Das Erſte Capitel.

ES eroͤffnet ſich zu dieſer unſerer Zeit (von
welcher man glaubt/ daß es die letzte ſeye)
unter geringen Leuten eine Sucht/ in deren
die Patienten/ wann ſie daran kranck ligen/ und ſo
viel zuſammen geraſpelt und erſchachert haben/ daß
ſie neben ein paar Hellern im Beutel/ ein naͤrꝛiſches
Kleid
[7]Erſtes Buch.
Kleid auff die neue Mode/ mit tauſenderley ſeidenen
Banden/ antragen koͤnnen/ oder ſonſt etwan durch
Gluͤcksfall mannhafft und bekant worden/ gleich
Rittermaͤſſige Herꝛen/ und Adeliche Perſonen von
uhraltem Geſchlecht/ ſeyn wollen; da ſich doch offt
befindet/ daß ihre Vor-Eltern Tagloͤhner/ Karchel-
zieher und Laſttraͤger: ihre Vettern Eſeltreiber: ihre
Bruͤder Buͤttel und Schergen: ihre Schweſtern Hu-
ren: ihre Muͤtter Kupplerin/ oder gar Hexen: und
in Summa/ ihr gantzes Geſchlecht von allen 32.
Anichen her/ alſo beſudelt und befleckt geweſen/ als
deß Zuckerbaſtels Zunfft zu Prag immer ſeyn moͤ-
gen; ja ſie/ dieſe neue Nobiliſten/ ſeynd offt ſelbſt ſo
ſchwartz/ als wann ſie in Guinea geboren und erzogen
waͤren worden.

Solchen naͤrꝛiſchen Leuten nun/ mag ich mich
nicht gleich ſtellen/ ob zwar/ die Warheit zu beken-
nen/ nicht ohn iſt/ daß ich mir offt eingebildet/ ich
muͤſſe ohnfehlbar auch von einem groſſen Herꝛn/
oder wenigſt einem gemeinen Edelmann/ meinen Ur-
ſprung haben/ weil ich von Natur geneigt/ das Jun-
ckern-Handwerck zu treiben/ wann ich nur den Ver-
lag und den Werckzeug darzu haͤtte; Zwar ohnge-
ſchertzt/ mein Herkommen und Aufferziehung laͤſt
ſich noch wol mit eines Fuͤrſten vergleichen/ wann
man nur den groſſen Unterſcheid nicht anſehen wol-
te/ was? Mein Knan (dann alſo nennet man die
Vaͤtter im Speſſert) hatte einen eignen Pallaſt/ ſo
wol als ein anderer/ ja ſo artlich/ dergleichen ein je-
der Koͤnig mit eigenen Haͤnden zu bauen nicht ver-
mag/ ſondern ſolches in Ewigkeit wol unterwegen
laſſen wird; er war mit Laimen gemahlet/ und an
A jvſtatt
[8]Deß Abentheurl. Simpliciſſimi
ſtatt deß unfruchtbaren Schifers/ kalten Bley/ und
roten Kupffers/ mit Stroh bedeckt/ darauff das edel
Getraid waͤchſt; und damit er/ mein Knan/ mit ſei-
nem Adel und Reichthum recht prangen moͤchte/ ließ
er die Mauer umb ſein Schloß nicht mit Mauerſtei-
nen/ die man am Weg findet/ oder an unfruchtbaren
Orten auß der Erden graͤbt/ viel weniger mit lieder-
lichen gebachenen Steinen/ die in geringer Zeit ver-
fertigt und gebraͤndt werden koͤnnen/ wie andere groſ-
ſe Herꝛen zu thun pflegen/ aufffuͤhren; ſondern er
nam Eichenholtz darzu welcher nutzliche edle Baum/
als worauff Bratwuͤrfte und fette Schuncken wach-
ſen/ biß zu ſeinem vollſtaͤndigen Alter uͤber 100. Jahr
erfordert: Wo iſt ein Monarch/ der ihm dergleichen
nachthut? Seine Zimmer/ Saͤaͤl und Gemaͤcher
hatte er inwendig vom Rauch gantz erſchwartzen laſ-
ſen/ nur darumb/ dieweil diß die beſtaͤndigſte Farb
von der Welt iſt/ und dergleichen Gemaͤhld biß zu
ſeiner Perfection mehr Zeit brauchet/ als ein kuͤnſtli-
cher Mahler zu ſeinen trefflichſten Kunſtſtuͤcken erfor-
dert; Die Tapezereyen waren das zaͤrteſte Geweb
auff dem gantzen Erdboden/ dann die jenige machte
uns ſolche/ die ſich vor Alters vermaß/ mit der Mi-
nerva ſelbſt umb die Wett zu ſpinnen; Seine Fenſter
waren keiner anderer Urſachen halber dem Sandt
Nitglaß gewidmet/ als darumb/ dieweil er wuſte/
daß ein ſolches vom Hanff oder Flachsſamen an zu
rechnen/ biß es zu ſeiner vollkommenen Verfertigung
gelangt/ weit mehrere Zeit und Arbeit koſtet/ als das
beſte und durchſichtigſte Glas von Muran/ dann
ſein Stand macht ihm ein Belieben zu glauben/ daß
alles das jenige/ was durch viel Muͤhe zu wegen ge-
bracht
[9]Erſtes Buch.
bracht wuͤrde/ auch ſchaͤtzbar/ und deſto koͤſtlicher
ſey/ was aber koͤſtlich ſeye/ das ſeye auch dem Adel
am anſtaͤndigſten; An ſtatt der Pagen/ Laqueyen
und Stallknecht/ hatte er Schaf/ Boͤcke und Saͤu/
jedes fein ordenlich in ſeine natuͤrliche Liberey geklei-
det/ welche mir auch offt auff der Waid auffgewar-
tet/ biß ich ſie heim getrieben; Die Ruſt- oder Har-
niſch-Kammer war mit Pfluͤgen/ Kaͤrſten/ Aexten/
Hauen/ Schaufeln/ Miſt- und Heugabeln genugſam
verſehen/ mit welchen Waffen er ſich taͤglich uͤbet;
dann hacken und reuthen war ſeine diſciplina milita-
ris, wie bey den alten Roͤmern zu Friedens-Zeiten/
Ochſen anſpannen/ war ſein Hauptmannſchafftli-
ches Commando, Miſt außfuͤhren/ ſein Fortifica-
tion-weſen/ und Ackern ſein Feldzug/ Stall-außmi-
ſten aber/ ſein Adeliche Kurtzweil und Turnierſpiel;
hiermit beſtritte er die gantze Weltkugel/ ſo weit er
reichen konte/ und jagte ihr damit alle Ernd ein rei-
che Beut ab. Dieſes alles ſetze ich hindan/ und uͤber-
hebe mich deſſen gantz nicht/ damit niemand Urſach
habe/ mich mit andern meines gleichen neuen Nobi-
liſten außzulachen/ dann ich ſchaͤtze mich nicht beſſer/
als mein Knan war/ welcher dieſe ſeine Wohnung
an einem ſehr luſtigen Ort/ nemlich im Speſſert li-
gen hatte/ allwo die Woͤlff einander gute Nacht ge-
ben. Daß ich aber nichts außfuͤhrliches von meines
Knans Geſchlecht/ Stammen und Nahmen vor diß-
mal docirt/ beſchibet umb geliebter Kuͤrtze willen/
vornemlich/ weil es ohne das allhier umb keine Ade-
liche Stifftung zu thun iſt/ da ich ſoll auff ſchwoͤren;
genug iſts/ wann man weiß/ daß ich im Speſſert ge-
boren bin.

Gleich wie nun aber meines Knans Haußweſen
ſehr Adelich vermerckt wird/ alſo kan ein jeder Ver-
ſtaͤndiger auch leichtlich ſchlieſſen/ daß meine Auff-
erziehung derſelben gemaͤß und aͤhnlich geweſen; und
wer ſolches davor haͤlt/ findet ſich auch nicht betro-
gen/ dann in meinem zehen-jaͤhrigen Alter/ hatte ich
ſchon die principia in obgemeldten meines Knans
Adelichen Exercitien begriffen/ aber der Studien hal-
ber konte ich neben dem beruͤhmten Ampliſtidi hin paſ-
ſiren/ von welchem Suidas meldet/ daß er nicht uͤber
fuͤnffe zehlen konte; dann mein Knan hatte vielleicht
einen viel zu hohen Geiſt/ und folgte dahero dem ge-
woͤhnlichen Gebrauch jetziger Zeit/ in welcher viel
vornehme Leut mit ſtudiren/ oder wie ſie es nennen/
mit Schulpoſſen ſich nicht viel bekuͤmmern/ weil ſie
ihre Leut haben/ der Plackſcheiſſerey abzuwarten:
Sonſt war ich ein trefflicher Muſicus auff der Sack-
pfeiffen/ mit deren ich ſchoͤne Jalemi-Geſaͤng machen
konte: Aber die Theologiam anbelangend/ laß ich
mich nicht bereden/ daß einer meines Alters damals
in der gantzen Chriſtenwelt geweſt ſeye/ der mir da-
rinn haͤtte gleichen moͤgen/ dann ich kennete weder
GOtt noch Menſchen/ weder Himmel noch Hoͤll/
weder Engel noch Teuffel/ und wuſte weder Gutes
noch Boͤſes zu unterſcheiden: Dahero ohnſchwer zu
gedencken/ daß ich vermittelſt ſolcher Theologiæ wie
unſere erſte Eltern im Paradis gelebt/ die in ihrer
Unſchuld von Kranckheit/ Todt und Sterben/ weni-
ger von der Aufferſtehung nichts gewuſt/ O edels Le-
ben! (du moͤgſt wol Eſelsleben ſagen) in welchem
man ſich auch nichts umb die Medicin bekuͤmmert.
Eben auff dieſen Schlag kan man mein Erfahrenheit
in
[11]Erſtes Buch.
in dem Studio legum und allen andern Kuͤnſten und
Wiſſenſchafften/ ſo viel in der Welt ſeyn/ auch ver-
ſiehen; Ja ich war ſo perfect und vollkommen in der
Unwiſſenheit/ daß mir unmuͤglich war zu wiſſen/ daß
ich ſo gar nichts wuſte. Jch ſage noch einmal/ O ed-
les Leben/ das ich damals fuͤhrete! Aber mein Knan
wolte mich ſolche Gluͤckſeeligkeit nicht laͤnger genieſ-
ſen laſſen/ ſondern ſchaͤtzte billich ſeyn/ daß ich mei-
ner Adelichen Geburt gemaͤß/ auch Adelich thun
und leben ſolte/ derowegen fienge er an/ mich zu hoͤ-
hern Dingen anzuziehen/ und mir ſchwerere Lectio-
nes auffzugeben.

DasII.Capitel.

ER begabte mich mit der herꝛlichſten Dignitaͤt/ ſo
ſich nicht allein bey ſeiner Hofhaltung/ ſondern
auch in der gantzen Welt befande/ nemlich mit dem
Hirten-Ampt: Er vertraut mir erſtlich ſeine Saͤu/
zweytens ſeine Ziegen/ und zuletzt ſeine gantze Heerd
Schaf/ daß ich ſelbige huͤten/ waiden/ und vermittelſt
meiner Sackpfeiffen (welcher Klang ohne das/ wie
Strabo ſchreibet/ die Schaf und Laͤmmer in Arabia
fett macht) vor dem Wolff beſchuͤtzen ſolte; damal
gleichete ich wol dem David/ auſſer daß jener/ an ſtatt
der Sackpfeiffe/ nur eine Harpffe hatte/ welches kein
ſchlimmer Anfang/ ſondern ein gut Omen fuͤr mich
war/ daß ich noch mit der Zeit/ wann ich anders das
Gluͤck darzu haͤtte/ ein Weltberuͤhmter Mann wer-
den ſolte; dann von Anbegin der Welt ſeynd jeweils
hohe Perſonen Hirten geweſen/ wie wir dann vom
Abel/ Abraham/ Jſaac/ Jacob/ ſeinen Soͤhnen/ und
Moyſe ſelbſt/ in H. Schrifft leſen/ welcher zuvor ſei-
nes Schwehers Schaf huͤten muſte/ ehe er Heer-
A vjfuͤhrer
[12]Deß Abentheurl. Simpliciſſimi
fuͤhrer und Legislator uͤber 600000. Mann in Jſrael
ward. Ja/ moͤchte mir jemand vorwerffen/ das wa-
ren heilige Gott[-]ergebene Menſchen/ und keine Speſ-
ferter Baurenbuben/ die von GOtt nichts wuſten;
Jch muß geſtehen/ aber was hat meine damalige Un-
ſchuld deſſen zu entgelten? bey den alten Heyden
fande man ſo wol ſolche Exempla, als bey dem auß-
erwehlten Volck Gottes: Unter den Roͤmern ſeynd
vornehme Geſchlechter geweſen/ ſo ſich ohn Zweiffel
Bubulcos, Statilios, Pomponios, Vitulos, Vitellios,
Annios, Capros, und dergleichen genennet/ weil ſie
mit dergleichen Viehe umbgangen/ und ſolches auch
vielleicht gehuͤtet: Zwar Romulus und Remus ſeyn
ſelbſt Hirten geweſt; Spartacus, vor welchem ſich die
gantze Roͤmiſche Macht ſo hoch entſetzet/ war ein
Hirt. Was? Hirten ſind geweſen (wie Lucianus
in ſeinem Dialogo Helenæ bezeuget) Paris, Priami
deß Koͤnigs Sohn/ und Anchiſes, deß Trojaniſchen
Fuͤrſten Æneæ Vatter: Der ſchoͤne Eudimion, umb
welchen die keuſche Luna ſelbſt gebulet/ war auch ein
Hirt: Jtem der greuliche Polyphemus: ja die Goͤt-
ter ſelbſt (wie Phornutus ſagt) haben ſich dieſer Pro-
feſſion nicht geſchaͤmt/ Apollo huͤtet Admeti deß Koͤ-
nigs in Theſſalia Kuͤhe/ Mercurius, ſein Sohn
Daphnis, Pan und Protheus, waren Ertzhirten/ da-
hero ſeynd ſie noch bey den naͤrꝛiſchen Poëien der Hir-
ten Patronen; Meſa, Koͤnig in Moab/ iſt/ wie man
im zweyten Buch der Koͤnig lieſet/ ein Hirt geweſen/
Cyrus der gewaltige Koͤnig Perſarum, iſt nicht allein
von Mithridate, einem Hirten/ erzogen worden/ ſon-
dern hat auch ſelbſt gehuͤtet: Gygas war ein Hirt/
und hernach durch Krafft eines Rings ein Koͤnig:
Jßmael
[13]Erſtes Buch.
Jßmael Sophj ein Perſiſcher Koͤnig/ hat in ſeiner
Jugend ebenmaͤſſig das Viehe gehuͤtet/ alſo daß Phi-
lo der Jud in vita Moyſis trefflich wol von der Sach
redet/ wann er ſagt: Das Hirten-Ampt ſey ein Vor-
bereitung und Anfang zum Regiment; dann gleich
wie die Bellicoſa und Martialia Ingenia erſtlich auff
der Jagd geuͤbt und angefuͤhrt werden/ alſo ſoll man
auch die jenige/ ſo zum Regiment gezogen ſollen wer-
den/ erſtlich in dem lieblichen und freundlichen Hir-
ten-Ampt anleiten. Welches alles mein Knan wol
verſtanden haben muß/ und mir noch biß auff dieſe
Stund keine geringe Hoffnung zu kuͤnfftiger Herꝛ-
lichkeit macht.

Aber indeſſen wieder zu meiner Heerd zu kommen/
ſo wiſſet/ daß ich den Wolff eben ſo wenig kennet/
als meine eigene Unwiſſenheit ſelbſten; derowegen
war mein Knan mit ſeiner Inſtruction deſto fleiſſiger:
Er ſagte/ Bub biß fleiſſig/ loß di Schoff nit ze weit
vunananger laffen/ un ſpill wack er uff der Sackpfeif-
fa/ daß der Wolff nit kom/ und Schada dau/ dann
he yß a ſolcher feyerboinigter Schelm und Dieb/ der
Menſcha und Vieha friſſt/ un wan dau awer farlaͤſſj
biſſt/ ſo will eich dir da Buckel arauma. Jch ant-
wortet mit gleicher Holdſeeligkeit: Knano/ ſag
mir aa/ wey der Wolff ſeyhet? Eich huun
noch kan Wolff geſien: Ah dau grober Eſel-
kopp/replicirt er hinwieder/ dau bleiweſt dein
Lewelang a Narꝛ/ geith meich wunner/ was
auß dir wera wird/ bißt ſchun ſu a gruſſer
Doͤlpel/ un waiſt noch neit/ was der Wolff
fuͤr a fey erfeuſſiger Schelm iß. Er gab mir
noch mehr Unterweiſungen/ und wurde zuletzt un-
willig
[14]Deß Abentheurl. Simpliciſſimi
willig/ maſſen er mit einem Gebruͤmmel fort gieng/
weil er ſich beduncken lieſſe/ mein grober Verſtand
koͤnte ſeine ſubtile Unterweiſungen nicht faſſen.

DasIII.Capitel.

DA fienge ich an mit meiner Sackpfeiffen ſo gut
Geſchirꝛ zu machen/ daß man den Krotten im
Krautgarten damit haͤtte vergeben moͤgen/ alſo daß
ich vor dem Wolff/ welcher mir ſtetig im Sinn lag/
mich ſicher genug zu ſeyn bedunckte; und weilen ich
mich meiner Meuͤder eriñert (alſo heiſſen die Muͤt-
ter im Speſſert und am Vogelsberg) daß ſie offt ge-
ſagt/ ſie beſorge/ die Huͤner wuͤrden dermaleins von
meinem Geſang ſterben/ als beliebte mir auch zu fin-
gen/ damit das Remedium wider den Wolff deſto
kraͤfftiger waͤre/ und zwar ein ſolch Lied/ das ich von
meiner Meuͤder ſelbſt gelernet hatte.

Biß hieher/ und nicht weiter/ kam ich mit meinem
Geſang/ dann ich ward gleichſam in einem Augen-
blick
[16]Deß Abentheurl. Simpliciſſimi
blick von einem Trouppen Couraſſirer ſampt meiner
Heerd Schaf umbgeben/ welche im groſſen Wald
verirꝛet geweſen/ und durch meine Muſic und Hirten-
Geſchrey wieder zu recht gebracht worden waren.

Hoho/ gedachte ich/ diß ſeynd die rechte Kaͤutz!
diß ſeynd die vierdeinigte Schelmen und Dieb/ dar-
von dir dein Knan ſagte/ dann ich ſahe anfaͤnglich
Roß und Mann (wie hiebevor die Americaner die
Spaniſche Cavallerey) vor ein einzige Creatur an/
und vermeynte nicht anders/ als es muͤſten Woͤlffe
ſeyn/ wolte derowegen dieſen ſchroͤcklichen Centauris
den Hundsſprung weiſen/ und ſie wieder abſchaffen;
Jch hatte aber zu ſolchem End meine Sackpfeiffe
kaum auffgeblaſen/ da erdappte mich einer auß ihnen
beym Fluͤgel/ und ſchlendert mich ſo ungeſtuͤmm auff
ein laͤer Baurenpferd/ ſo ſie neben andern mehr auch
erbeutet hatten/ daß ich auff der andern Seiten wie-
der herab auff meine liebe Sackpfeiffe fallen muſte/
welche ſo erbaͤrmlich anfieng zu ſchreyen/ als wann
ſie alle Welt zu Barmhertzigkeit bewegen haͤtte wol-
len: aber es halff nichts/ wiewol ſie den letzten Athem
nicht ſparete/ mein Ungefaͤll zu beklagen/ ich muſte
einmal wieder zu Pferd/ GOtt geb was meine Sack-
pfeiffe ſang oder ſagte; und was mich zum meiſten
verdroß/ war dieſes/ daß die Reuter vorgaben/ ich
haͤtte der Sackpfeiff im fallen wehe gethan/ darumb
ſie dann ſo Ketzerlich geſchryen haͤtte; Alſo gieng mei-
ne Mehr mit mir dahin/ in einem ſtetigen Trab/ wie
das Primum mobile, biß in meines Knans Hof.
Wunderſeltzame Dauben ſtiegen mir damals ins
Hirn/ dann ich bildete mir ein/ weil ich auff einem
ſolchen Thier ſaͤſſe/ dergleichen ich niemals geſehen
hatte
[17]Erſtes Buch.
hatte/ ſo wuͤrde ich auch in einen eiſernen Kerl ver-
aͤndert werden/ weil aber ſolche Verwandlung nicht
folgte/ kamen mir andere Grillen in Kopff/ ich ge-
dachte/ dieſe fremde Dinger waͤren nur zu dem Ende
da/ mir die Schafe helffen heimzutreiben/ ſintemal
keiner von ihnen keines hinweg fraß/ ſondern alle ſo
einhellig/ und zwar deß geraden Wegs/ meines
Knans Hof zu-eyleten: Derowegen ſahe ich mich
fleiſſig nach meinem Knan umb/ ob er und mein Meuͤ-
der uns nicht bald entgegen gehen/ und uns willkom̃
ſeyn heiſſen wolten; aber vergebens/ er und meine
Meuͤder/ ſampt unſerm Urſele/ welches meines Knans
einige Tochter war/ hatten die Hinderthuͤr troffen/
und wolten dieſer Gaͤſt nicht erwarten.

DasIV.Capitel.

WJewol ich nicht bin geſinnet geweſen/ den Fried-
liebenden Leſer/ mit dieſen Reutern/ in meines
Knans Hauß und Hof zu fuͤhren/ weil es ſchlim ge-
nug darinn hergehen wird: So erfordert jedoch die
Folge meiner Hiſtori/ daß ich der lieben poſteritaͤt
hinderlaſſe/ was vor Grauſamkeiten in dieſem un-
ſerm Teutſchen Krieg hin und wieder veruͤbet wor-
den/ zumalen mit meinem eigenen Exempel zu bezeu-
gen/ daß alle ſolche Ubel von der Guͤte deß Allerhoͤch-
ſten/ zu unſerm Nutz/ offt notwendig haben verhaͤngt
werden muſſen: Dann lieber Leſer/ wer haͤtte mir
geſagt/ daß ein GOtt im Himmel waͤre/ wann keine
Krieger meines Knans Hauß zernichtet/ und mich
durch ſolche Fahung unter die Leut gezwungen haͤt-
ten/ von denen ich genugſamen Bericht empfangen?
Kurtz zuvor konte ich nichts anders wiſſen noch mir
einbilden/ als daß mein Knan/ Meuͤder/ ich und das
uͤbrige
[18]Deß Abentheurl. Simpliciſſimi
uͤbrige Haußgeſind/ allein auff Erden ſeye/ weil mir
ſonſt kein Menſch/ noch einige andere menſchliche
Wohnung bekant war/ als die jenige/ darinn ich
taͤglich auß und ein gieng: Aber bald hernach erfuhr
ich die Herkunfft der Menſchen in dieſe Welt/ und
daß ſie wieder darauß muͤſten; ich war nur mit der
Geſtalt ein Menſch/ und mit dem Nahmen ein Chri-
ſtenkind/ im uͤbrigen aber nur ein Beſtia! Aber der
Allerhoͤchſte ſahe meine Unſchuld mit barmhertzigen
Augen an/ und wolte mich beydes zu ſeiner und mei-
ner Erkantnus bringen: Und wiewol er tauſender-
ley Weg hierzu hatte/ wolte er ſich doch ohn zweiffel
nur deß jenigen bedienen/ in welchem mein Knan und
Meuͤder/ andern zum Exempel/ wegen ihrer lieder-
lichen Aufferziehung geſtrafft wuͤrden.

Das erſte/ das dieſe Reuter thaͤten/ war/ daß ſie
ihre Pferd einſtelleten/ hernach hatte jeglicher ſeine
ſonderbare Arbeit zu verꝛichten/ deren jede lauter
Untergang und Verderben anzeigte/ dann ob zwar
ẽtliche anfiengen zu metzgen/ zu ſieden und zu braten/
daß es ſahe/ als ſolte ein luſtig Panquet gehalten
werden/ ſo waren hingegen andere/ die durch-ſtuͤrm-
ten das Hauß unden und oben/ ja das heimlich Ge-
mach war nicht ſicher/ gleichſam ob waͤre das guͤl-
den Fell von Colchis darinnen verborgen; Andere
machten von Tuch/ Kleidungen und allerley Hauß-
rath/ groſſe Paͤck zuſammen/ als ob ſie irgends ein
Krempelmarckt anrichten wolten/ was ſie aber nicht
mit zu nehmen gedachten/ wurde zerſchlagen/ etliche
durchſtachen Heu und Stroh mit ihren Degen/ als
ob ſie nicht Schaf und Schwein genug zu ſtechen
gehabt haͤtten/ etliche ſchuͤtteten die Federn auß den
Betten
[19]Erſtes Buch.
Betten/ und fuͤlleten hingegen Speck/ andere duͤrꝛ
Fleiſch und ſonſt Geraͤth hinein/ als ob alsdann beſ-
ſer darauff zu ſchlaffen geweſt waͤre; Andere ſchlu-
gen Ofen und Fenſter ein/ gleichſam als haͤtten ſie
ein ewigen Sommer zu verkuͤndigen/ Kupffer und
Zinnengeſchirꝛ ſchlugen ſie zuſammen/ und packten
die gebogene und verderbte Stuck ein/ Bettladen/
Tiſch/ Stuͤl und Baͤnck verbrannten ſie/ da doch viel
Claffter duͤrꝛ Holtz im Hof lag/ Haͤfen und Schuͤſ-
ſeln muſte endlich alles entzwey/ entweder weil ſie
lieber Gebraten aſſen/ oder weil ſie bedacht waren/
nur ein einzige Mahlzeit allda zu halten/ unſer Magd
ward im Stall dermaſſen tractirt/ daß ſie nicht mehr
darauß gehen konte/ welches zwar eine Schand iſt
zu melden! den Knecht legten ſie gebunden auff die
Erd/ ſtecketen ihm ein Sperꝛholtz ins Maul/ und
ſchuͤtteten ihm einen Melckkuͤbel voll garſtig Miſtla-
chen-waſſer in Leib/ das nenneten ſie ein Schwedi-
ſchen Trunck/ wordurch ſie ihn zwungen/ eine Par-
they anderwerts zu fuͤhren/ allda ſie Menſchen und
Viehe hinweg namen/ und in unſern Hof brachten/
unter welchen mein Knan/ mein Meuͤder/ und unſer
Urſele auch waren.

Da fieng man erſt an/ die Stein von den Piſtolen/
und hingegen an deren ſtatt der Bauren Daumen auf-
zuſchrauben/ und die arme Schelmen ſo zufoltern/
als wann man haͤtt Hexen brennen wollen/ maſſen
ſie auch einen von den gefangenen Bauren bereits in
Bachofen ſteckten/ und mit Feuer hinder ihm her
warn/ ohnangeſehen er noch nichts bekennt hatte; ei-
nem andern machten ſie ein Sail umb den Kopff/ und
raittelten es mit einem Bengel zuſammen/ daß ihm
das
[20]Deß Abentheurl. Simpliciſſimi
das Blut zu Mund/ Nas und Ohren herauß ſprang.
Jn Summa/ es hatte jeder ſein eigene invention, die
Bauren zu peinigen/ und alſo auch jeder Bauer ſeine
ſonderbare Marter: Allein mein Knan war meinem
damaligen Beduncken nach der gluͤckſeeligſte/ weil
er mit lachendem Mund bekennete/ was andere mit
Schmertzen und jaͤmmerlicher Weheklag ſagen mu-
ſten/ und ſolche Ehre widerfuhr ihm ohne Zweiffel
darumb/ weil er der Haußvatter war/ dann ſie ſetzten
ihn zu einem Feuer/ banden ihn/ daß er weder Haͤnd
noch Fuͤß regen konte/ und rieben ſeine Fußſolen mit
angefeuchtem Saltz/ welches ihm unſer alte Geiß
wieder ablecken/ und dardurch alſo kuͤtzeln muſte/ daß
er vor lachen haͤtte zerberſten moͤgen; das kam ſo art-
lich/ daß ich Geſellſchafft halber/ oder weil ichs nicht
beſſer verſtunde/ von Hertzen mit lachen muſte: Jn
ſolchem Gelaͤchter bekante er ſeine Schuldigkeit/
und oͤffnet den verborgenen Schatz/ welcher von
Gold/ Perlen und Cleinodien viel reicher war/ als
man hinder Bauren haͤtte ſuchen moͤgen. Von den
gefangenen Weibern/ Maͤgden und Toͤchtern/ weiß
ich ſonderlich nichts zu ſagen/ weil mich die Krieger
nicht zuſehen lieſſen/ wie ſie mit ihnen umbgiengen:
Das weiß ich noch wol/ daß man theils hin und wi-
der in den Winckeln erbaͤrmlich ſchreyen hoͤrte/ ſchaͤ-
tze wol/ es ſey meiner Meuͤder und unſerm Urſele nit
beſſer gangen/ als den andern. Mitten in dieſem
Elend wendet ich Braten/ und halff Nachmittag die
Pferd traͤncken/ durch welches Mittel ich zu unſerer
Magd in Stall kam/ welche wunderwercklich zer-
ſtrobelt außſahe/ ich kennete ſie nicht/ ſie aber ſprach
zu mir mit kraͤncklichter Stimm: O Bub lauff weg/
ſonſt
[21]Erſtes Buch.
ſonſt werden dich die Reuter mit nemmen/ guck daß
du davon kommſt/ du ſiheſt wol/ wie es ſo uͤbel: meh-
rers konte ſie nicht ſagen.

DasV.Capitel.

DA machte ich gleich den Anfang/ meinen un-
gluͤcklichen Zuſtand/ den ich vor Augen ſahe/
zu betrachten/ und zu gedencken/ wie ich mich foͤrder-
lichſt außdrehen moͤchte; wohin aber? darzu war
mein Verſtand viel zu gering/ einen Vorſchlag zu
thun/ doch hat es mir ſo weit gelungen/ daß ich gegen
Abend in Wald bin entſprungen. Wo nun aber
weiters hinauß? ſintemahl mir die Wege und der
Wald ſo wenig bekant waren/ als die Straß durch
das gefrorne Meer/ hinder Nova Zembla, biß gen
China hinein: die ſtockfinſtere Nacht bedeckte mich
zwar zu meiner Verſicherung/ jedoch bedauchte ſie
meinen finſtern Verſtand nicht finſter genug/ dahero
verbarg ich mich in ein dickes Geſtraͤuch/ da ich ſo
wol das Geſchrey der getrillten Bauren/ als das Ge-
ſang der Nachtigallen hoͤren konte/ welche Voͤgelein
ſie die Bauren/ von welchen man theils auch Voͤgel
zu nennen pflegt/ nicht angeſehen hatten/ mit ihnen
Mitleiden zu tragen/ oder ihres Ungluͤcks halber das
liebliche Geſang einzuſtellen/ darumb legte ich mich
auch ohn alle Sorge auff ein Ohr/ und entſchlieff.
Als aber der Morgenſtern im Oſten herfuͤr flackerte/
ſahe ich meines Knans Hauß in voller Flamme ſte-
hen/ aber niemand der zu leſchen begehrte; ich begab
mich herfuͤr/ in Hoffnung/ jemand von meinem Knan
anzutreffen/ wurde aber gleich von fuͤnff Reutern er-
blickt/ und angeſchryen: Junge/ kom heroͤfer/
oder ſchall my de Tuͤfel halen/ ick ſchiedte
dick/
[22]Deß Abentheurl. Simpliciſſimi
dick/ dat di de Dampff zum Hals utgaht;
Jch hingegen blieb gantz ſtockſtill ſtehen/ und hatte
das Maul offen/ weil ich nicht wuſte/ was der Reu-
ter wolte oder meynte/ und in dem ich ſie ſo anſahe/
wie ein Katz ein neu Scheurthor/ ſie aber wegen ei-
nes Moraſtes nicht zu mir kommen konten/ welches
ſie ohn Zweiffel rechtſchaffen vexierte/ loͤſete der eine
ſeinen Carbiner auff mich/ von welchem urploͤtzli-
chen Feuer und unverſehnlichem Klapff/ den mir
Echo durch vielfaͤltige Verdoppelung grauſamer
machte/ ich dermaſſen erſchreckt ward/ weil ich der-
gleichen niemals gehoͤret oder geſehen hatte/ daß ich
alſobald zur Erden niderfiele/ ich regete vor Angſt
keine Ader mehr/ und wiewol die Reuter ihres Wegs
fort ritten/ und mich ohn Zweiffel vor todt ligen lieſ-
ſen/ ſo hatte ich jedoch denſelbigen gantzen Tag das
Hertz nicht/ mich auffzurichten; Als mich aber die
Nacht wieder ergriffe/ ſtunde ich auff/ und wanderte
ſo lang im Wald fort/ biß ich von fern einen faulen
Baum ſchimmern ſahe/ welcher mir ein neue Forcht
einjagte/ kehrete derowegen Sporenſtreichs wieder
umb/ und gieng ſo lang/ biß ich wieder einen andern
dergleichen Baum erblickte/ von dem ich mich gleich-
falls wieder fort machte/ und auff dieſe Weiſe die
Nacht mit hin und wieder rennen/ von einem faulen
Baum zum andern/ vertriebe/ zuletzt kam mir der
liebe Tag zu Huͤlff/ welcher den Baͤumen gebotte/
mich in ſeiner Gegenwart ohnbetruͤbt zu laſſen/ aber
hiermit war mir noch nichts geholffen/ dann mein
Hertz ſieckte voll Angſt und Forcht/ die Schenckel
voll Muͤdigkeit/ der laͤere Magen voll Hunger/ das
Maul voll Durſt/ das Hirn voll naͤrꝛiſcher Einbil-
dung
[23]Erſtes Buch.
dung/ und die Augen voller Schlaff: Jch gieng dan-
noch fuͤrter/ wuſte aber nicht wohin/ je weiter ich
aber gieng/ je tieffer ich von den Leuten hinweg in
Wald kam: Damals ſtunde ich auß/ und empfande
(jedoch gantz unvermerckt) die Wuͤrckung deß Un-
verſtands und der Unwiſſenheit/ wann ein unver-
nuͤnfftig Thier an meiner Stell geweſen waͤre/ ſo
haͤtte es beſſer gewuſt/ was es zu ſeiner Erhaltung
haͤtte thun ſollen/ als ich/ doch war ich noch ſo witzig/
als mich abermal die Nacht ereylte/ daß ich in einen
holen Baum kroche/ mein Nachtlaͤger darinnen zu
halten.

DasVI.Capitel.

KAum hatte ich mich zum Schlaff accommodiret/
da hoͤrete ich folgende Stimm: O groſſe Liebe/
gegen uns und anckbarn Menſchen! Ach mein eini-
ger Troſt! mein Hoffnung/ mein Reichthum/ mein
GOtt! und ſo dergleichen mehr/ das ich nicht alles
mercken noch verſtehen koͤnnen.

Dieſes waren wol Wort/ die einen Chriſten men-
ſchen/ der ſich in einem ſolchen Stand/ wie ich mich
dazumal befunden/ billich auffmuntern/ troͤſten und
erfreuen haͤtten ſollen: Aber/ O Einfalt und Unwiſ-
ſenheit! es waren mir nur Boͤhmiſche Doͤrffer/ und
alles ein gantz unverſtaͤndliche Sprach/ auß deren
ich nicht allein nichts faſſen konte/ ſondern auch ein
ſolche/ vor deren Selzamkeit ich mich entſetzte; da
ich aber hoͤrete/ daß deſſen/ der ſie redete/ Hunger und
Durſt geſtillt werden ſolte/ riethe mir mein ohner-
[tr]aͤglicher Hunger/ mich auch zu Gaſt zu laden/ de-
[r]owegen faſſte ich das Hertz/ wieder auß meinem
holen Baum zu gehen/ und mich der gehoͤrten Stim̃
Bzu
[24]Deß Abentheurl. Simpliciſſimi
zu naͤhern/ da wurde ich eines groſſen Manns ge-
wahr/ in langen ſchwartzgrauen Haaren/ die ihm
gantz verworꝛen auff den Achſeln herumb lagen/ er
hatte einen wilden Bart/ faſt formirt wie ein Schwei-
tzer-Kaͤß/ ſein Angeſicht war zwar bleich-gelb und
mager/ aber doch zimlich lieblich/ und ſein langer
Rock mit mehr als 1000. Stückern/ von allerhand
Tuch uͤberflickt und auffeinander geſetzt/ umb Hals
und Leib hatte er ein ſchwere eiſerne Ketten gewunden
wie S. Wilhelmus, und ſahe ſonſt in meinen Augen
ſo ſcheußlich und foͤrchterlich auß/ daß ich anfienge
zu zittern/ wie ein naſſer Hund/ was aber meine Angſt
mehret/ war/ daß er ein Crucifix ungefaͤhr 6. Schuh
lang/ an ſeine Bruſt druckte/ und weil ich ihn nicht
kennete/ konte ich nichts anders erſinnen/ als dieſer
alte Greiß muͤſte ohn Zweiffel der Wolff ſeyn/ da-
von mir mein Knan kurtz zuvor geſagt hatte: Jn ſol-
cher Angſt wiſchte ich mit meiner Sackpfeiff herfuͤr/
welche ich als meinen einigen Schatz noch vor den
Reutern ſalvirt hatte; ich bließ zu/ ſtimmte an/ und
lieſſe mich gewaltig hoͤren/ dieſen greulichen Wolff
zu vertreiben/ uͤber welcher gehlingen und ohnge-
woͤhnlichen Muſic, an einem ſo wilden Ort/ der Ein-
ſidel anfaͤnglich nicht wenig ſtutzte/ ohn Zweiffel ver-
meynende/ es ſeye etwan ein teuffliſch Geſpenſt hin
kommen/ ihne/ wie etwan dem groſſen Anthonio wi-
derfahren/ zu tribuliren/ und ſeine Andacht zu zerſtoͤ-
ren: So bald er ſich aber wieder erholete/ ſpottet er
meiner/ als ſeines Verſuchers im holen Baum/ wo
hinein ich mich wieder retirirt hatte/ ja er war ſo ge-
troſt/ daß er gegen mir gieng/ den Feind deß menſch-
lichen Geſchlechts genugſam außzuhoͤhnen; Ha/
ſagte
[25]Erſtes Buch.
ſagte er/ du biſt ein Geſell darzu/ die Heiligen ohne
goͤttliche Verhaͤngnus/ ꝛc. mehrers habe ich nicht
verſtanden/ dann ſeine Naͤherung ein ſolch Grauſen
und Schrecken in mir erꝛegte/ daß ich deß Ampts
meiner Sinne beraubt wurde/ und dorthin in Ohn-
macht nider ſanck.

DasVII.Capitel.

WAs geſtalten mir wieder zu mir ſelbſt geholffen
worden/ weiß ich nicht/ aber dieſes wol/ daß
der Alte meinen Kopff in ſeinem Schos/ und vornen
meine Juppen geoͤffnet gehabt/ als ich mich wieder
erholete/ da ich den Einſidler ſo nahe bey mir ſahe/
fieng ich ein ſolch grauſam Geſchrey an/ als ob er
mir im ſelben Augenblick das Hertz auß dem Leib haͤt-
te reiſſen wollen: Er aber ſagte/ mein Sohn/ ſchweig/
ich thue dir nichts/ ſey zu frieden/ ꝛc. je mehr er mich
aber troͤſtete/ und mir liebkoſte: Je mehr ich ſchrye/
O du friſſt mich! O du friſſt mich! du biſt der Wolf/
und wilſt mich freſſen: Ey ja wol nein/ mein Sohn/
ſagte er/ ſey zu frieden/ ich friß dich nicht. Diß Ge-
fecht waͤhrete lang/ biß ich mich endlich ſo weit lieſſe
weiſen/ mit ihm in ſeine Huͤtten zu gehen/ darin war
die Armut ſelbſt Hofmeiſterin/ der Hunger Koch/
und der Mangel Kuͤchenmeiſter/ da wurde mein Ma-
gen mit einem Gemuͤß und Trunck Waſſers gelabt/
und mein Gemuͤt/ ſo gantz verwirꝛet war/ durch deß
Alten troͤſtliche Freundligkeit wieder auffgericht und
zu recht gebracht: Derowegen ließ ich mich durch
die Anreitzung deß ſuͤſſen Schlaffes leicht bethoͤren/
der Natur ſolche Schuldigkeit abzulegen. Der Ein-
ſidel merckte meine Notdurfft/ darumb lieſſe er mir
den Platz allein in ſeiner Huͤtten/ weil nur einer darin
B ijligen
[26]Deß Abentheurl.Simpliciſſimi
ligen konte; ohngefaͤhr umb Mitternacht erwachte
ich wieder/ und hoͤrete ihn folgendes Lied ſingen/ wel-
ches ich hernach auch gelernet:

Unter waͤhrendem dieſem Geſang bedunckte mich
warhafftig/ als wann die Nachtigal ſo wol/ als die
Eul und Echo, mit eingeſtimmt haͤtten/ und wann ich
den Morgenſtern jemals gehoͤrt/ oder deſſen Melo-
dey auff meiner Sackpfeiffen aufzumachen vermoͤcht/
ſo waͤre ich auß der Huͤtten gewiſcht/ meine Karten
mit einzuwerffen/ weil mich dieſe Harmonia ſo lieb-
lich zu ſeyn bedunckte/ aber ich entſchlieff/ und er-
wachte nicht wieder/ biß wol in den Tag hinein/ da
der Einfidel vor mir ſtunde/ und ſagte: Uff Kleiner/
ich will dir Eſſen geben/ und alsdann den Weg durch
den Wald weiſen/ damit du wieder zu den Leuten/
und noch vor Nacht in das nachſte Dorff kommeſt;
Jch fragte ihn/ was ſind das fuͤr Dinger/ Leuten und
B iijDorff
[28]Deß Abentheurl.Simpliciſſimi
Dorff? Er ſagte/ biſt du dann niemalen in keinem
Dorff geweſt/ und weiſt auch nicht/ was Leut oder
Menſchen ſeynd? Nein/ ſagte ich/ nirgends als bier
bin ich geweſt/ aber ſag mir doch/ was ſeynd Leut/
Menſchen und Dorff? Behuͤt GOtt/ antwortet der
Einſidel/ biſt du naͤrꝛiſch oder geſcheid? Nein/ ſagte
ich/ meiner Meuͤder und meines Knans Bub bin ich/
und nicht der naͤrꝛiſch oder der geſcheid: Der Einſi-
del verwundert ſich mit Seufftzen und Becreutzi-
gung/ und ſagte: Wol liebes Kind/ ich bin gehal-
ten/ dich umb GOttes willen beſſer zu unterꝛichten:
Darauff fielen unſere Reden und Gegen-Reden/ wie
folgend Capitel außweiſet.

DasVIII.Capitel.

