Außlegung.

JHr Geliebten in Chriſto JEſu/ dem
Ewigen/ Warhafftigen vnnd Almechtigen
Sohn des Lebendigen Gottes/ vnſerm eini-
gen Hohenprieſter vnd Erloͤſer.

Alle verſtendige vnd Gottsfuͤrchtige Men-
ſchen wiſſen vnd bekennen einmutiglich/ ja die
erfahrung bezeuget es offt/ vnd faſt teglich/ das dieweil diß vnſer
trawrige Leben alhie auff Erden wehret/ viel betruͤbte/ vnuerſe-
hene/ beſchwerliche zufaͤlle vns zugewarten ſein/ in dem einer im
Waſſer erſeuffet/ ein ander im Fewr verbrennet/ dieſer mit
Schwert oder einem andern zufall vbereilet wird. Solches
bekrefftiget die heilige Schrifft von anbegin der Welt: Denn
da nur vier Menſchen auff Erden wahren/ hat der Gottfuͤrch-
tige
[] tige Abell von der moͤrdlichen Handt ſeines einigen vnd leibli-Gen. 4.
chen Bruders Cains vnvermuthlich ſterben muͤſſen. Der dapfer
Helt Abner wie vnverſehens kompt er vmb ſein Leben/ wie er
von Davids Feldhauptman Joab erſtochen wird? Wie giengs2. Sam. 3.
den Kindern deß frommen Jobs/ welche auß GOttes ver-Job. 1.
hengniß vom Satan in einem Sturmwinde vnverhoffentlich
getoͤdtet wuͤrden? Wir leſen in der Apoſtel Geſchichte am 22.Act. 22
Capittel von einem Juͤngling Eutichus genant/ wie derſelbige
da Paulus der Apoſtel ſeine Predigt biß Mitternacht verzog/
in einen harten Schlaff gerathen/ vnd zum Fenſter hinauß ge-
fallen/ aber von S. Paulo wiederumb aufferwecket worden.
Vnd dergleichen Exempel tragen ſich viel vnd offt zu. Wor-
auß wir denn anfenglich zu bedencken vnnd vns zu erinnern
haben/ wie auffſetzig der leidige Satan vns armen Menſchen
ſey/ wie er/ wiewol auß ſonderbahrer verhengniß Gottes/ bald
dieſes bald jenes Vngluͤck/ Mordt/ vnd Hertzenleidt ſtiffte vnd
anrichte/ vnd leider gar offt an vns volnbringe/ darumb wir die
ermahnung deß H. Apoſtels Petri wol moͤgen in acht nehmen/
da er ſpricht:

Darumb wir ja bey zeiten lernen ſol-
len/ demſelben im wahrem Glauben/ vnd fleiſſigen Gebete feſte
zu wiederſtehen.

Es fuͤhren vns fuͤrs Ander/ ſolche vnverhoffentliche Todtsfaͤll
zu gemuͤth/ vnd ſtellen vns fuͤr Augen/ wie bald es doch mit vns
Menſchen geſchehen/ wie fluͤchtig vnſer Leben ſey/ wie auch
offtmals dapffere Helden/ junge herzuwachſende Leute/ in vngluͤck
gerathen/ vnd in Leibs vnnd Lebens gefahr nicht allein/ ſon-
dern auch vielmahls in einem huy gaͤntzlich darumb kommen.
Darumb Syrach recht ſagt am 40. Capittel/

: Denn wie
BJob
[] (Job. 14.) Job ſpricht/

wie
(Eſa. 40.)Eſaias ſchreibet.

wie David im 103.
(Pſal. 103.)Pſalm redet.

: ſtehet geſchrieben Jacobi
am 4. Capittel. Daher ſingen wir/

(1. Cor. 15.)

: vnd Paulus ſagt in der Erſten Epi-
ſtel an die Corinther am 15. [Capittel/]

Darumb wir denn zum dritten hierauß zu lernen vnd anzu-
mercken haben/ wie hoch noͤtig es einem jeden ſey/ bey guten ge-
ſunden Tagen alſo zu leben/ daß man auch in allen zufaͤlligen
Noͤthen geſchickt vnd bereit zur ſeligen hinfarth moͤge erfunden
werden. Denn es heiſt/

ſinte-
Syr. 14.mahl es der alte Bundt iſt/ du muſt ſterben/

Darumb ſolten wir billich zu jeder Zeit vnd Stunde
auffwarten vnd gefaſt ſein: Wie denn auch der Sohn GOttes
(Matth. 13.)vnſer Heilandt/ vns dazu ermahnet/ da er ſpricht:

ſagt Salomon in ſeinem Prediger
Buch am 11. Capittel. Demnach

‘Quod feciſſe voles in tempore quo morieris,
Hoc itidem facies, quo corpore ſanus haberis.’
Wie du es gern hetteſt zur letzten ſtundt/
So mache es weil du noch biſt geſundt.

Vnd diß wolle jhm ein jglicher Menſch/ Arm oder Reich/
Jung oder Alt/ laſſen geſagt ſein. Denn der Todt niemandts
ſchonet.

Schicke ſich demnach ein jeder mit allem fleiß/ denn der Todt
kompt vns gleicher weiß.

Dieſes alles haben wir alhie ein Augenſcheinliches Exempel/
an Weiland dem Edlen Geſtrengen vnd Ehrnveſten/ Teſſen
von Parſowen/ Fuͤrſtlichen Meckelnburgiſchen beſtalten
Obriſten vnd geheimen Rath/ auff Parſow vnd Vpall Erbge-
ſeſſen: [an] welchem der leidige Satan auch ſeine liſt bewieſen/ in
dem er zwiſchen jhm vnd einem ſeiner alhie bey Hoffe vormahls
geweſenem gutem Freunde/ eine widerwertige differentz geſtifftet/
vnd ſie endlich alſo zuſamen gehetzet/ daß daruͤber dieſer dapfe-
re Helt/ bey geſundem ſtarcken Leibe/ vnd ſeinen beſten Jahren/
vnvermutlich danieder gefellet/ vnd bald darauff ſein Leben laſſen
muͤſſen. Vnd weil er vns denn auß dem Sarck von der Todten-
bar gleichſam zuruffet/ Heute Mir/ Morgen dir: Heute roth/
Morgen Todt: Heute ſtarck/ Morgen im Sarck: Wir
auch dabey zuſehen haben/ wie bald es vmb einen Menſchen/
wenn er ſchon noch ſo fuͤrnehme/ hoch vnd anſehnlich iſt/ gethan:
vnd niemand wiſſen kan/ was Gott auch vber jhn verhenget/ vnd
jhm noch fuͤr Abendts begegnen kan/ es aber mit ſolchen vnver-
muthlichen zufellen ſehr mißlich vnd gefehrlich iſt: ſo wollen wir
demnach den Lebendigen zum noͤtigen vnterricht/ (ſintemahl
den Todten mit ſolchen Leichpredigten nunmehr weinig gedie-
B ijnet)
[] net) auß abgeleſenem Text/ dieſe einige Lehre allein nehmen/
vnd auß GOttes Wort E. L. erklaͤren vnd fuͤrtragen: Als
Nemblich.

Wie ein Chriſten Menſch ſich in ſeinem gantzen
Leben/ auch da jm Gott in dieſen oder dergleichen
zufall/ gerathen lieſſe/ verhalten ſoll/ damit er ſich
deß kuͤnfftigen Ewigen Lebens bey Gott moͤge zu-
getroͤſten vnd zuerfrewen haben.

