz alſo
werden außgetheilet/ daß gute vnd muͤhſame Leut
ſelten nach Verdienſte/ oder wie es das allgemeine
Geruͤcht fuͤr gut ſpricht/ darzu gelangen. Vber diß/
iſt es wol glaublich/ daß ein Koͤnig allein ſo viel
Verſtandts vnd Hertzens habe/ als viel außerleſe-
ne Maͤnner/ die man in freyen Staͤtten zu offentli-
chem Rath zufordern pfleget? ſie wuͤrden ja/ ſagte
er/ von tuͤchtigem Alter vnd augenſcheinlicher Tu-
gendt erwehlet; erdaͤchten auch vnd thaͤten gleich-
ſamb als auß einem Streitte der Tugendt/ vnd we-
gen Forcht der Schande/ dem gemeinen Nutzen al-
les zum beſten. Koͤnigen aber ſtuͤnde die Liebkoſung
mehrmals am Wege/ vnd lieſſe ſie zum oͤfftern jhre
Natur guter Warnung nicht gehorchen: jhre Ge-
muͤther
[137]Das Erſte Buch.
muͤther auch/ ob ſie gleich herꝛlich vnd gut weren/
wuͤrden eben durch dieſes verderbt/ daß ſie wann ſie
Tugendt an ſich hetten/ kein groͤſſere Belohnung
ſehen koͤndten nach der ſie ſtreben moͤchten: noch
wann ſie jrꝛeten/ einen Richterſtuel fuͤrchteten/ fuͤr
dem ſie Redt vnd Antwort geben muͤßten. Letzlich/
ſprach er/ ſey nichts ſuͤſſers/ vnd das der Natur mehr
gemaͤſſe ſey als die Freyheit. Dieſer aber koͤndten
die jenigen Voͤlcker genieſſen/ welche nach jhren ei-
genen Geſetzen leben/ vnd Obrigkeit erwehlen vnd
abſetzen moͤchten. Ob er auch dieſes zwar ſagte/ ſo
were jhm doch vnvergeſſen/ wer entweder er ſelber/
oder in welchem Land er ſey. Er wiſſe daß Sici-
lien vnter einem Koͤnig were; vnd daß einem jegli-
chen ſelbige Art zu regieren am liebſten ſeyn ſolle/
vnter der er geboren iſt. Aber wie die ſo nicht wol
auff ſind/ jhre ſchwache Leiber zwar notwendig lie-
ben vnd beſchuͤtzen/ aber doch gleichwol anderer Leu-
te/ die mit beſtaͤndiger Geſundheit begabet/ vnd oh-
ne Kranckheit ſindt/ Gluͤckſeligkeit betrachten doͤrf-
fen: alſo ehre er gleichsfals die Koͤnigliche Hoch-
heit/ welcher er als ein Eingebohrner verpflichtet
ſeye/ vnd ſtellete jhm doch deren Voͤlcker Freyheit
fuͤr Augen/ die jhrer ſelbſt maͤchtig ſeynd. Er hoffe-
te auch nicht/ daß er den Meleander hierdurch be-
leydigte/ mit deſſen Tugenden wann ſich ande-
re Koͤnige vergleicheten/ ſo wolte er darfuͤr hal-
ten/ daß nichts Goͤttlichers als die Koͤnige/ nichts
J vnuͤtzli-
[138]Joh. Barclayens Argenis/
nuͤtzlichers vnter den Menſchen als die Koͤnigreiche
were.

Nicopompus kundte dieſe freche Reden laͤnger
nicht vertragẽ. Er war ein Mann der zur Geſchick-
ligkeit von Kindtheit auff Luſt gehabt; aber doch
bloß vnd allein an den Buͤchern nicht hat kleben moͤ-
gen. Er iſt noch ein Juͤngling geweſen als er die
Lehrmeiſter verlaſſen/ damit er in Koͤniglichen vnd
Fuͤrſtlichen Hoͤfen/ welches die wahren vnd freyen
Schulen ſindt/ den rechten Vnterꝛicht mit Leuten
vmbzugehen erlernen moͤchte. So iſt er beyderſeits
am ſtudieren vnd verꝛichtung der Geſchaͤffte zu-
gleich gewachſen/ wie jhn dann ſein Geſchlechte vnd
Sitten zu ſolchem Leben getragen/ vnd hat bey vie-
len Fuͤrſten/ groſſe Gunſt vnd Gnade erlanget; ſon-
derlich beym Meleander/ deſſen/ wie auch anderer
Koͤnig Recht zuverfechten/ Was wuͤrdet jhr/ ſagte
er/ thun/ Anaximander/ wann jhr bey dem allgemei-
nen Regiment deß Volckes leben ſoltet/ der jhr euch
hier einer ſolchen Freyheit im Reden gebrauchet?
Warlich jhr wuͤrdet vnter der Regierung deß Vol-
ckes die Koͤnigreiche ſo offentlich nicht loben duͤrffẽ/
als jhr jetzundt der Gemeine oder derſelben Auß-
ſchuſſes Gewaldt geprieſſen habet: ſo daß jhr auß
dieſem wol abnehmen koͤnnet/ daß allhier die wahr-
hafftigſte/ dort aber nur eine ertichtete Freyheit
ſey. Dann daß jhr euch auff die Natur beruf-
fet/ welche den Thieren die Liebe der Freyheit
empflantzet/ ſo vermoͤget jhr auff dieſe Meinung
zu er-
[139]Das Erſte Buch.
zu erweyſen/ daß man eine jegliche Art zu regie-
ren verwerffen ſolle: weil in gemeinem Regimen-
te nicht minder Geſetze ſind die euch verbinden als
in Koͤmgreichen. Welches alles auff einerley Wei-
ſe mit der Natur Freyheit entweder vbereynſtim-
met oder ſtreitet. Wann das menſchliche geſchlech-
te von eygenem Willen jnner den Graͤntzen der
Gerechtigkeit koͤnte behalten werden/ ſo weren
bey allgemeinem auffrichtigen Wandel die Regi-
menter nicht allein vberfluͤſſig/ ſondern auch vn-
recht/ weil ſie die Leute ſo ohne diß der Billigkeit
ſich gemaͤſſe hielten zu einer vnnuͤtzen Dienſtbar-
keit trieben. Angeſehen aber/ daß wegen vielfaltiger
Laſter der Welt ſolches nicht zu hoffen iſt/ ſo koͤmpt
dieſelbige Art zu regieren der Natur am nech-
ſten/ welche macht daß die Menſchen auſſer den
Geſetzen der Tugend vnd der Natur ſelbſt nicht
jrꝛen: ſo daß es nichts zu bedeuten hatt ob viel oder
wenig regieren/ ſondern vnter welchem Regiment
die Leute am heyligſten vnd ehrbarſten leben. Vber
diß ſo habt jhr euch beluſtiget die Gewalt deß Vol-
ckes vnd der fuͤrnembſten zu vermengen/ welche
doch einander gantz vnd gar zu wider iſt. Das volck
habt jhr angezogen zum Scheine vnd Anſehen der
Freyheit; den Fleiß aber der Obriſten Haͤupter/ zur
Fuͤrbildung deß Nutzens. Wo jhr nun den gemei-
nen Nutzen eine dergleichen Verfaſſung nennet/ da
das groͤſſeſte Anſehen bey dem Volcke ſtehet/ was
kan an ſolchem Orte die Weißheit der fuͤrnembſten
Haͤupter
[140]Joh. Barclayens Argenis/
Haupter helffen? weil die Leichtſinnigkeit deß Poͤ-
fels offtermals vnerfahrenen vnd traͤgen Leuten die
Macht zu regieren an die Hand gibet; weil auch
deß gemeinen Mannes Gemuͤhte zu Auffruhr/
Neid/ vnd geſchwinder Verfahrung geneiget iſt/
vnd offtermals fuͤr ein Exempel einer groſſen Tu-
gend gehalten worden/ wann die vnerfahrene Men-
ge das Vbel geſtraffet hat. Wollet jhr euch aber
auff die andere Seite legen/ wo die fuͤrnemeſten al-
les zu thun vermoͤgen/ ſo ſchaͤmet euch/ Anaximan-
der/ daß jhr ein Reich einem ſolchen Rathe nachſe-
tzet/ vnd durch Vermehrung der Herren die Ver-
aͤchtligkeit deß Dienens haͤuffet. Dann an ſtatt ei-
nes einigen Koͤniges machet jhr ſo viel Beherꝛſcher/
als viel Perſonen einen Rath beſtellen. Aber/ wen-
det jhr eyn/ die allgemeinen Sachen werden von
vielen reiffer erwogen/ als von einem Koͤnige allei-
ne. Gleichſam als Koͤnige ſich weiſer Leute Gut-
achten nicht gebraucheten/ vnd dieſer Raht der Ob-
riſten Haupter/ den jr ſo ſehr lobet/ nicht offtermals
vnrecht thete/ in dem ein jeglicher ſeinen eygenen
Notz/ oder die Gunſt gegen die ſeinigen/ oder auch
den Neid wider ſeines gleichen in acht nimbt. Wei-
ter/ ſprechet jhr/ bey einem ſolchen freyen Regimen-
te wird der Jugend Fleiß zum ſtudieren vnd Arbeit
mit groͤſſerer Belohnung auffgeweckt; Da herge-
gen ſolche in Koͤnigreichen/ welche der Geſchicklig-
keit vnd Tugend zuwider ſind/ dahinden verbleiben.
Bey welchem freyen Regimente? Bey dem allge-
meinen
[141]Das Erſte Buch.
meinen deß Poͤfels? Darinnen ruchloſe vnd auff-
ruͤhriſche Gemuͤhter ſich auff Tumult/ wuͤten/
Rathſchlaͤge das Volck an ſich zu ziehen vnd zu
betriegen mit heuchlen/ gehorchen vnd ſchmeichel-
hafftiger Redner Kunſt legen/ vnd darinnen es
kaum leer abgehet/ daß ſtattliche Koͤpffe/ die der
Ehrgeitz entzuͤndet/ nicht nur zum Schaden deß ge-
meinen Weſens empor kommen? Vnter den fuͤr-
nembſten Hauptern aber/ was haben muͤhſame
Leute fuͤr Hoffnung/ welche ſich bey Koͤnigen nicht
groͤſſer eraͤuget? Dieſe Haͤupter/ wie jhr wiſſet/ thei-
len die Amptsgeſchaͤffte vnd Gewalt vnter gewiſſe
Staͤmme eyn/ ſo das die Hoheit mehr den Ge-
ſchlechtern als der Tugend fuͤrbehalten wird/ auß-
genommen geringe Aempter/ welche einen von der
Verachtung deß Adels nichtbefreyen. Vnd eben
dieſe Aempter zu welchen man gelangen kan/ ver-
meynet jhr daß ſie andern gegeben werden als den
fuͤrnembſten jhren Creaturen? Bildet euch nicht
eyn/ daß allhier die Beredſamkeit vñ andere Vbun-
gen der Tugend beſſern Platz haben als vnter ei-
nem Koͤnigreiche; aber Gunſt/ Freunde vnd abſon-
derliche Wilfaͤrtigkeit gegen einem vnd dem andern
wol. Geſetzt auch/ daß beydes eine ſolche freye Re-
gierung vnd ein Koͤnigreich ſich vbel befinde wegen
Gebrechen derer die jhnen fuͤrgeſetzt ſind; wo ver-
meynet jhr wol daß man zu allgemeinem Wolſtan-
de am leichteſten koͤnne Mittel finden? Alle Laſter
eines Koͤniges werden auffgehaben durch ſeinen
Todt;
[142]Joh. Barclayens Argenis/
Todt; vnd die Natur deß Nachfolgers kan etwas
beſſers hoffen laſſen. Aber die Seuche eines ange-
ſteckten Rathes verleuret ſich nicht ob gleich einer
oder der andere ſtirbet; ſondern wann die Sitten
ſchon ein mal verderbet ſind/ ſo werden ſie von Ta-
ge zu Tage aͤrger/ biß ſie das gemeine Weſen vnter
jhrem Fall erdrucken.