EJnſidel: Wie heiſſeſtu? Simpl. Jch heiſſe Bub.
Einſid. Jch ſihe wol/ daß du kein Maͤgdlein biſt/
wie hat dir aber dein Vatter und Mutter geruffen?
Simpl. Jch habe keinen Vatter oder Mutter gehabt:
Einſid. Wer hat dir dann das Hemd geben? Simpl.
Ey mein Meuͤder: Einſ. Wie heiſſet dich dann dein
Meuͤder? Simpl. Sie hat mich Bub geheiſſen/ auch
Schelm/ ungeſchickter Doͤlpel/ und Galgenvogel:
Einſ. Wer iſt dann deiner Mutter Mann geweſt?
Simpl. Niemand: Einſid. Bey wem hat dann dein
Meuͤder deß Nachts geſchlaffen? Simpl. bey meinem
Knan: Einſid. Wie hat dich dann dein Knan ge-
heiſſen? Simpl. Er hat mich auch Bub genennet:
Einſid. Wie hieſſe aber dein Knan? Simpl. Er heiſt
Knan: Einſid. Wie hat ihm aber dein Meuͤder ge-
ruffen? Simpl. Knan/ und auch Meiſter: Einſid.
Hat ſie ihn niemals anders genennet? Simpl. Ja/
ſie
[29]Erſtes Buch.
hat: Einſid. Wie dann? Simp Ruͤlp/ grober Ben-
gel/ volle Sau/ und noch wol anders/ wann ſie ha-
derte: Einſid. Du biſt wol ein unwiſſender Tropff/
daß du weder deiner Eltern noch deinen eignen Nah-
men nicht weiſt! Simpl. Eya/ weiſt dus doch auch
nicht: Einſid. Kanſtu auch beten? Simpl. Nain/
unſer Ann und mein Meuͤder haben als das Bett ge-
macht: Einſid. Jch frage nicht hiernach/ ſondern
ob du das Vatter unſer kanſt? Simpl. Ja ich: Einſ.
Nun ſo ſprichs dann: Simpl. Unſer lieber Vatter/
der du biſt Himel/ hailiget werde nam/ zrkommes d
Reich/ dein Will ſchee Himmel ad Erden/ gib uns
Schuld/ als wir unſern Schuldigern geba/ ſuͤhr
uns nicht in kein doͤß Verſucha/ ſondern erloͤß uns
von dem Reich/ und die Krafft/ und die Herꝛlichkeit/
in Ewigkeit/ Ama. Einſid. Biſtu nie in die Kirchen
gangen? Simp. Ja ich kan wacker ſteigen/ und hab
als ein gantzen Buſem voll Kirſchen gebrochen:
Einſid. Jch ſage nicht von Kirſchen/ ſondern von
der Kirchen:Simpl. Haha/ Kriechen/ gelt es
ſeynd ſo kleine Pflaͤumlein? gelt du? Einſid. Ach
daß GOtt walte/ weiſtu nichts von unſerm Herr
Gott? Simpl. Ja/ er iſt daheim an unſerer Stuben-
thuͤr geſtanden auff dem Helgen/ mein Meuͤder hat
ihn von der Kuͤrbe mitgebracht/ und hin gekleibt:
Einſid. Ach guͤtiger GOtt/ nun erkenne ich erſt/
was vor eine groſſe Gnad und Wolthat es iſt/ wem
du deine Erkantnus mittheileſt/ und wie gar nichts
ein Menſch ſeye/ dem du ſolche nicht gibſt: Ach HErꝛ
verleyhe mir deinen heiligen Nahmen alſo zu ehren/
daß ich wuͤrdig werde/ umb dieſe hohe Gnad ſo eyfe-
rig zu dancken/ als freygebig du geweſt/ mir ſolche
B jvzu
[30]Deß Abentheurl.Simpliciſſimi
zu verleyhen: Hoͤre du Simpl. (dann anderſt kan ich
dich nicht nennen) wann du das Vatter unſer beteſt/
ſo muſtu alſo ſprechen: Vatter unſer/ der du biſt im
Himmel/ geheiliget werde dein Nahm/ zukomme uns
dein Reich/ dein Will geſchehe auff Erden wie im
Himmel/ unſer taͤglich Brod gib uns heut/ und:
Simpl. Gelt du/ auch Kaͤß darzu? Einſid. Ach lie-
bes Kind/ ſchweige und lerne/ ſolches iſt dir viel noͤ-
tiger als Kaͤß/ du biſt wol ungeſchickt/ wie dein Meu-
der geſagt hat/ ſolchen Buben wie du biſt/ ſtehet nicht
an/ einem alten Mann in die Red zu fallen/ ſondern
zu ſchweigen/ zuzuhoͤꝛen und zu lernen/ wuͤſte ich nur/
wo deine Eltern wohneten/ ſo wolte ich dich gerne
wieder hin bringen/ und ſie zugleich lehren/ wie ſie
Kinder erziehen ſolten; Simpl. Jch weiß nicht/ wo
ich hin ſoll/ unſer Hauß iſt verbrennet/ und mein
Meuͤder hinweg geloffen/ und wieder kommen mit
dem Urſele/ und mein Knan auch/ und unſer Magd
iſt kranck geweſt/ und iſt im Stall gelegen. Einſid.
Wer hat dann das Hauß verbrennt? Simpl. Ha/ es
ſind ſo eiſerne Maͤnner kommen/ die ſeynd ſo auff
Dingern geſeſſen/ groß wie Ochſen/ haben aber keine
Hoͤrner/ dieſelbe Maͤnner haben Schafe und Kuͤbe
und Saͤu geſtochen/ und da bin ich auch weg gelof-
fen/ und da iſt darnach das Hauß verbrennt geweſt:
Einſid. Wo war dann dein Knan? Simpl. Ha/ die
eiferne Maͤnner haben ihn angebunden/ da hat ihm
unſer alte Gaiß die Fuͤß geleckt/ da hat mein Knau
lachen muͤſſen/ und hat denſelben eiſernen Mannen
viel Weißpfenning geben/ groſſe und kleine/ auch
huͤbſche gelbe/ und ſonſt ſchoͤne klitzerechte Dinger/
und huͤbſche Schnuͤr voll weiſſe Kuͤgelein. Einſ. wañ
iſt
[31]Erſtes Buch.
iſt diß geſchehen? Simpl. Ey wie ich der Schaf hab
huͤten ſollen/ ſie haben mir auch mein Sackpfeiff wol-
len nemmen: Einſid. Wann haſtu der Schaf ſol-
len huͤten? Simpl. Ey hoͤrſtus nicht/ da die eiſerne
Maͤnner kommen ſind/ und darnach hat unſer Ann
geſagt/ ich ſoll auch weg lauffen/ ſonſt wuͤrden mich
die Krieger mit nehmen/ ſie hat aber die eiſerne Maͤn-
ner gemeynet/ und da ſein ich weg geloffen/ und ſein
hieher kommen: Einſid. Wo hinauß wilſt du aber
jetzt? Simpl. Jch weiß weger nit/ ich will bey dir hier
bleiben: Einſid. Dich hier zu behalten/ iſt weder
mein noch dein Gelegenheit/ eſſe/ alsdann will ich
dich wieder zu Leuten fuͤhren: Simpl. Ey ſo ſag mir
dann auch/ was Leut vor Dinger ſeyn? Einſid.
Leut ſeynd Menſchen wie ich und du/ dein Knan/ dein
Meuͤder und euer Ann ſeynd Menſchen/ und wann
deren viel beyeinander ſeynd/ ſo werden ſie Leut ge-
nennt: Simpl. Haha; Einſid. Nun gehe und eſſe.
Diß war unſer Diſcurs, unter welchem mich der Ein-
ſidel offt mit den allertieffſten Seufftzen anſchauete/
nicht weiß ich/ ob es darumb geſchahe/ weil er ein ſo
groß Mitleiden mit meiner Einfalt und Unwiſſen-
heit hatte/ oder auß der Urſach/ die ich erſt uͤber etli-
che Jahr hernach erfuhr.

DasIX.Capitel.

JCh fieng an zu eſſen/ und hoͤrete auff zu papplen/
welches nicht laͤnger waͤhrete/ als biß ich nach
Notdurfft gefuͤttert hatte/ und mich der Alte fort ge-
hen hieſſe: Da ſuchte ich die allerzarteſte Wort her-
fuͤr/ die mir mein baͤuriſche Grobheit immermehr
eingeben konte/ welche alle dahin giengen/ den Ein-
B vfidel
[32]Deß Abentheurl.Simpliciſſimi
ſidel zu bewegen/ daß er mich bey ihm behielte: Ob
es ihm nun zwar beſchwerlich gefallen/ meine ver-
druͤßliche Gegenwart zu gedulden/ ſo hat er jedoch
beſchloſſen/ mich bey ihm zu leiden/ mehr/ daß er
mich in der Chriſtlichen Religion unterꝛichtete/ als
ſich in ſeinem vorhandenen Alter meiner Dienſte zu
bedienen/ ſein groͤſte Sorg war/ mein zarte Jugend
doͤrffte ein ſolche harte Art zu leben/ in die Laͤnge nit
außharꝛen moͤgen.

Eine Zeit von ungefaͤhr drey Wochen war mein
Probier-Jahr/ in welcher eben S. Gertraud mit
den Gaͤrtnern zu Feld lag/ alſo daß ich mich auch
in deren Profeſſion gebrauchen lieſſe/ ich hielte mich
ſo wol/ daß der Einſidel ein ſonderliches Gefallen
an mir hatte/ nicht zwar der Arbeit halber/ ſo ich zu-
vor zu vollbringen gewohnet war/ ſondern weil er
ſahe/ daß ich eben ſo begierig ſeine Unterweiſungen
hoͤrete/ als geſchickt die Waxwaiche/ und zwar noch
glatte Tafel meines Hertzens ſolche zu faſſen/ ſich er-
zeigte: Solcher Urſachen halber wurde er auch de-
ſto eyferiger/ mich in allem Guten anzufuͤhren/ er
machte den Anfang ſeiner Unterꝛichtungen vom Fall
Lucifers/ von dannen kam er in das Paradeis/ und
als wir mit unſern Eltern dar auß verſtoſſen wurden/
paſſirte er durch das Geſetz Moſis/ und lernete mich
vermittelſt der zehen Gebot Gottes und ihrer Außle-
gungen (von denen er ſagte/ daß ſie ein wahre Richt-
ſchnur ſeyen/ den Willen GOttes zu erkennen/ und
nach denſelben ein heiliges Gott wolgefaͤlliges Leben
anzuſtellen) die Tugenden von den Laſtern zu unter-
ſcheiden/ das gute zu thun/ und das boͤſe zu laſſen:
Endlich kam er auff das Evangelium/ und ſagte mir
von
[33]Erſtes Buch.
von Chriſti Geburt/ Leiden/ Sterben und Aufferſte-
hung; zuletzt beſchloſſe ers mit dem juͤngſten Tag/
und ſtellet mir Himmel und Hoͤll vor Augen/ und
ſolches alles mit gebuͤhrenden Umbſtaͤnden/ doch nit
mit gar zu uͤberfluͤſſiger Weitlaͤufftigkeit/ ſondern
wie ihn duͤnckte/ daß ichs am allerbeſten faſſen und
verſtehen moͤchte/ wann er mit einer materia fertig
war/ hub er ein andere an/ und wuſte ſich bißweilen in
aller Gedult nach meinen Fragen ſo artlich zu regu-
liren/ und mit mir zu verfahren/ daß er mirs auch
nicht beſſer haͤtte eingieſſen koͤnnen/ ſein Leben und ſei-
ne Reden waren mir eine immerwaͤhrende Predigt/
welche mein Verſtand/ der eben nicht ſo gar dumm
und hoͤltzern war/ vermittels Goͤttlicher Gnad/ nicht
ohne Frucht abgehen lieſſe/ allermaſſen ich alles das
jenige/ was ein Chriſt wiſſen ſoll/ nicht allein in ge-
dachten dreyen Wochen gefaſt/ ſondern auch ein ſol-
che Lieb zu deſſen Unterꝛicht gewonnen/ daß ich deß
Nachts nicht darvor ſchlaffen konte.

Jch habe ſeithero der Sach vielmal nachgedacht/
und befunden/ daß Ariſtot. lib. 3. de Anima wol ge-
ſchloſſen/ als er die Seele eines Menſchen einer laͤe-
ren ohnbeſchriebenen Tafel verglichen/ darauff man
allerhand notiren koͤnne/ und daß ſolches alles da-
rumb von dem hoͤchſten Schoͤpffer geſchehen ſeye/
damit ſolche glatte Tafel durch fleiſſige Impreſſion
und Ubung gezeichnet/ und zur Vollkommenheit
und perfection gebracht werde; dahero dann auch
ſein Commentator Averroes lib. 2. de Amma (da der
Philoſophus ſagt/ der Intellectus ſey als potentia,
werde aber nichts in actum gebracht/ als durch die
Scientiam, das iſt/ es ſeye deß Menſchen Verſtand
B vjaller-
[34]Deß Abentheurl.Simpliciſſimi
allerdings faͤhig/ koͤnne aber nichts ohne fleiſſige
Ubung hinein gebracht werden) dieſen klaren Auß-
ſchlag gibt: nemlich/ es ſeye dieſe Scientia oder U-
bung die perfection der Seelen/ welche fuͤr ſich ſelbſt
uͤberall nichts an ſich habe; Solches beſtaͤtigt Cice-
ro lib. 2. Tuſcul. quæſt. Welcher die Seel deß Men-
ſchen ohne Lehr/ Wiſſenſchafft und Ubung/ einem
ſolchen Feld vergleicht/ das zwar von Natur frucht-
bar ſeye/ aber wann man es nicht baue und beſaame/
gleichwol keine Frucht bringe.

Solches alles erwieſe ich mit meinem eigenen
Exempel/ denn daß ich alles ſo bald gefaſſt/ was mir
der fromme Einſidel vorgehalten/ iſt daher kommen/
weil er die geſchlichte Tafel meiner Seelen gantz
laͤer/ und ohn einige zuvor hinein gedruckte Bildnuſ-
ſen gefunden/ ſo etwas anders hinein zu bringen haͤtt
hindern moͤgen; gleichwol aber iſt die pure Einfalt
gegen andern Menſchen zu rechnen/ noch immerzu
bey mir verblieben/ dahero der Einſidel (weil weder
er noch ich meinen rechten Nahmen gewuſt) mich
nur Simplicium genennet.

Mithin lernete ich auch beten/ und als er meinem
ſteiffen Vorſatz/ bey ihm zu bleiben/ ein Genuͤgen zu
thun entſchloſſen/ baueten wir vor mich eine Huͤtten
gleich der ſeinigen/ von Holtz/ Reiſern und Erden/
faſt formirt wie der Muſquetirer im Feld ihre Zelten/
oder beſſer zu ſageu/ die Bauren an theils Orten ihre
Rubenloͤcher haben/ zwar ſo nider/ daß ich kaum auff-
recht darinn ſitzen konte/ mein Bett war von duͤrꝛem
Laub und Gras/ und eben ſo groß als die Huͤtte ſelbſt/
ſo daß ich nit weiß/ ob ich dergleichen Wohnung oder
Hoͤlen eine bedeckte Laͤgerſtatt/ oder eine Huͤtte neñen
ſoll.

DasXCapitel.

ALs ich das erſte mal den Einſidel in der Bibel le-
ſen ſahe/ konte ich mir nicht einbilden/ mit wem
er doch ein ſolch heimlich/ und meinem Beduncken
nach ſehr ernſtlich Geſpraͤch haben muͤſte; ich ſahe
wol die Bewegung ſeiner Lippen/ hingegen aber nie-
mand/ der mit ihm redet/ und ob ich zwar nichts vom
leſen und ſchreiben gewuſt/ ſo merckte ich doch an ſei-
nen Augen/ daß ers mit etwas in ſelbigem Buch zu
thun hatte: Jch gab Achtung auff das Buch/ und
nachdem er ſolches beygelegt/ machte ich mich dar-
hinder/ ſchlugs auff/ und bekam im erſten Griff das
erſte Capitel deß Hiobs/ und die davor ſtehende Fi-
gur/ ſo ein feiner Holtzſchnitt/ und ſchoͤn illuminirt
war/ in die Augen; ich fragte dieſelbige Bilder ſel-
zame Sachen/ weil mir aber kein Antwort widerfah-
ren wolte/ wurde ich ungedultig/ und ſagte eben/ als
der Einſidel hinder mich ſchlich: Jhr kleine Hudler/
habt ihr dann keine Maͤuler mehr? habt ihr nicht al-
lererſt mit meinem Vatter (dann alſo muſte ich den
Einſidel nennen) lang genug ſchwaͤtzen koͤnnen? ich
ſihe wol/ daß ihr auch dem armen Knan ſeine Schaf
heim treibt/ und das Hauß angezuͤndet habt/ halt/
halt/ ich will diß Feuer noch wol leſchen/ damit
ſtunde ich auff Waſſer zu holen/ weil mich die Noth
vorhanden zu ſeyn bedunckte. Wohin Simplici? ſagt
der Einſidel/ den ich binder mir nicht wuſte/ Ey
Vatter/ ſagte ich/ da ſind auch Krieger/ die haben
Schaf/ und wollens weg treiben/ ſie habens dem
armen Mann genommen/ mit dem du erſt geredet
haſt/ ſo brennet ſein Hauß auch ſchon liechterlohe/
und wann ich nicht bald leſche/ ſo wirds verbrennen;
B vijmit
[36]Deß Abentheurl.Simpliciſſimi
mit dieſen Worten zeigte ich ihm mit dem Finger/
was ich ſahe: Bleib nur/ ſagte der Einſidel/ es iſt
noch keine Gefahr vorhanben; Jch antwortete/
meiner Hoͤfligkeit nach/ biſt du dann blind/ wehre du/
daß ſie die Schaf nicht fort treiben/ ſo will ich Waſ-
ſer holen: Ey/ ſagte der Einſidel/ dieſe Bilder leben
nicht/ ſie ſeynd nur gemacht/ uns vorlaͤngſt geſche-
hene Dinge vor Augen zu ſtellen/ ich antwortet/ du
haſt ja erſt mit ihnen geredt/ warumb wolten ſie dann
nicht leben?

Der Einſidel muſte wider ſeinen Willen und Ge-
wonheit lachen/ und ſagte: Liebes Kind/ dieſe Bilder
koͤnnen nicht reden/ was aber ihr Thun und Weſen
ſey/ kan ich auß dieſen ſchwartzen Linien ſehen/ wel-
ches man leſen nennet/ und wann ich dergeſtalt leſe/
ſo haͤlteſt du darvor/ ich rede mit den Bildern/ ſo aber
nichts iſt: Jch antwortet/ wann ich ein Menſch bin
wie du/ ſo muͤſte ich auch an denen ſchwartzen Zeilen
koͤnnen ſehen/ was du kanſt/ wie ſoll ich mich in dein
Geſpraͤch richten? Lieber Vatter/ berichte mich
doch eygentlich/ wie ich die Sach verſtehen ſolle?
Darauff ſagte er/ nun wolan mein Sohn/ ich will
dich lehren/ daß du ſo wol als ich mit dieſen Bildern
wirſt reden koͤnnen/ allein wird es Zeit brauchen/
in welcher ich Gedult/ und du Fleiß anzulegen; dem-
nach ſchriebe er mir ein Alphabet auff dirckene Rin-
den/ nach dem Druck formirt/ und als ich die Buch-
ſtaben kennete/ lernete ich buchſtabiren/ folgends
leſen/ und endlich beſſer ſchreiben/ als es der Ein-
ſidel ſelber konte/ weil ich alles dem
Druck nachmahlet.

DasXI.Capitel.

ZWey Jahr ungefaͤhr/ nemlich biß der Einfidel
geſtorben/ und etwas laͤnger als ein halbes Jahr
nach deſſen Todt/ bin ich in dieſem Wald verblieben/
derohalben ſihet mich vor gut an/ dem curioſen Leſer/
der auch offt das geringſte wiſſen will/ unſer Thun/
Handel und Wandel/ und wie wir unſer Leben durch
gebracht/ zu erzehlen.

Unſere Speiß war allerhand Gartengewaͤchs/
Ruͤben/ Kraut/ Bonen/ Erbſen und dergleichen/ wir
verſchmaͤheten auch keine Buchen/ wilde Aepffel/
Pirn/ Kirſchen/ ja die Eicheln machte uns der Hun-
ger offt angenehm; das Brot/ oder beſſer zu ſagen/
unſere Kuchen backten wir in heiſſer Aſchen/ auß zer-
ſtoſſenem Welſchen Korn/ im Winter fiengen wir
Voͤgel mit Sprincken und Stricken/ im Fruͤhling
und Sommer aber beſchehrte uns GOtt Junge auß
den Neſtern/ wir behalffen uns offt mit Schnecken
und Froͤſchen/ ſo war uns auch mit Reuſſen und Ang-
len das fiſchen nicht zu wider/ in dem ohnweit von
unſerer Wohnung ein Fiſch- und Krebsreicher Bach
bin floß/ welches alles unſer grob Gemuͤß hinunder
convoyren muſte; wir hatten auff eine Zeit ein jun-
ges wildes Schweinlein auffgefangen/ welches wir
in einen Pferch verſperꝛet/ mit Eicheln und Buchen
aufferzogen/ gemaͤſtet/ und endlich verzehret/ weil
mein Einſidel wuſte/ daß ſolches keine Suͤnde ſeyn
koͤnte/ wann man genieſſet/ was GOtt dem gantzen
menſchlichen Geſchlecht zu ſolchem End erſchaffen/
Saltz drauchten wir wenig/ und von Gewuͤrtz gar
nichts/ dann wir doͤrfften den Luſt zum Trunck nicht
erwecken/ weil wir keinen Keller hatten/ die Notdurfft
an
[38]Deß Abentheurl.Simpliciſſimi
an Saltz gab uns ein Pfarꝛer/ der ohngefaͤhr 3. Meil
Wegs von uns wohnete/ von welchem ich noch viel
zu ſagen habe.

Unſern Haußrath betreffend/ deſſen war genug
vorhanden/ dann wir hatten eine Schauffel/ eine
Haue/ eine Axt/ ein Beyl/ und einen eiſernen Hafen
zum kochen/ welches zwar nicht unſer eigen/ ſondern
von obgemeldtem Pfarꝛer entlehnet war/ jeder hatte
ein abgenuͤtztes ſtumpffes Meſſer/ ſelbige waren unſer
Eigenthum/ und ſonſten nichts; ferner bedorfften
wir auch weder Schuͤſſeln/ Deller/ Leffel/ Gabeln/
Keſſel/ Pfannen/ Roſt/ Bratſpieß/ Saltzbuͤchs noch
ander Tiſch- und Kuͤchengeſchirꝛ/ dann unſer Hafen
war zugleich unſer Schuͤſſel/ und unſere Haͤnde wa-
ren auch unſere Gabeln und Leffel/ wolten wir aber
trincken/ ſo geſchahe es durch ein Rohr auß dem
Brunnen/ oder wir henckten das Maul hinein/ wie
Gedeons Kriegs-Leute; Von allerhand Gewand/
Wollen/ Seiden/ Baumwollen und Leinen/ beydes
zu Betten/ Tiſchen und Tapezereyen/ hatten wir
nichts/ als was wir auff dem Leib trugen/ weil wir
vor uns genug zu haben ſchaͤtzten/ wann wir uns vor
Regen und Froſt beſchuͤtzen koͤnten: Sonſten hiel-
ten wir in unſerer Haußhaltung keine gewiſſe Regul
oder Ordnung/ auſſerhalb an Sonn- und Feyer-
taͤgen/ an welchen wir ſchon umb Mitternacht hin-
zugehen anfiengen/ damit wir noch fruͤhe genug/
ohne maͤnniglichs Vermercken/ in obgemeldten
Pfarꝛherꝛns Kirche/ die etwas vom Dorff abgele-
gen war/ kommen/ und dem Gottesdienſt abwarten
koͤnnen/ in derſelben verfuͤgten wir uns auff die zer-
brochne Orgel/ an welchem Ort wir ſo wol auff den
Altar
[39]Erſtes Buch.
den Altar/ als zu der Cantzel ſehen konten; Als ich
das erſte mal den Pfarꝛherꝛn auff dieſelbige ſteigen
ſahe/ fragete ich meinen Einſidel/ was er doch in
demſelben groſſen Zuber machen wolte? nach ver-
richtetem Gottesdienſt aber/ giengen wir eben ſo
verſtolen wieder heim/ als wir hin kommen waren/
und nachdem wir mit muͤdem Leib und Fuͤſſen zu un-
ſerer Wohnung kamen/ aſſen wir mit guten Zaͤhnen
uͤbel/ alsdann brachte der Einſidel die uͤbrige Zeit
zu mit beten/ und mich in gottſeeligen Dingen zu un-
terꝛichten.

An den Wercktaͤgen thaͤten wir/ was am noͤtig-
ſten zu thun war/ je nachdem ſichs fuͤgte/ und ſolches
die Zeit deß Jahrs/ und unſer Gelegenheit erforder-
te/ einmal arbeiteten wir im Garten/ das ander
mal ſuchten wir den feiſten Grund an ſchattigten
Orten/ und auß holen Baͤumen zuſammen/ unſern
Garten/ an ſtatt der Tung/ damit zu beſſern/ bald
flochten wir Koͤrbe oder Fiſch-Reuſſen/ oder mach-
ten Brennholtz/ fiſchten/ oder thaͤten ja ſo etwas
wider den Muͤſſiggang. Und unter allen dieſen Ge-
ſchaͤfften lieſſe der Einſidel nicht ab/ mich in allem
Guten getreulichſt zu unterweiſen/ unterdeſſen ler-
nete ich in ſolchem harten Leben Hunger/ Durſt/
Hitz/ Kaͤlte/ und groſſe Arbeit uͤberſtehen/ und zu-
vorderſt auch GOTT erkennen/ und wie man Jhm
rechtſchaffen dienen ſolte/ welches das vornehmſte
war. Zwar wolte mich mein getreuer Einſidel ein
mehrers nicht wiſſen laſſen/ dann er hielte darvor/
es ſeye einem Chriſten genug/ zu ſeinem Ziel und
Zweck zu gelangen/ wann er nur fleiſſig bete und
arbeite/ dahero es kommen/ ob ich zwar in geiſt-
lichen
[40]Deß Abentheurl.Simpliciſſimi
lichen Sachen zimlich berichtet wurde/ mein Chri-
ſtenthum wol verſtunde/ und die Teutſche Sprach
ſo ſchoͤn redete/ als wann ſie die Orthographia ſelbſt
außſpraͤche/ daß ich dannoch der einfaͤltigſte verblie-
be; geſtalten ich/ wie ich den Wald verlaſſen/ ein
ſolcher elender Tropff in die Welt war/ daß man kei-
nen Hund mit mir auß dem Ofen haͤtte locken koͤnnen.

DasXII.Capitel.

ZWey Jahr ungefaͤhr hatte ich zugebracht/ und
das harte Eremitiſch Leben kaum gewohnet/ als
mein beſter Freund auff Erden ſeine Haue nam/ mir
aber die Schauffel gab/ und mich ſeiner taͤglichen
Gewonheit nach/ an der Hand in unſern Garten
fuͤhrte/ da wir unſer Gebet zu verꝛichten pflegten:
Nun Simplici/ liebes Kind/ ſagte er/ dieweil GOtt
Lob die Zeit vorhanden/ daß ich auß dieſer Welt
ſcheiden/ die Schuld der Natur bezahlen/ und dich
in dieſer Welt hinder mir verlaſſen ſolle/ zumalen
deines Lebens kuͤnfftige Begegnuſſen beylaͤuffig ſehe/
und wol weiß/ daß du in dieſer Einoͤde nicht lang
verharꝛen wirſt/ ſo hab ich dich auff dem angetrette-
nen Weg der Tugend ſtaͤrcken/ und dir einige Lehren
zum Unterꝛicht geben wollen/ vermittelſt deren du/
als nach einer ohnfehlbaren Richtſchnur/ zur ewigen
Seeligkeit zu gelangen/ dein Leben anſtellen ſolleſt/
damit du mit allen heiligen Außerwehlten das Ange-
ſicht GOttes in jenem Leben ewiglich anzuſchauen
gewuͤrdiget werdeſt.

Dieſe Wort ſetzten meine Augen ins Waſſer/ wie
hiebevor deß Feinds Erfindung die Statt Villingen/
einmal/ ſie waren mir ſo unertraͤglich/ daß ich ſie
nicht
[41]Erſtes Buch.
nicht ertragen koͤnte/ doch ſagte ich: Hertzliebſter
Vatter/ wilſt du mich dann allein in dieſem wilden
Wald verlaſſen? ſoll dann: mehrers vermochte ich
nicht herauß zu bringen/ dann meines Hertzens Qual
ward auß uͤberfluͤſſiger Lieb/ die ich zu meinem ge-
treuen Vatter trug/ alſo hefftig/ daß ich gleichſam
wie todt zu ſeinen Fuͤſſen nider ſanck; Er hingegen
richtet mich wieder auff/ troͤſtet mich ſo gut es Zeit
und Gelegenheit zulieſſe/ und verwieſe mir gleichſam
fragend/ meinen Fehler/ Ob ich nemlich der Ord-
nung deß Allerhoͤchſten widerſtreben wolte? weiſtu
nicht/ ſagt er weiters/ daß ſolches weder Himmel
noch Hoͤll zu thun vermoͤgen? nicht alſo mein Sohn!
was unterſteheſt du dich/ meinem ſchwachen Leib
(welcher vor ſich ſelbſt der Ruhe begierig iſt) auffzu-
buͤrden? vermeyneſt du mich zu noͤtigen/ laͤnger in
dieſem Jam̃erthal zu leben? Ach nein/ mein Sohn/
laſſe mich fahren/ ſintemal du mich ohne das weder
mit heulen noch weynen/ und noch viel weniger mit
meinem Willen/ laͤnger in dieſem Elend zu verhar-
ren/ wirſt zwingen koͤnnen/ in dem ich durch GOttes
außtruͤcklichen Willen darauß gefordert werde; fol-
ge an ſtatt deines unnuͤtzen Geſchreys meinen letzten
Worten/ welche ſeynd/ daß du dich je laͤnger je mehr
ſelbſt erkennen ſolleſt/ und wann du gleich ſo alt als
Mathuſalem wuͤrdeſt/ ſo laß ſolche Ubung nicht auß
dem Hertzen/ dann daß die meiſte Menſchen verdam̃t
werden/ iſt die Urſach/ daß ſie nicht gewuſt haben/
was ſie geweſen/ und was ſie werden koͤnnen/ oder
werden muͤſſen. Weiters riethe er mir getreulich/
ich ſolte mich jederzeit vor boͤſer Geſellſchafft huͤten/
dann derſelben Schaͤdlichkeit waͤre unaußſprechlich:
Er
[42]Deß Abentheurl.Simpliciſſimi
Er gab mir deſſen ein Exempel/ und ſagte/ wann
du einen Tropffen Malvaſier in ein Geſchirꝛ voll
Eſſig ſchuͤtteſt/ ſo wird er alſobald zu Eſſig; wirſtu
aber ſo viel Eſſig in Malvaſier gieſſen/ ſo wird er
auch unter dem Malvaſier hingehen: Liebſter Sohn/
ſagte er/ vor allen Dingen bleibe ſtandhafftig/ dann
wer verharꝛet biß aus End/ der wird ſeelig/ geſchihet
aber wider mein Verhoffen/ daß du auß menſchlicher
Schwachheit faͤllſt/ ſo ſtehe durch ein rechtſchaffene
Buß geſchwind wieder auff.

Dieſer ſorgfaͤltige fromme Mann hielte mir allein
diß wenige vor/ nicht zwar/ als haͤtte er nichts meh-
rers gewuſt/ ſondern darumb/ dieweil ich ihn erſtlich
meiner Jugend wegen/ nicht faͤhig genug zu ſeyn be-
dunckte/ ein mehrers in ſolchem Zuſtand zu faſſen/
und dann weil wenig Wort beſſer/ als ein langes
Geplauder/ im Gedaͤchtnus zu behalten ſeynd/ und
wann ſie anders Safft und Nachtruck haben/ durch
das Nachdencken groͤſſern Nutzen ſchaffen/ als eine
lange Sermon, die man außtruͤcklich verſtanden hat/
und bald wieder zu vergeſſen pflegt.

Dieſe drey Stuͤck/ ſich ſelbſt erkennen/ boͤſe Ge-
ſellſchafft meiden/ und beſtaͤndig verbleiben/ hat die-
ſer fromme Mann ohne Zweiffel deßwegen vor gut
und noͤtig geachtet/ weil er ſolches ſelbſten practicirt/
und daß es ihme darbey nicht mißlungen iſt; denn
nachdem er ſich ſelbſt erkant/ hat er nicht allein boͤſe
Geſellſchafften/ ſondern auch die gantze Welt ge-
flohen/ iſt auch in ſolchem Vorſatz biß an das Ende
verharꝛet/ an welchem ohn Zweiffel die Seeligkeit
haͤngt/ welcher geſtalt aber/ folgt hernach.

Nachdem er mir nun obige Stuͤck vorgehalten/
hat
[43]Erſtes Buch.
hat er mit ſeiner Reithaue angefangen ſein eigenes
Grab zu machen/ ich halff ſo gut ich konte/ wie
er mir befahl/ und bildete mir doch das jenige nicht
ein/ worauff es angeſehen war/ indeſſen ſagte er:
Mein lieber und wahrer einiger Sohn (dann ich ha-
be ſonſten keine Creatur als dich/ zu Ehren unſers
Schoͤpffers erzeuget) wann meine Seele an ihren
Ort gangen iſt/ ſo leiſte meinem Leib deine Schul-
digkeit und die letzte Ehre/ ſcharꝛe mich mit der je-
nigen Erden wieder zu/ die wir anjetzo auß dieſer
Gruben gegraben haben/ darauff nam er mich in
ſeine Arm/ und druckte mich kuͤſſend/ viel haͤrter
an ſeine Bruſt/ als einem Mann/ wie er zu ſeyn
ſchiene/ haͤtte muͤglich ſeyn koͤnnen: Liebes Kind/
ſagte er/ ich befehle dich in GOttes Schutz/ und
ſterbe umb ſo viel deſto froͤlicher/ weil ich hoffe/ er
werde dich darin auffnemmen; Jch hingegen konte
nichts anders/ als klagen und heulen/ ich haͤngete
mich an ſeine Ketten/ die er am Hals trug/ und ver-
meynte ihn damit zu halten/ damit er mir nicht ent-
gehen ſolte: Er aber ſagte/ mein Sohn laſſe mich/
daß ich ſehe/ ob mir das Grab lang genug ſeye/ leg-
te demnach die Ketten ab/ ſampt dem Ober-Rock/
und begab ſich in das Grab/ gleichſam wie einer/
der ſich ſonſt ſchlaffen legen will/ ſprechende: Ach
groſſer GOtt/ nun nimm wieder hin die Seele/ die
du mir gegeben/ HERR/ in deine Haͤnde befehl ich
meinen Geiſt/ ꝛc. Hierauff beſchloß er ſeine Lippen und
Augen ſanfftiglich/ ich aber ſtund da wie ein Stock-
fiſch/ und meynte nicht/ daß ſeine liebe Seel den Leib
gar verlaſſen haben ſolte/ dieweil ich ihn oͤffters in
dergleichen Verzuckungen geſehen hatte.

Jch verharꝛete/ wie mein Gewonheit in derglei-
chen Begebenheiten war/ etlich Stund neben dem
Grab im Gebet/ als ſich aber mein allerliebſter Ein-
ſidel nicht mehr auffrichten wolte/ ſtiege ich zu ihm
ins Grab hinunder/ und fieng ihn an zu ſchuͤttlen/ zu
kuͤſſen und zu liebeln/ aber da war kein Leben mehr/
weil der grimmige ohnerbittliche Todt den armen
Simplicium ſeiner holden Beywohnung beraubt hat-
te; ich begoſſe/ oder beſſer zu ſagen/ ich balſamirte
den entſeelten Coͤrper mit meinen Zaͤhren/ und nach-
dem ich lang mit jaͤmmerlichem Geſchrey hin und
her geloffen/ fienge ich an/ ihn mit mehr Seufftzen
als Schauffeln voller Grund zuzuſcharꝛen/ und
wann ich kaum ſein Angeſicht bedeckt hatte/ ſtiege ich
wieder hinunder/ entbloͤſte es wieder/ damit ichs
noch einmal ſehen und kuͤſſen moͤchte/ ſolches trieb
ich den gantzen Tag/ biß ich fertig worden/ und auff
dieſe Wets die funeralia exequias und luctus gladia-
torios allein geendet/ weil ohne das weder Baar/
Sarch/ Decken/ Liechter/ Todtentraͤger noch Ge-
laits-Leut/ und auch kein Cleriſey vorhanden geweſt/
die den Todten beſungen haͤtte.

DasXIII.Capitel.

ÜBer etlich Tag nach deß Einſidels Ableiben/ ver-
fuͤgte ich mich zu obgemeldtem Pfarꝛern/ und of-
fenbarte ihm meines Herꝛn Todt/ begehrte benebens
Rath von ihm/ wie ich mich bey ſo geſtalter Sache
verhalten ſolte? Unangeſehen er mir nun ſtarck wi-
derꝛathen/ laͤnger im Wald zu verbleiben/ ſo bin ich
jedoch dapffer in meines Vorgaͤngers Fußſtapffen
getretten/ maſſen ich den gantzen Sommer hindurch
thaͤt
[45]Erſtes Buch.
thaͤt/ was ein frommer Monachus thun ſoll; Aber
gleich wie die Zeit alles aͤndert/ alſo ringert ſich auch
nach und nach das Leyd/ ſo ich umb meinen Einſidel
trug/ und die aͤuſſerliche ſcharffe Winterskaͤlt leſch-
te die innerliche Hitz meines ſteiffen Vorſatzes zu-
gleich auß/ je mehr ich anfieng zu wancken/ je traͤger
wurde ich in meinem Gebet/ weil ich an ſtatt/ goͤtt-
liche und himmliſche Ding zu betrachten/ mich die
Begierde/ die Welt auch zu beſchauen/ uͤberherꝛſchen
lieſſe/ und als ich dergeſtalt nichts nutz wuͤrde im
Wald laͤnger gut zu thun/ gedachte ich wieder zu
gedachtem Pfarꝛer zu gehen/ zu vernehmen/ ob er
mir noch wie zuvor auß dem Wald rathen wolte?
zu ſolchem End machte ich mich ſeinem Dorff zu/
und als ich hin kam/ fande ichs in voller Flamm ſte-
hen/ dann es eben ein Partey Reuter außgepluͤndert/
augezuͤndet/ theils Bauren nidergemacht/ viel ver-
jagt/ und etliche gefangen hatten/ darunter auch der
Pfarꝛer ſelbſt war. Ach GOtt! wie iſt das menſch-
liche Leben ſo voll Muͤhe und Widerwertigkeit/ kaum
hat ein Ungluͤck auffgehoͤrt/ ſo ſtecken wir ſchon in
einem andern/ mich verwundert nicht/ daß der Heyd-
niſche Philoſophus Timon zu Athen viel Galgen auf-
richtete/ daran ſich die Menſchen ſelber auffknuͤpffen/
und alſo ihrem elenden Leben durch ein kurtze Grau-
ſamkeit ein Ende machen ſolten; die Reuter waren
eben wegfertig/ und fuͤhrten den Pfarꝛer an einem
Strick daher/ unterſchiedliche ſchryen/ ſchieſſe den
Schelmen nider! andere aber wolten Gelt von ihm
haben/ er aber hub die Haͤnd auff/ und bat umb deß
Juͤngſten Gerichts willen/ umb Verſchohnung und
Chriſtliche Barmhertzigkeit/ aber umbſonſt/ dann
einer
[46]Deß Abentheurl.Simpliciſſimi
einer ritte ihn uͤbern Hauffen/ und verſetzte ihm zu-
gleich eins an Kopff/ davon er alle vier von ſich ſtreck-
te/ und Gott ſeine Seel befahl/ den andern noch uͤb-
rigen gefangenen Bauren giengs gar nicht beſſer.

Da es nun ſahe/ als ob dieſe Reuter in ihrer ty-
ranniſchen Grauſamkeit gantz unſinnig worden waͤ-
ren/ kam ein ſolcher Schwarm bewehrter Bauren
auß dem Wald/ als wann man in ein Weſpen-Neſt
geſtochen haͤtte/ die fiengen an ſo greulich zu ſchreyen/
ſo grimmig darein zu ſetzen/ und darauff zu ſchieſſen/
daß mir alle Berg gen Haar ſtunden/ weil ich noch
niemals bey dergleichen Kuͤrben geweſen/ dann die
Speſſerter und Vogelsberger Bauren laſſen ſich
fuͤrwahr ſo wenig als die Heſſen/ Sauerlaͤnder und
Schwartzwaͤlder/ auff ihrem Miſt foppen; darvon
riſſen die Reuter auß/ und lieſſen nicht allein das
eroberte Rindviehe zuruͤck/ ſondern warffen auch
Sack und Pack von ſich/ ſchlugen alſo ihre gantze
Beut in Wind/ damit ſie nicht ſelbſt den Bauren zur
Beut wuͤrden doch kamen ihnen theils in die Haͤnd.

Dieſe Kurtzweil bename mir bey nahe den Luſt/
die Welt zu beſchauen/ dann ich gedachte/ wann es
ſo darinnen hergehet/ ſo iſt die Wildnus weit anmu-
tiger/ doch wolte ich auch hoͤren/ was der Pfarꝛer
darzu ſagte/ derſelbe war wegen empfangener Wun-
den und Stoͤß gantz matt/ ſchwach und Krafftloß/
doch hielte er mir vor/ daß er mir weder zu helffen
noch zu rathen wiſſe/ weil er dermalen ſelbſt in einen
ſolchen Stand gerathen worden waͤre/ in welchem
er beſorglich das Brot am Bettelſtab ſuchen muͤſte/
und wann ich gleich noch laͤnger im Wald verblei-
ben wuͤrde/ ſo haͤtte ich mich ſeiner Huͤlff-leiſtung
nichts
[47]Erſtes Buch.
nichts zu getroͤſten/ weil/ wie ich vor Augen ſehe/ bey-
des ſein Kirch und Pfarꝛhof im Feuer ſtunde. Hier-
auf verfuͤgte ich mich gantz traurig gegen dem Wald
zu meiner Wohnung/ und demnach ich auff dieſer
Raͤis ſehr wenig getroͤſt/ hingegen aber umb viel an-
daͤchtiger worden/ beſchloſſe ich bey mir/ die Wild-
nus nimmermehr zu verlaſſen; maſſen ich ſchon
nachgedachte/ ob nicht muͤglich waͤre/ daß ich ohne
Saltz (ſo mir bißher der Pfarꝛer mitgetheilt hatte)
leben/ und alſo aller Menſchen entberen koͤnte?

DasXIV.Capitel.

DAmit ich aber dieſem meinem Entſchluß nach-
kommen/ und ein rechter Wald-Bruder ſeyn
moͤchte/ zoge ich meines Einſidlers hinderlaſſen haͤ-
rin Hemd an/ und guͤrtet ſeine Kette daruͤber; nicht
zwar/ als haͤtt ich ſie bedoͤrfft/ mein unbaͤndig Fleiſch
zu mortificiren/ ſondern damit ich meinem Vorfah-
ren ſo wolim Leben/ als im Habit gleichen/ mich
auch durch ſolche Kleidung deſto beſſer vor der rau-
hen Winters-Kaͤlt beſchuͤtzen moͤchte.

Den zweyten Tag/ nachdem obgemeldtes Dorff
gepluͤndert und verbrennt worden/ als ich eben in
meiner Huͤtten ſaſſe/ und zugleich neben dem Gebet
gelbe Ruͤben/ zu meinem Auffenthalt/ im Feuer brie-
te/ umbringten mich bey 40. oder 50. Mußquetier;
dieſe/ ob ſie zwar ob meiner Perſon Seltzamkeit er-
ſtauneten/ ſo durchſtuͤrmten ſie doch meine Huͤtten/
und ſuchten/ was da nicht zu finden war/ dañ nichts
als Buͤcher hatte ich/ die ſie mir durcheinander ge-
worffen/ weil ſie ihnen nichts taugten: Endlich/ als
ſie mich beſſer betrachteten/ und an meinen Federn
Cſahen
[48]Deß Abentheurl.Simpliciſſimi
ſahen/ was vor einen ſchlechten Vogel ſie gefangen
haͤtten/ konten ſie leicht die Rechnung machen/ daß
bey mir ein ſchlechte Beut zu hoffen; Demnach ver-
wunderten ſie ſich uͤber mein hartes Leben/ und hat-
ten mit meiner zarten Jugend ein groſſes Mitleiden/
ſonderlich der Officier/ ſo ſie commandirte; ja er
ehrte mich/ und begehrte gleichſam bittend/ ich wolte
ihm und den ſeinigen den Weg wider auß dem Wald
weiſen/ in welchem ſie ſchon lang in der Jrꝛe herumb
gangen waͤren; Jch widerte mich gantz nicht/ ſon-
dern fuͤhrte ſie den naͤchſten Weg gegen dem Dorff
zu/ allwo der obgemeldte Pfarꝛer ſo uͤbel tractirt
worden/ dieweil ich ſonſt keinen andern Weg wuſte:
Ehe wir aber vor den Wald kamen/ ſahen wir ohn-
gefaͤhr einen Bauren oder zehen/ deren ein Theil mit
Feuer-rohren bewehrt/ die uͤbrige aber geſchaͤfftig
waren/ etwas einzugraben; die Mußquetierer gien-
gen auff ſie loß/ und ſchryen/ halt! halt! jene aber
antworteten mit Rohren: Und wie ſie ſahen/ daß ſie
von den Soldaten uͤbermannet waren/ giengen ſie
ſchnell durch/ alſo daß die muͤden Mußquetierer kei-
nen von ihnen ereylen konten; derowegen wolten ſie
wieder herauß graben/ was die Bauren eingeſcharꝛt/
das ſchickte ſich umb ſo viel deſto beſſer/ weil ſie die
Hauen und Schauffeln/ ſo ſie gebraucht/ ligen lieſ-
ſen: Sie hatten aber wenig Streich gethan/ da hoͤ-
reten ſie eine Stimm von unden herauff/ die ſagte:
O ihr leichtfertige Schelmen! O ihr Ertz-
Boͤßwichter/ vermeynt ihr wol/ daß der Him-
mel euer un-Chriſtliche Grauſamkeit und
Bubenſtuͤck ungeſtrafft hingehen laſſen wer-
de? Nein/ es lebt noch manch redlicher Kerl/
durch
[49]Erſtes Buch.
durch welche eure Unmenſchlichkeit dermaſ-
ſen vergolten werden ſoll/ daß euch keiner
von euren Neben-Menſchen mehr den Hin-
dern lecken doͤrffe. Hieruͤber ſahen die Solda-
ten einander an/ weil ſie nicht wuſten/ was ſie thun
ſolten: Etliche vermeynten/ ſie haͤtten ein Geſpenſt/
ich aber gedachte/ es traͤume mir; ihr Officier hieſſe
dapffer zugraben: Sie kamen gleich auff ein Faß/
ſchlugens auff/ und fanden einen Kerl darinnen/ der
weder Naſen noch Ohren mehr hatte/ und gleichwol
noch lebte: So bald ſich derſelbe ein wenig ermun-
terte/ und vom Hauffen etliche kennete/ erzehlet er/
was maſſen die Bauren den vorigen Tag/ als einige
ſeines Regiments auff Fuͤtterung geweſt/ ihrer ſechs
gefangen bekommen/ davon ſie allererſt vor einer
Stund fuͤnffe/ ſo hinder-einander ſtehen muͤſſen/ todt
geſchoſſen; und weil die Kugel ihn/ weil er der ſechſte
und letzte geweſt/ nicht erlangt/ in dem ſie ſchon zu-
vor durch fuͤnff Coͤrper gedrungen/ haͤtten ſie ihm Na-
ſen und Ohren abgeſchnitten/ zuvor aber gezwungen/
daß er ihrer fuͤnffen (ſ.v.) den Hindern lecken muͤſſen:
Als er ſich nun von den Ehr- und Gotts-vergeſſenen
Schelmen ſo gar geſchmaͤhet geſehen/ haͤtte er ihnen/
wiewol ſie ihn mit dem Leben darvon laſſen wolten/
die aller-unnuͤtzſte Wort gegeben/ die er erdencken
moͤgen/ und ſie alle bey ihrem rechten Nahmen genen-
net/ der Hoffnung/ es wuͤrde ihm etwan einer auß
Ungedult eine Kugel ſchencken/ aber vergebens; ſon-
dern nachdem er ſie verbittert gemacht/ haͤtten ſie ihn
in gegenwaͤrtig Faß geſteckt/ und alſo lebendig begra-
den/ ſprechend: Weil er deß Todts ſo eyferig begehr/
wolten ſie ihm zum Poſſen hierinn nicht willfahren.

