Die 1. Art wilder Pferde.

Wann der Geiſt Gottes der Pferde in der Wuͤ-
ſten gedencket/ ſcheinet es faſt/ als ob er die rechte
wilde Pferde/ als der Natur recht ſchuldige Kinder
damit gemeynet haben moͤchte/ ob gleich deren we-
nigſter Theil/ oder keine zu dem Menſchlichen Ge-
brauch kommen oder gebracht werden koͤnnen: Weil
er denſelben eine der fuͤrtrefflichſten Eygenſchafften
zuſchreibet/ welche ſich nicht bald an der alleredelſten
Art Pferden finden laͤſſet/ daß ſie nemlich nimmer-
mehr ſtraucheln ſollen.

Die 2. Art wilder Pferde.

Eine andere Art Pferde werden fuͤr wilde Pferde
gehalten/ welche auch auff freyem Feld unter einer
groſſen Heerde zu der Welt kommen/ und unter dem
freyen Him̃el erwachſen/ Sommer und Winter ſich
ſelber weyden/ biß ſie auf ſonderliche Art gefangen/
baͤndig und zu dem Menſchlichen Gebrauch nach
und nach tuͤchtig gemacht werden/ welches doch offt
groſſe Muͤhe und Kunſt brauchet/ daruͤber auch man-
ches zu Schaden kommet/ oder ſich verlauffet/ daß
es niemals gefangen wird/ zum wenigſten ſeinem
rechten Herꝛn nicht mehr zu Geſicht oder in ſeinen
Gewalt kommet.

Die 3. Art wilder Pferde.

Faſt auff gleiche Art werden auch wilde Studte-
reyen angerichtet/ worinnen die Pferde auch mit
menſchlichen Haͤnden nicht beruͤhret/ oder zahm ge-
machet werden/ biß ſie ihr voͤlliges Alter erreichet/
darinnen man ſie zu dem Gebrauch nehmen/ uñ brin-
gen wil/ damit hat es allein dieſen Unterſchied/ daß ſie
alſo mit einem Graben/ oder Geheg verwahret ſeyn/
ſo ſie nicht in das offene Feld kommen laͤſſet/ und daß
man derſelben/ wann man will/ maͤchtig werden
kan/ wann ſie in einen engen Winckel zuſammen
getrieben werden/ welches wie ein Sack einen Zu-
fall hat/ daß ſie nicht wieder zuruͤck in die Weite kom-
men moͤgen/ darauß man dann bald dieſes/ bald
ein anders behaͤlt/ und allgemach zahm machet.

Wann dieſe Pferd uͤber Winter vor Hunger das
junge Strauchholtz eſſen/ werden ſie davon ſehr
tauerhafft/ daß ſie in keinerley Arbeit erligen/ oder
von Hunger leichtlich abkommen.

Die 4. Art wilder Pferde.

Ariſtoteles gedencket von wilden Pferden/ welche
in Syrien in groſſer Menge und Heerde zu finden/
welchen er dieſen ſonderlichen Gebrauch zuſchreibet/
daß ſie den jungen Hengſten/ das Geſchroͤdt auß dem
Leibe beiſſen/ oder doch ſo lang umbjagen/ biß ſie ihn
ermuͤden und zu ſchanden machen/ ſo bald ſie ſehen/
daß deren einer auf eine Studten geſprungen.

Die 5. Art wilder Pferde.

Volaterranus im fuͤnfften Buch/ und andere alte
Scribenten/ zehlen unter die wilde Pferd/ die man
bey uns fuͤr ein anders Geſchlecht haͤlt. Unter andern
ſeyn wilde Pferd in Jndien/ ſo ein Horn an der
Stirn tragen/ die man fuͤr das Einhorn halten will.

Die 6. und 7. Art wilder Pferde.

Jn Aethyopia ſeyen wilde Pferd/ ſo zween groſſe
lange Zaͤhn/ geſpaltene Huͤffe/ und die Moͤhn uͤber
den gantzen Ruͤcken reichet/ ſonſt aber den Hirſchen
faſt aͤhnlich. Andere daſelbſt ſollen Federn wie die
Greiffen haben.

Die 8. und 9. Art wilder Pferde.

Boemus gedencket Pferde im Koͤnigreich Pohlen/
mit Hirſch Gewicht/ wodurch wol die Renn-Thier/
oder gar die Elend gemeynet ſeyn koͤnten.

Die 10. Art wilder Pferde.

Es ſollen die Bachmaten der Tartarn wilde
Pferde ſeyn/ welche doch der Zeit ſehr zahm und ge-
mein ſeyn.

Die 11. Art wilder Pferde.

Die Perſianer jagen in der Landſchafft Servana
die wilden Pferde/ wie alles anders Wild: Solche
haben lange ſpitzige Moͤhn/ fuͤrgebogene Stirn als
die Haſen/ die Groppa gar ſpitzig/ breit und harte
Huͤffe/ daß ſie auch in den rauheſten Felſen und
Steinwegen keines Beſchlagens beduͤrffen/ ſo feſt
und ſtarck ſeyn auch ihre andern Schenckel/ daß ſie
zween Tag und Nacht an einander ohne Ermuͤdung
ſtreng fortlauffen koͤnnen. Seyn meiſtentheils ei-
nerley Farb faſt wie die Maͤuſe/ mit ſchwartzen
Strichen uͤber den Ruͤcken/ und ſchwartzen Ringen
umb die Fuͤſſe.

Die 12. Art wilder Pferde.

Die Scytiſchen an dem Fluß Cyres ſeyn ſchnee-
weiß in groſſer Menge/ welche ſonderliche Art ſon-
deres Zweifels/ auß der Vermiſchung unterſchied-
licher Art Thier entſtehet/ als bey den Eſeln und
Pferden geſchehen iſt/ alſo noch weiter geſchehen
kan.

Die 13. Art wilder Pferde.

Jn Hiſpanien/ ſonderlich in Gallicia/ ſeyn vor
der Zeit wilde Pferde (welche treffliche Zelter) ge-
weſen/ ſo ſich nunmehr verlohren.

Die 14. Art wilder Pferde.

Jn Teutſchlande ſeynd hin und wieder viel wild
Geſtuͤdt geweſt/ welches aber darumb nicht wilde
Pferd zu nennen/ weil unter ſolchen noch ein groſſer
Unterſchied iſt/ als in der Schleſien in dem Bern-
ſtaͤdtiſchen Fuͤrſtenthum noch ein ſolches wildes
Geſtuͤde uͤbrig iſt/ woraus uͤberauß ſchoͤne und
gute Pferde kommen. Hergegen haben die gantze wil-
de Pferde gemeiniglich ſchwache Ruͤcken und ſeyn
nicht ſonderlich von Gewaͤchs oder Geſtalt.

Die 15. Art wilder Pferde.

Die Hungariſchen Pferde werden wol den rech-
ten wilden noch am nechſten kommen/ weil ſie unein-
gefangen in offentlicher Freyheit/ wie das Wild/ fal-
len/ erwachſen/ und allezeit verbleiben/ biß ſie mit Ge-
fahr und Muͤhe gefangen/ und zu dem Gebrauch ge-
bracht werden/ welches doch mit allen nicht geſchicht
oder geſchehen kan/ wann man ſie gleich gern zahm
machen wolte.

Die 16. Art wilder Pferde.

Plinius meldet mit mehr Scribenten/ daß zu
ihrer Zeit Studten geweſen/ welche von dem Wind
voll worden ſeyn/ welche gar ſchnell lauffende Pferde
generiret/ die aber das dritte Jahr nicht uͤberleben
koͤnnen. Solcher uͤbernatuͤrlichen generation ge-
dencket Columella/ lib. 6. cap. 27. der auch Urſachen
zum Beweiß geben will. Wann dieſes kein Poeti-
ſche/ ſondern warhaffte Meynung im Gebrauch und
muͤglich waͤre/ koͤnte es viel Unkoſten erſparen/ wel-
ches Juſtinus im 44. Buch/ Sipontinus und
andere mit uns fuͤr Fabeln
halten.

2. Art/ als zahme Pferd.

• 1. Gemeine Pferd-Art.
• 1. Jſt die allgemeine/ wie es der taͤgliche Welt-Lauff
  mit ſich bringet.
• 2. Studterey Pferd.
• 2. So in den Studtereyen mit ſonderlichem Fleiß
  erzogen werden.

Weyde.

Jſt demnach der beſte Haupt-Grund und Eigen-
ſchafft der Pferde Zucht/ die gute geſunde Weyde/
ſonder welche mit keinem Nutzen/ Ergoͤtzung oder
Ruhm eine Studterey angeleget/ oder was gutes da-
von erwartet werden kan. Die beſte aber/ welche
mehr auf Kraͤutern/ als gemeinem Graß beſtehet
Ja je mehr die Kraͤuter das andere Graß in der Men-
ge uͤbertreffen/ je mehr Geſundheit und Staͤrcke wird
ſich bey den Pferden finden.

Das beſte Graß.

Es befindet ſich aber ſolches Kraͤuter-Graß 1. und
vornemlich auf den Bergen: ob es gleich etwas duͤn-
ner und geſpaͤriger ſtehet/ und die Pferde daſelbſt mehr
Arbeit anwenden muͤſſen/ biß ſie ſich ſatt eſſen/ ſo iſt
doch ſolches wenige auch um ſo viel kraͤfftiger und beſ-
ſer/ und den Pferden nuͤtzlicher/ daß ſie dabey einige
Bemuͤhung anwenden/ und gleichſam im Schweiß
erobern muͤſſen/ dabey ſie auch der Arbeit und Stei-
gens allgemach gewohnen/ und deſto ſicherer Schen-
ckel werden: Jndem ſie die Natur lehret/ wie ſie
dieſelbe auff der Erden wohl verſichern/ und vor
ſtraucheln und fallen verwahren ſollen: So genieſ-
ſen ſie auch manches edles Kraut/ das ihnen zu der Ge-
ſundheit eben ſo nuͤtzlich iſt/ als ob man daſſelbe fuͤr ſie
aus der Apothecken um hohes Geld gekauffet haͤtte/
uͤber das ſolche Weyde ſubtiler/ ſuͤſſer und lieblicher
am Geſchmack und vollkommen iſt. 2. Auff der E-
bene wird die nechſte Art von ziemlich-gutem Kraͤu-
ter-Graß/ ſonderlich wo es truckenen Boden hat/ ge-
funden.

Jn dem tieffen Boden ſeyn zwar offtmahls unter-
ſchiedliche Kraͤuter unter dem Graß vermiſchet/ wel-
che aber bey weiten ſolche Kraͤffte nicht als die vorigen
haben/ wo ſolche Feuchtigkeit nicht von friſchen
Brunnen-Qvellen herkoͤmmet/ denn daſſelbe wird
bald grob/ ſtarck und ungeſchmack/ daß es die Pferde
mit Nutzen nicht genieſſen koͤnnen.

Mittel-Weyde.

Die mittelmaͤſſige Weyde/ ſo den Pferden nuͤtzlich
zu gebrauchen/ iſt das rechte gemeine Graß/ welches
auch von unterſchiedlicher Art/ alſo auch eines beſſer
und geſuͤnder als das andere iſt: Nachdem daſ-
ſelbe auff einem truckenen oder naſſem Boden ſtehet/
rein und lauter iſt/ darunter der groſſe niederlaͤndiſche
Klee mit eingerechnet wird.

Boͤſe Weyde.

Hergegen wird das rechte Klee-Graß bey den
Pferden nichts anders/ als den Gang ſchaffen:
Nemlich die Lungen-Faͤulung verurſachen/ welches
allein den Milch-Kuͤhen dienen kan/ alſo bey den
Pferden ſo viel/ ja mehr/ als alle nachfolgende boͤſe
Weyde/ lang oder kurtz zu gebrauchen ſchaͤdlich iſt.

Alſo wird ein jede Weyde fuͤr ſchaͤdlich und unge-
ſund gehalten/ welche zwiſchen den ſtehenden Waſ-
ſern/ auff ſtinckendem/ faulen/ modrigen Grund ſte-
het/ welches grob und ſich mehr dem Rohr/ als dem
Graß vergleichet. Je mehr und laͤnger die Pferd ſol-
cher Weyde genieſſen/ je mehr phlegmatiſche Feuch-
tigkeit wird ſich durch dieſelbe in den Pferden ſamm-
len/ je wo nicht die gantze/ doch die meiſte Subſtantz
des Gebluͤts entſtehen und vermehret werden/ wel-
ches kein andere/ als dergleichen Wuͤrckungen/ in den
innerlichen Gliedern/ alſo den aͤuſſern nichts beſſers
zulaſſen oder ſenden kan.

Weil dann ſolche Pferd in ihrem gantzen Weſen
auff ſolcher feuchten Materi beſtehen/ ihre taͤgliche
Nahrung/ ſo ihr Zunehmen vermehret/ und im wach-
ſen fortſetzet/ ſo folget auch unwiderſprechlich/ daß der
Saamen eben ſo wenig einer andern Natur ſeyn kan/
der ſich in der Frucht wieder alſo bezeuget/ auch in der
Milch befindet/ und hernach bey den jungen Pferden
in der Weyde geſtaͤrcket wird/ alſo keiner Vernunfft
nach/ ein gutes/ geſundes/ dauerhafftes Pferd dahero
zu vermuthen ſtehet/ wuͤrden alſo die Unkoſten/ Muͤhe
und Sorge/ beſſer auff Erziehung gemeines Viehes
oder Pferde/ als auff koſtbare Edle anzuwenden ſeyn.

Waſſer.

2. Das Waſſer iſt zwar nechſt der Weyde das noͤ-
thigſte Suͤck/ davon die Pferd ihr Leben erhalten
muͤſſen/ es hat aber deſſelben Beſchaffenheit an ſich
ſelber bey einer Studerey/ ſo viel nicht auff ſich/ oder
Unterſcheid/ als bey der Wartung/ deren Pferde/ ſo
von weit entlegenen Orten herkommen/ zu ſehen iſt.
Dann bey einer Studterey | gewohnen ſie deſſen von
Jugend auff/ und nachdem ſolches iſt/ muß ſich auch
des Pferdes Natur richten und annehmen: Ja ſo
gar die boͤſen ſchlechten Waſſer koͤnnen den jungen
dabey
[7]Pferd-Schatz.
dabey erwachſenen Pferden nimmermehr ſo ſchaͤdlich
ſeyn/ als ein mittelmaͤſſiges Waſſer/ einem alten
Pferde ſeyn kan/ welches in einer geſchwinden Aen-
derung/ auch einen groſſen Unterſcheid oder Extremi-
taͤt/ in des Waſſers Kaͤlte oder Waͤrme/ Haͤrte oder
Weiche genieſſen muß/ gleichwohl wird das beſte
Waſſer auch bey den jungen Pferden auch den be-
ſten Nutzen ſchaffen/ und die groͤſte Geſundheit ver-
urſachen.

Die traͤchtigen Studten zwar koͤnnen von den
eißkalten friſchen Waſſern leichtlich Schaden neh-
men/ und verwerffen/ welches aber zum mehrern Theil
von denen zuverſtehen/ welche dergleichen Waſſer
nicht/ ſondern anderer waͤrmer und faͤuler gewohnet
ſeyn/ die aber bey friſchen kalten Waſſern/ in Gebuͤr-
gen erzogen/ und derſelben von Jugend auff gewoh-
net/ wird es auch um ſo viel weniger ſchaden koͤnnen.

Die beſten Waſſer.

1. Jns gemein wuͤrden die flieſſende Waſſer (ſo
aus geſunden friſchen Qvellen/ ihren Urſprung aber
etwas weit davon nehmen) die allerbeſten ſeyn/ nechſt
dieſen

2. Die flieſſenden Waſſer durchgehend/ ſie ſeyn
gleich aus groſſen oder kleinen Fluͤſſen genommen.

3. Die Spring-Brunnen durch die Roͤhren ge-
leitet/ durch Pompen gezogen/ oder die durch viel
Roͤhren lauffen muͤſſen/ wodurch die Haͤrtigkeit der-
ſelben etwas temperiret wird.

Mittelmaͤſſige Waſſer.

4. Mittelmaͤſſig ſind alle ſpringende Brunnen.

5. See-und Weyer-auch Moraſt-Waſſer unge-
ſund und ſchaͤdlich/ weil ſich in denſelben allezeit viel
Ungezieffer/ Schlangen und ander gifftiges Ge-
ſchmeiß auffhaͤlt.

Der Weyde Grund.

Der Boden: Je mehr ſie die Weyde auff Ber-
gen und Klippen ſuchen/ je beſſere Huͤffe denſelben
wachſen/ und je ſichererer Fuͤſſe ſie werden/ dieſes kan
zwar auff gleicher Erden/ doch nicht in ſolcher Voll-
kommenheit ſeyn/ wann dieſelbe trucken oder ſteinigt
iſt.

Jn tieffen Moraſten/ und weichen auch fetten
Buͤſchen wachſen die Huͤffe/ und ſonderlich der Kern
zu viel/ und ſeyn allzeit weichlich/ die Schenckel wer-
den niemahls trucken/ dahero allezeit voller Fluͤſſe und
Schaͤden/ dabey gewohnen ſie auch des Niederlegens
und Badens von Jugend auff/ daß ſie ſich auch im
Alter ins Waſſer oder in den Sand legen wollen/
von dieſer Weyde nehmen auch die Augen gemeinig-
lich in der Jugend Schaden/ daß derſelben wenig-
ſter Theil beſtaͤndig bleibet.

Fuͤr traͤchtige Studten zwar iſt es ſicherer und be-
qvemer/ auff der Ebene als auff Stuͤckeln hoher
Bergen zu weiden/ dann wann ſie vielmahls aus al-
len Kraͤfften ſteigen/ ſich auch im Abgehen mit allen
Vermoͤgen halten muͤſſen/ ſo kan ein Studten leicht-
lich ein Verruckung bekommen/ ſo ihr und der Frucht
ſchaͤdlich/ daß ſie auch daruͤber offtmals verwerffen/
vielmehr wann ſie gar ſtraucheln oder fallen/ welches
zwar der Goͤttlichen Vorſorg (ſonderlich an den
Orten/ wo kein andere Gelegenheit vorhanden iſt)
heimgeſtellet ſeyn muß/ wo einer aber Gebuͤrg und
Ebene beyſammen haben kan/ wird es ihm ſehr nuͤtz-
lich ſeyn/ wann er unter den traͤchtigen und andern
Pferden/ auch zwiſchen den Hochtraͤchtigen/ und de-
nen/ ſo vor halber Zeit gehen/ eine Zeitlang Unter-
ſcheid gebrauchet.

Vberfluͤſſige Weyde.

Nechſt der Geſundheit/ ſo in der Weide bey einer
Studterey erfodert wird/ iſt auch auff den Reich-
thum derſelben in allweg zu ſehen/ dann weil Stud-
ten und junge Pferde/ ſonderlich die Hochtragenden/
Tag und Nacht eſſen wollen/ (wie dann die Stud-
ten unter aller Art Pferde die gefraͤſſigſten ſeyn/) da-
hero erfordern ſie auch bey kraͤftiger Weyde/ eine mit-
telmaͤſſig-graßreiche Weide/ welche ſo dann um ſo
viel laͤnger und dicker ſeyn muͤſte/ wann ſie auff gemei-
nem Graß beftuͤnde/ welche die Krafft nicht bey ſich
hat/ ſo die kraͤfftigen Kraͤuter geben/ daſſelbe iſt nun
durch die Anzahl Pferde/ nach der Erforderung aus-
zutheilen/ daß nicht mehr Stuͤck gehalten werden/ als
die Weyde reichlich ernehren kan/ und zwar wegen
einfallendem Miß-Jahr/ duͤrrer Zeit/ oder wo das
Graß von beſtaͤndigem Regen verfaulet/ lieber mit
einem Uberfluß als Abgang/ doch ſoll auch der Uber-
fluß ſeine Maaß haben/ damit die Pferde nicht gewoh-
nen die Weide vergeblich niederzutreten und zu ver-
wuͤſten/ welches ſie dann gewohnen/ und mit allem
Futter ſo verſchwenderiſch umgehen wollen/ damit
auch die Pferde dieſelbe kurtz ob der Erden/ und nicht
auff halben Stamm abbeiſſen/ wodurch die gantze
Weyde verderbet wuͤrde/ wann das alte Graß auff
dem Boden ſtehen bleibet/ verwildet/ und filtzig wird/
daß kein friſches Graß dadurch heraus wachſen kan/
oder doch ſo vermenget/ daß man des guten ſo wenig
als des boͤſen genieſſen kan/ man brenne dann das alte
Graß auf dem Boden ab/ welches nicht jederzeit und
aller Orten mit Sicherheit geſchehen kan Auff den
Fall einer nun mehr ſolcher guter Weyde haͤtte/ als er
mit der Studterey beſchlagen kan/ muͤſte man Rind-
Vieh zu Huͤlffe nehmen/ oder die Weide einziehen/
untermachen/ nach der Proportion der Anzahl ein-
theilen/ wo nicht frembdes Vieh zu Hulffe nehmen/
die uͤbrige Weyde abmehen/ oder weg brennen.

Es iſt zwar der Mangel an der Sommer-Wey-
de einer Studterey ein groſſer Schaden/ aber nicht
ſo gefaͤhrlich als im Winter/ weil die Sommer-
Weide kraͤfftiger als die Winter-Fuͤtterung iſt.

Es iſt auch den Studten nuͤtzlich/ wann ſie auff der
Weyde nicht eng eingeſpannet ſeyn/ ſondern einen
ziemlichen Gang haben/ welches ihnen das Gemuͤht
ſambt dem Leibe erfriſchet und ermuntert.

Der groͤſte Vortel/ ſo bey der Weyde zu ſuchen/ iſt
die Laͤnge des Sommers/ denn je weiter ſich derſelbe
erſtrecket/ je mehr koͤnnen ſich die Pferde auff der
Weyde erholen/ unter welchen die vornehmſte in
den Laͤndern iſt/ die das Jahr durch Weyde zugebrau-
chen zulaſſen/ welches an etlichen Orten weit in den
Herbſt reichet/ an andern zeitlicher anfaͤnget und ehe
auffhoͤret/ welches doch beydes ſo ein groſſe Huͤlffe iſt/
als man die Studterey lang auf der Weide erhaͤlten
kan/ nicht allein wegen Erſpahrung der Muͤhe und
Koſten/ ſondern vornehmlich der Guͤte der Pferde/
wel-
[8]Neuer vollkommener
welche auf der Weide viel geſuͤnder uñ friſcher bleibẽ/
muͤthiger uñ dauerhaffter werden/ uͤber daß ſie ihr Ge-
waͤchs/ Staͤrcke/ und Fleiſch nur im Sommer ſetzen
muͤſſen/ dann in demſelben haben ſie 24. Stunden
anzuwenden ihren Hunger zu ſtillen/ uñ iſt ihnen bey
magerer Weyde viel muͤglicher/ ſich in ſo geraumer
Zeit zu ſaͤttigen/ auch unſchaͤdlicher/ daß ſie immer im
Gang bleiben/ als wann ſie ſich ſehr auslauffen/ ſprin-
gen und abmatten/ oder wo ſie gar bald ſatt werden/
die Schatten ſuchen/ und ſich niederlegen/ davon ſie
faul und melancoliſch werden/ welches den tragen-
den Studten beydes ſehr ſchaͤdlich/ dann wie ſie ſich
im Lauffen und Springen leichtlich verrencken oder
beſchaͤdigen/ ſo kan ihnen bey vielem Liegen die
Frucht anwachſen.

Die Lufft.

Die Lufft und Landes Art/ wo die Studterey an-
geleget wird/ wuͤrcket bey den Pferden den groſſen
Unterſcheid nicht zum ringſten Theil/ welcher unter
den Pferden zu befinden iſt.

Wetter.

Daß nun an den Orten/ wo die groͤſte Hitze iſt/
auch (nach etlicher Meynung) die beſte Art der Pferde
erwachſe/ laͤſſet man eines jeden Belieben billich
heimgeſtellet: Gleichwol giebet die Erfahrung viel
Exempel ſtattlicher Pferde/ ſo an ſolchen Orten fal-
len/ welche temperirter Lufft genieſſen.