Gott helffe vnd vorleyhe/ daß es zu ſeinen Ehren/
vnd vnß zur lehr/ ermahnung/ vnd beſſerung
gereichen moͤge. Amen.

GAr hoch vnd viele iſt an dieſer Lehr gelegen/ Jhr geliebte
in dem HErrn CHriſto/ weil nemblich die Stunde deß
Todtes ſo gantz vngewiß/ wie doch ein Menſch ſich in ſei-
nem gantzen Leben dagegen alſo ſchicken moͤge/ daß er zum Ab-
ſcheid bereit ſey/ vnd ſich deß Himmelreichs in jenem Leben zu-
getroͤſten habe. Denn wie Gott einen jeden finden wird im
beſchluß ſeines Lebens/ ſo wird er jhn auch richten. Wol nun
dem Menſchen/ der alſo lebet/ daß er wirdig ſein moͤge zuſ[te]hen
fuͤr deß Menſchen Sohn/ wenn er wird kommen in ſeiner Herr-
ligkeit/ zu richten die Lebendigen vnd die Todten/ denn da wirds
(Rom. 2.)heiſſen/ wie Paulus ſagt.

Wie iſt jhm denn zuthun/ daß man ſolchem angedeutetem vn-
heil entgehen/ hinwieder aber deß kuͤnfftigen Ewigen ſeligen Le-
bens ſich moͤge zugetroͤſten haben?

Daß wird vns nun im abgeleſenen Text/ mit kurtzen/ aber
ſehr ſchoͤnen vnd deutlichen worten an die Handt gegeben/ da der
HErr Chriſtus/ als die Ewige Weißheit Gottes/ der vns weiß
guten rath zu vnſer Ewigen Wolfarth vnd Seligkeit zugeben/
darumb er auch den Titel Conſiliarij daß es Rath heiſt/ beymEſa. 9.
Propheten erlangt/ ſpricht:

Mit welchen worten er vns die kleinen Kinder zum exempel/
ja zu Predigern fuͤrſtellet/ daß wir alle/ weß Standes wir ſein/ zu
jhnen ſollen in die Schuel gehen/ vnd von jhnen lernen/ wie wir
vns in dieſem vnſern Leben gebuͤrlich verhalten ſollen/ das Gott
als vnſer Himliſcher Vater/ luſt an vns ſehen/ vnd auch bey ſich
in ſeinem Reich gerne haben moͤge.

Nun mochte aber jemand ſagen: Waß ſoll man denn von
Kindern lernen? Spricht doch Paulus/

Wie ſtimmen denn Chriſtus vnd Paulus vberein? da
hoͤret Geliebten. Wir ſollen nicht Kinder werden in der Thor-
heit vnd am Vnverſtande/ die den Kindern angebohren iſt/ auch
nicht in Buͤberey vnd Schalckheit/ die ſich offt bey den Kindern
ehe/ alß etwas gutes findet/ dieweil alles tichten vnd trachten deß
Menſchlichen Hertzen nur boͤſe iſt von jugend auff. SondernGen. 6.
es wil der HErr Chriſtus/ daß wir den Kindern ſolln gleich wer-Worin
wir den
Kindern
ſollen
gleich
ſein.
den/ in [nachfolgenden] ſtuͤcken.

Erſtlich in candida \& credula [ſimplicitate].Jn Chriſtlicher
auffrichtigkeit/ vñ Gleubiger einfalt. Den̅ gleich wie die
Kinder nicht betrieglich/ verſchmitzt vnd verſchlagen/ ſondern
auffrichtig/ einfeltig/ ſchlecht vnd recht ſein/ ſagen frey herauß/I. Jn
Chriſtli-
cher auff-
richtig-
keit.
wie jhn vmbs Hertz iſt: alſo ſoll ein jeder Chriſt im euſſerlichen
Leben der Welt boͤßheit meiden/ vnd der Kinder einfalt ſich be-
B iijfleiſſigen/
[] fleiſſigen/ daß iſt/ mit ſeinen Neheſten auffrichtig/ ohn falſch vnd
betrug Handeln vnd Wandeln. Solche einfalt vnd auffrich-
tigkeit deß Hertzens gefelt Gott dem HErrn alſo wol/ [daß] ſie
auch vnter die Eigenſchafften deren/ die da werden gemeinſchafft
mit Gott haben/ gezehlet vnd gerechnet werden/ wie davon im
(Pſal. 15.)15. Pſalm geſchrieben wird/ denn daſelbſt ſagt David.

daß iſt/ wer wird doch ein Kindt Gottes
im Ewigen Leben ſein. Hierauff antwortet David vnd ſpricht.

vnd daß iſt das ſchlecht vnd
(Pſal. 25.)recht/ davon abermal David ſagt.

Job. 1.Ein ſolcher wird Job geruͤhmet/ daß er ſey geweſen/ ſchlecht vnd
recht. Solche Leute ſollen alle Chriſten ſein/ da ſie Gott vnd dem
Menſchen angenem vn̅ gefellig ſein wolle̅. Hergegen aber iſt der
HErr der Weltkinder vn̅ Weltweiſen [falſchheit] vn̅ verſchlagenen
geſchwindigkeit von Hertzen feindt/ ſonderlich da mans nicht von
Hertzen meinet mit dem Neheſten/ ſondern ein anders mit worten
vorgibt/ vnd ein anders im ſinn vnd Hertzen hat. Das iſt wol in
der Welt ein gemeine ſitt/ aber vor dem HErrn vnſerm GOtt
iſts ein grewel: wie [Salomon] ſagt/

Daher auch David ſpricht/

ja er hat ſolche Leute
an ſeinem Hoffe nicht leiden moͤgen/ wie im 101. Pſalm geſchrie-
ben ſtehet.

Viel weniger werden demnach
ſolche Leute kuͤnfftig bey dem groſſen Hoffe deß Allmechtigen
Gottes geduldet werden.

Darnach ſo viel daß Chriſtenthumb anlanget/ ſolle̅ wir auch
(Vñ)Von[ ]Gleu-
biger
einfalt.in Gleubiger Einfalt den Kindern gleich werden. Denn
gleich wie die Kinder einfeltig ſein/ vnd wann jhnen Vatter vnd
Mutter
[] Mutter etwas ſagen/ ſo gleuben ſie es/ ſie machen nicht viel diſpu-
tierens vnd gruͤbelns/ obs muͤglich oder vnmuͤglich ſey/ ſondern
halten ſich ſtracks an deß Vaters vnd [Mutters] wort/ vnd da ſie
es ſo bald nicht faſſen koͤnnen/ laſſen ſie ſich fein vnterrichten vnd
vnterweiſen/ vnd ſind des Kindtlichen vertrawens/ Vater vnd
Mutter werden ſie nicht betriegen: Eben ein ſolch Hertz/ ein ſolch
vertrawen vnd zuverſicht/ ſollen wir auch haben zu vnſerm lieben
Vater im Himmel/ wenn er vns in ſeinem Wort etwas ver-
ſpricht vnd zuſaget/ ſo ſollen wir demſelbigen ſchlecht vnd recht/ in
Kindtlicher einfalt glauben geben/ vns von GOttes Wort/ wel-
ches nicht liegen noch triegen kan/ vnterrichten laſſen/ Gott gebe
vnſer Vernunfft/ vnſer Fleiſch vnd Blut/ ſage dazu was es jm-
mer wolle. Sein Wort laß dir gewiſſer ſein/ vnd ob dein Hertz
ſpreche lauter nein.