Jn dem dieſer ſeinen uͤberſtandenen Jammer alſo
klaget/ kam ein andere Partey Soldaten zu Fuß
uͤberzwergs den Wald herauff/ die hatten obgedach-
te Bauren angetroffen/ fuͤnff davon gefangen bekom-
men/ und die uͤbrigen todt geſchoſſen; unter den Ge-
fangenen waren vier/ denen der uͤbel-zugerichte Reu-
ter kurtz zuvor ſo ſchaͤndlich zu Willen ſeyn muͤſſen.
Als nun beyde Parteyen auß dem Anſchreyen ein-
ander erkenneten/ einerley Volck zu ſeyn/ tratten ſie
zuſammen/ und vernamen wiederumb vom Reuter
ſelbſt/ was ſich mit ihm und ſeinen Cammeraden zu-
getragen; da ſolte man ſeinen blauen Wunder geſe-
hen haben/ wie die Bauren getrillt wurden/ etliche
wolten ſie gleich in der erſten Furi todt ſchieſſen/ an-
dere aber ſagten: Nein/ man muß die leichtfertigen
Voͤgel zuvor rechtſchaffen quaͤlen/ und ihnen ein-
traͤncken/ was ſie an dieſem Reuter verdient haben/
indeſſen bekamen ſie mit den Mußqueten ſo treffliche
Ribbſtoͤß/ daß ſie haͤtten Blut ſpeyen moͤgen; zuletzt
tratte ein Soldat hervor/ und ſagte: Jhr Herꝛen/
dieweil es der gantzen Soldateſca ein Schand iſt/
daß dieſen Schurcken (deutet damit auff den Reuter)
fuͤnff Bauren ſo greulich getrillt haben/ ſo iſt billich/
daß wir ſolchen Schandflecken wieder außleſchen/
und dieſe Schelmen den Reuter wieder hundert mal
lecken laſſen: Hingegen ſagte ein anderer/ dieſer
Kerl iſt nicht werth/ daß ihm ſolche Ehr widerfahre/
dann waͤre er kein Bernheuter geweſen/ ſo haͤtte er
allen redlichen Soldaten zu Spott dieſe ſchandliche
Arbeit nicht verꝛichtet/ ſondern waͤre tauſend mal
lieber geſtorben. Endlich wurde einhellig beſchloſſen/
daß ein jeder von den ſauber-gemachten Bauren/ ſol-
ches
[51]Erſtes Buch.
ches an zehen Soldaten alſo wett machen/ und zu
jedem mal ſagen ſolte: Hiermit leſche ich wider
auß/ und wiſche ab die Schand/ die ſich die
Soldaten einbilden empfangen zu haben/
als uns ein Bernheuter hinden leckte. Nach-
gehends wolten ſie ſich erſt reſolviren/ was ſie mit
den Bauren weiters anfahen wolten/ wenn ſie dieſe
ſaubere Arbeit verꝛichtet haben wuͤrden: Hierauff
ſchritten ſie zur Sach/ aber die Baurn warn ſo hals-
ſtarꝛig/ daß ſie weder durch Verheiſſung/ ſie mit dem
Leben darvon zu laſſen/ noch durch einigerley Mar-
ter/ hierzu gezwungen werden kunten. Einer fuͤhrte
den fuͤnfften Bauren/ der nicht geleckt war worden/
etwas beyſeits/ und ſagte zu ihm: Wenn du GOtt
und alle ſeine Heiligen verleugnen wilt/ ſo werde ich
dich lauffen laſſen/ wohin du begehreſt; Hierauff
antwortet der Baur/ Er haͤtte ſein Lebtag nichts auff
die Heilige gehalten/ und auch bißher noch geringe
Kundſchafft mit GOtt ſelbſt gehabt/ ſchwur auch
darauff ſolenniter, daß er Gott nicht kenne/ und kein
Theil an ſeinem Reich zu haben begehre; hierauff
jagte ihm der Soldat ein Kugel an die Stirn/ wel-
che aber ſo viel effectuirt/ als wann ſie an einen ſtaͤb-
lernen Berg gangen waͤre/ darauff zuckte er ſeine
Plauten/ und ſagte: Holla/ biſtu der Haar? ich hab
verſprochen/ dich lauffen zu laſſen/ wohin du begeh-
reſt/ ſihe/ ſo ſchicke ich dich nun ins hoͤlliſche Reich/
weil du nicht in Himmel wilt/ und ſpaltete ihm da-
mit den Kopff biß auff die Zaͤhn voneinander/ als er
dorthin fiele/ ſagte der Soldat: So muß man ſich
raͤchen/ und dieſe loſe Schelmen zeitlich und ewig
ſtraffen.

Jndeſſen hatten die andern Soldaten die uͤbrigen
vier Bauren/ ſo geleckt waren worden/ auch unter-
handen/ die banden ſie uͤber einen umbgefallenen
Baum/ mit Haͤnden und Fuͤſſen zuſammen/ ſo art-
lich/ daß ſie (ſ.v.) den Hindern gerad in die Hoͤhe
kehrten/ und nachdem ſie ihnen die Hoſen abgezogen/
namen ſie etliche Klaffter Lunden/ machten Knoͤpff
daran/ und fidelten ihnen ſo unſaͤuberlich durch ſol-
chen hindurch/ daß der rothe Safft hernach gienge;
Alſo/ ſagten ſie/ muß man euch Schelmen den gerei-
nigten Hindern außtroͤcknen. Die Bauren ſchryen
zwar jaͤmmerlich/ aber es war den Soldaten nur ein
Kurtzweil/ dann ſie hoͤreten nicht auff zu ſaͤgen/ biß
Haut und Fleiſch gantz auff das Bein hinweg war;
mich aber lieſſen ſie wieder nach meiner Huͤtten ge-
ben/ weil die letzt-gemeldte Parthey den Weg wol
wuſte/ alſo kan ich nicht wiſſen/ was ſie endlich mit
den Bauren vollends angeſtellt haben.

DasXV.Capitel.

ALs ich wieder heim kame/ befand ich/ daß mein
Feurzeug und gantzer Haußrath/ ſampt allem
Vorꝛath an meinen armſeeligen Eſſenſpeiſen/ die
ich den Sommer hindurch in meinem Garten erzo-
gen/ und auff kuͤnfftigen Winter vorm Maul erſpart
hatte/ miteinander fort war: Wo nun hinauß? ge-
dachte ich/ damals lernete mich die Noth erſt recht
beten; Jch gebotte aller meiner wenigen Witz zu-
ſammen/ zu berathſchlagen/ was mir zu thun oder
zu laſſen ſeyn moͤchte? Gleich wie aber meine Er-
fahrenheit ſchlecht und gering war/ alſo konte ich
auch nichts rechtſchaffenes ſchlieſſen/ das beſte war/
daß
[53]Erſtes Buch.
daß ich mich GOtt befahl/ und mein Vertrauen al-
lein auff ihn zu ſetzen wuſte/ ſonſt haͤtte ich ohn Zweif-
fel deſperiren und zu Grund gehen muͤſſen: Uber das
lagen mir die Sachen/ ſo ich denſelben Tag gehoͤret
und geſehen/ ohn Unterlaß im Sinn/ ich dachte nicht
ſo viel umb Eſſenſpeiß und meiner Erhaltung nach/
als der jenigen Antipathia, die ſich zwiſchen Solda-
ten und Bauren enthaͤlt/ doch konte meine Alberkeit
nichts erſinnen/ als daß ich ſchloſſe/ es muͤſten ohn-
fehlbar zweyerley Menſchen in der Welt ſeyn/ ſo
nicht einerley Geſchlechts von Adam her/ ſondern
wilde und zabme waͤren/ wie andere unvernuͤnfftige
Thier/ weil ſie einander ſo grauſam verfolgen.

Jn ſolchen Gedancken entſchlieff ich vor Unmuth
und Kaͤlte/ mit einem hungerigen Magen/ da duͤnckte
mich/ gleich wie in einem Traum/ als wenn ſich alle
Baͤum/ die umb meine Wohnung ſtunden/ gaͤhling
veraͤnderten/ und ein gantz ander Anſehen gewoͤnnen/
auff jedem Giffel ſaſſe ein Cavallier/ und alle Aeſt
wurden an ſtatt der Blaͤtter mit allerhand Kerlen ge-
ziert; von ſolchen hatten etliche lange Spieß/ andere
Mußqueten/ kurtze Gewehr/ Partiſanen/ Faͤhnlein/
auch Trommeln und Pfeiffen Diß war luſtig anzu-
ſehen/ weil alles ſo ordentlich und fein grad-weis ſich
außeinander theilete; die Wurtzel aber war von un-
guͤltigen Leuten/ als Handwerckern/ Tagloͤhnern/
mehrentheils Bauren und dergleichen/ welche nichts
deſto weniger dem Baum ſeine Krafft verliehen/
und wieder von neuem mittheilten/ wann er ſolche
zu Zeiten verlor; ja ſie erſetzten den Mangel der ab-
gefallenen Blaͤtter auß den ihrigen/ zu ihrem eigenen
noch groͤſſeren Verderben; benebens ſeufftzeten ſie
C jvuͤber
[54]Deß Abentheurl.Simpliciſſimi
uͤber die jenige/ ſo auff dem Baum ſaſſen/ und zwar
nicht unbillich/ dann der gantze Laſt deß Baums lag
auff ihnen/ und druckte ſie dermaſſen/ daß ihnen alles
Geld auß den Beuteln/ ja hinder ſieben Schloſſen
herfuͤr gieng/ wann es aber nicht herfuͤr wolte/ ſo
ſtriegelten ſie die Commiſſarios mit Beſemen/ die
man militariſche Execution nennete/ daß ihnen die
Seufftzer auß dem Hertzen/ die Threnen auß den
Augen/ das Blut auß den Naͤgeln/ und das Marck
auß den Beinen herauß gienge/ noch dannoch waren
Leut unter ihnen/ die man Fatzvoͤgel nennete; dieſe
bekuͤmmerten ſich wenig/ namen alles auff die leichte
Achſel/ und hatten in ihrem Creutz an ſtatt deß Troſts
allerhand Geſpey.

DasXVI.Capitel.

ALſo muſten ſich die Wurtzeln dieſer Baͤume in
lauter Muͤhſeeligkeit und lamentiren/ die jenige
aber auff den unterſten Aeſten in viel groͤſſerer Muͤh/
Arbeit und Ungemach gedulden und durchbringen;
doch waren dieſe jeweils luſtiger als jene/ darneben
aber auch trotzig/ tyranniſch/ mehrentheils gottlos/
und der Wurtzel jederzeit ein ſchwerer unertraͤglicher
Laſt/ umb ſie ſtunde dieſer Reim:

Dieſe Reimen waren umb ſo viel deſto weniger
erlogen/ weil ſie mit ihren Wercken uͤberein ſtimm-
ten/ dem Freſſen und Sauffen/ Hunger und Durſt
leiden/ huren und buben/ raßlen und ſpielen/ ſchlem-
men
[55]Erſtes Buch.
men und demmen/ morden/ und wieder ermordet
werden/ todt ſchlagen/ und wieder zu todt geſchla-
gen werden/ tribulirn/ und wieder getrillt werden/
jagen/ und wieder gejaget werden/ aͤngſtigen/ und
wieder geaͤngſtiget werden/ rauben/ und wieder be-
raubt werden/ pluͤndern/ und wieder gepluͤndert wer-
den/ ſich foͤrchten/ und wieder gefoͤrchtet werden/
Jammer anſtellen/ und wieder jaͤmmerlich leiden/
ſchlagen/ und wieder geſchlagen werden; und in
Summa nur verderben und beſchaͤdigen/ und hin-
gegen wieder verderbt und beſchaͤdigt werden/ war
ihr gantzes Thun und Weſen; Woran ſie ſich we-
der Winter noch Som̃er/ weder Schnee noch Eiß/
weder Hitz noch Kaͤlt/ weder Regen noch Wind/
weder Berg noch Thal/ weder Felder noch Moraſt/
weder Graͤben/ Paͤß/ Meer/ Mauren/ Waſſer/
Feuer/ noch Waͤlle/ weder Vatter noch Mutter/
Bruͤder und Schweſtern/ weder Gefahr ihrer eige-
nen Leiber/ Seelen und Gewiſſen/ ja weder Verluſt
deß Lebens/ noch deß Himmels/ oder ſonſt einig an-
derer Ding/ wie das Nahmen haben mag/ verhin-
dern lieſſen: Sondern ſie weberten in ihren Wer-
cken immer embſig fort/ biß ſie endlich nach und nach
in Schlachten/ Belaͤgerungen/ Stuͤrmen/ Feld-
Zůgen/ und in den Quartieren ſelbſten/ (ſo doch der
Soldaten irdiſche Paradeis ſind/ ſonderlich wenn
ſie fette Bauren antreffen) umbkamen/ ſtarben/ ver-
darben und crepirten; biß auff etlich wenige/ die in
ihrem Alter/ wann ſie nicht wacker geſchunden und
geſtolen hatten/ die allerbeſte Bettler und Landſtuͤr-
tzer abgaben: Zu naͤchſt uͤber dieſen muͤhſeeligen Leu-
ten ſaſſen ſo alte Huͤnerfaͤnger/ die ſich etlich Jahr
C vmit
[56]Deß Abentheurl. Simpliciſſimi
mit hoͤchſter Gefahr auff den unterſten Aeſten beholf-
fen/ durch gebiſſen/ und das Gluͤck gehabt hatten/ dem
Todt biß dahin zu entlauffen/ dieſe ſahen ernſtlich und
etwas reputirlicher auß/ als die unterſte/ weil ſie
umb einen gradum hinauff geſtiegen waren; aber
uͤber ihnen befanden ſich noch hoͤhere/ welche auch
hoͤhere Einbildungen hatten/ weil ſie die unterſte zu
commandiren/ dieſe nennte man Wammesklopffer/
weil ſie den Picquenirern mit ihren Pruͤgeln und
Hellenpotzmarter den Rucken ſo wol/ als den Kopff
abzufegen/ und den Mußquetierern Baumoͤl zu ge-
ben pflegten/ ihr Gewehr damit zu ſchmieren. Uber
dieſen hatte deß Baumes Stamm einen Abſatz oder
Unterſcheid/ welches ein glattes Stuͤck war/ ohne
Aeſt/ mit wunder barlichen Materialien und ſeltzamer
Saiffen deß Mißgunſts geſchmieret/ alſo daß kein
Kerl/ er ſey dann vom Adel/ weder durch Mannheit/
Geſchickligkeit noch Wiſſenſchafft hinauff ſteigen
konte/ Gott geb wie er auch klettern koͤnte; dann es
war glaͤtter polirt/ als ein marmorſteinerne Saͤul/
oder ſtaͤhlerner Spiegel; uͤber demſelben Ort ſaſſen
die mit den Faͤhnlein/ deren waren theils jung/ und
theils bey zimlichen Jahren/ die Junge hatten ihre
Vettern hinauff gehoben/ die Alte aber waren zum
theil von ſich ſelbſt hinauff geſtiegen/ entweder auff
einer ſilbernen Laͤiter/ die man Schmiralia nennet/
oder ſonſt auff einem Steg/ den ihnen das Gluͤck auß
Mangel anderer gelegt hatte. Beſſer oben ſaſſen noch
boͤhere/ die auch ihre Muͤhe/ Sorg und Anfechtung
hatten/ ſie genoſſen aber dieſen Vortheil/ daß ſie ihre
Beutel mit dem jenigen Speck am beſten ſpicken koͤn-
nen/ welchen ſie mit einem Meſſer/ das ſie Contribu-
tion
[57]Erſtes Buch.
tion nenneten/ auß der Wurtzel ſchnitten; am thun-
lichſten und geſchickteſten fiele es ihnen/ wann ein
Commiſſarius daher kam/ und ein Wanne voll Geld
uͤber den Baum abſchuͤttete/ ſolchen zu erquicken/ daß
ſie das beſte von oben herab aufffiengen/ und den un-
terſten ſo viel als nichts zukommen lieſſen; dahero
pflegten von den unterſten mehr Hungers zu ſterben/
als ihrer vom Feind umbkamen/ welcher Gefahr
miteinander die hoͤchſte entuͤbriget zu ſeyn ſchienen.
Dahero war ein unauffhoͤrliches gegrabel und auff-
kletterns an dieſen Baum/ weil jeder gerne an den
obriſten gluͤckſeeligen Orten ſitzen wolte/ doch wa-
ren etliche faule liederliche Schlingel/ die das Com-
miſs brot zu freſſen nicht werth waren/ welche ſich
wenig umb ein Oberſtell bemuͤheten/ und ein weg als
den andern thun muſten/ was ihr Schuldigkeit er-
fordert; die unterſte/ was Ehrgeitzig war/ hoffeten
auff der obern Fall/ damit ſie an ihren Ort ſitzen
moͤchten/ und wann es unter zehentauſenden einem
geriethe/ daß er ſo weit gelangte/ ſo geſchahe ſolches
erſt in ihrem verdruͤßlichen Alter/ da ſie beſſer hindern
Ofen taugten Aepffel zu braten/ als im Feld vorm
Feind zu ligen/ und wann ſchon einer wol ſinnde/
und ſeine Sach rechtſchaffen verꝛichtete/ ſo wurde
er von andern geneidet/ oder ſonſt durch einen ohn-
verſehenlichen ungluͤcklichen Dunſt beydes der Schar-
ge und deß Lebens beraubt/ nirgends hielte es haͤr-
ter/ als an obgemeldtem glatten Ort/ dann welcher
einen guten Feldwaibel oder Schergianten hatte/ ver-
lor ihn ungern/ welches aber geſchehen muſte/ wenn
man ein Faͤhnrich auß ihm gemacht haͤtte. Man nam
dahero/ an ſtatt der alten Solbaten/ viel lieber
C vjPlanck-
[58]Deß Abentheurl. Simpliciſſimi
Planckſchmeiſſer/ Cammerdiener/ erwachſene Page/
arme Edelleut/ irgends Vettern und ſonſt Schma-
rotzer und Hungerleider/ die denen/ ſo etwas meri-
tirt/ das Brot vorm Maul abſchnitten/ und Faͤhnrich
wurdeu.

DasXVII.Capitel.

DJeſes verdroß einen Feldwaibel ſo ſehr/ daß er
trefflich anfienge zu ſchmaͤlen/ aber Adelhold
ſagte: Weiſtu nicht/ daß man je und allwegen die
Kriegs-Aempter mit Adelichen Perſonen beſetzt hat?
als welche hierzu am tauglichſten ſeyn; graue Baͤrt
ſchlagen den Feind nicht/ man koͤnte ſonſt ein Heerd
Boͤck zu ſolchem Geſchaͤfft dingen/ es heiſt:

Sag mir/ du alter Krachwadel/ ob nicht Edel-ge-
borne Officier von der Soldateſca beſſer reſpectiret
werden/ als die jenige/ ſo zuvor gemeine Knecht ge-
weſen? und was iſt vor Kriegs-Diſciplin zu halten/
wo kein rechter Reſpect iſt? darff nicht der Feldherꝛ
einem Cavallier mehr vertrauen/ als einem Bauren-
buden/ der ſeinem Vatter vom Pflug entloffen/ und
ſeinen eigenen Eltern kein gut thun wollen? Ein
rechtſchaffener Edelmann/ ehe er ſeinem Geſchlecht
durch Ureu/ Feld-Flucht/ oder ſonſt etwas der-
gleichen
[59]Erſtes Buch.
gleichen einen Schandflecken anhenckte/ ehe wuͤrde
er ehrlich ſterben: Zu dem gebuͤhrt dem Adel der Voꝛ-
zug in allwege/ wie ſolches leg. Honor. dig. de honor.
zu ſehen. Joannes de Platea will außdruͤcklich/ daß
man in Beſtallung der Aempter dem Adel den Vor-
zug laſſen/ und die Edelleut den Plebejis ſchlecht ſoll
vorziehen; ja ſolches iſt in allen Rechten braͤuchlich/
und wird in H. Schrifft beſtetigt/ dann Beata terra,
cujus Rex nobilis eſt, ſagt Syrach cap. 10. welches ein
herꝛlich Zeugnus iſt deß Vorzugs/ ſo dem Adel ge-
buͤhrt. Und wann ſchon einer von euch ein guter
Soldat iſt/ der Pulver riechen/ und in allen Bege-
benheiten treffliche Anſchlaͤg geben kan/ ſo iſt er da-
rumb nicht gleich tuͤchtig/ andere zu commandiren;
da hingegen dieſe Tugend dem Adel angeborn/ oder
von Jugend auff angewehnet wird. Seneca ſagt:

Uber das hat der Adel mehr Mittel/ ihren Untergehoͤ-
rigen mit Geld/ und den ſchwachen Compagnien
mit Volck zu helffen/ als ein Bauer: So ſtuͤnde es
auch nach dem gemeinen Spruͤchwort nicht fein/
wann man den Bauren uͤber den Edelmann ſetzte;
auch wuͤrden die Bauren viel zu hoffaͤrtig/ wenn man
ſie alſo ſtrack zu Herꝛen machte/ dann man ſagt:

Haͤtten die Bauren durch lang-hergebrachte loͤbliche
C vijGewon-
[60]Deß Abentheurl. Simpliciſſimi
Gewonheit die Kriegs- und andere Aempter in Poſ-
ſeſſion, wie der Adel/ ſo wuͤrden ſie gewißlich ſo bald
keinen Edelmann einkom̃en laſſen; zu dem/ ob man
euch Soldaten von Fortun (wie ihr genennet werdet)
ſchon offt gerne helffen wolte/ daß ihr zu hoͤhern Eh-
ren erhaben wuͤrdet/ ſo ſeyt ihr aber alsdann gemei-
niglich ſchon ſo abgelebt/ wenn man euch probirt
hat/ und eines beſſern wuͤrdig ſchaͤtzet/ daß man Be-
denckens haben muß/ euch zu befoͤrdern; dann da iſt
die Hitz der Jugend verloſchen/ und gedencket ihr nur
ſchlechts dahin/ wie ihr euren krancken Leibern/ die
durch viel erſtandene Widerwertigkeit außgemer-
gelt/ und zu Kriegs-Dienſten wenig mehr nutz ſeyn/
guͤtlich thun/ und wol pflegen moͤget/ GOtt geb/
wer fechte und Ehr einlege; hingegen aber iſt ein
junger Hund zum Jagen viel freudiger/ als ein alter
Loͤw.

Der Feldwaibel antwortet: Welcher Narꝛ wolte
dann dienen/ wenn er nicht hoffen darff/ durch ſein
Wolverhalten befoͤrdert/ und alſo umb ſeine getreue
Dienſt belohnt zu werden: Der Teuffel hol ſolchen
Krieg! Auff dieſe Weis gilts gleich/ ob ſich einer
wol haͤlt/ oder nicht. Jch hab von unſerm alten Ob-
riſten vielmals gehoͤrt/ daß er keinen Soldaten un-
ter ſein Regiment begehre/ der ihm nicht veſtiglich
einbilde/ durch Wolverhalten ein General zu werden.
So muß auch alle Welt bekennen/ daß die jenige
Nationen/ ſo gemeinen/ aber doch rechtſchaffenen
Soldaten foꝛt helffen/ und ihre Dapfferkeit bedencken/
gemeiniglich victoriſiren/ welches man an den Per-
ſern und Tuͤrcken wol ſihet. Es heiſt/

Adelhold antwortet: Wenn man eines redlichen
Manns rechtſchaffene Qualitaͤten ſihet/ ſo wird er
freylich nicht uͤberſehen/ maſſen man heutiges Tags
viel findet/ welche vom Pflug/ von der Nadel/ von
dem Schuſter-Laͤiſt/ und vom Schaͤferſtecken zum
Schwerd gegriffen/ ſich wol gehalten/ und durch
ſolche ihre Dapfferkeit/ weit uͤber den gemeinen Adel/
in Grafen- und Freyherꝛen- Stand geſchwungen;
Wer war der Kaͤiſerliche Johann von Werd? wer
der Schwediſche Stallhans? wer der Heſſiſche
Kleine Jacob und S. Andreas? Jhres gleichen ſind
noch viel bekant/ die ich Kuͤrtze halber nicht alle nen-
nen mag. Jſt alſo gegenwaͤrtiger Zeit nichts neues/
wird auch bey der Poſteritaͤt nicht abgehen/ daß ge-
ringe/ doch redliche Leut/ durch Krieg zu hohen Eh-
ren gelangen/ welches auch bey den Alten geſchehen:
Tamerlanes iſt ein maͤchtiger Koͤnig/ und ſchroͤckliche
Forcht der gantzen Welt worden/ der doch zuvor
nur ein Saͤuhirt war; Agathocles Koͤnig in Sicilien/
iſt eines Hafners Sohn geweſen; Thelephas ein
Wagner/ wurde Koͤnig in Lydien; deß Kaͤiſers Va-
lentiniani Vatter war ein Saͤiler; Mauritius Cappa-
dox, ein leib eigener Knecht/ ward nach Tiberio Kaͤi-
ſer; Joannes Zemiſces kam auß der Schulen zum
Kaͤiſer-
[62]Deß Abentheurl. Simpliciſſimi
Kaͤiſerthumb. So bezeuget Flavius Vobiſcus, daß
Bonoſus Imperator eines armen Schul-Meiſters
Sohn geweſt ſeye; Hyperbolus, Chermidis Sohn/
war erſtlich ein Laternen-macher/ und nachgehends
Fuͤrſt zu Athen; Juſtinus, ſo vor Juſtiniano regierte/
war vor ſeinem Kaͤiſerthumb ein Saͤuhirt; Hugo
Capetus eines Metzgers Sohn/ hernach Koͤnig in
Franckreich; Pizarrus gleichfalls ein Schweinhirt/
und hernach Marggraf in den Weſt-Jndianiſchen
Laͤndern/ welcher das Gold mit Centern außzuwaͤ-
gen hatte.

Der Feldwaibel antwort: Diß alles lautet zwar
wol auff meinen Schrot/ indeſſen ſehe ich aber wol/
daß uns die Thuͤren/ zu ein und anderer Wuͤrde zu
gelangen/ durch den Adel verſchloſſen gehalten wer-
den. Man ſetzt den Adel/ wann er nur auß der Scha-
len gekrochen/ gleich an ſolche Ort/ da wir uns nim-
mermehr keine Gedancken hin machen doͤrffen/ wenn
wir gleich mehr gethan haben/ als mancher Nobiliſt,
den man jetzt fuͤr einen Obriſten vorſtellet. Und gleich
wie unter den Bauren manch edel Ingenium verdirbt/
weil es auß Mangel der Mittel nicht zu den Studiis
angehalten wird: Alſo veraltet mancher wackerer
Soldat unter ſeiner Mußquet/ der billicher ein Re-
giment meritirte/ und dem Feldherꝛn groſſe Dienſte
zu leiſten wuͤſte.

DasXVIII.Capitel.

JCh mochte dem alten Eſel nicht mehr zuhoͤren/
ſondern goͤnnete ihm/ was er klagte/ weil er offt
die arme Soldaten pruͤgelte wie die Hund: Jch wen-
det mich wieder gegen den Baͤumen/ deren das gantze
Land
[63]Erſtes Buch.
Land voll ſtunde/ und ſahe/ wie ſie ſich bewegten/
und zuſammen ſtieſſen/ da praſſelten die Kerl Hauf-
fenweis herunder/ Knall und Fall war eins; augen-
blicklich friſch und todt/ in einem Huy verlor einer
ein Arm/ der ander ein Bein/ der dritte den Kopff
gar. Als ich ſo zuſahe/ bedauchte mich/ alle die je-
nige Baͤum/ die ich ſahe/ waͤren nur ein Baum/ auff
deſſen Gipffel ſaſſe der Kriegs-Gott Mars, und bedeck-
te mit deß Baums Aeſten gantz Europam; Wie ich
davor hielte/ ſo haͤtte dieſer Baum die gantze Welt
uͤberſchatten koͤnnen/ weil er aber durch Neid und
Haß/ durch Argwohn und Mißgunſt/ durch Hoffart/
Hochmuth und Geitz/ und andere dergleichen ſchoͤne
Tugenden/ gleich wie von ſcharffen Nord-Winden
angewehet wuͤrde/ ſchiene er gar duͤnn und durch-
ſichtig/ dahero einer folgende Reimen an den Stam̃
geſchrieben hat:

Von dem gewaltigen Geraſſel dieſer ſchaͤdlichen
Wind/ und Zerſtuͤm̃lung deß Baums ſelbſten/ ward
ich auß dem Schlaff erweckt/ und ſahe mich nur al-
lein in meiner Huͤtten. Dahero fieng ich wieder an
zu gedencken/ was ich doch immermehr anfangen
ſolte? im Wald zu bleiben war mir unmuͤglich/ weil
mir alles ſo gar hinweg genommen worden/ daß ich
mich
[64]Deß Abentheurl. Simpliciſſimi
mich nicht mehr auffhalten konte/ nichts war mehr
uͤbrig/ als noch etliche Buͤcher/ welche hin und her
zerſtreut/ und durcheinander geworffen lagen: Als
ich ſolche mit weynenden Augen wieder aufflaſe/ und
zugleich Gott inniglich anruffte/ er wolte mich doch
leiten und fuͤhren/ wohin ich ſolte/ da fand ich ohn-
gefaͤhr ein Brieflein/ das mein Einſidel bey ſeinem
Leben noch geſchrieben hatte/ das lautet alſo: Lieber
Simplici, wann du diß Briefflein findeſt/ ſo gehe als-
bald auß dem Wald/ und erꝛette dich und den Pfarꝛer
auß gegenwaͤrtigen Noͤthen/ denn er hat mir viel
guts gethan: Gott/ den du allweg vor Augen haben/
und fleiſſig beten ſolleſt/ wird dich an ein Ort bringen/
das dir am bequemſten iſt. Allein habe denſelbigen
ſtets vor Augen/ und befleiſſige dich/ ihm jederzeit
dergeſtalt zu dienen/ als wann du noch in meiner Ge-
genwart im Wald waͤreſt/ bedencke und thue ohne
Unterlaß meine letzte Reden/ ſo wirſtu beſtehen moͤ-
gen: Vale.

Jch kuͤßte diß Briefflein und deß Einſidlers Grab
zu viel 1000. malen/ und machte mich auff den
Weg/ Menſchen zu ſuchen/ biß ich deren finden moͤch-
te/ gieng alſo zween Tag einen geraden Weg fort/
und wie mich die Nacht begriff/ ſuchte ich ein holen
Baum zu meiner Herberg/ mein Zehrung war nichts
anders als Buchen/ die ich unterwegs aufflaſe/ den
dritten Tag aber kame ich ohnweit Gelnhauſen auff
ein zimlich eben Feld/ da genoſſe ich gleichſam eines
Hochzeitlichen Mahls/ dann es lag uͤberall voller
Garben auff dem Feld/ welche die Bauren/ weil ſie
nach der nahmhafften Schlacht vor Noͤrdlingen ver-
jagt worden/ zu meinem Gluͤck nicht einfuͤhren koͤn-
nen/
[65]Erſtes Buch.
nen/ in deren einer macht ich mein Nachtlaͤger/ weil
es grauſam kalt war/ und ſaͤttigte mich mit außge-
riebenen Waitzen/ dergleichen ich lang nicht genoſ-
ſen.

DasXIX.Capitel.

DA es taget/ fuͤttert ich mich wieder mit Waitzen/
begab mich zum naͤchſten auff Gelnhauſen/ und
fande daſelbſt die Thor offen/ welche zum theil ver-
brennet/ und jedoch noch halber mit Miſt verſchantzt
waren: Jch gieng hinein/ konte aber keines leben-
digen Menſchen gewahr werden/ hingegen lagen die
Gaſſen hin und her mit Todten uͤberſtreut/ deren et-
liche gantz/ etliche aber biß auffs Hemd außgezogen
waren. Dieſer jaͤmmerliche Anblick war mir ein er-
ſchroͤcklich Spectacul, maſſen ihm jederman ſelbſten
wol einbilden kan/ meine Einfalt konte nicht erſin-
nen/ was vor ein Ungluͤck das Ort in einen ſolchen
Stand geſetzt haben muͤſte. Jch erfuhre aber ohn-
laͤngſt hernach/ daß die Kaͤiſerliche Voͤlcker etliche
Weymariſche daſelbſt uͤberꝛumpelt. Kaum zween
Steinwuͤrff weit kam ich in die Statt/ als ich mich
derſelben ſchon ſatt geſehen hatte/ derowegen kehrete
ich wieder umb/ gieng durch die An neben hin/ und
kam auff ein gaͤnge Landſtraß/ die mich vor die herꝛ-
liche Veſtung Hanau trug: So bald ich deren erſte
Wacht erſahe/ wolte ich durchgehen/ aber mir ka-
men gleich zween Mußquetier auff den Leib/ die mich
anpackten/ und in ihre Corps de Guarde fuͤhrten.

Jch muß dem Leſer nur auch zuvor meinen dama-
ligen viſirlichen Auffzug erzehlen/ ehe daß ich ihm
ſage/ wie mirs weiter gieng/ dann meine Kleidung
und
[66]Deß Abentheurl. Simpliciſſimi
und Geberden waren durchauß ſeltzam/ verwunder-
lich und widerwertig/ ſo/ daß mich auch der Gouver-
neur abmahlen laſſen: Erſtlich waren meine Haar
in dritthalb Jahren weder auff Griechiſch/ Teutſch
noch Frantzoͤſtſch abgeſchnitten/ gekampelt noch ge-
kraͤuſelt oder gebuͤfft worden/ ſondern ſie ſtunden in
ihrer natuͤrlichen Verwirꝛung noch/ mit mehr als
jaͤhrigem Staub/ an ſtatt deß Haar-Plunders/ Pu-
ders oder Pulvers (wie man das Narꝛen- oder Naͤr-
rin-werck nennet) durchſtreuet/ ſo zierlich auff mei-
nem Kopff/ daß ich darunter herfuͤr ſahe mit meinem
bleichen Angeſicht/ wie ein Schleyer-Eul die knap-
pen will/ oder ſonſt auff eine Mauß ſpannet. Und weil
ich allzeit paarhaͤuptig zu gehen pflegte/ meine Haar
aber von Natur krauß waren/ hatte es das Anſehen/
als wenn ich ein Tuͤrckiſchen Bund auffgehabt haͤtte;
Der uͤbrige Habit ſtimmte mit der Hauptzierd uͤber-
ein/ dann ich hatte meines Einſidlers Rock an/ wann
ich denſelben anders noch einen Rock nennen darff/
dieweil das erſte Gewand/ darauß er geſchnitten wor-
den/ gaͤntzlich verſchwunden/ und nichts mehr dar-
von uͤbrig geweſen/ als die bloſſe Form/ welche mehr
als tauſend Stuͤcklein allerhand-faͤrbiges zuſammen
geſetztes/ oder durch vielfaͤltiges flicken aneinander
genaͤhetes Tuch/ noch vor Augen ſtellte. Uber dieſem
abgangenem/ und doch zu vielmalen verbeſſertem
Rock/ trug ich das haͤrin Hemd/ an ſtatt eines Schul-
der-Kleids/ (weil ich die Ermel an ſtatt eines paar
Struͤmpffs brauchte/ und dieſelbe zu ſolchem Ende
herab getrennet hatte) der gantze Leib aber war mit
eiſernen Ketten/ hinden und vornen fein Creutz-
weis/ wie man Sanctum Wilhelmum zu mahlen
pflegt
[67]Erſtes Buch.
pflegt/ umbguͤrtet/ ſo daß es faſt eine Gattung abgab/
wie mit denen/ ſo vom Tuͤrcken gefangen/ und vor
ihre Freunde zu bettlen/ im Land umbziehen; meine
Schuh waren auß Holtz geſchnitten/ und die Schuh-
baͤndel auß Rinden von Lindeubaͤumen geweben/ die
Fuͤß ſelbſt aber ſahen ſo Krebs-roth auß/ als wann
ich ein paar Struͤmpff von Spaniſch Leibfarb an-
gehabt/ oder ſonſt die Haut mit Fernambuc gefaͤrbt
haͤtte: Jch glaube/ wenn mich damals ein Gauck-
ler/ Marcktſchreyer oder Landfahrer gehabt/ und vor
einen Samojeden oder Gruͤnlaͤnder dargeben/ daß er
manchen Narꝛen angetroffen/ der ein Creutzer an
mir verſehen haͤtte. Ob nun zwar ein jeder Verſtaͤn-
diger auß meinem magern und außgehungerten An-
blick/ und hinlaͤſſiger Auffziehung ohnſchwer ſchlieſ-
ſen koͤnnen/ daß ich auß keiner Garkuͤchen/ oder auß
dem Frauenzimmer/ weniger von irgend eines groſ-
ſen Herꝛn [Hofhaltung] entloffen/ ſo wurde ich jedoch
unter der Wacht ſtreng examinirt/ und gleich wie
ſich die Soldaten an mir vergafften/ alſo betrachtet
ich hingegen ihres Officiers dollen Auffzug/ dem ich
Red und Antwort geben muſte; Jch wuſte nicht/ ob
er Sie oder Er waͤre/ dann er trug Haar und Bart
auff Frantzoͤſtſch/ zu beyden Seiten hatte er lange
Zoͤpff herunder hangen wie Pferds-Schwaͤntz/ und
ſein Bart war ſo elend zugerichtet/ und verſtuͤmpelt/
daß zwiſchen Maul und Naſen nur noch etlich wenig
Haar ſo kurtz darvon kommen/ daß man ſie kaum ſe-
hen konte: Nicht weniger ſetzten mich ſeine weite
Hoſen/ ſeines Geſchlechts halber in nicht geringen
Zweiffel/ als welche mir vielmehr einen Weiber-
Rock/ als ein paar Manns-Hoſen vorſtelleten. Jch
gedach-
[68]Deß Abentheurl. Simpliciſſimi
gedachte bey mir ſelbſt/ iſt diß ein Mann? ſo ſolte er
auch einen rechtſchaffenen Bart haben/ weil der Geck
nicht mehr ſo jung iſt/ wie er ſich ſtellet: Jſts aber ein
Weib/ warumb hat die alte Hur dann ſo viel Stupf-
feln umbs Maul? Gewißlich iſts ein Weib/ gedacht
ich/ dann ein ehrlicher Mann wird ſeinen Bart wol
nimmermehr ſo jaͤmmerlich verketzern laſſen; maſſen
die Boͤcke auß groſſer Schamhafftigkeit keinen Tritt
unter frembde Heerden gehen/ wenn man ihnen die
Baͤrt ſtutzet. Und demnach ich alſo im Zweiffel ſtun-
de/ und nicht wuſte/ was die jetzige Mode war/ hielte
ich ihn endlich vor Mann und Weib zugleich.

Dieſes maͤnniſche Weib/ oder dieſer weibiſche
Mann/ wie er mir vorkam/ lieſſe mich uͤberall beſu-
chen/ fande aber nichts bey mir/ als ein Buͤchlein
von Bircken-Rinden/ darinn ich meine taͤgliche Ge-
bet geſchrieben/ und auch das jenige Zettelein ligen
hatte/ das mir mein frommer Einſidel/ wie in vori-
gem Capitel gemeldet worden/ zum Valete hinder-
laſſen/ ſolches nam er mir; weil ichs aber ohngern
verlieren wolte/ fiel ich vor ihm nider/ faßte ihn umb
beyde Knie/ und ſagte: Ach mein lieber Hermaphro-
dit, laſt mir doch mein Gebetbuͤchlein! Du Narꝛ/
antwortet er/ wer Teuffel hat dir geſagt/ daß ich
Herman heiſſe? Befahl darauff zweyen Solda-
ten/ mich zum Gubernator zu fuͤhren/ welchen er
beſagtes Buch mit gab/ weil der Phantaſt ohne das/
wie ich gleich merckte/ ſelbſt weder leſen noch ſchrei-
ben konte.

Alſo fuͤhrete man mich in die Statt/ und jederman
lieff zu/ als wenn ein Meer-Wunder auff die Schau
gefuͤhrt wurde; und gleich wie mich jedweder ſehen
wolte
[69]Erſtes Buch.
wolte/ alſo machte auch jeder etwas beſonders auß
mir/ etliche hielten mich vor einen Spionen/ andere
vor ein Unſinnigen/ andere vor ein wilden Menſchen/
und aber andere vor ein Geiſt/ Geſpenſt/ oder ſonſt
vor ein Wunder/ welches etwas beſonders bedeuten
wuͤrde: Auch waren etliche/ die hielten mich vor ein
Narꝛen/ welche wol am naͤchſten zum Zweck geſchoſ-
ſen haben moͤchten/ wann ich den lieben GOtt nicht
gekennet haͤtte.

DasXX.Capitel.

ALs ich vor den Gubernator gebracht wurde/ fragte
er mich/ wo ich herkaͤme? Jch aber antwortet/
ich wuͤſte es nicht: Er fragt weiter/ wo wilſtu dann
hin? Jch antwortet abermal/ ich weiß nicht: was
Teuffel weiſtu dann/ fragte er ferner/ was iſt dann
dein Handtierung? Jch antwortet noch wie vor/
ich wuͤſte es nicht: Er fragte/ wo biſtu zu Hauß?
und als ich wiederumb antwortet/ ich wuͤſte es nicht/
veraͤndert er ſich im Geſicht/ nicht weiß ich/ obs auß
Zorn oder Verwunderung geſchahe? Dieweil aber
jederman das Boͤſe zu argwohnen pflegt/ zumalen
der Feind in der Naͤhe war/ als welcher allererſt/ wie
gemeldt/ die vorige Nacht Gelnhauſen eingenom̃en/
und ein Regiment Dragoner darinn zu ſchanden ge-
macht hatte/ fiele er denen bey/ die mich vor einen
Verꝛaͤther oder Kundſchaffter hielten/ befahl da-
rauff/ man ſolte mich beſuchen; Als er aber von den
Soldaten von der Wacht/ ſo mich zu ihm gefuͤhret
hatten/ vername/ daß ſolches ſchon beſchehen/ und
anders nichts bey mir gefunden worden waͤre/ als
gegenwaͤrtiges Buͤchlein/ welches ſie ihm zugleich
uͤber-
[70]Deß Abentheurl. Simpliciſſimi
uͤberꝛeichten/ laſe er ein paar Zeilen darnach/ und
fragte mich/ wer mir das Buͤchlein geben haͤtte? ich
antwortet/ es waͤre von Anfang mein eigen geweſt/
dann ich haͤtte es ſelbſt gemacht und uͤberſchrieben:
Er fragte/ warumb eben auff birckene Rinden? Jch
antwortet/ weil ſich die Rinden von andern Baͤumen
nicht darzu ſchicken: Du Flegel/ ſagte er/ ich frage/
warumb du nicht auff Papier geſchrieben haſt? Ey/
antwortet ich/ wir haben keins mehr im Wald ge-
habt: Der Gubernator fragte/ Wo? in welchem
Wald? Jch antwortet wieder auff meinen alten
Schrot/ ich wuͤſte es nicht.

Da wandte ſich der Gubernator zu etlichen von
ſeinen Officiern/ die ihm eben auffwarteten/ und ſag-
te: Entweder iſt dieſer ein Ertz-Schelm/ oder gar
ein Narꝛ! zwar kan er kein Narꝛ ſeyn/ weil er ſo
ſchreibt; und in dem als er ſo redet/ blaͤttert er in
meinem Buͤchlein ſo ſtarck herumb/ ihnen mein ſchoͤ-
ne Handſchrifft zu weiſen/ daß deß Einſidlers Brief-
lein herauß fallen muſte/ ſolches lieſſe er auffheben/
ich aber entfaͤrbte mich daruͤber/ weil ich ſolches vor
meinen hoͤchſten Schatz und Heiligthumb hielte;
welches der Gubernator wol in acht nam/ und daher
noch ein groͤſſern Argwohn der Verꝛaͤtherey ſchoͤpff-
te/ vornemlich als er das Briefflein auffgemacht
und geleſen hatte/ dann er ſagte: Jch kenne einmal
dieſe Hand/ und weiß/ daß ſie von einem mir wolbe-
kandten Kriegs-Officier geſchrieben worden iſt/ ich
kan mich aber nicht erinnern/ von welchem? ſo kam
ihm auch der Jnhalt ſelbſt gar ſeltzam und ohnver-
ſtaͤndlich vor/ dann er ſagte: Diß iſt ohne Zweiffel
eine abgeredte Sprach/ die ſonſt niemand verſtehet/
als
[71]Erſtes Buch.
als der jenig/ mit dem ſie abgeredt worden. Mich
aber fragte er/ wie ich hieſſe? und als ich antwortet
Simplicius, ſagte er: Ja ja/ du biſt eben deß rechten
Krauts! fort/ fort/ daß man ihn alſobald an Hand
und Fuß in Eiſen ſchlieſſe: Alſo wanderten beyde ob-
gemeldte Soldaten mit mir nach meiner beſtim̃ten
neuen Herberg/ nemlich dem Stock-Hauß zu/ und
uͤberantworteten mich dem Gewaltiger/ welcher
mich ſeinem Befelch gemeß/ mit eiſernen Banden
und Ketten an Haͤnden und Fuͤſſen/ noch ein mehrers
zierte/ gleichſam als haͤtte ich nicht genug an deren
zu tragen gehabt/ die ich bereits umb den Leib herumb
gebunden hatte.