Weil aber nicht ein jeder an ſolchen Orten leben
kan: So muß man auch die andern Arten nicht aller-
dings untuͤchtig halten/ ſondern zu der Nothdurfft er-
ziehen/ wie und ſo gut mans haben kan.

Gleichwie nun hierinn in den Landen ein groſſer
Unterſcheid/ ſo iſt derſelbe auch in jedem Land abſon-
derlich zu finden/ und derjenige Ort/ zu Anrichtung
einer Studterey/ vor andern zu erwehlen/ ſo 1. den gu-
ten Laͤndern am nechſten kommet/ 2. wo der meiſte
Sonnenſchein hinfallen/ und am laͤngſten bleiben
kan/ oder die ſtaͤrckſte Wuͤrckung hat/ welches jeder-
zeit/ 1 im Oſt/ 2. Suͤden/ 3. im Weſten zu ſuchen. 2.
Wo die Winde von einigen Huͤgeln oder Buͤſchen
abgehalten werden/ ihren groͤſten Gewalt zu gebrau-
chen/ jedoch in dem natuͤrlichen Lauff/ ihre gewoͤhnli-
che Wirckungen haben koͤnnen/ wornach ſich der
Pferde Natur artet/ wie derſelben grobe/ oder zarte
Leiber/ Glieder/ Haut/ Haar/ Gemuͤth und Sinnen
unterſchidlich weiſen 3. Wo bey groſſer Hitze/ doch ein
kuͤhlender Lufft/ oder Schatten zu genieſſen/ 4. oder in
allzugroſſen Winden/ einiger Schutz/ in Buͤſchen
oder Thaͤlern zu ſuchen/ dadurch ſich die Pferde erfri-
ſchen und enthalten koͤnnen/ wie an den Bergen
leichtlich geſchehen/ welche die Sonn ſelten von allen
Seiten beſcheinen kan/ dahero ſich die Pferd nach
derſelben Fortgang auch accommodiren moͤgen. 5.
Wo das beſte Temperament und Abwechſelung der
Hitze und Kaͤlte/ oder derſelben Vermiſchung zu fin-
den. 6. Wo Weyde und Waſſer am gelegneſten
und nach den vorigen Beſchreibungen beſchaffen
ſeyn/ und die uͤbrigen Nothdurfften am beſten und
leichteſten zu erhalten/ unter welchen die vornehmſte
Nothdurfft iſt

Ein wohl verwahrter und
gebauter Stall.

Die Stallung iſt in hartem Froſt und ſtarcken
Winden ein groſſe Huͤlffe/ daß die Fuͤtterey beſſer er-
klecken und weiter reichen kan/ wann ſie vor denſelben
wol verwahret iſt/ indem das Pferd die Waͤrme auch
in der Arbeit ſuchet/ ſo es in dem Eſſen anwendet/
denn wie man jederzeit viel auff gute Stallung ge-
ſehen/ iſt auch aus heiliger Schrifft und vielen alten
Scribenten abzunehmen.

1. Wo es nun die Gelegenheit immer leidet/ iſt es
ſehr nuͤtzlich/ wann die Studten ein beſondern Stall
haben koͤnnen/ wodurch groſſe Unordnung/ Gefahr
und Schaden bey den Pferden/ ſonderlich bey den
tragenden Studten/ verhuͤtet wird/ welches ſchwer-
lich geſchehen kan/ wann ſie alle durch einander lauf-
fen/ dadurch die Jungen wild werden/ ſich nicht zahm
machen laſſen/ lernen beiſſen und ſchlagen/ laſſen den
Studten keine Ruhe/ ſonderlich wo ſie das andere
Jahr erreichen (in welcher Zeit ſie anfangen zu ſtei-
gen) weil dann ein Stall/ welcher das gantze Geſtudt
verſorgen ſoll/ nothwendig weit und groß ſeyn muß:
So kan er deſto weniger vor der Kaͤlte dicht verwah-
ret ſeyn: Jſt alſo beſſer/ daß derſelbe gewiſſe Abthei-
lungen habe/ damit er die Waͤrme beſſer halte/ und
die Studten allein deſto ruhiger ſeyn und eſſen koͤn-
nen/ ſo ſie aber dringen uñ uͤber einen Hauffen zuſam-
men lauffen/ werden die traͤchtige Studten gedruk-
ket und geſchlagen/ davon ſie und die Frucht Scha-
den leydet/ daß man ſtetig daran zu curiren findet/
und doch nicht leichtlich/ oder jederzeit fangen oder
halten kan/ wird auch viel gute Fuͤtterung unnuͤtzlich
vertretten.

Je mehr (nach Xenophontis Regel) des Herren
Aug das Roß fett machet: So iſt auch die Stal-
lung bey des Herrn Wohnung/ je naͤher/ je beſſer/
denn dadurch wird vielen Maͤngeln abgeholffen/ wel-
che ſonſt nicht verbeſſert werden.

2. Der Stall ſoll an einem luſtigen Ort/ fuͤr die
tragenden Studten/ ſonderlich mehr/ als fuͤr andere
Pferde ſeyn/ und wo es ſeyn kan/ auff einer kleinen
Hoͤhe/ wo aber keine natuͤrliche Hoͤhe verhanden/
ſoll man den Boden je hoͤher/ je beſſer mit Kißgrund
oder zum wenigſten mit Sand erhoͤhen/ und mit ei-
nem Graben umb und umb umgeben/ daß alle
Feuchtigkeit leichtlich und jederzeit davon abflieſſet.

Jn der Runde nach der Proportion der Anzahl
Studten gerichtet/ damit die Weitlaͤufftigkeit nicht
vergebliche Unkoſten im Bauen mache/ nicht zu kalt
und unbeqvem in Vermehrung der Arbeit ſey/ wann
man eines und anders weit hin und wieder zu brin-
gen haben ſolle

Auch nicht zu eng/ damit nicht allein bey der Ver-
mehrung kein neuer Stall von noͤthen ſey/ oder die
traͤchtigen Studten gar zu drang ſtehen muͤſſen/ uͤber
das gar enge Staͤll bey groſſer Anzahl/ gar zu viel
Duͤnſt faſſen/ welches den Studten nicht minder/
als die Kaͤlt ſchaͤdlich waͤre/ und ihnen die Augen
verderben/ oder doch beſchwerlich beiſſen wuͤrde.

Nahend bey der Weyde/ damit die tragenden
Stud-
[9]Pferd-Schatz.
Studten nicht zu weit gehen muͤſſen/ wenn ſie gar
ſchwer ſeyn/ auch in geſchwinden groſſen Ungewitter/
Platz-Regen/ oder Sturmwinden leichtlich unter das
Dach gebracht/ und verwahret werden moͤgen.

Unterſchiedliche Eigenſchaff-
ten/ die ins gemein bey Anrichtung
einer vortrefflichen Stuͤdterey in acht
zu nehmen/
Sowol an den Beſchellern
als Studten.

Art der Studterey.

Nachdem man aber/ aus gewiſſer Prob/ deſſen ſo
wohl bey dem Hengſt/ als bey der Studten verſichert/
iſt nicht minder auff die Landes-Art des Orts/ wo die
Studterey angeleget wird/ als auf diejenige zu ſehen/
aus welcher Hengſt und Studten kommen.

Hierinnen erweiſet die oftmahlige Erfahrung/
daß in kalten Laͤndern die hitzigen Hengſte beſſer als
die kalt-ſinnigen/ oder die von kalten Orten herkom-
men/ zu gebrauchen. Weil des Beſchellers Hitze oh-
ne das/ von des Orts ſituation/ Lufft/ Waſſer/ Futter
und Gebrauch der Medicamenten je laͤnger je kaͤlter
wird.

Noch mehr aber und kraͤfftiger wird ſolche Hitze
von der Natur einer kalt-ſinnigen Studten in der
Frucht/ wo nicht mercklich erkuͤhlet/ doch ſo viel tem-
periret/ daß man ſolches in der allererſten generation/
mehr als allzuviel augenſcheinlich ſpuͤret/ wie ſich ſol-
che Hitze/ in den folgenden generationen von Zeit zu
Zeit/ und offt ehe als man ſolches gern ſiehet/ verlieret
und erloͤſchet.

Gleiches Abnehmen und Minderung befindet ſich
auch 1. in der Groͤſſe des Gewaͤchs. 2. und guten
Proportion der Gliedmaſſen.

Nachartung des Be-
ſchellers.

Es iſt aber unwiderſprechlich/ daß die Frucht/ in der
Geſtalt/ Groͤſſe/ und andern Eigenſchafften/ am voll-
kommeſten und beſten erfolget: Je mehr ſich in ſol-
chen Stuͤcken der Beſcheller mit den Studten ver-
gleichet/ wie nun auff ſolche die groͤſte Hoffnung zu
machen/ ſo wird ſich im Gelegenheit die Frucht umb
ſo viel mehr disproportioniret einfinden: Je mehr
disproportion/ in allen Eigenſchafften und ſonderlich
in dem Gewaͤchs/ zwiſchen dem Beſch eller und Stud-
ten geweſen.

Einſtimmende Landes-
Art.

Und da dieſelbe ja anderwerts zu den Studtereyen
gebrauchet werden ſolten/ werden ſie in den Laͤndern
den groͤſten Nutzen ſchaffen/ welche mit ihrer Natur
am meiſten verwandt und am nechſten gelegen/ dar-
innen ſie noch die groͤſte Waͤrme genieſſen koͤnnen/
ſo auſſer ihrem Lande (wiewol in geringerer) Wuͤr-
ckung zu finden.

An den weit entlegneſten/ rauheſten und kaͤlteſten
Orten aber/ wird auch die degeneration deſto mehr zu
ſpuͤren/ und endlich eine gaͤntzliche Mißrathung zu
nennen ſeyn.

Jnſonderheit iſt in acht zu nehmen
Der Beſcheller.

Ob gleich das gemeine Sprichwort bey den Pfer-
den/ wie bey den Menſchen und andern Creaturen/
nicht jederzeit und bey allen eintrifft/ daß ſelten von ei-
nem Raben ein Adler gezeuget werde/ ſondern daß bey
denſelben allen/ zum meiſten Theil/ die groſſen von ih-
res gleichen herkommen: So befindet ſich doch
zum meiſten Theil/ daß die gute Art/ in der Fortpflan-
tzung/ die Nachartung in etwas/ wo nicht in allen
Stuͤcken/ wuͤrcke. Kan alſo ein Pferd von der beſten
Art einem Geſtuͤdte den beſten Anfang machen. Wo
es nun muͤglich waͤre/ zu Auffrichtung eines Geſtuͤd-
tes/ die beſten Pferde aus der allerbeſten Art Pferde
auszuſuchen und zu bekommen/ und ſolche Art ſo lang
es muͤglich beyzubehalten/ oder im Abgang mit der-
gleichen zu erſetzen: ſo wuͤrden die Koſten und dar-
auf gewendete Muͤhe auch am beſten bezahlet wer-
den/ und doch dabey Gluͤck von noͤthen ſeyn/ daß ſich
nicht die Ausartung viel ehe finden moͤchte/ als man
derſelben vermuthet oder begehret.

Dann wie uns die Erfahrung vielmehr ungera-
thener Kinder von frommen Eltern/ als wolgezogene
Nachkommen von gottloſen Vorfahren zeiget: So
iſt die Mißrathung viel oͤffter als die rechte Nachſchla-
gung der guten Art anzuſehen und in den vornehm-
ſten Geſtuͤdten zu erkennen: Daher der erſte Grund
nimmmermehr von zu guter Art geleget werden kan/
daß es deſſen nicht mehr als zu viel beduͤrffte.

So denn/ nach aller alten und neuen Philoſophen
einhelligem Schluß/ der Urſprung und Fortpflan-
tzung oder generation/ bey den Thieren fuͤrnemblich/
von dem maͤnnlichen Geſchlecht entſtehet: So iſt
auſſer allem Zweifel an der Guͤte und Vortrefflichkeit
des Beſchellers in Auffrichtung und Erhaltung ei-
nes Geſtuͤdtes das meiſte/ und ungleich mehr/ als an
den Studten gelegen: denn viel ſchoͤner Pferde/ von
dergleichen Beſchellern/ auch von gemeinen Studten
fallen: Hergegen ſehr wenig/ von einem ſchlechten
Beſcheller und den allerſchoͤneſten Studten herkom-
men/ iſt die Erfahrung ein genugſamer Zeuge/ deren
Jrrthum zu widerlegen/ daß ſie die aͤltiſten/ mangel-
haffte/ abgerittene/ krumme/ lahme/ blinde/ krancke/
unſaubere/ nichtswuͤrdige Pferde/ in ihre Stuͤdterey
bringen/ und allererſt zum Beſchellen gebrauchen
wollen.

Wer nun ſorgfaͤltig iſt/ ſolche beyderley wider ein-
ander ſtreitende Meynungen bey ſich zu eroͤrtern/ kan
allein auff den Unterſcheid deren Pferde Achtung ge-
ben/ welche von ſolchen Orten herkommen/ da man
einerſeits die beſten/ und anderſeits dergleichen heillo-
ſe Beſcheller hat.

Dieſes laͤſſet ſich auch aus der Veꝛgleichung ſchlieſ-
ſen/ wann in Hiſpanien und Jtalien/ die edleſten
Studten von den allerſtaͤrckeſten gemeinen Eſeln be-
leget werden/ ſo behaͤlt der davon kommende Maul-
eſel den wenigſten Theil ſeiner Mutter vortrefflichen/
ſondern zum groͤſten Theil von ſeines Vaters/ als der
Eſel/ Eigenſchafft.

Ja es lehret die Erfahrung/ daß alle Studten/ ſo
koͤſtlich ſie auch ſeyn moͤgen/ wann ſie einmahl von ei-
nem Eſel beſtiegen worden/ nimmermehr kein gutes
wolgeſtaltes Pferd mehr zur Welt bringen/ ob ſie
geich von einem ſchoͤnen Hengſt beſtiegen werden.
Deſſen nachkommende Frucht doch gaͤntzlich aus der
Pferd-Artſchlaͤget/ und zum groͤſten Theil Eſels-Na-
tur und Eigenſchafften/ (ſowohl in der euſſerlichen
Geſtalt des Leibs und deſſen meiſten und vornehm-
ſten Glieder/ Ohren/ Halß/ Kopff/ mit enger Bruſt
und ſpitzigem Creutz/ Fuͤſſen und Huͤeffen/ ſondern ſo
gar und noch vielmehr an den Sinnen und ungelehr-
nigem/ ungeſchickten/ halßſtarrigen/ faulen Gemuͤth
und Gebaͤrden/) behaͤlt und annimmt.

So denn Varro nicht vergeblich ſaget: De ſtirpe
magni intereſt, qva ſint, qvod genera ſunt multa, \&c.
So iſt nothwendig ein Beſcheller an denen Orten zu
ſuchen/ oder daher zu erwarten und zu trachten/ 1. wo
die beſte Art Pferd zu finden. 2. die ſich mit derſelben
Landes-Art am beſten vergleichet/ dahin der Beſchel-
ler gebracht/ und wo er gebrauchet werden ſolle.

Wo auch nach Oppiani Meinung/ ſo vielerley Art
Pferd als unterſchiedene Voͤlcker ſeyn; So wird
des Anrichters einer Stuͤdterey erſte Entſchlieſſung
ſeyn/ welche frembde Art Pferde ſich in ſeine Lufft/
Weyde/ Futter/ Waſſer und andere Landes Gelegen-
heit/ wegen ihrer Natur/ am beſten ſchicken werden/
damit nicht ein Extremitaͤt der geſchwinden gar weit
unterſchiedenen Enderung ein andere verurſache.
Dann ſo fern ſolche Eigenſchafften deren Oerter/ da-
von ſie herkommen und dahin ſie gebracht werden/ im
hoͤchſten Grad unterſchieden waͤren/ wird das da-
durch geſuchte Temperament/ nicht ohne Gefahr des
Mißlingens langſamb/ ſchwer/ oder gar nicht erfol-
gen/ wobey zwar gutes Gluͤck/ rechter Verſtand/ Muͤ-
he und Unkoſten viel erlangen koͤnnen.

Denn ſo die Erfahrung lehret/ daß die ſituation/
Lufft/ Waſſer/ Weyde und Futter eines Landes/ wo
nicht mehr/ als das Gebluͤt/ in der generation wuͤr-
cket: So wuͤrde in ſolchen Landen/ (die in ſolchen
Stuͤcken Maͤngel haben/) die Ausartung einer gu-
ten Art Pferde viel ehe zu vermuthen ſtehen/ als wo
geringe Pferde/ in dergleichen Laͤnder/ zur generation
gebracht wuͤrden/ welche in dieſen Eigenſchafften
vollkommen ſeyn.

Werden nun in dergleichen Landen/ ſo von Natur
nicht gute Pferde ziehen/ entweder die Beſcheller/ oder
die Studten/ mit derſelben geringen Landes-Art be-
leget/ ſo iſt die degeneration umb ſo viel gewiſſer zu
vermuthen/ und koͤnte an ſolchen Orten noch einige
Huͤlffe ſeyn/ wann Beſcheller und Studten einer gu-
ten Art dahin gebracht wuͤrden.

Die unterſchiedene Grad
der guten Pferde.

Weil aber an einem andern Ort erwehnet iſt/ wel-
che Laͤnder dafuͤr gehalten werden/ daß ſie die beſte
Pferde ziehen/ wuͤrde ſolches allhier zu wiederholen
mehr verdrießlich als nothwendig ſeyn/ welches oh-
ne das den Liebhabern bekandt iſt/ daß die waͤrmeſten
Laͤnder/ der reineſte Lufft und Waſſer die koͤſtlichſten
Pferde bißhero beſeſſen.

Jn den Teutſchen Geſtuͤdten wird die Erfahrung
lehren/ daß zwar etliche wenige/ durch groſſes Gluͤck/
Verſtand/ Fleiß und Unkoſten/ (wiewol nur in denen
Provintzen/ ſo Jtalien und Spanien am nechſten ge-
legen/ und ſonderlich in Oeſterreich und Saltzburg/)
mit Pferden ſelbiger Nationen ſo viel erhalten/ daß
ſie ihres gleichen in Geſtalt und Guͤte erzogen/ deren
aber ſehr wenig geweſen/ und die Ausartung in dem 2.
und 3. Glied gleichwohl ſchon mercklich in vielen
Stuͤcken zu ſpuͤren/ welches andere an weit entlege-
nen Orten mißlich erhalten ſolten/ daß die merckliche
Ausartung nicht zugleich in der 2. ja der 1 generation
offenbahr zu ſehen waͤre.

Hergegen zeiget ſie auch/ daß daſelbſt und ander-
werts/ die Pferde/ ſo aus Perſia/ Armenia/ Egypten
und andern Tuͤrckiſchen Provintzen/ ja aus Hun-
garn und Pohlen/ mit deutſchen Studten beleget ſich
vielmehr verbeſſern als vermindern: Ja in jedem
Glied ſchoͤner/ vollkommener und beſſer werden/ nicht
allein an dem Leibe/ ſondern auch in dem temperirten
Gemuͤth und Sinnen/ deſſen Urſach koͤnte neben an-
dern dieſe nicht die geringſte ſeyn/ weil dieſe letzte an
dem Leibe/ ſonderlich an Bruſt und Creutz/ wo nicht
an beyden/ wo nicht jederzeit/ doch gemeiniglich etwas
ſpitzig und nach aller Erfoderung unvollkommen
ſeyn: Die deutſchen Studten ein raͤumern Leib/
als ſelber Nationen Studten haben/ darinnen die
Frucht mehr zu wachſen hat/ alſo leichter vollkomme-
nes Leibes werden kan/ wolte man der Studten ge-
ſiehen/ daß ſie in der generation einige Mitwuͤrckung
habe/ ſo koͤnnte es dieſe ja ſo wohlund ehe/ als ein aͤn-
dere ſeyn/ daß die Frucht ihres ſtarcken vollkommenen
Leibes in etwas theilhafftig wuͤrde. Und daß dieſes
der Vernunfft und Erfahrung nicht zuwider lauffe/
erweiſet ſich gar klaͤrlich an denen an der Frucht ereig-
neten Sinnen und Gemuͤth/ welche den groͤſten Theil
ihres Vaters feuriger Hitze/ Fluͤchtigkeit/ Zorn und
Mißtrauen verlieren/ und dagegen der Mutter Kalt-
ſinnigkeit/ Gedult und Vertrauen annehmen und be-
halten. Welches zwar in den folgenden generatio-
nen auch nach und nach mehr/ als gut iſt/ vermehret
und allzukalt und demuͤthig wird/ welches aber doch
nicht ſo bald als bey den andern zu ſpuͤhren iſt. 2. Daß
die jungen laͤngere Zeit bey der Mutter zubringen/
und von des Vaters Bezeugungen gar nichts ſehen
oder wiſſen.

Und weil im Gegentheil die Hiſpaniſche und Jta-
liaͤniſche Pferde ein groſſen/ ja faſt gemaͤſteten Leib
haben/ und den zu dergleichen groſſen fetten Studten
bringen/ iſt es kein Wunder/ daß die Frucht noch fet-
ter von Leib wird/ weil das vaͤter-und muͤtterliche
Gebluͤt hierzu incliniret iſt. Weil aber ſolche Leiber
von der Geſundheit und Geſchickligkeit wegen/ in der
Abrichtung beſchwerlich/ und in wichtigen Geſchaͤff-
ten ſehr gefaͤhrlich zu gebrauchen ſeyn: So iſt al-
lein ein ſolcher ſchwerer Leib/ bey zarten Fuͤſſen/ mehr
als zu viel wuͤrdig/ eine Ausartung zu nennen.

Schlieſſet ſich demnach/ daß in den temperirten
Mittel-Laͤndern/ wo weder die uͤbrige Hitze noch Kaͤl-
te dominiret/ eine koͤſtliche Art Pferde zu erziehen ſey/
wann die Beſcheller von hitziger fluͤchtiger Art/ und
geſchmeidigen Leibern/ aus ſolchen Laͤndern gebracht
werden/ welche ihrer Art gleich zarte und ſchmale
Studten haben/ uñ mit deutſchen Studten von voll-
kommenen Leibern beleget werden.

Auſſer dieſer unmaßgebigen Obſervation/ ſte het
nicht wenig an deſſen Belieben/ der Art ſo einem je-
den anſtehet und gefaͤllet/ dabey er ſich am beſten be-
findet/ und Gluͤck dabey verſpuͤhret/ welche Art von
Pferden er auch zu erziehen verlanget/ und am beſten
zu gebrauchen weiß/ in welchem Fall er an keine ſon-
derliche Nation gebunden/ ſondern ſich allein der
Guͤte und Schoͤne befleiſſen/ welche ihme werden
kan/ dabey er allein zu beobachten/ daß die Maͤngel der
Beſcheller (ſie ſind gleich an dem Gemuͤth/ Sinnen
oder Leib/) eine gantze Stuͤdterey verderben/ darumb
kein Beſcheller zu gut oder vollkommen ſeyn kan.

Von der Beſchaffenheit des Leibs und aller Glie-
der/ des Gemuͤths und der Sinnen/ ſo von einem
Beſcheller erfordert werden/ und zu ſeiner Verrich-
tung eigentlich gehoͤren/ waͤre zwar eine weitlaͤuffti-
ge Beſchreibung noͤthig/ wann dieſelbe nicht einem
beſondern Theil dieſes Werckes/ von den Eigen-
ſchafften der Pferde/ und wieder in einem andern
Thei/ lvon den Kennzeichen eines guten Pferdes/ wie
auch boͤſen Eigenſchafften und Maͤngel inſonderheit
geſchrieben wuͤrde.

Beſchellers gute Geſtalt.

So fern dann ein Beſcheller in der guten Geſtalt
des euſſerlichen Anſehens/ des Leibes und aller Glied-
maſſen/ wie auch an den innerlichen Theilen/ Gemuͤth
und Sinnen/ an der Geſundheit/ Vermoͤgen/ Ver-
ſtand und Willen/ allermaſſen beſchaffen ſeyn ſolle/
wie daſelbſt ein vollkommen/ ſchoͤnes aufrechtes/
Glied-gantzes/ lebhafftes Haupt-Roß/ abgezeichnet
und entworffen iſt: So wuͤrde deſſen Wiederho-
lung eine vergebliche Erweiterung ſeyn/ ohne daß an
einem Beſcheller inſonderheit unvermeydentlich er-
fodert wird

1. Daß derſelbe nicht gar zu groß ſey/ aus welchem
mehr ein ſonderliche Curioſitaͤt als Guͤte zu vermu-
then.

2. Daß ſein Geſchroͤt wohl auffgeſchuͤrtzet und
ſambt dem Glied gantz ſchwartz ſey/ denn die weiſſe/
auch abgetheilte Farbe/ wird ihn zur generation gantz
untuͤchtig machen/ was Farb er ſonſten auch ſeyn
mag/ welche zwar an allen Pferden fuͤr eine gute Ei-
genſchafft zu halten: Nachdem dieſelbe in der Be-
ſchreibung mehr gut als boͤß iſt.