Als zum Exempel/ wenn Heut vnter vns vnd den Sacra-Frage: ob
Chriſtus
nach bei-
den Na-
turen bey
vns ſey.
mentierern gefragt wird/ Ob der gantze CHriſtus/ nach ſeinem
[beiden] Naturen bey ſeiner Chriſtlichen Kirchen/ bey ſeinen
Gleubigen in jhren noͤthen ſey? Was ſoll alhie ein Kindt Got-
tes thun/ wie ſol es ſich in ſolche Frage ſchicken? Nicht beſſers/
jhr Geliebte/ denn ſich ſchlechter dinge an die verheiſſung deß
HErrn Chriſti mit einfeltigem Kinderglauben gehalten/ da er
ſagt Matthæi am 18. Capittel.

Alſo/ (Matthæi am 28 Capittel.)Jch/
der gantze CHriſtus/ bin bey euch alle Tage/ biß zum ende der
Welt. Daran kan ſich ein Chriſtliches Hertz halten/ da iſt
krefftiger Troſt bey/ wenn wir wiſſen/ vnd gleuben/ das vnſer Er-
loͤſer auch bey vns ſey/ Jn vnd nach der Natur in welcherHeb. 2.
er verſuchet iſt/ vnd gelitten hat. Darumb er auch deſto groͤſſer
mitleiden mit vns haben kan/ wie zu den Hebræern am 2. Capit-
tel gemeldet wird.

Ein-
wurff
von der
Himmel-
farth
Chriſti.Ja ſagſtu/ Er iſt aber gehn Himmel gefahren/ vnd ſitzt da-
ſelbſt mit ſeinem Leibe zu der rechten Handt Gottes: Wie rei-
met ſich ſolchs mit dieſer allgemeinen kegenwart? Antwort[.] Ga[r]
wol/ meine Geliebten/ denn beides halten wir war/ vnd gleubens
auch feſt/ daß er nemblich warhafftig/ auch mit ſeinem Leibe gehn
Himmel gefahren/ vnd dennoch bey vns auff Erden ſey. Weil
aber ſolches die Vernunfft nicht wol faſſen/ vnd zuſamen reimen
kan/ ſo muſſen wir vns von vnſerm Himliſchen Vater/ auß ſei-
nem wort/ alß liebe vnd lehrhaffte Kinder/ vnterrichten vnd wei-
ſen laſſen. Welches vns den lehret/ daß CHriſtus nicht gehn
Gen. 5.
2. Reg. 2.Himmel gefahren/ wie Enoch vnd Elias/ welche daſelbſt allein/
vnd nirgend anders/ ſintemahl ſie pur lautere Menſchen ſein/ zu
Marc. 16.finden vnd zu ſuchen ſindt: Der HErr Chriſtus aber iſt durch
Luc. 22.ſeine Himmelfarth geſetzet zu der Rechten der Krafft GOttes.
Wie man nun nicht ſagen kan/ daß die Rechte GOttes allein im
Himmel vnd nicht bey vns auff Erden ſey/ alſo kan man auch
nicht ſagen/ das Chriſtus allein im Himmel vnd nicht bey vns
(Pſal. 139.)auff Erden ſey/ ſintemahl er ſitzet zu der Rechten der krafft Got-
tes/ welche ſich nicht theilen leſt/ ſondern allenthalben iſt/ vnd alles
erfuͤllet. [Deñ also] ſtehet geſchrieben im 139 Pſalm.

vnd
(Epheſ. 1.)zu den Epheſern am 1. ſagt Paulus.

etc.

Anderer
einwurff.Es iſt aber/ ſpricht jemandt/ wieder alle vernunfft/ ja wieder
die
[] die Natur eines wahren Leibs/ daß er zugleich an vielen oͤrtern/
zugleich im Himmel vnd auff Erden ſey? Antwort. War iſts/
jhr Geliebten/ daß vnſer blinden Vernunfft alſo duͤncke. Aber
hier vrtheile ein gleubiges Hertz/ ob in dieſer hochwichtigen Sa-
che/ vnſere vernunfft/ oder deß HErrn Chriſti verheiſſungen
mehr gelten ſollen/ vnd obs nicht viel ſicherer vnd troͤſtlicher ſey/
ſich an die verheiſſungen Gottes/ denn an die Natur Regeln zu
halten? Jch meine ja/ die verheiſſungen Gottes muſſen vnſer
beſter Troſt ſein/ die ſein Ja vnd Amen. 2. Corinth. 1. Daß2. Cor. 1.
iſt/ gewiß vnd warhafftig: ſo iſt auch kein betrug in ſeinem Mun-
de jemals erfunden worden: ſondern was er zuſaget/ das helt er1. Pet. 2.
Rom. 4.
gewiß/ vnd kan es auch thun. Darumb denn ein rechtes Kindt
Gottes/ alhie mit gleubiger einfalt dem Wort gleuben vnd ſagen
kan. Hat Gott wieder die natur deß Eyſens/ daſſelbige kuͤn-2. Reg. 6.
nen ſchwimmen machen/ wie zu leſen iſt im andern Buch der
Koͤnige am 6. Capittel. Hat er wieder die natur das WaſſerExod. 15.
im Jordan wie eine Mawr kuͤnnen ſtehen machen/ im andern
Buch Moſis am 15. Capittel: Dem Fewr ſeine natur benom-Daniel 3.
men/ daß es nicht gebrennet/ Danielis am 3. Capittel. Eine
Jungfraw ohn zuthun eines Mannes kuͤnnẽ ſchwanger machen/Eſa. 7.
Matth. 1.
Luc. 1.
vnd wieder alle Natur auch nach der Geburt laſſen eine Jung-
fraw bleiben/ wie wir in vnſerm Chriſtlichen Glauben bekennen/
ſo wil ich jhm/ alß meinem lieben Vater/ auch die Ehr der War-
heit vnd Allmaͤchtigkeit gerne geben/ daß er auch in dieſem Ge-
heimniß vberſchwenglich thun koͤnne/ vber alles daß wir bittenEpheſ. 3.
oder verſtehen/ vnd demnach einfeltig gleuben/ das mein HErr
Chriſtus/ wahrer Gott vnd Menſch/ nach ſeinen beiden Natu-
ren/ auch bey mir ſey in meinen Noͤthen/ mein ſeufftzen/ mein
Gebet erhoͤre/ meine groſſe Noth kegenwertig ſehe/ vnd nach
ſeinem willen mir auch helffen werde. Waß kan doch/ liebe
Chriſten/ troͤſtlicher vnd herrlicher einem betruͤbten Hertzen vor-
gehalten werden?

Darumb bleibe ein jgliches frommes Hertz/ bey ſolcher Kind-
licher/ Gleubiger einfalt/ denn ſolche Gott vnſerm Himliſchen
Vater wolgefellet/ der wil jhm auß dem Munde ſolcher Gleu-
Pſal. 8.
Pſal. 116.
Matt. 11.
1. Pet. 1biger/ vnd ſeiner Goͤttlichen Allmacht vertrawenden Kinder/ eine
Macht zu bereiten/ die Einfeltigen behuͤten/ jhnen ſeine Geheim-
niſſen offenbahren/ vnd endtlich das ende jhres Glaubens der
Seelen ſeligkeit beſcheren. Vnd daß were alſo eins/ welches
wir an den Kindern lernen ſollen/ ſo fern wir auch anders wollen
rechte Kinder GOttes ſein/ vnd vns ſolcher Kinderſchafft hie
Zeitig/ vnd hernach Ewig zu erfrewen haben.