Dieſer Anfang mich zu bewillkommen/ war der
Welt noch nicht genug/ ſondern es kamen Hencker
und Steckenknecht/ mit grauſamen Folterungs-In-
ſtrumenten/ welche mir/ ohnangeſehen ich mich mei-
ner Unſchuld zu getroͤſten hatte/ meinen elenden Zu-
ſtand allererſt grauſam machten: Ach GOtt! ſagte
ich zu mir ſelber/ wie geſchicht mir ſo recht/ Simpli-
cius iſt darumb auß dem Dienſt GOttes in die Welt
geloffen/ damit ein ſolche Mißgeburt deß Chriſten-
thumbs den billichen Lohn empfahe/ den ich mit mei-
ner Leichtfertigkeit verdienet habe: O du ungluͤckſe-
liger Simplici! wohin bringt dich deine Undanckbar-
keit? Sihe/ Gott hatte dich kaum zu ſeiner Erkant-
nus und in ſeine Dienſt gebracht/ ſo lauffſt du hinge-
gen auß ſeinen Dienſten/ und kehreſt ihm den Rucken!
Haͤtteſtu nicht mehr Eicheln und Bohnen eſſen koͤn-
nen wie zuvor/ deinem Schoͤpffer ohnverhindert zu
dienen? Haſtu nicht gewuſt/ daß dein getreuer Ein-
ſidel und Lehrmeiſter die Welt geflohen/ und ihme
Ddie
[72]Deß Abentheurl. Simpliciſſimi
die Wildnus außerwehlt? O blindes Ploch/ du haſt
dieſelbe verlaſſen/ in Hoffnung/ deinen ſchaͤndlichen
Begierden (die Welt zu ſehen) genug zu thun. Aber
nun ſchaue/ in dem du vermeyneſt/ deine Augen zu
waͤiden/ muſtu in dieſem gefaͤhrlichen Jrꝛgarten un-
tergeben und verderben; Haſtu unweiſer Tropff dir
nicht zuvor koͤnnen einbilden/ daß dein ſeeliger Vor-
gaͤnger der Welt Freude umb ſein hartes Leben/ das
er in der Einoͤde gefuͤhrt/ nicht verdauſcht haben wuͤr-
de/ wenn er in der Welt den wahren Frieden/ eine
rechte Ruhe/ und die ewige Seeligkeit zu erlangen
getraut haͤtte? Du armer Simplici, jetzt fahr hin/ und
empfahe den Lohn deiner gehabten eitelen Gedancken
und vermeſſenen Thorheit; Du haſt dich keines Un-
rechts zu beklagen/ auch keiner Unſchuld zu getroͤ-
ſten/ weil du ſelber deiner Marter und darauff fol-
gendem Todt entgegen biſt geeylet. Alſo klagte ich
mich ſelber an/ bat GOtt umb Vergebung/ und be-
fahl ihm meine Seel: Jndeſſen naͤherten wir dem
Diebs-Thurn/ und als die Noth am groͤſten/ da war
die Huͤlff Gottes am naͤchſten; dann als ich mit den
Schergen umdgeben war/ und ſampt einer groſſen
Menge Volcks vorm Gefaͤngnus ſtund/ zu warten
biß es auffgemacht/ und ich hinein gethan wuͤrde/
wolte mein Pfarꝛherꝛ/ dem neulich ſein Dorff ge-
pluͤndert und verbrennt worden/ auch ſehen/ was da
vorhanden waͤre: (dann er lag zunaͤchſt darbey auch
im Arreſt) Als dieſer zum Fenſter außſahe/ und mich
erblickte/ ruffte er uͤberlaut: ô Simplici biſtus? Als
ich ihn hoͤrte und ſahe/ konte ich nichts anders/ als
daß ich beyde Haͤnd gegen ihm auffhube/ und ſchrye:
ô Vatter! ô Vatter! ô Vatter! Er aber fragte/
was
[73]Erſtes Buch.
was ich gethan haͤtte? Jch antwortet/ ich wuͤſte es
nicht/ man haͤtte gewißlich mich darumb daher ge-
fuͤhrt/ weil ich auß dem Wald entloffen waͤre: Als
er aber vom Umbſtand vernam/ daß man mich vor
einen Verꝛaͤther hielte/ bat er/ man wolte mit mir
inhalten/ biß er meine Beſchaffenheit den Herꝛn
Gouverneur berichtet haͤtte/ dann ſolches wuͤrde bey-
des zu meiner und ſeiner Erledigung taugen/ und ver-
huͤten/ daß ſich der Herꝛ Gouverneur an uns beyden
nicht vergreiffen wuͤrde/ ſintemal er mich beſſer ken-
ne/ als ſonſt kein Menſch.

DasXXI.Capitel.

JHm wurde erlaubt/ zum Gubernator zu gehen/
und uͤber ein halbe Stund hernach wurd ich auch
geholt/ und in die Geſind-Stube geſetzt/ allwo ſich
ſchon zween Schneider/ ein Schuſter mit Schuhen/
ein Kauffmann mit Huͤten und Struͤmpffen/ und ein
anderer mit allerhand Gewand eingeſtellt/ damit ich
ehiſt gekleidet wuͤrde; da zog man mir den Rock ab/
ſampt der Ketten und dem haͤrinen Hemd/ auff daß
die Schneider das Maaß recht nehmen koͤnten; fol-
gends erſchiene ein Feldſcherer/ mit ſcharffer Laugen
und wolriechender Saͤiffen/ und eben als dieſer ſeine
Kunſt an mir uͤben wolte/ kam ein anderer Befelch/
welcher mich greulich erſchreckte/ weil er lautet/ ich
ſolte meinen Habit wieder anziehen; ſolches war
nicht ſo boͤß gemeynt/ wie ich wol beſorgte/ dann es
kam gleich ein Mahler mit ſeinem Werckzeug da-
ber/ nemlich mit Minien und Zinober zu meinen
Augliedern/ mit Lack/ Endig und Laſur zu meinen
Corallen-rothen Lippen/ mit Auripigmentum/
D ijRauſch
[74]Deß Abentheurl. Simpliciſſimi
Rauſch-ſchuͤtt und Bleygelb zu meinen weiſſen Zaͤh-
nen/ oie ich vor Hunger bleckte/ mit Kuͤhnruß/ Kohl-
ſchwartz und Umbra zu meinen gelben Haaren/ mit
Bleyweiß zu meinen greßlichen Augen/ und mit
ſonſt vielerley Farben zu meinem Wetterfarbigen
Rock/ auch hatte er eine gantze Hand voll Benſel.
Dieſer fieng an mich zu beſchauen/ abzureiſſen/ zu un-
termahlen/ den Kopff uͤber eine Seite zu hencken/
umb ſeine Arbeit gegen meiner Geſtalt genau zu be-
trachten; bald aͤndert er die Augen/ bald die Haar/
geſchwind die Nasloͤcher/ und in Sum̃a alles/ was
er im Anfang nicht recht gemacht/ biß er endlich ein
natuͤrliches Muſter entworffen hatte/ wie Simplicius
eins war: Alsdann dorffte allererſt der Feldſcherer
auch uͤber mich herwiſchen/ derſelbe zwagte mir den
Kopff/ und richtet wol anderthalbe Stund an mei-
nen Haaren/ folgends ſchnitte er ſie ab auff die da-
malige Mode, dann ich hatte Haar uͤbrig. Nachge-
hends ſetzt er mich in ein Badſtuͤblein/ und ſaͤubert
meinen mageren außgehungerten Leib von mehr als
drey- oder vierjaͤhrigem Unluſt: Kaum war er fertig/
da bracht man mir ein weiſſes Hemd/ Schuhe und
Struͤmpff/ ſampt einem Uberſchlag oder Kragen/
auch Hut und Feder/ ſo waren die Hoſen auch ſchoͤn
außgemacht/ und uͤberall mit Galaunen verpremt/
allein manglets noch am Wambs/ daran die Schnei-
der zwar auff die Eyl arbeiteten; der Koch ſtellet ſich
mit einem kraͤfftigen Suͤpplein ein/ und die Kellerin
mit einem Tranck: Da ſaſſe mein Herꝛ Simplicius
wie ein junger Graf/ zum beſten accommodirt; Jch
zehrte dapffer zu/ ohnangeſehen ich nicht wuſte/ was
man mit mir machen wolte/ dann ich wuſte noch von
keinem
[75]Erſtes Buch.
keinem Hencker-Mahl nichts/ dahero thaͤt mir die
Erkoſtung dieſes herꝛlichen Anfangs ſo trefflich kirꝛ
und ſanfft/ daß ichs keinem Menſchen genugſam ſa-
gen/ ruͤhmen und außſprechen kan; Ja ich glaube
ſchwerlich/ daß ich mein Lebtag einiges mal einen
groͤſſern Wolluſt empfunden/ als eben damals. Als
nun das Wambs fertig war/ zog ichs auch an/ und
ſtellte in dieſem neuen Kleid ein ſolch ungeſchickte Po-
ſtur vor Augen/ daß es ſahe wie ein Trophæum, oder
als wenn man ein Zaunſtecken geziert haͤtte/ weil mir
die Schneider die Kleider mit Fleiß zu weit machen
muſten/ umb der Hoffnung willen die man hatte/ ich
wuͤrde in kurtzer Zeit zulegen/ welches auch bey ſo
gutem Futter augenſcheinlich geſchahe. Mein Wald-
Kleid/ ſampt der Ketten und aller Zugehoͤr/ wurde
hingegen in die Kunſt-Kammer zu andern raren Sa-
chen und Antiquitaͤten gethan/ und mein Bildnus in
Lebensgroͤß darneben geſtellt.

Nach dem Nacht-Eſſen wurde mein Herꝛ in ein
Bett gelegt/ dergleichen mir niemals weder bey mei-
nem Knan noch Einſidel zu theil worden; aber mein
Bauch kurꝛet und murꝛet die gantze Nacht hindurch/
daß ich nicht ſchlaffen konte/ vielleicht keiner andern
Urſach halber/ als weil er entweder noch nicht wuſte
was gut war/ oder weil er ſich uͤber die anmuͤtige neue
Speiſen/ die ihm zu theil worden/ verwunderte/ ich
blieb aber ein weg als den andern ligen/ biß die liebe
Sonn wieder leuchtet (deñ es war kalt) und betrach-
tet/ was vor ſeltzame Anſtaͤnd ich nun etliche Tag ge-
habt/ und wie mir der liebe GOtt ſo treulich durch
geholffen/ und mich an ein ſo gutes Ort gefuͤhret
haͤtte.

DasXXII.Capitel.

DEnſelben Morgen befahl mir deß Gouverneurs
Hofmeiſter/ ich ſolte zu obgemeldtem Pfarꝛern
geben/ und vernehmen/ was ſein Herꝛ meinetwegen
mit ihm geredt haͤtte: Er gab mir einen Leibſchuͤtzen
mit/ der mich zu ihm brachte/ der Pfarꝛer aber fuͤhret
mich in ſein Muſeum, ſetzt ſich/ hieß mich auch ſitzen/
und ſagte: Lieber Simplici, der Einſidel/ bey dem du
dich im Wald auffgehalten/ iſt nicht allein deß hie-
ſigen Couverneurs Schwager/ ſondern auch im Krieg
ſein Befoͤrderer und wertheſter Freund geweſen; wie
dem Gubernator mir zu erzehlen beliebt/ ſo iſt dem-
ſelben von Jugend auff weder an Dapfferkeit eines
heroiſchen Soldaten/ noch an Gottſeeligkeit und
Andacht/ die ſonſt einem Religioſo zuſtaͤndig/ niemal
nichts abgangen/ welche beyde Tugenden man zwar
ſelten beyeinander zu finden pflegt; Sein geiſtlicher
Sinn und widerwertige Begegnuͤſſen/ hem̃eten end-
lich den Lauff ſeiner weltlichen Gluͤckſeeligkeit/ ſo/
daß er ſeinen Adel und anſehenliche Guͤter in Schot-
ten/ da er gebuͤrtig/ verſchmaͤhet und hindan ſetzet/
weil ihm alle Welthaͤndel abgeſchmack/ eitel und
verwerfflich vorkamen: Er verhoffte/ mit einem
Wort/ ſeine gegenwaͤrtige Hoheit/ umb ein kuͤnffti-
ge beſſere Glory zu verwechſeln/ weil ſein hoher Geiſt
einen Eckel an allem zeitlichen Pracht hatte/ und
ſein Dichten und Trachten war nur nach einem ſol-
chen erbaͤrmlichen Leben gerichtet/ darinn du ihn im
Wald angetroffen/ und biß in ſeinen Todt Geſell-
ſchafft geleiſtet haſt: Meines Erachtens iſt er durch
Leſung vieler Papiſtiſchen Buͤcher/ von dem Leben
der
[77]Erſtes Buch.
der Alten Eremiten/ hierzu verleitet worden.

Jch will dir aber auch ohnverhalten/ wie er in den
Speſſert und ſeinem Wunſch nach/ zu ſolchem arm-
ſeeligen Einſidler-Leben kommen ſeye/ damit du ins
kuͤnfftig auch andern Leuten etwas darvon zu erzeh-
len weiſt: Die zweyte Nacht hernach/ als die bluti-
ge Schlacht vor Hoͤchſt verloren worden/ kam er ei-
nig und allein vor meinen Pfarꝛhof/ als ich eben mit
meinem Weib und Kindern gegen dem Morgen ent-
ſchlaffen war/ weil wir wegen deß Lermens im Land/
den beydes die Fluͤchtige und Nachjagende in der-
gleichen Faͤllen zu erꝛegen pflegen/ die vorige gantze/
und auch ſelbige halbe Nacht durch und durch ge-
wacht hatten: Er klopffte erſtlich ſittig an/ und fol-
gends ungeſtuͤmm genug/ biß er mich und mein
Schlafftruncken Geſind erweckte/ und nachdem ich
auff ſein Anhalten und wenig Wortwechſeln/ wel-
ches beyderſeits gar beſcheiden fiele/ die Thuͤr geoͤff-
net/ ſahe ich den Cavallier von ſeinem mutigen Pferd
ſteigen/ ſein koſibarlich Kleid war eben ſo ſehr mit
ſeiner Feinde Blut beſprengt/ als mit Gold und Sil-
ber verpremt; und weil er ſeinen bloſſen Degen noch
in der Fauſt hielte/ ſo kam mich Forcht und Schre-
cken an/ nachdem er ihn aber einſteckte/ und nichts als
lauter Hoͤflichkeit vorbrachte/ hatte ich Urſach/ mich
zu verwundern/ daß ein ſo braver Herꝛ einen ſchlech-
ten Dorff-Pfarꝛer ſo freundlich umb Herberg anre-
det: Jch ſprach ihn wegen ſeiner ſchoͤnen Perſon/
und ſeines berꝛlichen Anſehens halber/ vor den Mans-
felder ſelbſt an/ Er aber ſagte/ er ſey demſelben vor
dißmal nur in der Ungluͤckſeeligkeit nicht allein zu
vergleichen/ ſondern auch vorzuziehen; drey Ding
D jvbeklag-
[78]Deß Abentheurl. Simpliciſſimi
beklagte er/ nemlich ſein verlorne hoch-ſchwangere
Gemahlin/ die verlorne Schlacht/ und daß er nicht
gleich andern redlichen Soldaten/ in derſelben vor
das Evangelium ſein Leben zu laſſen/ das Gluͤck ge-
habt haͤtte. Jch wolte ihn troͤſten/ ſahe aber bald/
daß ſeine Großmuͤthigkeit keines Troſtes bedorffte/
demnach theilte ich mit/ was das Hauß vermochte/
und ließ ihm ein Soldaten-Bett von friſchem Stroh
machen/ weil er in kein anders ligen wolte/ wiewol er
der Ruhe ſehr beduͤrfftig war. Das erſte/ das er den
folgenden Morgen thaͤt/ war/ daß er mir ſein Pferd
ſchenckte/ und ſein Gelt (ſo er an Gold in keiner klei-
nen Zahl bey ſich hatte) ſampt etlich koͤſtlichen Rin-
gen/ unter meine Frau/ Kinder und Geſind außthei-
lete. Jch wuſte nicht wie ich mit ihm dran war/ weil
die Soldaten viel eher zu nemmen als zu geben pfle-
gen; trug derowegen Bedenckens/ ſo groſſe Vereh-
rungen anzunemmen/ und wandte vor/ daß ich ſol-
ches umb ihn nicht meritirt/ noch hinwiederumb zu
verdienen wiſſe/ zu dem ſagte ich/ wenn man ſolchen
Reichthum/ und ſonderlich das koͤſtliche Pferd/ wel-
ches ſich nicht verbergen lieſſe/ bey mir und den Mei-
nigen ſehe/ ſo wuͤrde maͤnniglich ſchlieſſen/ ich haͤtte
ihn berauben/ oder gar ermorden helffen. Er aber
ſagte/ ich ſolte dißfalls ohne Sorg leben/ er wolte
mich vor ſolcher Gefahr mit ſeiner eigenen Hand-
ſchrifft verſichern/ ja er begehre ſo gar ſein Hemd/ ge-
ſchweige ſeine Kleider auß meinem Pfarꝛhof nicht zu
tragen/ und mit dem oͤffnet er mir ſeinen Vorſatz/ ein
Einſidel zu werden: Jch wehrete mit Haͤnden und
Fuͤſſen was ich konte/ weil mich beduͤnckte/ daß ſolch
Vorhaben zumal nach dem Pabſtum ſchmeckte/ mit
Erin-
[79]Erſtes Buch.
Erinnerung/ daß er dem Evangelio mehr mit ſeinem
Degen wuͤrde dienen koͤnnen; Aber vergeblich/ denn
er machte ſo lang und viel mit mir/ biß ich alles ein-
gieng/ und ihn mit den jenigen Buͤchern/ Bildern und
Haußrath mondirte/ die du bey ihm gefunden/ wie-
wol er nur der wuͤllinen Decke/ darunter er dieſelbige
Nacht auff dem Stroh geſchlaffen/ vor all das jeni-
ge begehrte/ das er mir verehrt hatte/ darauß ließ er
ihm einen Rock machen; So muſte ich auch meine
Wagenketten/ die er ſtetig getragen/ mit ihm umb
eine guͤldene/ daran er ſeiner Liebſten Conterfait trug/
vertauſchen/ alſo daß er weder Gelt noch Gelts werth
behielte/ mein Knecht fuͤhrte ihn an das einoͤdiſte Ort
deß Walds/ und halff ihm daſelbſt ſeine Huͤtten auff-
richten. Was geſtalt er nun ſein Leben daſelbſt zuge-
bracht/ und wormit ich ihm zu Zeiten an die Hand
gangen und außgeholffen/ weiſt du ſo wol/ ja zum
theil beſſer als ich.

Nachdem nun neulich die Schlacht vor Noͤrd-
lingen verloren/ und ich/ wie du weiſt/ rein außge-
pluͤndert/ und zugleich uͤbel beſchaͤdiget worden/ hab
ich mich hieher in Sicherheit geflehnet/ weil ich ohn
das ſchon meine beſte Sachen hier hatte: Und als
mir die paare Geltmittel auffgehen wolten/ nam ich
drey Ring/ und obgemeldte guͤldene Ketten/ mit
ſampt dem anhangenden Conterfait/ ſo ich von dei-
nem Einſidel hatte/ maſſen ſein Pettſchier-Ring
auch darunter war/ und trugs zu einem Juden/ ſol-
ches zu verſilbern/ der hat es aber der Koͤſtlichkeit
und ſchoͤnen Arbeit wegen dem Gubeinator kaͤufflich
angetragen/ welcher das Wappen und Conterfait
ſtracks gekennet/ nach mir geſchickt/ und gefragt/
D vwoher
[80]Deß Abentheurl. Simpliciſſimi
woher ich ſolche Cleinodien bekommen? Jch ſagte
ihm die Warheit/ wieſe deß Einſidlers Handſchrifft
oder Ubergabs-Brieff auff/ und erzehlet allen Ver-
lauff/ auch wie er im Wald gelebt und geſtorben:
Er wolte ſolches aber nicht glauben/ ſondern kuͤndet
mir den Arreſt an/ biß er die Warheit beſſer erfuͤhre/
und in dem er im Werck begriffen war/ eine Partey
außzuſchicken/ den Augenſchein ſeiner Wohnung
einzunehmen/ und dich hieher holen zu laſſen/ ſo ſehe
ich dich in Thurn fuͤhren. Weil dann der Guberna-
tor nunmehr an meinem Vorgeben nicht zu zweifflen
Urſach hat/ in dem ich mich auff den Ort/ da der
Einſidel gewohnet/ item auff dich und andere leben-
dige Zeugen mehr/ inſonderheit aber auff meinen
Meßner beruffen/ der dich und ihn offt vor Tags in
die Kirch gelaſſen/ zumalen auch das Briefflein/ ſo
er in deinem Gebet-Buͤchlein gefunden/ nicht allein
der Warheit/ ſondern auch deß ſeeligen Einſidlers
Heiligkeit/ ein treffliches Zeugnus gibt; Als will er
dir und mir wegen ſeines Schwagers ſel. gutes thun/
du darffſt dich jetzt nur reſolvirn/ was du wilt/ daß
er dir thun ſoll? wiltu ſtudirn/ ſo will er die Unkoſten
darzu geben; haſt du Luſt ein Handwerck zu lernen/
ſo will er dich eins lernen laſſen; wiltu aber bey ihm
verbleiben/ ſo will er dich wie ſein eigen Kind halten/
denn er ſagte/ wenn auch ein Hund von ſeinem
Schwager ſel. zu ihm kaͤme/ ſo wolle er ihn auffneh-
men: Jch antwortet/ es gelte mir gleich/ was der
Herꝛ Gubernator mit mir machte.

DasXXIII.Capitel.

DEr Pfarꝛer zoͤgerte mich auff in ſeinem Loſa-
ment
[81]Erſtes Buch.
ment biß 10. Uhr/ ehe er mit mir zum Gouverneur
gieng/ ihm meinen Entſchluß zu ſagen/ damit er bey
demſelben/ weil er ein freye Tafel hielte/ zu Mittags
ein Gaſt ſeyn koͤnne; dann es war damals Hanau
blocquirt/ und ein ſolche klemme Zeit bey dem gemei-
nen Mann/ bevorab den geflehnten Leuten in ſelbiger
Veſtung/ daß auch etliche/ die ſich etwas einbildeten/
die angefrorne Ruͤbſchaͤlen auff der Gaſſen/ ſo die
Reiche etwan hinwarffen/ auffzuheben nit verſchmaͤ-
heten: Es gluͤckte ihm auch ſo wol/ daß er neben den
Gouverneur ſelbſt uͤber der Tafel zu ſitzen kam/ ich
aber wartete auff mit einem Deller in der Hand/ wie
mich der Hofmeiſter anwieſe; in welches ich mich
zu ſchicken wuſte/ wie ein Eſel ins Schach-Spiel:
Aber der Pfarꝛer erſetzte allein mit ſeiner Zung/ was
die Ungeſchicklichkeit meines Leibs nicht vermochte/
Er ſagte/ daß ich in der Wildnus erzogen/ niemals
bey Leuten geweſen/ und dahero wol vor entſchuldigt
zu halten/ weil ich noch nicht wiſſen koͤnte/ wie ich
mich halten ſolte; meine Treu/ die ich dem Einſidel
erwieſen/ und das harte Leben/ ſo ich bey demſelben
uͤberſtanden/ waͤren verwunderns wuͤrdig/ und allein
werth/ nicht allein meine Ungeſchicklichkeit zu ge-
dulden/ ſondern auch mich dem feinſten Edelknaben
vorzuziehen. Weiters erzehlte er/ daß der Einſidel
alle ſeine Freud an mir gehabt/ weil ich/ wie er oͤff-
ters geſagt/ ſeiner Liebſten von Angeſicht ſo aͤhnlich
ſeye/ und daß er ſich offt uͤber meine Beſtaͤndigkeit
und ohnveraͤnderlichen Willen/ bey ihm zu bleiben/
und ſonſt noch uͤber viel Tugenden/ die er an mir ge-
ruͤhmt/ verwundert haͤtte. Jn Summa/ er konte nicht
genugſam außſprechen/ wie mit ernſtlicher Jnbruͤn-
D jvſtigkeit
[82]Deß Abentheurl. Simpliciſſimi
ſtigkeit er kurtz vor ſeinem Todt mich ihme Pfarꝛern
recommendirt/ und bekennet haͤtte/ daß er mich ſo
ſehr als ſein eigen Kind liebe.

Dieſes kuͤtzelt mich dermaſſen in Ohren/ daß mich
beduͤnckte/ ich haͤtte ſchon Ergoͤtzlichkeit genug vor
alles das jenige empfangen/ das ich je bey dem Ein-
ſidel außgeſtanden. Der Gouverneur fragte/ ob ſein
ſeel. Schwager nicht gewuſt haͤtte/ daß er der Zeit
in Hanau commandire? Freylich/ antwortet der
Pfarꝛer/ ich habs ihm ſelbſt geſagt; Er hat es aber
(zwar mit einem froͤlichen Geſicht und kleinem laͤch-
len) ſo kaltſinnig angehoͤrt/ als ob er niemals keinen
Ramſay gekennt haͤtte/ alſo daß ich mich noch/ wenn
ich der Sach nachdencke/ uͤber dieſes Manns Beſtaͤn-
digkeit und veſten Vorſatz verwundern muß/ wie er
nemlich uͤbers Hertz bringen koͤnnen/ nicht allein der
Welt abzuſagen/ ſondern auch ſeinen beſten Freund/
den er doch in der Naͤhe hatte/ ſo gar auß dem Sinn
zu ſchlagen! Dem Gouverneur, der ſonſt kein waͤich-
hertzig Weiber-Gemuͤt hatte/ ſondern ein dapfferer
heroiſcher Soldat war/ ſtunden die Augen voll Waſ-
ſer: Er ſagte/ haͤtte ich gewuͤſt/ daß er noch im Le-
ben/ und wo er anzutreffen geweſt waͤre/ ſo wolte ich
ihn auch wider ſeinen Willen haben zu mir holen
laſſen/ damit ich ihm ſeine Gutthaten haͤtte erwie-
dern koͤnnen/ weil mirs aber das Gluͤck mißgoͤnnet/
als will ich an ſeiner ſtatt ſeinen Simplicium verſor-
gen: Ach! ſagte er weiters/ der redliche Cavallier
hat wol Urſach gehabt/ ſeine ſchwangere Gemahlin
zu beklagen/ dann ſie iſt von einer Partey Kaͤiſerl.
Reuter im Nachhauen/ und zwar auch im Speſſert
gefangen woꝛden. Als ich ſolches erfahren/ und nichts
anders
[83]Erſtes Buch.
anders gewuſt/ als mein Schwager ſeye bey Hoͤchſt
todt geblieben/ habe ich gleich einen Trompeter zum
Gegentheil geſchickt/ meiner Schweſter nachzufra-
gen/ und dieſelbe zu ranzioniren/ hab aber nichts an-
ders damit außgerichtet/ als daß ich erfahren/ ge-
meldte Partey Reuter ſey im Speſſert von etlichen
Bauren zertrennt/ und in ſolchem Gefecht meine
Schweſter von ihnen wieder verloren worden/ alſo
daß ich noch biß auff dieſe Stund nicht weiß/ wo ſie
hin kommen.

Dieſes und dergleichen war deß Gouverneurs und
Pfarꝛern Tiſch-Geſpraͤch/ von meinem Einſidel und
ſeiner Liebſten/ welches paar Ehevolck umb ſo viel
deſto mehr bedauret wurde/ weil ſie einander nur ein
Jahr gehabt hatten. Aber ich wurde alſo deß Guber-
nators Page, und ein ſolcher Kerl/ den die Leut/ ſon-
derlich die Bauren/ wenn ich ſie bey meinem Herꝛn
anmelden ſolte/ bereits Herꝛ Jung nenneten/ wiewol
man ſelten einen Jungen ſihet/ der ein Herꝛ geweſen/
aber wol Herꝛen/ die zuvor Jungen waren.

DasXXIV.Capitel.

DAmals war bey mir nichts ſchaͤtzbarliches/ als
ein reines Gewiſſen/ und auffrichtig frommes
Gemuͤt zu finden/ welches mit der edlen Unſchuld
und Einfalt begleitet und umbgeben war; ich wuſte
von den Laſtern nichts anders/ als daß ich ſie etwan
hoͤren nennen/ oder darvon geleſen hatte/ und wenn
ich deren eins wuͤrcklich begeben ſahe/ war mirs ein
erſchroͤckliche und ſeltene Sach/ weil ich erzogen und
gewehnet worden/ die Gegenwart GOttes allezeit
vor Augen zu haben/ und auffs ernſtlichſt nach ſeinem
D vijheili,
[84]Deß Abentheurl. Simpliciſſimi
heiligen Willen zu leben/ und weil ich denſelben wu-
ſte/ pflegte ich der Menſchen Thun und Weſen ge-
gen demſelben abzuwegen/ in ſolcher Ubung beduͤnck-
te mich/ ich ſehe nichts als lauter Greuel: HErꝛ
GOtt! wie verwundert ich mich anfaͤnglich/ wann
ich das Geſetz und Evangelium/ ſampt den getreuen
Warnungen Chriſti betrachtete/ und hingegen der
jenigen Werck anſahe/ die ſich vor ſeine Jůnger und
Nachfolger außgaben; An ſtatt der auffrichtigen
Meynung/ die ein jedweder rechtſchaffener Chriſt
haben ſoll/ fand ich eitel Heucheley/ und ſonſt ſo un-
zehlbare Thorheiten bey allen Welt Menſchen/ daß
ich auch zweiffelte/ ob ich Chriſten vor mir haͤtte oder
nicht? dann ich konte leichtlich mercken/ daß maͤn-
niglich den ernſtlichen Willen GOttes wuͤſte/ ich
merckte aber hingegen keinen Ernſt/ denſelben zu voll-
bringen.

Alſo hatte ich wol tauſenderley Grillen und ſeltza-
me Gedancken in meinem Gemuͤt/ und gerieth in
ſchwere Anfechtung/ wegen deß Befelchs Chriſti/
da er ſpricht: Richtet nicht/ ſo werdet ihr auch nicht
gerichtet. Nichts deſto weniger kamen mir die Wort
Pauli zu Gedaͤchtnus/ die er zun Gal. am 5. Cap.
ſchreibt: Offenbar ſind alle Wercke deß Fleiſches/
als da ſind Ehebruch/ Hurerey/ Unreinigkeit/ Un-
zucht/ Abgoͤtterey/ Zauberey/ Feindſchafft/ Hader/
Neid/ Zorn/ Zanck/ Zweytracht/ Rotten/ Haß/
Mord/ Sauffen/ Freſſen und dergleichen/ von wel-
chen ich euch habe zuvor geſagt/ und ſage es noch wie
zuvor/ daß die ſolches thun/ werden das Reich Got-
tes nicht ererben! Da gedachte ich/ das thut ja faſt
jederman offentlich/ warumb ſolte ich dann nicht
auch
[85]Erſtes Buch.
auch auff deß Apoſtels Wort offenbertzig ſchlieſſen
doͤrffen/ daß auch nicht jederman ſeelig werde.

Naͤchſt der Hoffart und dem Geitz/ ſampt deren
erbaren Anhaͤngen/ waren Freſſen und Sauffen/
Huren und Buben/ bey den Vermoͤglichen ein taͤgli-
che Ubung; was mir aber am aller-erſchroͤcklichſten
vorkam/ war dieſer Greuel/ daß etliche/ ſonderlich
Soldaten-Burſch/ bey welchen man die Laſter nicht
am ernſtlichſten zu ſtraffen pflegt/ beydes auß ihrer
Gottloſigkeit und dem beiligen Willen GOttes ſeld-
ſten/ nur einen Schertz machten. Zum Exempel/
ich hoͤrete einsmals einen Ehebrecher/ welcher we-
gen vollbrachter That noch geruͤhmt ſeyn wolte/ die-
ſe gottloſe Wort ſagen: Es thuts dem gedultigen
Hanrey genug/ daß er meinetwegen ein paar Hoͤrner
traͤgt/ und wenn ich die Warheit bekennen ſoll/ ſo
hab ichs mehr dem Mann zu Leyd/ als der Frauen zu
Lieb gethan/ damit ich mich an ihm raͤchen moͤge.
O kahle Rach! antwortet ein ehrbar Gemuͤt/ ſo da-
bey ſtunde/ dardurch man ſein eigen Gewiſſen befle-
cket/ und den ſchaͤndlichen Nahmen eines Ehebre-
chers uͤberkompt! was Ehebrecher? antwortet er
ihm mit einem boͤniſchen Gelaͤchter/ ich bin darumb
kein Ehebrecher/ wenn ich ſchon dieſe Ehe ein wenig
gebogen habe; diß ſeynd Ehebrecher/ worvon das
ſechſte Gebot ſagt/ allwo es verdeut/ daß keiner einem
andern in Garten ſteigen/ und die Kirſchen ehe bre-
chen ſolle/ als der Eigenthums-Herꝛ! Und daß ſol-
ches alſo zu verſteben ſeye/ erklaͤrte er gleich darauff/
nach ſeinem Teuffels-Catechiſmo/ das ſiebende Ge-
bot/ welches dieſe Meynung deutlicher vorbringe/
in dem es ſagt: Du ſolt nicht ſtelen/ ꝛc. Solcher
Wort
[86]Deß Abentheurl. Simpliciſſimi
Wort trieb er viel/ alſo daß ich bey mir ſelbſt ſeufftzt
und gedachte: O Gottslaͤſterlicher Suͤnder! du nen-
neſt dich ſelbſt einen Ehebieger/ und den guͤtigen Gott
einen Ehebrecher/ weil er Mann und Weib durch
den Todt voneinander trennet; meyneſtu nicht/ ſagt
ich auß uͤbrigem Eyfer und Verdruß zu ihm/ wiewol
er ein Officier war/ daß du dich mit dieſen gottloſen
Worten mehr verſuͤndigeſt/ als mit dem Ehebruch
ſelbſten? Er aber autwortet mir: Du Maußkopff/
ſoll ich dir ein paar Ohrfeigen geben? Jch glaub
auch/ daß ich ſolche dicht bekommen haͤtte/ wenn der
Kerl meinen Herꝛn nicht haͤtte foͤrchten muͤſſen: Jch
aber ſchwieg ſtill/ und ſahe nachgehends/ daß es gar
kein ſeltene Sach war/ wenn ſich Ledige nach Ver-
ehelichten/ und Verehelichte nach Ledigen umb-
ſahen.

Als ich noch bey meinem Einſidel den Weg zum
ewigen Leben ſtudirte/ verwundert ich mich/ warumb
doch Gott ſeinem Volck die Abgoͤtterey ſo hochſtraͤff-
lich verbotten? dann ich bildete mir ein/ wer einmal
den wahren ewigen GOtt erkennet haͤtte/ der wuͤrde
wol nimmermehr keinen andern ehren und anbeten;
ſchloſſe alſo in meinem dummen Sinn/ diß Gebot
ſeye ohnnoͤtig/ und vergedlich gegeben worden: Aber
Ach! ich Narꝛ wuſte nicht was ich gedachte/ dann
ſo bald ich in die Welt kam/ vermerckte ich/ daß (diß
Gebot ohnangeſehen) bey nahe jeder Welt-Menſch
einen beſondern Neben-Gott hatte/ ja etliche hatten
wol mehr/ als die Alte und Neue Heyden ſelbſten/
etliche hatten den Jhrigen in der Kuͤſten/ auff wel-
chen ſie allen Troſt und Zuverſicht ſetzten; mancher
hatte den ſeinen bey Hof/ zu welchem er allen Zuflucht
geſtellt/
[87]Erſtes Buch.
geſtellt/ der doch nur ein Favorit, und offt ein lieder-
licher Bernheuter war/ als ſein Anbeter ſelbſt/ weil
ſein luͤfftige Gottheit nur auff deß Printzen Aprillen-
wetteriſchen Gunſt beſtunde; andere hatten den ihri-
gen in der Reputation, und bildeten ſich ein/ wann
ſie nur dieſelbige erhielten/ ſo waͤren ſie ſelbſt auch
halbe Goͤtter; noch andere hatten den ihrigen im
Kopff/ nemlich die jenige/ denen der wahre Gott ein
geſund Hirn verliehen/ alſo daß ſie einige Kuͤnſte und
Wiſſenſchafften zu faſſen geſchickt waren/ dieſelbe
ſetzten den guͤtigen Geber auff ein Seit/ und verlieſ-
ſen ſich auff die Gab/ in Hoffnung/ ſie wuͤrde ihnen
alle Wolfahrt verleyhen; Auch waren viel/ deren
Gott ihr eigener Bauch war/ welchem ſie taͤglich
die Opffer raichten/ wie vor Zeiten die Heyden dem
Baccho und der Cerere gethan/ und wann ſolcher ſich
unwillig erzeigte/ oder ſonſt die menſchliche Gebre-
chen ſich anmeldeten/ ſo machten die elende Men-
ſchen einen Gott auß dem Medico, und ſuchten ihres
Lebens Auffenthalt in der Apotheck/ auß welcher ſie
zwar oͤffters zum Todt befoͤrdert wurden. Manche
Narꝛen machten ihnen Goͤttinnen auß glatten Me-
tzen/ dieſelbe nenneten ſie mit andern Nahmen/ bete-
ten ſie Tag und Nacht an mit viel tauſend Seufftzen/
und machten ihnen Lieder/ welche nichts anders/ als
ihr Lob in ſich hielten/ benebens einem demuͤtigen
Bitten/ daß ſolche mit ihrer Thorheit ein barmher-
tziges Mitleiden tragen/ und auch zu Naͤrꝛinnen wer-
den wolten/ gleich wie ſie ſelbſt Narꝛen ſeyen. Hin-
gegen waren Weibsbilder/ die hatten ihre eigene
Schoͤnheit vor ihren Gott auffgeworffen dieſe/ ge-
dachten ſie/ wird mich wol vermannen/ GOTT im
Him̃el
[88]Deß Abentheurl. Simpliciſſimi
Him̃el ſage darzu/ was er will; dieſer Abgott ward
an ſtatt anderer Opffer taͤglich mit allerhand Schmin-
cke/ Salben/ Waſſern/ Pulvern und ſonſt Schmir-
ſel unter halten und verehrt. Jch ſahe Leut/ die wol-
gelegene Haͤuſer vor Goͤtter hielten/ dann ſie ſagten/
ſo lang ſie darinn gewohnet/ waͤre ihnen Gluͤck und
Heyl zugeſtanden/ und das Gelt gleichſam zum
Fenſter hinein gefallen; welcher Thorheit ich mich
hoͤchſtens verwundert/ weil ich die Urſach ſahe/ wa-
rumb die Jnwohner ſo guten Zuſchlag gehabt: Jch
kante einen Kerl/ der konte in etlich Jahren vor dem
Toback-Handel nicht recht ſchlaffen/ weil er demſel-
ben ſein Hertz/ Sinn und Gedancken/ das allein
GOtt gewidmet ſeyn ſolte/ geſchenckt hatte/ er ſchick-
te demſelben ſo Tags als Nachts viel 1000. Seuff-
tzer/ weil er dardurch proſperirte; Aber was geſcha-
be? der Phantaſt ſtarb/ und fuhr dahin/ wie der
Toback-Rauch ſelbſt. Da gedacht ich/ O du elender
Menſch! waͤre dir deiner Seelen Seeligkeit und deß
wahren GOttes Ehr/ ſo hoch angelegen geweſen/
als der Abgott/ der in Geſtalt eines Braſilianers mit
einer Roll Toback unterm Arm/ und einer Pfeiffen
im Maul/ auff deinem Gaden ſtehet/ ſo lebte ich der
ohnzweifflichen Zuverſicht/ du haͤtteſt ein herꝛliches
Ehren-Kraͤntzlein/ in jener Welt zu tragen/ erwor-
ben. Ein anderer gEſell hatte noch wol liederlichere
Goͤtter/ dann als bey einer Geſellſchafft von jedem
erzehlt wurde/ auff was Weis er ſich in dem grenli-
lichen Hunger und theuren Zeit ernehret und durch
gebracht/ ſagte dieſer mit Teutſchen Worten: Die
Schnecken und Froͤſch ſeyen ſein Herꝛ Gott geweſen/
er haͤtte ſonſt in Mangel ihrer muͤſſen Hungers ſter-
ben:
[89]Erſtes Buch.
ben: Jch fragte ihn/ was ihm denn damals GOtt
ſelbſt geweſt waͤre/ der ihm ſolche Inſecta zu ſeinem
Auffenthalt beſchehrt haͤtte? Der Tropff aber wuſte
nichts zu antworten/ und ich muſte mich umb ſo viel
deſto mehr verwundern/ weil ich noch nirgends gele-
ſen/ daß die Alte abgoͤttiſche Egyptier/ noch die Neu-
lichſte Americaner/ jemals dergleichen Ungeziefer
vor Gott außgeſchryen/ wie dieſer Geck thaͤte.

Jch kam einsmals mit einem vornehmen Herꝛn
in eine Kunſt-Kam̃er/ darinnen ſchoͤne Raritaͤten wa-
ren/ unter den Gemaͤhlden gefiele mir nichts beſſer/
als ein Ecce Homo! wegen ſeiner erbaͤrmlichen Dar-
ſtellung/ mit welcher es die Anſchauer gleichſam
zum Mitleiden verzuckte; darneben hienge eine pa-
pierne Charte in China gemahlt/ darauff ſtunden der
Chineſer Adgoͤtter in ihrer Majeſtaͤt ſitzend/ deren
theils wie die Teuffel geſtaltet waren/ der Herꝛ im
Hauß fragte mich/ welches Stuͤck in ſeiner Kunſt-
Kammer mir am beſten gefiele? Jch deutet auff be-
ſagtes Ecce Homo, Er aber ſagte/ ich irꝛe mich/ das
Chineſer Gemaͤhld waͤre rarer/ und dahero auch
koͤſilicher/ er wolte es nicht umb zehen ſolcher Ecce
Homo manglen: Jch antwortet/ Herꝛ/ iſt euer Hertz
wie euer Mund? Er ſagt/ ich verſehe michs; Da-
rauff ſagte ich: So iſt auch euers Hertzen Gott der
jenige/ deſſen Conterfait ihr mit dem Mund beken-
net/ das koͤſtlichſte zu ſeyn: Phantaſt/ ſagt jener/
ich æſtimire die Raritaͤt! Jch antwortet/ was iſt ſel-
tener und verwunderns wuͤrdiger/ als daß GOttes
Sohn ſelbſt unſert wegen gelitten/ wie uns diß
Bildnus vorſtellt?

DasXXV.Capitel.

SO ſehr wurden nun dieſe und noch eine groͤſſere
Menge anderer Art Abgoͤtter nicht geehrt/ ſo
ſehr wurde hingegen die wahre Goͤttliche Majeſtaͤt
verachtet/ denn gleich wie ich niemand ſahe/ der ſein
Wort und Gebot zu halten begehrte/ alſo ſahe ich
hingegen viel/ die ihm in allem widerſtrebten/ und
die Zoͤllner (welche zu den Zeiten/ als Chriſtus noch
auff Erden wandelt/ offene Suͤnder waren) mit Boß-
heit uͤbertraffen: Chriſtus ſpricht/ liebet eure Fein-
de/ ſeguet die euch fluchen/ thut wol denen die euch
haſſen/ bittet vor die ſo euch beleydigen und verſol-
gen/ auff daß ihr Kinder ſeyt euers Vatters im Him-
mel; dann ſo ihr liebet/ die euch lieben/ was werdet
ihr fuͤr Lohn haben? thun ſolches nicht auch die Zoͤll-
ner? und ſo ihr euch nur zu euren Bruͤdern freund-
lich thut/ was thut ihr ſonderliches? thun nicht die
Zoͤllner auch alſo? Aber ich fande nicht allein nie-
mand/ der dieſem Befelch Chriſti nachzukommen be-
gehrte/ ſondern jederman thaͤt gerad das Widerſpil/
es hieſſe/ viel Schwaͤger/ viel Knebel-Spieß; und
nirgends fande ſich mehr Neid/ Haß/ Mißgunſt/
Hader und Zanck/ als zwiſchen Bruͤdern/ Schwe-
ſtern/ und andern angebornen Freunden/ ſonderlich
wenn ihnen ein Erb zu theilen/ zugefallen war; auch
ſonſt haßte das Handwerck aller Orten einander/ al-
ſo daß ich handgreifflich ſehen und ſchlieſſen muſte/
daß vor dieſem die offene Suͤnder/ Publicanen und
Zoͤllner/ welche wegen ihrer Boßheit und Gottloſig-
keit bey maͤnniglich verhaßt waren/ uns heutigen
Chriſten mit Ubung Bruͤderlicher Liebe weit uͤber-
legen
[91]Erſtes Buch.
legen geweſen; maſſen ihnen Chriſtus ſelbſten das
Zeugnus gibt/ daß ſie ſich untereinander geliebet ha-
ben: Dahero betrachtete ich/ wenn wir keinen Lohn
haben/ ſo wir die Feinde nicht lieben/ was vor groſſe
Straffen wir dann gewaͤrtig ſeyn muͤſſen/ wann wir
auch unſere Freund haſſen; wo die groͤſte Lieb und
Treu ſeyn ſolte/ fande ich die hoͤchſte Untreu/ und den
gewaltigſten Haß. Mancher Herꝛ ſchunde ſeine ge-
treue Diener und Underthanen/ hingegen wurden
etliche Underthanen an ihren frommen Herꝛen zu
Schelmen. Den continuirlichen Zanck vermercket
ich zwiſchen vielen Eheleuten/ mancher Tyrann hiel-
te ſein ehrlich Weib aͤrger als einen Hund/ und man-
che loſe Vettel ihren from̃en Mann vor einen Narꝛn
und Eſel. Viel Huͤndiſche Herꝛn und Meiſter betro-
gen ihre fleiſſige Dienſtbotten umb ihren gebuͤhren-
den Lohn/ und ſchmaͤlerten beydes Speiß und Tranck/
hingegen ſahe ich auch viel untreu Geſind/ die ihre
fromme Herꝛen entweder durch Diebſtal oder Fahr-
laͤſſigkeit ins Verderben ſetzten. Die Handels-Leut
und Handwercker renneten mit dem Juden-Spieß
gleichſam umb die Wett/ und ſogen durch allerhand
Fuͤnde und Voͤrthel dem Bauersmann ſeinen ſauren
Schweiß ab; hingegen waren theils Bauren ſo gar
gottloß/ daß ſie ſich auch darumb bekuͤmmerten/ wenn
ſie nicht rechtſchaffen genug mit Boßheit durchtrie-
ben waren/ andere Leut/ oder auch wol ihre Herꝛen
ſelbſt/ unterm Schein der Einfalt zu beruffen. Jch
ſahe einsmals einen Soldaten einem andern eine
dichte Maulſchelle geben/ und bildete mir ein/ der
Geſchlagene wuͤrde den andern Backen auch dar-
bieten: (weil ich noch niemal bey keiner Schlaͤgerey
gewe-
[92]Deß Abentheurl. Simpliciſſimi
geweſen) Aber ich irꝛete/ dann der Beleydigte zoge
von Leder/ und verſetzte dem Thaͤter eine Wunde
davor an Kopff: Jch ſchrye ihm uͤberlaut zu/ und
ſagte: Ach Freund/ was machſtu? Da waͤr einer
ein Bernheuter/ antwort jener/ ich will mich der
Teuffel hol ꝛc. ſelbſt raͤchen/ oder das Leben nicht
haben! bey/ muͤſte doch einer ein Schelm ſeyn/ der
ſich ſo coujoniren lieſſe. Der Lermen zwiſchen dieſen
zweyen Duellanten ergroͤſſert ſich/ weilen beyderſeits
Beyſtaͤnder/ ſampt dem Umbſtand und Zulauff/ ein-
ander auch in die Haar kamen; da hoͤrte ich ſchwoͤ-
ren bey Gott und ihren Seelen ſo leichtfertig/ daß
ich nicht glauben konte/ daß ſie dieſe vor ihr edelſt
Kleinod hielten: Aber das war nur Kinderſpiel/ deñ
es blieb bey ſo geringen Kinderſchwüren nicht/ ſon-
dern es folgte gleich hernach: Schlag mich der Don-
ner/ der Blitz/ der Hagel/ zerꝛeiß und hol mich der ꝛc.
ja nicht einer allein/ ſondern hundert tauſend/ und
führen mich in die Luͤfft hinweg! Die H. Sacra-
menta muſten nicht nur ſiebenfaͤltig/ ſondern auch
mit hundert tauſenden/ ja ſo viel Thonnen/ Galleern
und Stattgraͤben voll herauß/ alſo daß mir abermal
alle Haar gen Berg ſtunden. Jch gedachte wiede-
rumb an den Befelch Chriſti/ da er ſagt: Jhr ſolt
allerdings nicht ſchwoͤren/ weder bey dem Himmel/
dann er iſt Gottes Stul/ noch bey der Erden/ dann
ſie iſt ſeiner Fuͤſſe Schemel/ noch bey Jeruſalem/
dann ſie iſt eines groſſen Koͤnigs Statt/ auch ſolt du
nicht bey deinem Haupt ſchwoͤren/ dann du vermagſt
nicht ein einiges Haar weiß und ſchwartz zu machen/
euer Rede aber ſey Ja Ja/ Nein Nein/ was druͤber
iſt/ das iſt vom Ubel. Dieſes alles/ und was ich ſahe
und
[93]Erſtes Buch.
und hoͤrete/ erwog ich/ und ſchloß veſtiglich/ daß dieſe
Balger keine Chriſten ſeyen/ ſuchte derowegen eine
andere Geſellſchafft.