Wie Nicopompus alſo redete/ beſorgete ſich Ly-
cogenes eines Vnwillens gegen ſich/ daß ſeines
Brudern Sohn wider die koͤnigliche Hoheit Ob-
ſtat gehalten/ weil dieſes ſeinem Fuͤrſatze nicht zu-
traͤglich war/ als der das Koͤnigreich nicht abzu-
ſchaffen/ ſondern an ſich zu reiſſen vermeynete. Es
gedachte jhn aber bequemer zu ſeyn/ weil ſie in ſol-
ches Geſpraͤche gerahten/ daß er derer Voͤlcker Ge-
wonheit widerlegete/ die ſich einem einigen Stam-
me zur Erbſchafft vntergeben; vnd hergegen
die andern erhuͤbe/ welche nach Abſterben ei-
nes jeglichen Koͤniges durch die Wahl vnd Stim-
men giengen. Vnd zwar hatte Lycogenes hierzu
ein Belieben/ theils weil er dem Meleander nach
der Krone trachtete/ die er durch vnverſehene Er-
wehlung deß Volckes zu erlangen verhoffte/ vnd
theils weil Dunalbius anweſendt/ welchen er
auff ſeine Seiten zu kriegen meynete/ angeſe-
hen daß er in der Gemeinſchafft derſelben fuͤr-
nembſten geiſtlichen war/ ſo zu dem hoͤchſten Prie-
ſterthumb nichts anders als durch Stimmen ge-
langen. Derentwegen fiel er dem Nicopompus
in die
[143]Das Erſte Buch.
in die Rede/ vnd ſagte: Der Tag wuͤrde zu kurtz
werden/ Nicopompus/ ehe jhr alles erzehlen koͤn-
tet/ was auff beyden Theilen zu ſagen iſt. Dann
welchen gelehrten in Weltweißheit hat man ge-
funden/ der nicht viel von Koͤnigen oder freyen
Regierungen herfuͤr gebracht hette? Gewiß ich bin
ewerer Meynung/ daß das gemeine Weſen durch
eines einigen Beherꝛſchung am beſten verſorget
ſey. Aber das iſt noch mehr zweyffelhafftig/ ob man
ein Volck vnter eines einigen geſchlechtes Dienſt-
barkeit bringen/ oder jhm das Recht laſſen ſolle auß
allen angeſeſſenen den beſten zu erwehlen. Dann
im Fall das Volck ſolche Freyheit hat/ ſo legen ſich
die welche von koͤniglichem Gebluͤte entſpringen
deſto fleiſſiger auff gute Kuͤnſte vnd Wandel/ weil
ſie wiſſen/ daß ſie im Fall jhnen das Scepter der
Vorfahren heimfallen ſol/ auch derſelben Tu-
genden/ vmb welcher willen man ſie zu Regen-
ten gemacht/ zuvor an ſich nehmen muͤſſen. Es
wuͤrde vber diß ein jeglicher Koͤnig auch dem Vol-
cke danckbar ſeyn/ vnd weil er durch daſſelbige zu
ſolcher Hoheit kommen/ ſich der anvertrawten Ge-
walt mit beſſerem Glimpffe gebrauchen. Jetzund
aber im Fall wir vns der Regierung vnterwerf-
fen/ ſo ſind wir verachtet als geborene leibeygene;
thun wir es nit/ ſo helt man es fuͤr ein Verbrechen.
Wann es ſich nachmals zutraͤget/ daß gleich-
ſam durch ein Spiel der Vorſehung dieſe Hoheit
auff ein Kind oder Knaben/ oder einen Menſchen
von
[144]Joh. Barclayens Argenis/
von bloͤdem Verſtande faͤllet/ iſt auch wol etwas er-
baͤrmlichers als eine ſolche elende Nachfolgung im
Regimente? Der Vnterthanen Mutwille wartet
ſo lange nicht biß ein ſolcher Koͤnig zu vollkomme-
nen Jahren gereichet; ſondern/ in dem das einfaͤltige
vnd vnerfahrene Alter verachtet wird/ ſo erregen
ſich ſolche allgemeine Vbel/ daß hernach der Scha-
den durch langer Zeit Wolſtand kaum erſetzet wer-
den kan. Dann es regieret damals ein jedweder: ein
jedweder beraubet die Vnterthanen; ſo das ob ſie
gleich nicht nur von den Koͤnigen vnterdruckt wer-
den/ ſie dennoch ſich troͤſten koͤnnen vnter dem An-
ſehen der jenigen die jhnen Verdrang thun: Laſſen
wir eines nur etwas erfahrenen Schiffmannes
Sohn der keinen Beſcheid weiß an deß Vattern
Stelle nicht kommen/ auß Furchte daß dieſer die/
welche jener erhalten hat/ moͤchte vmbſtuͤrtzen; vnd
wird in der Schulen der Welt Weißheit nach Ab-
ſterben deß Lehrmeiſters nicht der genommen der
jhm am nechſten/ ſondern der jhm an Geſchicklig-
keit am aͤhnlichſten iſt: warumb gehen wir mit der
Kunſt zu regieren/ welche voller Lehren ſtecket/ vnd
an derer Maͤngel einen allgemeinen Schaden ver-
vrſachen/ anders vmb/ vnd vbergeben ſie Knaben/
welche wann ſie die Kron durch das Recht der Erb-
ſchafft erlangen/ ſo erlangen wir eben durch daſſelbe
Recht vnſern endlichen Vntergang? Ich wolt die-
ſen Gebrauch entſchuͤldigen/ wann wir darfuͤr hiel-
ten daß gantze Voͤlcker vnd Staͤtte der Koͤnige we-
gen er-
[145]Das Erſte Buch.
gen erſchaffen weren. Dann ſie moͤchten verhee-
ren was jhnen eygenthuͤmblich gehoͤrte; vnd die
Voͤlcker muſten das Gluͤck ertragen/ welches jh-
nen die Goͤtter aufferleget. Wann wir aber er-
kennen/ daß ſolche Hoheit zu Beſchuͤtzung Land
vnd Leute erfunden iſt/ ſo wundere ich mich daß
vnſere Vorfahren ſich nicht haben fuͤrgeſehen/ da-
mit nicht das Mittel welches dem Vbel ſtewren ſol
ſelbſt ein groͤſſer Vbel vervrſache. Aber jhr/ Du-
nalbius/ moͤget dieſe Meynung weiter außfuͤh-
ren: jhr als ein geiſtlicher Mann koͤnnet den Ge-
brauch Fuͤrſten zu erwehlen am beſten mit ewerem
Anſehen beſtettigen; ſonderlich weil er auch in ewe-
rer heyligen Verſamlung mit Billigkeit von euch
gehalten wird.

Dunalbius der jhm allzeit ein Gewiſſen mach-
te offentlich wider eine Sache zu reden/ erſahe
keine andere Außflucht als daß er dem Lycoge-
nes beyfallen/ oder ja jhn widerlegen muſte. V-
ber diß ſpuͤrete er/ daß alleſampt/ Nicopompus
aber ſonderlich/ die Augen auff jhn gewendet.
Derentwegen gab er gantz ſittſam ein Zeichen
von ſich/ daß er mit dem Lycogenes hierinnen
nicht ſtimmete; als jhn aber das tieffe Still-
ſchweygen der andern zu reden gleichſam anmah-
nete/ fieng er an ſolches Inhalts zu antworten:
Ich zweyfele nicht/ Herꝛ Lycogenes/ daß die-
ſes was jhr erwehnet habet vielmehr geſchehen
ſey eweren ſtattlichen Verſtandt ſehen zu laſſen/
Kals
[146]Joh. Barclayens Argenis/
als daß jhr in Warheit alſo glaubet: es were dann
daß euch eine ſonderliche Zuneygung zu vnſerm
Orden daran geleytet/ ſo daß jhr/ weil wir vns
einen Koͤnig der Geiſtlichkeit mit vielen Stim-
men erwehlen/ dieſe Gewonheit allenthalben eyn-
zufuͤhren rathen wollet. Damit aber das Recht
deß Prieſterthumbs vnd deß Koͤnigreiches nicht
vermenget werde/ ſo betrachtet nur/ wie es ſich
mit dem einen weit anders verhelt als mit dem
andern. Was vns belangt/ weil wir nach dem
Geſetze der vhralten Keuſchheit vnverheyrathet
bleiben/ wie koͤnnen wir vnſere prieſterliche Ho-
heit den Kindern verlaſſen/ da wir keine haben?
Vber diß ſo hat es in den heyligen Geheimnuͤſ-
ſen viel Sachen/ welche wir ſelber thun ſollen/ vnd
nicht erſt andern befehlen. Wann nun ſolche Aem-
pter durch das Recht der Nachfolgung auff Kna-
ben fielen/ worzu weren Altare/ Kirchen vnd Got-
tesdienſt/ welche man weltlichen/ vnd denen ſo
zu Goͤttlichen Sachen nicht geweyhet/ nicht ver-
trawen darff? Wir ſind auch ferner verbunden vn-
ſer Hertze auff Reichthumb vnd andere ſterbliche
Sorgen nicht zu wenden/ ſondern kein ander
Hauß/ noch Leute/ noch nachkommenen zu haben
als den Himmel. Wir muͤſſen die Sachen die wir
beſitzen nicht fuͤr das vnſere/ ſondern fuͤr der Goͤtter
Eygenthumb halten/ vnd wiſſen daß wir nur Ver-
walter ſolcher Dinge ſind die an die Erben nicht
ſterben moͤgen. Wann man dieſe Wuͤrde vnd hoͤch-
ſtes
[147]Das Erſte Buch.
ſtes Prieſterthumb auch nur einem einigen Stam-
me geben ſolte/ wie lange meynet jhr wol daß der-
ſelbe Bedencken wuͤrde/ es gebuͤre ſolche Ehre den
Goͤttern/ vnd er herꝛſche jhnen/ nicht jhme ſelber?
Glaubet jhr/ daß Koͤnige vnd Voͤlcker eines ſolchen
Geſchlechtes Hoffart in die Laͤnge vertragen koͤn-
ten? Sie vnterwerffen ſich jetzund ohne Neidt vnd
Verdacht deß Nutzens keinem Stamme/ ja auch
faſt keinem Menſchen/ ſondern allein der Hey-
ligkeit deß Ordens. In Weltlichen Regimen-
tern aber/ welche in Reichthumb vnd Kraͤfften be-
ſtehen/ welche dem Volcke Schutz halten/ vnd die
Widerſpaͤnſtigkeit ruchloſer Leute mit gewaffne-
ten Geſetzen brechen ſollen/ ſind viel Sachen derer
wegen die erbliche Nachfolgung nuͤtze vnd erſproͤß-
lich iſt: vnter denen vielleichte zu foͤrderſt angezo-
gen kan werden den Ehrgeitz der groſſen Haͤupter
zu zaͤhmen/ damit ſie nicht auß Hoffnung die Kron
zu erlangen den Koͤnig zu beleydigen ſich vnterſte-
hen doͤrffen.

