DVrchleuchtige/ Hochgeborne/
Gnaͤdige Fuͤrſtē vnd Herren/ wañ die
H Goͤttliche Schrifft/ im Buch der Weiß-Cap. 13.
heit/ bezeuget/ daß Gott der HErr
aller Schoͤne Schoͤpfer/ Meiſter/ vñ Bereiter/
vnd ſolches an ſeinen Wercken zu erkennen ſey/ wil ſie
hiermit allerley menſchliches Standes Perſonen in
dieſe gegenwertige ſichtbare Welt/ alſo vnd zu die-
(a) ijſem
[]Vorrede.
ſem intent einfuriret haben/ daß man bey taͤglicher
Genieſſung vnd Gebrauch der ſamptlichen Geſchoͤpffe
Gottes ſelbige aus rechten Menſchlichen Verſtand je
lenger je nach dencklicher betrachten lernen ſoll. Wel-
ches wann es geſchicht/ wird man nach befindung/
auch zugleich bezeugen muͤſſen/ daß ſolche Mundi Fa-
brica, das iſt/ zubereitung Himmels/ Erden/ vnd
aller darin beſchloſſenen Dinge/ eigentlich eine rechte
Kunſt Kammer Gottes des HErrn ſey/ darinnen
beydes/ als/ Myſteria, viel Geheimnisreiche Din-
ge/ Gottes Weißheit vnd Allmacht zu erkennen/ vnd
auch Miniſteria, viel zur Wolfart nuͤtzliche vnd dien-
liche dinge ſeind/ Gottes vaͤterliche Lieb vnd Guͤtig-
keit zu preiſen. Ob aber nun wol Gottes des HErrn
Weißheit weder gruͤndlich erforſchet/ noch auch deſ-
ſen Guͤtigkeit gnugſam geruͤhmet werden mag: Je-
doch ſo wil dieſes des Menſchen fuͤrnehmſte Gebuͤhr
eine ſeyn/ daß er nicht nachlaſſen ſol/ ſolchem nachzu-
dencken/ vnnd in ſolcher Kunſt Kammer GOTtes
(welche freylich maximæ conſiderationis iſt) mit rech-
tem Verſtandt ſich vmbzuſehen.

Da jhme denn fuͤrkommen vnd ſich præſentiren
werden/ erſtlich/ Naturæ ludentis jucunda ſpectacula,
das iſt/ viel liebliche Schawſpiel oder Spielarbeit der
Natur/ als welche ohne Menſchen Haͤnde alſo zube-
reitet: vnd/

Fuͤrs ander/ Artis laborioſæ præclara opera, das iſt/
viel treffliche Werck der arbeitſamen Kunſt/ als wel-
che durch Menſchen Haͤnde außgekuͤnſtelt ſeind.

Gleich wie aber nun Gott der HErr/ mit dem
Wercke der Schoͤpffung fuͤrgehet/ vnd alle ſeine Cre-
aturen fuͤrnehmlich des Menſchen Wolfarth zu gu-
ten kommen leſt: Alſo ſollen billich der Menſchen
Haͤndewercke vnnd Kuͤnſtlereyen/ auch zu Menſchli-
chen lebens wolfertigem Gebrauch vnnd Nutzung
dienlich vnd behuͤlfflich ſeyn. Welches weil es Got-
tes H. Wort/ auch der Menſchliche Wandel des zeit-
lichen lebens ſelbſten erfodert/ als kan es nicht fuͤr
vnnoͤtig geachtet werden/ ſelbiges in etwas gruͤndli-
chere Betrachtung zu ziehen/ darzu deñ dieſes Werck-
lein auch gemeinet iſt.

Weiln denn/ Durchleuchtige/ Hochgeborne
Fuͤrſten/ Gnaͤdige Herren E.E.E.E. F.F.F.F. G.
G. G. G. Hochloͤblichſte Vorfahren/ Chur- vnnd
Fuͤrſten zu Sachſen/ eine ſo gantz Herrliche/ Fuͤr-
treffliche Kunſt Kammer zu Dreßden angerichtet/
in welchem Theatro viel kuͤnſtliche Arbeit (wie auchExod. 35.
2. Chron. 2,
Sapient. 7.
\& alibi.
die H. Schrifft von dergleichen redet) mit verwun-
derung zu ſchawen/ fuͤrhanden ſeind/ vnd gezeiget wer-
den/ auch ſolcher Ort weit vnnd breit deßwegen be-
ruͤmbt/ vnnd ein ſonderbares Merckzeichen iſt/ daß
nicht allein deroſelben E. E. E. E. F. F. F. F. G. G.
G. G. hoͤchſt geehrter Vorfahren Gemuͤther/ zu
Kunſt vnd kuͤnſtlichen Wercken recht Fuͤrſtliche belie-
ben vnd zuneigung getragen/ ſondern daß auch E.
E. E. E. F. F. F. F. G. G. G. G. in gleichen loͤblichen
Fußſtapffen fort zu ſchreiten (nemlich/ Kunſt vnd
kuͤnſtliche Wercke zu lieben vnd befoͤrdern) gedencken/
darzu ſie denn auch von den Gnaden Gottes/ mit ei-
(a) iijnem
[]Vorrede.
nen Guͤldinen Fußboden oder Schemel (wie von Koͤ-
2. Cron. 9.nigs Salomonis Sitzthron gemeldet wird) das iſt/
mit ſolchem vermoͤgen geſegnet ſeind/ etwas auff loͤ-
bliche vnd nuͤtzliche Kuͤnſte zu wendẽ. Als habe ſolche
beydes der kuͤnſtlichen vnd auch gemeinen Handwer-
cke/ allgemeine Betrachtung/ vnter der Vberſchrifft
Das Hand-
werck hat ein
Guͤlden Bo-
den.des Guͤldenen Handwercksbodens (nach dem
alten wahren Ehrn Wort alſo genant) E. E. E. E.
F. F. F. F. G. G. G. G. ich dediciren vñ vnterthanigſt
præſentiren wollen/ demuͤtig bittend/ E. E. E. E.
F. F. F. F. G. G. G. G. geruhen jhnen ſolches Gnaͤ-
dig belieben zu laſſen/ auch hertzlichſt wuͤndſchend/
Gott der Allmaͤchtige wolle/ ſampt derſelben Churf.
hoͤchſtgeehrten vaͤterlichen Liebden/ E. E. E. E. F. F.
F. F. G. G. G. G. in dieſer vnd kuͤnfftiger Zeit/ mit
ſeinem H. Geiſt regieren/ mit ſeinen H Engeln be-
leiten/ vnd mit ſeiner Vaterlichen Hand ſchuͤtzen vnd
Segnen/ mit allen Geiſt vnd Leiblichen zunehmem
vnd gedeylichen wolergehen. Leipzig/ den 1. Febr.
nach Chriſti vnſers Erloͤſers Geburt/ Im 1629. Jahr.

E. E. E. E. F. F. F. F. G. G. G. G.
Vnterthaͤnigſter
M. Paul Kentz. Autor.

An den goͤnſtigen Leſer.

Dieweil etliche Woͤrter vnd allegata in drucken verſehen/ vnd vnge-
legenheit halben nicht alles corrigiret worden/ als wolle der verſtaͤndige
Leſer fuͤrkommende errata vnd fe [...]ler ſelbſten goͤnſtiglich
endern vnd beſſern.

Cap. I.
Von Arbeit vnd Muͤſſiggang
ins gemein.

DAvid der Koͤnigliche Prophet/Pſal 123.
\& Sap.
13.
im 123. Pſalm/ thut die Vermahnung/
daß/ wie die Augen der Knechte vnnd
Maͤgde auff die Haͤnde jhrer Herꝛen vnd
Frauen ſehen: Alſo ſollen auch vnſer
Augen auff GOtt den HERRN/
vnd auff die Wercke ſeiner Haͤnde achtung haben. Wenn
wir nun das thun/ ſo befinden wir/ daß GOtt der HERR
nicht muͤſſig ſey/ ſondern wie in Erſchaffung/ alſo auch in
Erhaltung ſeines Geſchoͤpffs/ Himmels/ Erden vnd aller
anderer Creaturen/ bißher wircke/ wie auch ſein lieber Sohn/
vnſer HERR vnd Heyland bezeuget/ im Evangelio, AußJohan. 5.
welchem wir denn zu mercken/ daß die Menſchen/ als zu
GOttes Bilde erſchaffen/ von jhme ſollen arbeiten/ die
Haͤnde gebrauchen/ vnnd mit denſelben etwas redlichs
ſchaffen vnnd wercken/ den Muͤſſiggang aber fliehen vnd
vnd meyden lernen/ darzu wir denn auch ſonſten auß Hei-
liger Schrifft offtmals vermahnet werden.

Ob aber ſchon die Arbeit mancherley/ jedoch ſo iſt die
AHand-
[2]Von Arbeit vnd Muͤſſiggang
Handarbeit die gebraͤuchlichſte vnd gemeineſte. Daher ge-
ſagt wird: Homini manus laborandi causâ conceſſa, ut
ala volucri volandi causâ. Das iſt: Dem Menſchen ſeynd
die Haͤnde zur Arbeit/ wie die Fluͤgel dem Vogel zum flie-
De opific.
Dei, cap.
5. \& 10.gen angeſchaffen. Vnd Lactantius ſagt: Homini manus
ad faciendum operandumq́; ſunt natæ: Vnd ferꝛner:
Hominis manus rationis ac ſapientiæ miniſtræ ſunt,
ſicut ſpeciei decoræ, ita utilitatis quoq́; maximæ, o-
mnem tenendi faciendiq́; rationem tenentes. Das iſt:
Deß Menſchen Haͤnde ſeynd Dienerin der Vernunfft vnd
Weißheit/ haben eine ſchoͤne bequeme Geſtallt/ vnd groſſen
Lib. de
propriet.
rerum, ex
Iſidoro.Nutzen/ als mit welchen man alles halten/ machen vnd ar-
beiten kan. Vnd Barthol. Anglicus, ſagt: Manus dici-
tur, quòd ſit totius corporis munus, das iſt: Der Hand
Ampt iſt/ den gantzen Leib Handhaben/ vnd demſelben fuͤr-
ſtehen. Vnd Cœlius Rhodig. Manuum beneficio atq́;
Ant. Lec.
l. 2. c. 23.artificio naturæ ſupellectilem undique nobis vendica-
mus: \& quicquid ferè mundi vaſtitas complectitur,
manuum ſolertiâ noſtri fit juris. Das iſt: Der gantzen
Natur zugehoͤr/ ja was in der weiten Welt iſt/ kan man
durch der Haͤnde Arbeit/ Dienſt vnd Huͤlff uͤberkommen.
Derowegen ſie auch nicht laͤſſig/ ſondern fleiſſig ſeyn/ vnnd
Prov. 10.etwas zu arbeiten haben ſollen. Vnd weil alſo die Natur
will arbeitende Haͤnde haben/ der Menſch auch ſolche
membra \& inſtrumenta, das iſt/ tuͤchtige Gliedmaſſen
hat zu arbeiten/ vnnd inſonderheit erſchaffen nicht zur
Faulkeit vnd Muͤſſiggang/ ſondern etwas zu thun/ arbei-
ten vnd Handthieren/ ſo ſtehet einem freyen guten Gemuͤth
nichts beſſers an/ denn daſſelbige noch beſſer zieren/ alſo/
die Sinne vnnd Vernunfft zwar/ mit guten Kuͤnſten vnnd
Wiſſenſchafften/ den Leib aber vnd die Haͤnde mit Kuͤnſtli-
cher
[3]ins gemein. Cap. I.
cher nutzlicher Arbeit zu uͤben. Fuͤrnemlich aber will Gott
der HErꝛ dem Menſchen/ auß groſſen vnnd wichtigen Vr-
ſachen ſolche Hand/ vnd Leibs-Arbeit aufferlegt haben/ als
nemblich:

Erſtlich/ vmb der Suͤnde willen/ deren wir vns in vn-1.
ſer Angſt/ der Leibs Arbeit vnd Naſenſchweiß zu erinnern/
vnd vrſachen/ ſelbige zu beweinen/ haben ſollen/ vnd das we-
gen Verbrechung vnd Vngehorſams gegen das ernſtliche
Verbot Gottes/ weil die erſte Menſchen/ Adam vnd Eva/
jhre Haͤnde zur Verbottenen Frucht außgeſtreckt/ wir der-
ſelben Nachkommen von dannenhero/ vnnd biß ans Ende
der Welt/ vnſere Haͤnde mit arbeitſamen Kummer bela-
den/ das Leben mit vnd in der Arbeit hinbringen vnd erhal-
ten ſollen. Vnd weil der Leib vnd deſſelben Glieder/ in vie-
len ſtuͤcken der Suͤnden Knecht ſeynd: Vnd jhren willen off-
termals thun/ mit der Haͤnde werck Gott erzuͤrnen/ vnd viel
dings mit Gottloſen Haͤnden gemacht wiꝛd: So muß der LeibSapient.
15 Cap.
Prediger
Salom:
Cap. 6. v. 7.
Syac. 7. v. [...].
hinwiderumb gleichſam zu einer zeitlichen Buß mit arbei-
ten ſich mergeln/ vnd abmatten: Darumb ſo laut et es auch
alſo: Arbeit iſt einem jeglichen aufferlegt. vnd: Ob dirs ſauer
wird mit deiner Arbeit/ das laß dich nit verdrieſſen/ deñ Gott
hats ſo geſchaffen. Vnd nach dem alten dicterio: Per quod
quis peccat, per idem punitur. das iſt: Wormit einer uͤber-
trit/ darmit muß er auch buͤſen.

Daheꝛ vermahnet der H. Beꝛnhaꝛdus: Laborantibus mas
nibus etiammens ſuo operi ſit intenta, neq́ vacet ocio, ſed
cauſam laboris cogitet in labore, ut ipſa ei pœna, quam pa-
titur, culpam, pro quapatitur, repræſentet. Das iſt: In der
Leibs vnnd Hand Arbeit/ ſoll man auch an die vervrſachung
der Arbeit/ welche iſt die Suͤnde gedencken/ damit wir bey der
Straffe/ auch die Schuld erkennen moͤgen.

Zum andern/ vmb vnſers Leibs vnd Lebens Nutzen vnd
Geſundheit willen. Denn die da arbeiten/ vnd etwas gewiſ-
ſes fuͤrnemen/ vnd zu thun haben/ bleiben deſto laͤnger bey jh-
res Leibs Staͤrcke vnd Geſundheit: Durch die Arbeit werden
die vbrige humores od’ feuchtigkeiten fein verzehꝛet/ vnd ſeynd
die Arbeitſame vnd vnmuͤſſige Leute den Fluͤſſen weniger vn-
terworffen/ denn andere muͤſſige vnd Faulentzer/ gleich wie
auch die ſtehende Waſſer faͤuler vnd ſtinckender ſeynd/ denn
die flieſende Ja es ſchmeckt vnd bekom̃t auch einem Arbeitſa-
men das Eſſen/ Trincken/ vnd der Schlaff wol/ denn er jſſet
Cap. 5.hungerig/ trincket durſtig/ vnd ſchlaͤfft muͤde; wie der Predi-
ger Salome ſagt: Wer arbeitet/ dem iſt der Schlaff ſuͤſſe.

Dionyſius der Tyrann in Sicilia, beſtellet einsmals
einen Laconiſchen Koch (welche Leute hart zu arbeiten vnd
ſchlecht zu leben gewohnet waren) vnd begehrte bald/ er ſol-
te jhm ein gut Gericht Eſſen auff Laconiſch machen; Der
Koch thete es. Als aber Dionyſius ſolches Eſſen koſtet/ vnd
jhme nicht wol ſchmeckete/ verwundert Er ſich vnd fragte/
was doch die Lacedemonter vor Luſt an ſolchem Eſſen hetten?
Darauff jhme der Koch antwortet vnd ſagt: Olieber Koͤnig/
es mangelt dieſem Eſſen nichts/ denn die rechte Lacontſche
Wuͤrtze/ das iſt/ daß du deinen Leib nicht zuvor/ wie die Laco-
ner/ wol geuͤbet/ oder außgearbeitet; Denn jhnen das Eſſen
nur auff Hand vnd Leibearbeit wol ſchmecket vnd bekom̃et.

Zum dritten/ vmb der Nahrung willen. Deñ ob wol Gott
d’ Herꝛ vns auch ohne vnſere Arbeit vnd Muͤhe/ allezeit koͤn-
te ernehren/ vnd beſcheren/ was zur Leibes vnd Lebens vnter-
haltung nothduͤrfftig iſt/ wie es jhme keine Kunſt iſt/ vnd offt
Geneſ. 1.
\& c.
S [...]ed. 16.bewieſen worden/ auch die H. Schrifft es bezeuget/ in der er-
ſten Schoͤpffung/ mit dem Manna oder Him̃elbrod/ Wach-
teln/ vnd andern Exempeln. So will ers doch nicht thun/ ſon-
dern
[5]ins geméin. Cap. I.
dern verkaufftvns (wie auch die klugen Heyden hievon geredDij labe
ribus ve-
dunt ſua
bona.
Pſal. 127.
\&, 128.
Citante
Theatro
vrbium.
Proverb.
10 \& 14.
Pſal. 128.
Geneſ 3.
Eccleſi. 9.
Glo. Luth.
tom 12.
ger. Wit.
fol. 146.
Eſa. 4.
IV.
haben) ſeine Gaben vnd Segen vmb vnſer Arbeit/ daß man
alſo/ wie durch andere/ alſo auch durch die Hand Arbeit die
Nahrung haben moͤge/ Krafft ſeines Segens/ der dabey ſeyn
will. Muͤſſen vnd ſollen alſo (wie Florian. de Campo ſchreibt)
Muͤhe vnd Arbeit ins gemein die mittel ſeyn/ deß Menſchlt-
chen Lebens wolfarth: (Labor \& exercitatio omniũ huma-
norum bonorum ſunt jnſtrumẽta) Daher auch die Schrifft
ſagt: Laͤſſige Hand macht arm/ aber fleiſſige Hand macht
reich. Item: Wo man arbeitet/ da iſt genug. Vnd: Du wirſt
dich nehren deiner Hand Arbeit. Vnd ſoll ſeine Nahrung ein
jeder mit eigner Hand ſuchen/ erarbeiten/ vnd gewinnen/ daß
er im Schweiß ſeines (nicht eines andern) Angeſichts ſein
Brodt eſſen moͤge/ das iſt: Welches du mit deiner Arbeit er-
worden haſt; Alſo ſagt auch Eſaias: Wir woͤllen vnſer
Brodt Eſſen.

Zum vierdten/ Will Gott durch vnſer muͤhe vnd Arbeit/
ſo wir auff dem Halſe in vnſerm Beruff haben/ der uͤbrigen
Suͤnde/ ſo noch in vns iſt/ geſteuret vnd gewehret/ vnd vnſer
Fleiſch vnd Blut/ oder/ den Alten jrꝛdiſchen Adam/ noch taͤg-
lich/ dieweil wir auff Erden leben/ getoͤdtet haben/ vnd vns
zum neuen vnd ewigen Leben/ nach dem neuen vnd Him̃li-
ſchen Adam/ gleich zu bereiten laſſen/ vnd ein ſehnliches ver-Syrac. 33.
Pſal. 128.
langen/ von dieſer Welt abzuſcheiden/ in vns erwecken/ ꝛc.
Deñ wie der Muͤſſigang viel boͤſes lehꝛt: Alſo lehꝛt die Leibs
vnd ander Arbeit eines ehrlichen Beruffs viel guts.

Daher ſagt Augnſtinus: Propter hoc de Paradyſo pri-
mus parens Adam eiectus habitavit contra Eden, id eſt, con-
træ ſedem deliciarum, ut per hoc ſignaretur, quod in labori-
bus qui ſunt deliciis contrarii, erudienda eſſet caro peccati.
Das iſt: Darumb iſt der erſte Menſch auß dem Paradeiß ge-
A iijtrieben
[6]Von Arbeit vnd Muͤſſiggang
trieben/ vnd hat gegen Eden/ das iſt/ gegen den wolluͤſten uͤ-
ber/ vnd von denſelben abgeſondert wohnen muͤſſen/ anzuzei-
gen/ daß das Suͤndliche Fleiſch durch Leibsarbeit muͤſſe zum
guten abgerichtet werden.

Wer nun alſo arbeitet/ der thut recht vnd wol/ vnd kan
vnd ſoll es gut haben/ folget hierinnen Gottes willen vnd
befehl/ behelt Gott zum Freund/ vnd die H. Engel zu Waͤch-
tern: Vnd vergehen hiermit/ viel boͤſe Gedancken/ Vorne-
men vnd Luͤſte/ welche ſich ſonſten bey Muͤſſiggaͤngern/
finden zu Suͤnden/ Schanden vnnd vielen Vnrechten.
Wie Ambroſius ſagt: Qui laboribus inſiſtunt, decli-
nantà malis cogitationibus, das iſt: Wo man ſich begibt auff
Arbeit/ da weichen boͤß gedancken weit. Vnd Bernhardus
ſchreibt: Superni cives ſæpè laborantes dignantur ſuo allo-
quio, das iſt: Die H. Engel ſeynd offt den Aꝛbeitendẽ erſchie-
nen/ mit freundlichẽ zuſpꝛechen. Vnd es beweiſet ſich taͤglich
allzuwaar/ was geſagt wird: Ocia dant vitia. Et: Homines
nihilagendo, malè agere diſcunt. Et: Res age, tut us eris.

Das iſt:

Daher H. Lutherus ſagt: Mann ſoll zwar arbeiten/ vmb
zeitlich Gut vnd Nahrung/ aber die Arbeit ſoll mehr geſche-
hen/ Gott darinnen zu dienen/ vnd Muͤſſiggang zu meyden/
vnd ſeinem Gebot genug zuthun/ als er zu Adam ſagt: Im
Geneſ. 3.Schweiß deines Angeſichts/ ſolt du dein Brodt eſſen: Vnd
Syrach
[7]ins gemein. Cap. I.
Syrach: Gott hats ſo geſchaffen. Was ander vnd mehꝛ Vr-Cap. 7.
ſachen betrifft/ koͤnnen ſelbige leichtlich vnter dieſe erzelte ge-
zogen werden.

Iſt alſo gewiß/ daß Gott dem Menſchen auch darumb
den Verſtand gegeben/ ſich auff mancherley nothwendige
Kuͤnſte/ Arbeit/ Hanthierung vnd Gewerck zubegeben/ damit
die Menſchen nicht durch Muͤſſiggang/ faule/ vnuͤtze/ vnar-
tige/ ja Gottloſe Leute wuͤrden.

Vnd darauß ſihet man/ wie nuͤtzlich vnd noͤttig vns die
Leibs vnd andere Arbeit iſt/ ſo vns Gott aufferlegt hat. Aber
mehrertheil haſſet vnd ſleucht die Arbeit/ vnd iſt zum Muͤſſig-Terentius.
gang/ Fuͤrwitz vnd Geilheit genaigt vnd abgericht/ wie auch
dort der Heyde ſagt: Omnes proclives ſumus ad otium. Dar-
umb findet man auch ſo viel Leute/ die nur murren vñ kurren/
fluchen vnd ſchelten auff die Arbeit/ vnd es fuͤr Marter hal-
ten/ wenn ſie arbeiten ſollen/ zumal/ wenn es jhnen ein wenigCap. 7.
ſauer wird (wie Syrach ſagt) vnd jhres gefallens nicht alsbaldMath. in
Sarepta.
von ſtatten gehet. Aber eben darumb ſoll man auff den Stiff-
ter der Arbeit ſehen/ welcher iſt/ GOtt der HErꝛ: Denn der
Teuffel hat die Aꝛbeit nicht eꝛdacht/ wie offtmals Gottloſe vn-
bedachtſame Leute auß Faulkeit ſagen/ ſondern er iſt deß Muͤſ-
ſiggangs vnd Faullentzens Stiffter/ dadurch die Leute offt
muͤſſen in allerley vngemach/ Suͤnde/ Schande vñ Schadẽ/Ambroſ.
Ocium
pulvinar
Satanæ.
an Leib vnd Seel kommen vnd gebracht werden: Wie er ſich
denn auch eben darumb gar gern zu muͤſſigen Leuten geſel-
let/ vnd bey jhnen zuthun hat. Daher jener Gottſelige recht
gerathen: Laborandum \& agendum aliquid eſſe, ut Diabolus
nos occupatos inveniat. Das iſt: Man ſoll etwas zu arbeiten
fuͤrhaben/ dawit vns der Teuffel nicht muͤſſig finde.

Alſo iſt vnd bleibt Gott der HErꝛ ſelbſten ein Stiffter
vnd Anſchicker der Arbeit/ der hat dem Menſchlichen Ge-
ſchlecht/
[8]Von Arbeit vnd Muͤſſiggang
ſchlecht/ nach dem Fall/ zur ſtraffe der Suͤnden/ den Leib bey
Geſundheit zu erhalten/ Nahrung zugewinnen/ ſeinem Ge-
bot vnd Befehl zu gehorſamen vnd vmb anderer oberzelten
Act 20.
2. Theſa 3.
8. Theſa, 4.Vrſachen willen/ die Arbeit aufferlegt/ vnd ſoll heiſſen: Man
ſoll arbeiten/ vnd: So jemand nicht will arbeiten/ der ſoll auch
nicht eſſen: Ja mit eignen Haͤnden ſoll man arbeiten vnd et-
was ſchaffen/ nicht allein zur Nahrung fuͤr ſich/ vnd die ſeint-
gen/ ſondern auch dem Duͤrfftigen etwas von dem uͤbrigen zu
Sleidanus
\& eius
comtinua-
ltor.geben vnd mitzutheilen. Vnd haben bißhero vnd zu vnſern
Zeiten/ an etlichen orten die Widertaͤuffer deſto ehe Platz vñ
Vnterſchleiff bekommen/ weil ſie arbeitſam vnd ſich nicht be-
geren feyrend oder muͤſſig/ ſondern mit der Handarbeit zu
ernehren.

Daher rathen die Pelicey Verſtaͤndige; Ocioſorum ho-
minum numerum, qui nec bello, nec pace ullis artibus aut
diſciplinis implicantur, è civitatibus exterminare, aut pu-
blicis operibus urgere, neceſſe eſt [...]cum nullo in ordine collocari
poſſint, eoq́ magis, ſi nihil habeant, unde ocioſam vitam tu-
eripoſſint. Das iſt: Maͤſſige vnnuͤtze Leute/ die weder zu
Kriegs noch Friedes Zeiten/ etwas tuͤglichs koͤñen/ noch etwa
zu gebrauchen ſeynd/ ſoll man außmuſtern vnd abſchaffen/
wo ſie ſonderlich nichts ehrliches zuverzehren haben/ oder die
Nahrung erarbeiten koͤnnen. Vor zeiten war in India der
gebrauch bey den Gymnoſophiſten, daß der jenige muſte zu
Nachts vngeſſen nidergehen/ welcher denſelben Tagden ge-
Chronie.
Adam
Henric.
Petri. vnd
Niderlaͤn-
diſche
Schiffar-
ten.meinen Nutzen nicht mit etwas gebeſſert hatte/ durch Gewerb
oder Handtweꝛck. Vnd noch heutiges Tags in den Oſtindia-
niſchen Koͤnigreich China, wird neben anderer guter Policey/
ſondeꝛlich auch daꝛauff geſehẽ/ daß niemand muͤſſig gehe: Vñ
welche alſo betretten/ werden außgemuſtert auß der Stat vnd
gantzem Land; Sondern es muͤſſen alle vnd jederman von ge-
mei-
[9]ihs gemein. Cap. I.
meinem Volck entweder einem andern dienen/ oder etwas
Handthieren vnd arbeiten/ ſich darmit zu nehren/ wird auch
der Wucher niemand verſtattet/ als denen/ welche am Leib
Gepreſthafft/ Vngeſund/ Blind/ Lahm/ vnd ſehr alt/ oder
dergleichen etlichen/ welche ſich ſonſten nicht koͤnnen erhal-
ten oder hinbringen. Ja es muͤſſen bey den Chineſern vnndOſtindial
niſch ſchif-
farten.
vielen Oſtindianern keine Bettler ſeyn/ ſondern alle Arme/
Geſunde vnd Starcke/ auch Blinde/ muͤſſen arbeiten/ was
ſie thun koͤnnen/ Farb reiben/ Blaßbaͤlck ziehen oder tret-
ten/ Oel vnd Wein auß preſſen/ auß Palmenbaͤumen vnnd
andern Gewaͤchs/ Laſt uͤber Feld tragen/ vnnd dergleichen
Arbeit thun.