Es iſt aber derſelben Mangel an allen andern
Pferden/ ehe und leichter als an einem Beſcheller zu
ver-
[17]Pferde-Schatz.
vertragen: Denn an einem Beſcheller kan ſie nie-
mals zu gut ſeyn/ daß es deſſen nicht mehr als wol be-
darff. Darunter aber werden die Einfaͤrbigen/ (die
gemengte oder Schecken aber niemahls ſo) gut ge-
haͤlten.

Dann weil ſich bey den beſten Farben vielfaͤltige
Enderungen zutragen/ die nicht anderſt/ als zum
ſchlechtern Stand/ ausſchlagen koͤnnen. Jndem
das beſte nicht beſſer/ wol aber boͤſer werden kan/ ſo iſt
ſich derſelben/ bey geringen Farben/ viel ehe zu beſor-
gen/ wird alſo an einem Beſcheller (auſſer weiß und
gelb) die dunckele/ und in derſelben die hoͤchſte und rei-
neſte/ die beſte bleiben/ als Caſtanien und Weixel-
braun/ Schweiß und bluthrothe Fuͤchſe/ ſchneeweiſſe/
goldgelbe Rappen und Spiegel-Schimmel/ denn ob
gleich rare Farben einen ſonderlichen Ruhm und
Nutzen haben/ ſo kan auch durch Abgang eines eini-
gen ein gantzer Zug geſchaͤndet werden/ weil man mit
dieſen/ ſo wol Abſchieſſung der Farb als wegen der
Abzeichen genug zu thun hat/ dieſelbe recht zuſammen
zu bringen und in Ordnung zu erhalten: Wo man
nun bey einer oder der andern Farben bleiben wil. Jſt
nothwendig/ ſich von gleicher Farbe Studten zu be-
fleiſſen/ dabey man dennoch nicht allezeit verſichert
ſeyn kan/ daß nicht ein oder anders junges Fuͤllen an
der Farb liechter und ſchlechter/ gar ſelten aber beſſer
oder dunckler wird.

Daß er von allen Erbſchaͤden und Kranckheiten
gantz frey ſey/ iſt an einem Beſcheller das allernoth-
wendigſte Stuͤcke/ denn dadurch kan eine gantze
Stuͤdterey geſchaͤndet werden. Ja es ſoll ſich an ei-
nem Beſcheller gar nichts befinden/ welches zu ſcheu-
en oder zu meyden iſt/ weil die Nachartung viel ehe im
boͤſen zu beſorgen/ als im guten zu hoffen iſt.

Nicht minder von allen laſterhafften Maͤngeln/
welche an keinem Beſcheller zu uͤberſehen und zu ley-
den/ welche anders in die Nachkommen erben wuͤr-
den/ und wie er in allen guten Eigenſchaffttn alle an-
dere Pferde uͤbertreffen/ hergegen gar keine oder offen-
bahre Maͤngel an ſich haben ſolle; Wird auch ſol-
ches Alter von ihme erfordert/ welches ihn nicht un-
tuͤchtig machet/ eine Zeitlang gebrauchet zu werden/
die auff ihn verwandte Unkoſten wieder zu erſetzen/
und ſeiner eine gute Zeit zu genieſſen/ wiewol ihn das
Alter allein nicht untuͤchtig machet/ ſo lang er ſonſten
gut und kraͤfftig iſt/ gering/ freywillig/ bald ſteiget/ an
den Begierden kein Abgang erſcheinet/ und die Stud-
ten von ihm voll werden.

Saamen.

Wann der Saamen/ nicht allein von vielem ſtei-
gen/ ſondern an ſich ſelbſt gar duͤnnfluͤſſig/ welches
ihn zur generation gantz untuͤchtig machet: Jſt es
auch der Studten ſchaͤdlich/ weil ſie nicht von ihm
aufffangen kan/ waͤre beſſer einen ſolchen gleich abge-
ſchaffet/ als vergeblich das Geſtuͤdt damit geplaget/
dahero viel darauff zu ſehen/ daß der Saamen etwas
dicklich ſey.

Daß er auch weder zu fruͤe noch zu ſpat abgehe/ denn
wo er allzu begierig und den Saamen gehen laͤſſet/
ehe er recht auffkommet/ iſt ſo wenig eine Frucht zu
hoffen/ als wann er die Studten zu lang auffhaͤlt.
Wo aber dieſer Mangel nicht in der Natur ſteck[e]t/
ſondern allein von dem offtmahligen ſteigen in kur-
tzer Zeit auff einander entſtehet: Jſt demſelben zu
Zeiten damit abgeholffen/ daß man ihn etliche Tage
wieder ruhen und zu Kraͤfften kommen laſſe/ wo er
nun dadurch gebeſſert wird/ iſt er umb ſolches willen
nicht zu verlaſſen.

Jn allweg ſoll man verſichert ſeyn/ daß er von
Stein und Sand nicht beſchweret ſey/ denn welche
damit behafftet/ koͤnnen vor Schmertzen nicht ſo lang
in der Hoͤhe auffbleiben/ als ſie ſolten/ ſondern muͤſſen
ſo bald wieder herunter eylen/ als ſie der Schmertzen
uͤberfaͤllet/ es iſt auch von ſolchen Pferden keine Frucht
zu hoffen/ ob ſie gleich gern und offt ſteigen/ ſolcher Zu-
ſtand aber iſt nicht allein bey ſolcher Kranckheit in
meinem Pferd-Artzney-Buch geſetzten Zeichen zu er-
kennen/ ſondern auch in dieſem Fall/ wann er einmahl
zugelaſſen wird/ und ſich/ wie erſt gedacht/ mit ge-
ſchwinden unzeitigen Abfallen bezeigen wird/ wor-
auf mit fernerm ſteigen ſeiner und der Studten gaͤntz-
lich zu verſchonen iſt.

Beſchellers Pfleg-und
Wartung.

So viel zu einer vornehmen Stuͤdterey/ an einem
koͤſtlichen Beſcheller gelegen/ ſo viel und nicht minder
lieget an deſſelben beſtaͤndigen Wohlſtands Erhal-
tung/ denn die vielmalige Enderung der Beſcheller/
bringet einem wohlbeſtellten Geſtuͤdte ſelten eine Beſ-
ſerung: Dieweil es Zeit/ Muͤhe und Koſten erfor-
dert/ einen ſolchen vollkommenen gerechten Beſchel-
ler anzutreffen/ womit man verſorget ſeyn kan/ die
nicht allenthalben zu finden oder gern verlaſſen wer-
den. Es haͤnget aber ſolcher langwierige Wolſtand
an nichts mehrers/ als an der ordentlichen fleiſſigen
Wartung/ welche bey einem Beſcheller ungleich noͤ-
thiger als bey andern Pferden iſt.

Weil aber die rechte Pferds-Wartung in einem
beſondern Theil beſchrieben/ welche von der gar wenig
unterſchieden/ ſo bey den Beſchellern noͤthig iſt: So
wird man am beſten in des Beſchellers Wartung
verfahren/ wann man 1. derſelben vorgeſchriebenen
gemeinen Wartung/ wo nicht in allen/ doch in den
meiſten Stuͤcken nachlebet.

2. Jn etlichen ſonderlichen Faͤllen und Stuͤcken/
auch nachfolgender Erinnerung nachkommet.

Und zwar muͤſſen die Beſcheller durch das gantze
Jahr fort und fort gefuͤttert werden/ ohne daß man
auch hierinnen Maaß gebrauche/ daß er nicht gar zu
fett ſey/ denn dadurch wuͤrde er zum ſteigen faul/ fluͤſſig
und der Saamen untuͤchtig werden/ daß die Studte
nicht fienge/ oder keine gute Frucht braͤchte.

Zwey Monat vor der Beſchell-Zeit gibt man ihm
geſchrotten Korn/ doch mit ſolcher Maß/ als ſein Zu-
ſtand erfodert/ und er davon/ wie erſt vermeldet/ nicht
uͤbermaͤßig fett werde.

Man menget ihm auch von ſolcher Zeit an/ Ziſer-
Erbſen unter den Habern/ beſprenget das Futter mit
Saltz-Waſſer/ reibet ihm die Zungen mit Saltz und
Eſſig/ damit er umb ſo viel lieber eſſe/ als es nahend
gegen die Beſchell-Zeit zugehet/ ſo bald mans haben
Erſter Theil. Ckan/
[18]Neuer vollkommener
kan/ mag man ihm taͤglich eine Hand voll gruͤnes ge-
ben/ aber nicht ſo viel/ daß es ihn zuviel erkuͤhlen moͤge.

Solche Zeit uͤber/ ſoll man ihn nicht kalt trincken/
ſondern das Trinck-Waſſer wol uͤberſchlagen laſſen/
auch wol mit warmen Waſſer und weiſſem Meel
mengen/ und wol umbruͤhren/ daß das Waſſer wie
eine Milch weiß wird.

Taͤglich/ (oder wegen boͤſen Wetters) wenigſt
uͤber den andern Tag/ ſoll man ihn morgens 1. Stund
ins Feld reiten/ ſonderlich bey klarem Wetter und
zwiſchen friſchen Waͤſſern/ aber nur Fuß fuͤr Fuß.
Doch ſoll man daſſelbe im boͤſen Wetter ſo viel muͤg-
lich unterlaſſen. Jm Winter in der Mittagsſtund/
oder wann es am waͤrmeſten iſt/ ſonderlich wann
warme Tage ſeyn.

Mit anderer ſtarcken Ubung und reiten aber ſoll
man ſeiner allerdings und allezeit verſchonen/ und im
uͤbrigen halten/ wie die beſten Hauptroß gewartet
deſſen werden.

Nach dem Beſchellen.

Soll er weit von dem Geſtuͤdt abgeſondert wer-
den/ damit er ſich nicht ſehne und abmatte/ ſondern
deſto ehe vergeſſe.

Das Geſchroͤdt ſoll man ihm 8. Tag hernach und
nacheinander taͤglich mit Baumoͤlſalben/ die Geyle
wieder zu erkuͤhlen/ auch darzwiſchen umb den Mittag
das Geſchroͤdte mit friſchem Waſſer beſpritzen.

Dann kan man ihm etliche Tag auch gruͤnes Graß
geben/ daß er ſich etwas erkuͤhlen moͤge/ doch ſo maͤſ-
ſig/ daß er nicht gar erkalte.

Theils halten es ſchaͤdlich ſeyn/ einem Beſcheller
Ader zu laſſen/ weil er deſſelben/ (ſonderlich umb die
Zeit des Beſchellens) am wenigſten bedarff/ dardurch
ihme ohne das viel Bluts abgangen/ uͤber daß er da-
durch ſehr geſchwaͤchet wird/ ſonderlich wann daſſel-
be kurtz vor oder nach dem Beſchellen geſchicht/ und
ihm eben ſo viel Bluts als einem andern Pferd
gelaſſen wuͤrde/ wann auch der Beſcheller nicht von
hitziger Landes-Art und Natur/ ſondern mehr von
kalter Complexion iſt.

Waͤre er aber aus heiſſen Landen und an ſich ſel-
ber blutreich/ hitzig/ und des Laſſens vor der Zeit ſchon
gewohnet/ wuͤrde ihm ein halbes Jahr vor/ und ſo
lang nach dem Beſchellen/ als im Herbſt/ die Haͤlffte
ſo viel Bluts/ (als einem andern Roß gelaſſen wird/)
doch nur aus einer Seiten/ zulaſſen nicht ſchaden koͤn-
nen/ und daſſelbe aus der Halß-Adern/ das ihm das
boͤſe Gebluͤth ausziehen/ vor Kranckheiten bewahren
und erfriſchen kan/ doch muͤſte daſſelbe nicht mehr als
einmahl im Jahr/ in den beſten Zeichen geſchehen.

Wo er aber ein gantzes Jahr feyren ſolte oder muͤ-
ſte/ wuͤrde man neben der Halß-Adern/ auch eine
Sporadern/ oder die in der Naſen/ wo nicht beyde/
aber deſto weniger zu laſſen ſeyn/ damit ihm das uͤber-
fluͤſſige Gebluͤt/ nicht an der Geſundheit oder am Ge-
ſicht ſchaden koͤnne.

Jm Sommer ſoll er vielmahls in das Waſſer ge-
bracht werden/ aber nicht weiter als uͤber die Knie/ da-
mit ihm nicht das Grimmen erwecket werde/ wann
es ihm gar an den Bauch reichete/ ſondern daß er al-
lein die Schenckel erfriſchen moͤge.

Ob er das Jahr uͤber/ zwiſchen dem Beſchellen/ al-
lein/ oder bey andern Pferden ſtehet/ kan zwar wenig
Schaden oder Nutzen bringen/ ohne daß er allein ru-
higer ſtehen kan/ da er hergegen unter andern Pferden
boͤß und untreu wird.

Wie lang der Beſcheller
zu gebrauchen.

Welches aber dahin nicht verſtanden werden kan/
daß ein Pferd gar nichts mehr an der Groͤſſe zuneh-
men koͤnne/ ſondern allein/ daß es nicht mehr in die
Hoͤhe und Laͤnge/ ſondern allein die Breite und gute
Geſtalt wachſe/ das ſich bey etlichen Pferden erſt mit
dem ſiebenden Jahr endet.

Andere geben den vierdte halb Jahren noch an-
derthalb Jahre zu/ und wollen ihre Pferde nicht vor
dem ſechſten Jahr zum Beſchellen kommen laſſen/
und iſt gewiß/ (wann es der Nothfall alſo erfodert/
und wo man kein anders haben kan/) je ehe man ein
Hengſt vor dem ſechſten Jahr zu dem Beſchellen ge-
brauchet/ je zeitlicher wird man deſſen auch hernach
wieder mangeln muͤſſen.

Ariſtoteles de Natura Animalium lib. 6. c. 22. Der
Hengſt hoͤret nicht auff zu bedecken/ ſo lang er lebet.

Und wollen etliche die Continuation des Beſchel-
lens nur in das 10. andere in das 15. die dritten in das
20. Jahr ſetzen/ davon aber weder einer noch der an-
dere/ ein ſo gewiſſe Regel/ als von dem Anfang geben
kan. Denn wie der wenigſte Theil ſolches Ziel we-
gen unterſchiedener Zufaͤlle erreichet/ ſo koͤnnen ande-
re daſſelbe wol zuruͤck legen/ nachdem deſſelben Na-
tur und Eigenſchafft/ gut oder boͤß iſt/ und wol verſor-
get wird/ wo bey die Landes-Art ſehr viel aͤndert und
wuͤrcket/ davon er herkommet/ oder darin er gebrau-
chet wird/ wie auch einem das ſteigen mehr/ dem an-
dern mindere Kraͤfften abnimmet/ oder laͤſſet/ daß er
lang und viel/ ein anderer kurtz und wenig gebrauchet
werden kan. Er iſt aber ſo lang mit Vernunfft und
Nutzen nicht zu aͤndern/ oder gegen einem andern zu
verwechſeln/ als er die Kennzeichen an ſich erſcheinen
laͤſſet/ daß ihm am Vermoͤgen und Willen nicht
mangele/ ſeinem Geſchaͤffte vorzuſtehen. Es iſt aber
kein beſſeres Mittel/ einen Beſcheller lang bey Kraͤf-
ten zu behalten/ als daß ihme nicht zu viel/ ſondern ei-
ne ſolche Anzahl Studten untergeben werden/ der
ſein Vermoͤgen gewachſen/ und deſto ſicherer verſehen
kan/ alſo darinnen die rechte Maß gebrauche/ daß er
nicht auff einmahl zu viel geſchwaͤchet werde.

Sobald man aber ſiehet/ daß die Kraͤffte dergeſtalt
abnehmen/ daß er jederzeit zum ſteigen muß entweder
durch ſonderliche Mittel geſtaͤrcket/ oder nur gezwun-
gen werden/ ſchwermuͤthig/ unluſtig iſt/ lange Zeit
gebrauchet/ biß er dahin zu bringen,

Die Studten nicht jederzeit von ihm voll werden/
ſo iſt es Zeit uͤber Zeit denſelben abzuſchaffen/ wie jung
er auch ſeyn moͤchte/ weil von ihm umb ſo viel weni-
ger Beſſerung zu hoffen/ als er noch von wenig Alter
iſt und gebrauchet worden/ oder die angewendte Mit-
tel nicht verfangen wollen.

Die aber die Beſcheller allein wegen des Alters fuͤr
untuͤchtig halten/ weil gemeiniglich verdroſſene/
ſchwermuͤthige/ melancoliſche Pferde davon herkom-
men/ welche lange eingebogene Koͤpfe und tieffe Au-
gen-Loͤcher haben ſollen/ koͤnnen ſich leichtlich verſtoſ-
ſen/ weil ſolche Maͤngel nicht jederzeit von des Be-
ſchellers Alter/ ſondern auch wol und vielmehr von
andern Urſachen herkommen moͤchten/ nnd daſſelbe
auch bey den Menſchen alſo geſchehen muͤſte/ wann es
eine unfehlbahre Regel ſeyn ſolte.

Ariſtoteles lib. 6. cap. 22. Seniores equi profectò
fæcundiores ſunt, tam fæminæ quam mares.

Wann man aber je eine gewiſſe Zeit der Beſchel-
lung benennen ſolte/ ſo wuͤrde es unſchaͤdlich ſeyn/ mit
dem ſechſten Jahr anzufangen/ und biß in das vier-
zehende alſo acht Jahr zu continuiren/ wobey aber der
Unterſcheid der Landes-Art in acht genommen wer-
den muͤſte/ daß die Pferde aus den warmen Laͤndern/
dieſes Geſchaͤfft/ ungleich langer/ als die aus kalten
Laͤndern kommen/ aushalten koͤnnen/ wiederum wird
auch das Ort/ wo das Beſchellen geſchiehet/ hierinnen
nicht wenig verurſachen/ verlaͤngern oder verkuͤrtzen/
nachdem daſſelbe warm oder kalt iſt/ darinnen das
waͤrmeſte jederzeit die Oberhand behalt. Vornem-
lich aber wird es an dem liegen/ wo jederzeit ein tuͤch-
tiger Beſcheller und Gliedgantzes Pferd zu bekom-
men/ welches der Zeit/ bey Abgang der guten Geſtuͤd-
te/ je laͤnger/ je ſchwerer wird/ dergleichen auszufra-
gen/ weil keiner gern das beſte miſſet/ und das ſchlechte
fuͤr ſich behaͤlt/ welches zwar bey Continuation eines
Geſtuͤdts am beſten beſchehen kan/ wann man ein-
mahl unter eine gute Art kommen/ woraus man die
eigenen Pferde am ſicherſten erwehlen mag.

Es iſt zwar der Erfahrung nicht zuwider/ daß die
Studten von alten Beſchellern mißlicher als von
jungen fangen oder voll werden. Wann es denn
ein oder zweymahl bald auf einander fehl ſchluͤge/ waͤ-
re Gefahr dabey/ daß die Studten gar gaͤld/ oder un-
fruchtbar werden duͤrffte/ welches aber ein Stuck iſt/
ſo unter die Kennzeichen eines untuͤchtigen Beſchel-
lers gehoͤren/ alſo noͤthig iſt/ durch die Veraͤnderung
zu verbeſſern.

Hergegen iſt auch der Erfahrung gemaͤß/ daß eine
Studten von einem Beſcheller ehe und leichter voll
wird/ mit dem ſie oͤffters beleget worden/ als von ei-
nem frembden: Denn je oͤffter ſie mit ihme zukom-
met/ je mehr ſie ſich in ihn und er in ſie verliebet/ auch
deſto leichter Frucht bringet.

Die Erfahrung bezeuget auch/ daß einer Studten
die Geſtalt des erſten Hengſtes/ ſo ſie beſtiegen/ jeder-
zeit von allen andern/ ſo ſie hernach beſteigen/ in der
Einbildung bleibet. Nach deſſen Art und Modell
gemeiniglich oder die meiſten jungen ſchlagen/ ob ſie
gleich von andeꝛn nachfolgenden Beſchelleꝛn herkom-
men/ wo nicht in allen/ doch in den meiſten/ oder etli-
chen Stuͤcken/ darum ſollen alle Studten/ ſo in dem
Geſtuͤdte verbleiben ſollen/ anfangs mit dem beſten
und ſchoͤnſten Beſcheller/ ſo man haben kan/ beleget
werden/ haͤtte einer denn ein Bedencken/ ſolche erſte
Geburt zu erziehen/ koͤnte er doch ſolche lieber verge-
ben/ als eine Studten mit einem ſchlechten Hengſt fuͤr
allezeit verderben.

Die Studten.

So viel in dem Feld-Bau/ nicht allein an dem gu-
ten Samen/ ſondern auch an einem von Natur guten/
auch wolzugerichten Acker gelegen/ das iſt auch bey
C 2der
[20]Neuer vollkommener
der generation der Pferde mit den Studten in acht
zu nehmen/ wie auch von boͤſen Muͤttern eben ſo wol
als von einem boͤſen Vater/ gleichmaͤßige boͤſe Kin-
der kommen koͤnnen/ nicht allein aus einer angeerbten
Natur/ ſondern auch von der Milch und boͤſen Er-
ziehung. Alſo ſeyn die Pferd-Muͤtter von der Nach-
artung ihrer jungen nicht gaͤntzlich auszuſchlieſſen/ ob
gleich dem Beſcheller deren mehr zugeſchrieben wird/
und zwar jederzeit ehe im boͤſen als im guten/ denn
was kan ein junger Vohl nicht aus ſeiner Mutter fuͤr
Kranckheiten mit der Milch ſaugen/ wieviel boßhaff-
te Laſter von beiſſen und ſchlagen/ auf Menſchen und
Pferde/ kan erim Stall und auff der Weyde lernen/
weil ja die Mutter mit Erziehung des Vohlen/ die
meiſte und laͤngſte Zeit/ der Vater niemahls umbge-
het und geſchaͤfftig iſt.

Es kommet zwar von einer gemeinen Studten uñ
einem koͤſtlichen Beſcheller offters ein gutes Pferd/
wiewohl ſich nicht jederzeit darauff zu verlaſſen/ daß
nicht ein anders von der Studten Art mit eingemen-
get wird/ welches die andern guten Stuͤck verdun-
ckeln/ auch wol von ſolcher Wichtigkeit ſeyn koͤnnten/
daß ſie gantze Pferd ſchaͤnden moͤchten/ waͤre alſo un-
gleich beſſer/ wann auch die Studten von gleich edler
Art waͤre.

Hergegen traͤgt ſich ſelten zu/ daß die Frucht von
geringen Beſchellern der Studten gaͤntzlich nach ar-
ten ſolte/ ob ſie gleich von der edelſten Art geweſen/
denn ob es gleich in etlichen Stuͤcken beſchehe/ wird
es doch in den meiſten und vornehmſten fehlen/ alſo
nichts vollkommenes werden koͤnnen.

Wie nun die Studten ſowohl als die Hengſte un-
ter die gemeine Pferd-Art gezehlet werden/ und wie
ein edles wolgeſtaltes Pferd nach aller Erfoderung
beſchaffen ſeyn ſolle/ bey den Eigenſchafften und der-
ſelben Kennzeichen von Glied zu Glied ausfuͤhrlich
beſchrieben werden: So iſt auch alle Beſchaffenheit
einer Studten daſelbſt zu ſuchen und zu finden was
an denſelben zu loben/ und im Gegentheil zu ſchelten
und zu ſcheuen iſt.