Bildet euch eyn/ daß die edlen vnd ruͤhigen Voͤl-
cker welche vnter einem Erbkoͤnigreiche begrieffen
ſind/ dieſe Art zu erwehlen welche jhr lobet fuͤr
die Hand nehmen ſolten/ was meynet jhr wol daß
die Obriſten Haͤupter darunter anfangen wuͤr-
den/ welche auch jetzund jhre Koͤnige kaum leyden
koͤnnen? Sie machten jhnen Hoffnung daß ſie
gleichfalls die Krone noch erlangen koͤnten/ duͤrff-
ten den Koͤnig veraͤchtlich halten/ weil er eben
K ijauß
[148]Joh. Barclayens Argenis/
auß jhrem Mittel geweſen/ vnd Kinder verlieſſe
die nicht hoͤher als ſie weren. Aber wo das Gluͤck
zu regieren in einem Stamme verblieben iſt/ da
lebet der verſtorbenen Koͤnige Anſehen in den nach-
kommenen dermaſſen/ daß auch die Wiegen de-
rer Kinder die zum Reiche geboren ſind vns mit ei-
nem heimlichen Bekaͤnntnuß vnſeres Standes ei-
ne Ehrerbietung eyniagen/ vnd wir denen zuge-
horchen nicht abſchlagen/ welche wir wiſſen daß ſie
geboren werden vns zu beherꝛſchen ehe ſie an das
Liecht kommen. Man darff auch gar nicht zweyf-
feln/ daß nicht etwas ſonderliches vnd groſſes ſol-
chen Gemuͤhtern eyngegoſſen werde/ welche man
von Kindheit auff zum regieren vnterweyſet; es ſey
daß es durch jhre Natur geſchehe/ oder durch gute
Vnterꝛichtung/ oder viel mehr durch ſonderliche
Fuͤrſorge der Goͤtter. Gewiß wird der Geſchmack
vnd gleichſam die Schaͤrpffe der Hoffart ſtumpff
vber der Gewonheit der Ehrerbietung ſo man jh-
nen anthut/ vnd die gewaltige Sicherheit zu befeh-
len/ welche kaum kan verachtet/ vnd nicht gehaſſet
werden/ wird in jhnen allezeit groͤſſer: weil gemei-
niglich jhr guͤtiges Gemuͤhte vnd das vertrew-
liche Vornehmen mit jhren fuͤrnembſten Leu-
ten/ daß ſich der vormals gebrauchten Demut
nicht ſchaͤmet darzu koͤmpt. Nachmals fangen
ſie an auff hoͤhere Sachen zu gedencken/ vnd
dem Reiche als jhrer Kinder Vatter Theile mit
Trewen ob zu ligen. Wer aber durch Stimmen
auff
[149]Das Erſte Buch.
auff dieſe Spitze zeitlicher Sachen erhaben wirdt/
dem iſt ſein voriger Zuſtandt noch vnvorgeſſen/ in
welchen ſeine Erben widerumb gerathen koͤnnen.
Derhalben laͤſſet er viel nach von der Fuͤrſorge/ die er
dem gemeinen Weſen zum beſten tragen ſolte/ vnd
gedencket wie er ſeinem Sohne oder nechſtẽ Bludts-
Freunde dieſelben koͤnne anhaͤngig machen/ bey wel-
chen die Wahl ſtehet; oder zum minſten ſein Ge-
ſchlechte alſo bereichere/ damit hernach jederman
wiſſe daß einer auß demſelben regieret habe. So
wirdt der fuͤrnembſte Koͤnigliche Schmuck/ vnd ge-
meine Guͤter bey aller Gelegenheit zu einer Priuat
verwandtſchafft gezogen vnd die Sachen welche
von den Vorfahren zur Zier vnd ſamptlichen Nutz-
barkeit beſtimmet worden durch boͤſen Irꝛthumb ich
weiß nicht in was fuͤr Heuſer zerſtrewet/ vnd dienen
andern ſich herfuͤr zu brechen. So leidet ferner das
gemeine Weſen nicht nur durch ſolcher Koͤnige
Laſter alleine Schaden; ſondern auch durch Irꝛun-
gen fuͤrnehmer Haͤupter/ welche ſie ihnen mit nach-
theiliger Vberſehung darumb vorbinden/ damit ſie
die beherꝛſchung auff jhre Nachkommen bringen/ o-
der ohne alle maſſe was ſie wollen verſchencken moͤ-
gen/ oder den folgenden Koͤnig nicht beleidigen (dann
es vngewiß iſt/ wer es auß ſo vielen Herꝛen werden
moͤchte) welcher ſeines Vorfahren im Regiment
vnrecht an ſeinem Geſchlechte rechen moͤchte. Ihr
moͤget nun ſagẽ von Fuͤrſichtigkeit der Wahl/ durch
K iijwelche
[150]Joh. Barclayens Argenis/
welche zum offtern newe Staͤmme eyngeſchoben
werden/ die man mit allgemeinem Verluſt her-
nach maͤſten muß. Die Aquilier ſelbſt ſo man
auß vnterſchiedenen Geſchlechten erleſen/ wie off-
te haben ſie die Kraͤfften jhrer Majeſtaͤt mit ſol-
chen Sorgen geſchwaͤchet? Vnter andern dieſer/
welcher die Satzungen gemacht hat/ ſo man die
guͤldenen nennet/ wie thewer hat er die Stimmen
erkauffen muͤſſen/ damit er ſeinen Sohn zum
Reiche braͤchte? mit was fuͤr Vngelegenheit der
Krone hat er jhnen nachmals als er nicht zahlen
kundte/ die offentlichen Zoͤlle zugelaſſen/ welche
ſie erſtlichen Pfandsweiſe jnnen behalten/ nach-
mals auß Schwachheit oder Irꝛthumb der regie-
renden eine Erbſchafft darauß gemacht haben? So
ſind vber diß/ wie jhr wiſſet viel Stifftungen vnd
Rathſchlaͤge/ die nicht als baldt wann man ſie auß-
geſonnen dem gemeinen Weſen zuſtatten kom-
men/ ſondern jhre Weile haben muß; vnd brin-
gen doch nachmals wie die traͤchtigen Baͤume zu
rechter Zeit jhre Fruͤchte. Auß dieſen Rathſchlaͤgen
von ſo langwiriger Hoffnung erwaͤchſet gemeinig-
lich der Regimenter vollkommene Wolfarth.
Sie werden aber zum offterſten von einem Koͤ-
nige/ der das Scepter nicht durch Erbrecht ſondern
von den Stimmẽ erlanget hat/ verachtet oder hind-
an gelaſſen. Dann ſolche Verfaſſungen an zu fan-
gen gehoͤren groſſe vnd muͤhſame Vnkoſten dar-
zu/ welche darumb denen die ſie ſtifften vnan-
genehmer
[151]Das Erſte Buch.
genemer iſt/ weil ſie die Bluͤte/ viel weniger die Ernd-
te davon nicht ſehen/ derer erſt die nachfolgende Koͤ-
nige genieſſen ſollen. Wer werden aber dieſe Koͤnige
ſeyn? Meine Kinder? Meine Bekandten? Meine
Freunde? Vielleicht wol frembde Leute/ oder die mir
feindt ſind. Soll ich denſelben mit groſſen Sorgen/
vnd Verluſt der Einkom̃en/ welche ich jetzund beſſer
auff die Meinigen wenden kan/ den Grund zur Si-
cherheit/ Frewden vnd Reichthumb legen? Geſetzt
daß ich es im Willen habe; es moͤchten dieſe meine
Nachfolger meine Muͤhe durch jhren Neyd zunich-
te machen/ vnd die Wercke ſo in Hoffnung langer
Nutzbarkeit angefangen worden/ verachten oder ab-
brechen/ weil es mir vnd der Zeit meiner Regierung
wuͤrde eine Ehr ſeyn daß ich ſie erfunden hette/ ſie
aber/ als nur Erhalter vnd Verwahꝛer meiner Vor-
ſichtigkeit/ mußten Vnkoſten ohne erlangung eines
Lobs auffwenden. Dieſe Sachen pflegen ſolcher
Koͤnige Gemuͤther nicht mit vergebener Forcht/ a-
ber auch nicht ohne Verderb deß gemeinen Nutz-
ens/ von vnterfangung fuͤrnehmer Wercke abzu-
lencken.

Doch iſt die Regierung ſolcher erwehleten Koͤni-
ge nicht ſo ſchaͤdlich/ als jhre Erwehlung. Dann
glaubet jhr/ daß vnter den muhtigen Voͤlckern/ die
mit einem hitzigen vnd augenſcheinlichen Verlan-
gen deß Ehrgeitzes brennen/ eine ſolche Wahl-
verſamblung geruhig fuͤrgehen kan? daß hier nichts
durch Geſchencke vnd Waffen verrichtet werde/
K iiijwie
[152]Joh. Barclayens Argenis/
wie jhrer viel die ein ander an Guͤtern/ Geſchlecht
vnd Gemuͤte gleich ſind/ da keiner dem andern nicht
weichen wil/ vnd alle regieren nicht koͤnnen? Wie ge-
het es nachmals/ wann die Zuneigungen auff zwee-
ne fallen/ vnd beyde jhnen das Reich zueigenen/ daß
man nicht weiß welcher verworffen ſey? was fuͤr
Auffſtandt/ was fuͤr blutige vnd langwirige Kriege
pflegen hierauß zuerfolgen? Zugeſchweigen daß die
Voͤlcker welche angewehnet ſindt einen Koͤnig zu
machen mit Billigkeit/ jhn offtmals mit Vnbillig-
keit verwerffen. Damit ich nicht erſt alte Sachen
herfuͤr ſuche/ betrachte den Aquilius/ welcher vn-
laͤngſt auff zweyen Wahlen zwey Kronen vberkom-
men hat; kurtz aber hernach durch eben derſelbigen
Leute Rew die jhn erkohren haben/ widerumb davon
iſt kommen. Sie laͤugneten daß er rechtmaͤſſig er-
wehlet worden. Derentwegen haben ſie mit Fewer/
Schwerdte vnd Verwuͤſtung die Sachen hier auff
den Peranhyleus/ der das eine Reich begehrte; da a-
ber auff den Bereficus gewendt/ der das ander ſchon
zu ſich geriſſen/ vnd an ſtatt der Speiſen/ welche er
auff deß Aquilius Tafel hette tragen ſollen/ faſt
Vorꝛath vnd Tiſch miteinander hat weggenom-
men. Haltet jhr dann ſolches nicht fuͤr die hoͤchſte
Gefahr/ ſo viel aͤrger iſt als die jenige/ in welche wir
zu Zeiten durch vnſerer Koͤnige jugendt gerahten?
Ich laͤugne gar nicht/ daß entweder der Regenten zu
vnzeitiges Alter/ oder jhr geringer Verſtand/ der ſich
in Geſchaͤffte nicht zu finden weiß/ dem gemeinen
Weſen
[153]Das Erſte Buch.
Weſen offtermals ſchaden. (dann was iſt ſo voll-
kommen/ daß es den Menſchen zu jhrem Nutze al-
lerſeits koͤnne erſprießlich ſeyn?) Aber eben dieſes be-
trifft vns mit einem viel geringern Vngewitter/ als
die Wellen welche auß dem Meer der Wahl empor
ſchlagen.

Glaubet auch nur nicht/ daß allzeit der beſte/ oder
der ſo zum regieren am geſchickſten iſt zum Reich er-
kohren werde. Wie viel Verbuͤndnuͤſſe finden ſich?
Wie offt mangelt es dem/ der von Standt vnd Ge-
walt fuͤrtrefflich iſt/ an den Guͤtern deß Gemuͤthes/
gleichſamb als die ewige Vorſehung ſich foͤrchtete/
daß ſie nicht/ wann ſie einem Menſchen zugleich
das groͤſſeſte Gluͤck vnd die hoͤchſte Weißheit gebe/
jhn auß einem Sterblichen zu einem Gott machen
moͤchte? Derentwegen iſt der ſo zu einem Fuͤrſten er-
wehlet wirdt nicht allzeit der wuͤrdigſte/ ſondern ent-
weder der maͤchtigſte/ oder der gluͤckſeligſte; ohn wel-
ches alles beydes die Kunſt zu regieren bey einem gar
wol ſeyn kan. Dieſer wirdt durch das Mittel ſeiner
Staͤrcke jhm die Stimmen entweder erſchnarchen
oder erkauffen; jener wegen ſeiner Traͤgheit Gunſt
bey denen finden/ die jhnen vnter einem ſolchen Fuͤr-
ſten ſelber hoffen zu regieren. Dann wann jhr ſaget/
daß die Zuneigung oder der Wille derer die erweh-
len ſo auffrichtig ſind/ daß ſie bloß auff deſſen Tu-
gendt ſehen/ den ſie erwehlen woͤllen; Vnd wann jhr
vber diß euch verſichert/ daß die Sittſamkeit derer
die auch hoffen zum Regiment zugelangen/ vnd die
K vein-
[154]Joh. Barclayens Argenis/
einhellige ſtimmung deß Volcks alſo beſchaffen ſey/
daß ſie ſich ohn Widerꝛede dieſem zum Gehorſamb
vntergeben der alſo zum Scepter kommen iſt; vnd
die vollkommene Guͤte deß newen Koͤnigs hinzu ſe-
tzet/ welche bey der reitzung deß anfangenden Gluͤcks
dermaſſen vnſchuldig bleibt/ daß ſie nichts vngebuͤr-
liches fuͤrnimbt: ſo wil ich hertzlich gern auff ewere
Meinung tretten/ vnd darfuͤr halten/ daß die Voͤl-
cker von den Goͤttern ſonderlich muͤſſen geliebet wer-
den/ welchen ſolche Gluͤckſeligkeit widerfaͤhrt. Aber
es iſt auch nur nicht zu hoffen. Die Boßheit der
Menſchen/ vnd die Erfahrung im Gegentheil er-
weiſet gantz das Widerſpiel/ ſo daß man derſelben
Voͤlcker Fuͤrſichtigkeit zu vnrechte tadelt/ die ſich
einem gewiſſen Stamm vntergeben haben/ durch
deſſen Vermittelung die Regiment geruͤhiger vnd
ruͤhmlicher gemacht werden.

Das XIX Capitel.