Alſo auch bey den Tuͤrcken/ wer ins gemein Paß habenHeinr.
Müller,
hiſtor.
Ture.
will/ muß dienen/ oder Handthieren mit Gewerb/ oder
Handwerck treiben; Vnd gibt man bey jhnen gute acht auff
die Faullentzer vñ Muͤſſiggaͤnger/ ſonderlich die nichts Ehr-
liches zu verzehren haben/ dieſe halten ſie ſehr verdaͤchtig.

Von Barſalon (Barcellona) der ſchoͤnſten Staͤtte ei-Theata
urb.
ner in Spanien/ melden die Scribenten/ daß ſie vor Jahren
dieſen Ruhm gehabt/ daß jedermann von gemeinem Volck
daſelbſten ſich einer Ehrlichen Nahrung befliſſen/ durch Ge-
werbe oder Handgewercke/ vnd niemand daſelbſten muͤſſig
geweſen. Vnd wird ſonderlich geruͤhmet/ daß daſelbſten
kein boͤſer noch Armer/ ſondern eytel Fromme
vnd reiche Leute gefunden worden. Vnd von einerL. Ma-
rin Sicul.
Abr. Or-
tel. in
Theat.
Orb.
andern Spaniſchen Statt/ Burges/ ſchreibt man/ daß
derſelben gemeine Einwohner nicht Muͤſſiggaͤnger ſeynd/
ſondern alle Manns vnnd Weibsperſonen/ mit Handar-
beit ſich ſtattlich nehren/ vnnd dahero deſto Ehrlicher ge-
halten werden. Das gemeine Volck in Reuſſen oder
BMoſkau/
[10]Von Arbeit vnd Muͤſſiggang
Moſkau/ ſagen: Daß feyren vnnd muͤſſiggehen/ groſſen
Herꝛen gezieme/ ſie aber arbeiten/ auch offt an Sontagen.
Theatr.
urb.Die ſchoͤne Statt Herderwigk in Geldern/ hat den Ruhm/
daß ſie muͤſſigen Leuten feind ſey/ vnnd ſelbige nicht dulden
koͤnne/ ja ins gemein hat das gantze Niderland den Ruhm/
daß es von Kindheit auff/ arbeitſam Volck habe/ wie ſol-
Val. Max
\& alii.ches auch die erfahrung bezeuget. Ja den alten Edlen Roͤ-
mern klingts noch heutigs Tags wol nach; quod attritæ ope-
re ruſtice manus ſalutem publicam ſtabilierunt. Das iſt/
daß jhre grobe baͤueriſche arbeitſame Haͤnde die gemeine
Wolfahrt erhalten. Item: Manus calloſa nulli probro, ſed
laudi. Das iſt: Arbeitſame Hand iſt keinem Schand. Da-
her iſts auch dem Roͤmiſchen Naſicæ uͤbel auffgenommen/
vnd ſeines Ehrenſtandts deßhalben entſetzet worden/ weil er
An ma-
nibus am-
bularet?einen andern Roͤmiſchen Herꝛn/ welcher arbeitſame Haͤnde
gehabt/ ſpoͤttlich gefraget: Ob er auff den Haͤnden/ wie auff
den Fuͤſſen gienge? Die beruͤhmte Statt Antwerp oder An-
torff in Braband/ fuͤhrt neben andern auch zwo Haͤnde in
jhrem Wappen/ welches etliche auff vnterſchiedliche Vrſa-
chen vnd weiſe deuten/ vnter andern auch hier auff/ daß ſelbi-
ges Statt Volck allzeit die Haͤnde wol habe zu brauchen wiſ-
ſen/ zu Kauffmañſchafften/ Schiffarten vnd Handwercken.
Mattheſ.
in Sare-
pta.Vnd Mattheſius meldet/ daß die alten mit den Haͤndleins-
Hellern haben die Vnterthanen vnd gemeine Leute/ jhres ge-
thanen Eydes/ gegebener Handpflicht vnd Treu/ gegen die
Oberigkeit/ vnnd denn auch fleiſſiger Handarbeit erinnern
woͤllen.

Sonſten iſts nicht ohne/ daß auch bey etlichen Voͤl-
ckern der Muͤſſiggang geliebet/ die Arbeit aber geſcheucht
wird. Als/ in Irꝛland achten ſelbige Innwohner mehren-
theils/ die Freyheit vnd Muͤſſiggang fuͤr jhre hoͤchſte Wol-
fahrt/
[11]ins gemein. Cap. I.
fahrt/ auch in groſſer Duͤrfftigkeit/ Kummer vnd Mangel/
welches zu leyden jhnen ſaͤnffter thut/ denn arbeiten. Man
ſchreibt auch von etlichen alten Engellaͤndern/ ſonderlich de-Idẽ, ibid.
nen in Cambriâ oder Walliâ (welches die Eiteſten Innwoh-
ner ſeynd) daß ſie ſich ſehr jhres Adels geruͤhmet (wie auch
etliche andere noch thun) vnnd deßwegen jhnen ſchimpfflich
geachtet/ wann ſie Handwercker lerneten; Aber endlich auff
Handwercke ſich begeben/ dieſelben gelernet vnd getrieben;
Seynd aber ſonderlich dardurch hierzu bewegt worden/ weil
ſie durch Faulentzen vnd Muͤſſiggang boͤſe Stuͤck vnd Pra-
eticken lerneten vnd gebrauchten/ vnd derentwegen hin vnnd
wider ohne anſehen jhres Adels/ Elendiglich vnd Schaͤndt-
lich hingerichtet wurden/ haben ſie ſich eines beſſern bedacht/
daß es Ehrlicher vnd erleydlicher ſey/ eine Handthierung
oder Handwerck zu treiben/ als in Schande durch Muͤſſig-
gang gerahten.

Deßgleichen ſeynd aber auch noch etliche Indianer vndIndiant-
ſche Schif-
farten.
andere Voͤlcker nur darauff bedacht/ wie das Leben ohne
groſſe Muͤhe vnd Arbeit zuzubringen/ darumb ſie ſich auch
mit deſto wenigern behelffen/ vnnd bekuͤmmern ſich wenig
vmb die Dinge/ die vns vnd den vnſerigen ſo viel zu ſchaf-
fen machen. Alſo auch in den Molucciſchen Inſuln/ ſeyndIbid.
mehrertheils muͤſſige Leute/ treiben keine Handwercke/ oh-
ne was jhre Sclaven vnd Leibeygne Leut arbeiten/ vnd nur
ſo viel/ als jhnen zu nothwendiger auffenthalt deß Lebens
von Noͤthen iſt/ denn ſie nichts uͤbriges zu haben begeren.
Vnd derer Art moͤchte man auch mehr/ vnter ſo mancherley
Voͤlckern finden. Jedoch iſt gewiß/ daß zu gemeiner Statt
vnd Laͤnder Wolfahrt/ arbeitſame Leute gut vnd vortraͤg-
lich/ Muͤſſiggaͤnger aber vnd Faulentzer/ denſelbigen ſchaͤd-
lich vnd nachtheilig ſeyen. Daher nennet Lipſius/ eine ar-
B ijbeitſame
[12]Von Arbeit vnd Muͤſſiggang
Commen-
tar. in
Tacit.beitſame Volcks vnd Landsart; fragmentum ævi melioris,
Das iſt: Ein ſtuͤck guter Zeiten vnnd Sitten. Vnd etliche
der alten Hochverſtaͤndigen Griechen/ Roͤmer/ vnd andere/
haben allzeit ein gut Hertz zu arbeitſamen Voͤlckern gehabt/
vertraͤuligkeit vnd Verbuͤndnuſſen mit jhnen einzugehen/
aber mit Muͤſſigen vnd Wolluͤſtigen nicht gern zu thun ge-
habt. Daher liſet man von Chilone der Lacedemonier Ge-
ſandten/ der gen Corinth war geſandt/ mit jhnen eine Ver-
buͤndnuß anzuſtellen; Da er nun bey jhnen ankame/ fand er
jhre Printzen vnd Regenten uͤber dem Bredſpielen: Da iſt
er bald/ auch vnverꝛichter ſachen wider hinweg gezogen/
mit vermelden/ ſe nolle gloriam Spartanorum hac maculare
infamiâ, ut dicerentur cum ocioſis \& aleateribus contraxiſ-
ſe ſocietatem. Das iſt: Er wolte ſeinen Lacedemoniern die-
ſen Schandflecken nicht anhengen/ daß man ſagen ſolt: Sie
hetten mit Spielern vnd Muͤſſiggaͤngern eine Bundgeſell-
ſchafft gemacht; Vnd wer beym Muͤſſiggang auch wol zu
mercken/ daß man ſelbiges vnnd anders hierauß entſpringen-
des uͤbel zuverhuͤten/ Hochverſtaͤndiger Leute Rath vnd E-
xempel je laͤnger vnnd mehr folgen ſolte/ an denen gemeinen
Perſonen/ ſo etwann ziemliche Straffen an Leib oder Le-
ben verſchuldet/ wegen veruͤbter Mißhandlung/ vnnd man
doch ſelbiger in etwas verſchonen wolte/ daß man ſie ad opus
faciendum, Das iſt: Zu einer Leibs vnnd Handarbeit ver-
vertheilete vnd verwieſe/ da ſie neben andern oder abſonderlich
taͤglich arbeiten muͤſſen/ welches ja tauſendmal beſſer/ auch
jhnen vnd andern nutzlicher wer/ als da man ſie an etlichen
Orten entweder der Staͤtte vnd Landsverweiſt/ vnnd alſo
noch loͤſer Leut auß jhnen macht/ oder in die Kercker vnnd
Priſaunen ſtecket/ da ſie gemeiniglich entweder gar zu Tho-
ren vnd Sinnloß werden/ auch offt bey langem Leben/ weder
jhnen
[13]ins gemein. Cap. I.
jhnen noch andern im geringſten nutzlich ſeyn koͤnnen/ oder
aber in ſolchen oͤden vnnd einſamen oͤrtern nur jmmer auff
etwas boͤſes gedencken/ darzu dann jhnen vnnd dem leydigen
Teuffel hiemit muthwillige Vrſach vnd Gelegenheit gege-
ben wird/ vnnd noch daruͤber mit verlornen Vnkoſten lange
zeit muͤſſen erhalten werden/ da mancher ſolcher Menſch ne-
ben andern bey einer gemeinen ſtaͤten Arbeit mit der zeit ſich
beſſern/ noch bey Ehren vnnd Vernunfft erhalten werden
koͤndte/ auch viel boͤſe Gedancken vnnd Vorſaͤtze vermitten
bleiben wuͤrden. Ja man folgete alſo GOttes Exempel ſelbſt
vnnd ſeines Gebotts vnnd Worts geheiß nach/ wenn man
einen gemeinen Verbrecher mit Leibs vnd Handarbeit ſtraf-
fete.

Seynd derwegen heutiges Tags etliche Herꝛſchafften
vor andern groſſes Ruhms wuͤrdig/ welche ſonderliche oͤrter/
Haͤuſer vnd Blaͤtze haben/ darinnen bey nottuͤrfftiger vnter-
haltung/ ſolche Perſonen zu mancherley Leibs Arbeit ange-
halten werden/ mit groſſem Nutzen der Staͤtte vnd deß Lan-S. Ra-
ſpin zu
Amſtelro-
dam.
des/ auch ſolcher Perſonen ſelbſten Wolfarth. Vnd iſt ein
außbuͤndig verſtaͤndig Mittel/ Muͤſſige/ Vnnuͤtze/ Vnge-
horſame/ Vngerathene Leute/ ſonderlichen auß jungem
Volck/ zu Diſcipliniren, ſie alſo im Zaum vnd Band/ auch
noch bey Ehren/ Vernunfft/ vnd einen guten Vorſatz zu
erhalten.

Auch ſtehet im Codice Juris gar vernuͤnfftiglich/ daßlib 9. de-
emend.
propinq.
in ſtraffung der jungen Leute ſoll geſehen werden/ auff die
Medicinam Correctionis, Das iſt: Damit ſie Vrſach vnd
Gelegenheit haben ſich zu beſſern. Vnd ſoll die poteſtas in
puniendis minorum vitiis, nicht in immenſum extendirt
werden/ welches geſchicht/ wenn man ſie an ſolche Ort ſte-
cket/ da ſie gemeiniglich nur auff etwas boͤſes gedencken/ vnd
B iijſelten
[14]Von Arbeit vnd Muͤſſiggang
Novell.
quo. opor.
inon. viv.ſelten ſieh beſſern/ wie die Erfahrung bezeuget: Vnnd eine
ſolche Medicina correctionis iſt in waarheit/ die Tugendſa-
me Leibs Arbeit: mens enimfruſtrà vacans, nihil bonorum
parit. Alſo haben auch der alten etliche gethan/ welche viel
ſolcher Leute an die Muͤhlen/ Galeen/ Werckſtaͤtte/ Me-
Ad opera
publica.tall vnd andere Bergwercke/ Steinbruͤche/ vnnd gemeine
Gebaͤu vnd Arbeit geſtellet/ allda ſie mit arbeiten buͤſſen muͤſ-
ſen. Ja die H. Schrifft meldet auch/ daß Simſon/ als er
Fudic. 16.der Philiſter gefangener worden/ habe in Ketten gefeſſelt/ an
der Muͤhle mahlen muͤſſen; Vnnd wird dergleichen ſtraffe
Cſa. 47.den ſtoltzen Babyloniern gedrohet/ daß ſie zum mahlen vnd
dergleichen Arbeit von jhren uͤberwindern ſolten gezwungen
werden; Wie auch dergleichen ſer vit ut vnd Arbeit Gott der
HERR offt ſeinem Volck ſelbſt drohen laſſen/ auch die
Juden es offt erfahren haben muͤſſen.

Vnd alſo ſolte man auch der Juden Volck/ vnter
Chriſtlichen Herꝛſchafften nicht laſſen muͤſſig gehen/ mit
Lutheri
Rath.ſo vieler Chriſtenleute vnwider bringlichen Schaden/ welche
nichts arbeiten/ ſondern nur deß Wuchers geleben/ vnd da-
durch die Chriſtenleute außſaugen/ auch dannenhero in jh-
rem Halßſtarꝛigen Vnglauben geſtaͤrcket werden/ ſondern
ſie zur Leibs Arbeit antrethen/ oder anderſt nicht dulden/ wie
hierzu viel beedes Geiſt- vnd Weltliche Raͤthe vor der zeit vnd
noch bißhero gerathen/ auch auff etlichen allgemeinẽ Reichs
vnd andern Verſamlungen dahin geſchloſſen/ aber noth nie-
mals exequirt worden. Inſonderheit ſelte man auch glei-
ther Gelegenheit mit denen validis mendicantibus, ſtarcken
vnd geſunden Bettlern/ in acht nemen/ ſelbige nicht alſo
Muͤſſig vnd Faul laſſenherumb ziehen auff andere Leute be-
De repub.
l. 3. c. 8.ſchwerung/ ſondern ſie zu gemeiner Arbeit/ Gebaͤuen/ vnnd
dergleichen/ anhalten; Vnd lobet deßwegen der Bodinus die
Statt
[15]ins gemein. Cap. I.
Statt Pariß in Franckreich/ vnd ſagt: Quòd ibi rabuſti ac
valentes mendici operibus publicis urgentur. Das iſt: Daß
man daſelbſten ſtarcke vnd geſunde Bettel Leute an gemeine
Arbeit weſſe vnd halte. Welches wann man es an etlichen
andern Orten mehr thaͤte/ wuͤrde der gemeine Zuſtand etwas
beſſer/ vnd der beſchwerlichen Beieler vnd anderer gemeiner
Muͤſſiggaͤnger weniger werden; Iſt alſo endlichen gewiß/
daß zu gemeiner Staͤtte vnd Laͤnder Wolfahrt/ arbeitſame
Leute/ gut vnd vortraͤglich/ Muͤſſiggaͤnger aber vnd Faul-
lentzer/ denſelbigen ſchaͤdlich vnd nachtheilig ſeyn. Daher
auch recht vnd auß der Waarheit ſchreibt Hanß Sachs/ der
Teutſche Nuͤrnbergiſche Poet:In Titul.
die Arbeit.

Vnd hat man vor alters/ bey ſelbiger fleiſſigen vnnd ar-
beitſamen W [...]t/ die Leibs vnd Handarbeit/ ſo fleiſſig in acht
genommen/ daß man auch das Cloſtervolck/ Manns vnnd
Weibsperſonen/ nebenuͤbung der Gottſeligkeit/ vnnd Got-
tes Dienſten/ zur Leibs Arbeit/ vnd mit den Haͤnden etwas
zu wercken/ angehalten/ damit ſie ohne groſſe BeſchwerungHiſt. Ee-
cleſ. Angl.
l. 2. c. 2.
ander Leute/ jhre Nahrung haben moͤchten. Vnnd ſchreibt
Venerab, Beda, vom Cloſter Banchor, in Engellandt: Erant
ibi aliquot monachorum portiones, qui omnes de labore ma-
nuum,
[16]Von Arbeit vnd Muͤſſiggang
nuum vivere ſolebant. Das iſt: Es ſeyen im ſelbigen ge-
weſen/ eine groſſe anzahl Moͤnche/ welche alle mit jhren ey-
Hiſtor.
Tripar.gen Haͤnden ſich ernehret haben. Alſo wird auch geſchrie-
ben von Serapion dem Gottſeligen Apt/ daß er etliche hun-
dert Moͤnchs Bruͤder meiſten junge Leute/ vnter ſeiner in-
Theatr.
arb.ſpection gehabt/ welche ſich mit Handarbeit ernehret haben.
Zu S. Gallen in Schweitz/ im ſelbigen Cloſter bey vnnd
nach erſter Stifftung/ ſeynd viel Junge/ zum theil auch A-
deliche Geſellen/ aufferzogen worden/ in einer feinen diſci-
plin, deren verrichtung iſt geweſen/ GOttes Forcht vnnd
Andacht uͤben/ fleiſſig Studieren/ vnnd darneben arbeiten/
mit obligen allerley ſchoͤnen vnnd Kunſtreichen Handwer-
cken; Da dann die zeit wol angelegt vnnd viel dabey gelen-
net worden.

Alſo lauten auch die Novell Conſtitut. oportet duplex
Quomod.
oport. me-
[...]ach. viv.hoc opus monachis eſſe, aut divinis vacare ſcripturis \& ora-
tionibus, aut, quæ monachos decent, manuum opera, me-
ditari \& operari. Das iſt: Die Moͤnche vnd Ordens Bruͤ-
der ſollen dieſen zweyen fleiſſig abwarten/ daß ſie erſtlich
die H. Schrifft fleiſſig leſen vnd Andaͤchtig beten/
vnd darnach auch mit der Hand etwas
arbeiten/ das jhnen geziemen
moͤge.

Das ander Capitel.
Daß die Jugend neben andern ehrli-
chen vnd nothwendigen Handthierungen
auch zu Handwercken ſoll gehalten
werden.

DEr alte Cato hat ſehr recht vnd wol gerathen:

Das iſt:

Vor allen dingen aber ſoll man hierinnen GOttes
Wort folgen/ welches dieſen Rath vnd Befelch gibt: Daß
die Jugend ſoll Weißheit/ Kunſt vnnd Verſtand kauffen.prove. 23.
Ja die Eltern werdẽ zu ſolcher Pflicht ſonderlich vrrmahnet:
Zeuch dein Kind/ vnd laß es nicht muͤſſig gehen/ daß du nichtSirac. 30.
uͤber jhme zuſchanden werdeſt. Vnd in dem vnſer Hey-
land Chriſtus vns heiſt die Voͤgel vnter dem Himmel an-Math. 6.
ſehen/ vnd von jhnen lernen: Befinden wir/ daß ſelbige/ ſo
bald ſie flick werden/ außfliegen vnd die Nahrung ſuchen/
auch etliche der Alten jhre Junge alſo fliegen lernen/ vnnd
ferꝛner der Nahrung halber/ ſich jhꝛer nicht mehr annemen/
ſondern ſelbſt ſuchen laſſen. Auch die verſtaͤndige heydniſche
Leute/ haben mancher Orten dißfals feine gewonheiten/ jhre
Jugend zur Arbeit zu ziehen/ vnnd gewehnen/ wie folgende
Conſtitutiones vnd Hiſtorien beweiſen.

Vitruvius. praf: l. 6. Architect. Alexis hat die A-
thenienſer darumb Lobwuͤrdig geſchaͤtzt/ daß/ da alle andere
der Griechen Geſetze die Kinder zwingen jhre Eltern/ ſo ver-
lebt vnd duͤrfftig/ zu ernehren/ haben ſolches die Athenienſer
nur denen Kindern aufferlegt/ welche zuvor von jhren Eltern
zu einer tuͤchtichen vnd nuͤtzlichen Lehr oder Arbeit ſeynd ge-
halten worden. Vnnd Solon ordnete auch daſelbſt/ daß ein
Sohn nicht ſchuldig wer/ ſeinen Eltern im Alter Nahrung
zugeben vnd handreichung zuthun/ wenn er von jhnen in
der Jugend nicht zu einem tuͤchtigen Handwerck/ oder ande-
rer Nahrung wer erzogen worden. Die Alten Roͤmer/ ver-
ordneten ex L L. XII. Tabb: Daß nach zehen Jahren die
Soͤhne etwas tuͤchtiges lernen ſolten: Vnd welcher Sohn
auß Muͤſſiggang etwas uͤbels begienge vnd verſchuldete/ ſo
[...] 1. p. l. fi-
dal. de in-
ant. expoſ.muſte der Vatter mit dem Sohne geſtrafft werden/ weil er
jhne nichts guts lernen lieſſe. Alſo wird auch in Jure civili
gerahten/ daß die gemeine Jugendt zu erhaltung deß Lebens
ernehret/ vnd zu einem Handwerck oder dergleichen uͤbungen
[...]lex, Im.
ſov.gezogen vnd gehalten werden ſoll. Auch wird ſonſten in den
Rechten geachtet/ daß es gleiche Notdurfft vnd zugehoͤrung
der Jugend ſeye/ der Vncoſten/ ſo auff vnterhaltung deß Le-
bens/ vnd denn ein Handwerck zu lernen/ gewendet wird.
Welches denn viel beſſer lautet/ als das jenige/ was Tacitus
(de mor germ.) von den Alten Teutſchen ſchreibt: Latroci-
nia juventutis exercendæ, ac deſidiæ minuendæ causâ fieri
prædicant, Das iſt: Sie erlauben jhren jungen Leuten im
rauben vnd flelen ſich zuuͤben/ damit ſie nicht Muͤſſig gehen
ſollen. Denn es ja viel andere vnd ehrlichere mittel ſeyn/ in
nutzlicher Leibs vnd Handarbeit/ als in Vntugenden vnd
Laſtern ſich uͤben/ vnd gebrauchen.

Vor Alters/ hat man geſehen/ an den Spanniſchen
Graͤn-
[19]Handwerck lernen/ Cap. 2.
Graͤntzen/ gegen Africa, Gades genandt/ etliche auffgerichteTheatr.
vrb. ex.
Ælian [...].
Altaͤr/ vnter welchen auch einer geweſen mit dieſer Schrifft:
Paupertati \& Arti, Das iſt: Der Armuth vnd Kunſt/ an-
zudeuten/ Daß man an die zufaͤllige Armuth gedencken/ vnd
von Jugend auff ſich befleiſſigen ſoll/ durch Kunſt vnd Ar-
beit der Armuth ſich zuerwehren/ Vnd daß tuͤchtige Kuͤnſte
vnd Arbeit/ ein wahres Mittel/ Troſt vnd Huͤlff wider die Ar-
muth zugebrauchen weren. Die Hiſtorien betreffend/ ſo ſeynd
inſonderheit die Lacedemonier ſo arbeitſam geweſen/ Daß
ſie jhre Kinder beedes Knaͤblein vnd Maͤgdlein/ in gleicher
Zucht/ zu Kuͤnſten/ Arbeiten/ vnd Handgewercken gezogenAfricaniſ.
Reyſen
vñ Schif-
farten.
haben. Im Koͤnigreich Quinea in Africaͤ, geben die Eltern
dem Sohn kein heyrath Gut mit/ ſondern muß bloß von ſei-
nen Eltern in ſein eygen Haußhaltung eintretten/ Darumb
muͤſſen ſie/ ehe denn ſie ſich verheyraten/ entweder vom Fiſch-
ſang/ weil ſie meiſtentheils am Meer wohnen/ oder ſonſten
von einer Arbeit oder Handthierung jhre Nahrung ſuchen.
Aber den Toͤchtern geben ſie etwas zur Eheſteuer mit. Muͤſ-
ſen alſo die Soͤhne in der Jugend etwas verdienen/ oder ler-
nen/ damit ſie mit den jhrigen ſich nehren koͤnnen. Auch
gibt man den Toͤchtern nicht mehr mit/ als davon ſie das
Braut Geluͤbt vnd Hochzeit halten koͤñen/ denn ſie kurtzumb
daꝛauff gezogen vnd gehalten weꝛdẽ/ daß ſie ſich nit auff andeꝛ
Gut/ ſond’n auff jhꝛe eigne Handthierung zuverlaſſen haben/
zu welcher ſie gemeiniglich im zwoͤlfften Jar jhres Alters ge-
halten werden/ damit ſie etwas gewinnen lernen ſollen. Al-
ſo werden auch gleichsfals die jungen Maͤgdlein gelehret al-
lerley Arbeit/ auß jhres Lands gewaͤchſen/ zu machen/ als
Matten/ oder Decken/ Huͤtte/ Hauben/ Kleyder/ Koͤrbe/ Se-
ckel/ vnd viel anders. Fangen alſo beydes Soͤhne vnd Toͤch-
ter von Jugend auff etwas zu lernen/ welches zur Nahrung
C ijvnd
[20]Wie die Jugend ſolle
vnd Haußhaltung dienet/ wie ſie denn auch ſehꝛ gelernig ſeyn/
vnd wenn ſie ein Ding ein wenig ſehen/ bald nach machen
koͤnnen.

Darzu hat man auch wol in der Heydenſchafft feine
exercitia fuͤr die Jugend/ dardurch ſie zur Arbeit/ auch Wehr
vnnd Waffen zugebrauchen/ gewehnet werden; Als in
Aegypten/ wuͤrfft man den Kindern an den Waſſerſtroͤmen
Brodt vnd dergleichen ins Waſſer/ darnach ſie ſchwimmen/
vnd es holen lernen. In der Tuͤrckey ſteckt man den Knaben
Brodt/ Obs/ Gelt/ Genaͤſch/ oder etwas anders/ darnach ſie
verlangẽ moͤgen/ in die ferꝛne/ oder in die hoͤhe/ darnach ſie mit
Bogen vnd Pfeilen ſchieſſen/ vnd es alſo uͤberkom̃en lernen.

