I/1 nārad' ajjhayaṇaṃ samattaṃ. /

soyavvam eva vadatī, soyavvam eva pavadati, jeṇa samayaṃ ||*1||

jīve savva-dukkhāṇa muccati. tamhā soyavvāto paraṃ -' atthi ||*2||

soyaṃ tī deva-nāradeṇa arahatā isiṇā buiyaṃ. ||*3||

pāṇātipātaṃ tivihaṃ tiviheṇaṃ -' eva kujjā -a kārave: paḍhamaṃ ||*4||

soyavva-lakkhaṇaṃ. musā-vādaṃ tivihaṃ tiviheṇaṃ ||*5||

-' eva būyā -a bhāsae: bitiyaṃ soyavva-lakkhaṇaṃ. adatt' ādāṇaṃ ||*6||

tivihaṃ tiviheṇaṃ -' eva kujjā -a kārave: tatiyaṃ soyavvalakkhaṇaṃ ||*7||

. abbambha-pariggahaṃ tivihaṃ tiviheṇaṃ -' eva kujjā ||*8||

-a kārave: cautthaṃ soyavva-lakkhaṇaṃ. ||*9||

savvaṃ ca savvahiṃ c' eva | savva-kālaṃ ca savvahā /

nimmamattaṃ vimuttiṃ ca | viratiṃ c' eva sevate ||1||

savvato virate dante | savvato parinivvuḍe /

savvato vippamukk' appā | savv' atthesu samaṃ care ||2||

savvaṃ soyavvam ādāya | aḍayaṃ uvahāṇavaṃ /

savva-dukkha-ppahīṇe u | siddhe bhavati -īrae ||3||

saccaṃ c' evovasevantī, dattaṃ c' evovasevantī, bambhaṃ c' evovasevantī ||*10||

. saccaṃ c' evovahāṇavaṃ, dattaṃ c' evovahāṇavaṃ, bambhaṃ ||*11||

c' evovahāṇavaṃ. ||*12||

evaṃ se buddhe virate vipāve dante davie alaṃ tāī -o puṇar-avi ||*13||

icc-atthaṃ havvam āgacchati tti bemi. ||*14||

|| paḍhamaṃ nārad' ajjhyaṇaṃ samattaṃ. ||1||

I/2 vajjiputt' ajjhayaṇaṃ. /

jassa bhītā palāyanti | jīvā kammāṇugāmiṇo /

tam ev' ādāya gacchanti | kiccā dinnaṃ va vāhiṇī ||1||

vajjiyaputteṇa arahatā isiṇā buitaṃ. ||*1||

dukkhā parivittasanti pāṇā | maraṇā jamma-bhayā ya savva-sattā /

tassovasamaṃ gavesamāṇe | appe ārambha-bhīrue -a satte ||2||

gacchati kammehi se 'ubaddhe, | puṇar-avi āyāti se sayaṃ-kaḍeṇaṃ /

jammaṇa-maraṇāi ae | puṇar-avi āyāti se sa-kamma-sitte ||3||

bīyā ankuraṇṇipphattī | ankurāto puṇo bīyaṃ /

bīe saṃvujjhamāṇammi | ankurass' eva saṃpadā ||4||

bīya-bhūtāṇi kammāṇi | saṃsārammi aṇādie /

moha-mohita-cittassa | tato kammāṇa saṃtatī ||5||

mūla-seke phal' uppattī, | mūla-ghāte hataṃ phalaṃ /

phal' atthī sincatī mūlaṃ, | phala-ghātī -a sincatī ||6||

moha-mūlam aṇivvāṇaṃ | saṃsāre savva-dehiṇaṃ /

moha-mūlāṇi dukkhāṇi | moha-mūlaṃ ca jammaṇaṃ ||7||

dukkha-mūlaṃ ca saṃsāre | aṇṇāṇeṇa samajjitaṃ /

migāri vva sar' uppattī | haṇe kammāṇi mūlato ||8||

evaṃ se buddhe ... -o puṇar-avi icc-atthaṃ havvam āgacchati tti bemi. ||*2||

|| ii biiyaṃ vajjiputt' ajjhayaṇaṃ. ||2||

I/3 davil' ajjhayaṇaṃ. /

bhavidavvaṃ khalu bho savva-levovarateṇaṃ. levovalittā khalu bho ||*1||

jīvā aṇeka-jamma-joṇī-bhay' āvattaṃ aṇādīyaṃ aṇavadaggaṃ dīha- ||*2||

m-addhaṃ cāturantaṃ saṃsāra-sāgaraṃ [ ... ] vītīkantā sivam ||*3||

atul' amalam avvābāham apuṇabbhavam apuṇar-āvattaṃ sāsataṃ ||*4||

ṭhāṇam abbhuvagatā ciṭhanti. se bhavati savva-kāma-virate ||*5||

savva-sangātīte savva-siṇeh' atikante savva-vīriya-parinivvuḍe savva-kohovarate ||*6||

savva-māṇovarate savva-māyo'varate savva-lobhovarate savva-vās' ādāṇovarate su-savva-saṃvuḍe

||*7||

su-savva-savvovarate su-savva-savvovasante su-savva-parivuḍe, no katthaī sajjati ||*8||

jati ya, tamhā savva-levovarae bhavissāmi tti kau ||*9||

asieṇa davileṇaṃ arahatā isiṇā buitaṃ. ||*10||

suhume va bāyare vā | pāṇe jo tu vihiṃsai /

rāga-dosābhibhūt' appā | lippate pāva-kammuṇā ||1||

pariggahaṃ giṇhate jo u | appaṃ vā jati vā bahuṃ /

gehī-mucchāya doseṇaṃ | lippae pāva-kammuṇā ||2||

kohaṃ jo u udīrei | appaṇo vā parassa vā /

taṃ-nimittāṇubandheṇaṃ | lippate pāva-kammuṇā ||3||

evaṃ jāva micchādaṃsaṇa-salle. ||*11||

pāṇātivāto levo, | levo aliya-vayaṇaṃ adattaṃ ca /

mehuṇa-gamaṇaṃ levo, | levo pariggahaṃ ca ||4||

koho bahuviho levo, | levo māṇo ya bahuvidha-vidhīo /

māyā ya bahuvidhā levo, | lobho vā bahuvidha-vidhīo ||5||

tamhā te taṃ vikiṃcittā | pāva-kamma-pavaḍḍhaṇaṃ /

uttam' aṭha-var' aggāhī | vīriyattāe parivvae ||6||

khīre dūsiṃ jadhā pappa | viṇāsam uvagacchati /

evaṃ rāgo va doso va | bambhacera-viṇāsaṇā ||7||

jadhā khīraṃ padhāṇaṃ tu | mucchaṇā' jāyate dadhiṃ /

evaṃ gehi-ppadoseṇaṃ | pāva-kammaṃ pavaḍḍhatī ||8||

raṇṇe dav' aggiṇā daḍḍhā | rohante vaṇa-pādavā /

koh' aggiṇā tu daḍḍhāṇaṃ | dukkhā dukkhāṇa -ivvutī ||9||

sakkā vaṇhī -ivāretuṃ | vāriṇā jalito bahiṃ /

savvodahi-jaleṇāvi | moh' aggī duṇṇivārao ||10||

jassa ete parinnātā | jātī-maraṇa-bandhaṇā /

se chinna-jāti-maraṇe | siddhiṃ gacchati -īrae ||11||

evaṃ se buddhe ... -o puṇar-avi icc-atthaṃ havvam āgacchati tti bemi. ||*12||

|| taīyaṃ davil' ajjhayaṇaṃ. ||3||

I/4 angarisi-nām' ajjhayaṇaṃ. /

āyāṇa-rakkhī purise, paraṃ kiṃci -a jāṇatī. ||*1||

asāhu-kammakārī khalu ayaṃ purise, puṇar-avi pāvehiṃ kammehiṃ ||*2||

codijjatī -iccaṃ samā pīti. angarisiṇā bhāraddāeṇaṃ ||*3||

arahatā isiṇā buitaṃ. ||*4||

-o saṃvasituṃ sakkā | sīlaṃ jāṇittu māṇavā /

paramaṃ khalu paḍicchannā | māyāe duṭha-māṇasā ||1||

-iya-dose -igūhante | ciraṃ pi -ovadaṃsae /

`kiha maṃ kovi -a jāṇe`, | jāṇe -' attaṇhiyaṃ sayaṃ ||2||

jeṇa jāṇāmi appāṇaṃ | āvī vā jati vā rahe /

ajjayāriṃ aṇajjaṃ vā | taṃ -āṇaṃ ayalaṃ dhuvaṃ ||3||

suyāṇi bhittie cittaṃ | kaṭhe vā suṇivesitaṃ /

maṇussa-hidayaṃ pu-' iṇaṃ | gahaṇaṃ duvviyāṇakaṃ ||4||

aṇṇahā sa maṇe hoi, | aṇṇaṃ kuṇanti kammuṇā /

aṇṇa-m-aṇṇāṇi bhāsante, | maṇussa-gahaṇe hu se ||5||

taṇa-khāṇu-kaṇḍaka-latā | ghaṇāṇi vallī-ghaṇāṇi gahaṇāṇi /

saḍhaṇṇiyaḍi-saṃkulāiṃ | maṇussa-hidayāiṃ gahaṇāṇi ||6||

bhunjitt' uccāvae bhoe | saṃkappe kaḍa-māṇase /

ādāṇa-rakkhī purise | paraṃ kiṃci -a jāṇati ||7||

aduvā parisā-majjhe | aduvā vi rahe kaḍaṃ /

tato -irikkha appāṇaṃ | pāva-kammā -irumbhati ||8||

duppaciṇṇaṃ sapehāe | aṇāyāraṃ ca appaṇo /

aṇuvaṭhito sadā dhamme | so pacchā paritappati ||9||

suppaiṇṇaṃ sapehāe | āyāraṃ vā vi appaṇo /

supatiṭhito sadā dhamme | so pacchā u -a tappati ||10||

puvvarattāvarattammi | saṃkappeṇa bahuṃ kaḍaṃ /

sukaḍaṃ dukkaḍaṃ vā vi | kattāram aṇugacchai ||11||

sukaḍaṃ dukkaḍaṃ vā vi | appaṇo yāvi jāṇati /

-a ya -aṃ aṇṇo vijāṇāti | sukkaḍaṃ -' eva dukkaḍaṃ ||12||

-araṃ kallāṇakāriṃ pi | pāvakāriṃ ti bāhirā /

pāvakāriṃ ti -aṃ būyā | sīlamanto tti bāhirā ||13||

coraṃ pi tā pasaṃsanti, | muṇī vi garihijjatī /

-a se ittāvatā core, | -a se ittāvatā muṇī ||14||

-' aṇṇassa vayaṇā 'core, | -' aṇṇassa vayaṇā 'muṇī /

appaṃ appā viyāṇāti | je vā uttamaṇṇāṇiṇo ||15||

jai me paro pasaṃsāti | asādhuṃ sādhu māṇiyā /

-a me sā tāyae bhāsā | appāṇaṃ asamāhitaṃ ||16||

jai me paro vigarahāti | sādhuṃ santaṃ -irangaṇaṃ /

-a me s' akkosae bhāsā | appāṇaṃ susamāhitaṃ ||17||

jam ulūkā pasaṃsanti | jaṃ vā -indanti vāyasā /

-indā vā sā pasaṃsā vā | vāyu jāle vva gacchatī ||18||

jaṃ ca bālā pasaṃsanti | jaṃ vā -indanti kovidā /

-indā vā sā pasaṃsā vā | pappā ti kurue jage ||19||

jo jattha vijjatī bhāvo | jo vā jattha -a vijjatī /

so sabhāveṇa savvo vi | lokammi tu pavattatī ||20||

visaṃ vā amataṃ vā vi | sabhāveṇa uvaṭhitaṃ /

canda-sūrā maṇī jotī | tamo aggī divā khitī ||21||

vadatu jaṇe jaṃ se icchiyaṃ, | kiṃ -u kalemi udiṇṇam appaṇo? /

bhāvita mama -' atthi elise | iti saṃkhāe -a saṃjalām' ahaṃ ||22||

akkhovanjaṇam ādāya | sīlavaṃ susamāhite /

appaṇā c' eva-m-appāṇaṃ | codito vahate rahaṃ ||23||

sīl' akkha-raham ārūḍho | -āṇa-daṃsaṇa-sārathī /

appaṇā c' eva appāṇaṃ | codittā subham ehatī ||24||

evaṃ se buddhe ... -o puṇar-avi icc-atthaṃ havvam āgacchati tti bemi. ||*5||

|| cautthaṃ angarisi-nām' ajjhayaṇaṃ. ||4||

I/5 pupphasāla-nām' ajjhayaṇaṃ. /

māṇā paccotarittāṇaṃ viṇae appā-' uvadaṃsae. ||*1||

pupphasālaputteṇa arahatā isiṇā buiyaṃ. ||*2||

puḍhaviṃ āgamma sirasā | thale kiccāṇa anjaliṃ /

pāṇa-bhojaṇa se ciccā | savvaṃ ca saya-' āsaṇaṃ ||1||

-amaṃsamāṇassa sadā | santī āgamma vaatī /

kodha-māṇa-ppahīṇassa | ātā jāṇai pajjave ||2||

-a pāṇe atipātejjā | aliyādiṇṇaṃ ca vajjae /

-a mehuṇaṃ ca sevejjā, | bhavejjā apariggahe ||3||

kodha-māṇa-pariṇṇassa | ātā jāṇati pajjave /

kuṇimaṃ ca -a sevejjā, | samādhim abhidaṃsae ||4||

evaṃ se buddhe ... -o puṇar-avi icc-atthaṃ havvam āgacchati tti bemi. ||*3||

|| pancamaṃ pupphasāla-nām' ajjhayaṇaṃ. ||5||

I/6 vakkalacīri-nām' ajjhayaṇaṃ. /

tam eva uvarate mātanga-saḍḍhe kāya-bhedāti āyatitam udāhare ||*1||

deva-dāṇavāṇumataṃ. teṇemaṃ khalu bho lokaṃ saṇarāmaraṃ ||*2||

vasīkatam eva maṇṇāmi, tam ahaṃ bemi. viyatta-vāgalacīriṇā ||*3||

arahatā isiṇā buitaṃ. ||*4||

-a -ārī-gaṇa-pasatte | appaṇo ya abandhave! /

purisā! jatto vi vaccaha | tatto vi judhire jaṇe ||1||

-irankuse va mātange | chiṇṇa-rassī hae vi vā /

-āṇa-ppaggaha-pabhaṭhe | vividhaṃ pavate -are ||2||

-āvā akaṇṇadhārā va | sāgare vāyuṇeritā /

cancalā dhāvate -āvā | sabhāvāo akovitā ||3||

mukkaṃ pupphaṃ va āgāse | -irādhāre tu se -are /

daḍha-sumbaṇṇibaddhe tu | vihare balavaṃ vihiṃ ||4||

sutta-metta-gatiṃ c' eva | gantukāme vi se jahā /

evaṃ laddhā vi sam-maggaṃ | sabhāvāo akovite ||5||

jaṃ tu paraṃ -avaehiṃ | ambare vā vihaṃgame /

daḍha-suttaṇṇibaddhe tti | ||6||

-āṇa-ppaggaha-saṃbandhe | dhitimaṃ paṇihit' indie /

sutta-metta-gatī c' eva | tadhā sādhū -irangaṇe ||7||

sacchanda-gati-payārā | jīvā saṃsāra-sāgare /

kamma-saṃtāṇa-saṃbaddhā | hiṇḍanti vivihaṃ bhavaṃ ||8||

itthī-'ugiddhe vasae | appaṇo ya abandhave /

jatto vi vajjatī purise | tatto vi judhire jaṇe /

mannatī mukkam appāṇaṃ, | paḍibaddhe palāyate ||9||

viyatte bhagavaṃ vakkalacīri ugga-tave tti. ||*5||

evaṃ siddhe buddhe ... -o puṇar-avi icc-atthaṃ havvam āgacchati tti bemi. ||*6||

|| chaṭham vakkalacīri-nām' ajjhayaṇaṃ. ||6||

I/7 kummāputta-nām' ajjhayaṇaṃ. /

savvaṃ dukkh' āvahaṃ dukkhaṃ, dukkhaṃ saūsuyattaṇaṃ. ||*1||

dukkhī va dukkara-cariyaṃ carittā savva-dukkhaṃ khaveti ||*2||

tavasā. tamhā adīṇa-māṇaso dukkhī savva-dukkhaṃ titikkhejjāsi ||*3||

tti kummāputteṇa arahatā isiṇā buiyaṃ. ||*4||

jaṇa-vādo -a tāejjā | acchittaṃ tava-saṃjame /

samādhiṃ ca virāheti | je riṭha-cariyaṃ care ||1||

ālasseṇāvi je kei | ussuattaṃ -a gacchati /

teṇāvi se suhī hoi, | kiṃ tu saddhī parakkame ||2||

ālassaṃ tu pariṇṇāe | jātī-maraṇa-bandhaṇaṃ /

uttim' aṭha-var' aggāhī | vīriyāto parivvae ||3||

kāmaṃ akāmakārī | attattāe parivvae /

sāvajjaṃ -iravajjeṇaṃ | pariṇṇāe parivvaejjāsi tti ||4||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*5||