LYcogenes war hefftig ergrim̃et/ daß Dunal-
bius ſeine Hoffnung zunichte gemacht; da-
mit aber die andern Gaͤſte deſſen nicht jnnen
wuͤrden/
[155]Das Erſte Buch.
wuͤrden/ ſo verkehrte er den Ernſt dieſer wichtigen
Sache in Schertzreden/ mit denen er trefflich wol
vmbzugehen wußte; darzu jhm dann Eurimedes
halff/ welchem nit gefiel daß man in ſeiner Behau-
ſung eine dermaſſen gefaͤhrliche Weltweißheit her-
fuͤr brachte. Ihre Rede war ſonderlich vom Perau-
hyleus vnd Dereficus/ welcher verwegenheit gegen
dem Aquilius der Dunalbius kurtz zuvor getadelt
hatte. Vnd zwar ſolchen Auffruhr entlegener Voͤl-
cker hattẽ etliche Luſt zuerzehlen/ oder zuhoͤren. Arſi-
das aber war in deſſen/ als ſich das Gaſtgebott zim-
lich lang verzogen/ vnvermerckt zu der Argenis ent-
wichen/ vnd hatt jhꝛ kuͤrtzlich erzehlt/ wie ſehr ſich Ly-
cogenes wider die Koͤnige aufflehnete. Sie aber be-
klagte mit wenig Worten die Vngluͤckſeligkeit jhrer
Zeit/ vnd vberlieferte jhm ein Schreiben an den Po-
liarchus/ darinnen ſie jhm anzeigte/ weſſen er ſich zu
verhaltẽ: vnd nachdem ſie jm das Schiff/ den Weg/
das Geheimnuͤß/ vnd was zur ſicherheit deß fliehen-
den von noͤthen were/ fleiſſig anbefolen/ Mein Arſi-
das/ ſagt ſie/ die Goͤtter werden es euch belohnen/ der
jhr einen ſolchen Menſchen von ſeinen Feinden er-
rettet; hernach auch ewer Gewiſſen ſelber/ das ſich
ſolcher Tugendt getroͤſten kan; Vnd Poliarchus/
deſſen Gluͤck dermal eins wider wirdt kommen. Ja
wann dieſes alles nicht were/ ſo ſeyd verſichert/ daß
jhr die Frucht ewerer guten Zuneigung von mir
haben ſollet. Arſidas gieng vber den Worten
der Argenis froͤlich von jhr/ redete mit dem
Archom-
[156]Joh. Barclayens Argenis/
Archombrotus was er vermeinete/ vnd kam gegen
Abend auff der Timocleen Gut/ bey welcher die
Bawren/ nachdem ſie jhren Irꝛthumb erkandt/ ſich
wegen deß Aufflauffs den ſie vorigen Tag erꝛeget/
entſchuldigten. Sie/ mehr erwegende bey ſich ſelbſt/
daß ſie den Geſetzen zuwider gethan/ als daß dieſen
Leuten das Gluͤck jhn zu finden gemangelt/ erwieſe
jhnen alles guts/ vnd brachte jhre Gemuͤter an ſich/
im Fall ſie jhrer ins kuͤnfftig beduͤrffen moͤchte. Ar-
ſidas redte ſie auch ſehr freundlich an/ vnd ſtiege zu
anfangs der Nacht/ nachdem ſie hinweg kommen/
zu dem Poliarchus hinunter/ welcher vom Verzug
vnd Kuͤmmernuß vnwillig/ als er jhn kommen ſahe
anfieng: Was habt jhr fuͤr Luſt mich lebendig zu be-
graben? Erloͤſet mich auß dieſem Finſternuͤß/ Arſi-
das: ſolte ich gleich meinen Feinden in die Haͤnde
fallen/ ſo kan ich mich gewiß allhie nicht laͤnger hal-
ten. Er aber/ als welcher wußte was fuͤr einf roͤliches
Schreiben er jhm braͤchte/ antwortete jhm nichts
auff ſein klagen/ ſondern zeigte jhm nur der Argenis
Brieff/ vnd hieß jhn das Siegel vnd die Hand an-
ſehen. Stracks war Poliarchus voller Frewden;
wie gehet es jhr/ ſagt er/ Arſidas? wie gedenckt ſie
meiner? den Namen ſatzte er aber nicht darzu/ dann
auch Timoclee bey jhrem Geſpraͤch war; ſondern
rieß den Faden weg/ vnd wandte ſich etwas hinumb/
damit man ſeine bewegung vnd veraͤnderung deß
Geſichts vber dem leſen nicht erkennen moͤchte.
Nachdem
[157]Das Erſte Buch.
Nachdem er das Schreiben durchſehen/ zohe er den
Arſidas auff die ſeiten/ vnd fragte jhn vmb rath/ ob
er auch dem vnbekandten Kleyd vnd Haaren gnug-
ſam trawen/ vnd ſich alſo fuͤr die Argenis machen
moͤchte? oder ob es beſſer ſey den ſicherſten Weg ge-
hen/ vnd zu dem Schiff nach Meſſana zuverꝛeiſen.
Arſidas hielte dafuͤr/ er ſolte ſich bald auff die See
begeben; aber Poliarchus wolte ſchwerlich einwilli-
gen/ wegen groſſer Begier die Argenis zu ſehen/ vnd
redte mit Scham fuͤr ſeine Liebe. Welches als es
Arſidas gemercket/ verkehrt er ſeine Meinung/ der
Schamhafftigkeit deß Verliebten abzuhelffen/ vnd
riethe jhm gaͤntzlich/ er ſolte es wagen die Argenis zu
ſehen. Dann es ſey nichts leichter/ als folgendẽ Tag
in den Tempel gehen/ der einem jeglichen offen ſtuͤn-
de. Argenis wuͤrde wie gebraͤuchlich fuͤr dem Altar
ſtehen/ dahin auch die Armſeligſten knieten jhr Ge-
bett zuverꝛichten. Als Poliarchus auff dieſer Mei-
nung beruhete/ rufften ſie Timocleen/ vnd ſagten
jhr/ daß Poliarchus auff folgenden Morgen mit
dem Tag zu Schiff nach Italien zu gehen muͤßte:
(dann ſie meldeten nichts/ daß er nach Hoff wolte.)
Poliarchus ſetzte vber diß hinzu: Er wolte ſolche
groſſe erwieſene Trew nimmermehr in Vergeſſen
ſtellen/ vnd jederzeit erkennen/ daß er jhr ſein Leben/
vnd was wir Menſchen dardurch erlangen/ zu dan-
cken habe. Die Fraw weinete inmitten deß Gebets/
vnd Wundſches den ſie fuͤr jhn thete/ vnd ſuchte
herfuͤr
[158]Joh. Barclayens Argenis/
herfuͤr alle Wolmeinung vnd Fuͤrſorge die in jhren
Kraͤfften war/ nicht mehr als gegen einem Gaſte/
ſondern als gegen jhrem leiblichen Sohne. Was
jhre Liebe groͤſſer machte war der groſſe Dienſt wel-
chen ſie jhm erwieſen hatte: vnd ſie gerieth in Sor-
gen/ daß nicht etwan ein hefftiger Vngluͤck jhrem
Poliarchus auffſtieſſe: gieng alſo wie er ruhen wol-
te/ mit weinen von jhm.

Als die Nacht zwiſchen Gebete vnd Furchte mit
Kuͤmmerniß hinweg gewichen war/ kam ſie mit
dem Arſidas wider in die Hoͤle/ brachte ein Stuͤcke
Brodt in Wein getaucht/ vnd zwang ſie auff Grie-
chiſche Art zu Fruͤſtuͤcken/ wiewol ſie ſo zeitlich noch
keine Luſt darzu hatten. Nachmals ließ ſie ein we-
nig fuͤr der Morgenroͤte den Poliarchus mit dem
Gelanor hinauß. Vnd Gelanor zwar iſt mit deß
Arſidas Schreiben an ſeine Fraw nach Meſſana
gereiſet. Dann Arſidas wohnete zu Meſſana/ weil
Meleander jhm ſelbige Stadt zu verwalten gege-
ben. Der jnnhalt deſſen Schreibens war/ daß ſein
Weib ein zubereitetes Schiff im Hafen halten ſolte/
darauff er ehiſten Tages in Italien abſegeln moͤch-
te. Er muſte nottwendig nach Rhege; dieſem aber
der den Brieff braͤchte wolte ſie in deſſen alles gutes
thun. Er vermeinete jnnerhalb vieren Tagen zu
Meſſana zuſeyn. Als dieſer hinweg kommen/ folgte
der Poliarchus alleine dem Arſidas nach/ welcher
auff einem Pferdt langſam vorher ritte. Er war zu
Fuſſe/
[159]Das Erſte Buch.
Fuſſe/ ſchlecht angethan/ vnd ſtewerte ſich an einen
Stab/ deſſen er doch nicht bedurffte. Auß Forchte
auch/ daß jhn die weiſſen Haͤnde nicht verꝛiethen/
hatte er ſie mit Schwaͤrtze gelbicht gemacht.

Sie kamen in die Statt als der Pallas Tempel
allbereit offen war; doch hatt die menge deß Volcks
die bequemeſten Oerter zu ſehen noch nicht einge-
nommen. Poliarchus ſatzte ſich bey den
Altar ſo nahe er kundte.

Das XX. Capitel.

ARſidas machte ſich zu der Argenis/ vnd ſagte
jhr/ mit was fuͤr Eyfer dieſer Andaͤchtige jhrer
in dem Tempel wartete. Die Jungfraw ward
gantz beſtuͤrtzt der Gefahr halben/ in welche ſich Po-
liarchus ſetzte/ vnd empfindung der Frewden/ wegen
dieſer guten Zeitung. Nachdem ſie fleiſſig Bericht
eingenommen von allen Zeichen wie ſie den verklei-
deten erkennen ſolte: Es ſteht/ ſagt ſie/ groſſe Gefahr
darauff/ angeſehen daß Poliarchus/ wann der Koͤ-
nig vnd Lycogenes in den Tempel kommen/ ſich bloß
der frembden Tracht vnd Haaren vertrawen muß.
Vermeinet jhr daß von ſo vielen Leuten welche ſie
begleiten/ niemandt deß Betrugs jnnen wirdt wer-
den? Sonderlich weil die ſo dem Koͤnige wol woͤl-
len/ vnd die andern die es mit dem Lycogenes halten/
in ſolchem Mißvertrawen vnablaͤſſig auff alle Per-
ſonen werden Achtung geben/ vnd allem dem was
Lverdaͤch-
[162]Joh. Barclayens Argenis/
verdaͤchtig ſeyn kan mit groſſer Fuͤrſorge nach for-
ſchen. Ich wolte ſagẽ er ſolte hierein in das Schloß
kommen/ aber die Wache moͤchte den Betrug mer-
cken. Beſſer iſt es/ ich gehe zum Vatter/ vnd ſage jm/
daß ich/ ſo lange er mich der Goͤttin Pallas hat die-
nen laſſen wollen/ dem gemeinen Volcke niemals
verſaget habe jhre Andacht auff dieſes Feſt zu vol-
bringen. Weil er aber zu beſtettigung des Friedens
mit dem Lycogenes bald zur Opfferung gehen ſolle/
als wuͤrde die Kirche voller Wache vnd Auffwaͤrter
ſein/ ſo daß die Leute nicht hienein/ vnd jhr Geluͤbde
thun koͤnten. Wo es jhm derwegen gefiele/ damit die
Gewonheit nicht abgebracht wuͤrde/ ſo wolte ich
ſtracks fuͤr den Altar gehen/ daß die Leute wie ge-
breuchlich jhr Gebett verꝛichteten/ vnd wann ſolches
abgefertiget/ er das angeſtalte Opffer deſto beſſer
vollbringen koͤndte. Alſo werde ich ohn alle Sorgen
den Poliarchus ſchawen moͤgen/ vnd vnſere heim-
lichkeit wirdt vnter dem vnachtſamen Volcke deſto
beſſer verdecket bleiben. Arſidas ließ jhm dieſen An-
ſchlag gefallen/ vnd vermahnete ſie/ ſolches eilendts
fort zuſtellen. Darauff gieng die Princeſſin zum
Koͤnige/ der jhre Meinung nicht minder lobete/ da er
doch ſo artlich beruͤcket wardt. Darauff nam ſie es
eilendts fuͤr die Handt (wiewol die Prieſter/ der Goͤt-
tin Pallas Diener/ geſagt hatten/ daß es erſt vmb
die andere Stunde nach Auffgange deß Tages we-
re) vnd wardt zwiſchen den Trabanten vnd Diene-
rinnen auff den Tempel zugefuͤhret.