II.
Jn wa-
rer
Chriſtli-
cher De-
muth.Darnach vnd zum Andern/ Wollen wir groß
im Reich GOttes ſein/ ſo muͤſſen wir zuuor in vnſern Augen
klein/ vnd zu Kindern werden: daß iſt/ wir muͤſſen die Chriſtli-
che Gott wolgefellige Demuth/ von jhnen ſtudieren vnd ler-
nen/ vnd vns in vnſerm gantzen Leben demuͤtig erzeigen vnd
verhalten: Wie vns denn darzu der HErr Chriſtus in nachfol-
genden Worten ſonderlich ermahnet/ da er ſpricht: Wer ſich
ſelbſt erniedriget wie diß Kindt/ der iſt der groͤſſeſte im Himmel-
reich/ der wird groß vnd werth gehalten werden/ fuͤr den Augen
Gottes.

wie David ſagt im 113. Pſalm. Auff Erden zwar/
daß er den Geringen auffrichte auß dem ſtaube/ vnd ſetze jhn ne-
ben die Fuͤrſten/ neben die Fuͤrſten ſeines Volcks. Alſo ſagt
(1. Sam. 15)Samuel zu Saul/

1. Sam. 16
Pſal. 78.

Alſo wart David der geringſte vnter ſeinen Bruͤ-
dern/ hinder den Schaffen hinwegk genommen/ vnd zum Koͤnige
gemachet. Daher ſpricht Daniel.

Wie denn die erfah-
rung bezeuget/ das mancher demuͤtiger/ ſitſamer/ armer Geſelle/
geſchwinde
[] geſchwinde zu groſſen Dingen kompt/ vnd da andere es jhnen
offtmahls ſehr ſaur darumb werden laſſen/ daß ſie zu dieſem oder
jenem Dienſt vnd Emptern gelangen moͤgen/ da wird jhnen ein
armer Agathocles/ ein demuͤtiger Jeremias/ ein Gottſeliger/
frommer/ vnd trewer Joſeph/ in Geiſtlichen vnd Weltlichen Re-
giment offtmahls vorgezogen. Vnd daß iſt waß David ſagt/
Gott ſihet auff das niedrige auff Erden.

wie Syrach am 10. Capittel ſagt. Daher ſpricht (Syr. 10.)
David im 101. Pſalm.

ſtehet geſchrieben in der er-
ſten Epiſtel Petri am 5. Capittel. Wehe aber den jenigen/ die
Gott zum wiederſtandt haben/ denn alßdenn alle hoffnung deß
Ewigen Lebens verlohren/ zugeſchweigen/ daß bey Hoffart auch
ſonſten weinig gluͤck zu erwarten iſt. Denn wie die liebe De-
muth/ der neheſte grad iſt/ zu Gottes hulde/ gnad/ Zeitlichem vnd
Ewigem Segen: Alſo iſt Stoltz vnd Hochmuth der neheſte
wegk zum vntergang vnd verderben. Wie Salomon bezeu- (Prov. 18.)
get/ da er ſpricht:

vnd abermahl ſpricht er daſelbſt im 15. Capittel.

Wie nun GOtt
alſo auff Erden luſt hat an demuͤtigen Hertzen/ vnd zuſtrewet da-Luc. 1.
gegen die Hoffertig ſind in jhres Hertzen ſinn: alſo wil er auch
nicht in ſeinem Himmel haben vnd wiſſen/ die ſich vber andere
erheben: Darumb auch S. Paulus die Hoffertigen vnter dieRom. 1.
zehlet/ die deß Todtes ſchuͤldig ſind: vnd vnter die ſieben ſtuͤck/
an denen Gott einen grewel hat/ werden auch hohe Augen/ daßProv. 6.
iſt/ die Hoffertigen/ gerechnet: mit welcher Suͤnde auch die ge-
fallene Engel jhre Schantze im Himmel verſehen/ vnd deßwegen
haben hinauß gemuſt. Derowegen/ wer da wil ein Kindt
C ijGottes/
[] Gottes/ vnd ſeinem Himliſchen Vater auff Erden vnd im Him-
mel lieb ſein/ der halte ſich auch in dieſem ſtuͤck den kleinen Kin-
derlein gleich/ vnd habe ſtetts fuͤr augen die trewhertzige ermah-
(Syr. 3.)nung Syrachs/ wenn er ſpricht:

III.
Jn ſanfft
muth.Zum dritten/ wollen wir rechte Kinder Got-
tes ſein/ muͤſſen wir auch den kleinen Kinderlein gleich wer-
den in der Sanfftmuth. Denn gleich wie ein Kindt/ wenn
es beleidiget wird/ ſeines leides/ vnd daß jhm vnrecht vnd gewalt
geſchehen iſt/ bald vergiſt/ es iſt vmb einen Apffel oder Birn/ ja
vmb ein gutes wort zu thun/ ſo iſt des leides ſchon vergeſſen/ vnd
der handel vertragen: Eben alſo wil der HErr Chriſtus ſagen/
ſollen ſeine Juͤnger vnd Kinder auch geartet ſein/ ſie ſollen nicht
allein friedfertig/ ſondern auch wenn ſie beleidiget worden/ ſanfft-
muͤtig ſein/ jrem Neheſten ein wort zu gute halten/ mit Vnchriſt-
lichem Laͤſtern/ Schmaͤhen/ vnd Zancken/ ja mit Schlagen vnd
Balgen ſich ſelbſt nicht [rechen/] ſondern die Rache dem anheim
[1.] Pet. 2.ſtellen/ der da recht richtet. Solche Tugendt vns nun deſto-
mehr einzubilden/ weiſet er vns auff ſein eigen Exempel (Matthæi
am 11. Capittel/) da er ſagt:

Welches er auch thaͤtlich bewieſen/ in dem er nicht wieder
ſchalt/ da er geſcholten ward/ nicht drawete/ da er leidt: Wie aber-
mahl Petrus an gedachtem Orthe redet: Ja er preiſet die
Matt. 5.Sanfftmuͤtigen vnd Friedfertigen ſelig/ vnd ſagt jhnen zu/ daß
ſie nicht allein das Erdreich beſitzen/ daß iſt/ daß es jhnen nicht al-
lein auff Erden wolgehen/ ſondern das ſie auch Gottes Kinder
Galat. 5.heiſſen [ſollen.] Darumb denn auch S. Paulus/ die ſanfftmuth/ vn-
ter die wercke deß Geiſtes zehlet. Demnach/ wer da gut Leben be-
Pſal. 34.geret/ vnd gerne gute tage hie zeitlich/ vnd hernach bey Gott ewig-
lich haben wil/ der ſuche Friede vnd jage jhm nach: Vnd ob er
ſchon beleidiget/ vnd zu zorn bewogen wuͤrde/ ſo ſehe er doch zu/
daß er durch Zorn nicht zu groͤſſerer Suͤnde gereitzet vnd ange-
trieben
[] trieben werde/

ermahnet vns Da- (Pſal. 4.)
vid/

lehret S. Paulus:

ſpricht Chriſtus/ Lucæ am 6. Capittel.

ſagt Jacobus. Vnd (Jacob. 1.)
wer ſich ſelbſt rechent/ an dem wird ſich der HErr wieder rechen/
vnd wird jhm ſeine Suͤnde auch behalten.

ſpricht gar weißlich
der weiſe Mann Syrach.