Sonderlich aber ſolten die Chriſten Leute hierinnen
mehr fleiß bey jhrer Jugend anwenden/ ſelbige neben andern
nutzlichen Handthierungen auch Handwercker leꝛnen laſſen/
damit ſie von Jugend auff der Arbeit gewohnen/ vnd mit der
Zeit ſich auch ſelbſten nehren lerneten; Bevorauß ſolte
man ſolches vmb gemeinen nutzens/ auch erbarkeit willen/ bey
den gemeinen Jungen armen Leuten in gute obacht nehmen/
vnd jhnen ehrliche Handnahrung zu lernen/ mit gemeiner
Vorſehung/ behuͤlfflich ſeyn/ als denn an vielen orten gantz
ruͤhmlich vnd Ehrlich geſchicht/ vnd alſo an loͤblichen Exem-
peln nicht mangelt/ vnd wol zu folgen were/ wenn nur der ge-
meine Nutz/ wie leyder geſchicht/ vom eignen nutzen nicht ge-
hindert vnd auffgehalten wuͤrde. Zu Herderwig/ eine ſchoͤne
Theatr.
vrb.Statt im Gelderland/ iſt auß gottſeligen Stifften der Alten/
ein beſonder Hauß/ nahend bey einem Franciſcaner Cloſter
gebauet/ vnd auffgericht/ dariñ viel amꝛe geſunde Knaben vnd
Maͤgdlein vnteꝛſchiedlich vnteꝛhalten/ Chꝛiſtlich eꝛzogen/ heꝛ-
nach auch zu Handwercken gethan/ vnd zur Lehr derſelben
verlegt werden/ davon ſie hernach ſich ehrlich nehren koͤnnen.
Wie
[21]Handwerck lernen/ Cap. 2.
Wie denn daſelbſten auch ein Cloſter iſt/ darinnen Bruͤder
ſeynd/ die freyen Clerici genandt/ welche mit vnterweiſung
der Jugend/ in ſchoͤnem Zierlichen ſchreiben/ vnd andern der-
gleichen exercitien ſehr viel zu ſchaffen haben/ auch willig
vnd bereit darzu ſeyn/ derhalben ſie auch von den Inwohneꝛn
jeder zeit Lieb vnd werth gehalten/ auch vor der Zeit/ von dem
Andaͤchtigen Mann/ Thoma à Kempis, deren vnd anderer
Arbeitſamen exercitien wegen/ ſehr geruͤhmet worden.

Zu Eyſel in Flandern/ iſt eine groſſe menge fleiſſiges
Handwercks Volcks/ welche allerley guten Zeug zu Gewand
arbeiten koͤnnen; Allda auch ſonderlich die kleinen Kinder
(wie den dißfals/ auch ins gemein das Niderland ſeinen billi-
gen Ruhm hat) von vier Jahren vnd der gleichen gefunden
werden/ welche mit jhrer Handarbeit ſo viel zuwegen bringen/
daß ſie ſich wol davon ernehren moͤgen/ ſonderlich bey der
Thuchs vnd Zeugs arbeit/ da jmmer eines dem andern in die
Hand arbeitet/ vnd ſo viel es kan/ zu verrichten gelehret vnd
geuͤbet wird.

Zu Amorfort/ im Stifft/ Vtrecht/ hats auch ein ſolchTheatr.
vrb.
fein inſtitutum, nemlich in einem gemeinen Schulhauß
werden viel armer Burgers Kinder/ in Chriſtlicher Lehr fleiſ-
ſig vnterrichtet/ aufferzogen vnd vnterhalten: Auß denſelben
werden die alleraͤrmeſten außgeleſen/ vnd zu gemeinen Werck-
ſtaͤtten geſchickt/ darinn die Knaben ein zart Leinwandt we-
ben/ die Maͤgdlein aber ſpinnen lernen/ mit welcher Hand-
thierung jedes durch die Woche/ ſo viel verdienet vnd heim-
traͤgt/ daß es ſich davon erhalten kan. Sonntags aber gibt
man jedem einen Laib Brods darzu/ auch werden Jaͤrlich vnd
zu vnterſchiedlichen Zetten Kleider/ Schuch/ vnd andere Not-
durfft vnter ſie außgetheylet/ damit ſie deß Bettelns abſtehen/
C iijbiß
[22]Wie die Jugend ſolle
biß ſie ſo ferꝛn erwachſen/ daß ſie dienen/ oder etwas hoͤhers
lernen/ vnd mehr gewinnen koͤnnen.

Alſo wird von Antwerp (oder Antorff) geruͤhmet/ daß
Theat.
vrb.es daſelbſten vnter andern nohtwendigen Gebaͤuen auch zwey
ſonderliche Haͤuſer habe/ die Waͤiſen Haͤuſer genannt/ welche
vor der Zeit von etlichen groſſen Herꝛen/ mit ewigem Einkom-
men ſtattlich begabt ſind/ in deren einem die Knaben (ſo ſon-
ften in Muͤſſiggang auff der Gaſſen durch betteln jhre Nah-
rung ſuchen/ vnd da bey allerley Schalckheit vnd Boßheit er-
lernen vnd gebrauchen) in denen Kuͤnſten vnd Lernungen/ ſo
den Menſchen/ zu allerhand Notdurfft dienlich/ geuͤbet wer-
den: In dem andern werden die Maͤgdlein mit ſolchem
fleiß vnterwieſen zur Tugend/ guten Sitten/ auch zur Hand-
arbeit/ vnd ſo geſchickt gemacht/ Daß/ wann ſie erwachſen/
ſelbſt auffs beſte verſtehẽ/ wie ſie hernach iñ oder auſſer Lands/
ſich ehrlich nehren moͤgen. Daher denn dieſes ein ſonderli-
cher Ehrenruhm der Stadt Antorff/ als auff welches Stiff-
tung viel Tugenden/ zum Haußtzalten gehoͤrig/ herwachſen.
Welches auch vielen andern Staͤtten deꝛmaſſen gefallen hat/
daß ſie durch ſolche loͤbliche Exempel bewegt ſind/ dieſem ſo
richtigen wege/ in abſchaffung deß muͤſſigen jungen Geſin-
des/ (deren viel auch ſehr Laſterhafftig) zu auffnehmung jhres
gemeinen Nutzens/ nach zufolgen/ vnd dergleichen anzurich-
ten. Wie denn auch an etlichen orten die Fuͤndlingshaͤuſer
Chrouic.ſeyn/ nach dem Exempel/ der Loͤblichen Herꝛſchafft Venedig/
auffgerichtet/ darinnen Vatter- vnd Mutterloſe Kinder vnd
Waiſen vnterhalt haben/ vnd hernach zu Handwercken vnd
Dienſten verdinget werden.

Dergleichen ſondere verordnung auch bey der Stadt
Bruck in Flandern iſt/ allda von langer zeit hero/ fleiſſige vnd
gute acht gegeben worden/ auff gemeine junge Knaben vnd
Maͤgd-
[23]Handwerck lernen/ Cap. 2.
Maͤgdlein/ welche ſonſten Armuts vnd Elends halber verder-
ben/ oder auff etwas boͤſes ſich begeben muͤſten/ daß dieſelbigen
durch etliche anſehliche darzu verordnete Perſonen zur Arbeit
gehalten/ verdinget/ auch Lehrgelt vnd anders nohtwendi-
ges vor ſie außgelegt wird/ damit ſie nicht Muͤſſig gehen/ ſon-
dern tuͤchtige Handwerck lernen/ vnd ſich hernach ehrlich da-
mit ernehren koͤnnen. Welchen Ruhm denn heutiges Tags
auch die Statt Amſterdam in Holland erhelt/ vnd werden von
Altershero in denen Niderlaͤndiſchen Staͤdten ſolche Haͤu-
ſer gehalten/ darinn ſolche junge arme Leute in allerley Hand-
wercken vnterrichtet vnd vnterhalten werden/ biß ſie jhr Bꝛodt
ſelbſt gewinnen koͤnnen. Welcher ſehr feine Gebrauch vnd
Anordnung/ wenn es auch bey vnſern Oberlaͤndiſchen Staͤt-
ten wuͤꝛde gehalten (welches deñ ſo wol mit gemeinem als ſon-
dern nutzen der Staͤdte geſchehen koͤndte) wuͤrden nicht ſo viel
vnnuͤtze/ Muͤſſige/ Schaͤdliche vnd Laſterhaffte Betler her-
vmb gehen/ auch den Staͤtten vnd Landvolck/ nicht ſo viel be-
ſchwerungen zugefuͤget/ ſonderlich auch nit ſo viel Mißhaͤnd-
ler vnd uͤbelthaͤter gefunden werden.

Vnd Bodinus, der vorneme Policey verſtaͤndige/ lobet
auch deßhalben abermals die Stadt Pariß inn Franck reich:
Quòd ibi parentibus, ac bonis orbati pueri ac puelle partim li-Derepu
l. 3. c. 8
teris, partim mechanicis artibus, aliquot diſtinctis collegiis
ſtudioſſiſimè erudiuntur, Das iſt: Daß daſelbſten arme
Waiſen/ Knaͤblein vnd Maͤgdlein/ in vnterſchiedlichen orten/
beedes zur Schul vnd auch zur Handarbeit fleiſſig gezogen
werden.

Soll aber nun die gemeine Jugend/ ſonderlich auch bey
Handwercken etwas tuͤgliches vnnd rechtſchaffenes lernen/De [...]iv.
Dei. l. 11.
25.
muß man in acht nemen/ was der vortreffliche alte Kirchen-
lehrer Auguſtinus erinnert: Tria ſunt, quæ in vnoquoq́ ho-
mine
[24]Wie die Jugend ſolle
mine Artifice ſpectantur: Natura, Doctrina, \& uſus, quo-
rum primum ingenio, alterum ſcientiâ, tertium fructu diju-
dicandum eſt. Das iſt: Drey ding muͤſſen ſich finden bey
einem/ der etwas Meiſterliches lernen vnd treiben ſoll:

• I. Ober darzu genaturet/ vnd Luſt vnd Lieb darzu habe.
• II. Ob er auch etwas dergleichen lernen vnd begreif-
  fen moͤge.
• III. Ob ers auch mit Nutzen vnd Frucht treibẽn koͤnne.

Welche erinnerung denn ſehr gut iſt; Vnd derwegen
bey der Lehr Jugend ſonderlich vnd vor allen hierauff zu ſehen/
daß einer nicht etwas lerne/ oder zu lernen gezwungen werde/
invit â Minervâ, Das iſt: Wenn er zu demſelbigen weder
Luſt/ Lieb/ oder Zuneygung traͤgt; Deñ gemeiniglich auff
ſolches eine ſchwere Lehr/ vnd ſchlechte Frucht folgen thut.
Hiemit ſtimmet auch Seneca, da er ſagt: malè reſpondent
coacta ingenia, reluctante enim naturâ, virtus labor eſt.
Das iſt: Gezwungene Lehr/ verlohnet der muͤhe gar ſchwer.
Sintemal die Menſchen nicht allein an euſſerlicher
Geſtalt/ anſehen/ ꝛc. ſondern auch innerlich inn der
Natur/ vnd am Gemuͤth/ gantz wunderbares vnterſcheids
ſeyn/ daß einer zu dieſem/ der ander viel zu einem andern ding
Luſt vnd Lieb hat/ Dahero denn auch ſo vnterſchiedliche vnd
mancherley Intentiones vnd/ vorhaben entſtehen/ wie man
ſagt: Velle ſuum cuiq́ eſt, nec voto vivitur uno. Et: Tra-
hit ſuaqueng [...] voluptas.

Die Indianiſche Hiſtorien melden/ daß bey ſelbigen in
Nat. \&
mor hiſt
Ind.Aufferziehung vnd uͤbung der Jugend/ eine ſonderliche acht
geben werde/ worzu ſie Affectioniret vnd geneigt waren/ Als/
zum Goͤtzendienſt/ Aempteꝛn/ Handwerck/ Handthiern/ Krie-
gen/ vnd andern. Wohin nun einer geneigt war/ vnd ſich
darinnen zu uͤben begerte/ darzu wurde er ferꝛner gezogen vnd
ange-
[25]Handwerck lernen Cap. 2.
angehalten. Welches waarlich ein viel loͤblicher vnd beſſerer
gebrauch iſt/ als an vielen orten der Chriſtenheit/ da man offt
ein Kind zu etwas noͤtiget/ dazu es weder Lufft noch Lieb hat/
auch dazu nit genaturet iſt/ daher auch offt ſo ſchlechte Fruͤch-
tung an vielen geſpuͤret wird. Vnd haben etliche viel der In-
dianer vor annemung deß Chriſtlichen Glaubens/ dieſes ge-
halten: Daß/ ſo bald die Kinder geboren worden/ wuſchens
jhre Prieſter/ vnd was Vornemer Leute Kinder waren/ ga-
bens jhnen in die rechte Hand ein klein Schwerdtlein/ inn die
Lincke/ ein Schiltlein: Gemeiner Leute Kinder gabens et-
was Handwerckzeuge in die Haͤnde/ den Maͤgdlein aber etwas
von dem/ ſo znm Spinnen/ Naͤhen vnd dergleichen gehorig/
vnd das geſchahe vor jhrem Abgott/ zu dieſem ende/ daß ſie
durch deſſelben Huͤlffe/ zu ſolchem vorhaben moͤchten Luſtig
vnd tuͤchtig gemachet werden.

Wie denn die Hiſtorien auch von etlichen alten Teut-
ſchen/ ſonderlich den Rheinlaͤndern/ melden/ welche zu den
latrociniern, Das iſt/ zum Rauben/ Pluͤndern vnd Taſchen-
klopffen mehr/ als zur Handarbeit luſt gehabt/ Daß ſie jhren
kleinen Kindern den Knaͤblein/ die erſte Azung oder Speiß
auff einer Wehr oder Degenklingen eingeben/ anzuzeigen/
daß ſie mit Kriegen vnd Rauben ſich nehren wuͤrden muͤſſen.

Aber viel ein feinerer gebrauch war der Athenienſer/ wel-Plutar. in
Solone.
chen der Weiſe Solon angeordnet/ daß nicht allein die Jugend
fleiſſig zur Handarbeit gehalten/ ſondern auch denſelben an-
faͤnglich/ wann ſie an die Lehr treten ſollen/ allerley Inſtru-
menta oder Werckzeug/ auch materien mancherley Hand-
wercken ſeyn vorgelegt worden/ daruͤber habe man ſie ſich ſelb-
ſten wol beſinnen vnd bedencken laſſen. Vnd zu welchem ſie
alsdenn Luſt vnd Zuneygung gehabt/ auch getrauet darbey zu
verbleiben/ zu demſelbigen ſeynd ſie auch ferꝛner gehalen wor-
Dden/
[26]Wie die Jugend ſolle
den/ damit ſie alſo ein Handwerck deſto williger vnd luſtiger
lerneten/ vnd im ſelbigen deſto vortrefflicher wuͤrden. (ut na-
turam ſecuti, tantò evaderent præſtantiores)

Vors ander/ weil zwar bey der Jugend offt wol der
Luſt zu einem Handgewerck oder anderm thun/ vorhanden/
auch wol durch zu reden vnd ander Mittel jhnen etwas Luſt
gemacht wird/ aber auch offtermals leichtlich vnd bald wider
vergehet/ zumal/ wenns mit der Lehr vnd begreiſſung eines
dings ſchwer vnd langſam hergehet/ derowegen ſo iſt nicht al-
lein auff den Luſt anfaͤnglich zu ſehen/ ſondern auch wol auff-
zumercken vnd von jhnen abzunemen/ was derſelben ingenia
vermoͤgen oder nicht/ ob jhnen ein Ding leicht eingehe oder
all zuſch wer zu lernen ſey/ vnnd alſo pro captu, das iſt/ nach
dem ſie etwas begreiffen moͤgen/ zu einem Werck oder Arbeit
gehalten werden ſollen. Wie dann die Hiſtorien ſonderlich
D. Rivius
ex biſt.
Grac.von den Griechen melden/ daß ſie derer Knaben/ welche vor
andern Scharpffſinnige ingenia gehabt/ wol wargenom-
men/ vnd ſelbige beedes zum ſtudio der Weißheit/ vnnd denn
zur Geometria vnd andern Mathematiſchen Kuͤnſten gehal-
ten/ auch in dem malen vnnd andern dergleichen haben uͤben
laſſen. (von welchen uͤbungen hernach mehr ſoll gemeldet
A. Gellius
l. 5. c. 3.werden) Vnd wird ſonderlich erzehlet von dem Protagora, da
er in ſeiner Jugend zu gemeiner Dienſtbarkeit/ auß Armut
darzu gezwungen/ ſich gebrauchen laſſen muͤſſen/ vnnd auff
eine zeit Democritus der Philoſophus jhn geſehen/ daß er ſich
in einer Arbeit mit Hoͤltz vmb zu gehen/ ſo wol wuſte in den
Poſſen zu ſchicken/ daß er das Holtz nach Geometriſcher
Kunſt fein getheilet vnd gelegt/ hat ſich der Philoſophus dar-
uͤber verwundert/ vnnd darbey vermuthmaſſet/ es muͤſte ein
feiner Kopff ſeyn/ der noch etwas rechtſchaffenes lernen moͤ-
chte; Hat jhme derwegen zugeſprochen vnd zu ſich genom-
men/
[27]Handwerck lernen. Cap. 2.
men/ mit vertroͤſtung/ er woͤlle jhn ſolches muͤheſeligen Le-
bens abhelffen/ vnd einen andern Mann auß jhm machen/
welches auch geſchehen/ vnd iſt dieſer Protagoras ein herꝛli-
cher Philoſophus worden.

Vors dritte vnd hierauff/ ſo wird ſich dann auch dieſes
deſto eher finden/ ob man etwas mit Nutzen vnd Fruchten trei-
ben moͤge. Denn/ warzu man Luſt vnd Lieb hat/ auch von
Natur darzu qualificirt vnnd geſchickt iſt/ es deſto fertiger
vnd beſſer zu lernen/ ſo bleibt auch die Frucht vnnd gedeyen
nicht auſſen/ ſondern findet ſich/ zum mehrentheil/ ohne was
etwan gefaͤhrliche vnd hinderliche Laͤufften vnd vnzeiten ver-
vrſachen; Von welchem hernach in einem andern Cap. mel-
dung vnd nachrichtung geſchehen ſoll. Allein iſt auch dieſes
der Jugend wol einzubilden/ wann ſie erſtlich auff eine Hand-
thierung/ Kunſt/ Arbeit/ oder gemeines Handwerck gethan
werden/ daſſelbige auch ſollen vnd koͤnnen lernen/ vnnd nun
den Beruff darzu haben/ daß ſie deſſelben mit fleiß abwarten/
den Beruff treulich nachfolgen/ das vorgenommene Werck
oder Arbeit nicht durch den Bauch ſtechen/ oder vom Sche-
mel weg lauffen/ ſondern das Handwerck ehrlich außlernen/
vnd ſich gedulden/ ob dem jenigen/ daß ſie in jhren Lehrjah-
ren etwas Vnluſts vnd Beſchwerung außſtehen muͤſſen/ in-
gedenck deß Sprichworts: Der Bapſt iſt auch ein Schuler
geweſen; Vnd das aller wiſſenſchafften/ Kuͤnſten vnd Hand-
wercken Wurtzel zwar bieter ſeyn/ aber hernach ſuͤſſe Fruͤchte
bringen. Daher auch die Gelehrten vermahnen: Perfer \&
[...]bdura, dolor hic tibi proderit olim. Item: Multatulit, fe-
[...]itq́ puer, \&c. Das iſt:

Denn daß es einem mit etwas zu lernen/ erſtlich inſon-
[...]yrac. 7.derheit/ ſauer wird/ das hat GOtt alſo geſchaffen/ vnd ſeinen
eingebornen Sohn ſelbſten/ in angenommenem Fleiſch/ nach
Luc. 2.ſeiner Jugend/ andern zum Exempel vnd nachfolge/ vnter-
thaͤnig ſeyn/ zunemen/ vnd die Haͤnde zur Arbeit gebrauchen
laſſen.

Ferꝛner iſt bey dieſem nicht zu verlaſten das jenige/ wel-
ches der Jugend allerhand Kuͤnſtlerey vnnd Handwercke zu
lernen den beſten behelff vnd foͤrdernuß geben mag/ als da iſt/
das Reiſſen/ Mahlen/ vnnd was demſelben verwandt iſt/
welches man den jungen Knaben/ wenn ſie Luſt darzu ha-
ben/ nicht allein nicht wehren/ ſondern viel mehr mit fleiß ein
ſolches ſie lernen laſſen ſoll/ denn hiermit neben anderer noth-
wendigen Lehr/ die Zeit wol angewendet/ vnd groſſer Nutzen
bey jhnen geſchafft wird/ vnnd was ſie auch hernach lernen/
werden ſie hiedurch zum ſelbigen deſto bereiter vnd verſtaͤn-
diger gemacht/ es ſey in welcherley Kuͤnſten vnd Handwer-
cken es woͤlle/ vnd je Vortrefflicher ſelbige ſeynd/ je noͤtiger
vnd dienlicher das reiſſen/ mahlen/ vnd dergleichen zum ſel-
ben
[29]Handwerck lernen/ Cap. 2.
ben ſeyn will. Ja wo ein Knad von Natur zum ſelben mit
Luſt geneigt/ vnd von ſich ſelbſten (wie von etlichen geſchicht)
etwas/ oder von andern dergleichen nach zumachen ſich vn-
lerſtehet/ vnd jhme eine zimliche Art zu geben weiß/ ſoll man
einen ſolchen mit fleiß zu etwas Kuͤnſtliches halten vnd lernen
laſſen. Vnnd meldet D Rivius von einem alten Mahler
Pamphilo, vnd etlichen andern/ das ſelbige gerathen/ die Ju-
gend ins gemein in der Mahlerey/ Geometria, vnnd derglei-
chen zu vnterꝛichten/ dabey man dann bald koͤnne abnemen/
zu was Kuͤnſten vnd Handwerck einer oder der ander tuͤglich
ſeyn moͤge. Vnd iſt ein boͤſer gebrauch/ das etliche Leute die
Jungen laſſen Handwercke lernen/ noch gantz Plump/ vnd
durch obgemeldte uͤbungen noch vnbereitet/ dann darumb
wirdts jhnen nicht allein ſchwer zu lernen/ ſondern ſie werden
auch offtmals nur Stuͤmpler/ die ſelten etwas rechtſchaffnes
machen oder arbeiten koͤnnen. Sondern je mehr ſinnens/
nachdenckens/ vnd geſchickligkeit eine Kunſt vnd Handwerck
erfordert/ je beſſer ein Junger von Natur darzu qualificirt,
auch in offt gemeldten Fundamental bereitungen vnterꝛich-
tet vnd geuͤbet ſeyn ſoll. Vnd allhie ſoll man billich/ als zu
einem Exempel vnd Muſter/ mercken/ mit was liſtiger gele-
genheit/ man in Spanien gelernige/ geſchwinde/ verſchmitz-
te vnd abgerichte Schiffleut uͤberkommt/ welches dann alſoTheatr.
urb. in
deſcript.
Gades.
geſchicht: Wann auff den Koͤnigl. Spaniſchen Galeen vnd
Schiffen/ (ſo Jaͤhrlich zu deß Koͤnigreichs Nutzen gegen
mancherley Landſchafft zugeruͤſtet werden) Botsgeſellen
oder Schiffknechte mangeln/ werden ſolche Leute mit ſchoͤner
Sinnligkeit zuſammen gebracht. Was argliſtige gemeine
Junge Geſellen ſeyn/ geben ſich zu einer Jaͤhrlichen doch
freywilligen Dienſtdarkeit/ folgender weiſe. Es kompt zu
vnterſchiedlichen zeiten/ auff einen offnen Platz/ in ein auff-
D iijgeſpannt
[30]Wie die Jugend ſolle
geſpannt Gezellt oder Tenten/ ein darzu verordneter/ welchen
die Einwohner Alquiſil de Corte nennen/ der ſetzet ſich zum
ordenlichen gedeckten Tiſch/ auff welchem drey Schluͤſſel
ſtehen/ (damit ſolche Leute leichtſam bethoͤret vnd angereitzet
werden) mit Guͤlden vnd Silbern Gelt/ auch Wuͤrfel vnd
Kartenſpiel zugerichtet vnd verſehen/ vnd damit werden deß
Gluͤcks vnd der Freyheit Verdienſt vorgeſtellt/ nemlich/ et-
lich Ducaten/ oder deren werth an Silberen Realen/ darzu
kommen alsdann obgemeldte Spitzbuͤbiſche Geſellen (denn
kein Einfaͤltiger ſich hierzu gebrauchen laͤſt) jedesmals zween
zu gleich/ greiffen zu den Wuͤrffeln oder Kartenſpiel/ wie ſie
ſich deſſen vorhin verglichen haben/ ſpielen im beyweſen deß
verordneten gemeldten Alquiſilli, vnd welcher von beeden ge-
winnet/ der uͤberkommt zugleich geſetzten Gewinn vnd Frey-
heit/ der uͤberwundene aber/ oder der verſpielet hat/ wird als-
bald zu den Schiffen/ vnnd alſo zu einer Jaͤhrlichen Dienſt-
barkeit gefuͤhret. Vnd alſo werden die Koͤnigtſche Schiff-
Knechte/ welches froͤlich anzuſehen/ mit liſtiger Kurtzweil zu-
ſammen gebracht/ vnd bekommt man alſo durch dieſes mittel
ſehr verſchmuͤtzte/ vnd abgerichte gelernige Geſellen/ welche
ſonderlich wol vnter die frembde Nationes zugebrauchen/
Vnd weil ſolche anderer Leute Sprachen vñ qualiteten, auch
allerhand Practicirung deſto eher erlernen/ kan man deſto
groͤſſern Nutzen/ auff ſolchen Reyß vnnd Schiffarten/ mit
jhnen ſchaffen. Vnd alſo ſolte man auch zu Kuͤnſtlereyen
vnd Handwercken/ feine geſchickte vnd tuͤgliche Ingenia nach
dem ſie qualificiret, mit nothwendiger vnnd befoͤrderlicher
Vorbereitung/ auch beſſerm Luſt vnd Lieb bringen vnd hal-
ten/ welche dann vermuthlich in allem vorhaben deſto mehr
außrichten/ vnd einen ruͤhmlichen Namen erhalten wuͤrden.
Denn gleich wie ein ſtuͤck Acker oder Feld/ viel beſſer vnnd
mehr
[31]Handwerck lernen. Cap. 2.
mehr Fruͤchte bringt vnd traͤgt/ wann es zuvor einen tuͤchti-
gen Boden hat/ auch wol gebauet vnd fleiſſig zugerichtet iſt;
Alſo/ ſoll die Jugend ſo wol auff Kuͤnſtlichen als gemeinen
Handwercken etwas tuͤchtiges vnd rechtſchaffens lernen/ ſo
muß ſie zuvor von Natur darzu geneigt ſeyn/ Luſt darzu ha-
ben/ vnd auch tuͤchtig darzu bereitet werden.

Allhier zu dieſem Cap. von der Jugend/ ſoll auch vol-
gendes in acht genommen werden/ als: Weiln es die Hei-
lige Schrifft ſelbſt fuͤr ruͤhmlich achtet/ wenn ein Vatter an
einem Sohn/ ſeines gleichen hinderlaͤſt/ wie Syrach am 30.
Cap. meldet/ daß Junge Leute/ wo ſie darzu tuͤchtig ſeyn/ ſich
auch befleiſſigen ſollen/ jhrer Vaͤtter vnd Vorfahren ehrli-
che Kuͤnſte vnd Handwercke nach zutreiben/ vnd mit derglei-
chen Arbeit einen ehrlichen Ruhm vnd Namen zu erhalten.