Ohne daß bey der Generation der Pferde auff un-
terſchiedliche gute und boͤſe Eigenſchafften zu ſehen/
welche eine Studten zu und in derſelben tuͤchtig oder
verwerfflich machen kan. Und |zwar unter andern/
1. wann ſie zu groß ſind/ es waͤre denn/ daß man ſon-
ders Verlangen truͤge/ die allergroͤſte Art Pferde zu
erlangen/ und dieſelbe zu ſonderlichem Anſehen zu zei-
gen: Dagegen ſie an andern guten Eigenſchafften
als in der Behaͤndigkeit/ Daurhafftigkeit/ Freudig-
keit und andern mehr/ deſto geringer ſeyn wuͤrden.

Hergegen kan eine Studten in der Pferd-Zucht
zu gebrauchen/ nicht zu breit vom Leibe ſeyn/ dann je
mehr Raum die Frucht in dem Bauch hat/ je beſſer
kan es in Mutterleib zunehmen/ und vollkommen
werden. Denn wo eine Studte einen auffgeſchuͤrtz-
ten/ engen/ ſchmalen Hundsbauch hat/ kan die Frucht
nicht allein darinnen nicht zunehmen oder wachſen/
ſondern ſie wird auch gleichſam gekruͤppelt und ge-
bunden/ und niemals von guter Geſtalt und Ge-
brauch werden koͤnnen/ und daſſelbe um ſo viel mehr/
als die Studten ſonſten hoch und lang/ auch der Be-
ſcheller von groſſer Art iſt/ welche Art Studten denn
allerdings zu meiden ſeyn.

2. Wie auch die ſonſten von Natur gar klein ſind/
bey welchen man etlicher maſſen gleiches zu beſorgen
hat. Dabey allein dieſer Unterſcheid erſcheinet/ daß
ſie auch mit dergleichen kleinen oder mittelmaͤſſigen
Pferden beleget werden muͤſten/ ſo fern man eine ſol-
che Art zu haben begehret. Auſſer deſſen/ ſeyn zu die-
ſem und allem andern Gebrauch/ die Studten von
mittelmaͤſſiger Hoͤhe und Laͤnge/ die beſten/ weil ſie ge-
ſchickt ſeyn/ mit allerley Art Pferden in der Groͤſſe
beleget zu werden.

Nechſt dieſem wird auch von einer Zucht-Studte
ein ſtarcker Ruͤcken erfodert/ deſſen ſie jederzeit hoch-
nothig/ ſo offt ſie der Frucht entlediget werden ſolle/
wobey auch lange Lenden oder Seiten/ bey den
Studten ehe als bey den Hengſten paſſiren moͤgen.
Damit die Frucht nicht zu ſehr uͤber einander gepreſ-
ſet liegen doͤrffe. Es gehoͤret einer ſolchen Studten
ein groſſes weites Glied/ daß ſie in dem werffen nicht
Schaden nehmen muͤſſe.

Vor allem aber eln groſſes Geſaͤug oder Euter/
welches ein Anzeigen giebet/ daß die Fuͤllen gnugſame
Nahrung finden. Welches denn die meiſten/ ge-
wiſſeſten und rechten Keñzeichen ſeyn/ daß eine Stud-
te ſtarcke vollkommene Fuͤllen tragen und auffbrin-
gen koͤnne.

Je gleicher die Studten dem Beſcheller an der
Farbe und Zeichen ſeyn wird/ (denn ſie koͤnnen auch
wol bey gaͤntzlicher Gleichheit zuruͤck in ihrer Vor-
Eltern Art/ auch biß in das dritte und vierdte Glied
ſchlagen/) welches umb ſo viel leichter und eher bey un-
gleicher Farbe des Beſchellers und der Studten be-
ſchehen kan: Je mehr iſt ſich der Nachartung zu
vermuthen.

So ungemein die Abrichtung und anderer daher
entſtehender Gebrauch bey den Studten iſt/ umb ſo
viel ſchwerer ſeyn auch derſelben Gemuͤther/ Sinnen
und andere guten Eigenſchafften zu erkennen/ welche
von ſolchen unſichtbahren innerlichen Stuͤcken her-
kommen: Denn welche Studten etliche Zeit/ zu
ſolchen Geſchaͤfften und Kriegs-Handlungen ge-
brauchet wird/ in welcher Zeit ſie/ vor dem zukommen/
mit ringeln und andern Mitteln abgehalten und ver-
wahret werden muß/ wo ſie nicht gar geſchnitten/ alſo
zu der Zucht gaͤntzlich untuͤchtig gemachet werden:
So werden ſie fuͤr ſich ſelber gutes Theils zu der
Studterey mit der Zeit untuͤchtig/ ſo ſchicken ſich ſol-
che Geſchaͤffte und die Pferde-Zucht/ zugleich noch
weniger/ denn in derſelben verlieret ſie die Kraͤfften
beyderſeits/ wann ſie nur einmahl getragen/ wird ſie
in der Abrichtung ihr Vermoͤgen nicht leiſten koͤn-
nen/ alſo werden in der Abrichtung und den Kriegs-
Geſchaͤfften/ nicht weniger dieſelbe Kraͤfften geſchwaͤ-
chet/ deren ſie zu der generation nicht ermangeln ſolle/
davon ſie endlich zu beyden ungeſchickt wuͤrde: ob auch
eine ſolche Studten/ die eine Zeitlang dergeſtalt auf-
gewartet/ hernach in eine Stuͤdterey gebracht wird/
iſt es doch ſehr mißlich/ daß ſie leichtlich voll werden
ſolte/ und ob auch daſſelbe gleich geſchicht/ ſtehet doch
das Fuͤllen bey ihr in der Gefahr/ daß ſie ſolches nicht
auffbringen koͤndte/ weil die Milchgaͤng allzuſehr ein-
getrucknet ſeyn.

Auſſer deſſen aber/ einer Studten hohes Gemuͤth
und Sinnen zu erforſchen/ kan nicht beſſer/ als aus
Erkuͤndigung der Landes- oder ſonderlichen Art des
Geſtuͤdtes oder ihrer Eltern genommen werden/ und
was man auch an ihr ſelber befunden/ und in ein-und
anderer zulaͤßigen Prob erfahren kan.

Welcher Studten Nahrung mehr nach dem
Fleiſch oder Fettigkeit/ als nach der Milch ſchlaͤgt/
wird die Fuͤllen nicht aufbringen/ aber doch nicht zur
Nothdurfft unterhaͤlten koͤnnen; Jſt alſo fuͤr un-
tuͤchtig zu halten. Weil nun dieſer Mangel mit den
Jahren zunimbt/ iſt ſie viel ſicherer zeitlich zu der Ar-
beit zu gebrauchen oder abzuſchaffen/ als von ihr zu
erwarten/ daß ſie etliche Fuͤllen verſchmachten laſſe/ die
doch nichts rechtſchaffenes werden koͤnnten/ ob ſie
gleich das Leben davon braͤchten. Seyn derohalben
dieſe fuͤr die beſte zu halten/ deren Nahrung mehr nach
der Milch/ als nach dem Fleiſch oder Fettigkeit gehet/
welches man an dem Gewaͤchs und Fortkommen des
Fuͤllens bald erkennet/ ob daſſelbe genugſame Nah-
rung/ oder deren Mangel von der Mutter haben
koͤnne.

Die Art und Ordnung/ ſo bey
dem Beſchellen in acht zu neh-
men iſt.

Bey gemeinen Pferden wird von gemeinen Leu-
ten keine gewiſſe Belegungs-Zeit gehalten/ die hohen
aber/ wann Tag und Nacht gleich iſt/ welches in kal-
ten Laͤndern wegen des noch mangelnden Graſes zu
fruͤhe waͤre.

Etliche wollen die rechte Beſchell-Zeit in den
Herbſt verlegen/ weil ſie den Herbſt-Fuͤllen eine ſon-
derliche Guͤte zuſchreiben/ die mehr in der Einbildung
und Unbekandten/ als erweißlichen Eigenſchafften
beſtehen muͤſſen. Denn wie die beſte Winterfuͤtte-
rung der geringen Sommer-Weyde an der kraͤffti-
gen Nahrung bey weitem nicht gleich gehet/ ſo kan
auch der Unterſcheid der Guͤte und Menge der Milch
nicht geringer ſeyn/ denn wie die Fuͤllen ins gemein
uͤber Winter nicht die Haͤlffte ſo viel als in einem hal-
ben Sommeran Kraͤfften und Gewaͤchs zunehmen/
giebet aller derſelben Augenſchein gnugſam zu erken-
nen/ wie viel minder werden die Herbſt-Fullen im
Winter fortkommen/ weil die ſchon erſtarcketen im
Winter zuruͤck und ſtecken bleiben muͤſſen.

Wie auch einem Vohlen kein groͤſſere Hinderung
ſeines Gewaͤchs zukommet/ als wann er im erſten
Jahr verſaͤumet wird/ welches durch wenig und
ſchwach Milch/ in ſolcher Zeit hauptſaͤchlich geſchicht:
So giebet auch der augenſcheinliche Unterſcheid der
Fruͤhlings und Herbſt-Fuͤllen in dem Gewaͤchs und
Staͤrcke/ aus der Erfahrung ſolchen Nutzen und
Schaden uͤberfluͤſſig zu erkennen/ wie ſie dann alle zeit
kleiner und ſchwaͤcher bleiben muͤſſen.

Alſo verrathen auch die Herbſt-Fuͤllen ihrer Mut-
ter Gebrechen/ daß ſie einer ſchwachen matten Natur
geweſt/ in dem ſie nicht zu rechter Zeit nach dem na-
tuͤrlichen Lauff/ ſondern wider denſelben geroſſet:
Weil auch ſolche Studten keine Hitze leyden wollen
oder koͤnnen/ und ſich immer bey den ſuͤmpfigen/ waſ-
ſerigen Oertern auffhalten/ gewohnen auch die jun-
gen ſolcher Waſſerkuͤhlung/ neben der Mutter/ wol-
len auch ſolcher jederzeit/ und in allem Gebrauch/ un-
gehindert genieſſen/ legen ſich auch in ſolcher Mey-
nung in alle Waſſer/ wobey und wodurch ſie geritten
oder gebracht werden/ und weil ihnen dieſer Mangel
ſchwerlich abzunehmen/ wird dadurch eines ſolchen
Pferdes andere gute Eigenſchafft/ (wie koͤſtlich ſie
auch ſeyn moͤchte) geſchaͤndet/ daß man ſie lieber mey-
den und ſcheuen als verlangen ſolle.

Auſſer deſſen/ iſt zwar in jedem Lande die Beſchel-
Zeit nicht auff gewiſſe Tag zu beſtimmen/ ſondern
nachdem das volle Graß fruͤh oder ſpat herauskom-
met/ welches nicht nach einem oder dem andeꝛn Jahr/
ſondern nach dem gemeinen meiſten Lauff zu richten
iſt. Damit die Mutter umb und in der Zeit ihrer
Entledigung das volle gruͤne zu|genieſſen/ und ſich
deſto beſſer mit dem jungen zu erhalten habe.

Damit auch das Fuͤllen die allerbeſte Nahrung
vor ſich finde/ die es in der Milch ſuchet/ welche durch
das gruͤne vermehret und verbeſſert wird/ muß noth-
wendig das Beſchellen ein gantzes Jahr zuvor eben
umb dieſelbige Zeit geſchehen/ ſo lang nemlich eine
Studten traͤchtig iſt/ welches aber in den Wochen
oder Tagen zu aͤndern/ zu richten und aufzuſchieben
iſt/ als an demſelben Ort/ da der Sommer und Graß
fruͤe oder ſpat ankommet.

Varro: Admiſſuræ, \&c.

Weil auch die Studten im Fruͤh-Jahr am gey le-
ſten/ wozu ſie die friſche Weyde reitzet/ und die Be-
gierde verdoppelt und befoͤrdert/ davon ſie zu dem Be-
ſchellen deſto fertiger werden/ und deſto leichter fan-
gen/ wodurch des Beſchellers deſto mehr in dem ver-
geblichen offtmahligen Steigen zu verſchonen iſt/
ſonderlich/ wo er viel Studten verſehen ſolte. So
fangen auch die Fuͤllen mit etlichen Wochen ſchon an
eine Luſt zu bekommen/ die Weyde zu verſuchen/ und
der Mutter abzulernen/ welches in friſchem/ zarten
geylen und ſuͤſſem Graß/ neben und zwiſchen der fri-
ſchen Milch/ ihnen viel ſuͤſſer ſchmecket/ als das abge-
ſtorbene Herbſt-Graß oder bittere Winter-Futter/
dabey ſie ſo dann keine Milch genieſſen ſollen. Da-
mit es offtmals ſchwer genung hergehet/ wann ſie
deſſen gleich auff einmahl gewohnen ſollen/ und lie-
ber Hunger und Durſt leyden/ als das ſaure duͤrre
Heu eſſen/ daruͤber ſie denn gaͤhlig in groſſes Abneh-
men kommen/ weil ihnen auch die Schaͤrffe des ſpitzi-
gen ſtachlichten groben Heues in das zarte Maul
ſticht/ daß ſie deſſen nicht maͤchtig werden kuͤnnen/
welches alles viel leichter und unvermercket bey dem
erſten linden Graß von ihm ſelber geſchicht.

Es kan auch ein Fuͤllen/ im Sommer/ bey dem
Graß ſo kraͤfftig werden/ daß es genugſame Staͤrcke
erlanget/ auff den Herbſt abgeſpannet zu werden/ wird
ihm auch das Eſſen deſto leichter und bekandter/ weil
es daſſelbe aus eigenem Luſt/ von ſich ſelbſt gelernet
hat. Bleibet alſo (auſſer aller Extraordinari-Faͤll)
die rechte und beſte Beſchell-Zeit/ der Fruͤhling oder
die erſte Graß-Zeit/ ſowol wegen der Studten/ als des
jungen/ ſo neben ihr auff der Weyde gehet/ auch das
ſie im Leib traͤgt/ welchem ſie deſto beſſere und mehr
Nahrung/ durch Huͤlff und Krafft der friſchen Wey-
de zuſchicken kan.

Gewoͤlbte Staͤll.

Wie aber das Bedencken wegen gebauter und ge-
woͤlbter Staͤll bey derſelben Commoditaͤt/ in dem
Theil der Wartung geſetzet iſt: alſo kan ein Stall/
von Holtz/ oder Brettern/ nirgend beſſer als bey den
jungen Vohlen angeleget ſeyn/ damit der andere
Theil etlicher maſſen recht behalte/ welcher ſeine junge
Pferd lieber zu Ertragung und Gewohnheit der
ſcharffen Luͤffte angewoͤhnen/ als davon abhalten
wolte/ daß ſie in dem Gebrauch nicht ſo bald Anſtoͤß
leyden/ und erkrancken moͤgen/ wann ihnen deſſen et-
was anwehet/ und zwar 1. wegen des Temperaments/
welches des Windes groͤſte Schaͤrffe bricht/ und ſub-
tiler
[32]Neuer vollkommener
tiler alſo ertraͤglicher machet/ indem er ſich durch das
Holtz durchziehet/ daß den Pferden des Windes
Wuͤrckung etlicher maſſen/ und je laͤnger je mehr be-
kandt werde/ und doch nicht mit voͤlligen Kraͤfften zu
ihnen eindringen/ und ſie beleidigen kan.

2. Wegen der geringen Koſten/ wodurch ſolch ein
Stall zu erbauen/ und mit ſtaͤtiger Ausbeſſerung mit
ſchlechter Muͤhe zu unterhalten iſt/ wo auch ſolcher
von oben her/ wie der Studten Stall/ allein auff dem
obern Boden/ ſonſten aber/ wie der auffgeſtellten
Pferd vorbeſchriebene Stallung/ in allem andern ge-
macht iſt/ wird er ſonder Zweiffel bey den jungen
Pferden gar beqvem ſeyn. Denn weil ſie allein mit
rauchem Futter gleich wie die Studten abgefuͤttert
werden ſollen/ iſt es billich/ daß gleiche Beqvemlichkeit
darzu bereitet ſey.

Alſo wird die Reinigkeit des Stalls/ viel bey der
Pferde beſtaͤndigen guten Erhaltung thun/ und die-
ſelbe nicht beſſer erhalten werden koͤnnen/ als wann
der Stall nach Art der rechten Reit-Pferd auff dem
untern Boden/ wie auch mit Fenſtern und Thuͤren
geordnet iſt/ daß es unnoͤthig/ ſolchen mit Staͤnden zu
unterſcheiden.

Der Stall-Boden.

Und wo es bey einerley Stallung nuͤtzlich/ den
Boden mit pfuͤndigen runden oder flachen Kieſel-
Steinen zu pflaſtern/ in der Mitte am hoͤchſten erhe-
bet/ und gegen beyden Seiten/ oder den Canalen nie-
driger/ die Feuchtigkeit deſto beſſer abzuleiten/ ſo kan
es bey der jungen Pferde Stallung am allerbeſten
ſeyn/ damit ihnen die Huͤfe wohl erharten/ und fein
trucken ſtehen koͤnnen/ denn es hat mit den Huͤfen ſol-
cher jungen Pferde gegen denen/ ſo gebrauchet wer-
den/ einen gar groſſen Unterſcheid/ welche auf den
harten Eyſen mit voͤlliger ſchwerer Leibes-Laſt ſtehen
muͤſſen/ daß ihnen der Standt auff den Steinen
leichtlich gar zu hart wird/ die gebackene Steine waͤ-
ren zwar etwas linder.

Wo man aber den Boden vom hartem Holtz/ we-
gen ein und anderer Urſach oder Gelegenheit des
Orts/ machet/ deren Beſchreibung in beyden vermeld-
ten Theilen bereit einverleibet/ kan daſſelbe nicht we-
niger den Huͤfen unſchaͤdlich ſeyn/ nachdem ſolche
recht zugerichtet werden/ daß die Feuchtigkeit darzwi-
ſchen verſincket/ oder daruͤber ablauffen kan/ damit
der Boden nicht ſchluͤpfferig werde/ darauff die
Vohlen ſo leichtlich fallen/ als ſie gern bey noch
ungewiſſen Schenckeln gumppen/ ſpringen und lauf-
fen wollen.

Die geſchlagene Erden wird wegen der Huͤfe bey
den jungen Pferden die ſchlechteſte ſeyn/ weil ſie leicht-
lich erweichet wird/ davon ihnen der Kern zuviel
waͤchſet/ und zu der Vollhuͤffigkeit einen Anfang
machet/ denn junger Vohlen Huͤfe kan wenig Naͤſſe
vertragen/ daß ſie denſelben nicht ſchaͤdlich waͤre/ je
truckner ſie ſtehen/ je beſſere Huͤfe hat man zu hoffen.

Hoͤhe der Staͤnde.

Wann beyde Seiten des Stalls alſo gerichtet/
daß die Pferd in der Krippen etwas Berg an ſtehen
muͤſſen/ iſt es ſehr nuͤtzlich/ doch daß es denn nicht zu
viel geſchehe/ daß ſie ſich nicht verrencken muͤſſen; ein
Drittel von einem Werckſchuch wuͤrde fuͤr die aͤltern/
und ein ſechſter Theil fuͤr die juͤngſten genug ſeyn/
denn davon lernen ſie ſich mit vordern und hindern
Fuͤſſen etwas weit auseinander ſtellen/ und dieſes ſtre-
cken kan dem Gewaͤchs nicht anders als fuͤrderlich
ſeyn/ wo dem aber zu viel geſchicht/ wuͤrden ſich ſolche
Pferde nicht gern uniren laſſen.

Hoͤhe der Krippen.

Wegen Hoͤhe der Krippen iſt auch in der Pferd-
Wartung ein und andere Meynung angezeiget/ wel-
che zwar bey den jungen weniger auff ſich hat/ ſo lang
ſie nicht hartes Futter aus der Krippen/ ſondern allein
Heu oder Stroh aus der Rauffen eſſen/ welche auſſer
allem Zweiffel nicht hoͤher ſoll geſtellet ſeyn/ als ſie die
Pferd erreichen koͤnnen/ weil aber die Vohlen unglei-
cher Hoͤhe/ werden ſie nothwendig alſo ſeyn muͤſſen/
daß die kleineſten ſowol als die groͤſten das Futter er-
langen moͤgen/ denn jedem eine ſonderliche zu ma-
chen/ oder ſie wie erwachſene Pferd abſonderlich zu
ſtellen/ wird ſich nicht allenthalben ſchicken/ dahero
ſolches nicht ſo genau zu ſuchen/ ſondern vielmehr zu
ſehen/ daß dieſes ohne das remedirt werde/ wenn man
die juͤngern von den aͤltern ſcheidet.

Stall-Weite.

Der Vohlen Stall kan zwar leichter zu eng als zu
weit ſeyn/ weil in den engen die juͤngern ſehr daͤmpffen
und ſchwitzen/ wann ſie gedrang auf einander ſtehen
muͤſſen/ und nicht Raum haben ſich zu bewegen/ da-
von ſie faul und verdroſſen werden: Weil aber gar
zu weite Staͤlle viel Wind faſſen/ und ziemlich kalt
ſeyn/ iſt darinn auch Maß zu halten/ es waͤre denn/
daß man durch das verwechſeln/ und um das Auff-
ſtellen der zwey-anderthalb-und jaͤhrigen Vohlen/ ei-
ner jeden Anzahl ſo viel Raum mache/ als dieſelbe noͤ-
thig haben moͤge/ wozu nicht allein die Anzahl/ ſon-
dern auch die Groͤſſe viel hilfft/ weil 2. kleine kaum ei-
nes groſſen Platz einnehmen und erfuͤllen.

Eroͤffnung der Fenſter.

Wann der Stall nach denen Stuͤcken zugerich-
tet/ wie er in dieſem und beyden Theilen der Studte-
rey und Wartung der erwachſenen Pferde/ nach al-
len Umbſtaͤnden beſchrieben/ ſoll mit Zuſchlieſſung
und Eroͤffnung der Fenſter und Thuͤren auch alſo
verfahꝛen werden/ daß die Pfeꝛde weder zu waꝛm noch
zu kalt/ ſondern in dem Mittel Temperament erhal-
ten werden/ nicht zu eng ſtehen/ und ſich draͤngen und
drucken/ nicht kraͤmpfig ſtehen/ nicht daͤmpffen und
ſchwitzen/ welches ihrer Geſundheit ſchaͤdlich/ auch
nicht zu kalt/ ſonderlich in der grimmigſten Kaͤlte/ da-
von ſie raͤudig werden/ nicht naß ſtehen/ daß ihnen der
Urin die Huͤf verbrenne.

Stall-Reinigung.

Der Stall ſoll auch ſo offt rein gemachet/ als die
Pferde ausgelaſſen werden/ daß man der ledigen
Staͤl deſto beſſer unverhindert/ durch und ausraͤu-
men moͤge/ weil der Rauch vom Miſt in die Augen
beiſſet/ davon ſie ſich reiben/ und ihnen Schaden
thun/ denn je reiner ein junges Pferd erzogen wird/ je
geſuͤnder wird es im Alter ſeyn.

Abſonderung.

Den Winter uͤber ſollen die Vohlen von den
Studten abgeſondert werden/ weil die zweyjaͤhrige
Voh-
[33]Pferde-Schatz.
Vohlen ſteigen/ und noch juͤngere Studten zulaſſen/
welches ihnen beyderſeits ſchaͤdlich/ wie an ſeinem Ort
vermeldet iſt/ dabey werden ſie auch wild/ boͤß und un-
treu/ daß ſie ſich nicht einmahl angreiffen oder zahm
machen laſſen wollen.

Solche Abſonderung kan nicht beſſer/ als durch
unterſchiedliche Abtheilung und Schiedwaͤnde be-
ſchehen/ welches weder die Gebaͤu/ noch derſelben Un-
koſten vermehret oder erweitert/ ſondern unter einem
Dach geſchehẽ kan/ uͤber das auch/ daß ſolche Neben-
waͤnde einen ſonſt weiten Raum einziehen/ und nicht
ſo viel Luffts/ als die gar weiten faſſen/ noch die zwi-
ſchen den Kluͤfften einziehende/ ſcharffe/ durchdrin-
gende Lufft allenthalben penetriren kan/ ſondern ſich
in denſelben eingeſchloſſen/ abſtoſſen/ und ihre Krafft
verliehren muß.

Abtheilung.