Die Ordnung der Ceremonien/ von der Zeit an
als Argenis druͤber geſetzt worden/ ward alſo ange-
ſtellet. Die Sicilier hielten auff gewiſſe Zeit eine
Meſſe vnd Marckt wegen der Kauffmannſchafft/
auff welchen der Koͤnig ſeine Satzungen anſchla-
gen/ vnd Vrtheil wider die Verbrecher ergehen ließ.
Die vbrige Zeit ward auff Geiſtliche Sachen vnd
offentliche Gebraͤuche gewendet. Da dann auß allẽ
Benachbarten Staͤtten/ Flecken vnd Doͤrffern zu-
ſammen lieffen/ die ſo Baͤwriſche Nahrung feil ha-
ben/ oder Buͤrgerliche Notturfft kauffen woltẽ. Die-
ſer Tag aber war zur Opferung der Pallas beſtim-
met/ damit deſto mehr Volcks die Argenis ſehen
moͤchte/ welche wo ſie auch in Sicilien hin reiſete/ al-
lezeit in jrem Geleite Prieſter vñ Geiſtliche mit ſich
hatte. Hernach folgten die groſſen Opffer/ vnd als-
dann die andern. Auff den Neundten Tag/ wann ein
Tempel der Minerven in der naͤhe war/ trug man
dahin das Bildnuͤß der Goͤttin zu deren Ehren man
das Feſt feyerte: wo nicht/ ſo ruffte man auß dem be-
quemeſten Tempel den Gott oder die Goͤttin ſo dar-
innen wohnet/ damit durch ſolcheentweichung Pal-
las moͤchte beherbriget werden: weil zwey Goͤtter in
einem Tempel nicht zu wohnen pflegen. Die Thuͤ-
ren wurden mit Lorbeerzweigen behangen/ vnd mit
Ampeln vnd ſchoͤnen Tuͤchern gezieret. Das Bild-
nuͤß ſo man auff dem Altar anbetete ſahe ernſthafft
auß/ mit den gewoͤhnlichen Waffen dieſer Goͤttin.
Die emporgehobenen Augenbrawen/ das drewende
L ijAntlitz/
[164]Joh. Barclayens Argenis/
Antlitz/ vnd der Helm der biß mitten auff die Stir-
ne gieng/ machten denen ein Luſt die ſie anſchawten.
Ihr Geſicht war Jungfraͤwlich/ aber darneben vn-
erſchrocken: der Spieß von feinem Gold/ vnd mach-
te Stralen wegen deß Glantzes am Metall; darvon
vnter dem gemeinen Poͤfel die Rede geht/ daß ſie jhn
offtmals erſchuͤttet habe. Der Mahler hatte auff jh-
rem Schild auch die Egis mit allen Farben die ſich
an den Schuppen der Schlangen eraͤugen abgebil-
det. Sie ſtundt alſo/ gleichſamb ob ſie zum Streitte
fertig were/ vnd ſatzte den lincken Fuß herfuͤr/ daß jhꝛ
gantz Bildnuͤß ſich etwas auff die ſeitte lenckete. Zu
jhren Fuͤſſen lag Erichthon in Schlangen Geſtalt/
der ſich vnten vmb das Heffte deß Spieſes flochte.
Im vbrigen brachte man in den Tempel (weil man
darinnen kein Blut vergieſſen doͤrffte) die außerleſe-
nen Opffer/ mit Baͤndern vnd anderm vblichem
Gepraͤnge außgezieret/ biß auff das Meel. Als ſie
die Opffeꝛ gewaſchen/ kam Argenis ſehr koͤſtlich be-
kleydet als ein fuͤrnemme Prieſterin vnd koͤnigliche
Tochter. Sie trug einen Rock von kuͤnſtlicher Ar-
beit mit erhoͤheten Bildern. Fuͤrnaͤmlich war Pal-
las daran zu ſehen/ wie ſie auß Jupiters Gehirn ge-
boren wirdt; Item wie ſie vber den Neptunus tri-
umfieret nachdem ſie den Oelbaum erfunden. Von
hinden zu waren ſechs Jungfrawen/ welche die lan-
gen Falten dieſes heiligen Zieraths auffhuben. Die
Haar der Argenis waren mit einem Schaarlachen
Bande darein ein Oelzweig geflochten/ vmbwickelt.
Auff
[165]Das Erſte Buch.
Auff jhr Haupt hatten ſie einen Krantz geſetzt von
eben demſelbigen Baume. Mit ſolchem Schmuck
gieng ſie auff die Opffer zu/ vnd als ſie jhr Haupt
mit einem Schleyer bedeckt/ fieng ſie an das gewoͤn-
liche Gebett der Opfferung zu ſprechen/ beſtrewete
die geheiligten Thier mit Saltz vnd Meel/ vnd gab
jhnen mit jhrer zarten Hand einen Schlag auff das
Haupt mit einer ſilbernen Keule. Stracks tratten
die Prieſter vmbgeſchuͤrtzet hin/ machten ſich mit
den Meſſern an die Opffer/ vnd nachdem ſie ſolche
abgeſtochen/ vermeinten ſie in jhren Eingeweyden
das Verhaͤngnuͤß vnd den Willen der Goͤtter zu
finden. Darauff gieng Argenis in den Tempel mit
einem ſilbernen Rauchfaß/ trug den Goͤttern den ge-
woͤhnlichen Geruch fuͤr/ vnd nachdem ſie zum Al-
tar kommen/ nam ſie den Krantz von jhrem Haupt/
vnd legte jhn dem gewaffneten Bild demuͤtig zu den
Fuͤſſen. Da wurden der Weyrauch vnd andere Ge-
ruͤch auffs newe entzuͤndet/ vnd in deſſen fiengen die
Jungfrawen an ein Lobgedichte zu ſingen. Nach-
mals geſchahe ein Gebett fuͤr Wolfart deß Koͤnigs/
geſunde Lufft/ vnd guten Zuwachs der Frucht im
Felde. Ein jeglicher bettete auch mit ſtillem Munde
fuͤr ſeine vnd der ſeinigen eigene Angelegenheit. Als-
dann ſatzte ſich Argenis zu der rechten Hand deß Al-
tars auff einen erhabenen Stul/ hielt in jhrer Hand
einen Zweig mit Baͤndern vmbwunden/ welchen
man in das geweyhete Waſſer getaucht/ vnd etwas
mit dem Blut der Opffer beſprengt hatte. Sie mei-
L iijneten/
[166]Joh. Barclayens Argenis/
neten/ es hette eine groſſe Krafft/ wann man jhn auff
das Haupt legte/ oder kuͤſſen moͤchte. Vmb die
Princeſſin her ſtunden die Trabanten auff beyden
ſeiten/ vnd machten denen die hinzu wolten ſo viel
Platz/ daß zweene vnd zweene gehen kundten; damit
nicht in der Vnordnung von dem vnverſtaͤndigen
Volck an das Altar oder die Argenis geſtoſſen wuͤr-
de. Wie ſie alſo herzu gelaſſen worden/ fielen ſie zu
jhren Fuͤſſen/ vnd tratten nach beruͤhrung deß Zwei-
ges widerumb zuruͤcke. Es ward auch der geringſte
nicht außgeſchloſſen; vnd kamen jhrer mehr dahin
der Argenis als der Pallas wegen.

Den Tag gleich als Arſidas den Poliarchus
herzu gefuͤhret/ ward das Feſt in einem alten Tem-
pel/ ſo der Pallas zu Magella geheiliget worden/ be-
gangen; vnd Argenis gieng deſtoeher vom Schloſ-
ſe/ vnter dem Schein/ als ſie zuvor das gemeine
Volck abfertigen wolte/ ehe dann Meleander vnd
Lycogenes kaͤmen; in Warheit aber/ geſchahe es dar-
umb/ daß ſie auſſer Gefahr den Poliarchus ſehen
moͤchte. So bald ſie fuͤr der Thuͤr deß Tempels
die angeruͤhrten Opffer denen welche ſie ſchlachte-
ten verlaſſen/ vnd im Eingange das Rauchfaß ge-
nommen/ kam ſie mit vnruͤhigem Gemuͤte vnd das
ſich nicht laͤnger gedulden moͤchte auff den Ort wo
Arſidas geſagt hatte daß Poliarchus ſitzen wuͤrde.
Als ſie jnnen ward wie erbaͤrmlich er in dem elenden
Kleyde vnd Frembden Geſichte die Augen auff ſie
warff/ ward ſie fuͤr Zorn vnd Mitleyden dermaſſen
entzuͤn-
[167]Das Erſte Buch.
entzuͤndet/ daß ſie faſt auß Verwirꝛung der Ord-
nung deß heiligen Gepraͤnges daruͤber vergaſſe.
Doch gieng ſie mit Muͤhe zum Altar/ ſahe der Goͤt-
tin Bildnuͤß an/ vnd beklagte ſich heimlich mit vie-
len Seufftzen. Sie ruffte auff der Goͤtter Trew vñ
Glauben/ vnd ſtellte jhnen mit ſtillſchweigender ver-
weiſſung jhre Vnſchuld vnd Froͤmmigkeit fuͤr Au-
gen. Wo ſie jhr helffen wolten/ ſo hetten ſie jetzundt
Zeit. Im Fall es war were/ daß ſie ſorge fuͤr die Sa-
chen der Menſchen truͤgen/ vnd dieſelben regiereten/
warumb belohneten ſie die Tugend nicht? waꝛumb
erzeigten ſie ſich ſo grauſamb gegen jhr vnd dem Po-
liarchus/ von denen ſie niemals beleydiget worden?
Es koͤndte jhnen nicht verborgen ſeyn/ daß jhre Liebe
gegen einem ſolchen Mann vnziemlich vnd wider
die Keuſchheit ſo einer Jungfrawen gebuͤhret nicht
geweſen. Wann es das Geſetz der Natur hette zu-
gelaſſen/ ſo wolte ſie gewuͤndſcht haben daß er jhr
leiblicher Bruder worden were. Zum wenigſten/
ſagte ſie/ ſo ſtehet jhm in wehrender ſeiner Flucht
bey; vnd wo jhr etwas vnbarmhertziges gegen vns
beyde zuthun geſonnen ſeydt/ ſo befreyet jhn/ vnd
laſſet alles vber meinen Kopff hinauß gehen. Ob
ſie aber dieſe Seufftzer vnd Flehen gleich auß ern-
ſtem Eyfer außſtieß/ doch ward ſie durch eine ge-
ſchwinde Flut der gedanckẽ davon abgewendet. Sie
hatte ein Mitleiden bald mit jhr/ bald mit dem Po-
liarchus. So trug ſie auch ein vnverſoͤhnlichẽ Haß
wider den Lycogenes. Stracks bedachte ſie/ daß jhr
L iiijVat-
[168]Joh. Barclayens Argenis/
Vatter ſelbſt nicht vnſchuldig were/ der ſo leichtlich
in deß Poliarchus Verderb eingewilligt: vnd fuͤrch-
tete ſich hergegen die ſchuldige Kinder liebe weg zu
legen/ kehrete jhr Hertze widerumb zu den Goͤttern/
vnd ob ſie zwar fuͤr Beſtuͤrtzung nicht reden kundte/
ſo erweichete ſie dieſelben doch mehr mit jhrem Vn-
gluͤck/ als mit jhrem Bitten. Gleichwol behielte ſie
die Threnen noch in jhrer Gewalt/ in dem ſie die
Scham zuruͤcke hielt/ daß ſie ſo offentlich vnd zur
Vnzeit nit weinete: vñ vielleicht war der Schmertzẽ
groͤſſer/ als das ſie Zaͤhren hette vergieſſen koͤnnen.

Poliarchus war nicht minder bekuͤmmert vnd
verwirꝛet. Er muſte den angenehmen Ort verlaſ-
ſen/ vnd als ein Vbelthaͤter darvon fliehen. Wie
ſchickte ſich dieſer Zuſtandt zu ſeinem Geſchlechte
vnd ritterlichen Gemuͤte ſo gar vbel? Was zu vor-
hin ſeine beſte Luſt vnd Ergetzung geweſen/ das er-
fuͤllete an jetzo ſein Hertze mit den euſerſten Schmer-
tzen. Alle Tugenden der Argenis/ alle jhre Gaben
kamen jhm in den Sinn: vnd auch dieſelben Sachen
welche er fuͤr die geringſtẽ an jhr gehaltẽ/ erfuͤlletẽ jm
nun da er ſie verlaſſen muſte mit einer anſehnlichern
Geſtalt die Gedancken. Vnter ſo vielen Vbeln aber
war jhm nichts beſchwerlicher/ als daß er Vrſach
an der Argenis Schmertzen ſeyn ſolte. So erhub ſie
auch in ſeinem Gemuͤte nicht ein geringe Furchte/
es moͤchte die Zeit vnd Abweſenheit das Verbuͤndt-
niß vnd die Zuſage zwiſchen der Princeſſin vnd jhm
außleſchen/ vnd der Argenis etwas gefallen/ was er
haſſen
[169]Das Erſte Buch.
haſſen muſte. Bald erzuͤrnete er ſich/ vnd nam jhm
fuͤr mit gewaffneter Hand widerumb in Sicilien
zu kommen: Baldt fuͤrchtete er die Argenis in der
Perſon jhres Vatters vnd Landes zu beleydigen/
vnd ward von Zorn vnd Trawrigkeit alſo getrie-
ben/ daß er jetzt in Gedancken verſtarꝛete/ jetzt hin
vnd wider ſchweiffete.