|| sattamaṃ kummāputta-nām' ajjhayaṇaṃ. ||7||

I/8 ketali-nām' ajjhayaṇaṃ aṭhamaṃ. /

āraṃ duguṇeṇaṃ, pāraṃ eka-guṇeṇaṃ. ketaliputteṇa ||*1||

isiṇā buitaṃ. ||*2||

iya uttama-gantha-cheyae | raha-samiyā luppant' iv' acchatī /

samiyaṃ vocchinda pāvayaṃ | kosāra-kīḍe va jahāi bandhaṇaṃ ||1||

tamhā eyaṃ viyāṇiya gantha-jālaṃ dukkhaṃ duh' āvahaṃ ||*3||

chindiya ṭhāi saṃjame. se hu muṇī dukkhā vimuccai. ||*4||

evaṃ siddhe buddhe ... -o puṇar-avi icc-atthaṃ havvam āgacchati tti bemi. ||*5||

|| ketali-nām' ajjhayaṇaṃ aṭhamaṃ. ||8||

I/9 mahākāsav' ajjhayaṇaṃ. /

jāva jāva jammaṃ tāva tāva kammaṃ. kammuṇā khalu bho ||*1||

payā siyā, samiyaṃ uvanicijjai avacijjai ya. mahai-mahākāsaveṇa ||*2||

arahatā isiṇā buiyaṃ. ||*3||

kammuṇā khalu bho appahīṇeṇaṃ puṇar-avi āgacchai hattha- ||*4||

ccheyaṇāṇi pāya-ccheyaṇāṇi evaṃ kaṇṇa nakka uṭha jibbha, sīsa- ||*5||

daṇḍaṇāṇi, udiṇṇeṇa jīvo koaṇāṇi piaṇāṇi tajjaṇāṇi tālaṇāṇi, ||*6||

vahaṇāiṃ bandhaṇāiṃ parikilesaṇāiṃ, andu-bandhaṇāiṃ niyala- ||*7||

bandhaṇāṇi jāvajīva-bandhaṇāṇi niyala-juyala-saṃkoḍaṇa-moḍaṇāiṃ hiyay' ||*8||

uppāḍaṇāiṃ dasa-' uppāḍaṇāiṃ ullambaṇāiṃ olambaṇāiṃ ghaṃsaṇāiṃ ||*9||

gholaṇāiṃ pīlaṇāiṃ sīha-pucchaṇāiṃ kaḍaggi-dāhaṇāiṃ ||*10||

bhatta-pāṇa-nirohaṇāiṃ, dogaccāiṃ dobhattāiṃ domaṇassāiṃ ||*11||

bhāu-maraṇāiṃ bhaiṇi-maraṇāiṃ putta-maraṇāiṃ dhūya-maraṇāiṃ bhajja-maraṇāiṃ aṇṇāṇi ya

||*12||

sayaṇa-mitta-bandhu-vagga-maraṇāiṃ tesiṃ ca -aṃ dogaccāiṃ dobhattāiṃ domaṇassāiṃ ||*13||

appiya-saṃvāsāiṃ piya-vippaogāiṃ hīlaṇāiṃ khiṃsaṇāiṃ ||*14||

garahaṇāiṃ pavvahaṇāiṃ paribhavaṇāiṃ āgaḍḍhaṇāiṃ aṇṇayarāiṃ ||*15||

ca dukkha-domaṇassāiṃ paccaṇubhavamāṇe aṇāiyaṃ ||*16||

aṇavadaggaṃ dīha-m-addhaṃ cāuranta-saṃsāra-sāgaraṃ aṇupariyaati ||*17||

. kammuṇā pahīṇeṇaṃ khalu bho jīvo no āgacchihiti ||*18||

hattha-ccheyaṇāṇi tāiṃ c' eva bhāṇiyavvāiṃ jāva saṃsāra-kantāraṃ ||*19||

vīīvaittā sivam ayalam aruyam avakkhayam avvābāham ||*20||

apuṇar-āvattaṃ sāsayaṃ ṭhāṇam abbhuvagae ciṭhati. ||*21||

kamma-mūlam anivvāṇaṃ | saṃsāre savva-dehiṇaṃ /

kamma-mūlāiṃ dukkhāiṃ | kamma-mūlaṃ ca jammaṇaṃ ||1||

saṃsāra-saṃtaī-mūlaṃ | puṇṇaṃ pāvaṃ pure-kaḍaṃ /

puṇṇa-pāva-nirohāya | sammaṃ saṃparivvae ||2||

puṇṇa-pāvassa āyāṇe | paribhoge yāvi dehiṇaṃ /

saṃtaī-bhoga-pāoggaṃ | puṇṇaṃ pāvaṃ sayaṃ kaḍaṃ ||3||

saṃvaro nijjarā c' eva | puṇṇa-pāva-viṇāsaṇaṃ /

saṃvaram nijjaraṃ c' eva | savvahā sammam āyare ||4||

micchattaṃ aniyattī ya | pamāo yāvi -egahā /

kasāyā c' eva jogā ya | kamm' ādāṇassa kāraṇaṃ ||5||

jahā aṇḍe jahā bīe | tahā kammaṃ sarīriṇaṃ /

saṃtāṇe c' eva bhoge ya | nāṇā-vaṇṇattam acchai ||6||

nivvattī vīriyaṃ c' eva | saṃkappe ya aṇegahā /

nāṇā-vaṇṇa-viyakkassa | dāram eyaṃ hi kammuṇo ||7||

esa eva vivaṇṇ' āso | saṃvuḍo saṃvuḍo puṇo /

kamaso saṃvaro neo | desa-savva-vikappio ||8||

sopāyāṇā nirādāṇā | vipākeyara-saṃjuyā /

uvakkameṇa tavasā | nijjarā jāyae sayā ||9||

saṃtataṃ bandhae kammaṃ | nijjarei ya saṃtataṃ /

saṃsāra-goyaro jīvo, | viseso u tavo mao ||10||

ankurā khandhakhandhīyo | jahā bhavai vīruho /

kammaṃ tahā tu jīvāṇaṃ | sārā sārataraṃ ṭhitaṃ ||11||

uvakkamo ya ukkero | saṃchobho khavaṇaṃ tathā /

baddha-puṭha-nidhattāṇaṃ, | veyaṇā tu -ikāyite ||12||

ukkaḍḍhantaṃ jadhā toyaṃ | sārijjantaṃ jadhā jalaṃ /

saṃkhavijjā, -idāṇe vā | pāvaṃ kammaṃ udīratī ||13||

appā ṭhitī sarīrāṇaṃ | bahuṃ pāvaṃ ca dukkaḍaṃ /

puvvaṃ bajjhijjate pāvaṃ, | teṇa dukkhaṃ tavo mayaṃ ||14||

khijjante pāva-kammāṇi | jutta-jogassa dhīmato /

desa-kamma-kkhaya-bbhūtā | jāyante riddhiyo bahū ||15||

vijjosahiṇṇivāṇesu | vatthu-sikkhāgatīsu ya /

tava-saṃjama-payutte ya | vimadde hoti paccao ||16||

dukkhaṃ khaveti jutt' appā | pāvaṃ mīse vi bandhaṇe /

jadhā mīse vi gāhammi | visa-pupphāṇa chaḍḍaṇaṃ ||17||

sammattaṃ ca dayaṃ c' eva | sammam āsajja dullahaṃ /

-a ppamāejja medhāvī | mamma-gāhaṃ jahārio ||18||

-eha-vatti-kkhae dīvo | jahā cayati saṃtatiṃ /

āyāṇa-bandha-rohammi | taha 'ppā bhava-saṃtaiṃ ||19||

dos' ādāṇe -iruddhammi | sammaṃ satthāṇusāriṇā /

puvv' āutte ya vijjāe | khayaṃ vāhī -iyacchatī ||20||

majjaṃ dosā visaṃ vaṇhī | gah' āveso aṇaṃ arī /

dhaṇaṃ dhannaṃ ca jīvāṇaṃ | viṇṇeyaṃ dhuvam eva taṃ ||21||

kamm' āyāṇe 'varuddhammi | sammaṃ maggāṇusāriṇā /

puvv' āutte ya -ijjiṇṇe | khayaṃ dukkhaṃ niyacchatī ||22||

puriso raham ārūḍho | joggāe satta-saṃjuto /

vipakkhaṃ -ihaṇaṃ -ei, | sammad-diṭhī tahā aṇaṃ ||23||

vahni-māruya-saṃyogā | jahā hemaṃ visujjhatī /

sammatta-nāṇa-saṃjutte | tahā pāvaṃ visujjhatī ||24||

jahā ātava-saṃtattaṃ | vatthaṃ sujjhai vāriṇā /

sammatta-saṃjuto appā | tahā jhāṇeṇa sujjhatī ||25||

kancaṇassa jahā dhāū | jogeṇaṃ muccae malaṃ /

aṇāīe vi saṃtāṇe | tavāo kamma-saṃkaraṃ ||26||

vatth' ādiesu sujjhesu | saṃtāṇe gahaṇe tahā /

diṭhantaṃ desa-dhammittaṃ, | sammam eyaṃ vibhāvae ||27||

āvajjatī samugghāto | jogāṇaṃ ca -irumbhaṇaṃ /

aniyaī eva selesī | siddhī kamma-kkhao tahā ||28||

-āvā va vāri-majjhammi | khīṇa-levo aṇāulo /

rogī vā rogaṇṇimmukko | siddho bhavati -īrao ||29||

puvva-jogā asaṃgattā | kāū vāyā maṇo i vā /

egato āgatī c' eva | kammābhāvā -a vijjatī ||30||

paraṃ -av' aggahābhāvā | suhī āvaraṇa-kkhayā /

atthi lakkhaṇa-sabbhāvā | nicco so paramo dhuvaṃ ||31||

davvato khittato c' eva | kālato bhāvato tahā /

-iccāṇiccaṃ tu vinneyaṃ | saṃsāre savva-dehiṇaṃ ||32||

gambhīraṃ savvaobhaddaṃ | savva-bhāva-vibhāvaṇaṃ /

dhaṇṇā ji-' āhitaṃ maggaṃ | sammaṃ vedenti bhāvao ||33||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*22||

|| navamaṃ mahākāsav' ajjhayaṇaṃ. ||9||

I/10 tetaliputta-nām' ajjhayaṇaṃ. /

ko kaṃ ṭhāvei -' aṇṇattha sagāiṃ kammāiṃ imāiṃ? saddheyaṃ ||*1||

khalu bho samaṇā vadantī, saddheyaṃ khalu māhaṇā, ||*2||

aham ego 'saddheyaṃ vadissāmi. tetaliputteṇa arahatā isiṇā ||*3||

buiyaṃ. ||*4||

saparijaṇaṃ pi -āma mamaṃ aparijaṇo tti ko me taṃ saddahissati? ||*5||

saputtaṃ pi -āma mamaṃ aputte tti ko me taṃ saddahissati? ||*6||

evaṃ samittaṃ pi -āma mamaṃ, savittaṃ pi -āma mamaṃ, ||*7||

sapariggahaṃ pi -āma mamaṃ. dāṇa-māṇa-sakkārovayāra- ||*8||

saṃgahite tetaliputte sasayaṇa-parijaṇe virāgaṃ gate, ko me taṃ ||*9||

saddahissatī? jāti-kula-rūva-viṇaovayāra-sāliṇī poilā mūsikāra- ||*10||

dhūtā micchaṃ vippaḍivannā, ko me taṃ saddahissati? kāla- ||*11||

kkama-nīti-visārade tetaliputte visādaṃ gate tti ko me taṃ saddahissati? tetaliputteṇa ||*12||

amacceṇaṃ gihaṃ pavisittā tālapuḍake vise khātite ||*13||

tti se vi ya paḍihate tti ko me taṃ saddahissati? tetaliputteṇa amacceṇaṃ ||*14||

mahati-mahālayaṃ rukkhaṃ duruhittā pāse chiṇṇe, tahā 'vi -a ||*15||

mae, ko me taṃ saddahissati? tetaliputteṇa mahati-mahālayaṃ pāsāṇaṃ gīvāe ||*16||

bandhittā atthāhāe pukkhariṇīe appā pakkhitte, tatth' avi ya ||*17||

-am thāhe laddhe, ko me taṃ saddahissati? tetaliputteṇa mahati-mahāliyaṃ ||*18||

kaṭha-rāsiṃ palīvettā appā pakkhitte, se vi ya se agaṇi- ||*19||

kāe vijjhāe, ko me taṃ saddahissati? ||*20||

tae -aṃ sā puilā mūsiyāradhūtā panca-vaṇṇāiṃ sakhinkhiṇitāiṃ ||*21||

pavara-vatthāiṃ parihittā antalikkha-paḍivannā evaṃ ||*22||

vayāsī: ,,āuso tetaliputtā, ehi tā āyāṇāhi: purao vitthiṇṇe giri- ||*23||

sihara-kandara-ppavāte, piṭhao kampemāṇe vva meiṇi-talaṃ, ||*24||

sākaḍḍhante vva pāyave, -ipphoḍemāṇe vva ambara-talaṃ, ||*25||

savva-tamo-rāsi vva piṇḍite, paccakkham iva sayaṃ katante ||*26||

bhīma-ravaṃ karente mahā-vāraṇe samuṭhie, ubhao-pāsaṃ ||*27||

cakkhuṇṇivāe supayaṇḍa-dhaṇu-janta-vippamukkā puṃkha-mettāvasesā ||*28||

dharaṇi-ppavesiṇo sarā -ipatanti, huyavaha-jālā-sahassa- ||*29||

saṃkulaṃ samantato palittaṃ dhagadhageti savvāraṇṇaṃ, acireṇa ||*30||

ya bāla-sūra-gunjaddha-punja-nikara-pakāsaṃ jhiyāi ingāla- ||*31||

bhūtaṃ gihaṃ. āuso tetaliputtā, katto vayāmo?" ||*32||

tate -aṃ se tetaliputte amacce poilaṃ mūsiyāradhūyaṃ ||*33||

evaṃ vayāsī: poile, ehi tā āyāṇāhi: bhīyassa khalu bho pavvajjā, ||*34||

abhiuttassa [ ... ] sa-vahaṇa-kiccaṃ, mātissa rahassa-kiccaṃ, ukkaṇṭhiyassa ||*35||

desa-gamaṇa-kiccaṃ, chuhiyassa bhoyaṇa-kiccaṃ, pivāsiyassa pāṇa- ||*36||

kiccaṃ, paraṃ abhiunjiukāmassa sattha-kiccaṃ. khantassa dantassa ||*37||

guttassa jitindiyassa etto ekkam avi -a bhavai. ||*38||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*39||

|| tetaliputta-nām' ajjhayaṇaṃ. ||10||

I/11 maṃkhaliputta-nām' ajjhayaṇaṃ. /

siṭhayaṇe vva āṇaccā amuṇī. saṃkhāe ya -accā ese tātite. maṃkhaliputteṇa ||*1||

arahatā isiṇā buiyaṃ. ||*2||

se ejati veyati khubbhati ghaati phandati calati udīreti, ||*3||

taṃ taṃ bhāvaṃ pariṇamati, -a se tātī. se -o ejati -o khubbhati ||*4||

no veyati -o ghaati -o phandati -o calati -o udīreti, -o taṃ taṃ ||*5||

bhāvaṃ pariṇamati, se tātī. tātīṇaṃ ca khalu -' atthi ejaṇā ||*6||

vedaṇā khobhaṇā ghaaṇā phandaṇā calaṇā udīraṇā taṃ taṃ ||*7||

bhāvaṃ pariṇāme. tātī khalu appāṇaṃ ca paraṃ ca cāurantāo ||*8||

saṃsāra-kantārāo tātīti tāī. ||*9||

asaṃmūḍho u jo -etā | magga-dosa-parakkamo /

gamaṇijjaṃ gatiṃ -āuṃ | jaṇam pāveti gāmiṇaṃ ||1||

siṭha-kammo tu jo vejjo | sattha-kamme ya kovio /

moyaṇijjāto so vīro | rogā moteti rogiṇaṃ ||2||

saṃjoe jo vihāṇaṃ tu | davvāṇaṃ guṇa-lāghave /

so u saṃjogaṇṇipphaṇṇaṃ | savvaṃ kuṇai kāriyaṃ ||3||

vijjo' payāra-viṇṇātā | jo dhīmaṃ satta-saṃjuto /

so vijjaṃ sāhaittāṇaṃ | kajjaṃ kuṇai tak-khaṇaṃ ||4||

-ivattiṃ mokkha-maggassa | sammaṃ jo tu vijāṇati /

rāga-dose -irākiccā | se u siddhiṃ gamissati ||5||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*10||

|| maṃkhaliputta-nām' ajjhayaṇaṃ. ||11||

I/12 jaṇṇavakkīya-nām' ajjhayaṇaṃ. /

jāva tāva lo' esaṇā tāva tāva vitt' esaṇā, jāva tāva vitt' esaṇā ||*1||

tāva tāva lo' esaṇā. se lo' esaṇaṃ ca vitt' esaṇaṃ ca parinnāe go- ||*2||

paheṇaṃ gacchejjā, -o mahāpaheṇaṃ gacchejjā. jaṇṇavakkeṇa ||*3||

arahatā isiṇā buitaṃ. ||*4||

taṃ-jahā: ||*5||

jahā kavotā ya kavinjalā ya | gāo carantī iha pātarāsaṃ /

evaṃ muṇī goyariya-ppaviṭhe | -o ālave -o vi ya saṃjalejjā ||1||

panca-vaṇīmaka-suddhaṃ | jo bhikkhaṃ esaṇāe esejjā /

tassa suladdhā lābhā | haṇaṇāe vippamukka-dosassa ||2||

panthāṇaṃ rūva-saṃbaddhaṃ | phal' āvattiṃ ca cintae /

koh' ātīṇaṃ vivākaṃ ca | appaṇo ya parassa ya ||3||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*6||

|| jaṇṇavakkīya-nām' ajjhayaṇaṃ. ||12||

I/13 bhayāli-nām' ajjhayaṇaṃ. /

kim-atthaṃ -' atthi lāvaṇṇatāe? metejjeṇa bhayāliṇā arahatā ||*1||

isiṇā buitaṃ. ||*2||

-o 'haṃ khalu ho appaṇo vimoya-' aṭhatāe paraṃ abhibhavissāmi ||*3||

, mā -aṃ mā -aṃ se pare abhibhūyamāṇe mamaṃ c' eva ||*4||

ahitāe bhavissati. ||*5||

ātāṇāe u savvesiṃ | gihi-būhaṇatā-rae /

saṃsāra-vāsa-santāṇaṃ, | kahaṃ me hantum icchasi? ||1||

santassa karaṇaṃ -' atthi, | -āsato karaṇaṃ bhave /

bahudhā diṭhaṃ imaṃ suṭhu: | -āsato bhava-saṃkaro ||2||

santam etaṃ imaṃ kammaṃ | dāre-' ete-' uvaṭhiyaṃ /

-imitta-mettaṃ paro ettha, | majjha me tu pure kaḍaṃ ||3||

mūla-seke phal' uppattī, | mūla-ghāte hataṃ phalaṃ /

phal' atthī sincatī mūlaṃ, | phala-ghātī -a sincatī ||4||

luppatī jassa jaṃ atthi, | -āsantaṃ kiṃci luppatī /

santāto luppatī kiṃci, | -āsantaṃ kiṃci luppatī ||5||

`atthi me`, teṇa deti; | `n' atthi me` teṇa dei me /

jai se hojja, -a me dejjā; | -' atthi se, teṇa dei me ||6||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*6||