Zum aller-erſchroͤcklichſten kam mirs vor/ wenn
ich etliche Großſprecher ſich ihrer Boßhett/ Suͤnd/
Schand und Laſter ruͤhmen hoͤrete/ dann ich vernam
zu unterſchiedlichen Zeiten/ und zwar taͤglich/ daß
ſie ſagten: Potz Blut/ wie haben wir geſter geſoffen!
Jch hab mich in einem Tag wol dreymal voll geſof-
fen/ und eben ſo vielmal gekotzt. Potz Stern/ wie
haben wir die Bauren/ die Schelmen/ tribulirt. Potz
Stral/ wie haben wir Beuten gemacht. Potz hun-
dert Gifft/ wie haben wir ein Spaß mit den Wei-
hern und Maͤgden gehabt. Jtem/ ich hab ihn darni-
der gehauen/ als wenn ihn der Hagel haͤtte nider ge-
ſchlagen. Jch hab ihn geſchoſſen/ daß er das Weiß
uͤberſich kehrte. Jch hab ihn ſo artlich uͤber den Doͤl-
pel geworffen/ daß ihn der Teuffel haͤtte holen moͤgen.
Jch hab ihm den Stein geſtoſſen/ daß er den Hals
haͤtt brechen moͤgen. Solche und dergleichen un-
Chriſtliche Reden erfuͤllten mir alle Tag die Ohren/
und uͤber das/ ſo hoͤrte und ſahe ich auch in GOttes
Nahmen ſuͤndigen/ welches wol zu erbarmen iſt; von
den Kriegern wurde es am meiſten practicirt/ wenn
ſie nemlich ſagten: Wir wollen in Gottes Nahmen
auff Partey/ Pluͤndern/ Mitnemmen/ Todtſchieſ-
ſen/ Nidermachen/ Angreiffen/ gefangen nemmen/
in Brand ſtecken/ und was ihrer ſchroͤcklichen Arbei-
ten und Verꝛichtungen mehr ſeyn moͤgen. Alſo wa-
gens auch die Wucherer mit dem Verkauff in Got-
tes Nahmen/ damit ſie ihrem Teuffliſchen Geitz nach
ſchinden und ſchaben moͤgen. Jch habe zween Mauß-
koͤpff
[94]Deß Abentheurl. Simpliciſſimi
koͤpff ſehen hencken/ die wolten einsmals bey Nacht
ſtelen/ und als ſie die Leiter angeſtellt/ und der eine in
GOttes Nahmen einſteigen wolte/ warff ihn der
wachtſame Haußvatter ins Teuffels Nahmen wie-
der herunter/ davon er ein Bein zerbrach/ und alſo
gefangen/ und uͤber etlich Tag hernach ſampt ſeinem
Camerad auffgeknuͤpffet ward. Wann ich nun ſo
etwas hoͤret/ ſahe/ und beredet/ und wie meine Ge-
wonheit war/ mit der H. Schrifft hervor wiſchte/
oder ſonſt treuhertzig abmahnete/ ſo hielten mich die
Leut vor einen Narꝛen/ ja ich wrrde meiner guten
Meynung halber ſo offt außgelacht/ daß ich endlich
auch unwillig wurde/ und mir vorſetzte/ gar zu
ſchweigen/ welches ich doch auß Chriſtlicher Liebe
nicht halten konte. Jch wuͤnſchte/ daß jederman bey
meinem Einſidel aufferzogen worden waͤre der Mey-
nung/ es wuͤrde alsdann auch maͤnniglich der Welt
Weſen mit Simplicii Augen anſehen/ wie ichs da-
mals beſchauet. Jch war nicht ſo witzig/ wann lau-
ter Simplici in der Welt waͤren/ daß man alsdann
auch nicht ſo viel Laſter ſehen werde. Jndeſſen iſts
doch gewiß/ daß ein Welt-Menſch/ welcher aller
Untugenden und Thorheiten gewohnt/ und ſelbſten
mit macht/ im wenigſten nicht empfinden kan/ auff
was vor einer boͤſen Sproſſen er mit ſeinen Geferten
wandelt.

DasXXVI.Capitel.

ALs ich nun vermeynte/ ich haͤtte Urſach zu zweif-
feln/ ob ich unter Chriſten waͤre oder nicht? gien-
ge ich zu dem Pfarꝛer/ und erzehlte alles/ was ich
gehoͤret und geſehen/ auch was ich vor Gedancken
hatte
[95]Erſtes Buch.
hatte/ nemlich daß ich die Leut nur vor Spoͤtter Chri-
ſti und ſeines Worts/ und vor keine Chriſten hielte/
mit Bitt/ er wolte mir doch auß dem Traum helffen/
damit ich wiſſe/ worvor ich meine Neben-Menſchen
halten ſolte; Der Pfarꝛer antwortet/ freylich ſind
ſie Chriſten/ und wolt ich dir nicht rathen/ daß du ſie
anderſt nennen ſolteſt; Mein GOtt! ſagte ich/ wie
kans ſeyn? dann wann ich einem oder dem andern
ſeinen Fehler/ den er wider GOtt begehet/ verweiſe/
ſo werde ich verſpottet und außgelacht: Deſſen ver-
wundere dich nicht/ antwortet der Pfarꝛer/ ich
glaube/ wenn unſere erſte fromme Chriſten/ die zu
Chriſti Zeiten gelebt/ ja die Apoſtel ſelbſt/ anjetzo
aufferſtehen/ und in die Welt kommen ſolten/ daß ſie
mit dir ein gleiche Frag thun/ und endlich auch ſo
wol als du/ von jedermaͤnniglich vor Narꝛen gehal-
ten wuͤrden; das/ was du bißher ſiheſt und hoͤreſt/ iſt
ein gemeine Sach/ und nur Kinderſpiel gegen dem
jenigen/ das ſonſten ſo heimlich als offentlich und
mit Gewalt/ wider GOtt und den Menſchen vorge-
het/ und in der Welt veruͤbet wird/ aber laß dich das
nicht aͤrgern/ du wirſt wenig Chriſten finden/ wie Herꝛ
Samuel ſel. einer geweſen iſt.

Jn dem als wir ſo miteinander redeten/ fuͤhret
man etliche/ ſo vom Gegentheil gefangen waren
worden/ uͤbern Platz/ welches unſern Diſcurs zerſtoͤ-
ret/ weil wir die Gefangene auch beſchauten: Da
vername ich eine Unſinnigkeit/ dergleichen ich mir
nicht haͤtte traͤumen doͤrffen laſſen: Es war aber ein
neue Mode einander zu gruͤſſen und zu bewillkom̃en/
dann einer von unſerer Guarniſon, welcher hiebevor
dem Kaͤiſer auch gedient hatte/ kante einen von den
EGefan-
[96]Deß Abentheurl. Simpliciſſimi
Gefangenen/ zu dem gieng er/ gab ihm die Hand/
druckt jenem die ſeinige vor lauter Freud und Treu-
hertzigkeit/ und ſagte: Daß dich der Hagel erſchlag/
(Alt-Teutſch) lebſtu auch noch Bruder? Potz Fi-
ckerment/ wie fuͤhrt uns der Teuffel hier zuſammen!
ich hab ſchlag mich der Donner vorlaͤngſt gemeynt/
du waͤrſt gehenckt worden: Darauff antwortet der
ander/ potz Blitz Bruder! biſtus/ oder biſtus nicht?
daß dich der Teuffel hol/ wie biſtu hieher kom̃en? ich
haͤtte mein Lebtag nicht gemeynt/ daß ich dich wieder
antreffen wuͤrde/ ſondern hab gedacht/ der Teuffel
hab dich vorlaͤngſt hingefuͤhrt. Und als ſie wieder
voneinander giengen/ ſagt einer zum andern/ an ſtatt
behuͤt dich Gott; Strick zu/ Strick zu/ morgen kom-
men wir vielleicht zuſammen/ dann wollen wir brav
miteinander ſauffen.

Jſt das nicht ein ſchoͤner gottſeeliger Willkomm?
ſagt ich zum Pfarꝛer/ ſind das nicht herꝛliche Chriſt-
liche Wuͤnſch? haben dieſe nicht einen heiligen Vor-
ſatz auff den morgenden Tag? wer wolte ſie vor
Chriſten erkennen/ oder ihnen ohne Erſtaunen zuhoͤ-
ren? wenn ſie einander auß Chriſtlicher Liebe ſo zu-
ſprechen/ wie wirds denn hergehen/ wenn ſie mitein-
ander zancken? Herꝛ Pfarꝛer/ wenn diß Schaͤflein
Chriſti ſind/ ihr aber deſſen beſtellter Hirt/ ſo will
euch gebuhren/ ſie auff eine beſſere Waͤid zu fuͤhren;
Ja/ antwort der Pfarꝛer/ Liebes Kind/ es gehet bey
den gottloſen Soldaten nicht anders her/ GOtt er-
barms! wann ich gleich etwas ſagte/ ſo waͤre es ſo
viel/ als wenn ich den Tauben predigte/ und ich haͤtte
nichts anders davon/ als dieſer gottloſen Burſch ge-
faͤhrlichen Haß. Jch verwundert mich/ ſchwaͤtzte
noch
[97]Erſtes Buch.
noch ein Weil mit dem Pfarꝛer/ und gieng dem Gu-
bernator auffzuwarten/ dann ich hatte gewiſſe Zeiten
Erlaubnus/ die Statt zu beſchauen/ und zum Pfar-
rer zu gehen/ weil mein Herꝛ von meiner Einfalt
Wind hatte/ und gedachte/ ſolche wuͤrde ſich legen/
wann ich herumb terminirte/ etwas ſehe/ hoͤrte/ und
von andern geſchulet/ oder wie man ſagt/ gehobelt
und geruͤlpt wuͤrde.

DasXXVII.Capitel.

MEines Herꝛn Gunſt vermehrte ſich taͤglich/ und
wurde je laͤnger je groͤſſer gegen mir/ weil ich
nicht allein ſeiner Schweſter/ die den Einſidel ge-
habt hatte/ ſondern auch ihm ſelbſten je laͤnger je glei-
cher ſahe/ in dem die gute Speiſen und faule Taͤg
mich in Kuͤrtze glatthaͤrig machten. Dieſe Gunſt ge-
noſſe ich bey jedermaͤnniglich/ dann wer etwas mit
dem Gubernator zu thun hatte/ der erzeigte ſich mir
auch guͤnſtig/ und ſonderlich mochte mich der Secre-
tarius wol leiden/ in dem mich derſelbe rechnen lernen
muſte/ hatte er manche Kurtzweil von meiner Einfalt
und Unwiſſenheit; er war erſt von den Studien kom-
men/ und ſtack dahero noch voller Schulpoſſen/ die
ihm zu Zeiten ein Anſehen gaben/ als wann er einen
Sparꝛen zu viel oder zu wenig gehabt haͤtte/ er uͤber-
redete mich offt/ ſchwartz ſey weiß/ und weiß ſey
ſchwartz/ dahero kam es/ daß ich ihm in der erſte al-
les/ und auffs letzte gar nichts mehr glaubte: Jch
tadelt ihm einsmals ſein ſchmierig Dintenfaß/ er
aber antwortet/ ſolches ſey ſein beſtes Stück in der
gantzen Cantzley/ dann auß demſelben lange er her-
auß was er begehre/ die ſchoͤnſte Ducaten/ Kleider/
E ijund
[98]Deß Abentheurl. Simpliciſſimi
und in Summa was er vermoͤchte/ haͤtte er nach und
nach herauß gefiſcht: Jch wolte nicht glauben/ daß
auß einem ſo kleinen veraͤchtlichen Ding ſo herꝛliche
Sachen zu bekommen waͤren; hingegen ſagt er/ ſol-
ches vermoͤg der Spiritus Papyri (alſo nennet er die
Dinten) und das Dintenfaß wuͤrde darumb ein Faß
genennet/ weil es groſſe Sachen faſſe: Jch fragte/
wie mans dann herauß bringen koͤnte/ ſintemal man
kaum zween Finger hinein ſtecken moͤchte? Er ant-
wortet/ er haͤtte einen Arm im Kopff/ der ſolche Arbeit
verꝛichten muͤſſe/ er verhoffe ihm bald auch ein ſchoͤ-
ne reiche Jungfrau herauß zu langen/ und wann er
das Gluͤck haͤtte/ ſo getraute er auch eigen Land und
Leut herauß zu bringen/ welches wol ehemals ge-
ſchehen waͤre: Jch muſte mich uͤber dieſe kuͤnſtliche
Griff verwundern/ und fragte/ ob noch mehr Leute
ſolche Kunſt koͤnten? Freylich/ antwortet er/ alle
Cantzler/ Doctorn, Secretarii, Procuratorn oder Ad-
vocaten/ Commiſſarii, Notarii, Kauff- und Han-
dels-Herꝛen/ und ſonſt unzehlich viel andere mehr/
welche gemeiniglich/ wann ſie nur fleiſſig fiſchen/ zu
reichen Herꝛen darauß werden: Jch ſagte/ ſo ſeynd
die Bauren und andere arbeitſame Leut nicht witzig/
daß ſie im Schweiß ihres Angeſtchts ihr Brot eſ-
ſen/ und dieſe Kunſt nicht auch lernen: Er antwor-
tet/ etliche wiſſen der Kunſt Nutzen nicht/ dahero be-
gehren ſie ſolche auch nicht zu lernen; etliche wol-
tens gerne lernen/ manglen aber deß Arms im Kopff/
oder anderer Mittel; etliche lernen die Kunſt/ und
haben Arms genug/ wiſſen aber die Griff nicht/ ſo
die Kunſt erfordert/ wenn man dardurch will reich
werden; andere wiſſen und koͤnnen alles was darzu
gehoͤrt
[99]Erſtes Buch.
gehoͤrt/ ſie wohnen aber an der Feblhalden/ und ba-
ben keine Gelegenheit wie ich/ die Kunſt rechtſchaffen
zu uͤben.

Als wir dergeſtalt vom Dintenfaß (welches mich
allerdings an deß Fortunati Saͤckel gemahnet) di-
ſcurirten/ kam mir das Titular-Buch ohngefaͤbr in
die Haͤnd/ darinnen fande ich/ meines damaligen
Davorhaltens/ mehr Thorheiten/ als mir bißhero
noch nie vor Augen kommen; Jch ſagte zum Secre-
tario, dieſes alles ſind ja Adams-Kinder/ und eines
Gemaͤchts miteinander/ und zwar nur von Staub
und Aſchen! Wo kompt dann ein ſo groſſer Unter-
ſcheid her? Allerheiligſt/ Unuͤberwindlichſt/ Durch-
leuchtigſt! Sind das nicht Goͤttliche Eigenſchaff-
ten? hier iſt einer Gnaͤdig/ dort iſt der ander Ge-
ſtreng; und was muß allzeit das Geborn darbey
thun? man weiß ja wol/ daß keiner vom Him̃el faͤllt/
auch keiner auß dem Waſſer entſtehet/ und daß kei-
ner auß der Erden waͤchſt/ wie ein Krautskopff; wa-
rumb ſtehen nur Hoch-Wol. Vor- und Großgeach-
te da/ und keine geneunte? oder wo bleiben die ge-
fuͤnffte/ geſechſte/ und geſibende? was iſt das vor ein
naͤrꝛiſch Wort/ Vorſichtig? welchem ſtehen dann
die Augen hinden im Kopff? Der Secretarius muſte
meiner lachen/ und nam die Muͤhe/ mir eines und
deß andern Titul/ und alle Wort inſonderheit auß-
zulegen/ ich aber beharꝛete darauff/ daß die Titul
nicht recht geben wuͤrden/ es waͤre einem viel ruͤhm-
licher/ wann er Freundlich titulirt wuͤrde/ als Ge-
ſtreng; Jtem/ wann das Wort Edel an ſich ſelb-
ſten nichts anders/ als hochſchaͤtzbarliche Tugenden
dedeute/ warumb es dann/ wann es zwiſchen Hoch-
E iijgeborn
[100]Deß Abenth. Simpliciſſimi
geborn (welches Wort einen Fuͤrſten oder Grafen
anzeige) geſetzt werde/ ſolchen Fuͤrſtlichen Titul
verꝛingere? das Wort Wolgeborn ſey eine gantze
Unwarheit/ ſolches wuͤrde eines jeden Barons Mutter
bezeugen/ wenn man ſie fraget/ wie es ihr bey ihres
Sohns Geburt ergangen waͤre?

Jn dem ich nun dieſes alſo belachte/ entranne mir
ohnverſehens ein ſolcher grauſamer Leibs-Dunſt/ daß
beydes ich und der Secretarius daruͤber erſchracken;
dieſer meldet ſich augenblicklich ſo wol in unſern Na-
ſen/ als in der gantzen Schreibſtuben ſo kraͤfftig an/
gleichſam als wenn man ihn zuvor nicht genug ge-
hoͤret haͤtte: Troll dich du Sau/ ſagt der Secretarius
zu mir/ zu andern Saͤuen in Stall/ mit denen du
Ruͤlp beſſer zuſtimmen/ als mit ehrlichen Leuten
converſiren kanſt; er muſte aber ſo wol als ich den
Ort raͤumen/ und dem greulichen Geſtanck den Platz
allein laſſen. Und alſo habe ich meinen guten Handel/
den ich in der Schreib-Stub hatte/ dem gemeinen
Spruͤchwort nach/ auff einmal verkerbt.

DasXXVIII.Capitel.

JCh kam aber ſehr unſchuldig in diß Ungluͤck/ denn
die ohngewoͤhnliche Speiſen und Artzneyen/ die
man mir taͤglich gab/ meinen zuſammen geſchrum-
pelten Magen und eingeſchnorꝛtes Gedaͤrm wieder
zu recht zu bringen/ erꝛegten in meinem Bauch viel
gewaltige Wetter und ſtarcke Sturmwind/ welche
mich treff ich quaͤlten/ wann ſie ihren ungeſtuͤmmen
Außbruch ſuchten; und demnach ich mir nicht ein-
bildete/ daß es uͤbel gethan ſey/ wenn man diß Orts
der Natur willfahre/ maſſen einem ſolchen innerli-
chen
[101]Erſtes Buch.
chen Gewalt in die Laͤng zu widerſtehen/ ohne das
ohnmuͤglich/ mich auch weder mein Einſidel (weil
ſolche Gaͤſt gar duͤnn bey uns geſaͤet wurden) niemal
nichts darvon unterꝛichtet/ noch mein Knan verbot-
ten/ ſolche Kerl ihres Wegs nicht ziehen zu laſſen/
als lieſſe ich ihnen Lufft/ und alles paſſirn/ was nur
fort wolte/ diß ich erzehlter maſſen mein Credit beym
Secretario verloren: Zwar waͤre deſſen Gunſt noch
wol zu entberen geweſt/ wenn ich in keinen groͤſſern
Unfall kommen waͤre/ dann mir giengs/ wie einem
frommen Menſchen der nach Hof kompt/ da ſich die
Schlang wider den Naſicam, Goliath wider den
David/ Minotaurus wider Theſeum, Meduſa wider
Perſeum, Circe wider Ulyſſem, Ægiſthus wider Me-
nelaum, Paludes wider Coræbum, Medea wider den
Peliam, Neſſus wider Herculem, und was mehr iſt/
Althea wider ihren eigenen Sohn Meleagrum ru-
ſtet.

Mein Herꝛ hatte einen außgeſtochenen Eſſig zum
Page neben mir/ welcher ſchon ein paar Jahr bey
ihm geweſen/ demſelben ſchenckt ich mein Hertz/ weil
er mit mir gleiches Alters war: Jch gedachte/ dieſer
iſt Jonathan/ und du biſt David; aber er eyfert mit
mir/ wegen der groſſen Gunſt/ die mein Herꝛ zu mir
trug/ und taͤglich vermehrte; er beſorgt/ ich moͤchte
ihm vielleicht die Schuh gar außtretten/ ſahe mich
derowegen heimlich mit mißgoͤnſtigen neidigen Au-
gen an/ und gedachte auff Mittel/ wie er mir den
Stein ſtoſſen/ und durch meinen Unfall dem ſeini-
gen vorkommen moͤchte: Jch aber hatte Dauben-
Augen/ und auch einen andern Sinn als er/ ja ich
vertraute ihm alle meine Heimlichkeiten/ die zwar
E jvauff
[102]Deß Abentheurl. Simpliciſſimi
auff nichts anders/ als auff kindiſcher Einfalt und
Frommkeit beſtunden/ dahero er mir auch nirgends
zukommen konte. Einsmals ſchwaͤtzten wir im Bett
lang miteinander/ ehe wir entſchlieffen/ und in dem
wir vom Wahrſagen redeten/ ver ſprach er mich ſol-
ches auch umbſonſt zu lernen; hieſſe mich darauff
den Kopff unter die Decke thun/ dann er uͤberꝛedet
mich/ auff ſolche Weis muͤſte er mir die Kunſt bey-
bringen; Jch gehorchte fleiſſig/ und gab auff die
Ankunfft deß Wahrſager-geiſtes genaue Achtung/
potz Gluͤck! derſelbe nam ſeinen Einzug in meiner
Naſen/ und zwar ſo ſtarck/ daß ich den gantzen Kopff
wieder unter der Decken herfuͤr thun muſte: Was
iſts? ſagt mein Lehrmeiſter/ Jch antwortet/ du haſt
einen ſtreichen laſſen; Und du/ antwortet er/ haſt
wahr geſagt/ und kanſt alſo die Kunſt am beſten. Die-
ſes empfande ich vor keinen Schimpff/ dann ich hat-
te damals noch keine Gall/ ſondern begehrte allein
von ihm zu wiſſen/ durch was vor einen Vortel man
dieſe Kerl ſo ſtillſchweigend abſchaffen koͤnte? mein
Camerad antwortet/ dieſe Kunſt iſt gering/ du darffſt
nur das lincke Bein auffheben/ wie ein Hund der an
ein Eck bruntzt/ darneben heimlich ſagen: Je pete, Je
pete, Je pete, und mithin ſo ſtarck gedruckt/ als du
kanſt/ ſo ſpatzieren ſie ſo ſtillſchweigends dahin/ als
wann ſie geſtolen haͤtten. Es iſt gut/ ſagte ich/ und
wanns hernach ſchon ſtinckt/ ſo wird man vermey-
nen/ die Hund haben den Lufft verfaͤlſcht/ ſonderlich
wann ich das lincke Bein fein doch auffgehebt werde
haben. Ach/ dachte ich/ haͤtte ich doch dieſe Kunſt
heute in der Schreib-Stuben
gewuſt.

DasXXIX.Capitel.

DEß andern Tags hatte mein Herꝛ ſeinen Offi-
ciern und andern guten Freunden/ eine Fuͤrſt-
liche Gaſterey angeſtellt/ weil er die angenehme Zei-
tung bekommen/ daß die Seinigen das veſte Hauß
Braunfels ohne Verluſt einigen Manns eingenom-
men; da muſte ich/ wie dann mein Ampt war/ wie
ein anderer Tiſch-Diener helffen Speiſen aufftra-
gen/ einſchencken/ und mit einem Deller in der Hand
auffwarten: Den erſten Tag wurde mir ein groſſer
fetter Kalbskopff (von welchen man zu ſagen pflegt/
daß ſie kein Armer freſſen doͤrffe) auffzutragen ein-
gehaͤndigt; weil nun derſelbig zimlich muͤrd geſot-
ten war/ lieſſe er das eine Aug mit zugehoͤriger gan-
tzen Subſtanz zimlich weit herauß lappen/ welches
mir ein anmuthiger und verfuͤhriſcher Anblick war:
Und weil mich der friſche Geruch von der Speck-
Bruͤhe und auffgeſtreutem Jngwer zugleich anrei-
tzete/ empfand ich einen ſolchen Appetit/ daß mir
das Maul gantz voll Waſſer wurde: Jn Summa/
das Aug lachte meine Augen/ meine Naſen/ und
meinen Mund zugleich an/ und bate mich gleichſam/
ich wolte es doch meinem heiß-hungerigen Magen
einverleiben: Jch lieſſe mir nicht lang den Rock zer-
reiſſen/ ſondern folgte meinen Begierden/ im Gang
hub ich das Aug mit meinem Leffel/ den ich erſt den-
ſelben Tag bekommen hatte/ ſo meiſterlich herauß/
und ſchickte es ohne Anſtoß ſo geſchwind an ſeinen
Ort/ daß es auch kein Menſch innen ward/ biß das
Schuͤppen-Eſſen auff den tiſch kam/ und mich und
ſich ſelbſt verꝛiethe; dañ als man ihn zerlegen wolte/
E vund
[104]Deß Abentheurl. Simpliciſſimi
und eins von ſeinen allerbeſten Gliedmaſſen mangel-
te/ ſahe mein Herꝛ gleich/ warumb der Vorſchnei-
der ſtutzte; Er wolte fuͤrwahr den Spott nicht ha-
ben/ daß man ihm einen einaͤugigen Kalbskopff auff-
zuſtellen/ das Hertz haben ſolte! Der Koch muſte
vor die Tafel/ und die ſo auffgetragen hatten/ wurden
mit ihm examinirt; zuletzt kame das Facit uͤber den
armen Simplicium herauß/ daß nemlich ihme der
Kopff mit beyden Augen auffzutragen gegeben wor-
den waͤre/ wie es aber weiter gangen/ darvon wuſte
niemand zu ſagen. Mein Herꝛ fragte/ meines Be-
duͤnckens mit einer ſchroͤcklichen Mine, wohin ich mit
dem Kalbs-Aug kommen waͤre? geſchwind wiſchte
ich mit meinem Leffel wieder auß dem Sack/ gab
dem Kalbskopff den andern Fang/ und wieſe kurtz
und gut/ was man von mir wiſſen wolte/ maſſen ich
das ander Aug/ gleich wie das erſte/ in einem Huy
verſchlang: Par Dieu, ſagte mein Herꝛ/ dieſer Act
ſchmeckt beſſer/ als zehen Kaͤlber! Die anweſende
Herꝛen lohten dieſen Außſpruch/ und nenneten meine
That/ die ich auß Einfalt begangen/ eine Wunder-
kluge Erfindung/ und Vorbedeutung kuͤnfftiger
Dapfferkeit und unerſchrockenen Reſolution. Alſo
daß ich vor dißmal meiner Straff/ durch Widerho-
lung eben deß jenigen/ damit ich ſolche verdient hat-
te/ nicht allein gluͤcklich entgieng/ ſondern auch von
etlichen kurtzweiligen Poſſenreiſſern/ Fuchsſchwaͤn-
tzern und Tiſch-Raͤthen/ diß Lob erlangte/ ich haͤtte
weislich gehandelt/ daß ich beyde Augen zuſammen
logirt/ damit ſie gleich wie in dieſer/ alſo auch in je-
ner Welt einander Huͤlff u[n]d Geſellſchafft leiſten
koͤnten/ worzu ſie dann anfaͤnglich von der Natur ge-
widmet
[105]Erſtes Buch.
widmet waͤren. Mein Herꝛ aber ſagte/ ich ſolte ihm
ein ander mal nicht wieder ſo kommen.

DasXXX.Capitel.

BEy dieſer Mahlzeit (ich ſchaͤtze/ es geſchicht bey
andern auch) tratte man gantz Chriſtlich zur
Tafel/ man ſprach das Tiſchgebet ſehr ſtill/ und al-
lem Anſehen nach auch ſehr andaͤchtig: Solche ſtille
Andacht continuirte ſo lang/ als man mit der Supp
und den erſten Speiſen zu thun hatte/ gleichſam als
wenn man in einem Capucciner-Convent geſſen baͤt-
he; Aber kaum hatte jeder drey oder viermal geſeg-
ne Gott geſagt/ da wurde ſchon alles viel lauter:
Jch kan nicht beſchreiben/ wie ſich nach und nach ei-
nes jeden Stimm je laͤnger je hoͤher erhebte/ ich wol-
te dann die gantze Geſellſchafft einem Orator ver-
gleichen/ der erſtlich ſachte anfaͤhet/ und endlich
herauß donnert: Man brachte Gerichter/ deßwegen
Vor-Eſſen genant/ weil ſie gewuͤrtzt/ und vor dem
Trunck zu genieſſen verordnet waren/ damit derſelbe
deſto beſſer gienge: Jtem Bey-Eſſen/ weil ſie bey
dem Trunck nicht uͤbel ſchmecken ſolten/ allerhand
Frantzoͤſiſchen Potagen und Spaniſchen Olla Pot-
triden zu geſchweigen; welche durch tauſendfaͤltige
kuͤnſtliche Zubereitungen und ohnzahlbare Zuſaͤtze/
dermaſſen verpfeffert/ uͤberdummelt/ vermummet/
mixtirt/ und zum Trunck geruͤſtet waren/ daß ſie
durch ſolche zufaͤllige Sachen und Gewuͤrtz mit ih-
rer Subſtanz ſich weit anders veraͤndert hatten/ als
ſie die Natur anfaͤnglich hervor gebracht/ alſo daß
ſie Cneus Manlius ſelbſten/ wann er ſchon erſt auß
Aſia kommen waͤre/ und die beſte Koͤch bey ſich ge-
E vjhabt
[106]Deß Abentheurl. Simpliciſſimi
habt haͤtte/ dennoch nicht gekennet haͤtte. Jch ge-
dachte/ warumb wolten dieſe einem Menſchen/ der
ihm ſolche/ und den Trunck darbey ſchmecken laͤſt/
(worzu ſie dann vornemlich bereitet ſind) nicht auch
ſeine Sinne zerſtoͤren/ und ihn veraͤndern/ oder gar
zu einer Beſtia machen koͤnnen? Wer weiß/ ob Circe
andere Mittel gebraucht hat/ als eben dieſe/ da ſie
deß Ulyſſis Geferten in Schwein veraͤndert? Jch
ſahe einmal/ daß dieſe Gaͤſt die Trachten fraſſen wie
die Saͤu/ darauff ſoffen wie die Kuͤhe/ ſich darbey
ſtellten wie die Eſel/ und alle endlich kotzten wie die
Gerberhund! Den edlen Hochheimer/ Bacheracher
und Klingenberger/ goſſen ſie mit Kuͤbelmaͤſſigen
Glaͤſern in Magen hinunder/ welche ihre Wuͤrckun-
gen gleich oben im Kopffverſpůren lieſſen. Darauff
ſahe ich meinen Wunder/ wie ſich alles veraͤnderte;
nemlich verſtaͤndige Leut/ die kurtz zuvor ihre fuͤnff
Sinn noch geſund beyeinander gehabt/ wie ſie jetzt
urploͤtzlich anfiengen naͤrꝛiſch zu thun/ und die al-
derſte Ding von der Welt vorzubringen; die groſſe
Thorheiten die ſie begiengen/ und die groſſe Truͤnck/
die ſie einander zubrachten/ wurden je laͤnger je groͤſ-
ſer/ alſo daß es ſchiene/ als ob dieſe beyde umb die
Wett miteinander ſtritten/ welches unter ihnen am
groͤſten waͤre/ zuletzt verkehrte ſich ihr Kampff in eine
unflaͤtige Sauerey. Nichts artlichers war/ als daß
ich nicht wuſte/ woher ihnen der Duͤrmel kam/ ſinte-
mal mir die Wuͤrckung deß Weins/ oder die Trun-
ckenheit ſelbſt/ noch allerdings unbekant geweſen/
welches dann luſtige Grillen und Phantaſten-Ge-
dancken in meinem wercklichen Nachſinnen ſetzte/ ich
ahe wol ihre ſeltzame Minas, ich wuſte aber den Ur-
ſprung
[107]Erſtes Buch.
ſprung ihres Zuſtands nicht. Biß dahin hatte jeder
mit gutem Appetit das Geſchirꝛ gelaͤert/ als aber die
Maͤgen gefuͤllt waren/ hielte es haͤrter als bey einem
Fuhrmann/ der mit geruhtem Geſpann auff der
Ebne wol fort kompt/ am Berg aber nicht hotten
kan. Nachdem aber die Koͤpff auch doll wurden/ er-
ſetzte ihre Unmuͤglichkeit entweder deß einen Coura-
ge, die er im Wein eingeſoffen; oder beym andern
die Treuhertzigkeit/ ſeinem Freund eins zu bringen;
oder beym dritten die Teutſche Redlichkeit/ Ritter-
lich Beſcheid zu thun: Nachdeme aber ſolches die
Laͤnge auch nicht beſtehen konte/ beſchwur je einer
den andern bey groſſer Herꝛen und ſonſt lieber Freund/
oder bey ſeiner Liebſten Geſundheit/ den Wein Maß-
weis in ſich zu ſchuͤtten/ woruͤber manchem die Au-
gen uͤbergiengen/ und der Angſtſchweiß außdrach;
doch muſte es geſoffen ſeyn: Ja man machte zuletzt
mit Trommeln/ Pfeiffen und Saͤitenſpiel Lermen/
und ſchoß mit Stücken darzu/ ohn Zweiffel darumb/
dieweil der Wein die Maͤgen mit Gewalt einnem-
men muſte. Mich verwundert/ wohin ſie ihn doch
alle ſchuͤtten koͤnten/ weil ich noch nicht wuſte/ daß ſie
ſolchen/ ehe er recht warm bey ihnen ward/ wiederum
mit groſſem Schmertzen auß eben dem Ort herfuͤr
gaben/ wohinein ſie ihn kurtz zuvor mit hoͤchſter Ge-
fahr ihrer Geſundheit gegoſſen hatten.

Mein Pfarꝛer war auch bey dieſer Gaſterey/ ihm
beliebte ſo wol als andern/ weil er auch ſo wol als
andere ein Menſch war/ ein Abtritt zu nemmen: Jch
gieng ihm nach/ und ſagte: Mein Herꝛ Pfarꝛer/
warumb thun doch die Leut ſo ſeltzam? woher kom̃t
es doch/ daß ſie ſo hin und her dorckeln? mich duͤnckt
E vijſchier
[108]Deß Abentheurl. Simpliciſſimi
ſchier/ ſie ſeyen nicht mehr recht witzig/ ſie haben ſich
alle ſatt geſſen und getruncken/ und ſchwoͤren bey
Teuffel holen/ wann ſie mehr ſauffen koͤnnen/ und
dennoch hoͤren ſie nicht auff/ ſich außzuſchoppen!
muͤſſen ſie es thun/ oder verſchwenden ſie GOtt zu
Trutz/ auß freyem Willen ſo unnuͤtzlich? Liebes
Kind/ antwortet der Pfarꝛer/ Wein ein/ Witz auß!
das iſt noch nichts gegen dem/ das kuͤnfftig iſt: Mor-
gen gegen Tag iſts noch ſchwerlich Zeit/ bey ihnen
voneinander zu gehen/ dann wenn ſchon ihre Maͤgen
gedrungen voll ſtecken/ ſo ſind ſie jedoch noch nicht
recht luſtig geweſt; zerberſten dann/ ſagte ich/ ihre
Baͤuch nicht/ wenn ſie immer ſo unmaͤſſig einſchte-
ben? koͤnnen dann ihre Seelen/ die Gottes Ebenbild
ſeyn/ in ſolchen Maſtſchwein-Coͤrpern verharꝛen?
in welchen ſie doch/ gleichſam wie in finſtern Gefaͤng-
nuſſen und Ungezifer-maͤſſigen Diebs-Thuͤrnen/ ohn
alle gottſeelige Regungen gefangen ligen? Jhre edle
Seelen/ ſage ich/ wie moͤgen ſich ſolche ſo martern
laſſen; ſeynd nicht ihre Sinne/ welcher ſich ihre See-
len bedienen ſolten/ wie in dem Eingeweid der un-
vernuͤnfftigen Thier begraben? Halts Maul/ ant-
wortet der Pfarꝛer/ du doͤrffteſt ſonſt greulich Pum-
pes kriegen/ hier iſt kein Zeit zu predigen/ ich wolts
ſonſt beſſer als du verꝛichten. Als ich dieſes hoͤrte/
ſahe ich ferner ſtillſchweigend zu/ wie man Speiß und
Tranck muthwillig verderbte/ unangeſehen der arme
Lazarus/ den man damit haͤtte laben koͤnnen/ in Ge-
ſtalt vieler 100. vertriebener Wetterauer/ denen der
Hunger zu den Augen herauß guckte/ vor unſern
Thuͤren verſchmachtete/ weil naut
im Schanck war.

DasXXXI.Capitel.

ALs ich dergeſtalt mit einem Deller in der Hand
vor der Tafel auffwartete/ und in meinem Ge-
muͤt von allerhand Dauben und wercklichen Gedan-
cken geplagt wurde/ lieſſe mich mein Bauch auch
nicht zu frieden/ er kurꝛet und murꝛet ohn Unterlaß/
und gab dardurch zu verſtehen/ daß Burſch in ihm
vorhanden waͤren/ die in freyen Lufft begehrten; ich
gedacht/ mir von dem ungeheuren Geruͤmpel abzu-
helffen/ den Paß zu oͤffnen/ und mich darbey meiner
Kunſt zu bedienen/ die mich erſt die vorig Nacht mein
Camerad gelernet hatte; ſolchem Unterꝛicht zu folg/
hub ich das lincke Bein ſampt dem Schenckel in alle
Hoͤhe auff/ druckte von allen Kraͤfften was ich konte/
und wolte meinen Spruch/ Je pete, zugleich dreymal
heimlich ſagen; Als aber der ungeheure Geſpan/ der
zum Hindern hinauß wiſchte/ wider mein Verhoffen
ſo greulich thoͤnete/ wuſte ich vor Schrecken nit mehr
was ich thaͤte/ mir wurde einsmals ſo bang/ als weñ
ich auff der Laͤiter am Galgen geſtanden waͤre/ und
mir der Hencker bereits den Strick haͤtte anlegen
wollen/ und in ſolcher gaͤhlingen Angſt ſo verwirꝛet/
daß ich auch meinen eigenen Gliedern nicht mehr be-
fehlen konte/ maſſen mein Maul in dieſem urploͤtz-
lichen Lermen auch rebelliſch wurde/ und dem Hin-
dern nichts bevor geben/ noch geſtatten wolte/ daß
er allein das Wort haben/ es aber/ das zum reden
und ſchreyen erſchaffen/ ſeine Reden heimlich drum-
len ſolte/ derowegen lieſſe ſolches das jenige/ ſo ich
heimlich zu reden im Sinn hatte/ dem Hindern zu
Trutz uͤberlaut hoͤren/ und zwar ſo ſchroͤcklich/ als
wann
[110]Deß Abentheurl. Simpliciſſimi
wann man mir die Kehl haͤtte abſtechen wollen: Je
greulicher der Unterwind knallete/ je grauſamer das
Je pete oben herauß fuhr/ gleichſam als ob meines
Magens Ein- und Außgang einen Wettſtreit mitein-
ander gehalten haͤtten/ welcher unter ihnen beyden
die ſchroͤcklichſte Stimm von ſich zu donnern ver-
moͤchte. Hierdurch bekam ich wol Linderung in mei-
nem Eingeweid/ dargegen aber einen ungnaͤdigen
Herꝛn an meinem Gouverneur; Seine Gaͤſt wurden
uͤber dieſem unverſehenen Knall faſt wieder alle nuͤch-
tern/ ich aber/ weil ich mit aller meiner angewandten
Muͤhe und Arbeit keinen Wind bannen koͤnnen/ in
eine Futterwanne geſpannet/ und alſo zerkarbaͤitſcht/
daß ich noch biß auff dieſe Stund daran gedencke.
Solches waren die erſte Paſtonaden die ich kriegte/
ſeit ich das erſte mal Lufft geſchoͤpfft/ weil ich den-
ſelben ſo abſcheulich verderbt hatte/ in welchem wir
doch gemeinſchafftlicher Weis leben muͤſſen/ da
brachte man Rauch-taͤfelein und Kertzen/ und die
Gaͤſt ſuchten ihre Biſemknoͤpff und Balſambuͤchs-
lein/ auch ſo gar ihren Schnupfftoback hervor/ aber
die beſte arommata wolten ſchier nichts erklecken.
Alſo hatte ich von dieſem Actu, den ich beſſer als der
beſte Comœdiant in der Welt ſpielte/ Friede in mei-
nem Bauch/ hingegen Schlaͤg auff den Buckel/ die
Gaͤſt aber ihre Nafen voller Geſtanck/ und die Auff-
warter ihre Muͤhe/ wieder einen guten Geruch ins
Zimmer zu machen.

DasXXXII.Capitel.

WJe diß voruͤber/ muſte ich wieder auffwarten/
wie zuvor/ mein Pfarꝛer war noch vorhanden/
und
[111]Erſtes Buch.
und wurde ſo wol als andere zum Trunck genoͤtiget/
er aber wolte nicht recht daran/ ſondern ſagte: Er
moͤchte ſo beſtialiſch nicht ſauffen; hingegen erwieſe
ihm ein guter Zech-Bruder/ daß er Pfarꝛer wie eine
Beſtia/ er der Saͤuffer und andere Anweſende aber/
wie Menſchen ſoͤffen; dann/ ſagte er/ ein Vieh ſaͤufft
nur ſo viel als ihm wol ſchmecket/ und den Durſt
leſcht/ weil ſie nicht wiſſen was gut iſt/ noch den
Wein trincken moͤgen; uns Menſchen aber beliebt/
daß wir uns den Trunck zu nutz machen/ und den ed-
len Reben-Safft einſchleichen laſſen/ wie unſer Vor-
Eltern auch gethan haben: So wol/ ſagt der Pfar-
rer/ es gebuͤhrt mir aber rechte Maaß zu halten;
Wol/ antwort jener/ ein ehrlicher Mann haͤlt ſein
Wort/ und ließ ihm darauff einen maͤſſigen Becher
einſchencken/ denſelben dem Pfarꝛer zuzuzottlen; er
hingegen gieng durch/ und ließ den Saͤuffer mit ſei-
nem Eymer ſtehen.

Als dieſer abgeſchafft war/ gieng es drunter und
druͤber/ und lieſſe ſich anſehen/ als wenn dieſe Gaſte-
rey ein beſtimpte Zeit und Gelegenheit ſeyn ſolte/ ſich
gegeneinander mit Vollſauffen zu raͤchen/ einander
in Schand zu bringen/ oder ſonſt ein Poſſen zu reiſ-
ſen; dann wann einer expedirt wurde/ daß er weder
ſitzen/ gehen oder ſtehen mehr konte/ ſo bieß es: Nun
iſts Wett! Du haſt mirs hiebevor auch ſo gekocht/
jetzt iſt dirs eingetraͤnckt/ und ſo fortan/ ꝛc. Welcher
aber außdauren/ und am beſten ſauffen konte/ wuſte
ſich deſſen groß zu machen/ und duͤnckte ſich kein ge-
ringer Kerl zu ſeyn; zuletzt duͤrmelten ſie alle herum/
als
[112]Deß Abentheurl. Simpliciſſimi
als wenn ſie Bilſenſamen genoſſen haͤtten. Es war
eben ein wunderliches Faßnacht-Spiel an ihnen zu
ſehen/ und war doch niemand/ der ſich daruͤber ver-
wundert/ als ich; einer ſang/ der ander weynet/
einer lachte/ der ander traurete/ einer fluchte/ der
ander betete/ einer ſchrye uͤberlaut Courage, der
ander konte nicht mehr reden/ einer war ſtille und
friedlich/ der ander wolte den Teuffel mit Rauff-
Haͤndeln bannen/ einer ſchlieff und ſchwiege ſtill/
der ander plaudert/ daß ſonſt keiner vor ihm zukom-
men konte; Einer erzehlte ſeine liebliche Bulerey/
der ander ſeine erſchroͤckliche Kriegs-Thaten/ etli-
che redeten von der Kirch und geiſtlichen Sachen/
andere von Ratione Status, der Politic, Welt- und
Reichs-Haͤndeln; theils lieffen hin und wider/ und
konten an keiner Stelle bleiben/ andere lagen und
vermochten nicht/ den kleineſten Finger zu regen/
geſchweige auffrecht zu gehen oder zu ſtehen/ etliche
fraſſen wie die Dreſcher/ und als ob ſie acht Tage
Hunger gelitten haͤtten/ andere kotzten wieder/ was
ſie denſelbigen gantzen Tag eingeſchlucket hatten.
Einmal/ ihr gantzes Thun und Laſſen war dermaſ-
ſen poſſierlich/ naͤrꝛiſch/ ſeltzam/ und darbey ſo
ſuͤndhafftig und gottloß/ daß der mir entwiſchte
uͤble Geruch/ darumb ich gleichwol ſo greulich zer-
ſchlagen worden/ nur ein Schertz dargegen zu rech-
nen. Endlich ſetzt es unden an der Tafel ernſtliche
Streit-Haͤndel/ da warff man einander Glaͤſer/
Becher/ Schuͤſſel und Deller an die Koͤpff/ und
ſchlug nicht allein mit Faͤuſten/ ſondern auch mit
Stuͤlen/ Stul-Beinen/ Degen/ und allerhand
ſiben-
[113]Erſtes Buch.
ſiben-Sachen drein/ daß etlich der rothe Safft uͤber
die Ohren lieffe/ aber mein Herꝛ ſtillete den Handel
gleich wiederumb.

DasXXXIII.Capitel.