Durch ſolche Abtheilung ſeyn auch die unterſchied-
liche junge Pferd an Alter und Gewaͤchs am beſten
zu unterſcheiden/ welche ſonſt einander viel Uberlaſt
thun: Jndem die Groͤſſern den Kleinen im ſcher-
tzen zu ſtarck ſeyn/ auch ſolche von dem Futter abſtoſ-
ſen/ daruͤber ſie Mangel leiden und verderben muͤſſen/
dann weil ſie ihnen an dieſem Ort nicht ausweichen
koͤnnen/ ſondern aushalten muͤſſen/ hat man ſtets an
denſelben zu ſchmieren/ weil man aber nicht allezeit
wol darzu gelangen kan/ wachſen die Schaͤden/ ſo ſie
vom ſchlagen und beiſſen haben/ mit ihnen fort/ und
geben ein ſchlechtes Alter.

Ehe das Fuͤllen von der Studten kommet/ ſoll es
in einen beſondern warmen Stall (mit der Mutter)
etliche Tag abgeſondert werden/ es ſey gleich/ daß die
Pferd ſchon in die Weyde geſchlagen/ oder noch in
der Winter-Fuͤtterung ſeyn/ daß ſie beyderſeits vor
groſſer Hitze oder hartem Froſt/ vielmehr aber rauhen/
naſſen/ froſtigen/ durch dringenden Winden/ wol ver-
wahret bleiben/ zu Kraͤfften kommen/ und mit guter
Ruhe ihre Wartung haben koͤnnen/ ſo ihnen gebuͤh-
ret und noͤthig iſt/ alsdann koͤnnen ſie wieder zu den
andern gelaſſen werden.

Ein junges zartes Fuͤllen ſoll man nicht bald mit
bloſſen Haͤnden beruͤhren/ ſonderlich nicht uͤber den
Ruͤcken ſtreichen/ damit ihm kein ſchaͤdliches dru-
cken beſchwerlich falle.

Auff die jungen Fuͤllen ſoll man fleiſſig Acht haben/
ob ſie auch zunehmen und wachſen oder verſchmacht
bleiben/ ein Gebrechen an dem Othem/ oder einen
Erb-Schaden und andere Fehler an ſich haben/ den-
ſelben ſonderlich/ wie auch den andern/ ſoll man das
Netze/ (darinnen es auff die Welt kommen/) gepuͤl-
vert eingeben/ ſo viel als ein Lippſchilling oder Gro-
ſchen heben kan/ noch vor dem 6. Monat/ weil ihnen
damahls ein Haͤutel in dem Magen waͤchſet/ woraus
dieſe Othems-und andere Kranckheiten kommen/
dieſes Netze dienet dagegen/ man mag auch gedoͤrrete
Fuchs-Lungen brauchen/ wo man das nicht haben
kan.

Gewaͤchs der Jungen.

Theils wollen das Gewaͤchs der jungen Vohlen
durch langwuͤhriges ſaugen vermehren und verlaͤn-
gern/ daß ſie dieſelbe auch biß an das dritte Jahr an
der Milch laſſen/ dadurch die Pferd recht erſtarcken
ſolten/ davon iſt die Meynung vor angezeiget/ in wie
viel Wege daſſelbe ſonderlich der Studten ſchaͤdlich
ſeyn kan/ wann ſie daſſelbe gleich zulaſſen ſolte/ ſo bey
dem wenigſten Theil geſchehen wird/ ſo ihre jungen
nicht uͤber den 8. Monat trincken laſſen/ ſondern von
ſich ſchlagen/ daruͤber das Fuͤllen leichtlich zu Scha-
den kommen kan.

Wie auch theils junge Vohlen ſich nach ſolcher
Zeit ſelber abſpannen/ weil die Milch durch die lange
Zeit/ und angehende Winter-Fuͤtterung/ je laͤnger je
bitterer wird/ ſonderlich/ wo ſie mehr Stroh als Heu
eſſen/ welches aber den Fuͤllen nicht wohl zuſchlagen
kan/ ſondern von Natur zuwider wird.

Bey den Herbſt-Fuͤllen koͤnnte daſſelbe am beſten
geſchehen/ welche ohne das uͤber Winter an der Milch
bleiben muͤſſen/ und wo man will/ den Sommer uͤber/
auff der Weyde deſto beſſere Milch genieſſen koͤnnen/
worauff ihnen aber die andere Winter-Saͤugung
deſto minder ſchmecken wuͤrde/ wann ſie uͤber Jahr
und Tag/ ja in das andere Jahr bleiben ſollen/ muͤſte
man ſie beyderſeits inſonderheit darzu gewoͤhnen/
oder alſo eine ſonderliche Liebe zwiſchen ihnen daſſelbe
verurſachen.

Entwehnungs-Zeit.

Auſſer deſſen iſt der Art und Gebrauch nach/ der
Herbſt die rechte und beſte Zeit der Entwehnung aller
Fruͤhlings-Fuͤllen/ wann ſie von der Weyde in die
Winter-Futterung genommen werden muͤſſen/ und
werden 6. Monat ins gemein eine uͤberfluͤſſige Zeit
ſeyn/ welche etliche alte Scribenten zu Verſchonung
der Studten noch etwas abkuͤrtzen wollen/ weil die
ſtarcken aͤlten Fuͤllen deſto kraͤfftiger anziehen koͤnnen/
und beſchweren damit die Studten (wo ſie traͤchtig
worden) auch das Fuͤllen in der Mutter Leibe/ an den
Orten/ wo die Weyde nicht im Sommer und Win-
ter zu gebrauchen iſt/ und zwar an denen am allermei-
ſten/ wo die Sommer kuͤrtzer als die Winter ſeyn.

Was aber ein ſtarckes Fuͤllen fuͤr eine Milch be-
darff/ ſo die duͤrre Winter-Fuͤtterung (wie gut ſie
auch ſeyn mag/) nicht geben kan/ iſt mit einen ſolchen
Fuͤllen und zweyen guten Milch-Kuͤhen zu probiren/
welchem ſie beyde ſchwerlich die Nothdurfft/ viel we-
niger einigen Uberfluß reichen koͤnnen/ ſo dann dieſel-
be die halbe Jahrs-Zeit gaͤntzlich verderbet werden/
ſchlieſſet ſich viel weniger/ daſſelbe eine Studten aus-
halten wuͤrde/ ſonderlich/ wann ſie dabey wieder
traͤchtig waͤre.

Weil dann ein geſundes Fuͤllen in ſechs Monaten
genug erſtarcket/ daß es die Weyde (weil ſie noch et-
was gruͤn/ und allzeit ſuͤſſer/ annehmlicher und ſaͤffti-
ger/ als das duͤrre Futter iſt/) wohl annehmen/ deß ge-
woͤhnen/ und dabey bleiben kan: Jſt es wegen der
Frucht im Leibe/ auch die rechte hohe Zeit/ daſſelbe vor-
zunehmen/ damit es der gruͤnen Weyde/ wenigeſt
noch etliche Tage genieſſen/ und dabey das Eſſen deſto
leichter lernen koͤnne/ ſo ihm bey dem ſcharffen duͤrren
Futter viel ſchwerer fallen wuͤrde/ drumb ihnen auch
Anfangs das allergelindeſte und ſubtileſte Nachheu
Erſter Theil. Ezu
[34]Neuer vollkommener
zugeben/ damit ihnen die zarten Maͤuler nicht verle-
tzet werden.

Dann ſoll man es drey Tag vor dem vollen Mond
von der Mutter abſondern/ und mit ſolcher zarten
Fuͤtterung verſuchen/ auch wol etwas Kuͤhe-Milch zu
trincken geben/ welche man immer mehr und mehr
mit Waſſer vermenget/ biß es endlich lauter Waſſer
wird/ ſo es vor Durſt trincken muß: theils laſſens
noch ein und andermahl an der Studten trincken/
welches auſſer dem Nothfall zur voͤlligen Abſpañung
nur hinderlich iſt/ dann wann es ſo lang von der
Studten gehalten wird/ daß die Mutter-Milch ver-
loffen/ wuͤrde es der Studten nur ſchaͤdlich ſeyn/ die-
ſelbe durch ſtarckes Saugen wieder herbey zuziehen/ es
geſchehe nun oder nicht/ ſoll es doch nach dem andern
oder dritten ſaugen/ nicht mehr bey der Mutt er gelaſ-
ſen/ ſondern in dem halbjaͤhrling-Stall abgeſondert
bleiben.

Praͤſervativ.

Dem Fuͤllen ſoll man ein Stuͤckel Hirſchhorn (im
dreyſſigſten gefangen) an den Halß haͤngen/ welches
daſſelbe fuͤr allen Zufaͤllen befreyen ſoll/ die ihm in die-
ſem Alter zuſtehen koͤnnen.

Nicht allein zu dieſer Zeit/ ſondern auch etliche
Wochen vor der Abſpannung/ gewoͤhnen etliche die
Vohlen am Anmath/ Heu und Stroh/ das man mit
Habermeel anmachet oder beſtreuet/ welches etliche
klein geſchnitten/ mit warmen Waſſer begieſſen/ an-
dere trucken verſuchen/ damit daſſelbe deſſen gewoh-
nen moͤge/ und bey Entrathung der Milch/ auff ein-
mahl nicht gar ſchmaͤchtig oder krafftloß werde.

Unterſchied der Weyde.

Was von der Weyde und Winter-Fuͤtterung
groſſem Unterſchied/ in der Guͤte und Maͤngeln/ in
beyden Theilen der Studterey und Wartung aller
erwachſenen Pferde gemeldet/ iſt billicher hieher zuzie-
hen/ als zuwiederholen/ weil es bey dieſen jungen/ wie
bey den alten Pferden und Studten/ einerley Be-
ſchaffenheit hat/ ohne daß die allerbeſte Fuͤtterung fuͤr
die juͤngſten Fuͤllen zu ſpahren/ und zu gebrauchen
iſt/ damit ſie deſſelben maͤchtig werden/ und genug ha-
ben koͤnnen/ weil das meiſte Gewaͤchs der Pferde in
dem erſten Jahr geſchehen muß/ darumb iſt auch an
der erſten Winter-Fuͤtterung am meiſten bey den-
ſelben gelegen.

Die beſte und ſubtileſte Fuͤtterung ſo vorhanden/
wird jederzeit auff das kleineſte geſchnitten/ mit war-
men/ ja wo muͤglich/ ſiedheiſſem Waſſer angemachet
und abgebrennet/ doch daß es mehr feucht als zu naß
bleibe/ nur daß ſie das Meel/ ſo man darauff ſtreuet/
nicht verblaſen koͤnnen.

Dieſes Futter ſoll man/ weil ſie noch jung/ in dem
erſten Monat nach der Abſpannung ſeyn/ continui-
ren/ und zwar wo es ſeyn kan/ jedem inſonderheit fuͤr-
geben/ damit keines geitzig werde/ dem andern das ſei-
nige aufffreſſe/ das andere aber Urſach habe/ ſich wider
ſolchen Gewalt zu wehren/ dadurch ſie boßhafftig
werden/ beiſſen und ſchlagen lernen. Darum fuͤr-
nemlich ſollen alle Vohlen/ ſo viel eines gleichen Alters
und Staͤrcke ſeyn/ als es immer muͤglich/ und in dem
Alter oder Gewaͤchß nicht uͤber halbe Jahres-Zeit
von einander unterſchieden ſeyn/ denn anderſt ſeyn ſie
einander ſo wol im Eſſen als im Schertzen/ ungleich
und uͤberlegen.

Wo nicht Meel vorhanden oder gern gereichet
wird/ ſeyn im Nothfall Rocken-Kleyen zu gebrau-
chen/ davon ſie einen weiten Bauch bekommen/ wel-
chen der gebrochene Haber zu viel einzeucht/ denn je
mehr ſie kraͤfftiges Kern-Futter eſſen/ je mehr fallen
ihn die Fluͤſſe in die Schlaͤffe/ und ſincken von dort
ab/ auff die Augen/ und muͤſſen ſich hart an denſelben
beiſſen: Jſt ihnen alſo mehr ſchaͤdlich als nuͤtzlich.

Traͤncken.

Unter waͤhrendem Futtereſſen kan man jedes an
einen beſondern linden Strick anlegen/ und daſſelbe
laͤngſt zwiſchen 8. und 9. Uhr zum erſtenmahl traͤn-
cken/ darauſt laͤſſet man ſie etwas ruhen/ um Mittag/
wenn es am waͤrmeſten/ auſſer dem Stall umlauffen/
doch jedes Art an einem beſondern Ort/ daß ſie ſich
nicht vermengen/ und wieder recht zu ſortiren ſeyn.

Zwiſchen 3. und 4. Uhr haben ſie wieder ihr Futter
angelegter zu genieſſen/ naͤch welchem ſie wieder frey/
(und wo es warm und ſchoͤn Wetter iſt) aus dem
Stall gelaſſen werden/ damit ſie ſich bewegen und
umlauffen koͤnnen.

Waſſer.

Wit dem Traͤncken und aller Art Waſſern hat es
keinen andern Unterſchied zwiſchen dieſen uñ erwach-
ſenen Pferden/ als bey derſelben Wartung gedacht
iſt/ ohn daß es beſſer iſt/ junge Vohlen zeitlich lieber an
harte/ als weiche Waſſer zu gewoͤhnen/ damit ſie im
Alter deren ohne Schaden genieſſen und gewohnen
koͤnnen: Sie koͤnnen aber im boͤſem Wetter/ zu
Zeiten bey gutem/ auch im Stall getraͤncket werden.
Dann wann ſie in der groͤſten Kaͤlte des Tages ein-
mahl ausgelaſſen werden/ und deſto laͤnger herauſſen
bleiben/ nemlich ſo lang als ſie ſich nicht ſelber wieder
in den Stall ſehnen/ iſt es uͤberfluͤſſig; bey angehen-
der Waͤrme aber/ kan es wol zweymahl geſchehen/
nachdem der Tag auch beginnet laͤnger zu werden/ da-
mit ſie gleichwohl etwas Lufft und Kaͤlte gewohnen
und vertragen lernen.

Man kan auch jedem nach ſeinem Alter und
Staͤrcke/ alle Wochen oder in 14. Tagen/ etwas we-
niges Saltz/ (wiewol der juͤngſten weniger) auch
nicht ſo offt als den aͤltern geben.

Praͤſervativ.

Man menget auch wol allerley Kraͤuter unter das
Saltz/ als gepuͤlverten Ehrenpreiß/ Lungen-Kraut/
Gundelreben/ Epheu/ Eyſen-Kraut/ wilden Salvey/
auch deß zahmen Salvey/ Wacholterwupfel und
Beer/ Eychenlaub/ Agrimonia/ Holunder-Laub/
heydniſches Wund-Kraut/ Wulkraut/ Nachtſchat-
ten/ Stuͤckwurtzel mit Buchen-Aſchen gemenget/
welches ihnen anderſt nicht ſchaden kan/ als daß es
nicht jederzeit gut iſt/ die Pferde ſo fruͤhe an der Artz-
ney Huͤlffe zu gewoͤhnen/ dadurch der Natur Wuͤr-
ckung deſto ehe auff hoͤret.

Zeitliche Verbeſſerung der
Maͤngel.

Man ſoll aber auff alle Fuͤllen jederzeit ein fleiſſiges
Auffſehen haben/ was ſich bey denſelben vor Maͤngel
erzeigen wollen/ und ſo bald ſich deren einer nuꝛ blickẽ
laͤſſet/ ſtracks Rath ſchaffen oder ſuchen/ damit der
Einwurtzelung derſelben (und anderer groͤſſerer
Maͤngel/ ſo daraus entſtehen koͤnnten) vorzubiegen
und zu verhindern/ denn ob ſie gleich ein und der ander
von ſich ſelber verliehret/ (welches ungleich beſſer/ als
wann er mit andern Mitteln erhebet werden ſoll/) ſo
iſt doch daſſelbe nicht allezeit/ oder bey allen Pferden
zuhoffen/ daruͤber dann groſſe Verſaͤumniß entſtehen
kan/ als viel man hierinn nachlaͤſſig oder gar zu ver-
zagt iſt/ etwas anzugreiffen.

Man ſoll auch ſo wol auff der Weyde als im Stall
fleiſſig Acht haben/ daß jedes Fuͤllen bey ſeiner Mut-
ter bleibe/ und ſich an keine andere haͤnge/ auff ſolchen
Fall muß man die Mutter und das Fuͤllen gleich ab-
ſondern/ biß ſie auch recht wieder zuſam̃en gebracht/
nicht wieder ausgelaſſen werden/ damit es nicht bey
der gelden Studten aus Mangel der Nahrung ver-
derben muͤſſe.

Alle Arbeit ſoll in GOttes Nahmen angefangen/
fortgeſetzet und vollendet/ und dabey kein Schwoͤren/
Fluchen oder Laͤſtern gehoͤret werden/ weil die Nach-
fluͤche vielmahls eintreffen.

Winter-Fuͤtterungs-Art.

Nachdem ſie ihr Futter richtig eſſen koͤnnen/ und
ihnen ſolches wol zuſchlaͤget/ iſt es unnoͤthig/ ſolches
weiter mit Meel/ Kleyen/ Schrott oder anderm har-
ten Futter zuverſtaͤrcken/ ſondern bey dem ordinari
Heu und Stroh-Futter/ rem oder gemenget zulaſſen.

Jſt auch beſſer/ daß ſie daſſelbe noch vor Beſchluß
des erſten Jahrs oder zum laͤngſten mit Anfang der
andern Winter-Fuͤtterung nicht mehr geſchnitten/
ſondern gantz/ oder doch gar lang geſchnitten/ eſſen
lernen.

Zu ſolcher Zeit/ wann ſie anderthalb Jahr erfuͤllet/
werden ſie in einen groͤſſern ſonderlichen Stall ge-
bracht/ und doch auff die alte Weiſe gehalten/ biß ſie
mit angehender Weyde 2. Jahr erfuͤllen

Nach welcher ſie im dritten Winter mit drittehalb
Jahren nicht mehr unter das Geſtuͤdte gelaſſen wer-
den/ ſondern allein an ſolchen Orten abgeſondert blei-
ben/ wo keine Studten hinkommen koͤnnen/ ſo viel de-
ren gantze Hengſt bleiben ſollen. Hergegen aber kan
man die jungen Studten unter den alten jederzeit auf
der Weyde behalten/ ſonderlich wann ſie in ſolches
Alter kommen/ daß ſie nicht allein neben ihnen wey-
den/ ſondern auch des Winter-Futters genieſſen moͤ-
gen/ wiewol es niemahls ſchaͤdlich ſeyn kan/ daß man
die jungen Studten/ gleichwie die Hengſte in ihre
Staͤlle abſondert/ und denſelben gleich in ihrer Fuͤtte-
rung haͤlt/ biß ſie in das dritte Jahr gehen/ in welcher
Zeit ſie ſich beſſer zu den alten als den jungen ſchicken.

Es ſind aber alle ſolche junge Pferde in gleichem
Alter mit aͤuſſerſter Muͤhe dahin zu gewoͤhnen/ daß ſie
fromm und heimlich werden. Darum ſoll man des
Tages offtmahls zu ihnen in den Stall gehen/ ſie be-
ſtreichen/ die Forder-und Hinter-Fuͤſſe aufheben/ auff
dieſelbe klopffen/ als ob man ſie beſchlagen wolte.

Den Leib/ Kopff/ Fuͤſſe mit einem linden Tuch ab-
wiſchen/ Moͤhn/ Schopff und Schweiff kaͤmmen/
allgemach gar ſanfft mit dem Striegel uͤberfahren/ ob
man ſolchen gleich noch nicht gebrauchen will/ ſonder-
lich bey denen/ ſo gar zarter Haar ſind/ am meiſten.

Denn ob gleich die Pferd/ welche uͤber Winter
auffgeſtellet werden/ bey weitem nicht ſo wild werden
oder bleiben/ als welche das gantze Jahr der Weyde
genieſſen/ ſo beduͤrffen ſie doch ſolcher gemaͤchlichen
Anweiſung gar wol/ und werden nur deſto freundli-
cher/ baͤndiger und beqvemer zur Abrichtung gema-
chet/ und dabey verſichert.

Jn der Winter-Fuͤtterung hat es mit denen von
anderthalb/ zwey/ drittehalb biß gegen dem dritten
Jahr gehenden Vohlen/ keines ſonderlichen Unter-
ſchieds mehr noͤthig/ auſſer daß man denſelben billich/
je laͤnger je mehr/ zugeben hat/ nachdem ſie mit dem
Gewaͤchs an dem Appetit zum Eſſen zunehmen.

Vrtheil von der Jungen
Gerathen.

Es wird auch der erfahrneſte nicht jederzeit ein un-
fehlbares Urtheil faͤllen koͤnnen/ was aus einem und
dem andern Vohlen werden will oder kan/ denn es iſt
nicht allein das wol-oder uͤbel-gerathen an dem Ge-
ſchlecht des Beſchellers und Studten an der Landes-
Art und Erziehung/ ſondern auch an der Abrichtung
gelegen/ wuͤrde ſich alſo einer leichtlich uͤbereilen koͤn-
nen/ welcher ein und anders Fuͤllen wegen dieſer oder
jener Vermuthung fruͤhzeitig abſchaffen wolte/ ehe ſie
die drittehalb Jahr erreichet/ nach welcher Zeit man in
etlichen/ wiewol nicht in allen Stuͤcken/ ein gewiſſere
Rechnung oder vielmehr einen unbetrieglichern Au-
genſchein nehmen und halten kan/ wie gute oder boͤſe
Anzeigungen einander uͤbertreffen/ unangeſehen auch
ſolche Regeln nicht jederzeit unfehlbar ſeyn/ deñ nicht
allein unterſchiedliche Pferde/ ſondern ſo gar gantzer
Landes-Art und Studtereyen Eigenſchafft ſehr un-
terſchieden/ daß deren etliche gute Anzeigungen und
ſchlechte nachfolgende Wuͤrckungen/ alſo andere das
gaͤntzliche Widerſpiel ſehen laſſen.

Wie auch viel derſelben ihre Guͤte fruͤhe/ die andern
erſt gar ſpat erſcheinen laſſen und vollbringen/ wie an
den Hungariſchen und Tuͤrckiſchen Pferden taͤglich
zu ſehen/ welche in ihrem hoͤchſten Alter die groͤſte
Staͤrcke und Muth erlangen/ in der Jugend aber ſo
kraͤncklich und weichlich ſeyn/ daß ſie das geringſte
Anzeig eines guten geſunden dauerhafften Pferdes
an ſich finden laſſen/ ſondern gar leichtlich zu Grund
gerichtet werden/ daß ſie auch von 5. biß in das 6. Jahr
mit keiner Sicherheit zu gebrauchen ſeyn.

Wer aber hergegen bey einem auch nicht gemeinen
Teutſchen Pferd/ erſt nach dem 9. Jahr einige gute
Dienſte hoffen wolte (wann es nach dem ordentlichen
Gebrauch/ und nicht abſonderlich erzogen/ und mit
dem dritten Jahr bereit gebrauchet worden/) der wuͤr-
de die Ernde auff den Winter geſparet und umbſonſt
gewartet haben.

Wo ein Vohl an ſeinem Leib nicht ſolche verwerf-
liche Monſtroſiſche Zeichen an ſich haͤtte/ daß es des
Unkoſtens nicht wuͤrdig geachtet wuͤrde/ ſo ſeine Er-
ziehung erfodern moͤchte/ iſt es nicht rathſam daſſelbe
bald zu verlaſſen/ weil man nicht weiß/ wie viel man
von einem Beſcheller oder Studten junge haben/ und
welches unter denſelben am beſten gerathen werde.

Welche aber dieſelbe mit ſich auff die Welt brin-
gen/ oder ſich andere auch erbliche Maͤngel an ihme
zeitlich mercken laſſen/ auch von boͤſen Beſchellern
herkommen/ ſeyn je ehe je lieber zu veraͤndern/ ehe ſie
das Geſtuͤdte anſtecken oder daſſelbe verunehren moͤ-
gen.

Es kan aber aus dem Gemuͤth und Sinnen zu ſol-
cher Zeit weniger als aus des Leibes Beſchaffenheit
gutes und boͤſes abgemercket werden/ denn welche bey
guter Weyde niemahls zunehmen/ (welches bey der
Winter-Fuͤtterung noch viel ſchlechter und langſa-
mer hergehet/) geben nicht geringe Vermuthung
ſchlechter Beſſerung von ſich/ dahero deſto fleiſſiger
nach der rechten Urſach zu forſchen/ und wo es muͤg-
lich/ je ehe je lieber Rath zu ſchaffen/ oder nicht unzei-
tig damit zu aͤndern iſt.