|| bhayāli-nām' ajjhayaṇaṃ. ||13||

I/14 bāhukaṇṇām' ajjhayaṇaṃ. /

juttaṃ ajutta-jogaṃ -a pamāṇam iti bāhukeṇa arahatā ||*1||

isiṇā buitaṃ. ||*2||

appaṇiyā khalu bho appāṇaṃ samukkasiya -a bhavati baddha- ||*3||

cindhe -aravatī, appaṇiyā khalu bho ya appāṇaṃ samukkasiya ||*4||

samukkasiya -a bhavati baddha-cindhe seṭhī. evaṃ c' eva ||*5||

aṇuyoye jāṇaha khalu bho samaṇā māhaṇā: gāme adu vā ||*6||

raṇṇe adu vā gāme -o vi raṇṇe ||*7||

abhiṇissae imaṃ logaṃ, para-logaṃ paṇissae, ||*8||

duhao vi loke apatiṭhite. akāmae bāhue mate ti akāmae carae ||*9||

tavaṃ akāmae kāla-gae -arakaṃ patte, akāmae pavvaie, akāmate carate tavaṃ, ||*10||

akāmae kāla-gae, siddhiṃ patte akāmae. ||*11||

sakāmae pavvaie, sakāmae carate tavaṃ, sakāmae kāla-gate -arage ||*12||

patte, sakāmae carate tavaṃ, sakāmae kāla-gateÑsiddhiṃ patte sakāmae! ||*13||

evam se siddhe buddhe ... -o puṇar-avi icc-atthaṃ havvam āgacchati tti bemi. ||*14||

|| bāhukaṇṇām' ajjhayaṇaṃ. ||14||

I/15 madhurāyaṇijjaṇṇām' ajjhayaṇaṃ. /

[1.] sāyā-dukkheṇa abhibhūte dukkhī dukkhaṃ udīreti, ||*1||

asātā-dukkheṇa abhibhūte dukkhī dukkhaṃ udīreti? sātā-dukkheṇa abhibhūte dukkhī dukkhaṃ

udīreti, -o asātā-dukkheṇa abhibhūte dukkhī dukkhaṃ udīreti ||*2||

[2.] sātā-dukkheṇa abhibhūtassa dukkhiṇo dukkhaṃ udīreti, ||*3||

asātā-dukkheṇa abhibhūyassa dukkhī dukkhaṃ udīreti? sātā-dukkheṇa abhibhūtassa dukkhī

dukkhaṃ udīreti. ||*4||

pucchā ya vāgaraṇaṃ ca. [3.] santaṃ dukkhī dukkhaṃ udīreti, ||*5||

asantaṃ dukkhī dukkhaṃ udīreti? santaṃ dukkhī dukkhaṃ udīreti, sātā-dukkheṇa

abhibhūtassa ||*6||

udīreti, -o asantaṃ dukkhī dukkhaṃ udīreti madhurāyaṇeṇa arahatā ||*7||

isiṇā buitaṃ. ||*8||

dukkheṇa khalu bho appahīṇeṇaṃ jīe āgacchanti hattha- ||*9||

ccheyaṇāiṃ pāda-ccheyaṇāiṃ evaṃ -avam' ajjhataṇa-gamaeṇaṃ ||*10||

-eyavvaṃ jāva sāsataṃ nivvāṇam abbhuvagatā ciṭhanti, -avaraṃ ||*11||

dukkhābhilāvo. ||*12||

pāva-mūlam aṇivvāṇaṃ | saṃsāre savva-dehiṇaṃ /

pāva-mūlāṇi dukkhāṇi | pāva-mūlaṃ ca jammaṇaṃ ||1||

saṃsāre dukkha-mūlaṃ tu | pāvaṃ kammaṃ pure-kaḍaṃ /

pāva-kammaṇṇirodhāya | sammaṃ bhikkhū parivvae ||2||

sabhāve sati kandassa | dhuvaṃ vallīya rohaṇaṃ /

bīe saṃvujjhamāṇammi | ankurass' eva saṃpadā ||3||

sabhāve sati pāvassa | dhuvaṃ dukkhaṃ pasūyate /

-āsato maiyā-piṇḍe | -ivvattī tu ghaḍ' ādiṇaṃ ||4||

sabhāve sati kandassa | jahā vallīya rohaṇaṃ /

bīyāto ankuro c' eva, | dhuvaṃ vallīya ankurā ||5||

pāva-ghāte hataṃ dukkhaṃ | puppha-ghāe jahā phalaṃ /

viddhāe muddha-sūīe | kato tālassa saṃbhave? ||6||

mūla-seke phal' uppattī, | mūla-ghāte hataṃ phalaṃ /

phal' atthī sincae mūlaṃ, | phala-ghātī na sincati ||7||

dukkhito dukkha-ghātāya | dukkhāvettā sarīriṇo /

paḍiyāreṇa dukkhassa | dukkham aṇṇaṃ -ibandhaī ||8||

dukkha-mūlaṃ purā kiccā | dukkham āsajja soyatī /

gahitammi aṇe puvviṃ | adaittā -a muccai ||9||

āhār' atthī jahā bālo | vaṇhiṃ sappaṃ ca geṇhatī /

tahā mūḍho suh' atthī tu | pāvam aṇṇaṃ pakuvvatī ||10||

pāvaṃ parassa kuvvanto | hasatī moha-mohito /

maccho galaṃ gasanto vā | viṇighātaṃ -a passatī ||11||

paccuppaṇṇa-rase giddho | moha-malla-paṇollito /

dittaṃ pāvati ukkaṇṭhaṃ | vāri-majjhe va vāraṇā ||12||

parovaghāta-talliccho | dappa-moha-mal' uddhuro /

sīho jaro dupāṇe vā | guṇa-dosaṃ -a vindatī ||13||

sa-vaso pāvaṃ puro-kiccā | dukkhaṃ vedeti dummatī /

āsatta-kaṇṭha-pāso vā | mukka-dhāro duh' aio ||14||

pāvaṃ je u pakuvvanti | jīvā sātāṇugāmiṇo /

vaḍḍhatī pāvakaṃ tesiṃ | aṇaggāhissa vā aṇaṃ ||15||

aṇubaddham apassantā | paccuppaṇṇa-gavesakā /

te pacchā dukkham acchanti | gal' ucchinnā jhasā jahā ||16||

ātā-kaḍāṇa kammāṇaṃ | ātā bhunjati jaṃ phalaṃ /

tamhā ātassa aṭhāe | pāvam ādāya vajjae ||17||

sante jamme pasūyanti | vāhi-soga-jar' ādao /

nāsante ḍahate vaṇhī | taru-cchettā -a chindati ||18||

dukkhaṃ jarā ya maccū ya | sogo māṇāvamāṇaṇā /

jamma-ghāte hatā hontī | puppha-ghāte jahā phalaṃ ||19||

patthare-' āhato kīvo | khippaṃ ḍasai pattharaṃ /

migāri ūsaraṃ pappa | sar' uppattiṃ va maggati ||20||

tahā bālo duhī vatthuṃ | bāhiraṃ -indatī bhisaṃ /

dukkh' uppatti-viṇāsaṃ tu | migāri vva -a pappati ||21||

vaṇaṃ vaṇhiṃ kasāe ya | aṇaṃ jaṃ vā vi duṭhitaṃ /

āmagaṃ ca uvvahantā | dukkhaṃ pāvanti pīvaraṃ ||22||

vaṇhī aṇassa kammassa | āmakassa vaṇassa ya /

nissesaṃ ghāiṇaṃ seyo, | chiṇṇo vi ruhatī dumo ||23||

bhāsa-cchaṇṇo jahā vaṇhī, | gūḍha-koho jahā ripū /

pāva-kammaṃ tahā līṇaṃ | dukkha-saṃtāṇa-saṃkaḍaṃ ||24||

patt' indhaṇassa vaṇhissa | uddāmassa visassa ya /

micchatte yāvi kammassa | dittā vuḍḍhī duh' āvahā ||25||

dhūma-hīṇo ya jo vaṇhī | chiṇṇ' ādāṇaṃ ca jaṃ aṇaṃ /

mant' āhataṃ visaṃ jaṃ, ti | dhuvaṃ taṃ khayam icchatī ||26||

chiṇṇ' ādāṇaṃ dhuvaṃ kammaṃ | jhijjate taṃ tah' āhataṃ /

āditta-rassi-tattaṃ va | chiṇṇ' ādāṇaṃ jahā jalaṃ ||27||

tamhā u savva-dukkhāṇaṃ | kujjā mūla-viṇāsaṇaṃ /

vālaggāhi vva sappassa | visa-dosa-viṇāsaṇaṃ ||28||

evaṃ se siddhe buddhe ... -o puṇar-avi havvam āgacchati tti bemi. ||*13||

|| madhurāyaṇijjaṇṇām' ajjhayaṇaṃ. ||15||

I/16 soriyāyaṇaṇṇām' ajjhayaṇaṃ. /

jassa khalu bho visay' āyārā -a parissavanti indiyā vā davehiṃ, ||*1||

se khalu uttame purise tti soriyāyaṇeṇa arahatā isiṇa buitaṃ. ||*2||

taṃ kaham iti? maṇuṇṇesu saddesu soya-visaya-pattesu -o ||*3||

sajjejjā -o rajjejjā -o gijjhejjā -o mujjhejjā -o viṇighāyam āvajjejjā. ||*4||

maṇuṇṇesu saddesu sotta-visaya-pattesu sajjamāṇe rajjamāṇe ||*5||

gijjhamāṇe mujjhamāṇe āsevamāṇe vippavahato pāva-kammassa ||*6||

ādāṇāe bhavati. tamhā maṇuṇṇāṃaṇuṇṇesu saddesu soya-visaya-pattesu ||*7||

-o sajjejjā -o rajjejjā -o gijjhejjā -o mujjhejjā -o āsevamāṇe vi[ppavahato ... ||*8||

bhavejjā]. evaṃ rūvesu gandhesu rasesu phāsesu. evaṃ vivarīesu ||*9||

-o dūsejjā. ||*10||

duddantā indiyā panca | saṃsārāe sarīriṇaṃ /

te cc' eva -iyamiyā santā | -ejjāṇāe bhavanti hi ||1||

duddante indie panca | rāga-dosa-paraṃgame /

kummo viva saṇangāiṃ | sae dehammi sāhare ||2||

vaṇhī sarīram āhāraṃ | jahā joeṇa junjatī /

indiyāṇi ya joe ya | tahā joge viyāṇasu ||3||

evaṃ se siddhe buddhe ... -o icc-atthaṃ puṇar-avi havvam āgacchati tti bemi. ||*11||

|| soriyāyaṇaṇṇam' ajjhayaṇaṃ. ||16||

I/17 viduṇṇām' ajjhayaṇaṃ. /

imā vijjā mahā-vijjā | savva-vijjāṇa uttamā /

jaṃ vijjaṃ sāhaittāṇaṃ |savva-dukkhāṇa muccatī ||1||

jeṇa bandhaṃ ca mokkhaṃ ca | jīvāṇaṃ gati-r-āgatiṃ /

āyā-bhāvaṃ ca jāṇāti | sā vijjā dukkha-moyaṇī ||2||

viduṇā arahatā isiṇā buitaṃ. ||*1||

sammaṃ roga-pariṇṇāṇaṃ, | tato tassa viṇicchitaṃ /

rog' osaha-pariṇṇāṇaṃ | jogo roga-tigicchitaṃ ||3||

sammaṃ kamma-pariṇṇāṇaṃ, | tato tassa vimokkhaṇaṃ /

kamma-mokkha-pariṇṇāṇaṃ | karaṇaṃ ca vimokkhaṇaṃ ||4||

mammaṃ sasalla-jīvaṃ ca | purisaṃ vā moha-ghātiṇaṃ /

sall' uddharaṇa-jogaṃ ca | jo jāṇai sa sallahā ||5||

bandhaṇaṃ moyaṇaṃ c' eva | tahā phala-paraṃparaṃ /

jīvāṇa jo vijāṇāti | kammāṇaṃ tu sa kammahā ||6||

sāvajja-jogaṃ -ihilaṃ vidittā | taṃ c' eva sammaṃ parijāṇiūṇaṃ /

tītassa -indāe samuṭhit' appā | sāvajja-vuttiṃ tu -a saddahejjā ||7||

sajjhāya-jhāṇovagato jit' appā | saṃsāra-vāsaṃ bahudhā vidittā /

sāvajja-vuttī-karaṇe 'ṭhit' appā | niravajja-vittī u samāharejjā ||8||

parakīya-savva-sāvajjaṃ jogaṃ iha ajja duccariyaṃ -' āyare ||*2||

aparisesaṃ. -iravajje ṭhitassa -o kappati puṇar-avi sāvajjaṃ ||*3||

sevittae. ||*4||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*5||

|| viduṇṇām' ajjhayaṇaṃ. ||17||

I/18 varisavaṇṇām' ajjhayaṇaṃ. /

ayate khalu bho jīve vajjaṃ samādiyati. se kaham etaṃ? ||*1||

pāṇātivāeṇaṃ jāva pariggaheṇaṃ, arati-jāva micchā-daṃsaṇa- ||*2||

salleṇaṃ vajjaṃ samāittā hattha-ccheyaṇāiṃ pāya-ccheyaṇāiṃ ||*3||

jāva aṇupariyaanti navam' uddesa-gameṇaṃ. je khalu bho jīve ||*4||

-o vajjaṃ samādiyati, se kaham etaṃ? varisavakaṇheṇa ||*5||

arahatā isiṇā buitaṃ. pāṇātivāta-veramaṇeṇaṃ jāva micchā-daṃsaṇa ||*6||

-salla-veramaṇeṇaṃ soindiya 5ṇṇiggaheṇaṃ -o vajjaṃ samajjiṇittā ||*7||

hattha-ccheyaṇāiṃ pāya-ccheyaṇāiṃ jāva domaṇassāiṃ ||*8||

vītivatittā siva-m-acala-jāva ciṭhanti. ||*9||

sakuṇī sanku-ppaghātaṃ ca | varattaṃ rajjugaṃ tahā /

vāri-pattadharo cc' eva | vibhāgammi vihāvae ||1||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*10||

|| varisavaṇṇām' ajjhayaṇaṃ. || 18||

I/19 āriyāya-' ajjhayaṇaṃ. /

savvam iṇaṃ purāriyam āsi. āriyāyaṇeṇaṃ arahatā isiṇā ||*1||

buitaṃ. ||*2||

vajjejj' aṇāriyaṃ bhāvaṃ | kammaṃ c' eva aṇāriyaṃ /

aṇāriyāṇi ya mittāṇi | āriyattam uvaṭhie ||1||

je jaṇā `-ārie -iccaṃ | kammaṃ kuvvant` aṇāriyā /

aṇāriehi ya mittehi, | sīdanti bhava-sāgare ||2||

saṃdhijjā āriyaṃ maggaṃ | kammaṃ jaṃ vā vi āriyaṃ /

āriyāṇi ya mittāṇi | āriyattam uvaṭhie ||3||

je jaṇā āriyā -iccaṃ | kammaṃ kuvvanti āriyaṃ /

āriehi ya mittehi, | muccanti bhava-sāgarā ||4||

āriyaṃ -āṇaṃ sāhū, | āriyaṃ sāhu daṃsaṇaṃ /

āriyaṃ caraṇaṃ sāhū, | tamhā sevaya āriyaṃ ||5||

evaṃ se siddhe buddhe ... -o icc-atthaṃ puṇar-avi havvam āgacchati tti bemi. ||*3||

|| āriyāya-' ajjhayaṇaṃ. || 19||

I/20 ukkal' ajjhayaṇaṃ. /

panca ukkalā pannattā, taṃ-jahā: [1.] daṇḍ' ukkale [2.] rajj' ukkale ||*1||

[3.] te-' ukkale [4.] des' ukkale [5.] savv' ukkale. ||*2||

[1.] se kiṃ taṃ `daṇḍ' ukkale`? daṇḍ' ukkale nāmaṃ je -aṃ ||*3||

daṇḍa-diṭhanteṇaṃ ādilla-majjh' avasāṇāṇaṃ paṇṇavaṇāe `samudaya ||*4||

-mettā` bhidhāṇāiṃ "-' atthi sarīrāto paraṃ jīvo" tti bhava- ||*5||

gati-voccheyaṃ vadati. se taṃ daṇḍ' ukkale. ||*6||

[2.] se kiṃ taṃ `rajju' kkale`? rajj' ukkale -āmaṃ je -aṃ rajju- ||*7||

diṭhanteṇaṃ samudaya-metta-pannavaṇāe `panca-mahabbhūta- ||*8||

khandha-mettā' bhidhāṇāiṃ saṃsāra-saṃsati-voccheyaṃ vadati. se ||*9||

taṃ rajju' kkale. ||*10||

[3.] se kiṃ taṃ `te-' ukkale`? te-' ukkale -āmaṃ je -aṃ ||*11||

anna-sattha-diṭhanta-gāhehiṃ sa-pakkh' ubbhāvaṇāṇṇirae "mama ||*12||

n' etam" iti para-karuṇa-cchedaṃ vadati. se taṃ te-' ukkale. ||*13||

[4.] se kiṃ taṃ `des' ukkale`? des' ukkale -āmaṃ je -aṃ "atthi ||*14||

nn esa" iti siddhe jīvassa akatt' ādiehiṃ gāhehiṃ des' uccheyaṃ ||*15||

vadati. se taṃ des' ukkale. ||*16||

[5.] se kiṃ taṃ `savv' ukkale`? savv' ukkale -āmaṃ je -aṃ ||*17||

"savvato savva-saṃbhavābhāvā -o taccaṃ, savvato savvahā ||*18||

savva-kālaṃ ca -' atthi" tti savva-cchedaṃ vadati. se taṃ ||*19||

savv' ukkale. ||*20||

uḍḍhaṃ pāya-talā ahe kes' agga-matthakā, esa ātā-pajjave kasiṇe ||*21||

taya-pariyante jīve, esa jīve jīvati, etaṃ taṃ jīvitaṃ bhavati. ||*22||

se jahā -āmate daḍḍhesu bīesu -a puṇo ankur' uppattī bhavati, ||*23||

evām eva daḍḍhe sarīre -a puṇo sarīr' uppattī bhavati. tamhā ||*24||

iṇam eva jīvitaṃ, -' atthi para-loe, -' atthi sukaḍa-dukkaḍāṇaṃ ||*25||

kammāṇaṃ phala-vitti-visese. -o paccāyanti jīvā, -o phusanti ||*26||

puṇṇa-pāvā, aphale kallāṇa-pāvae. tamhā etaṃ sammaṃ ti bemi: ||*27||

uḍḍhaṃ pāya-talā ahe kes' agga-matthakā esa āyā-pa[jjave] ||*28||

ka[siṇe] taya-paritante esa jīve. esa maḍe, -o etaṃ taṃ[jīvetaṃ ||*29||

bhavati]. se jahā -āmate daḍḍhesu bīesu [ ... ] evām eva daḍḍhe ||*30||

sarīre [ ... ]. tamhā puṇṇa-pāv' aggahaṇā suha-dukkha-saṃbhavābhāvā ||*31||

sarīra-dāhe pāva-kammābhāvā sarīraṃ ḍahettā -o ||*32||

puṇo sarīr' uppattī bhavati. ||*33||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*34||