Diß gibt vns nun/ Geliebten/ eine ſehr noͤtige Lehre heutiges
Tages/ da die erfahrung leider bezeuget/ wie die Liebe in der
Menſchen Hertzen dermaſſen erkaltet/ daß auch vmb ein ſaur ſe-
hen/ vmb eines truncks Biers oder Weins/ vmb eines vnebenen
Worts/ vmb eines vngeratenen Trits/ oder anderer geringſchaͤ-
tzigen vrſach willen/ mancher nicht bedencket/ daß er ein Chriſte
ſey/ ſondern ſeinen Neheſten darumb haſſet/ neidet/ ſchmaͤhet/ laͤ-
ſtert/ ja auch offtmahls zur gegenwehr außfoddert/ darauff Mord
vnd Todtſchlag vielmahls erfolget/ wie leider auch jtzo alhie fuͤr
augen. Dieſelbigen bedencken freylich nicht/ wie ernſtlich GottDie da
Kinder
Gottes
ſein wol-
len/ muͤſ-
ſen ſich
huͤten fuͤr
Mordt
vnd Tod-
ſchlag.
in ſeinem Wort die Sanfftmuth/ die Friedfertigkeit/ wie gehoͤ-
ret/ geboten/ vnd hinwieder Feindtſeligkeit/ Mordt vnd Todt-
ſchlag verboten: Sie gedencken nicht/ welche eine ſchwere hoch-
ſtraͤffliche Suͤnde/ ja Vnmenſchlich thun vnd Laſter ſey/ ſeinen
Neheſten mit Worten oder Wercken beleidigen/ an ſeinen Glie-
dern vnd Geſundtheit verletzen/ ja gantz vmb Leib vnd Leben
bringen vnd Toͤdten.

Darumb alhie zu lernen vnd zu behalten iſt/ wie gantz ernſt-
lich GOtt in ſeinem Wort/ ſolch feindtlich anfallen/ Balgen/
Schlagen/ Verletzen/ Erwuͤrgen/ Morden vnd Toͤdten verbot-
C iijten
[]1.
Dieweil
jhn Gott
gantz
ernſtlich
verbot-
ten hat.
(Gen. 9.)ten hat. Denn einmahl gewiß vnd vnleugbar/ daß der arth
Spruͤche hin vnd wieder in der Heiligen Schrifft zu finden ſein/
deren wir nur etzliche weinig/ geliebter kuͤrtze halben/ einfuͤhren
wollen. Denn fluxs nach der Sindfluth/ hat Gott mit groſ-
ſem ernſt/ ſolch verbot publicieren laſſen/ im Erſten Buch Moſis
am 9. Capittel.

deßgleichen Befehl leſen wir auch im andern Buch
Moſis am 20. Capittel/ da er mit groſſem ernſt auß dem Him-
(Exod. 20.)mel gleichſam herauß gedonnert/ vnd geſagt hat:

Da denn wol zu mercken iſt/ warumb Gott
der HErr das verboth vom Todtſchlage/ den verbotten vom
Ehebruch/ Diebſtal/ falſchen Zeugniß/ etc. vorgeſetzt: Nemblich
daß er damit anzeigen wollen/ daß der Todtſchlag viel grawſa-
mer vnd abſchewlicher vor ſeinen Augen ſey/ den Ehebruch/
Diebſtal/ oder falſche Zeugniß jmmer ſein moͤgen. Darumb
deñ auch David im 5. Pſalm ſaget.

Damit auch Sa-
(Prov. 6.)lomon vbereinſtimmet in ſeinen Sprichworten.

darunter das dritte iſt/

2.
Jhn zeit-
lich gar
hart zu-
ſtraffen
befohlen.
Nicht al-
lein an
der Men
ſchen Le-
ben.

Freylich meine Geliebten/
haſſet Gott die Todtſchlaͤger/ wie denn ſolchs auch genugſam ab-
zunehmen/ auß allerley zeitlichen Straffen/ damit er die verbre-
chere ſeines ſo ernſten verbottes/ zu ſtraffen befohlen/ ja auch
ſelbſt heimbgeſucht vnd geſtrafft hat. Denn erſtlich ſetzet Gott
ſelbſt die ſtraffe/ daß nemblich alle vnd jede muthwillige vnd fre-
ventliche Todtſchlaͤger am Leben ſollen geſtraffet werden: Wie
wir jtzo auß dem 1. Buch Moſis am 9. Capittel gehoͤret haben:
Vnd im andern Buch Moſis am 21. Capittel ſtehet geſchriben:
Gen. 9.Wer
[]

Ja es [befehlet] daſelbſt GOtt der
HErr/ wo jemand ſeinen Neheſten mit liſt/ vnd willen toͤdte/ den
ſol man vom Altar hinwegk reiſſen/ vnd wiederumb toͤdten.
Welchem Goͤttlichen befehl der loͤbliche Regent Salomon/ vñ der
Prieſter Jojada/ auch gehorſamlich nachgeſetzet/ vnd den Meu-1. Reg. 2.
2. Reg. 11
chelmoͤrder Joab/ wie auch die blutgierige Koͤnigin Attaliam/
vngeachtet ſie bey dem Altar im Tempel ſicher zu ſein vermei-
net/ wiederumb toͤdten laſſen. Wie im erſten Buch der Koͤni-
ge am 2. vnd im andern Buch der Koͤnige am 11. Capittel zu le-
ſen. Alſo ſpricht abermahl Gott der HErr [im] 4. Buch Moſis (Num. 35.)
am 35. Capittel.

vnd baldt darauff/

Vnd kurtz hernach:

Vnd dieſes wird
wiederholet im fuͤnfften Buch Moſis am 19. Capittel.

Vnd daß dieſes GOtt dem HErrn ein rechter
Son-
dern
auch an
vnver-
nunffti-
gen Thie-
ren.
(Gen. 9.)
(Exod. 21.)ernſt ſey/ iſt auch daher vnſchwer abzunehmen/ weil er auch deß
Menſchen Leben nicht allein an Menſchen/ ſondern auch an den
vnvernunfftigen Thieren rechen wil. Denn alſo ſagt er im
erſten Buch Moſis am 9. Capittel.

Wie er denn deßhalben auch gewiſſe Geſetz vnd Ordenung ge-
geben/ wie man mit einem ſolchen Thier vmbgehen vnnd
handeln ſolle: im Andern Buch Moſis am 21. Capittel.

Ja daß noch mehr iſt/ wenn et-
wan ein Erſchlagener auff dem Felde gefunden wurde/ vnd nie-
mand wiſſe/ wer es gethan hette/ ſo hat dennoch Gott befohlen/
wie ein ſolcher Todtſchlag ſolte verſoͤhnet werden. Nemblich
es muſten die Eltiſten der neheſten Stadt/ da der Todtſchlag
geſchehen war/ eine junge Kuhe/ die noch an keinem Joch gezo-
gen/ nehmen/ dieſelbe auff einen kieſ[i]chten vnfruchtbahren vnd vn-
gebaweten grundt fuͤhren/ vnd jhr daſelbſt den Hals abhawen.
Deut. 21.Wie weitleuffig zu leſen im 5. Buch Moſis am 21. Capittel.
Alſo gar wil Gott keinen Todtſchlag vngerochen laſſen/ daß er
auch an ſtat eines vnbekanten Todtſchlaͤgers/ ein vnvernunffti-
ges Thier zu toͤdten befohlen.