Lerius vnnd Benzo melden/ als etliche Indianer vorIn der A-
mericant-
ſchen Be-
ſchreibũg.
Jahren ſahen/ wie die Spanier/ Frantzoſen vnd ander Na-
tionen zu jhnen kommende ſo geitzig dem Gold vnnd andern
dergleichen nachſtelleten/ auch darumb ſo weitlaͤufftige/ vnd
die allergefaͤhrlichſten Schiffarten anſtelleten vnnd groſſe
Handelſchafften trieben/ jhren Kindern groſſes Gut vnnd
Reichthumb zu verlaſſen/ haben gemeldte Indianer die Spa-
nier vnd andere mit verwanderung außgelacht/ vnd gefragt:
Ob das Erdreich in jhrem Land jhre Kinder nicht
auch ernehren koͤndte/ welches die Vaͤtter erneh-
ret hette? Alſo koͤndte vnnd ſolte man manchen Geſellen/
der ſo leichtfertig/ auß Faulkeit oder Stoltz ſeines Vatters
Kunſt vnd Handwerck verlaͤſt/ vnd doch wol treiben koͤndte/
vnd gleichwol etwas anders vornimmt/ auch noch wol fra-
gen: Ob die Kunſt vnnd das Handwerck/ welches ſeinen
Vatter ernehret/ jhn nicht auch ernehren koͤndte? Es were
dann/
[32]Wie die Jugend ſolle
dann/ daß ſonderliche vngluͤckhaffte Laͤufften ein ſolches weh-
reten vnd hinderten/ vnnd eine andere Nahrung vorzunemen
nothwendig rathen/ vnd dringen wolten. Wie leyder jetzi-
ge Jahr vnd Laͤufften vielen Handwercken ſehr Gefaͤhr vnd
hinderlich ſeyn/ daß mancher auß Notturfft ſich auff etwas
anders/ gaͤngers vnd gebraͤuchlichers begeben muß/ auch et-
liche gar nicht wiſſen was ſie arbeiten ſollen/ welche beſchwer-
ligkeit GOtt der Herr/ mit Gnaden endern woͤlle. Je-
doch ins gemein/ ſollen in ehrlichen/ gebraͤuchlichen vnnd
nothwendigen Kuͤnſten vnnd Handwercken/ die Kinder ſich
befleiſſigen/ jhrer Eltern/ Vaͤtter/ vnd Vorfahrẽ/ ꝛc. Kuͤnſt-
liehen Namen inſonderheit zu erhalten/ wie dann etliche ſol-
ches mit Nutz vnd Ruhm gethan/ auch in alten vnd neuen
Hiſtorien dergleichen geruͤhmet werden/ daß offt Vaͤtter vnd
Soͤhne/ Bruͤder/ oder ſonſten nahe Verwandte/ einerley
Kunſt vnd Handwerck getrieben/ vnnd erhalten haben/ wie
in vielen andern/ alſo auch namentlich in der Architectur vnd
Baukunſt; Dergleichen dann geruͤhmt werden/ Erwin von
Steinbach/ welcher den Muͤnſterthurn zu Straßburg ge-
Johan.
Schade-
us in Be-
ſchreibũg
deſſelben.
Muͤnſter.bauet; Als dieſer geſtorben/ ward ſein Sohn Johañ/ welcher
die Kunſt vom Vatter hatte/ an ſeine ſtatt verordnet/ wel-
cher auch das ſeinige mit Ruhm an ſelbigem Bau gethan/
wie auch obgemeldten Steinbachs/ deß Vatters/ Tochter/
mit Namen/ Savina/ welche in der Bildhauer Kunſt ſehr
vortrefflich geweſen/ auch auß eygner andaͤchtigen Inven-
tion am gemeldten Straßburgiſchen Muͤnſterbau/ mit eygen
Haͤnden etliche Emblematiſche Stuͤck gemacht/ mit ſehr
troͤſtlichen bedeutungen auff Chriſti deß Herrn vnſers
Erloͤſers theneres/ gnugſames vnd vollkommenes Verdienſt/
daruͤber auch Hochgelehrte ſich zuverwundern haben. Dor-
von auch hernach/ im Cap. von der Weibsperſonen Kuͤnſt-
lerey vnd Handarbeit/ mehr ſoll gemeldet werden.

Alſo hat man auß andern Hiſtorien/ vieler angerichter
vnd verfertigter Wercke/ nicht allein an Gebâuen/ ſondern
auch in vielen andern Kuͤnſtlichen vnd gemeitzen Handwer-
cken/ da ein Anverwandter deß andern/ ja auch ein Lehr Ge-
ſell ſeines Lehrmeiſters Kuͤnſtlichen vnd ruͤhmlichen Namen/
durch nachgeſchlagenen vnd angewendten Fleiß erhalten vnd
erlaͤngert/ darvon die Alten ſehr viel gehalten/ vnnd noch all-
zeit bey Verſtaͤndigen ſeinen Ruhm vnnd Preiß finden mag.
Vnd meldet auch die H. Schrifft/ im 2. Buch Moſis/ wieCap 31.
\& 36.
Gott der Herr erſtlich den Bezaliel mit Weißheit vnnd
Verſtand zu allerhand Kuͤnſtlichen Wercken vnnd Arbeit/
begabet/ vnd hernach demſelben zugeſellet den Ahaliab/ vnnd
dieſen beeden als Meiſtern vntergeben noch etliche andere/ als
welche ſolche Kuͤnſtliche Wercke mit verleyhung Goͤttlicher
Gnaden von jhnen lernen/ auch neben jhnen treiben/ vnd her-
nach den Kuͤnſtlichen Namen erhalten helffen ſolten/ wie ſel-
bigen Ortes Text/ vnd widerholete vmbſtaͤnde klar zuverſte-
hen geben. Zum Beſchluß dieſes Cap woͤllen wir auch mit
wenigen hoͤren/ durch welcherley invention vnnd credit die
gelehrte Heyden vor alters jhre Jugend uͤberꝛedet/ der Weiß-
heit/ Kuͤnſten/ vnd allerhand fleiſſigẽ Kuͤnſtlichen Arbeit vnd
Wercken/ odzuligen vnd derſelben abzuwarten. Minerva
die ertichtete Goͤttin/ wird von den Lateinern genennt quaſi
Monerva, daß ſie eine Ermahnerin vnnd Anweiſerin ſey zu
guten Kuͤnſten vnd Kuͤnſtlichen Wercken/ vnnd daß ſie ein
Kunſtreiches Weibsbild ſey/ vnd alle Kuͤnſtler vnnd Hand-
wercks Leute haben vor Zeiten dieſe Goͤttin verehret/ als eine
Erfinderin aller ſubtilen Wercke/ vnnd haben von jhr vorge-
ben/ daß ſie ohne eine Mutter/ auß dem Haupt vnd Hirn Jo-
vis, deß vermeinten hoͤchſten GOttes/ erboren ſey/ anzuzei-
gen/ daß alle weiſe vnnd treffliche Kuͤnſtliche Wercke/ auß
Eder
[34]Wie die Jugend ſolle Handwerck lernen Cap. 2.
der vnerforſchlichen Weißheit Gottes herkommen. Haben
jhr auch ein Kaͤutzlein zu den Fuͤſſen geſtellet/ zur bedeutung/
daß/ wer ein Kuͤnſtlichs nutzlichs Werck woͤlle an Tag brin-
gen/ der muͤſſe nicht Faulentzen ſondern Wachſam ſeyn/ vnd
der Sachen nachdencken vnd nachſinnẽ; Da ſie Jupiter hat
geberen woͤllen/ vnd jhme zu jhr iſt Wehe worden/ habe Vul-
canus eine Art erwiſchet/ vnd jhme das Gehirn darmit eroͤff-
net vnd auffgehauen/ da ſey Minerva mit groſſem Geſchrey
herauß geſprungen/ welches bedeutet: Die Weißheit vnnd
Kuͤnſtliche Wercke kommen von GOttes Gaben her/ vnd
die Jugend koͤnne dieſelben nicht lernen/ ohne groſſe Muͤhe
vnd Arbeit/ Schweiß vnd Sorg. Da gehoͤre nun ein Vul-
canus darzu/ Das iſt/ ein Lehrmeiſter/ der die Jugend hart
halte/ vnd Fleiß anwende/ welches durch die Eyſerne Axt be-
deutet wird. Wenn nun ein ſolches Kuͤnſtlichs Werck ge-
boren vnnd an Tag kommen/ ſo ſchreyet es laut/ das iſt/ es
kom̃t auß/ macht dem Erfinder vnd Meiſter einen ruͤhm-
lichen Namen/ daß man davon hoͤret/ vnd
deſſelben begeret.

Das dritte Capitel.
Daß Kuͤnſte vnd Handwercke Gottes
Gaben ſeyn/ der auch allerhand Marerialien
darzu erſchaffen/ vnnd was dabey zube-
dencken.

GLeich wie alle gute Gaben von oben herab kommenJacob.
1. Cor. 12.
von dem Vatter deß Liechts: Alſo ſeynd auch aller-
hand ehrliche/ nutzliche vnd nothwendige Erfindun-
gen/ Kuͤnſte/ Arbeit/ Anrichtung vnd Verbeſſerunge derſelbẽ/
eygentlich Gaben deß Geiſtes GOttes/ welche er zu ſeinen
Ehren/ vnd deß Menſchen Nutzen/ nach ſeinem wolgefallen
außtheilet. Die alten Heyden zwar/ haben die erfundene
Kuͤnſte vnd Handwercke jhren vermeinten Goͤttern/ ſonder-
lich der Minervæ, vnd dem Mercurio, vnd andern/ zugeſchrie-
ben/ oder auch denen/ ſo von jhnen entſproſſen ſeyn ſolten/ ſel-
bige auch deßwegen Artium inventores, das iſt/ Kunſt-Erfin-
der genennet. Aber Moſes ſagts vns beſſer/ vnd in Waar-
heit/ daß ſolche GOttes Gaben ſeyn/ wie dann im 2. BuchCap. 31.
\& 36.
Moſis gemeldet wird/ bey der Beruff vnd Beſtellung deß Be-
zaliel vnd Ahaltab/ vnd jhren zugegebenen Geſellen/ daß ſie
Gott der HErꝛ erfuͤllet mit ſeinem Geiſt/ vnd jhnen ins Hertz
geben/ Weißheit/ Verſtand vnd Erkeñtnuß/ allerley Werck/
von Gold/ Silber/ Ertz vnnd andern Metallen/ auch auß
Holtz/ Stein/ vnd andern materialien Kuͤnſtlich zu machen/
arbeiten/ vnd verfertigen/ dergleichen dann in H. Schrifft
auch an etlichen andern Orten mehr erinnert wird.

Seynd alſo Kuͤnſtler vnd Handwercker/ auch Haußhal-1. Petr. 4.
2. Cor. 3.
ter der mancherley Gnaden GOttes/ vnd was ſie hierinnen
tuͤchtig ſind/ iſt auch von GOtt/ welches ehrliche vnnd ver-
E ijſtaͤn-
[36]Daß Kuͤnſte vnd Handwercke
ſtaͤndige Kuͤnſtler vnd Handwercker erkennen ſollen. Wie
dann ſolches neben etlichen andern ſonderlich erkennet hat/
der vortreffliche kuͤnſtliche Werckmeiſter deß Muͤnſterthurns
Schadæus
in ſeiner
Beſchrei-
bung
In quæſt.
ſup. Exodzu Straßburg/ Erwin von Steinbach/ welcher daſelbſten zu
oͤberſt an den Thurn vnter andern Spruͤchen auch dieſen ein-
gehauen: Chriſtus theilet ſeine Gaben jedermann
auß. Auguſtinus ſagt auch: Artis Mechanicæ peritia à
Deo eſt. Auch ruͤhmens ſonſten andere Gelehrten: Artificum
ſummorum opera \& divina reperta. Item: Quælibet Ars
Matheſ.Deum datorem noſcit, quælibet ergò laude digna eſt. Mat-
theſius Prediget hiervon ſehr ſchoͤn/ alſo: Kuͤnſte vnnd
Handwercks Gaben/ kommen von GOtt/ vnnd der will da-
durch als ein Weiſer Kunſtreicher Gott/ vnd durch beruͤhm-
ter Leute Kunſt/ erkannt vnd gepreiſet werden. Darumb ſol-
len ſie auch ſolche jhre von GOtt empfangene Kunſt Gaben/
in Gottes Erkenntnuß/ rechten Glauben/ vnd deſſen Fruͤch-
ten vnd Tugenden zu deß Gebers/ als GOttes deß HErꝛn/
Lob vnd Preiß/ vnnd auch gemeinem nutzen zum beſten/ an-
wenden vnd treiben/ vnd die Staͤnde/ ſo GOtt gefallen/ da-
mit zieren helffen/ daß ſie zeitlichen ehrlichen Ruhm/ vnd her-
nach ewiges Leben vnd Seeligkeit erlangen moͤgen. Vnd
Idem, in
Sarepta,
conc. 12.ferꝛner: Vnſer lieber HErꝛ Gott/ hat ſeine Weißheit vnnd
Geſchiekligkeit ins Menſchen Hertz gebildet/ vnd Him̃el vnd
Erden Circkel recht/ vnd alles in ſeiner proportion, Gewicht
Sap. 11.vnd Maß erſchaffen/ darauff die Alten vnd Nachkommende
als fleiſſige Leute/ gut achtung gegeben/ vnnd da ſie ein ding
gegen dem andern gehalten/ wie ſie in der Vernunfft jhre
principia vnnd gemeine Regeln/ gruͤndliche anleytung em-
pfunden/ auch dem Werck Gottes vnd der Natur/ ſo viel es
hat ſein koͤnnen/ nachgeahmet/ haben ſie eine Kunſt vnd Mei-
ſterſtuͤck/ vnd darzu viel nutzlicher inſtrument nach einander
erfunden/
[37]Gottes Gaben ſeyn/ Cap 3.
erfunden/ welche von Tag zu Tag durch nachdencken vnnd
uͤbung vnverdroßner Leute freyer Koͤpffe ſeynd gebeſſert wor-
den. Darumb weil Kuͤnſte vnnd Kuͤnſtler Gottes Gaben/
vnd aller Ehren wirth ſeynd/ ſoll mans auch darfuͤr haltẽ vnd
erkennen/ als ſchoͤne Kuͤnſte/ ſo von Gott herkommen/ vnnd
die durch groſſer Leute Verſtand vnd Erfahrung ſeynd auff-
gebracht. Auch ſoll man Gott darfuͤr dancken/ vnnd der
Kuͤnſtler Muͤhe vnd Arbeit preiſen (vnd nach der Gebuͤr ver-
lohnen) auch ſolche Wunderleute/ die mit waarer Kunſt vmb-
gehen/ fuͤr andere halten vnd fuͤrziehen lernen. Ja GOtt hatId. Ibid.
die freyen Handkuͤnſte darumb gegeben/ daß er darauß erken-
net/ vnd jhme gedancket/ vnnd der Gerechtigkeit/ Billigkeit/
vnd jedermann zur Nutzbarkeit dadurch gedienet werde.

Gleich wie nun die Hand Gottes deß Herrn alles
kan: Alſo koͤnnen auch Menſchen Haͤnde ſehr viel/ durch
Goͤttlicher Gnaden verleyhung/ ja auch ſo viel/ daß Men-
ſchen Haͤnde Gott dem HErꝛn vnd Schoͤpffer aller dinge/
ſeinen Himmel/ mit deſſelben wunderbaren Lauff/ ꝛc. Auch
den Erdboden mit ſeinem gantzen Lager auff mancherley
weiſe/ Form vnd Figur/ groß vnd klein/ gleichſam nachma-
chen/ fuͤrſtellen vnd auffweiſen koͤnnen. Welches Gott ge-
ſchehen laͤſt/ ja auch Verſtand vnd ſchaͤrffe der Sinnen dar-
zu verleyhet/ zu dem ende/ daß nach Davids deß KoͤniglichenPſal. 19.
Propheten vermahnung/ auch hiedurch die Ehre Gottes er-
zehlet/ vnd ſeiner Haͤnde Werck verkuͤndiget werden ſollen/ Er
auch deſto ehe/ beſſer vnd weiter ſoll erkennet vnd gepreiſet wer-
den. Sonſten hat man auch von der alten Statt Conſtan-
tinopel herꝛlichen trefflichen Mauren zu Herodiani zeiten ge-
ſagt: Daß man ſich uͤber die Haͤnde derer/ welche ſie gebauet/
verwundern/ welche ſie aber zerbrochen/ verfluchen muͤſſen.
Darnach weil ſolches gemeiniglich leibliche Gaben ſeynd/
E iijzum
[38]Daß Kuͤnſte vnd Handwercke
zum zeitlichen Leben gebraͤuchlich/ ſo gibts GOtt offtermal
den Vnglaubigen ſo wol als den Glaubigen (darvon hernach
mehr in eimandern Cap.) auß ſonderlichen vrſachen/ daß ſie
allerſeits viel Kuͤnſtliches dings machen/ vnnd arbeiten/ auch
offt ohne Menſchliche Anleytung/ etwas erſinden/ erdencken/
vnd außſinnen/ vnd mit fertiger Hand ſein vnnd Kuͤnſtlich
Exod. 31.
Syrac. 39.außarbeiten koͤnnen. So erfaͤhrt man auch beedes an alten
vnd auch neuen Exempeln/ daß durch die Gaabe GOttes et-
liche Kuͤnſtler vnd Handwercker auch ſehr Sinnreich vnd ei-
nes ſubtilen Verſtands ſeyn/ ja offt von hohen dingen treff-
lich wol judiciren koͤnnen. Als man dann bey Manns geden-
cken ſonderlich ein ſolch Exempel gehabt/ an Albrecht Duͤrer/
zu Nuͤrnberg/ welchen man den Teutſchen Apellem genañt/
vnd von jhm geruͤhmet: Durerus pictor Naturâ doctior ipsâ:
Mit welchem auß bemeldter Vrſach viel hohes Stands vnd
andere vorgaͤnge Perſonen/ ſo wol Schrifftliche als Muͤnd-
liche Converſationes gehabt. Vnnd Lipſius bezeuget/ daß
auch vnter den Kuͤnſtlern vnd Handwercks Leuten ſeyn/ di-
ctis factisq́ ſapientes, \& ideò jure mirandi ac colendi, Das
iſt/ auß welcher Worten vnnd Wercken Weißheit geſpuͤret
werde/ auch darumb in ehren zuhalten ſeyn.

Wie nun GOtt der Herr ſolche Gaben vnd Kuͤnſte
den Menſchen verleyhet/ auch Kunſt Gaben Gunſt Gaben
genennet werden/ weil ſie denen gegeben werden/ welchen es
Gott goͤnnet: Alſo ſchafft vnd gibt auch Gott der Schoͤpf-
fer allerhand vnterſchiedliche Materialia, vnd ſolche mehr ers-
theils auß der Erden/ daran die Kuͤnſtler vnd Handwercker
die Haͤnde legen/ ſich derer gebrauchen/ vnnd vielerley dings
zu Nutz vnd behelff deß Menſchlichen zeitlichen Lebens/ dar-
Syr. 40.auß arbeiten vnd machen ſollen. Wie dann die H. Schrifft
bezeuget/ daß GOtt der Schoͤpffer ein jegliches geſchaffen
habe/
[39]Gottes Gaben ſeyn/ Cap. 3.
habe/ daß es etwa zu dienenſoll. Dann die Weißheit Got-
tes hat alle Materialien, Metall/ Stein/ Holtz/ Erden/ mi-
neralien, vnd alles anders/ ſo denen verwandt oder drunter
begriffen werden/ ja allerley Gewaͤchs vnnd Geſchoͤpff/ ge-
ſchaffen/ zu mancherley Ende/ als/ zur Nahrung/ Artzney/
Beſchtrmung/ Zieraten/ auch allerhand Werckzeugen/ vor
Menſchen vnd andere/ doch vmb deß Menſchen willen. Dañ
es muß der Menſch nicht allein ſeine Nahrung ſuchen/ ſon-
dern er ſoll auch nach der Geſchickligkeit/ damit jhn Gott be-
gabet/ in den Materialien Kuͤnſtlen/ wercken vnnd arbeiten.
Vnnd dieweil Menſchlicher Verſtand ſich weit auff vnter-
ſchiedliche Kuͤnſte vnd Wercke erſtrecken ſoll; Als hat auch
Gott der Schoͤpffer materien vnnd Zeugs gnug verordnet/
welches zu vnterſchiedlichen vnd manigfaltigẽ Kuͤnſten/ ſon-
derlich aber zur erhaltung ſeines Geſchoͤpffs dienen moͤchte.
Daher auch derſelbige Schoͤpffer ſo viel der materialien, in/
auſſer/ vnd auff der Erden/ wie auch im Meer/ Waſſern/ vnd
ſonſten an vnzehlichen Creaturen herfuͤr kommen laͤſt/ daß
das Menſchliche Leben inſonderheit von denſelbigen/ ſeinen
eygen Nutzen vnd Luſt/ auffenthalt vnd bequemligkeit/ nach
allerley Notturfft haben ſoll/ ſo gut es die Menſchen ſelbſten
machen vnd haben moͤgen/ nach jhrer Erfindung vnnd ver-
beſſerung.

Summa/ Gott gibt vnd ſchaffet zu arbeiten/ jhn dadurch
zu preiſen/ vnd die Welt biß zu jhrem Ende zu erhalten: Dar-
zu dann auch die Elementa ſelbſten/ als Feuer/ Lufft/ Erd
vnd Waſſer/ helffen vnnd jhre taͤgliche Frondienſte thun
muͤſſen. Vnd gehet es darinnen wunderlich her/ daß offt et-
was an einem Ort herfuͤr kommt/ am andern zubereitet/ vnd
an noch weitern Orten alleterſt verarbeitet/ auch noch weiters
gebraucht werden muß. Derwegen vmb alle dieſe ding vnnd
mate-
[40]Daß Kuͤnſte vnd Handwercke
materialien, ſoll man Gott den Schoͤpffer deſto billicher mit
Danck loben/ weil er einem jeden ding/ ſo er geſchaffen/ ſolche
eygenſchafften gegeben/ daß ſie jhme gehorchen/ vnnd auff ſo
mancherley weiſe durch Verſtand vnd Kunſt der Menſchen
ſich muͤſſen brauchen vnnd nuͤtzen laſſen. Wann man nun
auß ſolchen Geſchoͤpffen Gottes/ durch deſſelben Gnade vnd
angewendten Fleiß/ ſo mancherley Wahren/ Zeugs vnnd
Handarbeit machet/ vnd zubereitet/ ſo kommt es denen zumal
ſeltzam fuͤr/ welche dergleichen vor niemals geſehen haben.
Als vmbs Jar Chriſti 1498. Columbus ſeine dritte Schiffart
America-
niſche
Schiffar-
ten.in Americam thaͤte/ vnd in die Inſul Cubagua kame/ da ſie
groſſe menge der Perlen fanden (welche doch die Indianer
ſchlechtlich achteten) haben ſelbige Leute ſich uͤber den Spa-
niſchen Schiffen/ Waffen/ Kriegsruͤſtung/ Puͤchſen/ An-
ckern/ vnd mancherley anderer Arbeit/ vnd Werckzeugs/ ſo
ſie mit gebracht/ zum hoͤchſten verwundert/ vnd nicht glau-
ben woͤllen/ daß ſolches von Menſchen Haͤnden gemacht
wordẽ/ ſondern habens alles fuͤr der Goͤtter Wercke gehalten.
Alſo auch/ da die Engellaͤnder/ die Landſchafft Virginia, in
Americaͤ eingenommen/ vnnd jhrer Koͤnigin Eliſabetha zu
Ehren alſo genennet haben/ meldet die Hiſtoria/ daß ſie aller-
ley kuͤnſtliche vnd gemeine Handarbeit/ Werck vnd ander ge-
zeugs den Innwohnern verehret/ auch deſſen viel mit jhnen
vertauſchet/ vmb andere Ding/ da haben die Innwohner glei-
cher weiſe ſich hoͤchlich druͤber verwundert/ auch nicht fuͤr
Menſchen Haͤnde Werck/ halten woͤllen/ ſondern gedacht/
es hettens entweder die Goͤtter ſelbſten gemachet/ oder ſonſten
geſchaffen vnd geſchenckt mit getheilet. Es meldet auch Jo-
Braſilia-
niſche
Schiffa.han. Lerius, daß die Braſilianer anfaͤnglich jhren Jungen
vnd Kindern taͤglich fuͤrgeſagt/ ſich gegen die jenigen Fremb-
den gut vnnd dienſiwillig zu erzeigen/ welche jhnen vielerley
nutzliche
[41]Gottes Gaben ſeyn.
nutzliche Handwercks Wahren vnnd Werckzeug/ ſonder-
lich von Eyſen/ Aexten/ Meſſern vnd andern dergleichen/ zu-
brechten.

Weil dann Gott der HErꝛ/ einig vnd allein/ durch ſei-
ne Gnade Weißheit vnd Verſtand gibt/ Kuͤnſtliche vnd Fleiſ-
ſige Handarbeit zu machen/ auch die hierzu gehoͤrige vnd noͤ-
tige materialien ſchafft/ ſo iſt vnnd bleibt er auch billich aller
ehrlichen/ nutzlichen vnd nothwendigen Kuͤnſte vnnd Hand-
wercke/ vnd deren Arbeiter/ einiger vnd Oberſter Patron vnd
Zunfftherꝛ/ vnd iſt Heydniſch vnnd Abgoͤttiſch/ wann man
jeder Kunſt oder Handwercks Zunfft einen beſondern Heili-
gen zum Patron vorſtellen wolte/ wie etwa vor dieſem ge-
ſchehen.

Der erſte Kuͤnſtler vnd Arbeitet/ vnter dem Volck Got-
tes/ welchen Goet ſelbſt beruffen/ iſt geweſen vnnd hat geheiſ-
ſen Bezaleel, das heiſt/ vmbra Dei, Gottes Schatten; An-Exod. 31.
zudeuten/ daß alle ehrliche Kuͤnſtler vnnd Handwercker/ in
Gottes Schutz/ Schtrm/ vnd Schatten ſeyn/ vnnd jhn zum
einigen vnd gewiſſen Patron haben/ den ſie durch fleiſſig Ge-
bet taͤglich erſuchen/ vnd die verliehene Gnade mit Danck er-
kennen ſollen/ damit jhrer Haͤnde Werck gefoͤrdert werden/
vnd gedeyen dabey ſeyn moͤge. Wie jhnen dann auch ſo wol/
als andern/ vorgeſungen wird:

Vnd alſo ſoͤll man GOtt den Herrn in guten
Kuͤnſten vnd Arbeit/ vmb den guten H. Geiſt bitien; Vnd
nicht vom Teuffel/ welcher zwar auch ein Tauſentkuͤnſiler
( [...]ουριοτ [...]χνίτης) iſt/ ſchwartze Kuͤnſte lernen/ welche ſehꝛ boͤß-
lich vnd mit ewigem Elende belohnet werden.

Das vierdte Capitel.
Von den Elteſten/ Fuͤrnembſten/ noͤ-
tigſten vnd beſten/ auch von neuen/ kuͤnſtlichen
vnd gemeinen Handwercken vnd Erfindungen/ auch von
manchfaltigen voꝛtheilhafften Verbeſſe-
rungen derſelben.