|| ukkal' ajjhayaṇaṃ. ||20||

I/21 gāhāvaijjaṃ nām' ajjhayaṇaṃ. /

-āhaṃ purā kiṃci jāṇāmi savva-lokaṃsi. gāhāvatiputteṇa ||*1||

taruṇeṇa arahatā isiṇā buitaṃ. ||*2||

aṇṇāṇa-mūlakaṃ khalu bho puvvaṃ na jāṇāmi na pāsāmi no ||*3||

'bhisamāvemi no 'bhisaṃbujjhāmi, nāṇa-mūlākaṃ khalu bho ||*4||

iyāṇiṃ jāṇāmi pāsāmi abhisamāvemi abhisaṃbujjhāmi. aṇṇāṇa- ||*5||

mūlayaṃ khalu mama kāmehiṃ kiccaṃ karaṇijjaṃ, -āṇa-mūlayaṃ ||*6||

khalu mama kāmehiṃ akiccaṃ akaraṇijjaṃ. aṇṇāṇa-mūlayaṃ ||*7||

jīvā cāurantaṃ saṃsāraṃ jāva pariyaanti, -āṇa-mūlayaṃ jīvā ||*8||

cāurantaṃ jāva vīyīvayanti. tamhā aṇṇāṇaṃ parivajja -āṇa- ||*9||

mūlakaṃ savva-dukkhāṇaṃ antaṃ karissāmi, savva-dukkhāṇaṃ ||*10||

antaṃ kiccā sivam acala-jāva sāsataṃ abbhuvagate ciṭhissāmi. ||*11||

aṇṇāṇaṃ paramaṃ dukkhaṃ, | aṇṇāṇā jāyate bhayaṃ /

aṇṇāṇa-mūlo saṃsāro | viviho savva-dehiṇaṃ ||1||

migā bajjhanti pāsehiṃ | vihaṃgā matta-vāraṇā /

macchā galehi sāsanti, | aṇṇāṇaṃ sumahab-bhayaṃ ||2||

jammaṃ jarā ya maccū ya | soko māṇo 'vamāṇaṇā /

aṇṇāṇa-mūlaṃ jīvāṇaṃ | saṃsārassa ya saṃtatī ||3||

aṇṇāṇeṇa ahaṃ puvvaṃ | dīhaṃ saṃsāra-sāgaraṃ /

jamma-joṇi-bhay' āvattaṃ | saranto dukkha-jālakaṃ ||4||

dīve pāto payangassa, | kosiyārissa bandhaṇaṃ /

kiṃpāka-bhakkhaṇaṃ c' eva | aṇṇāṇassa -idaṃsaṇaṃ ||5||

bitiyaṃ jaro dupāṇatthaṃ | diṭho aṇṇāṇa-mohito /

sambhagga-gāta-laṭhī u | migārī -idhaṇaṃ gao ||6||

migārī ya bhuyango ya | aṇṇāṇeṇa vimohitā /

gāhā-daṃsaṇṇivāteṇaṃ | viṇāsaṃ do vi te gatā ||7||

suppiyaṃ taṇayaṃ bhaddā | aṇṇāṇeṇa vimohitā /

mātā tass' eva sogeṇa | kuddhā taṃ c' eva khādati ||8||

viṇṇāso osahīṇaṃ tu | saṃjogāṇaṃ va joyaṇaṃ /

sāhaṇaṃ vā vi vijjāṇaṃ | aṇṇāṇeṇa -a sijjhati ||9||

viṇṇāso osahīṇaṃ tu | saṃjogāṇaṃ va joyaṇaṃ /

sāhaṇaṃ vā vi vijjāṇaṃ | -āṇa-jogeṇa sijjhati ||10||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*12||

|| gāhāvaijjaṃ nām' ajjhayaṇaṃ. ||21||

I/22 gaddabhīya-nām' ajjhayaṇaṃ. /

parisāḍī kamme, aparisāḍiṇo buddhā, tamhā khalu aparisāḍiṇo ||*1||

buddhā -ovalippanti raeṇaṃ pukkhara-pattaṃ va vāriṇā. dagabhāleṇa ||*2||

arahatā isiṇā buitaṃ. ||*3||

puris' ādīyā dhammā purisa-pavarā purisa-jeṭhā purisa-kappiyā ||*4||

purisa-pajjovitā purisa-samannāgatā purisam eva abhiunjiyāṇaṃ ||*5||

ciṭhanti. se jahā nāmate aratī siyā sarīraṃsi jātā sarīraṃsi ||*6||

vaḍḍhiyā sarīra-samannāgatā sarīraṃ c' eva abhiunjiyāṇa ||*7||

ciṭhati, evām eva dhammā vi puris' ādīyā jāva ciṭhanti. ||*8||

evaṃ gaṇḍe vammīke thūbhe rukkhe vaṇasaṇḍe pukkhariṇī -avaraṃ ||*9||

puḍhavīya jātā bhāṇiyavvā, udaga pukkhale udagaṃ -etavvaṃ. ||*10||

se jahā -āmate agaṇi-kāe siyā araṇīya jāte jāva araṇiṃ c' eva ||*11||

abhibhūya ciṭhati, evām eva dhammā vi puris' ādīyā taṃ c eva. ||*12||

dhit tesiṃ gāmaṇṇagarāṇaṃ | jesiṃ mahilā paṇāyikā /

te yāvi dhik-kiyā purisā | je itthīṇaṃ vasaṃ gatā ||1||

gāh' ākulā sudivvā va | bhāvakā madhurodakā /

phullā va paumiṇī rammā | vāl' akkantā va mālavī ||2||

hemā guhā sasīhā vā | mālā vā vajjha-kappitā /

savisā gandha-juttī vā | anto-duṭhā va vāhiṇī ||3||

gar' antā madirā vā vi | joga-kaṇṇā va sāliṇī /

-ārī logammi viṇṇeyā | jā hojjā sa-guṇodayā ||4||

ucchāyaṇaṃ kulāṇaṃ tu, | davva-hīṇāṇa lāghavo /

patiṭhā savva-dukkhāṇaṃ, | -iṭhāṇaṃ ajjiyāṇa ya ||5||

gehaṃ verāṇa gambhīraṃ, | viggho sad-dhammacāriṇaṃ /

duṭhāso akhalīṇaṃ va | loke sutā kimangaṇā ||6||

itthī u balavaṃ jattha | gāmesu -agaresu vā /

aṇassayassa hesaṃ taṃ | apavvesu ya muṇḍaṇaṃ ||7||

| /

dhit tesiṃ gāmaṇṇagarāṇaṃ | silogo ||8||

ḍāho bhayaṃ hutāsāto, | visāto maraṇaṃ bhayaṃ /

chedo bhayaṃ ca satthāto, | vālāto dasaṇaṃ bhayaṃ ||9||

sankaṇīyaṃ ca jaṃ vatthuṃ | appaḍīkāram eva ya /

taṃ vatthuṃ suṭhu jāṇejjā | jujjante je 'ujoitā ||10||

jatth' atthī je samārambhā | je vā je sāṇubandhiṇo /

te vatthu suṭhu jāṇejjā | -' eva savva-viṇicchaye ||11||

jesiṃ jahiṃ suh' uppattī | je vā je sāṇugāmiṇo /

viṇāsī aviṇāsī vā | jāṇejjā kāla-veyavī ||12||

sīsa-cchede dhuvo maccū, | mūla-cchede hato dumo /

mūlaṃ phalaṃ ca savvaṃ ca | jāṇejjā savva-vatthusu ||13||

sīsaṃ jahā sarīrassa, | jahā mūlaṃ dumassa ya /

savvassa sādhu-dhammassa | tahā jhāṇaṃ vidhīyate ||14||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*13||

|| gaddabhīya-nām' ajjhayaṇaṃ. ||22||

I/23 rāmaputtīy' ajjhayaṇaṃ. /

duve maraṇā assiṃ loe evam āhijjanti, taṃ-jahā: suha-mataṃ ||*1||

c' eva duha-mataṃ c' eva. rāmaputteṇa arahatā isiṇā buitaṃ. ||*2||

etthaṃ viṇṇattiṃ bemi imassa khalu mamāissa asamāhiya- ||*3||

lesassa gaṇḍa-palighāiyassa. gaṇḍa-bandhaṇa-paliyassa gaṇḍa- ||*4||

bandhaṇa-paḍighātaṃ karessāmi. alaṃ pure-maeṇaṃ. tamhā ||*5||

gaṇḍa-bandhaṇa-paḍighātaṃ karettā -āṇa-daṃsaṇa-carittāiṃ ||*6||

paḍisevissāmi. -āṇeṇaṃ jāṇiya daṃsaṇeṇaṃ pāsittā saṃjameṇaṃ ||*7||

saṃjamiya taveṇa aṭhaviha-kamma-raya-malaṃ vidhuṇita ||*8||

visohiya aṇādīyaṃ aṇavadaggaṃ dīha-m-addhaṃ cāuranta- ||*9||

saṃsāra-kantāraṃ vītivatittā sivam ayalam aruyam akkhayam ||*10||

avvābāham apuṇar-āvattiyaṃ siddhi-gatiṇṇāmadhijjaṃ ṭhāṇaṃ ||*11||

saṃpatte aṇāgat' addhaṃ sāsataṃ kālaṃ ciṭhissāmi tti. ||*12||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*13||

|| rāmaputtīy' ajjhayaṇaṃ. ||23||

I/24 harigiriṇṇām' ajjhayaṇaṃ. /

savvam iṇaṃ purā bhavvaṃ, idāṇiṃ puṇa abhavvaṃ. harigiriṇā ||*1||

arahatā isiṇā buitaṃ. ||*2||

cayanti khalu bho ya -eraiyā -eratiyattā tirikkhā tirikkhattā ||*3||

maṇussā maṇussattā devā devattā, aṇupariyaanti jīvā cāurantaṃ ||*4||

saṃsāra-kantāraṃ kammānugāmiṇo. tadhā vi me jīve idha-loke ||*5||

suh' uppāyake, para-loke duh' uppādae aṇie adhuve aṇitie aṇicce ||*6||

asāsate sajjati rajjati gijjhati mujjhati ajjhovavajjati viṇighātam ||*7||

āvajjati. imaṃ ca -aṃ puṇo saḍaṇa-paḍaṇa-vikiraṇa-viddhaṃsaṇa ||*8||

-dhammaṃ aṇega-joga-kkhema-samāyuttaṃ jīvass' atārelukiṃ ||*9||

saṃsāraṇṇivveḍhiṃ kareti, saṃsāraṇṇivveḍhiṃ karettā aṇāiyaṃ ||*10||

anavadaggaṃ dīha-m-addhaṃ cāuranta-saṃsāra-sāgaraṃ ||*11||

aṇupariyaai. tamhā 'dhuvaṃ asāsatam iṇaṃ saṃsāre savva- ||*12||

jīvāṇaṃ saṃsatī-kāraṇam iti -accā -āṇa-daṃsaṇa-carittāṇi sevissāmi ||*13||

, -āṇa-daṃsaṇa-carittāṇi sevittā aṇādīyaṃ jāva kantāraṃ ||*14||

vītivatittā sivam acala jāva ṭhāṇaṃ abbhuvagate ciṭhissāmi. ||*15||

kantāre vāri-majjhe vā | ditte vā aggi-saṃbhame /

tamaṃsi vā jadhā -etā | tadhā dhammo ji-' āhito ||1||

dhāraṇī susahā c' eva | gurū bhesajjam eva vā /

sad-dhammo savva-jīvāṇaṃ | -iccaṃ loe hitaṃkaro ||2||

siggha-vai-samāuttā | radha-cakke jahā arā /

phaḍantā valli-ccheyā vā | suha-dukkhe sarīriṇo ||3||

saṃsāre savva-jīvāṇaṃ | gehī saṃpariyattate /

udumbaka-tarūṇaṃ vā | vasa-' ussava-kāraṇaṃ ||4||

vaṇhiṃ raviṃ sasankaṃ vā | sāgaraṃ sariyaṃ tahā /

indajjhayaṃ aṇīyaṃ ca | sajjaṃ mehaṃ va cintae ||5||

jovvaṇaṃ rūva-saṃpattiṃ | sobhāgaṃ dhaṇa-saṃpadaṃ /

jīvitaṃ vā vi jīvāṇaṃ | jala-bubbuya-saṃ-ibhaṃ ||6||

dev' indā sumahiḍḍhīyā | dāṇav' indā ya vissutā /

-arindā je ya vikkantā | saṃkhayaṃ vivasā gatā ||7||

savvattha -iraṇukkosā | -ivvisesa-ppahāriṇo /

sutta-matta-pamattāṇaṃ | ekā jagati 'iccatā ||8||

dev' indā dāṇav' indā ya | -arindā je ya vissutā /

puṇṇa-kammodaya-bbhūtaṃ | pītiṃ pāvanti pīvaraṃ ||9||

āū dhaṇaṃ balaṃ rūvaṃ | sobhāgaṃ saralattaṇaṃ /

-irāmayaṃ ca kantaṃ ca | dissate vivihaṃ jage ||10||

sadevoraga-gandhavve | satirikkhe samāṇuse /

-ibbhayā -ivvisesā ya | jage vattey aṇiccatā ||11||

dāṇa-māṇovayārehiṃ | sāma-bheya-kkiyāhi ya /

-a sakkā saṃ-ivāreuṃ | telokkeṇāvi 'iccatā ||12||

uccaṃ vā jati vā -īyaṃ | dehiṇaṃ vā -amassitaṃ /

jāgarantaṃ pamattaṃ vā | savva-tthānā 'bhiluppati ||13||

"evam etaṃ karissāmi, | tato evaṃ bhavissati" /

saṃkappo dehiṇaṃ jo ya | -a taṃ kālo paḍicchatī ||14||

jā jayā sahajā jā vā | savv' atth' evāṇugāmiṇī /

chāya vva dehiṇo gūḍhā | savvam anneti 'iccatā ||15||

kamma-bhāve 'uvattantī | dīsantī ya tadhā tadhā /

dehiṇaṃ pakatiṃ c' eva | līṇā vattey aṇiccatā ||16||

jaṃ kaḍaṃ dehiṇā jeṇaṃ | -āṇā-vaṇṇaṃ suhāsuhaṃ /

-āṇa 'vatthantarovetaṃ, | savvam aṇṇeti taṃ tahā ||17||

kantī jā vā vayovatthā | jujjante jeṇa kammuṇā /

-ivvattī tārisī tīse | vāyāe va paḍiṃsukā ||18||

tāhaṃ kaḍoday' ubbhūyā | -āṇā-goya-vikappiyā /

bhangoday' aṇuvattante | saṃsāre savva-dehiṇaṃ ||19||

kamma-mūlā jahā vallī, | vallī-mūlaṃ jahā phalaṃ /

moha-mūlaṃ tahā kammaṃ, | kamma-mūlā aṇiccayā ||20||

bujjhae bujjhae c' eva | heu-juttaṃ subhāsubhaṃ /

kanda-saṃdāṇa-saṃbaddhaṃ | vallīṇaṃ va phalāphalaṃ ||21||

chiṇṇ' ādāṇaṃ sayaṃ kammaṃ | bhujjae taṃ na vajjae /

chinna-mūlaṃ va vallīṇaṃ | puvv' uppaṇṇaṃ phalāphalaṃ ||22||

chinna-mūlā jahā vallī | sukka-mūlo jahā dumo /

naṭha-mohaṃ tahā kammaṃ | siṇṇaṃ vā hayaṇṇāyakaṃ ||23||

appārohī jahā bīyaṃ | dhūma-hīṇo jahā 'nalo /

chinna-mūlaṃ tahā kammaṃ | naṭha-saṇṇo va desao ||24||

jujjae kammuṇā jeṇaṃ | vesaṃ dhārei tārisaṃ /

vitta-kanti-samattho vā | ranga-majjhe jahā naḍo ||25||

saṃsāra-saṃtaī cittā | dehiṇaṃ vivihodayā /

savve dum' ālayā c' eva | savva-puppha-phalodayā ||26||

pāvaṃ parassa kuvvanto | hasae moha-mohio /

maccho galaṃ gasanto vā | viṇigghāyaṃ na passaī ||27||

parovaghāya-talliccho | dappa-moha-bal' uddhuro /

sīho jaro dupāṇe vā | guṇa-dosaṃ na vindaī ||28||

paccuppaṇṇa-rase giddho | moha-malla-paṇollio /

dittaṃ pāvai ukkaṇṭhaṃ | vāri-majjhe va vāraṇo ||29||

sa-vaso pāvaṃ purā kiccā | dukkhaṃ veei dummaī /

āsatta-kaṇṭha-pāso vā | mukka-ghāo duh' aio ||30||

cancalaṃ suham ādāya | sattā mohammi māṇavā /

āicca-rassi-tattā vā | macchā jhijjanta-pāṇiyā ||31||

adhuvaṃ saṃsiyā rajjaṃ | avasā pāvanti saṃkhayaṃ /

chijjaṃ va tarum ārūḍhā | phal' atthī va jahā narā ||32||

mohodaye sayaṃ jantū | mohantaṃ c' eva khiṃsaī /

chiṇṇa-kaṇṇo jahā koī | hasijja chinna-nāsiyaṃ ||33||

mohodaī sayaṃ jantū | manda-mohaṃ tu khiṃsaī /

hema-bhūsaṇa-dhāri vvā | jahā 'lakkha-vibhūsaṇaṃ ||34||

mohī mohīṇa majjhammi | kīlae moha-mohio /

gahīṇaṃ va gahī majjhe | jah' atthaṃ gaha-mohio ||35||

bandhantā nijjarantā ya | kammaṃ n' aṇṇaṃ ti dehiṇo /

vāri-ggāha ghaḍīu vva | ghaḍijjanta-nibandhaṇā ||36||

bajjhae muccae c' eva | jīvo citteṇa kammuṇā /

baddho vā rajju-pāsehiṃ | īriyanto paogaso ||37||

kammassa saṃtaiṃ cittaṃ | sammaṃ naccā ji' indie /

kamma-saṃtāṇa-mokkhāya | samāhim abhisaṃdhae ||38||

davvao khettao c' eva | kālao bhāvao tahā /

niccāniccaṃ tu viṇṇāya | saṃsāre savva-dehiṇaṃ ||39||

niccalaṃ kaya-m-āroggaṃ | thānaṃ telokka-sakkayaṃ /

savvaṇṇu-maggāṇugayā | jīvā pāvanti uttamaṃ ||40||

evaṃ siddhe buddhe ... -o puṇar-avi icc-atthaṃ havvam āgacchati tti bemi. ||*16||