GOtt
ſtraffet
den Tod-
ſchlag
auch mit
allerley
anderen
zeitlichen
ſtraffen.Da aber ja ein Todtſchlaͤger mit dem Leben dauon kompt/
ſo bezeuget dennoch zum andern die heilige [Schrifft/] das GOtt
ſie mit andern ſchweren zeitlichen ſtraffen/ zu ſtraffen vnd heimb-
zuſuchen pflege. Denn was brachte David ins Elende hinein/
daß er ſein Koͤnigreich reumen/ vnd fuͤr ſeinem eignen Sohn fluͤch-
tig werden muͤſte? Nichts anders/ jhr Geliebten/ denn daß er
ſeinen
[] ſeinen Gott mit dem vnverantwortlichen Todſchlage ſeines getre-1. Sam. 12
wen Dieners Vriӕ deß Hethiters/ erzuͤrnet hatte. Alſo wie der
Meuchelmoͤrder Joab/ den tapffern Helt Abner ermordet/ damit
jderman deß Koͤnigs Davids diſplicentz zuvernemẽ hette/ verflucht
er den Thaͤter/ vñ wuͤnſchet jm vnd ſeiner Poſteritet fuͤnfferley er-2. Reg. 3.
ſchreckliche ſtraffen: alß erſtlich/ Eyterfluß/ oder Blutgang.Jobas
ſchwere
ſtraffen/
wegen
begange-
nen Tod-
ſchlags
an Ab-
ner.
Darnach Auſſatz. Zum dritten/ Daß in ſeinem Hau-
ſe jmmer Lame vnd Kruͤppel/ die am Stabe ge-
hen/ moͤgen gefunden werden. Zum vierdten/ wuͤn-
ſchet er jhm pœnam talionis,daß er auch moͤge durchs
Schwerdt fallen/ vnd jmmer da in ſeinem Ge-
ſchlecht etliche moͤgen erſchlagen werden. Vnd denn
zum fuͤnfften/ die bittere Armuth/ daß es jhm vnd den
ſeinigen an Brot mangelen moͤge. Sehet doch/ wie dieſer
Moͤrder mit dem einigen Todtſchlag/ ſo viel Leibsſtraffen auff
ſich/ vnd ſeine Nachkommen geladen habe. Wollen itzt ge-Todſchle-
ger wer-
den von
jhrem ei-
genen
gewiſſen
geplagt.
ſchweigen deß nagenden Wurms deß boͤsen Gewiſſens/ welchen
die Todtſchlaͤger in jhrem Buſem tragen/ der ſie ſchrecket vnd
treibet/ daß ſie nirgends ruhen noch bleiben kuͤnnen/ vnd ſich fuͤr
einem rauſchenden Blat fuͤrchten/ ja auch vielmahls jhre geſtalt
verendern/ vnd niemandt faſt recht vnter Augen ſehen duͤrffen.
Wie von dem Bruder Moͤrder Cain/ im Erſten Buch MoſisGen. 4.
am 4. Capittel zu leſen iſt.

Diß alles aber/ jhr Geliebten/ waß itzt von zeitlichen ſtraffen3.
Auch mit
ewigen
ſtraffen
nicht ver-
ſchonet.
aller frevelen vnd muthwilligen Todtſchlaͤger geſagt/ iſt gantz
vnd gar nichts/ wenn mans gegen die ewigen darauff geſetzten
vnd angedraweten ſtraffen halten thut. Denn das GOtt dieſe
Suͤnde nicht allein mit euſſerlicher/ vnd zeitlicher Leibsſtraffe/
ſondern auch mit Ewiger Verdamnuß zu buſſen gedrawet: iſt
gleicher geſtalt offenbahr in heiliger Goͤttlicher Schrifft: Denn
D
alſo
[] alſo ſpricht hievon der heilige Paulus in der Epiſtel an die Ga-
later am 5. Capittel.

Vnd in der Offenbah-
rung Johannis ſtehet geſchrieben.

Vnd im folgenden Capittel.

Einrede
vom auß-
foddern.Aber alhie haben die Weltkinder etliche einreden vnd auß-
fluchten/ damit ſie meinen ſolche Vnchriſtliche Sachen vnnd
Todtſchlaͤge zubeſchoͤnigen. Denn ſie geben fuͤr: die jtzt ange-
zogenen Spruͤche/ gehen allein wieder die muthwillige vnd fre-
ventliche Todtſchlaͤger: Es habe aber weit eine andere gelegen-
heit/ wenn einer zum Kampff vnd Balgen außgefoddert wird/
ſeiner Haut ſich zu wehren/ vnd alßdann etwan einen durchſtoſſet/
oder
[] oder vmbs Leben bringet. Da heiſt es/ Es iſt fuͤr der Fauſt ge-
ſchehen/ derowegen meinen ſie/ ſey ein ſolcher Todtſchlaͤger/ zu
Recht auff Leib vnd Leben nicht zubeſprechen. Aber Gelieb-
ten/ ſolch einwenden helt den ſtich nicht fuͤr Gottes Gericht: Obs
wol fuͤr der Welt etlicher maſſen hinpaſſieret. Denn geſetzet/Außfod-
dern/ er-
ſcheinen
vnd zu-
ſehen/ iſt
alles vn-
recht.
daß einer an ſeinen Ehren/ mit Worten oder Wercken verletzet
were/ ſo gebuͤhret ſich doch darumb nicht/ das kegentheil zum
Reuffen vnd Balgen außzufoddern/ vnd ſich ſelbſt zu rechen.
Denn dadurch greifft man Gott in ſein Goͤttliches hohes Rich-
terampt: Sintemahl es heiſt/

Man greifft der Oberkeit ins (Deut. 32.)
Rom. 12.
Schwerdt/ welches jhr von Gott befohlen iſt. Man handelt (Gen. 9.)
wieder Gottes Gebot/ welches da ſagt:

Rom. 13.

Man (Deut. 16.)
vergiſſet deß HErrn Chriſti trewhertzigen vnd ernſten vermah- (Luc. 6.)
nung/

Man ſuͤndiget wi-
der ſein eigen Leib vnd Seel/ welche durch ſolche vermeſſenheit/
in alles zeitliches vnheil/ vnd ewiges verderben geſtuͤrtzt werden.
Wie denn auch nicht weiniger ſuͤndigen/ die auff ſolch Vngoͤtt-
liches außfoddern/ erſcheinen/ oder ſich auch dabey finden laſſen/
wo ſie nicht zur verſuͤnung rathen/ vnd allem vnheil bey zeit vor-
zukommen/ ſich zum fleiſſigſten bemuͤhen. Denn durch ſolch
erſcheinen vnd zuſehen/ wird approbieret vnd gut geheiſſen/ aller
Frevel vnd Mordt deß Fodderers/ oder des Todtſchlaͤgers/ da-
durch machet man ſich frembder Suͤnden theilhafftig/ ja aller
Zeitlicher vnd Ewiger ſtraffe/ welche auff Zanck/ Hadder/ Mord
vnd Todtſchlag geſetzt ſind. Denn/ es heiſt wie Paulus ſagt/
das nicht allein die Thaͤter/ ſondern die auch wol-
gefallen an jhnen haben/ darin willigen/ vnd es appro-Rom. [1].
bieren/ ſtraffwirdig/ ja deß Todtes ſchuͤldig ſein. Wie zu
den Roͤmern am Erſten Capittel geſchrieben ſtehet.

Die an-
dere ein-
rede.
Von auß
ſoͤhnung
der Tod-
ſchlaͤger
mit der
Ober-
keit. Darnach meinen jhrer viele/ die ſolcher Thaten ſchuͤldig ſein/
es gehen ſie die angedeuteten ſtraffen deß Todtſchlags nicht an/
werden auch dafuͤr wol ſicher ſein/ weil ſie von der Weltlichen
Oberkeit geduͤldet/ vnd mit derſelben außgeſoͤhnet ſein.