Als er in ſolchen Bewegungen deß Gemuͤhtes
war/ ward der Geſang/ den ſie zum drittenmal wi-
derholet/ zu Ende gebracht. Argenis ſatzte ſich nicht
weit von dem Altar/ vnd reichete den herzunahenden
den heyligen Zweyg. Seleniſſe/ vnd die fuͤrnemſten
auß dem Frawenzimmer ſtunden hinter jhr: Euri-
medes vnd Euriſthenes/ ein vngleiches par/ auff der
Seiten. Von dieſen zweyen an waren die Solda-
ten biß mitten in den Tempel in zwo Ordnungen
geſtellet/ vnd machten einen Weg zu der Princeſſin
zu kommen. Eurimedes/ als er geſpuͤret daß ſich Ar-
genis im Geſichte ſo offt veraͤndert/ neygete er ſich
zu jhr/ vnd fragte/ ob ſie ſich vbel befinde. Argenis
nam dieſe Gelegenheit in acht/ vnd ſahe jhn vnver-
wandt an/ ſo offte jhr die roͤhte zu ſehr vnter die Au-
gen trat. Als das Volck abgefertiget/ war Poliar-
chus faſt der letzte/ der zu dem geheyligten Zweyge
hinzu gieng; aber es wolten weder Gemuͤhte noch
Fuͤſſe fort: die Jungfraw auch erwartete ſeiner
gantz erſtarꝛet vnd jhrer ſelbſt faſt nicht maͤchtig. O
die verwegenen Rathſchlaͤge der verliebten! Alſo
groß war jhre Kuͤnheit/ einen Augenblick der Frew-
L vden zu
[170]Joh. Barclayens Argenis/
den zu empfahen/ vnd eine ſo vergaͤngliche Zuſam-
menkunfft zu haben/ darbey ſie kein Wort reden
durfften. Es gerewete ſie/ daß ſie ſich ſolchem
Schmertzen vnd Gefahr außgeſetzet/ vnd hetten
mit groͤſſerer Wehmut jr Gluͤck angeklaget/ wann
jhnen mehr Freyheit zugelaſſen worden. Endlich
gieng der armſelige mit ſeinem Stabe/ deſſen er zu
dieſem mal wol benoͤtiget/ kniete fuͤr ſie hin; vnd
gleichſam als verꝛichtete er ſein Gebete/ Gute
Nacht/ ſagte er/ allerkeuſcheſte Prieſterin; dencket
jhm nach daß ewere Pallas hinweg ſcheydet/ die all-
zeit ewer verbleiben/ aber/ wo jhr es erlaubet/ nicht
ohn jhres Vatters Blitz vnd Donner zu ruͤck kom-
men wird. Die betruͤbte Princeſſin verſtund es wol/
duͤrffte aber nichts darzu ſagen; doch ſahe ſie jhn
trawrig an/ vnd redte mit den Augen kraͤfftiger/ als
wann ſie viel Worte gemacht hette. Poliarchus
aber vermochte von jren Fuͤſſen nicht wegk zu kom-
men/ ob er etwan vber ſolchem Betruͤbnuͤß ſein ſel-
ber vergeſſen/ oder ſich befahret hat/ daß er vor Be-
ſtuͤrtzung ſtraucheln moͤchte: ſo das auch Seleniſ-
ſa Sorge trug/ er moͤchte durch dieſe vnbequeme
Saͤumung das Spiel verꝛathen. Eurimedes ver-
meynete der Menſch bliebe auß baͤwriſcher Grob-
heit der Argenis zun Fuͤſſen/ vnd gab jhm lachende
mit dem Stabe den er in der rechten Handt hielte ei-
nen zimlichen harten Streich in die Seiten/ vnd
hieß jhn fortgehen. Poliarchus war einer von deß
Eurimedes beſten Freunden/ vnd wuſte wol daß
dieſes
[171]Das Erſte Buch.
dieſes Vnrecht auß keinem Haß herkaͤme/ ſondern
es geſchehe jhm der Kleydung wegen von dem/ der
nicht wuͤſte wen er ſchluͤge: ſtundt alſo geſchwinde
auff/ vnd erkandte daß er nicht ſehr zu vnrecht ge-
zuͤchtiget worden. Argenis aber war bey jhr ſelbſt
hieruͤber nicht zu frieden/ vnd wurde durch Scham
kaum zu ruͤck gehalten/ daß ſie den Eurimedes jhr
nicht hieſſe auß den Augen gehen. Baldt ſahe ſie
dem Poliarchus nach ſo weit ſie mochte/ vnd er-
blickte gleich zu rechter Zeit an der Schwellen deß
Tempels den Arſidas/ der dem fliehenden/ wie ſie
muhtmaſſen kundte/ den Weg wolte zeygen. Dann
nach dem er dem Koͤnige wegen getroffenen Frie-
dens Gluͤck gewuͤnſchet/ gab er vor daß er nohtwen-
dig zu ſeinem Schweher in Italien muͤſte: vnd
als er vom Koͤnige Erlaubnuß erlanget/ gieng er
in der Pallas Tempel/ vnd ſahe den Poliarchus
vom Altar zu ruͤck kommen. Hernach fuhrte er
jhn etwas beſeite/ vnd hieß jhn ſich zu dem Thore
hinauß verlieren da wenig Volckes fuͤrbey gieng;
auch den Weg nach Meſſana jnne halten/ biß er
eine Meil Weges darvon ſich in den Doͤrnern die
er finden wuͤrde verhalten koͤndte; er wolte nach
dem Abſchiede von der Argenis jhm als baldt fol-
gen.

In deſſen ſchickte Meleander zu der Argenis/
daß ſie den gemeinen Poͤfel von jhrem Feſte baldt
abfertigte; dann es were ſchon zimlich lange in den
Tag/ vnd muſte man jhm vnd dem Lycogenes den
Tempel
[172]Joh. Barclayens Argenis/
Tempel raͤumen. Sie war nicht bey jhr ſelber/ vnd
gab gemach vnd gemach den Schmertzen nach/
welche ſie vermeynete daß ſie durch jhre Beſtaͤndig-
keit weren gedaͤmpffet worden. Doch lieſſe ſie dem
Koͤnige anmelden/ es were vollbracht was das
Volck belangete; er koͤnte nun ſein Opffer/ wann es
jhm gefiele/ zu Werck richten. Die Zubereytung
war herꝛlich/ vnd die Herꝛen/ ſo dem Meleander vnd
Lycogenes zu Ehren vnd Dienſten erſchienen/ ſtun-
den fornen an dem Pallaſte/ vnd warteten biß ſie in
den Tempel giengen.

Lycogenes war in deß Meleanders Zimmer
gleichſam auß ſchuldiger Pflicht/ vnd hielte mit
dem Koͤnige mancherley Geſpraͤche/ die mehren-
theils nicht viel auff ſich hatten. Als es Zeit war/
trat Meleander in koͤniglicher Tracht vnd einem
Purpurmantel/ in der Hand das Zeichen deß Koͤ-
nigreiches haltendt/ auff die Trabanten zu. Zu
nechſte fuͤr jhm gienge Lycogenes vnd an ſeiner
Seiten auff Befehl deß Koͤniges Archombrotus:
fuͤr jhnen die fuͤrnembſten beampteten/ vnd andere
die in ſonderlichen Gnaden waren. Fornen an eine
groſſe menge junger vom Adel. Die Wache kundte
auch das gemeine Volck nicht gnugſam zu ruͤcke
treiben/ weil es begierig war zu ſehen/ vnd ſich am
meiſten hindrang wo es weichen ſolte. Vber den koͤ-
niglichen groſſen Nahmen war das Alter/ vnd das
Geſichte ſo ein ſonderliches gutes Gemuͤhte anzey-
gete/ wie auch die Majeſtaͤt ſolcher hohen Wuͤrden
gleich-
[173]Das Erſte Buch.
gleichfoͤrmig; welches alles machte/ daß ein jeder
auff den Meleander ſahe. Es bewegete auch dieſe
ſeine Gegenwart nicht allein ſeine getrewe Vnter-
thanen/ ſondern auch viel der jenigen ſeiner Feinde/
von denen man ſagen moͤchte/ daß ſie mehr nur ge-
jrret als geſuͤndiget hetten: ſo daß dieſer Tag den
Koͤnig nicht gerewen doͤrffen/ da dieſe ſich beklag-
ten/ vnd die andern ſich ſchaͤmeten/ daß man jhn zu
ſolchem Verbuͤndnuͤß gezwungen. Soll dann der
Koͤnig dem Lycogenes ſchweren? ſoll er ſich mit ei-
nem ſeiner Leute in Bund eynlaſſen? Vnd diß of-
fentlich/ fuͤr der gantzen Welt? gleichſam als es
rechtmaͤſſiger Weiſe ergienge. Was koͤndte ein
frembder Fuͤrſt/ einer der dem Koͤnige gleich were/
was koͤndte ein Feindt durch einen billichen Krieg
mehr thun? Welche aber beſſeren Verſtandes/ vnd
auß Furchte oder Hoffnung ſcharffſinniger waren/
kamen noch weiter mit jrẽ Gedancken: Man muſte
dieſen Tag nicht ehren als einen ſolchen Tag der
den Frieden widerbraͤchte: es ſey noch was aͤrgers zu
beſorgen/ vnd koͤndte das vernehmen nicht Beſtandt
haben/ welches der Koͤnig gezwungen mit einem
von ſeinen Vnterthanen eyngienge. Dann was
von Fuͤrſten mit Vnrecht abgedrungen worden/
das holeten ſie offtmals hernach mit Vnrecht wi-
der. Wuͤrde derentwegen der Koͤnig/ da es jhm moͤg-
lich/ ſich rechen/ oder/ wann er ſolches nicht thete/
vom Lycogenes vntergedruckt werden. Es ward
ohngefehr ein alter Hoffeman von einem ſeiner
Freunde
[174]Joh. Barclayens Argenis/
Freunde gefraget/ ob er auch jemals einen freundt-
lichern Koͤnig geſehen/ der gab jhm zur Antwort/
daß es der Koͤnig wol verſtehen kundte: Mein
Freundt/ ich hielte jhn noch fuͤr freundlicher/ wann
er nicht hierdurch vnfreundlich wider ſich ſelbſt
were. Meleander nam dieſe Worte/ ſo er von
einem ſeiner treweſten Leuten auffgefangen/ al-
ſo zu Hertzen/ daß er/ vber voriger Verwirꝛung
vnd Kummer wegen der Reden welche Lycoge-
nes/ wie jhm geſaget worden/ bey geſtrigem deß
Eurimedes Gaſtgebote außgeſtoſſen/ dermaſſen
auff einen Stein der herfuͤr ragete anſtieß/ daß
jhm die Haͤnde biß auff die Erde entglitten. Die
ſo es ſahen ſchryen vberlaut: die nechſten aber lief-
fen hin zu dem Koͤnige auffzuhelffen. Welche
von ferꝛnen ſtunden/ vnd nicht wuſten was da
were/ erſchracken viel hefftiger/ biß man geſehen
daß es nur ein leichter Fall vnd ohngefehr geſche-
hen. Er ſelber lachte/ vnd fieng an; Er were der
Erden viel zu dancken ſchuldig/ ſo den Koͤnig der-
maſſen geehret/ daß da ſie nicht vermocht auffzu-
ſtehen/ jhn doch zum Kuͤſſen hinunter gezogen
hette/ welche er dann/ als die ſeine/ willig vnd gern
vmbfienge. Doch hielten alle Leute dieſes fuͤr ein
gutes oder boͤſes Zeichen/ wie ein jeder gegen
dem Lycogenes/ oder dem Koͤnige geſonnen war.
Dann was ſolte das bedeuten/ daß der Koͤnig
dem Lycogenes zu den Fuͤſſen kommen? daß er
als ein Opffer gelegen/ da er ſelber zum Opffer
gegangen?
[175]Das Erſte Buch.
gegangen? wie leichte vnd geſchwinde were er doch
gefallen?