Je mehr ſich das Vohl in Suchung der Weyde
bewegen muͤſſen/ je ringfaͤrtiger/ geſchlechter/ beweg-
licher/ laͤnger und raner wird der Halß ſeyn/ und von
Starren abgeſpannet werden: Nur daß es nicht
continuiren muͤſſe/ wann es hoch gewachſen/ davon
wuͤrde ſich das unterſte Gelenck am Halß ledig ma-
chen/ und zu niedrig mit dem Kopff gehen.

Die Huͤff/ welche auff harten Boden erwachſen/
koͤnnen in Nothfaͤllen unbeſchlagen gebrauchet wer-
den/ welches im Krieg und auff Reiſen einen groſſen
Vortel giebet.

So wird auch ein Vohl/ welches ſeine Nahrung
auff der Weyde weit zuſammen ſuchen/ und auff
Bergen mit groſſer Arbeit gewinnen muß/ in allem
kraͤfftigem Gebrauch deſto arbeitſamer/ unverdroſſe-
ner/ williger/ gedultiger und beqvemer/ und gewiſſere
Schenckel/ weil es alle ſeine Schritt und Tritt auff
der Erden wol verſichern/ und ſich vor allem ſtraucheln
und fallen ſelbſt vorſehen muß/ worzu es von der Gele-
genheit unzehliger gefaͤhrlicher Oerter/ auff allerley
Weiſe angewieſen wird/ wie ihm die Verhuͤtung ſei-
nes Schadens von Natur eingepflantzet iſt. Jn-
dem es ſich auch an ſtickeln Oertern/ wann es gegen
dem Thal ſtehet/ gehet oder wendet/ allein durch An-
ſichhaltung und Unirung des Ruͤckens erhaͤlt/ wird
ihm auch derſelbe durch ſolchen offtmahligen Ge-
brauch deſſelben deſto ſtaͤrcker/ welches ein vortreffli-
cher Vortheil in hohen Geſchaͤfften iſt.

Die Zeit auffzuſtellen.

Uber der beſten Zeit/ wann die Pferde auffzuſtellen
und von der Weyde abzunehmen/ ſeyn ſo vielerley
Meynungen/ als eine jede Landes-Art der Pferde un-
terſchiedliche Eigenſchafften/ auch derſelben Herren
Notthurfften und Belieben ſeyn moͤgen. Dann in
den warmen Laͤndern/ wo junge und alte Pferd der
Weyde Winter und Sommer genieſſen/ hat man
weniger Urſach dieſelbe zeitlich/ ſondern nur wann
man ſie zu Dienſten gebrauchen wil/ auszufangen/
auch wann man derſelben maͤchtig werden kan/ weil
es ohne groſſe Gefahr und Muͤhe der Pferde ſelber/
und derſelben/ ſo ſie ausfangen ſollen/ nicht zugehet:
Wenn ſie auch dieſelbe lieber wol erſtarcken laſſen/ als
zu fruͤhe/ und wider ihre Natur und Gewohnheit ge-
brauchen/ oder in ihrer Jugend zu Boden richten
wollen/ dabey erſpahren ſie auch viel Unkoſten/ ſo bey
den aufgeſtellten Pferden nothwendig/ und jederzeit
continuiret werden muͤſſen/ wie auch bey denſelben
Voͤlckern/ ſo die meiſte Pferd-Zucht im Felde ohn al-
le Unkoſten haben/ eine ſolche Menge Pferde erzogen
werden/ welche ſie nicht alle zu eigenem Gebrauch an-
wenden koͤnnen/ denn wo ſie nicht haͤuffig zum Krieg
ausgefangen/ oder in andere Laͤnder verkaufft werden/
wird derſelben guter Theil ſo lang auff der Weyde ge-
laſſen/ biß ſie vor Alters nicht mehr geachtet oder er-
handelt werden/ daruͤber denn nicht wenige unge-
brauchet wieder abgehen und ſterben muͤſſen.

An andern Orten/ wo die Pferd-Zucht mit der
Winter-Fuͤtterung verſorget/ und mit ziemlichen
Unkoſten/ Sorgen und Beſchwehrung erhalten wer-
den muß/ eylet man mit den Pferden allzugeſchwind
zu dem Gebrauch/ ſich ſolcher Beſchwehrung deſto
ehe zuentladen/ und des Gebrauchs oder Werths im
verkauffen deſto geſchwinder zu genieſſen/ welches
aber mehr in dem Hauß-Stand geſchicht und dahin
zu verſtehen iſt. Dann in Boͤheim/ Baͤyern/ auch
im Niederland und an etlichen andern Orten in
Teutſchland/ wuͤrden die Roß noch viel beſſere Dien-
ſte thun/ und beruͤhmet werden/ wann man ſie nicht
durchgehend mit 3. theils wol mit zweyen Jahren zu
der Arbeit gewoͤhnte.

Dieweil aber ihre zarte Jugend dieſelbe bey gera-
den Gliedern und geſundem Leib nicht lang ertragen
kan/ ſo wollen ſie dieſen Mangel 1. mit hartem Futter
erſetzen/ womit ſie alles Vermoͤgen und Staͤrcke des
Gemuͤths und des Leibes auff einmahl heraus zwin-
gen/ ſo eines Pferdes gantzen Lebens-Zeit zugetheilet
iſt: Solches gebrauchen ſie zu ihrer Nothdurfft/ ſo
lang ſie mercken/ daß ſich die Kraͤfften mit dem ſtar-
cken und uͤbermaͤſſigen Futter unterhalten/ und die
dabey nach und nach haͤuffig herfuͤr brechende Maͤn-
gel zuruͤck halten laſſen wollen: Jn Empfindung
aber ſolches Abgangs/ eylen ſie 2. zu dem Verkauff/
und zwar alle die daſſelbe hernach bekommen derglei-
chen mit einem gar geringen Gewinn: Nur daß
die Gebrechen und Alter das Pferd nicht in ſeiner
Hand uͤberfalle/ denn ſo bald es ſeine ſieben Jahr zu-
ruͤck gelegt/ mindert ſich deſſen Werth gleichſam zuſe-
hens alle Tag/ denn das achte Jahr will faſt keinen
richtigen Kauff mehr zulaſſen/ ſondern von ſelbiger
Zeit an/ iſt es bey allen Kauff leuten/ nicht fuͤr Kauff-
manns-Gut geachtet/ ſondern wird um geringes hin-
gegeben/ und gantz und gar dem Verderben uͤberge-
laſſen.

Wiewol derer Schaden der nechſte/ groͤſte und
empfindlichſte iſt/ welche ihre Pferde ſampt dem koſt-
baren Futter zugleich conſumiren/ und damit mehr
Schaden und Verdruß/ als Nutzen und Ergoͤtzlich-
keit erlangen/ welches ſie niemand/ als ſich ſelber zuzu-
meſſen haben:

So geſchicht doch dem gemeinen Nutzen damit
nicht
[37]Pferde-Schatz.
nicht minder ein groſſer Abbruch/ wann ein ſo groſſe
Menge Pferde in ſolchen geringen Geſchaͤfften ſo
geſchwind zu ſchanden gemachet werden/ welche zum
guten Theil in hohen Handlungen/ gute Dienſte/ und
zwar viel ein laͤngere Zeit leiſten koͤnnten/ zu welchen
man die Pferde von andern weit enelegenen Orten
um ſo groſſes Geld/ und mit groſſer Gefahr und Muͤ-
he herbringen muß/ welche daſelbſt die allerverachte-
ſten und fuͤr untuͤchtig ausgeworffenen/ doch bey uns
die koͤſtlichſten ſeyn muͤſſen/ denn nicht umſonſt fuͤh-
ren die Tuͤrcken/ Pohlen/ Hungarn und andere das
Sprichwort/ Es ſoll keiner derſelben/ ſo ihren Natio-
nen treu und hold iſt/ einem deutſchen ein Pferd ver-
kauffen/ das nicht krumm oder zum wenigſten zwey
oder dreymahl verdorben/ und mit Salben wieder
verklebet ſey/ denn wo ſie der rechten Guͤte eines un-
verdorbenen Pferdes inne wuͤrden/ ſolten ſie ſo leicht
niemand finden/ der ihnen ihre lahme/ abgerittene
Pferd ſo theuer bezahlen moͤchte/ welches Spotts
und Schadens man wol von ihnen uͤberhoben/ und
derſelben heylloſer Pferd zum mehrentheil entrathen/
und an deren Stell eigene Pferd gebrauchen koͤnnte/
wann man der rechten Ordnung/ in Erziehung/
Wartung und Gebrauch der Pferd/ nur in etwas
nachdencken und folgen wolte. Es iſt aber mit die-
ſem Mißbrauch bereit ſo hoch geſtiegen/ daß die Beſ-
ſerung viel mehr zu wuͤnſchen als zu hoffen iſt/ der ge-
meine Schaden aber um ſo viel groͤſſer und mehr zu
beklagen/ als die Geſtuͤdte nun faſt alle abgangen/ und
von derſelben Wiederanrichtung weder zu hoͤren/ viel
weniger zu ſehen/ ſondern es iſt alle Pferd-Zucht nur
in der gemeinen Leute Haͤnde gerathen/ von welchen
jeder fuͤr ſich thut was ihm beliebet/ auch ſein Ver-
ſtand und Vermoͤgen zulaͤſſet/ an welchem es den
meiſten mangelt/ und ſo lang auff keine andere Ge-
dancken kommen/ als ſie auff ihrem Vorſatz und irri-
gen Meynungen verharren/ daß der Pferde Gewaͤchs
und Guͤte/ einig durch hartes Futter in der Jugend zu
erhalten ſey/ welches ihm denn allen Vortel abnim-
met/ und keinen Gewinn zulaͤſſet/ uͤber das ein jedes
Pferd/ das von dem vierdten Jahr hartes oder gebro-
chenes Futter genieſſet/ das erlanget zwar ſein voͤllige
Geſtalt deſto ehe/ und erzeiget ſich in muthwilligem
aber unnuͤtzem laſterhafften Springen/ und andern
Defenſions-Mitteln ſehr koͤſtlich und vermoͤglich:
Es bezeugen aber unzehliche ſolche Pferde/ daß ſie
nach dem fuͤnfften und ſechſten Jahr in aller Arbeit ſo
bald erligen/ wann ſie nicht alle 4. oder 5. Stund mit
uberfluͤſſigem harten Futter geſtopffet werden/ wel-
ches denn uͤber 1. oder 2. Jahr nicht waͤhret/ ſo wil
weder Futter noch Wartung mehr etwas helffen/
ſondern iſt ſich in groſſer Noth nicht das geringſte
auff ſie zu verlaſſen/ biß ſie gar mit Schanden im ach-
ten oder 9. Jahr ein Ende nehmen muͤſſen/ uͤber das
ſie bey dem hitzigen Habern/ gleich in der Jugend an
dem Geſicht abnehmen/ oder gar erblinden/ auſſer
anderer Zufaͤlle/ welche zu erzehlen zu weitlaͤuffig fielen.

Welche aber die Pferd gern zu einem langwuͤhri-
gen Gebrauch bringen/ und fuͤr ihre Muͤhe und Ko-
ſten etwas mehrers genieſſen wollen/ und dieſelbe
nach Beſchlieſſung dreyer Jahr/ auffſtellen: wel-
cher Zeit andere noch ein halbes/ und die letzten ein
gantzes zugeben/ laſſen ihnen den erſten Som̃er noch
gruͤnes in den Krippen/ denn wo die Pferd in dem
vierdten und fuͤnfften Jahr nicht vollkom̃ene Wey-
de und gute Geſellſchafft haben/ koͤnnen ſie im Stall
beſſer/ als auff der Weyde in acht genom̃en werden/
weil ſie ſich in ſolchem Alter ſehr abmatten/ und von
der Studten uͤbel zu verwahren ſeyn/ welchen ſie uͤber
Zaͤun und Graͤben gefaͤhrliche Spruͤng nach wagen/
druͤber ſie leichtlich zu Schaden kommen/ und wo es
ihnen geraͤth/ ſich bey den Studten zu allem Gebrauch
(auſſer dem Beſchellen) gantz untuͤchtig machen koͤn-
nen/ daß alle Muͤhe und Unkoſten vergeblich ange-
wendet iſt: So verbiegen ſie bey vollem Gewaͤchſe/
auch den Hals im unterſten Gelenck am Leib/ wann
ſie ſich tieff nach der Weyde buͤcken muͤſſen/ welches
der guten Geſtalt und rechten Zaͤumung ſehr hinder-
lich und abbruͤchig iſt.

Wuͤrde alſo die beſte Zeit zwiſchen dem dritten/
vierdten und fuͤnfften Jahr zubeſtimmen ſeyn/ ein
Pferd das erſtemahl zu hartem Futter zu nehmen/
welches man ihme aber nicht auff einmahl gantz/ ſon-
dern Anfangs gebrochen/ und wol zwey Theil
geſchnitten Stroh zu einem Theil Haber zu der
Gerſten und Rocken drey Viertel Stroh und
und ein Viertel hartes Futter 1. oder 3 Monat lang/
nach denſelben das harte Futter vermehren/ und das
Sroh allgemach vermindern/ biß es zu dem ordinari-
Futter gebracht/ dabey es nach eines jeden Herren
Willen und Gewohnheit/ auch nach ſeiner Noth-
durfft bleiben kan.

Beſchlag.

Weil den Pferden/ in dem ſie baarfuß gehen/ die
Huͤfe um ſo viel beſſer wachſen und erſtarcken/ iſt mit
dem Beſchlagen nicht zu eylen/ denn ungleich leichter
und ſicherer wird ein Pferd in der Abrichtung traver-
ſiren lernen/ wann es ohne Eyſen ſchrencken lernet/
worinnen es ſich ſo lang auff die Fuͤſſe tritt/ als es ſol-
ches nicht voͤllig gefaſſet hat; welches aber mit bloſ-
ſſen Fuͤſſen keinen Schaden bringen kaͤn/ aber mit
den Stollen ſo offt beſchicht/ daß man mehr Zeit im
heylen/ als mit der Abrichtung hinbringen muß. Sie
bekoͤmmen auch von dem fruͤhzeitigen Beſchlag den
Huff-Zwang/ Stein-Gallen ꝛc.

Wann es aber die Zeit/ die Ubung oder einiger
Nothfall erfodert/ kan man erſtlich die beyden vor-
dern Fuͤſſe auff einmahl beſchlagen/ damit es ſich deſto
williger darein findet/ und jedesmahl unwiderſetzlich
zulaͤſſet/ auff einander Zeit/ die Hindern/ wann es
vornen zu recht gebracht iſt. Nimmermehr aber ſoll
man ein junges Pferd das erſte mahl in einen Noth-
ſtall bringen laſſen/ denn auff ſolchen Fall wuͤrde es
jederzeit geſchehen muͤſſen/ und in dem Krieg oder
groſſen Reiſen nicht zu gebrauchen ſeyn.

Man ſoll aber fein ſittſam und ſicher damit umge-
hen/ daß man das Pferd nicht ſcheuch/ ſondern guͤtig
und geduldig mache.

Welche jungen Pferden das erſte oder ander mahl
ſchwere Eyſen nehmen laſſen/ daß ſie die Fuͤſſe deſto
hoͤher heben lernen ſollen/ werden ſie vielmehr an dem
heben/ verhindern/ denn junge ungeuͤbte Pferd haben
von ſich ſelber noch ſo viel Ungeſchicklichkeit in dem
gantzen Leibe/ und ſo ungaͤngige geſpannte Fuͤſſe/ daß
E 3ſie
[38]Neuer vollkommener
ſie fuͤr fallen und ſtraucheln ſehr uͤbel verſichert ſeyn/
kommen auch nun ſchwere Eyſen darzu/ wird es ih-
nen deſto ſchwerer/ welches ſchwere Eyſen gar un-
maͤſſig verdoppeln. Wie aber das Beſchlaͤg be-
ſchaffen ſeyn ſolle/ iſt in der Pferd-Wartung zu fin-
den.

Dem Huf-Zwang vorzu-
kommen.

Bald nachdem ein Vohl zur Welt kommet/ ſofern
man daſſelbe an ihm mercket/ oder wann es hernach in
acht genommen wird/ daß den Pferden die Ferſen zu-
ſammen wachſen wollen/ woraus hernach der Huff-
Zwang herkommet/ ſoll man denſelben mit einem
Schneid-Meſſer von einander helffen/ und zeigen/
wie ſie wachſen ſollen/ welches mit einem oder zwey
Schnitt geſchehen iſt/ denn wann man es alſo in der
Jugend luͤfftet/ ſo breitet ſich der Huff etwas aus/ das
Leben weichet/ und wird auch ſo leichtlich nicht voll-
huͤffig werden.

Bockbeinigkeit vorkommen.

Wann es auch mit den Knien eng gehet/ als ob es
bockbeinig werden wolte/ muß man ihm den in-
nern Stollen hoͤher machen/ davon ſich die Knie
ausbiegen muͤſſen/ weil ſie noch im wachſen ſeyn.

Brand-Zeichen.

Die Brand-Zeichen ſeyn bey den meiſten und vor-
nehmſten Geſtuͤdten ein alter loͤblicher Gebrauch/ nit
allein des Pferdes Anſehen und Wolſtand zuvermeh-
ren/ ſondern auch des Geſtuͤdtes Wuͤrdigkeit und
Ruhm weit und breit bekandt zu machen/ das Pferd
damit zu erheben/ und maͤnniglich von ſeinem hohen
Herkommen zu recommendiren. Letztlich iſt es ei-
ne geheime/ nuͤtzliche Cur der Pferd/ zufallende Fluͤſſe
abzuleiten/ auszutrucknen/ abzuſch neiden/ und andere
Gaͤnge zu oͤffnen/ durch welche ſie ſich ohne Schaden
verziehen koͤnnen.

Es geſchehe nun zu welchem End es wolle/ ſo iſt
das Vor-Jahr die beſte Zeit/ wann ſie noch ein hal-
bes Jahr auff der Weyde bleiben koͤnnen/ damit der
Thau den Brand gnug erkuͤhlen/ und zugleich von
Grund außheylen moͤge.

Es ſtehet in jedes Belieben/ wann daſſelbe geſche-
hen kan/ nur daß das Zeichen bey gar jungen Pferden
gnugſamen Platz einnehmen moͤge/ und ſich nicht mit
dem Pferd verwachſe/ und alſo unerkaͤndtlich wer-
de/ auch alſo beſcheiden angegriffen und appliciret
werde/ daß die Pferd dadurch nicht ſcheuch gemachet
werden.

Ein gluͤender Goldzain wird am wenigſten ſcha-
den koͤnnen/ hergegen deſto reiner und ſubtiler alſo
deſto ſchoͤner mercken. Auſſer deſſen iſt ein wolfor-
mirtes Eyſen/ in rechter Hitze/ gantz gleich angeſetzet/
zu gebrauchen:

An keinem Ort wo es uͤbelſtaͤndig/ als 1. auff der
rechten Seiten ins gemein. 2. An dem vordern Bug/
ſondern auff dem lincken Backen/ Halß und Tiech/
wo das meiſte Fleiſch iſt/ weder zu hoch noch zu nie-
drieg. 3. Viel weniger an ſolchen Orten/ wo die
Sennen zuſammen kommen/ damit nicht die Haut
uͤber dieſelben/ oder das Gebein zuſammen ſchrumpf-
fen/ und der Brand verletzen koͤnne.

Man ſoll bey allem brennen/ es geſchehe gleich in
welcher Meynung es wolle/ deß Mondes Lauff und
des Himmels Geſtalt/ wie bey dem Aderlaſſen in acht
nehmen/ damit deren Glieder keines beruͤhret werde/
welche demſelben Zeichen unterworffen/ das zur ſelbi-
gen Zeit in dem Regiment iſt.

So bald das Eyſen den Brand gemachet und ver-
laſſen/ ſchlagen etliche warmen/ andere friſchen Kuͤh-
Koth daruͤber/ welches die Schmertzen lindert/ und
den Brand kuͤhlet.

Etliche wollen den Brand mit ungeleſchtem
Kalck/ auch wol andern ſcharffen Sachen noch groͤſ-
ſer und ſcheinbarer machen/ wodurch man aber den
Schaden leichter mehr entzuͤnden/ als leſchen moͤchte.
Andere nehmen friſches Baumoͤhl/ welches der
Schaden gern annimt/ und nicht weiter um ſich freſ-
ſen laͤſſet/ auch gar reines und friſches Fleiſch behaͤlt/
und ein andere friſche Haut deſto ehe heraus locket/ die
keine Haar traͤget/ daß ſich auch die verbrennte Haut
ſelbſt abſchelet/ und gern abfaͤllet/ welche man nim-
mer mit den Haͤnden abreiſſen/ ſondern erwarten
muß/ biß ſie ſich ſelber loß machet. Welche inſonder-
heit zu der Geſundheit und Abfuͤhrung der Fluͤſſe ge-
meynet/ werden 1. zu beyden Seiten des Kopffs/ bey
den Schlaͤffen/ unweit und oberhalb der Augen. 2.
Unter den Augen bey der Mauß nach der Laͤng oder
zwerg gebrennet: Die erſten mit 1. 2. oder 3. Stri-
chen/ daß ſie die Fluͤſſe von den Augen abfuͤhren/ und
was ſie davon nicht abhalten koͤnnen/ wird den an-
dern gleich gemacht/ und gemeynten Strichen zuge-
ſchicket/ daß ſie nicht bey den Augen ſitzen bleiben/
ſondern weiter abwerts gezogen werden. 3. Hinter
den Kifern beyder Seiten an dem Halß etliche
Duͤpflein eines Ducaten groß/ drey zwerg Finger
weit von einander/ biß hinter die Ohren/ wider die
Halß-Fluͤſſe/ daß ſie nicht gar in den Kopff ſteigen
koͤnnen. 4. Ein langer Strich/ ſo ſich hinter den
Ohren anfaͤnget/ und biß gegen dem Schulderblat
reichet/ auff einer oder beyden Seiten/ wodurch ſich
die Feuchtigkeiten etwas ausziehen/ von welchen die
Speckhaͤlß entſpringen.

An den hintern Fuͤſſen unter dem Schweiff/ wo
ſie am dickeſten ſeyn/ daß die Adern abgebrennet wer-
den/ wodurch die Fluͤſſe ſich in die Schenckel ſetzen/
welche das Brennen an dem fetten Fleiſch wol erley-
den/ und ohne Schaden vertragen koͤnnen/ alſo vor-
nen wol oben/ wo die Fuͤſſe aus dem Leib kommen/
runde Ringe um und um/ oder Striche/ 1. 2. oder 3.
zwerg Finger weit von einander/ den Fluͤſſen zu weh-
ren/ wovon Gallen und Spat entſtehen.

An den untern Fuͤſſen inn und auswendig/ einen
Strich nach der Laͤnge/ eines Fingers lang unter dem
Elenbogen/ wo der Spat ausbricht. Ein treffli-
ches Præſervativ fuͤr alle gemeine und ſonderliche
Fluͤſſe des gantzen Leibes fuͤr die Patienten ſo deſſen
bereit beduͤrffen/ auch fuͤr die Geſunden/ ſo durch ſol-
ches Mittel damit kuͤnfftig nicht befallen werden.

Doch ſoll man ſolchen Brand an keinem Ort ge-
ben/ 1. wo das Geaͤder oder Gebein mit Fleiſch nicht
wol verwahret/ 2. wo ohne das ein Brand iſt/ oder ei-
niger
[39]Pferde-Schatz.
niger alter Schaden geweſt/ wodurch ſich die Fluͤſſe
deſto mehr daſelbſt verſammlen wuͤrden. Dieſes iſt
der Araber und Tuͤrcken gemeines Mittel/ die Pferd
in der Jugend vor dergleichen Zufaͤllen zuverwahren/
und zwar zu der Zeit/ wann ſie ohne das gemercket
werden ſollen/ wie ſie dann auff ſolche Weiſe keines
andern Brands bedoͤrffen/ darum man ſie auch wol
in ſolche Form bringen kan/ wie man das Zeichen
gern haben wil/ ſo darff das Pferd nicht zwey-
mahl mit brennen beſchweret
werden.