|| harigiriṇṇām' ajjhayaṇaṃ. || 24||

I/25 ambaḍ' ajjhayaṇaṃ. /

[1.] tae -aṃ ambaḍe parivvāyae jogaṃdharāyaṇaṃ ||*1||

evaṃ vayāsī: "maṇe me viraī, bho devāṇuppio, gabbha-vāsāhi, ||*2||

kahaṃ na tumaṃ bambhayārī?" tae -aṃ jogaṃdharāyaṇe ||*3||

ambaḍaṃ parivvāyagaṃ evaṃ vayāsī: "āriyā ehi yā ehi tā ||*4||

āyāṇāhi. je khalu hāritā pāvehiṃ kammehiṃ, avippamukkā te ||*5||

khalu, gabbha-vāsāhi sajjanti. te sayam eva pāṇe ativātenti aṇṇe ||*6||

vi pāṇe ativātāventi aṇṇe vi pāṇe ativātāvente vā sātijjanti ||*7||

samaṇujāṇanti; te sayam eva musaṃ bhāsanti ... sātijjanti ||*8||

samaṇujāṇanti; aviratā appaḍihatāpaccakkhāta-pāva-kammā ||*9||

maṇujā adattaṃ ādiyanti ... sātijjanti samaṇujāṇanti; te sayam ||*10||

eva abbambha-pariggahaṃ giṇhanti mīsiyaṃ bhaṇiyavvaṃ jāva ||*11||

samaṇujāṇanti. evām eva te assaṃjatā aviratā appaḍihatāpaccakkhāta ||*12||

-pāva-kammā sakiriyā asaṃvutā ekanta-daṇḍā ekanta- ||*13||

bālā bahuṃ pāvaṃ kammaṃ kali-kalusaṃ samajjiṇittā ito cutā ||*14||

duggati-gāmiṇo bhavanti. ehi hāritā āyāṇāhiṃ. ||*15||

[2.] je khalu, āriyā, pāvehiṃ kammehiṃ vippamukkā te khalu ||*16||

gabbha-vāsāhi -o sajjanti. te -o sayam eva pāṇe ativātinti evaṃ ||*17||

tadheva viparītaṃ jāva akiriyā saṃvuḍā ekanta-paṇḍitā vavagata ||*18||

-rāga-dosā tigutti-guttā tidaṇḍovaratā -īsallā āya-rakkhī ||*19||

vavagaya-cauk-kasāyā ||*20||

cau-vikaha-vivajjitā panca-mahavvayā ti-guttā pancindiya-saṃvuḍā ||*21||

||*22||

chaj-jīvaṇṇikāya-suṭhu-niratā ||*23||

satta-bhaya-vippamukkā ||*24||

aṭha-mayaṇṭhāṇa-jaḍhā ||*25||

nava-bambhacera-juttā ||*26||

dasa-samāhiṇṭhāṇa-saṃpayuttā bahuṃ pāvaṃ kammaṃ kali- ||*27||

kalusaṃ khavaittā ito cuyā soggati-gāmiṇo bhavanti. ||*28||

[3.] te -aṃ, bhagavaṃ, sutta-maggāṇusārī khīṇa-kasāyā dantendiyā ||*29||

sarīra-sādhāra-' aṭhā joga-saṃdhāṇatāe -ava-koḍī-parisuddhaṃ ||*30||

dasa-dosa-vippamukkaṃ uggam' uppāyaṇā-suddhaṃ itarāṇitarehiṃ ||*31||

kulehiṃ para-kaḍaṃ paraṇṇiṭhitaṃ vigat' ingālaṃ vigata- ||*32||

dhūmaṃ piṇḍaṃ sejjaṃ uvadhiṃ ca gavesamāṇā saṃgata-viṇayovagāra ||*33||

-sāliṇīo kala-madhura-ribhita-bhāsiṇīo saṃgata-gata- ||*34||

hasita-bhaṇita-sundara-thaṇa-jahaṇa-paḍirūvāo itthiyāo pāsittā ||*35||

-o maṇasā vi pāubbhāvaṃ gacchanti." ||*36||

[4.] se kadham etaṃ? vigatarāgatā sarāgass' avi ya -aṃ ||*37||

avikkha-hata-mohassa. tattha tattha itarāṇitaresu kulesu para- ||*38||

kaḍaṃ jāva paḍirūvāo pāsittā -o maṇasā vi pādubbhāvo bhavati. ||*39||

[5.] taṃ kaham iti? ||*40||

mūla-ghāte hato rukkho, | puppha-ghāte hataṃ phalaṃ /

chiṇṇāe muddha-sūīe | kato tālassa rohaṇaṃ? ||1||

[6.] se kadham etaṃ? hatthi-mahārukkhaṇṇidarisaṇaṃ tellā- ||*41||

pāu-dhammaṃ kiṃpāga-phalaṇṇidarisaṇaṃ. se jadhā -āmate ||*42||

sākaḍie akkhaṃ makkhejjā `esa me -o bhajissati bhāraṃ ca me ||*43||

vahissati`, evām evovamāe samaṇe -igganthe chahiṃ ṭhāṇehiṃ ||*44||

āhāraṃ āhāremāṇe -o atikkameti: vedaṇā veyāvacce taṃ c' eva. ||*45||

se jadhā -āmate jatukārae ingālesu agaṇi-kāyaṃ -isirejjā `esa ||*46||

me agaṇi-kāe -o vijjhāhiti jatuṃ ca tāvessāmi`, evām evovamāe ||*47||

samaṇe -igganthe chahiṃ ṭhāṇehiṃ āhāraṃ āhāremāṇe -o ||*48||

atikkameti: vedaṇā veyāvacce taṃ c' eva. se jadhā -āmate usu- ||*49||

kārae tusehiṃ agaṇi-kāyaṃ -isirejjā `esa me agaṇi-kāe -o vijjhāhiti ||*50||

usuṃ ca tāvessāmi`, evām evovamāe samaṇe -igganthe sesaṃ ||*51||

taṃ c' eva. ||*52||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*53||

|| ambaḍ' ajjhayaṇaṃ. ||25||

I/26 māyangijj' ajjhayaṇaṃ. /

katare dhamme paṇṇatte? | savv' āuso suṇedha me /

kiṇā bambhaṇa-vaṇṇ' ābhā | yuddhaṃ sikkhanti māhaṇā ||1||

rāyāṇo vaṇiyā? jāge | māhaṇā sattha-jīviṇo /

andheṇa juge-' addhe | vipallatthe uttarādhare ||2||

ārūḍho rāya-rahaṃ | aḍaṇīe yuddham ārabhe /

sa-dhāmāiṃ piṇiddhanti | vivetā bambha-pālaṇā ||3||

-a māhaṇe dhaṇu-rahe, | sattha-pāṇī -a māhaṇe /

-a māhaṇe musaṃ būyā, | cojjaṃ kujjā -a māhaṇe ||4||

mehuṇaṃ tu -a gacchejjā, | -' eva geṇhe pariggahaṃ /

dhamm' angehiṃ -ijuttehiṃ | jhā-' ajjhayaṇa-parāyaṇo ||5||

savv' indiehiṃ guttehiṃ | sacca-ppehī sa māhaṇe /

sīl' angehiṃ -iuttehiṃ | sīla-ppehī sa māhaṇe ||6||

chaj-jīva-kāya-hitae | savva-satta-dayā-vare /

sa māhaṇe tti vattavve | ātā jassa visujjhatī ||7||

divvaṃ so kisiṃ kisejjā, -' ev' appiṇejjā. mātangeṇaṃ arahatā ||*1||

isiṇā buitaṃ. ||*2||

ātā chettaṃ, tavo bīyaṃ, | saṃjamo juaṇṇangalaṃ /

jhāṇaṃ phālo nisitto ya, | saṃvaro ya bīyaṃ daḍhaṃ ||8||

akūḍattaṃ ca kūḍesu, | viṇae niyamaṇe ṭhite /

titikkhā ya halīsā tu, | dayā guttī ya paggahā ||9||

sammattaṃ gotthaṇavo, | samitī u samilā tahā /

dhiti-jotta-susaṃbaddhā | savvaṇṇu-vayaṇe rayā ||10||

panc' eva indiyāṇi tu | khantā dantā ya -ijjitā /

māhaṇesu tu te goṇā | gambhīraṃ kasate kisiṃ ||11||

tavo bīyam avanjhaṃ se, | ahiṃsā -ihaṇaṃ paraṃ /

vavasāto dhaṇaṃ tassa, | juttā goṇā ya saṃgaho ||12||

dhitī khalaṃ vasuyikaṃ, | saddhā meḍhī ya -iccalā /

bhāvaṇā u vatī tassa, | iriyā dāraṃ susaṃvuḍaṃ ||13||

kasāyā malaṇaṃ tassa, | kitti-vāto ya tak-khamā /

-ijjarā tu `lavām' īsā | iti dukkhāṇa -ikkhati` ||14||

etaṃ kisiṃ kasittāṇaṃ | savva-satta-dayāvahaṃ /

māhaṇe khattie vesse | sudde vā 'pi visujjhatī ||15||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*3||

|| māyangijj' ajjhayaṇaṃ. ||26||

I/27 vārattaya-nām' ajjhayaṇaṃ. /

sādhu-sucaritaṃ avvāhatā samaṇa-saṃpayā. vārattaeṇaṃ ||*1||

arahatā isiṇā buitaṃ. ||*2||

na ciraṃ jaṇe saṃvase muṇī, | saṃvāseṇa siṇehu vaddhatī /

bhikkhussa aṇicca-cāriṇo | att' aṭhe kammā duhāyatī ||1||

payahittu siṇeha-bandhaṇaṃ | jhā-' ajjhayaṇa-parāyaṇe muṇī /

-iddhatteṇa sayā vi cetasā | -evvāṇāya matiṃ tu saṃdadhe ||2||

je bhikkhu sakheyam āgate | vayaṇaṃ kaṇṇa-suhaṃ parassa būyā /

se 'uppiya-bhāsae hu muddhe | āt' aṭhe -iyamā tu hāyatī ||3||

je lakkhaṇa-sumiṇa-paheliyāu | akkhāīyai ya kutūhalāo /

bhadda-dāṇāiṃ -are paunjae | sāmaṇṇassa mah' antaraṃ khu se ||4||

je celakaṇuvaṇayaṇesu vā vi | āvāha-vivāha-vadhū-varesu ya /

junjei jujjhesu ya patthivāṇaṃ | sāmaṇṇassa mah' antaraṃ khu se ||5||

je jīvaṇa-hetu pūya-' aṭhā | kiṃcī iha-loka-suhaṃ paunje /

aṭhi-visaesu payāhiṇe se | sāmaṇṇassa mah' antaraṃ khu se ||6||

vavagaya-kusale saṃchiṇṇa-sote | pejjeṇa doseṇa ya vippa-mukko /

piya-m-appiya-sahe akiṃcaṇe ya | āt' aṭhaṃ -a jahejja dhamma-jīvī ||7||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*3||

|| vārattaya-nām' ajjhayaṇaṃ. ||27||

I/28 addaijj' ajjhayaṇaṃ. /

chiṇṇa-sote bhisaṃ savve | kāme kuṇaha savvaso /

kāmā rogā maṇussāṇaṃ, | kāmā duggati-vaḍḍhaṇā ||1||

-' āsevejjā muṇi gehī | ekantam aṇupassato /

kāme kāmemāṇā | akāmā janti doggatiṃ ||2||

je lubbhanti kāmesu | tivihaṃ havati tuccha se /

ajjhovavaṇṇā kāmesu | bahave jīvā kilissanti ||3||

sallaṃ kāmā, visaṃ kāmā, | kāmā āsīvisovamā /

bahu-sādhāraṇā kāmā, | kāmā saṃsāra-vaḍḍhaṇā ||4||

patthanti bhāvao kāme | je jīvā moha-mohiyā /

duggame bhaya-saṃsāre | te dhuvaṃ dukkha-bhāgiṇo ||5||

kāma-sallam aṇuddhittā | jantavo kāma-mucchiyā /

jarā-maraṇa-kantāre | pariyattant' avukkamaṃ ||6||

sadeva-māṇusā kāmā | mae pattā sahassaso /

-a yāham kāma-bhogesu | titta-puvvo kayāi vi ||7||

tittiṃ kāmesu -' āsajja | patta-puvvaṃ aṇantaso /

dukkhaṃ bahuvih' ākāraṃ | kakkasaṃ paramāsubhaṃ ||8||

kāmāṇa maggaṇaṃ dukkhaṃ, | tittī kāmesu dullabhā /

pijj' ujjogo paraṃ dukkhaṃ, | taṇha-kkhaya paraṃ suhaṃ ||9||

kāma-bhogābhibhūt' appā | vitthiṇṇā vi -arāhivā /

phītiṃ kittiṃ imaṃ bhoccā | doggatiṃ vivasā gayā ||10||

kāma-mohita-citteṇaṃ | vihār' āhāra-kankhiṇā /

duggame bhaya-saṃsare | parītaṃ kesa-bhāgiṇā ||11||

appa-kkatāvarāho 'yaṃ | jīvāṇaṃ bhava-sāgaro /

seo jaraggavāṇaṃ vā | avasāṇammi duttaro ||12||

appa-kkatāvarāhehiṃ | jīvā pāvanti vedaṇaṃ /

appa-kkatehi sallehiṃ | sallakārī va vedaṇaṃ ||13||

jīvo appovaghātāya | paḍate moha-mohito /

bandha-moggara-māle vā | -accanto bahuvārio ||14||

asabbhāvaṃ pavattenti, | dīṇaṃ bhāsanti vīkavaṃ /

kāma-ggahābhibhūt' appā | jīvitaṃ payahanti ya ||15||

hiṃsādāṇaṃ pavattenti | kāmaso keti māṇavā /

vittaṃ -āṇaṃ saviṇṇāṇaṃ | keyī -enti hi saṃkhayaṃ ||16||

sadevoraga-gandhavvaṃ | satirikkhaṃ samāṇusaṃ /

kāma-panjara-saṃbaddhaṃ | kissate vivihaṃ jagaṃ ||17||

kāma-ggaha-viṇimmukkā | dhaṇṇā dhīrā jit' indiyā /

vitaranti meiṇiṃ rammaṃ | suddh' appā suddha-vādiṇo ||18||

je giddhe kāma-bhogesu | pāvāiṃ kurute -are /

se saṃsarati saṃsāraṃ | cāurantaṃ mahab-bhayaṃ ||19||

jahā nissāviṇiṃ nāvaṃ | jātiṇandho durūhiyā /

icchate pāram āgantuṃ | antare cciya sīdati ||20||

addaeṇa arahatā isiṇā buitaṃ. ||*1||

kāle kāle ya mehāvī | paṇḍie ya khaṇe khaṇe /

kālāto kancaṇasseva | uddhare malam appaṇo ||21||

anjaṇassa khayaṃ dissa | vammīyassa ya saṃcayaṃ /

madhussa ya samāhāraṃ | ujjamo saṃjame varo ||22||

ucc' ādīyaṃ vikappaṃ tu | bhāvaṇāe vibhāvae /

-a hemaṃ danta-kaṭhaṃ tu | cakkavaī vi khādae ||23||

khaṇa-thova-muhuttam antaraṃ, | suvihita, pāūṇam appa-kāliyaṃ /

tass' avi vipule phal' āgame, | kiṃ puṇa je siddhiṃ parakkame? ||24||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*2||