DA es nun wieder Fried worden/ namen die Mei-
ſter-Saͤuffer die Spielleut ſampt dem Frauen-
Zimmer/ und wanderten in ein ander Hauß/ deſſen
Saal auch zu einer andern Thorheit erkoren und
gewidmet war; Mein Herꝛ aber ſetzte ſich auff ſein
Lotterbett/ weil ihm entweder vom Zorn oder der
Uberfuͤllung wehe war/ ich lieſſe ihn ligen/ wo er
lag/ damit er ruhen und ſchlaffen koͤnte/ war aber
kaum unter die Thuͤr deß Zimmers kommen/ als er
mir pfeiffen wolte/ und ſolches doch nicht konte:
Er rieff/ aber nicht anders als Simpls: Jch ſprang
zu ihm/ und fand ihn die Augen verkehren wie ein
Viehe/ das man abſticht; Jch ſtund da vor ihm wie
ein Stockfiſch/ und wuſte nicht was zu thun war:
er aber deutet auffs Tryſor/ und lallete: Br/ bra/
dring da das; du Schufft/ la/ la/ lang/ langs La-
vor/ ich m/ mu/ muß e/ ein/ Fu/ Fuchs ſchieſſen!
Jch eylete und brachte das Lavor-Becken/ und als
ich zu ihm kame/ hatte er ein paar Backen wie ein
Trompeter; Er erwiſchte mich geſchwind bey dem
Arm/ und accommodirte mich zu ſtehen/ daß ich
ihm das Lavor gerad vors Maul halten muſte/ ſol-
ches brach ihme mit ſchmertzlichen Hertz-Stoͤſſen
ohnverſehens auff/ und goſſe eine ſolche wuͤſte Ma-
teri in bemeldtes Lavor/ daß mir vor unleidenlichem
Geſtanck ſchier ohnmaͤchtig wurde/ ſonderlich weil
mir
[114]Deß Abentheurl. Simpliciſſimi
mir etliche Brocken (ſal. ven.) ins Geſicht ſpritz-
ten: Jch haͤtte bey nahe auch mit gemacht/ aber als
ich ſahe/ wie er verblaichte/ lieſſe ichs auß Forcht
unterwegen/ und beſorgte/ die Seel wuͤrde ihm ſampt
dem Unflat durchgeben/ weil ihm der kalte Schweiß
außbrach/ und ſein Angeſicht einem Sterbenden aͤhn-
lich ſahe: Als er ſich aber gleich wieder erholte/ hieß
er mich friſch Waſſer holen/ damit er ſeinen Wein-
ſchlauch wieder außſpuͤlete.

Demnach befahl er mir den Fuchs hinweg zu tra-
gen/ welcher mich/ weil er in einem ſilbern Lavor
lag/ nichts veraͤchtliches/ ſondern ein Schuͤſſel
voller Vor-Eſſen vor vier Mann zu ſeyn/ beduͤnckt/
das ſich bey Leib nicht hinweg zu ſchuͤtten gebuͤhrte;
zu dem wuſte ich wol/ daß mein Herꝛ nichts ſchlim-
mes in ſeinen Magen geſamlet/ ſondern herꝛliche
und delicate Paſtetlein/ wie auch von allerhand Ge-
baches/ Gefluͤgel/ Wildpret und zahmen Viehe/
welches man alles noch artlich unterſcheiden und
kennen konte/ ich ſchumelte mich darmit/ wuſte
aber nicht wohin/ oder was ich drauß machen ſolte/
dorffte auch meinen Herꝛn nicht fragen. Jch gieng
zum Hofmeiſter/ dem wieſe ich dieſes ſchoͤne Tracta-
ment, und fragte/ was ich mit dem Fuchs machen
ſolte? Er antwortet/ Narꝛ gebe/ und bring ihn dem
Kirſchner/ daß er den Balg bereite; Jch fragte/
wo der Kirſchner ſeye? Nein/ antwortet er/ da er
mein Einfalt ſahe/ bring ihn dem Doctor, damit er
daran ſehe/ was vor ein Zuſtand unſer Herꝛ habe:
Solchen Aprillen-Gang haͤtte ich gethan/ wann der
Hofmeiſter nicht was anders gefoͤrcht haͤtte/ er hieß
mich
[115]Erſtes Buch.
mich derowegen den Bettel in die Kuͤche tragen/ mit
Befelch/ die Maͤgd ſoltens auffheben/ und ein Pfef-
fer druͤber machen/ welches ich ernſtlich außrichtet/
und deßwegen von den Schlaͤpp-ſaͤcken maͤchtig
agirt worden.

DasXXXIV.Capitel.

MEin Herꝛ gieng eben auß/ als ich meines Lavors
loß worden/ ich trat ihm nach gegen einem
groſſen Hauß zu/ allwo ich im Saal Maͤnner/ Wei-
ber und ledige Perſonen/ ſo ſchnell untereinander
herumb haſpeln ſahe/ daß es frey wim̃elte; die hatten
ein ſolch Getreppel und Gejoͤhl/ daß ich vermeynte/
ſie waͤren alle raſend worden/ dann ich konte nicht
erſinnen/ was ſie doch mit dieſem Wuͤten und Toben
vorhaben moͤchten? ja ihr Anblick kam mir ſo grau-
ſam/ foͤrchterlich und ſchroͤcklich vor/ daß mir alle
Berg gen Haar ſtunden/ und konte nichts anders
glauben/ als ſie muͤſten aller ihrer Vernunfft beraubt
ſeyn: Da wir naͤher hinzu kamen/ ſahe ich/ daß es
unſere Gaͤſt waren/ welche den Vormittag noch wi-
tzig geweſen; mein GOtt! gedacht ich/ was haben
doch dieſe arme Leut vor? Ach/ es hat ſie gewißlich
eine Unſinnigkeit uͤberfallen. Bald fiele mir ein/ es
moͤchten vielleicht hoͤlliſche Geiſter ſeyn/ welche in
dieſer angenommenen Weis dem gantzen menſchli-
chen Geſchlecht/ durch ſolch leichtfertig Gelaͤuff und
Affenſpiel ſpotteten/ dann ich gedachte/ haͤtten ſie
menſchliche Seelen und Gottes Ebenbild in ſich/ ſo
thaͤten ſie auch wol nicht ſo unmenſchlich. Als mein
Herꝛ in Hauß-ehren kam/ und zum Saal eingehen
wolte
[116]Deß Abentheurl. Simpliciſſimi
wolte/ hoͤrete die Wut eben auff/ ohne daß ſie noch
ein buckens und duckens mit den Koͤpffen/ und ein kra-
tzens und Schuh-ſchleiffens mit den Fuͤſſen auff dem
Boden machten/ daß mich deuchte/ ſie wolten die
Fußſtapffen wieder außtilgen/ die ſie in waͤhrender
Raſerey getretten; Am Schweiß/ der ihnen uͤber
die Geſichter floß/ und an ihrem Geſchnaͤuff/ konte
ich abnehmen/ daß ſie ſich ſtarck zerarbeitet hatten;
aber ihre froͤliche Angeſichter gaben zu verſiehen/ daß
ſie ſolche Bemuͤhungen nicht ſauer ankommen.

Jch haͤtte trefflich gern gewuſt/ wohin doch das
naͤrꝛiſch Weſen gemeynt ſeyn moͤchte? fragte dero-
wegen meinen Cameraden/ und vertrauten Hertz-
Bruder/ der mich erſt kuͤrtzlich das Wahrſagen ge-
lernet/ was ſolche Wut bedeute? oder worzu dieſes
raſende trippen und trappen angeſehen ſeye? Der be-
richtet mich vor eine grundliche Warheit/ daß ſich
die Anweſende vereinbart haͤtten/ dem Saal den Bo-
den mit Gewalt einzutretten; Warumb vermeynſt
du wol/ ſagt er/ daß ſie ſich ſonſt ſo dapffer dummlen
ſolten? haſiu nicht geſehen/ wie ſie die Fenſter vor
Kurtzweil ſchon außgeſchlagen? eben alſo wird es
auch dieſem Boden gehen: HErꝛ GOtt/ antwortet
ich/ ſo muͤſſen wir ja mit zu Grund gehen/ und im
hinunder fallen/ ſampt ihnen/ Hals und Bein bre-
chen? Ja/ ſagt mein Camerad/ darauff iſts ange-
ſehen/ und da geheyen ſie ſich den Teuffel darumb/
du wirſt ſehen/ wann ſie ſich alſo in Todts-Gefahr
begeben/ daß jeder ein huͤbſche Frau oder Jungfer
erwiſcht/ dann man ſagt/ es pflege denen Paaren/
ſo alſo zuſammen haltend fallen/ nicht bald wehe zu
geſchehen. Jn dem ich dieſes alles glaubte/ uͤber-
fiele
[117]Erſtes Buch.
fiele mich eine ſolche Angſt und Todtes. Sorg/ daß
ich nicht mehr wuſte/ wo ich bleiben ſolte/ und als
die Muſicanten/ deren ich bißher noch nicht wahrge-
nommen/ noch darzu ſich hoͤren lieſſen/ auch die Kerl
den Damen zulieffen/ wie die Soldaten ihrem Ge-
wehr und Poſten/ wann ſie die Trommel Lermen
ruͤhren hoͤren/ und jeder eine bey der Hand erdappte/
wurde mir nicht anders/ als wenn ich allbereit den
Boden eingehen/ und mich und viel andere mehr die
Haͤls abſtuͤrtzen ſaͤhe: Da ſie aber anfiengen zu gum-
pen/ daß der gantze Bau zitterte/ weil man eben ein
trollichten Gaſſenhauer auffmachte/ gedachte ich/
nun iſts umb dein Leben geſchehen! Jch vermeynte
nicht anders/ als der gantze Bau wuͤrde urploͤtzlich
einfallen; Derowegen erwiſchte ich in der allerhoͤch-
ſten Angſt eine Dame von hohem Adel und vortreff-
lichen Tugenden/ mit welcher mein Herꝛ eben con-
verſirte/ unverſehens beym Arm wie ein Beer/ und
hielte ſie wie eine Klett; Da ſie aber zuckte/ und nicht
wuſte/ was vor naͤrꝛiſche Grillen in meinem Kopff
ſieckten/ ſpielte ich das Deſperat. und fieng auß Ver-
zweifflung an zu ſchreyen/ als wenn man mich haͤtte
ermorden wollen: Das war aber noch nicht genug/
ſondern es entwiſchte mir auch ohngefaͤhr etwas in
die Hoſen/ ſo einen uͤber alle maſſen uͤblen Geruch
von ſich gabe/ dergleichen meine Naſe lange Zeit
nicht empfunden. Die Muſicanten wurden gaͤhling
ſtill/ die Taͤntzer und Taͤntzerin hoͤreten auff/ und
die ehrliche Dam/ deren ich am Arm hieng/ befand
ſich offendirt/ weil ſie ihr einbildet/ mein Herꝛ haͤtte
ihr ſolches zum Schimpff thun laſſen: Darauff be-
fohl mein Herꝛ/ mich zu pruͤgeln/ und hernach irgend-
hin
[118]Deß Abenth. Simpl. I. Buch.
hin einzuſperꝛen/ weil ich ihm denſelben Tag ſchon
mehr Poſſen geriſſen hatte: Die Fourierſchuͤtzen/
ſo exequiren ſolten/ hatten nicht allein Mitleiden mit
mir/ ſondern konten auch vor Geſtanck nicht bey
mir bleiben; entuͤbrigten mich derohalben der Stoͤß/
und ſperꝛeten mich unter eine Stege in Gaͤns-ſtall.
Seithero hab ich der Sach vielmals nachgedacht/
und bin der Meynung worden/ daß ſolche Excremen-
ta, die einem auß Angſt und Schrecken entgehen/
viel uͤblern Geruch von ſich geben/ als wenn
einer ein ſtarcke Purgation ein-
genommen.

ENDE deß I. Buchs.

Abentheurlicher
Simpliciſſimus
Teutſch:
Das Zweyte Buch.

Das Erſte Capitel.

JN meinem Gaͤns-Stall concipirte ich/ was
beydes vom Tantzen und Sauffen ich im er-
ſten Theil meines Schwartz und Weiß
hiebevor geſchrieben/ iſt derowegen ohnnoͤtig/ diß
Orts etwas ferners darvon zu melden: Doch kan ich
nicht verſchweigen/ daß ich damals noch zweiffelte/
ob
[123]Zweytes Buch.
ob die Taͤntzer den Boden einzutretten/ ſo gewuͤtet/
oder ob ich nur ſo uͤberꝛedet worden? Jetzt will ich
ferner erzehlen/ wie ich wieder auß dem Gaͤns-Ker-
cker kame; Drey gantzer Stund/ nemlich biß ſich
das Præludium Veneris (der ehrlich Tantz ſolt ich
geſagt haben) geendet hatte/ muſte ich in meinem
eigenen Unluſt ſitzen bleiben/ ehe einer herzu ſchlich/
und an dem Rigel anfieng zu rappeln; Jch lauſterte
wie ein San die ins Waſſer harnt/ der Kerl aber/
ſo an der Thuͤr war/ machte ſolche nicht allein auff/
ſondern wiſchte auch eben ſo geſchwind hinein/ als
gern ich herauſſen geweſt waͤre/ und ſchleppte noch
darzu ein Weibsbild an der Hand mit ſich daher/
gleich wie ich beym Tantz hatte thun ſehen: Jch kon-
te nicht wiſſen/ was es abgeben ſolte/ weil ich aber
vielen ſeltzamen Abentheuren/ die meinem naͤrꝛiſchen
Sinn denſelben Tag begegnet/ ſchier gewohnt war/
und ich mich drein ergeben hatte/ fuͤrterhin alles mit
Gedult und Stillſchweigen zu ertragen/ was mir
mein Verhaͤngnus zuſchicken wuͤrde; Als ſchmiegt
ich mich zu der Thuͤr mit Forcht und Zittern/ das
End erwartete; gleich darauff erhub ſich zwiſchen
dieſen beyden ein Geliſpel/ darauß ich zwar nichts
anders verſtunde/ als daß ſich das eine Theil uͤber
den boͤſen Geruch deſſelben Orts beklagte/ und hin-
gegen der ander Theil das erſte hinwiederum troͤſtete:
Gewißlich ſchoͤnſte Dame/ ſagt er/ mir iſt verſichert
von Hertzen leyd/ daß uns die Fruͤchte der Lieb zu
genieſſen/ vom mißgoͤnſtigen Gluͤck kein ehrlicher
Ort gegoͤnnet wird; Aber ich kan darneben betheu-
ren/ daß mir ihre holdſeelige Gegenwart dieſen ver-
aͤchtlichen Winckel anmutiger macht/ als das lieb-
F iijlichſte
[124]Deß Abentheurl. Simpliciſſimi
lichſte Paradeis ſelbſten: Hierauff hoͤrte ich kuͤſſen/
und vermerckte ſeltzame Poſturen/ ich wuſie aber nicht
was es war oder bedeuten ſolte/ ſchwieg derowegen
noch fuͤrters ſo ſtill als ein Mauß. Wie ſich aber
auch ſonſt ein poſſirlich Geraͤuſch erhube/ und der
Gaͤnsſtall/ ſo nur von Brettern unter die Stege ge-
taͤfelt war/ zu krachen anfienge/ zumaln das Weibs-
bild ſich anſtellte/ als ob ihr gar wehe bey der Sach
geſchehe/ da gedachte ich/ das ſeynd zwey von denen
wuͤtenden Leuten/ die den Boden helffen eintretten/
und ſich jetzt hieher begeben haben/ da gleicher weis
zu hauſen/ und dich umbs Leben zu bringen. So bald
dieſe Gedancken mich einnamen/ ſo bald nam ich
hingegen die Thuͤr ein/ dem Todt zu entfliehen/ dar-
durch ich mit einem ſolchen Mordio-Geſchrey hin-
auß wiſchte/ das natuͤrlich lautet/ wie das jenige/
das mich an denſelben Ort gebracht hatte/ doch war
ich ſo geſcheid/ daß ich die Thuͤr hinder mir wieder
zurigelte/ und hingegen die offene Haußihuͤr ſuchte.
Dieſes nun war die erſte Hochzeit/ bey deren ich mich
mein Lebtag befunden/ unangeſehen ich nicht darzu
geladen woꝛden hingegen dorffte ich aber auch nichts
ſchencken/ wiewol mir hernach der Hochzeiter die
Zech deſto theurer rechnete/ die ich auch redlich be-
zahlte. Guͤnſtiger Leſer/ ich erzehle dieſe Geſchicht
nicht darumb/ damit Er viel daruͤber lachen ſolle/
ſondern damit meine Hiſtori gantz ſeye/ und der Leſer
zu Gemuͤt fuͤhre/ was vor ehrbare Fruͤchten von dem
Tantzen zu gewarten ſeyen. Diß halte ich einmal vor
gewiß/ daß bey den Taͤntzen mancher Kauff gemacht
wird/ deſſen ſich hernach eine gantze Freundſchafft
zu ſchaͤmen hat.

DasII.Capitel.

OB ich nun zwar dergeſtalt auß dem Gaͤns-ſtall
gluͤcklich entronnen/ ſo wurde ich jedoch erſt mei-
nes Ungluͤcks recht gewahr/ dann meine Hoſen wa-
ren voll/ und ich wuſte nicht wohin damit; in meines
Herꝛn Quartier war alles ſtill und ſchlaffend/ dahero
dorffte ich mich zur Schildwacht/ die vorm Hauß
ſtunde/ nicht naͤhern/ in der Hauptwach Corps de
Guarde wolte man mich nicht leiden/ weil ich viel zu
uͤbel ſtanck/ auffder Gaſſen zu bleiben war mirs gar
zu kalt und ohnmuͤglich/ alſo daß ich nicht wuſte wo
auß noch ein. Es war ſchon weit nach Mitternacht/
als mir einfiele/ ich ſolte mein Zuflucht zu dem viel-
gemeldten Pfarꝛer nemmen; Jch folgete meinem
Gutbefinden/ vor der Thuͤr anzuklopffen/ damit war
ich ſo importun, daß mich endlich die Magd mit Un-
willen einlieſſe. Als ſie aber roche was ich mit brach-
te/ (dann ihre lange Nas verꝛieth gleich meine Heim-
lichkeit) wurde ſie noch ſchelliger; Derowegen fien-
ge ſie an mit mir zu keifen/ welches ihr Herꝛ/ ſo nun-
mehr faſt außgeſchlaffen hatte/ bald hoͤrete: Er ruffte
uns bey den vor ſich ans Bett/ ſo bald er aber merckte/
wo der Has im Pfeffer lag/ und die Nas ein wenig
geruͤmpfft hatte/ ſagte er: Es ſeye niemals/ ohnan-
geſehen was die Calender ſchreiben/ beſſer baden/
als in ſolchem Stand/ darinn ich mich befuͤnde/ er
befahl auch ſeiner Magd/ ſie ſolte biß es vollends
Tag wuͤrde/ meine Hoſen waͤſchen/ und vor den Stu-
ben-Ofen haͤngen/ mich ſelbſt aber in ein Bett legen/
dann er ſahe wol/ daß ich vor Froſt gantz erſtarꝛt
war: Jch war kaum erwarmt/ da es anfieng zu ta-
F jvgen/
[126]Deß Abentheurl. Simpliciſſimi
gen/ ſo ſtunde der Pfarꝛer ſchon vorm Bett/ zu ver-
nehmen wie mirs gangen/ und wie meine Haͤndel
beſchaffen waͤren/ weil ich meines naſſen Hemds
und der Hoſen halber noch nicht auffſtehen konte/ zu
ihm zu gehen: Jch erzehlte ihm alles/ und machte
den Anfang an der Kunſt/ die mich mein Camerad
gelernet/ und wie uͤbel ſie gerathen. Folgends meldet
ich/ daß die Gaͤſt/ nachdem Er der Pfarꝛer hinweg
geweſt/ gantz unſinnig worden waͤren/ und (maſſen
mich mein Camerad alſo berichtet) ihnen vorgenom-
men haͤtten/ dem Hauß den Boden einzutretten; item
in was vor ein ſchroͤckliche Angſt ich daruͤber gerah-
ten/ und auff was Weis ich mich vorm Untergang
conſerviren wollen/ daruͤber aber in Gaͤns-ſtall ge-
ſperꝛet worden/ auch was ich in demſelben von den
Zweyen/ ſo mich wieder erloͤſt/ vor Wort und Werck
vernommen/ und welcher geſtalt ich ſie beyde an
meine ſtatt eingeſperꝛet haͤtte. Simplici, ſagt der Pfar-
rer/ deine Sachen ſtehen lauſig/ du hatteſt einen gu-
ten Handel/ aber ich ſorg! ich ſorg! es ſey ver-
ſchertzt; pack dich nur geſchwind auß dem Bett/ und
troll dich auß dem Hauß/ damit ich nicht ſampt dir
in deines Herꝛn Ungnad komme/ wenn man dich bey
mir findet. Alſo muſte ich mit meinem fenchten Ge-
wand hinziehen/ und zum erſten mal erfahren/ wie
wol einer bey maͤnniglich daran iſt/ wenn er ſeines
Herꝛn Gunſt hat/ und wie ſcheel einer hingegen an-
geſehen wird/ wann ſolche hincket.

Jch gieng in meines Herꝛn Quartier/ darinn noch
alles ſteinhart ſchlieff/ biß auff den Koch und ein paar
Maͤgd/ dieſe butzten das Zimmer/ darinnen man ge-
ſtern gezecht/ jener aber ruͤſtete auß den Abſchroͤtlin
wieder
[127]Zweytes Buch.
wieder ein Fruͤhſtuͤck/ oder vielmehr ein Jmbis zu;
Am erſten kam ich zu den Maͤgden/ bey denen lag es
hin und wider voller zerbrochener ſo Trinck- als Fen-
ſter-Glaͤſer/ an theils Orten war es von dem/ ſo un-
den und oben weg gangen/ und an andern Orten wa-
ren groſſe Lachen von verſchuͤttem Wein und Bier/
alſo daß der Boden einer Land-Karten gleich ſahe/
darinnen man unterſchiedliche Meer/ Jnſuln und
truckene oder Fußveſte Laͤnder haͤtte abbilden/ und
vor Augen ſtellen wollen. Es ſtanck im gantzen Zim-
mer viel uͤbler/ als in meinem Gaͤns-ſtall; derowe-
gen war auch meines bleibens nicht lang daſelbſten/
ſondern ich machte mich in die Kuͤchen/ und lieſſe
meine Kleider beym Feur am Leib vollends truͤcknen/
mit Forcht und Zittern erwartend/ was das Gluͤck/
wenn mein Herꝛ außgeſchlaffen haͤtte/ ferners in mir
wuͤrcken wolte; Darneben betrachtet ich der Welt
Thorheit und Unſinnigkeit/ und zog alles zu Gemuͤt/
was mir verwichenen Tag und ſelbige Nacht begeg-
net war/ auch was ich ſonſt geſehen/ gehoͤrt und er-
fahren hatte. Solche Gedancken verurſachten/ daß
ich damals meines Einſidlers gefuͤhrtes doͤrfftig und
elend Leben vor gluͤckſeelig ſchaͤtzte/ und ihn und mich
wieder in vorigen Stand wuͤnſchete.

DasIII.Capitel.

ALs mein Herꝛ auffgeſtanden/ ſchickte er ſeinen
Leibſchuͤtzen hin/ mich auß dem Gaͤnsſtall zu ho-
len/ der brachte Zeitung/ daß er die Thuͤr offen/ und
ein Loch hinder dem Rigel mit einem Meſſer geſchnit-
ten gefunden/ vermittelſt deſſen der Gefangene ſich
ſelbſt erledigt haͤtte: Ehe aber ſolche Nachricht ein-
F vkam
[128]Deß Abentheurl. Simpliciſſimi
kam/ verſtunde mein Herꝛ von andern/ daß ich vor
laͤngſt in der Kuͤchen geweſen: Jndeſſen muſten die
Diener hin und wieder lauffen/ die geſtrige Gaͤſt zum
Fruͤheſtuͤck einzuholen/ unter welchen der Pfarꝛer
auch war/ welcher zeitlicher als andere erſcheinen
muſte/ weil mein Herꝛ meinetwegen mit ihm reden
wolte/ ehe man zur Tafel ſaͤſſe. Er fragte ihn erſtlich/
ob er mich vor witzig oder vor naͤrꝛiſch hielte? oder
ob ich ſo einfaͤltig/ oder ſo boßhafftig ſeye? und er-
zehlet ihm damit alles/ wie unehrbarlich ich mich den
vorigen Tag und Abend gehalten/ welches theils
von ſeinen Gaͤſten uͤbel empfunden/ und auffgenom-
men werde/ als waͤre es ihnen zum Deſpect mit Fleiß
ſo angeſtellt worden/ item daß er mich haͤtte in einen
Gaͤnsſtall verſperꝛen laſſen/ ſich vor dergleichen
Spott/ ſo ich ihm noch haͤtte zufuͤgen koͤnnen/ zu ver-
ſichern/ auß welchem ich aber gebrochen/ und nun in
der Kuͤchen umbgehe/ wie ein Juncker/ der ihm nicht
mehr auffwarten doͤrffe/ ſein Lebtag ſey ihm kein ſol-
cher Poß widerfahren/ als ich ihm in Gegenwart ſo
vieler ehrlichen Leut geriſſen/ er wiſſe nichts anders
mit mir anzufangen/ als daß er mich laſſe abpruͤgeln/
und weil ich mich ſo dumm anlieſſe/ wieder vor den
Teuffel hin jage.

Jnzwiſchen als mein Herꝛ ſo uͤber mich klagte/
ſamleten ſich die Gaͤſt nach und nach/ da er aber auß-
geredet hatte/ antwort der Pfarꝛer: Wann ihm der
Herꝛ Gouverneur ein kleine Zeit mit ein wenig Ge-
dult zuzuhoͤren beliebte/ ſo wolte er von Simplicio
der Sachen halber eines und anders erzehlen/ darauß
nicht allein ſeine Unſchuld zu vernehmen ſeyn/ ſon-
dern auch denen/ ſo ſich ſeines Verhaltens halber
diſgu-
[129]Zweytes Buch.
diſguſtirt befinden wolten/ alle ungleiche Gedancken
benommen wuͤrden.

Als man dergeſtalt oben in der Stuben von mir
redete/ accordirt der dolle Faͤhnrich/ den ich an mei-
ne Stell ſelb ander angeſperꝛt hatte/ unden mit mir
in der Kuͤchen/ und brachte mich durch Drohwort
und einen Thaler/ den er mir zuſteckte/ dahin/ daß
ich ihm verſprach/ von ſeinen Haͤndeln reinen Mund
zu halten.

Die Tafeln wurden gedeckt/ und wie den vorigen
Tag mit Speifen und Leuten beſetzt/ Wermut-
Salbey-Alant-Quitten- und Citronen-Wein muſte
neben dem Hippocras den Saͤuffern ihre Koͤpff und
Maͤgen wieder beguͤtigen/ denn ſie waren ſchier alle
deß Teuffels Maͤrtyrer. Jhr erſtes Geſpraͤch war
von ihnen ſelbſten/ nemlich wie ſie geſtern einander ſo
brav voll geſoffen haͤtten/ und war doch keiner unter
ihnen/ der gruͤndlich geſtehen wolte/ daß er voll ge-
weſen/ wiewol den Abend zuvor theils bey Teuffel
holen geſchworen/ ſie koͤnten nicht mehr ſauffen/
auch Wein mein Herꝛ! geſchryen und geſchrie-
ben hatten. Etliche zwar ſagten/ ſie haͤtten gute
Raͤuſch gehabt/ andere aber bekenneten/ daß ſich kei-
ner mehr voll ſoͤffe/ ſint die Raͤuſch auffkommen. Als
ſie aber von ihren eigenen Thorheiten beydes zu re-
den und zu hoͤren muͤd waren/ muſie ſich der arme
Simplicius leiden: Der Gouverneur ſelbſt erinnerte
den Pfarꝛer/ die luſtige Sachen zu eroͤffnen/ wie er
verſprochen haͤtte.

Dieſer bate zuvoͤrderſt/ man wolte ihm nichts vor
ungut halten/ dafern er etwan Woͤrter reden muͤſte/
die ſeiner geiſtlichen Perſon uͤbel anſtaͤndig zu ſeyn
F vjver-
[130]Deß Abenth. Simpliciſſimi
vermerckt wuͤrden; Fienge darauff an zu erzehlen/
erſtlich auß was vor natuͤrlichen Urſachen mich die
Leibs-Duͤnſte zu plagen pflegten/ was ich durch ſol-
che dem Secretario vor einen Unluſt in die Cantzley
angerichtet: Was ich neben dem Wahrſagen vor
ein Kunſt darwider gelernet/ und wie ſchlim ſolche in
der Prob beſtanden. Jtem wie ſeltzam mir das tan-
tzen vorkommen/ weil ich dergleichen niemalen geſe-
hen/ was ich vor Bericht deßhalber von meinem
Cameraden eingenommen/ welcher Urſachen halder
ich dann die vornehme Dame ergriffen/ und daruͤber
in Gaͤnsſtall kommen. Solches aber brachte er mit
einer wol-anſtaͤndigen Art zu reden vor/ daß ſie ſich
trefflich zerlachen muſten/ entſchuldigt darbey meine
Einfalt und Unwiſſenheit ſo beſcheidenlich/ daß ich
wieder in meines Herꝛn Gnad kame/ und vor der
Tafel auffwarten dorffte/ aber von dem was mir im
Gaͤnsſtall begegnet/ und wie ich wieder darauß er-
loͤſt worden/ wolte er nichts ſagen/ weil ihn beduͤnck-
te/ es haͤtten ſich an ſeiner Perſon etliche Saturni-
ſche Holtzboͤck geaͤrgert/ die da vermeynten/ Geiſt-
liche ſolten nur immer ſauer ſehen; hingegen fragte
mich mein Herꝛ/ ſeinen Gaͤſten ein Spaß zu machen/
was ich meinem Cameraden geben haͤtte/ daß er mich
ſo ſaubere Kuͤnſte gelehret? und als ich antwortet/
nichts! ſagte er/ ſo will ich ihm das Lehrgelt vor
dich bezahlen/ wie er ihn dann hier auff in ein Futter-
wanne ſpannen/ und allerdings karbaͤitſchen lieſſe/
wie man mirs den vorigen Tag gemacht/ als ich die
Kunſt probirt/ und falſch befunden hatte.

Mein Herꝛ hatte nunmehr genug Nachricht von
meiner Einfalt/ wolte mich derowegen ſtimmen/ ihm
und
[131]Zweytes Buch.
und ſeinen Gaͤſten mehr Luſt zu machen/ er ſahe wol/
daß die Muſicanten nichts galten/ ſo lang man mich
unterhanden haben wuͤrde/ denn ich beduͤnckte mit
meinen naͤrꝛiſchen Einfaͤllen jederman uͤber 17. Lau-
ten zu ſeyn. Er fragte/ warumb ich die Thuͤr an dem
Gaͤnsſtall zerſchnitten haͤtte? Jch antwortet/ das
mag jemand anders gethan haben; Er fragte/ wer
dann? Jch ſagte/ vielleicht der ſo zu mir kommen;
Wer iſt denn zu dir kommen? Jch antwortet/ das
darff ich niemand ſagen; Mein Herꝛ war ein ge-
ſchwinder Kopff/ und ſahe wol wie man mir lauſen
muſte/ derowegen uͤbereylt er mich/ und fragte/ wer
mir ſolches dann verbotten haͤtte? Jch antwortet
gleich/ der dolle Faͤhnrich; und demnach ich an je-
dermans Gelaͤchter merckete/ daß ich mich gewaltig
verhauen haben muͤſte/ der dolle Faͤhnrich/ ſo mit am
Tiſch ſaſſe/ auch ſo roth wurde/ wie ein gluͤhende
Kohl; als wolte ich nichts mehr ſchwaͤtzen/ es wuͤr-
de mir denn von demſelben erlaubt. Es war aber nur
umb einen Wunck zu thun/ den mein Herꝛ dem dollen
Faͤhnrich an ſtatt eines Befehls gab/ da dorfft ich
reden was ich wuſte. Darauff fragte mich mein Herꝛ/
was der dolle Faͤhnrich bey mir im Gaͤns-Stall zu
thun gehabt? ich antwortet/ er brachte eine Jungfer
zu mir hinein: Was thaͤt er aber weiters? ſagte
mein Herꝛ/ Jch antwortet/ mich deuchte/ er wolte
im Stall ſein Waſſer abgeſchlagen haben. Mein
Herꝛ fragte/ was thaͤt aber die Jungfer darbey/
ſchaͤmte ſie ſich nicht? Ja wol nein Herꝛ! ſagte ich/
ſie hub den Rock auff/ und wolte darzu (mein hoch-
geehrter/ Zucht- Ehr- und Tugendliebender Leſer
verzeyhe meiner unhoͤflichen Feder/ daß ſie alles ſo
F vijgrob
[132]Deß Abentheurl. Simpliciſſimi
grob ſchreibt/ als ichs damals vorbrachte) ſcheiſſen.
Hieruͤber erhub ſich bey allen Anweſenden ein ſolch
Gelaͤchter/ daß mich mein Herꝛ nicht mehr hoͤren/
geſchweige etwas weiters fragen konte/ und zwar
war es auch nicht weiters vonnoͤten/ man haͤtte dann
die ehrliche fromme Jungfer ſcil. auch in Spott brin-
gen wollen.

Hierauff erzehlte der Hofmeiſter vor der Tafel/
daß ich neulich vom Bollwerck oder Wall heim kom-
men/ und geſagt: Jch wuͤſte wo der Donner und
Blitz herkaͤme/ ich haͤtte groſſe Ploͤcher auff halben
Waͤgen geſehen/ die inwendig hol geweſen/ in die-
ſelbe haͤtte man Zwibelſaamen ſampt einer eiſernen
weiſſen Ruͤben/ deren der Schwantz abgeſchnitten/
geſtopfft/ hernach die Ploͤcher hinden her ein wenig
mit einem zinckigten Spieß gekuͤtzelt/ darvon waͤre
vornen herauß Dampff/ Donner und hoͤlliſch Feuer
geſchlagen. Sie brachten noch mehr dergleichen
Poſten auff die Bahn/ alſo daß man ſchier denſelben
gantzen Jmbiß von ſonſt nichts/ als nur von mir zu
reden und zu lachen hatte. Solches verurſachte ei-
nen allgemeinen Schluß zu meinem Untergang/ wel-
cher war/ daß man mich dapffer agiren ſolte/ ſo wuͤr-
de ich mit der Zeit einen raren Tiſchrath abgeben/
mit dem man auch den groͤſten Potentaten von der
Welt verehren/ und die Sterbende zu lachen machen
koͤnte.

DasIV.Capitel.

WJe man nun alſo ſchlampamte/ und wieder wie
geſter gut Geſchirꝛ machen wolte/ meldet die
Wacht mit Einhaͤndigung eines Schreibens an den
Gou-
[133]Zweytes Buch.
Gouverneur, einen Commiſſarium an/ der vor dem
Thor ſeye/ welcher von der Kron Schweden Kriegs-
Raͤthen abgeordnet war/ die Guarmſon zu muſtern/
und die Veſtung zu viſitiren. Solches verſaltzte allen
Spaß/ und alles Freuden-Gelach verlummerte wie
ein Sackpfeiffen-Zipffel/ dem der Plaſt entgangen:
Die Muſicanten und die Gaͤſt zerſtoben wie Toback-
Rauch verſchwindet/ der nur den Geruch hinder ſich
laͤſt; mein Herꝛ trollte ſelbſt mit dem Adjutanten/ der
die Schluͤſſel trug/ ſampt einem Außſchuß von der
Hauptwacht und vielen Windliechtern/ dem Thor
zu/ den Plackſchmeiſſer/ wie er ihn nennete/ ſelbſt ein-
zulaſſen: Er wuͤnſchte/ daß ihm der Teuffel den Hals
in tauſend Stuͤck brechen/ ehe er in die Veſtung kaͤ-
me! So bald er ihn aber eingelaſſen/ und auff der
innern Fallbruͤcken bewillkommte/ fehlte wenig oder
gar nichts/ daß er ihm nicht ſelbſt an Stegraͤiff griff/
ſeine Devotion gegen ihm zu bezeugen/ ja die Ehr-
erbietung wurde augenblicklich zwiſchen beyden ſo
groß/ daß der Commiſſarius abſtieg/ und zu Fuß mit
meinem Herꝛn gegen ſeinem Loſament fort wander-
te/ da wolte jeder die lincke Hand haben/ ꝛc. Ach! ge-
dachte ich/ was vor ein Wunder-falſcher Geiſt re-
giert doch die Menſchen/ in dem er je den einen durch
den andern zum Narꝛen macht. Wir naͤherten alſo
der Haupt-Wacht/ und die Schildwacht ruffte ihr
Wer da? wiewol ſie ſahe/ daß es mein Herꝛ war;
Dieſer wolte nicht antworten/ ſondern jenem die Ehr
laſſen/ daher ſtellte ſich die Schildwacht mit Wider-
holung ihres Geſchreys deſto hefftiger: Endlich ant-
wortet er auff das letztere Wer da? Der Mann
ders Geld gibt! Wie wir nun bey der Schild-
wacht
[134]Deß Abentheurl. Simpliciſſimi
wacht vorbey paſſirten/ und ich ſo hinden nach zog/
hoͤrete ich ermeldte Schildwacht/ die ein neugewor-
bener Soldat/ und zuvor ihres Handwercks ein wol-
haͤbiger junger Bauresmann auff dem Vogelsberg
geweſt war/ dieſe Wort brumlen: Du magſt wol ein
verlogener Kund ſeyn; ein Mann ders Geld gibt!
Ein Schindhund ders Geld nimmt! das biſt
du; So viel Gelds haſtu mir abgeſchweiſt/ daß ich
wolte/ der Hagel erſchluͤg dich/ ehe du wieder auß
der Statt kaͤmeſt. Von dieſer Stund an faßte ich
die Gedancken/ dieſer fremde Herꝛ im ſam̃eten Mu-
tzen muͤſſe ein heiliger Mann ſeyn/ weil nicht allein
keine Fluͤch an ihm haffteten/ ſondern dieweil ihm
auch ſeine Haſſer alle Ehr/ alles Liebs und alles Gu-
tes erwieſen/ er wurde noch dieſelbe Nacht Fuͤrſt-
lich tractirt/ blind voll geſoffen/ und noch darzu in
ein herꝛlich Bett gelegt.

Folgende Taͤge giengs bey der Muſterung bund
uͤber Eck her/ ich einfaͤltiger Tropff war ſelbſt ge-
ſchickt genug/ den klugen Commiſſarium (zu welchen
Aemptern und Verꝛichtungen man Warlich keine
Kinder nimmt) zu betruͤgen/ welches ich eher als in
einer Stund lernete/ weil die gantze Kunſt nur in 5.
und 9. beſtunde/ ſelbige auff einer Trommel zu ſchla-
gen/ weil ich noch zu klein war/ einen Mußquetierer
zu præſentiren; man ſtaffirte mich zu ſolchem End
mit einem entlehnten Kleid/ und auch mit einer ent-
lehnten Trommel/ (denn meine geſchuͤrtzte Page-
Hoſen taugten nichts zum Handel) ohne Zweiffel
darumb/ weil ich ſelbſt entlehnt war/ damit paſſirte
ich gluͤcklich durch die Muſterung: Demnach man
aber meiner Einfalt nicht zugetraute/ ein frembden
Nahmen
[135]Zweytes Buch.
Nahmen im Sinn zu behalten/ auff welchen ich ant-
worten und hervor tretten ſolte/ muſte ich der Sim-
plicius verbleiben/ den Zunahmen erſetzte der Gou-
verneur ſelbſten/ und lieſſe mich Simplicius Simpliciſ-
ſimus in die Roll ſchreiben/ mich alſo wie ein Huren-
kind zum erſien meines Geſchlechts zu machen/ wie-
wol ich ſeiner eigenen Schweſter/ ſeiner ſeldſt-Be-
kantnus nach/ aͤhnlich ſahe. Jch behielt auch nach-
gehends dieſen Nahmen und Zunahmen/ biß ich den
rechten erfuhr/ und ſpielte unter ſolchem meine Per-
ſon zu Nutz deß Gouverneurs, und geringen Schad
der Kron Schweden zimlich wol/ welches denn alle
meine Kriegs Dienſte ſeyn/ die ich derſelben mein
Lebtag geleiſtet/ derowegen dann ihre Feinde mich
deßwegen zu neiden kein Urſach haben.

DasV.Capitel.

ALs der Commiſſarius wieder hinweg war/ lieſſe
vielgemeldter Pfarꝛer mich heimlich zu ſich in
ſein Loſament kommen/ und ſagte: ô Simplici, deine
Jugend dauret mich/ und deine kuͤnfftige Ungluͤck-
ſeeligkeit bewegt mich zum Mitleiden; Hoͤre mein
Kind/ und wiſſe gewiß/ daß dein Herꝛ dich aller Ver-
nunfft zu beranben/ und zum Narꝛen zu machen ent-
ſchloſſen/ maſſen er zu ſolchem End bereits ein Kleid
vor dich verfertigen laͤſt/ morgen muſt du in die jeni-
ge Schul/ darinn du deine Vernunfft verlernen ſolt;
in derſelben wird man dich ohne Zweiffel ſo greulich
trillen/ daß du/ wenn anders GOtt und natuͤrliche
Mittel ſolches nicht verhindern/ ohne Zweiffel zu ei-
nem Phantaſten werden muſt. Weil aber ſolches
ein mißlich und ſorglich Handwerck iſt/ als hab ich
umb
[136]Deß Abentheurl. Simpliciſſimi
umb deines Einfidlers Frommkeit/ und umb deiner
eigenen Unſchuld willen/ auß getreuer Chriſtlicher
Liebe/ dir mit Rath und nothwendigen guten Mitteln
beyſpringen/ und gegenwaͤrtige Artzney zuſtellen
wollen; Darumb folge nun meiner Lehr/ und nimm
dieſes Pulver ein/ welches dir das Hirn und Ge-
daͤchtnus dermaſſen ſtaͤrcken wird/ daß du unverletzt
deines Verſtands alles leicht uͤberwinden magſt:
Auch haſtu hierbey einen Balſam/ damit ſchmiere die
Schlaͤff/ den Wuͤrbel/ und das Knick ſampt den Nas-
loͤchern/ und dieſe beyde Stuͤck brauche auff den A-
bend/ wenn du ſchlaffen geheſt/ ſintemal du keine
Stund ſicher ſeyn wirſt/ daß du nicht auß dem Bett
abgeholet werdeſt/ aber ſehe zu/ daß niemand dieſer
meiner Warnung und mitgetheilten Artzney gewahr
werde/ es moͤchte ſonſt dir und mir uͤbel außſchlagen/
und wenn man dich in dieſer verfluchten Cur haben
wird/ ſo achte und glaube nicht alles/ was man dich
uͤberꝛeden will/ und ſtelle dich doch/ als wenn du alles
glaubteſt/ rede wenig/ damit deine Zugeordnete nicht
an dir mercken/ daß ſie laͤer Stroh dreſchen/ ſonſten
werden ſich deine Plagen veraͤndern/ wiewol ich nit
wiſſen kan/ auff was Weis ſie mit dir umgehen wer-
den; Wenn du aber den Strauß und das Narꝛen-
Kleid anhaben wirſt/ ſo komm wieder zu mir/ damit
ich deiner mit fernerm Rath pflegen moͤge. Jndeſſen
will ich Gott vor dich bitten/ daß er deinen Verſtand
und Geſundheit erhalten wolle: Hier auff ſtellt er mir
gemeldtes Pulver und Saͤlblein zu/ und wandert da-
mit wieder nach Hauß.

Wie der Pfarꝛer geſagt hatte/ alſo giengs; Jm
erſten Schlaff kamen vier Kerl in ſchroͤcklichen Teuf-
fels-
[137]Zweytes Buch.
fels-Larven vermummt/ zu mir ins Zim̃er vors Bett/
die ſprangen herumb wie Gauckler und Faßnachts-
Narꝛen/ einer hatte einen gluͤenden Hacken/ und der
ander eine Fackel in Haͤnden/ die andere zween aber
wiſchten uͤber mich her/ zogen mich auß dem Bett/
tantzten ein Weil mit mir hin und her/ und zwangen
mir meine Kleider an Leib/ ich aber ſtellte mich/ als
wenn ich ſie vor rechte natürliche Teuffel gehalten
haͤtte/ verfuͤhrte ein jaͤmmerliches Zettergeſchrey/ und
lieſſe die aller-forchtſamſte Geberden erſcheinen;
aber ſie verkuͤndigten mir/ daß ich mit ihnen fort muͤ-
ſie/ hierauff verbanden ſie mir den Kopff mit einer
Handzwell/ daß ich weder hoͤren/ ſehen noch ſchreyen
konte: Sie fuͤhrten mich unterſchiedliche Umbweg/
viel Stegen auff und ab/ und endlich in einen Keller/
darinn ein groſſes Feuer branne/ und nachdeme ſie
mir die Handzwell wieder abgebunden/ fiengen ſie an
mir in Spaniſchem Wein und Malvaſier zuzutrin-
cken. Sie hatten mich gut uͤberꝛeden/ ich waͤre ge-
ſtorben/ und nunmehr im Abgrund der Hoͤllen/ weil
ich mich mit Fleiß alſo ſtellete/ als wenn ich alles
glaubte/ was ſie mir vor logen: Sauffe nur dapffer
zu/ ſagten ſie/ weil du doch ewig bey uns bleiben
muſt/ wilſtu aber nicht ein gut Geſell ſeyn/ und mit
machen/ ſo muſtu in gegenwaͤrtiges Feur: Die arme
Teuffel wolten ihre Sprach und Stimm verquan-
ten/ damit ich ſie nicht kennen ſolte/ ich merckte aber
gleich/ daß es meines Herꝛn Fourierſchuͤtzen waren/
doch ließ ichs mich nicht mercken/ ſondern lachte in
die Fauſt/ daß dieſe/ ſo mich zum Narꝛen machen ſol-
ten/ meine Narꝛen ſeyn muſten. Jch tranck meinen
Theil mit vom Spaniſchen Wein/ ſie aber ſoffen
mehr
[138]Deß Abentheurl. Simpliciſſimi
mehr als ich/ weil ſolcher himmliſche Nectar ſelten
an ſolche Geſellen kompt/ maſſen ich noch ſchwoͤren
doͤrffte/ daß ſie eher voll worden/ als ich; Da michs
aber Zeit zu ſeyn beduͤnckte/ ſtellte ich mich mit hin
und her dorckeln/ wie ichs neulich an meines Herꝛn
Gaͤſten geſehen hatte; und wolte endlich gar nicht
mehr ſauffen/ ſondern ſchlaffen/ hingegen jagten und
ſtieſſen ſie mich mit ihrem Hacken/ den ſie allezeit im
Feuer ligen hatten/ in allen Ecken deß Kellers herum/
daß es ſahe/ als ob ſie ſelbſt naͤrꝛiſch worden waͤren/
entweder daß ich mehr trincken/ oder auffs wenigſte
nicht ſchlaffen ſolte/ und wenn ich in ſolcher Hatz
nider fiele/ wie ich denn offt mit Fleiß thaͤt/ ſo pack-
ten ſie mich wieder auff/ und ſtellten ſich/ als wann
ſie mich ins Feuer werffen wolten: Alſo gieng mirs
wie einem Falcken dem man wacht/ welches mein
groſſes Creutz war. Jch haͤtte ſie zwar Trunckenheit
und Schlaffs halber wol außgedauret/ aber ſie ver-
blieben nicht allweg beyeinander/ ſondern loͤſten ſich
untereinander ab/ darumb haͤtte ich zuletzt den Kuͤr-
tzern ziehen muͤſſen: Drey Taͤg und zwo Naͤcht hab
ich in dieſem raucherichten Keller zubracht/ welcher
kein ander Liecht hatte/ als was das Feur von ſich
gab/ der Kopff fieng mir dahero an zu brauſen und zu
wuͤten/ als ob er zerꝛeiſſen wolte/ daß ich endlich ei-
nen Fund erſinnen muſte/ mich meiner Qual ſampt
den Peinigern zu entledigen/ ich machte es wie der
Fuchs/ welcher den Hunden ins Geſicht harnt/ weñ
er ihnen nicht mehr zu entrinnen getraut/ dann weil
mich eben die Natur triebe/ meine Notdurſſt (ſ. v.)
zu thun/ bewegte ich mich zugleich mit einem Finger
im Hals zum Unwillen/ dergeſtalt/ daß ich mit einem
unlei-
[139]Zweytes Buch.
unleidenlichen Geſtanck die Zech bezahlte/ alſo daß
auch meine Teuffel ſelbſt ſchier nicht mehr bey mir
bleiben konten; damals legten ſie mich in ein Ley-
lach/ und zerplotzten mich ſo unbarmbertzig/ daß mir
alle innerliche Glieder ſampt der Seelen herauß haͤt-
ten fahren moͤgen. Worvon ich dermaſſen auß mir
ſelber kam/ und deß Gebrauchs meiner Sinnen be-
raubt wurde/ daß ich gleichſam wie todt da lag/ ich
weiß auch nicht was ſie ferners mit mir gemacht ha-
ben/ ſo gar war ich allerdings dahin.