Futter-Marſchalcks-Pflicht.

Alle dieſe Stuͤcke und Eigenſchafften ſoll der Un-
ter Stallmeiſter/ Futter-Marſchalck/ oder die denſel-
ben ſonſt nach/ aber dem Geſinde vorgeſetzet ſeyn/ dem
Ober-Stallmeiſter nach und nach ablernen/ je laͤnger
je mehr practiciren/ damit ſie ſich zu dergleichen Ver-
richtung mit der Zeit qvalificirt machen koͤnnen.

Schmidts Pflicht.

Ein erfahrner im beſchlagen/ und in der Pferd-
Artzney wol und lang geuͤbter Schmidt/ iſt nicht min-
der als alles andere ſehr noͤthig/ der ſich nicht auff die
zweiffelhafte und dunckele/ ja verfuͤhriſche Weitlaͤuff-
tigkeit der unzehlichen gedruckten oder geſchriebenen
Artzney-Buͤcher/ ſondern auff ſeine eigene Wiſſen-
ſchafft verlaſſen darff/ der/ bey jedweder Cur/ die dar-
zu gehoͤrige Hand-Griff weiß/ und gebrauchen kan/
und doch die Gedult hat/ von einem erfahrnen Stall-
meiſter oder anderm Liebhaber/ einige Meynung an-
zuhoͤren/ zu probiren und zu lernen.

Stall-Knechte Pflicht.

Dieſes alles wird durch den Gehorſam/ Treu/
Fleiß/ Luſt und Liebe der Stall-Knechte gegen dem
Herrn und Fuͤrgeſetzte/ wie auch zu den Pferden und
ihrer Schuldigkeit vollkommener/ im widrigen aber
ſo viel gehindert und ſchwerer werden/ denn wo ihre
Arbeit nicht mit gutem Willen/ Luſt und Neigung/
ſondern mit lauterm Zwang und Trieb/ Schlagen
oder Schelten geſchicht/ und die Pferde der Knechte
unbeſonnenes Hin-und Wiederſtoſſen und Schla-
gen oͤffter/ als ihre Wolthaten empfinden/ muß
nothwendig manches edles Pferd an Gemuͤth/ Sin-
nen und Leibe/ im Stall gaͤntzlich verderbet werden/
welches am allermeiſten durch ihr boßhafftiges Ver-
ſchweigen geſchicht/ wann ſie ein und andern Scha-
den (den ſie wol ſelber durch ihre ungedultige Verfah-
rung verurſachet/) ſo lang verhalten/ biß demſelben
in langer Zeit oder gar nicht zu helffen iſt/ ſo in dem
Anfang mit einem geringen/ und bald zu aͤndern waͤ-
re/ welches neben der Eigenſinnigkeit/ daß ſie mit den
Pferden ihres Muthwillens verfahren/ und ihren Luſt
auff allerley Weiſe buͤſſen wollen/ danebenſt dem un-
ordentlichen Beſtialiſchen Sauff- und leichtferti-
Leben/ Fluchen uñ andern ſchaͤdlichen Bezeigungen/
ſo das Geſind je laͤnger je mehr gewohnet und treibet/
ſambt alle dem Schaden und Verluſt/ ſo einem Herrn
bey den Pferden jaͤhrlich verurſachet wird/ wol mehr
als gnug ſeyn kan/ die ſonſt ergoͤtzlich/ ruͤhmlich/ und
nuͤtzliche Erhaltung der Pferde einem gaͤntzlich zu
verleiten.

Und ob gleich die Spanier und andere mehr/ ſol-
chem Unheyl damit wehren wollen/ daß ſie fuͤr ſolche
wilde Stall-Knechte nur ſtarcke Jungen gebrauchen/
welche leichter in der Furcht und Gehorſam zuerhal-
ten/ ſo iſt doch auch bey denſelben auff andere Weiſe
nicht weniger Schadens und Beſchwehrungen/ we-
gen ihrer Hinlaͤſſigkeit/ Faulheit/ liederlichen buͤbi-
ſchen Boßheiten zu vermuthen.

Dahero in der Barbarie die beſten Pferde den
Weibs-Perſonen anvertrauet werden/ zu deren
Wartung ſie meiſtentheils die gefangene Selavin er-
wehlen/ worzu die Pferde eine ſonderliche Liebe tra-
gen/ und ſich deſto lieber ziehen laſſen ſollen/ welchen
ſich aber nicht jederzeit an allen Orten/ und in allerley
Geſchaͤfften nachthun laͤſſet.

Solche aber wird ſeine beſte
Richtigkeit und Nutzen haben/ wann
in einem wohlbeſtellten Reit-
Stall

Die Arbeit des Sommers um 4. Uhr/ im Winter
ein oder zwey Stunden ſpaͤter angetreten wird/ und
zwar in nachfolgender Ordnung.

Trincken.

Dann ob gleich Ariſtoteles der Meynung iſt/ daß
die Pferde vier Tag ohne Schaden ungetruncken blei-
ben koͤnnten/ ſo will doch die Erfahrung nicht damit
einſtimmen/ ſonderlich unſer Teutſche Pferde/ welche
vor Ungedult verfallen wollen/ wann ſie nur 2. oder 3.
Stund von einer Herberg zur andern ungetraͤncket
bleiben ſollen/ welches aber mehr ihrer boͤſen Erzie-
hung/ als ihrer Natur zuzumeſſen iſt/ die ſolche ſchaͤd-
liche Gewohnheit in eine andere Natur veraͤndert/ in
dem dieſelbe in Teutſchland von Jugend auf/ ſo oft uñ
uͤbermaͤſſig ohne Unterſchied der Zeit getraͤncket wor-
den/ ja wo ſie Waſſer wiſſen oder ſehen/ von dem
Trincken faſt mit keiner Gewalt abzuhalten ſeyn. Daß
aber ſolches viel anders ſeyn koͤnnte und ſolte/ erweiſen
der Tuͤrcken und anderer ihrer Nachbarn Pferde/ nicht
allein jederzeit an ihrem Ort/ ſondern auch bey uns/
wann ſie erſt in unſere Oerter kommen/ ehe ſie anderſt
gewoͤhnet werden. Denn ob gleich dieſelbe in den
hitzigen Laͤndern erzogen/ alſo von gantz hitziger Na-
Erſter Theil. Gtur/
[50]Neuer vollkommener
tur/ Gebluͤth/ Sinn/ Eigenſchafft und Bezeigung
ſeyn/ von Jugend auf hitziger durrer Weyde genoſ-
ſen und gewohnet/ werden ſie doch von den ihrigen ſo
wol zu Ertragung des Durſtes/ als des Hungers ge-
wohnet/ und in ſolcher eigenen Enthaltung alſo ver-
gewiſſet/ daß ſie in der groͤſten Hitze am wenigſten
nach dem Trincken dringen/ welches aller Vernunfft
nach ungleich leichter bey den Teutſchen Pferden zu
erhalten waͤre/ welche in kalten/ feuchten/ waͤſſerigen
Laͤndern erzogen/ von kaltſinnigen Eltern entſproſſen/
von Jugend auff kalte feuchte Weyde genoſſen/ kalt-
ſinnig vom Gemuͤth/ Sinnen und Gebluͤth/ auch in
der Action von gleicher Bezeigung ſeyn/ alſo wol acht
oder mehr Urſachen haben den Durſt zu erleiden/ als
die andern im Gegentheil Urſach haͤtten/ darinnen
unleidentlicher zu ſeyn.

Etliche zwar laſſen ihren Pferden das Trincken in
waͤhrendem Gebrauch und Hitze allein mit der Eon-
dition zu/ wann es die Gelegenheit giebet/ daß maͤn ſie
nach dem Trincken wieder forttreibet/ und nicht dar-
uͤber erkuͤhlen laͤſſet. Das moͤchte zwar nicht ſo ſchaͤd-
lich als das erſte ſeyn/ wer aber der Muͤglichkeit nach/
(dann den aͤuſſerſten Nothfaͤllen iſt kein Geſetz fuͤrge-
ſchrieben/ wie auch dieſelbe nicht gehalten werden:)
ſein Pferd ſo lang von allem Eſſen und Trincken ab-
haͤlt/ biß es ordentlich ausgekuͤhlet iſt/ wird auch jeder-
zeit zu Pferde ſeyn koͤnnen/ wann andere die ihrige be-
klagen oder verlaſſen muͤſſen. Alles uͤbrige iſt im
Krieg und auf den Reiſen zu beſtellen wie und ſo gut
man kan: gleichwol wird die groͤſte Sorge/ Muͤhe
und Fleiß den groͤſten Nutzen ſchaffen/ und den mei-
ſten Schaden verhuͤten.

Jns Waſſer reiten.

Etliche laſſen ihre Pferde gern offt ins Waſſer rei-
ten/ vermeinen/ daß es nicht allein zur Reinigkeit/ ſon-
dern auch zur Geſundbeit dienſtlich ſey; auſſer dem
aber/ daß nach der groſſen Arbeit und angeklebtem
Koth/ die Pferde mit ſo leichter Muͤhe nicht auf ein-
mahl abzuwaſchen/ als es in den flieſſenden auch ſte-
henden Waſſern geſchehen kan/ und den lahmen ſteif-
fen Fuͤſſen/ die rinnenden Waſſer/ die Muͤdigkeit und
Beſchwerung etwas ausziehet: Nichts deſto weni-
ger iſt der uͤbermaͤſſige Gebrauch des offtmahligen/ ja
taͤglichen Waſſerreitens/ in viel Wege mehr ſchaͤdlich
als nuͤtzlich: Denn wann die Pferde naſſe Fuͤſſe aus
dem Waſſer bringen/ und nicht wieder gantz rein und
trucken abgerieben werden/ (wozu die Knechte ſchwer-
lich zu bringen ſeyn/) ſo ſchlaͤget ſolche kalte Feuchtig-
keit einwerts/ und reitzet die innerliche deſto mehr/ daß
die Fluͤſſe deſto haͤuffiger ausbrechen/ und die Fuͤſſe je-
derzeit Anſtoß haben muͤſſen.

So iſt alles was offt genetzet wird/ ohne das weich
und leichtlich ſchadhafft/ die Huͤfe koͤnnen nicht als-
bald allerley Waſſer annehmen/ davon denn den
frembden Pferden dieſelbige gantz muͤrbe werden/ daß
ſie kein Eyſen tragen koͤnnen. Gar fetten Pferden
ſchadet es im Sommer am wenigſten/ den magern
aber jederzeit/ und zwar iſt es beyden im Winter am
ſchaͤdlichſten/ weil die Kaͤlte zuviel durchdringet.

Alſo iſt den Pferden das Waſſer/ ſo an den Bauch
reichet/ umb ſo viel ſchaͤdlicher/ als daſſelbe kalt iſt/
weil diejenigen bald das Grimmen davon bekom-
men/ ſo darzu geneiget ſeyn. Je mehr nun geſun-
de Schenckel in die Waſſer gebracht werden/ je ehe
werden ſie ſchwach und mangelhaft erſcheinen. Jſt al-
ſo den Pferden nichts beſſers/ als daß ſie mit truckenen
Fuͤſſen in den Stall gebracht/ auch nur trucken mit
lindem Stroh abgerieben werden/ welches ihnen in
allwege auch jederzeit geſchehen ſolle/ wann ſie mit
naſſen Schenckeln in den Stall gebracht werden
muͤſſen/ es ſey gleich daß man ſie in das Waſſer gerit-
ten oder ſonſt von naſſem Wetter oder Wegen nach
Hauß bringen muß.

Wo aber der Koth bey einem Brunnen oder an-
dern Waſſer (auſſer daß ſie ins Waſſer geritten wer-
den/) abgewaſchen werden kan/ waͤre es den Fuͤſſen
deſto beſſer/ welches denn viel Arbeit verurſachet/ dar-
an die faulen Kerl nicht wol zubringen ſeyn: wo aber
der Koth niemahls uber Nacht auff den Fuͤſſen/ viel
minder laͤnger ſtehen bleiben ſolle/ und daſſelbe ja
nicht anderſt abzubringen Gelegenheit vorhanden
waͤre/ ohne daß ſie in das Waſſer gebracht wuͤrden/
(ſo ſich allein auf die reiſende Pferde verſtehen laͤſſet/)
muͤſſen ſie in alleweg mit Stroh wieder rein abgerie-
ben werden/ daß keine Naͤſſe oder Feuchtigkeit von
ſich ſelber eintrucknen kan.

Jſt alſo das oftmahlige Netzen die meiſte Urſach
der fluͤſſigen Fuͤſſe/ und hergegen die groͤſte Geſund-
heit/ wann ſie ſo viel muͤglich/ rein und trucken gehal-
ten werden: den geſunden Fuͤſſen ziehen friſche und
flieſſende Waſſer/ eben ſo viel gute Krafft aus/ als ſie
ſteiffen Fuͤſſen boͤſes auszuziehen finden.

Die Pferd ſollen aufgezaͤu-
met ſtehen.

Daß ein Pferd nicht allein nach dem es geritten
worden/ 1. oder 2. Stunde auffgezaͤumet/ im Stand
umbgekehret aufgehefftet ſtehe/ iſt nicht allein denſel-
ben/ ſondern auch denen nuͤtzlich/ welche gar nicht aus
dem Stall kommen/ denn ſolche taͤgliche Gewohn-
heit kan vielerley gutes wuͤrcken/ als bey der Abrich-
tung zufinden.

Stall-Reinigung.

Der Stall ſoll taͤglich wo nicht zweymahl oder
mehr/ doch einmahl deſto reiner durch und durch gefe-
get werden/ daß der Geſtanck und ſchaͤdlicher Dampf
nicht uͤberhand nehme/ auch ſoll man eben zu ſelbiger
Zeit/ Thuͤr und Fenſter eroͤffnen/ daß der durchſtrei-
chende Lufft alle boͤſe Duͤnſte ausfuͤhre/ und friſche ge-
ſunde Lufft einlaſſe/ und daſſelbe in guten Wetter und
bey geſunden Winden mehr/ als bey ſchlechtem und
rauhen Ungewitter/ und ſtarcken durchdringenden
feuchten oder gar zu duͤrren Sturmwinden deſto min-
der: nach deren Veraͤnderung ſollen ſie auch lang
oder kurtz offen behalten werden.

Auffſicht/ Wacht.

Nachdem alle dieſe taͤgliche Arbeit geendet/ und
nachgeſehen worden/ ob alle Pferde recht angeleget
und ſonſt verwahret ſeyn/ daß ſie ſich nicht loß ma-
chen
[51]Pferde-Schatz.
chen und untereinander beſchaͤdigen koͤnnen/ ob ſie al-
le ihr gebuͤhrliches Futter bekommen/ daſſelbe mit Luſt
eſſen/ keines traurig oder kranck/ ob ein Liecht an einem
wol verwahrten Ort/ (da es keinen Schaden bringen
kan/) bey der Hand/ deſſen man ſich in Nothfaͤllen/ in
der Eylverſichern koͤnne/ welches demjenigen billich
zu vertrauen/ ſo die Nachtwacht verſehen muß/ (wo-
rinnen von 2. Stunden zu 2. Stunden laͤnger oder
kuͤrtzer/ einer den andern abloͤſen ſolle/) wañ die Pfer-
de etwa unruhig waͤren/ in die Krippen ſtiegen/ loß
wuͤrden/ oder ſonſten was unrechtes fuͤrfiele/ derſelbe
gleich bey der Stelle und in der Bereitſchafft ſtehe/
ſolches je ehe je beſſer abzuſtellen/ und da er demſelben
nicht gewachſen/ umb Huͤlffe ruͤffe/ denn es kan ein
einiges lautes Wort/ im Anfang mehr bey den Pfer-
den ausrichten/ und von boͤſem Beginnen abſchroͤ-
cken/ als hernach ihrer viel nicht mehr erſetzen koͤnnen/
wann das Ungluͤck geſchehen iſt/ das offt in einem Au-
genblick vorgehen kan: So ſoll auch zu gleicher
Weiſe bey dem Tag/ der Stall niemahls gar allein
gelaſſen werden/ ſondern zum wenigſten einer oder
zween zur Stelle bleiben: jemehr auch das Geſinde
zu Hauß iſt/ und nicht in alle Winckel lauffet/ und
ſonderlich bey der Nacht/ je beſſer wird der Stall ver-
ſorget ſeyn.

Zeug ſoll rein gehalten werden.

Der Zeug/ ſo bey den Pferden taͤglich gebrauchet
wird/ ſoll auch eben ſo offt gereinigt und geſaubert er-
halten/ und wo etwas mangelhafft wird/ zeitlich aus-
gebeſſert werden/ womit ein merckliches erſparet iſt/
und einen Wolſtand giebet.

Etliche wollen in den Staͤllen kein lautes Reden/
Schreyen oder Singen gedulden/ damit die Pferde
der Stimme nicht zu ſehr gewohnen/ wann ſie in der
Abrichtung/ wie in andern Faͤllen/ zu der Huͤlffe oder
Straffe gebrauchet werden ſollen/ ſie dieſelbe nicht in
acht oder annehmen/ ſondern wol verachten/ weil ih-
nen des Schreyens und Getuͤmmels allzu viel bekannt
worden.

Welches hergegen andere gern haben/ damit ſich
die Pferde/ vor dem Geſchrey und Rumor der Leute/
in gewiſſen Faͤllen/ nicht entſetzen oder befrembden
und ſcheu machen laſſen.

Bey der Meynungen ſeyn nicht ohne wichtige Be-
dencken in acht zunehmen/ welcher aber das Mittel er-
wehlet/ wird in beyden Faͤllen verſichert ſeyn.

Ende der Stall-Arbeit.

Damit werden alle Bediente in GOttes Nahmen
und Wegen zu rechter Zeit zur Ruhe gehen/ und ihre
taͤgliche Sorg und Arbeit wol beſchloſſen haben.

Haarſtutzen.

Jederzeit im Abnehmen des Monds/ ſollen die
Knechte nach den Haaren ſehen/ ſo im Schweiff wie
die Schweinborſten auswachſen/ welche die Pferde
nicht eſſen laſſen/ ſehr beſchweren und verdrießlich ma-
chen: Die ſoll man/ ſo offt ſie verhanden/ ſambt der
Wurtzel außziehen.

Gleicher Geſtalt und zu ſelbiger Zeit/ die Stachel-
Haar/ ſo den Pferden umb die Augen wachſen/ wie
auch den Schleim in den Naßloͤchern und Augen-
winckeln fleiſſig heraus wiſchen.

So ſoll man auch die Stuel-Geſchwulſt/ Froͤſche/
Wolffs-Zaͤhn/ Hunger-Zitzen auch die Doͤrrwartzen
und andern Unrath/ ſo ſich im Maul und auf der Zun-
gen erzeigen/ zu gleicher Zeit abſchneiden/ und die
Ohren von Haaren und anderer Unreinigkeit aus-
putzen.

Schiffer-Zaͤhn.

Der alten Pferde ſpitzige Schiffer-Zaͤhn abſtoſſen
laſſen.

Schopff.

Jm wachſen des Monds/ ſoll man Moͤhn/
Schopff und Schweiff mit einer Scheer feni gleich
abſchneiden/ daß die Spitzen nicht fuͤreinander wach-
ſen/ ſondern ſchoͤn gleich ſtehen.

Moͤhn.

Etliche laſſen dieſelbe flechten/ daß ſie fein krauß
werden ſollen/ welches bey gar dicken Moͤhnen/ welche
kurtz widerborſtig/ und ſtarcken Haaren mehr eine
Verdeckung ſolches Mangels/ als bey ſchoͤnen Haa-
ren eine Zierde iſt.

Schweiff.

Gleichwie auch die Auffbindung deß Schweiffes/
(wann ſie nicht im boͤſen Wetter zu ſeiner Reinhal-
tung und des Reuters Kleider Verſchonung gemei-
net iſt/ das Pferd mehr unehret als zieret/ und im
Sommer ſeiner defenſion wider die Fliegen berau-
bet.

Schwemmen.

Das Schwemmen/ in tieffen Waſſern/ kan einen
Sommer/ uͤber etliche mahl/ aber gar zu offt nicht gut
ſeyn/ weil ſolcher Ubrrfluß das Pferd ſehr ſchwaͤchen
wuͤrde/ daß es aber zu Zeiten durchauß deſto beſſer ge-
reiniget/ und bey der Wiſſenſchafft/ wie es im Noth-
fall ſchwimmen ſolle/ er halten werde/ kan nie anderſt
als fuͤr gut gehalten werden.

Wo aber ein Pferd den Sommer uͤber alle Mo-
nat 1. oder 2. mahl mit laulichter Laugen und Seiffen
uͤber den gantzen Leib gewaſchen wuͤrde/ ſolte es ihm
niemahls ſchaͤdlich ſeyn.

Spannung der Fuͤſſe.

Die ihre Pferde im Stall mit 1. 2. 3. oder allen 4.
Fuͤſſen ſpannen/ daß ſie deſto ruhiger ſtehen ſollen/ ver-
urſachen damit viel Verletzung der Fuͤſſe/ und daß die
Pferde gewohnen alſo zu gehen/ als ob ſie geſpannet
waͤren.

Leder/ Faͤden/ Leimen und was den Pferden zuge-
nieſſen ſchaͤdlich/ Tauben/ Huͤner/ Gaͤnſe/ Schweine/
ſollen weit von den Staͤllen abgeſondert bleiben/ und
die Pferde dafuͤr bewahret werden.

Huffwartung.

Es wollen ihrer viel den Huff mit Huff-Salben
verbeſſern und gut erhalten/ worauff ſie viel Muͤhe
und Unkoſten wenden/ die ſie mit vielerley theurem
Fett und Materien zuſammen ſetzen/ auch taͤglich
gebrauchen/ welches bey gantz verdorbenen und
ausgedoͤrreten Huͤfen anfangs eine gute Wuͤr-
ckung haben kan/ wie aber in allen Dingen aller
G 2Uber-
[52]Neuer vollkommener
Uberfluß ſchaͤdlich/ ſo werden die Huͤffe durch unmaͤſ-
ſigen immerwaͤhrenden Gebrauch der Huff-Salben
mehr verderbet als gebeſſert: denn ſie durchgehen den
Huff und erweichen denſelben dergeſtalt/ daß derſelbe
keinen harten Boden im Gebrauch vertragen kan/
daß ſie alſo dardurch endlich hinckend oder krumm
gehen muͤſſen.

So iſt auch ſolche uͤbermaͤſſige Erweichung/ zwar
ein Anfang zu einem guten Huffwachs/ wo derſelbe
ermangelt; Aber hernach auch die rechte erſte Haupt-
Urſach/ daß er zuviel waͤchſet/ zu geyl und ein voller
Huff wird. So iſt auch das Geſchmier uber den
gantzen Huff her/ ohne Nutzen/ weil ſich das rechte
Gewaͤchs allein aus der Kron oder Preiß erheben und
fortſchieſſen muß. Dahero auch in ſolchem Mangel
deß zu wenig wachſenden Huffs/ mehr als denſelben
Ort zuſchmieren unnoͤthig und gantz vergebens:
Hergegen aber wegen erſt-entwehnter Durchwei-
chung umb ſo viel mehr ſchaͤdlich/ ohne daß fuͤr die gu-
ten Fette ſchade iſt/ die anderwerts beſſer angeleget
werden koͤnten.

Jſt demnach aller Gebrauch der Horn-Salben
allein auff den Fall noͤthig und nuͤtzlich/ wann das
Pferd gar vom Huff kommen/ und derſelbe zu lang-
ſam oder gar nicht wachſen will/ oder da derſelbe zu
duͤrr und eingezogen waͤre/ daß er einer mercklichen
Erweichung nicht entbehren kan/ und zwar auch nicht
laͤnger/ als biß die Salben in einem oder dem andern
Mangel ihre Wuͤrckung gethan/ zu welcher Zeit man
ſo bald damit zuruͤck halten/ und den Huff bey mittel-
maͤſſiger Staͤrcke erhalten ſolle.

Welche dieſes erkennen oder die Unkoſten gern er-
ſparen/ ſuchen daſſelbe durch taͤgliches Einſchlagen/
mit friſchen Kuͤhe-Miſt/ welches in etlichen Faͤllen
noch ſchaͤdlicher/ nemlich umb ſo viel die weichen des
Huffs von oben weniger/ als von unten ſchaden kan.