ANfaͤnglichen wiſſe der guͤnſtige Leſer/ daß deß Autho-
ris voꝛhaben nicht ſey/ mit gar zu genau ſpecificirter
erzehlung gemeldter vnd jeder Kuͤnſten vnd Hand-
wercken/ ſo durch die gantze Welt getrieben werden/ einen vn-
willen oder eyfer partheyliger weiſe zu vervrſachen/ welches
offt ohne das auß vnverſtand/ vnwiſſenheit/ neyd/ eyteler Ehꝛe/
vnd dergleichen/ zu geſchehen pflegt/ auch nicht ein namhaff-
tes Regiſter aller Kuͤnſte vnd Handwercke zuerzehlen/ weil
man vieler vrſachen halber ſchwerlich ein vollkommenes der-
ſelben haben kan (wie auch Cœlius Rhodig. zeuget vnd ſagt:
Miraeſt Artium numeroſitas, quæ manuum adjumento con-
diſcuntur \& exercentur, Das iſt: Es ſeynd der Kuͤnſte vnd
Handwercke wunderlich viel/ vnd deßhalben ſchwerlich zu er-
zehlen) ſondern bey dem auffgetruckten Titul/ einer ge-
meinen Betrachtung derſelben/ es verbleiben zu laſ-
ſen/ darunter denn alles/ was ſich ſeiner Handkuͤnßlerey vnd
Arbeit nicht zu ſchemen hat/ billich verſtanden werden/ auch
alle alte vnd neue/ fuͤrneme vnd ſchlechte/ jedoch noͤtige nutz-
liche/
[43]vnd voꝛtheilhaff en verbeſſerungen derſelben.
liche/ gute/ ehꝛliche vnd zulaͤſſige Kuͤnſte vnnd Handwercke
begriffen ſeyn ſollen. Darzu/ wo derſelben etliche/ Exem-
pels weiſe/ nach anleytung der Hiſtorien/ oder ſonſten etwa
einzelith genennet werden/ woͤlle man ja nicht dafuͤr halten/
als wann hiedurch andere/ deren namentlich nicht gedacht
wird/ entweder auſſer der acht gelaſſen/ vnd in vergeſſenheit
geſtellet/ oder geringſchaͤtziger gehalten wuͤrden; Sintemal
man einer jeden derſelben/ wie viel vnd weitlaͤufftig ſie auch
ſeyn/ auch an vnterſchiedenen Orten nach mancherley
Landts vnd Volcks art/ in vngleichem reſpect gehalten wer-
den/ gleich wol jhꝛe gebuͤrliche ſtelle/ Ehꝛ/ Ruhm vnd Namen
gegoͤnnet haben will/ welches jhnen auch ſonſten das H.
Wart Gottes vnnd deſſen nachrichtung/ auch ehꝛliche ver-
ſtaͤndige Policey Oꝛdnung/ vnnd eines jedern Landts/ Statt
vnd Oets/ vernuͤnfftige Gewohnhetten vnd Gebraͤuche/ oder
auch ehꝛliche vnd dapffer verdiente Freyheit/ vnd der Ober-
keit vergoͤnſtigung/ ſelbſten zulaſſen vnd geſtatten/ darbey es
auch in Gottes Namen beruhe.

Die H. Schrifft ſelbſt ruͤhmet voꝛ andern die jenige
Kuͤnſte vnd Handwercke/ welcher man in der StattSyr: 39.
vnd vnter den Leuten nicht entpern kan/ das iſt/ wel-
cher der gemeine Nutzen vnd Wolſtand der Lande vnd Leu-
ten/ nicht entrathen kan/ wie ſolches auch die Dolmetſcher
fein zuverſtehen geben: ſine quibus non ædificatur civitas,
quorum operibus eget hominum congregatio.

Vitruvius ruͤhmet auch die jenigen Kuͤnſtler vnd Hand-
wercker/ welche notwendige/ nutzliche/ vnd zum Gebrauch vñ
Wolfahꝛt deß Menſchlichen Lebens dienliche Werck erfin-
den/ machen/ arbeiten vnd verfertigen. Vil dings vnd Arbeit/
woman der alten Erbarkeit nachgehen/ vnd derſelben ſich
F ijbefleiſſi-
[44]Von fuͤrnembſten noͤtigſten Handwercken
befleiſſigen wolte/ were abzuſchaffen/ ſonderlich ſolche Ge-
maͤchte/ welche durch auß zu keiner Notdurfft oder auch ehꝛli-
chen Ergoͤtzlichkeit/ ſondern vielmehꝛ zu vielfaͤltiger Leicht-
fertigkeit vnd Nachtheil geuͤbet werden. Wie denn auch
die alten noch Heydniſche Roͤmer nichts geduldet/ von Hand-
arbeit/ als nur/ was zur notdurfft deß Lebens zu gebrauchen
geweſt. Aber bey den Griechen (wie auch noch an vielen Or-
ten) ſeynd auch ludicræ Artes, allerhand leichtfertige Kuͤnſte/
Arbeit/ Gemaͤchte vnd Handtlerungen/ im ſchwang gan-
gen. Ja die Roͤmer haben offtermals durch offentliche Edicta
ehꝛliche vnd nutzliche Handwercke vnd Arbeit beſtettiget/ An-
dere vnnoͤtige/ vnnuͤtze aber abgeſchaffet vnd verbotten.

Was auch die Policey verſtaͤndige auß dem Cicerone vnd
andern lehꝛen/ von der Mercatura oder Kauffmañſchafft/ daß
die jenige zulaͤſſig ſey vñ getriebẽ werden ſoll/ quæ honeſta, ut i-
lis, neceſſaria, multis impertiens, das iſt/ welche ehꝛlich/ nutz-
lich vnd nothwendig/ auch vielen vnd dem gemeinen Nutzen
zu ſtatten komme/ daſſelbige ſoll man auch billich von aller-
hand Kuͤnſten vnd Handwercken verſtehen/ vnd in gleicher
ſchaͤtzung halten/ als welche ehꝛlich/ nutzlich/ nothwendig vnd
vielen/ ja dem gantzen gemeinen Nutzen dienlich ſeyn. Ja die
Alten haben zum theil deren Handwercke ſich ſonderlich be-
fliſſen/ welche da machten vnd zu werck richteten/ talem ſupel-
lect ilem, quæ animo \& corpori chara \& neceſſaria eſſet, das
iſt/ ſolche Arbeit/ Haußgeraͤthe vnd Werckzeuge/ dadurch das
Gemuͤht erluſtiget werden/ vnd auch deß Leibes Wolfarth
geholffen vnd gerathen ſeyn moͤchte. Etliche ſagen: eas eſſe
Ariſtot.
\& alij.Artium mechanicarum præſtantiſſimas, quorum finis eſt
ſupplementum neceſſitatum \& defectuum corporalium, das
iſt/ die beſte Handwerckskuͤnſte ſeynd die jenige/ welche deß
Leibs vnd Lebens notdurfft vnd gebrechlichkeit zu huͤlff vnd
ſtatten
[45]vnd voꝛtheilhafften verbeſſerungen derſelben.
ſtatten kommen. Darumb ſolche Werckler auch genennet
werden Opifices, ab ope ferenda, als die andern mit jhꝛer
Handhuͤlff dienen. Vñ hierumb zeugen die Politici, als Gre-
gor. Petr. Tholoz: daß die Kuͤnſtler vnd Handwercker ſeyenl. 2. De
Repub.
der nothwendigſten Glieder eines einer gemeinen Statt/
wie ſolches auch in Keyſerlichen Rechtenangezogen wird.

Hierumb vnd weiln die noͤtigſten vndnutzlichſten Hand-
wercke/ vnd deren Arbeit die beſten ſeyn/ ſolten ſich beedes
Herꝛſchafften auch privat vnd gemeine Perſonen dahin be-
fleiſſigen/ daß ſie mit groſſem Gelt vnd Gut nichts vnnoͤtiges
noch vergebliches bauen/ arbeiten oder verlegen vnd machen
laſſen/ damit nicht das Sprichwort an jhnen waar werde:
Stultitiam patiuntur opes, das iſt/ man gehet offt mit groſ-
ſem Geld vnd Gut naͤrꝛiſch vmb/ vnd ſpendiret daſſelbe auff
vnnuͤtzt vnd vnnoͤtige ding/ oder wie der Reymen lautet:

Zu Loͤven in Braband/ wird ein Thurn mit einem beſon-Theatr.
u [...]b.
dern gemeinen Zunamen genennet/ Verlohꝛne Koſt/ weil
ſelbiger Bau/ vieler geduͤncken nach/ vnnoͤtig/ jedoch dieſen
Nutzen hat/ daß man darauff weit hinauß vnnd vmb die
Statt ſehen kan; Alſo koͤndte vnd ſolte man auch noch wol
alle ſolche Kuͤnſte/ Gebaͤude/ Wercke/ Arbeit vnd Gemaͤch-
te/ eine Verlohꝛne Koſt nennen/ welche keinen oder weni-
gen Nutzen vnd genieß ſchaffen/ vnd doch offt ſehꝛ viel koſten
vnd theuer geſtehen/ auch dahero vnd hergegen an nutzlichen
notwendigen Wercken offtermals das Geld erſparet werden
will.

In betrachtung nun deß oberzehltẽ/ ſo bleibts erſtlich dabey/
F iijdaß
[46]Von fuͤrnembſten/ noͤtigſten Handwercken
daß vnter allen Handarbeiten vnd Wercken ſo noͤtig vnnd
nutzlich/ der Acker vnd Feldbau/ mit aller derſelben Zu-
gehoͤꝛ/ das elteſte vnd erſte/ auch noͤtigſte/ beſte vnd fuͤrnembſte
ſey/ wie es denn auch wol auff dieſer Welt verbleiben wird.
Denn ſolches erſtlich bald noch im Paradiß angefangen/
welchen Garten Gott der Herr gepflantzet/ vnd den erſt-
Geneſ. 2.erſchaffenen Menſchen Adam/ dreln geſetzet/ daß er jhn bauen
vnd bewahꝛen ſolt. Es iſt auch der Feldban/ nach vervrſach-
ter vertreibung auß dem Paradiß auff dem gemeinen Erdbo-
den hernach deſto mehꝛ von noͤthen geweſen/ weil die Erde vmb
deß ſuͤndigen abfaͤlligen Vngehoꝛſams willen der Menſchen
verfluchet woꝛden/ vnd darumb mit deſto groͤſſerer Muͤhe vnd
Arbeit/ das Brodt vnd andere Nahꝛung fuͤr Menſchen vnd
Viehe hat muͤſſen geſuchet vnd gewonnen werden. Sinte-
mal der erſte Menſch Adam/ mit den ſeinen vnd jhren erſten
vnd nechſten Nachkoͤm̃lingen/ dem Befehl Gottes deß Her-
Geneſ. 3.
\& 4.ren/ das Feld zu bauen/ nachkommen/ iſt auch ohne zweiffel
zum erſten das Feld beſchwerlich genug gabauet woꝛden/ vnd
werden gewißlich den angedroheten Schweiß von jhꝛem An-
geſicht weidlich haben abwiſchen muͤſſen/ biß Thubalkain/ der
Meiſter in allerley Ertz vnd Eyſenwerck/ mit den ſeinen/ das
Geneſ. 4.Schmeltz vnd Schmidewerck erfunden vnd angefangen zu
treiben/ auch tuͤchtigere vnd bequemere Inſtrument vnnd
Werckzeuge gemachet woꝛden/ den Erdboden deſto beſſer zu
gewinnen/ vnd zu mehꝛer Fruchtbarkeit zu erbauen. Vnd
alſo ſetzet hernach die H. Sehrifft gemeiniglich den Aeker
vnd Feldbau/ vnd den bahero kom̃enden Segen Gottes/ ande-
rer Nahꝛung weit voꝛ/ beydes voꝛ vñ nach der Suͤndflut. Wie
Geneſ 9.deñ gemeldet wird von Noah: Vnd Noah fieng an (nemlich/
wider auffs neue) vnd ward ein Ackermann/ vnd pflantzete
Wein-
[47]vnd voꝛtheilhafften verbeſſerungen berſelben.
Weinberge. Vnd da von Go [...]t dem Herrn ſelbſten duꝛch
Moſe den Gottsfoͤꝛchtigen der fuͤrnembſte Segen verheiſ-Deut. 28.
ſen ward/ war es der Segen deß Ackers vñ der Fruͤch-
ten deß Landes. Vnd abermals preiſete Moſes in ſel-Deut. 33.
nem Valet Segen an die Staͤmme der Kinder Iſrael/ die
edelen Fruͤchte von der Erden. Vnd Syrach ſagtSyrac. 7.
auch: Ob dirs ſauer wird mit deiner Nahrung vnd Acker-
werck/ das laſſe dich nicht verdrieſſen/ denn Gott hats ſo ge-
ſchaffen.

Iſt alſo beedes voꝛ vnd nach der Suͤndflut der Feldbau/
mit ſeiner Zugehoͤꝛ/ jeder zeit das noͤtigſte geweſen/ vnd dar-
umb ſo fleiſſig in acht genommen/ in g [...]ter vnd ſteter uͤbung
erhalten/ vnd deſſen Arbeit wegen deß darauß folgenden
nutzen/ gethꝛet woꝛden/ iſt auch billich noch vnd allzeit zu eh-
ren/ als eine ſolche Arbeit/ welche von Gott dem Herrn
vnd Schoͤpffer ſelbſten geſtifftet/ vnd die fuͤrnembſte vnd noͤ-
tigſte Nahꝛung vnd Auffenthaltung deß Leibes vnd Lebens
herfuͤr bringt; Darneben auch den zuſtandt der Chꝛiſtlichen
Kirchen/ auff dieſer Welt/ in anrichtung/ bauung vnd foꝛt-
pflantzung derſelben/ ſehꝛ fein abbildet/ wie der H. Apoſtel
Paulits die Corinthier erinnert: Ihꝛ ſeyt Gottes Acker-1. Cor. 3.
werck.

Es haben auch oberwehnte nothwendigkeit deß Feld-
baues die verſtaͤndige Heyden vnd vnglaubige Leute erkennet;
Daher von Xenophonte der Acker- vnd Feldbau/ mit ſeiner
Zugehoͤꝛ/ Mater \& nutrix omnium cæterarum artium, das
iſt Eine Mutter vnd Ernthrerin aller anderer Kuͤnſten vnd
Handwercken genennet wird. Vnd Plato iſt auch der mey-
nung (wie er es denn auch erꝛathen hat) es ſey durch Gottes
Wunder vnd ſonderbare Verſehung geſchehen/ daß die Men-
ſchen/
[48]Von fuͤrnembſten/ noͤtigſten Handwercken
ſchen/ ehe ſie einige andere Handwerck oder Kuͤnſte gelernet/
ſich auff den Feldbau begeben haben. Vnd deß dings wird
l. 3. c. 8.
De Repub.mehrbey dergleichen Scribenten gefunden. Auch auß der
Roͤmer Hiſtorien zeuget Bodinus, daß ſelbige in anrichtung
jhꝛer Herꝛſchafft zu foͤrderſt den Feldbau beſtellet/ vnd denn
das Kriegsweſen angeordnet/ als von welchen beeden ſie jhre
Nahrung vnd Beſchuͤtzung haben moͤchten. Vnd ſolchen
alsgroͤſſeſten vnd fuͤrnembſten Nothwendigkeit vnd Nutzes
wegen/ haben offtermals verſtaͤndige Potentaten/ theils
auch noch vnter der Heydenſchafft/ als ſonderlich Cyrus der
Xenoph.Perſen Monarch/ vnd hernach Keyſer Severus, wie auch et-
liche andere/ gar ſtreng gebotten/ vnd Vorſehung gethan/ in
Kriegszuͤgen vnd Heerfarten ſonderlich deß Bauersmanns
zuverſchonen. Dahero auch noch in den Keyſ. Rechten glei-
che Privilegia jhnen zugeſprochen/ aber wegen neuen vnd aͤr-
ger denn Barbariſchen Kriegsweſen/ je laͤnger je weniger
gehalten werdẽ/ alſo daß endlich der Verderber mit dem Ver-
derbten jaͤmmerlich darnider ligen vnd verſchmachten muß.
Es iſt auch darneben den Bauersleuten erlaubet/ im fall der
Noth/ die gute Wetterszeit nicht zu verſaͤumen/ auch an den
Sabbath oder Sontaͤgen (venerabili die Solis) jhre Arbeit
im Feld zu verrichten/ vnd die Fruͤchte einzubringen/ ne occa-
ſione momenti pereat commoditas cœleſti proviſione conceſ-
ſa, das iſt/ damit nicht durch ein ploͤtzlich Vngewitter das je-
nige verderbet werde/ welche die Goͤttliche Fuͤrſehung dem
Menſchen zum genieß vnd erhaltung beſcheret hat. Hingegen
aber iſt befohlen/ daß an dem Sabbath oder Sontag andere
Handwercke feyren ſollen. (Davon hernach in einem andern
Capitel.)

Es haben auch die erſte Menſchen eine gute Zeitlang
auß dem Feldbau/ vnd allerley Gewaͤchſen/ auch hierzu gehoͤ-
riger
[49]vnd vortheilhafften verbeſſerungen derſelben.
riger Viehzucht/ Alle jhres Lebens vnd Leibes notdurfft/ als
nicht allein Nahrung/ Eſſen/ Trincken/ ſondern auch Kley-
dung vnd Gewandt/ Beſchirmung deß Leibs/ ꝛc. in ſumma/
allerley behelff haben koͤnnen/ vnd ſich/ wiewol ſolches alles
zum mehrern theil/ einfaͤltig/ ſchlecht vnnd gering/ gegen
dem hernach kommenden/ geweſen/ jedoch gar wol darmit
contentiret vnd beholffen/ auch bey ſolcher ſchlechten/ je-
doch geſunden vnd bequemlichen diætâ, ein geſundes vnd
langes Leben gefuͤhret/ vnd mehrertheils ein hohes Alter/ alsGeneſ. 5.
\& 11.
auff etlich hundert Jahr erꝛeichet/ welches die H. Schrifft
ſelbſt mit außtruͤcklicher ſpecificirung an etlichen orten zu-
verſtehen gibt. Ja es haben eiliche daſſelbe alte ſchlechte Le-
ben fuͤr recht gluͤckſelig geſchaͤtzet/ da man die Hoͤhlen derLeonhard.
Fiora-
vand in
diſcurſ.
Steinkluͤffte vnd Erden fuͤr Haͤuſer/ die Zweige vnd Bletter
der Baͤume fuͤr Kleider/ den Erdboden fuͤr Schuhe/ die
Haͤnde fuͤr Werckzeuge/ vnd Gefaͤß/ das Waſſer fuͤr Tranck/
die Wurtzeln fuͤr Brodt/ die Fruͤchte der Baͤume fuͤr Fleiſch/
die Erde fuͤr das Betthe/ vnnd den Himmel zur Decke ge-
brauchet; Da auch das Raiſen fuͤr Ruhe/ Muͤhe vnd Arbeit
fuͤr Luſt/ Armut fuͤr Reichthumb gehalten worden/ vnd die
Wolluͤſte am wenigſten bekandt geweſen. Wie man denn
nicht allein anfaͤnglich/ ſondern allezeit/ ſich der natuͤrlichen
dinge zuvor vnd erſtlich befliſſen/ vnd zum gebrauch gewen-
det/ in allerley deß Lebens notdurfft/ biß die kuͤnſtliche herfuͤrPanciroll.
l. 1. nov.
repert.
kommen/ erdacht vnd gemacht worden/ wie man derſelben/
wegen vnterſchiedlichen Orten vnd Zeiten nacheinander
benoͤtiget geweſen/ vnd zu mancherley Invention vnd Erfin-
dung verurſachet worden.

Zum andern/ vnd hierauff/ als die erſte Menſchen der
Nahrung auß dem Feldbau/ durch Erfahrung gewiß vnnd
verſichert geweſen/ vnd die Menſchenkinder ſich vermehret
Gvnd
[50]Von fuͤrnemſten noͤtigſten Handwercken
vnd geſtaͤrcket/ auch allgemach etliche Inſtrumenta vnnd
Werckhzeuge nach einander erdacht worden/ iſt man auff die
Geneſ. 4.Architectur vnd Baukunſt kommen/ vñnach gedacht/ wie
man ſicher wohnen/ vnnd mit den ſeinigen beſſer verwahret
ſein koͤndte.

Vnnd hat Gott der HErꝛ ſelbige Kunſt ſo wol/ als an-
faͤnglich den Feldbau/ den Menſchen ſelbſt gewiſen/ damit
ſie Menſchliche Wonungen/ vernuͤntiffglich/ reiniglich/ vnd
zuꝛ Nothdurfft verſehen dienlichen Bauen ſolten/ vnd daß ein
rechter vnterſcheyd were zwiſchen den Menſchen vnd wilden
Thieren/ welche mehrer theils in loͤchern vnd hoͤlen der Er-
den/ oder in Waͤlden vnd Gehuͤltz vnter den Baͤumen ſich zu
Fuͤrſt
Wolff-
gang.halten pflegen. Darbey den/ jenes frommen Fuͤrſten von An-
halt/ rede vnd Antwort wol zu mercken vnd billich nachzufol-
gen: Denn als bey ſeiner Fuͤrſtl: Gn: etliche Leutte/ vmb
Nothwendiges Bauholtz anlangeten/ vnd aber theils Hoff-
leute es widerꝛiethen/ mit voꝛwenden/ es braͤcht mangel am
Wilde welches hernach wegen der bloͤſe deß Holtzes außtreten
vnd ſich verlieren wuͤrde/ ſagte er auß treuem Vaͤtterlichem
Hertzen gegen ſeine Vnterthanen: Er wolte viel lie-
ber den vernuͤnfftigen Menſchen/ (welchẽ es fuͤrnem̃-
lich von Gott zu gutem erſchaffen woꝛden) mit den jhri-
gen vnter ſeinem Gehuͤltz Wohnung vnnd Auff-
enthalt goͤñen/ als dem Wilde vnd vnvernuͤnffti-
Geneſ. 6.gen Thieren.

Darnach ſo hatten auch die Menſchen von noͤthen/ we-
gen etlicher zunemender Boßheit/ auch wider die grimmigen
Vberfaͤll der Wilden Thieren jhrs Leibs/ Leben/ [...]egen
Guͤter/ je laͤnger je beſſer vnnd mehr warzunehmen/ vnd ſich
deß
[51]vnd vorthellhafften verbeſſerungen derſelben
deß jhrigen zuverſichern/ darumb gienge das Haͤuſſer vnndPolyd. Vir.
gil jnvent
l. 3. c. 9.
Staͤtte bauen/ vnd ſich ingeſelliger beywohnung zuſammen
zu halten/ je laͤnger vnd ſtaͤrcker fort/ zu allerley bequemligkeit
vnd verſicherung. Etliche erachten auch/ es ſeye die Bau-jdem,ibid.
l. 3. G. 7.
\&, 8.
kunſt erſtlich von den Voͤgeln/ an jhren Niſteln abgeſehen
woꝛden/ wie ſie Neſter vnnd Auffenthalt zu machen/ mit zu-
tragen vnd ineinander Zaͤunen/ ſich ſo artlich bemuͤhet. Iſt
alſo die Baukunſt vnd allerley hierzu dienliche Nothduͤrffti-
ge Handarbett/ bald neben vnd nach dem Ackerbau/ als den
allernothwendigſten/ erfunden worden/ damit es demſelbi-
gen vnd aller anderer Duͤrfftigkeit zu huͤlff vnd ſtadten kaͤme/
ſonderlich weil die Menſchen ſich je laͤnger vnnd weiter ver-D. Riviũs
in einer
vorꝛede.
mehrten vnd ſtaͤrcketen. Vnd iſt die Architectur oder Bau-
kunſt/ mit etlichen andern Mechaniſchen Nothwendigen
Handwercken/ wegen jhrer Nutzbarkeit/ eine der Principal
Vrſachen geweſen/ der Erſten vnd Continuirenden geſelligẽ
beywohnunge deß Menſchlichen Geſchlechts/ welche auchAlleg.
D. Rivio,
Item
Thom.
Garz. in
piaz.
vniverſal.
Tholozanus in ſeiner policey beſchreibung bezeuget/ da er ſagt:
Indigentia mut ua plerumg [...] Ci vit at is cauſa \& origo fuit.
Daniel Barbarus nennet die Architectur oder Baukunſt eine
Herꝛin Princeſſin/ Richterin/ vñ Judicirerin/ ja eine Koͤnigin
aller erfundenen Kuͤnſte vnd Handwercken/ vnd ſagt: Sie
habe den Namen [Architectonica] recht her von vbertref-
fen/ weil ſie alle andere Kuͤnſte vnd Werck vbertrifft/ auch
viel Kuͤnſte vnd Handwercke jhr helffen/ vnd gleichwol ſich
wider nach jhr mehrentheils richten muͤſſen. Daher auch
Plato ſagt: Ein Baumeiſter oder dergleichen Kuͤnſtler ſey ein
vorſteher aller deren/ welche gute vnd nuͤtzliche Kuͤnſte machen
vnd bꝛauchen. Vnd nach dem voꝛtrefflichẽ Judicio D. Rivij,
ſoll ein Architectus oder Bauwerckkuͤnſtler vnd verſtaͤndigeꝛ
G ijder
[52]Von fuͤrnembſten/ noͤtigſten Handwercken
der dieſen hohen Titul vnd Namen ehrlich vnd mit ruhm
fuͤhren will/ in mancherley Kuͤnſten vnd Kuͤnſtlicher Arbeit
der Handwercken wol erfahren ſeyn.

Wie aber dieſem allen/ ſo iſt doch nit allein vermuhtlich
Polyd.
Vergil. l. 3.
c. 8.ſondern auch beweißlich/ daß in ipſo Mundi primordio, o-
der mit der anfangenden/ auffgehenden vnnd zunemenden
Welt/ das bawen an Haͤuſern vnd andern Gebaͤuden/ zwar
auß mancherley vnd vnterſchtedlicher Materien vnd Zeug
gemacht/ jedoch noch ſehr ſchlecht geweſen/ biß eine bequem-
lichkeit/ nutzbarkeit/ zierd vnd geſchicklichkeit nach der andern
erdacht/ erfunden/ vnd ins werck geſetzet worden/ wie es jedes
Orts vnd auch der Zeit gelegenheit/ Notdurfft vnd Zugehoͤr
erfordert/ vnd ſo gut man es haben koͤnnen.

Vnd iſt die uͤberauß fuͤrtreffliche vnd nutzliche Baw-
kunſt/ in Warheit eine gute vnd herꝛliche Gaabe Gottes/
vnd hette man derſelben wol zu genieſſen/ wenn ſie in jhren
Terminis zimlicher notdurfft vnd gebuͤhr bliebe/ wenn man
bauete/ damit man vor Kaͤlte/ Schnee/ Regen/ Hitze/ Win-
de/ vnd anderer Vngelegenheit ſicher were/ auch zur Ver-
wahrung wlder alles gefaͤhrliche vnd feindſelige/ vnd zu ge-
buͤrlichem Wolſtand vnd Erhaltung deß privat vnd gemei-
nen Nutzens/ wie auch zu ehrlichen nothwendigen etlicher
dinge Auffbehaltung/ Gebrauch/ Gedaͤchtnuß/ vnd andern
dergleichen guten Endevrſachen. Aber da hat man jhme zu
allen Zeiten vnd Orten gar offt zuviel gethan; Denn nicht
allein bald die erſte Welt/ mit Haͤuſer/ Staͤdten/ Thuͤrn vnd
Geneſ. 11.andern Gebaͤuden jhnen ein ſtoltzen Ruhm vnd groſſen Na-
men zu machen ſich vnterſtanden/ ſondern auch hernach vnd
biß zu vnſerer Zeit/ vnſaͤglichen Koſten auff mancherley/ doch
groſſen theils vnnuͤtze/ vergebliche/ allzuhochmuͤtige/ trotzige
vnd gleichwol vergaͤngliche Gebaͤude gewendet/ vnd will
man
[53]vnd voꝛtheilhafften verbeſſerungen derſelben.
man noch jmmer mit dergleichen geſehen ſein/ daß man ſehr
viel deß Dings/ nicht zur notdurfft vnd zimblichen wolſtand/
ſondern mehr zur eytelen Ehre/ auß Hoffart/ auch wider vie-
ler Stand vnd gebuͤr/ bauen vnd machen laͤſt/ zu Augen vnd1 Joh. 2.
Fleiſches Luſt/ darnach die Welt jren appetit zu haben pflegt.

Vnnd gehet in Warheit/ auch auß taͤglicher Erfahrung
ſchwer zu/ daß man ſich bey Auffbawung vnd Bewohnung
ſchoͤner Haͤuſer nicht erhebe/ vnd Hochmuht treibe/ wie Gott
der Herr ſelbſt in ſeinem H. Wort zuverſtehen gibt. VndDeut. 8.
Eſa: 9.
Jerem. 22.
Amos. 1.
2. 3.
ſolchen Mißbrauch deß bauens ſtraffet auch Gottes Wort
zum oͤfftern mal/ vnd drowet an/ ſolcher ſtoltzen vnd uͤbermuͤ-
tigen Leute Gebaͤu vnd Pallaͤſt mit zorniger Hand/ durch
Fewersbruͤnſte/ auch Kriegsgewalt vnd andere dergleichen
weiſe heimzuſuchen vnd zu verderben. So haben auch je zu
zeiten hochverſtaͤndige Regenten immoderatam ædifican-
di luxuriam in des latiùs ſerpentem, ein ziehen/ vnd hone-
ſtum modum derſelbigen ſtellen muͤſſen/ wie Pancirolluslib. 1.
Nov. Re-
perr.
auß den Keyſ: Rechten vnd dergleichen beweiſet; vnd ha-
ben doch darneben gern geſtattet/ ut ædificiorum cultu de-
cus urbium adquiratur, \& ædificantium habitationes
civitatum ornamento adijciantur. Wie denn zu Rom
der Decemvirorum Amptsverwaltung vnd vorſichte vn-
ter andern auch geweſen; pulchra \& decora civitatis faci-
es, \& ne ædificiorum ruinis publicus aſpectus defor-
maretur.