In dem ſie ſolche Gedancken hatten/ waren die
erſten auff den Platz kommen/ darinnen die Opf-
fer mit ſchoͤnen Baͤndern gezieret waren; vnd die
Prieſter warteten ſchon gantz bereytet/ biß Argenis
mit gebuͤhrlichen Worten die Goͤtter ſolche Opf-
ferung anzunehmen beruffete. Sie aber ward mehr
vnd mehr vom Schmertzen vberlauffen/ hieß die
andern ein wenig von jhr tretten/ vnd redete in ei-
nem heimlichen Orte deß Tempels alſo mit ſich
ſelber: Was haſt du geſehen/ du elende Argenis?
Was haſt du geſehen/ du Vrſache deß Vbels ei-
nes ſo fuͤrtrefflichen Mannes? Was haſt du ge-
ſehen/ vnd zu was fuͤr einem Vngluͤcke wirſt du
fuͤrbehalten? Daß Poliarchus fliehe/ vnd Lyco-
genes triumphiere? Kanſt du das leyden? Du ei-
ne koͤnigliche Tochter? Der die Krone beſtimmet
iſt? Wann du dich fuͤr eine Fuͤrſtin erkenneſt/ wa-
rumb erhaͤlteſt du jhn nicht hier? Biſt du ſeine
Braut/ warumb fleuchſt du nicht mit jhm? Ich
ſehe wol es hat nichts gemangelt/ als daß du ein
Heroldt wuͤrdeſt/ den Frieden helffen fortzuſtel-
len/ welchen dein Vatter vnd Lycogenes tref-
fen. Den Frieden/ o jhr Goͤtter/ welchen ſie gemacht
haben zum Vntergange deß Poliarchus. Mit
was fuͤr Gewiſſen wirſt du kuͤnfftig den Poliar-
chusich ſage nicht doͤrffen ſchawen/ ſondern nur ab-
weſende anreden/ ſeiner Tugendt erwehnen/ ſein
Geſichte
[176]Joh. Barclayens Argenis/
Geſichte vnd Worte dir mit heimlichen Gedan-
cken eynbilden. Man moͤchte ſagen/ ich wuͤrde hier-
zu verbunden durch die kindliche Liebe gegen dem
Vatter/ vnd die allgemeine Wolfarth deß Koͤnig-
reiches. Was kan ich aber boͤſes wider den Vatter
thun/ wann ich ſo ein vngluͤckſeliges Laſter zu bege-
hen vnterlaſſe? Oder was darff ich mich vmb das
Koͤnigreich bekuͤmmern/ da ich zu ſterben entſchloſ-
ſen bin? So beſtehet auch die Wolfart der Koͤnig-
reiche nicht allezeit in der Furchte. Vielleichte kan
ich mit meiner Kuͤnheit verbeſſern/ was der Vatter
mit Gelindigkeit verderbet hat. Aber was ſolſt du
machen? Die Gefahr koͤmpt naͤher vnd naͤher/ vnd
wird dich vnverſehens vberfallen. Schawe den
Vatter/ ſchawe den Lycogenes. Man ruffet mich
zum Opffer. Wann ich mich weigere bey dieſem
verfluchten Frieden das meinige zu thun/ was ſol
ich ſagen? Was fuͤr Vrſachen ſol ich offentlich bey
meinem Vatter eynwenden?

Alſo ſagte ſie/ vnd war nicht mehr trawrig: ſon-
dern das Toben welches ſie eyngenommen hatte
machte jhr Antlitz viel anſehenlicher als zuvor: ſie
warff die ernſthafftigen Augen von einer Seiten
zu der andern/ als jhr die letzten Worte deß Poliar-
chus bey ſeinem Abſchiede eynfielen: Sie ſolte ge-
dencken/ daß jre Pallas entweichen muſte/ aber mit
Donner wider kommen koͤnte. Gewiß/ ſagte ſie/ iſt
meine Pallas wegk; was ſol ich vmbſonſt hier war-
ten? Das Gebete in dieſem Tempel iſt vergebens;
der
[180[177]]Das Erſte Buch.
der Tempel hat nichts mehr von der Gottheit. Der
beſte Rath iſt dieſer/ daß ich mich ſtelle als fienge ich
an wahr zu ſagen/ vnd mir von der Goͤttin verbot-
ten wuͤrde dieſem Feyer weiter beyzuwohnen. So
werde ich der Schuldt deß Friedenmachens ent-
gehen/ vnd hernach Fug haben groͤſſeren Gedan-
cken obzuligen. Als ſie dieſen Anſchlag gut befun-
den/ wie ſie dann ſehr verſtaͤndig vnd damals mit
kluger Liſt gantz außgelaſſen war/ fieng ſie an eine
Rede zu ertichten/ wie die waarſagenden pflegen
fuͤrzubringen. Sie wuſte/ daß/ wann ſie ſich ergrim-
mete/ oder an den Abſchiedt deß Poliarchus gedaͤch-
te/ jhr Antlitz vnd Augen einen ſolchen Glantz von
ſich geben koͤnten/ daß ein jeder ſie fuͤr raſende hal-
ten wuͤrde. Wie ſie deſſen ſich entſchloß/ ward ſie
gefodert das Opffer zu heyligen. Dann der Koͤ-
nig wartete/ vnd der Heroldt hette bereyt ein Still-
ſchweigen außgeruffen. Sie war vber dieſem An-
ſchlage/ als auff dem ſie beruhen kundte/ etwas lu-
ſtiger worden/ darumb gab ſie zur Antwort: ſie
wolte baldt gehen/ vnd bereytete jhre Sinnen vnd
Tritte zur Comedien welche ſie ſpielen wolte. Der
Koͤnig vnd Lycogenes faſſeten ſchon das Opffer
ein jeglicher auff einer Seiten. Die Herꝛen ſtun-
den vmbher/ vnd hielten jhre vngleiche Zuncygun-
gen vnter einem gleichen Stillſchweigen zu ruͤcke.
Das Volck hatte alle Winckel erfuͤllet/ vnd die
Soldaten kondten den Platz der zur Opfferung
beſtimmet war/ kaum mit dem Schrancken be-
Mſchloſſen
[178]Joh. Barclayens Argenis/
ſchloſſen halten. Aber es war ein Wunderwerck
die Argenis an zuſchawen: So bald ſie auß dem
Tempel gegangen mit vnſtetten vnd ſcheutzlich
herumb fliegenden Augen/ fieng ſie an zu zittern
vnd zu taumeln. Ihre Geſtalt war wuͤtende/ wel-
che die Regung der Goͤtter/ ſo noch im Gemuͤht
nicht gaͤntzlich Grund geſucht/ auff die erſte Ver-
wirꝛung begundte herauß zu ſtoſſen. Meleander
verſtarꝛete ſonderlich/ vnd wuſte nicht was fuͤr ein
Fall/ fuͤr Furien vnd fuͤr Goͤtter ſeine Tochter ruͤh-
reten. Aber ſie/ nach dem ſie eine Weile die Augen
ſehr heßlich verdrehet hatte/ fieng an alſo zu reden:
Warumb fleuchſt du/ o Goͤttin/ vnd verlaͤſſeſt
dieſe heylige Stelle? Meine Pallas iſt wegk: ich
ſehe jhren fliegenden Wagen/ vnd die erzuͤrnete
Goͤttin. Wer macht vns ſo verwegen? ſie fleucht/
weil wir ſie in das Elendt verbannet haben. Was
ſol ich viel Rauchwerck anzuͤnden? Was ſol ich
das Altar mit Blute der Opffer beſprengen? O
Goͤttin/ nimb viel lieber mich mit dir/ vnd trag
mich wo dir hinzu fliegen geliebet. Aber wie? du
draͤweſt vns mit deinen Waffen. Dein Spieß
vnd deine Egide krachen: ich hoͤre das Getuͤm-
mel in der Lufft; ich ſehe das ſchreckliche Anſcha-
wen der blinckenden Geſtirne von dem Himmel.
O Goͤttin/ verſchone ja vnſer; reche ja dich nicht
an vns mit deinen Waffen/ vnd ſchlag mit dei-
nem Donner nicht in dieſe Gegendt! O der Fu-
rien! wo wilder Goͤtter Zorn hinauß? Worzu ha-
ben
[179]Das Erſte Buch.
ben wir Tempel auffgebawet/ worzu den Goͤttern
geopffert/ weil wir jetzt Krieg wider ſie erꝛegen/
vnd ſie von jhren Altaren verjagen? Als ſie dieß
geſaget mit einem Geſichte wie die Prophetinnen
bey Erzehlung jhrer Weißſagung haben/ machte
ſie daß man glauben muſte/ daß ſie eine Goͤttli-
che Bewegung ruͤhrete. Es ſahe ſie ein jeder be-
ſtuͤrtzet an: fuͤrnemlich aber ſtundt Meleander in
Sorgen/ der ſich bekuͤmmerte vber dem was ſie
als eine Propheceyung herfuͤr gebracht; daß Pal-
las nemblich vertrieben worden/ daß die Goͤttin
bey jhrem weichen draͤwete/ vnd letztlich daß man
eine groſſe Vbelthat begangen. Je weniger er die-
ſes verſtunde/ je hefftiger geriethe er in Furchte. Ar-
genis aber gleichſam als ſie die Gewalt deß Geiſtes
triebe/ der in jhrem Hertzen ſolch warſagen erꝛeget/
ließ den Prieſterlichen Schmuck welchen ſie auff
dem Haupte gehabt ligen/ kam zu jhrem Vatter
vnd bate er wolte ſie dieſer Opfferung erlaſſen.
Dann ſie ſchaͤmete ſich wegen deß vngewoͤnlichen
Wuͤtens/ vnd koͤnte das Anſchawen deß Volckes
alſo bald nicht vertragen. Der Koͤnig war beſtuͤrtzet
vber ſo vielen Anzeygungen/ vnd ſtund in Furchten/
daß nicht Lycogenes einen Argwohn auff jhn wuͤrf-
fe/ als hette er ſolche Ebenthewer zu Hinderhaltung
deß Bundes mit Fleiſſe ertichtet. Die Princeſſin
war/ in dem jr Vatter kein Wort ſagete/ entgangen/
vnd hatte ſich mit Begleytung jhrer gewoͤhnlichen
Leibtrabanten wider nach Hofe gemacht. Arſidas/
M ijwelcher
[180]Joh. Barclayens Argenis/
welcher jhr gleichſam auffzuwarten nachgetretten/
nach dem er eyngenommen was ſie dem Poliar-
chus zu entbieten ließ/ gieng ſtracks vom Schloſſe
wider hinunter.

Vnter deſſen erhub ſich ein Gemurmel/ vnd das
Volck fieng darauff faſt zimlich laut an vnter ein-
ander zu reden. Etliche ſagten/ daß die Goͤttin an
dieſem Buͤndnuͤß keinen Gefallen truͤge: andere zo-
gen ſolche Wundergeſchichte auff das kuͤnfftige
Vngluͤck welches Sicilien zuhienge. Eines theiles
wolten die Prieſter ſolten mit dem Opffer eylen/
vnd damit bevorſtehendes Vbel ablehnen. Welche
man vmb Rath nicht fragte/ ſagten jhre Meynung
am aller erſten. Die allgemeine Stimme aber war/
man ſolte den Heroldt deß Heyligthumbs ruffen.
Dann wie die Sicilier in Anſehung jhrer Ankunfft
die Griechiſchen Sitten mehrentheils behalten/ ſo
hat die Nachbarſchafft Italiens jnen viel Gebraͤu-
che angewehnet/ vnd vnter andern alle Ceremonien
ſolcher geiſtlichen Herolde. Meleander derwegen/
damit er die vnterſchiedenen Meynungen befrie-
digte; Es iſt nichts daran gelegen/ fieng er an/ ob die
Sache welche die Menſchen auff guten Glauben
handeln/ durch die Pallas oder den Jupiter beſteti-
get werden. Kompt her jhr Heroldt der Sicilier/ vnd
verꝛichtet die gebuͤrlichen Gebraͤuche der Verbuͤnd-
nuͤſſe. Der Heroldt in einem langen Rocke fieng ei-
ne weitlaͤufftige Beſchwerung an/ darinnen die
eydbruͤchigen verfluchet wordẽ. Nachmals ſchlach-
tete
[181]Das Erſte Buch.
tete man das Opffer/ deſſen Eyngeweyde der Koͤnig
vnd Lycogenes hielten. Als ſie diß verꝛichtet/ giengen
ſie in den Tempel/ ruͤhreten das Altar vnd Kuͤſſen
an/ vnd ſchwuren widerumb den Frieden heylig zu
halten. Nach dieſem wandte ſich das Gepraͤnge auf
die koͤnigliche Burgk zu. Aber weder das Volck gab
ein Zeichen der Frewden von ſich: vnd den Freunden
ſo hierzu Gluͤck wuͤnſchten gieng es auch nicht von
Hertzen. Nichts deſto weniger verbarg doch der Koͤ-
nig ſeinen Vnwillen/ wie jhm dann auch gebuͤhren
wolte; vnd machte ſich ſehr froͤlich/ hielte offentlich
Pancket; den nachfolgenden Tag ſahe er den Co-
medien zu/ welche alle in laͤcherlichen vnd dem ge-
meinen Volck behaͤglichen Sachen beſtunden.
Dann daß man etwas von koͤniglichen vnd wichti-
gen Geſchaͤfften ſpielen ſolte/ war damals nicht ge-
legene Zeit darzu. In wehrenden ſolchen Tagen
enthielten ſich auff deß Koͤniges vnd deß Lycogenes
Warnung beyderſeits Freunde nicht allein von al-
lem Widerwillen/ ſondern es lude je einer den an-
dern/ vnd beſchoͤneten jhr Mißtrawen mit Sicher-
heit vnd Frewden. Argenis auch ſelber/ welche mit
Vorgeben einer Kranckheit jnnen gelegen/ ließ ſich
offentlich anſchawen/ nach dem Arſidas jhr zu-
geſchrieben/ daß er vnd Poliarchus
friſch vnd geſund weren an-
gelanget.