Denn von dieſem ſtetigen einſchlagen waͤchſet nicht
allein der untere Huff/ ſondern vorderſt der Kern all-
zuviel/ und ſo ſehr/ daß er zwiſchen beyden Stellen
und in dem Eiſen keinen Platz hat/ ſondern beyder-
ſeits anſtoſſet. Und weil ihm das Eiſen nicht aus-
weichenkan/ ſo wachſen beyderſeits zween Winckel
oder Wunden/ in dem weichen Kern/ welche weder
ohne immerwaͤhrenden Schmertzen noch verurſach-
ten Hincken nicht wol ſeyn koͤnnen. So viel ſich
nun der erweichete groſſe Kern nicht weiter ausbrei-
ten kan/ weil er von dem Eiſen beyderſeits mit Gewalt
inngehalten wird/ ſo muß er nothwendig ſich erheben/
und dadurch erreichet er den Boden/ oder zum we-
nigſten die ſpitzigen Stein/ welche ihn mit ihrer
Schaͤrffe im Gehen und harten Niedertreten noth-
wendig verletzen muͤſſen; Davon das Pferd aber-
mahl wie auff ſpitzigen Nadeln gehen/ oder gar hin-
cken muß. Je mehr und laͤnger nun ſolchem uͤber-
maͤſſigen Wachſen des Kerns zugeſehen wird/ je
mehr nahet er ſich zu dem rechten vollen Huff/ welches
wol fuͤr dz 1. Mittel ſolches Mangels anzunehmen iſt.

So bald nun ein verſtaͤndiger Schmidt ſolchem
Mangel durch ein hol gerichtes Eiſen zuhelffen ver-
meinet/ iſt der Vollhuff complet/ und hat der Kern
Raum gefunden/ die Hoͤle des Eiſens gar zuerfuͤllen/
indem die Schwere des Pferdes/ und die ſcharffen
Schneiden an des Pferdes Eyſen/ die auſſere
Wand an dem Huff abſtechen/ daß ſie keine Staͤrcke
behalten/ das Pferd zu ertragen/ ſondern wird von
auſſen herumb umb ſo viel duͤnner und ſchwuͤcher/ als
in der Mitte dicker und ſtaͤrcker/ alſo endlich gleichſam
eine runde Kugel giebt ſo kan das Pferd gar leicht zu
allem Gebrauch untuͤchtig gemacht werden.

Alſo ſeyn viel der Meinung/ daß ſie auf den Reiſen
dem Pferde eine treffliche Linderung machen/ wann
ſie ihm alle Nacht wol einſchlagen laſſen/ ſonderlich/
wo ſie auff harter Erden/ Froſt oder Eiß gehen muͤſ-
ſen/ wodurch ſie dem Verpoͤllen vorkommen/ ſolches
damit auffloͤſen und verbeſſern wollen/ welches aber
eben ſo weit gefehlet iſt: denn ob es wol etwas lin-
dert/ ſo thut es doch der Sachen zu viel/ und erweichet
den Huff ſo ſehr/ daß ſie alle ſpitzige ſcharffe Steine
oder Sand in den Huff treten/ davon ſie nothwendig
hinckend und krumm werden/ und endlich gar ſtehen
bleiben muͤſſen/ wo der Sachen nicht bald Rath ge-
ſchaffet wird.

Jſt alſo das Einſchlagen allein in ſolchen Extremi-
taͤten nuͤtzlich/ wann der Huff auff der Reiſe im Froſt
oder harter Erden allzuſehr erhitzet und erhartet iſt/
nur 1. oder 2. Nacht lang/ biß er etwas Linderung be-
kommen und nachgelaſſen/ zu Hauß aber/ wann ſich
die Ferſen allzuviel zuſammen ziehen/ oder ein Zwang-
Huff werden will/ oder ſchon waͤre/ als eine Neben-
Huͤlffe/ denen andern hierzu gehoͤrigen Mitteln zuzu-
ordnen/ oder auff den Fall der Kern gar ſchwinden
wolte/ oder allbereit geſchwunden waͤre.

Einſchlagen.

Letzlich aber iſt das Einſchlagen gantz unvermey-
dentlich gut und nothwendig/ ſo offt man das Pferd
will beſchlagen laſſen/ zwo Nacht oder Tage/ vor/ und
1. nach dem Beſchlagen: Denn wo die Huͤfe/ ſo duͤrr
und hart ſeyn/ daß der Schmidt mit ſcharffen Eiſen
nicht nach der Erfoderung darein ſchneiden kan/ ſo
wird das Pferd uͤbel beſchlagen werden/ der alte Huff
ſtehen bleiben/ und endlich auch ein voller Huff dar-
aus werden muͤſſen. Dann ob gleich die Schmiede
wider die harte Huͤffe eine ſonderliche Kunſt zuge-
brauchen wiſſen/ daß ſie den Huff mit heiſſen Eiſen
uͤberfahren/ iſt es doch faſt ſchaͤdlicher/ als ob ſie ihn
gar nicht ausgeſchnitten: Denn alſo wird der Huff
erhitzet/ und ſo muͤrb gemacht/ daß er gar zerfaͤllet/ und
keinen Nagel halten will: welches alles durch das
Einſchlagen/ in einer oder meiſt zweyen Naͤchten kan
verhuͤtet werden.

Und eben aus ſolcher geſchwinder ſtarcker Wuͤr-
ckung iſt alles vorgehende augenſcheinlich zuerweiſen:
Dann ſo in ſo kurtzer Zeit/ ein gantz erharter Huff
durch das Einſchlagen ſo tieff und weit erweichet
wird/ daß man ohne Muͤhe/ biß auff das Leben ſchnei-
den kan; Wie ſoll dann nicht das taͤgliche Einſchla-
gen den Huff biß in das Leben durchweichen muͤſſen/
welches immer nachtritt/ und endlich gar in das euſ-
ſerſte hernach ſteiget/ daß man nicht eines Pergament
oder Meſſer-Ruͤcken tieff hinein ſchneiden kan/ daß
man das Leben nicht auslaſſen oder oͤffnen muͤſte/ wie
bey allen vollhuͤffigen Pferden zuſehen/ welchen gar
nicht einzuſchlagen iſt.

Weil dann im Gegentheil nicht minder ſchaͤd-
lich/ wann der Huff gar zu duͤrr iſt/ davon er noth-
wendig auffberſten muͤſte/ welche Loͤcher manchesmal
zu rechten Horn-Kluͤfften reiſſen die biß in den Preiß
oder Korn reichen/ und das beſte Pferd eben ſo un-
tuͤchtig machen/ als ob es gar keinen Fuß haͤtte/ weil
ſolche gantz durchgehende Horn-Kluͤffte ſehr mißlich
mit rechtem Beſtand zuſammen zuziehen und feſt zu
ſchlieſſen ſeyn/ daß ſie in allem Gebrauch/ ſonderlich
in dem kraͤfftigen Niederſetzen der Schenckel/ und im
Winter alſo bleiben/ oder nicht von neuem aufſprin-
gen ſolten: So iſt kein anders und beſſers Mittel/
den Huff bey rechter Staͤrcke zu erhalten/ als daß er
weder zu hart noch zu weich/ ſondern jederzeit einmahl
wie das andere recht zaͤh ſey und bleibe daß er die Naͤ-
gel und Eiſen wol halten und lang tragen kan/ nicht
zu viel oder zu wenig wachſe/ nicht zerſpringe/ auch
nicht gar zu weich werde/ welches allein mit ungeſal-
tzenem Schweinen-Speck zu erlangen iſt/ wann daſ-
ſelbe woͤchentlich uͤber den gantzen Huff angeſchmie-
ret wird/ und ſich derſelbe wol in den Huff zieht oder
eintrucknen laͤſt.

Beſchlagens-Zeit.

Welche ihre Pferde alle Monat beſchlagen laſſen/
wollen ſie damit in der Ordnung behalten/ daß ſie
nicht heute dieſes/ morgen ein anders Eyſen verlieh-
ren/ das man ſonder alles Ausſchneiden/ ſo dann in
der Eyl/ bald an dieſem bald an einem andern Ort
von unterſchiedlichen Schmieden wieder muͤſſe auf-
ſchlagen laſſen/ aus welcher Unordnung und oft unbe-
qvemen Zeit viel Boͤſes entſtehen kan/ daß die Pferde
ungleiche Fuͤſſe/ ſo wol in der Groͤſſe/ als an der Ge-
ſtalt und Form bekommen/ welcher Fehler in langer
Zeit nicht wieder zu recht zu bringen iſt/ daruͤber auch
die Pferde offt verſchnitten/ vernagelt/ auch wol
ſcheuch uͤnd wild gemacht werden/ daß ſie ſich ſehr un-
gern beſchlagen laſſen/ ohne daß die unverſtaͤndigen
Schmiede die Wand unter der Ferſen nunmehr
durchgehend/ biß an dieſelbe rein hinweg ſchneiden/
daß ein Pferd auf der bloſſen Ferſen gehen/ und gleich-
ſam wie ein Bock vorgreiffen/ die Erde mit dem Stol-
len ehe als mit der Spitz des Hufs oder mit den Zeen
faſſen muß/ welches wider alle gute Bezeigung und
Sicherheit in allem Gebrauch und Ubung laͤufft/
weil es dem Pferd alle Verſicherung der gewiſſen
Tritt auf der Erden/ den Luſt und Vorthel zum erhe-
ben und fortkommen benimmt: uͤber dieſes auch von
der ſcharffen Erden und ſpitzigen Steinen/ an der
Ferſen/ jederzeit verletzet wird/ welches doch von der
Wand an dem Huff ſoll verhuͤtet und beſchuͤtzet wer-
den/ und an dem gantzen Huff kein ſo noͤthiges Stuͤck
als dieſes zu erhalten noͤthig iſt.

Wie denn ein Ordinari-Schmidt/ der diß recht
verſtehet/ allem vorzukommen weiß/ ſonderlich wo er
nicht allein die Zeit des Vollmonds und Abnehmens/
ſondern die himmliſchen Zeichen fleiſſig in acht nim-
met/ daß er alle diejenigen Pferde in dem wachſen des
Monds beſchlaͤgt/ welche kleine Huͤfe und Kern ha-
ben/ welche ſich einziehen und zwanghuͤffig werden
wollen: Hergegen im Abnehmen des Monds/ wel-
che Steingallen haben/ oder darzu incliniret/ die voll-
huͤffigen und plathuͤffigen/ welchen der Kern und der
Huff zu ſehr waͤchſet: Oder aber wo es ſeyn kan in
der Waag oder Krebs-Zeichen/ wiewol daſſelbe mehr
eine Curioſitaͤt als hohe Nothwendigkeit ſeyn kan/
auf welche allzuſtreng zuhalten nicht noͤthig iſt.

Noth-Staͤll.

Sonderlich iſt nichts verdrießlichers und ſchaͤdli-
chers/ als wo man/ wegen der Pferde oder faulen un-
wiſſenden Schmiede/ in Noth-Staͤllen beſchlagen
muß: dann hierdurch werden die beſte Pferde zum
Krieg und weiten Reiſen gantz untuͤchtig gemachet/
weil man nicht uͤberall einen Noth-Stall und ſo viel
Zeug bey der Hand haben und mitfuͤhren/ oder auſſer
ſolcher Sachen ein Pferd/ ſo einmahl daran gewoͤhnet
worden/ nicht wol beſchlagen kan/ daruͤber mancher
umb Freyheit/ Leben/ Vermoͤgen und Ehre gar lie-
derlich kommen kan/ uͤber das die Pferde damit je
laͤnger je wilder und endlich gar verderbet werden.

Jſt demnach kein Pferd von Anfang darzu zuzwin-
gen/ ſondern alles zu verſuchen/ biß man es mit Vor-
theil und guͤtigem Verfahren dahin bringet/ daß es
ſich aus freyer Hand und an einem freyen Ort/ jeder-
zeit ohne viel Rumoren oder gewaltſame Handanle-
gung gern beſchlagen laſſe/ welches auch nicht wenig
Pferde/ viel lieber/ als im Nothſtall zulaſſen/ wann es
nur mit Beſcheidenheit mit ihnen verſuchet wird.

Ja viel derſelben wollen gar nicht angebunden ſeyn/
ſondern gantz ledig ſtehen/ wie man im freyen Felde
beſchlagen muß/ dabey man ſie auch billich erhalten
ſolle/ was Muͤhe und Zeit daruͤber auch angewendet
werden muß. Wo es denn anderſt nicht ſeyn will/
als ſolche an einem Ort feſt zu machen/ ſo ſoll es doch
ſo gemaͤchlich/ fuͤrſichtig und vortheilhafft vorgenom-
men werden/ und mit ſolchem unſchaͤdlichen und un-
gefaͤhrlichen Zeug/ daß ſich keines Schadens dabey zu
beſorgen/ dabey die Knechte im Auff halten ihr Ver-
moͤgen nicht ſchonen muͤſſen/ daß ſie das Pferd un-
verzagt und doch mit guter Vorſichtigkeit angreif-
fen/ uñ an denen Orten recht faſſen/ wo es ſeine Staͤr-
cke im Widerſtand nicht gebrauchen kan; davon etli-
che Vortheil bereit bekandt/ die andern an ſeinem ge-
hoͤrigen Ort/ ſo viel ſich auſſer deß augenſcheinlichen
Handgriffs beſchreiben laͤſſet/ zufinden.

Außſchneiden.

Es iſt ein allgemeiner Mißbrauch/ bey den meiſten
Schmieden eingeriſſen/ daß ſie umb den Kern nicht in
die Tieffe/ ſondern nur in die Weite herumb ſchnei-
den wollen/ ja den Huff biß an den aͤuſſerſten Ranfft
und Umkreiß ausholen/ alſo daß ſie auch die aͤuſſerſte
Wand nicht eines Fingers oder noch weniger Staͤr-
cke laſſen/ worauff des Pferdes Fuß plat oder gleich
auffligen ſoll oder kan/ wollen alſo keine hohe Huͤffe/
wie ſie ſeyn ſollen/ ſondern mit Gewalt lauter breite
Gaͤnß-Fuͤſſe zuͤgeln und haben/ welche nicht allein
ungeſtalt und ein ſchoͤnes Pferd verſtellen/ ſondern
ſehr ſchaͤdlich/ ja die ungewachſene mit Fleiß gemachte
Voll-und Plat-Huͤffe ſeyn oder werden muͤſſen. Da
doch die auſſere Wand und Staͤrcke/ ſo umb die Hoͤ-
le oder Kern von einer Ferſen zu der andern ringſt her-
umb gehet/ nimmer zu bereit oder ſtarck ſeyn kan/ da-
G 3mit
[54]Neuer vollkommener
mit das Pferd darauff nicht allein deſto ſaͤnffter gehe/
ſondern auch der Huff genugſame Staͤrcke habe/ deß
Pferdes gantze Laſt zuertragen/ und das offtmahlige
ſtarcke Niederſetzen auszuhalten/ ohne daß ein Stuͤck
nach dem andern herabgeſtoſſen uñ abgebꝛochen wer-
den muͤſſe/ biß endlich der innere Stumpff allein uͤber-
bleibe; ſo iſt die Hoͤle umb den Kern weit genug/ wañ
ſie nur eines Daumes breit offen ſtehet/ weil weitere
Oeffnung zu keinem Ding nutzen kan. Uber das
auch/ daß die Tieffe allein das Leben zuruͤck treiben und
halten/ welches auſſer dem je laͤnger je mehr heraus tre-
ten muß. Jſt alſo voll-und platt-huffigen Huffen
niemahls/ den geſunden nur vor und nach dem Be-
ſchlagen/ oder doch auſſer demſelben gar ſelten/ den
ſchwindenden und zwanghuͤffigen/ wo nicht taͤglich/
doch offt einzuſchlagen nuͤtzlich.

Eyſen.

Gleichwie enge Eyſen den Huff zuſammen ziehen/
daß ein Zwang-Huf daraus werden und zuwachſen
will: Jtem den Kern von beyden Seiten bedraͤn-
gen/ angreiffen und verletzen: So geben die gar wei-
ten Eyſen dem Kern mehr Raum zu wachſen als gut
iſt/ laſſen auch die ſpitzige Steine zu ſehr zwiſchen bey-
de Stollen an die Ferſen kommen/ dadurch ſie verle-
tzet werden.

Ob nun wol dieſes die gar niedrige Stollen zu-
laſſen/ ſo muͤſſen aber auch ſolche nicht zu hoch ſeyn/
damit das Pferd die Eꝛde mit voͤlliger und nicht hal-
ber Staͤrcke faſſen koͤnne/ und nicht ein Fuß durch den
andern verletze: ſo machen hohe ſpitzige Stollen ne-
ben der Gefahr des Tretens/ allzeit unſichere Schen-
ckel/ auf welche ſich die Pferde in glatten Wegen
mehr/ als auf ihre eigene Staͤrcke verlaſſen/ und all
ihr Halten den Stollen auftragen wollen/ weßwegen
die Tuͤrcken gar keine Stollen brauchen wollen/ ihren
Pferden deſto ſicherere Fuͤſſe zumachen.

Das Eyſen ſoll durchaus von geſchlachten/ glat-
ten/ zaͤhen/ guten Eyſen/ daß es keine Kruͤmme/ auff-
ſtehende Spitzen oder Gruben habe/ welche den Huf
angreiffen/ oder den Sand zwiſchen Huf und Eyſen
einlaſſen/ welches beydes die Pferde ſehr brennet und
druͤcket/ auch nicht zuſchwer ſeyn/ damit es die Naͤgel
halten koͤnnen/ auch nicht zu ſchwach/ daß es nicht im
ſtarcken Gebrauch entzwey breche.

Naͤgel.

So ſollen die Naͤgel nicht zu plump und dick ſeyn/
daß ſie den Huf voller groſſer Loͤcher machen/ noch zu
ſchwach/ daß ſie das Eyſen fallen laſſen: Wozu das
beſte und zaͤheſte Eyſen noͤthig thut/ daß nicht ein Na-
gel hie der ander dort/ ſondern in einer Circkel-runden
Gleiche ſtehen/ alſo in rechter Staͤꝛcke angezogen ſeyn/
daß ſie das Eyſen nicht ſchlodern laſſen/ noch allzu feſt
auflige/ daß es das Pferd nicht erleyden kan.

Beſchlagens-Zeit.

Ob wol Monatliches Beſchlagen die Huͤf voller
Nagel-Loͤcher machet/ und langwieriges Auffligen
der Eyſen drucket und Steingalln verurſachet/ kan
doch weder eins noch das andere gut/ ſondern das
rechte Mittel von 6. 7. und 8. Wochen die rechte Zeit
ſeyn/ gute Huͤfe ordentlich zu beſchlagen/ und allezeit
1. oder 2. Tage hernach drauf muſſig ſtehen laſſen.

Und daſſelbe auſſer dem Nothfall/ 1. 2. oder 3. Tag
vor oder nach dem neuen oder Vollmond/ nachdem
der Hufe viel oder wenig wachſen erfodert/ wo kein
Mangel vorhanden iſt/ nach welchem man ſich/ wie in
allen Nothfaͤllen/ in allweg halten/ und alſo ſolchen
Falls dieſe Ordnung brechen muß.

Je mehr ſich nun der ausgewuͤrckte Huf/ in der
Form und Breite dem Eyſen vergleichet/ alſo daß der
Huf nicht vor das Eyſen/ und das Eyſen vor den
Huf gehet; Je beſſer wird das Pferd auf demſelben
gehen und verſichert ſeyn/ daß die euſſere Wand von
dem Eyſen nicht geſchwaͤchet oder abgeſtochen wird/
daß es nirgends hol noch unrecht auffliget/ ſonderlich/
wann der Huf fein gleich geſchnitten/ und das Eyſen
alſo gleich gerichtet iſt/ daß kein Sand noch kleine
Stein darzwiſchen eindringen oder zueigen kommen/
welche das Pferd brennen und drucken koͤnnen: und
iſt hierinnen allein zugelaſſen/ daß das Eyſen nechſt
am Stollen etwas breiter ſey/ als daſelbſt der Huf
ſeyn kan/ vornen aber gleicher Weite/ Breite und
Laͤnge.

Es ſoll aber das Eyſen auf beyden Seiten die groͤ-
ſte Breite haben/ und ſich vornen an den Spitzen et-
was verlieren/ wie daſſelbe die gute Geſtalt des Hu-
fes erfodert/ der beſſer laͤnglicht als rund ſeyn ſolle.

Man kan auch zu Zeiten wol die Eyſen abbrechen/
ob es gleich des Beſchlagens wol entrathen koͤnnte/
wann man ſich eines oder des andern Mangels von
Eyſen oder Naͤgeldrucken/ Steingallen und derglei-
chen beſorgete/ denn auf ſolchen Fall/ und wo derglei-
chen vorhanden waͤre/ muͤſte man die Eyſen ſo lang
mit 3. oder 4. Naͤgeln anhefften/ biß die Beſſerung er-
folgete/ wo aber deren keines zufinden/ wiederum
die alten Loͤcher treffen/ und das alte Eyſen aufſchla-
gen/ dann ſo lang ein Pferd der neuen Eyſen immer
entbaͤhren kan/ ſoll man es bey den alten laſſen/ auf
welchen ſie gewohnet viel ſaͤnffter zugehen/ denn die
neuen Eyſen jederzeit etwas Aenderung an den Fuͤſ-
ſen machen.

An etlichen Orten wird geſtattet und fuͤr gut ge-
halten/ daß die Pferde im Stall mit Spießruthen und
Peitſchen forchtſam und fluͤchtig gemachet werden/
daß ſie offt in die Hoͤhe/ auch in die Krippen ſpringen
muͤſſen/ vielmahls aber mit dem vordern Bug an die
Krippen ſtoſſen/ davon ſie ſchwinden und buglahm
werden/ welches nicht allein den Pferden an der Ge-
ſundheit/ ſondern in der Abrichtung ſehr ſchaͤdlich/
weil ſie dadurch alles Vertrauen verliehren/ ſchuͤchter
und ſcheuch werden/ ſich leichtlich aufflehnen und an-
dere Laſter lernen koͤnnen. Daher es beſſer/ daß ſie
im Stall ruhig/ fromm und ſtill/ hergegen in der U-
bung deſto freudiger und tummelhafter ſeyn.

Erkuͤhlung.

Nach der Ubung wird ein jedes Pferd wol ver ſor-
get ſeyn/ wann es 1. etwas ſittſam auf der Schul ſpa-
tziret/ 2. eine gantze oder halbe Stund an der Hand
umbgefuͤhret/ 3. der Schweiß mit einem hoͤltzern Meſ-
ſer rein abgezogen/ 4. mit erholten Othem in den
Stall gebracht/ 5. friſches Stroh unter den Sattel
ein-
[55]Pferde-Schatz.
eingeſchoben/ 6. eine gute Decke aufgeleget/ 7. um den
Kopff/ und Ohren/ Augen/ Naſen/ in den Naß-Loͤ-
chern/ Lefftzen/ Kinn/ zwiſchen den 4. Schenckeln/ 1.
mit einem Wiſchtuch/ 2. mit einem feuchten/ aber
nicht gar naſſen Schwamm gereiniget und abgewi-
ſchet/ wo ſich Schweiß und Staub erzeigen und an-
ſetzen; dann der gantze Leib wol gewiſchet und getruck-
net wird. Nach ſolchem ſoll man es allererſt mit
mittelmaͤſſigem friſchen/ doch nicht kalten Waſſer
waſchen/ wiewol der Bauch und das Geſchroͤdt nicht
genetzet werden ſollen/ (wie etliche bey den Teutſchen
Pferden nachthun/) andere aber bey den hitzigen Pfeꝛ-
den allein ſehr gut befinden. Es ſoll auch das Pferd
nicht ſo bald trincken/ ob es gleich aͤuſſerlich gantz er-
kuͤhlet iſt. Denn umb ſo viel hitziger wird das Ge-
bluͤt innerlich wallend ſeyn/ wann es mit Waſſer viel
begoſſen wuͤrde/ und das Pferd das Geſchroͤdt damit
eylends in den Leib ziehet/ davon es wol den Tod neh-
men koͤnte.