|| addaijj' ajjhayaṇaṃ. ||28||

I/29 ii vaddhamāṇa-nām' ajjhayaṇaṃ. /

savanti savvato sotā, | kiṃ -a sotoṇṇivāraṇaṃ? /

puṭhe muṇī āikkhe: | kahaṃ soto pihijjati? ||1||

vaddhamāṇeṇa arahatā isiṇā buitam. ||*1||

panca jāgarao suttā, | panca suttassa jāgarā /

pancahiṃ rayam ādiyati, | pancahiṃ ca rayaṃ ṭhae ||2||

saddaṃ sotam uvādāya | maṇuṇṇaṃ vā vi pāvagaṃ /

maṇuṇṇammi -a rajjejjā, | -a padussejjā hi pāvae ||3||

maṇuṇṇammi arajjante | aduṭhe iyarammi ya /

asutte avirodhīṇaṃ | evaṃ soe pihijjati ||4||

rūvaṃ cakkhum uvādāya | maṇuṇṇaṃ vā vi pāvagaṃ /

maṇuṇṇammi -a rajjejjā, | -a padussejjā hi pāvae ||5||

maṇuṇṇammi arajjante | aduṭhe iyarammi ya /

asutte avirodhīṇaṃ | evaṃ soe pihijjati ||6||

gandhaṃ ghāṇam uvādāya | maṇuṇṇaṃ vā vi pāvagaṃ /

maṇuṇṇammi -a rajjejjā, | -a padussejjā hi pāvae ||7||

maṇuṇṇammi arajjante | aduṭhe iyarammi ya /

asutte avirodhīṇaṃ | evaṃ soe pihijjati ||8||

rasaṃ jibbham uvādāya | maṇuṇṇaṃ vā vi pāvagaṃ /

maṇuṇṇammi -a rajjejjā, | -a padussejjā hi pāvae ||9||

maṇuṇṇammi arajjante | aduṭhe iyarammi ya /

asutte avirodhīṇaṃ | evaṃ soe pihijjati ||10||

phāsaṃ tayam uvādāya | maṇuṇṇaṃ vā vi pāvagaṃ /

maṇuṇṇammi -a rajjejjā, | -a padussejjā hi pāvae ||11||

maṇuṇṇammi arajjante | aduṭhe iyarammi ya /

asutte avirodhīṇaṃ | evaṃ soe pihijjati ||12||

duddantā indiyā panca | saṃsārāya sarīriṇaṃ /

te c' eva -iyamiyā sammaṃ | -evvāṇāya bhavanti hi ||13||

duddanteh' indieh' appā | duppahaṃ hīrae balā /

duddantehiṃ turaṃgehiṃ | sārahī vā mahā-pahe ||14||

indiehiṃ sudantehiṃ | -a saṃcarati goyaraṃ /

vidheyehiṃ turaṃgehiṃ | sārahi vvāva saṃjue ||15||

puvvaṃ maṇaṃ jiṇittāṇaṃ | vāre visaya-goyaraṃ /

vidheyaṃ gayam ārūḍho | sūro vā gahit' āyudho ||16||

jittā maṇaṃ kasāe yā | jo sammaṃ kurute tavaṃ /

saṃdippate sa suddh' appā | aggī vā havisāhute ||17||

sammattaṇṇirataṃ dhīraṃ | danta-kohaṃ jitindiyaṃ /

devā vi taṃ -amaṃsanti | mokkhe c' eva parāyaṇaṃ ||18||

savvattha viraye dante | savva-vārīhiṃ vārie /

savva-dukkha-ppahīṇe ya | siddhe bhavati -īraye ||19||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*2||

|| ii vaddhamāṇa-nām' ajjhayaṇaṃ. ||29||

I/30 ii vāuṇṇāmaṃ tīsaimam ajjhayaṇaṃ. /

adhā-saccam iṇaṃ savvṃ. ||*1||

vāyuṇā sacca-saṃjutteṇaṃ arahatā isiṇā buitaṃ. ||*2||

idha jaṃ kīrate kammaṃ | taṃ parato 'vabhujjai /

mūla-sekesu rukkhesu | phalaṃ sāhāsu dissati ||1||

jārisaṃ vuppate bīyaṃ | tārisaṃ bhujjae phalaṃ /

-āṇā-saṃṭhāṇa-saṃbaddhaṃ | -āṇā-saṇṇā' bhisaṇṇitaṃ ||2||

jārisaṃ kijjate kammaṃ | tārisaṃ bhujjate phalaṃ /

-āṇā-payogaṇṇivvattaṃ | dukkhaṃ vā jai vā suhaṃ ||3||

kallāṇā labhati kallāṇam, | pāvaṃ pāvā tu pāvati /

hiṃsaṃ labhati hantāraṃ | jaittā ya parājayaṃ ||4||

sūdaṇaṃ sūdaittāṇaṃ, | -indittā vi ya -indaṇaṃ /

akkosaittā akkosaṃ, | -' atthi kammaṃ -iratthakaṃ ||5||

maṇṇanti bhaddakā bhaddakā i, | madhuraṃ madhuraṃ ti māṇati /

kaḍuyaṃ kaḍuyaṃ bhaṇiyaṃ ti, | pharusaṃ pharusaṃ ti māṇati ||6||

kallāṇaṃ ti bhaṇantassa | kallāṇā e-paḍissuyā /

pāvakaṃ ti bhaṇantassa | pāvayā e-paḍissuyā ||7||

paḍissuyā-sarisaṃ kammaṃ | -accā bhikkhū subhāsubhaṃ /

taṃ kammaṃ na sevejjā | jeṇaṃ bhavati -ārae ||8||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*3||

|| ii vāuṇṇāmaṃ tīsaimam ajjhayaṇaṃ. ||30||

I/31 pāsijja-nām' ajjhayaṇaṃ. /

[1.] ke `yaṃ loe? [2.] kaividhe loe? [3.] kassa vā loe? ||*1||

[4.] ke vā loya-bhāve? [5.] keṇa vā aṭheṇa loe pavuccaī? ||*2||

[6.] kā gatī? [7.] kassa vā gatī? [8.] ke vā gati-bhāve? ||*3||

[9.] keṇa vā aṭheṇa gatī pavuccati? pāseṇa arahatā isiṇā ||*4||

buitaṃ. ||*5||

[1.] jīvā c' eva ajīvā c' eva. [2.] cauvvihe loe viyāhite: davvato loe, ||*6||

khettao loe, kālao loe, bhāvao loe. [3.] atta-bhāve loe sāmittaṃ ||*7||

paḍucca jīvāṇaṃ loe, nivvattiṃ paḍucca jīvāṇaṃ c' eva ajīvāṇaṃ ||*8||

c' eva. [4.] aṇādīe aṇihaṇe pariṇāmie loka-bhāve. [5.] lokatīti loko. ||*9||

[6.] jīvāṇa ya puggalāṇa ya gatī 'ti āhitā. [7.] jīvāṇaṃ c' eva ||*10||

puggalāṇaṃ c' eva gatī davvato gatī, khettao gatī, kālao gatī, ||*11||

bhāvao gatī. [8.] aṇādīe aṇidhaṇe gati-bhāve. [9.] gammatīti ||*12||

gatī. ||*13||

[ .] uddha-gāmī jīvā, ahe-gāmī poggalā. [ .] kamma-ppabhavā ||*14||

jīvā, pariṇāma-ppabhavā poggalā. [ .] kammaṃ pappa ||*15||

phala-vivāko jīvāṇaṃ, pariṇāmaṃ pappa phala-vivāko poggalāṇaṃ ||*16||

. [ .] n' ev' imā payā kayāī avvābāha-suham esiyā kasaṃ ||*17||

kasāvaittā. [ .] jīvā duvihaṃ vedaṇaṃ vedenti pāṇātivāta- [ ... ] ||*18||

veramaṇeṇam jāva micchā-daṃsaṇa-veramaṇeṇaṃ. kiccā jīvā, ||*19||

sātaṇaṃ veyaṇaṃ vedenti. jass' aṭhāe biheti, samucchijjissati ||*20||

aṭhā samucciṭhissati. niṭhita-karaṇijje sante saṃsāra-maggā ||*21||

maḍ' āi -iyaṇṭhe -iruddha-pavance vocchiṇṇa-saṃsāre vocchiṇṇa- ||*22||

saṃsāra-vedaṇijje pahīṇa-saṃsāre pahīṇa-saṃsāra-veyaṇijje -o ||*23||

puṇar-avi itthattaṃ havvam āgacchati. ||*24||

evaṃ se siddhe buddhe ... -o puṇar-avi icc-atthaṃ havvam ||*25||

āgacchati tti bemi. ||*26||

pāsijja-nām' ajjhayaṇaṃ. ||*27||

gati-vāgaraṇa-ganthāo pabhiti jāva sāmittaṃ imaṃ ajjhayaṇaṃ ||*28||

tāva imo bīo pāḍho dissati, taṃ-jahā: ||*29||

[6.] jīvā c' eva gamaṇa-pariṇatā poggalā c' eva gamaṇa-pariṇatā. ||*30||

duvidhā gatī: payoga-gatī ya vīsasā-gatī ya [7.] jīvāṇaṃ c' eva ||*31||

poggalāṇaṃ c' eva. [8.] udaiya-pāriṇāmie gati-bhāve. [9.] gammamāṇā ||*32||

iti gatī. ||*33||

[ .] uḍḍhaṃ-gāmī jīvā, adha-gāṃī poggalā. [ . .] pāva- ||*34||

kamma-kaḍe naṃ jīvāṇaṃ pariṇāme, pāva-kamma-kaḍe -am puggalāṇaṃ ||*35||

. [ .] -a kayāti payā adukkhaṃ pakāsī`ti. [ .] atta-kaḍā ||*36||

jīvā, kiccā kiccā vedenti, taṃ-jahā: pāṇātivāeṇaṃ jāva pariggaheṇaṃ ||*37||

. ||*38||

esa khalu asaṃbuddhe asaṃvuḍa-kammante cāujjāme -iyaṇṭhe ||*39||

aṭhavihaṃ kamma-gaṇṭhiṃ pagareti, se ya cauhiṃ ṭhāṇehiṃ ||*40||

vivāgam āgacchati, taṃ-jahā: -eraiehiṃ tirikkha-joṇiehiṃ ||*41||

maṇussehiṃ devehiṃ. atta-kaḍā jīvā, -o para-kaḍā, kiccā kiccā ||*42||

vedinti, taṃ-jahā: pāṇātivāta-veramaṇeṇaṃ jāvā pariggaha- ||*43||

veramaṇeṇaṃ. esa khalu saṃbuddhe saṃvuḍa-kammante cāujjāme ||*44||

-iyaṇṭhe aṭhavihaṃ kamma-gaṇṭhiṃ -o pakareti, se ya cauhiṃ ||*45||

ṭhāṇehiṃ -o vipākam āgacchati, taṃ-jahā: -eraiehiṃ tirikkha- ||*46||

joṇiehiṃ maṇussehiṃ devehiṃ. loe -a katāi -' āsī -a katāi ||*47||

-a bhavati -a katāi -a bhavissati, bhuviṃ ca bhavati ya bhavissati ||*48||

ya, dhuve -itie sāsae akkhae avvae avaṭhie nicce. se jahā ||*49||

nāmate panca atthikāyā -a kayāti -' āsī jāva -iccā evām eva ||*50||

loke vi -a kayāti -' āsī jāva -icce. ||*51||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*52||

|| pāsijja-nām' ajjhayaṇaṃ. ||31||

I/32 ping' ajjhayaṇaṃ. /

divvaṃ bho kisiṃ kisejjā, -o appiṇejjā. pingeṇa māhaṇa-parivvāyaeṇaṃ ||*1||

arahatā isiṇā buitaṃ. ||*2||

kato chettaṃ, kato bīyaṃ, | kato te jugaṇṇangalaṃ? /

goṇā vi te -a passāmi, | ajjo, kā -āma te kisī? ||1||

ātā chettaṃ, tavo bīyaṃ | saṃjamo jugaṇṇangalaṃ /

ahiṃsā samitī jojjā, | esā dhamm' antarā kisī ||2||

esā kisī sobhatarā | aluddhassa viyāhitā /

esā bahu-saī hoi | para-loka-suh' āvahā ||3||

eyaṃ kisiṃ kasittāṇaṃ | savva-satta-dayāvahaṃ /

māhaṇe khattie vesse | sudde vā vi ya sijjhatī ||4||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*3||

|| ping' ajjhayaṇaṃ. ||32||

I/33 aruṇijja-nāmam ajjhayaṇaṃ tettīsaimaṃ. /

dohiṃ ṭhāṇehiṃ bālaṃ jāṇejjā, dohiṃ thāṇehiṃ paṇḍitaṃ jāṇejjā: ||*1||

sammā-micchā-paoteṇaṃ | kammuṇā bhāsaṇeṇa ya /

dubhāsiyāe bhāsāe | dukkaḍeṇa ya kammuṇā /

bālam etaṃ viyāṇejjā | kajjākajja-viṇicchae ||1||

subhāsiyāe bhāsāe | sukaḍeṇa ya kammuṇā /

paṇḍitaṃ taṃ viyāṇejjā | dhammādhamma-viṇicchae ||2||

dubhāsiyāe bhāsāe | dukkaḍeṇa ya kammuṇā /

joga-kkhemaṃ vahantaṃ tu | usu-vāyo va sincati ||3||

subhāsiyāe bhāsāe | sukaḍeṇa ya kammuṇā /

pajjaṇṇe kāla-vāsī vā | jasaṃ tu abhigacchati ||4||

-' eva bālehi saṃsaggiṃ | -' eva bālehi saṃthavaṃ /

dhammādhammaṃ ca bālehiṃ | -' eva kujjā kadāyi vi ||5||

ih' evākitti pāvehiṃ, | peccā gacchei dogatiṃ /

tamhā bālehi saṃsaggiṃ | -' eva kujjā kadāyi vi ||6||

sāhūhiṃ saṃgamaṃ kujjā | sāhūhiṃ c' eva saṃthavaṃ /

dhammādhammaṃ ca sāhūhiṃ | sadā kuvvejja paṇḍie ||7||

ih' eva kittiṃ pāuṇati, | peccā gacchai sogatiṃ /

tamhā sādhūhi saṃsaggiṃ | sadā kuvvejja paṇḍie ||8||

khaiṇaṃ pamāṇaṃ vattaṃ ca | dejjā ajjati jo dhaṇaṃ /

sad-dhamma-vakka-dāṇaṃ tu | akkhayaṃ amataṃ mataṃ ||9||

puṇṇaṃ tittham uvāgamma | peccā bhojjāhi taṃ phalaṃ /

sad-dhamma-vāri-dāṇeṇaṃ | khippaṃ sujjhati māṇasaṃ ||10||

sab-bhāva-vakka-vivasaṃ | sāvajj' ārambha-kārakaṃ /

dummittaṃ taṃ vijāṇejjā | ubhayo loga-viṇāsaṇaṃ ||11||

sammattaṇṇirayaṃ dhīraṃ | sāvajj' ārambha-vajjakaṃ /

taṃ mittaṃ suṭhu sevejjā | ubhao loka-suh' āvahaṃ ||12||

saṃsaggito pasūyanti | dosā vā jai vā guṇā /

vātato mārutasseva | te te gandhā suh' āvahā ||13||

saṃpuṇṇa-vāhiṇīo vi | āvannā lavaṇodadhiṃ /

pappā khippaṃ tu savvā vi | pāvanti lavaṇattaṇaṃ ||14||

samassitā giriṃ meruṃ | -āṇā-vaṇṇā vi pakkhiṇo /

savve hema-ppabhā honti, | tassa selassa so guṇo ||15||

kallāṇa-mitta-saṃsaggiṃ | saṃjao mihilāhivo /

phītaṃ mahi-talaṃ bhoccā | taṃ-mūlākaṃ divaṃ gato ||16||

aruṇeṇa mahāsālaputteṇa arahatā isiṇā buitaṃ. ||*2||

sammattaṃ ca ahiṃsaṃ ca | sammaṃ -accā jitindie /

kallāṇa-mitta-saṃsaggiṃ | sadā kuvvejja paṇḍie ||17||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*3||

|| aruṇijja-nāmam ajjhayaṇaṃ tettīsaimaṃ. ||33||

I/34 isigiriṇṇām' ajjhayaṇaṃ cautīsaimaṃ. /

pancahiṃ ṭhāṇehiṃ paṇḍite bāleṇaṃ parīsahovasagge udīrijjamāṇe ||*1||

sammaṃ sahejjā khamejjā titikkhejjā adhiyāsejjā: ||*2||

[1.] bāle khalu paṇḍitaṃ parokkhaṃ pharusaṃ vadejjā. taṃ ||*3||

paṇḍite bahu maṇṇejjā: `diṭhā me esa bāle parokkhaṃ pharusaṃ ||*4||

vadati, -o paccakkhaṃ. mukkha-sabhāvā hi bālā, -a kiṃci ||*5||

bālehiṃto -a vijjati.` taṃ paṇḍite sammaṃ sahejjā khamejjā ||*6||

titikkhejjā adhiyāsejjā. ||*7||

[2.] bāle khalu paṇḍitaṃ paccakkham eva pharusaṃ vadejjā. ||*8||

taṃ paṇḍie bahu maṇṇejjā: `diṭhā me esa bāle paccakkhaṃ ||*9||

pharusaṃ vadati, -o daṇḍeṇa vā laṭhiṇā vā leṭhuṇā vā ||*10||

muṭhiṇā vā bāle kavāleṇa vā abhihaṇati tajjeti tāleti paritāleti ||*11||

paritāveti uddaveti. mukkha-sabhāvā hu bālā, -a kiṃci bālehiṃto ||*12||

-a vijjati.` taṃ paṇḍite sammaṃ sahejjā khamejjā titikkhejjā ||*13||

ahiyāsejjā. ||*14||

[3.] bāle ya paṇḍitaṃ daṇḍena vā laṭhiṇā vā leṭhuṇā vā muṭhiṇā ||*15||

vā kavāleṇa vā abhihaṇejjā ... uddavejjā, taṃ paṇḍie bahu ||*16||

maṇṇejjā: diṭhā me esa bāle daṇḍeṇa vā laṭhiṇā vā leṭhuṇā ||*17||

vā muṭhiṇā vā kavāleṇa vā abhihaṇati tajjeti tāleti paritāleti paritāveti ||*18||