Sonſten leſt jhme Gott der Herr die Baukunſt/
auch nothwendige nutzliche/ zierliche Gebaͤude/ nicht allein
gefallen/ wie auß der H. Schrifft/ in Moſis/ Salomonis/
vnd anderer Hiſtorien/ auch auß vielen ſchoͤnen Gleichnuſ-
ſen von der Baukunſt/ vnd derer nothwendigkeit (ſo in Got-
tes Wo[r]t eingefuͤhret vnd gebraucht werden) zuſehen: Son-
G iijdern
[54]Von fuͤrnembſten noͤtigſten Handwercken
Num 32.
Deuter.
20. \& 22.dern Er hat auch ſelbſt Wonhaͤuſer vnd Staͤdte zu bauen
erlaubet vnd befohlen/ auch Bauordnunge/ Rechte vnd Ge-
ſetze verfaſſet/ vnd ſeinem Volck zur Nachrichtung fuͤrhal-
Deut. 20.ten laſſen. Ja Er hat auch vor Zeiten bey ſeinem Juͤdiſchen
Volck/ mit einer ſonder baren Freyheit begnadet den Jenigen/
Marg.
Bibl.welcher ein neues Hauß auffgebauet/ vnd ſelbiges noch nicht
eingeweyhet/ das iſt/ in welches Er noch nicht gezogen/ es zu
bewohnen/ vnd/ ein ſolcher dorffte nicht in den Krieg ziehen/
wann das Vffbott ergienge/ damit/ wann er etwa im Streit
vnd auff der Walſtadt bliebe/ ſein Hauß nicht einem andern/
deme es nicht ſauer worden/ zu theil vnd eygen wuͤrde. Ins
gemein aber/ ſollen die Glaͤubigen ſich erinnern laſſen/ daß ſie
nicht alſo vnbeſonnen inn dieſe Welt/ ſonderlich nunmehr
kurtz vor jhrem Ende/ hinein bauen/ als wann man immer
vnd ewig allda leben vnd wohnen wuͤrde. Wie denn vnſer
HErꝛ vnd Seligmacher/ Chriſtus/ ſolch vnbeſonnen bauen
Luc. 17.
Geneſ. 19.ſtrafft/ da Er ſagt: das/ wie die zu Sodoma vor jhrem vnter-
gang vnd verderben/ gegeſſen/ getruncken/ gekaufft/ verkaufft/
gepflantzet/ gebauet: Alſo werden jhrer viel vor dem Ende
der Welt vnd Offenbarung deß Menſchen Sohns/ wie mit
anderm/ gleich auch mit dem uͤbermaͤſſigen bauen thun.

Derwegen/ wie das bauen ſeine Zeit hat: Alſo ſoll es auch
Eccleſi. 3.ſeine maß vnd gebuͤhr haben/ daß man jhme nicht zuviel thut.

Sonderlich ſoll man bey den jrꝛdiſchẽ Gebaͤuen gleich wol
auch diß in alleweg behertzigẽ/ daß man allhier keine bleibende
ſtadt habe/ ſondern vnd darumb eine zukuͤnfftige zuſuchen ſey/
Hebr. 13.
\& 11.welche einen warhafften Grund/ vnd Gott den Herꝛn zum
Schoͤpffer vñ Baumeiſter hat/ auch Himliſch vnd Ewig iſt.

Vnd dieweil auch nur ein jrꝛdiſches Hauß/ mit Weiß-
Proverb.
24.heit gebauet/ vnd mit Verſtandt erhalten werden muß: Als
iſt ſich ſo viel deſto mehr zu verwundern uͤber die vnerforſch-
liche
[55]vnd voꝛtheilhafften verbeſſerungen derſelben.
liche Weißheit vnd vnaußſprechliche Allmacht Gottes/ nachGerhard.
Merca-
tor, in Fa-
brica
Mundi,
cap. 3.
Sapient.
11.
Geneſ. 1.
Job: 26. \&
38.
Eſa: 65. \&
66. 2 Petr.
3.
Apoc. 21.
welcher Er den Bau deß Himmels vnd der Erden/ Erſtlich
auß nichts/ hernach auß einem vngeſtalten Weſen/ erſchaf-
fen/ vnd alſo alles in kuͤnſtlichſter proportion, Harmo-
nia vnd Figur bereytet hat/ daß man ſagen muß/ auß dem
Buch der Weißheit: Es mangelte ſeiner Allmaͤch-
tigen Hande hierinnen nichts/ durch welche es gema-
chet worden/ vnd ohne welche es auch nicht beſtehen kan/ zu
geſchweigen/ wenn es dermal eins alles ſoll verneuert werden.
(Gerhard. Mercar. in Fabr. Mundi: Axioma eſt omni menti,
Opificium \& Ædificium mundanæ huius machinæ inſpicienti,
DEVM ipſius Autorem, potentiæ incomparabilis ſapientiæ im-
perſerut abilis, \& bonit at is immenſæ eſſe.)

Soll man derwegen auß ſolchem Bauwerck vnd deſſen
groſſer Schoͤne/ vnd Geſchaͤfften/ erkennen vnd ſehen/ wer
der Meiſter vnd Schoͤpffer ſey/ auch mit ſolchem GeſchoͤpffSapient.
13.
recht vmbgehen/ jhme nachdencken/ vnd neben andern auch
dieſes betrachten/ daß man ſich huͤte fuͤr fuͤrwitziger miß-
braͤuchlicher/ vnnoͤtiger Erkuͤndigung der vnterſchiedlichen
Gemaͤche/ Tabulaten vnnd Wohnungen dieſes Gebaͤus.
Denn gleich wie in einem groſſen Hauß vnterſchiedliche
Gemaͤcher ſeyn/ auch in denſelben vnterſchiedliche Ge-
ſchaͤffte vnd Werck/ zu vnterſchiedlichen Zeiten vnd Stundẽ
verꝛichtet werden muͤſſen/ Auch der Haußherꝛ einem Fremb-
den Gaſt/ oder Dienſtbotten/ nicht alle/ ſonderlich die geheime
Gemaͤcher ſehen laͤſt: Alſo will auch Gott der Herr/ daß
wir zur zeit vnd an dem ort dieſes zeitlichen vnd vergaͤngli-
chen Lebens/ als frembde Gaͤſte/ vnd ſeine Dienſtbotten vns
nit bekuͤmmern ſollen/ zu wiſſen/ wie es droben im Himmel zu-
gehe/ ſondern man ſoll beedes der gegenwertigen Zeit/ vnd
auch deß Orts alſo war nemmen: Daß/ weil allhie das
Laboratorium iſt/ ſoll man recht vnnd wol arbeiten
vnd
[56]Von fuͤrnembſten noͤtigſten Handwercken
vnd hauſen/ vnd dorten/ allda das Refectorium ſeyn wird/
der Ruhe vnd Ergetzlichkeit erwarten. Darumb hat nu Gott
der Herr nach dem Zeugnuß ſeines Worts/ den Erdbo-
Pſal. 115.
Geneſ. 1.
\& 8.
Job. 26.den den Menſchen zur zeitlichen Wohnung eingeraͤumet/
vnd erlaubet denſelben zu beſitzen vnd genieſſen/ den Him̃el
aber mit einer Decke vnterzogen/ vnd fuͤr ſeinen Stul die
Wolcken gebreitet/ vnter andern vrſachen auch darumb/ daß
man nicht auß Fuͤrwitz in den Himmel hinein zuſehen bege-
ren/ oder Gottes Geheimnuß wiſſen ſoll/ was daſelbſten fuͤr-
gehe/ wie dergleichen fuͤrwitzige Gedancken offt den Leuten
einfallen/ vnd ein Lehrer zu vnſerer Zeit war ſchreibet: Pauci
ex ingenti multitudine, quâ in cœlos eundum ſit, cu-
rant: omnes autem, quid illîc agatur, ſcire ante tem-
pus appetunt, Das iſt: Wenig Lcute bekuͤm̃ern ſich ernſt-
lich darumb/ wie ſie ins Him̃elreich kommen moͤchten; Aber
der mehrer theil/ woͤllen/ jedoch zur vnzeit vnd zu fruͤe/ wiſ-
ſen/ wie es daſelbſten zugehe. Derwegen ſollen wir vns mit
Rom. 8.dem H. Apoſtel Paulo contentiren vnd zufrieden ſtellen
laſſen/ der da alſo ſagt: wir hoffen deſſen/ das wir nicht ſehen/
vnd warten ſein mit Gedult. Vnter deſſen ſollen wir der
1 Corinth.
7.
1 Petr. 1.Welt gebrauchen/ aber nicht mißbrauchen/ vnd nach der vn-
vergaͤnglichen Behauſung deſto hertzlicher verlangen haben/
fuͤrnemlichen auch auff den rechten weg dahin zukommen
trachten.

Ferꝛner/ demnach allerhand/ ſonderlich fuͤrneme Gebaͤu-
de/ neben der nutzung vnd bequemlichkeit auch mit etwas wot-
geformierten Dingen zum Luſt vnd Ergetzlichkeit deß Ge-
ſichis/ wie eines vnd andern dinges/ verſtandt/ oder etwas
denckwuͤrdiges/ ſinnreiches zu bedeuten vnd zu erinnern; Als
hat man ſich auff mancherley Bilderwerck/ Saͤulen/ ꝛc. vnd
dergle
[57]vnd vortheihafften verbeſſerungen derſelben.
dergleichen Zierungen befliſſen/ wie deñ ſolche/ bey Kuͤnſtlern/
Bau- vnd Werckleuten bekandt ſeyn/ vnd jhre Namen haben.
Welches Muſters vnd Bereytung anfang/ iſt von der vhral-
ten Kunſt/ die da heiſt/ Plaſtica, eine Kunſt auß Laͤimen/ Letten/
Thon/ Erden/ auch Wachs/ Gipß/ vnd dergleichen etwas
ſtellen/ Poſſteren/ Formieren/ ꝛc: Vnd hernach von Stein/
Holtz/ Mettall/ vnd vielerley gantzer oder vermiſchter Mate-
rien vnd Zeug/ etwas Schnitzen/ Hauen/ Gieſſen oder ſonſten
machen. Vnd haben etliche deren Vrſprung vnd Anfang/
Gott dem Herrn vnd Schoͤpffer ſelbſten wollen zugeeyg-
net/ vnd von jhme abgelernet haben; Sintemal derſelbe nach
Zeugnuß ſeines H. Woꝛts/ den Erſten Menſchen Adam/
auß einer Erdinen Materien/ den Andern Menſchen aber
als Heva/ deß Erſten Weib vnd Gehuͤlffin/ auß deß Mañs
Leibs Riebe gebauet/ das iſt/ Formieret vnd Gebtldet/ wie dieGeneſ. 2.
Wort derſelben Schoͤpffung lautten. Wie denn dieſe Kunſt/
Plaſtica, oder Formkunſt/ genandt/ Gott der Herr noch
treibet/ an allen Creaturen Vitæ animalis, inſonderheit aber
vnnd fuͤrnemblich an den Menſchen/ wenn er ſelbige vnd an-
dere bißheꝛo vnd noch/ jedoch durch Mittel/ Schaffet/ Bildet/
Foꝛmieret/ vnd geboren werden laͤſt/ wie ſolches die HeiligenHiob 10.
Pſal. 119.
fein erkennet/ als David/ Hiob/ vnd andere.

Vnnd kan man ſich vber ſolche Plaſtica vnd Bildſoꝛ-
men Gottes deß HErꝛn vnnd Schoͤpffers abermals nicht
gnugſam verwundern/ nicht allein am Menſchen/ ſondernD. Rivius
auch an andern Lebendigen Geſchoͤpffen/ auch an den aller
elendeſten Wuͤrmlein/ welches alles mit ſo vnaußſprechlicher
Fuͤrſichtigkeit Gebildet iſt/ daß an einem jeden etwas eingeleg-
ter Goͤttlicher Ehren genugſam zu ſpuͤren/ ja Augenſchein-
lich zu ſehen iſt. Vnd ſonderlich/ was den Menſchen be-
Htrifft/
[58]Von fuͤrnemſten noͤtigſten Handwercken
D. Rivius,
Albert.
Dürer.trifft/ ſeind am ſelbigen zwey dinge/ darumb er ein Menſch
genennt wird/ nemblich die Materi vnd Form. Dieſes als
die Form/ iſt die eygentliche Geſtalt/ nach welcher man einen
Menſchen vor dem andern erkennen mag/ durch die Matert
aber/ wird der Menſchliche Coͤrper fuͤr ſich ſelbſten verſtan-
den/ an welchem allem billich die Menſur/ vnd rechte Sym-
metria aller Gliedmaſſen fuͤr allen andern/ ſo alle in gewiſ-
ſer maß erſchaffen ſeynd/ zum hoͤchſten zuverwundern/ vnd
wol zubetrachten. Denn ſolche Symmetria im Menſchli-
chen Coͤrper vor allen andern dingen/ ſo Gott in der Natur
erſchaffen hat/ am allerwunderbarlichſten geſpuͤret wird/ weil
der Menſch alſo ordenlich vnd in ſo eygentlicher proporti-
on von Gott erſchaffen/ daß wir jhn/ den Menſchen/ an-
derſt nicht/ denn eine rechte Harmonia vnd allerdings/ ein
wol beſtim̃et Inſtrument nennen moͤgen. Daher auch ein
Hochgelehrter Mann recht geſagt:

Solcher Plaſtica Bild oder Formkunſt/ ſeynd auch
ſerꝛner verwandt vnd gleiches herkommens/ Pictura,Ma-
lerkunſt vndSculptura, das iſt/ eine Kunſt/ auß Stein/
Holtz/ Metall/ vnd allerley Materien, etwas dem Lebendi-
gen/ oder andern/ auff mancherley weiſe/ mit ſchnitzen/ hau-
en/ ſtechen/ graben/ ꝛc. gleich oder nach zu machen/ wie auch
viel andere dergleichen Verwandte Kuͤnſte/ welche auß der
Phyſica, Mathematica, geometria, vnd andern Philoſo-
phiſchen Wiſſenſchafften jhren vrſprung haben/ oder mit
D. Rivius,
vnd
Johan.
Newdoͤrf-
fer.denſelben ſeynd auffkommen/ vnd je laͤnger verbeſſert vnd
vermehret worden/ wie bey den Verſtaͤndigen leichtlich zu-
erweiſen/ auch fuͤrtreffliche ſinnreiche Leute/ ſolchem nach-
gedacht haben. Sintemal auß derſelben uͤbung/ piel nutzliche
fuͤrtreff-
[59]vnd voꝛtheilhafften verbeſſerungen derſelben.
fuͤrtreffliche Handarbeit/ zu allerley Kuͤnſten nothwendig/Wentzel
Jamitzer/
vnd ande-
re.
vnd dienlich herkommen/ vnd mit groſſen Nutzen/ Vortheil/
vnd Befoͤrderung mancherley Wercken/ gebraucht werden.
Wie dann auch noch viel Handwerckskuͤnſte ohne Verſtand
vnd Wiſſenſchafft etlicher Mathematiſchen Sachen Nach-
richtung nicht koͤnnen verfertigt werden. (von welchen her-
nach etwas mehrers.)

Vnd was in ſpecie die Mahlereykunſt betrifft/ iſt ſelbige
(den Mißbrauch/ wie auch ſonſt in allem vnd allzeit/ außge-
nommen) mit vnd neben andern jhren verwandten Kuͤnſten/
gleicher weiſe von Gott dem HErꝛn ſelbſt den Menſchen ge-
offenbaret worden/ dadurch ſeine Goͤttliche Wunderwerck/
Geſchoͤpff vnd Geſchaͤffte/ deſto ruͤhmlicher/ auch anſehenli-
cher vnd nachdencklicher zu machen/ Alldieweil durch dieſeVoꝛrede
uͤber etli-
che Schif-
farten mit
Picturen.
Kunſt fuͤr Augen geſtellt werden koͤnnen ſolche dinge/ welche
uͤber viel hundert Meiln weges geſehen werden/ an Land-
ſchafften/ Leuten/ Gebaͤuden/ Gewaͤchfen/ Thieren vnd allem
andern/ alter vnd neuer dinge/ welche ſonſten verborgen vnd
vnbekandt blieben. Denn ob wol dieſelben etlicher maſſen
auch durch die Schrifft/ vnd nunmehr auch durch den Truck
koͤnnen kundt gemacht vnd angezeiget werden/ ſo bleiben ſie
doch gleichſam todt oder verfinſtert/ wenn ſie nicht durch die-
ſe Kunſt/ repræſentirt, illuminiert, vnd gleichſam lebendig
vnd gegenwertig fuͤr augen geſtellet werden. Daher [...] von ſol-
cher Kunſt gelegenheit vnd behelff ein hochgelehrter Mann
ſchoͤn vnd war ſchreibet:Michaël
ab Iſſelt,
in opus ge-
ograph:
Gerardi
Merca-
teris.

Das iſt:

Wie deñ auch ſonſten von andern geſchehenen Dingen
durch die Figuͤrliche Fuͤrbildungen vnnd gemaͤhide vns alles
dermaſſenfuͤrkommen kan/ als weñ wir an ſelbigen Orten zu
gegen weren/ vnd alles Perſoͤnlich vndmit vnſern Augen ſelbſt
ſehen. Daher ſie von etlichen Hochgelehrten alſo beſchrieben
wird: — Sacra parens rerum pictura, Poëſis
Docta manus, cujus nullo tractabile ſenſu
Argumentum ingens, \& tantum mente colendũ.
Vnd ein alter Autor, eines Tractaͤtleins von der Perſpe-
ctiva, Namens Viator, ſagt alſo: Nobiliſſimæ ac ſubtiliſ-
ſimæ Artis pingendi arcana multa ſunt, longâ erudi-
tione Doctiorum, actuali rerum naturalium \& artifici-
aliũ contuitu, \& permenſâ obfiguratione exquirenda.

Welche liebliche/ ſinnreiche/ nachdenckliche Kuͤnſt/ je-
derzeit von Hohen Monarchen vnnd Potentaten/ vorneh-
men Herꝛſchafften/ vnd Hochverſtaͤndigen Leuten/ in gebuͤr-
lichem Reſpect gehalten/ vnd vielfaͤltig Com̃endirt, auch
ſolche vnd dergleichen Kuͤnſtler offtermals hoch befreyh et/
ſtatlich Begnadet/ vnnd wol verſorget worden. Vnd in
warheit/ gleich wie die Architectonica, Baukunſt/ eine Koͤ-
nigin iſt aller anderer Kuͤnſten/ alſo iſt die Pictura, Maler-
kunſt aller derſelben eine nohtwendige Wegweiſerin/ vnnd
dienſtliche Fuͤrerin/ nach welcher ſie ſich richten/ vnd von jhr
rezuliren laſſen muͤſſen. Denn nach der Regul vnd Kunſt
deß Malens/ werden bey nahe alle andere Werck der Bauleute
vnd vieler anderer gerichtet/ Alſo/ daß keine Kunſt oder auch
gemeines Handwerck ſo gering iſt/ welche nicht die Maler-
kunſt annehmen oder zulaſſen moͤge/ daß man wol ſagen ſoll/
daß alle jeder Dinge auff Erden ſchoͤnheit vnd zierde von der
Kunſt deß Malens genommtn ſey. Ob auch ſchon diſe edele
Malerkunſt anfaͤnglich ſo fuͤrtrefflich nit excolirt woꝛden/
ſo
[61]vnd vortheilhafften verbeſſerungen derſelben.
ſo iſt doch allzeit etwas derſelben braͤuchlich vnd uͤblich gewe-
ſen/ ſo viel man deſſen Nothwendig beduͤrffet/ wie auß vielen
alten nachrichtungen koͤnte bewiſen werden. Vnd iſt mit die-
ſer Kunſt auch hergangen/ was Syneſius in einer Epiſtel ſagt:
Multas rerum utilium tempus invenit, aut Correxit:
Das iſt: Die Zeit hat viel nuͤtzliches Dings entweder erfun-
den/ oder verbeſſert. Vnd Aratus hat auch geſagt: Non
omnia ſimul edoctos Homines á Jove, ſed horum ali-
qua dari \& in poſterum, Das iſt/ die Menſchen haben von
Gott nicht alles auff ern mal gelernet/ ſondern man habe mit
der Zeit jmmer etwas mehrers zu lernen.

Wie nun die Alten veꝛſtaͤndigen wol gewuſt/ was ſie von
einem Ding recht vnd war Judiciren ſollen; Alſo haben ſie
auch die Malerkunſt/ nach jhrer Wuͤrden gehalten/ vnd ſel-
bige eine Blume aller Kuͤnſtlichen Handarbeit genennet/ vnd
dargethan/ das man durch die Malerey zu vielẽ andeꝛn Kuͤnſt-
lichen wie auch gemeinen Handwercken/ einen groſſen Voꝛ-
theil/ guten Verſtand/ auch eylfertige vnd befoͤrderliche Ler-
nung haben moͤge/ wie auch droben/ lm 2. Cap. hievon mel-
dung geſchehen iſt.

Die Griechen inſonderheit/ haben die Malerkunſt vndD. Rivius
\& alij ex
vet. Hiſt
andere dero verwandte ſo hoch gehalten/ daß ſie durch oͤffent-
liche Geſetz verbotten/ daß kein Erkauffter oder Leibeygner
Knecht zu gelaſſen wuͤrde/ ſelbige Kuͤnſte zu lernen/ dieweil
ſolche Kuͤnſtliche Arbeit zu treiben nur denen ſolte verguͤnſti-
ger werden/ welche eines Freyen Auffrichtigen/ Adelichen Ge-
muͤts weren/ vnd andere in ſchaͤrpffe der Sinnen vnd Ver-
nunfft auch eygenſchafft deß freyen Jngenij weit uͤbertreffen/
denn ein ſolch ſcharpffſinnig Jngenium, anderſt nicht koͤn-
te probiert werden/ als wo man einen ſonderbaren Luſt zu
dieſer Kunſt ſpuͤrte. Wie deñ auch beweißlich daß etliche Fuͤr-
H iijtreffliche
[62]Von ſuͤrnembſten vnd noͤtigſten Handwercken
treffliche Mahlerauch ſonſten ſehr ſinnreich/ vnnd groſſes
Vide ſup.
c. 3.Verſtandts in vielen dingen geweſen/ wie von Apelle, Düre-
ro, vnd andern dergleichen die Hiſtorien bezeugen/ welche
in allerley Kuͤnſten ſehꝛ fuͤrtrefflich/ auch ſonſten eines ſcharpf-
fen ſubtilen judicij geweſen/ welches mit verwunderung an
jhnen zuvernemen.

Auch in H. Schrifft werden etliche dinge gemeldet/ welcher
behelff vnd beweiß von dieſer Kunſt deß mahlens genommen
ſeynd/ Als/ der Prophet Ezechiel muß auff Gottes befelch/
Ezech. 4.auff einen Ziegel entwerffen die damals kuͤnfftige Belaͤge-
Habac, 2.rung der Stadt Jeruſalem/ Item/ der Prophet Habacue/
muß die Weiſſagung vom Verderben der Juden/ durch die
Chaldeer/ mit aller Ruͤſtung/ auff eine Tafel mahlen. Vnd
Galat. 3.der Apoſtel Paulus erinnert ſeine Glaubige Galater/ daß er
Chriſtum den Gecreutzigten/ mit ſeinem Verdienſt vnd Wol-
thaten/ ſo deutlich jhnen geprediget habe/ als wenn es jhnen
fuͤr die Augen wer gemahlet worden/ was zu Jeruſalem diß-
fals in der that mit jhme geſchehen/ vnd ſich zugetragen
hatte.

Vnd befinden ſich gewißlich an einem kuͤnſtlichen Ge-
maͤlde viel wunderbare Eygenſchafften/ welche es bey einem
verſtaͤndigen nachdencklichen Anſchawer wuͤrcket/ daß auß
Erfahrung der hochgelehrte Mann Johan. Sambucus, wei-
land Keyſ: Leib medicus, zu Wien/ nicht ohne vrſach in ſei-
nem Symbolo anzeigend ſagt: Me pictura tenet, \&c.

Das iſt:

Aber ſolche Kuͤnſtler ſolten wol in acht nemen/ die war-
nung deß H. Worts Gottes/ welche ſtehet im Buch der
Weiß-
[63]vnd vortheilhafften verbeſſerungen derſelben.
Weißheit: Daß die Maler nit vnnuͤtze Arbeit machen ſol-
len/ welches geſchicht mit Abgoͤttiſchen vnd aͤrgerlichen Ge-Sap. 19.
maͤlden/ vnd dergleichen.