DasVI.Capitel.

ALs ich wieder zu mir ſelber kam/ befand ich mich
nicht mehr in dem oͤden Keller bey den Teuffeln/
ſondern in einem ſchoͤnen Saal/ unter den Haͤnden
dreyer der allergarſtigſten alten Weiber/ ſo der Erd-
boden je getragen; ich hielte ſie anfaͤnglich/ als ich
die Augen ein wenig oͤffnete/ vor natuͤrliche hoͤlliſche
Geiſter/ haͤtte ich aber die alte Heydniſche Poëten
ſchon geleſen gehabt/ ſo haͤtte ich ſie vor die Eumeni-
des, oder wenigſt die eine eigentlich vor die Thiſipho-
ne gehalten/ welche mich wie den Athamantem mei-
ner Sinn zu berauben/ auß der Hoͤllen ankommen
waͤre/ weil ich zuvor wol wuſte/ daß ich darumb da
war/ zum Narꝛen zu werden: Dieſe hatte ein paar
Augen wie zween Jrꝛwiſch/ und zwiſchen denſelben
eine lange magere Habichs-Nas/ deren Ende oder
Spitz die undere Lefftzen allerdings erꝛeichte/ nur
zween Zaͤhn ſahe ich in ihrem Maul/ ſie waren aber
ſo vollkommen/ lang/ rund und dick/ daß ſich jeder bey
nahe der Geſtalt nach mit dem Goldfinger/ der Farb
nach aber ſich mit dem Gold ſelbſt haͤtte vergleichen
laſſen
[140]Deß Abentheurl. Simpliciſſimi
laſſen; Jn Sum̃a/ es war Gebeins genug vorhan-
den zu einem gantzen Maul voll Zaͤhn/ es war aber
gar uͤbel außgetheilt/ ihr Angeſicht ſahe wie Spa-
niſch Leder/ und ihre weiſſe Haar hiengen ihr ſeltzam
zerſtrobelt umb den Kopff herumb/ weil man ſie erſt
auß dem Bett geholt hatte; ihre lange Bruͤſt weiß
ich nichts anders zu vergleichen/ als zweyen lumme-
richten Kuh-Blaſen/ denen zwey Drittel vom Blaſt
entgangen/ unden hienge an jeder ein ſchwartz-brau-
ner Zapff halb Fingers lang; Warhafftig ein er-
ſchroͤcklicher Anblick/ der zu nichts anders/ als vor
eine treffliche Artzney wider die unſinnige Liebe der
gailen Boͤck haͤtte dienen moͤgen/ die andere zwo wa-
ren gar nicht ſchoͤner/ ohne daß dieſelbe ſtumpffe Af-
fen-Naͤslein/ und ihre Kleider etwas ordentlicher
angethan hatten: Als ich mich beſſer erkoverte/ ſahe
ich/ daß die eine unſer Schuͤſſelwaͤſcherin/ die andere
zwo aber zweyer Fourierſchuͤtzen Weiber waren.
Jch ſtellte mich/ als wenn ich mich nicht zu regen
vermochte/ wie mich dann in Warheit auch nicht
tantzerte/ als dieſe ehrliche alte Muͤtterlein mich
ſplitter-nackend außzogen/ und von allem Unrath wie
ein junges Kind ſaͤuberten: Doch thaͤt mir ſolches
trefflich ſanfft/ ſie bezeugten unter waͤhrender Arbeit
ein groſſe Gedult und treffliches Mitleiden/ alſo daß
ich ihnen bey nahe offenbart haͤtte/ wie wol mein Han-
del noch ſtuͤnde; doch gedacht ich/ Nein Simplici!
vertraue keinem alten Weib/ ſondern gedencke/ du
habeſt Victori genug/ wenn du in deiner Jugend drey
abgefaͤumte alte Vetteln/ mit denen man den Teuffel
im weiten Feld fangen moͤchte/ betruͤgen kanſt; du
kanſt auß dieſer Occaſion Hoffnung ſchoͤpffen/ im
Alter
[141]Zweytes Buch.
Alter mehrers zu leiſten. Da ſie nun mit mir fertig
waren/ legten ſie mich in ein koͤſtlich Bett/ darinnen
ich ohngewieget entſchlieff/ ſie aber giengen/ und
namen ihre Kuͤbel und andere Sachen/ damit ſie mich
gewaſchen hatten/ ſampt meinen Kleidern und allen
Unflat mit ſich hinweg. Meines Davorhaltens
ſchlieffe ich dieſen Satz laͤnger als 24. Stund/ und
da ich wieder erwachte/ ſtunden zween ſchoͤne gefluͤ-
gelte Knaben vorm Bett/ welche mit weiſſen Hem-
dern/ daffeten Binden/ Perlen/ Cleinodien/ guͤldenen
Ketten und andern ſcheinbarlichen Sachen koͤſtlich
gezieret waren: Einer hatte ein verguldtes Lavor
voller Hippen/ Zuckerbrot/ Marzeban und ander
Confect, der ander aber einen verguͤldten Becher in
Handen. Dieſe als Engel/ davor ſie ſich außgaben/
wolten mich bereden/ daß ich nunmehr im Himmel
ſey/ weil ich das Fegfeuer ſo glucklich uͤberſtanden/
und dem Teuffel ſampt ſeiner Mutter entgangen/ de-
rohalben ſolte ich nur begehren/ was mein Hertz
wuͤnſchte/ ſintemal alles/ was mir nur beliebte/ ge-
nug vorhanden waͤre/ oder doch ſonſt herbey zu ſchaf-
fen/ in ihrer Macht ſtuͤnde. Mich quaͤlte der Durſt/
und weil ich den Becher vor mir ſahe/ verlangte ich
nur den Trunck/ der mir auch mehr als gutwillig ge-
raicht wurde; Solches war aber kein Wein/ ſon-
dern ein lieblicher Schlafftrunck/ welchen ich ohn-
abgeſetzt zu mir nam/ und davon wieder entſchlieff/
ſo bald er bey mir erwarmt.

Den andern Tag erwachte ich wiederumb/ (dann
ſonſt ſchlieffe ich noch) befand mich aber nicht mehr
im Bett/ noch in vorigem Saal/ ſondern in meinem
alten Gaͤns-Kercker/ da war abermal eine greuliche
Fin-
[142]Deß Abentheurl. Simpliciſſimi
Finſternus wie in vorigem Keller/ und uͤber das hat-
te ich ein Kleid an von Kalb-Fellen/ daran das rauhe
Theil auch außwendig gekehrt war/ die Hoſen wa-
ren auff Polniſch oder Schwaͤbiſch/ und das Wambs
noch wol auff ein naͤrꝛiſchere Manier gemacht/ oben
am Hals ſtunde eine Kappe wie ein Moͤnchs-gugel/
die war mir uͤber den Kopff geſtreifft/ und mit einem
ſchoͤnen paar groſſer Eſels-Ohren geziert. Jch mu-
ſte meines Unſterns ſelbſt lachen/ weil ich beydes am
Neſt und den Federn ſahe/ was ich vor ein Vogel
ſeyn ſolte: Dam als fieng ich erſt an/ in mich ſelbſt
zu gehen/ und auff mein Beſtes zu gedencken. Jch
ſetzte mir vor/ mich auff das naͤrꝛiſchte zu ſtellen/ als
mir immer moͤglich ſeyn moͤchte/ und darneben mit
Gedult zu erharꝛen/ wie ſich mein Verhaͤnguns wei-
ters anlaſſen wuͤrde.

DasVII.Capitel.

VErmittelſt deß Lochs/ ſo der dolle Faͤhnrich hie-
bevor in die Thuͤr geſchnitten/ haͤtte ich mich wol
erledigen koͤnnen/ weil ich aber ein Narꝛ ſeyn ſolte/
ließ ichs bleiben/ und thaͤt nicht allein wie ein Narꝛ/
der nicht ſo witzig iſt/ von ſich ſelbſt herauß zu gehen/
ſondern ſtellte mich gar wie ein hungerig Kalb/ das
ſich nach ſeiner Mutter ſehnet/ mein Geplerꝛ wurde
auch bald von den jenigen gehoͤrt/ die darzu beſtellt
waren; maſſen zween Soldaten vor den Gaͤnsſtall
kamen/ und fragten/ wer darinnen waͤre? Jch ant-
wortet/ Jhr Narꝛen/ hoͤrt ihr denn nicht/ daß ein
Kalb da iſt! Sie machten den Stall auff/ namen
mich herauß/ und verwunderten ſich/ daß ein Kalb
ſolte reden koͤnnen! Welches ihnen anſtunde/ wie die
gezwun-
[143]Zweytes Buch.
gezwungene Actionen eines neu-gewordenen unge-
ſchickten Comœdianten/ der die Perſon/ die er ver-
tretten ſoll/ nicht wol agiren kan/ alſo daß ich offt
meynte/ ich muͤſte ihnen ſelbſt zum Poſſen helffen:
Sie berathſchlagten ſich/ was ſie mit mir machen
wolten/ und wurden eins/ mich dem Gubernator zu
verehren/ als welcher ihnen/ weil ich reden koͤnte/
mehr ſchencken wuͤrde/ als ihnen der Metzger vor
mich bezahlte. Sie fragten mich/ wie mein Handel
ſtuͤnde? Jch antwortet/ liederlich genug; Sie frag-
ten/ Warumb? Jch ſagte/ darumb/ dieweil hier der
Brauch iſt/ redliche Kaͤlber in Gaͤnsſtall zu ſperꝛen:
Jhr Kerl muͤſt wiſſen/ dafern man will/ daß ein recht-
ſchaffener Ochs auß mir werden ſoll/ daß man mich
auch auffziehen muß/ wie einem ehrlichen Stier zu-
ſtehet. Nach ſolchem kurtzen Diſcurs fuͤhreten ſie
mich uͤber die Gaß gegen deß Gouverneurs Quartier
zu/ uns folgte eine groſſe Schaar Buben nach/ und
weil dieſelbe eben ſo wol als ich das Kaͤlber-geſchrey
ſchryen/ haͤtte ein Blinder auß dem Gehoͤr urtheilen
moͤgen/ man triebe ein Heerd Kaͤlber daher/ aber dem
Geſicht nach ſahe es einem Hauffen ſo junger als al-
ter Narꝛen gleich.

Alſo wurde ich von den beyden Soldaten dem
Gouverneur præſentirt/ gleichſam als ob ſie mich erſt
auff Partey erbeutet haͤtten/ dieſelbe beſchenckte er
mit einem Trinckgelt/ mir ſelbſt aber verſprach er die
beſte Sach/ ſo ich bey ihm haben ſolte: Jch gedachte
wie deß Goldſchmids Jung/ und ſagte: Wol Herꝛ/
man muß mich aber in keinen Gaͤnsſtall ſperꝛen/ dañ
wir Kaͤlber koͤnnen ſolches nicht erdulden/ wann wir
anders wachſen/ und zu einem Stuͤck Haupt-Viehe
Gwerden
[144]Deß Abentheurl. Simpliciſſimi
werden ſollen. Der Gouverneur vertroͤſtete mich ei-
nes beſſern/ und duͤnckte ſich gar geſcheid ſeyn/ daß
er einen ſolchen vifierlichen Narꝛen auß mir gemacht
haͤtte; hingegen gedacht ich/ Harꝛe mein lieber Herꝛ/
ich hab die Prob deß Feuers uͤberſtanden/ und bin
darinn gehaͤrtet worden; jetzt wollen wir probiren/
welcher den andern am beſten agiren wird koͤnnen.
Jn dem trieb ein geflehnter Baur ſein Vieh zur Traͤn-
cke/ ſo bald ich das ſahe/ verließ ich den Gouverneur,
und eylete mit einem Kaͤlber-Geplerꝛ den Kuͤhen zu/
gleichſam als ob ich an ihnen ſaugen wolte/ dieſe/
als ich zu ihnen kam/ entſetzten ſich aͤrger vor mir/
als vor einem Wolff/ wiewol ich ihrer Art Haar
trug/ ja ſie wurden ſo ſchellig/ und zerſtoben dermaſ-
ſen voneinander/ als wenn im Auguſto ein Neſt voll
Hornuſſen unter ſie gelaſſen worden waͤre; alſo daß
ſie ihr Herꝛ an ſelbigem Ort nicht mehr zuſammen
bringen konte/ welches ein artlichen Spaß abgabe.
Jn einem Huy war ein Hauffen Volck beyeinander/
das der Gauckelfuhr zuſahe/ und als mein Herꝛ lach-
te/ daß er haͤtte zerberſten moͤgen/ ſagte er endlich/ ein
Narꝛ macht ihrer hundert; Jch aber gedachte/ und
eben du biſt der jenige/ dem du jetzt wahr ſageſt.

Gleich wie mich nun jederman von ſelbiger Zeit
an das Kalb nennete/ alſo nennete ich hingegen auch
einen jeden mit einem beſonderen ſpoͤttiſchen Nach-
Nahmen/ dieſelbe fielen mehrentheils der Leut/ und
ſonderlich meines Herꝛn Beduͤncken nach gar Sinn-
reich/ dann ich tauffte jedwedern nachdem ſeine Qua-
litaͤten erforderten. Summariter davon zu reden/
ſo ſchaͤtzte mich maͤnniglich vor einen ohnweiſen
Thoren/ und ich hielte jeglichen vor einen geſcheiden
Narꝛn
[145]Zweytes Buch.
Narꝛn. Dieſer Gebrauch iſt meines Erachtens in
der Welt noch uͤblich/ maſſen ein jeder mit ſeiner
Witz zu frieden/ und ſich einbildet/ er ſey der Geſchei-
deſte unter allen.

Obige Kurtzweil/ die ich mit deß Bauren Rindern
anſtellete/ machte uns den kurtzen Vormittag noch
kuͤrtzer/ denn es war damals eben umb die Winter-
liche Sonnenwende: Bey der Mittags-Mahlzeit
wartete ich auff wie zuvor/ brachte aber benebens
ſeltzame Sachen auff die Bahn/ und als ich eſſen
ſolte/ konte niemand einige menſchliche Speiß oder
Tranck in mich bringen/ ich wolte kurtzum nur Gras
haben/ ſo damals zu bekommen ohnmuͤglich war.
Mein Herꝛ lieſſe ein paar friſche Kalb-Fell von den
Metzgern holen/ und ſolche zweyen kleinen Knaben
uͤber die Koͤpff ſtraiffen: Dieſe ſetzte er zu mir an den
Tiſch/ tractirte uns in der erſten Tracht mit Winter-
Salat/ und hieß uns wacker zuhauen/ auch lieſſe er
ein lebendig Kalb hinbringen/ und mit Saltz zum
Salat anfriſchen. Jch ſahe ſo ſtarꝛ darein/ als wenn
ich mich daruͤber verwunderte/ aber der Umbſtand
vermahnete mich mit zu machen; Ja wol ſagten ſie/
wie ſie mich ſo kaltfinnig ſahen/ es iſt nichts neues/
wenn Kaͤlber Fleiſch/ Fiſch/ Kaͤß/ Butter und an-
ders freſſen: Was? ſie ſauffen auch zu Zeiten ein
guten Rauſch! die Beſtien wiſſen nunmehr wol/ was
gut iſt; ja/ ſagten ſie ferner/ es iſt heutiges Tags ſo
weit kommen/ daß ſich nunmehr ein geringer Unter-
ſcheid zwiſchen ihnen und den Menſchen befindet/
wolteſt du dann allein nicht mit machen?

Dieſes lieſſe ich mich umb ſo viel deſto ehender
uͤberꝛeden/ weil mich hungerte/ und nicht darumb/
G ijdaß
[146]Deß Abentheurl. Simpliciſſimi
daß ich hiebevor ſchon ſelbſt geſehen/ wie theils Men-
ſchen ſaͤuiſcher als Schwein/ grimmiger als Loͤwen/
gaͤiler als Boͤck/ neidiger als Hund/ unbaͤndiger als
Pferd/ groͤber als Eſel/ verſoffener als Rinder/ li-
ſtiger als Fuͤchs/ gefraͤſſiger als Woͤlff/ naͤrꝛiſcher
als Affen/ und gifftiger als Schlangen und Krotten
waren/ welche dannoch alleſampt menſchlicher Nah-
rung genoſſen/ und nur durch die Geſtalt von den
Thieren unterſchieden waren/ zumalen auch die Un-
ſchuld eines Kalds bey weitem nicht batten. Jch
fuͤtterte mit meinen Mit Kaͤlbern/ wie ſolches mein
Appetit erforderte/ und wann ein Fremder uns ohn-
verſehens alſo beyeinander zu Tiſch haͤtte ſitzen ſehen/
ſo haͤtte er ſich ohne Zweiffel eingebildet/ die alte Cir-
ce waͤre wieder aufferſtanden/ auß Menſchen Thier
zu machen/ welche Kunſt damals mein Herꝛ konte
und practicirte. Eben auff den Schlag/ wie ich die
Mittags. Mahlzeit vollbrachte/ alſo wurde ich auch
auff den Nacht-Jmbis tractirt; Und gleich wie mei-
ne Mit. Eſſer oder Schmarotzer mit mir zehrten/
damit ich auch zehren ſolte/ alſo muſten ſie auch mit
mir zu Bett/ wann mein Herꝛ anders nicht zugeben
wolte/ daß ich im Kuͤheſtall uͤber Nacht ſchlieffe;
und das thaͤt ich darumb/ damit ich die jenige auch
genug narꝛete/ die mich zum Narꝛen zu haben ver-
meynten: Und machte dieſen veſten Schluß/ daß der
grundguͤtige GOtt einem jeden Menſchen in ſeinem
Stand/ zu welchem er ihn beruffen/ ſo viel Witz gebe
und verleyhe/ als er zu ſeiner ſelbſt-Erhaltung von-
noͤthen/ auch daß ſich dannenhero/ Doctor hin oder
Doctor her/ viel vergeblich einbilden/ ſie ſeyen allein
witzig
[147]Zweytes Buch.
witzig/ und Hans in allen Gaſſen/ dann hinder den
Bergen wohnen auch Leut.

DasVIII.Capitel.

AM Morgen als ich erwachte/ waren meine beyde
verkaͤlberte Schlaff Geſellen ſchon fort/ dero-
wegen ſtunde ich auch auff/ und ſchliche/ als der Ad-
jutant die Schluͤſſel holete/ die Statt zu oͤffnen/ auß
dem Hauß zu meinem Pfarꝛer/ demſelben erzehlte
ich alles/ wie mirs ſo wol im Him̃el als in der Hoͤll
ergangen. Und wie er ſahe/ daß ich mir ein Gewiſſen
machte/ weil ich ſo viel Leut/ und ſonderlich meinen
Herꝛn betroͤge/ wenn ich mich naͤrꝛiſch ſtellete/ ſagte
er: Hierumb darffſt du dich nicht bekuͤmmern/ die
naͤrꝛiſche Welt will betrogen ſeyn/ hat man dir deine
Witz noch uͤbrig gelaſſen/ ſo gebrauche dich derſelben
zu deinem Vortheil/ bilde dir ein/ als ob du gleich
dem Phœnix, vom Unverſtand zum Verſtand durchs
Feuer/ und alſo zu einem neuen menſchlichen Leben
auch neu geboren worden ſeyeſt: Doch wiſſe dabey/
daß du noch nicht uͤber den Graben/ ſondern mit Ge-
fahr deiner Vernunfft in dieſe Narꝛen-Kappe ge-
ſchloffen biſt/ die Zeiten ſeyn ſo wunderlich/ daß nie-
mand wiſſen kan/ ob du ohne Verluſt deines Lebens
wieder herauß kommeſt/ man kan geſchwind in die
Hoͤll rennen/ aber wieder herauß zu entrinnen/ wirds
Schnauffens und Bartwiſchens brauchen/ du biſt
bey weitem noch nicht ſo gemannet/ deiner bevorſte-
henden Gefahr zu entgehen/ wie du dir wol einbilden
moͤchteſt/ darumb wird dir mehr Vorſichtigkeit und
Verſtand vonnoͤthen ſeyn/ als zu der Zeit/ da du noch
nicht wuſteſt/ was Verſtand oder Unverſtand war/
G iijbleibe
[148]Deß Abentheurl. Simpliciſſimi
bleibe demuͤtig/ und erwarte der kuͤnfftigen Veraͤn-
derung.

Sein Diſcurs war vorſetzlich ſo variabel, dann ich
bilde mir ein/ er habe mir an der Stirn geleſen/ daß
ich mich groß zu ſeyn beduͤnckte/ weil ich mit ſo mei-
ſterlichem Betrug und ſeiner Kunſt durch geſchlof-
fen; und ich muthmaſſete hingegen auß ſeinem An-
geſicht/ daß er unwillig/ und meiner uͤberdruͤſſig wor-
den/ dann ſeine Minen gabens/ und was hatte er von
mir? Derowegen veraͤndert ich auch meine Reden/
und wuſte ihm groſſen Danck vor die herꝛliche Mittel/
die er mir zu Erhaltung meines Verſtands mitge-
theilt hatte/ ja ich thaͤt unmuͤgliche Promeſſen, alles/
wie meine Schuldigkeit erfordere/ wieder danckbar-
lich zu verſchulden: Solches kuͤtzelte ihn/ und brach-
te ihn auch wieder auff einen andern Laun/ dann er
ruͤhmte gleich darauff ſeine Artzney trefflich/ und er-
zehlte mir/ daß Simonides Melicus eine Kunſt auffge-
bracht/ die Metrodorus Sceptius nicht ohne groſſe
Muͤde perfectionirt haͤtte/ vermittelſt deren er die
Menſchen lehren koͤnnen/ daß ſie alles/ was ſie ein-
mal gehoͤret oder geleſen/ bey einem Wort nach-re-
den moͤgen/ und ſolches waͤre/ ſagte er/ ohne Haupt-
ſtaͤrckende Artzneyen/ deren er mir mitgetheilt/ nicht
zugangen! Ja/ gedachte ich/ mein lieber Herꝛ Pfar-
rer/ ich habe in deinen eigenen Buͤchern bey meinem
Einſidel viel anders geleſen/ worinnen Sceptii Ge-
daͤchtnus-Gunſt beſtehet/ doch war ich ſo ſchlau/ daß
ich nichts ſagte/ dann wann ich die Warheit beken-
nen ſoll/ ſo bin ich/ als ich zum Narꝛen werden ſolte/
allererſt witzig/ und in meinen Reden behutſamer
worden. Er der Pfarꝛer fuhr fort/ und ſagte mir/
wie
[149]Zweytes Buch.
wie Cyrus einem jeden von ſeinen 30000. Soldaten
mit ſeinem rechten Nahmen haͤtte ruffen/ Lucius Sci-
pio alle Buͤrger zu Rom bey den ihrigen nennen/ und
Cyneas Pyrihi Geſandter/ gleich den andern Tag
hernach/ als er gen Rom kom̃en/ aller Rahtsberꝛen
und Edelleute Nahmen daſelbſt/ ordentlich her ſa-
gen koͤnnen. Mithridates der Koͤnig in Ponto und
Bithynia/ ſagte er/ hatte Voͤlcker von 22. Sprachen
unter ihm/ denen er allen in ihrer Zungen Recht ſpre-
chen/ und mit einem jeden inſonderheit/ wie Sabell.
lib. 10. cap. 9. ſchreibet/ reden konte. Der gelehrte
Griech Charmides ſagte einem außwendig/ was ei-
ner auß den Buͤchern wiſſen wolte/ die in der gantzen
Liberey lagen/ wenn er ſie ſchon nur einmal uͤberleſen
hatte. Lucius Seneca konte 2000. Nahmen herwi-
der ſagen/ wie ſie ihm vorgeſprochen worden/ und
wie Raviſius meldet/ 200. Vers von 200. Schuͤ[ern]
geredet/ vom letzten an biß zum erſten/ hinwiederumb
erzehlen. Eßdras/ wie Euſeb. lib. temp. fulg. lib. 8.
cap. 7. ſchreibet/ konte die fuͤnff Buͤcher Moyſis auß-
wendig/ und ſelbige von Wort zu Wort den Schrei-
dern in die Feder dictiren. Themiſtocles lernete die
Perſiſche Sprach in einem Jahr. Craſſus konte in
Aſia die fuͤnff unterſchiedliche Dialectos der Griechi-
ſchen Sprach außreden/ und ſeinen Untergebenen da-
rinn Recht ſprechen. Julius Cæſar laſe/ dictirte/ und
gab zugleich Audienz Von Ælio Hadriano, Portio
Latrone, den Roͤmern und andern will ich nichts mel-
den/ ſondern nur von dem heiligen Hieronymo ſagen/
daß er Hebraiſch/ Chaldaiſch/ Griechiſch/ Perſiſch/
Mediſch/ Arabiſch und Lateiniſch gekoͤnt. Der Ein-
ſidel Antonius konte die gantze Bidel nur vom hoͤren
G jvleſen
[150]Deß Abentheurl. Simpliciſſimi
leſen/ außwendig. So ſchreibt auch Colerus lib. 18.
cap. 21. Auß Marco Antonio Mureto, von einem Cor-
ſicaner, welcher 6000. Menſchen-Nahmen ange-
hoͤret/ und dieſelbige hernach in richtiger Ordnung
ſchnell herwieder geſagt.

Dieſes erzehle ich alles darumb/ ſagte er ferner/
damit du nicht vor unmuͤglich halteſt/ daß durch Me-
dicin einem Menſchen ſein Gedaͤchtnus trefflich ge-
ſtaͤrcket und erhalten werden koͤnne/ gleich wie es
hingegen auch auff mancherley Weis geſchwaͤcht/
und gar außgetilgt wird/ maſſen Plinius lib. 7. cap.
24. ſchreibet/ daß am Menſchen nichts ſo bloͤd ſeye/
als eben das Gedaͤchtnus/ und daß ſie durch Kranck-
heit/ Schrecken/ Forcht/ Sorg und Bekůmmernus
entweder gantz verſchwinde/ oder doch einen groſſen
Theil ihrer Krafft verliere. Von einem Gelehrten
zu Athen wird geleſen/ daß er alles was er je ſtudiert
gehabt/ ſo gar auch das A B C vergeſſen/ nachdem
ein Stein von oben herab auff ihn gefallen. Ein an-
derer kam durch eine Kranckheit dahin/ daß er ſeines
Dieners Nahmen vergaß/ und Meſſala Corvinus wu-
ſie ſeinen eigenen Nahmen nicht mehr/ der doch vor-
hin ein gut Gedaͤchtnus gehabt. Schramhans ſchrei-
bet in faſciculo Hiſtoriarum, fol. 60. (welches aber
ſo Auffſchneideriſch klinget/ als ob es Plinius ſelbſt
geſchrieben) daß ein Prieſter auß ſeiner eigenen Ader
Blut getruncken/ und dardurch ſchreiben und leſen
vergeſſen/ ſonſt aber ſein Gedaͤchtnus unverꝛuckt be-
halten/ und als er uͤbers Jahr hernach eben an ſelbi-
gem Ort/ und damaliger Zeit/ abermal deſſelbigen
Bluts getruncken/ haͤtte er wieder wie zuvor ſchrei-
ben und leſen koͤnnen. Zwar iſts glaublicher/ was
Jo.
[151]Zweytes Buch.
Jo. Wierus de præſtigiis dæmon. lib. 3. cap. 18. ſchrei-
bet/ wenn man Beeren-Hirn einfreſſe/ daß man dar-
durch in ſolche Phantaſey und ſtarcke Imagination
gerathe/ als ob man ſelbſt zu einem Beeren worden
waͤre/ wie er dann ſolches mit dem Exempel eines
Spaniſchen Edelmanns beweiſet/ der/ nachdeme er
deſſen genoſſen/ in den Wildnuſſen umbgeloffen/ und
ſich nicht anders eingebildet/ als er ſeye ein Beer.
Lieber Simplici, haͤtte dein Herꝛ dieſe Kunſt gewuͤſt/
ſo doͤrffteſtu wol ehender in einen Beern/ wie die Cal-
liſto, als in einen Stier/ wie Jupiter, verwandelt
worden ſeyn.

Der Pfarꝛer erzehlte mir deß Dings noch viel/
gab mir wieder etwas von Artzney/ und inſtruirte
mich wegen meines fernern Verhalts/ damit machte
ich mich wieder nach Hauß/ und brachte mehr als
100. Buben mit/ die mir nachlieffen/ und abermals
alle wie Kaͤlber ſchryen/ derowegen lieff mein Herꝛ/
der eben auffgeſtanden war/ ans Fenſter/ ſahe ſo viel
Narꝛen auff einmal/ und lieſſe ihm belieben/ daruͤber
hertzlich zu lachen.

DasIX.Capitel.

SO bald ich ins Hauß kam/ muſte ich auch in die
Stub/ weil Adelich Frauenzimmer bey meinem
Herꝛn war/ welches ſeinen neuen Narꝛn auch gerne
haͤtte ſehen und hoͤren moͤgen. Jch erſchiene/ und
ſtund da wie ein Stumm/ dahero die jenige/ ſo ich
hiebevor beym Tantz erdappet hatte/ Urſach nam zu
ſagen: Sie haͤtte ihr ſagen laſſen/ dieſes Kalb koͤnne
reden/ ſd verſpuͤre ſie aber nunmehr/ daß es nicht wahr
G vſeye
[152]Deß Abentheurl. Simpliciſſimi
ſeye; Jch antwortet/ ſo hab ich hingegen vermey-
net/ die Affen koͤnnen nicht reden/ hoͤre aber wol/ daß
dem auch nicht alſo ſey. Wie/ ſagte mein Herꝛ/ ver-
meynſt du dann/ dieſe Damen ſeyen Affen? Jch ant-
wortet/ ſeynd ſie es nicht/ ſo werden ſie es doch bald
werden/ wer weiß wie es faͤllt/ ich habe mich auch
nicht verſehen ein Kalb zu werden/ und bins doch!
Mein Herꝛ fragte/ woran ich ſehe/ daß dieſe Affen
werden ſollen? Jch amwortet/ unſer Aff traͤgt ſein
Hindern bloß/ dieſe Damen aber alldereit ihre Bruͤſt/
dann andere Maͤgdlein pflegten ja ſonſt ſolche zu be-
decken. Schlimmer Vogel/ ſagte mein Herꝛ/ du biſt
ein naͤrꝛiſch Kalb/ und wie du biſt/ ſo redeſiu/ dieſe
laſſen billich ſehen was ſehens werth iſt/ der Aff aber
gehet auß Armut nackend/ geſchwind bringe wieder
ein/ was du geſuͤndiget haſt/ oder man wird dich kar-
baͤitſchen/ und mit Hunden in Gaͤnsſtall hetzen/ wie
man Kaͤlbern thut/ die ſich nicht zu ſchicken wiſſen/
laß hoͤren/ weiſt du auch eine Dam zu loben/ wie ſichs
gebuͤhrt? Hierauff betrachtete ich die Dame von
Fuͤſſen an biß oben auß/ und hinwieder von oben biß
unden/ ſahe ſie auch ſo ſteiff und lieblich an/ als haͤtte
ich ſie heuraten wollen. Endlich ſagte ich/ Herꝛ/ ich
ſehe wol wo der Fehler ſteckt/ der Diebs-Schneider
iſt an allem ſchuldig/ er hat das Gewand/ das oben
umb den Hals gehoͤrt/ und die Bruͤſtbedecken ſolte/
unden an dem Rock ſtehen laſſen/ darumb ſchleifft er
ſo weit hinden hernach/ man ſolte dem Hudler die
Haͤnd abhauen/ wenn er nicht beſſer ſchneidern kan/
Jungfer/ ſagte ich zu ihr ſelbſt/ ſchafft ihn ab/ wenn
er euch nicht ſo verſchaͤnden ſoll/ und febet/ daß ihr
meines Knans Schneider bekompt/ der hieß Meiſter
Paul-
[153]Zweytes Buch.
Paulgen/ er hat meiner Meuͤder/ unſerer Ann und
unſerm Urſele ſo ſchoͤne gebrittelte Roͤck machen koͤn-
nen/ die unden herumb gantz eben geweſt ſeyn/ ſie ha-
ben wol nicht ſo im Dreck geſchlappt wie eurer/ ja
ihr glaubt nicht/ wie er den Huren ſo ſchoͤne Kleider
machen koͤnnen. Mein Herꝛ fragte/ ob dann meines
Knans Ann und Urſele ſchoͤner geweſen/ als dieſe
Jungfer? Ach wol Nein/ Herꝛ/ ſagte ich/ dieſe Jung-
frau hat ja Haar/ das iß ſo gelb wie kleiner Kinder-
Dreck/ und ihre Schaͤidel ſind ſo weiß und ſo gerad
gemacht/ als wenn man Saͤubuͤrſten auff die Haut
gekappt haͤtte/ ja ihre Haar ſeyn ſo huͤbſch zuſam̃en
gerollt/ daß es ſihet/ wie hole Pfeiffen/ oder als wenn
ſie auff jeder Seiten ein paar Pfund Liechter/ oder
ein Dutzet Bratwuͤrſt hangen haͤtte: Ach ſehet nur/
wie hat ſie ſo ein ſchoͤne glatte Stirn; iſt ſie nicht fei-
ner gewoͤlbet als ein fetter Kunſtbacken? und weiſſer
als ein Todtenkopff/ der viel Jahr lang im Wetter
gehangen; Jmmer Schad iſts/ daß ihre zarte Haut
durch das Haar-Puder ſo ſchlim bemackelt wird/
dann wanns Leut ſehen/ die es nicht verſtehen/ doͤrff-
ten ſie wol vermeynen/ die Jungfer habe den Erb-
grind/ der ſolche Schuppen von ſich werffe; welches
noch groͤſſerer Schad waͤre vor die funcklende Augen/
die von Schwaͤrtze klaͤrer zwitzern/ als der Ruß vor
meines Knans Ofenloch/ welcher ſo ſchroͤcklich
glaͤntzete/ wenn unſer Ann mit einem Strohwiſch
davor ſtunde/ die Stub zu hitzen/ als wenn lauter
Feuer darinn ſteckte/ die gantze Welt anzuzuͤnden:
Jhre Backen ſeyn ſo huͤbſch rotlecht/ doch nicht gar
ſo roth/ als neulich die neue Neſtel waren/ damit die
Schwaͤbiſche Fuhrleut von Ulm ihre Laͤtz gezieret
G vjhatten
[154]Deß Abentheurl. Simpliciſſimi
hatten: Aber die hohe Roͤte/ die ſie an den Lefftzen
hat/ uͤbertrifft ſolche Fard weit/ und wenn ſie lacht
oder redt (ich bitte/ der Herꝛ geb nur Achtung darauf)
ſo ſihet man zwey Reyhen Zaͤhn in ihrem Maul ſte-
hen/ ſo ſchoͤn Zeilweis und Zucker-aͤhnlich/ als wenn
ſie auß einem Stuͤck von einer weiſſen Ruͤben ge-
ſchnitzelt worden waͤren: O Wunderbild/ ich glaub
nicht/ daß es einem webe thut/ wenn du einen damit
beiſſeſt: So iſt ihr Hals ja ſchier ſo weiß/ als eine
geſtandene Saurmilch/ und ihre Bruͤſtlein/ die da-
runter ligen/ ſeyn von gleicher Farb/ und ohn Zweif-
fel ſo hart anzugreiffen/ wie ein Gaiß-Maͤmm/ die
von uͤbriger Milch ſtrotzt: Sie ſeynd wol nicht ſo
ſchlapp/ wie die alte Weiber hatten/ die mir neulich
den Hindern butzten/ da ich in Himmel kam. Ach
Herꝛ/ ſehet doch ihre Haͤnd und Finger an/ ſie ſind
ja ſo ſubtil/ ſo lang/ ſo gelenck/ ſo geſchmeidig/ und
ſo geſchicklich gemacht/ natuͤrlich wie die Zuͤgeine-
rinnen neulich hatten/ damit ſie einem in Schubſack
greiffen/ wenn ſie fiſchen wollen. Aber was ſoll dieſes
gegen ihrem gantzen Leib ſelbſt zu rechnen ſeyn/ den
ich zwar nicht bloß ſehen kan. Jſt er nicht ſo zart/
ſchmal und anmuthig/ als wenn ſie acht gantzer
Wochen die ſchnelle Catharina gehabt haͤtte? Hie-
ruͤber erhub ſich ein ſolch Gelaͤchter/ daß man mich
nicht mehr hoͤren/ noch ich mehr reden konte/ gienge
hiemit durch wie ein Hollaͤnder/ und lieſſe mich/ ſo
lang mirs gefiel/ von andern vexiern.

DasX.Capitel.

HJerauff erfolgte die Mittags-Mahlzeit/ bey wel-
cher ich mich wieder dapffer gebrauchen lieſſe/
dann
[155]Zweytes Buch.
dann ich hatte mir vorgeſetzt/ alle Thorheiten zu be-
reden/ und alle Eitelkeiten zu ſtraffen/ worzu ſich
dann mein damaliger Stand trefflich ſchickte; kein
Tiſchgenoß war mir zu gut/ ihm ſein Laſter zu ver-
weiſen und auffzurupffen/ und wenn ſich einer fand/
der ſichs nicht gefallen lieſſe/ ſo wurde er entweder
noch darzu von andern außgelacht/ oder ihme von
meinem Herꝛn vorgehalten/ daß ſich kein Weiſer
über einen Narꝛn zu erzoͤrnen pflege: Den dollen
Faͤhnrich/ welcher mein argſter Feind war/ ſetzte ich
gleich auff den Eſel. Der erſte aber/ der mir auß mei-
nes Herꝛn Wincken mit Vernunfft begegnete/ war
der Secretarius, dann als ich denſelben einen Titul-
Schmid nennete/ ihn wegen der eiteln Titul außlach-
te/ und fragte/ wie man der Menſchen erſten Vatter
titulirt haͤtte? Antwortet er/ du redeſt wie ein unver-
nuͤnfftig Kalb/ weil du nicht weiſt/ daß nach unſern
erſten Eltern unterſchiedliche Leut gelebt/ die durch
ſeltene Tugenden/ als Weisheit/ mannliche Helden-
Thaten/ und Erfindung guter Kuͤnſte/ ſich und ihr
Geſchlecht dermaſſen geadelt haben/ daß ſie auch
von andern uͤber alle irdiſche Ding/ ja gar uͤbers Ge-
ſtirn zu Goͤttern erhoben worden; Waͤreſt du ein
Menſch/ oder haͤtteſt auffs wenigſt wie ein Menſch
die Hiſtorien geleſen/ ſo verſtuͤndeſt du auch den Un-
terſcheid/ der ſich zwiſchen den Menſchen enthaͤlt/
und wuͤrdeſt dannenhero einem jeden ſeinen Ehren-
Titul gern goͤnnen/ ſintemal du aber ein Kalb/ und
keiner menſchlichen Ehr wuͤrdig noch faͤhig biſt/ ſo
redeſt du auch von der Sach wie ein dummes Kalb/
und mißgoͤnneſt dem edlen menſchlichen Geſchlecht
das jenige/ deſſen es ſich zu erfreuen hat. Jch ant-
G vijwor-
[156]Deß Abentheurl. Simpliciſſimi
wortet/ ich bin ſo wol ein Menſch geweſen als du/
hab auch zimlich viel geleſen/ kan dahero urtheilen/
daß du den Handel entweder nicht recht verſteheſt/
oder durch dein Intereſſe abgehalten wirſt/ anderſt zu
reden als du weiſt: Sag mir/ was ſeyn vor herꝛliche
Thaten begangen/ und vor loͤbliche Kuͤnſte erfunden
worden/ die genugſam ſeyen/ ein gantz Geſchlechte
etlich hundert Jahr nacheinander/ auff Abſterben der
Helden und Kuͤnſtler ſelbſt/ zu adlen? Jſt nicht bey-
des der Helden Staͤrck/ und der Kuͤnſtler Weisheit
und hoher Verſtand/ mit hinweg geſtorben? Wenn
du diß nicht verſteheſt/ und der Eltern Qualitaͤten auff
die Kinder erben/ ſo muß ich davor halten/ dein Vat-
ter ſey ein Stockfiſch/ und dein Mutter ein Platteiß
geweſen: Ha! antwort der Secretarius, wann es
damit wol außgericht ſeyn wird/ wann wir einander
ſchaͤnden wollen/ ſo koͤnte ich dir vorwerffen/ daß dein
Knan ein grober Speſſerter Baur geweſen/ und ob
es zwar in deiner Heimat und Geſchlecht die groͤſte
Knollfincken abgibt/ daß du dich annoch noch mehr
verꝛingert habeſt/ in dem du zu einem unvernuͤnffti-
gen Kalb worden biſt. Da recht/ antwortet ich/ das
iſts was ich behaupten will/ daß nemlich der Eltern
Tugenden nicht allweg auff die Kinder erben/ und
daß dahero die Kinder ihrer Eltern Tugend-Tituln
auch nicht allweg wuͤrdig ſeyen; mir zwar iſts kein
Schand/ daß ich ein Kalb bin worden/ dieweil ich
in ſolchem Fall dem Großmaͤchtigen Koͤnig Nabu-
chodonoſor nachzufolgen die Ehr habe/ wer weiß/
ob es nicht GOtt gefaͤllt/ daß ich auch wieder wie
dieſer/ zu einem Menſchen/ und zwar noch groͤſſer
werde/ als mein Kuan geweſen? Jch ruͤhme einmal
die
[157]Zweytes Buch.
die jenige/ die ſich durch eigene Tugenden edel ma-
chen. Nun geſetzt/ aber nicht geſtanden/ ſagt der Se-
cretarius, daß die Kinder ihrer Eltern Ehren-Titul
nicht allweg erben ſollen/ ſo muſt du doch geſtehen/
daß die jenige alles Lobswerth ſeyen/ die ſich ſelbſt
durch Wolverhalten Edel machen; wann dann dem
alſo/ ſo folget/ daß man die Kinder wegen ihrer El-
tern billich ehret/ dann der Apffel faͤllt nicht weit vom
Stamm: Wer wolte in Alexandri M. Nachkoͤmm-
lingen/ wenn anders noch einige vorhanden waͤren/
ihres alten Ur-Anherꝛn hertzhaffte Dapfferkeit im
Krieg nicht ruͤhmen: Dieſer erwieſe ſeine Begierde
zu fechten in ſeiner Jugend mit Weynen/ als er noch
zu keinen Waffen tuͤchtig war/ beſorgend/ ſein Vat-
ter moͤchte alles gewinnen/ und ihme nichts zu be-
zwingen uͤbrig laſſen; hat er nicht noch vor dem dreiſ-
ſigſten Jahr ſeines Alters die Welt bezwungen/ und
noch ein andere zu beſtreiten gewuͤnſcht? hat er nicht
in einer Schlacht/ die er mit den Jndianern gehal-
ten/ da er von den Seinigen verlaſſen war/ auß Zorn
Blut geſchwitzet? War er nicht anzuſehen/ als ob
er mit lauter Feurflammen umbgeben war/ ſo/ daß
ihn auch die Barbaren vor Forcht ſtreitend verlaſſen
muſten? Wer wolte ihn nicht hoͤher und edler/ als
andere Menſchen ſchaͤtzen/ da doch Quintus Curtius
von ihm bezeuget/ daß ſein Athem wie Balſam/ der
Schweiß nach Biſem/ und ſein todter Leib nach koͤſt-
licher Specerey gerochen: Hier koͤnte ich auch ein-
fuͤhren den Julium Cæſarem und den Pompejum, de-
ren der eine uͤber und neben den Victorien/ die er in
den Buͤrgerlichen Kriegen behauptet/ fuͤnfftzig mal
in offenen Feldſchlachten geſtritten/ und 1152000.
Mann
[158]Deß Abentheurl. Simpliciſſimi
Mann erlegt und todt geſchlagen hat/ der ander hat
neben 940. den Meer-Raͤubern abgenom̃enen Schif-
fen/ vom Alpgebuͤrg an biß in das aͤuſſerſte Hiſpa-
nien/ 876. Staͤtt und Flecken eingenommen und
uͤberwunden. Den Ruhm Marci Sergii will ich ver-
ſchweigen/ und nur ein wenig von dem Lucio Sucio
Dentato ſagen/ welcher Zunfftmeiſter zu Rom war/
als Spurius Turpejus und Aulus Eternius Burger-
meiſter geweſen/ dieſer iſt in 110. Feld-Schlachten
geſtanden/ und hat achtmal die jenige uͤberwunden/
ſo ihn herauß gefordert/ er konte 45. Wundmaͤhler
an ſeinem Leib zeigen/ die er alle vor dem Mann/ und
keine ruͤckwarts empfangen/ mit neun Obriſt Feld-
Herꝛen iſt er in ihren Triumphen (die ſie vornemlich
durch ihre Mannheit erlangt) eingezogen. Deß Man-
lii Capitolini Kriegs-Ehr waͤre nicht geringer/ wenn
er ſie im Beſchluß ſeines Lebens nicht ſelbſt verklei-
nert/ dann er konte auch 33. Wundmaͤhler zeigen/
ohn daß er einsmals das Capitolium mit allen Schaͤ-
tzen allein vor den Frantzoſen erhalten. Wo bleibt
der ſtarcke Hercules, Theſeus und andere/ die beynahe
beydes zu erzehlen/ und ihr unſterbliches Lob zu be-
ſchreiben unmuͤglich! Solten dieſe in ihren Nach-
koͤmmlingen nicht zu ehren ſeyn?