uddaveti, -o aṇṇatareṇaṃ sattha-jāteṇaṃ aṇṇayaraṃ sarīrajāyaṃ ||*19||

acchindai vā vicchindai vā. mukkha-sabhāvā hi bālā, -a ||*20||

kiṃci bālehiṃto -a vijjati.` taṃ paṇḍie sammaṃ sahejjā khamejjā ||*21||

titikkhejjā ahiyāsejja. ||*22||

[4.] bāle ya paṇḍiyaṃ aṇṇatareṇaṃ sattha-jāteṇaṃ aṇṇataraṃ ||*23||

sarīra-jāyaṃ acchindejja vā vicchindejja vā, taṃ paṇḍie bahu ||*24||

maṇṇejjā: `diṭhā me esa bāle aṇṇatareṇaṃ sattha-jāteṇaṃ acchindati ||*25||

vā vicchindati vā, -o jīvitāto vavaroveti. mukkha-sabhāvā ||*26||

hi bālā, -a kiṃci bālehiṃto -a vijjati.` taṃ paṇḍie sammaṃ ||*27||

sahejjā khamejjā titikkhejjā ahiyāsejjā. ||*28||

[5.] bāle ya paṇḍitaṃ jīviyāo vavarovejjā, taṃ paṇḍite bahu ||*29||

maṇṇejjā: `diṭhā me esa bāle jīvitāo vavaroveti, -o dhammāo ||*30||

bhaṃseti. mukkha-sabhāvā hi bālā, -a kiṃci bālehiṃto -a vijjati.` ||*31||

taṃ paṇḍite sammaṃ sahejjā khamejjā titikkhejjā ahiyāsejjā. ||*32||

isigiriṇā māhaṇa-parivvāyaeṇaṃ arahatā isiṇā buitaṃ. ||*33||

jeṇa keṇai uvāeṇaṃ | pa-dio moijja appakaṃ /

bāle-' udīritā dosā, | taṃ pi tassa hitaṃ bhave ||1||

apaḍinna-bhāvāo | uttaraṃ tu -a vijjatī /

saiṃ kuvvai vese -o, | apaḍiṇṇe iha māhaṇe ||2||

kiṃ kajjate u dīṇassa | -' aṇṇattha deha-kankhaṇaṃ /

kālassa kankhaṇaṃ vā vi | -aṇṇattaṃ vā vi hāyatī ||3||

-accāṇa āturaṃ lokaṃ | -āṇā-vāhīhi pīlitaṃ /

-immame -irahaṃkāre | bhave bhikkhū jitindie ||4||

panca-mahavvaya-jutte | akasāe jitindie /

se hu dante suhaṃ suyatī | -iruvasagge ya jīvati ||5||

je -a lubbhati kāmehiṃ | chiṇṇa-sote aṇāsave /

savva-dukkha-pahīṇo u | siddhe bhavati -īrae ||6||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*34||

|| isigiriṇṇām' ajjhayaṇaṃ cautīsaimaṃ. ||34||

I/35 addālaijj' ajjhayaṇaṃ. /

cauhiṃ ṭhāṇehiṃ khalu bho jīvā kuppantā majjantā gūhantā ||*1||

lubbhantā vajjaṃ samādiyanti, vajjaṃ samādiittā cāuranta-saṃsāra ||*2||

-kantāre puṇo puṇo attāṇaṃ parividdhaṃsanti, taṃ-jahā: ||*3||

koheṇaṃ māṇeṇāṃ māyāe lobheṇam. tesiṃ ca -aṃ ahaṃ parighāta ||*4||

-heuṃ akuppante amajjante agūhante alubbhante ti-gutte ||*5||

tidaṇḍa-virate -issalle agārave cau-vikaha-vivajjie panca-samite ||*6||

pancendiya-saṃvuḍe sarīra-sādhāra-' aṭhā joga-saṃdha-' aṭhā ||*7||

-ava-koḍī-parisuddhaṃ dasa-dosa-vippamukkaṃ uggam' uppayaṇā ||*8||

-suddhaṃ tattha tattha itarāṇitara-kulehiṃ para-kaḍaṃ para- ||*9||

-iṭhitaṃ vigat' ingālaṃ vigata-dhūmaṃ satthātītaṃ sattha-pariṇataṃ ||*10||

piṇḍaṃ sejjaṃ uvahiṃ ca ese bhāvemi tti addālaeṇaṃ ||*11||

arahatā isiṇā buitaṃ. ||*12||

aṇṇāṇa-vippamūḍh' appā | paccuppaṇṇābhidhārae /

kovaṃ kiccā mahā-bāṇaṃ | appā vindhai appakaṃ ||1||

maṇṇe bāṇeṇa viddhe tu | bhavam ekkaṃ viṇijjati /

kodha-bāṇeṇa viddhe tu | -ijjatī bhava-saṃtatiṃ ||2||

aṇṇāṇa-vippamūḍh' appā | paccuppaṇṇābhidhārae /

māṇaṃ kiccā mahā-bāṇaṃ | appā vindhai appakaṃ ||3||

maṇṇe bāṇeṇa viddhe tu | bhavam ekkaṃ viṇijjati /

māṇa-bāṇeṇa viddhe tu | -ijjatī bhava-saṃtatim ||4||

aṇṇāna-vippamūḍh' appā | paccuppaṇṇābhidhārae /

māyaṃ kiccā mahā-bāṇaṃ | appā vindhai appakaṃ ||5||

maṇṇe bāṇeṇa viddhe tu | bhavam ekkaṃ viṇijjati /

māya-bāṇeṇa viddhe tu | -ijjatī bhava-saṃtatim ||6||

aṇṇāna-vippamūḍh' appā | paccuppaṇṇābhidhārae /

lobhaṃ kiccā mahā-bāṇaṃ | appā vindhai appakaṃ ||7||

maṇṇe bāṇeṇa viddhe tu | bhavam ekkaṃ viṇijjati /

lobha-bāṇeṇa viddhe tu | -ijjatī bhava-saṃtatim ||8||

tamhā tesiṃ viṇāsāya | sammam āgamma saṃmatiṃ /

appaṃ paraṃ ca jāṇittā | care 'visaya-goyaraṃ ||9||

jesu jāyante kodh' ātī | kamma-bandhā mahā-bhayā /

te vatthū savva-bhāveṇaṃ | savvahā parivajjae ||10||

satthaṃ sallaṃ visaṃ jantaṃ | majjam vālaṃ dubhāsaṇaṃ /

vajjento taṃṇṇimitteṇaṃ | doseṇaṃ -a vi luppati ||11||

ātaṃ paraṃ ca jāṇejjā | savva-bhāveṇa savvadhā /

āy' aṭhaṃ ca par' aṭhaṃ ca | piyaṃ jāṇe taheva ya ||12||

sae gehe palittammi | kiṃ dhāvasi parātakaṃ? /

sayaṃ gehaṃ -irittāṇaṃ | tato gacche parātakaṃ ||13||

āt' aṭhe jāgaro hohi, | mā par' aṭhāhidhārae /

āt' aṭho hāvae tassa | jo par' aṭhāhidhārae ||14||

jai paro paḍisevejja | pāviyaṃ paḍisevaṇaṃ /

tujjha moṇaṃ karentassa | ke aṭhe parihāyati? ||15||

att' aṭho -ijjarāyanto, | par' aṭho kamma-bandhaṇaṃ /

attā samāhi-karaṇaṃ | appaṇo ya parassa ya ||16||

aṇṇātayammi aālakammi | kiṃ jaggieṇa vīrassa? /

-iyagammi jaggiyavvaṃ, | imo hu bahu-corato gāmo ||17||

jaggāhi, mā suvāhī, | mā te dhamma-caraṇe pamattassa /

kāhinti bahuṃ corā | saṃjama-joge hiḍā-kammaṃ ||18||

panc' indiyāi saṇṇā | daṇḍā sallāi gāravā tiṇṇi /

bāvīsaṃ ca parīsaha | corā cattāri ya kasāyā ||19||

jāgaraha -arā niccaṃ, | mā bhe dhamma-caraṇe pamattāṇaṃ /

kāhinti bahū corā | doggati-gamaṇe hiḍā-kammaṃ ||20||

aṇṇāyakammi aālakammi | jagganta soyaṇijjo si /

-āhisi vaṇito santo | osaha-mullaṃ avindanto ||21||

jāgaraha -arā -iccaṃ, | jāgaramāṇassa jāgarati suttaṃ /

je suvati -a se suhite, | jāgaramāṇe suhī hoti ||22||

jāgarantaṃ muṇiṃ vīraṃ | dosā vajjenti dūrao /

jalantaṃ jātaveyaṃ vā | cakkhusā dāha-bhīruṇo ||23||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*13||

|| addālaijj' ajjhayaṇaṃ. ||35||

I/36 iti tārāyaṇijjam ajjhayaṇaṃ. /

uppatatā uppatatā uppayantaṃ piteṇa vocchāmi. kiṃ santaṃ ||*1||

vocchāmi? -a santaṃ vocchāmi: `kukkusayā!` vitteṇa tārāyaṇeṇa ||*2||

arahatā isiṇā buitaṃ. ||*3||

pattassa mama ya annesiṃ mukko kovo duh' āvaho ||*4||

tamhā khalu uppatantaṃ sahasā kovaṃ nigiṇhitavvaṃ. ||*5||

kovo aggī tamo maccū | visaṃ vādhī arī rayo /

jarā hāṇī bhayaṃ sogo | mohaṃ sallaṃ parājayo ||1||

vaṇhiṇo -o balaṃ chittaṃ, | koh' aggissa paraṃ balaṃ /

appā gatī tu vaṇhissa, | kov' aggiss' amitā gatī ||2||

sakkā vaṇhī -ivāretuṃ | vāriṇā jalito bahi /

savvodahi-jaleṇāvi | kov' aggī duṇṇivārao ||3||

ekaṃ bhavaṃ dahe vaṇhī, | daḍḍhass' avi suhaṃ bhave /

imaṃ paraṃ ca kov' aggī | -issankaṃ dahate bhavaṃ ||4||

aggiṇā tu ihaṃ daḍḍhā | santim icchanti māṇavā /

koh' aggiṇā tu daḍḍhāṇaṃ | dukkhaṃ santī puṇo vi hi ||5||

sakkā tamo -ivāretuṃ | maṇiṇā jotiṇā vi vā /

kova-tamo tu dujjeyo | saṃsāre savva-dehiṇaṃ ||6||

sattaṃ buddhī matī medhā | gambhīraṃ saralattaṇaṃ /

koha-ggah' abhibhūyassa | savvaṃ bhavati -ippabhaṃ ||7||

gambhīra-meru-sāre vi | puvvaṃ hoūṇa saṃjame /

kov' uggama-rayo-dhūte | asārattam aticchati ||8||

mahā-vise v' ahī ditte | care 'datt' ankurodaye /

ciṭhe ciṭhe sa rūsante | -ivvisattam upāgate ||9||

evaṃ tavo-balatthe vi | -iccaṃ koha-parāyaṇe /

acire-' avi kāleṇaṃ | tavo-rittattam icchati ||10||

gambhīro vi tavo-rāsī | jīvāṇaṃ dukkha-saṃcito /

akkheviṇaṃ dav' aggī vā | kov' aggī dahate khaṇā ||11||

koheṇa appaṃ ḍahatī paraṃ ca | atthaṃ ca dhammaṃ ca taheva kāmaṃ /

tivvaṃ ca veraṃ pi karenti kodhā | adharaṃ gatiṃ vā vi uvinti kohā ||12||

koh' āviddhā -a yāṇanti | mātaraṃ pitaraṃ guruṃ /

adhikkhivanti sādhū ya | rāyāṇo devayāṇi ya ||13||

kova-mūlaṃ -iyacchanti | dhaṇa-hāṇiṃ bandhaṇāṇi ya /

piya-vippaoge ya bahū | jammāiṃ maraṇāṇi ya ||14||

jeṇābhibhūto jahatī tu dhammaṃ | viddhaṃsatī jeṇa kataṃ ca puṇṇaṃ /

sa tivva-jotī parama-ppamādo | kodho, mahārāja, -irujjhiyavvo ||15||

haṭhaṃ karetīha -irujjhamāṇo | bhāsaṃ karetīha vimuccamāṇo /

haṭhaṃ ca bhāsaṃ ca samikkha paṇṇe | kovaṃ -irumbhejja sadā jit' appā ||16||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*6||

|| iti tārāyaṇijjam ajjhayaṇaṃ. ||36||

I/37 sirigirijjaṇṇām' ajjhayaṇaṃ. /

[1.] savvam iṇaṃ purā udagam āsi tti sirigiriṇā māhaṇa- ||*1||

parivvāyageṇa arahatā isiṇā buiyaṃ. ||*2||

ettha aṇḍe saṃtatte, ettha loe saṃbhūte, etthaṃ sāsāse, iyaṃ ||*3||

-e varuṇa-vihāṇe. [2.] ubhayo-kālaṃ ubhayo-saṃjhaṃ khīraṃ ||*4||

-avaṇīyaṃ madhu samidhā-samāhāraṃ khāraṃ sankhaṃ ca ||*5||

piṇḍettā aggihotta-kuṇḍaṃ paḍijāgaremāṇe viharissāmīti tamhā ||*6||

eyaṃ savvaṃ ti bemi. [3.] -avi māyā, -a kadāti -' āsi -a kadāti ||*7||

-a bhavati -a kadāti -a bhavissati ya. ||*8||

paḍuppaṇṇam iṇaṃ soccā ||*9||

sūra-sahagato gacche: jatth' eva sūriye. ||*10||

atthamejjā khettaṃsi vā -iṇṇaṃmsi vā tatth' eva -aṃ pāduppabhāyāe ||*11||

rayaṇīye jāva tejasā jalante evaṃ khalu me kappati ||*12||

pātīṇaṃ vā paḍīṇaṃ vā dāhiṇaṃ vā udīṇaṃ vā purato juga- ||*13||

mettaṃ pehamāṇe ahārīyam eva rītittae. ||*14||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*15||

|| sirigirijjaṇṇām' ajjhayaṇaṃ. ||37||

I/38 sāiputtijjaṃ -ām' ajjhayaṇaṃ. /

jaṃ suheṇa suhaṃ laddhaṃ | accanta-sukham eva taṃ /

jaṃ sukheṇa duhaṃ laddhaṃ, | mā me teṇa samāgamo ||1||

sātiputteṇa buddheṇa arahatā isiṇā buitaṃ. ||*1||

maṇuṇṇaṃ bhoyaṇaṃ bhoccā | maṇuṇṇaṃ saya-' āsaṇaṃ /

maṇuṇṇaṃsi agāraṃsi | jhāti bhikkhū samāhie ||2||

amaṇuṇṇaṃ bhoyaṇaṃ bhoccā | amaṇuṇṇaṃ saya-' āsaṇaṃ /

amaṇuṇṇaṃsi gehaṃsi | dukkhaṃ bhikkhū jhiyāyatī ||3||

evaṃ aṇega-vaṇṇāgaṃ | taṃ pariccajja paṇḍite /

-' aṇṇattha lubbhaī paṇṇe, | eyaṃ buddhāṇa sāsaṇaṃ ||4||

-āṇā-vaṇṇesu saddesu | soya-pattesu buddhimaṃ /

gehiṃ vāya-padosaṃ vā | sammaṃ vajjejja paṇḍie ||5||

evaṃ rūvesu gandhesu rasesu phāsesu app' appaṇā' bhilāveṇaṃ. ||*2||

panca jāgarao suttā | appa-dukkhassa kāraṇā /

tass' eva tu viṇāsāya | paṇṇe vaijja saṃtayaṃ ||6||

vāhi-kkhayāya dukkhaṃ vā | suhaṃ vā -āṇa-desiyaṃ /

moha-kkhayāya em eva | duhaṃ vā jai vā suhaṃ ||7||

-a dukkaṃ -a suhaṃ vā vi | jahā-hetu tigicchati /

tigicchie sujuttassa | dukkhaṃ vā jai vā suhaṃ ||8||

moha-kkhae u juttassa | dukkhaṃ vā jai vā suhaṃ /

moha-kkhae jahā-heū | na dukkhaṃ na vi vā suhaṃ ||9||

tucche jaṇammi saṃvego, | nivvedo uttame jaṇe /

atthi tā dīṇa-bhāvāṇaṃ | viseso uvadesaṇaṃ ||10||

sāmaṇṇe gītaṇṇīmāṇā, | visese mamma-vedhiṇī /

savvaṇṇu-bhāsiyā vāṇī | -āṇā 'vattho 'day' antare ||11||

savva-satta-dayo veso | -ārambho -apariggaho /

sattaṃ tavaṃ dayaṃ c' eva | bhāsanti jiṇa-sattamā ||12||

dant' indiyassa vīrassa | kiṃ raṇṇe-' assameṇa vā? /

jattha jatth' eva modejjā | taṃ raṇṇaṃ so ya assamo ||13||

kim u dantassa raṇṇeṇaṃ | dantassa vā kim assame? /

-ātikkantassa bhesajjaṃ | -a vā satthass' abhejjatā ||14||

subhāva-bhāvit' appāṇo | suṇṇaṃ raṇṇaṃ vaṇaṃ pi vā /

savvam etaṃ hi jhāṇāya | salla-citte va salliṇo ||15||

duha-rūvā durantassa | -āṇā' vatthā vasuṃdharā /

kamm' ādāṇāya savvaṃ pi | kāma-citte va kāmiṇo ||16||

sammattaṃ ca dayaṃ c' eva | -iṇṇidāṇo ya jo damo /

tavo jogo ya savvo vi | savva-kamma-kkhayaṃkaro ||17||

satthakaṃ vā vi ārambhaṃ | jāṇejjā ya -iratthakaṃ /

paḍihatthiṃ sa joento | taḍaṃ ghāteti vāraṇo ||18||

jassa kajjassa jo jogo | sāhetuṃ-je -a paccalo /

kajjaṃ vajjeti taṃ savvaṃ | kāmī vā -agga-muṇḍaṇaṃ ||19||

jāṇejjā saraṇaṃ dhīro, | -a koḍiṃ eti duggato /

-a sīhaṃ dappiyaṃ cheyaṃ | -ebhaṃ bhojjāhi jambuo ||20||

vesa-pacchāṇa-saṃbaddhe | 'saṃbaddhaṃ vārae sadā /

-āṇāṇarati-pāyoggaṃ | -ālaṃ dhāretu buddhimaṃ ||21||

bambhacārī jati kuddho | vajjejja moha-dīvaṇaṃ /

-a mūḍhassa tu vāhassa | mige appeti sāyakaṃ ||22||

pacchāṇaṃ c' eva rūvaṃ ca | -icchayammi vibhāvae /

kim atthaṃ gāyate vāho | tuṇhikkā vā vi pakkhitā? ||23||

kajjaṇṇivvatti-pāoggaṃ | ādeyaṃ kajja-kāraṇaṃ /

mokkhaṇṇivvatti-pāoggaṃ | viṇṇeyaṃ tu visesao ||24||

parivāre c' eva vese ya | bhāvitaṃ tu vibhāvae /

parivāre vi gambhīre | -a rāyā -īla-jambuo ||25||

atth' ādāiṃ jaṇaṃ jāṇe | -āṇā-cittāṇubhāsakaṃ /

atth' ādāīṇa vīsango | pāsantass' attha-saṃtatī ||26||

ḍambha-kappaṃ katti-samaṃ | -icchayammi vibhāvae /

-ikhil' āmosa kārittu | uvacārammi paricchatī ||27||

sabbhāve dubbalaṃ jāṇe | -āṇā-vaṇṇāṇubhāsakaṃ /

pupph' ādāṇe suṇandā vā | pavakāra-gharaṃ gatā ||28||

davve khette ya kāle ya | savva-bhāve ya savvadhā /

savvesiṃ linga-jīvāṇaṃ | bhāvaṇaṃ tu vihāvae ||29||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*3||