Das Erſte Capitel.

NAchdem Lycogenes den Poli-
archus auß Sicilien gebracht/ hielte
er darfuͤr/ als hette er hierdurch einen
ſtattlichen Sieg wider den Melean-
der erlangt. Weil diſer junger wackerer vnd im rath-
geben verſtaͤndiger Menſch mit ſeiner hohen Natur
deß Koͤniges Theil nicht wenig geholffen/ vnd die
Auffwiegler durch ſeinen Todt/ oder zum wenigſten
durch ſein Abweſen/ boͤſes zuveruͤben beſſern fug be-
kommen. Die Meinung welche man ſeines Todtes
M iiijhalben
[184]Joh. Barclayens Argenis/
halben hatte/ werete nicht lang; ſondern/ es ſey nur
auß bloſſem Verdacht/ oder von denen die hierumb
gewußt/ hergeruͤhrt/ ſo ward nur vnverholen geſagt/
daß jhn Arſidas in einem Schiff gefluͤchtet hette.
Vnd dieſes war deß Lycogenes erſte Laͤſterung wi-
der den Koͤnig; in dem er Leute beſtellte/ welche bey
dem Volck ein Geſchrey außbringen ſolten/ Me-
leandern were weniger zu trawen als einem Koͤnige
zuſtuͤnde. Dann Poliarchus hette auff ſeinen Be-
fehl die Geſandten vmbgebracht/ jhm dem Beklag-
ten heimlich Fuͤrſchub gethan; welcher nun ſicher in
Italien lebte/ vnd vielleicht bereitet were dergleichen
Verbrechen mehr zuveruͤben. Solches ſagte Lyco-
genes mit genugſamer Sittſamkeit/ vnd nur bey de-
nen welche dem Meleander feind waren: aber die an-
dern ſeine Creaturen ſchmaͤheten den Koͤnig vnge-
ſchewet. Dann ſie ſuchten alle gelegenheit zu newem
Auffſtande: es waren auch etliche/ welche dem Me-
leander den Vrſprung ſolcher Empoͤrung zumeſſen
doͤrfften. Aber er nam ſich mit fleiß der Geſtalt ſei-
ner alten Lindigkeit an/ auff daß der Schein der vn-
achtſamkeit/ welcher jhm zuvorhin geſchadt/ an jetzo
ſeine Feinde betriegen moͤchte. So ward auch ſeine
Hertzhafftigkeit/ vber der Boßheit deß Lycogenes/
vnd die Gefahr deß allgemeinen Weſens/ durch die
mannliche Beſtaͤndigkeit der Argenis nicht wenig
entzuͤndet: bey welcher er ſich beklagte/ daß ſie die O-
pfferung verlaſſen/ vnd durch gegebenen Argwohn
den Lycogenes zu newer Auffruhr geleitet; Wann
hierin-
[185]Das Ander Buch.
hierinnen/ gab ſie zur Antwort/ etwas geſuͤndiget iſt
worden/ ſo habt jhr euch vber die Goͤtter allein zube-
klagen. Dieſen jhren gewaltig Antrieb/ Herr/ habe
ich weder außſchlagen noch verbergen koͤnnen. Im
vbrigen ſo verwundern ſich jhrer mehr daß jhr den
Frieden eingegangen ſeid/ als daß ich vnd die Goͤt-
ter vns davon entaͤuſſert haben. Verzeihet meiner
Freyheit zu reden/ welche ewre Guͤtigkeit mir gibet:
vielleicht were es beſſer mit ritterlichen Thaten ein
mal ſterben/ als ſo vielen Schimpff erdulden/ vnd
nur auß Vergunſt eines andern regieren. Der Koͤ-
nig ward vber dem mehr als weiblichen groſſen Ge-
muͤte beweget/ vnd entſchloß ſich hieruͤber den laͤngſt
bey ſich fuͤrgeſetzten Rath ſeines Ernſtes fuͤr die
Handt zu nehmen. Derentwegen befandt er fuͤr noͤ-
tig/ ſein Hofflager zu Epeircte zuhalten/ welche zum
Kriege vnd zur Flucht wol gelegen war/ vnd darein
er ſchon vorlaͤngſt/ vnter dem Schein anderer Not-
wendigkeit/ alles das was zu geſagten beyden Sa-
chen gehoͤrig/ verſchaffet hatte. Epeircte iſt ein Berg
an den Palermiſchen Grentzen/ etliche Meil wegs
im Vmkreiß: deſſen Fuß mit ſcharffen vnd abge-
hawenen Felſen erhaben iſt: Nachmals wann der
Berg mit den vnwegſamen Klippen etwas hoͤher
worden/ ſeyn die ſeiten gemach vnd gemach flaͤcher/
biß man auff die Spitze kompt/ welche ein zimbliche
breitte/ vnd zugleich einen bequemen Huͤgel hat/ der
ſcheinet als ſey er von der Natur ein Schloß darauff
zu bawen gemacht worden. Dieſe Hoͤhe hatten die
M vKoͤnige
[186]Joh. Barclayens Argenis/
Koͤnige befeſtiget: der vbrige Platz wardt von einer
ſchoͤnen Statt/ vnd anderen luſtigen Gebaͤwen ein-
genommen. Auff der ſeiten des Berges gegen der
See zu/ war ein Portjuner den Felſen/ darein aller
Art Schiffe einlauffen moͤchten; weit im Eingan-
ge/ tieff vnd wegen vmbringung deß Gebirges vor
Vngewitter gantz befreyet. Dieſem Hafen lag die
Stadt dermaſſen wol gegen vber/ daß weder den
Schiffen ohne der Innwohner Willen an zu lenck-
en/ noch denen ſo auff den engen Weg/ der vom
Meer auff die Hoͤhe deß Berges gieng/ ſteigen wol-
ten/ fort zukommen moͤglich war. Die andere ſeite
deß Berges belangendt/ ſo gegen der Inſel zu von
der See nicht vmbringet wirdt/ kan man nur auff
zweyen Wegen/ welche gleichsfals ſehr vbel zu ge-
hen ſindt/ hienauff gelangen. Es koͤmpt auch denen
zu Epeircte ſehr zuſtatten/ daß allenthalben wo es
vngebawet iſt fruchtbare vnd feiſte Weide fuͤr das
Vieh waͤchſet. Vber diß machen die Menge der
Brunnen vnd der geſunde Lufft in welchem keine
gifftige Thiere leben koͤnnen/ daß dieſer Ort fuͤr eine
ſonderliche Wolthat der Goͤtter mag gehalten wer-
den. Auff dem Eingange der Straſſen welche von
dem Hafen gieng war der Ceres Bildnuͤß mit jhrem
Krantze von Aehren/ vnd dem Wagen ſampt den ge-
fluͤgelten Schlangen/ welche die hienauff ſteigenden
zur Andacht leitete/ damit ſie die Goͤttinn vnge-
ehret/ vnd den Felſen vnbegruͤſſet nicht lieſſen.

Meleander hatte laͤngſt zuvor im Gebrauch ſich
daſelbſt zuerluſtigen/ gleichſam als ob er ſolches we-
gen Anmutigkeit deß Orts/ vnd auß Liebe zu der
Jagt/ welche er in der Nachbarſchafft haben kundte/
zuthun pflegte. Die Statt war mit ſeinen treweſten
Soldaten beſetzet. Vber diß/ wann ja das Gluͤck zu
ruͤck ſchluͤge/ daß die Gegelegenheit zu fliehen doch
nicht abgeſchnitten wurde/ ſo ließ man vnter aller-
handt ſcheine die Koͤniglichen Galeren in den Port
ſetzen. Man erſahe auch Gelegenheit allen Schatz/
den voriger Zeit Koͤnige geſamblet/ auff die Burgk
zu bringen. Es fandt ſich eine groſſe menge Per-
len/ vnd mancherley Corallenaͤſte/ welche ſie auß der
benachbarten See geholet: item ſehr viel Purpur
auß frembden Laͤndern/ der von langen Zeiten her
der Guͤtigkeit halben den lebendigen Glantz ſeiner
Farben behalten: guͤlden vnd ſilbern Geſchirꝛ/ von
denen kaum etzliche newlich mit ſonderer Kunſt auß-
gearbeitet/ die meiſten aber/ ſo ſchlecht vnd rawe/ we-
gen Ehrerbietung gegen vergangenen Zeiten ſon-
derlich auffgehaben waren. Deß gepraͤgten Geldes
war nicht vbrig viel; weil die Kammer durch Frey-
gebigkeit deß Koͤniges/ welche er erſt nun auß Be-
trachtung kuͤnfftiger Dinge abſtellete/ erſchoͤpffet
worden.

Der Koͤnig eroͤffnete ſeinen Fuͤrſatz niemanden
als der Argenis: daß er naͤmblich geſonnen were/ die
Ehr ſeines Koͤnigreichs zu rechen; vñ den Lycogenes
ſampt ſeinem fuͤrnaͤmſten Anhang/ wañ er ſie vnter
dem
[188]Joh. Barclayens Argenis/
dem Scheine allerhand Angelegenheiten nach Ho-
febringen koͤndte (dann ſie hatten ſich ſchon an vn-
terſchiedene Oerter begeben) fuͤr Gerichte/ vnd zur
Straffe zuziehen. Epeircte ſey hierzu am bequeme-
ſten; als darauß man das vmbliegende Land bezwin-
gen/ vnd das Meer in Gehorſam halten koͤnne. Es
kan wol kommen/ ſagte er/ daß ſolcher Ernſt den an-
dern/ welche auß mißbrauchung meiner Guͤte ſuͤn-
digen/ jren Muth brechen moͤchte. Im fall ſich aber
der Krieg hefftiger entzuͤnden/ vnd der außgang dem
Rahtſchlage nicht zuſagen wirdt/ ſo wil ich das vn-
danckbare Land verlaſſen/ vnd mit euch ſampt dem
Schatze auff Africa zu ſegeln/ da ich Leute genug-
ſam weiß/ die mich Fluͤchtigen werden auff-vnd an-
nem̃en. Vnd auff ſolche weiß werden wir das Gluͤck
beſaͤnfftigen/ ich wegen meines hohen Alters vnd jhr
wegen der Blume ewrer Jugend/ welche ſolche Wi-
derwaͤrtigkeit noch nicht verdienet hat. Wo ſelbiger
vbeler Zuſtandt ſich begeben wirdt/ wil ich bloß den
Eurimedes zu Epeircte laſſen; die er mit den beſten
Soldaten auff das euſſerſte beſchuͤtzen mag. Auff
ſolche weiß/ meine Tochter/ werden wir an Sicilien/
welches voll ſchwereꝛ Verbitterung vnter den Auff-
ruͤhrern ſeyn wird/ wol gerochen werden/ vnd der ge-
meine Poͤfel wirdt nach ablegung deß Irꝛthumbs
mit trawrigen Gedancken erwegen/ wer dieſe ſeynd/
vnd wer wir geweſen. Dann ſie werden ſich wegen
Außtheilung des Lohnes fuͤr jhre Vbelthat in ewig-
keit nicht vergleichen/ vnd nicht alle auff des Lycoge-
nes
[189]Das Ander Buch.
nes ſeiten verbleiben: dann jhrer viel begehren zwar
meiner Gefahr/ aber nicht meines Vntergangs.
So daß bey ſolcher Trennung das eine Theil alle
zeit auff vns wirdt ſehen: Vnd moͤchten wir wol vn-
ſere Zuruͤckkunfft nachmals eben denen zu dancken
haben/ deren Vntrew vns fluͤchtig zu werden verur-
ſacht hette. In deſſen/ Argenis/ begebt jhr euch in
dieſe Feſtung: dann ich befahre mich/ daß wir nicht
eher als wir meinen vns zubeſchuͤtzen/ oder den Feind
anzugreiffen/ moͤchten gezwungen werden. Dieſes
ſeidt beynebenſt erinnert/ daß jhr mit vielem Frawen
Zimmer/ derer Trew jhr nicht vorſichert ſeidt/ Ge-
meinſchafft nicht machet. Es iſt genug/ meine
Tochter/ daß die Maͤnner vns betriegen.