WEiter/ ſo iſt neben oberzehlten Handkuͤnſten auch aller-
ley Schmidewerck/ nicht weniger fuͤr der Elteſten
vnd nothwendigſten eines bey aller zeiten Voͤlckern gehalten
worden/ wie erſtlich auß dem Buch der Schoͤpffung zuſe-Geneſ. 4.
hen/ da Thubalkain/ der Meiſter in allerley Ertz
vnnd Eyſenwerck auffkommen/ vnnd das Schmide-
Handwerck angefangen zu treiben/ deſſen nothwendigkeit
denn nicht allein dem Feldbaw/ wie auch der Architectur
vnd Baukunſt/ einen groſſen behelff gegeben/ ſondern auch zu
vielen andern Kuͤnſten/ Handwercken/ vnd Arbeiten gute
befoͤrdernis gethan/ da dann ferꝛner vnnd noch allezeit das
Schmidewerck/ mit mancherley vnter ſchiedlicher Arbeit ſich
wol brauchen laſſen. Wie denn in H. Schrifft/ vnd der Hi-
ſtoria deß alten Juͤdiſchen Volcks hin vnd her/ an vnterſchid-
lichen Orten mancherley Gezeugs vnnd Gemaͤchts/ als
Haußgeraͤths/ auch von Ruͤſtungen Wehr vnd Waffen/
welches vom Schmidewerck muß zugerichtet werden/ gedacht
wird/ vnd daſſelbige Volck Gottes wol damit/ zu Hauß vnd
ins Feld/ auff allerhand notdurfft verſehen geweſen. Hernach
aber haben je zu zeiten jhrer vmbher graͤntzenden Nachtbau-
ren etliche/ ſonderlich die Philiſter/ bey jhren feindlichen ge-
waltthaͤtigen Einfaͤllen/ neben anderm nachtheil/ ſo ſie jhnen
zu gefuͤget/ auch derſelben Handwercksleute/ ſonderlich/ wel-
che Schmidewerck trieben/ gefaͤnglich mit ſich hinweg/ vnd
auß dem Lande gefuͤhret/ die Juden dern beraubet/ zu ſich gezo-
gen/ vnd fuͤr ſich gebrauchet. Daß alſo die Juden dern ein lan-
ge zeit mangeln muſten/ vnd zur zeit der Richter/ vnter 40000.
Mann
[64]Von fuͤrnembſten noͤtigſten Handwercken
Mann deß Juͤdiſchen Volcks weder Schild noch Spieſe
geſehen/ vnd darumb auch nicht gebraucht worden/ vnd in
1. Sam. 13.Samuelis vnd Sauls Hiſtoria wird dergleichen gemeldet/
daß zu mancher zeit weder Schwerd noch Spieſe vorhanden
geweſen/ vnd das Juͤdiſche Volck dermaſſen von den Phili-
ſtern getraͤngt worden/ daß kein Schmied in gantz Iſrael fun-
den ward/ vnd ſie alſo weder Schwerd Spieß noch andere Ruͤ-
ſtung/ auch kein nohtwendig Haußgezeug/ machen oder[ ]brau-
chen kunden/ ſondern was ſie vonallerley noͤhtigen Schmid-
werck/ als Pflug/ Schaar/ Hauen/ Beyhel/ Senſen vnd der-
gleichen bedorfften/ ſolches vnd anders gleichen bey den Phili-
ſtern, mit groſſer vngelegenheit machen laſſen/ vnd abholen
muͤſten/ welches die H. Schrifft ſelbſten fuͤr eine Jaͤmmer-
liche beſchwerung klagt/ vnd auch wol zubeklagen iſt. Vnd
alſo haben auch hernach die Heyden oͤffter gethan/ daß ſie
das Juͤdtſche Volck/ auß verhaͤngnts Gottes/ ſie zu demuͤti-
gen/ jhꝛer beſten vnd noͤtigſten Handwercks Leute/ [welches
ſonderlich Bauleute/ Schmide vnd Zimmerleute geweſen/]
beraubet haben/ wie dann dergleichen gedacht wird/ das Ne-
bucadnezer/ der Koͤnig auß Babel/ neben dem beſten Volck/
auch ſolche jetztgemelte Handwercker vnd dergleichen/ auß
2. Reg. 24.
Ierem 24.
\& 29.dem Juͤdiſchen Land/ hinweg gen Babel gefuͤhrt/ wie deſſen/
im 2. Buch der Bibliſchen Koͤnigen/ vnd im Propheten Je-
remia betaͤurlich gemeldet wird. Vnd ferꝛner im gemeldten
Ierem. 52.Propheten Jeremia/ wird abermals erzelt/ daß die Babylo-
nier/ den Juͤdiſchen Koͤnig Zedekia neben vielen andern/ ſon-
derlich auch dem Handwercksvolck/ mit ſich gefangen gen
Babel gefuͤhrt/ vnd nur armes Volck/ Ackerlente vnd Wein-
gaͤrtner im Lande gelaſſen/ damit es gleichwol gebauet wuͤrde/
vnd nicht wuͤſt vnd oͤde ligen bliebe/ wie denn ſolches vnd der-
gleichen GOtt der HErꝛ den Juden ſelbſt androwet/ im
Pro-
[65]vnd noͤtigſten Handwercken.
Propheten Eſaia/ daß vnter andern Straffen/ ſie zorniglichEſa. 33.
heimzuſuchen/ er ſie jhrer guten nuͤtzlichen vnd nothwendi-
gen Handwercksleute/ Kuͤnſtler/ weiſer Werck-vnd Baw-
leute/ vnd dergleichen anderer berauben laſſen wolle.

Alſo werden auch ferner beym Syrach/ vnter die noͤtig-Syr. 39.
ſten Handwercker auch die Schmide gerechnet/ welche zum
taͤglichen Behelff vnd Gebrauch in allerley Arbeit/ auff man-
cherley Weiſe dienlich ſind: Wie denn in Warheit wenig
Handwercks Kuͤnſte ohn das Schmiedewerck koͤnnen getrie-
ben werden. Vnd in Hebr. Sprach werden Coreſchim ge-
nennet allerley Kuͤnſtler vnd Handwercker/ ſonderlich vom
Schmicdewerck/ was etwas machet zu allerhand Werckzeu-
ge. Daher denn ſonſten fuͤrnehme Politici ſagen: Daß ausPolitici.
dem Schmiedewerck dieſe zween ſonderbare Nutzen kommen:

I. Facilior operatio ſuſtentationis, Das iſt: Saͤnff-
tere Arbeit zur Nahrung/ wegen mancher vnd mehrerley In-
ſtrumenten vnd Werckzeugs zu beſſerm Behelff.

II. Validior defenſio regionis, das iſt: Sterckere Ver-
[wahrung] des Leibs/ Lebens/ Hauß/ Hoff/ Haab vnd Guͤter/
Land vnd Leuten/ wegen mancherley Waffen/ ꝛc. zur Gegen-
wehr/ welches alles von vielerley Schmiedewerck gearbeitet
wird. Auch hat man ſonſten bey wolbeſtelten Regimenten
vnnd Gemeinden auff mancherley nothwendig Schmiede-
werck ſonderlich gute acht gegeben/ damit man mit ſelbigen
wol ſtaffirt ſeyn moͤchte/ wie dann ein ander Autor zeuget:
Ejuſmodi peritos artifices in arte fa brili, ad civitatisHein. Sal-
muth. JC. in
Not. ad Panci-
roll. de Nov.
Repert.
commoda, utilitatem, \& decus facere, immò \& tutam
Rempublicam reddere, Das iſt: Solche vnd dergleichen
Meiſter der Schmiede Handwercke/ ſeynd ein Wolſtand vnd
Nutzbarkeit/ ja Ehr vnd Wehr/ einer wolbeſtelten Stadt
Gemeinde.

Daher die vhralte Stad Numantia (von Numâ erba-
wet) einclange Zeit nur einen Handwercksmann gehabt vnd
gebraucht/ das war ein Schmidt/ weil ſie deſſen gar nicht ent-
rahten kunten. Vnd ſagt obgemelter Autor inſonderheit
von den Zeug- vnd Waffen Schmiden/ daß ſelbige vor an-
dern ſind genennet worden/ Fabricenſes, à fabricandi peri-
tiâ, \& iuduſtriâ fabricandorum armorum, wie auch ſol-
In Codice:
Juris.cher Werckname noch in den Kaͤyſ. Rechten zu leſen. Alſo
ſagt auch Caſſiodorus: Arma in bellis neceſſaria, in pace
decora ſunt, ac im belles fragileſq́; mortales cunctis bel-
luis efficiunt fortiores, Das iſt: Die Gewehr vnd Waffen
ſind im Krieg noͤtig/ im Fried zierlich/ vnd machen die wehr-
loſen Menſchen/ auch wider die wildeſten grewlichſten Thie-
re/ bewehrt/ ſtarck vnd vortheilhafftig. Darumb denn wegen
ſolcher Nothwendigkeit/ auch ein groſſer Theil der Handwer-
cker/ vom ſchmieden (jedoch mit zugeſetztem Vnterſcheid) jhre
Namen haben vnd gebrauchen. Wie dann in der einigen
Stadt Nuͤrnberg/ neben der Menge der andern/ ſehr viel
Jacobus Bor-
aitius.Handwercke ſeynd/ welche vom Schmieden genennet wer-
den. Alſo bezeuget auch ein Politicus: Opificia ferraria
toti Reipublicæ commodant: orum verò defectus, præ-
cipuè Armorum \& Inſtrumentorum, incommoda plu-
rima ſecum trahit, de plorãte hoc ipſum Judæorũ exem-
plo, Das iſt: Daß Eiſenſchmidewerck groſſen Nutzen/ deſſen
mangel aber groſſe Noth vnd Hinderniſſen bringen/ wie auch
Suche droben
fol. 63. 64.der Juͤden Exempel ſolches betrawret. Vnd diewcil inſonder-
heit die Schmiede zu jhrer Arbeit das Fewer haben muͤſſen/
drumb ſaget man auch: Ignis eſt magiſter plurimarum ar-
tium, Das Fewer ſey ein Meiſter vieler Kuͤnſte. Summa/
Franciſcus
Betrarcha.das Schmiedewerck iſt deren eins: quorum exercitium ci-
vili ſocietati utile eſt, \& beatam facit Rempublicam.
Vnd
[67]vnd noͤtigſten Handwercken.
Vnd der alte Bryſon, in ſeinem Oeconomico, ſaget auch:Citante Sto-
bæo, Serm. 83.
daß nach dem Acker vnd Feldbaw/ die noͤtigſte Handwercke
ſeyn/ Omnis ars fabrilis, ferrariorum, lignariorum \& his
cognatorum, als das Schmid vnd Zimmer Handwerck/
vnd was dieſem verwand iſt. Das Schmide Handwerck
verehrlich zubeſchlieſſen/ war zur Zeit deſſen Handwercks
verwandter in einer Stadt/ von ſeinem Nachbawrn/ einem
Wucherer faſt dahin bedrengt/ daß er ſein eigen Hauß/ ſelbi-
ges Orts/ verkauffen ſolte/ weil der Wucherer ſelbiges Hand-
wercks klopffen vnd haͤmmern nicht dulden oder hoͤren kunte.
Der Handwercksmann aber antwortet: Er duͤrffte ſein
Handwerck/ als ehrlich vnd noͤtig/ treiben/ daß es jedermann
ſehen vnnd hoͤren doͤrffte/ Beruffte ſich auch auff SyrachsSyr. 39.
Zeugniß/ daß es noͤtig/ vnd man deſſen nicht entperen koͤnte:
Wenn aber Recht zu erlangen were/ ſolte vielmehr der Wu-
cherer nicht allein aus ſeiner Nachbawrſchafft/ ſondern gar
aus der Stadt weichen/ als deſſen man wol entrathen koͤndte.

Das V. Capitel
Etlicher Alter vnd Newer fůr trefflichen
vnd kuͤnſtlichen Wercken/ Stuͤcken/ vnd
Handarbeiten/ Beſchreibung/ Ruhm/ vnd
Gedaͤchtniß.

QBs zwar wol an dem iſt/ was man zu ſagen pfleget:
Nullum opus humanum ſemper dutat. Et:
Mortalis labor nihil efficit immortale. Jedoch
bezeuget die Erfahrung/ daß viel Wercke etlich hundert Jahr
Dan. 1.lang gewaͤhret/ vnd noch dergleichen mancherley verhanden
ſeyn/ dabey man allerley betrachten kan. Vnd dieweil Gott
der HErr Kunſt vnd Verſtand gibt/ auch Kunſt vnd kuͤnſt-
Syrac.liche Wercke in GOttes Wort geruͤhmet werden/ wie auch
ein jedes rechtſchaffenes Werck ſeinen Meiſter allezeit lobet:
Als ſollen wirs auch alſo halten/ weil es ja heiſſt: Honos alit
Hans Sachs.artes. Welches recht alſo verteutſchet wird:

Vnd wie des Jamblichi Wort lauten:

Vnter denſelben beruͤhmbten Menſchen Haͤnden Wer-
cken/ ſeynd erſtlich zu betrachten die VII. Wunderwer-
cke der Welt/ wie ſie von Alters hero dafuͤr gehalten worden/
vnd von vnterſchiedlichen Autoribus, doch vngleich erzehlet
vnd beſchrieben werden/ vnd ſind geweſen folgende:

I. MAUSOLEUM, Des Koͤniges Mauſoli in Ca-
riâ Grab/ welches ſchoͤne Gebaͤwde/ jhme/ ſeine Gemahlin/
die Koͤnigin Arthemiſia von lauter ſchoͤnen Marmorſteinen/
mit
[99]kuͤnſtlichen Wercken.
mit vielen Sewlen vnd dergleichen geziert/ aus groſſer Liebe
gegen jhme/ zu langwaͤrendem Gedaͤchtniß/ erbawen laſſen.
Dann dieſe Koͤnigin hat jhren Mann/ gemeldten Koͤnig der-
maſſen geliebet/ als/ ſuper omnes amorum fabulas, ultra-
què humanæaffectionis fidem, vnd hat die cineres oder
Aſchen/ von des verbrennten Mannes Leichnam vnd Gebei-
nen (wie es bey vielen Heydniſchen Leuten gebraͤuchlich)
eins theils mit Getraͤnck eingetruncken/ vnd andere viel mehr
violenti amoris indicia ſehen laſſen. Die Koͤnigin iſt zwar
auch geſtorben/ ehe denn es außgebawet worden/ Aber wie ſie
jhres Mannes Gedaͤchtniß jhr laſſen angelegen ſeyn: Alſo
haben auch die Kuͤnſtler vnd Werckleute jhrer Kunſt vnd
Fleiſſes ein Gedaͤchtniß an dieſem ſchoͤnen Werck hinterlaſ-
ſen woͤllen/ wie die Scribenten melden/ (illa viri fortiſſi mè
adamati, illi verò gloriæ artisq́; ſuæ monumentum reli-
querunt) wie es denn iſt außgebawet vnd verſertiget worden
durch die Kunſtreichſten Meiſter/ welche zur ſelben Zeit gelebt
vnd florirt haben.

Sonſten haben auch die Egyptiſchen Koͤnige/ vnd an-Ja Beſchrei-
bung der Pa-
radiß Waſſer.
dere fuͤrnehme Leute derer Orten/ ſehr viel Koͤſtliches an Ge-
baͤwden vnd Schaͤtzen an jhre Begraͤbniſſen gewendet/ wie
die Hiſtorien davon melden/ vnd ſonderlich hat der Koͤnig
Simandius andere hierinn vbertroffen/ wie aus den Alten be-
weiſet Gabriel Kaltemarckt.Vide libr.
Catalog. Glo-
riæ mundi.

II. PYRAMIDES in Eygpten/ ſonderlich die zween
groͤſſer/ vnd ſagen zwar Plinius, Pancirollus, vnd Chaſſa-
næus, daß man ſelbige zu bawen keine ander Vrſach wiſſe/
denn diß: ut nec pecunia ipſa, nec etiam plebs eſſet otioſa,
das iſt: damit das Geld vnter die Leute kom̃en moͤchte/ vnd die
Leute dafuͤr zu arbeiten hetten/ jedoch fuͤrnemlich zu Grabe-
ſtedten vnnd langem Gedaͤchtniß der Koͤnige/ Koͤnigin/ vnd
N ijſon-
[100]Von alten vnd newen
ſonſten fuͤrnemer reiche Leuten dieneten/ wie deñ kein Gebaͤw-
de/ Alters halber/ lenger ſtehet/ denn ſolche Pyramides/ vnd
ſind gelegen bey Memphis/ heutiges Tages Cairo genandt/
haben den Namen Pyramides/ weil ſie ſich oben auff/ wie an
Fewers Flammen zu ſehen/ zuſpitzen/ vnd eben vmb ſolcher
Pyramidaliſchen oder auffgeſpitzter Form wegen/ in welcher
ſie gebawet worden/ ſeynd ſie ſo langwerig. Wie denn die an-
dern alte Wunderwerck alle zu grunde gangen/ auſſer dieſen
Egyptiſchen Pyramiden/ welche/ gleich wie ſie bißhero nun
mehr vber vierdhalb tauſend Jahr geſtanden/ alſo auch wol
noch ſo lang ſtehen koͤnten/ vnd jeziger Zeit mehr abzutragen/
als vor dieſem zu bawen/ koſten wuͤrden. Vnter allen denſel-
ben/ ſind noch drey ſolche jetziger zeit verhanden vnd zu ſehen/
Die andern ſeynd durch Krieg vnd langes Alter eingangen.
An deren einen haben in zwantzig Jahren/ drey mal hundert
tauſend/ vnd ſechzig tauſend Menſchen gearbeitet. Den groͤ-
ſten hat gebawet der Koͤnig Chemes (oder Cheophes) wel-
cher zur Zeit des Propheten Samuelis/ vnnd der Koͤnige
Saul vnd Davids/ funfftzig Jahr in Egypten geherſchet. Zu
oberſt deſſen iſt ein gevierdter Platz/ deſſen jede Seiten acht
Schrit/ vnd der Vmbkreyß 32. Schrit weit: Weil man dar-
angebawet/ iſt allein fuͤr Knoblauch/ Zwibeln/ vnd ander
Kraͤuter/ ſo man den Arbeitern zur Speiſe geben/ 1600. Ta-
lent/ das iſt/ neunhundert tauſend/ vnd ſechtzig tauſend Cronen
ſpendirt vnd auffgewendet worden. Die Stein hierzu gebrau-
chet/ ſind ſehr hart zu arbeiten/ ſollen aus Arabia dahin ge-
bracht ſeyn/ wiewol etliche (welches auch glaͤublicher) fuͤrge-
ben/ daß ſelbige in Egypten/ am Gebirge Troico/ daher auch
dieſer Stein Troicus lapis genennet worden/ gebrochen/ vnd
zimlich weit/ als in 12. Teutſche Meilen/ zu ſolchem Baw ge-
fuͤhret
[101]kuͤnſtliche Wercken.
fuͤhret werden muͤſſen. Gemeldter Pyramis hat außwendig
auff allen 4. Seiten Stuffen von der Erden biß zum Ober-
ſten/ daß man hinauff ſteigen kan/ ſeynd aber ſehr ſchmal/ der-
halben etwas faͤhrlichen hinauff zuſteigen. Im Mittel der
Hoͤhe deſſelben/ iſt auff der Seiten gegen Niedergang der
Sonnen eine Thuͤr/ dadurch man in die jnnern Gemaͤcher
vnd Kammern kommen kan/ deren etliche mit ſchoͤnen polier-
ten Marmor bekleidet/ vnd in einer ein marmorſteineꝛn Sarg.
Dieſes Pyramidis gedencket auch Sebaſtianus Serlius.l. 3. Architect
von den alten
Gebaͤwden.
Refer Pancir.
ex vet. Aut.

Einen ſolchen Obeliſcum oder Pyramidem hat auch
bawenlaſſen/ Raemſes oder Ramiſes/ Koͤnig in Egypten/
vnd war einer vberaus groſſen Hoͤhe/ aus einem Stuͤck
Stein/ vnd iſt von 20000. Menſchen auffgerichtet worden.
Da man mit dem heben oder auffrichten iſt vmbgangen/ be-
fuͤrchtet ſich der Koͤnig/ es moͤchte dieſes Werck wegen der ſehr
ſchweren Laſt/ Schaden nemen. Damit nun die Werck- vnd
Bawleute deſto mehren vnd ſorglichen Fleiß anwendeten/ ließ
er ſeinen leiblichen Sohn/ an die Spitze/ welche zu oberſt kom-
men ſolte/ anbinden/ vnd alſo zugleich mit auffheben/ damit
des Steins wegen des Sohns verſchonet wuͤrde (quô majusPanciroll.
ex Plinio.
periculum curæartificum denunciaret, filium ſuum al-
ligavit cacumini, ut ſalus ejus apud molientes prodeſ-
ſet lapidi; qúâadmonitione laborantium diligentiam
excitavit, qui inte grum illum elevarunt.) Vnd hat man
mehr Muͤhe in Auffrichtung deſſelben haben muͤſſen/ als vor
her Arbeit geſchehen jhn auß zumachen. Dieſes Obeliſci hat
der Perſiſche Koͤnig Cambyſes/ in Verherung des Egypten-
Landes verſchonen laſſen/ motus reveren tiâ operis, das iſt
vmb des herrlichen Wercks vnd Gedaͤchtniß willen. Son-
ſten an einem andern groſſen Obeliſco, auch aus einem
N iijStein
[102]Von alten vnd newen
Stein gemacht (welcher noch zu Rom zu ſehen iſt) lieſet man
dieſe Verß:

Das iſt:

Iſt dieſe Laſt nur ein Stein/ ſo ſage an/ wie man jhn
auffgehoben/ Seynds aber viel Steine/ ſo zeige an/ wie vnd
wo ſie zuſammen gefuͤget ſeyn.

Etliche Autores nennen die Egyptiſche Koͤnige/ ſol-
cher Gebaͤwde wegen/ Aſinos coronatos, gekroͤnte Eſel/ vnd
ſagen/ es ſey nur eine vnnuͤtze Geldpralerey/ vnd ſehr ſchlechte
Gedaͤchtniß/ weilen man nicht gewiß wiſſen moͤge/ welcher
Koͤnig oder Bawmeiſter ſolche Pyramides gebawet haben/
hette auch das Geld viel zu nuͤtzlichern Gebaͤwden koͤnnen vnd
ſollen angewendet werden.

III. MURI BABYLONIS. Die Stadmawren der al-
ten herrlichen Stadt Babylon/ im Aſſyriſchen Lande/ von der
Koͤnigin Semiramis erbawet/ daran eine vnzehlige Menge
Volcks/ als drey mal hundert tauſend Menſchen gearbeitet/
das alle Tage ein Stadium, (iſt ſo weit als 125. Schrit) vnd
die gantze Mawren mit aller Zugehoͤr/ inner Jahres Friſt ver-
fertiget worden. Sind gebawet geweſen aus Ziegelſteinen/
Strabo. Plin.
\& alij.die Hoͤhe derſelben war 200. Werckſchuch/ ſo hoch/ daß
manns nicht erſteigen koͤnnen. Die Breite war 50. Werck-
ſchuch/ daß oben darauff zwo wagenfuhr einander gar raͤum-
lich außweichen/ ja ein Wagen ſich vmbwenden kuͤnte. Es
waren auch an dieſer Mawren 250. groſſe Thuͤrm/ in einer
weiten von einander/ daraus denn die Veſte dieſer Mawren
leichtlich zuerachten. Zwiſchen den Mawren inwendig/ vnd
den nechſten Haͤuſern war Raum eines Stadij, oder 125.
Schrit/
[103]kuͤnſtlichen Wercken.
Schrit/ zu Garten vnd Feldern zugerichtet. Die Stad Nini-
ve ſol faſt dergleichen Mawren an der groͤſſe vnd weite gehabt
haben. Dieſe Stad Babylon/ iſt der Chaldeer Haͤuptſtadt
geweſen/ dadurch der Fluß Euphrates gelauffen/ an einem
ſehr fruchtbaren Ort des Landes. Etliche ſchreiben/ ſie ſeye
ſchon von den Nachkoͤmlingen des Ertzvaters Noah zu ba-Hierony m.
in c. 2. Hoſ [...]
wen angefangen worden/ aber Semiramis die Koͤnigin hats
hernach erſt ſo herrlich erbawet.

Zu dieſer Stadt Zierd vnd Nutzbarkeit/ hat auch nicht
wenig geholffen/ Hortus Babylonis penſilis, der wunderba-
re Garte der obbemelten Koͤnigin. Denn gleich wie ſie die
gantze Stadt Babylon gar vberaus herrlich gezieret mit einer
groſſen ſteinern Bruͤcken vber den Euphrat/ vnd einem koͤnig-
lichen Pallaſt: Alſo hat ſie inſonderheit auff dieſen Garten
viel gewendet/ welcher ſehr kuͤnſtlich erbawet ſtunde/ auff hoch-
gemawrten Seulen vnd Gewelben/ mit ſteinern Taffeln oder
Schalen gepflaſtert vnd vergoſſen/ vnd ſo hoch mit guter Er-
den erſchuͤttet/ daß Baͤwme in 500. Schuch hoch/ auch man-
cherley herrliche Fruͤchte vñ Gewaͤchſe/ zur Speiſe/ Artzneyen
vñ andern Nuͤtzungen/ auch zu Nutz vñ Ergetzligkeit dienlich/
darinnen gewachſen ſeyn/ vnd erbawet worden. Dieſer Garte
war von weiten wie ein gruͤner Wald auff einem Berge anzu-
ſchen: An die 4. Ecken des Gartens/ waren 4. Waſſerkuͤnſte
geſetzet/ welche das Waſſer aus dem durchflieſſenden Eu-
phrate geſchoͤpffet/ vnd den Garten gewaͤſſert haben.

IV. COLOSSUS SOLIS, Das groſſe Bild/ ausSuidas \& alij.
Ertz/ der Sonnen zu Ehren auffgerichtet/ in der Inſul Rho-
dis: Dieweil am ſelben Ort kein Tag des gantzen Jahrs vber/
ſo nebelicht oder dunckel/ daran man nicht die Sonne ſehen
koͤnte. Von welchem Werck die Autores ſchreiben/ es ſey
zwar der groͤſſe wegen formidabile, ſchrecklich/ aber nicht
ama-
[104]Von alten vnd newen
amabile oder lieblich geweſen. Es haben auch die groͤſſeſten
Schiffe zwiſchen ſeinen Beinen koͤnnen durchfahren: Daran
iſt 12. Jahr lang gearbeitet worden/ vnd Chares Indius, Ly-
ſippi diſcipul iſt Werckmeiſter geweſen. Des Bildes Dau-
men hat niemand vmbfangen koͤnnen. Eins mals iſt dieſes
Matth. Quad.
in Compend.
Geog.vngehewer Bild durch Erdbieden vmbgeworffen/ vnd lang
alſo ligend blieben/ (ubi etiam jacens miraculo fuit,) Her-
nach iſt es wieder mit groſſer Muͤhe vnd Vnkoſten auffs ne-
Plinius.
Zonaras.we auffgerichtet worden/ Man ſchreibet/ da die Agarener oder
Tuͤrcken Rhodiß ein bekommen vnd erobert/ haben ſie diß
Bild zertruͤmmert/ vnd einem reichen Inden daſſelb Ertz da-
von zu kauffen geben/ welcher neun hundert Cameelen d [...]-
mit beladen/ vnd es alſo hinweg fuͤhren laſſen/ vnd weiter ver-
handelt.

V. LABYRINTHUS in Cretâ, Der Irrgang in der
Inſul Cretâ/ von Dædao dem kuͤnſtlichen Werckmeiſter ge-
bawet: oder/ an ſtat deſſelben/ ein ander Labyrinth in Egy-
pten/ welchen Koͤnig Maron oder Mirim, zu ſeinem Begreb-
niß hat machen laſſen/ welcher in ſolcher Groſſe/ vnd ſo kuͤnſt-
lich zugerichtet war/ daß vnmuͤglich/ weñ jemand darein kom-
men/ er ohne Wegweiſer ſich wieder heraus finden koͤnte/
welcher auch viel groͤſſer vnd kuͤnſtlicher/ als der in Candia/
oder Creta geweſen/ darumb er auch viel lenger gewehret/ vnd
elter worden iſt. Er hat in allem 3500, cubicula oder Gemaͤ-
cher gehabt. Der gemeldte Werckmeiſter Dædalus hat ge-
lehrt/ ein Knewel Schnuͤrlein mit dem Ende oder Trumb for-
nen im Eingang anzubinden/ vnd alſo mit dem Knewel fort-
zugehen/ vnd alſo ohn Irrung wieder heraus zu kommen/ wel-
che Lehr auch Ariadne dem Fuͤrſten Theſeo mitgetheilet. Et-
liche Autores melden davon/ es ſey geweſen/ maximum \&
por-
[105]kuͤnſtlichen Wercken.
portentiſſimum humani generis opus, \& veſana demen-Matth. Quad.
in Comp.
Geogr.
Plinius.
tia quæſiſſe gloriam impendio nulli profuturo. Das iſt:
Ein vnheimlich Gebaͤwde/ auch ein lauter Thorheit/ daß
man Ruhm geſuchet/ in Auffwendung groſſer Vnkoſten auff
vnnuͤtze Dinge.

Es hat aber dadurch bedeutet ſollen werden/ perplexa,Nathal. Com.
Mytholog.
l, 7. c. 9.
multiſq́; difficultatibus implicata vita humana, Das iſt:
das nemſchliche zeitliche Leben/ mit ſo vieler Muͤheſeligkeit/
Sorgfaͤltigkeit vnd Irrthuͤmen verwicklet/ da man jmmer
von einer Verwirrung in die ander koͤmpt/ vnd ſchwerlich/
auch kaum mit Weißheit vnd Verſtand/ ſich heraus finden
kan/ welches durch den Knewel Faden angedeutet wird.

VI. TEMPLUM DIANÆ Epheſinum, Der Tem-
pel der Abgoͤttin Dianæ/ in der Griechiſchen Stadt Epheſo/
daran die gantze groſſe Landſchafft Aſia/ mit jhrem Vermoͤ-
gen/ 220. Jahr lang gebawet/ Der Baw-vnd Werckmeiſter
iſt geweſen Cteſiphon. Plinius ſagt/ es ſey eine ſonderliche
Anzeigung geweſen der Magnificentz vnnd Herrligkeit der
Griecheu. Der Seulen darin ſeynd geweſen/ 127. deren je-
der ein Koͤnig bawen laſſen/ derſelben 36. ſeynd ſehr kuͤnſtlich
außgehawen geweſen. Die Lenge war/ 425. Werckſchuch/ die
Breite/ 229. Das Dachgeſtell war alles von Cedern Holtz/
die Thuͤren von Cypreſſen Holtz. Er lag auch an einem
ſumpffigen Ort/ damit jhm kein Erdbiden ſchaden moͤchte.
Es hat der Apoſtel Paulus von dieſes Tempels/ vnd der dar-
innen verehrten Abgoͤttin Dianæ wegen/ groſſe Gefahr auß-Actor. 19.
geſtanden/ wie wir leſen in der H. Apoſteln Geſchicht.