Ob nun wol Predigern nicht geziemet/ den Regenten ziel
vnd maß/ die Weltlichen Sachen vnd abſcheid belangend/ zu
geben: ſo gebuͤret jhnen doch/ auch dieſen Standt vnd jhr Re-
giment/ auff GOtt vnd ſein Wort zuweiſen/ vnd wo davon
abgewichen/ es auß Gottes Wort/ mit beſcheidenem ernſt/ vnd
ernſtlicher beſcheidenheit/ vnd gebuͤrlicher Reverentz vnd Ehrer-
bietung/ zu ſtraffen/ zu ermahnen/ vnd zuflehen/ daß doch nicht
wieder/ ſondern nach Gottes geoffenbahrtem Rechte/ vnd ernſtem
Gebot/ gerathſchlaget/ vnd in ſolchen hochwichtigen Sachen ge-
vrtheilet werde. Wie wir dauon eine ſchoͤne Jnſtruction auß
dem Andern Pſalmen Davids nehmen kuͤnnen/ da er ſagt:

Derowegen auch die Oberkeit/ tre-
Es ſte-
het nicht
in der
Oberkeit
macht/
mit den
[Todſchlaͤ-]
gern
durch die
f[i]nger
z[u ]ſehen.wen Predigern ſolches nicht verdencken kan noch muß. Nun
ſagt aber GOttes Wort/ daß die Oberkeit mit gutem gewiſſen/
die frevele vnd vorſetzliche Todtsſchlaͤger nicht kan paſſieren laſ-
ſen: Sondern es befiehlet vielmehr vnſer HErr GOtt/ wenn
ein ſolcher Thaͤter auch gleich in eine Freyſtadt/ ja gar in den
Tempel zu den Hoͤrnern deß Altars geflohen war/ ſo ſolle er doch
daſelbſt hergeholet vnd getoͤdtet werden. Denn alſo lautet
Gottes befehlich: Jm Andern Buch Moſis am 21: Capittel.

(oder auch mit vorſatz)

Alſo (im Vierdten Buch Moſis am 35. Capittel.
Num. 35.)‘Jhr ſolt keine verſoͤhnung nehmen vber die Seele
deß Todtſchlaͤgers/ denn er iſt deß Todts ſchuͤldig/
vnd
[] vnd er ſol deß Todts ſterben/’ (Jtem im fuͤnfften Buch
Moſis am Neunzehenden Capittel.)‘Deine Augen ſollen
ſeiner nicht [ſchonen]/ vnd ſolt das vnſchuͤldige Blut
aus Jſrael thun/ daß dirs wolgehe.’

Zu dem/ ſo drawet GOtt der Oberkeit ſelbſt/ da ſie das
Schwerdt/ ſo jhr vertrawet/ nicht mit gebuͤrendem eiffer wieder
die Todtſchlaͤger gebrauchet/ ſo wolle ers an jhr ſelbſt nicht vn-
gerochen laſſen. Wie denn bey dem Propheten (Jeremia am
48. Capittel) geſchrieben ſtehet.

denn ſie ſelbſt deß vergoſſenen Bluts ſchuͤldig fuͤr Gott geachtet
wird/ wenn ſie durch ernſte Ordnung vnd Straffen/ ſolchem
Vnheil nicht bey zeiten vorbawet. Jnmaſſen dauon eine Hi-
ſtoria/ ſo ſich an eines fuͤrnehmen Fuͤrſten Hoffe/ mit einem
HoffeSimpel oder Geck ſol zugetragen haben/ referieret wird.
Denn wie derſelbige von ſeinem Herrn gefraget/ waß er mit ei-
nem Gefangenen/ welcher nun den dritten Mordt begangen/
fuͤrnehmen ſolte: Soll der ſimpel Menſch geantwortet haben.
Herr du jrreſt dich/ denn der Gefangener hat nur den erſten
vmbgebracht/ die andern zween haſtu erwuͤrget. Denn hetteſtu
jhm gleich das erſte mahl ſein recht gethan/ ſo hette er der andern
zween keinen verletzen/ ſchweige gar vmbbringen/ oder erwuͤrgen
kuͤnnen. Diß ſey nun ſo geſchehen oder nicht/ ſo iſts dennoch
eine antwort von einem Narren/ welche wol zu mercken/ vnd
von allen Regenten in acht zunehmen iſt. Denn gewiß/
wo den Todtſchlaͤgen in einem orth alſo zugeſehen wird/ dieſelben nicht
allein geheuffet/ ſondern auch ein gantzes Landt geſchaͤndet/ vndNum. 35.
"
"
"
"
eine ſonſt loͤbliche Policey anruͤchtig gemachet/ Gottes zorn erwe-
cket/ ſein Segen dagegen entzogen/ vnd das zu beklagen vnd zu er-
barmen/ viel dadurch zu armen betruͤbten Witwen vnd Weiſen
gemachet werden/ welche zu Gott vber der Oberkeit nachleſſigkeit
D iij
ſchrejen
[]"ſchrejen vnd ſeufftzen/ vnd damit groß vngluͤck vber ſolche Ober-
"keit erbitten/ vnd zu wege bringen. Zugeſchweigen/ das GOtt
vmb vngeſtraffeter Todtſchlaͤge willen/ gantze Laͤnder zu verder-
Ezech. 33.ben gedrewet hat/ durch den Propheten Ezechiel am 33.
Capittel. Solchs auch Saul/ wie er deß verbanneten Amaleki-
1. Sam. 15ters Koͤnigs Agag: Jm erſten Buch Samuelis am 15. Capit-
tel/ vnd der Koͤnig Achab/ wie er der Syrer Koͤnig Benhadad/
wider Gottes befehl das [Leben geſchencket] hat/ im erſten Buch
(1. Sam. 20)der Koͤnige am 20. vnd 22. Capittel/ mit jhrem ſelbſt/ vnd jhrer
Vnderthanen groſſen Schaden/ erfahren haben. Denn alſo
ſpricht der HERR durch den Propheten zu Achab:
1. Sam. 22

Darumb eine
jede Chriſtliche Oberkeit mit guten Ordenungen/ vnd ernſten
ſtraffen/ daß jre wol thun mag. Da ſich alßdañ gleichwol die boͤſe
Welt dadurch nicht wolte regieren laſſen/ muß ſie nach dem exem-
pel der Jſraeliten/ vnd vorgeſchriebenem ſchoͤnen Formular im
5. Buch Moſis am 21. Capittel/ ſolches dem lieben GOtt im
fleiſſigen Gebet befehlen/ vnd zu GOTT ſeufftzen vnd beten:
HErr mein Gott/ der du mich zu einem Regenten
in dieſem Reich/ Landt/ oder Stadt verordnet
haſt/ du weiſt/ daß ich keinen gefallen/ an dem
Vnchriſtlichen Außfoddern/ Balgen/ Reuffen/
Schlagen vnd Morden trage/ weil ſich aber die-
ſelben vber allen meinen fleiß/ vnd verbot heuffen/
Deut. 2[1].ſo ſey doch gnaͤdig deinem Volck/ daß du HErr
erloͤſet haſt/ vnd lege nicht das vnſchuͤldige Blut/
Pſal. 51.auff diß dein Volck/ ſondern errete Mich vnd mei-
ne Vn-
[] ne [Vnterthanen] von den Blutſchulden/ Gott der
du mein GOtt vnd Heylandt biſt/ vnd gib mir
einen freidigen vnvertzagten Geiſt/ das Boͤſe zu
ſtraffen/ vnd zuvertilgen/ auff daß es mir vnd
meinen Vnterthanen wolgehen moͤge. Darumb
niemandt ſich darauff verlaſſen darff/ ob er ſchon ein zeitlang vn-
geſtraffet dahin gehet: daß er darumb fuͤr die/ von Gott ange-
dreweten ſtraffen/ dafern er ſich nicht bekehret vnd buſſe thut/
werde gefreyet ſein: Ach nein. Denn wie Gott ſolche nachleſ-
ſigkeit der Oberkeit nicht wil vngerochen laſſen/ alſo wird er ſol-
che frevele Leute auch wol wiſſen zu ſeiner zeit zufinden: vermoͤge
der ernſten drewung:

etc. Vnd ſo viel von dieſem dritten Stuͤck/ wie
wir den Kindern in der Sanfftmuth ſollen gleich werden/ vnd
waß wir dabey zu behalten haben.