|| sāiputtijjaṃ -ām' ajjhayaṇaṃ. ||38||

I/39 saṃjaijjaṃ nām' ajjhayaṇaṃ. /

je imaṃ pāvakaṃ kammaṃ | n' eva kujjā -a kārave /

devā vi taṃ -amaṃsanti | dhitimaṃ ditta-tejasaṃ ||1||

je -are kuvvatī pāvaṃ | andhakāraṃ mahaṃ kare /

aṇavajjaṃ paṇḍite kiccā | ādicce va pabhāsatī ||2||

siyā pāvaṃ saiṃ kujjā, | taṃ -a kujjā puṇo puṇo /

-āṇi kammaṃ ca -aṃ kujjā | sādhu kammaṃ viyāṇiyā ||3||

| kujjā taṃ tu puṇo puṇo /

se nikāyaṃ ca -aṃ kujjā, | sāhu bhojjo vi jāyati ||4||

rahasse khalu bho pāvaṃ kammaṃ samajjiṇittā davvao khettao ||*1||

kālao bhāvao kammao ajjhavasāyao sammaṃ apaliuncamāṇe ||*2||

jah' atthaṃ āloejjā. saṃjaeṇaṃ arahatā isiṇā buitaṃ. ||*3||

-avi atthi rasehiṃ bhaddaehiṃ | saṃvāseṇa ya bhaddaeṇa ya /

jattha mie kāṇaṇosite | uvaṇāmeti vahāe sanjae ||5||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*4||

|| saṃjaijjaṃ nām' ajjhayaṇaṃ. ||39||

I/40 ii dīvāyaṇijjam ajjhayaṇaṃ. /

iccham aṇicchaṃ purā karejjā. dīvāyaṇeṇa arahatā isiṇā ||*1||

buitaṃ. ||*2||

icchā bahuvidhā loe | jāe baddho kilissati /

tamhā iccham aṇicchāe | jiṇittā suham edhatī ||1||

icchā' bhibhūyā -a jāṇanti | mātaraṃ pitaraṃ guruṃ /

adhikkhivanti sādhū ya | rāyāṇo devayāṇi ya ||2||

icchā-mūlaṃ niyacchanti | dhaṇa-hāṇiṃ bandhaṇāṇi ya /

piya-vippaoge ya bahū | jammāiṃ maraṇāṇi ya ||3||

icchante-' icchate icchā, | aṇicchaṃ taṃ pi icchati /

tamhā iccham aṇicchāe | jiṇittā suham ehatī ||4||

davvao khettao kālao bhāvao jahā-thāmaṃ jahā-balaṃ jadhā- ||*3||

viriyaṃ anigūhanto āloejjāsi tti. ||*4||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*5||

|| ii dīvāyaṇijjam ajjhayaṇaṃ. ||40||

I/41 ii indaṇāgijj' ajjhayaṇaṃ. /

jesiṃ ājīvato appā | -arāṇaṃ bala-daṃsaṇaṃ /

tavaṃ te āmisaṃ kiccā | jaṇā saṃ-icate jaṇaṃ ||1||

vikītaṃ tesi sukaḍaṃ tu | taṃ ca -issāe jīviyaṃ /

kamma-ceṭhā ajātā vā | jāṇijjā mamakā saḍhā ||2||

gal' ucchinnā asote vā | macchā pāvanti veyaṇaṃ /

aṇāgatam apassantā | pacchā soyanti dummatī ||3||

macchā va jhīṇa-pāṇīyā | kankāṇaṃ ghāsam āgatā /

paccuppaṇṇa-rase giddhā | moha-malla-paṇolliyā ||4||

dittaṃ pāvanti ukkaṇṭhaṃ | vāri-majjhe va vāraṇā /

āhāra-metta-saṃbaddhā | kajjākajjaṇṇimillitā ||5||

pakkhiṇo ghata-kumbhe vā | avasā pāventi saṃkhayaṃ /

madhu pāsyati durbuddhī, | pavātaṃ se -a passati ||6||

āmis' atthī jhaso c' eva | maggate appaṇā galaṃ /

āmis' atthī carittaṃ tu | jīve hiṃsati dummatī ||7||

aṇaggheyaṃ maṇiṃ mottuṃ | sutta-mattā 'bhinandatī /

savvannu-sāsaṇaṃ mottuṃ | moh' ādiehiṃ hiṃsatī /

soa-matteṇa visaṃ gejjhaṃ | jāṇaṃ tatth' eva junjatī ||8||

ājīv' atthaṃ tavo mottuṃ | tappate vivihaṃ bahuṃ /

tava-nissāe jīvanto | tav' ājīvaṃ tu jīvatī ||9||

-āṇam evovajīvanto | carittaṃ karaṇaṃ tahā /

lingaṃ ca jīva-' aṭhāe | avisuddhaṃ ti jīvatī ||10||

vijjā-mantopadesehiṃ | dūtī-saṃpesaṇehiṃ vā /

bhāvī-bhavovadesehiṃ | avisuddhaṃ ti jīvati ||11||

mūla-kouya-kammehiṃ | bhāsā-paṇaiehi yā /

akkhāiovadesehiṃ | avisuddhaṃ tu jīvati ||12||

indaṇāgeṇa arahatā isiṇā buitaṃ. ||*1||

māse māse ya jo bālo | kus' aggeṇa āhārae /

-a se sukkhāya-dhammassa | agghatī satimaṃ kalaṃ ||13||

mā mamaṃ jāṇaū koyī | mā 'haṃ jāṇāmi kaṃci vi /

aṇṇāte-' attha aṇṇātaṃ | carejjā samudāṇiyaṃ ||14||

panca-vaṇīmaga-suddhaṃ | jo bhikkhaṃ esaṇāe esejjā /

tassa suladdhā lābhā | haṇa-' ādī-vippamukka-dosassa ||15||

jahā kavotā ya kavinjalā ya | gāvo carantī iha pātaḍāo /

evaṃ muṇī goyariyaṃ carejjā, | -o vīlave -o vi ya saṃjalejjā ||16||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*2||

|| ii indaṇāgijj' ajjhayaṇaṃ. ||41||

I/42 ii somijjaṃ -ām' ajjhayaṇaṃ. /

appeṇa bahum esejjā jeṭha-majjhima-kaṇṇasaṃ. ||*1||

-iravajje ṭhitassa tu -o kappati puṇar-avi sāvajjaṃ sevittae. ||*2||

someṇa arahatā isiṇā buitaṃ. ||*3||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*4||

|| ii somijjaṃ -ām' ajjhayaṇaṃ. ||42||

I/43 ii jamaṇṇāṃ' ajjhayaṇaṃ. /

lābhammi je -a sumaṇo | alābhe -' eva dummaṇo /

se hu seṭhe maṇussāṇaṃ | devāṇaṃ va sayakkaū ||1||

jameṇa arahatā isiṇā buitaṃ. ||*1||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*2||

|| ii jamaṇṇāṃ' ajjhayaṇaṃ. ||43||

I/44 ii varuṇaṇṇām' ajjhayaṇaṃ. /

dohiṃ angehiṃ uppīlantehiṃ ātā jassa -a uppīlati ||*1||

rāg' ange ya vidose ya se hu sammaṃ -iyacchatī. ||*2||

varuṇeṇaṃ arahatā isiṇā buitaṃ. ||*3||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*4||

|| ii varuṇaṇṇām' ajjhayaṇaṃ. ||44||

I/45 vesamaṇijjaṃ nāma ajjhayaṇaṃ. isibhāsiyāiṃ samattāiṃ. /

appaṃ ca āuṃ iha māṇavāṇaṃ | suciraṃ ca kālaṃ naraesu vāso /

savve ya kāmā -irayāṇa mūlaṃ | ko -āma kāmesu buho ramejjā? ||1||

pāvaṃ -a kujjā, -a haṇejja pāṇe | atīrase, -' eva rame kadāyī /

uccāvaehiṃ saya-' āsaṇehiṃ | vāyu vva jālaṃ samatikkamejjā ||2||

vesamaṇeṇaṃ arahatā isiṇā buitaṃ. ||*1||

je pumaṃ kurute pāvaṃ | -a tass' appā dhuvaṃ pio /

appaṇā hi kaḍaṃ kammaṃ | appaṇā c' eva bhujjatī ||3||

pāvaṃ parassa kuvvanto | hasate moha-mohito /

maccho galaṃ gasanto vā | viṇighāyaṃ -a passati ||4||

paccuppaṇṇa-rase giddho | moha-malla-paṇollito /

dittaṃ pāvati ukkaṇṭhaṃ | vāri-majjhe va vāraṇo ||5||

parovaghāta-talliccho | dappa-moha-bal' uddhuro /

sīho jaro dupāṇe vā | guṇa-dosaṃ -a vindatī ||6||

savaso pāvaṃ purā kiccā | dukkhaṃ vedeti dummatī /

āsatta-kaṇṭha-pāso vā | mukka-dhāro duh' aio ||7||

pāvaṃ je u pakuvvanti | jīvā sotāṇugāmiṇo /

vaḍḍhate pāvakaṃ tesiṃ | aṇaggāhissa vā aṇaṃ ||8||

aṇubaddham apassantā | paccuppaṇṇa-gavesakā /

te pacchā dukkham acchanti | gal' ucchittā jadhā jhasā ||9||

ātā-kaḍāṇa kammāṇaṃ | ātā bhunjati jaṃ phalaṃ /

tamhā āyassa aṭhāe | pāvam ādāya vajjae ||10||

je hutāsaṃ vivajjeti | jaṃ-visaṃ vā -a bhunjati /

jaṃ -aṃ geṇhati vā vālaṃ | -ūṇam atthi tato 'bhayaṃ ||11||

dhāvantaṃ sarasaṃ nīraṃ | sacchaṃ dāḍhiṃ singiṇaṃ /

dosa-bhīrū vivajjentī, | pāvam evaṃ vivajjae ||12||

pāva-kammodayaṃ pappa | dukkhato dukkha-bhāyaṇaṃ /

dosā dosodaī c' eva | pāva-kajjā pasūyati ||13||

uvvi-vārā jal' oh' antā | tetaṇīe matoṭhitaṃ /

jīvitaṃ vā vi jīvāṇaṃ, | jīvaṃ ti phala-mandiraṃ ||14||

dejjāhi jo marantassa | sāgar' antaṃ vasuṃdharaṃ /

jīviyaṃ vā vi jo dejjā, | jīvitaṃ tu sa icchatī ||15||

putta-dāraṃ dhaṇaṃ rajjaṃ | vijjā sippaṃ kalā guṇā /

jīvite sati jīvāṇaṃ | jīvitāya ratī ayaṃ ||16||

āhār' ādī tu jīvāṇaṃ | loe jīvāṇa dijjatī /

pāṇa-saṃdhāra-' aṭhāya | dukkhaṇṇiggahaṇā tahā ||17||

sattheṇa vaṇhiṇā vā vi | khate daḍḍhe va vedaṇā /

sae dehe jahā hoti | evaṃ savvesi dehiṇaṃ ||18||

pāṇī ya pāṇi-ghātaṃ ca | pāṇiṇaṃ ca piyā dayā /

savvam etaṃ vijāṇittā | pāṇi-ghātaṃ vivajjae ||19||

ahiṃsā savva-sattāṇaṃ | sadā -ivveyakārikā /

ahiṃsā savva-sattesu | paraṃ bambham aṇindiyaṃ ||20||

dev' indā dāṇav' indā ya | -ar' indā je vi vissutā /

savva-satta-dayo' vetaṃ | mu-' īsaṃ paṇamanti te ||21||

tamhā pāṇa-day' aṭhāe | tella-patta-dharo jadhā /

egaggayamaṇībhūto | day' atthī vihare munī ||22||

āṇaṃ ji-' inda-bhaṇitaṃ | savva-sattāṇugāmiṇiṃ /

sama-cittā 'bhiṇandittā | muccantī savva-bandhaṇā ||23||

vīta-mohassa dantassa | dhīmantassa bhāsitaṃ jae /

je -arā -ābhiṇandanti | te dhuvaṃ dukkha-bhāyiṇo ||24||

je 'bhiṇandanti bhāveṇa | ji-' āṇaṃ, tesi savvadhā /

kallāṇāiṃ suhāiṃ ca | riddhīo ya -a dullahā ||25||

maṇaṃ tadhā rammamāṇaṃ | -āṇā-bhāva-guṇodayaṃ /

phullaṃ va paumiṇī-saṇḍaṃ | sutitthaṃ gāha-vajjitaṃ ||26||

rammaṃ mantaṃ ji-' indāṇaṃ | -āṇā-bhāva-guṇodayaṃ /

kass' eyaṃ -a ppiyaṃ hojjā | icchiyaṃ va rasāyaṇaṃ? ||27||

naṇhāto va saraṃ rammaṃ | vāhito vā ruyāharaṃ /

chuhito va jahāhāraṃ | raṇe mūḍho va bandiyaṃ ||28||

vaṇhiṃ sīt' āhato vā vi | -ivāyaṃ vā 'il' āhato /

tātāraṃ vā bha' uvviggo | a-' atto vā dha-' āgamaṃ ||29||

gambhīraṃ savvatobhaddaṃ | hetu-bhangaṇṇay' ujjalaṃ /

saraṇaṃ payato maṇṇe | ji-' inda-vayaṇaṃ tahā ||30||

sāradaṃ va jalaṃ suddhaṃ | puṇṇaṃ vā sasi-maṇḍalaṃ /

jacca-maṇiṃ aghaaṃ vā | thiraṃ vā metiṇī-talaṃ ||31||

sābhāviya-guṇovetaṃ | bhāsate jiṇa-sāsaṇaṃ /

sasī-tārā-paḍicchaṇṇaṃ | sāradaṃ vā -abh' angaṇaṃ ||32||

savvaṇṇu-sāsaṇaṃ pappa | viṇṇāṇaṃ paviyambhate /

himavantaṃ giriṃ pappā | tarūṇaṃ cāru v' āgamo ||33||

sattaṃ buddhī matī medhā | gambhīrattaṃ ca vaḍḍhatī /

osadhaṃ vā su-y-akkantaṃ | jujjae bala-vīriyaṃ ||34||

payaṇḍassa -arindassa | kantāre desiyassa ya /

ārogga-kāraṇo c' eva | āṇā-koho duh' āvaho ||35||

sāsaṇaṃ jaṃ -arindāo | kantāre je ya desagā /

rog' ugghāto ya vejjāto | savvam etaṃ hie hiyaṃ ||36||

āṇā-kovo ji-' indassa | saraṇṇassa jutīmato /

saṃsāre dukkha-saṃbāhe | duttāro savva-dehiṇaṃ ||37||

telokka-sāra-garuyaṃ | dhīmato bhāsitaṃ imaṃ /

sammaṃ kāeṇa phāsettā | puṇo -a virame tato ||38||

baddha-cindho jadhā jodho | vamm' ārūḍho thir' āyudho /

sīhaṇṇāyaṃ vimucittā | palāyanto -a sobhatī ||39||

agandhaṇe kule jāto | jadhā -āgo mahā-viso /

muncittā sa-visaṃ bhūto | piyanto jāti lāghavaṃ ||40||

jadhā ruppi-kul' ubbhūto | ramaṇijjaṃ pi bhoyaṇaṃ /

vantaṃ puṇo sa bhunjanto | dhid-dhi-kārassa bhāyaṇaṃ ||41||

evaṃ ji-' indaṇāṇāe | sall' uddharaṇam eva ya /

-iggamo ya palittāo | suhio, suham eva taṃ ||42||

indāsaṇī -a taṃ kujjā, | ditto vaṇhī, aṇaṃ, arī /

āsādijjanta-saṃbandho | jaṃ kujjā riddhi-gāravo ||43||

sagāhaṃ sara-buddhaṃ | visaṃ vām' aṇujojitaṃ /

sāmisaṃ vā -adī-soyaṃ | sātā-kammaṃ duhaṃkaraṃ ||44||

kosīkite vv' asī tikkho | bhāsa-cchaṇṇo va pāvao /

linga-vesa-palicchaṇṇo | ajiy' appā tahā pumaṃ ||45||

kāmā musā-muhī tikkhā, | sātā-kāmmāṇusāriṇī /

taṇhā 'sātaṃ ca, sigghaṃ ca | taṇhā chindati dehiṇaṃ ||46||

sadevoraga-gandhavvaṃ | satirikkhaṃ samāṇusaṃ /

vattaṃ tehiṃ jagaṃ kicchaṃ | taṇhā-pāsaṇṇibandhaṇaṃ ||47||

akkhovango, vaṇe levo, | tāvaṇaṃ jaṃ jaussa ya /

-āmaṇam usuṇo jaṃ ca | juttito kajja-kāraṇaṃ ||48||

āhār' ādī-paḍīkāro | savvaṇṇu-vaya-' āhito /

appāhu tivva-vaṇhissa | saṃjam' aṭhāe saṃjamo ||49||

hemaṃ vā āyasaṃ vā vi | bandhaṇaṃ dukkha-kāraṇaṃ /

maha' gghassāvi daṇḍassa | -ivāe dukkha-saṃpadā ||50||

āsajjamāṇe divvammi | dhīmatā kajja-kāraṇaṃ /

kattāre abhicārittā | viṇīyaṃ deha-dhāraṇaṃ ||51||

sāgareṇāvaṇi-joko, | āturo vā turaṃgame /

bhoyaṇaṃ bhijjaehiṃ vā | jāṇejjā deha-rakkhaṇaṃ ||52||

jātaṃ jātaṃ tu viriyaṃ | sammaṃ jujjejja saṃjame /

pupph' ādīhi pupphāṇaṃ | rakkhanto ādi-kāraṇaṃ ||53||

evaṃ se siddhe buddhe ... -o puṇar-avi icc-atthaṃ havvam āgacchati tti bemi. ||*2||

|| vesamaṇijjaṃ nāma ajjhayaṇaṃ. isibhāsiyāiṃ samattāiṃ. ||45||