VII. Das ſiebende Wunderwerck der Alten betreffend/
ſeynd die Autores nicht recht einig/ welches man eigentlich
dafuͤr halten ſoll/ denn aus dieſen jetzt folgenden einer diß/
der ander ein anders dafuͤr halten/ vnd zehlen wollen/ als da
ſeynd:

THEBÆ EGYPTIÆ, Ein vberauß herrlich gebawte
Stadt in Egypten/ hat hundert Pforten oder Thor gehabt/
vnd iſt dahero ſo herrlich erbawet worden/ weil ſie in der Naͤ-
he hatte ein Bergwerck von koͤſtlichen Alabaſter/ welcher nach
lib. 3. c. 8.Plinij Zeugniß/ mit guͤldenen Adern vnd Flechten vermiſchet
vnd vnterſchieden war/ davon man die gantze Stadt ſo kuͤnſt-
lich zieren koͤnnen. Dieſe Stadt iſt durch Alexandrum M.
Vber das 12.
Cap. Daniel.zerſtoͤrt worden/ wie der H. Hieronymus meldet: Darnach
iſt ſie Dioſpolis genennet worden. Es hat aber darumb dieſe
Stadt nicht lange beſtandt haben moͤgen/ weil ſie aus lauter
Hoffart vnd Vppigkeit/ vnd mehres theils von der Hiſtrio-
num oder Comædi Spieler/ vnd vieler andern leichtfertig ge-
wonnen Geld vnd Koſten iſt erbawet worden/ wie denn zween
Hiſtriones oder Spieler/ allein eine ſehr groſſe Summa
l. 3. c. 50.Geldes darzu gegeben/ wie gemeldet wird in vitâ Marci
Aurelij.

Der Thurn in der Inſul Pharos/ bey der Stadt Ale-
xandria in Africa/ an der Egyptiſchen Grentze/ auff welchen
zu guter Nachrichtung der Schiffleute vnd Sehefahrenden/
Fewer gehalten ward/ vom Koͤnig Ptolomæo Philadelpho
erbawet/ an welchem gleichwol mehr Nutz denn Kunſt zuſehen
geweſt. Sonſten iſt auch dieſe Stad Alexandria ſehr maͤchtig/
(daß eins mals/ zu einem Heerzug/ auff einen Tag 20000.
Wagen außgefuͤhret worden/) auch wol gezieret geweſen/ an
Tempeln vnd vielen andern Gebaͤwden/ von Gold/ Silber/
Helffenbein/ Bildern/ vnd andern/ welches vnd alles ander
Koͤſtliches/ hernach die Perſer/ vnter dem Koͤnig Cambyſe/
als er Egypten eingenommen/ weggefuͤhret haben/ wie denn
auch eben damals dieſer Cambyſes vnter andern etwas koͤſt-
liches aus des Koͤniges Simandij Begraͤbniß/ mit ſich ge-
nom-
[107]kuͤnſtlichen Wercken.
nommen/ nemlich einen groſſen guͤldenen Ring/ der hielt in
ſeinem Cirkel 365. Ellenbogen/ vnd war eines Ellenbogens
dick. Ein jeder Ellenbogen bedeutet einen Tag des Jahrs/ vnd
war daran des Geſtirns Lauff/ mit deſſelben Erklaͤrung gantz
fleiſſig vnd kuͤnſtlich beſchrieben/ vñ angezeigt. Dieſer Ring iſt
ohn zweiffel aus dem Schatz gemachet wordẽ/ welchengemel-
ter Koͤnig Smendi (oder Siſach) zur Zeit des Koͤniges Reha-1. Reg. 14.
Gabriel Kal-
tenmarckt im
Paradiß-
Waſſer.
b [...]am/ Salomonis Sohn vnd Succeſſor/ aus dem Tempel
vnd Koͤniglichen Pallaſt zu Jeruſalem geraubet vnd gepluͤn-
dert/ da er die guͤldene Schild (welche Salomon machen laſ-
ſen) vnd anders Koͤſtliches mit ſich in Egypten gefuͤhret.

Sonſten ſeynd in Egypten auch mehr koͤſtliche Ge-
daͤchtniß/ Gebaͤwde vnd Monumenta geſtanden/ ſonderlich
eines ſehr kuͤnſtlich/ die andern vbertreffend/ von 12. Fuͤrſten
erbawet/ welche das Koͤnigreich Egypten zwiſchen den Koͤ-
nigen Sabaco vnd Pſammetico/ beherſchet/ iſt aber wegen
Vneinigkeit derſelben Printzen vnaußgebawet blieben. Vnd
wenn es alſo were außgemachet worden/ wuͤrde es alle ander
Egyptiſche Gebaͤwde an Kunſt/ Herrligkeit vnd Vnkoſten
vbertroffen haben/ Denn es waren daran an Bildern vnd Fi-
guren/ aller Egyptiſchen Koͤnige Leben vnd Thaten/ vnd viel
derglelchen zu ſehen/ ꝛc.

SIMULACRUM, oder Bildniß JOVIS Olympij,
von Phydia dem Kuͤnſtler gemachet/ aus Helffenbein/ deſſen
auch Plinius an etlichen Orten gedencket/ iſt ſo ſchoͤn gewe-
ſen/ daß es niemand nachmachen koͤnnen.

AMPHITEATRUM oder Coliſſeum zu Rom/ wie
denn ſolche Theatra vnd Amphiteatra/ das iſt/ Schawplaͤ-
tze auch fuͤr die wunderbahrlichſte vnd fuͤrnehmſte Gebaͤw der
Menſchen Haͤnde Wercke/ gehalten worden/ non tempo-
O ijrariâ
[108]Von alten vnd newen
Dergleichen
geweſen Am-
phiteatrum
M. Æmylij
Scauri.
Martialis.rariâ mora, verum etiam æternitatis deſtinatione, nicht
auff zeitlichen/ ſondern ewigen Gebrauch vnd Wehrung/ wie
ſie gemeinet haben/ von denen ſie auch geſagt:

Vnd ſeynd der alten Roͤmer Theatra oder Schawplaͤtze
etliche ſo groß vnnd weitleufftig geweſen/ daß in einem bey
80000. Menſchen haben ſitzen koͤnnen. Dergleichen Ge-
baͤwde hat Rom viel gehabt/ alſo/ daß auff eine Zeit Kaͤyſer
Conſtantinus/ da er ſich recht zu Rom vmb geſehen/ vnd jhme
ſo viel herrliche Gebaͤwde fuͤrkamen/ ſol er mit Verwunde-
rung geſagt haben: Natura omnes vires in unam urbem
effudit. Vnd ſonſten ſaget man von Rom: Roma olim li-
[...]n. 11.gnea, dein lateritia, tandem laptdea \& marmorea.

TURRIS Babylonica, Der Turn zu Babel/ darvon
auch die H. Schrifft meldet/ ein vnauß gebawet/ vnd von Gott
dem HErrn ſelbſt verhindertes Werck/ weil es aus Hoch-
muth/ vnd einen ſondern ruͤhmlichen Nahmen zu erlangen/
angefangen worden.

Dar von nochzur Zeit viel weitlaͤufftige Rudera vnd
Gabr. Kalt-
marckt in Pa-
radißwaſſer.
vnd andere
Autores.zerfallener eingegangener Gemaͤwer vnd Steinhauffen fuͤr-
handen/ bey dem Flecken Elugo/ heutiges Tages alſo genant/
hat in ſeinem ambitu oder Vmbkraͤyß/ eine halbe Teu [...]ſche
Meilen gehabt. Der Ort iſt bißhero ſchon lange Zeit von
Schlangen vnd allerley vngehewrrn Gewuͤrm vnd Vnzifer
alſo eingenommen vnd durchkrochen/ daß man allein Win-
terszeit/ (weil das Vnzifer noch in den Loͤchern ſteckt) etwas
nahe/ im Sommer aber auff eine halbe Teutſche Meile/ gar
nicht hinzu kommen darff. Dieſe graͤntze der alten zerſtoͤreten
Stadt vnd Thurn zu Babel/ kan man noch heutiges Tages
gar fein vberſehen/ von einem hohen Thurn/ welchen der Pro-
phet
[109]kuͤnſtlichen Wercken.
phet Daniel ſol erbawet haben/ aus ſchwartzen Steinen/ gar
ſauber vnd zierlichgemacht/ welcher Thurm auch noch ſtehet/
vnd bewohnet wird.

CAPITOLIUM ROMANUM, Die alte Ve-
ſtung der Stadt Rom/ welches Gebaͤwde doch mehr Staͤrcke
als Kunſt hatte.

PALLATIUM CYRI, des Koͤniges in Meden/
von Memnone gebawet/ daran die Steine mit Gold anein-
ander ſind gefaſſet geweſen.

PONS TRAJANI, Die Bruͤcke/ welche Kaͤyſer
Trajanus vber die Donaw in Hungarn/ bey Zeverin/ bawen
laſſen/ welche ſteinerne Pfeiler etliche man noch ſiehet/ vnd dieMatth. Quad.
in Comp. Geo.
Scribenten melden/ es ſey ſich ſehr zu verwundern/ eine ſolche
Bruͤcken an einem ſolchen Ort zu bawen/ nennens derwegen
auch ein opus mirandum \& memorabile, ein wunderbares
vnd denckwuͤrdiges Werck/ darbey abzunemen geweſen: nihil
eſſe, quod hominum manu, \& opibus Romani Imperij
effici non potuerit. Das iſt: Es were nichts/ welches Men-
ſchen Haͤnde/ vnb die Macht des Roͤmiſchen Reichs nicht
ſolte zu wegen bringen koͤnnen.

Weilen aber das H. Wort GOTtes bezenget/ daßRechte vnd
wahre Wun-
dergebaͤwde/
welche Gott
zu bawen be-
fohlen.
GOTT allein in ſeinen Wercken recht wunderbar ſeye/ ſo
ſollen wir auch billich das jenige vnter der Welt Wunderwer-
cke rechnen/ welches Gott der HERR aus vnd nach ſeiner
Weißheit/ vnd den Menſchen verliehenen Gaben/ zu machen
ſelbſt befohlen/ vnd angegeben/ dergleiben denn auch in War-
heit ſeynd mit jhrer Zugehoͤr vnd allen Geraͤthe: (Als welche
billich ſollen geachtet werden: Ædificia maximæ conſide-
rationis.) Folgende zwey/ als:

TABERNACULUM Moſaicum, die HuͤttenExod. 40.
Ep. ad Hbr.
des H. Stifftes/ oder Heiligthumbs/ darinnen GOtt vnter
O iijdem
[110]Von alten vnd newen
dem Juͤdiſchen Volck gleichſam wohnete. Exod. 25. War al-
les mit ſehr Kuͤnſtlicher Manns vnd Weiber Handarbeit ge-
ziert/ Exod. 35. Vber alle ſelbiges Bawerck war Meiſter der
Bezaleel/ von Gott ſelbſt beruffen/ mit dem Geiſt GOttes/
Weißheit/ Verſtand/ Geſchickligkeit/ Kunſt/ alle ſelbige an-
befohlen vnd fuͤrgegeben Werck/ ans Metall/ Gold/ Silber/
Edelgeſtein/ Holtz/ Seiden/ vnd andern auffs kuͤnſtlichſte zu
machen. Vnd deſſen Geſellwar Ahaliab.

TEMPLUM Salomonis, Der Tempel von Koͤnig
Salomon erbawet/ vnd eingeweyet/ mit Gebet vnd Opffern:
Iſt viel herrliche Arbeit daran geſchehen/ mit der Herrlikkeit
Gottes erfuͤllet/ hoch privilegirt/ vnd fuͤr aller Welt herrlich
Matth. Quad.gemachet/ Exalbo marmore pulcherrimnm, artificioſiſ-
ſimum, ſumptuoſum, magnificum, illuſtre, ut totius or-
bis miraculum videretur. Daruͤber iſt Bawmeiſter gewe-
1. Chron. 2.ſen/ der fuͤrtreffliche Kuͤnſtler von Tyro/ Huram Abif.

Von dieſem Tempel ſaget Polyd. Verg. Miro opi-
l. 3 c. 9. de
inv. rer.ficum artificio, omnium porfecto operum, quæ tunc in
orbem terrarum extabant, celeberrimum fuit. Das iſt:
Es ſeye dieſes Gebaͤwde/ wegen der daran gewandten Kunſt/
ſonderlich fuͤr andern/ in der gantzen Welt beruͤhmbt gewe-
ſen. Chriſtglaͤubige aber haben an gemeldten Tabernacul
vnd Tempel dieſes hoch zu halten/ daß dieſes Gebaͤwe Stru-
cturn vnd deren darinnen geuͤbten Ceremonien/ mit jhren
herrlichen Bedeutungen/ nicht allein vber die Chriſtliche Kir-
che allhie/ ſondern auch biß in die ewige Seligkeit ſich erſtre-
cket haben.

Etliche nemen auch noch ander Gebaͤwde vnd Wercke
fuͤr das VII. Wunderwerck: Wie denn auch zu ſolchen
Wunderwercken fuͤr das Achte gerechnet wird/ Das vber-
aus
[111]kuͤnſtlichen Wercken.
aus kuͤnſtliche Muͤnſter/ Thurm vnnd Vhrwerck zuVide deſcrip.
Schadæi.
Straßburg. (Darvon hernach weiter.)

Vnd diß ſey ins gemein von den VII. Wunderwercken
der Alten/ wie ſie es darfuͤr gehaltenhaben: Andere erzehlen
noch etliche mehr ſonderliche Structuras illuſtriores in Eu-
ropa, davon bey den Autoribus: Als da ſeynd:

Turris Cremonenſis in Italiâ. Davon das Sprich-
wort: Unus Petrus in Roma, unus portus in Ancona, una
turris in Cremonâ.

Turris Hiſpalenſis in Hiſpanien/ ſehr alt vnd kuͤnſt-
lich/ welchen die Mohren/ da ſie noch im Spanien gewohnet/
auffgefuͤhrt/ aus gebackenen Steinen: Aber die Chriſten ha-
ben jhn hernach außgebawet/ vnd daran geſchrieben: TurrisProv. 18.
fortiſſima nomen Domini.

Das Kirchen Gebaͤwde zu Nidroß/ in Nordwe-Matth. Quad.
in Compend.
Coſmogr.a
gen/ darvon ſonderlich der Chor noch gantz verhanden: Iſt
geweſen/ das aͤlteſte/ Kuͤnſtlichſte/ vnd Koͤſtlichſte/ im gantzen
Septentrione oder Mitternaͤchtigen Laͤndern. Quadus hat
jhn ſelber geſehen mit groſſer Verwunderung. Die Einwoh-
ner ſagen/ dieſe Kirche ſey Salomonis Tempel nachgemachet
worden/ mit ſehr groſſer Kunſt/ aus ſchwartzen Marmorſtei-
nen/ Vnd ſagt Quadus, es ſey eine Anzeigung veteris felici-
tatis, der Alten Gluͤckſeligkeit/ vnd ſeye magnitudine \& la-
borati lapidis attificio, Dergleichen Gebaͤwde in der gan-
tzen Chriſtenheit vorher nie geſehen worden.

S. SophiæKirch zu Conſtantinopel/ Vom KayſerIdem Quad.
Juſtiniano gebawet/ welche oben ſehr kuͤnſtlich gewelbet/ vnd
ein offenes einfallendes Liecht hat: Die Seulen ſeynd aus
koͤſt-
[112]Von alten vnd newen
koͤſtlichen Marmorſteinen mancherley Farben/ vnd hat ſelbi-
ge Kirche ſo viel Pforten/ als Tage im Jahr ſeynd. Bißhero
habens die Tuͤrcken in jhrer Gewalt vnd Gebrauch/ die Chri-
ſten doͤrffen darein nicht kommen/ ſondern iſt jhnen/ wie auch
den Juͤden/ nur ſo viel verguͤnſtiget/ daß ſie vnter den Pforten
ſtehen/ vnd alſo dieſen Tempel beſchawen moͤgen. Iſt von
auſſen mit gebackenen/ inwendig aber mit Marmel Steinen
außgebawet/ vnd haben die Tuͤrcken bißhero etliche jhrer Kir-
chen Gebaͤwde (Moſquia genandt/) nach demſelbigen Tem-
pel gebawet.

S Marx Kirche/ zu Venedig. Als die Venediger
Idem Quad.ſelbige/ auͤs angeben Sebaſtiani Ciam jres Hertzogen/ wolten
bawen laſſen/ haben ſie aus vielen abgelegenen Orten ſtatli-
che/ kuͤnſtliche/ vnd deßhalben beruͤhmbte Werck- vnd Baw-
meiſter beſtellen vnd holen laſſen/ ſonderlich einen fuͤr andern/
der ſehr beruͤhmbt/ vnd von Conſtantinopel/ auch den andern
fuͤr geſetzet ward. Dieſer Ehrgeitzige Griech/ name die Beſtal-
lung des Bawes an/ doch mit dieſem Beding/ daß der Ma-
giſtrat vnd Herrſchafft jhme zulaſſen wolte/ daß er jhm ſelbſt
nach vollendung des Bawes/ zu ewigem Gedaͤchtniß/ an ei-
nem offenen vnd anſehnlichen Ort des Tempels/ eine Mar-
morſteinen Seulen ſetzen moͤchte/ welches jhme zugeſagt vnd
verheiſſen worden. Da nun der Baw auff vnd fort gieng/ vnd
zur Helfft gebracht wurde/ hat er eins mals/ in Gegenwart
des Hertzogen vnd vieler Herren/ gar zu leichtfertig vnd vnbe-
ſonnen ſich verlauten laſſen/ Er wolte ſelbigen Kirchenbaw
noch viel herrlicher auffgefuͤhrt haben/ wo jm nicht viel dings
vnter wehrendem Baw erſt eingefallen/ dadurch er weiſer
vñ kluͤger gemacht worden. Darauff er vom Hertzog laͤchlend
zur Antwort bekommen: Deß gleichen wuͤrde er auch nicht al-
les erlangen/ was jhme verſprochen worden. Darauff haben
ſie
[113]kuͤnſtliche Wercken.
ſie jhme/ im Eingang des Tempels/ eine Marmorſtei-
nern Seulen/ ſolcher Geſtalt zum Gedaͤchtniß ſetzen laſſen/
daß er zwar daran gebildet/ jedoch manu ad os objectâ, qua-
ſi illum dicti ſui pæniteret, das iſt/ jedoch die Hand auff den
Mund legend/ anzuzeigen/ daß jhm ſeiner angeregten vnbe-
ſonnen Rede billich gerewen hette ſollen. An dieſem GebaͤwdeMatth Quad.
iſt ſo viel Goldes verwendet worden/ daß ſich die Scribenten
verwundern/ woher die Venediger ſo viel Goldes nemen moͤ-
gen. Von etlichen Bildern wird geſagt: In ipſo teſtudi-
num connexu, Græcanici operis vetuſtiſſimæ imagines,
mœſtâ venerabiliq́; præſentiâ horrorem cum religione
mixtum, ſpectantium oculis animisq́; inferunt. Bey
Verfertigung dieſes Kirchengebaͤwdes/ hat die Venetiani-
ſche Herrſchafft durch ein gemein Decret beſchloſſen/ vnd ge-
boten/ daß/ welcher aus jhren Buͤrgern an einem oder anderm
Ort/ durch Schiffarthen/ vnd Handelſchafften/ etwas herr-
liches zu dieſer Kirchen Zierde antreffe/ daſſelbige zu wegen
braͤchte/ vnd einhandelte/ vnnd hierinnen keines Geldes
ſchonete.

Das Kirchen Gebaͤwde zu Coͤln/ zu S. Peter/Idem Quad.
Wenns were außgemacht worden/ ſolte es vnter Stupenda
Europæ gerechnet werden/ propter elegantiam \& magni-
tudinem, wegen der Schoͤne vnd Groͤſſe.

Das Kloſter zu S. Lorentz/ im Eſcurial/ nichtHx deſc. Matt.
Quadi in
Comp. Geogr.
de illuſtribue
Europæ
Stucturis.
weit von Madrit/ in Spanien. Diß herrliche/ weitleufftige/
koſtbar vnd kuͤnſtliche Kloſter Gebaͤwde/ hat bawen laſſen/
Koͤnig Philippus II. in Spanien. Dem Orden S. Hiero-
nymi/ welches Kloſter ſeines gleichens nicht hat/ das es billich
vnter die Wunder Gebaͤwde der Welt zu rechnen. Es iſt
nicht allein ſehr groß/ kuͤnſtlich vnd wol gebawet/ ſondern
auch mit aller Nothdurfft vnd Zugehoͤr dermaſſen verſehen/
Pder-
[114]Von alten vnd newen
dergleichen kaum in einer fuͤrnemen Stadt zu ſehen oder fin-
den ſeyn mag/ fuͤr Geſunde vnd Krancke/ mit allerlerley
Werckhaͤuſern vnd Staͤdten/ Hoſpitaln/ Apothekereyen/
Nutz- vnd Luſtgaͤrten/ ſonderlich auch mit einem herrlichen
Collegio. Die Kirche iſt vberaus herrlich/ in deren zwo Or-
geln/ jegliche hat 32. Regiſter. Item/ eine koͤſtliche herrliche Bi-
bliotheca. Der Werckmeiſter des Bawes iſt geweſen/ M. Ja-
cobus de Trezzo, Man hat etliche Jahr zugebracht/ mit Zu-
bereitung vnd Polierung des Jaſpis/ deſſen am meiſten darzu
gebrauchet worden. In der Bibliothec haben ſie auch ein
Pergamenen Buch/ darinnen allerley Thier/ ſo viel bißhero
auff der Welt bekandt worden/ gemahlet ſeyn/ mit lebendigen
Farben. Item/ etliche Buͤcher von Handkuͤnſtlereyen/ mit
der Kuͤnſtler Bildern vnd Lobſpruͤchen. Item/ ein Koͤniglich
Pallatium, Collegium, Schulen/ darinn gelehret vnd ge-
lernet werden drey Faculteten, Jus, Medicina, Theologia,
\& Artes. In einem des Kloſters Koͤniglichen Zimmer/ iſt ein
herrlich Gemaͤlde/ dergleichen in Spanien ſonſt nirgend zu ſe-
hen/ nemlich eine Controfactur der Schlacht/ welche Koͤnig
Johannes II. mit den Mohren vnnd Saracenen gehalten/
vnd ſelbige vberwunden/ auch darauff aus Granaten vnd
gantz Hiſpanien verjagt/ alles ordentlich/ der wahren Ge-
ſchicht nach/ mit allerley Ruͤſtung vnd Waffen/ wie es damals
gebraͤuchlich geweſen/ iſt abgemahlet worden von einem Ge-
maͤlde/ auff Tuch/ 130. Schuchlang/ iſt gefunden worden in
einem alten Turm zu Segon/ vnd zur Zeit ſelbiger Schlacht
in Grund gelegt vnd entworffen worden. In dieſem Kloſter
ſeynd auch bey 40. Waſſer- oder Rohr Brunnen/ zu allerley
Nothdurfft/ hat auch ſo viel Thuͤren vnd Schloͤſſer/ daß bey
1000. Schluͤſſel darzu verhanden/ vnd ein eigen Schluͤſſel-
/ meiſte
[115]kuͤnſtlichen Werckeu.
meiſter/ oder Beſchlieſſer darzu verordnet iſt. Dieſes Kloſter-
Gebaͤwde iſt alſo gemachet/ daß es einen Roeſt abbildet/ zum
Ehrengedaͤchtniß dem H. Laurentio/ welcher auff einem Roeſt
gebraten worden. Es ſeynd darinnen bey 300. Moͤnche/ S.
Hieronymi Ordens/ haben fuͤr jhr Einkommen/ 35000.
Spaniſche Ducaten/ das vbrige koͤmpt dem Koͤnige zum be-
ſten/ Vnd iſt mit Gemaͤchern vnd Zimmern dermaſſen verſe-
hen/ das zugleich vier Koͤnige darinnen raͤumlich wohnen vnd
hofehalten koͤnten. Vnd iſt heutiges Tages/ pretioſiſſimũ,
maxi mum, \& magnificentiſſimũ totius orbis ædificium.
Sintemal darzu angewendet worden 24. Million Goldes.

Das VI. Capitel.
Von mancherley Voͤlckern/ Laͤndern/
vnnd Staͤdten/ welche von wegen allerhand
Kuͤnſtlerey vnd Handgewercken/ ſonderlich beruͤhmbt/ wie
auch eines vor dem andern/ etwas beſonders koͤnne vnd trei-
be/ auch eines vom andern dergleichen ablerne vnd
nachmache/ auch von einem Ort an das
ander komme.

GLeich wie aus groſſer vnaußforſchlicher Weißheit
vnd Guͤtigkeit GOttes des Schoͤpffers/ den Men-
ſchen Kindern/ die Welt zum Guten erſchaffen/ jnen
auch zu bewohnen eingeraͤumet/ vnd die leibliche Nahrung
vnnd Auffenthalt des Lebens darauff zu ſuchen verguͤnſtiget
vnd anbefohlen iſt: Alſo befindet ſich auch/ daß die Menſchen
nach gelegenheit der Zeit vnd Orten/ ſich auff vnterſchiedliche
Wercke vnd Arbeit begeben/ ſelbige zu treiben vnd ſich damit
zu ernehern. Iſt vnd bleibt auch ein Land vnd Volck fuͤr dem
andern mercklich beruͤhmbter vñ namhafter/ wegen der Men-
ge/ Sonderheit oder Fuͤrtreffligkeit ſeiner Handwercken.

Vnd erſtlich bezeuget ſolches die H. Schrifft ſelbſten/
das viel der nuͤtzlichſten vnd noͤtigſten Handwercke vñ kuͤnſtli-
che Arbeit haben vnter den Hebreern/ als Gottes Volck/ vnd
jhrer Nachkoͤmlingen angefangen/ vnd hernach mit der Zeit
Rver-
[130]Etliche Voͤlcker vnd Staͤdte
Geneſ. 4.verbeſſert worden/ wie die Hiſtoria von Thubal Cain/ Beza-
Exod. 35.leel/ vnd etlichen andern außweiſet.

Sonderlich haben des Nohæ Nachkoͤmlinge hin vnd
Beroſus.
Suche droben
c. 4. f. 63. \&c.wider ſehr viel erdacht vnd gemachet. Vnd weil das Juͤdiſche
Volck je lenger je mehr mit Handwercken vnnd Kuͤnſten ſich
gebeſſert/ Als haben offt die Heyden den Juͤden gemeldte
Handwercksleute aus dem Lande entfuͤhrt. Vnd iſt nicht al-
lein das alte vñ florirende Jeruſalem/ mit guten tuͤchtigen vnd
noͤtigen Handwercken verſehen geweſt/ ſondern auch noch
Autor des
Buchs him-
liſch Jeruſal.heutiges Tages ſeynd daſelbſten vielerley Handwercksleute/
vnterſchiedlicher Religion vnd Nation/ als Juͤden/ Tuͤrcken/
Chriſten/ Mohren/ Araber/ Egyptier/ etliche Morgenlaͤndi-
ſche vnd andere. Weilen aber ſolche Handkuͤnſte vnd Ge-
wercke/ nur zu des zeitlichen Lebens Bequemligkeit nuͤtzen ſol-
len/ als hat die Guͤte GOttes ſolche auch den Heydniſchen
Voͤlckern gegoͤnnet/ ſo wol als das taͤgliche Brodt/ den Son-
nenſchein/ vnd anders dergleichen.