Jch will aber Wehr und Waffen fahren laſſen/
und mich zu den Kuͤnſten wenden/ welche zwar etwas
geringer zu ſeyn ſcheinen/ nichts deſto weniger aber
ihre Meiſter gantz Ruhmreich machen. Was findet
ſich nur fuͤr ein Geſchicklichkeit am Zeuxe, welcher
durch ſeinen Kunſtreichen Kopff und geſchickte Hand
die Voͤgel in der Lufft betrog; item am Apelle, der ei-
ne Venus ſo natuͤrlich/ ſo ſchoͤn/ ſo außbuͤndig/ und
mit
[159]Zweytes Buch.
mit allen Lineamenten ſo ſubtil und zart daher mah-
let/ daß ſich auch die Junggeſellen darein verliebten.
Plutarchus ſchreibet/ daß Archimedes ein groß Schiff
mit Kauffmanns-Wahren beladen/ mitten uͤber den
Marckt zu Syracuſis nur mit einer Hand/ an einem
einzigen Sail daher gezogen/ gleich als ob er ein
Saumthier an einem Zaum gefuͤhrt/ welches 20.
Ochſen/ geſchweige 200. deines/ gleichen Kaͤlber/
nicht haͤtten zu thun vermoͤcht. Solte nun dieſer
rechtſchaffene Meiſter nicht mit einem beſondern Eh-
ren-titul/ ſeiner Kunſt gemaͤß/ zu begaben ſeyn? Wer
wolte nicht vor andern Menſchen preiſen den jeni-
gen/ der dem Perſiſchen Koͤnig Sapor ein glaͤſernes
Werck machte/ welches ſo weit und groß war/ daß
er mitten in demſelben auff deſſen Centro ſitzen/ und
unter ſeinen Fuͤſſen das Geſtirn auff und nider gehen
ſehen konte? Archimedes machte einen Spiegel/
damit er der Feinde Kriegs-Schiff mitten im Meer
anzuͤndet: So gedencket auch Ptolomeus eine wun-
derliche Art Spiegel/ die ſo viel Angeſichter zeigten/
als Stund im Tag waren. Welcher wolte den nicht
preiſen/ der die Buchſtaben zu erſt erfunden? ja wer
wolte nicht vielmehr den uͤber alle Kuͤnſtler erheben/
welcher die Edle und der gantzen Welt hoͤchſt nutz-
bare Kunſt der Buchdruckerey erfunden? Jſt
Ceres, weil ſie den Ackerbau und das Muͤhlwerck er-
funden haben ſolle/ vor eine Goͤttin gehalten worden/
warumb ſolte dann unbillich ſeyn/ wenn man an-
dern/ ihren Qualitaͤten gemaͤß/ ihr Lob mit Ehren-
Tituln beruͤhmt? Zwar iſt wenig daran gelegen/ ob
du grobes Kalb ſolches in deinem unvernuͤnfftigen
Ochſenhirn faſſeſt oder nicht: Es gehet dir eben wie
jenem
[160]Deß Abentheurl. Simpliciſſimi
jenem Hund/ der auff einem Hauffen Heu lag/ und
ſolches dem Ochſen auch nicht goͤnnete/ weil er es
ſelbſt nicht genieſſen konte; du biſt keiner Ehr faͤhig/
und eben dieſer Urſachen halber mißgoͤnneſt du ſolche
den jenigen/ die ſolcher werth ſeyn.

Da ich mich ſo gehetzt ſahe/ antwortet ich/ die
herꝛliche Helden-Thaten waͤren hoͤchlich zu ruͤhmen/
wann ſie nicht mit anderer Menſchen Untergang und
Schaden vollbracht worden waͤren. Was iſt das
aber vor ein Lob/ welches mit ſo vielem unſchuldig-
vergoſſenem Menſchen-Blut beſudelt: Und was iſt
das vor ein Adel/ der mit ſo vieler tauſend anderer
Menſchen Verderben erobert und zu wegen gebracht
worden iſt? Die Kuͤnſte betreffend/ was ſeynds an-
ders als lauter Vanitaͤten und Thorheiten? Ja ſie
ſeynd eben ſo laͤer/ eitel und unnuͤtz/ als die Titul
ſelbſt/ die einem von denſelbigen zuſtehen moͤchten;
dann entweder dienen ſie zum Geitz/ oder zur Wol-
luſt/ oder zur Uppigkeit/ oder zum Verderben ande-
rer Leut/ wie dann die ſchroͤckliche Dinger auch ſind/
die ich neulich auff den halben Waͤgen ſahe; ſo koͤn-
te man der Druckerey und Schrifften auch wol ent-
beren/ nach Außſpruch und Meynung jenes heiligen
Manns/ welcher darvor hielte/ die gantze weite Welt
ſey ihm Buchs genug/ die Wunder ſeines Schoͤpf-
fers zu betrachten/ und die goͤttliche Allmacht darauß
zu erkennen.

DasXI.Capitel.

MEin Herꝛ wolte auch mit mir ſchertzen/ und
ſagte: Jch mercke wol/ weil du nicht Edel zu
werden getraueſt/ ſo verachteſt du deß Adels Ehren-
Titul
[161]Zweytes Buch.
Titul; Jch antwortet/ Herꝛ/ wann ich ſchon in die-
ſer Stund andeine Ehrenſtell tretten ſolte/ ſo wolte
ich ſie doch nicht annehmen! Mein Herꝛ lachte/ und
ſagte: Das glaube ich/ dann dem Ochſen gehoͤret
Haberſtroh; wann du aber einen hohen Sinn haͤt-
teſt/ wie Adeliche Gemuͤter haben ſollen/ ſo wuͤrdeſt
du mit Fleiß nach hohen Ehren und Dignitaͤten trach-
ten/ Jch meines theils/ achte es fuͤr kein geringes/
wenn mich das Gluͤck uͤber andere erhebt. Jch ſeuff-
tzete und ſagte: Ach/ arbeitſeelige Gluͤckſeeligkeit!
Herꝛ/ ich verſichere dich/ daß du der aller-elendeſte
Menſch in gantz Hanau biſt: Wie ſo? wie ſo? Kalb/
ſagte mein Herꝛ/ ſag mir doch die Urſach/ dann ich
befinde ſolches bey mir nicht: Jch antwortet/ wenn
du nicht weiſt und empfindeſt/ daß du Gubernator in
Hanau/ und mit wie viel Soꝛgen und Unruhe du deß-
wegen beladen biſt/ ſo verblendet dich die allzugroſſe
Begierd der Ehr/ deren du genieſſeſt/ oder du biſt ei-
ſern und gantz unempfindlich/ du haſt zwar zu beſeh-
len/ und wer dir unter Augen kompt/ muß dir gehor-
famen; thun ſie es aber umbſonſt? biſt du nicht ihrer
aller Knecht? muſt du nicht vor einen jedwedern in-
ſonderheit ſorgen? Schaue/ du biſt jetzt rund umb-
der mit Feinden umbgeben/ und die Conſervation
dieſer Veſtung ligt dir allein auff dem Hals/ du muſt
trachten/ wie du deinem Gegentheil einen Abbruch
thun moͤgeſt/ und muſt darneben ſorgen/ daß deine
Anſchlaͤg nicht verkundſchafftet werden; Bedoͤrffte
es nicht oͤffters/ daß du ſelber/ wie ein gemeiner
Knecht/ Schildwach ſtuͤndeſt? Uber das muſtu be-
dacht ſeyn/ daß kein Mangel an Geld/ Munition/
Proviant und Volck im Poſten erſcheine/ deßwegen
du
[162]Deß Abenth. Simpliciſſimi
du dann das gantze Land durch ſtetiges exequiren und
tribuliren in der Contribution erhalten muſt; Schi-
ckeſt du die Deinige zu ſolchem End hinauß/ ſo iſt
rauben/ pluͤndern/ ſtelen/ brennen und morden ihre
beſte Arbeit/ ſie haben erſt neulich Orb gepluͤndert/
Braunfels eingenommen/ und Staden in die Aſche
gelegt/ davon haben ſie zwar ihnen Beuten/ du aber
eine ſchwere Verantwortung bey GOtt gemachet:
Jch laſſe ſeyn/ daß dir vielleicht der Genuß neben der
Ehr auch wol thut/ weiſt du aber auch/ wer ſolche
Schaͤtz/ die du etwan ſamleſt/ genieſſen wird? Und
geſetzt/ daß dir ſolcher Reichthum verbleibt (ſo doch
mißlich ſtehet) ſo muſtu ſie doch in der Welt laſſen/
und nimmſt nichts darvon mit dir/ als die Sünde/
dardurch du ſelbigen erworben haſt: Haſt du dann
das Gluͤck/ daß du dir deine Beuten zu nutz machen
kanſt/ ſo verſchwendeſt du der Armen Schweiß und
Blut/ die jetzt im Elend Mangel leiden/ oder gar
verderden und Hungers ſterben. O wie offt ſehe ich/
daß deine Gedancken wegen Schwere deines Ampts
hin und wieder zerſtreut ſeyn/ und daß hingegen ich
und andere Kaͤlber ohn alle Bekuͤmmernus ruhig
ſchlaffen; thuſt du ſolches nicht/ ſo koſtet es deinen
Kopff/ dafern anders etwas verabſaͤumet wird/ das
zu Conſervation deiner untergebenen Voͤlcker und
der Veſtung haͤtte obſervirt werden ſollen; Schaue/
ſolcher Sorgen bin ich uͤberhoben! Und weil ich
weiß/ daß ich der Natur einen Todt zu leiſten ſchul-
dig bin/ ſorge ich nicht/ daß jemand meinen Stall
ſtuͤrmet/ oder daß ich mit Arbeit umb mein Leben
ſcharmuͤtzeln muͤſſe/ ſterbe ich jung/ ſo bin ich der
Muͤhſeeligkeit eines Zug-Ochſens uͤberhoben/ dir
aber
[163]Zweytes Buch.
aber ſtellt man ohne Zweiffel auff tauſendfaͤltige weis
nach/ deßwegen iſt dein gantzes Leben nichts anders
als ein immerwaͤhrende Sorg und Schlaffbrechens/
dann du muſt Freund und Feind foͤrchten/ die dich
ohn Zweiffel/ wie du auch andern zu thun gedenckeſt/
entweder umb dein Leben/ oder umb dein Geld/ oder
umb deine Reputation, oder umb dein Commando,
oder umb ſonſten etwas zu bringen nachſinnen/ der
Feind ſetzt dir offentlich zu/ und deine vermeynte
Freund beneiden heimlich dein Gluͤck; vor deinen
Untergebenen aber biſtu auch nicht allerdings verſi-
chert. Jch geſchweige hier/ wie dich taͤglich deine
brennende Begierden quaͤlen/ und hin und wider trei-
ben/ wenn du gedenckeſt/ wie du dir einen noch groͤſ-
ſern Nahmen und Ruhm zu machen/ hoͤher in Kriegs-
Aemptern zu ſteigen/ groͤſſern Reichthum zu ſamlen/
dem Feind einen Tuck zu beweiſen/ ein oder ander Ort
zu uͤberꝛumpeln/ und in Summa faſt alles zu thun/
was andere Leut geheyet/ und deiner Seelen ſchaͤd-
lich/ der Goͤttlichen Majeſtaͤt aber mißfaͤllig iſt! Und
was das aller-aͤrgſte iſt/ ſo biſt du von deinen Fuchs-
ſchwaͤntzern ſo verwaͤhnt/ daß du dich ſelbſten nicht
kenneſt/ und von ihnen ſo eingenommen und vergiff-
tet/ daß du den gefaͤhrlicheu Weg/ den du geheſt/
nicht ſehen kanſt/ denn alles was du thuſt/ heiſſen ſie
recht/ und alle deine Laſter werden von ihnen zu lau-
ter Tugenden gemacht und außgeruffen; dein Grim-
migkeit iſt ihnen eine Gerechtigkeit/ und wenn du
Land und Leut verderben laͤſt/ ſo ſagen ſie/ du ſeyſt ein
braver Soldat/ hetzen dich alſo zu ander Leut Scha-
den/ damit ſie deine Gunſt behalten/ und ihre Beutel
darbey ſpicken moͤgen.

Du Beruheuter/ ſagte mein Herꝛ/ wer lernet dich
ſo predigen? Jch antwortet/ Liebſter Herꝛ/ ſage ich
nicht wahr/ daß du von deinen Ohrenblaͤſern und
Daumendrehern dergeſtalt verderbet ſeyeſt/ daß dir
bereits nicht mehr zu helffen; hingegen ſehen andere
Leut deine Laſter gar bald/ und urtheilen dich nicht
allein in hohen und wichtigen Sachen/ ſondern fin-
den auch genug in geringen Dingen/ daran wenig
gelegen/ an dir zu tadlen: Haſtu nicht Exempel ge-
nug an hohen Perſonen/ ſo vor der Zeit gelebt? die
Athenienſer murmelten wider ihren Simonidem, nur
darumb daß er zu laut redete; die Thebaner klagten
uͤber ihren Paniculum, dieweil er außwurffe; die La-
cedæmonier ſchalten an ihrem Lycuigo, daß er alle-
zeit mit nieder geneigtem Happt daher gienge; die
Roͤmer vermeynten/ es ſtuͤnde dem Scipione gar uͤbel
an/ daß er im Schlaff ſo laut ſchnarchte; es duͤnckte
ſie heßlich zu ſeyn/ daß ſich Pompejus nur mit einem
Finger kratzte; deß Julii Cæſaris ſpotteten ſie/ weil er
ſeinen Guͤrtel nicht artig und luſtig antrug; die Uti-
cenſer verleumdeten thren guten Catonem, weil er/
wie ſie beduͤnckte/ allzu-geitzig auff beyden Backen
aſſe; und die Carthaginenſer redeten dem Hannibali
uͤbel nach/ weil er immerzu mit der Bruſt auffgedeckt
und bloß daher gienge. Wie duͤnckt dich nun/ mein
lieber Herꝛ? vermeyneſt du wol noch/ daß ich mit ei-
nem tauſchen ſolte/ der vielleicht neben zwoͤlff oder
dreyzehen Tiſch Freunden/ Fuchsſchwaͤntzern und
Schmarotzern/ mehr als 100. oder vermuthlicher
mehr als 10000. ſo heimliche als offentliche Feind/
Verleumder und mißgoͤnſtige Neider hat? zu dem/
was vor Gluͤckſeeligkeit/ was fuͤr Luſt und was vor
Freud
[165]Zweytes Buch.
Freud ſolte doch ein ſolch Haupt haben koͤnnen/ un-
ter welches Pfleg/ Schutz und Schirm ſo viel Men-
ſchen leben? Jſts nicht vonnoͤten/ daß du vor alle die
Deinige wacheſt/ vor ſie ſorgeſt/ und eines jeden Klag
uud Beſchwerden anhoͤreſt? Waͤre ſolches allein
nicht muͤheſeelig genug/ wenn du ſchon weder Feinde
noch Mißgoͤnner haͤtteſt? Jch ſehe wol/ wie ſauer du
dirs muſt werden laſſen/ und wie viel Beſchwerden
du doch ertraͤgſt; Liebſter Herꝛ/ was wird doch end-
lich dein Lohn ſeyn/ ſage mir/ was haſt du darvon?
Wann du es nicht weiſt/ ſo laſſe dirs den Griecht-
ſchen Demoſthenem ſagen/ welcher/ nachdem er den
gemeinen Nutzen/ und das Recht der Athenienſer/
dapffer und getreulich befoͤrdert und beſchuͤtzt/ wider
alles Recht und Billichkeit/ als einer ſo ein greuliche
Miſſethat begangen/ deß Lands verwieſen/ und in
das Elend verjaget ward; dem Socrati ward mit
Gifft vergeben; dem Hannibal ward von den ſeinen
ſo uͤbel gelohnet/ daß er elendiglich in der Welt Land-
fluͤchtig herum ſchwaiffen muſte; alſo geſchahe dem
Roͤmiſchen Camillo; und dergeſtalt bezahlten die
Griechen den Lycurgum und Solonem, deren der eine
geſteiniget ward/ dem andern aber/ nachdem ihm ein
Aug außgeſtochen/ wurde als einem Moͤrder endlich
das Land verwieſen. Darumb behalte dein Com-
mando ſampt dem Lohn/ den du darvon haben wirſt/
du darffſt deren keins mit mir theilen/ dann wann al-
les wol mit dir abgehet/ ſo haſtu auffs wenigſte ſonſt
nichts/ das du davon bringeſt/ als ein boͤß Gewiſſen;
Wirſtu aber dein Gewiſſen in acht nemmen wollen/
ſo wirſtu als ein Untuͤchtiger bey Zeiten von deinem
Commando verſtoſſen werden/ nicht anders/ als
wann
[166]Deß Abentheurl. Simpliciſſimi
wann du auch/ wie ich/ zu einem dummen Kalb wor-
den waͤreſt.

DasXII.Capitel.

UNter waͤhrendem meinem Diſcours ſahe mich je-
derman an/ und verwunderten ſich alle Gegen-
waͤrtige/ daß ich ſolche Reden ſolte vorbringen koͤn-
nen/ welche wie ſie vorgaben/ auch einem verſtaͤndi-
gen Mann genug waͤren/ wann er ſolche ſo gar ohne
allen Vorbedacht haͤtte vortragen ſollen; Jch aber
machte den Schluß meiner Red/ und ſagte: Darum
dann nun/ mein liebſter Herꝛ/ will ich nicht mit dir
tauſchen; zwar ich bedarffs auch im geringſten nit/
dann die Quellen geben mir einen geſunden Tranck/
an ſtatt deiner koͤſtlichen Wein/ und der jenige/ der
mich zum Kalb werden zu laſſen beliebet/ wird mir
auch die Gewaͤchs deß Erdbodens dergeſtalt zu ſeg-
nen wiſſen/ daß ſie mir wie dem Nabuchodonoſore
zur Speiß und Auffenthalt meines Lebens auch nicht
unbequem ſeyn werden; ſo hat mich die Natur auch
mit einem guten Beltz verſehen/ da dir hingegen offt
vor dem beſten eckelt/ der Wein deinen Kopff zerꝛeiſt/
und dich bald in dieſe oder jene Kranckheit wirfft.

Mein Herꝛ antwortet: Jch weiß nicht was ich an
dir habe? du beduͤnckeſt mich vor ein Kalb viel zu ver-
ſtaͤndig zu ſeyn/ ich vermeyne ſchier/ du ſeyeſt unter
deiner Kalbs-Haut mit einer Schalcks-Haut uͤber-
zogen? Jch ſtellte mich zornig/ und ſagte: Vermey-
net ihr Menſchen dann wol/ wir Thiere ſeyen gar
Narꝛen? Das doͤrfft ihr euch wol nicht einbilden!
Jch halte darvor/ wann aͤltere Thier als ich/ ſo wol
als ich reden koͤnten/ ſie wuͤrden euch wol anders
auff-
[167]Zweytes Buch.
auffſchneiden: Wann ihr vermeynt/ wir ſeyen ſo
gar dumm/ ſo ſagt mir doch/ wer die wilde Bloch-
Dauben/ Haͤher/ Ambſeln und Rebhuͤner gelernet
hat/ wie ſie ſich mit Lorbeer-blaͤttern purgiren ſollen?
und die Dauben/ Turteldaͤublein und Huͤner mit S.
Peters Kraut? Wer lehret Hund und Katzen/ daß
ſie das bethaute Gras freſſen ſollen/ wann ſie ihren
vollen Bauch reinigen wollen? Wer die Schild-
Krott/ wie ſie die Biß mit Schirling heylen? und
den Hirſch/ wann er geſchoſſen/ wie er ſeine Zuflucht
zu dem Dictamno oder wilden Poley nehmen ſolle?
Wer hat das Wieſelin unterꝛichtet/ daß es Rauten
gebrauchen ſolle/ wenn es mit der Fledermauß oder
irgend einer Schlang kaͤmpffen will? Wer gibt den
wilden Schweinen den Epheu/ und den Beeren den
Alraun zu erkennen/ und ſagt ihnen/ daß es gut ſeye
zu ihrer Artzney? Wer hat dem Adler gerathen/ daß
er den Adlerſtein ſuchen und gebrauchen ſoll/ wann
er ſeine Eyer ſchwerlich legen kan? Und welcher gibt
es der Schwalbe zu verſtehen/ daß ſie ihrer Jungen
bloͤde Augen mit dem Chelidonio artzneyen ſolle?
Wer hat die Schlang inſtruirt/ daß ſie ſoll Fenchel
eſſen/ wann ſie ihre Haut abſtreiffen/ und ihren dun-
ckeln Augen helffen will? Wer lehret den Stock/
ſich zu clyſtieren? den Pelican/ ſich Ader zu laſſen?
und den Beeren/ wie er ihm von den Bienen ſolle
ſchrepffen laſſen? Was/ ich doͤrffte ſchier ſagen/
daß ihr Menſchen eure Kuͤnſte und Wiſſenſchafften
von uns Thieren erlernet habt! Jhr freſſt und ſaufft
euch kranck und todt/ das thun wir Thier aber nicht!
Ein Loͤw oder Wolff/ wenn er zu fett werden will/ ſo
faſtet er/ biß er wieder mager/ friſch und geſund wird.
HWelches
[168]Deß Abentheurl. Simpliciſſimi
Welches Theil handelt nun am weislichſten? Uber
dieſes alles betrachtet das Gefluͤgel unter dem Him-
mel! betrachtet die unterſchiedliche Gebaͤue ihrer
artlichen Neſter/ und weil ihnen ihre Arbeit niemand
nachmachen kan/ ſo muͤſt ihr ja bekennen/ daß ſie
beydes verſtaͤndiger und kuͤnſtlicher ſeyn/ als ihr
[Menſchen] ſelbſt: Wer ſagt den Sommer-voͤgeln/
wann ſie gegen dem Fruͤhling zu uns kommen/ und
Jungen hecken? und gegen dem Herbſt/ wann ſie
ſich wieder von dannen in die warme Laͤnder verfuͤ-
gen ſollen? Wer unterꝛichtet ſie/ daß ſie zu ſolchem
End einen Sammelplatz beſtimmen muͤſſen? Wer
fuͤhret ſie/ oder wer weiſet ihnen den Weg/ oder ley-
het ihr Menſchen vielleicht ihnen euern See-Com-
paß/ damit ſie unterwegs nicht irꝛ fahren? Nein/ ihr
liebe Leut/ ſie wiſſen den Weg ohne euch/ und wie
lang ſie darauff muͤſſen wandern/ auch wann ſie von
einem und dem andern Ort auffdrechen muͤſſen; be-
doͤrffen alſo weder eures Compaſſes noch eures Ca-
lenders. Ferners beſchauet die muͤhſame Spinn/ de-
ren Geweb bey nahe ein Wunderwerck iſt! Sehet/
ob ihr auch einen einigen Knopff in aller ihrer Arbeit
finden moͤget? Welcher Jaͤger oder Fiſcher hat ſie
gelehret/ wie ſie ihr Netz außſpannen/ und ſich/ je
nachdem ſie ſich eines Netzes gebraucht/ ihr Wild-
bret zu belauſtern/ entweder in den hinderſten Win-
ckel/ oder gar in das Centrum ihres Gewebs ſetzen
ſolle? Jhr Menſchen verwundert euch uͤber den Ra-
ben/ von welchem Plutarchus bezeugt/ daß er ſo viel
Stein in ein Geſchirꝛ/ ſo halb voll Waſſer geweſen/
geworffen/ biß das Waſſer ſo wett oben geſtanden/
daß er bequemlich hab trincken moͤgen: Was wuͤrdet
ihr
[169]Zweytes Buch.
ihr erſt thun/ wann ihr bey und unter den Thieren
wohnen/ und ihre uͤbrige Handlungen/ Thun und
Laſſen anſehen und betrachten wuͤrdet; alsdeñ wuͤr-
det ihr erſt bekennen/ daß es ſich anſehen laſſe/ als haͤt-
ten alle Thier etwas beſonderer eigener natuͤrlicher
Kraͤfften und Tugenden/ in allen ihren Affectionibus
und Gemuͤts-Neigungen/ in der Fuͤrſichtigkeit/
Staͤrck/ Mildigkeit/ Forchtſamkeit/ Rauchheit/
Lehr und Unterꝛichtung; es kennet je eines das an-
der/ ſie unterſcheiden ſich vor einander/ ſie ſtellen dem
nach/ ſo ihnen nuͤtzlich/ fliehen das ſchaͤdlich/ meiden
die Gefahr/ ſamblen zuſammen/ was ihnen zu ihrer
Nahrung nothwendig iſt/ und betruͤgen auch bißwei-
len euch Menſchen ſelbſt. Dahero viel alte Philoſo-
phi ſolches ernſtlich erwogen/ und ſich nicht geſchaͤ-
met haben zn fragen und zu diſputiren/ ob die unver-
nuͤnfftige Thier nicht auch Verſtand haͤtten? Jch
mag aber nichts mehr von dieſen Sachen reden/ ge-
het hin zu den Jmmen/ und ſehet/ wie ſie Wachs und
Honig machen/ und alsdann ſagt mir euer Meynung
wieder.

DasXIII.Capitel.

HJerauff fielen unterſchiedliche Urtheil uͤber mich/
die meines Herꝛn Tiſchgenoſſen gaben/ der Se-
cretarius hielte darvor/ ichſeye vor naͤrriſch zuhalten/
weil ich mich ſelbſt vor ein vernuͤnfftig Thier ſchaͤtzte
und dargebe/ maſſen die jenige ſo ein Sparren zu
viel oder zu wenig haͤtten/ und ſich jedoch weis zu
ſeyn duͤnckten/ die aller-artlichſte oder viſierlichſte
Narꝛen waͤren: Andere ſagten/ wenn man mir die
Imagination benehme/ daß ich ein Kalb ſeye/ oder
H ijmich
[170]Deß Abentheurl. Simpliciſſimi
mich uͤberꝛeden koͤnte/ daß ich wieder zu einem Men-
ſchen worden waͤre/ ſo wuͤrde ich vor vernuͤnfftig oder
witzig genug zu halten ſeyn: Mein Herꝛ ſelbſt ſagte/
Jch halte ihn vor einen Narꝛn/ weil er jedem die
Wa[r]heit ſo ungeſcheut ſagt/ hingegen ſeynd ſeine
Dilcurſen ſo beſchaffen/ daß ſolche keinem Narꝛn zu-
ſiehen. Und ſolches alles redeten ſie auff Latein/ da-
mit ichs nicht verſtehen ſolte. Er fragte mich/ ob
ich ſtudirt haͤtte/ als ich noch ein Menſch geweſen?
Jch wuͤſte nicht/ was ſtudiren ſeye/ war mein Ant-
wort/ aber lieber Herꝛ/ ſagte ich weiters/ ſag mir/
was Studen vor Dinger ſeyn/ damit man ſtudiret?
Menneſt du vielleicht die Kegel ſo/ damit man keglet?
Hierauff antwortet der dolle Faͤhnrich: Watt
wolts met deeſem Kerl ſin/ hey hett den Tuͤ-
fel in Liff/ hey iſt beſeeten/ de Tuͤfel der kuͤh-
ret ut jehme: Dahero nam mein Herꝛ Urſach/
mich zu fragen/ ſintemal ich dann nunmehr zu einem
Kalb worden waͤre/ ob ich noch wie vor diſem/ gleich
andern Menſchen/ zu beten pflege/ und in Himmel
zu kommen getraue? Freylich/ antwortet ich/ ich
habe ja meine unſterbliche menſchliche Seel noch/
die wird ja/ wie du leichtlich gedencken kanſt/ nicht
in die Hoͤll begehren/ vornemlich weil mirs ſchon
einmal ſo uͤbel darinnen ergangen; Jch bin nur ver-
aͤndert/ wie vor dieſem Nabuchodonoſor/ und doͤrffte
ich noch wol zu ſeiner Zeit wieder zu einem Menſchen
werden. Das wuͤnſche ich dir/ ſagte mein Herꝛ mit
einem zimblichen Seufftzen: Darauß ich leichtlich
ſchlieſſen konte/ daß ihn eine Reu ankommen/ weil er
mich zu einem Narꝛen zu machen unterſtanden. Aber
laß hoͤren/ fuhr er weiter fort/ wie pflegſt du zu beten?
darauff
[171]Zweytes Buch.
darauff knyet er nider/ hube Augen und Haͤnde auff
gut Einſidleriſch gen Himmel/ und weilen meines
Herꝛn Reu/ die ich gemercht hatte/ mir das Hertz mit
trefflichem Troſt beruͤhrte/ konte ich auch die Thre-
nen nicht enthalten/ bat alſo dem aͤuſſerlichen Anſe-
hen nach/ mit hoͤchſter Andacht/ nach geſprochenem
Vatter unſer/ vor alles Anligen der Chriſtenheit/
vor meine Freund und Feind/ und daß mir GOtt in
dieſer Zeitlichkeit alſo zu leben verleyben wolle/ daß
ich wuͤrdig werden moͤchte/ ihn in ewiger Seeligkeit
zu loben; maſſen mich mein Einſidel ein ſolches Ge-
bet mit andaͤchtigen concipirten Worten gelehret
hat. Hiervon fiengen etliche waͤichhertzige Zuſeher
auch bey nahe an zu weynen/ weil ſie ein trefflich Mit-
leiden mit mir trugen/ ja meinem Herꝛu ſelbſt ſtun-
den die Augen voller Waſſer.

Nach der Mahlzeit ſchickte mein Herꝛ nach obge-
meldtem Pfarꝛherꝛn/ dem erzehlte er alles/ was ich
vorgebracht hatte/ und gab damit zu verſtehen/ daß
er beſorge/ es gehe nicht recht mit mir zu/ und daß
vielleicht der Teuffel mit unter der Decken lege/ die-
weil ich vor diſem gantz einfaͤltig und unwiſſend mich
erzeigt/ nunmehr aber Sachen vorzubringen wiſſe/
daß ſich daruͤber zu verwundern! Der Pfarꝛer/ dem
meine Beſchaffenheit am beſten bekant war/ antwor-
tet: Man ſolte ſolches bedacht haben/ ehe man mich
zum Narꝛn zu machen unterſtanden haͤtte/ Menſchen
ſeyen Edenbilder Gottes/ mit welchen/ und bevorab
mit ſo zarter Jugend/ nicht wie mit Beſtien zu ſcher-
tzen ſeye; doch wolle er nimmermehr glauben/ daß
dem boͤſen Geiſt zugelaſſen worden/ ſich mit in das
Spiel zu miſchen/ dieweil ich mich jederzeit durch
H iijin-
[172]Deß Abentheurl. Simpliciſſimi
inbruͤnſtiges Gebet Gott befohlen gehabt/ ſolte ihm
aber wider Verhoffen ſolches verhaͤngt und zugelaſ-
ſen worden ſeyn/ ſo haͤtte mans bey GOTT ſchwer-
lich zu verantworten/ maſſen ohne das bey nahe
keine groͤſſere Suͤnd ſey/ als wenn ein Menſch den
andern ſeiner Vernunfft berauben/ und alſo dem Lob
und Dienſt Gottes/ darzu er vornemlich erſchaffen
worden/ entziehen wolte: Jch habe hiebevor Verſi-
cherung gethan/ daß er Witz genug gehabt/ daß er
ſich aber in die Welt nicht ſchicken koͤnnen/ war die
Urſach/ daß er bey ſeinem Vatter einem groben Bau-
ren/ und bey eurem Schwager in der Wildnus/ in
aller Einfalt erzogen worden/ haͤtte man ſich anfaͤng-
lich ein wenig mit ihm geduldet/ ſo wuͤrde er ſich mit
der Zeit ſchon beſſer angelaſſen haben/ es war eben
ein fromm einfaͤltig Kind/ das die boßhafftige Welt
noch nicht kennete/ doch zweiffle ich gar nicht/ daß
er nicht wiederumb zu recht zu bringen ſeye/ wann
man ihm nur die Einbildung benehmen kan/ und ihn
dahin bringt/ daß er nicht mehr glaubt/ er ſey zum
Kalb worden: Man lieſet von einem/ der hat veſtig-
lich geglaubt/ er ſey zu einem irdinen Krug worden/
bat dahero die Seinige/ ſie ſolten ihn wol in die Hoͤ-
he ſtellen/ damit er nicht zerſtoſſen wuͤrde; Ein ande-
rer bildete ſich nicht anders ein/ als er ſey ein Han/
dieſer kraͤhete in ſeiner Kranckheit Tag und Nacht;
noch ein anderer vermeynte nicht anders/ als er ſeye
bereits geſtorben/ und wandere als ein Geiſt herumb/
wolte derowegen weder Artzney/ noch Speiß und
Tranck mehr zu ſich nemmen/ biß endlich ein kluger
Artzt zween Kerl anſtellete/ die ſich auch vor Geiſter
außgaben/ darneben aber dapffer zechten/ ſich zu je-
nem
[173]Zweytes Buch.
nem geſelleten/ und ihn uͤberꝛedeten/ daß jetziger Zeit
die Geiſter auch zu eſſen und zu trincken pflegten/
wordurch er dann wieder zu recht gebracht worden.
Jch habe ſelbſten einen krancken Bauren in meiner
Pfarꝛ gehabt/ als ich denſelben beſuchte/ klagte er
mir/ daß er auff drey oder vier Ohm Waſſer im Leib
haͤtte/ wann ſolches von ihm waͤre/ ſo getraute er wol
wieder geſund zu werden/ mit Bitt/ ich wolte ihn
entweder auffſchneiden laſſen/ damit ſolches von ihm
lauffen koͤnte/ oder ihn in Rauch hencken laſſen/ da-
mit daſſelbe außtroͤckne: Darauff ſprach ich ihm zu/
und uͤberꝛedet ihn/ ich koͤnte das Waſſer auff eine
andere Manier wol von ihm bringen/ name demnach
einen Hanen/ wie man zu den Wein- oder Bier-Faͤſ-
ſern braucht/ band einen Darm daran/ und das an-
der End band ich an den Zapffen eines Bauch-Zu-
bers/ den ich zu ſolchem End voll Waſſer tragen laſ-
ſen/ ſtellete mich darauff/ als wenn ich ihm den Ha-
nen in Bauch ſteckte/ welchen er uͤberall mit Lumpen
umbwinden laſſen/ damit er nicht zerſpringen ſolte:
Hier auff ließ ich das Waſſer auß dem Zuber durch
den Hanen hinweg lauffen/ daruͤber ſich der Tropff
hertzlich erfreuet/ nach ſolcher Verꝛichtung die Lum-
pen von ſich thaͤt/ und in wenig Tagen wieder aller-
dings zu recht kam. Auff ſolche Weis iſt einem an-
dern geholffen worden/ der ſich eingebildet/ er habe
allerhand Pferdgezeug/ Zaͤun und ſonſt Sachen im
Leib/ demſelben gab ſein Doctor eine Purgation ein/
und legte dergleichen Ding untern Nachtſtul/ alſo
daß der Kerl glauben muſte/ ſolches ſeye durch den
Stulgang von ihm kommen. So ſagt man auch von
einem Phantaſten/ der geglaubt habe/ ſeine Nas ſeye
H jvſo
[174]Deß Abentheurl. Simpliciſſimi
ſo lang/ daß ſie ihm biß auff den Boden reiche/ dem
habe man eine Wurſt an die Nas gehenckt/ dieſelbe
nach und nach biß an die Nas ſelbſt binweg geſchnit-
ten/ und als er das Meſſer an der Nas empfunden/
haͤtte er geſchryen/ ſeine Nas ſeye jetzt wieder in rech-
ter Form/ kan alſo/ wie dieſen Perſonen/ dem guten
Simplicio wol auch wieder geholffen werden.

Dieſes alles glaubte ich wol/ antwortet mein
Herꝛ/ allein ligt mir an/ daß er zuvor ſo unwiſſend
geweſen/ nunmehr aber von Sachen zu ſagen weiß/
ſolche auch ſo perfect daher erzehlet/ dergleichen man
bey aͤlteren/ erfahrneren und beleſneren Leuten/ als
er iſt/ nicht leichtlich finden wird/ er hat mir viel Ey-
genſchafften der Thier erzehlt/ und mein eigene Per-
ſon ſo artlich beſchrieben/ als wenn er ſein Lebtag in
der Welt geweſen/ alſo daß ich mich daruͤber ver-
wundern/ und ſeine Reden bey nahe vor ein Oracul
oder Warnung Gottes halten muß.

Herꝛ/ antwortet der Pfarꝛer/ dieſes kan natuͤrli-
cher Weis wol ſeyn/ ich weiß/ daß er wol beleſen iſt/
maſſen er ſo wol als ſein Einſidel gleichſam alle mei-
ne Buͤcher die ich gehabt/ und deren zwar nicht we-
nig geweſen/ durch gangen/ und weil der Knab ein
gut Gedaͤchtnus hat/ jetzo aber in ſeinem Gemuͤth
muͤſſig iſt/ und ſeiner eigenen Perſon vergißt/ kan er
gleich hervor bringen/ was er hiebevor ins Hirn ge-
faſt; ich verſehe mich auch/ daß er mit der Zeit wie-
der zu recht zu bringen ſey. Alſo ſetzt der Pfarꝛer den
Gubernator zwiſchen Forcht und Hoffnung/ er ver-
antwortet mich und mein Sach auff das beſte/ und
bracht mir gute Tag/ ihme ſelbſt aber ein Zutritt bey
meinem Herꝛn zu wegen. Jhr endlicher Schluß war/
man
[175]Zweytes Buch.
man ſolte noch ein Zeitlang mit mir zuſehen; und
ſolches thaͤt der Pfarꝛer mehr umb ſeines als meines
Nutzens wegen/ dann mit dieſem/ daß er ſo ab und
zugieng/ und ſich ſtellet/ als wenn er meinet halben
ſich bemuͤhet/ und groſſe Sorg trug/ uͤberkam er deß
Gnbernators Gunſt/ dahero gab ihm derſelbige
Dienſt/ und machte ihn bey der Guarniſon zum Ca-
plan/ welches in ſo ſchwerer Zeit kein geringes war/
und ich ihm hertzlich wol goͤnnete.

DasXIV.Capitel.

VOn dieſer Zeit an beſaß ich meines Herꝛn Gnad/
Gunſt und Lieb vollkommenlich/ deſſen ich mich
wol mit Warheit ruͤhmen kan; nichts mangelt mir
zu meinem beſſern Gluͤck/ als daß ich an meinem
Kalbs Kleid zu viel/ und an Jahren noch zu wenig
hatte/ wiewol ich ſolches ſelbſt nicht wuſte; ſo wolte
mich der Pfarꝛer auch noch nicht witzig haben/ weil
ihn ſolches noch nicht Zeit/ und ſeinem Nutzen vor-
traͤglich zu ſeyn beduͤnckte. Und demnach mein Herꝛ
ſahe/ daß ich Luſt zur Muſic hatte/ ließ er mich ſolche
lernen/ und verdinget mich zugleich einem vortreffli-
chen Lauteniſten/ deſſen Kunſt ich in Baͤlde zimlich
begriffe/ und ihn umb ſo viel uͤbertraff/ weil ich beſſer
als er darein ſingen konte: Alſo dienete ich meinem
Herꝛn zum Luſt/ zur Kurtzweil/ Ergetzung und Ver-
wunderung. Alle Officier erzeigten mir ihren geneig-
ten Willen/ die reichſte Buͤrger verebrten mich/ und
das Haußgeſind neben den Soldaten wolten mir
wol/ weil ſie ſahen/ wie mir mein Herꝛ gewogen war;
einer ſchenckte mir hier/ der ander dort/ dann ſie wu-
ſten/ daß Schalcks-Narꝛen offt bey ihren Herꝛen
H vmehr
[176]Deß Abentheurl. Simpliciſſimi
mehr vermoͤgen/ als etwas rechtſchaffenes/ und da-
hin hatten auch ihre Geſchenck das Abſehen/ weil mir
etliche darumb gaben/ daß ich ſie nicht verſuchs.
ſchwaͤntzen ſolte/ andere aber eben deßwegen/ daß
ich ihrentwegen ſolches thun ſolte; Auff welche
Weis ich zimlich Geld zu wegen brachte/ welches
ich mehrentheils dem Pfarꝛer wieder zuſteckte/ weil
ich noch nicht wuſte/ worzu es nutzete. Und gleich
wie mich niemand ſcheel anſehen dõrffte/ alſo hatte
ich auch von nirgends her keine Anfechtung/ Sorg
oder Bekuͤmmernus; Alle meine Gedancken legte
ich auff die Muſic/ und wie ich dem einen und dem
andern ſeine Maͤngel artlich verweiſen moͤchte/ da-
her wuchſe ich auff wie ein Narꝛ im Zwibel-Land/
und meine Leibs. kraͤfften namen Handgreifflich zu;
man ſahe mir in Baͤlde an/ daß ich mich nicht mehr
im Wald mit Waſſer/ Eicheln/ Buchen/ Wurtzeln
und Kraͤutern mortificirte/ ſondern daß mir bey gu-
ten Bißlein der Rheiniſche Wein und das Hanaui-
ſche Doppelbier wol zuſchlug/ welches in ſo elender
Zeit vor ein groſſe Gnad von Gott zu ſchaͤtzen war/
denn damals ſtunde gantz Teutſchland in voͤlligen
Kriegsflammen/ Hunger und Peſtilentz/ und Hanau
ſelbſt war mit Feinden umblagert/ welches alles mich
im geringſten nicht kraͤncken konte. Nach auffge-
ſchlagener Belaͤgerung nam ihme mein Herꝛ vor/
mich entweder dem Cardinal Richelieu oder Hertzog
Bernhard von Weymar zu ſchencken/ dann ohne
daß er hoffte einen groſſen Danck mit mir zu ver die-
nen/ gab er auch vor/ daß ihm ſchier ohnmuͤglich
waͤre/ laͤnger zu ertragen/ weil ich ihm ſeiner ver-
lornen Schweſter Geſtalt/ deren ich je laͤnger je aͤbn-
licher
[177]Zweytes Buch.
licher wuͤrde/ in ſo naͤrꝛiſchem Habit taͤglich vor
Augen ſtellte/ ſolches widerꝛieth ihm der Pfarꝛer/
dann er hielte darvor/ die Zeit waͤre kommen/ in wel-
cher er ein Miracul thun/ und mich wieder zu einem
vernuͤnfftigen Menſchen machen wolte; gabe dem-
nach den Gubernator den Rath/ er ſolte ein paar
Kalbfell bereiten/ und ſolche andern Knaben anthun
laſſen/ hernach ein dritte Perſon beſtellen/ die in Ge-
ſtalt eines Artzts/ Propheten oder Landfahrers/ mich
und bemeldte zween Knaben mit ſeltzamen Ceremo-
nien außziehe/ und vorwenden/ daß er auß Thieren
Menſchen/ und auß Menſchen Thiere machen koͤnte/
auff ſolche Weis koͤnte ich wol wieder zu recht ge-
bracht/ und mir ohne ſonderliche groſſe Muͤhe ein-
gebildet werden/ ich ſeye wie andere mehr wieder zu
einem Menſchen worden: Als ihme der Gubernator
ſolchen Vorſchlag belieben lieſſe/ communicirt mir
der Pfarꝛer/ was er mit meinem Herꝛn abgeredt haͤt-
te/ und uͤberꝛedet mich leicht/ daß ich meinen Wil-
len darein gab. Aber das neidige Gluͤck wolte mich
ſo leichtlich auß meinem Narꝛnkleid nicht ſchlieſſen/
noch mich das herꝛliche gute Leben laͤnger genieſſen
laſſen; dann indem als Gerber und Schneider mit
den Kleidern umbgiengen/ die zu dieſer Comœdia ge-
hoͤrten/ terminirte ich mit etlich andern Knaben vor
der Veſtung auff dem Eiß herumb; da fuͤhrt/ ich
weiß nicht wer/ ohnverſehens eine Partey Croaten
daher/ die uns miteinander aupackten/ auff etliche
laͤere Bauren-Pferd ſetzten/ die ſie erſt geſtolen hat-
ten/ und miteinander darvon fuͤhrten. Zwar ſtunden
ſie erſilich im Zweiffel/ ob ſie mich mit nehmen wol-
ten oder nicht? biß endlich einer auff Boͤhmiſch ſagt:
H vjMih
[178]Deß Abentheurl. Simpliciſſimi
Mih weme daho Blaſna ſebao, bo we deme ho gba-
bo Oberſto wi: Dem antwort ein anderer/ Prſchis
am bambo ano, mi ho nagonie poſſadeime, wan
roſumi niemezki, won bude mit Kratock wille ſe-
bao; Alſo muſte ich zu Pferd/ und innen werden/ daß
einem ein einzig ungluͤckliches Stůndlein aller Wol-
fahrt entſetzen/ und von allem Gluͤck und Heyl der-
maſſen entfernen kan/ daß es einem ſein Lebtag nach-
gehet.