Endtlich vnd zum Vierdten/ Wollen wir kuͤnfftig mit GottIV.
Wir muͤſ-
ſen den
Kindern
gleich
werden
im Ge-
horſam[.]
ewig leben/ muͤſſen wir in dieſem Leben den kleinen Kindern auch
gleich werden im Gehorſam. Denn gleich wie ein from-
mes Kindt/ ſeinen lieben Eltern gern vnd willig gehorſam iſt/
thut waß jhm befohlen/ leſt bleiben/ was jhm verbotten wird: ja
wenn es ſeinen Eltern an den augen anſehen konte/ waß ſie gerne
wollen/ ſo iſts fertig vnd bereit: auch da es etwan die Eltern zu
zorn bewogen/ vnd wegen vngehorſams geſteupet vnd geſtraffet
wird/ dennoch ſeine Eltern liebet/ vnd ruffet auch in dem es ge-
ſteupet wird/ Lieber Vater/ hertzen Mutter: Ja noch wol die
Ruthe kuͤſſet/ vnd ſagt/ danck habe liebe Ruthe/ du kanſt fromme
Kinder machen. Alſo muͤſſen wir vns auch kegen vnſerm Him-
liſchen Vater/ als gehorſame Kinder bezeigen/ beides in gluͤck
vnd
[] vnd vngluͤck. Jm Gluͤck zwar/ vnd wens vns wolgehet/ daß wir
vns halten nach ſeinem Wort: gerne thun/ waß er vns in dem-
Pſal. 119.ſelben befohlen/ laſſen/ waß er vns verbotten hat. Denn alſo
kuͤnnen wir Freunde/ ja Kinder Gottes werden/ wie der HErr
(Joh. 15.) Chriſtus ſagt (Johannis am 15. Capit:)Jhr ſeid meine Freunde/
ſo jhr thut/ waß ich euch gebiete. Vnd (Mathæi am 7.) ſpricht
(Matt. 7.)er.

daß iſt/ die jhm gehorſam ſein/ ſein Wort
gerne hoͤren/ in jhrem Ampt vnd Beruff fleiſſig ſein/ ſich fuͤr
Suͤnden wider das gewiſſen huͤten/ vñ durch krafft deß H. Geiſtes
befleiſſigen/ Gott jhrem Himliſchen Vater zu dienen/ in Heilig-
keit vnd Gerechtigkeit/ die jhm gefellig iſt.

Alſo muͤſſen wir im Vngluͤck/ vnd wenn vns vnſer Himli-
ſcher Vater ein Creutz zuſchicket/ vnd vns wegen vnſers vnge-
horſams vnd Suͤnden zuͤchtiget vnd [Heimſuchet]/ vns nicht
vngehorſam kegen jhm anſtellen/ ſondern auch ſolchem ſeinem
Vaͤterlichen willen gehorſamblich ergeben: Nehmet auff die
ſtraffe williglich/ daß nicht erzuͤrne der HErre/ ſingen wir/ vnd
(Mich. 7.)mit dem Propheten Michæa ſagen lernen:

Es
ſchicke vns demnach der liebe Gott zu/ waß jhm gefellet/ er lege
vns eine Kranckheit auff/ er laſſe ein vnvermuthlich Vngluͤck
vber vns kommen/ daß wir dauon muͤſſen/ wenn wirs am we-
nigſten gehoffet hetten/ Er nehme vns die vnſerigen an der ſei-
ten ploͤtzlich vnd vnverſehend hinwegk/ er mache eine zur Wit-
wen/ andere zu armen Weiſelein/ er betruͤbe vns auff andere we-
ge vnd weiſe/ wie denn das Creutz viel vnd mancherley iſt vnd
ſein kan/ Ey ſey deinem lieben Himliſchen Vater ein gehorſames
Kindt/ nim dein Creutz welches er dir aufferlegt/ auff dich/ trage
es dem HErrn gehorſamlich nach/ vnd ſetze daß vertrawen zu
jhm/ Er/ alß dein rechter Vater/ werde dich alß ſein liebes gehor-
ſahmes
[] ſahmes Kindt/ nicht verſuchen vber dein vermoͤgen/ ſondern ma-1. Cor. 10.
chen/ daß die verſuchung ein ſolch ende gewinne/ daß du es kuͤn-Rom.[8].
neſt ertragen. Denn es muß den Gleubigen alles dienen zu gut/
es ſey gut oder boͤſe/ darumb ſo habe nur einen guten muth/ Gott
wird dich ehrlich loͤſen/ ſprich nur wie muß das Ruͤtelein/ ſo heil-
ſam vnd ſo nuͤtze ſein/ weil es ſchicket mein lieber Vater. Denn
wie der alte Lehrer gar ſchoͤn ſagt:

Du biſt dennoch mein lieber Himliſcher Vater/ du Lieb-
koſeſt mit mir/ vnd ſchickeſt mir ein gluͤck zu/ oder zuͤchtigeſt mich/
vnd verhengeſt ein vngluͤck vber mir. Beides weiß ich/ daß mir
zum beſten dienen muß. Freundtlich erzeigeſtu dich/ damit Jch
in Vngluͤck nicht gar danieder liege: Zoͤrnig aber vnd hart ſtel-
leſtu dich/ damit ich im Gluͤcke mich nicht erhebe/ vnd ſelbſt ins
verderben ſtuͤrtze. Thun wir daß/ ſo ſollen wir hinwieder gewiſ-
ſe ſein/ daß wie ein jrrdiſcher Vater/ fuͤr ſeine liebe gehorſahme
Kinder ſorget/ ſie in noͤthen nicht verleſt/ ja ſie endtlich zu Erben
aller ſeiner guͤter machet/ alſo werde auch vnſer Himliſcher Vater
fuͤr vns ſorgen/ das vns nicht mangeln moͤge an jrgends einemPſal. 34.
Gut/ vns ſegnen mit allerley Geiſtlichen Segen in Himli-Epheſ. 1.
ſchen Gutern: vns in vnſern noͤthen/ die vns nach ſeinem wil-
len etwan treffen moͤgen/ nicht verlaſſen/ ſondern ſeiner zuſage
nach/ bey vns ſein/ vns herauß reiſſen/ vnd zu Ehren machen/Pſal. 91.
vns ſaͤttigen mit langem Leben/ vnd vns erzeigen ſein Heil: Vnd
endtlich auß gnaden ererben laſſen alle Himliſche Guͤter/ jaMatt. 25
das Reich/ welches er ſeinen Außerwehleten von Anbegin der
Welt her bereitet hat:

Vnd ſo viel vom abgeleſenem Text/ wie wir vn-
ſer Leben alſo anſtellen moͤgen/ daß wir wahre Kinder GOttes
ſein moͤgen/ hie Zeitlich/ vnd hernach Ewiglich. Nemblich
E
wir
[] wir muͤſſen den kleinen Kinderlein gleich werden. 1. Jn
Chriſtlicher Auffrichtigkeit vnd Gleubiger einfalt. 2. Jn
wahrer Demuth. 3. Jn Sanfftmuth. 4. Jm Gehor-
ſamb/ etc.